<a href="https://kyzylorda-news.kz/">Kyzylorda-news.kz</a> Қызылордада облыстық татар этномәдени бірлестігі жиырмасыншы рет Сабантойды тойлады. Бұл туралы облыстық Қазақстан халқы ассамблеясы хабарлады.&nbsp;Облыстық қоғамдық даму басқармасының басшысы Руслан Каюпов бұл ынтымақ пен бірлік мейрамы екенін атап өтті.&nbsp;<blockquote>— Осындай жарқын мерекеге бірге куә болу, біз үшін үлкен қуаныш. Баршаңызға амандық, еңбектеріңізге табыс, шаңырақтарыңызға шаттық тілеймін. Сабантой құтты болсын, — деді ол.&nbsp;</blockquote>Этномәдени бірлестік төрағасы Галия Гизатуллина Сабантой еңбек мерекесі ғана емес, ұлттың рухани болмысын, бай мәдениетін, татулық пен өзара сыйластықты паш ететін ерекше күн екенін жеткізді.Мерекелік думанда өнерпаздар татардың ұлттық әні мен биін көпшілік назарына ұсынды.«Сарман» вокал тобы, «Жасмин» бишілер тобы, сондай-ақ Татарстаннан арнайы келген қонақтар Ильнур Еникеев пен Алина Ахметшина өз өнерімен көрермендерді тәнті етті. Халық ойындары мен спорттық жарыстар ұйымдастырылды.Айта кетейік, Қызылордада этномәдени ұйымның онкүндігі өтіп жатыр. Онкүндік аясында бұған дейін алғаш рет «Тақиядағы жүгіріс» сайысы өтті. Қатысушылар татардың ұлттық бас киімі&nbsp;— тақияны киіп, 500 метрден 1000 шақырымға дейінгі аралыққа жүгірді.&nbsp;<figure class="image"><img src="https://knadmin.beoblood.kz/uploads/sabantoj_2_777caf698a.jpg" alt="сабантой 2.jpg"></figure><figure class="image"><img src="https://knadmin.beoblood.kz/uploads/sabantoj_3_7f0eda44a4.jpg" alt="сабантой 3.jpg"></figure>Фото: Қызылорда облыстық Қазақстан халқы ассамблеясы

Қызылордада Сабантой мерекесі өтті 

<a href="https://kyzylorda-news.kz/">Kyzylorda-news.kz</a> 2025 жылғы 28 сәуірдегі Мемлекет басшысы "Қасым-Жомарт Тоқаевтың Жарлығына" сәйкес, "Ұлы Отан соғысындағы Жеңістің 80 жылдығына арналған мерекелік медальдар" ауыл ардагерлеріне табысталды.Шиелі ауданының әкімі Айтбай Жандарбековтың тапсырмасы бойынша, аудан әкімінің орынбасары Алмат Алдабергенов, “Тыл ардагерлерімен" кездесіп, Мемлекет басшысының атынан арнайы марапаттарды табыстады.Бұл іс-шара – еліміздің бейбіт болашағы үшін еңбек еткен аға буынға көрсетілген зор құрметтің белгісі.<img src="https://knadmin.beoblood.kz/uploads/Shieli_ardagerlerge_rmet_3_fef4946484.jpg" alt="Шиелі ардагерлерге құрмет 3.jpg">

Жеңіс жолындағы еңбек ұмытылмайды

<a href="https://kyzylorda-news.kz/">Kyzylorda-news.kz</a> Президент Qazaqstan Barysy Grand Slam дзюдодан халықаралық рейтинг турниріне барды, деп хабарлайды <a href="https://baq.kz/qasym-zhomart-toqaev-qazaqstan-barysy-grand-slam-turnirin-tamashalady-200013264/">BAQ.KZ. &nbsp;</a>Турнирді Мемлекет басшысымен бірге Халықаралық дзюдо федерациясының (IJF) президенті Мариус Визер, Олимпиада чемпионы Елдос Сметов тамашалады.Биыл бұл бәсекеге әлемнің 46 елінен үздік шыққан 358 спортшы қатысуда.Қазақстандық дзюдошылар арасынан Ғұсман Қырғызбаев (-66 келі) пен Талғат Орынбасар (-60 келі) күміс, ал Мағжан Шамшадин (-60 келі), Аман Бақытжан (-60 келі), Есет Қуанов (-73 келі) және Абылайхан Жұбаназар (-81 келі) қола жүлде жеңіп алды.Еске сала кетейік, Астанада осымен Grand Slam әлемдік сериясының жарыстары үшінші мәрте өтіп жатыр.Фото: Ақорда

Қасым-Жомарт Тоқаев Qazaqstan Barysy Grand Slam турнирін тамашалады

<a href="https://kyzylorda-news.kz/">Kyzylorda-news.kz</a> Облыс &nbsp;Нұрлыбек Нәлібаевтың қатысуымен Арал ауданында «Ase Іnvest» тұрмысқа қажетті ұнтақтар өндіретін зауыттың ашылу рәсімі өтті.<img src="https://knadmin.beoblood.kz/uploads/ndiristik_zauyt_5_11d7fd4478.jpg" alt="Өндірістік зауыт 5.jpg">Оған &nbsp;Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов,Мұрат Ергешбаев, зиялы қауым өкілдері мен аудан тұрғындары қатысты. Аймақ басшысы жиналған жұртшылықты жаңа зауыттың ашылуымен құттықтап, аймақтың кәсіпкерлік саласының жаңашылдықтарына тоқталды.<img src="https://knadmin.beoblood.kz/uploads/ndiristik_zauyt_2_d3e974262d.jpg" alt="Өндірістік зауыт 2.jpg"><blockquote>«Мемлекет басшысы &nbsp;Қасым-Жомарт Кемелұлы: «Мен инвестиция және бизнес саласындағы ахуалды жақсартуға, кәсіпкерлік бастамаларды қолдауға айрықша назар аударамын. Кәсіпкерлерге қолайлы жағдай жасау үшін бизнесті жүргізу мәселесіне қатысты заң қабылдадық. Қазір мемлекеттік бақылау жүйесін ретке келтіріп жатырмыз», – деген болатын. Кәсіпкерлікті қолдауға 2022-2024 жылдары әртүрлі көздерден 206 млрд. теңге тартылып, 16 мың 700 жоба қаржыландырылды. Оның 40 млрд. 931 млн теңгесі мемлекеттік бағдарлама аясында қолдау тапты. Бүгін «Ase Іnvest» серіктестігі іске қосатын &nbsp;зауытта шаруашылыққа қажетті ұнтақтар шығарылмақ. Жаңа зауыт құтты, жұмыстарыңыз сәтті, табысты болғай!» – деді аймақ басшысы.</blockquote><img src="https://knadmin.beoblood.kz/uploads/ndiristik_zauyt_3_b0c948735f.jpg" alt="Өндірістік зауыт 3.jpg">Рәсімде Парламент Мәжілісінің депутаттары Мұрат Ергешбаев пен Мұрат Әбенов құттықтау сөз сөйледі. Сонымен қатар, жаңашыл бастамаға ұйытқы болған компания өкілдері облыс әкімінің Алғыс хатымен марапатталды.Айта кетейік, зауыт тәулігіне 22 тонна өнім өндіреді. Шығарылған өнімнің 50 пайызы экспортқа бағытталмақ. Жобаның екінші кезеңінде кәсіпорын ылғал майлықтар өндірісін жолға қоюды жоспарлаған. Цех жыл соңына дейін іске қосылады. Жаңа кәсіпорын 30 адамды тұрақты жұмыспен қамтамасыз етеді.<img src="https://knadmin.beoblood.kz/uploads/ndiristik_zauyt_4_cc07fdf6d2.jpg" alt="Өндірістік зауыт 4.jpg">Фото: Қызылорда облысы әкімінің баспасөз қызметі

Шаруашылыққа қажетті зауыт іске қосылды

<a href="https://kyzylorda-news.kz/">Kyzylorda-news.kz</a> Ұлы Жеңістің 80 жылдығы мерекесінде облыс әкімі Нұрлыбек Нәлібаевтың қатысуымен Арал ауданында теміржол арқылы өтетін аспалы көпір ашылды. Оған Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев, мемлекет және қоғам қайраткері Құдайберген Саржанов, зиялы қауым өкілдері мен ел ағалары қатысты.<img src="https://knadmin.beoblood.kz/uploads/Aspaly_k_pir_2_df2810b273.jpg" alt="Аспалы көпір 2.jpg">Аймақ басшысы аудан тұрғындарын Ұлы Жеңістің 80 жылдығымен және жаңа көпірдің ашылуымен құттықтады.<blockquote>«Бүгінгі мерейлі мерекеде құны 3 млрд 140 млн теңге, ұзындығы 940 метр болатын аспалы көпірді салтанатты түрде ашып, ел игілігіне табыстаймыз. Бұл – аралдық ағайынның көптен күткен арманы! Бұрын пойыз өткенде теміржолдың екі бетіндегі көліктер кептелісте сағаттап күтетін. Жергілікті тұрғындардың ұзақ жылдан бері қордаланған басты мәселесінің оң шешім табуы – біз үшін үлкен жетістік әрі мақтаныш. Аспалы көпірге жаяу жүргіншілер жолы, түнгі жарықшамдар орнатылды. Жаңа көпір – Аралдың болашағына жол ашатын, ел игілігіне қызмет ететін алтын көпірге айналсын! Баршаңызға амандық, жасампаз істерімізге толағай табыс тілеймін!» – деді Нұрлыбек Машбекұлы.</blockquote><img src="https://knadmin.beoblood.kz/uploads/Aspaly_k_pir_0692eb8e22.jpg" alt="Аспалы көпір.jpg">Рәсімде Мәжіліс депутаты Мархабат Жайымбетұлы құттықтау сөз сөйлеп, мемлекет және қоғам қайраткері Құдайберген Саржанов батасын берді. Аймақтың әлеуметтік-экономикалық дамуына үлес қосқан азаматтар «Қызылорда облысының дамуына қосқан үлесі үшін» медалімен марапатталды. Сондай-ақ, аспалы көпірді салған мердігер мекеме қызметкерлеріне облыс әкімінің Алғыс хаты табысталды.Айта кетейік, Арал ауданы кейінгі жылдары қарқынды дамып келеді. Екі жыл бұрын аудан бюджеті 10,1 млрд теңге болса, бүгінде 22 млрд теңгеден асты. Үш жыл ішінде 80 млрд теңгеге жуық инвестиция тартылды.<img src="https://knadmin.beoblood.kz/uploads/Aspaly_k_pir_5_e749bb5131.jpg" alt="Аспалы көпір 5.jpg">Осы кезеңде 80 шақырым ауыз су желісі жаңартылып, халықтың 96 пайызы таза ауыз сумен қамтылды. Сонымен қатар, тұрғындардың 71 пайызы «көгілдір отынның» игілігін көруде. Аралдың Сыр беткейіндегі елді мекендерді газдандыру мақсатында «Қамыстыбас» ауылында автоматтандырылған газ тарату станциясының құрылысы басталды.«Жайлы мектеп» ұлттық жобасы аясында салынған 10 мектептің 2-еуі Арал ауданында бой көтерді. «Ауылда денсаулық сақтауды жаңғырту» ұлттық жобасымен 3 амбулатория пайдалануға берілді. Сонымен қатар, құны 4,1 млрд теңге болатын аудандық аурухананың қосымша ғимараты мен жұқпалы аурулар бөлімшесінің құрылысы басталды. Облыстық бюджет есебінен «Сексеуіл» кентінде 40 төсектік аурухана ашылды. Жақын күндері Арал қаласында «Руханият орталығы» мен «Қамқорлық» оңалту орталығы іске қосылмақ.Фото: Қызылорда облысы әкімінің баспасөз қызметі

Аралда теміржол арқылы өтетін аспалы көпір пайдалануға берілді

<a href="https://kyzylorda-news.kz/">Kyzylorda-news.kz</a> 9 мамыр – Ұлы Жеңістің 80 жылдығына орай аудан әкімі Ардақ Ибраимов бір топ тыл ардагерлерінің үйлеріне барып, мерекелік құттықтауын жеткізді.Аудан әкімі ардагерлерге Жеңістің оңайлықпен келмегенін, тылдағы қажырлы еңбектің де майдандағы ерлікпен тең екенін атап өтті. Ол еліміздің бейбіт өмірі мен жарқын болашағы үшін аянбай еңбек еткен ардагерлерге құрмет көрсетіп, облыс әкімінің атынан және өз атынан ыстық ықылас пен ізет білдірді.<img src="https://knadmin.beoblood.kz/uploads/Ardagerdi_tty_tady_5_63b16f4339.jpg" alt="Ардагерді құттықтады 5.jpg">Сондай-ақ, аудан әкімі тыл ардагерлерін "Ұлы Жеңістің 80 жылдығы" медалімен марапаттап, мерекелік сыйлықтар табыстады.Айта кетейік, аудандық мәслихат төрағасы Өмірзақ Елеусінов, аудандық ардагерлер кеңесінің төрағасы Садық Әлиев, сондай-ақ, ауданның құқық қорғау органдарының басшылары тыл ардагерлерін құттықтауға аудан әкімімен бірге барды.<img src="https://knadmin.beoblood.kz/uploads/Ardagerdi_tty_tady4_c441719e4f.jpg" alt="Ардагерді құттықтады4.jpg"><img src="https://knadmin.beoblood.kz/uploads/Ardagerdi_tty_tady_2_51e5bef0e2.jpg" alt="Ардагерді құттықтады 2.jpg"><img src="https://knadmin.beoblood.kz/uploads/Ardagerdi_tty_tady_5fc55faa40.jpg" alt="Ардагерді құттықтады.jpg">

Тыл ардагерлерін құттықтады

<a href="https://kyzylorda-news.kz/">Kyzylorda-news.kz</a> Шиелі ауданында 9 мамыр — Ұлы Жеңістің 80 жылдығына орай «Тағзым алаңы» алдында «Ерлікке Тағзым» атты мерекелік шара өтті. Ұлы Жеңіс мерекесіне арналған іс-шараға аудан орталығының тыл және еңбек ардагерлері, ауыл тұрғындары мен қонақтар елі мен жері үшін аянбай қаны мен терін төккен туыстарына тағзым етуге жиналды.<img src="https://knadmin.beoblood.kz/uploads/Shieli_audany_Zhe_is_k_ni_4_2a54562780.jpg" alt="Шиелі ауданы Жеңіс күні 4.jpg">Жиынға Ауған соғысының ардагерлері, мемлекеттік органдар мен әскери бөлімдердің, құқық қорғау органдарының өкілдері және аудан тұрғындары қатысты.Салтанатты жиында аудан әкімі Айтбай Жандарбеков ардагерлерді мерекемен құттықтады. Әр жыл сайын 9 мамыр – Жеңіс күнін көкірегімізді кернеген ерекше мақтанышпен, бейбіт өмір сыйлаған ардагерлерімізге деген айрықша ризашылықпен қарсы аламыз.&nbsp;<img src="https://knadmin.beoblood.kz/uploads/Shieli_audany_Zhe_is_k_ni_6_8465b77f5a.jpg" alt="Шиелі ауданы Жеңіс күні 6.jpg">Жеңіс мерекесі - Ұлы Отан соғысы ардагерлерінің ерлігі, тыл еңбеккерлерінің қаһармандығы, бейбіт күндеріміз үшін қантөгіс майданда жанын қиған батырларымызға арналады. Батырларымыздын ерліктері мен мұқалмас қажыр- қайраты өсіп келе жатқан жас ұрпақ үшін Отанға деген қайсар рухтың мықтылығы мен отансүйгіштік сезімнің шексіз өнегесі болып табылады.Отанымыздың тарихында алтын әріптермен жазылған бүгінгі қастерлі күні біз соғыста еліміз үшін қыршын өмірлерін қиып, елге оралмаған боздақтарды еске алып, олардың өшпес рухтарына бас иеміз — деді аудан басшысы.<img src="https://knadmin.beoblood.kz/uploads/Shieli_audany_Zhe_is_k_ni_5_0e4f367900.jpg" alt="Шиелі ауданы Жеңіс күні 5.jpg">Құттықтау сөздерден кейін Ұлы Отан соғысының құрбандары мен марқұм болған майдангерлер рухына тағзым етіліп, бір минут үнсіздік жарияланды.Салтанатты шара барысында жиылған қауым Ұлы Отан соғысы құрбандарына арналған ескерткішке гүл шоқтарын қойып, тағзым етті. Ішкі істер бөлімінің сарбаздары жауынгерлер рухына арнап аспанға оқ атты. Сондай-ақ мерекеге байланысты жергілікті өнерпаздар соғыс жылдарындағы әндерді шырқады.Мерекелік кеш барысында патриоттық әндер шырқалып, жергілікті өнерпаздар мен шығармашылық ұжымдар өз өнерлерін көрсетті.<img src="https://knadmin.beoblood.kz/uploads/Shieli_audany_Zhe_is_k_ni_2_1bbb33ef49.jpg" alt="Шиелі ауданы Жеңіс күні 2.jpg"><img src="https://knadmin.beoblood.kz/uploads/Shieli_audany_Zhe_is_k_ni_e74ba687fe.jpg" alt="Шиелі ауданы Жеңіс күні.jpg">Фото: Шиелі ауданы әкімдігінің баспасөз қызметі

Ерлік – елге мұра, ұрпаққа ұран

<a href="https://kyzylorda-news.kz/">Kyzylorda-news.kz</a> Ұлы Жеңістің 80 жылдық мерекесінде облыс әкімі Нұрлыбек Нәлібаевтың қатысуымен Қазалы ауданында «Руханият орталығы» ашылды. Оған Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев және облыстың зиялы қауым өкілдері мен ел ағалары қатысты.<img src="https://knadmin.beoblood.kz/uploads/Ruhaniyat_ortaly_y_5_f1551ce1cc.jpg" alt="Руханият орталығы 5.jpg">Облыс әкімі жиналған қауымды Жеңістің 80 жылдығымен және жаңа нысанның ашылуымен құттықтады.<blockquote>«Баршаңызды Ұлы Жеңістің 80 жылдығымен шын жүректен құттықтаймын! Біз ержүрек батыр бабаларымыздың алдында мәңгі қарыздармыз. Президентіміз Қасым-Жомарт Кемелұлы «Еліміздің рухани дамуы ұлттық рухқа тікелей байланысты. Сол себепті азаматтарымыздың рухы әрқашан биік болуы үшін мәдениетімізге, руханиятымызға баса мән беруіміз қажет», – деген болатын. Өткен 2024 жылы өңірімізде «Руханият жылы» жарияланып, мәдени-көпшілік шаралармен бірге ауқымды жобаларды жүзеге асырдық. Алдағы уақытта да Сыр мәдениеті мен руханиятын қолдау жалғаса береді. Биыл Бурабайда өткен Ұлттық құрылтайда Мемлекет басшысы құрылтайдың келесі V отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиында қабылданған тарихи шешім аймақ жұртшылығының мерейін асқақтатты. Өздеріңізге белгілі, өңірімізде барлық 7 ауданда «Руханият орталықтары» салынды. Бұл жерде ұлтымыздың құндылықтары дәріптеліп, салт-дәстүрлеріміз кеңінен насихатталады. Бүгін өздеріңізбен бірге Қазалы ауданындағы «Руханият орталығын» ел игілігіне табыстаудамыз. Жаңа ғимараттағы бастамалар рухани қазынамызды толықтырып, халқымыздың өміріне қуаныш сыйласын!», – деді Н. Нәлібаев.</blockquote><img src="https://knadmin.beoblood.kz/uploads/Ruhaniyat_ortaly_y_3_0bc562ef94.jpg" alt="Руханият орталығы 3.jpg">Салтанатты шарада ауданның әлеуметтік-экономикалық дамуына, жаңа нысанның құрылысына үлес қосқан азаматтар облыс әкімінің Алғыс хатымен марапатталды. Сенат депутаты Наурызбай Байқадамов құттықтау лебізін жеткізіп, Қызылорда облысының құрметті азаматы Самұрат Имандосов батасын берді.Айта кетейік, «Руханият орталығының» ішінде неке қию залы, кітапхана, музей, архив, жастар сарайы, ардагерлер мен аналар үйі бар.<img src="https://knadmin.beoblood.kz/uploads/Ruhaniyat_ortaly_y_6_a3e5d476c2.jpg" alt="Руханият орталығы 6.jpg">«Руханият орталықтары» түрлі бағытта қызмет көрсететін мекемелерді бір орталыққа біріктіру арқылы бюджет қаражатын үнемдеуге, әкімшілік шығындарды азайтуға мүмкіндік берді. Дегенмен қаржы үнемдеуден де маңызды мақсат бар, ол – ұлттық құндылықтар мен салт-дәстүрімізді кеңінен насихаттау, өскелең ұрпақ бойына өзі туып-өскен өңір тарихы мен ұлт руханиятын сіңіру. Әртүрлі әлеуметтік топтардың қарым-қатынасы мен ықпалдастығын, ұрпақтар арасындағы өзара түсіністікті нығайту, сабақтастықты сақтау. Бір орталықта еңбек ететін жастарды, ардагерлер мен ақ жаулықты аналарды, мәдени мекемелерді ортақ іске жұмылдыру.<img src="https://knadmin.beoblood.kz/uploads/Ruhaniyat_ortaly_y_7_409b75da4b.jpg" alt="Руханият орталығы 7.jpg">Осында өтетін іс-шараларға қатысқан оқушылар мен жастар бейбітшілік, келісім және өзара түсіністік құндылықтарын, мәдени, діни дәстүрлерді құрметтеуді үйренсе, «Руханият орталықтарының» көздеген мақсаты орындалғаны.Соңғы жылдары Сыр өңірінде құрылыс қарқынды жүруде. «Анаға тағзым», Отбасы орталығы, көпфункционалды 1000 орындық Өнер орталығы, «Самұрық қазына» қорымен бірге Үстел теннисі орталығы, «ҚазМұнайГаз» компаниясының демеушілігімен заманауи үлгідегі 350 орындық Оқушылар сарайы салынып, ел игілігіне табысталды. Жаңадан симфониялық оркестр, инклюзивті театр, жастар театры, заманауи би, хор ұжымдары жасақталып, Жыраулар үйі жұмысын бастады.<img src="https://knadmin.beoblood.kz/uploads/Ruhaniyat_ortaly_y_4_b1d9f397f5.jpg" alt="Руханият орталығы 4.jpg">Кеше ғана облыс орталығынан бір мезетте 500 оқушы, тәулігіне 3 мың оқушыға дейін қабылдайтын балалар мен жасөспірімдерге арналған Шығармашылық-инновациялық академиясы ашылды. Халықаралық стандарттарға сәйкес келетін 11 мың орындық Орталық стадион, «Саутс Ойл» компаниясының демеушілігімен музыкалық колледждің жаңа ғимараты, облыстық тарихи-өлкетану музейі салынуда. Ассамблеяның 30 жылдығы аясында «Қазатомөнеркәсіп» ҰАК АҚ қолдауымен жаңадан «Достық үйі» бой көтеруде.<img src="https://knadmin.beoblood.kz/uploads/Ruhaniyat_ortaly_y_4_b1d9f397f5.jpg" alt="Руханият орталығы 4.jpg">Фото: Қызылорда облысы әкімінің баспасөз қызметі

Қазалы ауданында "Руханият орталығы" ашылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Қазалы ауданының «Жеңіс» саябағында «Ұлы Жеңіс – ұрпаққа аманат» атты мәдени шара өтті.Оған Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев және облыстың зиялы қауым өкілдері мен ел ағалары, аудан тұрғындары қатысты.<img src="https://knadmin.beoblood.kz/uploads/azaly_audany_3_e43d09270e.jpg" alt="Қазалы ауданы 3.jpg">Аймақ басшысы жиналған қауымды мерекемен құттықтап, ізгі тілегін жеткізді.<blockquote>«Баршаңызды Ұлы Жеңістің 80 жылдығымен шын жүректен құттықтаймын! Бұл – төл тарихымыздағы орны ерекше, қасиетті күн! Бүгінде майдангер аталарымыз қазалылық Тілеуберген Тобабергенов, сырдариялық Яхия Тасыров Ұлы Жеңіс мерекесін атап өтуде. Ел басына күн туғанда «Бәрі де майдан үшін, бәрі де жеңіс үшін» деген ұранға үн қосқан тыл еңбеккерлерінің ерлігі мәңгі есімізде. Қазіргі уақытта 1700 тыл еңбеккері ортамызда. Халқымыздың даңқты ұл-қыздарының қан майдан мен тылдағы өшпес ерлігі, ерен еңбегі ешқашан да ұмытылмайды», – деді Н.Нәлібаев.</blockquote><img src="https://knadmin.beoblood.kz/uploads/azaly_audany_6_f549487282.jpg" alt="Қазалы ауданы 6.jpg">Майданға Қазалы ауданынан 11 мыңға жуық азамат аттанса, 6 мыңнан астамы ғана елге аман-есен оралған.Үрмәш Түктібаев, Михайлюк Яков, Мақаш Балмағамбетов, Геннадий Шляпин, Біліс Нұрпейісов, Владимир Счастнов Кеңес Одағының батыры атанды.Салтанатты шарада тыл ардагерлеріне «Ұлы Отан соғысындағы Жеңіске 80 жыл» мерекелік медалі табысталып, Сенат депутаты Руслан Рүстемов ізгі тілегін жеткізді. Қызылорда облысының құрметті азаматы Жарылқасын Шәріпов батасын берді.<img src="https://knadmin.beoblood.kz/uploads/azaly_audany_7_b4ee01a696.jpg" alt="Қазалы ауданы 7.jpg">Іс-шараға қатысушылар қан майданда қаза тапқандар мен ардагерлерге тағзым етіп, гүл шоқтарын қойды.Айта кетейік, Қазалы ауданына жұмыс сапары барысында облыс әкімі қайта жаңғыртылып, абаттандырылған «Жеңіс» саябағын көріп шықты.Саябақты жаңғыртудан өткізген «Каз Элит Строй Сервис» ЖШС ауқымды жұмыс атқарған. Жалпы көлемі 20 гектар аумаққа орналасқан мәдени-демалыс кешенінде «Даңқ», «Тағзым», «Киелі қазақ елі», «Жастар» аллеялары, отбасылық мейрамханалар, демалыс орындары, спорт және балалар ойын алаңдары, аквапарк, бассейн бар.<img src="https://knadmin.beoblood.kz/uploads/azaly_audany_5_acc617c3d5.jpg" alt="Қазалы ауданы 5.jpg"><img src="https://knadmin.beoblood.kz/uploads/azaly_audany_2_f48d968613.jpg" alt="Қазалы ауданы 2.jpg"><img src="https://knadmin.beoblood.kz/uploads/azaly_audany_4_9dbbc30ff0.jpg" alt="Қазалы ауданы 4.jpg">Фото: Қызылорда облысы әкімінің баспасөз қызметі

Қазалы ауданында Жеңіс күні аталып өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қазалы ауданында тұратын Ұлы Отан соғысының ардагері Тілеуберген Тобабергеновті Жеңістің 80 жылдығымен құттықтап, құрмет көрсетті.Ардагерге Президент Қасым-Жомарт Кемелұлы Тоқаевтың құттықтау хатын табыстап, «Ұлы Отан соғысындағы Жеңіске 80 жыл» мерекелік медалін тақты. Иығына шапан жауып, сый-сияпат жасады.Бүгінде 101 жасқа толған қарт майдангер 1942 жылы Қызыл әскер қатарына қосылған. Беларусьті, Польшаны, Чехословакияны, Кёнигсбергті азат етуге қатысқан. Ұлы Жеңісті Берлинде қарсы алып, елге 1947 жылы оралған. Теміржол саласында зейнетке шыққанға дейін еңбек еткен.І дәрежелі «Отан соғысы» орденімен, «Ұлы Отан соғысында Германияны жеңгені үшін», Жеңістің мерекелік және Г.Жуковтың естелік медальдарымен марапатталған.Биылғы мерейлі жылда Мемлекет басшысы ауыр кезеңді бастан өткерген майдангерлерге құрмет көрсетуді, аға буынның өшпес ерлігін ұрпаққа ұлағат етуді тапсырды. Өйткені олардың отаншылдығы мен жанқиярлығы – үлгі-өнеге. Жеңіс күнін атап өтудің аймақтық іс-шаралар жоспарында осының бәрі ескерілген. Ұлы Отан соғысына қатысушыларға, оларға теңестірілген ардагерлер мен соғыс жылдары кемінде алты ай еңбек еткен тыл ардагерлеріне төленетін әлеуметтік төлемнің мөлшері жыл сайын артып келеді.Бүгінде Қазалы және Сырдария аудандарында 2 ҰОС ардагері тұрады. Қарт майдангерлерге лайықты құрмет көрсетілді. Тыл еңбеккерлері, ҰОС ардагерлеріне теңестірілгендер мен мүгедектерінің төлемі 40 АЕК-тен 50 АЕК-ке ұлғайтылды.Келешек ұрпақтың бейбіт өмірі үшін күрескен жандарды ұлықтау шаралары одан әрі жалғаса бермек.<img src="https://knadmin.beoblood.kz/uploads/Tileubergen_Tobabergenovti_tty_tady_73879f15e9.jpg" alt="Тілеуберген Тобабергеновті құттықтады.jpg">Фото: Қызылорда облысы әкімінің баспасөз қызметі

Соғыс ардагерін Ұлы Жеңіс күнімен құттықтады

<a href="https://kyzylorda-news.kz/">Kyzylorda-news.kz</a>.&nbsp;&nbsp; Қазақта «Еңбектің көзін тапқан, байлықтың өзін табады» деген қанатты сөз бар. Күріштің бабын тауып, баласындай мәпелеп, дүниежүзілік рекорд жасаған қазақтың диқаны Ыбырай Жақаев болса, артынан ерген ізбасарлары да көпке танымал. Елдің қамын ойлап, оны өркендету жолында аянбай еңбек еткеннің жанның бірі қармақшылық – Садық Ермаханов.Алаш зиялысы Ахмет Байтұрсынов «Жұртқа керегін білетіндер көп, істейтіндер аз» дейді. Осы орайда елдің құрметтісіне айналған кейіпкеріміздің елге жасаған еңбегі бір төбе. Оны мақаламызда сөз етпекпіз. Алдымен ағамыздың өмір жолына сәл шегініс жасасақ, 1923 жылы бұрынғы Қашқансу ауылдың кеңесіне қарасты Амангелді атындағы ұжшарда, қазіргі Ақтөбе ауылында кедей шаруаның отбасында дүниеге келген. Қашқансудағы Абай мектебінде жеті жылдық білім алған. Тағдырдың сынағына ерте түскен Садық ағамыз тоғыз жасында әкесінен, он үш жасында анасынан айырылып, оқуын жалғастыра алмайды. Тіпті қара шаңырақты құлатпай ұстап тұруға шамасы келмей, ауыл-аймақты жағалап туысы Молдахмет Дабыловтың үйін паналайды. Адал ниетті ағасы оның маңдайынан әкесіндей сипап, жас жүрекке жетімдіктің дағын түсірмей ержеткізеді. Тек бір қиыны қатарынан кем болып, кейін деп қалғаны бәрінен ауыр тиеді.Ел басына күн туып, сұрапыл соғыс басталған шақта ауылдың үлкен де кіші ерлері елді жаудан азат етуге майданға аттанады. Садық ағамыздың құрдастары да түгел соғысқа кетеді. Тек өзі ауылда бара алмай қалып қояды. Оған себеп, кішкентай бала кезінде ойнап жүріп отқа күйіп, бір қолының тамыры тартылып, семік болып қалғаны екен. Замандастары Отан үшін деп сапқа тұрғанда, оны әлгі кедергі ұстап қалып, жарамсыз еткен. Бұл жағдайға ол қатты қиналып, қатарынан қалып қойғанына қорланып егіле жылапты. Алайда Молдахмет ағасы қолдау көрсетіп, ақыл-кеңесін беріп, өмірдегі өз жолын көрсетеді. Осыдан кейін өзін кемсітіп жүргенін бекершілік екенін түсінеді. Өзге жұрт секілді соғысқа қатыса алмаса да, елге пайдасын тигізуге кіріседі. Мүкіс қолымен кетпен ұстап, жер қазып, егін жинау секілді қат-қабат жұмыстарды атқарады. Осылайша ауылдағы күйзелген шаруашылықты қалпына келтіріп барып ес жияды.Еңбекке ерте араласқанның пайдасы Садық Ермаханов уақыт өте Сыр өңірі табиғатының қыр-сырына қанығады. Қолынан кетпенін тастамай диқаншылықпен айналысады. 1957 жылы күріш бригадасының бригадирі болып, сол кәсіпті үзіліссіз атқарады. Алғашқы уақытта ол басқарған бригада күріштен жарытып өнім жинай алмайды. Оған әртүрлі себеп кедергі келтірсе керек. Бұл ағамызға естен кетпейтін ащы сабақ болады. Құнарлы жерді қуалып, қыруар шығын да жұмсайды. Ашығын айтқанда жақсы өнімге қол жеткізіп, жұрттың еңбек ақысын төлеу үшін үйіндегі сауынды сиырларын өткізіп жіберген. Есесіне сол жылы егін бітік шығып, бұрын-соңды болмаған өнім жинап, еңбегі ақталады. Егін орағының әр кезеңінде ақ күріштен тау тұрғызып, өзі басқарған бригада абырой биігінен көрінеді.Садық Ермаханов осылайша күріш өсіруге қызығып, бар ынтасын осы салаға арнайды. Күріш өсірудің атасы, Ыбырай Жақаевтың еңбек үлгісін үйренуге көңіл бөледі. Оны өз жұмысына қолданып, көп жылдар бойы ізденіс үстінде болады.1970 жылы Садық Ермаханов басқарған №3 бригада 350 гектар күріш егіп, егін орағының қорытындысында әр гектардан 43,5 центнерден өнім алады. Негізгі міндеттелген көрсеткіш 29 центнерден өнім жинау болатын. Алайда бұл көрсеткіштен асырып орындайды. Ұжымның бұл еңбегі жоғары бағаланып, бригада жетекшісі Садық ағамыздың омырауына «Құрмет белгісі» төсбелгісін тағады.Бригада бұл жетістіктен кейін ел байлығын молайтуға, тамшыдай болса да өз үлестерін қосуға бар ынтасымен ұмтылады. Әр жылғы қажырлы еңбек оларға толассыз қуаныш сыйлайды. Осындай зор жетістіктер үшін Садық Ермаханов 1973 жылы «Еңбек Қызыл ту» орденімен наградталады. Бұл құрмет бригададағы бірсыпыра адамдарға да көрсетіледі. Еңбек ері келер жылда мол өнім алу үшін де қысы-жазы егістік басынан табыла білген адам. Сонымен қатар әрбір атқарылған іс агротехникалық талаптарға сай сапалы атқарылуына да көңіл бөлген. Бір жұмысты шала бітіріп, екінші рет оны қайта атқарудан қарамағындағы жұмысшыларды сақтандырып отырған. Әрбір коллектив мүшесін пісенттілікке, ұқыптылыққа, іскерлікке тәрбиелеп, ең бастысы уақытпен санаспай құлшына еңбек етуді үйреткен.Садық ағамыздың темірдей тәртібінің арқасында ұжым мәртебесі бұрынғыдан да биіктеп, сол жылдары бригада 300, 400 гектар жерге күріш егіп, әр гектарынан 60 центнерден жоғары өнім алып, жүлдегер де атанған. Мемлекет қоймасына бір составқа жуық ақ күріш жөнелтіп, жұрт Садық Ермаханов басқарған №3 бригадаға ризалық ниетпен шынайы алғысын жеткізген. Шындап келгенде бригада аз шығын жұмсап, көп пайда табуды басты нысан еткен. Осылайша табыстың тай қазанын тасытып, елдің атын көпшілікке танытқан. Қарапайым еңбек адамының табыс көрсеткішін салмақтап көрсек, туған еліне деген қосқан үлесі ұшан-теңіз. Көп жыл күріш бригадирі болуы – оның үлкен сенімнің адамы екенін білдіреді.Садық Ермаханов еңбек еткен жылдары «Еңбек Қызыл ту» ордені, «Лениннің 100 жылдық» медалімен, «Еңбек ардагері», «Ұлы жеңістің 30-40 жылдығы» медальдарымен марапатталған. Бүгінде ағамыздың көзін көргендер әрбір жетістіктері мен ел үшін атқарған ісін аузынан тастамай айтып жүр.Ержігіт СЕРІКБАЙ

Еңбектің көзін тапқан қармақшылық еңбеккердің өмірі ұмытылмайды

<a href="https://kyzylorda-news.kz/">Kyzylorda-news.kz</a> «Байланыс қызметтерін көрсету қағидаларын бекіту туралы» Қазақстан Республикасы Инвестициялар және даму министрінің міндетін атқарушының 2015 жылғы 24 ақпандағы № 171 бұйрығына өзгерістер мен толықтыру енгізілді, деп хабарлайды <a href="https://kaz.inform.kz/news/kazakstandiktar-end-sim-kartani-tek-baylanis-operatorlarinan-gana-satip-ala-aladi-c93faa/">Қазақпарат.</a>«Ашық НҚА»&nbsp;порталында жарияланған жоба сәйкестендірусіз тіркелген қазақстандық операторлардың SIM-карталарын пайдалана отырып жасалатын интернет-алаяқтықтармен күресуге бағытталған.<blockquote>- Абоненттік нөмірлердің тіркелуін бақылауды күшейту және жеке басын сәйкестендіру нөмірінсіз SIM-карталарды сатуға шектеулер енгізу ұсынылады. Түзетулер күшіне енгеннен кейін SIM-карталарды сатып алуды байланыс операторлары жүзеге асырады. Бұл алаяқтық әрекеттердің санын азайтуға мүмкіндік береді. Абоненттердің қауіпсіздігін арттыру және алаяқтықпен күресу үшін байланыс операторлары арнайы байланыс орталығын құрады, онда пайдаланушылар алдау әрекеттері туралы жедел хабарлай алады. Мұндай шара алаяқтық әрекеттерді тез анықтауға, күдікті нөмірлерді бұғаттауға, құқық қорғау органдары үшін деректерді жинауға, сондай-ақ халықтың цифрлық сауаттылығын және операторлардың қызметтеріне деген сенім деңгейін арттыруға мүмкіндік береді, - делінген құжатта.</blockquote>Одан бөлек, жобада жазылғандай, қазақстандық SIM-карталарды, оның ішінде соңғы пайдаланушыны сәйкестендірмей дистрибьюторлар мен дилерлерге тіркелген интернет-алаяқтықтар санының тұрақты өсуіне байланысты заңнамаға өзгерістер енгізу қажеттілігі туындайды.Алаяқтар ауыстыруға болатын және халықаралық нөмірлерді белсенді қолданады, бұл тергеуді қиындатады және кінәлілердің жазаланбай қалу ықтималдылығын арттырады. Ұсынылған өзгеріс азаматтарды қорғауға және ұялы байланыс арқылы жасалатын қылмыстарды тежеуге бағытталған.Абонент ұялы байланыс желілеріндегі күдікті қоңыраулар фактісі бойынша ұялы байланыс операторының ақпараттық-анықтамалық қызмет көрсету жүйесіне шағым түсіреді. Абоненттік нөмірді тексергеннен кейін ұялы байланыс операторы қажет болған жағдайда қосымша мәліметтер сұратады. Абоненттің шағымында көрсетілген фактілер расталған кезде ұялы байланыс операторы абоненттік нөмірді бұғаттайды.Бұйрық жобасы 2025 жылғы 23 мамырға дейін қоғамдық талқылауға ұсынылып отыр.Фото:&nbsp;

Қазақстан және Қызылорда облысының жаңалықтары: Қоғам