<a href="https://kyzylorda-news.kz/">Kyzylorda-news.kz</a> Солтүстік Аралдың жанданып жатқаны өте жақсы жаңалық. Арал теңізінің қайта толуы – Қазақстан мен Орталық Азия үшін экологиялық және экономикалық маңызы зор оқиға.Мәселен, Су ресурстары және ирригация министрлігінің мәліметінше 2024 жылдың қазанынан 2025 жылдың қаңтарына дейін Солтүстік Арал теңізіне 1 миллиард текше метр су жіберіліпті.Судың көптеп келуі тек теңіз көлемін арттырып қана қоймай, аймақтың климатына оң әсер етіп, тұрғындар үшін үлкен көмек. Өйткені, жергілікті халықтың балық шаруашылығы күнкөріс көзіне айналған. Мәліметтерге қарап отырсам, бүгінде теңізде балықтың 22 түрлі кездеседі екен. Бұл дегеніміз, жергілікті тұрғындар үшін жаңа жұмыс орындарының көбеюіне мол мүмкіндік береді. Бұл өз кезегінде аймақ экономикасының жандануына ықпал етеді.Аралда су көбейсе, көгалдандыру жұмыстарының да жанданатыны анық. Бұл бойынша біраз игі істер қолға алынып жатыр екен. Бұл, аймақтың климатын жақсартып, экожүйенің тұрақтануына көмектеседі&nbsp;&nbsp;Ерғали Әуелхан,Қ.Тұрысов атындағы Геология және мұнай-газ ісі институты директорының міндетін уақытша атқарушы;Қ.И.Сәтбаев атындағы ҚазҰТЗУ-дың «Гидрогеология, инженерлік және мұнай-газ геологиясы» кафедрасының меңгерушісі

Арал теңізінің жандануы– ел экономикасының дұрысталуы

<a href="https://kyzylorda-news.kz/">Kyzylorda-news.kz</a> «Әділдік және өркендеу» қоғамдық қорының аймақтық өкілдігі «Жұмысшы мамандықтар жылына» орай түрлі шараларды ұйымдастыруды жалғастыруда.Облыстық жастар ресурстық орталығында Қызылорда облысының Қоғамдық даму басқармасының қызметкерлері, &nbsp;Қызылорда облысының жұмыспен қамтуды үйлестіру және әлеуметтік бағдарламалар басқармасының мамандары, «Қызылорда қаласының Мансап орталығы» мамандары, жастар ресурстық орталығы заңгері &nbsp;жұмысшы мамандығымен колледж бітіруші студенттеріне арналған кеңес беру қоғамдық қабылдауын өткізді.&nbsp;Қоғамдық қабылдаудың мақсаты – болашақ жұмысшы мамандық иелерін еңбек заңнамасы, еңбек құқықтарын қорғау, жұмысқа орналасу мәселелері бойынша ақпараттандыруға көмектесу. И. Әбдікәрімов атындағы Қызылорда аграрлық-техникалық жоғары колледжі, М. Ықсанов атындағы Қызылорда политехникалық колледжі, Текей Батыр Қарпықұлы атындағы жоғары колледжі, «Болашақ» университетінің жоғары колледжі, Смағұл Ысқақов атындағы Қызылорда құрылыс және бизнес колледжі студенттері өз сұрақтарына толыққанды жауап алды.&nbsp;2025 жылдың қазан айынан бастап «Әділдік және өркендеу» қоғамдық қорының Қызылорда өкілдігі жанынан құрылған «Тәлімгерлер клубы» жұмыс істейді, оның мүшелері студенттер мен оқытушылардың сұраныстары мен еңбегіңе қарай әділ жалақы төлеу, келісімшартсыз, бейресми жұмыспен қамту, жұмыс берушілер тарапынан еңбек заңнамасына бағынбау мәселелері туралы пікірлерін тыңдап, талдау жүргізуде. Жұмыс кездесулері, дөңгелек үстелдер мен презентациялар барысында орта арнаулы оқу орындарының мамандары мен студенттері жастардың еңбек нарығындағы жағдайына және олардың жұмысқа орналасуына алаңдаушылық білдірді, сондай-ақ жастардың бос уақытын ұйымдастыру бойынша ұсыныстарын жеткізді. Осы кездесулердің қорытындысы бойынша қоғамдық қабылдау ұйымдастырылды.Қор жақтастары жүргізген алдын ала талдауы аймағымызда жұмысшы мамандық иелеріне деген сұраныстың жоғары болуына байланысты алаңдаушылық байқалатынын көрсетті. Бұл мәселе ірі жұмыс берушілермен, мемлекеттік органдармен және кәсіпкерлер палатасымен де талқылануда. «Әділдік және өркендеу» қоры жақтастарының барлық сараптамалық талдаулары «Қазақстанның еңбек нарығын дамытудың 2024-2029 жылдарға арналған Тұжырымдамасын» одан әрі тиімді жүзеге асыру үшін ұсыныс ретінде жинақталатын болады.«Әділдік және өркендеу» қоғамдық қоры еліміздің барлық өңірлерінде жұмыс істейді. Қазірдің өзінде ұйым Қазақстанда әрбір азаматтың адал еңбек етуге мүмкіндігі бар әділ де өмір сүру сапасы жоғары қоғам құру үшін 8 мыңнан астам жақтастарын біріктірді.<figure class="image"><img src="https://knadmin.beoblood.kz/uploads/priemnaya2_3225f477dd.jpg" alt="приемная2.jpg"></figure>

Колледж студенттеріне кеңес беру жұмыстарын жүргізді

<a href="https://kyzylorda-news.kz/ru">Kyzylorda-news.kz</a>&nbsp; Қызылжарма ауылдық округінің әкімі Шәріп Әбдірахманов бұқаралық ақпарат құралдарының өкілдеріне өткен жылы ауылдық округ көлемінде атқарылған жұмыстар мен алдағы жоспарлар бойынша баспасөз конференциясын өткізді.<blockquote>- Өткен жылы ауылдық округтің инфрақұрылымын дамытуда бірқатар жобалар жүзеге асырылды. Мәселен, 6 көше күрделі жол жөндеуден өтсе, Сералиев пен Сексенбаев тұйықтарына тас төселіп, 3 көшеге түнгі жарық бағаналары орнатылды. Ал, қазір 22 көшеде электр желісін жаңғырту жұмыстары жалғасуда. Сондай-ақ, ұзындығы 50 шақырымды құрайтын 67 көшеге жоба-сметалық құжаттар әзірленіп, республикалық бюджеттен 2025 жылға қаржыландыруға ұсынылды. Биыл атқарылатын жобалардың ішінде 4 көшені жарықтандыру, орталық көшелерге 3 дана аялдамалар орнату және ауылдық округтегі жолдарды ағымдағы жөндеуден өткізу жұмыстары қамтылған, - деді ауылдық округ әкімі Шәріп Әкбарұлы.</blockquote>Жалпы, ауылдық округте 499 кәсіпкерлік нысан жұмыс істеуде. Кәсіпкерлікті дамытудың түрлі мемлекеттік бағдарламалары аясында 67 жоба мақұлданып, 314,7 млн.теңгеге қаржыландырылды. Оның ішінде, құны 20,7 млн. теңгені құрайтын 14 жоба мемлекеттік грантқа ие болды.Фото: Қызылорда қаласының әкімдігі

Қызылжармада ауқымды жұмыс атқарылуда

<a href="https://kyzylorda-news.kz/ru">Kyzylorda-news.kz</a> Елімізде 1 наурыздан бастап пойыз билеттерінің бағасы 20% көтеріледі. Бұл туралы <a href="https://stan.kz/kazakstanda-1-naurizdan-bastap-poyiz-biletterinin-bagas-413614/">Stan.kz</a> ақпарат агенттігі хабарлайды.2025 жылғы 1 наурыздан бастап әлеуметтік маңызы бар облысаралық маршруттар мен кейбір қала маңы пойыздарына жол жүру тарифінің шекті деңгейі өзгереді.<blockquote>“Жол жүру тарифінің шекті деңгейінің өзгеруі жоспарлы индекстеу аясында, жолаушылар тасымалын жүзеге асыруға байланысты тасымалдаушының шығындарын ұзақ мерзімді субсидиялау шарттарына сәйкес 7% мөлшерінде жүргізіледі”, – деп мәлімдеді “Қазақстан темір жолы” компаниясы.</blockquote>Фото: Нұрболат Нұржаубай

Қазақстанда 1 наурыздан бастап пойыз билеттерінің бағасы өседі

<a href="https://kyzylorda-news.kz/ru">Kyzylorda-news.kz</a> Алматылық "Қайрат" пен лондондық "Челси" 16 жастағы шабуылшының трансфері бойынша келісімге келді, деп хабарлайды <a href="https://baq.kz/dastan-satpaev-chelsi-oyynshysy-atandy-200007349/">BAQ.KZ </a>тілшісі.Дастан Сәтпаев 2026 жылғы жазда кәмелетке толған соң ағылшын клубына ресми түрде қосылады. Ол сол уақытқа дейін "Қайрат" сапында өнер көрсетеді.Дастан Алматыда дүниеге келген. Сегіз жасында "Қайрат" Академиясына түсіп, дайындықтың барлық сатысынан өткен футболшы.Фото: Қазақстан футбол федерациясы

Дастан Сәтпаев "Челси" ойыншысы атанды

<a href="https://kyzylorda-news.kz/ru">Kyzylorda-news.kz</a> Ісін жаңадан бастаған инвесторлар қандай қателіктер жіберулері мүмкін екендігі жөнінде Fingramota.kz-пен бірге қарастырайық!Ойластырылмаған стратегияІсін жаңадан бастаған инвесторлардың басты қателіктерінің бірі — нақты стратегияның және мақсаттардың болмауы. Қор нарығында ісін жаңадан бастаушылар көп жағдайда тәуекелге бел буып, бірден көп кіріс алуды қалайды. Олар тәуекелдерге талдау жасамай, кірістілігі жоғары акциялар сатып алады. Бұл олардың бүкіл салған қаржысын жоғалтып алуына әкелуі мүмкін.&nbsp;Егер сіз ұзақ мерзімге инвестиция салып, табыс тапқыңыз келсе, алдымен стратегия құрып алыңыз. Бұл ретте, сіз қандай активтермен сауда жасайтыныңызды, мәмілелерді қаншалықты жиі жасайтыныңызды және шешім қабылдау кезінде нені басшылыққа алатыныңызды &nbsp;білу маңызды. Қарапайым стратегиялардан бастаңыз, тәжірибе жинақтаған соң күрделіге көшіңіз.Қысқа мерзімді көрсеткіштерді пайдалануІсін жаңадан бастаған инвесторда сапалы талдау болмаса, ол акцияларды оның соңғы жыл ішіндегі, ай, тіпті бір апта ішіндегі кірістілігін басшылыққа ала отырып сатып алулары мүмкін. Бұл инвестордың қысқа мерзімді көрсеткіштерді ғана болжап отырғанын білдіреді. Сондай оның шешіміне достарының, әріптестерінің, таныстарының және туысқандарының пікірлері де әсер етуі мүмкін. Нәтижесінде ол мұндай акциялар жоғары кіріс әкеледі деген сеніммен жоғары бағамен акциялар сатып алу тәуекеліне барады, одан кейін оның құны күрт түсіп кеткенін көреді. &nbsp;Компанияның акцияларының бағасы өзгеріп, құбылмалы болып, бағасы бір көрсеткіште тұрмайды. Тәжірибесі жоқ инвестор бір компанияның акцияларын сатып алуы мүмкін, алайда жағымсыз ішкі немесе сыртқы факторлардың салдарынан осы компанияның акцияларының құны түсіп кетуі мүмкін. Одан қорқып қалған инвестор тіпті бұл кірістен айырылып, шығынға ұшыратса да акцияларды сатып жіберуге асығады. &nbsp;&nbsp;Ісін жаңадан бастаған инвесторлармен салыстырғанда тәжірибелі инвесторлар &nbsp;неғұрлым тұрақты және құбылмалылығы төмен акцияларға басымдық береді. Баға неғұрлым аз құбылып тұрса, болжам соғұрлым дәл болады. Тәжірибелі инвесторлар нәтижеге тез жетуге ұмтылу және эмоциямен жасаған әрекеттер көбінесе шығынға әкелетінін жақсы біледі.Сондай-ақ, брокерлердің мүдделерін де ескеру маңызды. Олар мәмілелер үшін жоғары комиссия алуға мүдделі және олардың мүдделері инвесторлардың мүдделерімен сәйкес келмеуі мүмкін. Брокерлер үшін мәмілелердің жасалғаны, ал қағаздар портфельде ұзақ уақыт қалмағаны маңызды. Бұл факторды инвестициялық стратегияда ескеру қажет.Консервативті стратегияТіпті бағалы қағаздарға салған кезде де ортасын сақтау маңызды, шектен тыс консервативтілік те қажет, бірақ ол оң нәтижелерге әкеле бермейді. Консервативті тәсіл биржада сауда-саттық басталған кезде өзін ақтайды. Бұл тәсіл кірістілігі төмен және тұрақты, сол сияқты тәуекелі орташа аздаған қағаздар болуы мүмкін неғұрлым теңдестірілген инвестициялық портфель туралы білімнің жетіспеуінен туындауы мүмкін.Бұл стратегияда мүмкіндікті жіберіп алмаған және бағалы қағаздарды сатуда немесе сатып алуда ұзақ күтпеген маңызды.«Fortuna»-ға сенуЖаңадан бастаған инвесторлар көбінесе акцияларды тек сәтінің түсуіне немесе олардың қысқа мерзімді кірістеріне сүйеніп сатып алады, бұл болашақта үлкен шығындарға әкелуі мүмкін. Белгілі инвестор Уоррен Баффет айтқандай: «Түсінген нәрсеңізге инвестиция салыңыз және эмоцияңыздың шешімдеріңізді басқаруына жол бермеңіз».Сондықтан, акцияларды сатып алмас бұрын, компанияға байыппен қаржылық талдау жүргізіп, тарихын зерттеп, жалпы көрсеткіштеріне және беделіне көңіл аудару қажет. Сонымен бірге ел экономикасындағы, нарықтағы, саладағы және жалпы әлемдегі ахуал сияқты сыртқы факторлар да бар. Компанияның бизнес-жоспарын, жылдық есептерін және даму стратегиясын мұқият зерделеу қажет. Осы деректерді зерттеу арқылы талдау жасау үшін қажетті пайдалы дағдылар мен табысты инвестордың тәжірибесін алуға болады.Мерзімдерді дұрыс бағаламауЖаңа инвесторлар көбіне қысқа мерзімде табыс табуға тырысады. Бұл көбіне қателіктерге әкеледі, себебі бұл тәуекелі жоғары және көп жарнама жасалған акцияларды сатып алуға итермелейді. Нәтижесі: жаңадан бастаған адам ақшасын тез жоғалтып, инвестициялаудан да көңілі қалады. Ол үшін жаңадан бастаған инвестор «лонг» және «шорт» мәмілелердің түрін мұқият зерделеуі керек. «Лонг» акцияларды ұзақ мерзімді перспективада олардың өсуіне қарай сатып алуды көздейді. Мәміленің бұл түрі көп білімді қажет етпейді, акцияларды сатып алып, өскенін күтуге болады. «Шорт» қысқа мерзімді мәмілелерді білдіреді. Бұл жағдайда трейдер акцияларды брокерден қарызға алады, оларды «сол күнгі» бағамен сатады, кейінірек айырмасын өзіне қалдырып, одан да төмен бағамен сатып алады. Бірақ мәмілелердің бұл түрі инвестордың жоғары біліктілігін талап етеді, себебі бұл – күрделі және тәуекелді процесс.&nbsp;Сондықтан жаңадан бастаған адамның «лонг» мәміледен бастағаны жақсы әрі жеңіл болады.Барлық активті бір себеткеТек бір компанияның және тек бір саланың (мұнай секторы, банк, сақтандыру және басқалары) акцияларын сатып алу арқылы сіз ақшаңызды жоғалтуыңыз мүмкін. Бұл жағынан алғанда экономиканың түрлі салаларындағы бірнеше компанияның акцияларынан қоржын құру қажет. Әртараптандырылған портфель ең қолайлы болып табылады, себебі бір компанияның акциялары төмендеген кезде, басқалардың акциялары қаражатты жоғалтпай, инвестицияларды теңестіруге көмектеседі. Мысалы, егер бір бағалы қағаз құлдыраған кезде салымыңыздың тек 10%-ын жоғалтуға әкелетін болса, екіншісі 50% кіріс алуға көмектесуі мүмкін. Сонымен бірге инвестициялаудағы сараланған тәсіл сізді бір лотқа салған салымыңыздан гөрі көбірек кіріс әкелуі мүмкін.Ірі компанияларды ғана емес, шағын және орта бизнес компанияларын да қарастырған жөн.Қызмет көрсетумен байланысты комиссиялар мен шығыстарды дұрыс есептемеу&nbsp;Брокердің қызмет көрсетумен байланысты тіпті 2,5%-ды құрайтын комиссиясы, мысалы 10-20 жылдан кейін кем дегенде сіздің қор нарығындағы тұтастай кезеңдегі кірісіңіздің жартысын немесе одан астам мөлшерді құрауы мүмкін.Мысалы, 2,5%-ды құрайтын комиссиямен орташа жылдық кірістілігі 10% болатын 10 000 АҚШ доллары мөлшеріндегі инвестициялар жағдайында кірістіліктің шамамен 60%-ын жұтып қояды. Сондықтан инвестор басқарумен байланысты барлық комиссияны, сондай-ақ қаражаттың енгізілуі мен шығарылуын ескеруі керек. Басқа ілеспе шығыстарды айтпағанның өзінде осылай болуы тиіс. Бұл шығыстарды алдын ала есептеген жөн.Кірістілік кепілдігіҚазақстан Республикасы Қаржы нарығын реттеу және дамыту агенттігінің сайтында инвестициялық қызметтер көрсететін лицензияланған брокерлер мен дилерлердің тізімі бар.Алайда, интернет арқылы жарнамалық роликтерде алаяқтықтың белгісі болып табылатын жоғары кірістілікке кепілдік беретін ұйымдар бар. Әдетте, оларда қаржы реттеушісі берген лицензия болмайды.Инвестициялардың әрқашан тәуекелмен қатар жүретінін білу қажет, &nbsp;сондықтан ешкім, соның ішінде лицензиясы бар брокерлер де жоғары кірістілікке кепілдік бере алмайды.Инвестициялаудың өзіндік тәуекелдері болады.&nbsp;Барлық жағымсыз сценарийлерді алдын-ала болжау, сондай-ақ алдын-ала толыққанды есептеулер жүргізу өте қиын. Сіз негізгі қажеттіліктерді анықтап және сізде кредиторлар болмайтын, кемінде бір жылға қауіпсіздік жастықшаңыз болған уақытта ғана компанияның акцияларына ақша салуға болады. Тағы бір қате әрі қауіпті қадам инвестициялар үшін алғашқы операуцияларға қарызды, оның ішінде достарыңыздан/таныстарыңыздан алған қарызды немесе кредитті, оның ішінде брокерден алған кредитті пайдалану болып табылады. Сіз сәтсәз инвестициялар нәтижесінде бұл ақшаны жоғалтып қана қоймай, банкке немесе брокерге қарыз болып қаласыз. Шығындарды азайту үшін аз мөлшердегі қаражаттан керек.Сондай-ақ, брокерлік компаниямен инвестициялау үшін келісімге қол қоймас бұрын, оның беделін тексеру маңызды. Брокердің ҚР Қаржы нарығын реттеу және дамыту агенттігі берген лицензияның бар екеніне көз жеткізіңіз. Мұны қаржы реттеушісінің www.gov.kz сайтынан және Қазақстан қор биржасының сайтында www.kase.kz сайтынан білуге болады. Лицензиясы жоқ брокерлермен жұмыс істеу&nbsp;сіздің барлық қаражатыңыздың жоғалуына әкеп соғуы мүмкін. Сондықтан қаржы реттеушісінің сайтында қол жетімді болатын жосықсыз компаниялардың тізімін мұқият қарап шығыңыз. Инвестициялық брокерлік компанияның консультантымен шартқа қол қоймас бұрын ТАЛАПТАРМЕН МҰҚИЯТ ТАНЫСЫП ШЫҒЫҢЫЗ. Шартты заңгерге көрсетіп, сарапшылардан консультация алған дұрыс.Есіңізде болсын, компаниялар әртүрлі себептермен жабылуы мүмкін және алдағы ұзақ мерзімді кезеңде сіздің инвестицияларыңыздың табысты болатынына ешкім кепілдік бере алмайды. Бағалы қағаздар мен акцияларға инвестициялар салу әрқашан тәуекелдермен байланысты. Алайда, дұрыс әрекет жасаған және нарықты үнемі зерттеп отырған жағдайда сіз бұл тәуекелдерді азайта аласыз.Фото: fingramota.kz

Ісін жаңадан бастаған инвесторлардың басты қателіктері: қалайша олардың алдын алуға болады?

<a href="https://kyzylorda-news.kz/ru">Kyzylorda-news.kz</a> Еңбек және халықты әлеуметтік қорғау министрлігінің баспасөз хатшысы-ресми өкілі Мадияр Уақбаев балалы аналарға қандай жәрдемақы төленетінін түсіндірді, деп хабарлайды <a href="https://baq.kz/qazaqstanda-balaly-analarga-qanday-zhardemaqy-tolenedi-200007339/">BAQ.KZ</a> тілшісі.Оның сөзінше, ҚР Әлеуметтік кодексіне сәйкес бала туған, асырап алған немесе нәрестеге қорғаншылық рәсімдеген кезде төрт түрлі төлем беріледі.Олар: екі мемлекеттік жәрдемақы және екі әлеуметтік төлем.Бірінші кезекте бала туғанда біржолғы жәрдемақы төленеді. Оның мөлшері бірінші, екінші және үшінші балаға 38 АЕК (149 416 теңге), төртінші және одан көп балаға 63 АЕК (247 716 теңге).Жұмыс істемейтін аналарға бала 1,5 жасқа толғанға дейін оның күтімі бойынша ай сайын жәрдемақы беріледі. Жәрдемақы балалар санына байланысты сараланады және оның мөлшері 5,76 АЕК-тен (22 648,32 теңге) 8,9 АЕК-ке (34 994,8 теңге) дейін болады.Мемлекеттік әлеуметтік сақтандыру қорына жұмыс берушілер аударым жасаған жұмыс істейтін әйелдер жүктілігіне және босануына, жаңа туған баланы асырап алуына байланысты табысынан айырылған жағдайда төлем талап ете алады. Оның мөлшері соған құқығы бар әйелдің соңғы 12 айдағы орташа айлық табысына байланысты болады, - дейді Мадияр Уақбаев.Міндетті әлеуметтік сақтандыру жүйесіне қатысушыларға бала 1,5 жасқа толғанға дейін оның күтіміне байланысты табысынан айырылу жағдайы бойынша соңғы 2 жылдағы орташа айлық табысының 40%-ы мөлшерінде әлеуметтік төлем де беріледі.Фото: Нұрболат Нұржаубай

Қазақстанда балалы аналарға қандай жәрдемақы төленеді

<a href="https://kyzylorda-news.kz/ru">Kyzylorda-news.kz</a> Жылу беру маусымы басталғалы облыс көлемінде 76 өрт оқиғасы орын алған. Олардың басым көпшілігі тұрғын үйлерде. Орын алып жатқан жағдайлар тұрғындардың өрт қауіпсіздік шараларына салғырт қарауынан, яғни тұрмыстық пештердің техникалық жағдайына мән бермеуінен, балаларды қараусыз қалдыруынан пайда болған. Бұл туралы Өңірлік коммуникациялар қызметінің ақпарат алаңында мемлекеттік өрт бақылау басқармасының бастығы Асхат Оразбеков хабарлады.<blockquote>- Осыған байланысты әр аптаның сенбі күндері облыс бойынша Департаменттің және Полиция департаментінің қызметкерлерімен, қоғамдық бірлестіктердің волонтерлерімен бірлесіп жылу беру маусымы кезеңінде өрттің пайда болуын, адамдардың қаза болуын және жарақат алу қауіп-қатерін азайту мақсатында профилактикалық жұмыстары атқарылуда. Барлығы 72 927 тұрғын үй секторының ауласы аралады. Тұрғындармен 258 рет кездесу ұйымдастырылып, соның ішінде электр және газ баллон жабдықтарын, пешті және газ пештерін орнату, қолдану туралы өрт қауіпсіздігі талаптары бойынша түсіндіру жұмыстары жүргізіліп қамтылды. Бүгінгі күні облыстық жұмыспен қамтуды үйлестіру және әлеуметтік бағдарламар басқармасынан алынған тізімге сәйкес, тұрмысы төмен, көпбалалы, жалғызбасты ана және мүгедек жандары бар 5463 отбасы тізімі нақтыланған. Аталған отбасылардың ішінде жылыту жүйесі табиғи газбен қамтылған үйлерге орнату үшін жергілікті бюджет қаражаты есебінен 484 дана табиғи газды анықтайтын датчик сатып алынып, қала және аудан әкімдіктеріне тапсырылды,- деді Асхат Плалұлы.</blockquote><img class="image_resized" style="width:100%;" src="https://knadmin.beoblood.kz/uploads/Zhylu_beru_mausymy_brifing_817e4ced73.jpg" alt="Жылу беру маусымы брифинг.jpg">Фото: Нұрболат НұржаубайӨңірлік коммуникациялар қызметі

Жылу беру маусымы жауапкершілікті жүктейді

<a href="https://kyzylorda-news.kz/ru">Kyzylorda-news.kz</a> Ұлттық қауіпсіздік комитеті прокуратураның үйлестіруімен Жетісу облысының екі тұрғынына қатысты Денсаулық сақтау министрлігінің ақпараттық жүйелеріне заңсыз қол жеткізу фактісі бойынша қылмыстық істі тергеуді аяқтады, деп хабаролайды <a href="https://baq.kz/damumed-zhuyesine-zansyz-kirgender-ustaldy-200007310/">BAQ.KZ&nbsp;</a> ҰҚК баспасөз қызметіне сілтеме жасап.Осы жылдың 30 қаңтарында Талдықорған қаласы сотының шешімімен олар Қылмыстық кодекстің 205-бабының 2-бөлігінде және 208-бабының 2-бөлігінде көзделген қылмыстарды жасағаны үшін кінәлі деп танылып, 300 айлық есептік көрсеткіш мөлшерінде айыппұл салуға сотталды, - деп жазды ҚР ҰҚК баспасөз қызметі.Тергеу барысында медициналық қызметкерлердің тіркелгілерін заңсыз иемдену арқылы олардың ҚР Денсаулық сақтау министрлігінің "Тіркелген халық тізілімі" және "Damumed" ақпараттық жүйелеріне заңсыз қол жеткізгені анықтады.Фото: gov.kz

"Damumed" жүйесіне заңсыз кіргендер ұсталды

<a href="https://kyzylorda-news.kz/ru">Kyzylorda-news.kz</a> Кейінгі бес жылда Қазақстанда тіркелген әкімшілік құқық бұзушылықтар саны 2,5 есе өсті. Бұл туралы<a href="https://stan.kz/rekordtik-korsetkish-kazakstandiktar-bir-zhilda-304-mil-413586/"> Stan.kz</a> ақпарат агенттігі Finprom.kz сайтына сілтеме жасап хабарлайды.Өткен жылы мұндай құқықбұзушылықтар саны 15,1 миллионнан асса, 2019 жылы тек 6,1 миллион болған.Әрбір осындай оқиға үшін құқықбұзушыларға әртүрлі әкімшілік жазалар қолданылды: 2024 жылға 14,7 млн болды. Оның ішінде айыппұлдар – 84%, ескерту – 12%, әкімшілік қамауға алу – 0,6%, шетелдік құқықбұзушыларды елден шығару істері – 0,2% және басқа да жаза түрлері қолданылды.Әкімшілік жазалардың көбеюі құқықбұзушылықтардың санына тікелей байланысты.12 айда тәртіп бұзушыларға салынған ақшалай айыппұлдың жалпы сомасы 304,3 млрд теңге болды, 2023 жылмен салыстырғанда 63,9% артық. 2019 жылғы көрсеткіштермен салыстырғанда (71,9 млрд теңге) 4,2 есе өскен.Сонымен қатар салынған айыппұл көлемі де соңғы жылдардағы рекордтық көрсеткіш болды. Ең жоғары айыппұл 2024 жылы 190,5 млрд теңгеге жақындады (өткен жылмен салыстырғанда 30,5% көп).2024 жылға салынған әкімшілік айыппұл көлемі бойынша Алматы қаласы мен Маңғыстау облысы көш бастады: 60,1 млрд және 40,5 млрд теңге. Алматылықтардың көбі жол ережесіне қатысты көп айыппұл төлеген. Мысалы 60,1 миллиард теңгенің 40,1 миллиарды көлік және жолдағы бұзушылықтар үшін төленді.Маңғыстау облысындағы ірі көлемдегі айыппұлдар экологияға қатысты. Жалпы соманың 76,2%-ы немесе 30,9 млрд теңгесі кәсіпорынның қалдықтардың шегінен асып кетуіне байланысты.Өткен жылы әкімшілік айыппұлдардың 91%-ы жол қозғалысы ережелерін бұзғаны үшін салынған. Айыппұл салуға әкеп соққан 12,7 миллион әкімшілік істің 11,6 миллионы осы санатқа жатады. Көбіне жылдамдықты арттыру (5,9 миллион) және жол белгілері немесе таңбалау талаптарын сақтамау (2,9 миллион) болды.Салыққа қатысты әкімшілік құқықбұзушылықтар – 35 млрд теңге, қоғамдық тәртіп пен имандылыққа нұқсан келтіретін құқық бұзушылықтар – 10 млрд теңге, сауда және қаржы саласындағы құқықбұзушылықтар 8,4 млрд теңге болды.Фото: freepik.com

Рекордтық көрсеткіш: Қазақстандықтар бір жылда 304 миллиард теңге айыппұл төлеген

<a href="https://kyzylorda-news.kz/ru">Kyzylorda-news.kz</a> Форумда «Жаңа адамдар» қозғалысының жетекшісі Әсел Баденова Президентке ұйымның осыған дейін атқарған игі істері мен азаматтық бастамаларын таныстырды. Оның айтуынша, қазіргі кезде қозғалыстың 19 қалада кампусы, 15 мыңға жуық белсенді мүшесі бар. Қозғалыс елімізде ондаған азаматтық бастамалар мен акцияларды ұйымдастырып үлгерген. Жастар вандализммен, рұқсат етілмеген жерге қоқыс төгушілермен, кәмелетке толмаған балаларға ішімдік сатушылармен, есірткі таратушылармен және басқа да әлеуметтік кеселдермен күрес жүргізіп, өздерінің азаматтық ұстанымдарын ашық әрі белсенді білдіріп жүр.Мемлекет басшысы форумға жиналған жалынды жастардың бойындағы Отанға, елге деген сүйіспеншілік пен құрметке ризашылығын білдіріп, көзі ашық, көкірегі ояу азаматтардың әр жетістігіне қуанатынын, әр бастамасын қолдайтынын жеткізді.<blockquote>– Қазақстанның жастары – жасампаз. Мен мұны үнемі айтып жүрмін. Жаңа ғана өте жақсы ойлар айтылды. Тың идеялар, игі бастамалар бар. Сіздердің сөздеріңізді тыңдап, форум атмосферасын сезіне отырып, кеудемді мақтаныш кернеді. Қазақстанның болашағына деген сенімім нығая түсті. «Жас келсе – іске» деп бекер айтпаған. Еліміздің келешегі ойы ұшқыр, білімі терең, көзқарасы заманауи жастардың қолында. Мен Президент ретінде Сіздерге зор үмітпен қараймын, – деді Қасым-Жомарт Тоқаев.</blockquote>Президент қазір еліміз үшін тарихи кезең екеніне, алдымызда биік мақсаттар тұрғанына назар аударды.<blockquote>– Біз жұрттан көш ілгері жүретін ел боламыз. Үйренетін де, үйрететін де ұлт боламыз. Жастар барлық өзгерістің бастауында тұрады. «Жаңа адамдар» – жаңа қоғамның айнасы. «Жаңа адамдар» – жаңа болмыс! Бұл – өз еліне адал жастардың қозғалысы! Біздің стратегиямызға қолдау білдірген сіздерге алғыс айтамын. Реформаларымыздың мән-маңызы ұрандарыңызда көрініс тапқан. Бұл өзгерістер Әділетті Қазақстанды құру, «Заң мен тәртіпті» қамтамасыз ету тұжырымдамасына негізделген, – деді Мемлекет басшысы.</blockquote><img src="https://knadmin.beoblood.kz/uploads/Zha_a_adamdar_prezident_784d824bd2.jpg" alt="Жаңа адамдар президент.jpg">Фото: akorda.kz

Президент жастар форумында сөз сөйледі

<a href="https://kyzylorda-news.kz/ru">Kyzylorda-news.kz</a> «Арал теңізінің құрғап, шөлге айналуы – алаңдатарлық мәселе. Экологиялық апатқа ұшыраған аймақты оңалту керек. Бұған қоса, трансшекаралық өзендердің су қорын тиімді пайдалану қажет. Ол үшін су үнемдеу технологияларын кеңінен қолдану керек», - деді Қазақстан Республикасының Президенті Қасым-Жомарт Тоқаев.2024 жылдың қазанынан осы жылдың қаңтарына дейін Солтүстік Арал теңізіне 1 миллиард текше метр су жіберілді. Бұл жоспарланған көлемнен 100 миллион текшее метрге артық. Орталық Азия елдерімен қол жеткізген келісімдерінің нәтижесінде 2025 жылғы наурыз айының соңына дейін Солтүстік Аралға жіберілген судың жалпы көлемі 1,6 млрд текше метрге жетеді.Бүгінгі таңда Солтүстік Арал теңізіндегі судың жалпы көлемі - 22,1 млрд текше метр. 2022 жылдың басында 18,9 млрд текше метр болды. 2025 жылдың соңына қарай теңіздегі су көлемі 23,4 млрд текшее метрге дейін жетеді деп күтілуде.Солтүстік Арал теңізінің ауданы да ұлғаюда. Бүгінгі таңда ол 3065 шаршы шақырымға жетті. Бұл 2022 жылдың басындағы көрсеткіштен 111 шаршы шақырымға көп.Солтүстік Арал теңізінің ауданы мен көлемінің ұлғаюы судың минералдануың азайтуға және балықтың 22 түрінің популяциясын қалпына келтіруге мүмкіндік берді. Жыл сайынғы балық аулау көлемі 8 мың тоннаға жетті.«Көкарал бөгетін сақтау және Сырдария өзені сағаларын қалпына келтіру» жобасы аяқталуға жақын. Бүгінгі таңда «Тәуір» қорғаныс бөгетін салу, Қарашаланкөлі мен Сырдария өзені арасындағы екі учаскедегі бөгеттер мен «Қарашалан-1» каналын және оның бас құрылысын реконструкциялау жұмысы аяқталды. Жыл соңына дейін Солтүстік Арал теңізін Үлкен Аралдан бөлетін Көкарал бөгетін қайта жаңарту жұмысын аяқтау жоспарланып отыр. Жобаны іске асыру Солтүстік Аралдың сақталуына және судың тұздылығын төмендетуге ықпал етеді.Қызылорда облысының күріш алқаптарын лазерлік жоспарлаушымен тегістеу және су үнемдеу технологияларын пайдалану шамамен 200 млн текше метр су үнемдеп, оны Солтүстік Аралға жіберуге мүмкіндік берді. 55 мың гектар күріш алқабы лазерлік жоспарлаушының көмегімен тегістелді, бұл орташа өнімділікті гектарынан 40-55 центнерден 70-80 центнерге дейін арттыруға септігін тигізді.Су үнемдеу технологияларын енгізуді ынталандыру үшін шаруалардың инфрақұрылым жүргізу, су үнемдеу жүйелерін сатып алу және орнату шығындарын субсидиялау мөлшері 50%-дан 80%-ға дейін ұлғайтылды. Су үнемдеу жүйелерін пайдаланатын дихандар үшін су армалысуға субсидия мөлшері тарифке байланысты 85%-ға дейін ұлғайтылды.Арал теңізі бассейніндегі аймақты оңалту мақсатында көгалдандыру жұмысы жалғасып жатыр. Бүгінде Үлкен Арал теңізінің тартылған аумағында 4,4 млн көшет отырғызылды.2021-2024 жылдар аралығында 475 мың гектар жерге тұқым мен көшет отырғызылды. Биыл 428 мың гектарда көгалдандыру жұмыстарын жүргізу жоспарланған. Осының нәтижесінде 2025 жылдың соңына қарай Арал теңізі табанын көгалдандырудың жалпы көлемі 1,1 млн гектарға жетуі тиіс.Айта кету керек, 2024 жылдың 1 қаңтарынан бастапа Халықаралық Аралды құтқару қорына төрағалық ету кезегі Қазақстан Республикасына өтті. Мемлекет басшысы Қасым-Жомарт Тоқаев 2026 жылдың соңына дейін ХАҚҚ Президенті болып сайланды. Қазақстанның 2024-2026 жылдар аралығындағы төрағалығы кезеңінде ХАҚҚ Атқару комитетінің жұмыс жоспары бекітілді. Құжат 10 түрлі бағыт бойынша 40-қа жуық іс-шараны қамтиды.Президенттің тапсырмаларын іске асыру 2000 мыңға жуық адамды жұмыспен қамтамасыз етуге мүмкіндік береді. Солтүстік Арал теңізінің су көлемі мен ауданының ұлғаюы судың минералдануын азайтады, бұл оның биологиялық әралуандығын сақтауға көмектеседі және Қызылорда облысының балық шаруашылығының дамуытуға ықпал етеді.Су үнемдеу технологияларын енгізу және су инфрақұрылымын дамыту Солтүстік Аралға қосымша су көлемін жіберуге мүмкіндік береді, сондай-ақ өңірдің ауыл шаруашылығын дамытуға көмектеседі.Арал теңізінің тартылған аумағын көгалдандыру топырақ эрозиясының алдын алады және құмды, тұзды дауылдармен күресуге көмектеседі. Бұл аймақтың экологиялық жағдайын жақсартып, жергілікті тұрғындардың денсаулығын қорғайды.Фото: ҚР Су ресурстары және ирригация министрлігі

Қазақстан және Қызылорда облысының жаңалықтары: Қоғам