<a href="https://kyzylorda-news.kz/">Kyzylorda-news.kz</a> ақпараттық агенттігінің 5 қарашаға арналған жұлдыз-жорамалы.
Тоқты 
Бүгін мақсатыңызға бір қадам жақындайсыз. Өзіңізге деген сенімділігіңіздің арқасында тапсырмалардың барлығын орындай аласыз.
Торпақ 
Қаражат мәселесін шешуге қолайлы күн. Біліктілік арттыруға, жоспар құруға қолайлы күн.
Егіздер 
Жағымды жаңалықтар естейсіз. Сонымен қатар бұл жаңалықтар қызықты оқиғалаға ұласатын болады.
Шаян 
Мазаңызды алған сауалдарға жауап табуға тырысыңыз. Сондай-ақ өзгенің ісіне бас қатырмаңыз.
Арыстан 
Бұрын бастаған ісіңізді аяқтауға тура келетінін ұғасыз. Сонымен қатар басқа да шаруаларды соңына дейін жеткізесіз.
Бикеш 
Бүгін өз талантыңызды сыртқа шығарып, өзгелерді тәнті етіңіз. Бірақ қобалжуға жол бермеңіз.
Таразы 
Бүгін сізге қуанышты хабар жетеді. Бұл жаңалық сіздің өміріңізді түбегейлі өзгертуі мүмкін.
Сарышаян 
Бүгін денсаулыққа баса назар аудару қажет. Басыңыздың «сақинасы» ұстап, сырқаттанып қалуыңыз мүмкін.
Мерген 
Әріптестеріңізбен басқосуға, көңілді кешке баруыңыз мүмкін. Бұл кештің ұйымдастырушысы да өзіңіз боласыз.
Тауешкі 
Көмек сұрай келген адамға қолдау білдіре аласыз. Өткір сөздеріңізбен күйзеліске түскен жанның «есін жидырасыз».
Суқұйғыш 
Жақындарыңызбен тату-тәтті болыңыз. Оларға көмек көрсетуден қашпаңыз. Шын ниетіңізбен қолдау көрсетіңіз.
Балықтар 
Күніңіз қарбаласқа толы. Басшылық еңбегіңізді бағаламайды. Бұл жағдай жұмысқа деген ынтаңызды жояды.

Жұлдыздар не дейді?

<img src="http://kyzylorda-news.kz/wp-content/uploads/2019/11/4kuager2-1.jpg" alt="" />
<a href="https://kyzylorda-news.kz/">Kyzylorda-news.kz.</a> Бүгін Қармақшы ауданындағы Ұлы Отан соғысының соңғы ардагері Қуанышбай Бисенбаев өмірден озды. 
1925 жылы Жаңажол ауылында шаруа отбасында өмірге келген қарт майдангер бала кезінен бейнет көріп өсті. Әкесі Бисенбайдан еңбексүйгіштікті үйренсе, анасы Алмадан имандылықты бойына сіңіреді. 
Майдангер 1943 жылы өзі секілді жерлестерімен бірге соғыс даласына аттанады. Арда азамат «Отан үшін» деп қан кешті, жан берді, тер төкті. Араға жеті жарым жыл салып елге аман-есен оралды. Ал соғыс аяқталған соң Чита қаласында шекара қызметінде болды. 
1950 жылы әскерден елге келген соң теміржол саласында, кейін астық қабылдау мекемесінде ұзақ жылдар қызмет етіп, зейнет демалысына шыққан.

Қармақшы ауданында соғыстың соңғы куәгері өмірден өтті

<a href="https://kyzylorda-news.kz/">Kyzylorda-news.kz.</a> Ақтөбе облысына Премьер-Министрдің орынбасары Бердібек Сапарбаев бастаған Үкіметтік топ келді, деп хабарлайды <a href="http://lenta.inform.kz/kz/ashat-aymagambetov-mektepterdegi-sport-zaldar-zhalga-beriledi_a3581589">ҚазАқпарат</a>. 
Білім және ғылым министрі Асхат Аймағамбетов Ақтөбе қаласындағы мектеп директорларымен кездесіп, «Мұғалім мәртебесі туралы» Заң жобасын, мектептердегі бақылау жұмыстар мен ұстаздардың жалақысы жайын жан-жақты айтып берді. 
«Қылмыс, құқықбұзушылықты азайту үшін біз жастардың бос уақытын тиімді ұйымдастыруымыз керек. Соның ішінде балалар да бар. Бұқаралық спортпен шұғылданатын адамдар санын 30 пайызға жеткізу тапсырмасы тұр. Жыл соңына дейін бұл тапсырма орындалады. Бастысы – спорт нысандарының ішін толтыру. Қазақстанда мәдени, спорттық нысан жеткілікті. Тек оның ішін толтыру мәселесі қалды. Мәселен, еліміздегі мектептертің 86 пайызында спорт, мәжіліс залы бар. Өкінішке қарай, олар кешке жақын, демалыста жұмыс істемейді. Білім және ғылым министрлігі мен Мәдениет және спорт министрлігі бірігіп, шешім қабылдады. Оларды пайдалану керек», – деді Бердібек Сапарбаев. 
Еліміздің бас ұстазы Асхат Аймағамбетовты мұғалім мен ата-ана арасындағы байланыстың әлсіздігі алаңдатады. 
«Көп мектепте бұл мәселе ашық күйінде қалып отыр. Ата-ана бөлек, мектеп өзге. Ата-ана мектеп шешу керек десе, мектеп ата-анаға ысырады. Екі ортада бала қалып тұр. Жиналыстарға ата-аналар келмейді деп те айтады. Сондықтан форматты өзгертіп, жалпы тәрбие жұмысын жандандырған жөн. Өз-өзіне қол жұмсау, құқықбұзушылықты кешенді түрде шешу қажет», – деді Асхат Аймағамбетов педагогикалық қауыммен кездесуінде. 
Мектеп директорларымен кездесу кезінде спорт залдарды көпшілік қолданысына беру жайына да тоқталды. Алдағы уақытта мектептердегі спорт залдар жалға беріледі. 
«Жалға алатын адам ақшаны бюджетке емес, сол мектептің шотына аударатын болады. Тиімді шешім осы», – деді министр.

Енді елімізде мектептердегі спорт залдар жалға беріледі

<a href="https://kyzylorda-news.kz/">Kyzylorda-news.kz.</a> Қызылорда облысына браконьерлердің соңына түсемін деп мерт болған «Охотзоопром» инспекторы Әділ Кенжеғұловтың денесін жер қойына тапсырды. Ер адамның бұл салада жұмыс істегеніне бір жыл да болмапты. Марқұмның артында кәмелетке толмаған үш баласы қалды, деп хабарлайды [«Астана»](http:// https://astanatv.kz/ru/news/51899/) телеарнасы. 
«Бүкіл өмірі алда еді. Оған үлкен үміт арттық. Балаларын жақсы көретін әке, ата-анасының қадірлі ұлы, қамқор аға болған еді. Артында кәмелет жасқа толмаған үш баласы әкесіз қалды», – дейді марқұмның ағасы Боранбай Тұрбаев. 
Марқұмның үйіне көңіл айту үшін апта бойы жан-жақтан келіп жатқандар көп. Инспекторды өлімінен кейін 3-дәрежелі «Айбын» орденімен марапаттады. Охотзоопромдағылардың айтуынша, марқұмның отбасына 12 миллион теңге көлемінде материалдық көмек беріледі. Сонымен қатар сақтандыру компаниясы Кенжеғұловтың балалары кәмелетке толғанша ай сайын әрқайсысына айлығы көлемінде төлем төлейді. 
«Биылғы жылы Әділ қызыл кітапқа енген ителгіні заңсыз аулаған шетелдіктер мен өз азаматтарымызды ұстады. Ол браконьерлермен барын салып күресетін еді. Өзін өз ісінің нағыз әрі мінсіз маманы ретінде көрсете білді», – дейді «Охотзоопром» ӨБ-нің Қызылорда өңірлік филиалының басшысы Берік Жорабеков. 
Еске сала кетсек, қазанның 25-іне қараған түні Қызылорда облысында 34 жастағы инспектор браконьерлерді қуу кезінде көз жұмған еді. Браконьерлерді қуып келе жатқанда, инспекторлар мінген көлік аударылып қалған.

Қызылорда облысында көз жұмған инспектордың артында үш баласы қалды

<a href="https://kyzylorda-news.kz/">Kyzylorda-news.kz.</a> Жазушы-драматург Төлен Әбдік тойдың қазіргі форматын ауыстыру үшін уақыт керек деп санайды. Себебі бір стереотипті өзгерту оңай емес екен. Ал жазушылар одағының төрағасы Ұлықбек Есдәулет тойын тілексіз өткізіп көрген. Қуанышты күн концерт сияқты өтіп, қонақтардың бәрі риза болып кеткен, деп хабарлайды <a href="https://kaz.nur.kz/1825409-eskimdi-sjletken-zokpyn-belgili-zazusy-kyzyny-tojyn-kalaj-tileksiz-tkizgenin-ajtyp-berdi.html">KAZ.NUR.KZ</a>. 
Төлен Әбдіктің сөзінше, той біреу өзгертейік деп өзгерте салатын нәрсе емес. Оған уақыт керек дейді. 
“Ұрпақ ауысуы керек шығар. Иә, адамды жалықтыратын тойлар болады, кейде дұрыс өтетін тойлар да бар. Ол өзі бір стереотип қой. Мысалы, қазір жұрттың бәріне сөз беру әлі басылмай жатыр ғой. Шынымен де, шаршап шығасың. Музыканы даңғырлатып қояды. Ал тойға барғаннан кейін адаммен араласып, сөйлескің келді. Оған мүмкіндік бермейді”, – дейді Төлен Әбдік. 
Осы орайда жазушы шетелдегі жиындарды мысалға келтірді. Ол жақта тойға барған адамдар танысымен сөйлеседі, пікір алмасады. Тілек айтқанда ешкім ұзақ сөйлемейді. 
“Сосын халықты әдемі сөздер мен бөлек бір адамдардың төңірегінде емес, құндылықтардың төңірегінде біріктіру керек. Қазір бір асабаны таңдап алады. Ол айқайды салып сөйлейді. Оны тоқтата алмайсың, өңкей бір поэзия, ұйқасқан сөздер. Оның бәрі – “фальш”. Ал адамға шынайы сөз, шын қуаныш керек”, – дейді жазушы. 
Ал жазушы Ұлықбек Есдәулет ешкімді сөйлетпей қызының тойын тілексіз өткізіп көрген. 
“Мен қызымның тойын тілексіз өткіздім. Ешкімді сөйлеткен жоқпын. Тілекті тамаданың аузына салып бердік. Мына үстелде осындай адам отыр, сол қонақтардың құрметіне ән шырқалсын, келесі үстелде отырғандар үшін күй тартылсын деп, өнердің жарысы сияқты өткіздік. Артынан бір депутат досымыз келіп, сіздің тойыңыз керемет өтті, бірақ мен олай істей алмаймын, себебі алыстан келген туыстарым өкпелеп кетеді деді. Бізде ондай реніш болған жоқ”, – дейді Ұлықбек Есдәулет.

&#8220;Ешкімді сөйлеткен жоқпын&#8221;: Белгілі жазушы қызының тойын қалай тілексіз өткізгенін айтып берді

<a href="https://kyzylorda-news.kz/">Kyzylorda-news.kz.</a> Сыртқы істер министрлігі АҚШ президенті Дональд Трамптың Қазақстан туралы айтқан сөздеріне түсініктеме берді, деп хабарлайды <a href="https://stan.kz/shatastirip-algan-tramptin-kazakstan-turali-aytkanin-si-323738/">Stan.kz</a>. 
Бұдан алдын BusinessInsider басылымы АҚШ Қорғаныс министрінің бұрынғы спичрайтері Гай Снодграсс Holding the Line: Inside Trump’s Pentagon with Secretary Mattis кітабының үзіндісін жариялаған еді. Кітапта Дональд Трамптың 2018 жылдың қаңтарында Штаб бастықтарының біріккен комитетінің Пентагонда кездесуі кезінде айтқан сөздері келтірілген. 
Трамп қарулы күштер өкілдерімен кездесуде әскери шығындар бюджеті талқыланды. Снодграсстың мәліметтеріне сәйкес, Қорғаныс министрі Джеймс Мэттис Трамп туралы “ұзақ уақыт бойы қызмет еткен армияны мұра етіп алған” деп, президент Конгресстен өткен жылдардағы шығындардың тұрақты қысқаруына байланысты көп ақша талап ете алатынын айтып сендірген еді. 
Трамп Ауғаныстан туралы сұрады, бірақ көп ұзамай министрдің баяндамасын бөліп жіберді. 
“Біз шынымен өзімізге көмектеспейміз… Біз айналамызға көмектесеміз. Сіздерге Қазақстанның – өте бай ел екені белгілі. Менің соңғы сапарым кезінде олар: “О, рахмет, рахмет, рахмет” деп алғыс жаудырды. Бірақ неге олар бізге төлмейді? Неге олар күреспейді?”- деп кітапқа американдық көшбасшы сөзін басып шығарады. 
Қазақстанның Сыртқы істер министрлігі АҚШ президенті қателесіп қалғанын атап өтті. 
“Трамп Қазақстанға сапармен келген жоқ. Мүмкін, ол шатастырды (Қазақстан. – Ескерт. басқа елмен)”, – деді СІМ ресми өкілі Айбек Смадияров.

&#8220;Шатастырып алған&#8221;: Трамптың Қазақстан туралы айтқанын СІМ түсіндірді

<a href="https://ru.kyzylorda-news.kz/">Kyzylorda-news.kz.</a> 2019 жылдың 3 қараша күні 19 сағат 25 минуттан бастап республикалық маңызы бар М-32 «Самара-Шымкент» автомобиль жолының 1357-1240 шақырымы аралығы ауа-райының нашарлауына байланысты барлық көлік құралдарының қозғалысына жол жабылды. Бұл Арал қаласынан бастап Ақтөбе облысының шекарасына дейінгі аралықты қамтиды жол жабылды.

Арал мен Ақтөбе аралығындағы жол жабылды

<a href="https://kyzylorda-news.kz/">Kyzylorda-news.kz.</a> Ағымдағы жылдың 4 қарашасындағы жағдай бойынша, Қазақстан халқының саны 18 млн 587 мың 440 адамды құрады. 
Бұл туралы ҚР Ұлттық экономика министрлігі Статистика комитетінің ресми сайтында халық санының <a href="http://stat.gov.kz/counter">онлайн-есептегіш</a> қызметінен көруге болады. Бұл бүгін, 4 қараша сағат 10:40-тағы көрсеткіш. 
Есептегіш құралда дүниеге келген, көз жұмған және басқа да жағдайлар бойынша еліміздегі халық санының артқаны, не кеми түскені әр секунд сайын өзгеріп отырады. 
Сондай-ақ демографиялық оқиғалардың жиілігіне қатысты ақпараттар ұсынылған. Мәселен, соңғы бір айда әрбір 85 секундта елімізде 1 нәресте тірі туылды, әрбір 241 секунда 1 адам өлді, әрбір 1965 секундта 1 адам елге келген (иммигрант), әрбір 802 секундта 1 адам елден шыққан (эмигрант). 
Айта кетейік, жыл басында ел халқының саны 18 млн 392 млн 960 адамды құрады. 2019 жылдың қаңтарынан осы тәулікке дейін Қазақстанда 327 мың 732 шақалақ тірі туылды, 112 мың 755 адам көз жұмды, иммигранттар – 11 мың 444, эмигранттар – 32 мың 196, жалпы өсім 194 мың 225 адамды құрады.

Қазақстанда халық саны қанша?

<a href="https://kyzylorda-news.kz/">Kyzylorda-news.kz.</a> Қызылорда облыстық пробация қызметінің ұйымдастыруымен қоғамнан оқшауламайтын жаза түріне сотталған кәмелетке толмаған жасөспірімдер ЗК-169/1 мекемесін аралап көрді, деп хабарлайды облыс бойынша қылмыстық атқару жүйесі департаментінің баспасөз өызметі. 
Шараға пробация есебінде тұрған оннан астам кәмелетке толмаған бала қатысты. Олар тергеу изоляторындағы оқшаулау орындары және өндірістік аймақты аралап көрді. 
«Шараның басты мақсаты – есепте тұрған кәмелетке толмаған балалар жасайтын құқық бұзушылықтың алдын алу және қылмысты қайта болдырмау. Биылғы жылдың 10 айында кәмелет жасына толмаған 29 сотталушы Қызылорда қалалық пробация қызметінің есебіне өткен. Оның екеуі сотталған мінез-құлқы қиын балаларды тәрбиелейтін девиантты мектеп орталығында. Осындай профилактикалық іс-шаралар арқылы қылмыс жасаған жасөспірімдерге жаза баспау қажеттігін ескертіп жатырмыз», – дейді қалалық пробация қызметі бастығының орынбасары Айгүл Құрақбаева. 
Шара барысында олардың күнделікті тұрғылықты мекенжайы тексеріліп, профилактикалық әңгіме жүргізіледі.

Қызылордада кәмелет жасқа толмаған балалар тергеу изоляторын аралады

<a href="https://kyzylorda-news.kz/">Kyzylorda-news.kz.</a> Қызылорда облысында қасқалдақ құсын заңсыз атып алған екі адам қолға түсті, деп хабарлайды <a href="http://lenta.inform.kz/kz/kyzylordada-kaskaldak-atkandar-ustaldy_a3581481">ҚазАқпарат</a>. 
Қасқалдақ елімізде саны азайған құстардың қатарына жатқызылады. Соған қарамастан аталмыш құсты атып алған азаматтар «Браконьер» жедел-профилактикалық іс-шарасы барысында ұсталды. Олар Қармақшы ауданы Иіркөл ауылы маңында түн ішінде қолға түсті. Ұсталған азаматтардан 20-ға тарта құс тәркіленді. Олар қасқалдақ, үйрек секілді құстарды атып алған. 
«Аталмыш оқиға бойынша ҚР Әкімшілік құқық бұзушылықтар туралы кодексінің 382-бабына сәйкес хаттамалар толтырылды. Одан бөлек, олардан мемлекет пайдасына материалдық шығын өндірілетін болады», – деп мәлім етті Қызылорда облыстық полиция департаментінің баспасөз қызметі. 
Биылғы жылдың 5-31 қазан күндері Қызылорда облысы көлемінде «Браконьер» жедел-профилактикалық іс-шарасы өткізілді. Аталмыш шара барысында аймақта барлығы 214 экологиялық заң бұзушылық анықталды. Оның ішінде, заңсыз ағаштар мен бұталарды кесу, заңсыз аң аулау және аң аулау ережелерін бұзу, заңсыз балық аулау, азаматтық қаруды тасымалдау, сақтау ережесін бұзу оқиғалары тіркелді. Аталған мерзімде 9 қылмыстық іс қозғалып, сотқа дейінгі тергеп-тексеру амалдары жүргізілуде. Заңсыз аң, балық аулаумен және заңсыз бұталар мен ағаштарды кесумен ұсталған 7 автокөлік тәркіленіп, айып алаңдарына жеткізілді.

Қызылордада қасқалдақ атқандар ұсталды

<a href="https://kyzylorda-news.kz/">Kyzylorda-news.kz.</a> Қызылорда облысы әкімдігі жанындағы сыбайлас жемқорлыққа қарсы іс-қимыл мәселелері жөніндегі комиссия отырысында прокуратура органдарымен жер заңнамаларының сақталуына жүргізілген тексеру нәтижесі қаралды, деп хабарлайды Қызылорда облысы прокуратурасының баспасөз қызметі. 
Жиында облыс прокуроры Н.Бижанов игерілмеген жер учаскелерін қайтару мен айналымға тарту, салықтың төленуі, жерге кезектілік, оны табыстау мен бөлшектеу, қаланың бас жоспары бойынша жер заңнамаларын бұзушылықтарды атап өтті. 
«Прокуратурамен 1074 игерілмеген жер учаскесі анықталған. Оның 408-і кәсіпкерлік, қалғаны ауыл шаруашылығы мақсатындағы жерлер», – делінген хабарламада. 
Жергілікті әкімдермен игерілгені жөнінде хабарланған жайылымдық жерге қарсы тексеруде оның 20%-да мал басы тіркелмегені анықталды. 
Уәкілетті инспекциямен игерілмеген жерлерге уақтылы тексерудің жүргізілмеуінен бірнеше жер учаскесі басқа тұлғаларға сатылып, нысаналы мақсаты тұрғын үй салуға ауыстырылған. 
Қаланың бас жоспарының талаптары сақталмай, табысталған жерлер прокурордың наразылығымен кері қайтарылды. 
Отырыста жердің пайдаланылуы мен қорғалуын бақылау басқармасы және қалалық әкімдік басшыларының есептері тыңдалып, оларға тиісті міндеттер жүктелді. 
Мәжіліс соңында облыс прокуроры президенттің Жолдауын және жер саласындағы жүйелі заңсыздықтарды болдырмаудың іс-шаралар жоспарын бекітіп, жұмысшы тобын құрып, тоқсан сайын есептерін тыңдауды ұсынып, облыс әкімінен қолдау тапты.

Қызылордада игерілмеген жер учаскелері анықталды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов облыс орталығындағы әлеуметтік нысандарды аралап шықты. Алғашқы нысан – «Ана мен бала» орталығы. Облыс әкімі орталықтағы жөндеу жұмыстарын жыл аяғына дейін аяқтап, сапалы жүргізілуін қатаң тапсырды. 
«Сағат 10 болды, жұмысшылар әлі жоқ. Неліктен? Жөндеу жұмыстары сапалы әрі уақытылы ел игілігіне берілу үшін қатаң қадағалау қажет. Өткен аптада басталған жөндеу жұмысынан ілгерлеушілік көріп тұрғаным жоқ. Желтоқсанда ғимаратты тапсырамыз деп асығыс, шала- шарпы істелген жұмыс қажет емес. Басшылық жөндеу жұмысын басты назарға алсын», – деді облыс әкімі. 
Мұнан соң Қ. Досмайылұлы облыстық медициналық орталығында болып, дәрігерлердің келушілерге сапалы қызмет көрсетулерін қамтамасыз ету керектігін айтты. 
Дәрі-дәрмек, азық-түлік пен көмірдің бағасы, халыққа көрсетіліп отырған қызмет сапасы да назардан тыс қалған жоқ. Аймақ басшысы әлеуметтік дүкендер мен базарларды аралап, жағдайымен танысып шықты. Сонымен қатар, «Қызылорда тазалығы» ЖШС алынған жаңа арнайы техникаларды көріп, жылу орталығында да болды. Облыс орталығындағы көмір сататын арнайы орындардың жұмыстарын да назарына алды. 
Айта кету керек, аймақ басшысы нысандарды жауапты қызметкерлерге алдын – ала ескертусіз аралады. Ондағы мақсат- халыққа қызмет көрсететін осындай әлеуметтік объектілердің шынайы жұмысын көру, бағалау. 
Бүгінгі қала нысандарын аралау қорытындысы бойынша жауапты сала басшыларына тапсырмалар берілді. Сондай-ақ, бұл жұмыстардың барлығы Қуанышбек Досмайылұлының жеке қадағалауында болады.
<img src="http://kyzylorda-news.kz/wp-content/uploads/2019/11/4akimaralau2.jpg" alt="" />
<img src="http://kyzylorda-news.kz/wp-content/uploads/2019/11/4akimaralau3.jpg" alt="" />
<img src="http://kyzylorda-news.kz/wp-content/uploads/2019/11/4akimaralau4.jpg" alt="" />
<img src="http://kyzylorda-news.kz/wp-content/uploads/2019/11/4akimaralau5.jpg" alt="" />
<img src="http://kyzylorda-news.kz/wp-content/uploads/2019/11/4akimaralau6.jpg" alt="" />

Қазақстан және Қызылорда облысының жаңалықтары: Қоғам

Жұлдыздар не дейді?

Қармақшы ауданында соғыстың соңғы куәгері өмірден өтті

Енді елімізде мектептердегі спорт залдар жалға беріледі

Қызылорда облысында көз жұмған инспектордың артында үш баласы қалды

“Ешкімді сөйлеткен жоқпын”: Белгілі жазушы қызының тойын қалай тілексіз өткізгенін айтып берді

“Шатастырып алған”: Трамптың Қазақстан туралы айтқанын СІМ түсіндірді

Арал мен Ақтөбе аралығындағы жол жабылды

Қазақстанда халық саны қанша?

Қызылордада кәмелет жасқа толмаған балалар тергеу изоляторын аралады

Қызылордада қасқалдақ атқандар ұсталды

Қызылордада игерілмеген жер учаскелері анықталды

Қызылорда облысының әкімі әлеуметтік нысандарды аралады

Қазақстан және Қызылорда облысының жаңалықтары: Қоғам

Жұлдыздар не дейді?

Қармақшы ауданында соғыстың соңғы куәгері өмірден өтті

Енді елімізде мектептердегі спорт залдар жалға беріледі

Қызылорда облысында көз жұмған инспектордың артында үш баласы қалды

&#8220;Ешкімді сөйлеткен жоқпын&#8221;: Белгілі жазушы қызының тойын қалай тілексіз өткізгенін айтып берді

&#8220;Шатастырып алған&#8221;: Трамптың Қазақстан туралы айтқанын СІМ түсіндірді

Арал мен Ақтөбе аралығындағы жол жабылды

Қазақстанда халық саны қанша?

Қызылордада кәмелет жасқа толмаған балалар тергеу изоляторын аралады

Қызылордада қасқалдақ атқандар ұсталды

Қызылордада игерілмеген жер учаскелері анықталды

Қызылорда облысының әкімі әлеуметтік нысандарды аралады

“Ешкімді сөйлеткен жоқпын”: Белгілі жазушы қызының тойын қалай тілексіз өткізгенін айтып берді

“Шатастырып алған”: Трамптың Қазақстан туралы айтқанын СІМ түсіндірді