<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың «Twitter» әлеуметтік желісіндегі жазбасынан кейін Қызылорда облысында жаңа мектеп салуға уәде берілді, деп хабарлайды&nbsp;<a href="https://sn.kz/sn-gylym-bilim/64161-prezidenttin-tvitterdegi-zhazbasynan-keiin-kyzylorda-oblysynda-zhana-mektep-salynatyn-boldy">Skifnews.kz</a>.
<blockquote>
 «2017 жылы 300 орындық жаңа мектеп құрылысы үшін жобалық-сметалық құжаттама әзірлеуге Т16,1 млн бөлінді. Мемлекеттік сараптама қорытындысы алынды. Облыстық әкімдік Білім және ғылым министрлігіне республикалық бюджеттен 300 орындық жаңа мектеп салуға өтінім беріп, ол өтінім қабылданды. 2020 жылы 300 орындық мектеп құрылысы үшін Арал ауданының Сексеуіл ауылына мүмкіндігінше облыстық бюджетті нақтылау барысында қаржы бөлінетін болады», деп хабарлады Қызылорда облыстық білім басқармасының баспасөз қызметі.
</blockquote>
Сондай-ақ, басқармада атап өткендей, балалар қауіпсіздігін сақтау үшін мектеп әкімшілігінен кезекшілік ұйымдастырылған.
Еске сала кетсек, 11 желтоқсанда президент Қасым-Жомарт Тоқаев&nbsp;<a href="https://twitter.com/TokayevKZ/status/1204775721790513152">Twitter</a>-ге Egemen Qazaqstan газетіндегі «Темір жолды жағалап топ бала жүр» атты мақалада Сексеуіл ауылдық округіндегі 360 бала туралы айтылғанын жазған болатын. Олар күн сайын мектепке бару үшін 13 теміржол жолдарын кесіп өтулеріне тура укеледі екен.
<blockquote>
 «Бұл – өзекті мәселе. Оны шешу үшін үкімет нақты шара қабылдауы керек», – деп атап өткен еді сол кезде Президент.
</blockquote>

Президент жазбасынан кейін Аралда жаңа мектеп салынатын болды

&nbsp;<a href="https://kyzylorda-news.kz/"></a><a href="https://kyzylorda-news.kz/">Kyzylorda-news.kz.</a> Синоптиктердің болжауынша жұмада еліміздің кей жерлерінде тұман түсіп, жел күшейеді, деп хабарлайды Қазгидромет.
Қазақстан аумағының батыс бөлігіне Қара теңіз аймақтарынан ауысатын циклон әсер етеді, сондықтан батыс пен солтүстік-батыстың кей жерлеріңде жаңбыр, қар жауады. Қалған өңірлерде атмосфералық қысым жоғары болады, сондықтан ауа райы жауын-шашынсыз. Кей жерлерде тұман, көктайғақ, бұрқасын болып, жел күшейеді.
Түркістан, Жамбыл, Қызылорда, Қарағанды облыстарының кей жерлерінде тұман түседі, күндіз желдің жылдамдығы 15-20 м/с жетеді.
Шығыс Қазақстан облысының кей жерлерінде тұман, жаяу бұрқасын болады, желдің жылдамдығы 15-20 м/с.
Ақмола облысының кей жерлерінде жаяу бұрқасын күтіледі, күндіз жел 15-20 м/с күшейеді.
&nbsp;Солтүстік Қазақстан облысының кей жерлерінде жаяу бұрқасын болуы ықтимал, жел тұрып, жылдамдығы 15-20 м/с жетеді.
Ақтөбе облысының кей жерлерінде тұман, көктайғақ күтіледі, Муғалжар ауданында желдің екпіні 18 м/с күшейеді.
Қостанай облысының кей жерлерінде тұман, күндіз бұрқасын, көктайғақ, жел тұрады, жылдамдығы 18 м/с.
&nbsp;Алматы облысының түнде кей жерлерінде тұман күтіледі, Жалаңашкөл ауданында жел 15-20 м/с күшейеді.
Атырау, Маңғыстау, Батыс Қазақстан облыстарының кей жерлерінде тұман түседі, Атырау облысында көктайғақ болады.

Тұман, көктайғақ, екпінді жел: 27 желтоқсан күнгі ауа райы

<a href="https://kyzylorda-news.kz/">Kyzylorda-news.kz.</a>&nbsp; Бүгін таңда Алматыдан Нұр-Сұлтан қаласына ұшып шыққан ұшақ радардан жоғалып кеткен болатын. Артынша радардан жоғалып кеткен «Бек Эйр» әуе компаниясының ұшағы апатқа ұшырағаны мәлім болды,.
«Бек Эйр» әуе компаниясының ұшағы әуежайдың сыртқы аумағына құлады. Тірі қалғандар бар. Оқиға орнында шұғыл қызметтер жұмыс жүргізіп жатыр. Айта кетейік, бұған дейін бортта 95 жолаушы және 5 экипаж мүшесі болғаны туралы хабарлаған болатынбыз. Әуежай штаттық жағдайда жұмыс істеп жатыр, барлық рейстер кесте бойынша орындалуда» деп мәлімдеді Төтенше жағдайлар комитетінің баспасөз қызметі.
«Алдын ала деректерге сәйкес, 9 адам қаза тапты. Жарақат алғандардың саны 9 адам, оның алтауы – бала» делінген хабарламада.
Төтенше жағдайлар комитеті қаза тапқан адамдардың саны артуы мүмкін екендігін жасырмайды.
<img src="https://kyzylorda-news.kz/wp-content/uploads/2019/12/27samolet002.jpg" alt="" />

Алматыда ұшақ апатқа ұшырап, 9 адам қаза тапты (ВИДЕО)

1924 жылы Семейде Орыс географиялық қоғамы Абайды еске алу үшін арнайы мәжіліс пен қалалық театрда кеш өткізді. Кеште Мұхтар Әуезов Абай шығармашылығы туралы баяндама жасады.
2005 жылы Астанада Елбасы Нұрсұлтан Назарбаевтың қатысуымен Орталық мұз айдынының салтанатты ашылу рәсімі өтті.
2005 жылы Қазақстан Республикасы Президентінің Жарлығымен Қазақстан Республикасы Парламентінің 10 жылдығы құрметіне арналған мерекелік медаль бекітілді. Мерейтойлық медаль қазақстандық парламентаризмнің дамуы мен орнығуына елеулі үлес қосқан Қазақстан Республикасының азаматтарын және шетел азаматтарын көтермелеу, сондай-ақ Қазақстан Республикасы Парламентінің 10 жылдығын атап өту мақсатында белгіленген.
2007 жылы Ақтөбеде КСРО халық әртісі, композитор Ғазиза Жұбанованың (1927-1993) ескерткіші ашылды. Ескерткіш оның есімімен аталатын облыстық филармония ғимаратының алдындағы алаңда орнатылды. Жоба авторлары – мүсіншілер, ҚР Суретшілер одағының мүшелері Жәдігер Кенбай, Марат Ғабдырахманов, Ахмет Құбай. Ескерткіштің биіктігі – 4,5 метр.
2010 жылы ҚР Ұлттық банкі «Еркін күрес». Олимпиада ойындары-2012» шақасын айналымға шығарды. Шақаның бет жағының (аверсі) төменгі бөлігінде стадионның стильдендірілген бейнесімен көмкерілген Қазақстан Республикасының елтаңбасы бейнеленген, монета дайындалған металды, оның сынамасын және массасын білдіретін «Ag 925 31,1g» деген жазу және монетаның соғылған жылын білдіретін «2010» деген сан жазылған. Қыры бедерлі. Шақа 925-ші сынамалы күмістен жасалған, массасы – 31,1 грамм, диаметрі – 38,61мм, «proof» сапасымен дайындалған. Ең көп таралымы – 12 мың дана (3 мың данасы Қазақстанның ішкі нарығы үшін).
2011 жылы ҚР Ұлттық банкі ел Тәуелсіздігінің 20 жылдығына арналған монетаның үздік дизайны бойынша байқауын аяқтады. Үздік идеяларды іздеу және қолдау, ұлттық валюта – теңгенің беделін нығайтуға бағытталған «Менің Қазақстаным» байқауы екі аталым: «Ұлттық тиын» және «Балалар тиыны» тақырыбымен өтті. «Балалар тиыны» аталымында бірінші орынды алматылық Әдемі Хасенова иеленді. Ұлттық банк басшысы Григорий Марченко оған 500 000 теңге көлеміндегі чекты табыстады. «Ұлттық тиын» аталымында байқау комиссиясы бірінші орынды тағайындамау жөнінде шешім қабылдады. Екінші орынды алматылық Қанат Кенжин мен Щучинск қаласынан келген Сабыржан Мақашев өзара бөлісті.

27 желтоқсан: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 27 желтоқсанға арналған жұлдыз-жорамалы.
Тоқты
Өзіңізге демалыс жариялаңыз. Күш-қуатыңызды арттырып, өткен күндеріңізге есеп беріңіз. Таза ауада көп жүріңіз.
Торпақ
Ақша жұмсауда «жеті рет өлшеп, бір рет кескеніңіз» жөн. Өзіңізге сенімді болыңыз. Туыстарыңыздың сізге деген махаббаты бар жамандықтан қорғайды.
Егіздер
Барлық ісіңіз өз ретімен орындалмай, қарбаласып қалады. Бос әңгімеге, сондай-ақ теледидар қарауға уақыт кетірмеңіз.
Шаян
Бүгін ең алдымен отбасылық мәселені ретке келітіріңіз. Олармен бірге қыдырыңыз. Бірақ біраз шығынға ұшырауыңыз мүмкін.
Арыстан
Ешкімнің ақылына мұқтаж емессіз. Сондықтан ақыл-кеңеске құлақ түрудің қажеті жоқ. Керісінше өз дегеніңізбен жүріңіз.
Бикеш
Жарақат алу қаупі бар. Жүйке жүйеңізді сақтаңыз. Әйтпесе, болып жатқан оқиғалар сіздің жүйкеңізге тиіп, сырқаттанып қалуыңыз мүмкін.
Таразы
Жоспарлаған істі аяқтау үшін өз ойыңыздан қайтпаңыз. Біраз шығынға ұшырауыңыз мүмкін. Дегенмен жұмсаған қаржыңыз текке кетпейді.
Сарышаян
Табысыңыз артып, қаражат мәселесі оң шешімін табады. Дегенмен ақша жұмсауда абай болыңыз. Көп шығындалып қалмаңыз.
Мерген
Қарбалас күн. Барлық мәселе еңсеңізді басып тұрады. Бос әңгімелерге уақыт жоғалтпаңыз. Сондай-ақ жақындарыңызды көңіліне қарап сөйлеңіз.
Тауешкі
Күніңіз сәтті өтеді. Жаңа іс бастайсыз. Өмірге жаңаша көзқараспен қарайсыз. Алға қоған жоспар көп, оларды орындауға ынтаңыз да жоғары.
Суқұйғыш
Жаныңызға жақын іспен айналысқанда жағымсыз бір қасиеттен арылатын боласыз. Бұл бүгінгі күннің басты жеңісі болмақ.
Балықтар
Шығармашылығыңызды шыңдайтын күн. Бойыңызда жасырынып жатқан талантыңызды көпшілікке танытатын кез келді.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Облыс әкімі Қуанышбек Ысқақов Қазалы ауданына жұмыс сапары барысында Әлсейіт көпірінің ашылуына қатысты.
Әлсейіт учаскесінде Сырдария өзені арқылы өтетін темір-бетон көпірі 2 жолақтан тұрады. Жалпы ұзындығы 219, ал, ені 12 метр. Көпірдің екі жағынан жаяу жүргіншілер жолы қарастырылған.
Бүгінгі күнге дейін елді мекен тұрғындары үшін жол қатынасы, көпір – ең үлкен өзекті мәселенің бірі болған. Міне, сол мәселе өз шешімін тауып, Қазалы ауданының 7 және Арал ауданының 6 ауылындағы 14 мыңнан астам халықтың тілегі орындалып, Әлсейіт көпірі пайдалануға берілді.
Аймақ басшысы жаңа жыл қарсаңында халық игілігі үшін қолданысқа берілгелі отырған көпірдің ашылуына қатысып, аудан тұрғындарын құттықтады.
<blockquote>
 «Дана халқымыз ежелден шөлге құдық қазған, өзенге көпір салған және жолға ағаш егу ең үлкен сауапты іс екенін айтады. Сыр бойында көпір құрылысы өткен ғасырларда да болды. Қараөзек тұсында «Сауранбай көпірі», Жосалы кентінде «Қармақшы өткелі», Қызылорда қаласына қарасты Абай ауылынан жоғары «Оспан көпірі», Қазалыдағы «Нұрқожа көпірі» ел жадында қалған тарихи жәдігерлер. Бүгінде біз ата-бабамыздың көпір салу дәстүрін заманауи үлгіде жаңғыртып, дамытып келеміз. Соның бір дәлелі ретінде Сырдарияның қос жағалауын байланыстырып, жаңа қаланың құрылысына жол ашқан зәулім көпірді айтуға болады. Міне, енді халық көптен күткен Әлсейіт өткеліндегі көпірдің игілігін де көретін боламыз. Қуаныштарыңыз құтты болсын! Жаңа жыл ырыс-несібе, береке-байлық әкелсін! Жақсылықтарымен, жағымды жаңалықтарымен келсін!», – деді облыс әкімі Қ.Ысқақов.
</blockquote>
<img src="https://kyzylorda-news.kz/wp-content/uploads/2019/12/26kazalykopir2.jpg" alt="" />
<img src="https://kyzylorda-news.kz/wp-content/uploads/2019/12/26kazalykopir3.jpg" alt="" />
<img src="https://kyzylorda-news.kz/wp-content/uploads/2019/12/26kazalykopir4.jpg" alt="" />

Қазалы ауданында Әлсейіт көпірі пайдалануға берілді (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов Қазалы ауданы, Әйтеке би кентінің тұрғындарына 18 пәтерлік 6 көпқабатты тұрғын үйдің кілтін табыстады.Пайдалануға берілген бұл үйлерде барлығы 108 пәтер бар.
Аймақ басшысы өтіп бара жатқан жыл еліміз үшін де, аймақ үшін де табысты да, берекелі жыл болғанын айтты. Соның ішінде, құрылыс саласы өзінің соңғы алты жылдан бергі қарқынын тоқтатқан жоқ. Өңірдің бас шаһарындағы құрылыс жұмыстарының көлемі артты. Облыста атқарылған құрылыс жұмыстарының үштен бірі қаланың үлесіне тиесілі екендігін атап өтті.
<blockquote>
 «Тұрғындарымыздың игілігі үшін әлеуметтік, мәдени ошақтар, мектеп, балабақша, аурухана, емхана, тұрмыстық қызмет көрсету, қабылдау орындары, спорттық ғимараттар, балалар алаңдары салынуда. Бұл дегеніміз күн өткен сайын ел тұрмысының түзеліп, әл-ауқатының артқандығын көрсетеді. Десек те, аймақта мемлекеттік бағдарлама аясында тұрғын үйге сұраныс білдіруші тұрғындар саны жыл сайын еселеп өсуде. Бұл өңір – халқы санының көбейіп келе жатқанының белгісі. Халықтың сұранысын қанағаттандыру мақсатында облыс орталығында ғана емес, аудандарда да тұрғын үй құрылысы көптеп жүргізілуде. Бүгін міне, Жаңа жыл мерекесі қарсаңында Қазалыда тұрғын үйлер пайдалануға берілуде. Баспаналы болған барша қазалылықтарды қоныс тойларымен құттықтаймын»,- деді облыс әкімі Қ.Ысқақов.
</blockquote>
Сонымен қатар, аймақ басшысы Қазалы аудандық мекемелер үйі ғимаратының құрылысымен танысты. Ғимарат 3 блоктан тұрады. Құрылыс салуға бөлінген жер учаскесі 2 гектар. Мекемелер үйі ғимаратында аудан әкімдігі мен мәслихат аппараты және 9 дербес бөлім орналасатын болады.
<img src="https://kyzylorda-news.kz/wp-content/uploads/2019/12/26akimatkazaly2.jpg" alt="" />
<img src="https://kyzylorda-news.kz/wp-content/uploads/2019/12/26akimatkazaly3.jpg" alt="" />
<img src="https://kyzylorda-news.kz/wp-content/uploads/2019/12/26akimatkazaly4.jpg" alt="" />

Қазалы ауданында 108 отбасы баспаналы болды (ФОТО)

<a href="https://kyzylorda-news.kz/">Kyzylorda-news.kz.</a> Қазақстанда есірткі заттарын сату және тарату бойынша жазаны күшейту жоспарланып отыр, деп хабарлайды&nbsp;<a href="https://sputniknews.kz/society/20191226/12375359/esirtki-pedofil-turme.html">Sputnik Қазақстан</a>.
Бас прокурордың орынбасары Марат Ахметжановтың айтуынша, жаңа заң жобасы бойынша есірткіге жарнама жасауға қатысты жаңа бап енгізілген. Себебі бүгінде осы мәселе елді қатты алаңдатып жүр. Ғимараттарда есірткі заттарының жарнамасы көбейіп кетті. Әзірге ол үшін жаза қарастырылмаған.
<blockquote>
 “Енді олай болмайды. Заңсыз есірткінің насихаты мен жарнамасы үшін жауапқа тартамыз. Жазасы ауыр. Айыппұл, түзету мен қоғамдық жұмыстар деген болмайды, тек бас бостандығынан айыру көзделіп отыр. Мерзімі – 6 жылға дейін”, – деді Ахметжанов сенаттың пленарлық отырысында.
</blockquote>
Бұдан бөлек, заңсыз есірткі айналымы үшін жазаны күшейту жоспарланған.
<blockquote>
 “Енді есірткіні интернет арқылы, қоғамдық жерлерде, түнгі клубтарда, дәмханада, саябақта таратқаны үшін жаңа құрам қарастырып отырмыз. 15 жылға дейін бас бостандығынан айырылады. Ал кәмелеттік жасқа толмаған балаға осы жолдармен таратса, тіпті, өмір бойына бас бостандығынан айырамыз”, – деп атап көрсетті Ахметжанов.
</blockquote>
Айта кеткен жөн, заң жобасында зорлық-зомбылық қылмыстары үшін жазаны күшейту шаралары да бар. Осы санаттағы қылмыстар бойынша енді татуласу болмайды. Ал жас баланы зорлау мен сексуалды сипаттағы әрекеттер үшін тек 20 жыл немесе өмір бойы бас бостандығынан айыру жазасы қарастырылған. Баланың зорланғаны туралы хабар бермегендер 6 жылға дейін бас бостандығынан айырылуы мүмкін.
Сенаторлар қылмыстық заңнаманы жетілдіруге арналған заң жобасын бірінші оқылымда мақұлдады.

Енді есірткі сатқандар мен педофилдер өмір бойы түрмеде отырады

<a href="https://kyzylorda-news.kz/">Kyzylorda-news.kz.</a> Сарапшылардың пайымдауынша, Қазақстанның қай өңірлерінде кірістер ең көп? Сонымен, жетекші орынды Алматы қаласы алады, деп жазады <a href="https://stan.kz/kazakstannin-en-bay-zhane-en-kedey-oniri-aniktaldi-325674/">Stan.kz</a>.
Мегаполистің тұрғындары айына орта есеппен 238,8 мың теңге алады.
Finprom.kz статистикасына сәйкес, алматылықтардың жалақысы бір жыл ішінде 5,7% -ға өсті және орташа көрсеткіштен 35,8% -ға асып түсті.
Екінші орынды Нұр-Сұлтан алады, мұнда қала тұрғындары орташа есеппен ай сайын 230,5 мың теңге алады. Мұнда жылдық табыс 5,9% -ға өсті.
Табыс деңгейі бойынша үшінші орында Қарағанды ​​облысы тұр, оның тұрғындары орташа көрсеткіштерге сәйкес айына 209,2 мың теңге алады.
Алғашқы бестікке Маңғыстау және Шығыс Қазақстан облыстары кірді, олардың орташа жалақысы сәйкесінше 203,8 мың және 199,5 мың теңгені құрайды.
Республикада 17 аймақ бар, олардың жалпы санынан тек 9 облыстың тұрғындары айына елде белгіленген орташа мәннен көп алады.
Ең төменгі жалақы деңгейі Түркістан, Жамбыл және Қызылорда облыстарында белгіленді, мұнда орташа жалақы деңгейі 105,3 мың теңгені, сәйкесінше 134,6 мың және 139,4 мың теңгені құрады.

Қазақстанның ең бай және ең кедей өңірі анықталды

<a href="https://kyzylorda-news.kz/">Kyzylorda-news.kz.</a> Жосалы кенті орталығында жаңа жылдық шыршаның шамы &nbsp;жағылды.
Шара барысында «Қазақстан халық жинақ Банкі» акционерлік қоғамы ауданымыздағы мүгедек жандарға қайырымдылық және демеушілік көмек көрсетіп, газель маркалы инвотакси автокөлігін сыйға берді.&nbsp;&nbsp;
&nbsp;«Қазақстан халық жинақ Банкі» акционерлік қоғамы Байқоңыр филиалы директорының орынбасары Алмат Қорабаев сөз алып, аудан тұрғындарын жаңа жылмен құттықтады. &nbsp;Газель&nbsp; маркалы инвотакси автокөлігінің&nbsp; кілтін Қармақшы аудандық жұмыспен қамту, әлеуметтік бағдарламалар және азаматтық хал актілерінің тіркеу бөлімінің басшысы Зере Метероваға табысталды.
Шараға аудан әкімі М. Қалдарбеков арнайы қатысып, санаулы күндер қалған Жаңа 2020 жылмен құттықтап ізгі лебізін жеткізді.
<blockquote>
 «Әрбір жылды шығарып салар тұста өткенді ой елегінен өткізіп, жарқын жаңалықтарды, ерекше оқиғаларды еске аламыз, жылды қорытындылап, жаңа жоспарлар жайлы ойланамыз, алдымызға үлкен мақсаттар қоямыз. Биылғы жыл біздің ауданымыз&nbsp; үшін де шын мәнінде бірлік пен берекенің, жаңа жетістіктер мен мүмкіндіктердің, ел тілегі жүзеге асқан, серпінді жобалардың орындалуымен аса құнды жыл болды.&nbsp;«Ауыл – ел бесігі» жобасы аясында әлеуметтік нысандар қайта жаңғыртудан өткізіліп, әлеуметтік мәні зор жобалар іске асырылды. &nbsp;Аудан диқандары биылғы жылы 23&nbsp;690&nbsp; гектар&nbsp; жерге егіс ораналастырып, аудан еңбеккерлері алтын дән тапсыру жолында толағай табыстарға жетті. Сонымен бірге Қазақстан Республикасының Тұңғыш Президенті Елбасы Н.Ә.Назарбаевтың бастамасымен биылғы жыл «Жастар жылы» болып жарияланып, ауданымыздың жастары республика бойынша үздіктер қатарынан көрінді» – деді аудан әкімі.
</blockquote>
Қармақшыдағы бас шыршаны жағу мәртебесі аудан мақтаныштары Параолимпиадалық ойындарда жүгіруден 1 орын иегері Бағдат Елібаев, самбодан жасөспірімдер арасында Әлем және Азия біріншілігінің жүлдегері Дамир Абдеков, ауданның жас өнерпазы, әнші, актер, мәдениет саласына жас болсада өз үлесін қосып жүрген Ақсұңқар Айдынұлы, Республикалық және облыстық конкурстар мен ғылыми жобалардың&nbsp; жеңімпазы Т. Көмекбаев атындағы №250 мектеп-лицейдің 11 сынып оқушысы Маржан Айтжанова, &nbsp;&nbsp;О.Шораяқұлы атындағы №30 орта мектептің озат оқушысы Серікжан Әбдуәлиевке табысталды. Шара соңы аудан өнерпаздарының арнайы дайындаған концерттік бағдарламасына жалғасты.
<img src="https://kyzylorda-news.kz/wp-content/uploads/2019/12/26autokolik2.jpg" alt="" />
<img src="https://kyzylorda-news.kz/wp-content/uploads/2019/12/26autokolik3.jpg" alt="" />
<img src="https://kyzylorda-news.kz/wp-content/uploads/2019/12/26autokolik4.jpg" alt="" />

Халық банкі Қармақшыдағы мүмкіндігі шектеулі жандарға автокөлік алып берді

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Атамекен» отбасылық үлгідегі балалар ауылы тәрбиеленушілеріне арналған жаңа жылдық шырша өтті.
Осы жылы «Persona» сұлулық орталығында «Тілектер шыршасы» атты жаңа жылдық қайырымдылық жобасы іске асырылып, онда ойыншықтардың орнына «Атамекен» балалар ауылы тәрбиеленушілерінің Аяз Атаға жеке өтініштері жазылған карточкалары орналастырылды.
Мерекелік кеште қайырымдылықпен айналысатын әрбір адам сиқыршы рөлінде өнер көрсете алды, жеке карталардың бірін таңдап, баланың қалауын орындады. Жаңа жылдық шыршада жиналған сыйлықтар 55 тәрбиеленушіге берілді.
<blockquote>
 &nbsp;«Құрметті жаны жайсаң жандар, еріктілер, сіздерге «Атамекен» балалар ауылының тәрбиеленушілеріне көрсеткен қолдауларыңыз үшін, сіздердің оларға сыйлаған қуаныш пен шаттық үшін шын жүректен алғысымды білдіремін. Баршаңызды келе жатқан Жаңа жылмен құттықтаймын және зор денсаулық, игілік және табыс тілеймін», – деді меценат Венера Гафурова.
</blockquote>
<img src="https://kyzylorda-news.kz/wp-content/uploads/2019/12/26atameken2.jpg" alt="" />
<img src="https://kyzylorda-news.kz/wp-content/uploads/2019/12/26atameken3.jpg" alt="" />
<img src="https://kyzylorda-news.kz/wp-content/uploads/2019/12/26atameken4.jpg" alt="" />

Қызылордадағы «Атамекен» балалар ауылында жаңа жылдық кеш өтті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Елімізде Жасылдар партиясы құрылады.
Бұл туралы «Байтақ-Болашақ» экологиялық альянсының төрағасы, Ұлттық қоғамдық сенім кеңесінің мүшесі Азаматхан Әміртай мәлімдеді.
<blockquote>
 «Біз партия құруды түпкілікті қолға алдық. Бұл экологиялық Жасылдар партиясы болуы тиіс», – деп жазды ол <a href="https://www.facebook.com/amirtayazamatkhan/">Facebook</a>-тегі парақшасында.
</blockquote>
Азаматхан Әміртайдың жазуынша, Жасылдар партиясы экология мәселелерін көтерумен ғана шектелмек емес.
<blockquote>
 «Мемлекеттік, халықтық, ұлттық мәселелерді шешумен де айналысамыз. Ең бастысы, Ұлт мүддесін бірінші орынға қоямыз. Яғни еліміздің экологиясын қорғаумен қатар, ұлттық мәселелерді алдыңғы орынға шығарамыз», – дейді ол.
</blockquote>

Қазақстан және Қызылорда облысының жаңалықтары: Қоғам