<a href="https://kyzylorda-news.kz/">Kyzylorda-news.kz</a> 1 қыркүйек - жас ұрпақтың жүрегіне үміт отын жағып, арманға қанат бітіретін күн. Бұл күні мектеп аулалары балғын күлкіге толып, жаңа оқу жылының қоңырауы соғылады. Әсіресе, алғаш рет мектеп табалдырығын аттаған бүлдіршіндер үшін бұл - үлкен өмірге жасалған алғашқы қадам.«Президентіміз Қасым-Жомарт Кемелұлы «Баланың бәрі бірдей. Ауыл баласы мен қала баласының білім алу мүмкіндігі де бірдей болуы керек. «Келешек мектептері» жобасының негізгі мақсаты да – осы», деген болатын.«Келешек мектептері» Ұлттық жобасы аясында салынып, жуырда ғана пайдалануға берілген облыс орталығындағы Мырзабек Дүйсенов атындағы №15 мектеп-лицейінде алғашқы қоңырау соғылды.&nbsp;Салтанатты іс-шараға Қызылорда облысы әкімінің орынбасары Мейрамбек Шермағанбет қатысып, құттықтау сөз сөйледі. Ол өз сөзінде Алаш қайраткері Міржақып Дулатовтың: «Ұрпағы білімді халықтың болашағы бұлыңғыр болмайды» деген ұлағатты ойына тоқталып, білімнің ұлт келешегіндегі маңызына ерекше назар аударды.<blockquote>- Ізденіс әлемінде білімге деген құлшыныстарыңыз өшпесін, талпыныстарыңыз тоқтамасын! Жаңа оқу жылында шәкірттерге табыс, ұстаздарға шығармашылық шабыт, ата-аналарға қуаныш тілеймін! Еліміздің көкжиегін кеңейтіп, жаңа биіктерге жетелейтін білім жолы әрдайым жарқын болсын! Білім күні құтты болсын! Еліміз өсіп-өркендей берсін! Бүгін есігін ашқан бұл мектеп - келешекке жасалған үлкен қадам, жастарымыздың сапалы білім алып, елге қызмет етуіне жол ашатын маңызды орталық боларына сенемін, - деді Мейрамбек Зинабдинұлы.</blockquote>Сонымен қатар, Мейрамбек Зинабдинұлы білім ордаларының тек шәкірт тәрбиелейтін орын ғана емес, сонымен қатар қоғамның рухани тірегіне айналуы тиіс екенін атап өтті. «Ұстаздың еңбегі өлшенбейді, ал шәкірттің жетістігі - ұстаз еңбегінің жемісі. Сондықтан біз жастардың бойына біліммен бірге адамгершілік пен ізгілікті сіңіруге күш салуымыз керек», - деген ойымен бөлісті.Сонымен қатар облыс әкімінің орынбасары жаңа мектептің оқу кабинеттерін аралап, заманауи жабдықтарымен танысты. Әсіресе, білім әлеміне алғаш қадам басқан 1-сынып оқушыларымен жүздесіп, оларға сәттілік тілеп, «Әліппе» оқулығын сыйға тартты. Ұстаздармен тілдесіп, олардың еңбегіне алғысын білдірді.Жаңа оқу жылы - жас буын үшін жаңа бастама, жаңа белес. Әр шәкірттің бойындағы білімге деген ынтасы мен алға ұмтылысы еліміздің ертеңін айқындайды. Ұстаздар мен ата-аналардың қолдауымен өсіп келе жатқан өрендеріміздің болашағы жарқын, келешегі кемел боларына сенім мол.<img src="https://knadmin.beoblood.kz/uploads/Bilim_k_ni_2_aa06369472.jpg" alt="Білім күні 2.jpg">

Білім – болашаққа бастар жарқын жол

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев қаладағы &nbsp;құрылыс алаңдарын аралап, нысандар мен көпірлердегі жұмыс барысын көріп шықты.Алдымен "Сыр ана" монументі жанындағы Сырдария өзені арқылы өтетін көпір жобасымен танысты. Ұзындығы 312,2 метрлік көпірдің жоба-сметалық құжаттамасы әзірленуде.Ал аспалы көпірді күрделі жөндеуді &nbsp;«Кыран» ЖШС қолға алған. Қазір ұзындығы &nbsp;4,489 шақырым, ені &nbsp;5-13 метрлік нысандағы жөндеу жұмыстары аяқталуға жақын. Алдағы уақытта пайдалануға беріледі деп жоспарлануда. Одан кейін, аймақ басшысы жаңа ЖЭО құрылысының барысымен танысты.Мемлекет басшысының тапсырмасымен салынған жаңа жылу-электр орталығының құрылысы қарқынды жүруде. Инвестор «Акса энерджи» түрік компаниясы орталық құрылысына 137 млрд.теңгеден астам инвестиция құйды. &nbsp;Жоба аясында 2 газ турбиналық қондырғы, 95 МВт-тық бу турбинасы, 2 бу, 4 жылу қазандығы салынады. Бүгінде құрылыстың 70 пайызға жуық жұмысы біткен. Бұдан бөлек, бюджет есебінен 15 млрд.теңгеге орталыққа дейінгі 45 шақырым газ құбыры, автоматтандырылған газ тарату станциясы салынды. Мұнда 1200-ден астам адам және 130 арнайы техника жұмыс жасауда. Жұмысшылардың негізгі бөлігі - жергілікті тұрғындар. Станцияны осы жылдың ІV тоқсанында іске қосу жоспарланған. Бірінші кезекте 1 газотурбиналық қондырғы мен 2 жылу қазандығы, 2026 жылы қалған қондырғылар қосылады. Жаңа станция облыстың электр энергиясына деген қажеттілігін толығымен қамтамасыз етеді.Сонымен қатар, өңірдің энергетикалық әлеуетін едәуір күшейтіп, ұзақ мерзімді тұрақты дамуына негіз қалайды. Аймақ басшысы сол жағалаудағы жаңа облыстық тарихи-өлкетану музейінің алдында сол қатардағы құрылыс жұмыстарын қолға алған мердігер мекемелер басшыларымен кездесті. Құрылыс барысында ең бірінші кезекте сапа мен мерзімнің маңызды екенін, халық күткен жаңа ғимараттар мен нысандардың уақытылы пайдалануға берілуі керектігін ескертті.<img src="https://knadmin.beoblood.kz/uploads/rylys_zh_mystaryn_tekserdi_2_8264ae41b9.jpg" alt="Құрылыс жұмыстарын тексерді 2.jpg">Фото: Қызылорда облысы әкімінің баспасөз қызметі

Аймақ басшысы құрылыс жұмыстарының барысын тексерді

Облыс әкімі Нұрлыбек Нәлібаев «Ardent Plastik және Nigde Plastik» компаниялары &nbsp;директорлар кеңесінің төрағасы Азми Берк Алтунташпен кездесіп, инвестиция тарту мәселесін талқылады.Қызылорда облысы әріптестік пен инвестициялар үшін әлеуетті, даму қарқыны жоғары агро-индустриялық аймақ екенін атап өтті. Компанияның су үнемдеу технологиясы саласындағы тәжірибесіне қызығушылық танытып, бірлесіп жұмыс жасауға шақырды.&nbsp;«Біз әрбір инвесторды қолданыстағы заңнама аясында сүйемелдеуге дайынбыз. Барлық инфрақұрылым желілері қолжетімді, облыс әкімдігі қажетті техникалық шарттарды алуға жан-жақты қолдау көрсетеді», - деді Н.Нәлібаев.Азми Берк Алтунташ инженерлік инфрақұрылыммен жабдықталған «Өндіріс» индустриялық аймағы жұмысымен танысқанын және бірлесіп жұмыс атқаруға дайын екенін жеткізді.Қызылорда облысы әкімінің баспасөз қызметі

Инвестиция тарту мәселесі талқыланды 

Облыс әкімі Нұрлыбек Нәлібаев «Петро Қазақстан Құмкөл Ресорсиз» компаниясының басшысы Ян Миньюймен кездесіп, мұнай-газ саласын дамыту бойынша екіжақты қатынастар орнатудағы кейбір мәселелерді талқылады.«Петро Қазақстан» - өңірдегі ірі мұнай өндіруші компаниялардың бірі &nbsp;және Оңтүстік Торғай ойпатының бірнеше кен орнын &nbsp;игеруде. Қазіргі уақытта &nbsp;кен орындарының басым бөлігі өндірудің соңғы кезеңінде және қалдығы қиын өндірілетін қор ретінде сипатталады. Ұңғымалардың көпшілігінің сулануы 95%-ға дейін жеткен. Соның салдарынан кен орындарының жабылу және жұмыс орындарының қысқару қаупі бар.Құрметті Ян Миньюй мырза, тек қолданыстағы келісімшарттық аумақтарда ғана емес, &nbsp;болашағы зор жаңа учаскелерде де барлау және игеру жұмыстарын бастау қажет. «Петро Қазақстан» әлеуметтік бағытталған компания ретінде өзін жақсы танытты және өңір тұрғындарына бірнеше мәрте көмек көрсетті. Алдағы уақытта да өңірдің әлеуметтік мәселелерін шешуге қолдау білдіретініне сенімім мол»», - деді Н.Нәлібаев.Кездесуде еңбек жағдайын жақсарту, «ТұзкөлМұнайГаз Оперейтинг» компаниясы газ құбырының құрылысын мүмкіндігінше қысқа мерзімде аяқтау мәселелері сөз болды. Ян Миньюй мырза әрі қарай да бірлесіп жұмыс атқаруға дайын екенін жеткізді.Қызылорда облысы әкімінің баспасөз қызметі

Кездесуде екіжақты қатынас орнату мәселесі қаралды 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Power International Holding» компаниясының&nbsp;Қазақстан бойынша атқарушы директоры Амер Махасенмен кездесті.Аймақ басшысы атқарылған жұмыстар, алдағы жоспарлар туралы айтты. «Сыр өңіріне қош келдіңіздер! Президентіміз Қасым-Жомарт Кемелұлы &nbsp;мен Қатар мемлекетінің Әмірі шейх Тәмим бен Хамад Әл Тәни арасында қол қойылған келісімдер ынтымақтастықты одан әрі нығайтуға берік негіз болды.Энергетика және газ саласындағы жобаларды іске асыру туралы келісімдер аясында «Power International Holding» компаниясы Қызылорда облысында қуаттылығы 1 100 мегаватт болатын газ-электр станциясын салуды жоспарлауда.Еліміздің оңтүстік өңірлерінде электр қуатының тапшылығы айқын сезіледі. Жаңа бу-газ станциясы тек біздің облыс үшін ғана емес, тұтас еліміздің энергетикалық тұрақтылығы мен экономикалық дамуы үшін үлкен маңызға ие.Аталған жоба жаңа өнеркәсіптік және әлеуметтік нысандардың іске қосылуына серпін беріп, халықтың өмір сапасын арттыруға ықпал ететініне сенімдіміз.Қазіргі таңда &nbsp;облыс әкімдігі жобаны орналастыру үшін 250 гектар жер телімін беріп, тиісті келісімдер жүргізілуде.<blockquote>Құрметті Амер Махасен мырза! Қызылорда облысының инвестициялық әлеуеті зор. Өңірдің басты артықшылықтарының бірі - минералды-шикізат ресурстарының мол қоры.&nbsp;Облыс аумағында қара және түсті металдардың, пайдалы қазбалардың және сирек кездесетін жер элементтерінің қоры бар. Еліміздің ванадий қорының 66%-ы, мырыштың 16%-ы, қорғасынның 11% және уранның 15%-ы Қызылорда облысында орналасқан. Мұнай қорының жыл сайынғы төмендеуін ескеріп, өңдеу өнеркәсібінде бірлескен жобаларды іске асыру үшін қолда бар ресурстарды тиімді пайдалануға &nbsp;мүдделіміз. Атап айқанда, құрылыс индустриясы, ауыл шаруашылығы өнімдерін терең өңдеу, тамақ, химия, тау-кен өнеркәсіптері. Аймағымыздағы әлеуеті зор, құны 2,2 млрд. АҚШ долларын құрайтын 61 инвестициялық жобаның тизерлерін қарастыруды ұсынамын. Жаңа жобаларды орналастыруға арнайы экономикалық аймақ және инженерлік-коммуникациялық инфрақұрылыммен қамтамасыз етілген индустриялық аймақ бар», - деді Н.Нәлібаев.</blockquote>Кездесуде Амер Махасен өңірдің инвестициялық әлеуеті жоғары екенін атап өтіп, алдағы уақытта бірлескен жобаларды жүзеге асыру мүмкіндіктері қарастырылатынын жеткізді.Айта кетейік, Мемлекет басшысының тікелей қолдауымен Қызылорда қаласында &nbsp;«Акса Энерджи» компаниясымен бірлескен, қуаты 240 МВт болатын жаңа жылу-электр орталығының құрылысы жүргізілуде. Бұл жоба электр энергиясының жүктемесін тұрақтандыруға әрі энергетикалық қауіпсіздікті нығайтуға елеулі үлес қосады.Фото: Қызылорда облысы әкімінің баспасөз қызметі

Аймақ басшысы «Power International Holding» компаниясының Қазақстан бойынша атқарушы директорымен кездесті

Бүгін Сыр өңірінің тұрғындары үшін әдеттегі жексенбі емес. Себебі демалыс таңы сайлау науқанымен басталды. Жергілікті жұрт жаңадан 3 әкімді сайлайды.&nbsp; Атап айтқанда Қызылорда қаласындағы Қарауылтөбе ауылдық округі, Жалағаш ауданындағы Мәдениет ауылдық округі мен Сырдария ауданындағы Шаған ауылдық округі. Учаскелік комиссия мүшелері таңғы сағат 07.00-де жұмысын бастап, тізімге енген сайлаушыларға бюллетень беруде.&nbsp; Ауылдық округ әкімдеріне дауыс беруге ниетті сайлаушылардың қатарында науқанға отбасымен бірге келгендердің үлесі басым. Олар учаскелік сайлау комиссиясында дауыс беріп болғаннан кейін пазл бейнесіндегі болашақтың фотомозайкасында естелік суретке түсті.&nbsp; - Әрбір ата-ана балалары үшін өмір сүреді. Ал, балалар - келешегіміз. Осы ауылды көркейтемін деп талаптанған адамға дұрыс таңдау жасау - біздің міндетіміз деп есептеймін. Сондықтан осы ауылдың тұрғыны ретінде дұрыс таңдау жасадым деп ойлаймын,-дейді сайлаушы.&nbsp; Айта кетейік, 3 округте 50 сайлаушы үйден дауыс беруге өтініш қалдырды.<img src="https://knadmin.beoblood.kz/uploads/IMG_20250831_WA_0013_21471a9f2a.jpg" alt="IMG-20250831-WA0013.jpg"><img src="https://knadmin.beoblood.kz/uploads/IMG_20250831_WA_0014_97156ad90c.jpg" alt="IMG-20250831-WA0014.jpg">

Қызылордада 3 ауылдың әкімі сайланады

<a href="https://kyzylorda-news.kz/">Kyzylorda-news.kz</a> 1 қыркүйектен бастап Қазақстанда әкімшілік жаза түрінің жаңа формасы – қоғамдық жұмыстар енгізіледі.&nbsp;Бұл туралы&nbsp;<a href="https://stan.kz/kazakstanda-kirkuyekten-bastap-ayippyldar-kogamdik-zhym-422695/">Stan.kz</a>&nbsp;ақпарат агенттігі хабарлайды.Түзетулерге сәйкес, қоғамдық жұмыстар Әкімшілік құқық бұзушылық туралы кодекстің 9-бабына&nbsp;сәйкес тағайындалуы мүмкін. Олардың қатарында:Отбасындағы құқыққа қайшы әрекеттер (73-бап);Ұсақ бұзақылық (434-бап);Қоғамдық орындарды ластау (434-2-бап);Әдейі жалған түрде жедел қызметтерді шақыру (438-бап, 2-бөлік);Қоғамдық орындарда ішімдік ішу және мас күйінде жүру (440-бап, 3-бөлік);Полиция қызметкерлерінің заңды талаптарына бағынбау (443-бап, 2-бөлік);Қоғамдық орындарда тиісу (449-бап, 2-бөлік);Арнайы көлікке жол бермеу (598-бап, 2-бөлік);Жаяу жүргіншілердің жол жүру ережесін жүйелі түрде бұзуы (615-бап, 4-бөлік).Жазаның&nbsp;орындалуын жергілікті атқарушы органдар бақылайды. Ал тағайындалған жұмыстардан жалтарғандар&nbsp;Әкімшілік құқық бұзушылық туралы кодекстің 669-бабына сәйкес, бөлек жауапкершілікке тартылады.Билік өкілдерінің айтуынша, қоғамдық жұмыстарды енгізу құқық бұзушылық деңгейін төмендетуге, азаматтардың тәртібін арттыруға және қоғамдық тәртіп пен экологияға жауапкершілікті көзқарас қалыптастыруға бағытталған.Фото: Ru.freepik.com

Қазақстанда қыркүйектен бастап айыппұлдар қоғамдық жұмыстармен алмастырылады

<a href="https://kyzylorda-news.kz/">Kyzylorda-news.kz</a> Бүгін Қазалы ауданында білім қызметкерлерінің 2025-2026 оқу жылы қарсаңында «АДАЛ ҰРПАҚ, БІЛІМДІ ЖАС, КЕМЕЛ КЕЛЕШЕК» атты ұрпақ тәрбиесіне арналған кеңейтілген алқа отырысы өтті.&nbsp;Аудан әкімінің міндетін атқарушы Жалғас Сүйеубаевтың төрағалығымен өткен жиынға аудандық мәслихат төрағасы Ғазиз Әліш, аудан прокуроры Дарын Әбіш, білім саласының ардагерлері, ата-аналар комитетінің төрағалары, білім беру ұйымдарының басшылары және ұстаздар қауымы мен ата-аналар қатысты.Кеңейтілген алқа отырысында алдымен Жалғас Оңғарұлы барша жиынға қатысушылар мен ұстаздар қауымын 30 тамыз - Конституция күні мерекесімен және жаңа оқу жылының басталуымен құттықтап, сәттілік тіледі. Сондай-ақ ауданның білім саласының дамуына мемлекет тарапынан көрсетіліп жатқан қолдаулар мен саладағы өзекті мәселелерді ортаға салды.Алқа отырысында аудандық білім бөлімінің басшысы Әділхан Жөлекешов білім саласындағы атқарылған жұмыстар мен алдағы міндеттер туралы баяндаса, аудандық полиция бөлімінің бастығы Асылбай Аңсатов балалар мен жасөспірімдер арасындағы қылмыс пен құқық бұзушылықтың алдын алу бағытындағы атқарылып жатқан шаралар туралы баяндама жасады. Баяндамашылардан кейін аудан прокуроры Дарын Әбіш сөз алып, жас ұрпаққа саналы тәрбие беру жолында қолға алынып жатқан іс-шараларды ауызбіршілікпен атқарып, бала тәрбиесіне үлкен жауапкершілікпен қарау керектігін жеткізді.Жиын барысында Бірлік ауылындағы №102 орта мектептің ата-анасы, шебер педагог Тамаша Мұратбай мен Сәкен Сейфуллин атындағы №165 орта мектептің мұғалімі, ерікті жасақшылар тобының мүшесі Ерлан Бекберген отбасы құныдылықтары, отбасындағы бала тәрбиесі &nbsp;жайында сөз қозғады. Сондай-ақ бірлігі бүтін, іргесі мықты ел болу үшін жас ұрпаққа саналы да, сапалы білім мен таза, рухани тәрбие беру міндеті баршаға ортақ міндет екендігін жеткізді.Жиында Жалғас Оңғарұлы мемлекет тарапынан &nbsp;ұрпақ тәрбиесіне, білім беруші мен білім алушыға жасалып жатқан жағдай, көрсетіліп жатқан қолдаулар және жалпы ауданның білім саласында қол жеткізіп жатқан оң нәтижелі жұмыстар жайында кеңінен тоқталып өтті.&nbsp;Сонымен қатар бала тәрбиесі, жасөспірімдердің қауіпсіздігі, жасөспірімдер арасындағы құқықбұзушылық мәселелерінің алдын алу, жас ұрпақты сапалы білім мен саналы тәрбиемен қамту, балалардың бос уақыттарын тиімді өткізу, олардың денсаулығы, тәрбие жұмыстарын жетілдіру сынды өзекті мәселелерге байланысты білім беру ұйымдары мен әрбір жауапты сала басшыларына нақты тапсырмалар жүктеді.&nbsp;Жиын соңында Жалғас Оңғарұлы барша жиынға қатысушыларды бала болашағына бағытталған әрбір игі іске қолдау білдіріп, отбасындағы құндылықтарды сақтау, өскелең ұрпаққа тағылымды тәрбие беру жұмыстарын бірлесе атқаруға шақырды.<img src="https://knadmin.beoblood.kz/uploads/Ke_ejtilgen_al_a_otyrysy_2_c33544be0f.jpg" alt="Кеңейтілген алқа отырысы 2.jpg">

Жаңа оқу жылы қарсаңында кеңейтілген алқа отырысы өтті

<a href="https://kyzylorda-news.kz/">Kyzylorda-news.kz</a> Еңбек және халықты әлеуметтік қорғау министрлігі зейнетақыны автоматты түрде тағайындайтын пилоттық жобаның аяқталғанын хабарлады.<blockquote>— Зейнетақы төлемін проактивті тағайындау бойынша пилоттық жоба болды. Бастапқыда оған мемлекеттік корпорациялар қатысты. Ұйымдардың кадр бөлімі 1998 жылға дейінгі еңбек өтілі туралы ақпаратты зейнетке шығуды жоспарлаған қызметкерлер үшін енгізіп отырған. Кейін квазимемлекеттік сектор ұйымдары да қосылып, ақпарат енгізді, — деді Еңбек және халықты әлеуметтік қорғау вице-министрі Олжас Анафин орталық коммуникациялар қызметі алаңында өткен баспасөз мәслихатында.</blockquote>Оның айтуынша, қазір пилоттық жоба аяқталды.&nbsp;<blockquote>— Пилоттық жобаны одан әрі қарай кеңейту мәселесі әзірге белгісіз, себебі барлық жұмыс беруші қызметкерлерінің алдыңғы жұмыс орнындағы, әсіресе 1998 жылға дейінгі еңбек өтілі туралы ақпаратты енгізуге дайын емес. Сондықтан пилоттық жоба әзірге тоқтатылды, басқа бағытта жұмыс істеп жатырмыз. Нақты айтқанда, Е-архивті цифрландырумен, е-архивпен интеграция жүргіземіз. Еңбек өтілі туралы ақпарат сол ақпараттық жүйеден алынады, — деп түсіндірді министрдің орынбасары.</blockquote>Фото: freepik.com

Зейнетақыны автоматты түрде тағайындайтын пилоттық жоба тоқтатылды

<a href="https://kyzylorda-news.kz/">Kyzylorda-news.kz</a>&nbsp; 2025 жыл – Жұмысшы мамандықтар жылына орай Қызылорда қаласында «Адал адам – адал еңбек – адал табыс» тақырыбында кездесу өтті.Қызылорда қаласында «Торғай-Петролеум» АҚ қызметкерлерімен Қызылорда облыстық Қазақстан халқы Ассамблеясы жанындағы ақпараттық-түсіндіру тобының қатысуымен «Адал адам – адал еңбек – адал табыс» тақырыбында кездесу өткізілді.Іс-шараға ақпараттық-түсіндіру тобының мүшелері – «Қоғамдық келісім» КММ директорының орынбасары, философия ғылымдарының докторы (PhD) Дәулет Омаров, Қызылорда облыстық мәслихатының депутаты, мәслихаттағы Қазақстан халқы Ассамблеясының депутаттық тобының жетекшісі Мақсұт Нәлібаев, сондай-ақ «Қазақстандағы орыс қауымдастығы» филиалының төрағасы Наталья Мишукова қатысты.Кездесу барысында Мемлекет басшысы Қасым-Жомарт Тоқаев Ұлттық құрылтайда атап көрсеткен «Адал адам – адал еңбек – адал табыс» қағидаты кеңінен түсіндірілді. Қоғамда әділдік, жауапкершілік және өрлеу құндылықтарын орнықтырудың маңызына ерекше назар аударылды. Спикерлердің айтуынша, бұл қағидат әрбір азаматтың өмірлік ұстанымына айналған жағдайда еліміз әділетті, бірлігі бекем әрі болашағы жарқын мемлекетке айналмақ. Сонымен қатар жастарды адал еңбек етуге, адал жолмен табыс табуға және ел дамуына белсене үлес қосуға шақырды.<img src="https://knadmin.beoblood.kz/uploads/540932420_4160597637592718_2282972609913912448_n_3ae6f0f2ca.jpg" alt="540932420_4160597637592718_2282972609913912448_n.jpg"><img src="https://knadmin.beoblood.kz/uploads/541009431_4160597554259393_2784083847235936549_n_488dd9cce5.jpg" alt="541009431_4160597554259393_2784083847235936549_n.jpg">

«Адал адам – адал еңбек – адал табыс» қағидаты талқыланды

<a href="https://kyzylorda-news.kz/">Kyzylorda-news.kz</a> 2025 жылы Қызылорда облысы бойынша Техникалық реттеу және метрология департаменті өңірде өлшем бірлігін қамтамасыз ету, техникалық реттеу және сапа инфрақұрылымын жетілдіру бағытында жүйелі жұмыстар атқаруда. Жыл басынан бері облыс аумағында 76 тексеру жүргізіліп, сонымен қатар кәсіпорындар мен ұйымдарда түсіндірме шаралары ұйымдастырылды. Өнімдердің халықаралық стандарттарға сәйкестігін арттыруға ерекше назар аударылуда.Бұл туралы бүгін Өңірлік коммуникациялар қызметінің ақпарат алаңында ҚР Сауда және интеграция министрлігі Техникалық реттеу және метрология комитетінің Қызылорда облысы бойынша департаментінің басшысы Бауыржан Қарсақбаев мәлімдеді.<blockquote>- Біздің департаменттің негізгі міндеті - техникалық реттеу, өлшем бірлігін қамтамасыз ету, сәйкестікті бағалау саласында аккредиттеу және зергерлік бұйымдар айналысы саласында мемлекеттік саясатты іске асыру. Осы бағыттарда мемлекеттік бақылау мен қадағалау жүйелі түрде жүргізілуде. 2025 жылдың өткен кезеңінде облыс аумағында барлығы 76 тексеру жүргізіліп, олардың басым бөлігінде заңнамалық талаптардың орындалуы қадағаланды. Тексеру қорытындылары бойынша бұзушылықтарды жою жөнінде тиісті нұсқамалар берілді. Сонымен қатар ақпараттық жүйелерді зерделеу барысында өлшем құралдарының салыстырып тексеру сертификаттарына қатысты заңға сәйкес шаралар қабылданды. Өлшем бірлігін қамтамасыз ету туралы заң талаптарының сақталуына байланысты жеке меншік медициналық орталықтарда 34 субъектіге ұсынымдар берілді. Сондай-ақ зергерлік бұйымдар сатушыларға қатысты 20 профилактикалық бақылау жүргізілді. Бақылау сатып алу бағдарламасы аясында бірқатар өнімдер сынақтан өткізіліп, техникалық регламенттерге сәйкес келмейтін тауарларды айналымнан алу жөнінде шешім қабылданды. Бұл шаралар халықты сапасыз өнімнен қорғауға және отандық тауар өндірушілердің бәсекеге қабілеттілігін арттыруға бағытталған. Сонымен бірге облыс әкімдігі жанынан құрылған техникалық реттеу мәселелері жөніндегі ахуалдық штаб отырысында өнімдер қауіпсіздігі мен тұтынушылардың құқықтарын қорғау мәселелері талқыланды. Біздің басты мақсатымыз - тұтынушылардың құқықтарын қорғап, өнімдердің сапасын арттыру және халықаралық стандарттарға сай тауарлар өндіруге жағдай жасау. Осы бағыттағы жұмыстар алдағы уақытта да жалғасатын болады,-деді Бауыржан Бақытбекұлы.</blockquote>Фото: Қызылорда облысының Өңірлік коммуникациялар қызметі

Техникалық реттеу және сапа инфрақұрылымы жүйелі дамуда

<a href="https://kyzylorda-news.kz/">Kyzylorda-news.kz</a> Қазақстан Республикасының Конституция күніне орай Адам құқықтары жөніндегі ұлттық орталықта салтанатты іс-шара ұйымдастырылды.Құттықтау сөзінде Қазақстан Республикасының Адам құқықтары жөніндегі уәкілі Артур Ластаев «Конституция тек қана құжат емес, мемлекеттің іргетасы, халықтың бірлігі мен тәуелсіздігінің символы» екенін атап өтті. Ол қоғам дамуының негізгі қағидаттарын айқындап, әрбір азаматтың құқықтары мен бостандықтарына кепіл болатынын ерекше мәнге ие құндылық екенін де тілге тиек етті.Омбудсмен орталық қызметкерлеріне амандық-саулық, кәсіби қызметтерінде табыс пен жаңа жетістіктер тіледі.Салтанатты іс-шара барысында Орталықтың бірқатар қызметкерлері алғыс хаттармен марапатталды.

Қазақстан және Қызылорда облысының жаңалықтары: Қоғам