Әкелер институты әлсіреп барады ма?

<a href="https://kyzylorda-news.kz/">Kyzylorda-news.kz</a> Қазақты ауылсыз елестету қиын. Мұны ескерген мемлекет те ауыл мәселесін естен шығарған емес. Қазірде өркендеп, дамып келе жатқан ауылдар көп. Себебі елімізде ауылды өркендетуге, ауыл тұрғындарының өмір сапасын арттыруға бағытталған жобалар, мемлекеттік бағдарламалар қолға алынып, өзінің оң нәтижесін беруде.&nbsp;Ауылдардың жағдайын жақсартып, ауыл халқының тұрмыс өресін көтеру үшін қолға алынған «Ауыл – ел бесігі» жобасы қарқынды жұмыс істеуде. Бүгінде елімізде барлығы 6 293 ауылдық елді мекен бар, онда 7,5 млн адам тұрады. Ондағы ағайынның әлеуметтік әлеуетін арттырып, қажетті қолдау жасау қашанда күн тәртібінде. Мемлекет басшысы да елді-мекендерді дамыту мемлекеттік негізгі міндеттерінің бірі екенін жиі айтады. Агросекторды да әркез бақылауда ұстайды.Биыл аймағымыздағы 39 ауылдық елді мекенінде «Ауыл – ел бесігі» бағдарламасы шеңберіндегі 69 жобаны жүзеге асыруға 11 млрд теңге қаралды. Жыл басынан бері 5,6 млрд теңге игерілді. Атап айтсақ, білім саласында 2, денсаулық саласында 1, мәдениет саласында 4, спорт саласында 8 жоба жүзеге асуда.&nbsp;Мұнан бөлек, электрмен қамту бойынша 14, газдандыру бойынша 1, ауыз сумен қамту бойынша 2 жоба қолға алынбақ. Көлік инфрақұрылымы саласында 35, абаттандыру саласында 2 жоба бар.Жоспар бойынша 36 жоба биыл аяқталып, пайдалануға берілетін болады.&nbsp;Ауыл туралы тозып барады, халқы қалаға босып жатыр, жұмыс жоқ деген әңгіме, шынын айтқанда, жауыр болды. Әрине, қараусыз қалған ауыл жоқ емес, сонымен бірге, тұрмыс-тіршілігі қаладан бір мысқал кем емес елдімекендер барын да ұмытпаған жөн. Ондай ауылдар ауданымызда да бар. Тек газ жоқ демесеңіз қалғанының барлығы қаладан кем емес. Жолы тақтайдай тегіс, мектебі алыстан менмұндалап тұрады. Шіркін, барлық ауылдың жағдайы сондай болса дейсіз сондайда. Үміт те жоқ емес. «Ауыл – ел бесігі» жобасы аясында өшкен үмітке от жағыла бастағандай.Ауылды дамыту мақсатында өткен жылдан бастап «Ауыл аманаты» жобасы қолға алынды. Бағдарлама ауыл еңбеккерлерінің өмір сүру сапасын жақсартып, табысын арттыруды көздеген бұл жоба өз тиімділігін көрсетіп, халық арасында зор сұранысқа ие болуда.&nbsp;Өңірімізде «Ауыл аманаты» жобасы сәтті жүзеге асырылып жатыр. Былтыр бағдарлама аясында облысқа 3 млрд теңге бөлінген. Соның нәтижесінде 406 жоба қаржыландырылып, 700-ден астам жұмыс орны ашылды. Биыл тағы 4 млрд 600 млн теңге бөлініп отыр.Ауыл шаруашылығы – ел экономикасындағы ең маңызды саланың бірі. «Ауыл аманаты» жобасы аясында еліміз бойынша 1 миллион ауыл тұрғынын қамтып, 350 мың жаңа жұмыс орнын ашу жоспарланып отыр. Бұл мақсатқа ел тарихында алғаш рет 1 триллион теңге бөлінді.Айта кетейік, «Ауыл аманаты» жобасы бастау алғалы 106 елді-мекенде 51 ауыл шаруашылығы өндірістік кооперативі құрылды. Биыл тағы орта есеппен 575 жобаны жүзеге асырып, 610 жұмыс орнын ашу көзделіп отыр. &nbsp;Бүгінгі күні ауданда бірқатар жоба іске асырылуда. Жүргізіліп жатқан жобалар нәтижесінде халықтың өмір сүру сапасын арттыруды қамтамасыз ету, әлеуметтік нысандарды салу, ауыз сумен қамтамасыз ету, электр беру желілерді қайта жаңғырту және газбен қамту мәселесі шешілмек.Электр желілерді қайта жаңғырту – бүгінгі күнге өзекті мәселелердің бірі. Биыл Көмекбаев және Ақтөбе ауылына қаржы бөлініп, электр беру желілері қайта жаңғыртылуда. Ал Иіркөл ауылы бойынша, қазіргі уақытта демеушілік есебінен жобалау сметалық құжаттары қайта әзірленуде. Жыл аяғына дейін жөндеу жұмыстары аяқталады деп күтілуде.Аудандық бюджеттен Ақжар, ІІІ Интернационал, Алдашбай ахун, Қармақшы ауылдарының электр желілерін қайта жаңғырту бойынша жоба сметалық құжаттары әзірленіп, бюджеттік өтінім өткізілген. Сонымен қатар, демеушілік қаражат есебінен Дүр Оңғар ауылының электр желілерін қайта жаңғырту бойынша жоба сметалық құжаттары әзірленсе, Тұрмағамбет ауылының электр желілерін қайта жаңғырту бойынша жоба сметалық құжаттар әзірленуде. Бұл жұмыстар алдағы уақытта кезең-кезеңімен жөндеу жұмыстары жүргізілетін болады.«Ауыл – ел бесігі» бағдарламасы аясында биыл аудан бойынша жалпы 9 көшеге жөндеу жұмыстары жүргізілмек. Оның ішінде Ақжар ауылының 1 көшесіне, Тұрмағамбет ауылының 5 көшесіне, Жосалы кентінің 1 көшесіне жөндеу жұмыстары жүргізілсе, Төретам кентінің 3 көшесіне, Жосалы кентінің 1 көшесін орташа жөндеу жұмыстарына бюджеттен қаржы қаралған.&nbsp; Мұнан бөлек аудандық бюджет қаражаты есебінен бірқатар абаттандыру жұмыстары жүргізілді. Атап айтсақ, ауданның 5 елді мекені Алдашбай ахун, Дауылкөл, Қармақшы, Қуаңдария, Ақжар ауылдарының &nbsp; төлқұжаттарын жаңартуға қаржы қаралып, паспорттар орнатылған.&nbsp;Денсаулық сақтау саласы бойынша өткен жылы Дауылкөл, Ақжар және Жаңажол ауылдық округтерінде дәрігерлік амбулаториялар салынып, пайдалануға берілсе, биыл Қуаңдария және Қармақшы ауылдарында фельдшерлік-акушерлік бекеттердің құрылысы басталады.Ауылдың жақсаруы мен өркендеуі бүкіл елдің дамуы. Төрт түлігін түлетіп, егістігін жайқалтып, шаруасын өрге сүйреп отырған ауыл – бүтін бір елдің асыраушысы, қайнаған еңбектің және ұлттық руханияттың қайнар көзі іспетті.&nbsp;&nbsp;Ақнұр САҒЫНТАЙ

Ауыл дамыса, ахуал жақсарады

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Қазақстан халқына арнаған Жолдауында «Әкімдерді халық өзі сайлайтын болады, ол үшін Үкімет жергілікті өзін-өзі басқарудың жаңа тұжырымдамасын әзірлеу керек» деген болатын. Ақордада аймақ басшыларымен кездесу барысында Мемлекет басшысы «Әкімдердің жұмысын нақты проблемаларды шешу нәтижелері бойынша бағалайтын боламын», деп әкімдердің қызметіне осылай баға беретінін айтты.Сонымен қатар, өзекті мәселелерді шешу жолында жаңа міндеттер қойды. Әсіресе, халықпен жақын болып, әлеуметтік желі арқылы олардың сұрақтарына жауап беруді міндеттеді. Яғни, ашықтық пен жариялылықты кеңінен насихаттап, жүйелі жұмыс жасауды тапсырды. Жақында Қазалы ауданы әкімі Мейрамбек Шермағанбет кезектілік тәртібімен жазылған азаматтарды жеке мәселелері бойынша қабылдады.Қабылдауға келген тұрғындардың басым бөлігі тұрақты жұмысқа орналасу, тұрғын үй кезегі, жол салу, жарық орнату, қызметтік үйді жекешелендіру сынды мәселелерді көтерді.Келушілердің ұсыныс-пікірлері мен өтініш-сауалдары жауапты мамандар тарапынан жан-жақты қарастырылды. Әрбір мәселенің себеп-салдары жіті зерттеліп, заң аясында шешілу жолдары айтылып, кейбір сұрақтар бойынша түсіндірмені мамандар сол жерде берді. Сондай-ақ бірқатарының шешілу жолдары да көрсетілді.Қабылдауда аудан әкімі тұрғын үй кезегі мәселесімен келген тұрғындарға, биыл ауданда халықтың әлеуметтік осал топтары үшін 2 пәтерлі 74 үйдің құрылысы жүргізіліп, пайдалануға беріліп жатқанын айтып, кезектілікке сәйкес баспанамен қамтылатынын жеткізді. Көтерілген мәселелердің әрбірі заңда белгіленген тәртіппен, кезең-кезеңімен шешіледі. Аудан басшысы осыған орай жауапты сала басшыларына бірқатар тапсырма да берді.Айта кетейік, тұрғындар аудан әкімінің қабылдауына е-otinish бірыңғай базасы немесе әкімдікке келіп жазбаша өтініш тастау арқылы жазыла алады. &nbsp;Серік АҚМЫРЗА

Тұрғындардың өтініштері тыңдалды

<a href="https://kyzylorda-news.kz/">Kyzylorda-news.kz</a> Әлеуметтік қызметкер – жай ғана мамандық емес, ол бей-жай қарамайтын, жаны ашық және жүрегі мейірімді адамдарға лайықты кәсіп. Әлеуметтік қолдауға мұқтаж жандардың қасынан табылып, әркез көмек қолын созатын мамандық иелеріне зор құрмет. Елімізде жыл сайын қазан айының соңғы жексенбісінде сала мамандарының кәсіби мерекесі аталып өтіледі.Жуырда Р.Бағланова атындағы аудандық мәдениет орталығында мамандық иелеріне құрмет көрсетіліп, мерекелік шара өтті. Жиында аудан әкімінің орынбасары Болат Жолтаев сала қызметкерлерін кәсіби мерекелерімен құттықтап, құрмет көрсетті.<blockquote>– Әлеуметтік қорғау жүйесі – үлкен жауапкершілік, кәсіби біліктілікпен қатар адами қасиеттерді талап ететін салмағы ауыр сала. Сіздер күн сайын зейнеткерлерге, қамкөңіл жандарға, көпбалалы отбасыларға, табысы аз азаматтарға көмек қолын созып келесіздер. Сіздердің еңбектеріңіздің арқасында өмірлік қиын жағдайларға душар болған азаматтар қажетті қолдау алып, еңсесін тіктеуде, – деді аудан әкімінің орынбасары.</blockquote>Мерекелік шарада бірқатар сала қызметкерлері облыс, аудан әкімінің және облыстық жұмыспен қамту үйлестіру және әлеуметтік бағдарламалар басқарма басшысының «Алғыс хатымен» марапатталды.Әлеуметтік сала қызметкерлерінің мерейін үстем еткен көңілді кеште аудан өнерпаздары әсем әннен шашу шашып, жиналғандарға мерекелік көңіл-күй сыйлады.&nbsp;Серік АҚМЫРЗА

Әлеуметтік қорғау жүйесі – үлкен жауапкершілік

<a href="https://kyzylorda-news.kz/">Kyzylorda-news.kz</a> Мемлекет басшысының тапсырмасы бойынша Премьер-министр Олжас Бектенов Қызылорда қаласындағы «Қорқыт Ата» әуежайында жаңа терминалдың ашылуына қатысты.Бизнестің әлеуметтік жауапкершілігі шеңберінде іске асырылған жоба өңірдің сауда-экономикалық, туристік әлеуетін дамытуға және халықтың тұрмыс сапасына тікелей әсер ететін көлік қызметтерінің қолжетімділігін қамтамасыз етуге ықпал етеді. Жаңа терминалды іске қосу әуе айлағының өткізу мүмкіндігін 7 есеге – жылына 300 мыңнан 2 млн жолаушыға дейін арттырады. Жаңартылған «Қорқыт Ата» терминалы Халықаралық әуе көлігі қауымдастығының (IATA) және Халықаралық азаматтық авиация ұйымының (ICAO) жоғары стандарттарына сәйкес келеді.<blockquote>«Мемлекет басшысы халыққа Жолдауында көлік-логистикалық секторды дамытуды стратегиялық басымдық деп атады. «Қорқыт Ата» әуежайының жаңа терминалы – өңір үшін ғана емес, бүкіл Қазақстан үшін маңызды инфрақұрылымдық жоба. Оны іске асыру қосымша әуе бағыттарды, оның ішінде халықаралық бағыттарды ашуға, транзиттік әлеуетті, жолаушылар мен жүк ағынын ұлғайтуға мүмкіндік береді, бұл ішкі туризмнің, сауданың және тұтастай экономиканың дамуына оң әсер етеді. Үкімет бизнестің заманауи, сапалы көлік-логистикалық инфрақұрылымды салу жөніндегі әлеуметтік бағдарланған бастамаларын толық қолдайтын болады – бұл біздің еліміздің болашағына қосылған үлес»,— деп атап өтті Олжас Бектенов және жобаның іске қосылуын қысқа мерзімде қамтамасыз еткендердің барлығына алғысын білдірді.</blockquote>Үкімет басшысы ішкі және халықаралық рейстердің жолаушыларына қызмет көрсету үдерісімен танысты. Ауданы 7 500 шаршы метр терминал телескопиялық баспалдақтар, қол жүгін тексерудің автоматтандырылған жүйесі және басқа да озық технологиялармен жабдықталған. Жобаны іске асыруға Болат Өтемұратов қоры әлеуметтік жауапкершілік шеңберінде 20,9 млрд теңге инвестиция салды. Жергілікті бюджеттен инженерлік-коммуникациялық инфрақұрылымға, автожол салуға, әуежай аумағын абаттандыруға және жарықтандыруға 4,3 млрд теңгеден астам қаражат бөлінді.«Қорқыт Ата» Әуежайы» АҚ басқарма төрағасы Баян Ажмолдаев өңірдегі жыл сайын өсіп келе жатқан жолаушылар ағынын ескере отырып, терминалдың уақтылы іске қосылғаны туралы хабарлады. Мәселен, биылғы 9 айда әуежайда 265 мың жолаушыға қызмет көрсетілді, бұл өткен жылдың сәйкес кезеңімен салыстырғанда 20%-ға артық. Аптасына 26 ішкі рейс жүзеге асырылады (17-сі Астанаға, 9-ы Алматыға). Осы жылдың маусым айында Анталья (Түркия) қаласына халықаралық чартерлік рейс іске қосылды.<blockquote>Қызылорда облысы әкімінің бірінші орынбасары Данияр Жаналинов Ақтау және Атырау қалаларында қосымша рейстер ашу, сондай-ақ «Қызылорда–Көкшетау», «Қызылорда–Ақтөбе», «Қызылорда–Қарағанды» сияқты әуе бағыттарды әлеуметтік маңызы бар рейстер тізбесіне енгізу жоспары туралы баяндады. Өңір жұртшылығы атынан сөз сөйлеген Қызылорда облысы Ардагерлер кеңесінің төрағасы Серік Дүйсенбаев жаңартылған әуежайда жолаушылардың барлық санаттары үшін жасалған қызмет сапасы мен қолайлы жағдайларды жақсартудың маңызына тоқталды. «Қызылорда облысы арқылы біз өңірлерді мемлекет тарапынан қолдау шараларының оң нәтижелерін көріп отырмыз. Бүгін біздің жерлестеріміздің арманы орындалды – жаңа әуежай терминалы ашылды. Мемлекет басшысына өңірге ерекше көңіл бөлгені үшін алғыс білдіргім келеді, бұл барлық салада өсуге ықпал етеді», — деді Серік Дүйсенбаев.</blockquote><img src="https://knadmin.beoblood.kz/uploads/465974898_862702019384377_3509799416193048691_n_d12ba17732.jpg" alt="465974898_862702019384377_3509799416193048691_n.jpg"><img src="https://knadmin.beoblood.kz/uploads/terminal_d5872f19e0.jpg" alt="терминал.jpg"><img src="https://knadmin.beoblood.kz/uploads/466133582_862702249384354_2523117573270424739_n_9d984ea3e4.jpg" alt="466133582_862702249384354_2523117573270424739_n.jpg"><img src="https://knadmin.beoblood.kz/uploads/465915028_862702409384338_5341127707288740222_n_bf37f74899.jpg" alt="465915028_862702409384338_5341127707288740222_n.jpg">

Қызылордада «Қорқыт Ата» әуежайының жаңа терминалы ашылды

Үйден шықпай табыс табу мүмкін бе?

<a href="https://kyzylorda-news.kz/">Kyzylorda-news.kz</a>&nbsp; «Әр бала – отбасының, әр азамат – мемлекеттің көрінісі» &nbsp;деген сөз бекер айтылмаған. Бала тәрбиесі – жеңіл жұмыс емес, онда әкенің де, ананың қатысы теңдей болуы тиіс. Әсіресе, әкенің рөлі өте маңызды. Өйткені, ол баласы үшін еліктеудің нағыз үлгісі және ең басты кеңес берушісі.11 қараша күні Қармақшы ауданына қарасты Төретам кентіндегі №85 орта мектепте &nbsp;«Біртұтас тәрбие» бағдарламасының, ата-ананы педагогикалық қолдау орталығының жоспарына сәйкес, &nbsp;«Әке – отбасы тірегі» тақырыбында &nbsp;әкелер семинары &nbsp;өтті. Мағыналы жиынның басты мақсаты – жағымды отбасының бейнесін дәріптеу, балаларды тәрбиелеудегі әкелердің рөлін күшейту, ізгілікті-рухани құндылықтар негізінде қоғамда белсенді азаматтарды қалыптастыру, отбасы, мектеп, жергілікті &nbsp;мемлекеттік &nbsp;басқару &nbsp;органдары &nbsp;мен &nbsp;қоғамдық &nbsp;ұйымдар арасындағы &nbsp;ынтымақтастықты &nbsp;жандандыру, жасөспірімдер &nbsp;арасындағы бақылаусыздық пен құқықбұзушылықтың алдын-алу жұмыстарына ер азаматтарды тарту, бала бойында тәртіп, жауапкершілік, еңбекқорлық, шығармашылық қабілеттерді, салауатты өмір салтын қалыптастыруда әкелермен тәжірибе алмасу, ой бөлісу.Семинарға &nbsp;мектеп оқушыларының әкелері, аудандық &nbsp;мәслихат &nbsp;депутаты А.Жакешов, Байқоңыр қаласындағы білім беруді дамыту секторының меңгерушісі Ж.Алданова, Байқоңыр қаласы прокуратурасының прокуроры М.Серік, ҚР ІІМ Байқоңыр қаласындағы &nbsp;Өкілдігінің &nbsp; Әкімшілік полиция бөлімінің кәмелетке толмағандар істері жөніндегі учаскелік полиция &nbsp;инспекторы Е.Баймагамбетов қатысты. Семинардың алғашқы сөзі мектеп директоры &nbsp;Жасұлан Жұматайұлына берілді. &nbsp;– Халқымызда «Таяқтау оңай, тәрбиелеу қиын», «Әкесі қой баға білмегеннің, баласы қозы баға білмейді», «Баласы жаман болса, әкесін түйе үстінен ит қабар» &nbsp;деген өмір &nbsp;көшімен ілесіп бізге жеткен, өз мәнін жоймай, тәрбиелік қуатын өз бойына жинақтаған ұлағатты сөздер біздің халқымызда көптеп кездеседі. Әке тәрбиесі біздің бүгінгі қоғам үшін қат дүниеге айналып барады. Осы олқылықтың орнын толықтыруымыз керек, – деген мектеп басшысы түрлі кезеңдерде &nbsp;бала тәрбиесіндегі &nbsp;әкенің &nbsp;рөлі &nbsp;әр түрлі сипатта көрінетіндігі туралы ой қозғады. Семинарға қатысушыларға әр баланың өсіп-жетіліп, &nbsp;өз алдына жеке тұлға болып қалыптасуына, қоғамдағы өз орнын таба білуіне әкенің рөлі зор екендігін атап өтті.&nbsp;Семинар барысында қатысушыларға әке мен бала туралы бейнероликтер көрсетіліп, жағдаяттық тапсырмалар орындатылды. Байқоңыр қаласы прокуратурасының &nbsp;прокуроры &nbsp;М.Серік &nbsp;кәмелеттік жасқа толмаған балалар арасында құқықбұзушылық және қараусыздықтың, бопсалаудың, қысым көрсетудің алдын алу &nbsp;бойынша &nbsp;түсіндіру жұмыстарын жүргізді.&nbsp;Семинар соңында №85 мектептің 11-сынып оқушысы &nbsp;облыстық, республикалық ақындар мүшайрасының жеңімпазы Еркебұлан Жалғасбаев оқушылармен бірге ата-аналарды кітап оқуға шақырып, үндеу жарияласа, мектеп директоры Жасұлан Жұматайұлы ата-аналарды бала тәрбиесінде жұмыла жұмыс жасауға шақырып,семинарды қорытындылады.&nbsp;Гүлмира АХМАҒАНБЕТОВА

Әр әкеге ой салған семинар

<a href="https://kyzylorda-news.kz/">Kyzylorda-news.kz</a> Жоғарғы соттың халықаралық кеңесінің отырысында соттарда жасанды интеллектті енгізу және интернет-алаяқтықтан зардап шеккендердің мүдделерін қорғаудың тиімді тәсілдері талқыланды, – деп хабарлайды <a href="https://aikyn.kz/275925/275856/275855/275695/275689/275610/275554/275552/275545/275137/275136/275135/275133/275129/275080/275013/274983/274935/274868/274819/274765/274693/274620/274576/263027/262923/262898/262860/262768/262750/Aikyn.kz.">Aikyn.kz.</a>Жиынға қатысушылар электронды төлем құралдарын пайдалана отырып несие беру саласындағы жауапкершілікті арттыру арқылы қылмыстық заңнаманы жетілдіру қажеттігі туралы ортақ пікірге келді. Сондай-ақ, заңнамаға онлайн-несие беру кезінде міндетті биометриялық аутентификация және зейнеткерлер мен халықтың осал топтары үшін шектеулер туралы түзетулер ұсынылып отыр.<blockquote>"Жағдайды түбегейлі жақсартуға мүмкіндік беретін тағы бір жаңалық – несиенің клиенттің қатысуынсыз алаяқтық жолмен берілгені сот актісімен анықталған кезде несиелік ұйымдардың қарызды есептен шығару жөніндегі заңмен бекітілген міндеттемесі болмақ.Бұл норма несиелік ұйымдарды берілген несиелердің сақталуын қамтамасыз ету бойынша шаралар қабылдауға ынталандыруы тиіс", - делінген хабарламада.</blockquote>Халықаралық кеңес әзірлеген ұсынымдар уәкілетті органдарға жіберіледі.Фото: istockphoto.com

Жоғарғы сот кейбір қазақстандықтардың несиесін кешіруді ұсынды

<a href="https://kyzylorda-news.kz/">Kyzylorda-news.kz</a> Бүгінде жеке кәсібін ашып, күнкөріс көзіне айналдырып отырған жандар жетерлік. Еңбекпен табыс тауып, ниеттенсең болғаны емес пе? Осы ретте кент тұрғындарын түрлі тәттілерімен қуантып жүрген Сезім Берікққызын айтпай кетуге болмайды.Кент орталығында орналасқан «Sezim deserts» дүкеніне көпшіліктің жиі бас сұғатыны рас. Тұрғындар күлімдеген жүзімен, ақжарқын мінезімен, бар тәттісі дайын тұратын Сезімді көріп қуанып қалатынынын айтады. Расында да, әрбір тұтынушыға деген рия¬сыз көңілі өзіне баурайды. Осындай ерекше көңілмен, шын ниетпен дайындалғандықтан болар, әрбір өнімі сүйсініп жеуге тұрарлық. Біз тәтті әлемнің иесімен әңгіме барысында тазалықты, шынайылықты, ең бастысы өз ісіне деген махабатты байқадық.&nbsp;Сезім осы кенттің тумасы. №121 мектепте тәлім алып, жоғары білімді Астана қаласында архитектура мамандығы бойынша қызыл дипломмен аяқтайды. Алайда 19 жасар Сезімнің жаны тәтті дайындауды қалайды. Ашылғанына көп уақыт болмаса да, дүкеннің тұрақты тұтынушылары қалыптасқан. Кәсібін өз қаражатымен бастаған кәсіпкер алдағы уақытта көкжиегін кеңейтуге ниетті.<blockquote>– Мен бала кезден тамақ, тәтті өнімдер әзірлегенді жақсы көремін. Тәттілерді алғашында ғаламторға қарап үйрендім, &nbsp;кейіннен Астана қаласында шеберлік сағатына қатысып, қыр-сырын үйрендім. Әрдайым дәмді етіп ас дайындау, түрлі тәтті пісіру екінің бірінің қолынан келе бермейді. Қызығушылықпен бойыма сіңген қасиет бүгінде өмірімнің мәніне, тірлігімнің көзіне айналып отыр. Қазір де әрбір тәттіні ерекше махаббатпен дайындаймын, – дейді кәсіпкер. &nbsp;</blockquote>Расында да, асты дәмді ету кез келген¬нің қолындағы іс емес. Сондықтан тағамы тәтті асханалар мен өнімі ерекше дүкендерді тұрғындар бекер іздемесе керек. Кез келген өнім дайындайтын орынның мол табыс табуы сондағы аспаздың ерекше ептілігіне тікелей байланысты.Осы ретте Сезім Айқодықованың тәттілеріне күмән келтіруге болмайды. Оның қолынан шыққан әрбір тәтті бүгінде үлкен сұранысқа ие. Дүкенге келушілердің де, той-жиынға арнайы тапсырыс берушілердің де қатары көп. Осындай дәмді тағамдар жасайтын ол күнделікті табысына көңілі толатынын айтады.<blockquote>– Жеке кәсіп ашып, көпшілікке тәтті тағамдар түрін ұсынып, олардан алғыс алып отырғаныма қуаныштымын. Кәсіп ашуыма себепші де, қолдаушы да, бағыт-бағдар беруші де – ата-анам. Жас болғаныма қарамай маған сенім артқандары үшін алғысым шексіз. Әлі де алға қойған мақсатым көп. Жеке кәсібімді жылдар өте ұлғайтқым келеді. Санаулы тағам түрлерімен шектеліп қалмай, олардың санын арттыру да жоспарда бар. Алдағы уақытта заманауи торттардың, тәттілердің түрін меңгеріп, мәзірге оны да қоспақпын. Тәтті пісіруге ешқашан ерінген емеспін. Керісінше бұл іс мені шабыттандырады. Өзімнің сүйікті ісіммен асханада таңнан кешке дейін жүре беруге дайынмын. Тек тапсырыс берушілер мен дүкен тұтынушыларының көңілінен шығуды ойлаймын, – дейді ол.</blockquote>Үйренсем, білсем деп талпынған жастың жетер асуы асқақ. Алдына үлкен мақсат қойған жан сол жолдан таймаса, биіктерге жетері хақ. Кәсібін жақында ашып, сол мақсатта тапжылмай еңбек етіп жүрген жанның несібесі де мол болмақ.&nbsp;Ардақ СӘКЕНҚЫЗЫ

Талабы таудай жас кәсіпкер

<a href="https://kyzylorda-news.kz/">Kyzylorda-news.kz</a> Әрбір адам өзінің тарихынан хабардар болуы тиіс. Ал архив осы өткеніміздің куәсін бізге жинақтап ұсынушы мекеме. Ол тек тарихи шежіре қоймасы ғана емес, сонымен қатар әрбір ұлт тарихының олардың арман-тілегін, ақыл-ойын, даналығы мен парасатын, үлгі-өнеге өсиеттерін сақтап отыратын киелі орын.&nbsp;Халық пен ел арасындағы құнды жазба деректерді жинастырып сақтау ісінне мемлекеттік деңгейде мән беріліп келеді. Қазір де архивтерде сақталатын деректер мемлекеттің ішкі-сырттық жағдайы, саяси идеологиялық қатынастары туралы ұлттық байлықтың бір бөлігі ретінде сақталады. Біздің ауданда да архив ісі жақсы жолға қойылып, жұмысы жүйелі жүргізілуде.&nbsp;Биылғы жылдың бірінші жартыжылдығында архив ісін жүргізу және басқаруда Президенттің Қазақстан халқына арнаған «Қазақстан – 2030» стратегиялық даму бағдарламасына және «Ұлттық архив қоры және архивтер туралы» Заңына, Қазақстан Республикасы Үкіметінің, Қазақстан Республикасы Мәдениет және ақпарат министрлігінің нормативтік-құқықтық актілеріне, Қызылорда облысының мәдениет, архивтер және құжаттама басқармасының іс-шаралар жоспарына сай жұмыстар атқарылған.Архив жүйесінде мемлекеттік саясатты қалыптастыру және архив ісін жетілдіру бағытындағы қызметтерді жүзеге асыруда мекемелер жүйесіндегі үкіметтің өкілетті және атқарушы органдарымен, мәдениет, білім мекемелерімен, қоғамдық және басқа да ұйымдармен іскерлік қатынастарды орнатудағы өзара қарым-қатынастарды нығайту жұмыстары өз жалғасын табуда.Архив ісінің дамуы, Ұлттық архив құжаттарының сақталуын қамтамасыз етумен қатар, архив қорының маңызды құндылықтармен толықтырылуы және олардың кең көлемде қолданысқа еніп жариялануы архивистердің негізгі назарында.&nbsp;Халықаралық әйелдер мерекесіне орай «Аналармен әлеміміз әдемі!» атты мерекелік кездесу өткізілді. Оған «Алтын Алқа» иегерлері Бақыткүл Әбілханқызы мен Ақкенже Маңғыбайқызы қатысып, архив қызметкерлері тарапынан мерекелік сый-сияпат көрсетілген.Ұлттық архив қорларында сақтауға алынған құжаттардың физикалық жай-күйін жақсартуда қағаз негізіндегі құжаттар 700 құжат тігіліп, түптеліп, 1037-сінің мұқабасы шифровкаланды. №25, 28-ші қорлардың 100 ісінің 604 парақтарына қайта жөндеу жұмыстары жүргізілді. 800 жазба қағаздары жасалып, ілінді. Құжаттардың 32 ісінен мәтіні өшуге айналған 162 парақ қалпына келтірілді. Қордағы құжаттардың 264 байламының 2077 ісіне шаң-тозаңнан тазарту жұмыстары жүргізіліп, құжаттар ығыстырылып орналастырылды. 1541 сақтау бірлігінің жай-күйі тексеріліп, тексеру қорытындысы туралы 1 акт толтырылды. Архив қызметкерлеріне және зерттеушілерге қор сақтау қоймасынан 1791 құжат беріліп, берілген барлық құжат қайта орнына қойылды.– Қаңтар айында «Қармақшы аудандық ветеринариялық станциясы» шаруашылық жүргізу құқығындағы коммуналдық мемлекеттік кәсіпорны, «Қармақшы аудандық мәслихаты» ММ, «№16 Қармақшы ауданының балалар-жасөспірімдер спорт мектебі» коммуналдық мемлекеттік мекемесі, «Қармақшы аудандық жастар ресурстық орталығы» коммуналдық мемлекеттік мекемесі мамандарына «Құжаттардың құндылығына сараптама жүргізу және мемлекеттік архивке сақтауға тапсыру тәртібі», 17 сәуір күні «Ақжар ауылдық округі әкімінің аппараты» коммуналдық мемлекеттік мекемесі, «Жаңажол ауылдық округі әкімінің аппараты» коммуналдық мемлекеттік мекемесі, «III Интернационал ауылдық округі әкімінің аппараты» коммуналдық мемлекеттік мекемесі, «Қармақшы аудандық экономика және қаржы бөлімі» коммуналдық мемлекеттік мекемесі, «Қармақшы аудандық құрылыс, сәулет және қала құрылысы бөлімі» коммуналдық мемлекеттік мекемесі мамандарына «Е-Архив» ақпараттық жүйесіндегі «Істер номенклатурасы бөлімімен жұмыс жүргізу тәртібі» &nbsp;тақырыбында 2 семинар кеңес өткізілді. Архив мекемесінде 41 әдістемелік кеңес беріліп, 26 байқау ісімен жұмыс жүргізілді, – дейді филиал басшысының міндетін атқарушы А.Мешітбаева.Қызылорда облысының мәдениет &nbsp;және спорт басқармасының сараптама тексеру комиссиясының мәжілісіне 7 &nbsp;жеке тектік құжаттар және 334 сақтау бірлігі ұсынылды, оның ішінде 254 басқару және 80 жеке құрам құжаттары мемлекеттік архивке қабылданса, 19 істер номенклатурасы және 7 мекемеден 1466 мерзімі өткен сақтауға жатпайтын құжаттарды жою туралы актісі бекітуге және келісуге ұсынылды. Архив қорының ғылыми-анықтамалық аппарат жүйесін құру мен жетілдіру мақсатында жоспарға сәйкес жұмыстар атқарылған.Жеңіс күнінің 79 жылдық мерекесіне орай және Ұлы Отан соғысының ардагері М.Ермахановтың 105 жылдық мерейтойына «Аталар мұрасы – ұрпаққа үлгі» атты құжаттар көрмесі мен &nbsp;экскурсия өткізіліп, «Архивтік анықтамалар, архивтік құжаттардың көшірмелерін немесе архивтік үзінділер беру», «Архив құжаттарын цифрландыру заман талабы», «Архив қорындағы құндылық» атты мақалалар баспасөз бетінде жарияланған.Осы жылдың наурызында мекеме қызметкерлеріне «Архив ісі саласында мемлекеттік қызметтер көрсету қағидасы», маусым айында «Ақпаратты қорғау амалдары мен тәсілдері» және «Сақтау мерзімдерін көрсете отырып, мемлекеттік және мемлекеттік емес ұйымдар қызметінде жасалатын үлгілік құжаттар тізбесін бекіту туралы» бұйрығына Қазақстан Республикасы Мәдениет және ақпарат министрінің 2024 жылғы 15 мамырдағы №190-НҚ бұйрығымен енгізілген өзгерістер» тақырыбында мекеме қызметкерлерінің біліктілігін артыру бойынша 3 сабақ өткізілген.«Қармақшы аудандық архиві» филиалында «Сыбайлас жемқорлыққа қарсы күрес туралы» Заңы талаптарына сай біршама жұмыстар атқарылуда. «Сыбайлас жемқорлық – қауіпті дерт», «Архивтік анықтамалар мен құжаттардың көшірмелерін немесе архивтік үзінділерді алу тәртібі» тақырыбында екі дөңгелек үстел ұйымдастырылған.Жоспарға сәйкес Ш.Уәлиханов атындағы №26 орта мектебінің 7 «Б» сынып оқушыларына «Құт қонған қасиетті Қармақшым» атты сабақ, Қармақшы аграрлы-техникалық колледжінің «Ауыл шаруашылығын механикаландыру» тобының 1 курс студенттеріне «Архив – құнды деректердің сыр сандығы» тақырыбында лекция өткізілсе, «Архив – тарих айнасы» атты 1 ашық есік күні ұйымдастырылып, келген жеке және заңды тұлға өкілдеріне филиал басшысы жеке қабылдау өткізіп толғандырып жүрген мәселелері бойынша сұрақтарына заң аясында жауап берді.Мекеме ғимаратында жеке және заңды тұлғалардың құқықтары мен заңды мүдделерін қорғау және сыбайлас жемқорлықтың алдын алу мақсатында мекемеде 2-21-88 нөмірлі «Сенім телефоны» мен арыз-шағым жәшігі орнатылған. Алдағы уақытта да сыбайлас жемқорлықтың алдын алуға бағытталған шаралар жалғасын табатын болады. Филиал қызметкерлері жергілікті өкілетті және атқарушы органдармен, мәдениет, білім, қоғамдық ұйымдармен өзара қарым-қатынас жасасып, аудандағы шараларға қатысады.Жеке және заңды тұлғалардан түскен өтініштер мен сұранымдарға байланысты заң талаптарына сай тиісті жұмыстар атқарылды. 2024 жылдың қаңтар-маусым айлары аралығында барлығы 504 сұраныс тіркеуге алынды. Сұраныстардың 414-і қанағаттандырылып, 79-і түсіндірілді, 11-і қайта бағытталды. Тақырыптық сұраныстар түспеген.«Электронды архив» бағдарламасы аясында архивтік құжаттарды цифрлық форматқа көшіру жұмыстары жүйелі жүргізіліп 1126 сақтау бірлігінен, 71512 парақ цифрлы форматқа көшірілді. «Құжаттардың бірыңғай электрондық архиві» ақпараттық жүйесіне 211 істен, 49987 парақ енгізілген.&nbsp;Ардақ СҮЛЕЙМЕНОВА

Архив – тарих сақтаушысы

<a href="https://kyzylorda-news.kz/">Kyzylorda-news.kz</a> «Балапанды күзде санаймыз» дейді емес пе? Сол секілді дала еңбеккерлерлерінің ерте көктемнен бастап ала жаздағы еңбегі қоңыр күзде өлшенеді. Жыл соңында әр өңірде дәстүрге айналған «Алтын күз» салтанатты іс-шарасы өткізіледі. Онда ала жаздай дала төсінде тер төгіп, қырманды мол астыққа толтырған дала еңбеккерлері абырой биігінен көрініп, марапатталады. Биыл осындай озаттар қатарында «Ақжар» шаруа қожалығының майталмандары төбе көрсетіп, көлік мінді. Олар – механизатор Рүстем Зиядинұлы мен сушы Есен Ибраев.Жалпы биыл шаруа қожалықтың дала ерлерінің еңбегін бағалап, оныншы көлік мінгізуі. Жыл сайын күріш өсіруден жоғары өнім алған диқанмен қожалықтың басқа да тіршілігін тоқтатпай алға жылжуына үлес қосқан еңбеккерді ынталандырып отыру үрдіске айналған.Кез келген үлкен шаруа техниканың көмегінсіз бітпейтіні белгілі ғой. Ал оны жүргізіп тұру мен басқару үшін де білікті маман керек. Рүстем Зиядинұлы «Ақжар» шаруа қожалығында он төрт жылдан бері қызмет істеп келе жатқан мықты механизатор. Бүгінде қожалыққа қарасты барлық техниканың тілін жақсы меңгерген. Сынған, бұзылған техникаларды дер кезінде қолға алып жөндеп, оның әрі қарай қызмет етуіне жағдай жасап отырады.<blockquote>– Техникаға қызығушылығым мектеп жасымда басталды. Әкемнен үйреніп, сол кісінің жолын қудым. Ол кісі өмірден ерте өтті. Тірісінде осы шаруа қожалықта адал еңбек етті. Мектепті бітірісімен оқуға бармай еңбекке ерте араласып, осында механизатор болып орналастым. Жұмысым өзіме қатты ұнайды. Еңбекті шын сүйіп, адал қызмет еткеннің арқасында көлік мініп, құрметке бөленіп жатырмыз. Төрағамыз жыл сайын еңбегімізді бағалап, өз ісіне лайықты жанды марапаттап, жұмысымызды өзгелерге үлгі етіп отырады. Оған үлкен рақмет айтамыз, – дейді механизатор Рүстем.</blockquote>Көктемде тіршілікке кіріскен техникалар күзге дейін тынбайды. Күн жылып көктем келгенде жер жыртса, жаз бойы ауылдың жұмысын істеп, отын, шөп тасиды. Ал күзде егінді уақытында жинап алуға қатысады.<blockquote>– Шаруа қожалықтағы техникалар жаңа. 2 «МacDon», 2 «John Deeere» жаткасы, 1 эксковатр, 2 СLAAS трактор техникасы сақадай сай тұр. Егінді осы техникалардың арқасында уақытында жинап алдық. Алдағы уақытта ауылдағы қожалық дамып жатса техникаларымыз көбейеді деген үміттеміз, – дейді ол.</blockquote>Көлік тізгіндеген екінші майталман Есен Қабылбайұлы «Ақжар» шаруа қожалығындағы жас сушы, күрішші. Осы ауылдың тумасы. 2018 жылдан бастап қожалықта қызмет етуде. Бір жыл техника айдап, кейін сушыға ауысқан. Мектепті бітірген соң қаладағы «Ақмешіт» оқу орнын «Дене шынықтыру пәні мұғалімі» мамандығы бойынша бітіріп, алайда жұмыс ыңғайы болмаған. Екі қолға бір күрек іздеген кейіпкеріміз үйде бос жатқанды қаламай ауылдағы шаруа қожалыққа жұмысқа орналасады.<blockquote>– Қазіргі заман жалқаулықты көтермейді, талабы қатты. Мамандығыма сай жұмыс табылмады деп қарап қалмадым. Сыртқа да кетпедім. Ауылға еңбек етіп, үлесімді қосуды шештім. Екі қолға бір күрек табылды, шүкір. Шаруа қожалықта сушымын, күріште егемін. Биыл судан таршылық көрмедік. Ең бастысы соған қуанамын. Су жетпеген жағдайда басшылармен ақылдасып жұмыс істеймін. Сушы болу оңай шаруа емес әрине, әр атызға суды керегінше жеткізіп, тартып отыруың керек. Бәрі есеппен жүреді. Мұндай шеберлікті әкемнен үйрендім, – дейді Есен.</blockquote>Биыл ол 40 гектар жерге күріш егіп, одан 92,2 центнер өнім алған. Еңбектегі жемісін бағалап, төраға көлік мінгізуді жөн көрген.<blockquote>– Шынымды айтсам биыл көлік мінемін деп ойламадым. Облыстық марапатқа 3-4 күн қалғанда хабар келді. Сол кездегі қуанышымды көрсеңіз, сіздерге жеткізе алмаймын. Еңбегімізді елеген басшыларға алғыс айтамын, – дейді жеңімпаз.</blockquote>«Лада» автокөлігін мінген еңбеккерлердің расымен қуанышында шек жоқ. Олардың ала жаздай күнге күйген жүздеріне қарап еңбектің бағасын бере аласыз. Адалынан тапқан ас пен тынымсыз еңбектің берекесі қашанда бағалы екені сөзсіз.&nbsp;Ерсін АБЛАКИЕВ

Еңбегі еленген ерлер

<a href="https://kyzylorda-news.kz/">Kyzylorda-news.kz</a>&nbsp; &nbsp;Бүгінде жұқпалы аурулар бойынша аймақтағы ахуал тұрақты. Жыл басынан бері тұрғындар арасында аса қауіпті оба, тырысқақ, сібір жарасы, іш сүзегі секілді бірқатар аурулар тіркелмеген. Ал, өткен жылдың осы кезеңімен салыстырғанда 24 нозологиясы бойынша жұқпалы аурулардың аурушаңдық көрсеткіштерінің төмендеу тенденциясы орын алған. Облыстық денсаулық сақтау басқармасы басшысының орынбасары Мая Мирзанова мен облыстық санитарлық-эпидемиологиялық бақылау департаменті басшысының орынбасары Әлия Әбдіқайымова эпидемиологиялық ахуалдың алдын алу шаралары туралы айтты.<blockquote>– Биылғы жылдың 6 айының қорытындысымен Қызылорда облысында бірқатар жұқпалы аурулар аурушаңдығы бойынша тұрақты эпидемиологиялық ахуал қалыптасты. Облыс тұрғындары арасында вирусты кене энцефалиті, туляремия, листериоз, лептоспироз, иерсиниоз, малярия, трихиниллез, паратиф, полиомиелит, қызамық, құрөзек, сіріспе, жіті вирусты гепатит В, Д, Е, лейшманиоз сияқты аса қауіпті аурулар аурулары тіркелмеген. Сондай-ақ, өткен жылмен салыстырғанда биыл коронавирус жұқпасы – 4 жағдайға, вирусты пневмония – 10 жағдайға, тамақтан улану жағдайлары – 3,8 есеге, сарып – 2,6 есеге және эхинкоккоз – 2,3 есеге төмендеген. Өңірде жіті ішек инфекцияларының 456 жағдайы тіркеліп, аурушандық көрсеткіші 100 мың халыққа шаққанда 53,1 пайызды құрады. Бұл көрсеткіш өткен жылмен салыстырғанда 15,3 пайызға төмендегенін көрсетеді. Сол себепті де облыстағы эпидемиологиялық ахуал «қанағаттанарлық» деп бағалануда, – деді Мая Миранбайқызы.</blockquote><blockquote>– Жыл басынан бері аймақта бруцеллез ауруының 11 жағдайы тіркелді. Бұл өткен жылмен салыстырғанда 2,6 есеге төмендегенін көрсетіп отыр. Ал, Конго-Қырым геморрагиялық қызбасы бойынша өткен жылдың 6 айында 6 жағдай тіркелсе, биыл 4 жағдай есепке алынды. Облыс тұрғындары арасында қоғамдық тамақтану орындарымен байланысты жаппай топтасқан тамақтан улану жағдайлары тіркелмеген. Сонымен қатар, ҚР Денсаулық сақтауды дамытудың 2026 жылға дейінгі тұжырымдамасына сәйкес, «2023-2025 жылдарға арналған онкологиялық аурулармен күрес жөніндегі кешенді жоспар» шеңберінде адам папиллома вирусына қарсы вакциналауды енгізу көзделген. Адам папилломасы вирусы – теріні және дененің әртүрлі бөліктерінің шырышты қабықтарын зақымдайтын вирустар тобы. Бұл вирус қауіпті, себебі, ол тез таралып, нәтижесінде папилломалар пайда болады және жасушалардың қатерлі ісігінің деградациясы мен жатыр мойны обыры сияқты қатерлі ісіктің дамуына қоздырғыш болады. Ғылыми мәліметтерге сүйенсек, 10 әйел мен ер адамның 8-і 25 жасқа дейін осы вирусты жұқтырған. Сол үшін де елімізде АПВ-ге қарсы вакциналауды енгізу бойынша дайындық жұмыстары басталды. ДДСҰ 9-14 жас аралығындағы қыздарды вакциналауды ұсынып отыр. Осыған байланысты, Қазақстанда биылғы жылдың үшінші тоқсанында 11 жастағы қыздарға екпе салу жоспарланып отыр, – деді Әлия Мүтәліпқызы. &nbsp;</blockquote>

Қазақстан және Қызылорда облысының жаңалықтары: Қоғам