<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 2020 жылдан бастап көлік салығы әр жылдың сәуір айына дейін төлене бастауы мүмкін. Бұл туралы бүгін Орталық коммуникациялар қызметінде өткен баспасөз мәслихатында ҚР Қаржы министрлігі Мемлекеттік кірістер комитеті Салық салу әдіснамасы департаменті директорының міндетін атқарушы Дәулет Жарылғасынов мәлім етті, деп хабарлайды <a href="http://lenta.inform.kz/kz/kazakstanda-kolik-salygyn-toleu-merzimi-ozgertiledi_a3586292">ҚазАқпарат</a>.
<blockquote>
 «Жеке тұлғалардың көлік құралдары үшін салық төлеу мерзімін ауыстыру мәселесі пысықталып жатыр. Атап айтқанда, бұл ең алдымен, салықтың уақытылы түсімін қамтамасыз ету үшін жасалып жатқан қадам. «Қазақстан Республикасының кейбір заңнамалық актілеріне салық салу мәселелері бойынша өзгерістер мен толықтырулар енгізу туралы» заң жобасымен жеке тұлғалардың көлік құралдарына салынатын салықты төлеу мерзімін 31 желтоқсаннан 1 сәуірге ауыстыру қарастырылуда», – деді Дәулет Жарылғасынов.
</blockquote>
Департамент өкілінің айтуына қарағанда, аталмыш ұсыныс заң нормалары күшіне енгеннен соң келесі жылдан бастап қолданысқа енеді.
Ал баспасөз мәслихатынан кейін тілшілердің сұрағына жауап берген ҚР ҚМ МКК Салық салу әдіснамасы департаментінің Өндірістік емес төлемдер бойынша басқарма басшысының міндетін атқарушы Дархан Бейсенәлиев бұл өзгерістің неліктен енгізіліп жатқанын түсіндірді.
<blockquote>
 «Жалпы, салық заңнамасына сай, көлік салығы әр жылдың 31 желтоқсанында төленуі керек. Келесі жылдан бастап оны 1 сәуірден бастап төлетуді жоспарлап отырмыз. Неліктен? Себебі, біз бюджеттің төртінші деңгейіне өтеміз. Яғни, ауылдың округ әкімдері көлік салығынан түскен ақшаны сол жылы игере алатындай жағдай жасауды сұрап отыр. Осы мақсатта төлем құрылымын өзгертіп жатырмыз. Яғни, салық жыл соңында емес, келесі есептік кезеңде жыл басында түседі», – деді ол.
</blockquote>

Қазақстанда көлік салығын төлеу мерзімі өзгертіледі

<a href="https://kyzylorda-news.kz/">Kyzylorda-news.kz.</a> “Қазгидромет” РМК 19-21 қараша аралығына арналған ауа райы болжамын жариялады.
&nbsp;Карск теңізінің арктикалық ауа массаларында қалыптасқан антициклон оңтүстік-батысқа қарай ығысады. Ал 21 қарашада Ресейдің еуропалық аумағындағы орталық аудандарға жетеді.
<blockquote>
 “Қазақстанға арктикалық теңізден Батыс Сібір арқылы суық ауа массасы келіп, соның әсерінен елдің басым бөлігінде күн айтарлықтай суытады. Солтүстік, орталық және шығыс облыстарда ауа температурасы -28…-33°С дейін төмендейді. Сондай-ақ, кей жерлерде қар жауып, бұрқасындатады, қатты жел соғады”, – делінген хабарламада.
</blockquote>
Одан өзге &nbsp;батыс, оңтүстік және оңтүстік-шығыс облыстардың кейбір аймағында қар, көктайғақ және тұман болады деп болжанып отыр. Бұл өңірлерде де күн суытады, түнде -7…-15°С, қиыр оңтүстікте -3…-8°С-қа дейін.

Қазақстанда 33 градус аяз болады

<a href="https://kyzylorda-news.kz/">Kyzylorda-news.kz.</a> Қызылорда облысы Қармақшы ауданы әкімідігінің ұйымдастыруымен Байқоңыр қаласында ауыл шаруашылық өнімдерінің жәрмеңкесі өтті, деп хабарлайды аудан әкімдігінің баспасөз қызметі.
50 тоннаға жуық ауыл шаруашылық өнімдері 35 автокөлікпен базар бағасынан 15-20% төмен бағада тұтынушыларға ұсынылды.
Жәрмеңкеге шығарылған өнімдерді атап айтсақ, күріш, картоп, жуа, сәбіз, қырыққабат, асқақбақ, қарбыз, қауын, кондитер өнімдері мен макарон өнімдері, балық түрлері сатылымға шығарылды.
Аудандық ауыл шаруашылығы бөліміндегі жәрмеңкені ұйымдастырушылардың айтуынша, күріш пен балық өнімдеріне сұраныс жоғары болды.
Алдағы уақытта да қалада бағаны тұрақты сақтау мақсатында мұндай шаралар жалғасын табатын болады.
<img src="https://kyzylorda-news.kz/wp-content/uploads/2019/11/18baikonyrzharm2.jpg" alt="" />
<img src="https://kyzylorda-news.kz/wp-content/uploads/2019/11/18baikonyrzharm3.jpg" alt="" />
<img src="https://kyzylorda-news.kz/wp-content/uploads/2019/11/18baikonyrzharm4.jpg" alt="" />
<img src="https://kyzylorda-news.kz/wp-content/uploads/2019/11/18baikonyrzharm5.jpg" alt="" />
<img src="https://kyzylorda-news.kz/wp-content/uploads/2019/11/18baikonyrzharm6.jpg" alt="" />

Байқоңырда ауыл шаруашылығы өнімдерінің жәрмеңкесі өтті (ФОТО)

<a href="https://kyzylorda-news.kz/">Kyzylorda-news.kz.</a> Волонтер жылында басқа да жағымды жаңалықтар болады деп күтілуде. Елімізде еріктілердің жақын және алыс шетелге сапарлары қаржыландырыла бастауы мүмкін. Бұл туралы&nbsp;Ұлттық волонтерлік желінің атқарушы директоры Татьяна Миронюк айтты, деп хабарлайды <a href="https://sputniknews.kz/society/20191115/12041501/Afrika-Azia-volonterl.html">Sputnik Қазақстан</a>.
<blockquote>
 “Еріктілеріміз Мәскеуге жеңістің 75-жылдығына көмектесуге барады. Біз ресейліктерге өз жұмысымыздың ерекшеліктері жайлы айтып беруге дайынбыз. Мысалы, “Жеңіс” деген тамаша жобамыз бар. Волонтерлер соғыс ардагерлері мен тыл еңбеккерлеріне қысқы мезгілге көмір, ағаш дайындауға көмектеседі. Жастарымыз қарттардың саяжайларында бау-бақша егіп, өнімін жинап береді. Бәрін тегін істейді. Былтыр еріктілер осылай Талдықорғанда екі мың тонна өнім жинап алды”, – деді ол.
 “Бірақ біз 9 мамырда ардагерлерге бармаймыз. Бұл күндері оларға адам көп келеді, сондықтан мазаламауға тырысамыз. Дегенмен ардагерлерге жыл бойы көмектесеміз. Әдетте қарттар күнінде оларды шайға шақырамыз. Дегенмен соғысты немесе шайқастарды естеріне түсірмеуге тырысамыз. Олар бізге басқа да қызықты әңгімелерін айтып береді. Тіпті, ардагерлер арасында тоғыз жұп барын да айтқым келеді. Кейбіреулер бірге тұрады, ал кейбіреулер кездесіп, әңгімелесіп тұрады”, – дейді Миронюк.
</blockquote>
Маман келесі волонтер жылына қойылған жоспарларымен де бөлісті. Оның айтуынша, біріншіден, Қазақстан үшін волонтерліктің жеті басым бағыты анықталады. Мәселен, олар денсаулық сақтау, білім беру, әлеуметтік сала, корпоративтік волонтерлік, экология болуы мүмкін.
<blockquote>
 “Екіншіден, еріктілерді халықаралық қаржыландыру бағдарламасы іске қосылады. Қазақстандықтар волонтерлік жобаларға шетелге барады. Барлығы мемлекеттік деңгейде ұйымдастырылады. Бұл Қазақстан үшін алғашқы тәжірибе. Жоспарда жақын және алыс шет мемлекеттер бар. Бұл Индонезия, Африка елдері не басқа мемлекеттер болуы мүмкін”, – дейді Миронюк.
</blockquote>

Қазақстандық волонтерлер енді шетелге жиі шығады

<a href="https://kyzylorda-news.kz/">Kyzylorda-news.kz.</a> Қазақстан заңнамасына сәйкес, жол ережесін бұзған жүргізушілер қандай да бір әкімшілік жазаға тартылады. Көлік айдау құқығынан айырылып қалуы да ғажап емес. Абайсызда жол апатына себепші болғандардың жазасы, тіптен ауыр, деп жазады <a href="https://sputniknews.kz/spravka/20191117/12054896/jurgizushi-aiyppul-jaza.html">Sputnik Қазақстан</a>.
Жылдамдықты асыру
Әкімшілік құқық бұзушылық туралы кодекстің 592-бабы 1-тармағына сәйкес, белгіленген жылдамдықты сағатына 10-нан -20 шақырымға дейін арттырғаны үшін 5 АЕК, яғни 12 625 теңге айыппұл салынады.
<ul>
<li>сағатына 20-дан 40 шақырымға дейін – 10 АЕК немесе 25 250 теңге;</li>
<li>сағатына 40 шақырымнан астам шамаға арттыру – 20 АЕК немесе 50 500 теңге.</li>
</ul>
Әкімшілік жазадан кейін осы әрекеттер бiр жыл iшiнде тағы қайталанса, онда 30 АЕК – 75 750 теңге айыппұл салынады.
Қауіпсіздік белдігін тақпау
Кодекстің 593-бабына сәйкес, қауіпсіздік белдігін тақпағандар 5 АЕК, яғни 12 625 теңге айыппұл төлейді.
Егер бір жыл ішінде дәл осы ережені қайта бұзса, 10 АЕК – 25 250 теңге айыппұл қарастырылған.
Бағдаршамның қызыл түсін елемеу
599-баптың 1-тармағына сәйкес, бағдаршамның қызыл түсін елемей немесе реттеушінің “тоқта” деген қимылына қарамай жүріп өтетіндер 10 АЕК – 25 250 теңге айыппұл арқалайды.
Егер осы әрекет бір жыл ішінде қайталанса, онда айыппұл сомасы артады. Жүргізуші 15 АЕК немесе 37 875 теңге төлеуге міндеттеледі.
Маневр жасау ережелерін бұзу
Кодекстің 595-бабында маневр қағидаларын бұзатын жүргізушілерге әкімшілік жаза қарастырылған.
Егер жүргізуші жүру, бағытын өзгерту, бұрылу, кері бұрылу немесе тоқтау алдында сигнал бермесе, онда 5 АЕК – 12 625 теңге айыппұл төлейді.
Маневр жасауға тыйым салынған жерде артқа жүру 10 АЕК немесе 25 250 теңге айыппұл салуға әкеп соғады.
Бір жыл ішінде тағы қайталанса – &nbsp;20 АЕК = 50 500 теңге.
Көлікті тоқтату немесе тұраққа қою
<ul>
<li>Көліктің аялдауы немесе тоқтап тұруы ережелерін бұзу – 5 АЕК = 12 625 теңге;</li>
<li>көлікті тротуарға, гүлзар, балалар немесе спорт алаңдарында тұраққа қою – 10 АЕК = 25 250 теңге;</li>
<li>жол қозғалысына кедергі келтіріп, көлікті жолдың жүретін бөлігіне қою – 10 АЕК = 25 250 теңге;</li>
<li>мүгедектерге арналған тұраққа тоқтау – 10 АЕК = 25 250 теңге;</li>
<li>ақылы автотұраққа қойғаны үшін ақы төлеуден жалтару – 3 АЕК = 7 575 теңге, егер бір жыл ішінде қайталап жасаса, 5 АЕК = 12 625 теңге.</li>
</ul>
Телефонмен сөйлесу
Кодекстің 591-бабы 1-тармағына сәйкес, көлік айдау кезінде телефон немесе радиостанция пайдаланған жүргізуші 5 АЕК = 12 625 теңге айыппұл арқалайды. Заң бұзушылық бір жыл ішінде қайталанса, 10 АЕК = 25 250 теңге төлейді.
<blockquote>
 Ескерту:&nbsp;телефонды не радиостанцияны құлаққап киіп немесе қатты дауысқа қойып пайдалануға рұқсат етіледі.
</blockquote>
Жол апатына түсіп қалсаңыз
Әкімшілік құқық бұзушылық туралы кодекстің 610-бабына сәйкес, егер жүргізуші басқа көлікке, жүкке, жолға, жолдағы құрылыстарға немесе басқа да мүлікке зиян келтірсе, 20 АЕК = 50 500 теңге айыппұл төлейді. Немесе 6 ай мерзімге жүргізуші куәлігінен айырылады.
Егер жәбiрленушiнiң денсаулығына жеңiл зиян келтiрсе, 40 АЕК = 101 000 теңге айыппұл төлеуге міндетті. Немесе 9 айға дейінгі мерзімге көлік айдау құқығынан айырылады. &nbsp;
Жол апатына кінәлі адам бұған дейін жүргізуші куәлігінен айырылса, онда 60 АЕК = 151 500 теңге мөлшерінде айыппұл төлеуге міндетті.
Жүргізуші өзі жол апатына себепкер болып, оқиға орнынан ізін суытса, онда 1 жылға көлік жүргізу құқығынан айырылады. Егер жүргізуші бұған дейін куәлігінен айырылса, онда 100 АЕК = 252 500 теңге төлейді немесе 30 тәулікке әкімшілік қамауға алынуы мүмкін.
Ескерту:&nbsp;егер жүргізуші зардап шеккен адамға медициналық көмек көрсету үшін оқиға орнынан кетіп қалса, жауапкершіліктен босатылады.
Қылмыстық жауапкершілік &nbsp;&nbsp;&nbsp;&nbsp;
Қылмыстық кодекстің 345-бабы 1-тармағына сәйкес, егер жүргізуші абайсызда адамның денсаулығына “ауырлығы орташа” зиян келтірсе, белгiлi бiр лауазымдарды атқару немесе белгiлi бiр қызметпен айналысу құқығынан екі жылға дейiнгi мерзiмге айырыла отырып, 160 АЕК = 404 000 теңге айыппұл төлейді. Не сол мөлшерде түзеу жұмыстарына не 160 сағатқа қоғамдық жұмыстарға тартылады, немесе 40 тәулікке дейінгі мерзімге қамауға алынады.
Абайсызда адамның денсаулығына ауыр зиян келтiрсе, белгілi бiр лауазымдарды атқару немесе белгiлi бiр қызметпен айналысу құқығынан үш жылға айырыла отырып, 2000 АЕК = 5 050 000 теңге айыппұл салынады, немесе сол мөлшерде түзеу жұмыстарына, не 600 сағатқа қоғамдық жұмыстарға тартылады. Не болмаса, 2 жылға дейін бас бостандығы шектеледі, не сол мерзімге бас бостандығынан айыру жазасына кесіледі.
Егер жол апаты абайсызда адам өліміне әкеп соқса, кінәлі адам белгілi бiр лауазымдарды атқару немесе белгiлi бiр қызметпен айналысу құқығынан бес жылға айырылып, бес жылға дейінгі мерзімге сотталады.
Жүргізуші абайсызда екi немесе одан да көп адамның өлiмiне себепкер болса, белгілi бiр лауазымдарды атқару немесе белгiлi бiр қызметпен айналысу құқығынан жеті жылға дейiн айырыла отырып, бес жылдан он жылға дейін бас бостандығынан айырылады.
<img src="https://kyzylorda-news.kz/wp-content/uploads/2019/11/18aippulturme2.jpg" alt="" />

Айыппұлдан түрмеге дейін: қазақстандық жүргізушілер нені білуі тиіс?

<a href="https://kyzylorda-news.kz/">Kyzylorda-news.kz.</a> 2019 жылдың 1 қазанында облысымыздағы халық саны 801,5 мың адамды құрады, соның ішінде қалалықтар – 356,8 мың (44,5%), ауылдықтар – 444,7 мың адамды (55,5%) құрады. 2018 жылдың 1 қазанымен салыстырғанда халық саны 10,0 мың адамға немесе 1,3% өсті, деп хабарлады Қызылорда облыстық статистика департаменті.
АХАТ органдары ұсынған азаматтық хал актілер жазбаларындағы мәліметтерді өңдеу нәтижесінде, 2019 жылғы қаңтар-қыркүйегінде туылғандар саны 14361 адамды құрады, бұл 2018 жылдың қаңтар-қыркүйегіне қарағанда 0,7% көп. Туудың жалпы коэффициенті 1000 адамға 24,03 туылғандарды құрады.
2019 жылғы қаңтар-қыркүйегіндегі облыс халқының табиғи өсімі 2018 жылғы қаңтар-қыркүйегімен салыстырғанда 42 адамға немесе 0,4% кеміп, 11013 адамды құрады. Табиғи өсімнің жалпы коэффициенті 1000 адамға шаққанда 18,43 адамды құрады.
Қарастырылып отырған кезеңде қайтыс болғандар саны 3348 адамды құрады, бұл 2018 жылғы қаңтар-қыркүйегіне қарағанда 4,2% көп. Өлім-жітімнің жалпы коэффициенті 1000 адамға 5,60 қайтыс болғандарды құрады. 2019 жылғы қаңтар-қыркүйекте облыста 1 жасқа дейінгі 133 нәресте өлімі тіркелді. 2018 жылғы қаңтар-қыркүйегімен салыстырғанда 1 жасқа дейінгі шетінеген нәресте саны 7,2% көбейген. Нәресте өлім-жітімінің коэффициеті 1000 туғандарға шаққанда 9,26% құрады.
Алдын-ала алынған деректер бойынша 2019 жылғы қаңтар-қыркүйегінде көші-қон алмасуы нәтижесінде Қызылорда облысынан 35442 адам кетіп, облысқа 31575 адам келді. 2018 жылдың қаңтар-қыркүйегімен салыстырғанда облысқа келгендер саны 28,1%, ал облыстан кеткендер саны 29,7% көбейген.
Алыс және жақын шет елдерден 18 адам (2018 жылғы қаңтар-қыркүйегінде – 30 адам), республиканың басқа облыстарынан 7296 адам келсе, өткен жылдың сәйкес кезеңінде 6676 адам келген болатын.
<blockquote>
 «Облыстан 11130 адам немесе жалпы көлемнің 31,4% көшуі көбінесе республиканың басқа облыстарына кетуге байланысты болды (2018 жылғы қаңтар-қыркүйегінде тиісінше 9316 адам немесе 34,1% кеткен болатын).
 &nbsp;Алыс және жақын шет елдерге 51 адам, ал 2018 жылдың қаңтар-қыркүйегінде 50 адам көшті. Сыртқы және ішкі көші-қон нәтижесінде 2019 жылдың қаңтар-қыркүйегінде 3834 адамға, 2018 жылғы қаңтар-қыркүйегінде 2640 адамға кему қалыптасқан.
 Облыстың 24261 тұрғыны Қызылорда аумағында тұрғылықты орнын ауыстырды (2018 жылғы қаңтар-қыркүйегінде 17950 адам)», – делінген департамент таратқан хабарламада.
</blockquote>

Қызылорда облысының демографиялық ахуалы тұрақты ма?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Әлеуметтік медициналық сақтандыру қоры» КЕАҚ Қазақстан журналистері арасында конкурс жариялады. Конкурсқа республикалық және өңірлік деңгейдегі барлық қазақстандық БАҚ-тың штаттық, штаттан тыс қызметкерлері және тәуелсіз авторлар қатыса алады. &nbsp;
Конкурсқа қатысушылардың әр номинацияға бірнеше өтінім беруге мүмкіндігі бар. Байқау жұмыстары қазақ және орыс тілдерінде қабылданады.
Конкурс 2019 жылдың 14 қарашасы мен 14 желтоқсан аралығында өтеді. &nbsp;
Конкурс ережесімен мына <a href="https://fms.kz/kk/content/barshaga-kolzhetimdi-medicina-leumettik-medicinalyk-saktandyru-takyrybyna-bagyttalgan-uzdik">сілтемеге</a> өтіп танысуларыңызға болады.

Журналистерге арналған байқау жарияланды

<a href="https://kyzylorda-news.kz/">Kyzylorda-news.kz.</a> ҚР премьер-министрі Асқар Маминнің төрағалығымен өткен Үкіметтің селекторлық отырысында «Нұрлы жер» мемлекеттік тұрғын үй құрылысы бағдарламасын іске асыру барысы және 2020-2025 жылдарға арналған жобасы қаралды, деп хабарлады&nbsp;primeminister.kz.
Атқарылып жатқан жұмыстар туралы ҚР индустрия және инфрақұрылымдық даму министрі Бейбіт Атамқұлов, «Бәйтерек» ҰБХ» АҚ төрағасы Айдар Әріпханов, Қызылорда облысының әкімі Қуанышбек Ысқақов, Ақтөбе облысының әкімі Оңдасын Оразалин, Атырау облысының әкімі Нұрлан Ноғаев және Нұр-Сұлтан қаласы әкімінің орынбасары Нұрлан Нұркенов баяндады.&nbsp;
Мемлекеттік бағдарлама жүзеге асқан 2017 жылдан бастап тұрғын үй құрылысы саласына 3,3 трлн теңгеден астам инвестиция салынды, оның 85%-ы – &nbsp;жеке инвесторлардың қаражаты. 300 мыңға жуық отбасыны баспанамен қамтамасыз етуге мүмкіндік берген 33,5 млн шаршы метр тұрғын үй салынды.&nbsp;
Бағдарламада алғаш рет көпбалалы отбасылар мен жұмыс істейтін жастарға арнап жалдамалы тұрғын үй салу, табысы төмен отбасыларға жеңілдікті ипотека, жеке құрылыс салушыларға субсидия беру сияқты жаңа механизмдер іске асырылды.
Қызылорда, Ақтөбе және Түркістан облыстары тұрғын үй құрылысы бойынша көшбасшы өңірлер, Павлодар, Атырау, Маңғыстау облыстары және Нұр-Сұлтан қаласы артта қалушы және қаражатты игеруде проблемалары бар өңірлер.
<blockquote>
 «ҚР Тұңғыш Президенті – Елбасы Н. Назарбаев «Нұрлы жер» бағдарламасын іске асырудың маңыздылығын, оның тұрғын үй құрылысына мықты серпін беретінін ерекше атап өтті», – деді Асқар Мамин.
</blockquote>
Премьер-министр осы жылдың жоспарлы көрсеткіші 13 млн шаршы метр тұрғын үйді пайдалануға беруді қамтамасыз етуді тапсырды.
<blockquote>
 «Мемлекет басшысы Қасым-Жомарт Тоқаев өзінің сайлауалды бағдарламасы мен Қазақстан халқына арнаған Жолдауында қолданыстағы тұрғын үй бағдарламаларын бірыңғай тұрғын үй саясаты аясында біріктіріп, 2025 жылға дейінгі «Нұрлы жер» мемлекеттік бағдарламасын әзірлеуді тапсырды», – деді Асқар Мамин.&nbsp;
</blockquote>
«Нұрлы жер» тұрғын үй-коммуналдық&nbsp;дамытудың жаңа мемлекеттік бағдарламасы жылу және сумен жабдықтау, су тарту, коммуналдық секторды жаңғырту, 2015-2019 жылдарға арналған «Нұрлы жол» мемлекеттік инфрақұрылымды дамыту және 2020 жылға дейін өңірлерді дамыту бағдарламаларының аясында үйлерді жөндеу мәселелерін біріктіреді.
Премьер-министр жаңа «Нұрлы жер» мемлекеттік бағдарламасы әрбір қазақстандыққа тұрғын үй мәселесін өзінің табыс деңгейіне қарай шешуге мүмкіндік беретінін атап өтті.
Жобада тұрғын үй проблемасын шешумен қатар, халықты сапалы ауыз сумен қамтамасыз ету, тұрғын үй-коммуналдық шаруашылық инфрақұрылымын жаңғырту, тұрғын үй қорын жөндеу де көзделген.
Асқар Мамин Мемлекеттік бағдарламаны осы жылдың соңына дейін қабылдауды қамтамасыз етуді тапсырды.

Қызылорда – тұрғын үй құрылысы бойынша көшбасшы өңір

<a href="https://kyzylorda-news.kz/">Kyzylorda-news.kz.</a> 2019 жылғы 20 қарашада сағат 10.00-17.00 аралығында Қызылорда облысының әкімі Қуанышбек Ысқақовтың қатысуымен «Рухани жаңғыру», «Ұлы даланың жеті қыры» бағдарламалық мақалаларын жүзеге асыру бағытында атқарылған жұмыстар туралыинтернет-конференция өтеді.
Онлайн режимде өтетін конференция барысында облыс әкіміне тақырып аясында қоятын сауалдарыңыз бен ұсыныстарыңызды&nbsp; <a href="https://dialog.egov.kz/">https://dialog.egov.kz/</a> сілтемесі арқылы жолдауға болады.&nbsp;
Сонымен қатар, сауалдарыңыз бен ұсыныстарыңызды жолдау үшін электронды цифрлық қолтаңба (ЭЦҚ) қажет екендігін ескертеміз.

Облыс әкімінің қатысуымен интернет-конференция өтеді

<a href="https://kyzylorda-news.kz/">Kyzylorda-news.kz.</a> Жол активтері ұлттық сапа орталығының мамандары Жалағаш-Жосалы бағытындағы трассаның орташа жөндеу жұмыстарын тексерген.
Қызылорда облысында&nbsp;жөнделіп жатқан облысаралық жолдың 27 шақырымынан 21 кемшілік табылды, деп хабарлайды <a href="https://24.kz/kz/">«Хабар 24»</a>.&nbsp;
Жол активтері ұлттық сапа орталығының мамандары Жалағаш-Жосалы бағытындағы трассаның орташа жөндеу жұмыстарын тексерген. 700 миллион теңге жұмсалған бұл жолдың беткі жабындысы 5 см болуы тиіс. Бірақ жылжымалы зертхана 1 см-ге жетпейтінін анықтады. Ол аздай, тығыздығы мен тегістігі талапқа сай болмай шыққан. Құрылыс жұмыстары қара күзге дейін созылғасын, салқын асфальт төселуде. «Алайда оның да технологиясы талапқа сай болмай тұр», – дейді мамандар.&nbsp;
&nbsp;«1 ауысым бітіп, 2 бөлік қосылған жері келмейді. Стандартқа сай 3 метрлік рейкімен анықталады. Ол да келмейді. Асфальттың сапасы өте төмен. Осындай ақаулар бар», – дейді «Жол активтері ұлттық сапа орталығы» РМК бас директоры Замир Сағынов.&nbsp;
&nbsp;«Жылжымалы зертханамен 10-рет жолға шығып тұрмыз. Жылжымалы зертхананың қорытындысымен 12 кемшілік анықталды. Оның барлығына ұсыныстар беріліп, отырыста қаралып, ол жолдар қайта жөнделетін болып табылды», – дейді СЖҚІА облыстық департаментінің бас маманы Нұғман Жақұдаев.

Қызылорда облысында жөнделіп жатқан жолдан 21 кемшілік анықталды

<a href="https://kyzylorda-news.kz/">Kyzylorda-news.kz.</a> Қазақстанда жаңа үлгіде шығарылған жүргізуші куәлігін алу міндетті болмайды. Бұл туралы бүгін Нұр-Сұлтан қаласындағы орталық коммуникациялар қызметінде өткен брифинг барысында айтылды, деп хабарлайды&nbsp;<a href="https://stan.kz/zhana-ulgidegi-zhurgizushi-kualigin-almasa-da-boladi-ak-324277/">Stan.kz</a>.&nbsp;
ҚР ішкі істер министрлігі әкімшілік полиция комитетінің басқарма бастығы Юрий Козлов жаңа үлгідегі жүргізуші куәлігіне қатысты бірқатар сұраққа жауап берді.&nbsp;
<blockquote>
 «Жаңа үлгідегі жүргізуші куәлігі бұрынғысынан аса ерекшеленбейді. Қазіргі қолданыстағы реквизиттер жаңасында да бар. Біздің мақсат – қолдан жасалған көшірмеден сақтандырып, сапасын арттыру. Чипті визуалды түрде жақсы көрінуі үшін алдынан артқы жағына ауыстырдық. Оны әзірлеу әдісі де басқаша болды. Бұрын-соңды болмаған техниканы қолданамыз. Бұл өз кезегінде жүргізуші куәлігінің сапасын арттыруға көмектеседі», – деді Юрий Козлов орталық коммуникациялар қызметінің кулуарында. &nbsp;
</blockquote>
Спикердің айтуынша, бұрыннан бері қолында куәлігі барлар жаңа үлгідегі куәлікті алуға міндеттелмейді. Мұны қолданыстағы жүргізуші куәлігінің мерзімі аяқталған соң жүзеге асыруға болады.&nbsp;
<blockquote>
 «Осы уақытқа дейін бұл өзгеріс бюджеттен қосымша шығынды талап етеді деген болатын. Алайда бұл – жалған. Барлығы қазіргі қаржыландыру есебінен жүзеге асады. Яғни оған қосымша ақша бөлінбейді. Мұнымен қатар, жүргізуші куәлігінің құны еш өзгермейді. Чиптегі жады көлемі ұлғайтылып, соған көптеген мағлұматты сыйғыза аламыз. Мысалы – саусақ ізтаңбасы мен биометриялық параметрлер. Қазіргі күні бұл қаралып жатыр», – деді әкімшілік полиция өкілі.&nbsp;
</blockquote>
Естеріңізге сала кетсек, ішкі істер министрлігі Қазақстандағы жүргізуші куәлігінің&nbsp;жаңа үлгісін шығаратынын&nbsp;хабарлаған болатынбыз.

Жаңа үлгідегі жүргізуші куәлігін алмаса да болады

<a href="https://kyzylorda-news.kz/">Kyzylorda-news.kz.</a> Қазақстандықтар мереке алдындағы кезеңде пойыз билеттерінің қымбаттауына наразылық білдірді. Ұлттық тасымалдаушы бағаның өсу себебін түсіндірді.
<a href="https://www.facebook.com/groups/astanacompandcomp/">Facebook</a>-тегі “Астана, хочу похвалить/пожаловаться” тобында Наталья Ким лақап атты&nbsp;қолданушы бағаның айтарлықтай өсуіне байланысты «Жолаушылар тасымалы» АҚ басшылығына сұрақ қойды.
<blockquote>
 «Менде «ҚТЖ Жолаушылар тасымалы» АҚ басшылығына сұрақ бар. 26 желтоқсанда Қызылордаға&nbsp;Тальго пойызының билеті неге 14 мың теңге тұрады, ал 27 желтоқсанда 23 мың? Мұның себебі неде? Кассадан маған: «Мерекеге байланысты деді. Мұны қалай түсінуге болады? Аяз ата мен Ақшақардың қатысуымен шоу бағдарламасы бола ма ол күні?», деді ол.
 «Жолаушылар тасымалы» АҚ ресми өкілі Диас&nbsp;Ахметшәріп&nbsp;Sputnik&nbsp;Қазақстанға компания негізінде 47 маршрут бар екенін айтты. Оның ішінде 37-сі мемлекет қаржыландыратын әлеуметтік маңызы бар бағыттар. Тағы 10-ы жолаушылар тасымалын өздері субсидиялайтын коммерциялық бағыттар. Олардың тоғызы – испандық Тұлпар Тальго&nbsp;вагондары.
</blockquote>
Компания 2018 жылдың қыркүйегінде іске қосқан «Динамикалық тарифтерді басқару» (ДТБ) бағдарламасына сәйкес, егер жолаушылар ақша үнемдегілері келсе, пойыз билеттерін рейстен 45 күн бұрын сатып алу керек. Жүру күні қаншалықты жақын болса, билеттерге сұраныс соғұрлым жоғары болады, бұл бағаның жоғарылауын білдіреді.
<blockquote>
 «Бұл әлемдік тәжірибе, оны негізінен Еуропаның барлық елдерінде әуе тасымалдаушылар пайдаланады. Біріншіден, бағдарлама жолаушының өз қаражатын үнемдеу үшін бағытталған. ДТБ бағдарламасы бойынша, 45 күн ішінде бұл негізгі билет бағасының 25% -ына дейін үнемдейді. Бұл жолаушы үшін үнемдеу болып табылады. Жүру күні неғұрлым жақын болса, соғұрлым сұраныс көп болады, нәтижесінде билеттер базалық бағаның 25% -ына дейін жетеді. Баға енді көтерілмейді, өйткені мемлекет тарапынан бақылауда”, – Диас Ахметшәріп
</blockquote>
Алайда, коммерциялық бағыттардағы жағдай басқаша.
«Жолаушылар тасымалы» АҚ жолаушылардан алдымен билетті қай бағытта (әлеуметтік немесе коммерциялық) сатып алынатындығын қарауды&nbsp;сұрайды.
Билеттерді ұшуға 45 күн қалғанда сатып алу ұсынылады. Сонымен қатар, егер жолаушылар билетті компанияның сайты арқылы сатып алса. Билетті түнгі 12-де емес, таңертең шамамен 7-де сатып алу&nbsp;керек. Дәл осы кезде ақша үнемдеуге болады.
Еске салайық, 2019 жылдың тамызында «Жолаушылар тасымалы» акционерлік қоғамы билеттерді қайтару айыппұлдарын алып тастады. Бұған дейін жолаушылар компанияның 1000 теңге (2,5 доллар) көлеміндегі қаражатын қайтаруға мәжбүр болған.
Қазан айында Бәсекелестікті қорғау және дамыту комитеті азаматтардың жоғарыда көрсетілген соманы ұстауына байланысты олардың лауазымдық өкілеттіктерін асыра пайдалану фактілерін анықтады. 15 қазанда «Нұр-Сұлтан» мамандандырылған ауданаралық әкімшілік соты бұл компанияны кінәлі деп танып, 865 миллион теңге (2,2 миллион доллардан астам) айыппұл салды.

Қазақстан және Қызылорда облысының жаңалықтары: Қоғам