<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қызылорда облыс әкімі Қуанышбек Ысқақовтың қатысуымен ҚР мәслихаттарының 25 жылдығына арналған “Жергілікті өкілді орган-мәслихаттардың өңір дамуындағы орны мен рөлі” тақырыбында&nbsp; ғылыми-практикалық конференция өтті.
Конференция жұмысына облыстық мәслихаттың бұрынғы хатшылары, ардагерлер, облыстық мәслихаттың 1-6 шақырылым депутаттары, аудандық мәслихаттардың 1-6 шақырылым хатшылары, ғалым-ұстаздар&nbsp; қатысты.
Мәслихаттар институтының негізі 1993 жылы желтоқсанда «Қазақстан Республикасының жергілікті өкілді және атқарушы органдары туралы» Қазақстан Республикасы Заңының негізінде қаланды. Осыған орай, 1994 жылдың наурызынан бастап оған дейін жергілікті мәслихаттар қызметін атқарып келген облыстық, қалалық, аудандық кеңестердің уәкілеттілігі өкілді орган – мәслихаттарға берілді.
Конференция ашылуында «Жергілікті өкілді орган – мәслихаттардың өңір дамуындағы орны мен рөлі», «Халықтың өмір сүруін қамтамасыз етудегі жергілікті өкілді басқарудың рөлі мен маңызы», «Мәслихаттар мен қоғамдық кеңестер – өзін өзі басқару жүйесінің негізі»&nbsp; тақырыптарында баяндамалар тыңдалды.
<blockquote>
 “Мәслихат халық пен билік арасындағы алтын көпір бола отырып, өздерінің өкілеттік шеңберінде көптеген өзекті мәселелерді, қиын түйткілдерді, қордаланып қалған проблемаларды шешуге ықпал етті. Тәуелсіздікпен бірге толысып, билік буынымен берік, ел-жұртпен етене қызмет атқарып келе жатқан мәслихаттарға биыл 25 жыл толып отыр. Бұл тарих үшін қас қағым сәт болуы мүмкін. Алайда, өткен күндердің өлшемімен қарағанда осы уақыт аралығында халық игілігі үшін қаншама қыруар тірлік атқарылғанын аңғару қиын емес”,- деді облыс әкімі Қуанышбек Ысқақов.
</blockquote>
Сонымен қатар, конференция барысында&nbsp; аймақ басшысы Қуанышбек Досмайылұлы бірқатар халық қалаулыларын “Nur Otan” партиясының “Белсенді қызметі үшін” төс белгісімен, “Құрмет грамотасымен”, және ” Алғыс хаттармен” марапаттады.
<img src="https://kyzylorda-news.kz/wp-content/uploads/2019/12/13maslikhat2.jpg" alt="" />
<img src="https://kyzylorda-news.kz/wp-content/uploads/2019/12/13maslikhat3.jpg" alt="" />

Қуанышбек Ысқақов: Мәслихат халық пен билік арасындағы алтын көпір

<a href="https://kyzylorda-news.kz/">Kyzylorda-news.kz.</a> 13-ші желтоқсан күні солтүстік циклон мен онымен байланысты атмосфералық фронталды бөліктердің өтуіне байланысты республиканың басым бөлігінде ауа райы құбылмалы болады, деп хабарлайды «Қазгидромет» РМК.
Кәсіпорын таратқан ақпараттарға қарағанда, 13-ші желтоқсан күні республиканың кейбір аумақтарында жауын-шашын болады, ал кей жерлерінде жауын-шашын, қар мол көлемде түседі.
Тек Қазақстанның шығысы антициклон жотасының ықпалында болғандықтан, күн жауын-шашынсыз болады. Республикамыздың кей жерлерінде тұман түсіп, көктайғақ болып, жел күшейеді, бұрқасын болады.
Ақмола, Қостанай, Қарағанды, Павлодар облыстарының кей жерлерінде бұрқасын, тұман, көктайғақ болып, жел секундына 15-20 метр жылдамдықпен соғады.
Солтүстік Қазақстан облысының кей жерлерінде тұман түсіп, желдің жылдамдығы секундына 15-20 метрге жетеді, түнде бұрқасын, көктайғақ болады.
Жамбыл, Түркістан облыстарының кей жерлерінде тұман түсіп, көктайғақ болады, жел 15-20 м/с жылдамдықпен ұйтқиды.
&nbsp;Түркістан облысында күндіз екпіні 25 м/с жел соғады.

Қазгидромет: Желтоқсанның 13-і күнгі ауа райы болжамы

1993 жылы Қазақстан ядролық қарудан бас тартатын мемлекет ретінде ядролық қаруды таратпау туралы келісімге қосылу шешімін қабылдады.
1995 жылы Қазақстан Республикасының Президенті Н.Назарбаевтың Жарлығымен Сауд Арабиясы Корольдігінде Қазақстан Республикасының елшілігі ашылды.
2004 жылы Астанада вокзал алаңына 1922 жылы шығарылған республикадағы ең ескі паровоз қойылды. Астананың теміржол вокзалында «Батыр-паровоз» ескерткішін орнату туралы Қазақстан Президенті Н.Назарбаев 2004 жылғы 6 тамызда теміржолдың 100 жылдығына арналған салтанатты жиналыста айтқан болатын. Паровоз Швецияда жасалған. 1922-1982 жылдар аралығында Қазақстанның темір жолдарында және басқа бұрынғы одақтас республикалардың магистраль жолдарында пайдаланылған, Ұлы Отан соғысы жылдары майдан маңындағы учаскелерге жүк тасымалдаған. 2007 жылы Алматыда Қазақстан Республикасы Ұлттық Ғылым Академиясының академигі, халық жазушы Зейнолла Қабдолов (1927-2006) тұрған үйге ескерткіш тақта орнатылды. 
2016 жылы Қызылордада Сырдария өзені арқылы өтетін жаңа көпір пайдалануға берілді. Оның құрылысы 2014 жылдың шілде айында басталған болатын. Көпірдің ұзындығы – 368 метр. Көпір 9 тіректен жəне 8 аралықтан құралған. Көпірдің жүру бөлігі 14 метр, 4 қозғалыс жолағы бар.

13 желтоқсан: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 13 желтоқсанға арналған жұлдыз-жорамалы.
Тоқты
Кешке қарай таңертеңгі ойыңыздан айнып, жоспарларыңызды кейінге қалдырасыз. Кейде өзгерістің өзі дұрыс бағытқа жетелейді.
Торпақ
Бүгін махаббатта жолыңыз болады. Ер адамдар нәзікжандарға құрмет көрсетіп, тіпті сезімін де білдіруі мүмкін.
Егіздер
Жұмысқа деген жауапкершілігіңіз жоғары. Дегенмен кейде өз жайыңызды да ойлап қойғаныңыз жөн.
Шаян
«Айтылған сөз, атылған оқ» екенін естен шығармаңыз. Кейбір сөздеріңіз өз алдыңыздан шықса, таңқалмаңыз.
Арыстан
Бүгін басшылықпен қарым-қатынасты жақсартасыз. Барлығы сіздің жоспарыңыз бойынша жүзеге асады.
Бикеш
Бүгін махаббатта жолыңыз болады. Біршама өзгерістер орын алып, құпия табынушыңыз өзінің бет-бейнесін көрсетіп, сезімін білдіреді.
Таразы
Бүгін қызықты жайттар орын алады. Армандарыңыз орындалып, қызықты оқиғаларға тап боласыз. Құдды өзіңізді ертегіде жүргендей сезінесіз.
Сарышаян
Бүгін жұмысты тез аяқтайтын болсаңыз, жеке шаруалардың да біразын бітіруге мүмкіндік бар.
Мерген
Бүгін қолда бар қаражатыңызды барынша үнемдегеніңіз жөн. Сауда жасап, босқа шығындалып қалмаңыз.
Тауешкі
Бүгін өзіңізге көпшіліктің назарын аудартуға талпынбаңыз. Барынша көзге түспеуге тырысыңыз. Сырт келбетіңізді де қарапайым ұстаңыз.
Суқұйғыш
Бүгін жұмыс көп. Бұрын бастаған шаруаны да аяқтауға сәтті күн болмақ. Тосын жағдайлар да орын алуы мүмкін.
Балықтар
Жеке өміріңізде болып жатқан оқиғаларға мән беріңіз. Өзгерістерді қабылдаңыз, бірақ өз бетіңізбен ештеңені өзгертудің қажеті жоқ.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> ҚР Сыбайлас жемқорлыққа қарсы іс-қимыл агенттігінің серіктестік департаментінің бас сарапшысы Сымбат Исрапулова мемлекеттік қызметшілердің заңды бұзып сыйлықтарды алу фактілерін анықтау бойынша қоғамдық мониторинг жүргізіліп жатқанын мәлім етті, деп хабарлайды <a href="http://lenta.inform.kz/kz/memkyzmetshilerge-syylyk-usynatyn-azamattarga-kanday-zhaza-tagayyndalady_a3594105">ҚазАқпарат</a>.
<blockquote>
 «Мемлекеттік қызметшілерге қызметтік міндеттерін орындағаны үшін кез келген сипатта сыйлық ұсынуға тыйым салынады. Егер сыйлықтың құны 2 АЕК-тен (5 050 теңге) төмен болса, сыйлық ұсынушыға 200 АЕК (505 000 теңге) мөлшерінде әкімшілік айыппұл салынады. Бұл жағдайда сыйлықты қабылдап алған мемқызметшіге 600 АЕК (1,5 млн теңгеден астам) айыппұл көзделген. Ал, бұл сомадан жоғары көрсеткіштердің бәрі пара деп саналып, қылмыстық жауапкершілікке әкеледі», – деді Сымбат Исрапулова агенттікте өткен баспасөз мәслихатында.
</blockquote>
Мемлекеттік қызметшінің өзі білмей келiп түскен, сондай-ақ ол тиiстi функцияларын атқаруына байланысты алған сыйлықтар жетi күн мерзiмде арнаулы мемлекеттiк қорға тапсырылуы тиіс.
<blockquote>
 «Бұл үшін жергілікті жердегі мемлекеттік қызметшілер мемлекеттік мүлік және жекешелендіру департаментіне жүгінуі қажет. Шындығына келсек, мемлекеттік қызметшілерге 2 мың теңге немесе кәмпит қорабын ұсынып, 200 есе артық айыппұл төлеуге тура келетін мәнсіз «алғыстардың» салдарын білу керек. Алдағы мерекелер қарсаңында барлық мемлекеттік қызметшілерге бағыныштылардан және басқа да адамдардан сыйлықтар алу, бұл – әдеп пен сыбайлас жемқорлыққа қарсы заңнаманы өрескел бұзу екенін еске саламыз», – деді ол.
</blockquote>

Мемқызметшілерге сыйлық ұсынатын азаматтарға қандай жаза тағайындалады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 2020 жылдың 1 қаңтарынан бастап ломбардтар несие бюросына барлық кепілдік мүлік туралы мәлімет беруге міндеттеледі, деп хабарлайды <a href="http://lenta.inform.kz/kz/2020-zhyldan-bastap-lombard-kyzmetine-ozgerister-enedi_a3593940">ҚазАқпарат</a>.
<blockquote>
 «Ішкі істер министрлігі Ұлттық банкпен бірлесіп, ломбардтардың қызметін ұйымдастыру қағидаларын әзірлеп, бекітті. Онда ломбардта заттарды сақтау, қауіпсіздікті қамтамасыз ету бойынша талаптарды анықтау тәртіптері көрсетілген. Енгізілген өзгерістерге сәйкес, 2020 жылдың 1 қаңтарынан бастап ломбардтық ұйымдар микронесиелеу ұйымдарына санатына жатқызылады. Осы қағидаларға сай, ломбардтар несие бюросына барлық кепілдік мүлік туралы мәлімет беруге міндеттеледі. Ал полиция бөлімшелеріне жымқырылған мүлік пен қойылған кепіл нысанын тексеру үшін осы бюро қолжетімді болады», – деді ІІМ Қылмыстық полиция департаментінің басқарма бастығы Нұржан Рахметуллаев ведомствода өткен баспасөз мәслихатында.
</blockquote>
ІІМ өкілінің айтуынша, ұрланған заттардың көбі (зергерлік бұйымдар, тұрмыстық техникалар) ломбардтарға өткізіледі. Міне, сол себепті, Ішкі істер министрлігі ұрлық жағдайларын ауыздықтау үшін ломбардтарға өткізілген заттарды тексермек.

2020 жылдан бастап ломбард қызметіне өзгерістер енеді

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Мемлекеттік қызметтен бағалау, сынақ мерзімінің нәтижесі мен аттестаудың қорытындысы және теріс себептермен босатылған азаматтарды қоспағанда, мемлекеттік қызметке қайта қабылданған тұлғаларға алдағы уақытта сынақ мерзімі белгіленбейді.
Бұл туралы ҚР Мемлекеттік қызмет істері агенттігінің Қызылорда облысы бойынша департаментінің басшысы Нұрман Талқанбаев баспасөз орталығында өткен брифингте мәлімдеді.
Брифингте департамент басшысы «ҚР мемлекеттік қызметі туралы» Заңына енгізілген өзгерістер мен толықтыруларға тоқталды.
<blockquote>
 «Осы кезге дейін мемлекеттік органдардың бірінші басшыларының көмекшілері, кеңесшілері және баспасөз хатшылары лауазымдарына тестілеу мен жеке қасиеттерін бағалаудан өтпей-ақ қызметке қабылданып, ары қарай қызмет бойынша ілгерілеу кедергісіз жүзеге асырыла беретін. Бұдан былай аталған лауазымдағылар мансаптық ілгерілеу үшін міндетті түрде тестілеу мен жеке қасиеттерін бағалаудан өтуі тиіс», – деді Н.Талқанбаев.
</blockquote>
Сондай-ақ, конкурс кезеңдері қосымша кезеңмен толықтырылған. Ендігі кезекте мәдениет, дене шынықтыру, білім беру және денсаулық сақтау салаларындағы мемлекеттік органдардың басшысы лауазымына үміткерлерге конкурстың әңгімелесу кезеңінің алдында тиісті орталық атқарушы органдардан келісім алынады.
Заңға енгізілген бірқатар түзетулер мемлекеттік қызметшілердің жауапкершілігін күшейтуді көздейді.
Мемлекет басшысының тапсырмасына сәйкес қарамағындағы қызметшілермен жасалған сыбайлас жемқорлық құқық бұзушылақтардың алдын алу бойынша міндеттерін тиісінше орындамаған басшылардың жауапкершілігі енгізілді.
Тағы бір өзгеріс әдеп нормаларын бұзғаны үшін тәртіптік жазасы бар мемлекеттік қызметшілердің лауазымы жоғарылауына тыйым салынды.
<blockquote>
 &nbsp;«Заңда қамтылған түзетулерге сәйкес, егер негізгі жұмыскер жұмысқа шықпай, атқаратын мемлекеттік әкімшілік лауазымды босатқан жағдайда, осы уақытша бос мемлекеттік лауазымды атқарып жүрген мемлекеттік қызметші конкурс өткізілместен, жұмысын тұрақты негізде жалғастыра алады. Мұндай жағдайда мемлекеттік әкімшілік лауазымға тағайындауға құқығы бар уәкілетті адам уақытша бос мемлекеттік лауазымға қабылданған адамды тұрақты негізде мемлекеттік лауазымға тағайындау туралы тиісті акт шығарады», – дейді департамент басшысы.
</blockquote>
<img src="https://kyzylorda-news.kz/wp-content/uploads/2019/12/12tartipbuzgan2.jpg" alt="" />

Тәртіп бұзған мемлекеттік қызметшінің лауазымы жоғарыламайды

<a href="https://kyzylorda-news.kz/">Kyzylorda-news.kz.</a> Міндетті әлеуметтік сақтандыру жүйесінің іске асырылу қарсаңында Қазақстанда қалалық және ауылдық медициналық мекемелерінің арасында ең үздік емхана мен отбасылық дәрігерді анықтау үшін халықтық дауыс беру басталды, деп хабалайды &nbsp;«ӘМСҚ» КЕАҚ Қызылорда облысы бойынша филиалының баспасөз қызметі.
&nbsp;Байқаудың ұйымдастырушылары «Әлеуметтік медициналық сақтандыру Қоры» КЕАҚ және «Primary Health Care» Ұлттық Ассоциациясы. Байқаудың демеушісі – «Банк ЦентрКредит» Акционерлік Қоғамы.
Байқауда тек мемлекеттік және жеке медициналық мекемелерде қызмет атқаратын отбасылық және жалпы тәжірибелік дәрігерлерлер өз топтарымен&nbsp; қатыса алады.&nbsp;&nbsp;
Байқау екі кезеңнен тұрады. Бірінші кезеңде&nbsp; халықтық дауыс беру арқылы төмендегі принциппен 34 номинант анықталады:&nbsp;
Қазақстанның 14 облысының әрқайсысынан ең көп ұпай санын алған бір ауылдық дәрігер;&nbsp;&nbsp;
Әр облыстан ең көп ұпай санын алған бір қалалық дәрігер (барлығы- 14 талапкер);&nbsp;&nbsp;
Республикалық маңызы бар әр бір қаласынан ең көп ұпай санын алған екі қалалық дәрігер (барлығы – Нұр-Сұлтан, Алматы, Шымкент қалаларынан 6 талапкер).
Екінші кезеңде, 2019 жылғы 20 мен 22 желтоқсан аралығында, жюри 34 талапкердің арасынан:&nbsp;
Байқау демеушісінен 5 млн. теңге көлеміндегі жүлделік қорына ие болатын «Ең үздік отбасылық дәрігер мен оның тобы» номинациясында&nbsp; Гран-прииесінанықтайды;
3 млн. теңге көлеміндегі жүлделік қорына ие болатын қалалық емханалары мен Отбасылық денсаулық орталықтарының арасында «Ең үздік отбасылық дәрігер мен оның тобы» номинациясында бір жеңімпазды анықтайды;
3 млн. теңге көлеміндегі жүлделік қорына ие болатын ауылдық&nbsp; емханалары мен Отбасылық денсаулық орталықтарының арасында «Ең үздік отбасылық дәрігер мен оның тобы» номинациясында бір жеңімпазды анықтайды.&nbsp;
Қалған талапкерлер «Үлгілі отбасылық дәрігер мен оның тобы» номинациясына ие болып, 500 мың теңге көлеміндегі ақшалай жүлде алатын болады.&nbsp;
Халықтың әлеуметтік медициналық сақтандыру жүйесі туралы біліктілігін тексеру арқылы «Әлеуметтік медициналық сақтандыру туралы түсіндірме жүргізу бойынша ең үздік емхана/Отбасылық денсаулық орталығы» номинациясында алғашқы медико-санитарлық көмек көрсететін бір мекеме анықталып, 2,5 млн. теңге көлемінде ақшалай жүлде табысталады.
<a href="https://l.facebook.com/l.php?u=https%3A%2F%2Fdoctor.fms.kz%2F%3Ffbclid%3DIwAR0K3Cn42RHgeDUicwDLngQdhyTVR4PLq6xrTO1ExY9K8nTat9fBQur9HXg&h=AT3hN5ZtlOzvrEovKQPDsh4ZAQwHQfM1QKhAjf5XqY42R2XgSpBjJEWlSDx-4Bk9NAw5o-jLEJAjX4dytBffPL_XTuIW8DwO3pvcLqFjteAD5nm7NmdpA79Hrl4kIciTPGQH9BsT1rqkF5fFHdSszRawcwhD4-xTFFa3iUI9e74INx-ZF4fQOMA6t-l_8hvnZZ0jSA36MsfAxwihbiMoSiZkk0GC-z7w9ODTmGF7lEIqifQc3xnJwT0HOF1cf3v06UPcC8tb2wLlAwsTCu9YwP__cH6pAeoKzRTxSpR-HwGrQtdiCd-OzYoia2R-onuLVDACZfrisCPZx1TY4o6xSp-I8nVA3EtHIQKIDBz4ajYe-Q3XEU9UqPdbzg9hL4IQNRRUpSldhNmXI8wLAcCHJ119Mu2DuccVTRoo1NVFM-VbYAjWoksdqDYdcNGD-ZnxhzUc2NHcOpWRzI9kewXpD-E-I5UmUnBm46HatURBex5xJz_aIFyyliQkfyaWWVT4syWVQ5IbrDqTwfF02q_4RYgCxM9WfOwWPXMUI9gHVLrpD6SAbNHqHCw4OoRbrlfO74TInzFFbELFHpv0kUzrfJ3mrIIMCYDni1fRKchtUzTcGpyqRPOihZNDRncD805K7PQg">https://doctor.fms.kz/</a> сілтемесіне кіріп, дауыс беруіңізге болады. Аймақты таңдап, өз дәрігеріңіздің аты-жөнін тауып, оған дауыс беріңіз. Сонымен қатар, қолданушыға міндетті әлеуметтік медициналық сақтандыру жүйесі туралы біліктілігін тексеру мақсатында, бірнеше сұрақтар қойылады.&nbsp;
Егер қатысушы дауыс берген дәрігеріне тіркелген болса, оның әр бір дұрыс жауабы 3 ұпайға теңеледі. Егер ол дәрігерге тіркелмеген болса- 1 ұпайға ие болады. Егер дауыс беруші бір де бір дұрыс жауап бермесе, оның дауысы қабылданады, алайда, қорытынды санауда таңдаған дәрігеріне ұпайлар қосылмайды.&nbsp; Дауыс беру 19 желтоқсанға дейін жалғасады.

Елімізде «Ең үздік отбасы дәрігері және оның командасы» байқауы өтіп жатыр

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Тәуелсіздік күні қарсаңында бірқатар азамат мемлекеттік наградалармен марапатталды, деп хабарлайды&nbsp;<a href="http://www.akorda.kz/kz/events/astana_kazakhstan/astana_other_events/tauelsizdik-kuni-karsanynda-birkatar-azamat-memlekettik-nagradalarmen-marapattaldy">Ақорда</a>.
Тәуелсіздік күні мерекесі қарсаңында Қазақстан Республикасы Президентінің Жарлығымен мемлекетіміздің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі, белсенді қоғамдық қызметі үшін ел азаматтарының үлкен бір тобы мемлекеттік наградалармен марапатталды. Олардың қатарында өндіріс, бизнес, білім беру, денсаулық сақтау салаларының көрнекті өкілдері, әскери қызметшілер, құқық қорғау органдарының қызметкерлері, спортшылар, соғыс және еңбек ардагерлері, мәдениет және ғылым қайраткерлері бар.
Қызылорда облысы «Еңбек жер» ЖШС директоры Шакизатхан Ысқақов «Құрмет» орденімен марапатталды.

Қызылордалық кәсіпкер «Құрмет» орденімен марапатталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін облыс әкімі Қ.Ысқақовтың қатысуымен “Үлгілі ауыл” байқауы қорытындыланды. Байқау екі кезеңнен тұрады. Бірінші кезең – аудан (қала) ішілік, екінші кезең – облыстық. Облыстық комиссия аудан, қала әкімдіктері ұсынған ауылдық округтердің құжаттарымен танысып, бағалап, үздік ауылды анықтады.
Байқаудың мақсаты – жұртшылықтың қоршаған ортаны қорғау мен орнықты даму мәселелерiн шешуге жан-жақты қатысуын қамтамасыз ету. Айта кетейік, бұл шара республика бойынша тек Қызылорда облысында дәстүрлі түрде өткізіліп келеді. Оның басты ережесі тірек ауылдық елді мекендер арасында екі санат бойынша сондай-ақ, көгалдандыру, абаттандыру жұмыстарымен және санитарлық тазалықтың жай-күйі бойынша бағаланды.
<blockquote>
 “Ауылдардың жағдайын жақсартып, ауыл халқының тұрмысын көтеру үшін «Ауыл – Ел бесігі» жобасы қарқынды жұмыс істеуде. Елбасының тікелей бастамасымен қолға алынған жоба шеңберінде елді мекендерді дамытуға бағытталған ауқымды істер жүргізілуде. «Ауыл – Ел бесігі» арнайы жобасын жүзеге асыруға 2019 жылы аймағымызда 1,9 млрд.теңге, оның ішінде республикалық бюджеттен 1,7 млрд. теңге қаралды . 2020 жылға «Ауыл – Ел бесігі» арнайы жобасын іске асыруға 1,6 млрд.теңгеге 4 елді мекен бойынша 31 жоба іріктелді. Сонымен қатар, бүгін жеңімпаз болып танылған ауылдық округтерге берілген қаржылай сыйақының 80 пайызы сол ауылдың көркейіп-көгалдануына, абаттануына, санитарлық тазалығына жұмсалуы тиіс”,- деді облыс әкімі Қ.Ысқақов.
</blockquote>
Байқауға барлығы 8 елді мекен оның 7 тіректі елді мекен қатысты.
Тіректі елді мекендер бойынша жеңімпаздар: 1 орын- Интернационал (10 млн.теңге), 2 орын- Аққұм(7,5 млн.теңге), 3 орын- Ақжарма (5 млн.теңге). Ал елді мекендер бойынша жеңімпаздар: 1 орын- Таң(10 млн.теңге), 2 орын- Гигант(7,5 млн.теңге), 3 орын- Қожакент ауылы(5 млн.теңге). Ынталандыру сыйлығын Қазалы ауданындағы Қарашеңгел (Жалаңтөс Баһадүр) мен Өркендеу (Жанкент) ауылдары иеленді. Сыйақысы (2 млн.теңге).
<img src="https://kyzylorda-news.kz/wp-content/uploads/2019/12/12yzdikaul2.jpg" alt="" />

Қызылорда облысының үздік ауылы анықталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Сырдария өзені арнасынан шығып кетуі мүмкін, деп хабарлайды «Қазгидромет».
<blockquote>
 &nbsp;«Мұздық құбылыстарға байланысты Қызылорда облысының Қазалы қаласы тұсында Сырдария өзеніндегі су деңгейі сағат 08:00-ден бері +29 см көтерілді және де қауіпті белгіге жақындады», делінген ескертуде.
</blockquote>
Нақты деңгей сағат 14:00-де 612 см-ге жеткен, қауіпті деңгей 640 см (судың өзен арнасынан жайылып кетуі) болуы керек. Ал, шекті деңгей 743 см (елді-мекенді су басу қауіпі туады).
<blockquote>
 «Су деңгейінің одан әрі көтерілуі күтіледі», делінген хабарламада.
</blockquote>

Сырдария өзенінде су деңгейі көтерілді

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Әділдік, қарапайымдылық үлгісі, жоғары моральдық жауапкершілік, кәсіби білім, оларды тәжірибеде қолдана білу, адалдық және парасаттылық, белсенді өмірлік ұстаным. Мемлекеттік қызмет істері агенттігі ұйымдастырған «Елге қызмет ету – мінезден» республикалық байқауына қатысушылардың пікірі бойынша мемлекеттік қызметшілер дәл осы қасиеттерге ие болуы тиіс.
Мемлекеттік қызмет істері агенттігінде аталған конкурстың жеңімпаздарын салтанатты марапаттау бойынша шара өтті.
Шараға іріктеудің конкурстық комиссия мүшелері – Агенттік төрағасының орынбасары Дархан Жазықбаев, Парламент Сенатының депутаты Нұртөре Жүсіп, «Qazaqstan» телеарнасының шеф-редакторы Серікзат Дүйсенғазы және «Мемлекеттік, банк мекемелері&nbsp; және&nbsp; қоғамдық қызмет көрсету қызметкерлерінің салалық кәсіподағы» қоғамдық бірлестігінің төрағасы Мейірболат Жақыпов қатысты.
Жеңімпаздарды марапаттай отырып, Дархан Жазықбаев әрбір мемлекеттік қызметші Елбасы – Тұңғыш Президент қойған қоғамға есеп беретін және кәсіби мемлекеттік аппаратты қалыптастыру бойынша Стратегиялық бағыттың міндеттерін іске асыруға өз үлесін қосатынын атап өтті.
<blockquote>
 Мемлекет басшысы Қасым-Жомарт Тоқаев халыққа қамқорлық жасайтын, олардың құқықтары мен заңды мүдделерін қорғайтын, олардың мұқтаждықтары мен қажеттіліктерін еститін және білетін, туындаған барлық проблемаларға жедел ден қоятын және оларды шешетін «Назар аударатын мемлекет» тұжырымдамасына көшу қажеттілігін атап өтті. Мұнда халықпен байланыстың тиімді жүйесін орнату, мемлекеттік қызметшінің жоғары бейнесін сақтау маңызды рөл атқарады. Мемлекеттік қызметшілердің халықтың игілігі үшін нәтижелі қызметінсіз еліміздің жетістігі мен өркендеуіне қол жеткізу мүмкін емес», – деді Д. Жазықбаев
</blockquote>
Байқау мемлекеттік қызметшілер арасында моральдық-әдептілік құндылықтарды насихаттауға және олардың шығармашылық әлеуетін дамытуға бағытталған.
Бұл ой-додаға тек мемлекеттік қызметшілер ғана емес, сонымен қатар квазимемлекеттік сектор мен бюджеттік ұйымдардың қызметкерлері де қызығушылық танытты. Оған 200-ге жуық адам қатысты.
Қатысушылардың жұмыстары үш номинация бойынша бағаланды: үздік эссе / мақала, үздік бейнеролик, үздік ұсыныс.
<blockquote>
 Байқаудың нәтижесін шығару барысында, «Шығармашыл адамдарға өмір сүру қызықты, олар адам өмірінің әртүрлі салаларына, ғылымдарға, әсіресе жаңа нәрсе жасауға қызығушылық танытады. Мемлекеттік аппаратқа өз миссиясын анық түсінетін және тәжірибеде жаңа идеяларды іске асыруға қабілетті үлгілі мемлекеттік қызметшілер қажет», – деді МҚІА Төрағасының орынбасары Дархан Жазықбаев.
</blockquote>
Байқауға қатысушылар өз еңбектерінде ұлы адамдардың сөздерін, оның ішінде әлемге әйгілі философ Әбу Насыр Әл-Фарабидің «Мінез – жанның айнасы», қазақ ойшылы Абай Құнанбайұлының «Тегінде адам баласы, адам баласынан ақыл, үтір, ар, мінез деген нәрселерден озбақ», Алаш Орданың қайраткерлері – Әлихан Бөкейханов, Ахмет Байтұрсынов, Міржақып Дулатов және әрине Абай, Төле би және басқалардан тұратын қазақ зиялыларының сөздерін жиі қолданған.
Айта кету керек, бүкіл қазақ зиялылары туған халқының мүдделеріне қызмет етуді өздерінің миссиясы ретінде көрді, өйткені олардың өмірі халыққа шынайы қызмет ету және жанқиярлықпен, азаматтық, адамгершілік парыздарын саналы түрде орындаумен ерекшеленді, оны қазіргі&nbsp; мемлекеттік қызметшілер ұмытпауы керек.
«Үздік эссе» номинациясы бойынша марапатталды:
І орын – Атырау облысы, Құрманғазы ауданы, Дыңғызыл ауылдық округі әкімі аппаратының бас маманы Жаңылсын Утешова;
ІІ орын – Алматы облысы, Панфилов ауданы, Үлкенағаш ауылдық округінің әкімі Ермек Нұрахметов;
ІІІ орын – Нұр-Сұлтан қаласы, «Сарыарқа» ауданы әкімі аппаратының Ішкі саясат және әлеуметтік сала бөлімінің басшысы Әбдірахман Дәуленбаев.
«Үздік бейнеролик» номинациясы бойынша марапатталды:
І орын – Ақтөбе облысы, Ойыл аудандық білім, дене шынықтыру және спорт бөлімінің бас маманы Гүлзат Жеткергенқызы;
ІІ орын –&nbsp; Атырау қаласы әкімі аппаратының баспасөз хатшысы Әлібек Науаров;
ІІІ орын – Түркістан облысы,&nbsp; Қазығұрт ауданы, Қызылқия ауылдық округі әкімінің бас маманы&nbsp; Бағлан Мәуленов.
«Таңдаулы ұсыныс» номинациясы бойынша&nbsp; марапатталады:
І орын – Шығыс Қазақстан облысы, Бородулиха ауданы, Бақы ауылдық округінің бас маманы Нұрлан Әліпбаев;
ІІ орын – Шымкент қаласы бойынша Қазынашылық департаменті басшысының орынбасары Қалмұханбет Байсариев;
ІІІ орын – Маңғыстау облысы, Мұнайлы аудандық ішкі саясат және тілдерді дамыту бөлімінің басшысы&nbsp; Сара Ноғаева.
Үздік жобалар Агенттіктің ресми сайтында жарияланып, мысал ретінде мемлекеттік органдарға жіберіледі.
Естеріңізге сала кетейік, ой-дода 2019 жылғы 20 қазанда бастау алып, 15 қарашада аяқталды. байқауға қатысу үшін үміткерлер эссе, бейнеролик немесе жалпы сұрақтар бойынша ұсыныстар түрінде өз көзқарасын ұсынды:
– мемлекеттік қызметшілердің өз еліне адал қызмет етуі;
– мемлекеттік қызметшілердің азаматтармен өзара қарым-қатынас жүйесі;
– мемлекеттік қызметшілердің өз жұмысына жауапты көзқарасын күшейту;
– кәсіби мемлекеттік аппаратты қалыптастыру;
– патриоттық сезімді арттыру.
Марапаттау рәсімінен кейін орталық мемлекеттік және жергілікті атқарушы органдардың әдеп жөніндегі уәкілдері «Мемлекеттік қызметтегі этикалық нормалар: тәжірибе және болашақ» семинарына қатысты.
Мемлекеттік қызметшілердің Әдеп кодексін одан әрі жетілдіру мәселесі талқыланды, өйткені қазіргі заманғы талаптар мемлекеттік қызметті жетілдіруді талап етеді.
<blockquote>
 «Бұл мәселеде Әдеп жөніндегі уәкілдің рөлі ерекше», – деді Д.Жазықбаев.
</blockquote>
Іс-шара барысында мәжіліске қатысушылар Әдеп жөніндегі уәкілдердің мәртебесі мен өкілеттіктері, өз қызметіндегі проблемалық мәселелерді шешу тетіктері және басқа да мәселелер туралы ойларын ортаға салып, сонымен қатар алдағы 2020 жылға арналған жоспарларды талқылады. Олардың барлығы Агенттікпен зерттеліп, талданатын болады.
Агенттікте атап өткендей, ауқымды алдын алу жұмыстары мемлекеттік қызметкерлердің жауапкершілік деңгейін арттыруға мүмкіндік беріп, мемлекеттік қызметшілер арасында қызметтік әдептілікті өрескел бұзу жағдайлары деңгейін төмендетуге алып келді.

Қазақстан және Қызылорда облысының жаңалықтары: Қоғам

Қуанышбек Ысқақов: Мәслихат халық пен билік арасындағы алтын көпір

Қазгидромет: Желтоқсанның 13-і күнгі ауа райы болжамы

13 желтоқсан: Ел тарихында орын алған оқиғалар

Жұлдыздар не дейді?

Мемқызметшілерге сыйлық ұсынатын азаматтарға қандай жаза тағайындалады

2020 жылдан бастап ломбард қызметіне өзгерістер енеді

Тәртіп бұзған мемлекеттік қызметшінің лауазымы жоғарыламайды

Елімізде «Ең үздік отбасы дәрігері және оның командасы» байқауы өтіп жатыр

Қызылордалық кәсіпкер «Құрмет» орденімен марапатталды

Қызылорда облысының үздік ауылы анықталды

Сырдария өзенінде су деңгейі көтерілді

«Елге қызмет ету – мінезден» республикалық байқауы мәресіне жетті

Қазақстан және Қызылорда облысының жаңалықтары: Қоғам

Қуанышбек Ысқақов: Мәслихат халық пен билік арасындағы алтын көпір

Қазгидромет: Желтоқсанның 13-і күнгі ауа райы болжамы

13 желтоқсан: Ел тарихында орын алған оқиғалар

Жұлдыздар не дейді?

Мемқызметшілерге сыйлық ұсынатын азаматтарға қандай жаза тағайындалады

2020 жылдан бастап ломбард қызметіне өзгерістер енеді

Тәртіп бұзған мемлекеттік қызметшінің лауазымы жоғарыламайды

Елімізде «Ең үздік отбасы дәрігері және оның командасы» байқауы өтіп жатыр

Қызылордалық кәсіпкер «Құрмет» орденімен марапатталды

Қызылорда облысының үздік ауылы анықталды

Сырдария өзенінде су деңгейі көтерілді

«Елге қызмет ету &#8211; мінезден» республикалық байқауы мәресіне жетті

«Елге қызмет ету – мінезден» республикалық байқауы мәресіне жетті