Суық кезде иммунитетті нығайтса, ұшық шықпайды. Ал ұшық шыққанда қалай емдейміз?
&nbsp;Ұшық&nbsp;– жұқпалы жара. Ол түшкіргеннен, жөтелгеннен, сүйіскеннен, ерін далабынан, ортақ ыдыс қолданудан пайда болуы мүмкін. Демек, ұшықтың алдын алу үшін жеке бас гигиенасын сақтану керек. Әсіресе, суық кезде иммунитетті нығайтса, ұшық шықпайды. Ал ұшық шыққанда қалай емдейміз?&nbsp;
Бал&nbsp;– ең тәтті де пайдалы емдік ас. Оны күнделікті бір қасықтан жесе не шайға, жылы сүтке қосып ішсе, иммунитетті жақсартады. Ал ұшық шыққан жағдайда күніне бірнеше рет ерінге бал жағуға болады. Ұшық беті қабыршақтанатын болады, сонда қабыршағын алып тастамай, өзі кеткенше күтекн жөн. Бал ұшықты емдеуге ғана емес, ерінге маска жасауға да таптырмас нәрсе.&nbsp;
Жанжабіл.&nbsp;Егер тәттіні жақсы көрмейтін, керісінше ащыға құмар адам болсаңыз, ұшық емдеуге жанжабіл көмектеседі. Оның тамырын майдалап турап, қара шайға қосып, арықтау мақсатында ішетінін білеміз. Ол артық салмақтан құтылумен бірге инфекцияларды жоюға да қабілетті. Тамырын турап, еріннің ұшық шыққан жеріне басса, тез нәтиже береді. Біраз ауыртып, жанға жағымсыздық береді, есесіне ұшықтан тез арыласыз.&nbsp;
Лимон.&nbsp;Лимон шырынын түрлі тағамға сеуіп дәм қосамыз, шемен, құрт аураларына ем етеміз, вирустық аураларға сол арқылы қарсы тұрамыз. Ал ең қышқыл циртустық жемістің өзін балмен бірге тұмау, суық тию ауруларын жазуға қолданамыз. Лимон жемісі мен шырын ғана емес, қабығы да аса пайдалы. Оның қабығын ұшық шыққан жерге басса, ем болады. Күніне бір жарым сағат өткен сайын бірнеше рет қайталау керек. Лимон сығындысын ерінге жағуға да болады.&nbsp;
Ас содасы.&nbsp;Көптеген ауруға ем болатын тағы бір керемет нәрсе – ас содасы. Оның ең жақсы жері кез келген үйден табылады, сатылу бағасы қолжетімді. Ұшық шыққанда ас содасы мен судан қоспа жасап пайдалануға болады. 100-200 мл суды орташа отта сәл қайнатып, бір шай қасық сода қосып, аралыстырамыз. Дайын болған қоспаға қағаз майлық не мақта малып, еріннің ауырған жеріне басамыз. Болмаса кез келген ыңғайлы нәрсемен жақса да жарайды. Аздап ауыртады, бірақ ұшық тез кеткенін қаласаңыз, сәл шыдауға тура келеді.
&nbsp;Тұз. Ұшықты емдеуге тұз да пайдалы. Оның салатқа арналған, теңіз тұзы секілді тым майда түрін таңдаймыз. Ерінді сәл ылғалдандырып алып, ұшық үстіне сеуіп қою керек. 10-15 минуттан соң жылы сумен шайып, ерінге арналған бальзам жағамыз.&nbsp;
Дереккөз:&nbsp;<a href="https://massaget.kz/"></a><a href="https://massaget.kz/">Massaget.kz</a>

Ұшықты қалай тез кетіруге болады?

<a href="https://kyzylorda-news.kz/">Kyzylorda-news.kz.</a> Ресейлік диетолог, нутрициолог Марина Макиша шай ішудің кімдерге зиян екенін айтып берді, деп хабарлайды «<a href="https://24.kz/kz/zha-aly-tar/bylu-manyzdy/item/357571-shajdy-k-p-ishu-kimderge-ziyan">Хабар 24</a>».
Дәрігердің айтуынша, шайда биологиялық белсенді заттар көп, мысалы, полифенол, танин, кофеин, минерал тұздар. Олардың барлығы ағзаға кері әсерін тигізеді дейді. Нутрициолог шай біреулерге жақса, біреулерге мүлде жақпайтынын айтады.
<blockquote>
 «Кейбіреулер шай ішкен соң құсқысы келсе, біреулерінде қан қысымы жоғарылайды. Шайдың сергітетін сусын екенін түсіну керек. Генетикалық ерекшеліктерге қарамастан, ол адам денсаулығына түрлі әсерін тигізеді», – дейді Марина Макиша.
</blockquote>
Сондай-ақ, дәрігер асқазаны ауыратын және асқазан сөлінің шамадан тыс қышқылы бар адамдарға көп шай ішпеуге кеңес береді. Бұдан бөлек, шайдың ас қорыту жүйесі ауруларын қоздыруы мүмкін екені айтылады. Дәрігердің айтуынша, кейбір жағдайдаларда шайдан бас ауырып, жүйке жүйесі құрып, жүрекке кері әсерін тигізеді.

Шайды көп ішу кімдерге зиян?

<a href="https://kyzylorda-news.kz/">Kyzylorda-news.kz.</a> Қантсыз дәнді дақылдар – таңғы ас үшін ең жақсы таңдау дейді диетолог Сьюзи Буррелл. Керісінше, пита – бұл көмірсулардың көп мөлшеріне байланысты ең нашар өнім және оны салмақ тастағысы келетін адамдардың диетасынан шығару керек, деп хабарлайды&nbsp;<a href="https://stan.kz/news-324642/">Stan.kz</a>&nbsp;ақпарат агенттігі.
Көп елде бар ұннан жасалған тәтті пита – бұл таңғы ас үшін ең нашар компонент, өйткені құрамында көмірсулар көп. Мұндай тұжырымға австралиялық диетолог Сьюзи Баррелл қол жеткізді, деп хабарлайды Daily Mail.
Салмақ жоғалтқысы келетіндер, түрік асханасы үшін дәстүрлі дайындалған пита мен басқа да нан өнімдерінен аулақ болу керек.
<blockquote>
 «Түрік нанынан аулақ болыңыз, өйткені оның құрамында 60-тан 80 граммға дейін көмірсулар бар, бұл үш немесе төрт кәдімгі нанға тең», – деп ескертті Баррелл.
</blockquote>
Диетологтың айтуынша, сары маймен түрік наны дәмханадағы ең нашар таңдау&nbsp;Оның пікірінше, сіз өзіңіздің күніңізді тәтті қытырлақ қабыршақтардан бастауға болмайды: олардың құрамында диеталық талшық жоқ.
Бірақ табиғи йогурт, бал және жидектер қосылған қантсыз немесе граноласыз жарма таңертеңгілік тамақтану үшін ең жақсы таңдау.
Минералды қант мөлшері бар грек йогурты, ботқа жақсы қосымша бола алады. Маман сонымен қатар жұмыртқа мен бекон қосылған тосттарды ұсынады. Бұл жағдайда тұтас нанға артықшылық беру керек.
Егер сізде толық таңғы ас дайындауға уақыт болмаса, жеміс-жидектер мен көкөністердің жасыл түстері қолайлы болады, – деп түсіндірді Баррелл. Қалай болғанда да, тұтынылатын тағамдардың дұрыс және пайдалы болуын және бүкіл диета теңдестірілгенін қамтамасыз ету керек.
Сонымен қатар, сарапшылар терінің беріктігі мен серпімділігін сақтауға көмектесетін он өнімді атады.
Мәселен, қызанақтың құрамында антиоксидант болып табылатын ликопен және беттің терісін жаңартатын А және С дәрумендері бар. Егер сіз күн сайын қызанақты қолдансаңыз, онда ультрафиолет сәулесінен теріні қорғау 33% -ға артады, қартаю процесі баяулайды.
Жасыл шай терінің кебуіне қарсы күресуге көмектеседі, өйткені құрамында теріні қатайтып тұратын таннин бар.
Терінің серпімділігін сақтау үшін зәйтүн майы, жапырақты салаттар, көкжидек және қара шоколадты қолдану керек. Брокколи қабыну процестерін жоя алатын ең жақсы тағам екендігі атап өтілді. Авокадо және лосось терінің қалпына келу процесін тездетуге көмектеседі. Бұл өнімдерді қолдану әжімдердің пайда болуын баяулатады. Жаңғақтар құрамында антиоксиданттар, сонымен қатар кальций, калий, A, E, B6, B12 дәрумендері бар, олар терінің күйін жақсартуға, оны ультракүлгін сәулелерден қорғауға және организмдегі су балансын сақтауға көмектеседі.
Өз кезегінде испан диетологы Мария Мерино жиі улануды тудыратын тағамдардың тізімін берді. Ең алдымен, жұмыртқа жегенде ерекше сақ болу керек.&nbsp;Теңіз өнімдері мен балықтан улану жағдайлары жиі кездеседі. Дәрігер теңіз делдалдарын санитарлық нормалар сақталатын тексерілген жерлерде сатып алу керек деп ескертеді. Мерино балықты кем дегенде 72 сағат тамақтанар алдында мұздату керектігін білдіреді.
Еттің ішінде уланудың ең үлкен қаупі тауықтан болады, оны ешқандай жағдайда шикі жеуге болмайды. Салмонелла мен стафилококктың салдарынан бұл ет әрдайым толық дайын болуы керек.

Таңғы астың денсаулыққа қауіпті түрлері анықталды

Химиялық қару құрбандарын еске алу күні
Бұрын Химиялық қару құрбандарын еске алу күні 29 сәуірде тойланатын. Өйткені 1997 жылғы сәуірдің 29-ында Химиялық қаруды әзірлеу, өндіру, жинау және қолдануға тыйым салу және оны жою туралы конвенция күшіне енген болатын. Химиялық қаруға тыйым салатын конвенцияға әлемдегі барша ел қосылды деуге болады. 2015 жылы Химиялық қаруға тыйым салу ұйымының кезекті сессиясында 29 сәуірді ХҚТҰ құрылған күн ретінде тойлап, Химиялық қару құрбандарын еске алу күнін 30 қарашаға көшіру туралы шешім қабылданды.
Халықаралық ақпаратты қорғау күні және Копьютерлік қауіпсіздік күні
Бұл мерекені алғаш рет 1988 жылы Американың Компьютерлік жабдықтар қауымдастығы жариялаған. Бұл жылы құрушысы Морристің атауын алған «құрттың» бірінші жаппай эпидемиясы тіркелген. Копьютерлік қауіпсіздік күнінің мақсаты – пайдаланушыларға өз компьютерлері мен онда сақтаулы ақпаратты қорғау қажеттілігі туралы еске салу. Міндеті – компьютерлік қауіпсіздік мәселелеріне қатысты ақпаратты тарату.
1970 жылы&nbsp;Екібастұзда (Павлодар облысы) «Богатырь» разрезінің іске қосу кешені пайдалануға берілді.
Әлемдегі ең ірі деп танылған «Богатырь көмір» компаниясының разрезі энергетикалық шикізаттың сенімді жеткізушісі. Оның көмірімен Қазақстанның – 11, Ресейдің – 6 электр стансасы жұмыс істейді.
2011 жылы&nbsp;Алматы ресми түрде 2017 жылғы 28-ші Бүкіләлемдік қысқы Универсиада астанасы болып жарияланды.
2014 жылы&nbsp;даңқты балуан, 1980 жылғы грек-рим күресінен Олимпиада чемпионы Жақсылық Үшкемпіров «Әлемнің үздік балуаны» атағына ие болды.
Бұл марапатты әйгілі спортшыға «Бірлескен күрес әлемі» деп аталатын халықаралық күрес федерациясы табыстады.
2015 жылы&nbsp;Астанада 1992 жылы шығарылған Қазақстанның почта маркаларының көрмесі өтті.

30 қараша: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 30 қарашаға арналған жұлдыз-жорамалы.
Тоқты
Бүгін шаршаңқысыз. Тіпті теледидардың басқару тетігін (пульт) алуға да шамаңыз жоқ. дегенмен жинақталып, өз-өзіңізге келіңіз.
Торпақ
Сіздің ойыңызды ешкім тыңдағысы жоқ. Оған себеп ойыңыздың тым күрделілігі немесе қызықсыз болуы да мүмкін.
Егіздер
Бүгін сіз тым еркесіз. Сізге сүйіктіңіздің махаббаты мен еркелетуі жетіспей тұрғандай. Серігіңіздің жаныңызда болғанын қалайсыз.
Шаян
Бүгін ағзаңызды тазартуға қолайлы күн. Таңертеңнен бастап ашығуға кірісіңіз. Бүл денсаулығыңызды нығайтуға көмектеседі.
Арыстан
Тек бүгінгі күніңізді ойламай, алдағы күндерге де жоспар құрыңыз. Ойларыңызды жүзеге асыруға тырысыңыз.
Бикеш
Бүгін жұмысыңыз алға басады. Сонымен қатар біліміңізді жетілдіруге қолайлы уақыт. Қолыңыздан барлығы келеді.
Таразы
Бүгін эмоцияға көп берілесіз. Өзіңізді барынша сабырлы қалыпта ұстауға тырысыңыз. Өзіңізді шаршатпаңыз.
Сарышаян
Қазіргі жұмысыңызға жаныңызды салып жүргеніңіз белгілі. Алайда оны елеп жатқан ешкім жоқ. Мүмкін жұмыс ауыстырарсыз.
Мерген
Бүгін барлығын жаңадан бастағаныңыз жөн. Жеке өміріңізге өзгерістер енгізіңіз. Жаңа орта табуға тырысыңыз.
Тауешкі
Бүгін өз арманыңыздағы адаммен жолығасыз. Кездесу кешінде салмақты болыңыз. Көп сөйлемеңіз.
Суқұйғыш
Бүгін өз іс-әрекетіңіздің дұрыс-бұрыстығын білу үшін түйсігіңізге жүгініңіз. Сонда ғана барлық сұрағыңызға жауап табасыз.
Балықтар
Өзіңіз жақсы көретін жанға барынша ұнауға тырысыңыз. Оған сіздің тапқыр қасиетіңіз ұнауы мүмкін.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Биыл шақырулардың дер кезінде орындау мақсатында Қызылорда қаласы бойынша қосымша 2 топ ашылды. Ал 2020 жылы қосымша 5 жедел жәрдем тобын ашу жоспарланды. Оның 2-уі қалада, үшеуі аудандарда орналасады. Бұл туралы бүгін Өңірлік коммуникациялар қызметінің ақпарат алаңында облыстық медициналық жедел жәрдем стансасының бас дәрігері Алмат Құрманғали мәлімдеді.
<blockquote>
 “Облыс бойынша барлығы 77 жедел жәрдем тобы жұмыс атқаруда. Қазіргі таңда жедел жәрдем қызметіне түскен арыз – шағымдардың саны өткен жылмен салыстырғанда 30,8% – ға төмендеген. Үстіміздегі жылы 103 желісіне түскен қоңырау саны – 435366 құрады. Орындалғаны- 403102. Шақыртуларға кешігіп шығу көрсеткіші мерзімді уақытта 5,3%-ға азайған”,-деді Алмат Құрманғали.
</blockquote>
Сонымен қатар, жедел жәрдем стансасы материалдық-техникалық жағдайын жақсарту үшін қазан айында 7 реанимобильге ие болды. Жылдың аяғына дейін республикалық бюджеттен 19 жабдықталған санитарлы автокөліктің келуі жоспарланған.
Сондай-ақ, биыл Қазалы және Шиелі аудандық бөлімшелерінде күрделі жөндеу жұмыстары жүргізілді.Бас дәрігердің айтуынша, енді аймақтың кез келген жерінде тұрып, 103 нөміріне телефон соққан жағдайда , қоңырау бірден орталыққа түседі. Елді мекендерден түскен 1-3 санаттағы шақыру сол аумаққа жақын орналасқан бригадаларға жүктеліп, жылдам жөнелтіледі.

Қызылордада 5 жедел жәрдем тобын ашу жоспарлануда

<a href="https://kyzylorda-news.kz/">Kyzylorda-news.kz.</a> Сыбайлас жемқорлыққа қарсы іс-қимыл агенттігінің төрағасы Алик Шпекбаев пен Қызылорда облысының әкімі Қуанышбек Ысқақовтың қатысуымен Қорқыт Ата атындағы Қызылорда мемлекеттік университетінде «Парасаттылық мектебі» ашылды.
Университетте қазіргі таңда жалпы 5300 студент білім алуда. 2017 жылы «Бизнес-Start» инновациялық жобаларды жүзеге асыру орталығы (бизнес-инкубатор) ашылды. Бизнес-инкубатор бүгінгі күнге дейін 85 білім алушылар 25 бизнес-жобаны жүзеге асырып, 14 шағын кәсіпкерлік субъектісі ашылды. Жас кәсіпкерлердің өз бизнестерін бастауға мүмкіндіктер жасалуда.
Соңғы 2 жылда Қорқыт Ата атындағы ҚМУ ғалымдары алған патент саны 50-ді құрайды.&nbsp;Университет ғалымдарының «Инновациялық жобалар каталогы» дайындалып 500 данасы шығарылып, технологияларды коммерциаландыру бойынша қызығушы отандық және шетелдік мекемелер мен бизнес-құрылымдарға ұсынылған.
<blockquote>
 «Біз Сіздер сияқты санасы сергек, ойы орамды, жүрегі жалынды жастардың қолдауымен ғана жемқорлықтан арыла аламыз. Оқуда дана, еңбекте дара, елге пана болыңыздар», – деді Алик Шпекбаев.
</blockquote>
Қызылорда облысында өскелең ұрпақты рухани-адамгершілік және азаматтық-патриоттыққа тәрбиелеу мақсатында өңірдегі 293 жалпы білім беру ұйымында «Адал ұрпақ» ерікті мектеп клубтары жұмысын жүргізсе, 32 арнаулы орта және жоғарғы оқу орындарында «Саналы ұрпақ» клубтары құрылған.
Осылайша, жемқорлыққа қарсы 30 мыңнан астам жастың басы біріктірген жоба жүзеге асуда.
Сонымен қатар, Алик Шпекбаев «Адал ұрпақ» еріктілер клубының облыстық штабының белсенділерімен кездесіп, жастарға өмірде жетістікке жету үшін адал еңбек етудің, жас кезден бастап әр жеткіншектің бойына әділеттілік, парасаттылық және адалдық құндылықтарын сіңірудің маңыздылығын айтты.
<img src="https://kyzylorda-news.kz/wp-content/uploads/2019/11/29parasat2.jpg" alt="" />
<img src="https://kyzylorda-news.kz/wp-content/uploads/2019/11/29parasat3.jpg" alt="" />
<img src="https://kyzylorda-news.kz/wp-content/uploads/2019/11/29parasat4.jpg" alt="" />

Қорқыт Ата атындағы Қызылорда мемлекеттік университетінде «Парасаттылық мектебі» ашылды

<a href="https://kyzylorda-news.kz/">Kyzylorda-news.kz.</a> Қызылорда облыстық музейі жаңа әшекей бұйымдармен толықты.
Халықаралық Орталық Азиялық зерттеулер институты және Қожа Ахмет Яссауи атындағы халықаралық қазақ-түрік университеті арасындағы меморандум негізінде биыл ортағасырлық Сығанақ қаласына жүргізілген археологиялық қазба жұмыстары нәтижесінде табылған жәдігерлер Қызылорда облыстық тарихи-өлкетану музейіне өтті.
Оқу орнының ғылыми қызметкері Қ.Арынов облыстық музейдің «Археология және этнография» ғылыми-зерттеу бөлімі қызметкерлерімен қазба жаңалықтарымен бөлісіп, жәдігерлер тарихы жайлы толық мәлімет берді.
Ортағасырлық Сығанақ қаласы биыл археологтарды алтын олжалармен қуантты. Музей қоры інжу тасы бар алтын сырғалармен, асыл тастар орнатылған алтын тұмармен, өрнектелген алтын түймелермен және інжу моншақтармен толықты.
Сонымен қатар, өрнегі Өзбекстанның археологиялық сәулет өнерінен кем түспейтін өсімдіктектес ою-өрнектермен безендірілген күрделі терракоталар, үшбұрышты және бесбұрышты өрнектелген тақтайшалар, мозайка фрагменттері музей қызметкерлерінің қызығушылығын тудыруда. Алтын Орданың орталығы болған Сығанақ қаласынан табылған артефактілер алдағы уақытта зерттеліп, ғылыми айналымға шығатын болады.

Қызылорда музейі орта ғасыр әйелдерінің алтын әшекейлерімен толықты

<a href="https://kyzylorda-news.kz/">Kyzylorda-news.kz.</a> «Отандастар қоры» КЕАҚ президенті Нұртай Әбіқаевтың облыстардағы Достық үйлерінен қандастарға арналған қоғамдық қабылдау бөлмелерін ашуды ұсынды, деп хабарлайды <a href="https://www.inform.kz/kz/nurtay-abikaev-dostyk-uylerinen-kandastardy-kabyldau-bolmesin-ashudy-usyndy_a3589615">ҚазАқпарат</a>.
<blockquote>
 «Шет елдегі отандастар мен қазақ мәдени орталықтарын қолдау мақсатында шекаралық облыстармен меморандумдарға қол қою арқылы шет елдердегі қазақ мәдени орталықтарына қамқорлық жасауды қолға алдық. Алайда алдымызда әлі де талай асу бар. Түйіні тарқамаған түйткілдер, күрмеуі шешілмеген күрделі жәйттер де жоқ емес. Осы орайда «Отандастар қоры» жұмысының тиімділігі мен нәтижелілігін арттыруға байланысты бірқатар ұйымдастыру мәселелерін кешеуілдетпей шешу керек деп ойлаймыз», – деді ол.
</blockquote>
Нұртай Әбіқаевтың айтуынша, «Отандастар» қорының барлық облыстарда қандастарға қоғамдық қабылдау жүргізетін маманы бар. Алайда, арнайы қоғамдық қабылдау бөлмелері жоқ.
<blockquote>
 «Осы ретте елге оралған қандастарға қоғамдық қабылдауды сапалы деңгейде өткізу үшін облыс басшыларынан «Қазақстан халқы Ассамблеясы» бағдарламасы бойынша құрылған «Достық үйлерінен» дербес орын беруді сұраймыз. Екіншіден, облыстық әкімдіктердің ақпарат тақталарында және ресми сайттарында байланыс орталығының жұмысы жайында ақпарат орналастыру туралы хат осы жылдың қыркүйек айында жіберілді. Алайда оған 205 аудандық және облыстық әкімдіктердің осы уақытқа дейін тек 9-ы ғана жауап берді. Осы мәселені ескере отырып, жергілікті атқарушы органдардан ақпараттық жұмыстарды жүйелі жүргізуге нақты қолдау көрсетуін сұраймыз», – деді ол.
</blockquote>
Оның айтуынша, қандастардың құжаттарын облыстық қоғамдық ұйымдардың арнайы аудармашылары аударады.
<blockquote>
 «Сондықтан ол құжаттарды Дүниежүзі қазақтары қауымдастығы облыстық филиалдарының басшылары растағаны дұрыс. Біздің ендігі басты міндетіміз – шет елдердегі қандастар туралы жинақталған мәліметтерді жүйелеп, қосымша зерттеулер жүргізіп, ғылыми негізде тұжырымдау», – деді ол.
</blockquote>

Нұртай Әбіқаев Достық үйлерінен қандастарды қабылдау бөлмесін ашуды ұсынды

<a href="https://kyzylorda-news.kz/">Kyzylorda-news.kz.</a> Синоптиктер 30 қараша – 2 желтоқсан күндері ауа райы қандай болатынын айтты, деп хабарлайды Қазгидромет.
Синоптиктердің мәліметінше, алдағы күндері батыс және оңтүстік өңірлерде жауын-шашын жауып, көктайғақ болады.
<blockquote>
 «Республиканың басым облысында ауа температурасы орташа көпжылдық мәннен төмен және жауын-шашынсыз болады деп күтіледі. Тек батыста, дүйсенбі күні Қазақстанның оңтүстігінде атмосфералық фронттардың өтуіне байланысты жауын-шашын жауып, көктайғақ болады», – делінген хабарламада.
</blockquote>

Демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz.</a> ҚР Еңбек және халықты әлеуметтік қорғау министрлігі жанындағы арнайы комиссияның шешімімен еңбек әулеттері мен өндіріс қызметкерлері арасында жыл сайын өтетін «Еңбек жолы» республикалық байқауының финалына 9 үміткер анықталды, деп хабарлайды <a href="https://www.inform.kz/kz/enbek-zholy-baykauy-uzdik-enbek-auletine-1-mln-tenge-beriledi_a3589992">ҚазАқпарат</a>.
Министрліктің баспасөз қызметінің мәліметінше, байқау жұмысшыларды танымал ету мақсатында өткізіледі және «Үздік еңбек әулеті», «Өндірістің үздік жас қызметкері», «Жұмыс істейтін жастардың үздік тәлімгері» деген үш номинациясы бар.
Биыл үміткерлерден өтінім қабылдау 1 маусымнан басталды. Байқаудың өңірлік кезеңіне 388 адам қатысты, оның ішінде бірінші номинация бойынша 90, екінші номинация бойынша – 154, үшінші номинация бойынша – 144 өтінім түсті.
Конкурстың республикалық кезеңінде министрлік сайтында өткізілген онлайн дауыс беру барысында 179 329 дауыс келіп түсті, оның ішінде: 23 351 дауыс «Үздік еңбек әулеті» номинациясы бойынша, 65 822 дауыс «Өндірістің үздік жас қызметкері» номинациясы бойынша және 90 156 дауыс «Жұмыс істеуші жастардың үздік тәлімгері» номинациясы бойынша дауыс келіп түсті.
<blockquote>
 «Конкурстың финалистерін іріктеуді ҚР Еңбек және халықты әлеуметтік қорғау вице-министрі Ақмәди Сарбасовтың төрағалығымен, онлайн дауыс беруді ескере отырып, арнайы республикалық комиссия жүзеге асырды. Комиссия құрамына ҚР Еңбекмині, ҚР ҰЭМ, ҚР Президенті жанындағы «Қоғамдық келісім» республикалық мемлекеттік мекемесі, «Атамекен» ҰКП, ҚР Кәсіподақтар федерациясы, Қазақстан Еңбек конфедерациясы мен «Аманат» Қазақстан кәсіподақтар Достастығының Үйлестіру кеңесінің өкілдері кірді», делінген хабарламада.
</blockquote>
Комиссия отырысының қорытындысы бойынша әр номинация бойынша 3 финалист таңдалды. Бұдан әрі комиссия «Әлеуметтік инновациялар жалпыға ортақ еңбек Қоғамына жол» халықаралық форумы шеңберінде 4 желтоқсанда Нұр-Сұлтанда өтетін конкурстың жеңімпаздарын анықтау жөнінде шешім қабылдайтын болады.
<blockquote>
 «Еңбек жолы» байқауының танымалдығы жыл сайын артып келе жатыр. Конкурсқа қатысуға өтінімдер саны өткен жылмен салыстырғанда 58,4% артты. Қазақстандықтарды кәсіби жетістіктерге және жаңа еңбек әулеттерін қалыптастыруға ынталандыру мақсатында біз өз тарапымыздан жүлделі орындар санын арттырдық. Егер өткен жылдары тек номинация үшін марапатталған болса, биылдан 1, 2 және 3 орын үшін марапаттайтын боламыз. Жеңімпаздарға 1 орын үшін – 1 млн теңге; 2 орын үшін – 500 мың теңге және 3 орын үшін – 200 мың теңге көлемінде ақшалай сертификаттар беріледі», – деді Ақмәди Сарбасов.
</blockquote>
Естеріңізге сала кетейік, ҚР Еңбек және халықты әлеуметтік қорғау министрлігі 2016 жылдан бастап Елбасының Нұрсұлтан Назарбаевтың Жалпы Еңбек қоғамын құру идеясын жүзеге асыру мақсатында еңбек әулеттері мен өндіріс жұмысшылары арасындағы республикалық «Еңбек жолы» байқауын өткізіп келеді. Оның негізгі міндеті – еңбек адамдары туралы жағымды қоғамдық пікір қалыптастыру және кәсіпорындар мен ұйымдарда жаңа еңбек әулеттерінің қалыптасуына жағдай жасау болып табылады.

«Еңбек жолы» байқауы: Үздік еңбек әулетіне 1 млн теңге беріледі

<a href="https://kyzylorda-news.kz/">Kyzylorda-news.kz.</a> Қазақстанға көшетін қандастардан талап етілетін құжат саны 43-тен 20-ға дейін қысқартылады. Бұл туралы елордада өтіп жатқан «Отандастар. Болашаққа бағдар» атты халықаралық дөңгелек үстелде ҚР ақпарат және қоғамдық даму министрі Дәурен Абаев мәлім етті, деп хабарлайды <a href="https://24.kz/kz/zha-aly-tar/o-am/item/357606-aza-stan-a-k-ship-keletin-andastardan-talap-etiletin-zhat-sany-ys-ardy">«Хабар 24»</a>.
Министр әлемнің 43 елінде 5-6 миллион қазақ тұратынын атап өтті. Бұл – қазақ этносының үштен бір бөлігі.
<blockquote>
 «Біз шетелдегі қандастарды қолдаудың жаңа тетігін кешенді түрде пысықтап жатырмыз. Ол – халықаралық тәжірибеге негізделген механизм. Екіншіден, министрлік этникалық қазақтардың елімізге көшу рәсімін оңтайландыруға бағытталған жүйелі шаралар әзірлеу бойынша үлкен жұмыс жүргізді. Біз адамдардың «қандас» мәртебесін алуға өтішін беруінен бастап қазақстандық паспорт бергенге дейін барлық процесті талдап, келесі шараларды таңдадық: қандастардан сұралатын құжат санын 46-дан 20-ға дейін қысқартамыз», – деді ол.
</blockquote>
Дәурен Абаев құжат рәсімдеу бойынша барлық қызмет тек бір жерден – ХҚО-да «бір терезе» қағидаты бойынша көрсетілетінін атап өтті.
<blockquote>
 «Бұл ретте алғашқы өтінішті Қазақстанға келмей-ақ біздің шетелдегі елшіліктердің консулдығына беруге болады. Қандастарға уақыт және қаражат жағынан тиімді болуы үшін осы мәселені ескердік. Оған қоса құжат рәсімдеу бойынша барлық қызмет көрсету мерзімі 6 айдан 3 айға дейін қысқарады», – деді ол.
</blockquote>

Қазақстан және Қызылорда облысының жаңалықтары: Қоғам