<a href="https://kyzylorda-news.kz/">Kyzylorda-news.kz</a> 2025 жылы қазақстандықтарға бала тууына және бала күтіміне байланысты 80 млрд теңгеден астам сомаға жәрдемақы төленді, деп хабарлайды Еңбек және халықты әлеуметтік қорғау министрлігі.Жыл басынан бері мемлекеттік жәрдемақылармен, сондай-ақ Мемлекеттік әлеуметтік сақтандыру қорынан (бұдан әрі — МӘСҚ) баланы босануға және бала 1,5 жасқа толғанға дейін оның күтіміне байланысты төлемдермен жалпы сомасы 80,1 млрд теңгеге 170,8 мың адам қамтылды.Бала туғанда берілетін жәрдемақыны 2025 жылдың қаңтар айында республикалық бюджеттен барлығы 6&nbsp;млрд теңге сомаға 33,7 мың адам алды. Бұл жәрдемақыға бала туған, асырап алған, сондай-ақ қамқорлыққа алған балалары бар еліміздің азаматтары, қандастар, сондай-ақ Қазақстанда тұрақты тұратын шетелдіктер үміткер бола алады.Балаға күтім жасайтын адам міндетті әлеуметтік сақтандыру жүйесіне қатысушы болып табылмаған жағдайда туған, асырап алған, сондай-ақ қорғаншылыққа алған балалары бар, егер олар басқа ата-ананың отбасында екені ескерілмесе, өгей балалары бар адамдардың (отбасылардың) бала күтіміне байланысты жәрдемақы алуға құқығы&nbsp;бар. Есепті кезеңде 1,5 жасқа толғанға дейін бала күтімі бойынша жәрдемақыны 3,6&nbsp;млрд теңге сомасына 123 мың адам алды.Бала тууына және бала күтіміне арналған мемлекеттік жәрдемақылардың мөлшері республикалық бюджет туралы заңмен тиісті қаржы жылына бекітілген айлық есептік көрсеткішке (бұдан әрі&nbsp;— АЕК) байланысты белгіленеді. 2025 жылдың басынан бастап мемлекеттік жәрдемақылардың мөлшері 6,5%-ға индекстелген.Бала тууына арналған жәрдемақы мөлшері:—&nbsp;бірінші, екінші, үшінші балаға&nbsp;— 38 АЕК немесе 149 416 теңге;—&nbsp;төртінші және одан кейінгі балаларға&nbsp;— 63 АЕК немесе 247 716 теңге.Бала 1,5 жасқа толғанға дейін оның күтіміне байланысты төленетін жәрдемақы ай&nbsp;сайын келесідей мөлшерде төленеді:—&nbsp;бірінші балаға&nbsp;— 5,76 АЕК немесе 22 648 теңге;—&nbsp;екінші балаға&nbsp;— 6,81 АЕК немесе 26 777 теңге;—&nbsp;үшінші балаға&nbsp;— 7,85 АЕК немесе 30 866 теңге;—&nbsp;төртінші және одан кейінгі балаларға&nbsp;— 8,90 АЕК немесе 34 995 теңге.Бұдан басқа жұмыс істейтін азаматтарға жүктілікке және босануға, жаңа туған баланы (балаларды) асырап алуға байланысты кірісінен айырылған жағдайда МӘСҚ-тан төленетін әлеуметтік төлем жүктілігі және босануы бойынша берілген демалыстың барлық күндеріне тағайындалады. Төлем мөлшері жүктілігі және босануы бойынша уақытша еңбекке жарамсыздық парағы берілгенге дейінгі соңғы 12 ай&nbsp;ішінде МӘСҚ-ға әлеуметтік аударымдар жүргізілген орташа айлық кіріске және еңбекке жарамсыздық күндерінің санына байланысты болады.Аталған біржолғы төлемді жыл басынан бері жалпы сомасы 33,3&nbsp;млрд теңгеге 23,6 мың адам алды, бұл 2024 жылдың сәйкес кезеңімен салыстырғанда 4%-ға артық. Тағайындалған төлемнің орташа мөлшері 1 714 618 теңгені құрады.Сондай-ақ МӘСҚ-дан бала бір жарым жасқа толғанға дейін оның күтіміне байланысты кірісінен айырылу жағдайы бойынша ай&nbsp;сайынғы әлеуметтік төлем әлеуметтік сақтандыру жүйесіне қатысушыға баланың туған күнінен бастап тағайындалады. Төлемнің мөлшері соңғы 2 жылда МӘСҚ-ға әлеуметтік аударымдар жүргізілген орташа айлық кірістің 40%-н құрайды. Екі және одан да&nbsp;көп бала туған жағдайда төлем әр балаға жеке тағайындалады.2025 жылы бұл төлем 24,2 мың адамға тағайындалды, ай&nbsp;сайынғы төлемнің орташа мөлшері 93 740 теңгені құрады. Төлем 37,2&nbsp;млрд теңге сомасында берілді, бұл 2024 жылдың сәйкес кезеңімен салыстырғанда 21%-ға артық.Осыған дейін Премьер-Министрдің орынбасары Тамара Дүйсенова декреттегі аналар табыс тапса, баланың 1,5 жасына дейін берілетін төлем неге тоқтатылатынын түсіндірді.Фото: Нұрболат Нұржаубай

Қазақстандықтарға жыл басынан бала күтіміне байланысты қанша жәрдемақы төленді?

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, Парламент Сенаты мен Мәжілісінің депутаттары &nbsp;Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев, Түркістан облыстық &nbsp;мәслихатының депутаты Дулатбек Әбіш Жаңақорған ауданындағы "Оқушылар үйі" және &nbsp;"Өнер мектебінің", "Саяжай" мөлтек ауданындағы &nbsp;«Жайлы мектептің» жұмыс барысымен танысты.&nbsp;Жаңа ғимаратта оқушыларға арналған өнер студиясы, тігін шеберханасы, музыка, хореография және ритмика, акробатика залдары орналасқан. Мұнда өскелең ұрпақ шығармашылығын, денсаулығын шыңдайды және қолөнермен айналыса алады.Үш қабатты "Жайлы мектепте" білім алушыларға қолайлы жағдай жасалған. Кең әрі жарық сыныптар, жоғары сапалы оқу құралдарымен, ақпараттық технологиялармен жабдықталған кабинеттер бар. Кітапхана, зертханалар және шығармашылық үйірмелерге арналған бөлмелер де қарастырылған. Ғимараттың әр қабатындағы инженерлік, жылу, жарық, су және желдету жүйелері заманауи талапқа сай орнатылған. Спорт залы мен демалыс орындары дене шынықтырумен айналысуға, түрлі спорттық жарыстар өткізуге лайықталған.Жыл ішінде Шиелі ауданында да 200 орындық «Оқушылар үйі» мен 50 орындық «Өнер мектебі» жұмысын бастайды. Облыс орталығындағы «Шығармашылық академиясы», музыкалық колледждің жаңа ғимараты мамыр айында, дарынды балаларға арналған физика-математика мектеп-интернатының құрылысы наурыз айында аяқталмақ. Биыл «Білім беру инфрақұрылымын қолдау қоры» есебінен Арал ауданының «Жалаңаш» ауылынан 150 орындық мектеп салынады. Былтыр 3 млрд 100 млн теңгеге 8 мектеп ғимаратына күрделі жөндеу жүргізілді. Мемлекет басшысының 1 300 мектепті жаңғырту тапсырмасына сәйкес алдағы 3 жыл ішінде облыстағы 51 мектеп, оның &nbsp;9-ы биыл күрделі жөндеуден өтеді.Фото: Қызылорда облысы әкімінің баспасөз қызметі

Жаңақорғандағы жаңа нысандарды аралады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың аймақта азық-түлік қауіпсіздігін қамтамасыз ету үшін жергілікті бюджеттен қаржы бөліп, кәсіпкерлерге қолдау көрсетуі алғашқы нәтижелерін беруде.Былтыр бұл мақсатқа 1,5 млрд теңге бөлініп, «Қызылорда» Өңірлік инвестициялық орталығы арқылы өңір кәсіпкерлеріне жеңілдікпен несие берілген еді.Бөлінген қаржыдан үлесін алып, кәсіпке бағыттаған жандардың бірі Сырдария ауданына қарасты Тереңөзек кентінің тұрғыны Әли Бермағанбетов.Әли Бермағанбетовтің негізгі мамандығы теміржолшы. Одан өзге он жылдан астам уақыт мұнай компаниясында еңбек еткен. Ауыл шаруашылығы саласы оған таңсық емес. 15 жылдан бері бақша дақылдарын өсіріп, өнімін алып үйренген.<blockquote>«Осыдан бірнеше жыл бұрын «Қызылорда» Өңірлік инвестициялық орталығынан жеңілдікпен несие алдым. Оған картоп, бақшалық дақылдарды ектім. Тұрақты жұмысым бар, шаруаны жұмысшы алып, соған жасатқан едім. Бірақ басы-қасында өзім жүрмегеннен кейін ойымдағыдай дамыта алмадым», - деді Әли Бермағанбетов.</blockquote><img src="https://knadmin.beoblood.kz/uploads/Whats_App_Image_2025_02_17_at_10_54_31_db0b3ee476.jpeg" alt="WhatsApp Image 2025-02-17 at 10.54.31.jpeg">Ол қыс-көктем мезгілінде көкөністердің бағасы күрт өсіп, тапшылық болатынына талдау жасай келе жылыжаймен айналыспақ болады.<blockquote>«Соңғы 2-3 жылдықта жылыжай шаруашылығын зерттей бастадым. Оңтүстік өңірлердегі осы саладағы азаматтармен пікірлестім, тәжірибе алмстым. Осылайша өзім жүргізіп көрмек болдым. Қаржы іздегенде Өңірлік инвестициялық орталықтың пилот жобаны жүзеге асырып жатқанын естіп, құжаттар тапсырдым. Құжаттарды жинақтауға аудандық кәсіпкерлік бөлімінің мамандары да көмектесті», - дейді сырдариялық кәсіпкер.</blockquote><img src="https://knadmin.beoblood.kz/uploads/Whats_App_Image_2025_02_17_at_10_54_28_77770d2fcf.jpeg" alt="WhatsApp Image 2025-02-17 at 10.54.28.jpeg">«Қызылорда» Өңірлік инвестициялық орталығынан былтыр 6 пайызбен 8 млн теңге жеңілдетілген несие алып, кәсібін бастап кетеді. Оған 300 шаршы метр жылыжай салады. Алған несиесі жылыжайды қажет барлық құрал-жабдықпен қамтуға мүмкіндік береді. Осы жылдың қаңтарынан қияр, кинза, укроп, салат жапырағы, көк жуа, лимон егіп тастайды.«Сұраныс жақсы. Дәмдеуіш шөптер мейрамханалар мен кент тұрғындарынан ауыспай жатыр. Қиярдың алғашқы өнімін, бұйырса, наурызда аламыз. Қасымдағы көмекшілерім - отбасым. Жылыжайдың жұмысын жүргізуде кәсіби мамандар, агрономдармен кеңесіп отырмын. Зиянкестерден қорғануға арналған, өзге де дәрумендерін уақытылы пайдаланудамын», - дейді Әли Бермағанбетов.Кәсіпкер ісін жолға қойғаннан кейін қосымша қызанақ өсіретін жылыжай салмақ.Кәсіпкерлік мақсатта мемлекеттік бағдарлама аясында жеңілдетілген несие алуға қатысты сұрақтар туындаған жағдайда «Қызылорда» Өңірлік инвестициялық орталығына хабарласа аласыздар. Байланыс телефоны: 8 /7242/ 40-03-60, 40-02-37.Фото: «Қызылорда» Өңірлік инвестициялық орталығы

Сырдариялық кәсіпкер жылыжай бизнесін дамытуда

<a href="https://kyzylorda-news.kz/">Kyzylorda-news.kz</a> ҚР Премьер-министрінің бірінші орынбасары Роман Скляр Қызылорда облысына жұмыс сапары барысында «Жайлы мектеп» ұлттық жобасының іске асырылу барысымен танысты.Жоба аясында Сыр өңірінде 6 900 орындық 10 мектептің құрылысы басталып, бүгінде 5-уі оқушылар мен ұстаздардың игілігіне табысталды. Биыл тағы 5 «Жайлы мектептің» құрылысы аяқталып, қолданысқа беріледі.«Жайлы мектептерде» бастауыш және жоғары сыныптар бөлек блоктарда оқиды. Мобильді трансформер парталармен, әмбебап акт залымен, қауіпсіздік жүйесі, оқу-зертханалық құрылғылар және жаңа модификациялық кабинеттермен қамтамасыз етілген.<img src="https://knadmin.beoblood.kz/uploads/Zhajly_mektep_foto_akimat_bf96707e41.jpg" alt="Жайлы мектеп фото акимат.jpg">Айта кетейік, өткен жылы аймақта 6 мектеп, 5 мектепке қосымша ғимарат пайдалануға берілді. Осылайша Арал ауданы Тоқабай ауылындағы №248, Шиелі кентіндегі №252 және Жансейіт ауылындағы №133 апатты мектептердің мәселесі шешілді.«ҚазГермұнай» компаниясының демеушілігімен Қызылорда қаласында заманауи үлгідегі 350 орындық «Оқушылар сарайы», Жаңақорған ауданында 200 орындық «Оқушылар үйі» мен 50 орындық «Өнер мектебі» табысталды. Жыл ішінде Шиелі ауданында да 200 орындық «Оқушылар үйі» мен 50 орындық «Өнер мектебі» жұмысын бастайды.Облыс орталығындағы «Шығармашылық академиясы», музыкалық колледждің жаңа ғимараты мамыр айында, дарынды балаларға арналған физика-математика мектеп-интернатының құрылысы наурыз айында аяқталмақ.Биыл «Білім беру инфрақұрылымын қолдау қоры» есебінен Арал ауданының «Жалаңаш» ауылынан 150 орындық мектеп салынады. Былтыр 3 млрд 100 млн теңгеге 8 мектеп ғимаратына күрделі жөндеу жүргізілді. Мемлекет басшысының 1 300 мектепті жаңғырту тапсырмасына сәйкес алдағы 3 жыл ішінде облыстағы 51 мектеп, оның 9-ы биыл күрделі жөндеуден өтеді.Сонымен қатыр облыста жаңа стадионның құрылысы басталды. Өңір халқының сұранысына сай салынып жатқан жаңа стадион бокс, күрес, ауыр атлетика, футболшылардың жаттығу залдарымен, йога, гимнастика-акробатика, сауықтыру-денешынықтыру залдарымен қамтылатын болады. Стадионның тағы бір ерекшелігі – УЕФА классификациясы бойынша ІІІ санатты. 11 мың орынға арналған, халықаралық стандарттарға сәйкес келеді.<img src="https://knadmin.beoblood.kz/uploads/Novyj_stadion_foto_akimat_8362b0b520.jpg" alt="Новый стадион фото акимат.jpg">Бүгінде шығыс және батыс трибуналарының металл конструкцияларын монтаждау 100% аяқталып, қабырғалар мен ішкі бөлімдері, сыртқы витраждары қалануда. Сыртқы инженерлік желілер жеткізілген. Жылу, су құбырлары, электр, желдеткіштің ішкі желілері орнатылуда. Наурыз айында ғимараттың сыртқы қабырғалары, ішкі инженерлік желілері аяқталып, футбол алаңын монтаждау және абаттандыру жұмыстары басталады. Нысан мамыр айында пайдалануға беріледі деп &nbsp;күтілуде.Облыс әкімі Нұрлыбек Нәлібаев өткен жылы қазан айында Қызылорда қаласында «Үстел теннисі орталығы» іске қосылғанын, жақын күндері көпбейінді «Қызылорда Арена» және дене шынықтыру-сауықтыру кешендерінің құрылысы басталатынын айтты.Мұнан бөлек, Қармақшы ауданына қарасты ІІІ Интернационал, Жаңажол, Ақай, Арал ауданының Жақсықылыш, Сырдария ауданына қарасты Бесарық ауылдарында, Жалағаш кентінде жаңа спорт &nbsp;кешендерінің құрылысы аяқталып, пайдалануға берілуде. «Ауыл – ел бесігі» бағдарламасымен 6, облыстық бюджет есебінен 2, «Қазақстан халқына» қоры арқылы 2 спорт нысаны салынуда.Сондай-ақ, аймақ басшысы Нұрлыбек Нәлібаев жаңа автовокзалдың жұмысымен таныстырды. Өткен жылы Қызылорда қаласының сол жағалауынан заманауи үлгідегі 200 орындық автовокзал пайдалануға берілген еді. Жаңа ғимарат жолаушыларға қажетті жабдықтармен қамтамасыз етілген. Мүмкіндігі шектеулі жандарға қолайлы жағдай жасалған. Бүгінде автовокзалда облыс аудандарына, басқа өңірлерге қатынайтын маршруттарға, сондай-ақ, транзиттік бағыттағы автобустарға қызмет көрсетіледі. Жолаушылар автовокзалдан 38 маршрут бойынша сапарға шыға алады.Ал қала аумағында бой көтерген көпқабатты тұрғын үйлердің құрылысы жүйелі жүргізіліп келеді.Облыс әкімі Нұрлыбек Нәлібаев өңірде соңғы 3 жылда құрылыс жұмыстарының көлемі артқанын атап өтті. Өткен жылдың қорытындысы бойынша өсім 153,8%. Пайдалануға берілген тұрғын үй көлемі артып, рекордтық деңгейге, 866,8 мың шаршы метрге жетті. 2022-2023 жылдары 4000-ға жуық пәтер пайдалануға берілсе, былтыр 2500-ден астам баспана кілті табысталды.<img src="https://knadmin.beoblood.kz/uploads/rylys_akimat_b32b06d0e9.jpg" alt="Құрылыс акимат.jpg">Сонымен қатар, әлеуметтік осал топтарға тұрғын үй сатып алуда облыс 1948 пәтер көрсеткішімен республикада 2-ші орынға шықты.Айта кетейік, өңірде құрылыс жұмыстары республикалық орта көрсеткіштен 41 пайызға жоғары. Аймақта жаңа әлеуметтік нысандар бой көтеруде. Өткен жылы 69 жаңа ғимарат салынды, оның 25-і білім, 16-сы денсаулық сақтау, 11-і мәдениет, 17-сі спорт саласына тиесілі«Жайлы мектеп» ұлттық жобасымен 21 мектеп салу жоспарланған. Бүгінде 5 білім ордасы пайдалануға берілді, 5 мектеп жаңа оқу жылына дейін табысталады. «Ауылда денсаулық сақтауды жаңғырту» ұлттық жобасы аясында 28 нысан салынды.&nbsp; Облыстың барлық ауылындағы денсаулық сақтау мекемелеріне 245 жаңа санитарлық көлік алынып, жедел жәрдем мәселесі толық шешілді. Мемлекет басшысының бастамасымен құрылған «Қазақстан халқына» қоры өңірдің денсаулық сақтау саласын дамытуға 4,8 млрд. теңге қаржы бөлді. Оның арқасыда Арал, Жаңақорған аудандары мен Қызылорда қаласында «Қамқорлық» оңалту орталықтары ашылды.Мұнан бөлек, 1 млрд. 100 млн. теңгеге скрининг жүргізуге арналған жылжымалы медициналық кешендер алынып, бүгінде ауыл тұрғындарына үздіксіз медициналық қызмет көрсетуде. Жергілікті кәсіпкерлердің демеушілігімен 50 млрд. теңгеге жуық қаржыға облыс орталығы мен аудандарда жаңа ғимараттар, парктер, ойын алаңдары салынып, мемлекет теңгеріміне өтті.Фото: Қызылорда облысы әкімінің баспасөз қызметі

Өңірде оң серпін орын алған

<a href="https://kyzylorda-news.kz/">Kyzylorda-news.kz</a> ҚР Премьер-министрінің бірінші орынбасары Роман Скляр «Тәуелсіздікке – 25 жыл» даңғылын қайта жаңғырту барысын көрді.Облыс әкімі Нұрлыбек Нәлібаев өткен жылдан бері Бейбарыс сұлтан көшесінен Әбілқайыр хан көшесіне дейінгі Сырдария өзенінің қорғаныс бөгеті нығайтылып, аталған даңғылдың 6,7 шақырымы қайта жаңғыртыла бастағанын айтты. Мердігер мекеме «Уад» ЖШС бұған дейін 1,2 шақырым кеңейтілетін аумаққа асфальт төседі. Сонымен қатар, Сырдария өзенінің қорғаныс бөгеті тазаланып, 2,6 шақырымға жуық дамба нығайтылды және 1,2 шақырым тіреу қабырғасы тұрғызылды. Бүгінде қосымша жер телімдерін сатып алу қажеттілігі туындап, зерттеу жұмыстары жүргізілуде.Еске салайық, өткен жылы аймақтың жол инфрақұрылымын дамытуға 44 млрд. 703 млн. теңге бөлініп, 300 шақырымнан астам жол жөнделді. Нәтижесінде жақсы жағдайдағы жолдардың үлесі 92 пайыздан асты. Республикалық маңызы бар «Қызылорда-Жезқазған» автомобиль жолын қайта жаңғырту жалғасуда. Облыс аумағындағы 216 шақырымның 151 шақырымы аяқталып, ел игілігіне пайдалануға берілді. Қосымша 30 шақырымына екі қабатты асфальт жабындысы төселді. Жұмыс қарқынды жүруде, жоба биыл толық аяқталады.Фото: Қызылорда облысы әкімінің баспасөз қызметі

Жол сапасы жанданып келеді

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалының төрағасы Алмасбек Есмахановтың төрағалығымен филиал жанындағы «Жер аманаты» комиссиясының отырысы өтті. Онда Комиссия мүшелері алдымен өткен жылғы жұмыстарды саралап, алдағы жұмыстарды пысықтады.&nbsp;«Жер аманаты» комиссиясы «AMANAT» партиясы жанынан Мемлекет басшысының бос жатқан жайылым жерді қайтару және оларды ауыл тұрғындарына қолжетімді етуді қамтамасыз ету бағытындағы тапсырмасына сәйкес құрылған болатын. Осы бағыттарды жұмыстарды жетілдіру мақсатында партияның облыстық филиалы жанынан да &nbsp;құрамы облыс әкімі мен облыс прокурорының орынбасарларынан бастап, тиісті сала мамандары мен қоғам белсенділерінен жасақталған «Жер аманаты» аймақтық комиссиялары құрылып жұмыс жасап келеді. &nbsp;Өткен жылы комиссия жұмысының нәтижесінде облыс бойынша &nbsp; мемлекет меншігіне 77,5 мың гектар жер қайтарылып, жоспар 110,7 пайызға орындалды.Ағымдағы жылы Қазақстан Республикасы Ауыл шаруашылығы министрлігінің Жер ресурстарын басқару комитетімен бекітілген жоспарға сәйкес &nbsp;60 мың гектар пайдаланылмай жатқан немесе ҚР заңнамасын бұза отырып пайдаланатын ауыл шаруашылығы мақсатындағы жерлер мемлекетке қайтарылуы тиіс. Бүгінгі күні облыс әкімдігімен ауыл шаруашылығы жерлерін қайтарудың аудандар бойынша жылдық және айлық жоспары бекітіліп тиісті жұмыстар жасалып жатыр.&nbsp; Жиын барысында жоспардың орындалуы бойынша облыстық жер ресурстарын басқару департаментінің басшысы Марат Кушеков хабарлама жасады.&nbsp;Департамент басшысының айтуынша 2025 жылдың қаңтар айына облыс бойынша 500 гектар қайтару жоспарланып, жыл басынан бері мақсатсыз пайдаланылған &nbsp;ауыл шаруашылығы бағытындағы жалпы көлемі 546 гектарды құрайтын &nbsp;4 жер учаскесі мемлекет меншігіне қайтарылған. &nbsp;Айлық жоспардың орындалуы 109 пайыз.Жиын барысында партияның облыстық филиалының төрағасы Алмасбек Есмаханов &nbsp;қайтырлған жерлерді мақсатты игеруге ниетті азаматтар үшін қолайлы жер таңдауына мүмкіндік беретін интерактивті картаға түсуін қадағалау, оның жұмысын халыққа кеңінен жеткізу, жайылымдық жерлердің тапшылығын жою, тұрғындар тарапынан комиссияға түскен арыз-шағымдарын қарап, олардың шешілуін қадағалау жөнінде бірқатар тапсырмалар берді.Анықтама: интерактивті картаға енгізілген қайтарылған жерлер бойынша ақпарат алғыңыз келсе мына сілтемеге өтіңіз <a href="https://map.gov4c.kz/egkn/">https://map.gov4c.kz/egkn/</a>Фото: «AMANAT» партиясы Қызылорда облыстық филиалы

"Жер аманаты" комиссия отырысы өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қызылорда қаласындағы Шығармашылық-инновациялық орталықтың құрылысымен танысты. Орталықты «Bi Global» серіктестігі салуда. Жалпы ауданы 3820,43 шаршы метрлік ғимараттың бас жобалаушысы «TEHNIKALIQ BAQILAU» , техникалық қадағалаушысы «Алатау Сапа Құрылыс» серіктестіктері.Орталықта балаларға спорттық сауықтыру, көркем - эстетикалық, ғылыми-техникалық, тарихи-өлкетану бағыттарында қызмет көрсетіледі. Бұдан бөлек, волейбол, баскетбол, футбол, воркаут алаңдары, соңғы үлгідегі бассейн қарастырылған. Сондай-ақ, мұнда оқушылардың білімін жетілдіріп, ғылыми жұмыстармен айналысуына мүмкіндік болады. Қаланың көлік қозғалысы қарқынды көшелерінің біріндегі құрылыс алаңында сәулетті ғимарат бой көтеретін күн жақын. Орталықты межелі мерзімде табыстау үшін жұмыс жүргізілуде.Айта кетейік, өңірде құрылыс жұмыстары республикалық орта көрсеткіштен 41 пайызға жоғары. Аймақта жаңа әлеуметтік нысандар бой көтеруде. Өткен жылы 69 жаңа ғимарат салынды, оның 25-і білім, 16-сы денсаулық сақтау, 11-і мәдениет, 17-сі спорт саласына тиесілі.«Жайлы мектеп» ұлттық жобасымен 21 мектеп салу жоспарланған. Бүгінде 5 білім ордасы пайдалануға берілді, 5 мектеп жаңа оқу жылына дейін табысталады. «Ауылда денсаулық сақтауды жаңғырту» ұлттық жобасы аясында 28 нысан салынды.Облыстың барлық ауылындағы денсаулық сақтау мекемелеріне 245 жаңа санитарлық көлік алынып, жедел жәрдем мәселесі толық шешілді. Мемлекет басшысының бастамасымен құрылған «Қазақстан халқына» қоры өңірдің денсаулық сақтау саласын дамытуға 4,8 млрд. теңге қаржы бөлді. Арал, Жаңақорған аудандары мен Қызылорда қаласында «Қамқорлық» оңалту орталықтары ашылды.Мұнан бөлек, 1 млрд. 100 млн. теңгеге скрининг жүргізуге арналған жылжымалы медициналық кешендер алынып, бүгінде ауыл тұрғындарына үздіксіз медициналық қызмет көрсетуде. Жергілікті кәсіпкерлердің демеушілігімен 50 млрд. теңгеге жуық қаржыға облыс орталығы мен аудандарда жаңа ғимараттар, парктер, ойын алаңдары салынып, мемлекет теңгеріміне өтті.Фото: Қызылорда облысы әкімінің баспасөз қызметі

Аймақ басшысы шығармашылық-инновациялық орталықтың құрылысымен танысты

<a href="https://kyzylorda-news.kz/">Kyzylorda-news.kz</a> Облыс орталығындағы "Тағзым" алаңында батырлық пен қайсарлықтың үлгісін көрсетіп, қаһармандық танытқан, өздерінің Отан алдындағы парызына адал болған, Ауған соғысында қаза тапқан жауынгерлерді еске алу шарасы өтті.&nbsp;Шара барысында қала әкімінің орынбасары Дархан Тұрсынбаев сөз алып, азаматтық борышын өтеу жолында қапыда қаза болған жауынгерлердің жарқын бейнесі ұрпақ жадында жаңғырып, ерліктің үлгісі болып қала беретінін атап өтті.&nbsp;<blockquote>- Бұл күн - өткеннің естелігін жаңғыртып, сол кездегі өр кеуде, өршіл рухты бауырларымызды еске алар күн. Сіздердің қызметтік борыштарыңызды атқару үстінде көрсеткен батылдықтарыңыз бен жанқиярлықтарыңыз елге - мұра, ұрпаққа - өнеге. Соғыс кезінде шейіт болған ағаларымыздың барлығы ел қаһармандары екені сөзсіз. Жыл сайын ауған соғысында қаза тапқан жауынгерлерді біз еске алып, олардың рухтарының алдында бас иеміз, - деді Дархан Есалыұлы.</blockquote>Шарада батырлар рухына құран бағышталып, ескерткішке гүл шоқтары қойылды.<img src="https://knadmin.beoblood.kz/uploads/Au_anstan_batyrlaryn_eske_alu_f369af0c97.jpg" alt="Ауңанстан батырларын еске алу.jpg">Фото: Қызылорда қаласының әкімдігі

Ауған соғысы жауынгерлерін еске алды

<a href="https://kyzylorda-news.kz/">Kyzylorda-news.kz</a> Аудан әкімі Ардақ Ибраимов құқық қорғау органдарының басшыларымен бірге тұрғындарды жеке қабылдады.Жалағаш аудандық «Руханият» орталығының ғимаратында өткен жеке қабылдауға 30 азамат қатысты.Қабылдауда тұрғындар көгілдір отынмен қамту, Жалағаш кенті мен ауылдық округтердің ішкі көшелеріне жөндеу жұмыстарын жүргізу, жұмысқа орналасу және кәсібін кеңейту мәселелері бойынша жүгінді.Аудан әкімі мәселелерді сала мамандарымен мұқият зерделеніп, заңдылығына қарай шешім қабылданатынын жеткізді және жауапты бөлім басшыларына нақты тапсырмалар берді.Көтерілген мәселелердің әрқайсысы жіті зерделеніп, жан-жақты талданып, шешім қабылданады.Фото: Жалағаш ауданының әкімдігі

Жалағаш: Аудан әкімі тұрғындарды жеке қабылдады

<a href="https://kyzylorda-news.kz/">Kyzylorda-news.kz</a> Елордада 2017 жылдан бері жүзеге асырылып келе жатқан “Сергек” жобасы биыл 13 наурызда аяқталады. Бұл туралы Астана қаласының Цифрландыру және мемлекеттік қызметтер басқармасының басшысы Дидар Сүлейманов мәслихат отырысында мәлімдеді, деп хабарлайды <a href="https://baq.kz/astanada-sergek-kameralarynyn-zhumysy-toqtaytyn-boldy-200007646/">BAQ.KZ тілшісі.</a>“Сергектің” орнына Астанада жасанды интеллект негізіндегі қалалық инфрақұрылымды басқарудың жаңа жүйесі іске қосылады. Бұған дейін мәслихат отырысында жаңа жоба таныстырылғанын жаздық.Дидар Сүлеймановтің сөзінше, жаңа жоба G42 холдингіне кіретін халықаралық Presight компаниясымен (БАӘ) бірлесіп жүзеге асырылады.<blockquote>Жаңа жобаны әзірлеу кезінде қазіргі жүйенің кемшіліктері ескерілді. Атап айтқанда, аппараттық-бағдарламалық кешеннің үздіксіз жұмыс істеуі үшін тұрақты электр қуатымен қамтамасыз ету жоспарланған. Сонымен қатар жүйенің негізгі элементтері, соның ішінде жалпы бейнебақылау камералары, оптикалық байланыс желісіне қосылады, бұл бейнеағынды тұрақты түрде беруге мүмкіндік береді, – деді Дидар Сүлейманов.</blockquote>Қазіргі таңда операторлар бейнеағынды беру үшін 4-5 түрлі WMS-жүйелерін пайдаланады, бұл олардың жұмысын қиындатады. Жаңа жоба аясында бірыңғай бейнеағын беру жүйесі енгізіліп, мониторинг тиімділігі арттырылады.Қолданыстағы инфрақұрылым жаңа жеке серіктестің басқаруына беріледі, бұл жүйенің тұрақты жұмысын қамтамасыз етеді. Жоба аясында:• 22 мың жалпы бейнебақылау камерасы, • 732 аппараттық-бағдарламалық кешен – жол қиылыстарында, • 470 аппараттық-бағдарламалық кешен – сызықтық учаскелерде орнатылады.Жүйе ЖҚЕ-нің 15 түрін бұзуды және 35 түрлі бейнеаналитиканы тіркейді.Спикер атағандай, жоба 2030 жылға дейін жоспарланған, ал оның инвестиция көлемі – 53 миллиард теңгені құрайды. Қаржыландыру толығымен жеке серіктес есебінен қамтамасыз етіледі, ал жұмыстың 60%-ын қазақстандық компаниялар орындайды. Инвесторға төлемдер тек нысан толық пайдалануға берілгеннен кейін ғана жүргізіледі.Фото: Артём Чурсинов

Астанада "Сергек" камераларының жұмысы тоқтайтын болды

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев «AMANAT» партиясының аудандық филиалында аудандық мәслихат төрағасы Ержан Әжікенов және құқық қорғау органдарының бірінші басшылары – аудан прокуроры Абай Әлімбаев және аудандық полиция бөлімі бастығының міндетін атқарушы Әділхан Қанзадаевпен бірге қоғамдық қабылдау өткізді.Қоғамдық қабылдау барысында аудан басшысы тұрғындардың арыз-шағымдары мен өтініштерін тыңдап, сауалдарына жауап берді. Қабылдауға келген азаматтар жұмыс, тұрғын үй, инфрақұрылым және өзге де өзекті мәселелер бойынша жүгінді.Аудан әкімі өтініш берушілердің барлық ұсыныстарын мұқият тыңдап, мәселелер назардан тыс қалмайтынын жеткізді. Тиісті сала басшыларына қолданыстағы заңнама шеңберінде мәселелерді шешуге көмектесуді тапсырды.Фото: Сырдария ауданы әкімінің баспасөз қызметі

Сырдария ауданының әкімі қоғамдық қабылдау өткізді

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында «Еңбек тәуекелдер картасы» ақпараттық жүйесіндегі тәуекел аймағындағы кәсіпорындарда туындауы мүмкін наразылықтардың алдын алу, әрі мерзімінде шаралар қабылдау мақсатында еңбек саласындағы ахуал бойынша мәжіліс өтті. Отырысты аудан әкімінің орынбасары Е.Әбішев жүргізді.Мәжіліске қала, кент және ауылдық округ әкімдері, тиісті мекемелер мен кәсіпорын басшылары, жеке кәсіпкерлер, шаруа қожалық иелері және бұқаралық ақпарат құралдарының өкілдері қатысты.Сондай-ақ, жиынға Мемлекеттік еңбек инспекциясы комитетінің Қызылорда облысы бойынша департаментінің басшысы Б. Жұмағұлов, Халықты әлеуметтік қорғау саласындағы реттеу және бақылау комитетінің Қызылорда облысы бойынша департаментінің бөлім басшысы Т. Жолымбетов және Мемлекеттік еңбек инспекциясы комитетінің Қызылорда облысы бойынша департаментінің еңбек иснпекторы Д. Бектұрсынов арнайы келіп, еңбек жағдайлары туралы түсіндірме жұмыстарын жүргізді.Күн тәртібіне сәйкес, мемлекеттік еңбек инспекциясы комитетінің облыстық департаментінің еңбек инспекторы Досхан Мұсаханұлы баяндама жасады. Хабарламада еңбек саласындағы өзекті мәселелерге тоқталып, жұмыскерлердің еңбек жағдайлары мен қауіпсіздігін сақтау бағытында атқарылған бірқатар жұмыстарды баяндап өтті.Мұнан соң, Халықты әлеуметтік қорғау саласындағы реттеу және бақылау комитетінің облыстық департаментінің бөлім басшысы Төреахмет Сайлаубайұлы сөз алып, әлеуметтік саладағы бақылау және реттеу жұмыстары мен жеке сектор кәсіпорындарындағы арнаулы әлеуметтік көмектер туралы мәлімдеді.Жиын барысында мемлекеттік еңбек инспекциясы комитетінің Қызылорда облысы бойынша департаментінің басшысы Бектемір Ұлыбекұлы қолданыстағы заңға жаңадан енгізілген өзгерістерді түсіндірді.Бірінші кезекте, әлеуметтік қорғау департаменті тарапынан кәсіптік зейнетақы қорынан төленетін 5 пайыздық арнайы әлеуметтік көмектің маңыздылығын айтып, осы мәселе бойынша облыстық әлеуметтік қорғау департаментіне жүгінуге болатынын атап өтті.Сондай-ақ, ҚР Еңбек және халықты әлеуметтік қорғау министрлігі тарапынан «Еңбек тәуелкелдер картасы» арнайы жүйесі туралы да мәліметтер берді.Мұнымен қоса, департамент басшысы жеке сектордағы азаматтардың міндетті түрде қолданыстағы заң бойынша қызметкерлерді жазатайым оқиғалардан сақтандыру керектігін айтып, орындалмаған жағдайда кәсіпорындар тарапынан төленетін айыппұлдар сомасын да айта өтті.Кездесуде қатысушылар өз сұрақтарын қойып, ұсыныстарын білдірді. Мәжілісті қорытындылаған аудан әкімінің орынбасары еңбек қатынастары саласындағы заң талаптарын сақтау, еңбеккерлердің құқықтарын қорғау және әлеуметтік тұрақтылықты қамтамасыз ету бойынша бірлескен жұмыс жалғасатынын білдірді.Фото: Арал ауданы әкімінің баспасөз қызметі

Қазақстан және Қызылорда облысының жаңалықтары: Қоғам