<a href="https://kyzylorda-news.kz/">Kyzylorda-news.kz</a> 2022 жылдың қыркүйегінде Мемлекет басшысы Қасым-Жомарт Тоқаев «Әділетті мемлекет. Біртұтас ұлт. Берекелі қоғам» атты Қазақстан халқына Жолдауы аясында «Ұлттық қор – балаларға» бастамасын көтерген болатын. Осы бастаманың аясында 2025 жылы 18 жасқа толмаған қазақстандық балаларға 129,38 доллары көлемінде қаражат аударылды.Өскелең ұрпаққа қамқорлық көрсету – мемлекеттік саясаттағы басымдыққа ие бағыттардың бірі. Қазір еліміздегі отбасылар баланың дүниеге келген сәтінен бастап оның ер жеткеніне дейін мемлекеттің қолдауына сенімді бола алады. Айталық, ҚР Президенті Қасым-Жомарт Тоқаевтың бастамасы жас азаматтардың әл-ауқатын арттыруға, сондай-ақ білім алуына жан-жақты жағдай жасап, табысты болуларына бағытталған. 2024 жылдан бастап жылма-жыл қазақстандық балаларға 18 жасқа толғанға дейін инвестициялық табысты қоса алғанда, Ұлттық қордан қаражат аударылып келеді.«Біз азаматтарымыздың өмір сүру сапасын жақсартып, балаларымызға кемел келешекті құрудың негізін қалап жатырмыз»,- Қасым-Жомарт Тоқаев, ҚР Президенті.«Ұлттық қор – балаларға» жобасының басты миссиясы – келер ұрпаққа арналған жинақтарды қалыптастыру арқылы қаржы ресурстарын үнемдеу жолымен әр балаға ұлттық байлықтан тиесілі үлесті беруді көздейді.2024 жылы аталған бағдарламаға 6 919 131 адам қатысып (2006-2023 ж.ж. туған балаларды қоса алғанда), олардың әрбірінің шотына 100,52 доллар жіберілді. Аударылған ақшаның жалпы сомасы – 695,5 млн доллар. Тұтастай алғанда, осы бағдарламамен қамтылғандардың жалпы санынан 304 815 адам 2024 жылы 18 жасқа толып, оларға жалпы сомасы 30,6 млн доллар аударылды.2025 жылы әр балаға жаплы 129,38 доллар аударылды.Бағдарламаға екі жылдан бері қатысып келе жатқан балалардың (инвестициялық кірісті қоса алғанда) жинақтарының жалпы сомасы 232,94 долларға ұлғайды.«Ұлттық қор – балаларға» бағдарламасы бойынша аударымдар туралы ақпарат eGov.kz порталында және <a href="https://egov.kz/cms/kk">eGov Mobile </a>мобильді қосымшасында 2025 ж. 1 ақпанда көрсетіледі.Төлем тетігі барынша қарапайым. Баланың бағдарламаға қатысуы мен есептелген ақша туралы ақпаратты баланың ЖСН енгізе отырып, арнайы құрылған <a href="https://kids.enpf.kz/">kids.enpf.kz</a> сайтынан көруге болады. Онда бағдарламаның шарттарымен танысып, нұсқаулықтар, сол секілді өзекті сұрақтардың жауаптарын ала аласыз. Бұдан бөлек балаға арналған аударымдар туралы деректерді <a href="https://egov.kz/cms/kk">eGov.kz </a>порталындағы жеке кабинетке кіріп, сондай-ақ <a href="https://kaspi.kz/">Kaspi.kz</a>, Halyk қосымшалары арқылы да көруге болады.Мемлекеттің маңызды міндеттерінің бірі – білім мен баспана алуға баршаға тең мүмкіндік беру. Осы тұрғыдан алғанда, «Ұлттық қор – балаларға» бастамасы жас қазақстандықтар үшін айтарлықтай қолдауға айналды.Жинақталған соманы кез келген жас азамат 18 жасқа толғанда пайдалана алады. Жинақтар БЖЗҚ-дағы шоттарға аударылады және жобаның ресонденттері уәкілетті операторлардың (Отбасы банкі және Халық банкі) қосымшасы арқылы өтініш бере отырып, тиісті соманы тұрғын үй жағдайларын жақсартуға және (немесе) білім алуға жұмсай алады.2025 жылдың 1 қаңтарында бұл мақсатқа 66 571 өтінім беріліп, оның ішінде жалпы сомасы 5 316,7 мың долларға 53 001 өтінім орындалды. Тұрғын үй жағдайын жақсартуға 34 388 өтінім берілді, оның ішінде 29 542-сі орындалып, 2 964 мың доллары төленді. Білім беру бойынша 32 183 өтінім жолданып, оның ішінде 23 459 өтінім қанағаттандырылып, 2 352,7 мың доллар төленді.Биыл бағдарламаға 6 921 035 бала қатысып жатыр (2007 жылдан 2024 жылға дейін туған балалар). Олардың ішінде 324 430 азамат 2025 жылы 18 жасқа толады.Ұлттық қордың қаражатын жас отандастарымызды қолдау мақсатында пайдалану – еліміздің орнықты дамуына бағытталған стратегиялық шешім. Аталған бастама өмір сүру сапасын жақсартуға оң әсер етіп, кейінгі ұрпаққа болашаққа зор сеніммен қарауға мүмкіндік береді.Фото: Нұрболат Нұржаубай

Қазақстандық балаларға Ұлттық қордан 129 доллар түсті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Байқоңыр қаласының басшысы Константин Бусыгинмен кездесті.Аймақ басшысы қаланы бірлесіп дамытудағы Қазақстан мен Ресейдің мемлекеттік органдары арасындағы қарым-қатынас жоғары деңгейде екенін атап өтті.Кездесуде «Байқоңыр» ғарыш айлағының 70 жылдығын атап өту жоспары талқыланды. Облыс әкімдігі мерейтойға қатысты іс-шаралар жоспарын бірлесіп пысықтауда.Бұдан бөлек, кездесуде Байқоңыр қаласындағы инфрақұрылымдық жобалар талқыланды. Атап айтқанда, қаланың Бас жоспары, қаланы дамытудың ұзақ мерзімді бағдарламасы аясындағы сумен жабдықтау, су бұру жүйелерін жаңғырту және бес тұрғын үйдің құрылыс барысы қаралды.Өз кезегінде Байқоңыр қаласының басшысы бірлесіп атқарылатын жұмыстар одан әрі де жоспарға сәйкес іске асырылатынын айтты.Фото: Қызылорда облысы әкімінің баспасөз қызметі

Облыс әкімі Байқоңыр қаласы әкімшілігінің басшысымен кездесті

<a href="https://kyzylorda-news.kz/">Kyzylorda-news.kz</a> Шиелі кентінің орталық стадион аумағында азық-түлік бағасын тұрақтандыру мақсатында Шиелі ауданы әкімдігінің ұйымдастыруымен ауыл шаруашылығы өнімдерінің жәрмеңкесі өтті.Аудан әкімдігінің қолдауымен жеке кәсіпкер Стиев Қуаныш мырза «Байқоңыр» ӘКК» АҚ-мен келісім шартқа отыру арқылы облыстық тұрақтандыру қорынан әлеуметтік маңызы бар азық-түлік өнімдерін алып келіп аудан халқына қол жетімді бағада ұсынды.&nbsp;Аудан әкімінің орынбасары Бағлан Сағындықов және Шиелі кентінің әкімі Аманкелді Өмірәлі жәрмеңкеге арнайы қатысып, тұрғындардың сұраныстағы әлеуметтік маңызы бар азық-түлік өнімдерінің бағасын бақылады.Жәрмеңкеде аудан тұрғындарына 10 тн ұн, 8 тн картоп, 1,5 тн жуа, 0,5 тн сәбіз, 0,5 тн күріш, 300 литр шемішке май өнімдері базар нарығынан 10-15% төмен бағамен ұсынылды.&nbsp;Сонымен қатар тұрақтандыру қорынан бөлек Шиелідегі тауар өндірушілері де жәрмеңкеге қатысты. Әлеуметтік маңызы бар азық-түлік өнімдерінен бөлек 100 кг бал, 200 кг шұжық және 200 кг балық өнімдері сатылды.Фото: Шиелі ауданының әкімдігі

Ауыл шаруашылығы өнімдерінің жәрмеңкесі өтті

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев Қызылорда облысы футбол федерациясының президенті Болат Көшербаев пен федерацияның атқарушы директоры Жақсылық Оспановты қабылдады. Кездесу барысында ауданда футбол федарациясының қоғамдық бірлестігін ашу және оған төраға тағайындау мәселесі көтерілді.Тараптар арасында болған келіссөзде ауданда ашылатын футбол федарациясы қоғамдық бірлестігінің төрағасына кәсіпкер, жергілікті жердің азаматы Нұрлан Серікқалиевтің кондидатурасы ұсынылды. Бұл азамат футбол спортынан алыс емес. Осы кезге дейін ала дөп бәсекесіндегі тартыстарда төбе көрсетіп, көптеген ойындарда жергілікті командаларға лайықты қолдау білдірген.Аудан әкімі Аманжол Сақыпұлы федерация мүшелерінің ұсынысына әркез аудан әкімдігі тарапынан қолдау болатынын айтып, аудан спортын соның ішінде футболды дамытуда кешенді шаралар қолға алынатынын жеткізді.Кездесуде Қызылорда облысының футбол федерациясының президенті Б.Көшербаев облыс көлемінде футбол спортын дамыту және облыстық футбол федерациясының жылдық іс-шаралар жоспарымен таныстырды.Айта кетейік, қазіргі таңда ауданда жұмыс жасап жатқан 2 спорт мектепте футбол үйірмесі бойынша 7 жаттықтырушы бар. 2023 жылы әуесқойлар футбол лигасы құрылып, нәтижесінде аудан көлемінде «Қысқы», «Жазғы» және «Junior» лигаларының турнирлері мен жоспар бойынша даталы күндерге сай есімі елге мәлім азаматтарды еске алуға арналған жарыстар тұрақты түрде ұйымдастырылып келеді.Мұнан бөлек ауданымыздың футболдан ересектер құрама командасы өткен жылы Қызылорда облысының ХІ облыс чемпионатында үздік ойын өрнегін көрсетіп, жеңімпаз атанды.Бұл ойында мектеп оқушылары да шетқақпай емес. Айталық Республикалық Ұлттық мектеп Лигасының 9-11 сынып ер балалар арасындағы футзалдан «Теңбіл доп» жарысында Сексеуіл кентіндегі №177 орта мектебінің командасы чемпион атанды. Әр облыстың үздіктері қатысқан бәсекеде аймақ намысын қорғаған мектеп футзалшылары қарсыластарынан оқ бойы озық шықты.Осы сынды жетістіктер бүгінде ауданның футбол спортында басқалардан қалыс емес екенін байқатады.Фото: Арал ауданы әкімінің баспасөз қызметі

Арал ауданының әкімі футбол федерациясының президентін қабылдады

<a href="https://kyzylorda-news.kz/">Kyzylorda-news.kz</a> 2024 жылы Сырдария ауданында 34,3 мың гектар жерге ауыл шаруашылығы дақылдары орналастырылды. Оның ішінде, негізгі дақыл – күріш 21,9 мың гектар жерге егіліп, әр гектарынан 60 центнерден өнім алынды. Бұл туралы Сырдария ауданының әкімі Берік Сәрменбаев өңірлік коммуникациялар қызметінің баспасөз алаңында өткен брифингте мәлімдеді.<blockquote>– 2024 жылы аудан бойынша барлығы 131 мың тонна астық қамбаға құйылды. Суды үнемдеу мақсатында ауданда 13 шаруашылық құрылымы 31 дана заманауи лазерлік жер тегістегіш техникасымен 3340 гектар жерге тегістеу жұмыстарын жүргізді. Шаруашылықтар жаңбырлатып суару әдісімен 100 гектар жерге әртүрлі дақылдар орналастырып, нәтижелі өнім алынды. Бұл бағыттағы жұмыстар алдағы уақытта да жалғасын табады, – деді Б.Сәрменбаев басшысы.</blockquote><img src="https://knadmin.beoblood.kz/uploads/Syrdariya_brifing_9a91a38333.jpg" alt="Сырдария брифинг.jpg">Былтыр мемлекеттік және өңірлік бағдарламалар аясында құны 5,9 млрд. теңгені құрайтын 327 жобаға қаржылай қолдау көрсетілді. Ағымдағы жылдың 1 қаңтарына ауданда 2693 шағын және орта кәсіпкерлік субъектісі тіркелді. Оның ішінде, жұмыс жасап тұрған кәсіпкерлік субъектілерінің саны 2626 болып, тіркелгендерге үлесі 97,5 пайызды құрады. «Микробизнес-Қызылорда» бағдарламасы аясында құны 138 млн. теңгенің 14 жобасы қаржыландырылды. «Бірыңғай кешенді бағдарлама» бойынша құны 1,7 млрд. теңгенің 47 жобасы екінші деңгейлі банкттер тарапынан субсидияланды. «Ұлттық жоба» шеңберінде жаңа бизнес идеяларды іске асыру мақсатында 139 адамға 205,3 млн. теңге көлемінде мемлекеттік қайтарымсыз грант берілді.<img src="https://knadmin.beoblood.kz/uploads/Syrdariya_brifing_1_c4d2a34283.jpg" alt="Сырдария брифинг 1.jpg">«Аграрлық несие корпорациясы» арқылы 1,6 млрд. теңгенің 72 жобасы қолдау тапты. «ҚазАгроҚаржы» акционерлік қоғамының Қызылорда филиалы арқылы құны 1,5 млрд. теңгеге 25 ауыл шаруашылығы техникалары мен құрал-жабдықтары алынды. Сондай-ақ, өткен жылы құны 1 млрд. теңгеге Сырдария ауданындағы Сәкен Сейфуллин және Асқар Тоқмағанбетов ауылдары газдандырылып, аудан халқын табиғи газбен қамту деңгейі 45 пайызға жетті.&nbsp;<blockquote>– Шаған және Нағи Ілиясов ауылдарына құны 3,1 млрд. теңгені құрайтын газ құбырын тарту жұмыстары жүргізілуде. Елді мекен тұрғындары биыл табиғи газдың игілігін көретін болады. Осы жұмыстардың нәтижесінде аудан халқын газдандыру деңгейі 61 пайызға жетеді деп күтілуде. Мемлекет басшысының тапсырмасына сәйкес, оңтүстік өңірлерде электр энергиясының тапшылығын болдырмау мақсатында Қызылорда облысында құны 800 млрд. теңгені құрайтын қуаттылығы 1100 мегаваттық жаңа бу газ қондырғыларының құрылысы жоспарлануда. &nbsp;Жаңа бу газ қондырғылары аудан аумағында салынады, оған 270 гектар жер бөлінді. Жоба нәтижесінде ауданымыздың экономикасын дамытуға септігін тигізеді, – деді аудан басшысы.</blockquote><img src="https://knadmin.beoblood.kz/uploads/Syrdariya_brifing_2_bad98ae9c6.jpg" alt="Сырдария брифинг 2.jpg">Аймақ басшысының бастамасымен өткен жылы «Руханият» жылы деп жарияланды. Айтулы жылда Сырдария ауданының мәдениет саласына үлкен қолдау көрсетіліп, клубтар мен мәдениет үйлері жанынан түрлі бағыттағы шығармашылық үйірмелерді қамтитын «Адал адам» рухани-мәдени орталықтары жұмысын бастады.&nbsp;<blockquote>– Аудан орталығында неке қию залы, кітапхана, музей, мұрағат, жастар сарайы, ардагерлер мен аналар үйі бар құны 1,5 млрд. теңгені құрайтын «Руханият» орталығы бой көтерді. Өткен жылы орталықтарда 35 жаңа үйірмелер ашылып, онда 504 жастар мен жасөспірімдер шығармашылықпен қамтылды. Ауданның мәдениет мекемелері былтыр 1436 мәдени іс-шара ұйымдастырылып, аудан өнерпаздары 1272 байқауда 238 жүлделі орындарды жеңіп алды. Сонымен қатар құны 185,4 млн. теңгеге Бесарық ауылдық мәдениет үйі күрделі жөндеуден өтті және Аманкелді, Жетікөл, Н.Ілиясов, Шаған, Іңкәрдария, Ақжарма, Қалжан ахун елді мекендеріне «ЛЭД» экран, музыкалық аппаратуралар мен аспаптар, басқа да құрал- жабдықтар алынды, – деді Б.Сәрменбаев.</blockquote><img src="https://knadmin.beoblood.kz/uploads/Syrdariya_brifing_3_231524d9ab.jpg" alt="Сырдария брифинг 3.jpg">Мемлекет басшысының бастамасымен халықтың табысын арттыру мақсатында жүзеге асып жатқан «Ауыл аманаты» жобасымен өткен жылы аудан бойынша 273 млн. теңгеге 18 жобаға өтінім беріліп, 10 жоба қолдау тапты.<blockquote>– «Ауыл аманаты» жобасы аясында кәсіпкерлерді қолдау мақсатында «Абай-Дәулет» серіктестігі демеушілігімен Бесарық ауылында 3000 шаршы метр қамтитын ғимаратта шағын өндірістік аймақ ашылды. Ғимаратта 12 кәсіпорын орналасып, жеке кәсіпкерлер нысанды ақысыз, тегін пайдалануда, – деді аудан басшысы.</blockquote><img src="https://knadmin.beoblood.kz/uploads/Syrdariya_brifing_5_71099b2e84.jpg" alt="Сырдария брифинг 5.jpg">Айта кетейік, ауданда 25 көше күрделі жөндеуден өтті.<blockquote>– 2024 жылы жол саласына 1,4 млрд. теңге қаржы бөлініп, Тереңөзек кенті және Бесарық, Қоғалыкөл, Ақжарма, Қалжан ахун, С.Сейфуллин елді мекендерінде 21 шақырымды құрайтын 25 көше күрделі жөндеуден өтті. Оның ішінде, аудандық бюджеттен бөлінген 247 млн теңгеге Тереңөзек кентіндегі 7 көшеге, 138 млн теңгеге Бесарық ауылындағы 4 көшеге орташа жөндеу жұмыстары жүргізілді, – деді Б.Сәрменбаев.</blockquote><img src="https://knadmin.beoblood.kz/uploads/Syrdariya_brifing_7_d0a781d946.jpg" alt="Сырдария брифинг 7.jpg">«Қуатты өңірлер – ел дамуының драйвері» бағдарламасымен 725 млн теңгеге Тереңөзек кенті, Шаған, Қоғалыкөл, Аманкелді ауылдарында 14,5 шақырым ауыз су құбырлары қайта жаңғыртудан өтті.<blockquote>- Аудандық бюджет есебінен 22 млн теңгеге Аманкелді, Қоғалыкөл, Шіркейлі және Н.Ілиясов елді мекендерінің су мұнаралары жаңарды, 118 млн теңгеге Сәкен Сейфуллин және Іңкәрдария ауылдарында қосымша барлау-өндірістік ұңғымасы орнатылып, пайдалануға берілді, - деді аудан басшысы.</blockquote><img src="https://knadmin.beoblood.kz/uploads/Syrdariya_brifing_8_979cad8da7.jpg" alt="Сырдария брифинг 8.jpg">Сонымен бірге өткен жылы «Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасын» іске асыру жөніндегі іс-қимыл жоспары негізінде Тереңөзек кентінде 140 пәтер сатып алынып, кезекте тұрған тұрғындарға табысталды.<blockquote>- «Ауыл – ел бесігі» бағдарламасымен құны 174 млн. теңгеге Тереңөзек кентіндегі көпқабатты тұрғын үйлер ауласын абаттандыру жұмыстары жүргізілуде. Мемлекеттік бағдарлама аясында құны 73,2 млн. теңгеге аудан орталығында 6 көпқабатты тұрғын үй қайта жаңғыртудан өткізілуде, - деді Берік Сәрменбаев.</blockquote><img class="image_resized" style="width:100%;" src="https://knadmin.beoblood.kz/uploads/Syrdariya_brifing_9_8da0ac9541.jpg" alt="Сырдария брифинг 9.jpg">Аймақ басшысының бастамасымен үшінші рет өткізілген «Үлгілі елді мекен» байқауының нәтижесінде Тереңөзек кенті жүлделі орынға ие болып, тазалық жұмыстарына 2 арнайы техника берілді.&nbsp;<blockquote>- Мемлекет басшысының бастамасымен жүзеге асқан «Таза Қазақстан» экологиялық акциясы аясында ауданда «Таза өлке», «Киелі мекен», «Жасыл аймақ», «Өнегелі ұрпақ» және «Мөлдір бұлақ» апталықтары ұйымдастырылып, санитарлық тазарту, көркейту және көгалдандыру жұмыстары жүргізілді. Осыған байланысты Тереңөзек кентінде 465 млн. теңгеге тұрмыстық қатты қалдықтарды сұрыптауға арналған полигон пайдалануға берілді, - деді аудан әкімі.</blockquote>Фото: Өңірлік коммуникациялар қызметі

Сырдария: Ауданда атқарылған жұмыс жүйелі

<a href="https://kyzylorda-news.kz/">Kyzylorda-news.kz</a> Қызылорда облысы бойынша Сыбайлас жемқорлыққа қарсы қызмет департаментінің басшысы Қуаныш Ахметқалиев Сырдария ауданы Бесарық ауылындағы құрылысы ұзаққа созылған дене шынықтыру-сауықтыру кешенінің қазіргі жағдайымен танысты.&nbsp;Сапар барысында жергілікті атқарушы органдар мен мердігер ұйымдардың басшыларымен кездесу өтті, онда құрылыстың ұзаққа созылу мәселелерін шешу жолдары талқыланды.&nbsp;«Әлеуметтік маңазы бар объектілер құрылыстарының ұзақ мерзімді «тоқтап қалуын» қоғам, сыбайлас жемқорлық көрінісі ретінде қабылдайды. Құқық бұзушылықтардың алдын алу мақсатында Департаментпен, бұл бағытта да қылмыстың жасалғанын немесе мемлекет қаржысы жымқырылғанын күтпей, керісінше оларды болдырмау үшін шұғыл шаралар қабылдануда» – деді Қуаныш Ахметқалиев.Департамент басшысымен құрылыс жұмыстарына бақылауды күшейту және мердігерлердің жауапкершілігін арттыру жөнінде ұсыныстар берілді.&nbsp;Департаментпен проблемалық нысандарды превентивтік сүйемелдеу жұмыстары жалғасатын болады.<img src="https://knadmin.beoblood.kz/uploads/Whats_App_Image_2025_01_31_at_09_24_36_f6cff84cd2.jpeg" alt="WhatsApp Image 2025-01-31 at 09.24.36.jpeg">

Қызылордада проблемалық нысандардарға превентивтік бақылау күшейтілуде

<a href="https://kyzylorda-news.kz/">Kyzylorda-news.kz</a>&nbsp; Енді 16 жасқа дейінгі балалардың әлеуметтік желілерге кіруіне тыйым салынады.Түркия билігі биыл 16 жасқа толмаған балалардың әлеуметтік желіні пайдалануына тыйым салатын заң қабылдауды жоспарлап отыр.&nbsp;Бұл туралы&nbsp;<a href="https://stan.kz/">Stan.kz</a>&nbsp;ақпарат агенттігі хабарлады.Түркияның көлік және инфрақұрылым министрі Абдулкадир Оралоглу балалардың ең осал топ екенін және ерекше көңіл бөлуді қажет ететінін баса айтты.&nbsp;<blockquote>"Әлемде 13 және 16 жас шектеулері қарастырылады. Біз&nbsp;16 жасқа толмаған балаларымыздың әлеуметтік желілерге кіре алмағанын қалаймыз. 2025 жылы бізде тиісті заң қабылдау жоспарда бар. Сондай-ақ&nbsp;ойын платформаларын реттейміз, бірақ пайдалы ойындарға тыйым саламыз деген сөз емес", –&nbsp;деді ол.</blockquote>Енді балалар әлеуметтік желіде аккаунттар аша алмайды."Кейбір елдерде ата-ананың рұқсатымен тіркеуге болады, бірақ біз бұл тәжірибені қолдамаймыз. 16 жасқа толмағандардың әлеуметтік желілерге кіруіне толық тыйым салғымыз келеді", –&nbsp;деп түсіндірді министр.Уралоглуелдегі Roblox онлайн ойыны мен Discord қолданбасының бұғатталуына қатысты пікір білдірді.<blockquote>"Ойын платформаларының Түркияда ресми өкілдері болған жоқ, бірақ біз салған сот санкцияларынан кейін олар бізбен байланысқа шықты. Платформада пайдалы контент болса да, әзірлеушілер зиянды контентті жоюы керек, содан кейін біз олардың жұмысын қайта бастау мүмкіндігін қарастыра аламыз", –&nbsp;деді ол.</blockquote>Фото: freepik.com

16 жасқа дейінгі балалардың әлеуметтік желілерге кіруіне тыйым салынады

<a href="https://kyzylorda-news.kz/">Kyzylorda-news.kz</a> Кеше Тасбөгет кентінің әкімі Айдын Тыныштықбай бұқаралық ақпарат құралдарының өкілдеріне өткен жылы салада атқарылған жұмыстар мен алдағы жоспарлар бойынша баспасөз конференциясын өткізді.Өткен жылы кенттің инфрақұрылымын дамыту бағытында мемлекеттік бюджет, демеуші көздері және инвестиция есебінен бірқатар ауқымды жобалар жүзеге асты. Атап айтсақ, кенттегі әлеуметтік нысандар орналасқан 6 көшеге жаяу жүргіншілер жолы салынып, Сабалақ саяжайының 22 көшесіне, сондай-ақ, кенттегі 6 көшеге түнгі жарық бағаналары орнатылды. Сонымен қатар, Ә.Оразбаев көшесінің 1,8 шақырым бөлігіне орташа жөндеу жұмыстары жүргізілді. Е.Ертуғанов, Ш.Есенов, А.Иманов көшелері абаттандырылды. Наурыз және Тасарық шағын аудандарындағы 10 үйдің шатыры жөндеуден өтті.Тұрғындардың сұранысын қанағаттандыру мақсатында кент әкімі аппаратының үнемделген қаржысы есебінен Ғ.Мұратбаев, Қ.Баймағанбетов, Т.Жүнісов, Ә.Молдағұлова көшелеріне 12 дана, Сабалақ саяжайына 2 дана аялдама орнатылды.<blockquote>– Өткен жылы Сабалақ саяжайы тұрғындарының көптен бері көтеріп келген мәселесі аймақ басшысының тікелей қолдауымен оң шешімін тауып, саяжайға көгілдір газ желісін жүргізу үшін 3 кезеңнен тұратын жоба дайындалды. Жобаның жалпы құны 3 млрд. теңгені құрайды. Бүгінде саяжайдың ішкі газ желілерін тарту жұмыстары жүргізілуде, - деді кент әкімі Айдын Маратұлы.</blockquote>Биылғы жылы да кенттің инфрақұрылымын дамыту бағытында бірқатар жобалар әзірленген. Оның ішінде, кенттегі 4 көшеге орташа жөндеу, Сабалақ саяжайына жаяу жүргіншілер жолын салу, 2 дана балалар ойын алаңын салу, жаңа бейітті қоршау, 16 көпқабатты тұрғын үйдің шатырына жөндеу жұмыстарын жүргізу, кент көшелерін жарықтандыру сынды жобалар қамтылған. Аталған жобалар қаржылай қолдау тапқаннан кейін тиісті құрылыс жұмыстары бастау алмақ.<blockquote>– Өздеріңізге белгілі, кәсіпкерлік саласын дамыту жұмыс орындарын ашып қана қоймай, экономикамыздың одан әрі өсуінің көрсеткіші болып табылады. Биыл да көптеген тұрғындарымызға мемлекеттік бағдарламалардың игілігін пайдаланып, кәсіптерін ашуға, кеңейтуге кеңес берілді. Нәтижесінде 74 тұрғын өз жобаларын сәтті қорғап, 626,2 млн теңге көлеміндегі қаржылай қолдауға ие болды, - деп қорытындылады кент әкімі.</blockquote>

 Атқарылған жұмыстар мен алдағы міндеттер сараланды

<a href="https://kyzylorda-news.kz/">Kyzylorda-news.kz</a> Бүгін мемлекеттік қызмет және сыбайлас жемқорлыққа қарсы іс-қимыл туралы заңнамадағы өзгерістерге байланысты жиын өтті. Жиында мемлекеттік қызметшілердің қайта даярлау және біліктілігін арттыру курстарынан өту мәселесі, «Е-қызмет» ақпараттық жүйесіне жеке істерді орналастыру, Мемлекеттік әкімшілік лауазымға орналасудың кейбір мәселелері туралы №40 бұйрыққа енгізілген өзгерістер, сыбайлас жемқорлыққа қарсы іс-қимыл мәселелері бойынша кеңінен ақпарат берілді.Мемлекеттік қызмет саласындағы заңнамаға байланысты түсіндіру мақсатында арнайы қала әкімдігі тарапынан Қазақстан Республикасы мемлекеттік қызмет істері агенттігінің Қызылорда облысы бойынша департаментінің мемлекеттік қызмет басқармасының басшысы Жасұлан Шынтасов және Мемлекеттік қызмет саласындағы бақылау басқармасының бас маманы Алиев Нұржан шақыртылды.Жаңа заңнамалық өзгерістерге байланысты «Е-қызмет» ақпараттық жүйесінде мемлекеттік қызметшілердің жеке істерінің толымдылығы маңызды. Сондай-ақ, мемлекеттік қызметшілердің имиджі мен біліктілігін көтеруге Қызылорда қаласы әкімдігі мен Қазақстан Республикасы мемлекеттік қызмет істері агенттігінің Қызылорда облысы бойынша департаментімен бірлескен іс-шаралар өткізетін болады.<img src="https://knadmin.beoblood.kz/uploads/Seminar_po_izmeneniya_v_zakonodatelstve_v_gorodskom_akimate_1_38792d2f94.jpg" alt="Семинар по изменения в законодательстве в городском акимате 1.jpg">Фото: қала әкімдігі

Заңнамадағы өзгерістерге байланысты семинар өтті

<a href="https://kyzylorda-news.kz/">Kyzylorda-news.kz</a> Облыстық табиғи монополияларды реттеу департаменті 53 қызмет түрі бойынша 33 табиғи монополия субъектілерінің жұмысын реттейді. Олар өткен жылы электр энергиясы және газбен жабдықтау саласындағы 4 қоғамдық маңызы бар нарық субъектілеріне қатысты баға белгілеу функцияларын жүзеге асырған. Бүгін Өңірлік коммуникациялар қызметінің ақпарат алаңында департамент басшысы Айбек Егембергенов өткен жылы салада атқарылған жұмыстарды қорытындылап, алдағы жоспарлармен бөлісті.<blockquote>– 2023 жылы басталған «Тарифті инвестицияға айырбастау» бағдарламасы аясында өткен жылы 4 субъектінің тарифтері қайта қаралып, тұтынушыларға тиісті қаржы қайтарылды. Сонымен бірге, бекітілген тарифтік сметалары мен инвестициялық бағдарламалардың орындалуына талдау бойынша 14 субъектіге 20 қызмет түрімен уақытша өтемдік тарифтер бекітіліп, қолданыстағы тарифтер 0,04% - 47,7 % аралығында төмендетілді. Алдағы уақытта табиғи монополия субъектілері өткен жылы статистика деректері бойынша қалыптасқан өңірдегі экономикалық қызмет түрлері бойынша бір қызметкердің орташа айлық номиналды жалақысының өзгеруі, стратегиялық тауарлар құнының өзгеруі және мүлікті сенімгерлік басқаруға беру жоспарына сәйкес жергілікті атқарушы органдардан сенімгерлік басқаруға алуы негіздерімен тарифтерін өзгертеді. Сондай-ақ, су ресурстарын тұтыну мәдениетін арттыру және тұтынушыларды су мен жылу үнемдеуге ынталандыру үшін табиғи монополиялар туралы заңнамаға «Тұтынудың әлеуметтік нормалары» ұғымы енгізілді. Олар жоғарыда аталған қағидат бойынша сумен жабдықтау және жылумен жабдықтау қызметтерін тұтыну көлеміне байланысты жоғары тарифтерді белгілеуге бағытталған. 1 қаңтардан бастап «Теміржолсу-Қызылорда» ЖШС-і жылумен жабдықтау қызметтеріне бекітілген сараланған тарифтермен жұмыс жасауда. Қазіргі таңда департаментпен «Қызылорда су жүйесі» МКК-ны сумен жабдықтау қызметіне тарифтерді және тарифтік сметаларды 2025-2030 жылдарға бекітуге және «Қызылордажылуэлектрорталығы» МКК-ның «Қазалы-Теміржолжылу» филиалынан жылумен жабдықтау қызметтеріне тарифтерді және тарифтік сметаларды бекітуге ұсынған өтінімдерінде тұтынудың әлеуметтік нормалары ескерілген,-деді Айбек Асылханұлы.</blockquote><img src="https://knadmin.beoblood.kz/uploads/tarif_124c22d4f5.jpg" alt="тариф.jpg">Фото: Нұрболат Нұржаубай

 «Тарифті инвестицияға айырбастау» бағдарламасы бойынша іс-шараларға өзгерістер енгізілді

<a href="https://kyzylorda-news.kz/">Kyzylorda-news.kz</a> Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің басшысы Қуаныш Ахметқалиев Бесарық ауылына барып, ұстаздар және мектеп оқушыларымен кездесті.Алдымен, департамент басшысы елді мекендегі жаңадан салынған спорт кешені жұмысымен танысты. Сырдария ауданының әкімі Берік Сәрменбаев және Қызылорда облысының құрылыс, сәулет және қала құрылысы басқармасының басшысы Ерлан Төрәлиев спорттық нысанның жұмыс барысы туралы айтты.Республикалық «Тәртіпті өзіңнен баста» акциясы аясындағы кездесуде департамент басшысы Қуаныш Ахметқалиев жемқорлықтың алдын алу және жолын кесу шаралары туралы ақпарат беріп, сыбайластыққа қатысты жауапкершілік күшейтіліп жатқанын жеткізді. Жастар сапалы білім алса, жемқорлыққа жол берілмейтінін атап өтті.Өз кезегінде сала ардагері Бақытжан Ниязов республика көлемінде «Заң мен тәртіп» қағидаты негізінде «Тәртіпті өзіңнен баста» акциясы жүргізіліліп жатқанын, оның мақсаты – азаматтарды жемқорлыққа қарсы заңнаманы сақтауға ынталандыру және мемлекеттік органдарға деген сенімді арттыру екеніне тоқталды.Кездесу барысында аудан басшысы жемқорлықпен қоғам болып күресу керектігін атады.– Кез келген өркениетті қоғам үшін сыбайлас жемқорлықпен күрес – ең өзекті мәселелердің бірі. Барлық күш-жігерімізді біріктіріп, қоғам дертімен күресуіміз қажет. Сондықтан барлығыңызды жұмыла жұмыс жасауға шақырамын, - деді Берік Әбдіғаппарұлы.Кездесуде оқушылардың сұрақтарына жауап беріп, естелік суретке түсті.Фото: Сырдария ауданы әкімінің баспасөз қызметі

Республикалық акция аясында оқушылармен кездесу өтті

<a href="https://kyzylorda-news.kz/">Kyzylorda-news.kz</a> Қызылорда облысы Шиелі ауданында екі күн ауырған он айлық сәби ауруханада көз жұмды. Кішкентай қыздың ата-анасы қайғылы оқиғаға дер кезінде көмек көрсетпеген дәрігерлерді кінәлайды.&nbsp;Бұл туралы&nbsp;<a href="https://stan.kz/suik-palataga-zhatkizip-karamay-koydi-kizilordada-10-ay-413094/">Stan.kz</a>&nbsp;ақпарат агенттігі 31-арнаның Информбюро жаңалықтар бағдарламасына сілтеме жасап&nbsp;хабарлайды.Қызылордалық ата-ана бірге толмаған қызының&nbsp;ауруы асқынып, ауруханаға барғандарын айтады. Сөздерінше, өлім аузында жатқан бүлдіршінге ақ халаттылар салғырт қараған. Тек қызуын түсіретін дәрі беріп, суық палатада жатқызып қойды дейді. Сондықтан&nbsp;отбасы кінәлі мамандардың жазаланғанын талап етеді.Сап-сау жүрген Айлин бір апта бұрын қызуы көтеріліп, қайта-қайта лоқси берген. Айтуларынша, сол сәтте жедел жәрдем алғашқы көмек көрсеткен. Бәрі қалыпқа келгендей болғанымен, екінші күні түнде ауруы қайта асқыныпты.<blockquote>“Бала терлеу керек деді. Мына мұздай палатының ішінде қайтып терлейді десем, “орап жатыңыз” дейді. Бір кезде жарты сағат өткен соң қызымның ерні көгеріп, қол-аяғы мұздай бастады. Ентіге бастады. Осыны дәрігерге айтып едім, “орап жатыңыз, қанша бала жатыр. Мен қайсына қараймын?” деп қайтарып жіберді”, –&nbsp;деді сәбидің анасы Мөлдір Дүйсенбі.</blockquote>Мөлдір Дүйсенбінің сөзінше, баланың жағдайы нашарлағанына қарамастан, ол&nbsp;ұзақ уақыт&nbsp;суық палатада жатқан. Тек &nbsp;есінен танған сәтте&nbsp;жансақтау бөліміне апарыпты.Қайғылы оқиғадан кейін дәрігерлер&nbsp;отбасыға келіп кешірім&nbsp;сұраған екен.<blockquote>“5-6 дәрігер үйге келді. Кешірім сұрады. Екінші күні Ерлан есімді маман тағы кешірім сұрап келді. Жұмыстарына немқұрайлы қарағаны үшін жауапты адамдардың жауапкершілікке тартылуын сұраймыз. Біз бұлай қалдырмаймыз”, –&nbsp;деді баланың әкесі Қазбек Шәріпбеков.</blockquote>Аудандық аурухананың басшылары 10 айлық Айлин Бекмағанбет нақты қандай аурудан көз жұмғаны әзірге белгісіз деп отыр. Емдеу мекемесінде болған жайтты медициналық және фармацевтикалық бақылау департаментінің мамандары тексеріп жатыр екен.<blockquote>“Науқас таңғы сағат 5-те қабылдау бөліміне келіп түскен. Қабылдау бөлімінде тиісті медициналық көмек көрсетілген. Қазіргі таңда қайтыс болу фактісі туралы қызметтік тексеріс жүргізіліп жатыр. Нәтижесіне байланысты тиісті шаралар қабылданады”, –&nbsp;деді Шиелі аудандық көпбейінді ауруханасы бас дәрігерінің орынбасары Гүлназира Сүлейменова.</blockquote>Ата-ана прокуратураға шағым түсірген. Олар кішкентай бүлдіршінді емдей алмай, ісіне салғырт қараған ақ халаттылардың жазаланғанын қалайды.Фото: Видеодан скриншот

Қазақстан және Қызылорда облысының жаңалықтары: Қоғам