<a href="https://kyzylorda-news.kz/">Kyzylorda-news.kz.</a> Қазақстанның қалаларында есірткінің жасырын жарнамасы бар сегіз баннер анықталды, деп хабарлайды&nbsp;<a href="https://stan.kz/kazakstanda-esirtki-zharnamasi-bar-8-banner-aniktaldi-324462/">Stan.kz</a>.
Ведомствоның хабарлауынша, әлеуметтік желілерде есірткіні тарату сайтына жіберетін баннерлер туралы ақпарат пайда болды. Осыдан кейін полиция тексеру жүргізді, нәтижесінде сегіз баннер анықталып, бөлшектелді. Олардың жарнамалық компанияның тапсырысымен орнатылғаны атап өтілді.
<blockquote>
 «Баннер жарнамаларын тапсырыс беруге және орналастырумен айналысатын адамдар анықталды, оларды ұстау және жауапкершілікке тарту шаралары қабылдануда. ІІМ Есірткі қылмысына қарсы күрес департаменті жарнама бизнесінің қатысушыларына және полиграфиялық қызметтер компанияларына есірткіге қарсы заңнаманың сақталуы үшін тапсырыстар мен өнімдерді міндетті түрде тексеру қажеттілігі туралы ескертеді», – деп атап өтті ішкі істер министрлігінде.
</blockquote>
Ақпараттық-коммуникациялық жүйелердің дамуымен есірткіні Интернет-ресурстар арқылы сату және жылжыту кеңейе түскені атап өтілді. Ішкі істер министрлігінің мәліметінше, жыл басынан бері арнайы топтар есірткі тарататын бес мыңнан астам сайтты анықтап бұғаттаған. Заңнаманы бұзған жағдайда, есірткі заттарын анық және жасырын жарнамалау фактілерін анықтаған қазақстандықтардан WhatsApp арқылы хабарлауды сұрайды.
Нөмірлер&nbsp;ІІМ порталында және облыстық полиция басқармаларының ішкі порталдарында жарияланған.

Қазақстанда есірткі жарнамасы бар 8 баннер анықталды

<a href="https://kyzylorda-news.kz/">Kyzylorda-news.kz.</a> Гонконгте жаппай наразылық кезінде қазақстандық студент тұтқындалды, деп хабарлайды&nbsp;<a href="https://stan.kz/gonkongtegi-kaktigis-kezinde-kazakstandik-student-tytki-324475/">Stan.kz</a>.&nbsp;
Ведомстводағылардың мәліметінше, Гонконг полициясы қазақстандық студенттің тұтқындалған туралы елшілерімізге хабарлаған. Белгілі болғандай, Баптист университетінің 1-курсында оқып жатқан Нүкпи Әбілқайыр 18 қарашада биліктің наразылыққа шыққандармен қақтығысы кезінде тұтқындалыпты.&nbsp;
<blockquote>
 «Консулымыз тұтқындалған жас жігітке барып, кездесті. Денсаулығы тұрақты. Оң қолының шынтағында жарақат бар. Полицейлер тұтқындаған кезде құлап, сол кезде жарақаттаған екен», – дейді министрліктің баспасөз қызметі өкілдері.&nbsp;
</blockquote>
Сонымен қатар министрліктегілер жас жігіттің ұсталу жағдайына қатысты шағымы жоқ екенін айтты.&nbsp;
20 қарашада алдын ала отырыс өтті. Елшілер аталған ісіті айрықша бақылауға алды. Олар отандасымыздың құқығы сақталғанын қадағалайтын болады.&nbsp;
Сонымен қатар қазіргі уақытта қазақстандық жігіт үшін қорғаушылар іздестірілуде. Соңғы уақытта мұнда 4 мыңнан аса адам тұтқындалғандықтан, қораушылар жетіспеушілігі байқалуда.&nbsp;
Бұған дейін СІМ Гонконгтағы жаппай наразылық үшін қазақстандық студенттерді елге оралуға шақырған еді.

Гонконгтегі қақтығыс кезінде қазақстандық студент тұтқындалды

<a href="https://kyzylorda-news.kz/">Kyzylorda-news.kz.</a> Отандық танымал әнші Төреғали Төреәлі тағы да сынға ұшырады. Бұл жолы өнер иесі өз кәсібінің жарнамасында атақты “Сүгір термесін” қолданғаны үшін сыналуда. Эстрада жұлдызына қарсы шыққан маңғыстаулықтар оны сотқа беруге ниетті, деп хабарлайды <a href="https://kaz.nur.kz/1827946-jgili-sgirdi-termesin-zgertip-zarnama-zasagan-tregalidi-basy-dauga-kaldy.html">KAZ.NUR.KZ</a>.
Аталмыш бағдарлама барысында Төреғалидің елге танымал терменің мәтінін өзгертіп, оны өз мақсатында пайдаланғанына қатысты пікірталас өрбіді.
Сүгір Бегендікұлының немересі бұл жағдайға өз наразылығын білдіріп, өнер иесі авторлық құқықты бұзғанын жеткізді.
<blockquote>
 «Жігіттер маған әлеуметтік желіде жібере бастады. Мен алдымен ойландым, жан-жағыммен ақылдастым. Қазіргі заманда сауатсыз адам жоқ қой. Қыдырәлі бүлдірді – үндеген жоқпыз. “Кешью” сірә, аяғын көтерді – оған да үндеген жоқпыз. Баяғыда айтыпты бір кісі “қарнымның ашқанынан емес, қадірімнің қашқанынан” деп. Енді қашанғы жүреміз. Сүгірді осындай дәрежеге дейін түсіретіндей не болды? Бүгінде авторлық құқық қорғалды, құдайға шүкір. Заңгерлер де айтып отыр. Төреғалидің өзіне, әкімшісіне де шығып, сұралған бұл жайт. “Өзің кешірім сұрай ғой” дегенбіз. Басында оны сотқа беру жайында ойымыз болған жоқ. Содан ол хабарласқан да, кешірім сұраған да жоқ. Біз маңғыстаулық халық өте момын халықпыз ғой. Енді заң аясында жауап беретін шығар деп ойлаймын. Жауап беруге тиісті, міндетті. Заңға енді жүгініп бастаймыз. Бұл жерде тек мен ғана емес, барлық Маңғыстау өлкесінің азаматтары оны күтіп отыр. Енді өзі келмесе, орган алып келетін шығар» , – деді Жәнібек Сүгіров.
</blockquote>

Әйгілі &#8220;Сүгірдің термесін&#8221; өзгертіп, жарнама жасаған Төреғалидің басы дауға қалды (ВИДЕО)

<a href="https://kyzylorda-news.kz/">Kyzylorda-news.kz.</a> Қазақстанда цифрлық техника сатылатын дүкендерде аудио және бейнетехника қымбаттайды, деп хабарлайды <a href="https://kaz.tengrinews.kz/naryk/kazakstanda-smartfon-noutbuk-jane-teledidar-kyimbattauyi-302804/">Tengrinews.kz</a>.
Бұл авторлық сыйақы беру бойынша қаулыда сыйақы төлемін орнатуға байланысты.&nbsp;
Аудиобейнетехникалардың бағасы өсуі мүмкін екені Алматыдағы брифинг кезінде белгілі болды. Кәсіпкерлер палатасына жүгінген бизнесмендер заңнамадағы өзгерістерге сүйеніп отыр.&nbsp;
Кәсіпкерлердің айтуынша, енді аудио және бейнематериал қосылатын әр құрылғы үшін оның өндірушісі мен&nbsp;импорттаушысы тауар бағасының 0,7 пайызын беруі керек. Қазақстанда автордың келісімінсіз жеке мақсатта фонограмма&nbsp;қосу&nbsp;жайлы қаулыдағы өзгеріске байланысты авторлық сыйақының минимал төлемі осындай.&nbsp;
<blockquote>
 “Бұған дейін Қазақстанда авторлық жинау болмайтын. Бәрі шарттық негіз бойынша. Төлем болмады. Техника бағалары әзірше өскен жоқ, бірақ авторлық төлем салығы салынатын базаға енген тауарлар тізімі қабылданғаннан кейін өседі. Үкімет қаулысын қайтару немесе тоқтата тұруды қалаймыз”, – деді қазақстандық&nbsp;сауда-саттық компаниялары, электр-компьютерлік және тұрмыстық техникалар мен күрделі техникалық жүйелерді өндірушілер қауымдастығының (КАТЭКС) төрағасы Сергей Архипкин.&nbsp;
</blockquote>
Салық салынатын тауарлардың алдын ала тізіміне ұялы телефондар, теледидарлар, ноутбуктер, компьютерлер енеді. Себебі бұл құрылғыларда авторлық контент ойнатылуы мүмкін. Әділет министрлігінің мәлімдеуінше, авторлық құқық төлемі мынадай пропорциямен бөлінеді: қырық пайызы – авторларға, отыз пайызы – орындаушыларға, отыз пайызы – фонограмма өндірушілеріне.&nbsp;
Баспасөз мәслихатының соңында заңға өзгерістер мен ұсыныстарын енгізетін жұмыс тобын құруға шешім қабылданды. Ал Әділет министрлігіндегілер кәсіпкерлермен ашық диалог жүргізуге дайын екенін мәлімдеді.

Қазақстанда смартфон, ноутбук және теледидар қымбаттауы мүмкін

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Елордада «Egemen Qazaqstan» газетінің ұжымы 100 жылдық мерейтойын атап өтуде. Салтанатты шарада жас тілшілердің арасында жарияланған «Үміт» конкурсының жүлдегерлері марапатталды.
Конкурсқа қатысқан жас тілшілердің арасында әріптесіміз, «Ақмешіт жастары» газетінің тілшісі Ерасыл Шәрібек жүлделі ІІ орынды жеңіп алды.&nbsp;
Ерасыл Шәрібек «Egemen Qazaqstan» &nbsp;газетінің тарихына үңіліп, онда қызмет еткен Қалқаман Әбдіқадыровтың қалай жұмысқа тұрғанын, Ұзақ Бағаевтың азаматтық ұстанымы туралы қызықты деректер жинақтап «Өткеннің өнегесі өшпейді» тақырыбындағы мақаласы үшін марапатталды. Жас тілшіге 300&nbsp;000 теңгенің сертификаты табысталды.
Әріптесімізге шығармашылық табыс тілейміз.

Қызылордалық жас тілші «Егеменнің» жүлдесін еншіледі (ВИДЕО)

Kyzylorda-news.kz. “Ақжол” фракциясының депутаттары үкіметке сауал жолдап, ұялы байланыс операторларының әрекетіне арызданды, деп хабарлайды&nbsp;<a href="https://sputniknews.kz/">Sputnik Қазақстан</a>.
Депутат Екатерина Никитинскаяның айтуынша, биыл Activ, Kcell мен Beeline жаңа тарифтік жоспарға ауысты. Оған сәйкес, абоненттік төлемді төрт аптада бір рет жасау қажет.
<blockquote>
 “Бұрын ондай төлем айына бір рет жасалатын. Ал жаңа тарифтік жоспардың нәтижесінде әрбір абонент енді бір жылда 12 рет емес, 13 рет төлем жасайды. Былайша айтқанда, тарифті жасырын түрде 8 процентке көтеріп тастады”, – деді Никитинская.
</blockquote>
Оның сөзіне қарағанда, ұялы байланыс операторлары ресми түрде ескерту де жасаған жоқ. Себебі индустрия және инфрақұрылымдық даму министрінің бұйрығында олқылық бар. Операторлар соны пайдаланып, тарифті көтеріп отыр. Ал арнайы ережеде тарифтік жоспарлар туралы хабарландыру міндеті болса да, заңда әкімшілік жаза қарастырылмаған.
<blockquote>
 “Бір қызығы, операторлардың тарифтік жоспарлары бір уақытта өзгерді. Соның арқасында олар жылына 38-50 миллиард теңге көлемінде қосымша табыс табады”, – деп атап көрсетті Никитинская.
</blockquote>
“Ақжол” фракциясының депутаттары өз сауалын үкімет басшысының орынбасары Роман Склярға жолдап, ұялы байланыс туралы ережеге өзгеріс енгізу мәселесін қарастыруды сұрады. Ал ұлттық экономика министрлігі арнайы тергеуді өткізуі шарт. Себебі операторлар өзара келісуі мүмкін.

&#8220;Бір уақытта өзгерді&#8221;: Ұялы байланыс операторларының қулығы әшкере болды

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев «Egemen Qazaqstan» газетінің 100 жылдық мерейтойына орай құттықтау жолдады. Еліміздің бас басылымның мерейтойына орай өтіп жатқан салтанатты шарада Мемлекет басшысы құттықтауын ҚР Мемлекеттік хатшысы Қырымбек Көшербаев оқып берді, деп хабарлайды <a href="http://lenta.inform.kz/kz/kasym-zhomart-tokaev-egemen-qazaqstan-kazak-baspasozinin-kara-shanyragyna-aynaldy_a3587349">ҚазАқпарат</a>.
<blockquote>
 «Egemen Qazaqstan» газетінің ұжымын газеттің 100 жылдық мерейтойымен шын жүректен құттықтаймын! Бұл бір ұжымға ғана емес бүкіл елімізге ортақ қуаныш. «Egemen Qazaqstan» әуел бастан ұлттық мүддені, елдік мұратты және рухани құндылықтарымызды дәріптеп, қазақ баспасөзінің қара шаңырағына айналды. 100 жасаған газеттің егеменді ел болу жолында жасаған жұмысы ұшан-теңіз», – деп атап өтеді Мемлекет басшысы.
</blockquote>
Қазақстан Президенті Смағұл Сәдуақасов, Жүсіпбек Аймауытов, Мұқтар Әуезов, Бейімбет Майлин, Сәкен Сейфуллин, Тұрар Рысқұлов сияқты Алаш арыстары басқарған басылым әрдайым қазақтың рухын биік ұстағандына баса назар аудартады.
<blockquote>
 «Газет ұжымы кеңес заманының өзінде ана тіліміз бен ұлттық санамызды сақтауға, төл мәдениетіміз бен тарихымызды насихаттауға, елдігімізді нығайтуға өлшеусіз үлес қосты. «Egemen Qazaqstan» Тәуелсіздіктің елең-алаңында да Шерхан Мұртаза мен Әбіш Кекілбаевтай біртуар азаматтардың басшылығымен мемлекет іргесін биіктетуге атсалысты. Қазақстанның шежіресі бас басылымның тарихымен қатар өрбіді. Тәуелсіздік таңы атқалы газеттің әр санында Елбасының барлық бастамалары мен шешімдері, мемлекеттік маңызы бар іс-шаралар баяндалды. Осы игі үрдіс жаңғырудың жаңа кезеңінде жалғасын тауып, егемендіктер Тәуелсіздігіміздің баянды болуы жолында жемісті қызмет ете береді деп сенемін. Ғұмыры ғасырмен өлшенетін газеттің торқалы тойы құтты болсын», – деді Қасым-Жомарт Тоқаев.
</blockquote>

Қасым-Жомарт Тоқаев: «Egemen Qazaqstan» қазақ баспасөзінің қара шаңырағына айналды

<a href="https://kyzylorda-news.kz/">Kyzylorda-news.kz.</a> Бүгін сағат 09:15 шамасында Қызылорда қаласы Назарбаев даңғылы бойында «Тойота Камри» маркалы автокөлігі «Мерседес Бенц» маркалы автокөлігін сол қапталынан ұрып, көлік құралын басқаруға ие бола алмай, автобус аялдамасында тұрған адамдарға соққан.
Оқиға салдарынан үш адам оқиға орнында қайтыс болып, 2 адам медициналық мекемеге жеткізілді. Кінәлі автокөліктің жүргізушісі оқиға орнында анықталып, уақытша ұстау абақтысына қамаққа алынды. Сараптамалар тағайындалды.
<blockquote>
 «Аталған дерек бойынша Казақстан Республикасы Қылмыстық кодексінің 345-бабының 4-бөлігімен (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы)&nbsp; сотқа дейінгі тергеп-тексеру жұмыстары жүргізілуде», – делінген облыстық Полиция департаментінің баспасөз қызметінің хабарламасында.
</blockquote>

Қызылордада жол көлік оқиғасынан 3 адам қайтыс болды

<a href="https://kyzylorda-news.kz/">Kyzylorda-news.kz.</a> Мәжілістің пленарлық отырысында ҚР Бас прокурорының орынбасары Марат Ахметжанов “Қазақстан Республикасының кейбір заңнамалық актілеріне қылмыстық және қылмыстық-процестік заңдарды жетілдіру мәселелері бойынша өзгерістер мен толықтырулар енгізу туралы” заң жобасын талқылау кезінде бірқатар қылмыс жасағаны үшін жазаның қалай өзгеретінін айтты, деп хабарлайды&nbsp;<a href="https://kaz.zakon.kz/4995606-zorlau-men-mal-rly-y-ylmysynda.html">Zakon.kz</a>.
Ол бұл түзетулердің Президенттің тапсырмасы бойынша қасақана кісі өлтіру, педофилия, браконьерлік, зорлау, есірткі саудасымен айналысқандар, ұйымдасқан қылмыстық топ құрамындағы қылмыстар үшін жазаны қатайту мақсатында әзірленгенін айтты. Заң жобасын бірнеше блокқа бөлуге болады. Бірінші заң топтамасында мал ұрлығы үшін жауапкершілікті күшейту ережесі қарастырылған.
Тәжірибе мал ұрлығы ұйымдасқанқан қылмысқа айналғанын көрсетіп отыр. Бұл ұйымдасқан қылмыстық топты қолдайтын шенеуніктер, тіпті құқық қорғау органдарының қызметкерлері бар. Сондықтан жаза күшейтілді. Егер, бұрын ұрлық жасаған адам келтірілген зиянды өтейтін болса, онда қылмыстық іс тоқтатылатын, сөйтіп тергеу соңына жеткізілмей, оның артында тұрған адамдар жауапсыз қалатын. Статистикаға сүйенсек, ұрлықтың 60% -ы тараптардың татуласуына алып келеді.
<blockquote>
 «Негізгі себеп – ұрланған малды қайтару. Сондықтан қылмыстың бұл түріне қарсы күресті, жауапкершілікті күшейту қажет. Заң жобасындағы жазаға келетін болсақ, қылмыстың қарапайым құрамы үшін – 5 жыл, алдын ала сөз байласу арқылы ұрлағаны үшін – 7 жыл, ұрлықты қайталанғаны үшін – 10 жыл. Ал, егер бұл әрекетті қылмыстық топ жасаған болса, онда 12 жылға дейін бас бостандығынан айыру жазасы қарастырылған», – деді Ахметжанов.
</blockquote>
Тағы бір заң жобасы топтамасы зорлық-зомбылық қылмыстарды қамтиды.
<blockquote>
 «Енді зорлау, сексуалдық зорлық-зомбылық үшін жаза қатайтылады. Зорлық-зомбылық орташа категориядан ауыр қылмысқа ауыстырылады. Сондай-ақ бұл арада тараптардың ымыраласуына жол берілмейді. Балаларға қарсы жасалған осындай қылмыстар үшін бұл ерекше ауыр қылмыстарға жатқызылады. 14 жасқа дейінгі балаларды зорлағаны үшін 20 жылға дейін немесе өмір бойына бас бостандығынан айыру жазасы қарастырылған», – деп атап өтті Бас прокурордың орынбасары.
</blockquote>
Сондай-ақ педофилия туралы жалған фактілер жасағаны үшін жаза күшейтілуде.
<blockquote>
 «Мысалы, интернатта тәрбиеленетін балаларға, егер тәрбиеші оларға қарсы қылмыс жасаса, тиісті жауапкершілік қарастырылған», – деп қосты ол.
</blockquote>
Заң жобасында үлкен резонанс тудыратын қоршаған ортаға қарсы қылмыстар туралы ережелер бар.
<blockquote>
 «Қазір заңсыз аң аулау, балық аулау, жануарлар әлеміне қарсы әрекеттер қылмыстық құқық бұзушылық болып табылады. Енді олар орташа қылмыстар санатына жатқызылатын болады. Жазасы да артып келеді. Егер осыған дейін айыппұл 500 мың теңгені құраса, онда ол енді 10 миллионға дейін артып отыр.Енді бұл әрекеттері үшін адамды 50 күнге дейін қамауға алуға болады, енді 4 жылға дейін бас бостандығынан айыру жазасы қарастырылған. Егер бұл қылмыстар қорықта жасалса немесе жалпы қайықтармен ұсталса, жаза 6 жыл, егер бандалар болса, онда 10 жылға дейін. Қылмыс құралы: көлік, қайық, мылтық – барлығы тәркіленеді», – деді Ахметжанов.
</blockquote>
Сонымен қатар, мас күйінде көлік жүргізгені үшін жауапкершілік күшейтіледі.
<blockquote>
 «Енді мас күйінде рөлге отырған адам өмір бойы көлік жүргізу құқығынан айырылады. Әкімшілік құқық бұзушылық туралы кодексте қамауға алу мерзімі 30 күнге дейін, көлік құралын жүргізу құқығынан айыру 8 жылға дейін ұзартылады», – деп сөзін түйіндеді ол.
</blockquote>

Зорлау мен мал ұрлығы қылмысында тараптардың ымыраға келуіне тыйым салынады

<a href="https://kyzylorda-news.kz/">Kyzylorda-news.kz.</a> Биыл Қызылорда облысында мемлекеттік органдарға тексеру жұмыстары жүргізіліп, 49 заң бұзушылық анықталды. Бұл өткен жылмен салыстырғанда мемлекеттік қызметкерлердің заң бұзу дерегі 3,3 пайызға азайған.
Бұл туралы Өңірлік коммуникациялар қызметінің ақпарат алаңында өткен брифингте ҚР Мемлекеттік қызмет істері агенттігінің Қызылорда облысы бойынша департаментінің басшысы, Әдеп жөніндегі кеңес төрағасы Нұрман Талқанбаев мәлімдеді.
<blockquote>
 “Орын алған заңбұзушылықтар арасында әдеп нормаларын сақтамау,жеке және заңды тұлғалардың өтініштерін мерзімінде және тиісінше қарамау, табыс және мүлік туралы салық декларациясын мерзімінде ұсынбағандар кездесті. Сондай-ақ, тәртіптік кеңесте 541 маман жауапқа тартылды. Мұнан өзге, мемлекеттік қызметкерлердің артық жұмыс істемеуі басты назарға алынып, 43 мемлекеттік органда компьютерлерді автоматты түрде өшіру жүйелері орнатылды”, – деді Нұрман Талқанбаев.
</blockquote>
Сонымен қатар, сала мамандары облыс және аудан орталықтарында 250-ден астам тұрғынның қатысуымен жеке қабылдау өткізді.

Қызылордада заң бұзған мемлекеттік қызметкерлердің саны 3,3 пайызға азайды

<a href="https://kyzylorda-news.kz/">Kyzylorda-news.kz.</a> ҚР Парламенті Мәжілісінің депутаты Қуаныш Сұлтанов “Қазақстан Республикасының кейбір заңнамалық актілеріне қылмыстық және қылмыстық-процестік заңнаманы жетілдіру мәселелері бойынша өзгерістер мен толықтырулар енгізу туралы” заң жобасын қолдайтынын жеткізіп, ұрлық мәселесіне тоқталды.&nbsp;
<blockquote>
 «Қоғамның денсаулығы дұрыс еместей көрінеді. Есі дұрыс адам нәрестеге зорлық жасай ма, есі дұрыс адам осы қоғамда қалай мектептің ауласына кіріп кетеді? Осы жағдайлардан біздің салғырттығымыз, қоғамның салғырттығы көрінеді. Осыған байланысты құқық қорғау органдарының құқықтарын күшейтіп, оларға мүмкіндіктер беріп отырмыз. Екінші жағынан құқық қорғау органдарының жауапкершілігін күшейту керек», – деп айтты депутат.
</blockquote>
Сұлтанов ұрлық қылмыстарының ашылмауына құқық қорғау органдарының да әсері барын айта кетті.
<blockquote>
 Қоғамның дені сау болмаған соң ұрлық жасайды. Неге балаларымыз ұрлыққа бейімделеді? Содан барып үйір-үйір жылқы ұрлауға дейін өседі. Мұны құқық қорғау органдарының басшылары өздері айтып отыр, біледі. Наркотұрақ қайда екенін біледі, малды ұрлап оны Қостанайдан Қырғызстанға, Қырғызстан Қостанайға айдайтын жолдардың бәрін біледі. Неге жабылмайды осының бәрі? Осыған деген көзқарасты өзгертіп, заңның жұмыс істеуін қамтамасыз етуіміз керек. Жалпы сауатты және өркениет талаптарына сай заңдарымыз бар, бірақ орындауға келген кезде тыпырлаймыз да қаламыз. Соңында Парламент кінәлі болып шығады, – деді ол.
</blockquote>
Парламент Мәжілісінің депутаты ұрлық мәселесіне жалпы қоғам жауапкершілікпен қарауы тиіс екенін айтты.&nbsp;
<blockquote>
 «Бүкіл қоғам осыған қарсы өре түре келмесек ұрлықты тоқтата алмаймыз. Мал ұрлады ма, үйрек ұрлады ма, қазы ұрлады ма, ұрлық деген өте жаман мінездеме. Қоғамның ауруы, дерті деген сөз. Құқық қорғау органдарының қызметкерлері “заңның мынадай бабы бар, осыдан сақ болыңдар” деп теледидардан күнде сөйлесін. “Ұрлыққа бармаңдар, 20 жыл тұтқында отырасыңдар” деп алдын ала ескертейік. Қоғамның құлағына кіргізу мәселелерін қолға алуымыз керек», – деді депутат.
</blockquote>
Сұлтанов бұрындары кәмелетке толмағандар ісі бойынша комиссиялар болғанын, осы жұмыстарды да қайта жаңарту қажет екенін айтты.
<a href="https://baq.kz/news/othernews/quanysh-sultanov-qogam/">baq.kz</a>

Қуаныш Сұлтанов: Қоғамның есі дұрыс емес

&nbsp;<a href="https://kyzylorda-news.kz/"></a><a href="https://kyzylorda-news.kz/">Kyzylorda-news.kz.</a> Көп жылдар бойы пойыздар жолаушыларын төсек-жабдықпен қамтамасыз етіп келген компаниямен “Жолаушылар тасымалы” АҚ келісім-шартты бұзды.&nbsp;Бұл туралы компанияның ресми сайтында хабарланған.
Алайда, оның орнына келген жаңа компания тасымалдау операторын жерге қаратып отыр. Соның кесірінен “Жолаушылар тасымалы” АҚ 1-20 қараша аралығында стандартқа сай көрпе-жабдықпен қамтамасыз ете алмағаны үшін жолаушыларға артық ақшаны қайтарып беретін болды.
Бір қызығы, бұл жайттың алдын алуға болатын еді. Алайда, кәсіпкер Асқар Омаровтың айтуынша, “Жолаушылар тасымалы” үнемдеудің орнына, керісінше, қыруар шығынға батып келеді.
Жолаушылар пойыздарына төсек-жабдық жеткізіп отырған “Ас-Ай” компаниясы осыдан бес жыл бұрын тендерде жеңімпаз атанған. Алайда, “Жолаушылар тасымалының” оны жақындатқысы жоқ. Пайдадан айырылған “Ас-Ай” ЖШС қарап қалмай, тасымалдау компаниясын бірнеше рет сотқа беріп, барлығында да жеңіске жетті. Сот шешімдері бар. Өндірілмеген пайданы жауап беруші төлеп келеді. Соған қарамастан, “Ас-Ай” компаниясы “Жолаушылар тасымалы” тарапынан олқылықтар барын алға тартып отыр.
<blockquote>
 «Бүгінде төсек-жабдық үшін тасымалдау операторы бір компанияға ақша төлеп отыр. Ол компания міндеттемені уақытында орындай алмады. Бұл туралы ресми сайтта хабарлама жарияланды. Ал біз сот шешімімен айырылған пайданы өндіріп алып отырмыз. Сонда, “Жолаушылар тасымалы” екі мәрте шығынға батып отыр емес пе?», – дейді Асқар Омаров.
</blockquote>
Кәсіпкердің айтуынша, бұл олқылық бірнеше жылдан бері жалғасып келеді.&nbsp;
<blockquote>
 «Біз заңды тендер жеңімпазымыз. Алайда, тасымалдау мекемесі басқаға басымдық беріп отыр. Онсыз да шығынға ұшырап отырған теміржол саласы одан сайын артық шығын төлеп келеді. Мұның барлығы басшылықтың дұрыс жұмыс жасамауынан. Осындай жағдайға жеткізіп алған соң, тіпті “Жолаушылар тасымалы” компаниясына неміс азаматын басшылыққа тағайындады. Әліптің артын бағамыз. Алайда, мен президент Тоқаев пен “Қазақстан теміржолы” ҰК” АҚ Президенті Мыңбаевқа хат жазамын. Мұндай бассыздықты болдырмау керек», – дейді Асқар Омаров.
</blockquote>

Қазақстан және Қызылорда облысының жаңалықтары: Қоғам

Қазақстанда есірткі жарнамасы бар 8 баннер анықталды

Гонконгтегі қақтығыс кезінде қазақстандық студент тұтқындалды

Әйгілі “Сүгірдің термесін” өзгертіп, жарнама жасаған Төреғалидің басы дауға қалды (ВИДЕО)

Қазақстанда смартфон, ноутбук және теледидар қымбаттауы мүмкін

Қызылордалық жас тілші «Егеменнің» жүлдесін еншіледі (ВИДЕО)

“Бір уақытта өзгерді”: Ұялы байланыс операторларының қулығы әшкере болды

Қасым-Жомарт Тоқаев: «Egemen Qazaqstan» қазақ баспасөзінің қара шаңырағына айналды

Қызылордада жол көлік оқиғасынан 3 адам қайтыс болды

Зорлау мен мал ұрлығы қылмысында тараптардың ымыраға келуіне тыйым салынады

Қызылордада заң бұзған мемлекеттік қызметкерлердің саны 3,3 пайызға азайды

Қуаныш Сұлтанов: Қоғамның есі дұрыс емес

Тальго пойызына билет алған жолаушылар артық төлеген қаржысын қайтарып алуына болады

Қазақстан және Қызылорда облысының жаңалықтары: Қоғам

Қазақстанда есірткі жарнамасы бар 8 баннер анықталды

Гонконгтегі қақтығыс кезінде қазақстандық студент тұтқындалды

Әйгілі &#8220;Сүгірдің термесін&#8221; өзгертіп, жарнама жасаған Төреғалидің басы дауға қалды (ВИДЕО)

Қазақстанда смартфон, ноутбук және теледидар қымбаттауы мүмкін

Қызылордалық жас тілші «Егеменнің» жүлдесін еншіледі (ВИДЕО)

&#8220;Бір уақытта өзгерді&#8221;: Ұялы байланыс операторларының қулығы әшкере болды

Қасым-Жомарт Тоқаев: «Egemen Qazaqstan» қазақ баспасөзінің қара шаңырағына айналды

Қызылордада жол көлік оқиғасынан 3 адам қайтыс болды

Зорлау мен мал ұрлығы қылмысында тараптардың ымыраға келуіне тыйым салынады

Қызылордада заң бұзған мемлекеттік қызметкерлердің саны 3,3 пайызға азайды

Қуаныш Сұлтанов: Қоғамның есі дұрыс емес

Тальго пойызына билет алған жолаушылар артық төлеген қаржысын қайтарып алуына болады

Әйгілі “Сүгірдің термесін” өзгертіп, жарнама жасаған Төреғалидің басы дауға қалды (ВИДЕО)

“Бір уақытта өзгерді”: Ұялы байланыс операторларының қулығы әшкере болды