<a href="https://kyzylorda-news.kz/">Kyzylorda-news.kz.</a> Былтыр қазалылықтар көптен күткен «Әлсейіт» көпірі ел игілігіне берілді. Тұрғындарды баспанамен қамтамасыз етуде ауқымды жұмыстар атқарылды. Соның нәтижесінде аудан орталығында 18 пәтерлі 6 көпқабатты тұрғын үйлер тұрғызылды.
Бұл туралы аудандық мәдениет орталығында қорытынды есеп берген Қазалы ауданының әкімі Мұрат Ергешбаев айтып берді.
Сондай-ақ, аудан басшысы былтыр Әйтеке би кенті мен Қазалы қаласының екі орталығынан аудандар арасында алғаш рет мекемелер үйінің зәулім ғимараты бой көтергенін жеткізді.
Бұл ғимаратта аудан әкімдігімен қатар, аудандық мәслихат пен 9 бөлім орналасқан. Бүгінгі таңда аудан әкімдігінде «Ашық әкімдік» жобасы жүзеге асырылуда. «Open Space» жобасы аясында әртүрлі мекемелердің қызметкерлері халыққа бір жерден қызмет көрсетіп жатыр. Енді түрлі мекемелерге құжат тапсыратын тұрғындар бір жерден кеңес алып, жұмыстары жеңілдейтін болады.
Өткен жылы аудандық маңыздағы жолдарды жөндеуде көптеген жұмыстар атқарылды.
<blockquote>
 «Аудандағы өте нашар жағдайдағы Бозкөл мен Кәукей ауылдарының аралығындағы жолға күрделі жөндеу жұмыстары жүргізіліп жатқанын білесіздер. Жобаның жалпы құны ауқымды. Осы жұмыстарды жалғастыру үшін 2020 жылға қосымша қаржы қаралып отыр. Жолды толық аяқтау үшін әлі де қаржы қажет. Сонымен қатар, 2018 жылы Қазалы қаласынан Қарлаңға және Қарлаңнан Қожабақы ауылына дейін, Қожабақы ауылынан Ү.Түктібаев ауылына дейінгі жолдарға орташа жөндеу жұмыстары басталған болатын. Биыл осы жұмыстарды толық аяқтау облыстық бюджеттен қаржы бөлінді. Дәл осындай жұмыстар Басықара ауылынан Абай ауылына дейінгі жолға да жүргізілген еді. Осы жолды аяқтау үшін біршама қаржы қажет. Сондықтан, жыл аяғына дейін Кәукейдің және осы Абайдың жолдарын аяқтауға қажетті қаржыны бөлдіруге жұмыс жасаймыз», – деген аудан басшысы 2019 жылы 7 бағыт бойынша жолдарды жөндеу жұмыстары жасалғанын тілге тиек етті.
</blockquote>
Бұл жұмыстар биыл да жалғасын табады. Мәселен, биыл аудан орталығынан ауысымына 250 адам қабылдайтын аудандық емхананың құрылысы басталады. Сондай-ақ, Әйтеке би кенті мен Қазалы қаласының аралығындағы жолды 4 жолақты ету жұмыстары басталады.
Есептік кездесуге арнайы қатысқан облыс әкімінің орынбасары Мұрат Имандосов Қазалы ауданы барлық көрсеткіштер бойынша аймақтағы үздіктердің қатарынан көрінгенін, оған барлық қазалылықтардың қосқан үлесі зор екенін атап өтті.
Ал, Қызылорда облысы бойынша педагогикалық қызметкерлердің біліктілігін арттыру институтының кафедра меңгерушісі, философия ғылымдарының докторы, облыстық қоғамдық кеңес мүшесі Баймырза Қожамберлиев аудан әкімінің есебінен қасиетті Қазалы ауданында атқарылған ауқымды жұмыстарға қанық болғанын тілге тиек етіп, іргелі істерге риза болғанын жеткізді.
Тұрғындар тарапынан Әйтеке би кентіндегі жолдарды жөндеу, жарықтандыру, Бекарыстан би ауылынан балабақша, Бозкөл және Кәукей ауылдарынан дәрігерлік амбулатория салу сияқты мәселелер көтерілді.
Аудан тұрғындары әкімнің есебінен кейін ауданда өткен жылы атқарылған жұмыстарға оң бағасын берді.
Есептік кездесуден кейін аудан әкімі Мұрат Ергешбаев тұрғындарды жеке мәселелері бойынша қабылдап, сұрақтарына жауап берді.
<img src="https://kyzylorda-news.kz/wp-content/uploads/2020/01/31kazalyakimesep2.jpg" alt="" />
<img src="https://kyzylorda-news.kz/wp-content/uploads/2020/01/31kazalyakimesep3.jpg" alt="" />

Қазалы ауданының әкімі халыққа есеп берді

<a href="https://kyzylorda-news.kz/">Kyzylorda-news.kz.</a> Ауыл шаруашылығы мақсатындағы алқаптарға ғарыштан мониториг жүргізіледі, деп хабарлайды <a href="https://24.kz/kz/zha-aly-tar/o-am/item/371135-elimizdegi-auyl-sharuashyly-y-al-aptary-aryshtan-tekseriledi">«Хабар 24»</a>.
Бұл пилоттық жобамен Шығыс Қазақстан, Маңғыстау, Ақмола және Қостанай облыстары қамтылып отыр. Жалпы Тобыл өңірінде егін егіп, мал бағуға арналған жер ауқымы 12 миллион гектарды құрайды. Бірақ соны дұрыс игермеу немесе заңсыз иелену жайттары аз емес. Өткен жыл ішінде қараусыз қалған 320 мың гектар алқап мемлекет меншігіне қайтарылған. Тағы 104 мың гектарға қатысты іс сотта қаралып жатыр.
«Ғарыштан бақылау егіндік, шабындық жерлерді кім, қалай пайдаланып жатқандығын нақты анықтауға мүмкіндік береді», – дейді мамандар.
<blockquote>
 «Бұл жоба бізге ешқайда бармай-ақ спутник арқылы мониторинг жүргізуге мүмкіндік береді. Жер телімдері қалай пайдаланылып жатқандығын тез анықтап, сол бойынша шұғыл түрде тиісті шаралар қолданатын боламыз», – дейді облыстық жердің пайдаланылуы мен қорғалуын бақылау басқармасының басшысы Нұрлан Әбдуов.
</blockquote>

Қазақстанда ауыл шаруашылығы алқаптары ғарыштан тексеріледі

<a href="https://kyzylorda-news.kz/">Kyzylorda-news.kz.</a> Биылғы жылдың 1-ші қаңтарынан бастап мемлекеттік қызметкерлердің саны 3540 адамға толықты. Бұл туралы Өңірлік коммуникациялар қызметінің ақпарат алаңында өткен баспасөз конференциясында ҚР Мемлекеттік қызмет істері агенттігінің Қызылорда облысы бойынша департаментінің басшысы Нұрман Талқанбаев мәлімдеді.
<blockquote>
 «Мемлекеттік қызметкердің 15,2 пайызы жастар. Жастар жылында кәсіби мемлекеттік аппаратты қалыптастыру бағытында «Президенттік жастар кадр резерві» жобасы қолға алынды. Жобаға– 35 жастан аспаған, жоғары білімі жəне кемінде бес жыл еңбек өтілі бар ҚР азаматтары қатысты. Резервке облысымыздан 11 азамат қабылданды. Оның ішінде, 3-і жеке сектордың өкілі, 7-і квазимемлекеттік сектордың қызметкері болса, 1-і мемлекеттік қызметші»,-деді Нұрман Талқанбаев.
</blockquote>
Сондай-ақ, Мемлекеттік тестілеуге 1783 адам қатысып, оның 693 азаматы жақсы нәтиже көрсетті. Ал, құқық қорғау органдарына алғаш кіретін азаматтарды тестілеуге 1 189 адам қатысып, оның 533 азаматы шекті мәннен төмен емес нәтижеге қол жеткізді.
Мұнан өзге, Мемлекеттік қызметкерлердің мансаптық өсу мәселесіне жоғары мән берілуде. Осыған орай, ішкі конкурстардың оң қорытындысына ие болған 328 үміткердің 237-сі, жоғары лауазымға тағайындалды.
<blockquote>
 «Өткен жылы Мемлекеттік басқару академиясының облыстық филиалы базасында жергілікті атқарушы органдардан 605 қызметкер оқытылды. Оның ішінде, қайта даярлаудан – 150, ал біліктілігін арттыру курстарынан – 455 мемлекеттік қызметші өтті»,-деді Нұрман Талқанбаев.
</blockquote>
<img src="https://kyzylorda-news.kz/wp-content/uploads/2020/01/31memkyzmet2.jpg" alt="" />

Қызылордада мемлекеттік қызметшілердің қатары жастармен толығуда

<a href="https://kyzylorda-news.kz/">Kyzylorda-news.kz.</a> 31 қаңтар күні Қазақстанның барлық дерлік аумағы солтүстік-батыс антициклонының ықпалында болады. Соған байланысты республиканың басым бөлігінде жауын-шашынсыз ауа райы күтіледі.
Республиканың тек батысы атмосфералық фронттардың әсерінде болатындықтан жауын-шашын күтіледі. Кей жерлерде тұман, көктайғақ, оңтүстік-шығыста және солтүстік-батыста желдің күшеюі және жаяу бұрқасын сақталады.
«Қазгидромет» РМК мәліметінше, еліміздің жекелеген өңірлерінде тұман сақталады. Батыс Қазақстан және Атырау облыстарының кей жерлерінде көктайғақ, Жамбыл облысының кей жерлерінде 15-20 м/с екпіндегі жел және жаяу бұрқасын болжанады.
Алматы облысының Жалаңашкөл ауданында жел 18-23 м/с күшейеді.
Ақтөбе облысының Мұғалжар ауданында желдің күші 18 м/с артатыны күтіледі.

31 қаңтарға арналған ауа райы болжамы

Халықаралық зергерлер күні
Ежелгі Грекия зергерлік өнердің отаны болып саналады. Асыл тастар алғаш өңделіп, ең сәнді әшекей бұйымдар осы жерде жасала бастаған. Ежелгі шеберлердің қолынан шыққан бұл туындылар бүгінгі күнге дейін ең ғажайып туындылар қатарында.
2006 жылы&nbsp;басқаруына ұлттық компаниялар мен республикалық мекемелердің мемлекеттік үлесі берілген «Самұрық» Ұлттық холдингтік компаниясы» АҚ құрылды.
2006 жылы&nbsp;Мемлекет басшысы Нұрсұлтан Назарбаев «Жеке кәсіпкерлік туралы» Заңға қол қойды. Бұл заң жеке және заңды тұлғалардың жеке кәсіпкерлік қызметтерін жүзеге асыру барысында туындайтын қоғамдық қарым-қатынастарды реттейді.
2017 жылы&nbsp;Елбасы Нұрсұлтан Назарбаевтың Қазақстан халқына арналған «Қазақстанның үшінші жаңғыруы: жаһандық бәсекеге қабілеттілік» жолдауы жарияланды.
2017 жылы&nbsp;ҚР Ұлттық банкі номиналы 100 теңгелік, «рroоf» сапалы күмістен ҚР Ұлттық Олимпиада комитетінің 25 жылдығына арналған ескерткіш күміс монеталарды айналымға шығарады.
Монета 925 сынамды күмістен жасалған, массасы – 31,1±0,31 г, диаметрі – 38,61 мм, дайындау сапасы – «proof», таралымы – 1 мың дана.

31 қаңтар: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 31 қаңтарға арналған жұлдыз-жорамалы.
Тоқты
Өміріңізде біршама өзгерістер орын алады. Жақын адамдармен кез келген тақырыпты талқылай аласыз. Олармен қарым-қатынаста кикілжің туындамайды. Барлық мәселе өз шешімін табатын болады.
Торпақ
Қолыңыздан келмейтін іс жоқ. Барлық шаруаны дөңгелетіп әкетесіз. Іске тиянақтылығыңыздың арқасында өзгелерге өзіңізді мойындата аласыз. Жұмыста немесе оқуда табысты боласыз.
Егіздер
Маңызды шаруаға ғана көңіл аударыңыз. Сонда ғана бір істі тиянақтылайсыз. Бос әңгімелерге уақыт жоғалпаңыз. Көп сөйлейтін немесе әңгімесі таусылмайтын жандардан бойыңызды аулақ ұстаңыз.
Шаян
Соңғы уақытта мазаңызды алған сауалдарға жауап тауып, мәселелерді біржақты етесіз. Осыдан кейін өзіңізге деген сенімділігіңіз артып, әрі қарай жоспар құра бастайсыз.&nbsp;
Арыстан
Көпшіліктің алдына шығып сөз бастайсыз. Көрермендерді қалай қызықтыру керек екенін жақсы білесіз. Олар сіздің айтқан қызықты ақпараттарыңызға ризашылығын білдіретін болады.
Бикеш
Ешқайда асықпаңыз. Бұл күні бастаған істі соңына дейін жеткізуге қолайлы. Қажетсіз дүниелерден арылуға тырысыңыз. Бірақ бүгін жаңа іс бастамағаныңыз жөн. Алдымен ойыңызды жинақтап алыңыз.
Таразы
Бос қиялға берілмей, нақты шаруамен айналысатын боласыз. Көп адам сіздің жетістіктеріңізді көре алмайды. Сіздің іскерлігіңізге қызғанышпен қарайтындар көп, сондықтан сақ болыңыз.
Сарышаян
Жұмыс жасауға, оқу мен басқа да пайдалы істермен айналысуға қолайлы күн. Жаңа бастаған іспен айналысасыз, ештеңеге алаңдамайсыз. Сондықтан барлық шаруаны соңына дейін жеткізесіз.
Мерген
Жаңашылдықтан қорықпайтын жандар үшін керемет күн болмақ. Айналаңыздағы адамдарға ыңғайсыздық тудырғанымен, өзіңізге қолайлы іспен айналысатын боласыз.
Тауешкі
Жұмысыңызға көмектесетін серіктес іздейсіз. Сіздің жоспарларыңызға шын жанашырлық, қызығушылық танытатын жан табылады. Бұл серіктестіктің нәтижесі жемісті болмақ.
Суқұйғыш
Сіз еңсере алмайтын кедергі жоқ. Сондықтан барлық істі өз жауапкершілігіңізге ала берсеңіз болады. Кез келген кездесу қызықты өтеді. Осы кездесуде пайдалы ұсыныстар түседі.
Балықтар&nbsp;&nbsp;&nbsp;
Керемет күн. Бүгін ешқандай кедергіге тап болмайсыз. Бастаған шаруаңызды соңына дейін жеткізе аласыз. Айналаңыздағы адамдармен байланыс орнатқанда барынша сабырлы болуға тырасысыз.
Аударған Динара МАХАНОВА

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> БҰҰ электрондық үкімет басқармасының басшысы Акуаро Винченсо «Азаматтарға арналған үкімет» мемлекеттік корпорациясының промо-ХҚО-сы мен ахуалдық орталығында болды. &nbsp;
<blockquote>
 «Сіздердегі цифрлық үкімет &nbsp;– мақтанарлық дүние, жұмыстарыңызды барлығына үлгі етуге болады, тіпті өзге елдер үшін Қазақстанда цифрлық саясаттың қалай жасалып жатқаны және қызметтердің қалай ұсынылатыны жайлы турлар ұйымдастыруға болады. Цифрлық қызметтердің дамуы туралы айта келе, Қазақстан – болашағы зор ел деп айта аламын», – деді халықаралық сарапшы.
</blockquote>
Мемлекеттік корпорацияның басқарма төрайымы Әсемгүл Балташева Азаматтарға арналған үкіметтің жұмысын таныстыру барысында Қазақстанда мемлекеттік қызметтерді автоматтандыру және оңтайландыру үрдісі туралы айтып берді.&nbsp;
Винченсо мырза, сондай-ақ қазақстандықтардың мемлекеттік қызметтерді ХҚО және оның онлайн баламасы – egov.kz порталы арқылы қалай алатынын білді. Қонақ мемлекеттік корпорацияның қызметіне жоғары баға беріп, Қазақстанның мемлекеттік қызмет көрсету моделін басқа елдерге де пайдалануға болатынын атап өтті.&nbsp;
Акуаро Винченсо, сондай-ақ Қазақстан e-үкімет рейтингісінде жоғары позицияға ие болғанын және цифрлық үкімет пен инновациялар бойынша&nbsp; әлемдегі көшбасшылардың бірі болуға лайық екенін айтты.
Айта кетейік, мәртебелі қонақ Қазақстанға Алматы қаласында өтіп жатқан Digital Almaty2020 форумы аясында келді. Шара барысында жасанды интеллект ролі, цифрлық трансформация мен білім саласындағы ілкімді технологиялар сияқты тақырыптар талқыланатын болады.

БҰҰ сарапшысы қазақстандық ХҚК орталықтарының жұмысына оң баға берді

<a href="https://kyzylorda-news.kz/">Kyzylorda-news.kz.</a> Қызылорда қаласындағы Ә.Тәжібаев атындағы облыстық әмбебап ғылыми кітапханасында Қазақстандық салалық білім және ғылым қызметкерлері кәсіптік одағының Қызылорда облыстық ұйымының кезекті ХХІХ есеп беру-сайлау конференциясы өтті.
Конференцияға Қазақстандық салалық білім және ғылым қызметкерлері кәсіптік одағының төрайымы А.Мұқашева, облыс әкімінің орынбасары Н.Байқадамов, облыстық білім басқармасының басшысы М.Мелдебекова, облыстық кәсіподақтар орталығының төрағасы С.Сермағанбетов, Қызылорда облыстық білім және ғылым қызметкерлері кәсіподағы комитетінің төрайымы Р.Байназарова, «Өрлеу» БАҰО» АҚ филиалы Қызылорда облысы бойынша педагогикалық қызметкерлерінің біліктілігін арттыру институтының директоры Б.Елеусінов, Білім және ғылым қызметкерлері кәсіподағының аудандық комитеттерінің төрағалары, қала, облыс мектептерінің директорлары мен мектеп мұғалімдері қатысты.
Жиында Қызылорда облыстық білім және ғылым қызметкерлері кәсіподағы комитетінің төрайымы Р.Байназарованың Қазақстандық салалық білім және ғылым қызметкерлері кәсіптік одағының Қызылорда облыстық комитетінің 2015-2020 жылдар аралығындағы есебі, комиссия мүшесі Л.Құлымбетованың Бақылау-тексеру комиссиясының есебі тыңдалып, талқыланды.
Жарыссөзге шыққан институт директоры Б.Елеусінов облыстық Білім және ғылым қызметкерлері кәсіподағы комитеті мен институт бірігіп өткізген шаралар, оның ішінде республикада ешқандай баламасы жоқ «Тәжірибе алаңы» жайлы баяндап, есепті кезең аралығындағы кәсіподақ комитетінің жұмысын жоғары &nbsp;бағалады. Сонымен қатар, кәсіподақтың Қызылорда облыстық ұйымының басқару органдары мен облыстық кәсіподақ комитетінің төрағасын сайлау, облыстық кәсіподақ ұйымының Кеңес құрамын және Атқару комитетінің құрамын сайлау, облыстық кәсіподақ комитетінің бақылау-тексеру комиссиясын сайлау шаралары өтті.
Қызылорда облыстық білім және ғылым қызметкерлері кәсіподағы комитетінің төрайымы болып Г.Есқалиева бірауыздан сайланды.
Жиын соңында Қазақстандық салалық білім және ғылым қызметкерлері кәсіптік одағының Қызылорда облыстық ұйымының кезекті ХХІХ есеп беру-сайлау конференциясының қаулысы қабылданды.

Қызылорда облыстық білім және ғылым қызметкерлері кәсіподағы комитетінің жаңа төрайымы сайланды

<a href="https://kyzylorda-news.kz/">Kyzylorda-news.kz</a> Арнайы тексеріс кезеңін қазақстандық мемлекеттік қызметшілердің еңбек өтіліне қосу ұсынылады. Бұл туралы Мемлекеттік қызмет істері агенттігі басшысының орынбасары Марат Дәуешов мәлімдеді, деп хабарлайды&nbsp;<a href="https://stan.kz/news-326788/">Stan.kz</a>.&nbsp;
<blockquote>
 «Арнайы тексеріс жүргізу мерзімін мемлекеттік қызмет өтілі құрамына қосу ұсынылады. Бұл адамдардың&nbsp;іс жүзінде қызметтік міндеттерін атқаратындығына байланысты. Олар мемлекеттік қызметшілер ретінде барлық шектеулерге ұшырайды. Алайда&nbsp;бұл жұмыс уақыты мемлекеттік қызмет өтіліне есептелмейді, жоғары лауазымдарға тағайындау кезінде бұл&nbsp;теріс әсер етеді», – деді Марат Дәуешов Мәжілісте мемлекеттік қызмет мәселелері бойынша заңнамалық түзетулердің таныстырылымында.
</blockquote>
Бұған дейін мемлекеттік қызмет істері агенттігі мемлекеттік қызметшілерді «Дипломмен – ауылға» бағдарламасы бойынша ауылдық жергілікті атқарушы органдарға жіберуді ұсынған болатын. Мемлекеттік қызметке қабылданғаннан кейін қызметкерлердің талаптарға сәйкестігі тексеріледі.

Мемлекеттік қызметкерлердің еңбек өтілін басқаша есептейтін болды

<a href="https://kyzylorda-news.kz/">Kyzylorda-news.kz</a> Елімізде ең төменгі жалақы мөлшері өседі,&nbsp;деп хабарлайды <a href="https://24.kz/kz/zha-aly-tar/basty-zha-aly-tar/item/371011-aza-standa-e-t-mengi-zhala-y-m-lsheri-sedi">«Хабар 24»</a>.
Бүгінгідей 40 мыңның емес, 70 мың теңгенің шамасында болады. Мәжілісте өткен жиында Еңбек және халықты әлеуметтік қорғау министрі Біржан Нұрымбетов осылай деді.
Айта кетейік, халықаралық Кейтц индексіне сәйкес ең төменгі жалақы мөлшері орташа деңгейдің 30 процентіне тең болуы тиіс. Қазір бұл көрсеткіш – елімізде 23 процент. Сондықтан орташа жалақы да өсуі қажет. 2023 жылға қарай оның көлемі 223 мың теңгеге жетеді деп болжанып отыр.
<blockquote>
 «Ең төменгі жалақыны өсіру шығынды қажет етеді. Бюджеттік мекемелерде өседі. Жеке табысқа салынатын салық та өседі. Есебі шығады. Егер миллиондаған адам жалақысын көбейтетін болса, ол ешқайда кетпейді», – дейді ҚР еңбек және халықты әлеуметтік қорғау министрі Біржан Нұрымбетов.
</blockquote>
Жиында депутаттар 1 немесе 3 баласы бар отбасыларға да жәрдемақы беру мәселесін көтерді. Үкімет өкілдері бұл бастаманы жүзеге асыру жолдарын қарастырып жатқанын айтты. «Ең алдымен мемлекеттің мүмкіндігіне қарай жағдайы жұтаң отбасылар жәрдемақы алуы мүмкін. Дегенмен барлығына біркелкі төлеу жайы қарастырылады деді. Бұдан бөлек, басқосуда әлемді алаңдатқан коронавирус дерті мен басқа да вирустық инфекциялардың алдын алуға 1 жарым миллиард теңге бөлінетіні айтылды. Бұл қаржыға қосымша медициналық жабдықтар сатып алынбақ.

Қазақстанда ең төменгі жалақы мөлшері өседі

<a href="https://kyzylorda-news.kz/">Kyzylorda-news.kz.</a> Аудан прокуроры Асхат Тәженовтың төрағалығымен пробация қызметінің есебінде тұрған адамдардың жұмыспен қамтылуына жәрдемдесу және өзге де әлеуметтік, құқықтық көмектер көрсету мақсатында жиын өткізілді.
Жиында пробациялық есептегі азаматтарды жұмысқа орналастыру, кәсіби мамандықтарға оқыту, кәсіп ашуға мүмкіндік жасау мақсатында мемлекет тарапынан көрсетілетін қызметтер мен қайтарымсыз грант түрлерін алу және медициналық мекемелерден қажетті жағдайда ем қабылдау жолдары түсіндірілді.
Өткен жылы пробация есебіндегі 3 азамат «Бастау-Бизнес» жобасы аясында кәсіпкерлік бағытта оқу курсын аяқтап, қайтарымсыз грантқа қол жеткізіп, қазіргі таңда өз кәсіптерін жүргізуде. Сондай-ақ, биыл 1 азамат қой шаруашылығы бойынша бизнес-жоспарын дайындаса, 1 азамат әлеуметтік жұмысқа, 1 азамат қоғамдық жұмысқа, 2 азамат «Бизнес-Бастау» жобасы аясында кәсіпкерлік негіздерін оқуға ниет білдірген.
Кездесу барысында аудан прокуроры ағымдағы жылдан бастап Қазақстан Республикасының кейбір заңнамалық актілеріне енгізілген өзгерістер мен толықтырулар жөнінде түсіндірме жұмыстарын жүргізіп, зорлау қылмыстары, көлік құралдарын мас күйде басқару, браконьерлік, есірткі заттарының заңсыз айналымы және мал ұрлығы сынды қылмыстардың жазалары қатаңдатылғандығына тоқталып өтті.
Мәжіліске қатысқан пробация есебіндегі азаматтар да қозғалған мәселелерге байланысты өз ой-пікірлерін ортаға салып, ұсыныстарын жеткізді.
<img src="https://kyzylorda-news.kz/wp-content/uploads/2020/01/30aralprobasiya2.jpg" alt="" />

Аралда пробациялық есептегі азаматтармен кездесу өтті

<a href="https://kyzylorda-news.kz/">Kyzylorda-news.kz</a> Қызылорда облысында барлық бағыттағы республикалық маңызы бар жолдар ашылды, деп хабарлайды <a href="https://24.kz/kz/zha-aly-tar/o-am/item/371014-yzylorda-oblysynda-barly-ba-ytta-y-zholdar-ashy">«Хабар 24»</a>.
Бұған дейін қарлы боран және көктайғаққа байланысты Ақтөбе және Жезқазған бағытындағы трассада көлік құралдарының қозғалысына 3 тәулікке шектеу қойылған болатын. Қызылордалық полицейлер табиғаттың тосын мінезі салдарынан жолда қалған 1400-дей көліктің 3 мыңдай жүргізушісі мен жолаушысына көмек көрсетіп, сервистік кешендерге орналастырды. 336 әйел мен 13 балаға ерекше жағдай жасалды. Зардап шеккендер мен жедел жәрдем шақыртулары тіркелген жоқ. Тәртіп сақшылары автокөлік иелері мен мүлкінің қауіпсіздігін қамтамасыз етті. Жол патрульдік полиция инспекторлары жүргізушілер тарапынан ескертпеге бағынбай, сапарын жалғастыруға ұмтылғандар көп болғанын айтады.
<blockquote>
 «Жол тайғақ болды. Жүк көлігім жеңіл көлікпен сәл жанасып, жолдан шығып кеттім. 6-7 сағаттай тұрып қалдық. Негізі Ақтөбеге жүк тасымалдауға шыққанмын. Полицейлер мен жергілікті әкімдік тарапынан барлық жағдай жасалды», – дейді жолаушы Иван Денисов.
 «Жолды жапқан уақытта жолаушылар қатарынан қарсылық танытқандар болды. «Біз өтейік, қауіпсіздігімізге өзіміз жауап береміз» деген секілді түрлі наразылық келтіргендер бар. Дегенмен Ақтөбедегі әріптестеріміздің түсірген бейнелерін әлеуметтік желі арқылы ұялы телефонмен көрсетіп, қандай қиын жағдай болып жатқанын, жолда қалған автокөліктерді көрсету арқылы сендірттік. Сосын басылды олар», – дейді жергілікті полиция қызметі басқармасы басшысының орынбасары Азамат Оспанов.
</blockquote>

Қазақстан және Қызылорда облысының жаңалықтары: Қоғам