<a href="https://kyzylorda-news.kz/">Kyzylorda-news.kz.</a> Қызылорда облыстық музейі жаңа әшекей бұйымдармен толықты.
Халықаралық Орталық Азиялық зерттеулер институты және Қожа Ахмет Яссауи атындағы халықаралық қазақ-түрік университеті арасындағы меморандум негізінде биыл ортағасырлық Сығанақ қаласына жүргізілген археологиялық қазба жұмыстары нәтижесінде табылған жәдігерлер Қызылорда облыстық тарихи-өлкетану музейіне өтті.
Оқу орнының ғылыми қызметкері Қ.Арынов облыстық музейдің «Археология және этнография» ғылыми-зерттеу бөлімі қызметкерлерімен қазба жаңалықтарымен бөлісіп, жәдігерлер тарихы жайлы толық мәлімет берді.
Ортағасырлық Сығанақ қаласы биыл археологтарды алтын олжалармен қуантты. Музей қоры інжу тасы бар алтын сырғалармен, асыл тастар орнатылған алтын тұмармен, өрнектелген алтын түймелермен және інжу моншақтармен толықты.
Сонымен қатар, өрнегі Өзбекстанның археологиялық сәулет өнерінен кем түспейтін өсімдіктектес ою-өрнектермен безендірілген күрделі терракоталар, үшбұрышты және бесбұрышты өрнектелген тақтайшалар, мозайка фрагменттері музей қызметкерлерінің қызығушылығын тудыруда. Алтын Орданың орталығы болған Сығанақ қаласынан табылған артефактілер алдағы уақытта зерттеліп, ғылыми айналымға шығатын болады.

Қызылорда музейі орта ғасыр әйелдерінің алтын әшекейлерімен толықты

<a href="https://kyzylorda-news.kz/">Kyzylorda-news.kz.</a> «Отандастар қоры» КЕАҚ президенті Нұртай Әбіқаевтың облыстардағы Достық үйлерінен қандастарға арналған қоғамдық қабылдау бөлмелерін ашуды ұсынды, деп хабарлайды <a href="https://www.inform.kz/kz/nurtay-abikaev-dostyk-uylerinen-kandastardy-kabyldau-bolmesin-ashudy-usyndy_a3589615">ҚазАқпарат</a>.
<blockquote>
 «Шет елдегі отандастар мен қазақ мәдени орталықтарын қолдау мақсатында шекаралық облыстармен меморандумдарға қол қою арқылы шет елдердегі қазақ мәдени орталықтарына қамқорлық жасауды қолға алдық. Алайда алдымызда әлі де талай асу бар. Түйіні тарқамаған түйткілдер, күрмеуі шешілмеген күрделі жәйттер де жоқ емес. Осы орайда «Отандастар қоры» жұмысының тиімділігі мен нәтижелілігін арттыруға байланысты бірқатар ұйымдастыру мәселелерін кешеуілдетпей шешу керек деп ойлаймыз», – деді ол.
</blockquote>
Нұртай Әбіқаевтың айтуынша, «Отандастар» қорының барлық облыстарда қандастарға қоғамдық қабылдау жүргізетін маманы бар. Алайда, арнайы қоғамдық қабылдау бөлмелері жоқ.
<blockquote>
 «Осы ретте елге оралған қандастарға қоғамдық қабылдауды сапалы деңгейде өткізу үшін облыс басшыларынан «Қазақстан халқы Ассамблеясы» бағдарламасы бойынша құрылған «Достық үйлерінен» дербес орын беруді сұраймыз. Екіншіден, облыстық әкімдіктердің ақпарат тақталарында және ресми сайттарында байланыс орталығының жұмысы жайында ақпарат орналастыру туралы хат осы жылдың қыркүйек айында жіберілді. Алайда оған 205 аудандық және облыстық әкімдіктердің осы уақытқа дейін тек 9-ы ғана жауап берді. Осы мәселені ескере отырып, жергілікті атқарушы органдардан ақпараттық жұмыстарды жүйелі жүргізуге нақты қолдау көрсетуін сұраймыз», – деді ол.
</blockquote>
Оның айтуынша, қандастардың құжаттарын облыстық қоғамдық ұйымдардың арнайы аудармашылары аударады.
<blockquote>
 «Сондықтан ол құжаттарды Дүниежүзі қазақтары қауымдастығы облыстық филиалдарының басшылары растағаны дұрыс. Біздің ендігі басты міндетіміз – шет елдердегі қандастар туралы жинақталған мәліметтерді жүйелеп, қосымша зерттеулер жүргізіп, ғылыми негізде тұжырымдау», – деді ол.
</blockquote>

Нұртай Әбіқаев Достық үйлерінен қандастарды қабылдау бөлмесін ашуды ұсынды

<a href="https://kyzylorda-news.kz/">Kyzylorda-news.kz.</a> Синоптиктер 30 қараша – 2 желтоқсан күндері ауа райы қандай болатынын айтты, деп хабарлайды Қазгидромет.
Синоптиктердің мәліметінше, алдағы күндері батыс және оңтүстік өңірлерде жауын-шашын жауып, көктайғақ болады.
<blockquote>
 «Республиканың басым облысында ауа температурасы орташа көпжылдық мәннен төмен және жауын-шашынсыз болады деп күтіледі. Тек батыста, дүйсенбі күні Қазақстанның оңтүстігінде атмосфералық фронттардың өтуіне байланысты жауын-шашын жауып, көктайғақ болады», – делінген хабарламада.
</blockquote>

Демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz.</a> ҚР Еңбек және халықты әлеуметтік қорғау министрлігі жанындағы арнайы комиссияның шешімімен еңбек әулеттері мен өндіріс қызметкерлері арасында жыл сайын өтетін «Еңбек жолы» республикалық байқауының финалына 9 үміткер анықталды, деп хабарлайды <a href="https://www.inform.kz/kz/enbek-zholy-baykauy-uzdik-enbek-auletine-1-mln-tenge-beriledi_a3589992">ҚазАқпарат</a>.
Министрліктің баспасөз қызметінің мәліметінше, байқау жұмысшыларды танымал ету мақсатында өткізіледі және «Үздік еңбек әулеті», «Өндірістің үздік жас қызметкері», «Жұмыс істейтін жастардың үздік тәлімгері» деген үш номинациясы бар.
Биыл үміткерлерден өтінім қабылдау 1 маусымнан басталды. Байқаудың өңірлік кезеңіне 388 адам қатысты, оның ішінде бірінші номинация бойынша 90, екінші номинация бойынша – 154, үшінші номинация бойынша – 144 өтінім түсті.
Конкурстың республикалық кезеңінде министрлік сайтында өткізілген онлайн дауыс беру барысында 179 329 дауыс келіп түсті, оның ішінде: 23 351 дауыс «Үздік еңбек әулеті» номинациясы бойынша, 65 822 дауыс «Өндірістің үздік жас қызметкері» номинациясы бойынша және 90 156 дауыс «Жұмыс істеуші жастардың үздік тәлімгері» номинациясы бойынша дауыс келіп түсті.
<blockquote>
 «Конкурстың финалистерін іріктеуді ҚР Еңбек және халықты әлеуметтік қорғау вице-министрі Ақмәди Сарбасовтың төрағалығымен, онлайн дауыс беруді ескере отырып, арнайы республикалық комиссия жүзеге асырды. Комиссия құрамына ҚР Еңбекмині, ҚР ҰЭМ, ҚР Президенті жанындағы «Қоғамдық келісім» республикалық мемлекеттік мекемесі, «Атамекен» ҰКП, ҚР Кәсіподақтар федерациясы, Қазақстан Еңбек конфедерациясы мен «Аманат» Қазақстан кәсіподақтар Достастығының Үйлестіру кеңесінің өкілдері кірді», делінген хабарламада.
</blockquote>
Комиссия отырысының қорытындысы бойынша әр номинация бойынша 3 финалист таңдалды. Бұдан әрі комиссия «Әлеуметтік инновациялар жалпыға ортақ еңбек Қоғамына жол» халықаралық форумы шеңберінде 4 желтоқсанда Нұр-Сұлтанда өтетін конкурстың жеңімпаздарын анықтау жөнінде шешім қабылдайтын болады.
<blockquote>
 «Еңбек жолы» байқауының танымалдығы жыл сайын артып келе жатыр. Конкурсқа қатысуға өтінімдер саны өткен жылмен салыстырғанда 58,4% артты. Қазақстандықтарды кәсіби жетістіктерге және жаңа еңбек әулеттерін қалыптастыруға ынталандыру мақсатында біз өз тарапымыздан жүлделі орындар санын арттырдық. Егер өткен жылдары тек номинация үшін марапатталған болса, биылдан 1, 2 және 3 орын үшін марапаттайтын боламыз. Жеңімпаздарға 1 орын үшін – 1 млн теңге; 2 орын үшін – 500 мың теңге және 3 орын үшін – 200 мың теңге көлемінде ақшалай сертификаттар беріледі», – деді Ақмәди Сарбасов.
</blockquote>
Естеріңізге сала кетейік, ҚР Еңбек және халықты әлеуметтік қорғау министрлігі 2016 жылдан бастап Елбасының Нұрсұлтан Назарбаевтың Жалпы Еңбек қоғамын құру идеясын жүзеге асыру мақсатында еңбек әулеттері мен өндіріс жұмысшылары арасындағы республикалық «Еңбек жолы» байқауын өткізіп келеді. Оның негізгі міндеті – еңбек адамдары туралы жағымды қоғамдық пікір қалыптастыру және кәсіпорындар мен ұйымдарда жаңа еңбек әулеттерінің қалыптасуына жағдай жасау болып табылады.

«Еңбек жолы» байқауы: Үздік еңбек әулетіне 1 млн теңге беріледі

<a href="https://kyzylorda-news.kz/">Kyzylorda-news.kz.</a> Қазақстанға көшетін қандастардан талап етілетін құжат саны 43-тен 20-ға дейін қысқартылады. Бұл туралы елордада өтіп жатқан «Отандастар. Болашаққа бағдар» атты халықаралық дөңгелек үстелде ҚР ақпарат және қоғамдық даму министрі Дәурен Абаев мәлім етті, деп хабарлайды <a href="https://24.kz/kz/zha-aly-tar/o-am/item/357606-aza-stan-a-k-ship-keletin-andastardan-talap-etiletin-zhat-sany-ys-ardy">«Хабар 24»</a>.
Министр әлемнің 43 елінде 5-6 миллион қазақ тұратынын атап өтті. Бұл – қазақ этносының үштен бір бөлігі.
<blockquote>
 «Біз шетелдегі қандастарды қолдаудың жаңа тетігін кешенді түрде пысықтап жатырмыз. Ол – халықаралық тәжірибеге негізделген механизм. Екіншіден, министрлік этникалық қазақтардың елімізге көшу рәсімін оңтайландыруға бағытталған жүйелі шаралар әзірлеу бойынша үлкен жұмыс жүргізді. Біз адамдардың «қандас» мәртебесін алуға өтішін беруінен бастап қазақстандық паспорт бергенге дейін барлық процесті талдап, келесі шараларды таңдадық: қандастардан сұралатын құжат санын 46-дан 20-ға дейін қысқартамыз», – деді ол.
</blockquote>
Дәурен Абаев құжат рәсімдеу бойынша барлық қызмет тек бір жерден – ХҚО-да «бір терезе» қағидаты бойынша көрсетілетінін атап өтті.
<blockquote>
 «Бұл ретте алғашқы өтінішті Қазақстанға келмей-ақ біздің шетелдегі елшіліктердің консулдығына беруге болады. Қандастарға уақыт және қаражат жағынан тиімді болуы үшін осы мәселені ескердік. Оған қоса құжат рәсімдеу бойынша барлық қызмет көрсету мерзімі 6 айдан 3 айға дейін қысқарады», – деді ол.
</blockquote>

Қазақстанға көшіп келетін қандастардан сұралатын құжат саны қысқарды

<a href="https://kyzylorda-news.kz/">Kyzylorda-news.kz.</a> Қазақстандық 14 бала Ирактан елге қайтарылды. Бұл туралы сыртқы істер министрінің орынбасары Ержан Ашықбаевпен өткен баспасөз маслихатында белгілі болды, деп хабарлайды <a href="https://kaz.tengrinews.kz/kazakhstan_news/kazakstandyik-14-bala-iraktan-elge-kaytaryildyi-olar-303021/">Tengrinews.kz</a>.
Телеарнаның мәліметінше, Қазақстанға жеткізілген бұл балалардың аналары террористік әрекеті үшін Иракта түрмеде отыр. Ал психологиялық көмекке мұқтаж балалар қазір Нұр-Сұлтан қаласындағы оңалту орталығында. Құжаттары әзірленіп, қажетті ем-домын қабылдаған соң, туыстарына табысталмақ.
<blockquote>
 «Біздің ресми деректерімізге сәйкес, Иракта қазақстандық балалар жоқ. Қазіргі таңда іздестіру шаралары жалғасып жатыр.&nbsp;Егер дәйектелген, қазақстандық балалар болса, олардың елге қайтуы бойынша жұмыстар жасалады», – деді сыртқы істер министрінің орынбасары Ержан Ашықбаев.
</blockquote>
Елге қайтарылған 14 баланың ең үлкені 13-жаста, кішісі 2-де.&nbsp; Еске салайық, мұның алдында&nbsp;Ирактағы&nbsp;балалардың елге қайтарылатыны&nbsp;хабарланған еді.&nbsp;
<blockquote>
 «Ирак тарапы балаларды қайтаруға келісім беріп отыр. Біз жақын күндері оларды Қазақстанға алып келеміз. Енді бүлдіршіндерді ата-анасының қателігі үшін далада тастай алмаймыз ғой», – деген еді ҚР СІМ арнайы тапсырмалар жөніндегі елшісі Станислав Василенко.
</blockquote>

Қазақстандық 14 бала Ирактан елге қайтарылды: Олар туыстарының қолына беріледі

<a href="https://kyzylorda-news.kz/">Kyzylorda-news.kz.</a> Тұңғыш Президент күні қарсаңында Жаңақорған ауданында топтық су құбырының құрылысы аяқталды.
Жоба аясында 338 шақырым магистральді құбыр тартылып, 10 автоматтандырылған станция салынды. Қазір бас су тоғандары тұрғызылып жатыр. Жаңа гидронысандар келер жылдың алғашқы жартысында пайдалануға беріледі. Сырдария топтық су құбырының іске қосылуымен 16 ауылдық округтегі 23 мыңдай тұрғын сапалы ауыз су тұтынады. Олар осы күнге дейін құдықтан тартып немесе егістік суаруға арналған арналардан тасып, санитарлық талапқа сай емес су ішіп келген.

Жаңақорғанның 23 мың тұрғыны ауыз сумен қамтылады

<a href="https://kyzylorda-news.kz/">Kyzylorda-news.kz.</a> Байқоңыр ғарыш айлағында 2020 жылғы ұшырылымдарға дайындық жүріп жатыр, деп хабарлайды <a href="https://www.inform.kz/kz/baykonyrga-kelesi-ekspediciyaga-arnalgan-garysh-kemesi-zhetkizildi_a3589691?fbclid=IwAR0cwhxCrLgiRvmtouomVD_hqW96lIo5M9qlRbOXtZSeIV1bSyhnJYpQAeU">ҚазАқпарат</a>.
Ғарыш айлағына ұшу алдында дайындық жүргізу үшін «Союз МС-16» басқарылатын ғарыш кемесі жеткізілді. Ресейдің зымыран-ғарыш саласындағы кәсіпорын мамандары оны вагоннан түсіріп, ұшу кемесін қабылдап алу үшін және оны сақтау үшін монтаж-сынақ ғимаратына қойды, деп хабарлады «Роскосмостың» баспасөз қызметінен.
&nbsp;Басқарылатын кеме техникалық кешенде сақталмақ. «Союз МС-16» көліктік басқарылатын кемесі Халықаралық ғарыш стансасынан кезекті 63/64-ші негізгі экспедициямен бірге 2020 жылдың 9 сәуірінде ұшырылады деп жоспарланып отыр.
63/64 ХҒС құрамына ресейлік Николай Тихонов, Андрей Бабкин және америкалық Крис Кессиди, олардың дублері ресейлік ғарышкерлер Анатолий Иванишин мен Иван Вагнер, сондай-ақ америкалық астронавт Стивен Боуэн бекітілді. Экипаждар Байқоңырға әдеттегідей ұшуға екі апта қалған кезде келеді.
<img src="https://kyzylorda-news.kz/wp-content/uploads/2019/11/29dostavlen2.jpg" alt="" />

Байқоңырға келесі экспедицияға арналған ғарыш кемесі жеткізілді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Әскери-экономикалық оқу жаттығуы &nbsp;13 сағат 03 минутта басталды. Патрульдік полиция «321» экипажы құрамының қызметкерінен Қызылорда қаласы Сырдария өзенінің сол жақ жағалауында орналасқан № 49 көпқабатты тұрғын үйдегі 4-қабатындағы пәтерден табиғи газдың жылыстауы салдарынан жарылыс орын алды.&nbsp;
Жедел жеткен өрт сөндіру қызметінің жеке құрамы барлау жұмыстарын жүргізіп, жарылыс салдарынан ғимараттың бөлек бөліктерінің құлауы мен пәтерлердің және шатырдың өртеніп жатқанын анықтады. Сонымен қатар оқиға орнында көлік қозғалысын шектеу&nbsp; мен тәртіпсіздікті, ұрлықты болдырмау үшін патрульдік қызмет жүргізуге Қызылорда облысы Полиция департаментінен 4 патрульдік полиция экипажы тұрғын үйге жақын орналасқан көшелер мен көше қиылыстарында жол қозғалысын шектеді.
Сатылы автокөлік көмегімен Тұрғын үйдің 4-қабатының терезесінен көмек сұрап тұрған 2 адам және 5-қабатының терезесінен 4 адам құтқарылып, медициналық көмек көрсету үшін апаттар медицинасы орталығы дәрігерлеріне тапсырылды. Олардың психологиялық жағдайын анықтау, оларға психологиялық көмек көрсету үшін психолог мамандар жұмылдырылды.
Жедел-құтқару жасағының кинологиялық бөлімшесінің қызметтік иттерінің көмегімен қирандылар астында қалған адамдардың бар екендігі анықталып, автокөлікке орнатылған көтергіш кран көмегімен бетон плиталарды көтеріліп, қиранды астында құрсауда қалған, есін жоғалтқан бірақ өмір сүру белгілері бар 1 адам табылды.
Барлау жұмыстарының нәтижесінде ғимараттан 25 адам эвакуацияланып, эвакуациялау пунктіне жеткізу үшін көлік қызметінің автобустарына жолданды.
Азаматтық қорғаудың көлік қызметінен келген 3 бірлік автобустар, 75 эвакуацияланған адамды орналастырып патрульдік полиция экипажының бағыттауымен оқиға орнынан эвакуациялау пунктіне жеткізуге жолданды.
эвакуациялау пункті оқиға орынан жақын орналасқан Мұратбаев көшесі № 198 орта мектеп ғимаратында құрылып, жәбірленушілерге&nbsp; алғашқы медициналық көмек көрсетілді.
13 сағат 25 минутта барлау жұмыстары толықтай аяқталып, әскери жағдай режиміне көшірілуіне сәйкес оқиға орнында және&nbsp; оның аумағында тұрғындардың толықтай көшірілуіне көз жеткізіліп, өрт ошақтары толықтай жойылды.
Тактикалық ойға сәйкес, оқиға орнынан барлығы 75 адам эвакуацияланып, 10 адам құтқарылды. Қаза тапқандар саны 2 адам. Қызметкерлер мен жұмысшылар арасында жарақат алғандар мен қаза тапқандар жоқ.
Оқу-жаттығуға барлығы 29 бірлік&nbsp; техника, 213 адам қатыстырылды.
<img src="https://kyzylorda-news.kz/wp-content/uploads/2019/11/29sjj2.jpg" alt="" />
<img src="https://kyzylorda-news.kz/wp-content/uploads/2019/11/29sjj3.jpg" alt="" />
<img src="https://kyzylorda-news.kz/wp-content/uploads/2019/11/29sjj4.jpg" alt="" />

Сырдарияның сол жағалауында өрт-тактикалық оқу жаттығуы өтті

<a href="https://kyzylorda-news.kz/">Kyzylorda-news.kz.</a> Қызылорда облыстық Кәсіпкерлер палатасында «Сауда үздігі – 2019» республикалық байқауының жеңімпаздары марапатталды.
Республикалық байқауға түрлі номинациялар бойынша Сыр бойынан 7 кәсіпкер қатысып, оның 6-ы жеңімпаз атанды. ҚР Ұлттық экономика министрлігінің қолдауымен «Атамекен» ҰКП мен Қазақстанның сауда кәсіпорындары Қауымдастығының бірлесіп өткізген байқауы биыл Павлодар қаласында өткен болатын.
Байқаудың мақсаты – кәсіпкерлердің кәсіби қызметіне жоғарғы баға берумен қатар Қазақстанның сауда кәсіпорындарының үздік басшыларын анықтау, сервис деңгейін және қызмет көрсету сапасын көтеру, еліміздегі сауда саласына заманауи формаларды енгізу болып табылады.
Жеті номинация бойынша өткен байқауда қызылордалық кәсіпкерлер төмендегідей жүлделерге ие болды.
«Үздік сауда базары» номинациясы бойынша Жаңақорған ауданының «Нұр» базары ІІ орынға, Қызылорда қаласындағы «Сәулет» базары ІІІ орынға ие болды. Ал «Үздік сауда-ойын сауық орталығы» номинациясы бойынша «Энергомера» ЖШС ІІІ орынды қанжығаға байлады. «Үздік жол бойы сервисі» номинациясы бойыншаҚазалы ауданындағы ЖК «Байсуганова А» І орынға, Қармақшы ауданындағы ЖК «Рагибаева Г», «Ақсарай» кешені ІІІ орынға ие болды. «Үздік демалыс аймағы» номинациясы бойынша ІІІ орын «Кристал строй-KZ» ЖШС-нің «Sultan Plaza» қонақ үй кешеніне бұйырды.
Жеңімпаздардан өзге, қазалылық жеке кәсіпкер Гүлзат Білсариева Павлодар облысы әкімінің «Алғыс хатымен», ұйымдастыру жұмыстарында белсенділік танытқан Кәсіпкерлер палатасының сарапшысы Гүлдана Таңатоваға Қазақстанның сауда кәсіпорындары Қауымдастығының 20 жылдыққа арналған мерейтойлық статуэткасы және грамотасымен марапатталды.

Қызылордалық кәсіпкерлер «Сауда үздігі &#8211; 2019» байқауының жеңімпазы атанды

<a href="https://kyzylorda-news.kz/">Kyzylorda-news.kz.</a> Қазақстан Республикасы сыбайлас жемқорлыққа қарсы іс-қимыл агенттігінің төрағасы Алик Шпекбаев Сыр еліне жұмыс сапарымен келді.
Аймақ басшысы Қуанышбек Ысқақов пен Қазақстан Республикасы сыбайлас жемқорлыққа қарсы іс-қимыл агенттігінің төрағасы Алик Шпекбаев облыс орталығында жаңадан бой көтерген сыбайлас жемқорлыққа қарсы қызметтің «Сервистік орталығының» ашылу салтанатына қатысты. Сонымен қатар, сол жағалаудағы бірқатар нысандарды аралап көрді.
<blockquote>
 «Мемлекет Басшысы сыбайлас жемқорлықты жою бойынша нақты міндеттерді белгілеп, негізгі бағыттарды айқындады. Жаһандану заманында мемлекеттің аса маңызды тапсырмаларын орындайтын осындай органға біз барынша қолдау көрсетуіміз қажет. Мінекей осы мақсатта, жергілікті бюджеттен 62 млн. теңге бөлініп, Қызылорда қаласында «Сервистік орталық қызметінің» жаңа ғимараты бой көтеріп отыр. Жаңа заман талабына сай салынған бұл ғимаратта Сыбайлас жемқорлыққа қарсы қызметі мен халық арасындағы байланыс одан әрі нығайтылып, жаңа қарқынмен жұмыс жасайтындығына сенімдімін. Сондықтан, орталықтың ашылуы Сыр еліне пайдалы болмақ»,- деді облыс әкімі Қуанышбек Ысқақов.
</blockquote>
Одан әрі қарай Қазақстан Республикасы Сыбайлас жемқорлыққа қарсы іс-қимыл агенттігінің төрағасы Алик Жатқамбайұлы “Кәсіпкерлер үйінің” жұмысымен танысып, кәсіпкерлермен кездесті. Еркін пікір алмасу форматында ұйымдастырлған кездесуде: Өңірлік кәсіпкерлер кеңесінің төрағасы, «Далатекс» серіктестігінің директоры Ділмұхамед Абизов, кәсіпкерлердің құқығын қорғау және сыбайлас жемқорлыққар қарсы күрес кеңесінің төрағасы, Болат Нұрқожаев, «КазСпецСтройЭкспертиза» серіктестігінің директоры Гүлзағира Әбдіраймова кәсіпкерлік саласын қолдаудағы оң өзгерістерге тоқталып, ұсыныс- пікірлерімен бөлісті.
Сонымен қатар, Алик Жатқамбайұлы сол жағалауда орналасқан облыстық «Жастар ресурстық орталығының» жұмысымен танысып, «Ақынның қаламы- адалдық алаңы» атты облыстық жас ақындар мүшәйрасының жеңімпаздарын марапаттады. Естеріңізге сала кетейік аталмыш байқау 2019 жылдың 16 қазан күні бастау алған болатын. Осы кезеңге дейін 62 өлең мен 55 үміткер бақ сынаған.
Қазақстан Республикасы Сыбайлас жемқорлыққа қарсы іс-қимыл агенттігінің төрағасы А. Шпекбаев 29 қараша күні облыс орталығындағы бірқатар әлеуметтік нысандарды аралап, Шиелі ауданындағы «Гежуба Шиелі Цемент» зауытының жұмысымен танысады деп жоспарлануда.
<img src="https://kyzylorda-news.kz/wp-content/uploads/2019/11/29alik2.jpg" alt="" />
<img src="https://kyzylorda-news.kz/wp-content/uploads/2019/11/29alik3.jpg" alt="" />
<img src="https://kyzylorda-news.kz/wp-content/uploads/2019/11/29alik4.jpg" alt="" />
<img src="https://kyzylorda-news.kz/wp-content/uploads/2019/11/29alik5.jpg" alt="" />
<img src="https://kyzylorda-news.kz/wp-content/uploads/2019/11/29alik6.jpg" alt="" />
<img src="https://kyzylorda-news.kz/wp-content/uploads/2019/11/29alik7.jpg" alt="" />

Қызылордада сыбайлас жемқорлыққа қарсы қызметтің &#8220;Сервистік орталығы&#8221; ашылды

<a href="https://kyzylorda-news.kz/">Kyzylorda-news.kz.</a> Қазақстан территориясының басым бөлігі әлі де антициклонның ықпалында болғандықтан, 29 қарашада жауын-шашынсыз ауа райы сақталады. Тек батыс аймақтарда жаңбыр мен қар күтіледі. Оңтүстікте жел күшейеді. Өзге аймақтарда тұман болжанады.
&nbsp;«Қазгидромет» РМК мәліметінше, Манғыстау, Атырау облыстарының кей жерлерінде жел 15-20 м/с күшейеді, көктайғақ күтіледі. Атырау облысының жекелеген аумақтарына тұман басуы ықтимал. Күндіз Жамбыл, таңертең және күндіз Қызылорда облыстарының кей жерлерінде жел 15-20 м/с артады, кей жерлерде тұман болжанады.
Түркістан, Батыс Қазақстан, Ақтөбе, Қостанай, Солтүстік Қазақстан, Шығыс Қазақстан, түнде және күндіз Қарағанды, түнде Алматы облыстарында тұман күтіледі.

Қазақстан және Қызылорда облысының жаңалықтары: Қоғам

Қызылорда музейі орта ғасыр әйелдерінің алтын әшекейлерімен толықты

Нұртай Әбіқаев Достық үйлерінен қандастарды қабылдау бөлмесін ашуды ұсынды

Демалыс күндері ауа райы қандай болады?

«Еңбек жолы» байқауы: Үздік еңбек әулетіне 1 млн теңге беріледі

Қазақстанға көшіп келетін қандастардан сұралатын құжат саны қысқарды

Қазақстандық 14 бала Ирактан елге қайтарылды: Олар туыстарының қолына беріледі

Жаңақорғанның 23 мың тұрғыны ауыз сумен қамтылады

Байқоңырға келесі экспедицияға арналған ғарыш кемесі жеткізілді

Сырдарияның сол жағалауында өрт-тактикалық оқу жаттығуы өтті

Қызылордалық кәсіпкерлер «Сауда үздігі – 2019» байқауының жеңімпазы атанды

Қызылордада сыбайлас жемқорлыққа қарсы қызметтің “Сервистік орталығы” ашылды

Жұма күні батыс өңірлерде жаңбыр мен қар жауады

Қазақстан және Қызылорда облысының жаңалықтары: Қоғам

Қызылорда музейі орта ғасыр әйелдерінің алтын әшекейлерімен толықты

Нұртай Әбіқаев Достық үйлерінен қандастарды қабылдау бөлмесін ашуды ұсынды

Демалыс күндері ауа райы қандай болады?

«Еңбек жолы» байқауы: Үздік еңбек әулетіне 1 млн теңге беріледі

Қазақстанға көшіп келетін қандастардан сұралатын құжат саны қысқарды

Қазақстандық 14 бала Ирактан елге қайтарылды: Олар туыстарының қолына беріледі

Жаңақорғанның 23 мың тұрғыны ауыз сумен қамтылады

Байқоңырға келесі экспедицияға арналған ғарыш кемесі жеткізілді

Сырдарияның сол жағалауында өрт-тактикалық оқу жаттығуы өтті

Қызылордалық кәсіпкерлер «Сауда үздігі &#8211; 2019» байқауының жеңімпазы атанды

Қызылордада сыбайлас жемқорлыққа қарсы қызметтің &#8220;Сервистік орталығы&#8221; ашылды

Жұма күні батыс өңірлерде жаңбыр мен қар жауады

Қызылордалық кәсіпкерлер «Сауда үздігі – 2019» байқауының жеңімпазы атанды

Қызылордада сыбайлас жемқорлыққа қарсы қызметтің “Сервистік орталығы” ашылды