<a href="https://kyzylorda-news.kz/">Kyzylorda-news.kz</a> Танымал актер, шоумен Нұрсұлтан Жақсыген не себепті ажырасқанын айтты. Бұл туралы <a href="https://stan.kz/ata-anama-zhala-zhapti-406333/">Stan.kz</a> ақпарат агенттігі хабарлайды.Өнер иесі журналист <a href="https://www.youtube.com/watch?v=CFXgNa52w20">Анна Данченкоға сұхбат беріп</a>, әйелінің ата-анасына жала жапқанын айтты.<blockquote>“Менің әке-шешем – зейнеткер. Сондықтан менің әйелімнен ақша сұрайтын ниеті де, пейілі де жоқ. Ол өзін ақтап алу мақсатында айтып жатқан шығар. Оның айлығы бізге не керек, мен өзім жұмыс істейтін болсам. Маған ол жұмыс істемесе де бәрібір. Мен өзімнің аманатым екенін, менің жауапкершілігім мен қамқорлығымда екенін де сезінемін, білемін, түсінемін. Әйелім үйде отырып қалмасын, ойы бөлінсін, адамдармен аралассын деген оймен, "жарайды, жұмыс істегің келсе, жұмыс істе" дедік қой. Бірақ жұмыстың да шекарасы болуы керек, ол сақталмады", – дейді актер.</blockquote>Фото: Stan.kz

"Ата-анама жала жапты": Нұрсұлтан Жақсыген жеке өміріне қатысты пікір білдірді

<a href="https://kyzylorda-news.kz/">Kyzylorda-news.kz</a> Қаржылық көрсетілетін қызметтердің қарқынды дамуы және жаңа цифрлық технологиялар заманында қаржы әлемінде дұрыс бағдарлану және ақша ағындарын тиімді басқару үшін үнемі өзіңіздің &nbsp;қаржылық мәдениетіңізді арттырып отыру қажет.&nbsp;Қаржылық сауаттылық дегеніміз – бұл бағалы қағаздар нарығының, валюта нарығының &nbsp;барлық &nbsp;қыр-сыры немесе экономиканың күрделі процестері жөнінде бір сәттік, өткінші білім емес.&nbsp;Қаржылық сауаттылық – бұл ең алдымен, өзіңнің меншікті қаржыңа дұрыс иелік ете білу.&nbsp;Қаржылық сауаттылық азаматтардың әл-ауқатын және өмір сүру сапасын жақсартуға мүмкіндік беріп, тұтынушыларға арналған ақпаратқа қолжетімділік аясын кеңейтеді, сондай-ақ халықтың қаржылық көрсетілетін қызметтермен барынша қамтылуын және оған қолжетімділігін қамтамасыз етеді.Қаржылық сауаттылықты шартты түрде келесі санатқа бөлуге болады.Бірінші – бұл қаржы ұйымдарының мобильдік қосымшаларын, интернет-банкингті пайдалану үшін, кибералаяқтарға қарсы іс-қимыл және т.с.с. үшін қажетті техникалық білім. &nbsp;Екінші – заң тұрғысынан сауаттылық. Қаржылық қызметтерді тұтынушы ретіндегі өз құқықтарыңды білу, қаржы ұйымдарымен жасалған шарттарды оқи және түсіне білу, заңнаманы білу сізді болашақтағы көптеген кездейсоқ жағдайлардан сақтандырады. Соңғысы, негіздерді негізі – бұл қаржылық жоспарлау. Үшінші «кит» – жеке қаржыны жүргізе білу, жеке немесе отбасылық бюджетті басқару бойынша дұрыс және сараланған шешім қабылдай білу.&nbsp;Жоспарлауға арналған үш қадам№ 1 қадам - Мақсатымызды нақтылаймызКез келген жинақтың қандай да бір түпкі мақсаты болуы тиіс.&nbsp;Қаражатты жинақтар алдында ең алдымен күрделі емес «Бұны не үшін істеп жатырмын?» деген сауалға жауап беру қажет, басқаша айтар болсақ, өзіңіздің қаржылық мақсатыңызды айқындау қажет. Бір түйін: мақсат нақты қойылуы тиіс, яғни алдағы сатып алу, талап етілетін сома мен орындау мерзімі көрсетілуі тиіс.Қаржы мақсатын дұрыс қоймау: «Машина сатып алғым келеді». Немесе: «Балаларыма дұрыс білім бергім келеді». Қаржы мақсатын дұрыс қою: «Төрт жылдан кейін «У» маркалы құны 10 млн теңге болатын машина сатып алғым келеді». Немесе: «Баламның «Х» ЖОО-да білім алғанын қалаймын және бұл үшін 10 жылда 5 млн теңге жинауым қажет». Қойған мақсаттарыңыз шындыққа жанасатындай болуы өте маңызды.№ 2 қадам – Өзіңізге бизнес-жоба ретінде қараңыз.Кез келген табысты кәсіпорынға қажет сияқты Сізге де қаржы жоспары қажет. Оны қалай жасау керек? Екі бағаннан тұратын кесте сызыңыз. Алдымен сол бағанға өзіңіздің барлық кірістеріңізді (жалақы, пәтерді жалға беруден болатын кірісті және басқаны) жазыңыз. Келесі бағанға өзіңіздің барлық шығыстарыңызды жаза бастаңыз. Қазіргі таңда өз бюджетіңізді жүргізу үшін көптеген бағдарлама бар, ең бастысы мұны үнемі істеп отыруыңыз қажет.Өзіңіздің кірістеріңіз бен шығыстарыңыздың нақты жазылған жоспарын көріп отырған кезде, Сіз қай бағытта қозғалуды анықтай аласыз. Мақсатты түзету – іске асыру мерзімін қысқарту/ұзарту, соманы нақтылау және т.б. Ақшаны белгіленген мерзімде айқындалған мақсатқа жететіндей жұмсаған дұрыс.Ақша мәселесіне келгенде жоспарлаудың маңызды екендігі анық көрініп тұрады. Ең көп жіберілетін қателік – өз басыңызда жоспарлауға тырысу. Қағазға жазылмаған қаржы жоспары – нашар жоспар. Сондықтан өз кірістеріңіз бен шығыстарыңыздың есебін қағазда, компьютерде немесе мобильді қосымшада жүргізген дұрыс.№ 3 қадам – Ақша жұмыс істеуі қажет.Қаржылық әл-ауқатқа алғаш қадам жасай отырып, ол ақшаны сақтауды және жинауды үйрену, келесі қадам ақшаны дұрыс жұмсай білуге кірісу қажет. Өзіңіздің бос қаражатыңызды инвестициялай отырып, сіз әдеттегі жинаған кездегі жедел «еритін» ақшаның сатып алушылық қабілетін сақтайсыз.Бұл банктегі салым сияқты қарапайым құрал, немесе аздап күрделі – бағалы қағаздармен сауда жасау, бұның барлығы дұрыс жасалған кезде өзіңізді жеткілікті капиталмен қамтамасыз етуге көмектеседі. Инвестициялау – бұл капиталды сақтау немесе сатып алушылық қабілетін ұлғайту үшін түрлі қаржы құралдарына капиталды орналастыру.Адам өмір сүрген әр жыл алынған білім, тәжірибе, басқа адамдармен араласу есебінен баю, қандай да бір мақсаттарға жету түріндегі дивидендтер әкеледі. Көп адам бұл ретте алға қойылған мақсатқа жақындауда көп ақша жұмсайды. Алайда ақша – мақсатқа жету үшін тек құрал болып табылады. Ақшаға дұрыс қарай білуді де үйрену қажет және сонда ғана ақша сізге жұмыс істей бастайды. Өз болашағы туралы байыпты ойлауға дайын әрбір адам үшін қаржы еркіндігі жолына есік ашық.Қазақстанда қаржылық сауаттылықты арттыру бойынша қандай жұмыс атқарыладыҚазақстанда азаматтарды қаржылық оқыту жөніндегі жұмысты ҚР Қаржы нарығын реттеу және дамыту агенттігі жүргізеді.&nbsp;Ақпараттық-түсіндіру жұмысының негізгі құралы Fingramota.kz интернет-порталы болып табылады, мұнда пайдаланушылар жеке бюджетті сауатты басқару қажеттілігі, қаржылық көрсетілетін қызметтерді тұтынушылардың құқықтарын қорғау әдістері, қаржы құралдарына инвестициялау тәуекелдері мен оның артықшылықтары, қаржы өнімдері мен қызметтерді пайдалану дағдылары, өзіңізді және жақындарыңызды &nbsp;алаяқтар мен қаржы пирамидаларынан &nbsp;қалай сақтау керек екендігі жөнінде түрлі тақырыптарға &nbsp;көптеген пайдалы материалдар таба алады.Интернет-ресурстың басты бетінде «Бюджетті жоспарлаймыз», «Депозиттер», «Кредиттер», «Төлемдер мен аударымдар», «Сақтандыру», «Бағалы қағаздар нарығы», «Абайлаңыз: алаяқтар!» деген басты бөлімдер, сондай-ақ қаржылық сауаттылық және халықты қаржы алаяқтары мен қаржы пирамидаларынан қорғау жөніндегі бейнероликтер орналастырылған. «Мультимедиа» бөлімінде ақпараттық графикамен, қаржылық сауаттылық жөніндегі бағдарламалармен айдарлар, ал «Балаларға арналған қосымшалар» бөлімінде оқушыларға арналған арнайы беттер ұсынылған.Ақпаратты беру құбылмалылығы мен оның бастапқы деңгейден дамыған деңгейге дейінгі кезеңділігі әрбір оқырман үшін маңызды контентті табуға мүмкіндік береді.Егер сізде біздің сайтымыздан көргіңіз келетін тақырыптар бойынша ұсыныстар болса, сіз оларды:- Fingramota@finreg.kz электрондық поштасына;- 1459 қысқа нөмірі бойынша Агенттіктің call-орталығы арқылы;- «Fingramota Online» мобильді қосымшасы арқылы жібере аласыз.Фото: fingramota.kz

Қаржылық сауаттылық – қаржылық мақсаттарға қол жеткізу кілті!

<a href="https://kyzylorda-news.kz/">Kyzylorda-news.kz</a> Іс-шарада тұрғындарға терезені ашық қалдырудың қауіпті екендігін және баланы қараусыз қалдырудың зардабын сезіндіру мақсатында демонстрациялық презентация ретінде өткізілді.2024 жыл басынан Қала аумағында баланың терезеден құлауының 15 жағдайы тіркеліп отыр, осы ретте баршаңыздан тұрғын үйлеріңізде бала қауіпсіздігін басты назарда ұстауды сұраймыз.Фото: ашық дереккөзҚызылорда қаласы Төтенше жағдайлар басқармасы

«Терезеден абай бол, балаңызда қанат жоқ!» 

<a href="https://kyzylorda-news.kz/">Kyzylorda-news.kz</a> Түркістан облысын Келес ауданында болған қанды оқиғадан анасы мен сіңлісінен айырылған қыздар жанайқайын жеткізді, деп хабарлайды <a href="https://el.kz/turkistan-oblysynda-anasy-men-sinilisinen-ayyrylgan-qyzdar-komek-surady_132462/">El.kz </a>ақпарат агенттігі.Олар Үкімет басшыларынан көмек сұрайды.<blockquote>Біз – Ақдидар Толғанбаева Ерланқызы, Райхан Толғанбаева Ерланқызы. ҚР Бас прокурорынан, Түркістан облысының әкімі Дархан Сатыбалдыдан көмек сұраймыз. Анамыз бен сіңілімізді айуандықпен өлтірген Ақанов Абай Асхатұлын өмір бойына бас бостандығынан айыруды талап етеміз. Біріншіден сұрайтынымыз, аудан әкімінен бастап түгелдей басшылықтарды, аудандық ішкі істер бөлімі басшылары және олардың орынбасарлары, білім саласында №13 Т.Бигелдинов атындағы мектептің директорына және орынбасарларына шара қолдануды сұраймыз. Менің және сіңілім екеуіміздің сұрап отырғанымыз, зорлық-зомбылықпен, айуандықпен айналысқан адамды мектеп қабырғасына қалай жұмысқа орналасқанын білгіміз келеді, – дейді олар.</blockquote>Сонымен қатар, апалы-сіңілілер құзырлы органның өкілдері қорқытқанын да ашып айтты.<blockquote>Сіңілім екеуіміздің құзырлы органдар қорқытқаны үшін жазалауды сұраймыз. Біз іштей жылап, анам мен сіңілімді қара жерге тапсырып, ішімізді өртеп бара жатқанда, олар бізді қорқытты, – дейді олар.</blockquote>Олардың сөзінше, әкелерін де осыдан 15 жыл бұрын біреу өлтіріп кеткен, алайда іс сол күйі тергелмеген, кінәлі жазасын алмаған.<blockquote>&nbsp;Осыдан 15 жыл бұрын 28 қазан күні әкеміз Байболатов Ерлан Толғанбайұлы кісі қолынан қаза тапқан. Іс мүлдем қозғалған жоқ. Әкеміз өмірден өткеннен кейін анамыз әкенің де, ананың да орнын басып, осы күнге бізді жеткізіп еді. Өзі сіңілім екеуі кісі қолынан қаза тауып отыр. Арада 15 жыл өтсе де қылмыстық іс қозғалған жоқ, – деді Толғанбаевалар.</blockquote>Еске салайық, Түркістан облысында мұғалім оқушысын зорлап, анасымен бірге өлтіріп кеткен еді. Көп өтпей күдікті ұсталды.Фото: el.kz

Мұғалім оқушысын зорлап, анасымен бірге өлтіріп кеткен: Анасы мен сіңілісінен айырылған қыздар көмек сұрады

Жұптың екі қызы бар.&nbsp;Швейцарияда сұлулық байқауының финалисі 38 жастағы Кристина Йоксимович айуандықпен өлтірілді, деп хабарлайды&nbsp;<a href="http://sn.kz/">Skifnews.kz</a>&nbsp;ақпарат порталы&nbsp;New York Post сайтына сілтеме жасап.13 ақпанда Кристина мерт болды. Оның денесінің бөліктері Базель қаласында табылды,Сөйтсе оны 41 жастағы күйеуі Томас өлтірген екен. Жұптың екі қызы бар.Психикалық ауытқу мен патологиялық қызғаныш салдарынан Томас әйелін тұншықтырып өлтірген. Ұсталып қалмас үшін ол мәйітті ұсақ бөліктерге бөліп, кейбір бөліктерін блендермен ұсақтап, содан кейін химиялық затпен еріткен.Ер адам полицияға әйелі оған пышақпен шабуылдағандықтан, өзін қорғау үшін өлтірдім деп ақталды. Бірақ сараптама бұл нұсқаны жоққа шығарды.Фото: New York Post

Әйелін өлтіріп, денесін блендермен ұсақтаған

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте аймақтағы жобалардың іске асырылу барысы, басқа да өзекті мәселелер талқыланды.Жауапты басқарма басшылары тұрғын үйлер мен әлеуметтік нысандардың құрылысы туралы баяндады. Аймақ басшысы жұмыстардың кестеге сәйкес жүргізілуін қатаң қадағалауды ескертті. Әсіресе,«Жайлы мектеп» ұлттық жобасы аясындағы білім ордаларын уақытылы аяқтап, қолданысқа беру маңызды.Мұнан бөлек, жиында «Артспорт» бағдарламасына мониторинг жүргізу, тазалық және көркейту- көгалдандыру жұмыстарын ұйымдастыру, бюджет қаражатын тиімді игеру мәселелері талқыланды.Мәжіліс соңында Нұрлыбек Машбекұлы жауапты тұлғаларға бірқатар тапсырма берді.<img src="https://knadmin.beoblood.kz/uploads/at_aryl_an_zh_mys_cfc3fbcd23.jpg" alt="атқарылған жұмыс.jpg"><img src="https://knadmin.beoblood.kz/uploads/at_aryl_an_zh_mystar_2b8022e1a2.jpg" alt="атқарылған жұмыстар.jpg">Фото: Қызылорда облысы әкімінің баспасөз қызметі

Атқарылған жұмыстар пысықталды

Бүгін Жалағаш ауданындағы Таң ауылдық округінің әкімі сайланады.&nbsp; Ауыл тұрғындары таңнан бері учаскеге келіп, ауыл келешегі үшін дауыс беруде.Маңызды күнде Қазақстанның Еңбек Ері Имамзада Шағыртаев дауыс беру учаскесіне келіп, өз таңдауын жасады.&nbsp; Ол ауылдың науан келбетінің жарқырауына әр азаматтың үлесі болуы тиіс деп атап өтіп, әкім сайлауына қатысу үлкен жауапкершілік екенін тілге тиек етті.Негізінен ауыл әкімі 4 жыл мерзімге сайланады.&nbsp; Ауылдық округте 761 азамат сайлаушылар тізіміне енген. Оның 5-і үйден дауыс берген.

Еңбек Ері Таң ауылдық округі әкімінің сайлауында өз  таңдауын жасады

Шиелі ауданы әкімінің сайлауында дауыс беруші мүгедектігі бар азаматтар үшін қолайлы жағдайлар жасалған. Барлық 40 учаскеде дауыс беру кабиналары жабдықталып, арнайы құрал-жабдықтармен қамтылды.&nbsp; Аудан бойынша сайлауға қатысатын 237 мүгедектігі бар азамат бар. Көру қабілеті төмен сайлаушылар үшін дауыс беру бюллетеньдерін толтыру ережесі көрсетілген аудиома-териалдар мен трафареттер қойылған.&nbsp; Ал, қимыл-қозғалысы қиын мүгедектігі бар азаматтарды тасымалдау үшін бірнеше инватакси қызмет етеді.&nbsp; Аудан әкімі сайлауында 388 азамат тасымалдан жәшік арқылы дауыс беруге өтініш жазған.&nbsp; Мұнан бөлек, 8 ауылдық округте өтіп жатқан сайлау процесінде 97 азамат тасымалданатын жәшік арқылы дауыс беруге өтініш қалдырған. Оның 50-і Арал, 16-ы Қазалы, 19-ы Қармақшы, 5-і Жалағаш, 7-і Шиелі ауданында.&nbsp; Еске салайық, Шиелі ауданы әкім сайлауына 50701 сайлаушы тіркелген. Ал, 8 ауылдық округ бойынша 5880 сайлаушының дауыс беруге құқығы бар.

Сайлау: 485 азамат үйден дауыс беруге өтініш қалдырған

Бәйтерек ауылдық округі, 302 сайлау учаскесі бойынша, аудандық Мәслихат депутаты Семізбай -U" ЖШС, Иіркөл филиалының директоры Салқынбаев Мұқанбетжан Бекмұрзаұлы отбасымен келіп &nbsp;өз таңдауын жасады.

Сайлау: Шиелі аудандық мәслихат депутаты М.Салқынбаев отбасымен таңдау жасады

<a href="https://kyzylorda-news.kz/">Kyzylorda-news.kz</a>&nbsp; "Жолаушылар тасымалы" АҚ жолаушылар егер пойыз бен вокзалда жеке заттарын ұмытып кеткен немесе&nbsp;жоғалтып алған жағдайда не істеу керегін&nbsp;айтты. Бұл туралы <a href="https://stan.kz/poyizda-nemese-vokzalda-zatinizdi-ymitsaniz-ne-isteu-ke-406263/">Stan.kz</a> ақпарат агенттігі хабарлайды.Көпшілік кейде сапарға шыққанда заттарын жолай ұмытып кетіп, кейін таба алмай қалады.Осы тұста мамандар&nbsp;жолға шыққаннан кейін вагонда затыңызды&nbsp;ұмытып кеткеніңізді байқасаңыз, келесі нұсқауларды орындауды ескертеді:Жолаушы затын ұмытып кеткенін түсінсе,&nbsp;пойыз әлі станцияда тұрса және жөнелтілгенге дейін 10-нан 40 минутқа дейін&nbsp;жеткілікті уақыт болса, затын пойыз бригадасының қызметкерлерінен ала алады; Ал егер пойыз кетіп қалған болса, жолаушы @Jolaushylar_tasymaly Instagram-дағы ресми аккаунтына немесе WhatsApp-қа +7 776 714 5686 нөмір бойынша жазып,&nbsp;жылдам жауап ала алады; Жолаушы сондай-ақ вокзалдағы кезекшіге жүгіне алады. Ол вагон нөмірін, ұмытылған заттардың орны мен сипаттамасын көрсете отырып, вокзал бастығының атына өтініш бере алады. Өтініште заттарды жіберу туралы өтінішті қосу керек; Егер жолсерік ұмытылған затты тапса, оны пойыз бастығына береді және жинақтау пунктіне жібереді. Заттар вокзалда сақталып, жеке куәлікті тексеру арқылы&nbsp;иесіне қайтарылады; Затын алған кезде жолаушы барлық (сақтау, буып-түю, тасымалдау) шығындарды төлейді; Жолаушылар 1433 нөміріне тегін хабарласу арқылы анықтамалық ақпаратты ала алады.Фото:&nbsp;freepik.com

Пойызда немесе вокзалда затыңызды ұмытсаңыз не істеу керек – ҚТЖ нұсқау берді

Бүгін Қызылорда өңірінде 8 ауылдың әкімі сайланады. Атап айтқанда, Арал ауданындағы Бөген, Сазды, Қосаман, Қазалы ауданындағы Алға, Тасарық ауылдық округтері мен Қармақшы ауданындағы Т.Көмекбаев және Жалағаш ауданындағы Таң, Шиелі ауданындағы Телікөл ауылдық округ әкімдерінің сайлауы өткізілуде. Олардың 7-і өкілеттілік мерзімінің аяқталуына және Бөген ауылдық округі әкімінің өкілеттілік мерзімінің ерте аяқталуына байланысты сайлау ұйымдастырылды. Барлық округтер бойынша 5880 сайлаушы дауыс беру құқығына ие. 11 сайлау учаскесі құрылып, 59 комиссия мүшесі қызмет атқаруда. Таңсәріден бері дауыс беруге асыққан азаматтардың ішінде отбасымен бірге келген сайлаушылардың үлесі басым болды. Олардың қатарында қазалылық Шамарановтар әулеті бар. Ол Тасарық ауылдық округіндегі №77 сайлау учаскесіне отбасын ерте келіп, шөбересімен бірге өз таңдауын жасады. - Әрбір сайлау біздің отбасы үшін маңызды. Балаларымды сайлауға ерте баратын дәстүрім бар. Себебі балалар жастайын елдік істе әрбір дауыстың маңызды екенін сезінуі керек. Бүгін міне, ауданымызға жанашыр, туған жерін дамытуға ниетті азамат үшін дауыс бердім,-дейді Болатбек Шамаранов. Айта кетейік, 8 ауылдық округ бойынша 26 кандидат сайлау бюллетеніне енгізілді. Оның 25-і өзін-өзі ұсыну жолымен, 1-і саяси партия атынан бақ сынауда.&nbsp; Дауыс беру кешкі сағат 20.00-ге дейін. Дауыс беру аяқталғаннан кейін учаскелер 12 сағат ішінде дауыстарды санап, қорытынды шығарады.

Сайлау: 26 ауыл әкімінің 25-і өзін-өзі ұсыну жолымен бақ сынауда

Бүгін - Шиелі ауданы әкімінің сайлауы өткізілуде. ҚР Сайлау туралы конституциялық заңына сәйкес дауыс беру таңғы сағат 7.00-де басталды. Сайлаушылар тізіміне 50 мыңнан аса сайлаушы тіркелген. Аудан бойынша 40 учаске ашылып, 272 учаскелік комиссия мүшелері қызмет атқаруда.&nbsp; Учаскеге ерте келген ең жас, ең қарт сайлаушыға арнайы сыйлықтар ұйымдастырылуда.&nbsp; Учаске келе алмайтын азаматтар үшін үйден дауыс беру мүмкіндігі бар. Олар әрбір учаскеге сағат 12.00-ге дейін өтініш қалдыруы керек. Әрі қарай учаскедегі комиссияның 2 мүшесі тасымалданатын жәшік арқылы дауыс беруді ұйымдастырады.&nbsp; Маңызды саяси науқанға отбасымен бірге келген сайлаушылардың қатары артуда. Бәйтерек ауылдық округіндегі №302 учаскеге келген «Мерейлі отбасы» конкурсынының ІІ орын иегері Тұрмановтар әулеті өз &nbsp;таңдауын жасап, ақ батасын берді. 82 жастағы қария әрбір дауыс беруші азамат туған өлкесінің дамуына зор жауапкершілікпен қарап, науқанға атсалысып, азаматтық белсенділік танытуы керек деді. Тағы бір учаскеге келген 85 жастағы Қажымұқан Әбенов алғашқылардың бірі болып дауыс берді.&nbsp; - Осы ауылдық тұрғыны ғана емес, жанашыр ақсақалы ретінде аудан әкімінің сайлауына ерекше мән береміз. Туған жерін шексіз қадірлей білетін, іскер, белсенді азаматтың аудан әкімі болғанын қалаймыз. Сол үшін де таң сәріден ерте тұрып дауыс беруге асықтым,-деді Қажымұқан Әбенов. Айта кетейік, аудан әкімі болуға үмітті 3 кандидат сайлау бюллетеніне енгізілді. Олардың 1-і &nbsp;саяси партия атынан, 2-і өзін-өзі ұсынған. Дауыс беру кешкі 20.00-ге дейін жалғасады.

Қазақстан және Қызылорда облысының жаңалықтары: Қоғам