<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте өңірдегі жобалардың іске асырылуы, құрылысы жүріп жатқан нысандардағы жұмыс барысы, басқа да өзекті мәселелер талқыланды.Жауапты басқарма басшылары тұрғын үйлер мен әлеуметтік нысандардың құрылыс қарқыны туралы баяндады. Аймақ басшысы жұмыстың кестеге сәйкес жүргізілуін қатаң қадағалауды ескертті. Әсіресе, әлеуметтік нысандарды уақытылы аяқтап, қолданысқа беру өте маңызды екені айтылды.Мұнан бөлек, республикалық бағдарламаларға мониторинг жүргізу, тазалық және алдағы көктемгі маусымда көркейту-көгалдандыру жұмыстарын ұйымдастыру, бюджет қаражатын тиімді игеру мәселелері талқыланды.Мәжіліс соңында Нұрлыбек Машбекұлы жауапты тұлғаларға бірқатар тапсырма берді.<img src="https://knadmin.beoblood.kz/uploads/M_zhilis_akimat_8c3a7dd7ef.jpg" alt="Мәжіліс акимат.jpg">Фото: Қызылорда облысы әкімінің баспасөз қызметі

Атқарылған жұмыстар пысықталды

<a href="https://kyzylorda-news.kz/">Kyzylorda-news.kz</a> И.Әбдікәрімов&nbsp;атындағы&nbsp;Қызылорда&nbsp;аграрлық&nbsp;техникалық&nbsp;жоғары&nbsp;колледжінде&nbsp;«Заң және тәртіп» идеологиясын ілгерілету мақсатында «Тәртіпті өзіңнен баста!»&nbsp;акциясы шеңберінде Қызылорда облысы бойынша Сыбайлас жемқорлыққа қарсы қызмет өкілдерімен студенттердің кездесуі өтті.Шара жастар арасында құқықтық мәдениетті нығайтуға және заңдылық пен жауапкершілік қағидаттары туралы хабардарлықты арттыруға бағытталған.<img src="https://knadmin.beoblood.kz/uploads/kolledzh_91b4041f08.jpg" alt="колледж.jpg">Департаменттің превенция басқармасы басшысының орынбасары Ж.Жүсіпәлиев әділдік және жауапкершілік сияқты моральдық құндылықтарға тәрбиелеудің маңыздылығын, сонымен қатар, сыбайлас жемқорлықтың алдын алуда әрбір азаматтың рөлі мен жауапкершілігін, қоғамдағы әділеттілік пен адалдықты нығайту үшін жастардың белсенділігі мен құқықтық сауаттылығын арттыру қажеттігі бойынша пікір білдірсе, Департаменттің аса маңызды істер жөніндегі тергеушісі Е.Айнанов өзінің тәжірибесімен бөлісті.Іс-шара соңында қатысушыларға сыбайлас жемқорлыққа қарсы бағыттағы бейнематериалдар көрсетілді. Жемқорлыққа қарсы іс-қимыл мәселелері бойынша тегін консультациялар алу үшін, сондай-ақ белгілі болған сыбайлас жемқорлық құқық бұзушылық фактілері туралы хабарлау үшін 1424 колл-орталығына хабарласу мүмкіндігі туралы ақпарат берілді.<img src="https://knadmin.beoblood.kz/uploads/kolledzh3_994f4f5276.jpg" alt="колледж3.jpg">

Сыбайлас жемқорлыққа қарсы түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz</a> Соңғы уақытта технологияның дамуымен қатар жалған брокерлер мен жалған дилерлердің белсенділігі де арта түсуде. Алаяқтар инвестициялық – брокерлік және дилерлік қызметті жүзеге асыру сылтауымен әдеттегі схема бойынша азаматтардың ақшасын тартады: қолдарында қаржы реттеушісінің тиісті лицензиясы жоқ бола тұра олар өздерін табысты және болашағы зор компаниялардың қызметкерлері ретінде ұсынады.Жалған брокерлердің кеңінен тараған әдістері және оларды шынайы әдістерден қалай ажыратуға болатыны жөнінде Fingramota.kz-пен бірге қарастырып көрелік! &nbsp;Биржалық, лицензияланған брокер – бұл реттеушінің лицензиясы бар және сатушы мен сатып алушы арасындағы биржада делдал болып табылатын ҚР заңнамасына сәйкес жұмыс істейтін компания.Брокерлік компания:- сізге мәмілелер үшін есеп айырысуға болатын шот ашады;- кейін оларға активтер сатып алу үшін шотқа ақша аударады;- биржада бағалы қағаздарды сатып алу немесе сату жөніндегі операцияны жүргізуді қамтамасыз етеді;- ақша қаражаттарының балансы мен қозғалысы туралы қаржылық есеп береді;- инвестордың өтінімі бойынша брокерлік шоттан қаражат алады, сондай-ақ салық агенті қызметін атқара отырып салық төлейді.Бір сөзбен айтқанда, брокер биржада мәмілелер жасасу үшін инфрақұрылымдық мүмкіндіктер береді: қор санаты, валюта және тауар секциялары бойынша, сондай-ақ басынан аяғына дейін &nbsp;барлық процестерде клиентпен бірге жүреді.Енді жалған брокерлердің кім екенін және олардың қалай жұмыс істейтінін қарастырайық. &nbsp; &nbsp; &nbsp;Жалған брокерлер — &nbsp;бұл алаяқтар, жосықсыз әрекеттің белгілері бар адамдар немесе компаниялар. Олардың ең басты белгісі - бағалы қағаздар нарығында қызметті жүзеге асыруға ҚР Қаржы нарығын реттеу және дамыту агенттігінің лицензиясының болмауы.Олардың кейбіреулері Қазақстан Республикасының резиденттері емес, тиісінше қазақстандық қаржы реттеушісінің тарапынан олардың қызметіне бақылау және қадағалау жүргізілмейді. Көбінесе олардың кеңселері біздің елде емес, аралдық юрисдикциялардың бірінде орналасқан, осыған байланысты &nbsp;жалған брокерлерді табу, ұрланған ақшаны қайтару құқық қорғау органдарына қиынға соғады.Ісін жаңадан бастаған инвесторлар қызу жарнамаға бой алдырып, өз қаражаттарын басқа елдің лицензиясы бар компанияларға сеніп салады. &nbsp;Алайда, &nbsp;брокер жалған немесе шынайы лицензия берсе де, олардың Қазақстанда өз қызметтерін көрсетуге құқығы жоқ екенін түсіну маңызды.Жалған брокерлердің кең таралған әдістерінің бірі – өз қызметтерін агрессивті түрде және ығырын шығаратындай жарнамалау. Брокерлердің алаяқтарынан тіркелмеген нөмірлерден қоңыраулар, электрондық хаттар және бағалы қағаздарға инвестициялауға байланысты жалған құжаттардың сканерлері бар хабарламалар келуі мүмкін. Зиянкестер мүмкіндігінше сенімді клиенттерді агрессивті жарнамамен көбірек тартуға тырысып, азаматтарды тұрақты жоғары кірістілік уәделерімен адастырады. Олардың нысаналы аудиториясы – инвестициялық ғажайып платформалар арқылы тез және оңай ақша тапқысы келетін адамдар. Сенімді болу үшін алаяқтар «Қазақтелеком», «ҚазМұнайГаз», Kaz Minerals &nbsp;сияқты ірі компаниялардың және басқа да компаниялардың логотиптері мен атауларын пайдаланады.Көп жағдайда жаңадан бастаған инвесторлар алаяқтардың құрбаны болады. Жалған брокерлер көбінесе жаңадан бастаған инвесторлардың тәжірибесі мен білімінің жетіспеушілігіне баса назар аударады, ал диджиталдандыру &nbsp;және қашықтан ақша табу мүмкіндігі дәуірінде олар өздерінің шынайы бет-бейнесін &nbsp;жасырып, клиенттерді алдайды және ұлттық юрисдикцияны бұзған жағдайда қолжетімсіз болып қала береді. Жалған брокерлер әр түрлі психологиялық ықпал ету әдістерін, сенімдерді, сатудың жиі пайдаланылатын түрлерін белсенді түрде қолданады. Олар клиентті &nbsp;өзіне тартқаннан кейін жоғары пайданың дәлелі ретінде оларға есептер мен графиктерді ұсынады. Алайда мұның бәрі шын мәнінде ештеңемен расталмаған жалған сандар.Жалған брокерлер шот ашуға арналған қосымшаны орнатуды ұсынады, онда олар инвестициялардан, соның ішінде криптовалютадан түсетін кірістің қалай өсетінін «өтірік көрсетеді». Егер пайдаланушы шоттан ақша алғысы келсе, онда «жалған брокерлер» ақшаны толық алу үшін шотқа қосымша ақша салуды сұрайды. Сонымен қатар, олар ақшаны шұғыл түрде алу үшін «сақтандыру» төлемін немесе «еуропалық ұяшықта» валютаны күнделікті орналастыру үшін төлемді талап етуі мүмкін.Жалған брокерлердің негізгі белгілері:- салынған ақшадан қысқа мерзімде өте жоғары пайда алуға туралы уәде беру;- лицензия туралы қажетті және толық ақпарат беруден бас тарту немесе оның болмауы;- брокерлік компания сайтының мекенжайын айтудан бас тарту, ол туралы интернетте ақпараттың болмауы немесе компанияның сайтында компания меншік иесі туралы мәліметтердің, заңды мекенжайы мен байланыс деректерінің болмауы;- «жеке менеджердің» банк картасына қаражат аудару туралы өтініш;- тәуліктің кез келген уақытында «брокер» менеджерінің жасырын нөмірден немесе түрлі нөмірден қоңырау шалуы;- дөрекі не кәсіби емес іскерлік қарым-қатынас;- интернетте, әсіресе әлеуметтік желілерде «Халықтық IPO», «Тиімді инвестициялау», «Инвестицияларға арналған платформа» және басқаларын қолдана отырып, агрессивті және &nbsp;жалықтыратындай жарнама жасау.«Жалған брокерді» қалай тексеруге болады?Ақшаңызды бейтаныс адамдарға немесе компанияларға сенбес бұрын, олардың Қазақстанда жұмыс істеу үшін тиісті лицензиясының бар-жоғын тексеру қажет. Ресми лицензиясы бар брокерлік және дилерлік ұйымдардың тізімін ҚР Қаржы нарығын реттеу және дамыту агенттігінің сайтында «Тізілімдер мен рұқсаттар» бөлімінен көруге болады. Сонымен бірге санаттары (валюталық, қор) бойынша брокерлердің тізімін Қазақстан қор биржасының сайтында тексеруге болады.Агенттіктің интернет-ресурсында көрсетілген инвестициялық делдалдың деректемелері лицензияда көрсетілген деректемелермен сәйкес келуі тиіс екенін ескеру маңызды. Сонымен бірге қаржылық есептілікті, биржалардағы белсенділікті, сондай-ақ басқа клиенттердің пікірлерімен де танысу қажет.<img src="https://knadmin.beoblood.kz/uploads/Fingramota_zhal_an_brokerler_54b550f03b.png" alt="Финграмота жалған брокерлер.png">Фото: fingramota.kz

Жалған брокерлер: оларды қалай танып, білуге болады

<a href="https://kyzylorda-news.kz/">Kyzylorda-news.kz</a> 2025 жыл - Ішкі істер министрлігі тарапынан қылмысқа қарсы профилактика жылы деп жарияланды. Бұл бастама қоғамдық тәртіпті нығайту, қылмыстың алдын алу және құқықтық мәдениетті арттыру мақсатында іске асырылмақ. Жоба аясында құқық қорғау органдары қылмыстың алдын алу шараларын күшейтіп, халықпен өзара іс-қимылды жақсартуды көздейді. &nbsp;Қоғамдық қауіпсіздікті қамтамасыз етуге бағытталған бұл жыл азаматтардың құқықтық сауаттылығын арттыруға және заң бұзушылықтардың алдын алуға жаңа серпін береді. Қылмысқа қарсы профилактика өңірімізде қалай жүзеге асырылып жатқаны туралы бүгін Өңірлік коммуникациялар қызметінің ақпарат алаңында Қызылорда облысы ПД жергілікті полиция қызметі басқармасының бастығы Ердәулет Жаукеев баяндады.&nbsp;<blockquote>- Облыс көлемінде «Қауіпсіз аймақ» жедел профилактикалық іс-шарасы тұрақты түрде ұдайы ұйымдастырылып келеді. Есепті мерзімде облыс көлемінде құқық бұзушылық пен қылмыстың алдын алу бағытында жүргізілген профилактикалық жұмыстардың нәтижесінде бұрын сотталғандармен жасалған қылмыстар 7,9 пайызға, оның ішінде соттылығы жойылмағандармен 20 пайызға, рецидивпен 50 пайызға, топпен жасалған қылмыстар 22,2 пайызға төмендеді. Қоғамдық қауіпсіздікті қамтамасыз ету мақсатында «мүлдем төзбеушілік» қағидаты негізінде 4977 әкімшілік құқық бұзушылық анықталды. &nbsp;Сондай-ақ, облыс көлемінде жергілікті атқарушы органдармен бірлесіп, кәмелетке толмағандар арасында құқық бұзушылықтың алдын-алу, олардың арасында қылмысқа жол бермеу мақсатында «Түнгі қаладағы балалар» жедел профилактикалық іс-шарасы өткізілді. Былтырғы жылмен салыстырғанда жол-көлік оқиғалары төмендеп, жол – көлік оқиғаларының алдын алу бағытында атқарылып жатқан жұмыстардың тиімділігін көруге болады. Жол апатына әсер ететін құқық бұзушылықтарды анықтауға басымдық беріліп, бұл бағыттағы жұмыстар күшейтілуде. Осы ретте 18 ақпаннан бастап облыс көлемінде «Қауіпсіз жол» іс-шарасы өткізілмек. Ол 21 ақпанға дейін жалғасады,-деді Ердәулет Баянбайұлы.</blockquote>Фото: Өңірлік коммуникациялар қызметі

Құқықтық тәртіпті нығайту маңызды істердің бірі

<a href="https://kyzylorda-news.kz/">Kyzylorda-news.kz</a> Елімізде жолдардың сапасын жақсарту мақсатында біршама ауқымды жұмыстар атқарылып келеді. Бүгінде жол құрылысындағы нормативтерге бірқатар өзгерістер енгізіліп отыр. Осыған орай, «Жол активтері сапасының ұлттық орталығы» РМК мен Қызылорда облысының әкімдігі бірлесіп, сала мамандарына семинар тренинг өткізді.&nbsp;Сыр өңіріндегі алқалы жиынға Елордадан мемлекеттік кәсіпорынның сапаны бақылау департаменті директоры Қуаныш Төлеуханов және сарапшы мамандар арнайы келді.Дөңгелек үстелге облыстық жолаушылар көлігі және автомобиль жолдары басқармасының басшысы Жәнібек Сыздықов модератор болды. Сондай-ақ, жол саласына жауапты қалалық, аудандық әкімдіктің бөлім басшылары, ауылдық округтардан жауапты мамандар қатысты. Биылғы жаңалық ведомстволық сараптаманың талаптары өзгерді. Онда жол салушы мердігердің міндеттері, техникалық қадағалаушының қызметі, тапсырыс берушінің құзыретіне қатысты бірқатар өзгертуенгізілген. Яғни, әр тарапқа жауапкершілік жүгі арта түскен. Әсіресе, техникалық қадағалаушылар жолдың сапасын бақылап, кемшіліктерді дер кезінде анықтап, олқылықты түзетіп отыруы керек. Сондай-ақ, жаңадан салынған жолды қабылдап алу кезінде тапсырыс берушілер де норматив талаптарын ескеруі тиіс. Міне, осы бағытта ұлттық орталық өкілдері жан-жақты мағлұмат беріп, жаңа нормаларды кеңінен түсіндірді.&nbsp;Жалпы елімізде жолдардың сапасын жақсарту үшін бір орталықтың жұмысы жеткіліксіз. Сондықтан, жол-көлік логистикасын дамыту баршаға ортақ міндет. Сол себепті, жол құрылысындағы нормативтік талаптарды жергілікті атқарушы органдағы салаға жауапты әрбір маман білуі тиіс.Фото:&nbsp;

Жол құрылысындағы нормативтерге өзгеріс енгізілді

<a href="https://kyzylorda-news.kz/">Kyzylorda-news.kz</a> Ұлытау облысы Жаңаарқа ауданында орналасқан «Қазақмыс корпорациясы» ЖШС-ның «Жомарт» кенішінде апат болды.&nbsp;Ресми дерекке қарағанда, шахтада тау массасы құлаған.<blockquote>- Төтенше жағдай аймағында шахтаның 7 қызметкері қалды. Қазіргі уақытта «АСС Серіктес» ЖШС құтқару бөлімшелері мамандары авариялық-құтқару жұмыстарын жүргізуде.</blockquote>Апат орнына Ұлытау және Қарағанды облыстары ТЖД күштері мен құралдары, оның ішінде кинологиялық есептоптар, Қазақстан ТЖМ Апаттар медицинасы орталығының медицина қызметкерлері мен психологтары дерек жіберілді, - деп жазды ТЖМ баспасөз қызметінен.ТЖМ Командалық орталығы және Ұлытау облысының ТЖД базасында жедел штабтар жұмыс істеуде.Фото: &nbsp;ekaraganda.kz / Instagram

Ұлытау облысындағы шахтада апат болып, 7 адам төтенше жағдайда қалды

<a href="https://kyzylorda-news.kz/">Kyzylorda-news.kz</a> ТЖД қызметкерлерінің табысынан МӘМС жүйесіне жарналар мен аударымдар төлене ме, оларға медициналық көмек қалай көрсетіледі? Осы және өзге де сауалдарға Әлеуметтік медициналық сақтандыру қорының Қызылорда облысы бойынша филиалының мамандары облыстық төтенше жағдайлар департаментінің қызметкерлерімен кездесу барысында жауап берді.Қор филиалының бөлім басшысы Ғалымжан Салтықовтың айтуынша, әскери қызметшілер, арнаулы мемлекеттік және құқық қорғау органдарының қызметкерлері МӘМС жүйесіне жарналар мен аударымдарды төлеуден босатылды. Бұл «Міндетті әлеуметтік медициналық сақтандыру туралы» Заңның 28-бабының 7-тармағында бекітілген.<blockquote>«Әлеуметтік медициналық сақтандыру қоры МӘМС жүйесінде әскери қызметшілердің мәліметтерін «Адамдарды арнайы есепке алу» ақпараттық жүйесіне ЖСН көрсете отырып енгізілген әскери қызметшілер, құқық қорғау және арнаулы мемлекеттік органдарының қызметкерлері есебінен алады. Олар бойынша деректерді әскери бөлімдердің, әскери басқару органдарының қызметкерлері енгізеді. Қор жүйесінде әскери қызметшінің ЖСН-ы шыққан соң ол автоматты түрде сақтандырылған мәртебесін алады және жарналар мен аударымдарды төлеуден босатылады», – деді Ғалымжан Салықов.</blockquote>Кездесу барысында Қор филиалының өкілдері ТЖД қызметкерлерінің сұрақтарына жауап беріп, МӘМС жүйесіндегі құқықтарын түсіндірді.<img src="https://knadmin.beoblood.kz/uploads/dchs_6_799f5d10bd.jpg" alt="дчс 6.jpg">

ТЖД қызметкерлеріне медициналық көмек қалай көрсетіледі?

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Қызылорда қаласындағы құрылыс нысандарын аралап, ондағы жұмыс барысын тексерді.Алдымен «Жаңадария», «Сыздық», «Шіркейлі» каналдарындағы көпірлерді қайта жаңғырту жұмыстарымен танысты. «BSJ инжиниринг» ЖШС ұзындығы 61,2 метр, ені 11,5 метр «Жаңадария» каналындағы көпірді жаңғыртуда. Осы көпірмен тұрғындар «АвтоЦонға», «Қорқыт ата әуежайына» Амангелді, «Бесарық», «Иіркөл», «Қоғалыкөл», «Жетікөл», «Айдарлы» елді мекендеріне, қала маңындағы саяжайларға қатынайды.«Сыздық», «Шіркейлі» каналдарындағы жұмысты «Жылу 21» ЖШС қолға алған. Елді мекендер мен саяжайларға қатынаушылар үшін бұл көпірлердің де маңызы зор. Сонымен қатар, 13,5 шақырым автокөлік жолын төрт жолақты етіп қайта жаңғыртуға бюджеттен қаржы қаралып, құрылысы қарқынды жүргізілуде.<img src="https://knadmin.beoblood.kz/uploads/rylys_nysandary_foto_akimat_dc8f400da9.jpg" alt="Құрылыс нысандары фото акимат.jpg">Одан кейін, облыс әкімі «Тау групп» ЖШС былтыр бастаған, биыл аяқталады деп жоспарланған «Титов» қыстағындағы 135 пәтерлік тұрғын үй құрылысының барысын көрді.Сырдария өзенінің сол жағалауындағы 300 орындық жатақханасы бар 400 орындық физика-математика бағытындағы мектеп-интернаттың жаңа ғимаратының құрылыс алаңындағы жұмыстар да назардан тыс қалмады. Еске салсақ, мектеп-интернат 2023 жылы басталған, биыл аяқталады деп жоспарлануда.Фото: Қызылорда облысы әкімінің баспасөз қызметі

Аймақ басшысы шаһардағы құрылыс нысандарын аралады

<a href="https://kyzylorda-news.kz/">Kyzylorda-news.kz</a> &nbsp;ҚР Көлік министрлігі «Қызылорда-Жезқазған» жолының құрылысын аяқтау, жобаны қаржыландыру жұмыстарына қатысты түсінік берді, – деп хабарлайды <a href="https://kaz.inform.kz/news/kizilorda-zhezkazgan-zholinin-kalgan-bolgn-salu-kashan-bastaladi-c972bc/">ҚазАқпарат.</a><blockquote>- «Қызылорда – Павлодар – Успенка» дәлізін дамыту аясында екі өңірді жалғайтын ұзындығы 400 шақырымды құрайтын «Қызылорда – Жезқазған» автожолының Қызылорда облысының (192 шақырым– 5 лот) және Ұлытау облысында (208 шақырым – 8 лот) өтетін учаскесін реконструкциялау бойынша жұмыстар атқарылып жатыр. Қайта құру қорытындысы бойынша автожол II техникалық санатқа енгізіледі. Қызылорда облысы бойынша қайта құру жұмыстары 2022-2023 жылдар аралығында басталған. Аталған жұмыстар Еуропалық қайта құру және даму банкінің қаражаты есебінен іске асып отыр (2022 жылы 3-тен 6-ға дейінгі лоттар, 2023 жылы 2-лот бойынша). Қазіргі кезде жұмыстар 6 учаскенің 5-інде қамтылған. Жобаның жалпы ұзындығы – 192 шақырым. 2024 жылдың соңында 192 шақырым жолдың 151-інде жаңа жабын бойынша қозғалыс қамтамасыз етілді. Оның ішінде 89 шақырымында (4,5,6 лоттар) жұмыстар толық аяқталды. Жалпы, 2025 жылдың соңына дейін жобалық жұмыстарды толық аяқтау жоспарланған, - делінген министрліктің Kazinform агенттігіне берген жауабында.</blockquote>Сонымен қатар, Ұлытау облысы бойынша қайта құру жұмыстары жалпы ұзындығы 208 шақырымды құрайтын 8 учаскеде қамтылады. Жобаны іске асыру Азия даму банкінің тартылған қаражаты және республикалық бюджеттің есебінен жоспарланған.<blockquote>- Қазір жоба бойынша конкурстық рәсімдер атқарылып жатыр, құрылыс-монтаж жұмыстарын орындауға келісімшарттарға қол қойылды. Мұнымен қоса, жоба аясында техниканы, қызметкерлерді жұмылдыру және вахталық қалашықтар мен өндірістік базаларды орналастыру бойынша іс-шаралар атқарылып отыр. Сондай-ақ әкімдікпен бірлесіп, карьерлерді ресімдеу үшін жерді уақытша бөлуді және рұқсат беру құжаттарын ресімдеу бойынша жұмыстар басталды, - деп аталып өткен ведомство ақпаратында.</blockquote>Фото: Нұрболат Нұржаубай

«Қызылорда-Жезқазған» жолының қалған бөлігін салу қашан басталады?

<a href="https://kyzylorda-news.kz/">Kyzylorda-news.kz</a> Нұрымбет Сақтағанов Шығыс Қазақстан облысының әкімі қызметіне тағайындалды. Бұл туралы <a href="https://stan.kz/shigis-kazakstan-oblisina-zhana-akim-tagayindaldi-413908/">Stan.kz</a> ақпарат агенттігі хабарлайды.<blockquote>“Мемлекет басшысының Жарлығымен Нұрымбет Аманұлы Сақтағанов Шығыс Қазақстан облысының әкімі лауазымына тағайындалды”,&nbsp;— делінген Ақорда хабарламасында.</blockquote>Нұрымбет Сақтағанов 1970 жылы Түркістан облысында дүниеге келген.Қорқыт Ата атындағы Қызылорда мемлекеттік университетін, Мәскеу мемлекеттік экономика, статистика және информатика университетін, С. Аманжолов атындағы Шығыс Қазақстан мемлекеттік университетін бітірген.Еңбек жолын 1992 жылы Қызылорда облысының Сырдария ауданындағы № 172 орта мектепте оқытушы ретінде бастаған.Әр жылдары мемлекеттік қызмет, соның ішінде кеден органдарында жауапты басшылық қызметтерде болған.2007-2012 жылдары Экономика және бюджеттік жоспарлау министрлігі Сыртқы инвестиция көздерін жоспарлау бөлімі басшысы, министрдің кеңесшісі, Еңбек және әлеуметтік қорғау министрлігі миграция комитеті төрағасының орынбасары,&nbsp;Президент&nbsp;Әкімшілігінің мемлекеттік инспекторы болып қызмет етті.2012-2021 жылдары Шығыс Қазақстан облысы әкімінің орынбасары, бірінші орынбасары, Ұлан ауданының және Семей қаласының әкімі қызметтерін атқарған.2021 жылдың ақпан айынан 2022 жылдың маусым айына дейін Шығыс Қазақстан облысы Жарма ауданының әкімі лауазымында еңбек етті.2022 жылдың 24 маусымынан бастап осы уақытқа дейін Қызылорда облысы әкімінің орынбасары болды.2023 жылдың 8 қыркүйегінде&nbsp;ШҚО әкімінің бірінші орынбасары болып тағайындалды.Фото: gov.kz

Шығыс Қазақстан облысына жаңа әкім тағайындалды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев «Samruk-Kazyna Construction» акционерлік қоғамының басқарма төрағасы Мәулен Айманбетовпен кездесті. Басқосуда аймақта «Жайлы мектеп» ұлттық жобасының жүзеге асырылу барысы талқыланды.Мемлекет басшысының тапсырмасымен қолға алынған бұл жоба білім беру инфрақұрылымын жақсартуға бағытталған.Балалардың қауіпсіз және жайлы ортада білім алуына мүмкіндік береді, сондай-ақ оқу процесін цифрлық құралдармен, қазіргі заманғы білім беру технологияларымен қамтамасыз етеді. Өңірде ұлттық жоба аясында 6900 орындық 10 мектептің құрылысы жүргізіліп, 2700 орындық 5 мектеп пайдалануға берілді.Айта кетейік, өткен жылы аймақта 6 мектеп, ал 5 білім ордасына қосымша ғимарат салынып, Арал ауданы Тоқабай ауылындағы, Шиелі кентіндегі және осы ауданның Жансейіт ауылындағы апатты мектептердің мәселесі шешілді. Тағы 8 мектептің ғимаратына күрделі жөндеу жүргізілді.<img src="https://knadmin.beoblood.kz/uploads/M_ulen_Ajmanbetov_79c4f0e227.jpg" alt="Мәулен Айманбетов.jpg">«ҚазГермұнай» компаниясының демеушілігімен Қызылорда қаласында «Оқушылар сарайы», Жаңақорған ауданында «Оқушылар үйі» мен «Өнер мектебі» ел игілігіне табысталды. Жыл ішінде Шиелі ауданында да «Оқушылар үйі» мен «Өнер мектебі» жұмысын бастайды. Облыс орталығындағы «Шығармашылық академиясы», музыкалық колледждің жаңа ғимараты, дарынды балаларға арналған физика-математика мектеп-интернаты алдағы уақытта іске қосылады.Биыл «Білім беру инфрақұрылымын қолдау қоры» есебінен Арал ауданының «Жалаңаш» ауылынан 150 орындық мектеп салынады. Мемлекет басшысының 1 300 мектепті жаңғырту тапсырмасына сәйкес алдағы 3 жыл ішінде облыстағы 51 мектеп, оның 9-ы биыл күрделі жөндеуден өтеді.Фото: Қызылорда облысы әкімінің баспасөз қызметі

«Жайлы мектеп» ұлттық жобасын іске асыру барысын талқылады

<a href="https://kyzylorda-news.kz/">Kyzylorda-news.kz</a> 2024 жылы «Азаматтарға арналған үкімет» Мемлекеттік Корпорациясы КЕ АҚ-ның Бірыңғай байланыс орталығы 27 миллионнан астам өтініш өңдеді.&nbsp;Күн сайын Бірыңғай байланыс орталығы 1414 нөміріне келіп түскен қоңырауларды, Telegram-дағы EgovKzBot 2.0 чат-боты мен support@goscorp.kz электронды поштасына жолданған хабарламаларды, сондай-ақ «ХҚКО» мобильді қосымшасы арқылы жүргізілген бейнеқоңырауларды қоса алғанда 30 мыңнан 90 мыңға дейін өтініштерді қабылдайды.&nbsp;Жуырда орталықтың 2011 жылдан бастап жұмыс істеген барлық кезеңінен бері ең жоғары көрсеткіш тіркелді – бір күнде 120 мың өтініш қабылданды.Ең көп қойылатын сұрақтар – ЭЦҚ беру және кері қайтарып алу, салық пен есептік көрсеткіштердің сомасын анықтау, ҚР азаматтарының төлқұжаттары мен жеке куәліктерін беру.Фото: «Азаматтарға арналған үкімет» мемлекеттік корпорациясы

Қазақстан және Қызылорда облысының жаңалықтары: Қоғам