<a href="https://kyzylorda-news.kz/">Kyzylorda-news.kz</a> Парламенттегі "Ақ жол" фракциясының депутаттары қосылған құн салығының шегін 15 миллион теңгеге дейін төмендетуге қарсы шықты. Бұл туралы <a href="https://stan.kz/">Stan.kz </a>ақпарат агенттігі хабарлайды.Азат Перуашев бұл ақпаратпен <a href="https://t.me/peruash/12879">желіде </a>бөлісті.20 ақпанда Парламентке Салық кодексі жобасына түзетулер енгізілді. Олар, әсіресе, қосылған құн салығы (ҚҚС) бойынша міндетті тіркеу шегін 20 мың АЕК-тен (78,6 миллион теңге) 3 800 АЕК-ке (15 миллион теңге) дейін төмендетуді көздейді.Бұған дейін депутат Азат Перуашев бұл өзгеріспен келіспейтінін білдірген болатын. Оның пікірінше, қазақстандықтар шағын&nbsp;кәсіпкерлікпен айналысқысы келмей қалады. Ол қосылған құн салығының&nbsp;шегін төмендету кәсіпкерлердің табысын&nbsp;азайтуға әкелмеуі тиіс екенін айтты.<blockquote>"Бүгін мәжілістің жұмыс тобы үкіметтің бұл шекті 3800 АЕК (15 миллион теңгеге) дейін төмендету туралы ұсынысына жауап ретінде қосымша құн салығының шегін&nbsp;енгізілген 20 мың АЕК (78 миллион теңгеде) белгілеу туралы "Ақ жол" фракциясының түзетуін үкіметтің қорытындысына жіберді", - деді ол.&nbsp;</blockquote>Фото:&nbsp;pixabay.com

Қазақстандағы қосылған құн салығы бойынша жаңа шек: Депутаттар қарсы ұсыныс жолдады

<a href="https://kyzylorda-news.kz/">Kyzylorda-news.kz</a> Мәжілісте Экономикалық реформа және өңірлік даму комитетінің төрағасы Нұртай Сабильяновтың жетекшілігімен «Жасанды интеллект туралы» заң жобасы мен оған ілеспе түзетулердің таныстырылымы өтті.&nbsp;Заң жобаларының нормаларымен оның авторларының бірі, депутат Екатерина Смышляева таныстырды. Заң жобаларына Парламент депутаттары бастамашы болды. Оны жүзеге асырудың маңыздылығын Мемлекет басшысы 2024 жылғы 2 қыркүйектегі Қазақстан халқына Жолдауында және биылғы Үкіметтің кеңейтілген отырысында атап өткен еді. Жасанды интеллект саласына қандай заңнамалық жаңалықтар енгізіледі?&nbsp;1.Жасанды интеллектіні тәуекел деңгейлері бойынша жіктеу жүйесі енгізіледі. Ол пайдаланушылардың және қоғам мен мемлекеттің қауіпсіздігіне ықтимал әсеріне байланысты оларды пайдалануды реттеуге мүмкіндік береді.2. Бақылаусыз зардаптардың ықтималдығын азайту үшін Қазақстан аумағында адамның араласу мүмкіндігінсіз шешім қабылдайтын жүйелерді құруға және енгізуге тыйым салынады.3. Жасанды инттелект жүйелерін әзірлеу, оқыту және сынақтан өткізу үшін Ұлттық платформа құрылады.&nbsp;4. Жасанды интеллект иелері мен әзірлеушілері пайдаланушыларға жасанды интеллектпен қалай әрекет ету қажеттігін ескертуге және оның қалай жұмыс істейтіні туралы түсініктеме беруге міндетті болады.&nbsp;5. Жеке деректерді қорғау күшейтіліп, адам мінез-құлқын басқаруға қабілетті ЖИ жасауға және пайдалануға тыйым салынады. Ілеспе жоба аясында Әкімшілік құқықбұзушылық туралы кодекске, сондай-ақ «Ақпараттандыру туралы», «Дербес деректер және оларды қорғау туралы», «Тұтынушылардың құқықтарын қорғау туралы», «Масс-медиа туралы» заңдарға өзгерістер мен толықтырулар енгізіледі. Заң жобаларын талқылау Экономикалық реформа және өңірлік даму комитетінің хатшысы Екатерина Смышляева жетекшілік ететін жұмыс тобында жалғасады.Отырыс барысында айтылған ұсыныстар ескерілетін болады.Фото: Мәжілістің Баспасөз қызметі

Депутаттар жасанды интеллект туралы заң жобаларын әзірлеуге кірісті

<a href="https://kyzylorda-news.kz/">Kyzylorda-news.kz</a> 2024 жылдың наурыз бен қыркүйек айлары аралығында күдіктілер «TAKORP» қаржы пирамидасын басқарғаны анықталды, ол АҚШ-тағы жарнамалық қосымшалар платформасы ретінде қызмет еткен. Қатысушыларды тіркеу үшін электрондық криптобиржа «ОКХ» арқылы криптовалюта сатып алуды ұсынған.Негізгі шарттардың бірі кемінде 5 жаңа салымшы тарту болған. Бұл шартты орындау арқылы құнды сыйлық ұтып алу мүмкіндігіне кепілдік берілген. 50-ден астам азамат осы уәделерге сеніп, 30-дан 500 АҚШ долларына дейін ақша салып, өз деңгейіне қарай 2 мың АҚШ долларына дейін бонустар алуға үміттенген.Қылмыстық кірістің жалпы сомасы 50 млн теңгеден асты.Күдіктілер салымшылардың ақша қаражатына Павлодар қаласында 10 млн теңгеге пәтер сатып алып, банктерде 8 млн теңге сомасына 4 депозит ашқан.&nbsp;Сот санкциясымен жылжымайтын мүлік пен ақша қаражаттарына тыйым салынды. Күдіктілерге қатысты «үйқамақ» және «елден кетпеу туралы қолхат» түрінде шара қабылданды.

Павлодарда қаржы пирамидасын  ұйымдастырғандар ұсталды

<a href="https://kyzylorda-news.kz/">Kyzylorda-news.kz</a> Мәжілісте Астана, Алматы және Шымкент сияқты ірі қалалардағы көші-қон процестерін реттейтін заң қаралып жатыр, деп хабарлайды<a href="https://baq.kz/endi-uyinde-turmaytyn-adamdardy-tirkegender-zhauapqa-tartyluy-mumkin-200008962/"> BAQ.KZ</a> тілшісі.Заң жобасын бірінші оқылымда Премьер-министрдің орынбасары – Ұлттық экономика министрі Серік Жұманғарин таныстырды.<blockquote>Қазіргі уақытта халық ірі қалаларда өмір сүруге талпынып жатыр. Бұл пәтерлерде тұрғындардың санын шектеусіз тіркеу проблемасына алып келді. Тәжірибе көрсеткендей, тұрғын үй иелері үйінде нақты тұрмайтын жүздеген азаматтарды тіркеу фактілері бар. Астана қаласының пәтерлерінің бірінде 800-ден астам адам тіркелген. Жалпы айтқанда, 924 осындай мекенжай анықталды, – деді Жұманғарин.</blockquote>Үкімет мүшесі мәселені қалай шешуге болатынын айтты:– елорда аумағында тұрақты және уақытша тұратын жері бойынша тіркеу нормативін бекіту, яғни мәслихатпен алдағы уақытта бір азаматқа қанша шаршы метр тиісілі екені белгіленеді;– Астана аумағында бір мекенжайда нормативтерден артық тіркеуге тыйым салу бойынша өзгерістер енгізу ұсынылады.Серік Жұманғаринннің сөзінше, бұл тіркеу нормативтері тұрғын үйдің меншік иесінің және жұбайының жақын туыстарына қолданылмайды.<blockquote>Сондай-ақ Әкімшілік құқық бұзушылық туралы кодексіне өзгерістер мен толықтырулар енгізу аясында тұрғын үйлерде тіркелген және тұрмайтын жеке тұлғаларды тіркеуден шығармағаны үшін тұрғын үй иесіне жауапкершілік күшейтіледі, – деп айтты Премьер-министрдің орынбасары Мәжілістегі отырыста.</blockquote>Фото: үкімет

Енді үйінде тұрмайтын адамдарды тіркегендер жауапқа тартылуы мүмкін

<a href="https://kyzylorda-news.kz/">Kyzylorda-news.kz</a> Көпшілік көлікті автонесие арқылы алады. Алайда&nbsp;әр банкте қарыз алу шарттары әртүрлі. Қазақстанда автокредитті отандық 21&nbsp;екінші деңгейлі банктің 10-ы ұсынады. Қазақстандықтар үшін өнімі қолжетімді 10 банктің 7-еуі автонесие ұсынады. Бұл туралы&nbsp;<a href="https://stan.kz/">Stan.kz</a>&nbsp;ақпарат агенттігі&nbsp;хабарлайды.Мұндағы ең маңыздысы –&nbsp;мөлшерлеме.&nbsp;Қаржы&nbsp;нарығын реттеу және дамыту агенттігі&nbsp;бекіткен автокредит бойынша максималды мөлшерлеменің жылдық шегі 35%-дан (сыйақының жылдық тиімді мөлшерлемесі) аспауға&nbsp;тиіс. Сол үшін&nbsp;банктерді дәл осы максималды сыйақының жылдық тиімді мөлшерлемесі бойынша талдайды. Себебі минималды мөлшерлеме бірқатар жағдайларда қолжетімді, ал тұтынушыларға әдетте жоғарғы шек маңызды.<ul><li style="text-align:justify;">ForteBank&nbsp;ең төмен максималды сыйақының жылдық тиімді мөлшерлемесі – 25,3%-ды ұсынады. Банк жаңа және 8 жастан аспаған тұрған автокөліктерді қаржыландырады.</li><li style="text-align:justify;">Банк ЦентрКредит&nbsp;және&nbsp;Freedom Bank&nbsp;максималды сыйақының жылдық тиімді мөлшерлемесі 25,6%-ды ұсынады. Бұл ретте Банк ЦентрКредит жаңа автокөліктер үшін ғана осындай мөлшерлемені белгілейді, ал ескі автокөліктер үшін мөлшерлеме 32,24%.</li><li style="text-align:justify;">Halyk Bank&nbsp;жаңа автокөліктер үшін 28,3% және ескі автокөліктер үшін 30,1% ұсынады.&nbsp;Bereke Bank&nbsp;және&nbsp;Евразийский Банк&nbsp;максималды сыйақының жылдық тиімді мөлшерлемені&nbsp;35%-ға теңестіреді.</li></ul>Екінші деңгейлі банктердің сайттарында берілген ақпаратқа сенсек,&nbsp;автокредит мөлшерлемелері бойынша ең тиімді шарттарды ForteBank ұсынып отыр.Автокредитті ресімдеуге болатын ең ұзақ мерзім – 7 жыл. Қарастырылып отырған Қазақстандағы 7 екінші деңгейлі банктердің алтауы осындай мерзімді ұсынады. Максималды сома – 18 миллионнан 50 миллион теңгеге дейін. Толығырақ өнім картасынан көруге болады.Қазақстандықтар үшін көлік сатып алу әлі де өзекті. Биыл ақпан айының басында Қазақстанда 5,1 миллион жеңіл автомобиль тіркелген, бұл өткен жылмен салыстырғанда, 7,6%&nbsp;көп. Еліміздегі жеңіл автокөліктердің үштен екісінің шыққан жылы 10 жылдан асып кеткен. Оның 1,2 миллионы&nbsp;10 жылдан 20 жылға дейін, ал 2,2 миллионы 20 жылдан бері қолданылып келе жатқан көліктер.Автонесие автопаркті жаңартуға ықпал етеді, ал бұл экологиялық жағдайды жақсартады. Жолдағы қауіпсіздікті күшейтеді және жалпы азаматтардың өмір сүру сапасын арттырады.Фото: freepik.com

Қазақстандық банктердің қайсы тиімді автонесие ұсынады? Сарапшылар не дейді? 

<a href="https://kyzylorda-news.kz/">Kyzylorda-news.kz</a> Полиция көші-қон заңнамасын бұзған 700-ге жуық шетелдік такси жүргізушісін анықтады.Polisia.kz-тің мәліметінше, Ішкі істер министрлігі «Заң мен Тәртіп» қағидасын қамтамасыз ету мақсатында, көші-қон бақылауын нығайту және ел&nbsp;аумағында көші-қон заңнамасын бұзған шетелдіктерді анықтау үшін «Қауіпсіз жол» жедел-профилактикалық іс-шарасын өткізді.&nbsp;<blockquote>–&nbsp;Көші-қон қызметінің мәліметі бойынша, іс-шара барысында 5 күн ішінде 46 мың көлік тексерілді, 1 080 шетелдік азамат жеке тасымалдаумен айналысқаны анықталды. Олардың 691-і мобильді қосымшалар арқылы көші-қон заңнамасын бұзып, жеке тасымалмен айналысқан. 234 шетелдік азамат заңсыз еңбек қызметін жүзеге асырғаны үшін, 457 шетелдік азамат ҚР-да болу мерзімін бұзғаны үшін жауапқа тартылды. Сот шешімімен 175 шетелдік такси жүргізушісі ел&nbsp;аумағынан шығарылды,&nbsp;– делінген хабарламада.&nbsp;</blockquote>Олардың 103-і жеке басын анықтау үшін қабылдау-тарату орындарына орналастырылды. Сонымен қатар 38 қазақстандық шетелдік азаматтарды заңсыз жұмысқа тартқаны үшін әкімшілік жауапқа тартылды.Фото: Нұрболат Нұржаубай

175 шетелдік такси жүргізушісі ел аумағынан шығарылды

<a href="https://kyzylorda-news.kz/">Kyzylorda-news.kz</a> Көктемнің шуақты мерекесі 8 наурыз – Халықаралық әйелдер күні мерекесі қарсаңында Арал ауданының ардақты аналары мен қыз-келіншектері ерекше құрметке бөленді.Аудандық мәдениет үйінде «Ана-өмір, Ару-шуақ, Әйел-нұр» атты мерекелік кеш өтті. Сәні мен салтанаты келіскен мәдениет сарайы бұл жолы ару аналардың аялы үнімен, сұлу қыз-келіншектердің сыңғыр күлкісімен көмкерілді. Мерекелік шараның шымылдығы әйел-ананың қадір-қасиетін ұлықтайтын бейнеқойылыммен және ырғықты бимен түрілді. &nbsp;Салтанатты шарада Арал ауданының әкімі Аманжол Оңғарбаев сөз алып, барша аналар мен әйелдер қауымын төл мерекелерімен құттықтады.<blockquote>– Ардақты аналар, аяулы апа-қарындастар! Баршаңызды ару көктемнің шуақты мерекесі 8 наурыз – Халықаралық әйелдер күні мерекесімен құттықтаймын! Адамзат баласына әлемнің жарығын сыйлаған аналар мерекесінің жауқазын реңді көктем мезгілімен тұспа-тұс келуінде терең мағына жатыр. Қазақ қашан да қызын құрметтеп, төрге шығарып, әйелін «жарым» деп сыйлап, анасын «асыл қазынам» деп бағалаған. Болашақ ұрпақты дүниеге әкеліп, бағып-қағып, қияға ұшыратын аналар ардақтауға да, аялауға да лайықты. Осы мерейлі мереке Сіздерге айтылар ақ тілекпен түйінделмек. Жарқын көңілмен жарасым орнатып, кең пейілмен құт келтірген Сіздерге мықты денсаулық, отбасыларыңызға бақ-береке, еңбектеріңізге табыс пен баянды бақыт тілеймін – деген аудан әкімі Аманжол Сақыпұлы әйел адамдардың өмірдегі асқақ болмысы мен қоғамдағы рөліне тоқталып, ерекше құрмет көрсетті.</blockquote>Одан соң түрлі салада елеулі қызмет етіп, белсенділігімен ерекшеленіп, үздік деп танылған бірқатар нәзік жандыларға облыс әкімінің Алғыс хаты және аудан әкімінің арнайы Құттықтауы табысталды.&nbsp;Бұл жолғы кештің басқалардан мәні ерек, маңызы зор болды. Анаға деген шетсіз-шексіз құрметтің белгісіндей болған мерекелік кеш арнайы келген әнші-сазгерлердің әсем әуенімен, ақын-жазушылардың керемет туындыларымен көмекерілді.&nbsp;Кеш қонақтары ҚР мәдениет саласының үздігі, әнші, компазитор Индира Елубаева, ақын, әнші, сазгер Үкітай Ерниязов, жас ақын, Қазақстан Жазушылар Одағының мүшесі Ақжол Түменбай, ақын, аудандық «Толқын» газетінің бас редакторы Айдар Сайлауов және жас әнші Күмісбек Айжарық бұл кештің көркін қыздыра түсті.Аудан өнерпаздарының ерекше туындылары да құрметке бөленген көрерменнің көзайымына айналды. Айтылған ізгі тілектер мен шырқалған әннің бәрі дерлік асыл ана, адал жар, аяулы апа-қарындастар тақырыбында өрбіп, әйелдер қауымын үлкен қуанышқа бөледі.Фото: Арал аудан әкімінің баспасөз қызметі

Ана – өмір, ару – шуақ, әйел – нұр

<a href="https://kyzylorda-news.kz/">Kyzylorda-news.kz</a> Шуақты көктемнің ерекше мерекесі 8 наурыз – Халықаралық әйелдер күні мерекесі қарсаңында қазалылық ардақты аналар мен аяулы аруларды ерекше құрметке бөленді. &nbsp;Мерекеге орай Роза Бағланова атындағы Қазалы аудандық мәдениет үйінде «Әйелмен әлем әдемі» атты мерекелік кеш өтті. Мерекелік шараның шымылдығы нәзік жандылардың құрметіне арналған ерекше қойылыммен басталды.Салтанатты шарада аудан әкімі Мейрамбек Шермағанбет сөз алып, барша аудандағы аналар мен әйелдерді, қыз-келіншектер қауымын төл мерекелерімен құттықтады.<blockquote>«Бұл күн асыл ананы, сүйікті жарды, қадірлі қарындасты мейірімге бөлейтін ерекше мереке. Елдің жүгін ер-азаматтармен бірдей арқалап, сан түрлі салада табысты еңбек етіп, тұрақтылықты нығайтуға, елдігімізді баянды етуге бірегей үлес қосып келесіздер. Бейбіт тірлік пен берекелі бірліктің ұйытқысы болып отырған ардақты аналарымызға, апа-қарындастарымызға, барша қыз-келіншектерге шынайы ризашылығымды білдіремін», - деді аудан басшысы Мейрамбек Шермағанбет.&nbsp;</blockquote>Шара барысында аудан әкімі түрлі салада жемісті еңбек етіп жүрген аналар қауымына облыс және аудан әкімінің «Алғыс хатын» табыстады. Сонымен қатар білім саласының ардагері Данагүл Сабырбаеваға, Қазалы аудандық Ұлттық сараптама орталығының зертханашысы Сақып Қуатбайқызына және аудандық Төтенше жағдайлар бөлімінің радиотелефонисті, азаматтық қорғау кіші сержанты Айнұр Тыныштықбайқызына аудан әкімінің «Құрмет грамотасы» табысталды.Мерекелік шарада көп балалы аналарға «Алтын алқа» мен «Күміс алқа» төсбелгілері табысталып, алтын құрсақты жандарға құрмет бөленді.Мерекелік шара әрі қарай ерекше концерттік бағдарламаға ұласып, айтылған ізгі тілектер мен шырқалған әннің бәрі дерлік асыл ана, адал жар, аяулы апа-қарындастарға арналып, әйелдер қауымын үлкен қуаныш шаттыққа бөледі.Шара соңында барлық аналар мен қыз-келіншектерге мерекелік арнайы сыйлықтар мен гүл шоқтары таратылып, құрмет көрсетілді.Фото: Қазалы ауданы әкімінің баспасөз қызметі

Әйелмен әлем әдемі

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте әріптестері Қызылорда облысының табиғи ресурстар және табиғат пайдалануды реттеу басқармасының басшысы лауазымын атқарған Серік Сермағамбетовті жаңа қызметке шығарып салды. Жиынға облыс әкімінің орынбасарлары, басқарма басшылары, облыстық мәслихат депутаттары қатысты.Аймақ басшысы Серік Сағитжанұлының адал қызметі мен көпжылдық еңбек тәжірибесін атап өтіп, оған алғыс білдірді.<blockquote>«Серік Сағитжанұлын барлығыңыз жақсы білесіздер. Еңбек жолын 1988 жылы Балық шаруашылығы министрлігінің материалдық-техникалық жабдықтау орталық базасында бас экономист болып бастаған. Қызылорда қаласы әкімі аппаратының басшысы, Шиелі ауданы әкімінің орынбасары, кәсіпкерлік және өнеркәсіп басқармасының басшысы лауазымдарында нәтижелі қызмет етті. Жалағаш ауданының әкімі, «Байқоңыр» әлеуметтік-кәсіпкерлік корпорациясы» ҰК» АҚ басқарма төрағасының орынбасары, жұмылдыру дайындығы басқармасының басшысы, «Қызылорда облыстық кәсіподақтар орталығы» аумақтық кәсіподақтар бірлестігінің төрағасы қызметтерін абыроймен атқарды. Арал ауданын 3 жылға жуық уақыт басқарып, әлеуметтік-экономикалық дамуына үлес қосты. Табиғи ресурстар және табиғат пайдалануды реттеу басқармасының басшысы ретінде бір жылдан астам уақыттың ішінде ауқымды жобалардың жүзеге асырылуын қамтамасыз етті. Серік Сағитжанұлы мемлекеттік қызметтің барлық сатысынан өтті, қай қызметте болмасын өзін білікті басшы, мықты ұйымдастырушы, жанашыр азамат ретінде танытты. Жаңа қызметіңізге табыс, зор денсаулық, отбасыңызға амандық тілеймін», – деді Нұрлыбек Машбекұлы.</blockquote>Мәжілісте өңірдің әлеуметтік-экономикалық дамуы жолындағы еңбегі үшін Серік Сағитжанұлына Сыр жұртшылығы атынан Қызылорда облысының Құрмет грамотасы табысталды.Актив отырысында облыстық мәслихат төрағасы Мұрат Тілеуімбетов, облыстық ардагерлер кеңесінің төрағасы Серік Дүйсенбаев ізгі тілегін жеткізді. Өз кезегінде Серік Сермағанбетов көрсетілген құрмет үшін әріптестеріне ризашылығын білдірді.Фото: Қызылорда облысы әкімінің баспасөз қызметі

Жаңа қызметке шығарып салды

<a href="https://kyzylorda-news.kz/">Kyzylorda-news.kz</a>&nbsp;Облыс әкімі Нұрлыбек Нәлібаев «Өнер орталығында» өткен салтанатты іс-шарада аналар мен қыз-келіншектерді 8 наурыз – Халықаралық әйелдер мерекесімен құттықтады. Оған ардагерлер, батыр аналар, білім, спорт және мәдениет саласыныӊ үздіктері, этномәдени орталықтардыӊ мүшелері, журналистер, үкіметтік емес ұйымдар өкілдері, құқық қорғау, білім беру саласының қызметкерлері қатысты.Салтанатты іс-шара «Тағдырлар тоғысындағы Ана» театрландырылған хореографиялық қойылымымен ашылды. Күнтізбеге көрік берген, көктемге еріп келген, бар мейірін төгіп келген мерекенің мәні ашылған қойылымға көрермендер қошемет көрсетті.Аймақ басшысы жиналған жұртшылыққа жүрекжарды лебізін жеткізіп, көңілге көктем сыйлаған жандарға алғысын айтты.<blockquote>«Президентіміз Қасым-Жомарт Кемелұлы: «Әйелдер қауымының отбасындағы, қоғам өміріндегі және мемлекетті жан-жақты дамыту ісіндегі рөлі орасан зор. Қыз-келіншектер өндірісте, шығармашылық жолында, саясат, бизнес және басқа да көптеген салада биік белестерді бағындырып келеді»,– деген болатын. Біздің аналарымыз, аруларымыз тек отбасының береке-бірлігі, ұйытқысы ғана емес, олар &nbsp;қоғамды дамытуға, елдің ынтымағы мен бірлігін нығайтуға зор үлес қосуда. Аймағымыздың сан алуан саласында белсенді еңбек етіп, ел ырысын арттырған әйел-аналар, Сырдың сұлу арулары – соның дәлелі. Биыл алғаш рет шұғылалы көктем мерекесі қарсаңында Президентіміз еліне адал қызмет етіп, ерен еңбектің үлгісін көрсеткен әйелдер қауымын мемлекеттік наградалармен марапаттады. Олардың ішінде біздің жерлестеріміз де Астана төрінде Президентіміздің қолынан марапат алды! Барша Сыр жұртшылығының және сіздердің аттарыңыздан шын жүректен құттықтаймыз!» – деді Нұрлыбек Машбекұлы.</blockquote>Іс-шарада аймақтың әлеуметтік-экономикалық дамуына елеулі үлес қосқан сала мамандары мен ардагерлеріне мемлекеттік наградалар, атап айтқанда «Құрмет» ордені, «Шапағат», «Ерен еңбегі үшін», «Қызылорда облысының дамуына қосқан үлесі үшін» медальдары табысталды.Кеште ҚР еңбек сіңірген әртісі Бақытбек Алпысбаев К.Ахметованың «Қазақ қызы» өлеңін оқып, осы аттас әнді оның авторы, Қазақстанның еңбек сіңірген қайраткері Рамазан Тайманов пен Мәдениет саласының үздігі Гүлфира Әлиханова орындады.Аналар мерекесінің көркін ашатын ана, көктем туралы әндер екені белгілі. Іс-шарада облыстық филармонияның аралас хоры, М.Қалауов атындағы өнер мектебінің вокалдық тобы және «Балбұлақ» балалар би ансамблі, филармонияның аспапты квартеті, кеш қонағы, мультиаспапшы Мейрімхан Абдрахманов, тағы басқа ұжымдар өнер көрсетті.Фото: Қызылорда облысы әкімінің баспасөз қызметі

Нәзік жандылар құрмет төрінде

<a href="https://kyzylorda-news.kz/">Kyzylorda-news.kz</a> Ұлттық статистика бюросы әлеуметтік маңызы бар азық-түлік тауарларының бір аптадағы орташа бағаларын жариялады, деп хабарлайды <a href="https://baq.kz/elimizde-en-qymbat-azyq-tulik-qay-onirde-200009129/">BAQ.KZ.</a>Оның тізіміне 19 түрлі тауар кіреді. Бұл баға өзгерісі туралы көрсеткіш апта сайын жаңартылып тұрады. Ел бойынша әлеуметтік маңызы бар кейбір тауарлардың орташа бағасын назарларыңызға ұсынамыз.Бірінші сортты бидай ұны Астанада 285 теңгеден сатылды. Республика бойынша ең қымбаты Ақтауда екен. Оның бағасы – 308 теңге. Ал ең арзаны Қарағандыда. Мұнда бірінші сортты бидай ұны дүкендерде – 159 теңге.Ал бірінші сортты бидай ұнынан пісірілген нанның ең қымбаты Жезқазған қаласында тіркелді. Мұнда дүкендерде ас атасы – 258 теңге. Ал ең арзаны қазіргі таңда – Петропавлда. Бас қалада нанның бағасы 166 теңгеден сатылды.Макарон өнімдерінің (өлшеніп салынатын) ең қымбаты Атырауда болып тұр. Ол – 382 теңге. Ал ең арзаны – Петрапавлда. Мұнда рожкилер 254 теңге тұрды.Ал өлшеніп салынатын күріштің бағасы бойынша Семей көш бастап тұр. Себебі мұнда күріштің бағасы 478 теңге. Ал ел бойынша ең арзан күріш – Қызылордада. Оның бағасы – 378 теңге.Қарақұмық (өлшеніп салынатын) Астанада 181 теңгеден сатылды. Оның ең қымбаты Талдықорған мен Түркістанда тіркелді. Онда азық-түліктің бұл түрі 229 теңгеден сатылды. Ал ең арзаны Павлодарда. Оның бағасы – 155 теңге.Күнбағыс майының ең қымбаты Қонаевта тіркелді. Оның бағасы 863 теңге болды. Ал ең арзаны – Қызылордада. Ол – 683 теңге.Ал тұздалмаған сары май ел бойынша ең арзаны Көкшетауда сатылды. Оның бағасы – 3939 теңге. Ал ең қымбаты – Ақтауда. Бұл өңірдің тұрғындары дүкендерден оны 6177 теңгеден сатып алды.Сиыр етінің әсіресе жауырын-төс бөлігінің келісін елордалықтар 3009 теңгеден сатып алды. Оның ең арзаны Түркістанда болды. Мұнда өңір кәсіпкерлері оны 2497 теңгеден сатылымға шығарды. Ал ең қымбаты Ақтауда тіркелді. Оның бағасы – 3110 теңге.Ал тауық еті Семейде – арзан. Әлеуметтік маңызы бар азық-түлік өңірде 1215 теңгеден сатылды. Ал ең қымбаты – Жезқазғанда. Аймақ тұрғындары еттің бұл түрін 1618 теңгеден сатып алды.Ал майлылығы 2,5 пастерленген сүттің ең арзаны – Көкшетауда. Ол – 303 теңге. Ал ең қымбаты Алматы тіркелді. Ол дүкендерде 468 теңгеден сатылды. Ал ел ордасы Астанада оның бағасы – 412 теңге.Соңғы 7 күнде айранның ең қымбаты Өскеменде, ең арзаны Талдықорғанда тіркелді. Бұл өңірлерде ол 505 және 358 теңгеден сатылды. Ал Астанада айранның бағасы – 449 теңге.Сүзбе елордада 2539 теңгеден сатылды. Ел бойынша оның ең қымбаты Ақтауда, ал ең арзаны Петропавлда. Бұл өңірлерде тұрғындар сүзбені 2890 және 1622 теңгеден болды.Ал көкөністердің ішінде картоптың бағасы Астанада 238 теңгеден болды. Ел бойынша оның ең қымбаты Жезқазғанда, ал ең арзаны Петропавлда сатылды. Бұл өңірлерде картоптың бағасы – 310 және 172 теңге.Сәбіздің бағасы қыста қымбаттайтыны көпке мәлім. Көкөністің бұл түрі елордада 125 теңгеден болды. Ал оның ең қымбаты Жезқазғанда, ең арзаны Павлодарда. Өңірлерде сәбіз 197 және 99 теңгеден сатылды.Пияздың ең арзаны Таразда, ең қымбаты Атырау мен Жезқазғанда сатылды. Бұл аймақтарда ол 103 және 171 теңгеден болды. Ал ең ордасы Астанада оның бағасы – 145 теңге.Қырыққабаттың бағасы елордада – 207 теңге. Оның ең қымбаты Өскеменде, ең арзаны Түркістанда. Бұл аймақтарда ол 220 және 138 теңгеден сатылды.Соңғы бір аптада құмшекер Астанада 397 теңгеден болды. Оның ең қымбаты Талдықорғанда, ең арзаны Оралда. Мұнда ол – 430 және 363 теңге.Ал I санатты жұмыртқаның ең арзаны Петропавлда, ең қымбаты Астанада тіркелді. Мұнда ол 471 және 608 теңгеден сатылды.Ал ас тұзы Астанада бағасы 89 теңгеден болды. Республика бойынша ең қымбаты Қарағандыда, ең арзаны Ақтөбеде тіркелді. Мұнда әлеуметтік маңызы бар азық-түліктің бұл түрі 102 және 56 теңгеден сатылды.Фото: Нұрболат Нұржаубай

Елімізде ең қымбат азық-түлік қай өңірде

<a href="https://kyzylorda-news.kz/">Kyzylorda-news.kz</a> Тамылжыған көктемнің арайлы шуаққа толы мерекесі – 8 наурыз Халықаралық әйелдер күніне орай аудан әкімі Айтбай Жандарбеков, аудандық мәслихат төрағасы, аудандық ардагерлер кеңесінің төрағасы, қоғамдық кеңесінің төрағасы, әйелдер кеңесінің төрайымы және бөлім басшыларымен бірге ақжаулықты аналардың отбасыларына барып, мерекемен құттықтады.Кездесулерде аудан әкімі денсаулық саласының ардагерлері 88 жастағы әже, 36 жылын осы салаға арнаған Зәуре Құрманбайқызын, 85 жастағы денсаулық саласының ардагері Зина Жұмаділдақызын, Шиелі ауданында 40 жылдан астам білім саласында қажырлы қызмет атқарған 85 жастағы кейуана Батихан Қалтайқызы, білім саласының ардагері 75 жастағы Райхан Қабылова, 35 жылдай білім саласында қызмет атқарған 84 жастағы ардагер Серіккүл Ақмолдаеваның және еңбек ардагері 89 жастағы Қанымкүл Төрешованың шаңырақтарына арнайы барып, сәлем беріп, құрмет көрсетті.<blockquote>Аудан әкімі өз сөзінде «Қарттарымыз қазынамыз. Біз әрдайым сіздердің еткен еңбектеріңіз бен ел үшін жасаған қызметтеріңізді жадымыздан шығармаймыз. Сіздердің өмір жолдарыңызды әрдайым бүгінгі буынға өнеге етіп келеміз. Бүгінгі өздеріңіз арқылы барша ауданның ақжаулықты аналары мен қыз-келіншектерді мерекемен құттықтаудамыз»,- деді.&nbsp;</blockquote>Арнайы құттықтай келген азаматтарға ризашылығын білдірген ардагер аналар елдің амандығын тілеп, ақ батасын берді.<img src="https://knadmin.beoblood.kz/uploads/Analardy_tty_tau_51d262f1a9.jpg" alt="Аналарды құттықтау.jpg"><img src="https://knadmin.beoblood.kz/uploads/A_zhauly_ty_analardy_tty_tady_1c0c0949a1.jpg" alt="Ақ жаулықты аналарды құттықтады.jpg">Фото: Шиелі ауданы әкімдігінің баспасөз қызметі

Қазақстан және Қызылорда облысының жаңалықтары: Қоғам