<a href="https://kyzylorda-news.kz/">Kyzylorda-news.kz</a> Соңғы 2 жылда мемлекет тарапынан жасалып жатқан қолдаудың арқасында облысымыздың тұрғын үй құрылысының өсу қарқыны рекордтық көрсеткішке жетіп отыр.Атап айтқанда, 2022-2023 жылдары 4 мыңға жуық пәтер табысталып, 17 мың тұрғынның баспана мәселесі шешілген болса, 2024 жылы бюджет есебінен және жеке салушылардан дайын пәтерлер сатып алуға 40,3 млрд. теңгеге 2 500-ден астам пәтер табысталып, 10 мыңнан аса тұрғын баспаналы болды (кредиттік-504, әлеуметтік осал таптарға-1948 апатты деп танылған азаматтарға-121)Нәтижесінде облысымыз халықтың әлеуметтік осал топтарына тұрғын үй сатып алу көрсеткіші бойынша Республикада 2-ші орынға шықты. (1-ші Түркістан облысы 2086 пәтер)2024 жылы Тұрғын үй-коммуналдық инфрақұрылымды дамытудың 2023 – 2029 жылдарға арналған тұжырымдамасы аясында тұрғын үй құрылысына және пәтер сатып алуға 40,3 млрд.теңге қаржы бөлінді.Бөлінген қаржыға 904 пәтерді құрайтын 16 кредиттік тұрғын үйдің құрылысы жүргізілді.Оның ішінде, Сырдария өзенінің сол жағалауында 7-қабатты 84-пәтерлі 6 тұрғын үй пайдалануға берілді, №2 тұрғын ауданында 5-қабатты 40-пәтерлі 10 тұрғын үйдің құрылысы 2025 жылға өтпелі.Сонымен бірге, тұрғын үй кезегінде тұрған азаматтарды баспанамен қамтамасыз ету мақсатында халықтың әлеуметтік жағынан осал топтары үшін 1 948 пәтер &nbsp;сатып алынды.Оның ішінде: Қызылорда қаласында 933 пәтер, ал аудандарда 1015 пәтер (Арал – 150, Қазалы – 148, Қармақшы – 156, Жалағаш – 111, Сырдария – 148, Шиелі – 178, Жаңақорған ауданында – 124 пәтер).&nbsp; &nbsp;Қызылорда қаласында жалғыз баспанасы апатты деп танылған азаматтарға 121 пәтер сатып алынды.Бүгінгі күні облыс бойынша тұрғын үй кезегіне 36 234 азамат тіркеліп отыр. Оның ішінде Қызылорда қаласы бойынша 25 825 азамат тіркелген.&nbsp;2024 жылдың қорытындысымен қаңтар-желтоқсан айларында қаржыландырудың барлық көздері есебінен 866,8 мың шаршы метр тұрғын үй пайдалануға беріліп, өткен жылдың сәйкес кезеңіне 116,9% құрады.2025 жылы Тұрғын үй-коммуналдық инфрақұрылымды дамытудың 2023 – 2029 жылдарға арналған тұжырымдамасы аясында тұрғын үй құрылысына және сатып алуға 7,7 млрд.теңге қаржы бөлінген.Облыстық бюджеттен бөлінген 3,9 млрд. теңгенің 2,2 млрд.теңгесіне 650 пәтерді құрайтын 15 тұрғын үйдің құрылысы жүргізілетін болады.Оның ішінде:Сатып алу құқығынсыз жалға берілетін тұрғын үйлер құрылысы бойынша Байқоңыр қаласындағы 50-пәтерлі &nbsp; &nbsp; &nbsp; &nbsp; &nbsp; &nbsp; &nbsp; 5 тұрғын үйдің құрылысын аяқтап, пайдалануға беру.Кредиттік тұрғын үй құрылысы бойынша Сырдария өзенінің сол жағалауында 5-қабатты 40-пәтерлі 10 тұрғын үйдің құрылысын аяқтап, пайдалануға беру көзделуде.Қалған 1,7 млрд.теңгеге Қызылорда қаласында жалғыз баспанасы апатты деп танылған азаматтарға 135 пәтер сатып алынатын болады.Ал, республикалық бюджеттен бөлінген 3,8 млрд.теңгеге тұрғын үй кезегінде тұрған азаматтарды баспанамен қамтамасыз ету мақсатында халықтың әлеуметтік жағынан осал топтары үшін &nbsp;292 пәтер сатып алынатын болады.&nbsp;Б.ЖахановОблыс әкімінің орынбасары

Сыр өңірінде өткен жылы 10 мыңнан аса тұрғын баспаналы болды

<a href="https://kyzylorda-news.kz/">Kyzylorda-news.kz</a> &nbsp;Қызылордада 20 қаңтардан бастап №3 қалалық халыққа қызмет көрсету орталығы жаңа ғимаратқа көшеді. Бұл туралы «Азаматтарға арналған үкімет» Мемлекеттік корпорациясының» Қызылорда облысы бойынша филиалы хабарлады.Жаңа орталық Ұзақбай Қараманов көшесі, 96 мекенжайы бойынша өз жұмысын жалғастырады. Айта кету керек, бұрын бұл орталық Ақмешіт м/а 1Б мекенжайында орналасқан.Жаңа ғимарат азаматтар үшін ыңғайлы жерде орналасқан. Кеңейтілген қызмет көрсету аймағы заманауи қызмет көрсету стандарттарына сай жабдықталған.Еске салайық, №3 ХҚКО бөлімі сағат 09.00-ден 18.00-ге дейін жұмыс істейді. Орталықта мемлекеттік қызметтердің барлық түрі, соның ішінде жеке құжаттарды рәсімдеу, жылжымайтын мүлікті тіркеу, әлеуметтік және зейнетақы мәселелері бойынша қызмет көрсетіледі.Фото: ХҚКО

№3 халыққа қызмет көрсету орталығы жаңа ғимаратқа көшеді

<a href="https://kyzylorda-news.kz/">Kyzylorda-news.kz</a> Енді мамандандырылған халыққа қызмет көрсету орталығында өткізілетін теориялық және тәжірибелік емтиханға тек «ХҚКО» қосымшасы арқылы ғана жазылуға болады. Бұл жаңашылдық азаматтарға ыңғайы болу үшін және сыйбайлас жемқорлық тәуекелдерін азайтуға бағытталған.Қауіпсіздікті қамтамасыз ету мақсатында «ХҚКО» қосымшасының барлық қолданушысы екі факторлы аутентификациядан өтеді: алдымен – биометриялық идентификация, сосын 1414 нөмірінен келіп түскен SMS-коды арқылы өзінің жеке басын растайды. Одан кейін жүргізуші куәлігіне үміткер «Теориялық емтиханға жазылу» немесе «Тәжірибелік емтиханға жазылу» батырмасын таңдайды. Бұдан соң қызмет алушыға 1414 нөмірінен хабарлама келіп түседі. Айта кету керек, SMS хабарлама Мобильді азаматтар базасына тіркелген телефон нөміріне жіберіледі. Қосымша арқылы емтиханға жазылу үшін алдын ала мамандандырылған халыққа қызмет көрсету орталығына жүгініп, өтінім нөмірін алу қажет екенін ескертеміз.Бұл сервис емтихан уақыты мен емтихан тапсыру кестесіндегі өзгерістер туралы пайдаланушыларға хабарлап отырады. Бұл ақпаратты ыңғайлы түрде және дер кезінде алу мүмкіндігін едәуір арттырады.Еске салайық, емтиханға жазылу бұрын booking.gov4c.kz сайтында жүзеге асырылатын, алайда «ХҚКО» мобильді қосымшасы арқылы қызметті кеңейтілген ауқымда алу үшін сайттағы брондау функциясы өшіріледі. Десек те, сайт пайдаланушыларға емтихан тапсыру сәтінің трансляциясын онлайн режимде көрсету үшін өз жұмысын жалғастыра береді.Аталған қосымша ХҚКО-ға бару уақытын брондауға, электронды кезек үшін талон алуға, қызықтырған халыққа қызмет көрсету орталығының орналасқан мекенжайын табу және өзекті сұрақтармен танысуға мүмкіндік береді.Айта кету керек, «ХҚКО» қосымшасын Google Play және App Store арқылы жазып алуға болады.<img src="https://knadmin.beoblood.kz/uploads/Foto_Aslan_Sa_yndy_4a773a5172.webp" alt="Фото Аслан Сағындық.webp">

Жүргізуші куәлігі: Емтиханға жазылу енді тек «ХҚКО» қосымшасы арқылы мүмкін

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалының төрағасы Алмасбек Есмаханов бұқаралық ақпарат құралдарының өкілдеріне өткен жылы партия филиалымен атқарылған жұмыстар мен алдағы жоспарлар бойынша баспасөз конференциясын өткізді.Жалпы, партияның халық алдындағы ең басты міндеті – Сайлауалды бағдарламасының мүлтіксіз орындалуы. Есепті мерзімде өңірде Сайлауалды бағдарлама 91,4 пайызға жүзеге асқан. Яғни, Жол картада жоспарланған 116 іс-шараның 106 орындалып, 6-ы жұмыс барысында.Атқарылған жұмыстардың бірқатарына тоқталып өтсем, 2024 жылға елді мекендерді газбен қамтамасыз ету деңгейін 74% жеткізу жоспарланған болатын. Алайда жергілікті әкімдікпен бірлескен жұмыстар нәтижесінде өңірде 15 елді мекен көгілдір отынға қосылып, елді мекендерді газбен қамтамасыз ету деңгейі 78% жетті. 866,8 мың шаршы метр тұрғын үй пайдалануға берілді. Соның ішінде Қызылорда қаласында жалғыз баспанасы апатты деп танылған азаматтарға 123 пәтер тапсырылды.Спорт саласы бойынша 4 нысан пайдалануға берілді. Халықты спорттық инфрақұрылыммен қамтамасыз ету қарқыны өсіп, 1000 адамға шаққанда 46,2%-ға жеткізілді.Білім саласында «Жайлы мектеп» ұлттық жобасы бойынша 6 900 орындық 10 мектептің құрылысы жүргізілді. Оның ішінде Қызылорда қаласы Сырдария өзенінің сол жағалауындағы 900 орындық, КБИ мөлтек ауданындағы 600 орындық мектеп және Жаңақорған ауданының Жаңарық ауылында және Арал қаласында 300 орындық 2 жайлы мектеп табысталды. Сонымен қатар Арал ауданы Тоқабай ауылындағы №248, Шиелі ауданы Шиелі кенті №252 және Жансейіт ауылындағы №133 апатты мектептердің мәселесі шешілді.Денсаулық сақтау саласы бойынша Облыстық қан орталығы, ауылдық елді мекендерде 9 дәрігерлік амбулатория және 2 фельдшерлік-акушерлік бекет пен Арал ауданы Сексеуіл кентінде 40 төсек орынға арналған ауылдық аурухана ел игілігіне табыс етілді. Бұл жұмыстар биыл да жоспарға сәйкес жүргізілетін болады»,- деді Алмасбек Есмаханов.Сондай-ақ, есепті мерзімде өңірде 1 аудан, 38 ауылда әкімдер сайлауы өтіп, онда «AMANAT» партиясынан ұсынылған 38 үміткер жеңіске жеткен.Партиялық бақылау комиссияларының аймақтық және аумақтық деңгейлерде 117 отырысы өтіп, оларда көтерілген 543 ұсыныстың 398-і орындалған. Жол картасында көрсетілген 76 нысанға партиялық бақылау бекеттері орнатылып, бүгінгі күні 60-ы пайдалануға берілген. Партиялық бақылау комиссияларынан бөлек барлық деңгейдегі мәслихаттардағы фракциялардың жұмысы жаңа жолға қойылған. Есепті кезеңде мәслихаттардағы фракциялардың 60 отырысы өткізіліп, фракция мүшелерімен тиісті органдарға 768 депутаттық сауал жолданған.Сонымен бірге түрлі мәселелер бойынша нақты практикалық шешімдерді әзірлейтін диалог алаңдарына айналған партия жанындағы Кеңестердің 155 отырысы өтіп, оларда қаралған 302 мәселе бойынша 783 ұсыныс тиісті органдарға жолданған.Қоғамдық қабылдау бөлмелеріне 6904 арыз-өтініш түсіп, олардың 5141 (77,4%) оң шешілген. 1 763 өтініш бойынша заңнамалық түсіндірмелер мен құқықтық кеңестер берілген.Брифинг барасында партия филиалының төрағасы Мобильді қабылдау жұмыстары бойынша да атап өтті.<blockquote>«Партия үшін әрбір азаматтың өтініші маңызды. Осы орайда шалғай елді мекендер тұрғындарының өзекті мәселелерін оңтайлы шешу үшін өткен жылы 14 елді мекенде мобильді қабылдау өткізу жоспарланған болатын. 14 ауылда өткен мобильді қабылдаулар барысында 189 мәселе қаралып, 89-ы оң шешілді (47%) 49 мәселе бойынша нақты кеңес берілсе, 51 мәселе бойынша жұмыс жасалып жатыр»,- деді Алмасбек Есмаханов.</blockquote>Есепті кезеңде партия филиалымен атқарылған жұмыстар бойынша бұқаралық ақпарат құралдарында 6030, әлеуметтік желілерде 21 194 материал жарияланған.<img src="https://knadmin.beoblood.kz/uploads/Partiya_filialyny_t_ra_asy_2024_zhyly_at_aryl_an_zh_mystar_bojynsha_baspas_z_m_slihatyn_tkizdi_1_e7602db44f.jpg" alt="Партия филиалының төрағасы 2024 жылы атқарылған жұмыстар бойынша баспасөз мәслихатын өткізді 1.jpg"><img src="https://knadmin.beoblood.kz/uploads/Partiya_filialyny_t_ra_asy_2024_zhyly_at_aryl_an_zh_mystar_bojynsha_baspas_z_m_slihatyn_tkizdi_2_3b069818c3.jpg" alt="Партия филиалының төрағасы 2024 жылы атқарылған жұмыстар бойынша баспасөз мәслихатын өткізді 2.jpg">

Партия филиалының төрағасы 2024 жылы атқарылған жұмыстар бойынша баспасөз мәслихатын өткізді

<a href="https://kyzylorda-news.kz/">Kyzylorda-news.kz</a> Қызылорда облысы бақылау жөніндегі басқармасының ұйытқы болуымен 2024 жылы бірқатар нәтижелі жұмыстар атқарылды. 34 жоспардан тыс тексеру жүргізіліп, нәтижесінде анықталған заң бұзушылықтарды жою жөнінде 19 нұсқама берілді. Оның 16-ы орындалса, біреуі орындалу сатысында. Қалған екеуі сотпен қаралуда. Жүргізілген тексерулер нәтижесімен сәулет-құрылыс бақылау саласындағы заңнама талаптарын бұзған тұлғаларға қатысты әкімшілік құқық бұзушылық туралы іс қозғалып, тиісті шаралар қаралған. Бұл туралы аймақтың бас ақпарат алаңы өңірлік коммуникациялар қызметі басқарма басшысының міндетін атқарушы Марат Мырзабеков мәлімдеді.<blockquote>- 2024 жылы жеке және заңды тұлғалардан 630 өтініш түсіп, оның 85-і қарау реттілігімен басқа органға жолданса, қалған 545-і заңнама талаптарына сәйкес тиісті шаралар қабылданып жауаптар берілген. Жалпы өтініштерді қарау тәртібі мен мерзімдерін бұзу деректері орын алған жоқ. Мемлекеттік бюджет және жеке инвестициялар есебінен салынатын нысандарда құрылыс-монтаждау жұмыстарының басталғаны туралы түскен 3056 хабарламаның заңдылығы тексеріліп, оның 1805-і тізілімге енгізілсе, 1251 хабарлама заңнама талаптарына сәйкес рәсімделмеуі себепті кері қайтарылды. Сондай-ақ, 2757 объектіні пайдалануға қабылдау туралы актінің 1338-не оң қорытынды берілсе, 1419 актіге теріс қорытынды берілді. Сол сияқты, 70 аккредиттелген техникалық қадағалау ұйымдарынан “Е-Qurylys” жүйесіне 4135 айлық есептері түсіп, оның 2983-і қабылданса, 1152-і ескертпемен қабылданды,- деді Марат Салқадинұлы.</blockquote><img class="image_resized" style="width:100%;" src="https://knadmin.beoblood.kz/uploads/Brifing_rylys_ed4f9be585.jpg" alt="Брифинг құрылыс.jpg">Фото: Нұрболат Нұржаубай

Құрылыс нысандарының сапасы бақылауда

<a href="https://kyzylorda-news.kz/">Kyzylorda-news.kz</a> ҚР Президенті Әкімшілігі Басшысының бірінші орынбасары Дархан Сатыбалдының төрағалығымен өткен мәжілісте «Жайлы мектеп» ұлттық жобасының, «Таза Қазақстан» республикалық экологиялық бағдарламасының іске асу барысы талқыланды.«Жайлы мектеп» ұлттық жобасымен облыста 12 300 орынға арналған 21 мектеп салу және оның 6 900 орындық 10 мектебін 2024 жылы пайдалануға беру жоспарланған.2023 жылы жайлы мектептер құрылысына 19,6 млрд. теңге қаржы бөлініп, «Самұрық - Қазына Констракшн» акционерлік қоғамының шотына аударылды. 2024 жылға жоспарланған 21,3 млрд. теңге игерілді. Қызылорда облысының әкімдігі мектептерге инфрақұрылым жеткізудің жоба-сметалық құжаттарын әзірлеуге жергілікті бюджеттен 118,4 млн. теңге бөліп, сараптаманың оң қорытындысы алынды.Одан әрі жергілікті бюджеттен 1,7 млрд. теңге қаржы бөлініп, бүгінде 10 мектептің инфрақұрылым жұмыстары толық аяқталды. Іргелес аумақтарын абаттандыру, жол салу үшін жергілікті бюджеттен 2 млрд 80 млн теңге бөлінді. Мердігерлер анықталып, жұмыс жүргізілуде.Өткен жылдың қазан айында республикада алғашқылардың бірі болып Қызылорда қаласындағы Сырдария өзенінің сол жағалауынан 900 орындық мектеп ел игілігіне табысталды. Қаңтар айының басында тағы 2 мектеп пайдалануға берілді. Бүгін Қызылорда қаласы КБИ мөлтек ауданындағы 600 орындық мектеп ашылды. Жақын күндері Жаңақорған кенті Саяжай мөлтек ауданындағы600 орындық мектеп пайдалануға беріледі. Қалған 5 мектептің құрылысы осы жылы бітеді.«Таза Қазақстан» республикалық экологиялық бағдарламасының өңірлік жоспары жасалып, ол бойынша кешенді жұмыс жүргізілуде. Демеушілік есебінен Қызылорда қаласындағы 28 ескі көпқабатты тұрғын үйдің қасбеті заманауи панельмен қапталды, 20 көпқабатты тұрғын үйдің аулалары абаттандырылды.Қызылорда қаласындағы орталық алаңды қайта жаңғыртуға демеушілік есебінен 1 млрд. теңге және облыстық бюджеттен 1 млрд. теңге қаралды. Теміржол вокзалының ғимараты мен перроны күрделі жөндеуден өткізілді. Балалардың игілігі үшін 80 ойын және спорт алаңы салынды. Жаңақорған ауданында демалыс паркі, Сырдария ауданының Нағи Ілиясов ауылында «Еңбекшілер паркі» ашылды, Қармақшы ауданының Жаңажол ауылында орталық алаң және Жалағаш ауданының Таң ауылында көшелер абаттандырылып жарықтандырылды.Облыстық бюджеттен қаралған қаражатқа 17 көпқабатты тұрғын үй аулалары, 14 спорт, ойын алаңы салынып, 7 ойын алаңы жөнделді. Демеушілер есебінен 63 көпқабатты тұрғын үй мен 2 әлеуметтік нысанның қасбеті заманауи үлгіде әрленуде. Аудандарда да көшелер абаттандырылып, ойын алаңдары мен скверлер салынуда.Облыс орталығынан бастап барлық елді мекендегі мекеме ғимараттары, аулалар, ойын алаңдары, аялдамалар, жарық бағаналары бекітілген бірыңғай архитектуралық талапқа сәйкестендірілді.Өңірде жыл сайын «Үлгілі елді мекен» конкурсы өткізілуде. Бүгінге дейін 1,5 млрд. теңге бөлініп, үздік атанған елді мекендерге күнделікті тұрмысқа қажетті 48 арнайы техника табысталды. Биыл 564,4 млн. теңге бөлініп, 19 коммуналдық техника сатып алынады. Өткен жылы коммуналдық сала және абаттандыру мекемелері 73 техникамен, жыл соңына дейін тағы да 33 арнайы техникамен жарақталды.Облыс орталығында және барлық ауданда «Үздік аула» конкурсы дәстүрлі түрде жыл сайын өткізілуде.Фото: Қызылорда облысы әкімінің баспасөз қызметі

"Жайлы мектеп" жобасы мен "Таза Қазақстан" бағдарламасын іске асыру жұмыстарын талқылады

<a href="https://kyzylorda-news.kz/">Kyzylorda-news.kz</a> Орталық коммуникациялар қызметінде ӨКҚ-ның өткен жылғы қорытынды жұмысы сараланып, 2025 жылға арналған міндеттер айтылуда.Әр облыстан келген өкілдердің қатысуымен “Медиақұрылымдағы жұмыс әдістемелеріне үйрету және біліктілікті арттыру" тақырыбында семинар өтіп жатыр.Жалпы жыл қорытындысы бойынша рейтингте Қызылорда облысы үздіктер қатарынан көрінді.Екі күнге жоспарланған жиында әр өңірдің қызметкерлері жұмыстарын қорытындылап, алдағы мақсат-міндеттерін жеткізуге мүмкіндік алды.Жиынның алғашқы күні жыл бойы атқарылған жүйелі жұмыстар қорытындыланды.ҚР Президенті жанындағы Орталық коммуникациялар қызметінің директоры А.Омаров өңірлердегі орталықтардың 2024 жылы атқарған жұмысына тоқталып, тапсырмалардың орындалу барысын талқылады.Фото: Өңірлік коммуникациялар қызметі

Қызылорда – үздіктер қатарында

<a href="https://kyzylorda-news.kz/">Kyzylorda-news.kz</a> Қызылорда қаласындағы «Мұз айдыны» спорт кешені 2013 жылдан бері спорттың түрлі бағыты бойынша спорт сүйер қауымға сапалы қызмет көрсетуде. Орталықта ойын залы, грек-рим күресі, көркем гимнастика, мұз алаңы, жаттықтырушы-оқытушылар бөлмесі, сонымен бірге спорттық билерге арналған хореографиялық сынып қарастырылған.Қазіргі таңда грек-рим күресінде – 6 жаттықтырушы, 88 спортшы, грепплингте – 1 жаттықтырушы, 6 спортшы, панкратион спорт түрінде – 1 жаттықтырушы, 7 спортшы, қоян-қолтық ұрысында – 1 жаттықтырушы, 6 спортшы, көркем гимнастикада - &nbsp;4 жаттықтырушы, 121 спортшы, баскетболда – 4 жаттықтырушы, 128 спортшы, волейболда – 4 жаттықтырушы, 132 спортшы, шорт-тректе – 2 жаттықтырушы, 46 бала, &nbsp;шайболы хоккейде – &nbsp;2 жаттықтырушы, 76 бала, &nbsp;мәнерлеп сырғанауда &nbsp;- &nbsp; 1 жаттықтырушы, 31 бала қамтылған. Аталған спорттық үйірмелер спортшыларға ақысыз түрде қызмет көрсетеді.&nbsp;Спортшыларға көрсетілген үлкен мүмкіндіктердің арқасында Сыр саңлақтары жоғары жетістіктерге қол жеткізіп, &nbsp;аймақ абыройын әлемдік ареналарда қорғап жүр. Сонымен қатар, аталмыш спорт кешенінде мүмкіндігі шектеулі балалардың мұз алаңында еркін сырғанауына мүмкіндік қарастырылған. 2024 жылы «Мұз айдыны» спорт кешенінде 40 спорттық іс-шара өткізіліп, оған 5 610 спортшы қатысты.Бүгінде «Мұз айдыны» спорт кешенінің бірқатар аумағына күрделі жөндеу жұмыстары жүргізіліп, қайта жаңғыртылуда. Атап айтсақ, орталықтың қосалқы кіреберіс аумағы кеңейтіліп, соңғы үлгіде жабдықталды. Сонымен қатар, орталықтың шатыр бөлігі толықтай ауыстырылуда. Бұдан бөлек, жаппай сырғанауға арналған &nbsp;300 дана коньки жаңартылып, қауіпсіздікті сақтау мақсатында 51 дана бейнебақылау камерасы орнатылды. Осы жылы ғимараттың сыртқы келбетіне заманауи түнгі жарық орнату жұмыстары қолға алынбақ.<img src="https://knadmin.beoblood.kz/uploads/K_rkem_gimnastika_92efaed164.jpg" alt="Көркем гимнастика.jpg">Фото: Қызылорда облысының дене шынықтыру, спорт және туризм басқармасы

Мұз айдыны спорт кешені – мол мүмкіндік алаңы

<a href="https://kyzylorda-news.kz/">Kyzylorda-news.kz</a> Соңғы жылдары Сыр елі құрылыс алаңына айналды. Зәулім үйлер, &nbsp;шағын аудандардың көбеюі тұрғын үй кезегінің көбесін сөгіп, жаңа серпін әкелді.&nbsp;Тіпті, жыл он екі ай бойы сырбойылықтардың қоныс тойына куә болып та жүрміз. Ал, бұл екпіннің елге тұрмыстық түлеу ғана емес, үлкен сәулет салтанатын әкелгенін де айтуға тиіспіз.Бұл жағдай 17 мың адамның баспана мәселесін шешуге ықпалын тигізді. Демек, тұрғын үй құрылысын қарқынды жүргізуде көшбасшы өңірде алдағы уақытта да еңбек еселене түспек.&nbsp;Бұл мемлекет басшысы Жолдауында &nbsp;айтылған әрбір адамды 30 шаршы метр баспанамен қамтамасыз ету жоспарын ойдағыдай жүзеге асырудың айқын бағдары деп білеміз.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Куаныш Сейтханов &nbsp; “Дорстрой” ЖШС инженері<img src="https://knadmin.beoblood.kz/uploads/Whats_App_Image_2025_01_16_at_11_27_52_d444effb17.jpeg" alt="WhatsApp Image 2025-01-16 at 11.27.52.jpeg"><img src="https://knadmin.beoblood.kz/uploads/Whats_App_Image_2025_01_16_at_11_27_53_3ce10061c3.jpeg" alt="WhatsApp Image 2025-01-16 at 11.27.53.jpeg">Фото: автордан

Қызылорда – қарқынды құрылыс алаңы

<a href="https://kyzylorda-news.kz/">Kyzylorda-news.kz</a> Жастардың, тіпті егде жастағы адамдардың қылмыстық схемаларға тартылып, делдал, яғни дроппер болу жағдайлары жиі кездеседі. Кейде бұл олардың өз еркімен жасалса, кейде сенгіштік пен аңғалдықтың салдарынан орын алады.Fingramota.kz-тің жаңа материалында дроппер болмаудың жолдарын қарастырып, жақындарыңызды қалай қорғауға болатынын талдаймыз.Дропперлер – ақшаны шоттардан алаяқтық жолмен шығару схемасына қатысатын жалған адамдар. Олардың атына шоттар, карталар немесе электрондық әмияндар ашылып, сол арқылы қылмыстық жолмен алынған қаражат аударылады. Әдетте, дропперлер аударымдар немесе ақшаны қолма-қол ақшаға айналдырғаны үшін сыйақы алады, бірақ олар қылмыскерлерге көмектесіп жатқанын түсінбеуі де мүмкін.Егер кімнің жиі дроппер болатыны туралы айтатын болсақ, онда бұл: мектеп оқушылары мен студенттер, қолайсыз отбасылардан шыққан адамдар, зейнеткерлер, мұқтаж азаматтар және алаяқтардың әрекетінен зардап шеккен адамдар. Қаскүнемдер азаматтардың бұл санаттары күшін, уақытын жұмсамай, тез ақша табуға мүдделі екенін, бірақ салдары туралы ойланбайтынын пайдаланады.Еріксіз дропперБарлық дроппер алаяқтарға көмектесіп жатқанын білмеуі де мүмкін екенін айта кету қажет. Кейде алаяқтар ақшаны бейқам адамның шотына әдейі аударады, содан кейін «қате аударым» туралы хабарлап, ақшаны қайтаруын, бірақ басқа – жалған шотқа аударуын сұрайды. Мұндайда қаскүнемдер айла-шарғының барлық мүмкіндігін пайдаланады.Олар жалдау ақысы, дәрі-дәрмек, емдеу немесе баланың оқуы сияқты төлемдерге арналған соңғы ақшаны қате жібергендерін айтып, аяушылық тудыруы мүмкін. Олар тіпті заңсыз баю фактісі бойынша сотқа жүгінеміз деп қорқытуы да мүмкін. Бірақ көбіне олар әлеуетті серіктесіне «алаңдатқаны үшін» қаражаттың бір бөлігін өзіне қалдыруын, ал қалғанын көрсетілген шотқа аударуын сұрайды.Бұл қауіпті, себебі қылмыстық тергеу кезінде полицияға сіздің қылмыстық схеманың қатысушысы екеніңізді дәлелдеу өте қиын болады.Маңызды: өзіңізді қылмыстық схемалардан қорғау үшін қаражатты қайтару бойынша барлық операцияны мобильді қосымшада немесе өтінім бойынша тек банк арқылы жүргізіңіз. Содан кейін ғана қаражат үшінші тұлғалардың шоттарына емес, жөнелтушіге қайта түседі. Мұндай схемаға қатысудағы қауіптілік қандай?ҚР Бас прокуратурасы мынадай нақты жағдайды мысалға келтірді: азаматша Т. 2024 жылы дропперлерден 20 млн теңгеден астам соманы өндіріп алу бойынша сотты жеңіп шықты. Алаяқтар алдап соққан жәбірленуші төрт қазақстандықтың шоттары мен карталарына ақша аударғаны белгілі болды. Олар қылмыстық схемаға қатысқандарын білмеген, бірақ соған қарамастан белгісіз адамдарға қаражатты аударып жіберген.«Дропперлер ақша түсу негіздерін анықтау үшін шаралар қабылдамағанын және оларды басқа адамдарға аударғанын ескере отырып, сот бұл әрекеттерді қаражатқа өз қалауы бойынша иелік ету деп танып, алынған негізсіз сыйақыны қайтаруға міндеттеді», – деп түсіндірді Бас прокуратура.Айта кетейік, Қазақстанда алаяқтық әрекеттерге көрінеу қатысқаны үшін Қылмыстық кодекстің 28-бабы бойынша қылмыстық жауапкершілік көзделген. Бүгінгі таңда елімізде ақша массасын негізсіз баю деп тану арқылы олар «қолма-қол ақшаға айналдырылған» қаражаттың толық сомасын дропперлерден өндіріп алу фактілері тіркелді.Қабылданып жатқан шаралар&nbsp;Қаржы нарығын реттеу және дамыту агенттігі де дропперлермен қарсы күрес шараларын қабылдауда. Мәселен, бір банкте бір клиентке шығарылатын карточкалар санын 10 карточкадан 5 карточкаға дейін қысқартуды, 5 карточкадан көп карточканы ұстаушыларға қатысты күшейтілген тексеру жүргізуге қойылатын талаптарды көздейтін түзетулер нормативтік деңгейде әзірленіп бекітілген. Бұдан басқа, бейрезиденттердің шоттар ашуына қойылатын талаптар қатаңдатылды: қолданылу мерзімі 1 жылдан аспайтын 1 картаны шығару; шот клиенттің жеке қатысуымен ғана ашылады және басқа да бірқатар шаралар.Күдікті операциялардың мониторингі Ұлттық Банктің Антифрод-орталығы шеңберінде де жүргізіледі. Егер күдікті операциялар анықталса, олар бұғатталады, ал деректер құқық қорғау органдарына беріледі.<img src="https://knadmin.beoblood.kz/uploads/Dropper_8e0fdf3c09.jpg" alt="Дроппер.jpg">Дроппер болмаудың жолдарыЕгер сіз жұмыс іздеп жүрсеңіз, онда сіз алаяқтарға тап болып, дроппер болуыңыз да мүмкін. Сондықтан өте ұтымды жұмыс орындарынан сақ болыңыз және «тәжірибесіз қашықтан жұмыс», «тіркеу кезінде құжаттардың ең аз топтамасы», «күніне екі сағат жұмыс істеп, үлкен ақша алу», «ақша аударатын жұмыс» деген сияқты талаптары жазатындарға сенбеңіз. Сонымен қатар, «жұмыс беруші» клиенттерге қаражат аударамын деген сылтаумен белгілі бір банкте ғана картаны рәсімдеу туралы шарт қояды. Шын мәнінде сіздің шотыңыз ұрланған ақшаны аудару үшін пайдаланылады.Өз қауіпсіздігін қамтамасыз ету мақсатында:жұмыс ұсынатын компанияны тексеріңіз; жеке деректер мен құжаттарды бейтаныс адамдарға бермеңіз; ешқашан банктік шоттарыңызға кіруге рұқсат бермеңіз. Өкінішке қарай, дропперлер сіздің әріптестеріңіздің немесе таныстарыңыздың арасында да болуы мүмкін. Егер олар сізден жөнелтілімді қабылдауды немесе ақшаны көрсетілген шотқа аударуды сұраса, сіз ешбір күдіктенбей, өтінішін орындайсыз. Бірақ көбіне бұл тауарлар немесе ақша заңсыз жолмен алынады.Сондықтан жақын ортаңызға кірмейтін адамдардан ақшаны немесе тауарларды ешқашан қабылдамаңыз немесе жібермеңіз. Бірақ ондай болғанның өзінде ақпаратты тексеріңіз. Егер сіз күдікті аударым алсаңыз, дереу банкке хабарлаңыз – сізді дропперлер пайдалануы мүмкін.Тағы бір кеңес – мән-жайын нақты түсінбестен қаржылық схемаларға араласпаңыз. Мысалы, сізге тауарларды қайта сатумен, ақша аударымдарымен немесе криптовалютамен байланысты схемада делдал болуға ұсыныс жасауы мүмкін. Бұл, әдетте, компанияның «техникалық қиындықтарға» немесе «заңды шектеулерге» байланысты тікелей жұмыс істей алмауына байланысты болуы мүмкін. Бұл жағдайда әрқашан рөліңізді нақты сипаттайтын ресми шарттарды талап етіңіз және күмән тудыратын схемалардан аулақ болыңыз.Сізді не тоқтатуы керек?азғантай жұмыс үшін тым үлкен уәделер; тәжірибенің немесе біліктіліктің қажет болмауы; жеке ақпарат беру туралы негізсіз өтініштер. Егер сіз білместен дроппер болдым деп күдіктенсеңіз, онда күмәнді аударымдар туралы дереу банкке хабарлаңыз. Әрі қарай полицияға өтініш беріңіз және құқық қорғау органдарына алаяқтар туралы барлық мәліметті беріңіз. Ең соңында, күдікті адамдармен аударымдарды, тауарлар жіберуді және жұмысты дереу тоқтатыңыз. Сақ болыңыз!Фото: Fingramota.kz

Сатуға, тәуекелге баруға болмайды: дроппер болмаудың жолдары

<a href="https://kyzylorda-news.kz/">Kyzylorda-news.kz</a> Қызылорда облысындағы 16 мемлекеттік және 4 жеке колледжде жатақхана мәселесі толық шешімін тапқан. Бұл туралы Өңірлік коммуникациялар қызметінің ақпарат алаңында облыс әкімінің орынбасары Шахмардан Байманов мәлімдеді.Білім беру ұйымдарының студенттерін жатақханамен қамтамасыз етуде аймақта біршама тиянақты жұмыстар атқарылуда. Бүгінде облыста 28 колледж (17 мемлекеттік, 11 жеке) жұмыс істейді. Оларда 20 343 студент, оның ішінде мемлекеттік білім беру тапсырысы бойынша білім алушылар саны – 13 102 студент.<blockquote>"Қызылорда облысындағы 16 мемлекеттік және 4 жеке колледжде жатақхана мәселесі толық шешімін тапқан. 15 колледж меншігінде жатақхана бар, 5 колледжде жеке инвесторлардың қаржысы есебінен салынған жатақханалар бар. 8 колледж келісім-шарт негізінде жатақханаларды жалға алған. 1986 студент жатақханамен қамтылған, - деді Шахмардан Асқарұлы.</blockquote>Облыс бойынша жеке инвесторлардың қаржысымен жоғары, техникалық және кәсіптік білім беру ұйымдарының студенттері үшін салынған жатақханалардың жай-күйіне талдау жүргізілген.&nbsp;<blockquote>"Заман талабына сай салынған жатақханаларда cтуденттерге қажет барлық жағдайлар жасалған. Қоғамдық қауіпсіздікті қамтамасыз ету мақсатында ғимарат ішінде бейнебақылау жүргізіледі. Жатақханалар интернет желісімен қамтамасыз етілген. 2024 жылы мемлекеттік-жекешелік әріптестік аясында «Қаржы орталығы» АҚ-мен келісім-шарт негізінде жеке кәсіпкер «Р. Дүлдүл» «Абылайхан атындағы жоғары колледжі» мекемесінің студенттері үшін 200 орынға арналған жатақхана құрылысын аяқтап, пайдалануға берді. Қорқыт Ата атындағы Қызылорда университетінің балансында 2 &nbsp;студенттік жатақхана жұмыс жасайды. Әріптестік негізінде келісім-шарт арқылы «Қаржы орталығы» АҚ-мен қаржыландырылатын «Өркениет», «ДилМаш», «Инкар 7» ЖШС жатақханаларынан 680 орынды пайдалануға университетпен келісім жасалған. Бүгінгі күні жұмыс жасап тұрған жатақханалардағы орын саны – 1 340. 2024 жылы мемлекеттік-жекеменшік әріптестік аясында «Қаржы орталығы» АҚ-мен жасалған келісім-шарт негізінде «ДилМаш» ЖШС университет студенттеріне арналған 350 орындық жатақхана құрылысын аяқтап, пайдалануға берді. &nbsp;Жалпы облыстағы оқу орындардағы студенттердің жатақхана қажеттілігі толық қанағаттандырылған, - деді облыс әкімінің орынбасары.</blockquote>Фото: Өңірлік коммуникациялар қызметі

Студенттік жатақхана мәселесі бақылауда

<a href="https://kyzylorda-news.kz/">Kyzylorda-news.kz</a> ҚР Премьер-министрінің орынбасары – Ұлттық экономика министрі Серік Жұманғариннің төрағалығымен Экономиканың нақты секторын дамыту мәселелері жөніндегі штаб отырысы өтті.Жиынға облыс әкімі Нұрлыбек Нәлібаев, Су ресурстары және ирригация вице-министрі Нұрлан Алдамжаров, «Ұлттық ақпараттық технологиялар» АҚ интеграцияланған шешімдер департаменті инвестициялық жобалар басқармасының басшысы Мағжан Серікбаев, «Тау-кен Самұрық» ұлттық тау-кен компаниясы» АҚ басқарма төрағасының міндетін атқарушы Нариман Абсаметов, «АКК» АҚ басқарма төрағасының орынбасары Айдын Досқараев, «Даму» кәсіпкерлікті қолдау қоры» АҚ басқарушы директоры Нұрбол Жаңабеков пен жауапты сала басшылары селекторлық режим арқылы қатысты.Күн тәртібінде үш мәселе қаралды. Атап айтсақ, Ұлттық цифрлық инвестициялық платформаның жұмыс барысы, Қызылорда облысының әлеуметтік-экономикалық дамуы, инвестициялық жобалары және ірі инвестициялық жобалардың проблемалық мәселелері.​Басқосуда Серік Жұманғарин Мемлекет басшысының экономиканы әртараптандыру, өңірлер мен экономиканың нақты секторларын кешенді дамыту туралы тапсырмаларын орындау негізгі басымдық екенін айтып, Сыр еліндегі жұмыстарға оң бағасын берді.<blockquote>​«Экономикалық өсуді қамтамасыз ету жөніндегі жедел штабтың осы жылғы алғашқы отырысын өткіземіз. Мемлекет басшысының тапсырмасына сәйкес елдің инвестициялық ахуалын жақсарту мақсатында өткен жылдың желтоқсан айында Ұлттық цифрлық инвестициялық платформа іске қосылды. Бұған дейінгі көшпелі отырыстың қорытындысы бойынша мемлекеттік органдар мен ұйымдарға бірқатар тапсырма берілді, оның ішінде цифрлық платформаны ақпаратпен сапалы толтыру тапсырылды. Өңдеу өнеркәсібі, тау-кен, металлургия және агроөнеркәсіптік кешенді қамтитын, осы жылы жүзеге асырылатын инвестициялық жобалар пулын қалыптастыру жөніндегі жұмысты жалғастыру қажет. Бұл жұмысқа мемлекеттік органдардың, әкімдіктер мен қаржы институттарының белсенді қатысуы талап етіледі. Жалпы әкімдіктер аймақтың ерекшеліктерін ескеріп, өңдеу өнеркәсібіндегі шағын және орта бизнес кәсіпорындарының үлесін арттыруы, экономиканың нақты секторларындағы инвестициялық жобаларға басымдық беруі, қолдауды күшейтуі қажет. Әрбір өңірде аймақтық дамудың берік негізін құрайтын ірі жобалар болуға тиіс. Атап өту қажет, Қызылорда өңірінің даму қарқыны өте жақсы. Барлық секторда белсенділік танытып келеді. Осы жұмыстарды одан әрі жалғастыру маңызды. Қаражатты мақсатты жұмсап, ауқымды жобаларды сәтті жүзеге асыратын аймақтарға біздің тарапымыздан әрқашан қолдау көрсетіледі», – деді С. Жұманғарин.</blockquote>Штаб отырысында облыс әкімі Нұрлыбек Нәлібаев аймақтың әлеуметтік-экономикалық жағдайына тоқталып, алдағы жоспарлар туралы айтты.<blockquote>«Президентіміздің, Үкіметтің ерекше қолдауының арқасында Қызылорда облысының әлеуметтік-экономикалық дамуында оң тенденция сақталды. 2024 жылдың қорытындысымен экономикалық көрсеткіш 107,0 пайызды (2023 жылы – 107,3%) құрады. Жоспар бойынша жалпы өңірлік өнімнің көлемі 3,2 трлн. теңге, өсім 6,3 пайыз болады деп күтілуде. Бюджеттің өз кірістерінің көлемі 44 пайызға ұлғайды, барлық негізгі макроэкономикалық көрсеткіштің өсімі қамтамасыз етілді. Өңдеу өнеркәсібі 19,6 пайызға, ауыл шаруашылығы 2,3 пайызға, тұрғын үй 16,9 пайызға, көлік 2,8 пайызға, сауда 6,6 пайызға, құрылыс жұмыстарының көлемі 53,8 пайызға артты. Өткен жылы облысымызға барлық көздерден 639 млрд. 500 млн теңге инвестиция тартылды. 2023 жылмен салыстырғанда өсім 21,7 пайыз, республикалық көрсеткіштен (РК – 107,5%) 3 есе артық орындалды. Жеке инвестициялардың үлесі 70,5 пайыз. Өңірге шетелдік инвесторларды, озық технологияларды тарту бойынша белсенді жұмыс жалғасуда», – деді Н.Нәлібаев.</blockquote>Сондай-ақ, жиында облыс әкімінің орынбасары Ардақ Зебешев өңірдің әлеуметтік-экономикалық дамуы және инвестициялық жобалар туралы баяндады. «Шалқия мырыш ЛТД» АҚ бас директоры Асқар Тілеулин, «Арал Сода» ЖШС құрылтайшысы Дәурен Мұқашев өндірістегі мәселелерді ортаға салды.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Қоғам