<a href="https://kyzylorda-news.kz/">Kyzylorda-news.kz</a> Бүгін Премьер-министр Олжас Бектеновтің төрағалығымен сауданың цифрлық трансформациясы, ана мен бала өлімін төмендету жөніндегі шаралар талқыланған Үкімет отырысы өтті.Басқосуға облыс әкімі Нұрлыбек Нәлібаев селекторлық режимде қатысты.Үкімет отырысынан кейін аймақ басшысы арнайы жиын өткізіп, жауапты сала басшыларына тапсырмалар жүктеді.«Бүгінгі Үкімет отырысында сауданың цифрлық трансформациясы, ана мен бала өлімін төмендету мәселелері қаралды.Өңірімізде электронды сауданы дамыту бағытындағы жұмыстарды әлі де күшейтуіміз қажет.Кәсіпкерлік палатасы, жергілікті кәсіпкерлерді электронды сауда негіздеріне оқытуды тұрақты түрде жалғастыру керек. Қала, аудандарда «Қазпошта» желісінің мүмкіндіктерін кеңінен насихаттап, тауар өндіруші кәсіпкерлердің «Постмаркет» платформасына тіркелуін қамтамасыз етіңіздер.Өңірімізде ана мен бала денсаулығын қорғау бағытында жоспарлы әрі жүйелі жұмыс бар.Облыстық денсаулық сақтау басқармасы, статистика департаменті, Ұлттық ғылыми денсаулық сақтауды дамыту орталығының филиалы, Қызылорда қаласы, аудан әкімдіктерімен бірлесіп, аймақтағы демографиялық көрсеткіштердің нақты әрі біркелкі болуын қатаң бақылауға алыңыздар.Ана мен бала денсаулығын сақтау саласындағы негізгі көрсеткіштер жыл соңына дейін толық орындалуы тиіс. Жүкті әйелдер мен балалар денсаулығын нығайтуда медициналық көмек сапалы әрі қолжетімді болуы өте маңызды», – деді Н.Нәлібаев.Қазіргі таңда өңірімізде тауарлар мен қызметтерді өткізу үшін интернет-ресурстарды пайдаланатын 12 кәсіпорын тіркелген (оның 3-і ресми сайт, 9-ы маркетплейс пайдаланушылар). Олар өткен жылы 48 мыңнан астам тапсырыс жасап, сауда айналымы 292 млн. теңгеге жетті. Тапсырыстарды сақтау мен жеткізу бағытында интернет дүкендердің тарату пункттері жұмыс істейді. Интернет дүкендер өткен жылы 1 млн-нан астам тапсырыс қабылдаған. Өңірімізде «Қазпошта» желісінің 11 супермаркеті бар.Ана өлімі көрсеткіші соңғы 5 жылда 12 есеге дейін төмендеді. Қабылданған нақты шаралар нәтижесінде нәресте өлімі өткен жылмен салыстырғанда 9 жағдайға, соңғы 5 жылда 21 пайызға азайды.Көпбейінді облыстық аурухана базасында жоғары қауіп тобындағы жүкті әйелдерге акушерлік көмек көрсететін 70 төсектік перинаталды бөлімше ашылып, жұмыс жасауда. Жергілікті бюджеттен 1 млрд. 500 млн. теңге қаржы бөлініп, бөлімшеге заманауи құрал-жабдықтар алынды.Соңғы 3 жылда жергілікті бюджеттен медицина қызметкерлерінің біліктілігін арттыруға 375 млн. теңге қаралып, оның 192 млн. теңгесі мамандарды шет елдерде оқытуға бағытталды.Ана мен бала саулығына қажетті материалдық-техникалық базаны нығайту мақсатында медициналық мекемелер 4 млрд. 700 млн. теңгеге құрал-жабдықтармен қамтылды.Балаларға стационарлық медициналық көмектің қолжетімділігін арттыруда облыс орталығынан қалалық балалар ауруханасын ашу жұмыстары басталды. Аурухана базасында даму бұзылыстары бар 3 жасқа дейінгі балаларға арналған ерте араласу орталығын ашу үшін «Қазақстан халқына» қоры арқылы 125 млн. теңгеге құрал-жабдықтар алынып, мамандар біліктік жетілдірді.Аталған қордың қолдауымен Жаңақорған ауданында «Қамқорлық» оңалту орталығы ашылды. Осындай орталық жақын күндері Арал ауданында пайдалануға беріледі.Одан бөлек, «Сәби» қайырымдылық қоры арқылы облыстық балалар ауруханасына 700 млн. теңгеге жөндеу жұмыстары жүргізіліп (қабылдау бөлімі, жарақат бөлімі, операциялық блок), құрал-жабдықтар алынады.Жиында облыс әкімі жаңа оқу жылы қарсаңындағы міндеттерді пысықтап, тапсырмалар берді.«Қала, аудан әкімдері 1 апта ішінде білім беру нысандарының аумағындағы жол белгілерін, жаяу жүргіншілер жолдарын қалыпқа келтіріп шығыңыздар.Облыстық білім, мәдениет, архивтер және құжаттама, дене шынықтыру, спорт және туризм, денсаулық сақтау, жұмыспен қамтуды үйлестіру және әлеуметтік бағдарламалар басқармалары, Қызылорда қаласы, аудан әкімдіктерімен бірлесіп, өздеріңізге қарасты мекемелердің ғимараттарындағы ағымдағы жөндеу, күрделі жөндеу жұмыстарын 20 тамызға дейін аяқтау керек», -деді Н.Нәлібаев.Фото: Қызылорда облысы әкімінің баспасөз қызметі

Үкімет отырысында талқыланған мәселелер бойынша тапсырмалар жүктелді

<a href="https://kyzylorda-news.kz/">Kyzylorda-news.kz</a> Премьер-министр Олжас Бектеновтің төрағалығымен өткен Үкімет отырысында ана мен бала өлімін азайту жөніндегі шаралар қаралды.Онда денсаулық сақтау министрі Ақмарал Әлназарова баяндама жасады, сондай-ақ ЮНИСЕФ балалар қорының Денсаулық сақтау және тамақтану жөніндегі бағдарламаларының басшысы Бауыржан Жүсіпов, №3 Түркістан облыстық перинаталдық орталығының басшысы Ардақ Аязбеков сөз сөйледі.Денсаулық сақтау министрлігінің мәліметінше, 2025 жылдың 6 айында ана өлімі 10%-ға, нәресте өлімінің деңгейі 26,3%-ға төмендеген. Ақмарал Әлназарова қабылданып жатқан шаралар қатарында акушерлік және педиатрия бойынша стандарттар мен клиникалық хаттамаларды өзектендіру, педиатриялық бейіндер бойынша, босану мен акушерлік операцияларға тарифтерді ұлғайту, емдеудің инновациялық әдістерін енгізу және тағы басқа да шаралар бар екенін баяндады.Премьер-министр Президент қойған міндеттерді ескере отырып, атқарылып жатқан жұмыстың маңыздылығын атап өтті.<blockquote>«Мемлекет басшысы ана мен бала өлімі деңгейін төмендетуді денсаулық сақтау жүйесін дамытудың маңызды басымдығы ретінде айқындап берді. Бұл өңірлердің әлеуметтік-экономикалық әл-ауқаты мен еліміздің жаһандық бәсекеге қабілеттілік индексіне әсер етеді. Жалпы алғанда, қабылданған шаралар ана мен бала өлімі деңгейін төмендетуге мүмкіндік берді. Әрине, бұл – медицина қызметкерлері еңбегінің нәтижесі», — деді Олжас Бектенов.</blockquote>Премьер-министр сала мамандарын даярлауды кеңейту қажеттігіне назар аударды. Атап айтқанда, елордада және өңірлерде жетекші клиникалар базасында оқу орталықтарын дамытып, акушерлер, гинекологтер, неонатологтер, педиатрлар мен реаниматологтер үшін үздіксіз оқыту және біліктілікті арттыру бағдарламаларын енгізу маңызды. Сонымен қатар болашақ аналар мен балалар үшін медициналық көмектің қолжетімділігін арттыру мақсатында ауылдық елді мекендерге білікті кадрлардың келуін қамтамасыз ету қажет.Қауіпсіз босану жағдайларын жақсарту, оның ішінде перинаталдық орталықтарды заманауи жабдықтармен жабдықтау бойынша тұрақты жұмыстың маңыздылығы атап өтілді.<blockquote>«Біз дамыған елдердің көрсеткіштеріне жақындау үшін босану кезіндегі күрделі және қауіпті жағдайлардың алдын алу бойынша жұмысты күшейтуіміз қажет. Денсаулық сақтау жүйесін дұрыс ұйымдастырған жағдайда, көздеген мақсатқа қол жеткізуге болады. Соңғы жылдары ана мен бала өлімін 6 еседен астам төмендете алдық. Мемлекет басшысы заманауи перинаталдық орталықтардың құрылысын жалғастыруды тапсырды. Осы жылдың 1 қарашасына дейін барлық қажетті құжаттаманы дайындау жұмыстарын аяқтап, Шымкент пен Қарағандыда осындай орталықтардың құрылысын бастау қажет», — деп тапсырды Олжас Бектенов.</blockquote>Премьер-министр әйелдерді жүктілікке дайындауға, ауруларды уақтылы диагностикалау мен сауықтыруға бағытталған «Аналар саулығы» бағдарламасын жүзеге асырудың маңыздылығын атап өтті. Сондай-ақ барлық адамның сапалы медициналық көмекке тең қолжетімділігін қамтамасыз ету қажет, бұл орталық және жергілікті деңгейде мемлекеттік органдардың үйлестірілген жұмысын талап етеді.Кадр тапшылығын азайту мақсатында Денсаулық сақтау министрлігіне әкімдіктермен бірлесіп, қолданыстағы және жаңадан іске қосылатын денсаулық сақтау нысандарын медицина мамандарымен толықтыру жөнінде шаралар қабылдау тапсырылды. Бұл көрсеткіш Денсаулық сақтауды дамытудың 2030 жылға дейінгі жаңа тұжырымдамасында көрініс табуы қажеттігі атап өтілді.Өңір әкімдіктеріне инфрақұрылымды жақсарту, босандыру және бала күтімі ұйымдарының материалдық-техникалық базасын нығайту міндеті қойылды. Барлық өңірде ауылдық жерлерге жұмыс істеуге келген жас дәрігерлерге көтерме қаражаттың бөлінуін қамтамасыз ету тапсырылды.Денсаулық сақтау министрлігіне, ұлттық ғылыми орталықтарға диагностика мен емдеу сапасын жақсарту үшін өңірлік медициналық ұйымдарға жаңа технологиялар трансфертін тұрақты негізде қамтамасыз ету тапсырылды.Фото: primeminister.kz

Мемлекет басшысы ана мен бала өлімі деңгейін төмендетуді денсаулық сақтау жүйесін дамытудың маңызды басымдығы ретінде айқындап берді – Олжас Бектенов

<a href="https://kyzylorda-news.kz/">Kyzylorda-news.kz</a> &nbsp;Түрікменстан, Аваза қаласыТеңізге шығар жолы жоқ дамушы елдерге арналған Біріккен Ұлттар Ұйымының үшінші конференциясының ашылу салтанатына дейін Орталық Азия мемлекеттері басшыларының кездесуі өтті.&nbsp;Басқосуда аймақ елдері ынтымақтастығының басым бағыттары талқыланды.&nbsp;<img src="https://knadmin.beoblood.kz/uploads/22_096a371a40.jpg" alt="22.jpg"><img src="https://knadmin.beoblood.kz/uploads/33_f10a8d4fc0.jpg" alt="33.jpg"><img src="https://knadmin.beoblood.kz/uploads/44_330adefae3.jpg" alt="44.jpg"><img src="https://knadmin.beoblood.kz/uploads/55_c7d6e18d56.jpg" alt="55.jpg">Фото: Ақорда

Президент Қасым-Жомарт Тоқаев Орталық Азия мемлекеттері басшыларының бейресми кездесуіне қатысты

<a href="https://kyzylorda-news.kz/">Kyzylorda-news.kz</a>Түрікменстан, Аваза қаласыПрезидент Қасым-Жомарт Тоқаев ең әуелі конференцияны шақыру бастамасын көтергені үшін Түрікменстан Президенті Сердар Бердімұхамедовке ризашылығын білдірді. Сондай-ақ теңізге шығар жолы жоқ дамушы елдердің проблемаларын шешуге және мүмкіндіктерін пайдалануға бейіл танытқаны үшін БҰҰ Бас хатшысы Антониу Гутерришке алғыс айтты.<blockquote>– Жиырма жылдан астам уақыт бұрын Қазақстан Теңізге шығар жолы жоқ дамушы елдерге арналған БҰҰ-ның алғашқы конференциясын өткізіп, жетекші рөл атқарды. Яғни еліміз бұл үздіксіз үдеріске бастапқы жылдардан бері қатысып келеді. Осы тарихи оқиға барысында Алматы іс-қимыл бағдарламасы қабылданды. Бұл құжат теңізге шығар жолы жоқ дамушы елдер тобының мәселелерін жаһандық дамудың күн тәртібіне тұңғыш рет шығарды. Бүгін біз алдымызда тұрған міндеттерді одан әрі ілгерілету мақсатында Авазада бас қосып отырмыз, – деді Мемлекет басшысы.</blockquote><img src="https://knadmin.beoblood.kz/uploads/2_dd002f70b7.jpg" alt="2.jpg">Президенттің айтуынша, осы топ құрамындағы 32 дамушы елде жарты миллиардтан астам адам тұрады. Олардың көпшілігі қаржыландыруға және технологияға қол жеткізуде, сондай-ақ жаһандық нарыққа жол табуда кездесетін кедергілермен бетпе-бет келеді.<blockquote>– Аймақтағы шектеулі байланыс – теңізге шығар жолы жоқ дамушы елдердің басты проблемасы. Бұл транзит және сауда шығыны, сондай-ақ геосаяси факторларға осалдық секілді біршама экономикалық қиындық тудырады. Аталған кедергілер азаматтардың әл-ауқатына әсер етіп, бәсекеге қабілеттілікті төмендетеді. Түрлі қақтығыстар, экономикалық санкциялар, жеткізу тізбегінің бұзылуы және жаһанда сенімсіздіктің белең алуы жағдайды одан әрі ушықтыра түседі. Дегенмен Қазақстан теңізге шығар жолы жоқ дамушы мемлекеттерді жаһандық мәселелердің шешімін табуға атсалысатын тең құқылы әрі перспективті серіктес ретінде қарау керек деп санайды. Мұндай елдердің үні анық естілуге тиіс, ал біздің өзара ынтымақтастығымыз терең, ұжымдық ұмтылысымыз батыл болуы қажет, – деді Қасым-Жомарт Тоқаев.</blockquote><img src="https://knadmin.beoblood.kz/uploads/3_5039e80177.jpg" alt="3.jpg">Мемлекет басшысы Қазақстанның Аваза іс-қимыл бағдарламасын тұрақты, инклюзивті және орнықты келешекке жеткізер жол картасы ретінде толық қолдайтынын мәлімдеді.<blockquote>– Бұл маңызды бастама транзиттік елдердің, халықаралық даму ұйымдары мен қаржы институттарының саяси қолдауына ие болуға тиіс. Көлік, энергетика және цифрлы инфрақұрылым сияқты басты секторларға инвестицияны ынталандыруға арналған жаңа қаржы тетіктері керек, – деді Президент.</blockquote><img src="https://knadmin.beoblood.kz/uploads/4_399e34d35a.jpg" alt="4.jpg">Қасым-Жомарт Тоқаев климаттың өзгеруін тағы бір түйткіл ретінде атады.<blockquote>– Теңізге шығар жолы жоқ көптеген дамушы ел су тапшылығы, мұздықтардың еруі, шөлейттену секілді экстремалды табиғи құбылыстарға душар болып отыр. Бұл проблемаларды шешу үшін өңір елдерінің ортақ күш-жігері мен белсенді халықаралық қолдау қажет. Дегенмен, менің ойымша, климаттың өзгеруіне қарсы күрес шаралары теңгерімді әрі инклюзивті сипатын сақтап, елдердің даму жолындағы сұраныстарына сай болуға тиіс. Климаттық өзгерістермен күреске жұмылу мақсатында Сіздерді келесі жылы сәуір айында Біріккен Ұлттар Ұйымымен бірге Астанада ұйымдастырылатын Өңірлік экологиялық саммитке шақырамын, – деді Мемлекет басшысы.</blockquote><img src="https://knadmin.beoblood.kz/uploads/5_dee190288a.jpg" alt="5.jpg">Президент Қазақстанның серіктестермен бірге аймақтағы өзара байланысты нығайту, цифрлық трансформацияны ілгерілету және ұзақ мерзімді әрі орнықты өсімге ықпал етуді көздейтін елеулі шаралар қабылдап жатқанын жеткізді.<blockquote>– Біз Орта дәліз және «Солтүстік – Оңтүстік» бағдары бойындағы көлік жолдары мен транзит инфрақұрылымын дамытуға баса мән береміз. Түпкі мақсатымыз – темір жолдың, автокөлік жолдарының, сондай-ақ авиация мен логистика орталықтарының біртұтас желісін құру. Бұл Қазақстанның Еуразиялық транзит хабы ретіндегі позициясын нығайтады. Қазіргі кезде Азия мен Еуропа арасындағы құрлық арқылы тасымалданатын жүктің 85 пайызға жуығы еліміз арқылы өтеді. Біз сондай-ақ цифрландыруға инвестиция құйып жатырмыз. Астана қаласында Alem.AI жасанды интеллект орталығы құрылды. Жуырда суперкомпьютер іске қосылды. Ғылыми ынтымақтастыққа әрдайым ашықпыз. Серіктестерімізді қатарымызға қосылуға шақырамыз, – деді Қасым-Жомарт Тоқаев.</blockquote><img src="https://knadmin.beoblood.kz/uploads/6_13ee78611b.jpg" alt="6.jpg">Мемлекет басшысы өңірлік күн тәртібі жөнінде пікір білдіріп, елдердің мүмкіндігі географиямен шектелмейтінін Орталық Азия тәжірибесі көрсетіп отырғанын айтты.<blockquote>– Қазір теңізге шығар жолымыз болмағанымен, келешекте амалын табамыз. Яғни құрлық арқылы байланыс орнатудың маңызы арта түседі. Біздің өңірдің әлеуметтік-экономикалық дамуы орнықты. Саяси ерік-жігер, стратегиялық инвестиция мен халықаралық серіктестік болса, теңізге шығатын жолдың жоқтығы кедергі емес, керісінше, өсімге ынталандырады. Орталық Азия өзара тиімді ықпалдастық қанат жайған аймаққа айналғанына куә болып отырмыз. Өңірдің сауда, инвестиция, көлік, байланыс және ресурстарды орнықты басқару салаларында даму әлеуеті жоғары. Екі күн бұрын Қазақстан мен Біріккен Ұлттар Ұйымы арасында Орталық Азия мен Ауғанстанға арналған орнықты даму мақсаттары жөніндегі өңірлік орталығын құру туралы келісімге қол қойылды. Оның штаб-пәтері Алматыда орналасқан. Бұл тұтас аймақ үшін маңызды жетістік әрі Аваза бағдарламасының игі мақсаттарына толық сай келеді. Қазақстанның осы бастамасын қолдағаны үшін БҰҰ Бас хатшысына және Орталық Азиядағы серіктестерімізге тағы да ризашылығымды білдіремін, – деді Президент.</blockquote><img src="https://knadmin.beoblood.kz/uploads/7_1d403e9033.jpg" alt="7.jpg">Қасым-Жомарт Тоқаев сөзін қорытындылай келе, Қазақстанның теңізге шығар жолы жоқ дамушы елдер тобының мақсаттары мен қағидаттарына бейіл екенін растады.<blockquote>– Теңіз қатынасы жоқ дамушы елдердің жаһандық күн тәртібінен тыс қалмауын халықаралық серіктестікті нығайту арқылы ғана қамтамасыз ете аламыз, – деді Мемлекет басшысы.</blockquote>

Мемлекет басшысы Теңізге шығар жолы жоқ дамушы елдерге арналған Біріккен Ұлттар Ұйымының үшінші конференциясында сөз сөйледі

<a href="https://kyzylorda-news.kz/">Kyzylorda-news.kz</a> Қазақстан Республикасы Конституциясының 30 жылдығына орай жарияланған рақымшылық туралы заң аясында Қызылорда қаласында пробациялық есепте тұрған әйел азаматша жаза мерзімінен бұрын босатылды.Сот үкімі бойынша ол ҚР Қылмыстық кодексінің «Алаяқтық» бабымен кінәлі деп танылып, 1 жыл мерзімге бас бостандығын шектеу жазасына тартылған. Сонымен қатар, оған пробациялық бақылау белгіленген болатын. Алайда Конституция мерекесіне орай қабылданған рақымшылық заңы оның қалған жазасын өтеуден босатуына мүмкіндік берді.Босатылған әйел — жалғызбасты, көпбалалы ана. Ол бұл жаңалықты естігенде қуанғанын айтты.<blockquote>Рақымшылық туралы естіген сәтте қатты қуандым. Қазір балаларымның жанында болу мен үшін ең үлкен бақыт. Жасаған қателігім үшін өкінемін. Бұдан кейін адал өмір сүріп, балаларымның болашағына бар күшімді арнағым келеді», – дейді рақымшылықпен босатылған азаматша.</blockquote>Айта кету керек, Қызылорда облысы бойынша Қылмыстық-атқару жүйесі департаменті мен пробация қызметі аталған заң аясында рақымшылыққа ілінетін тұлғаларды анықтау және заңды түрде босату жұмыстарын жүйелі түрде жүргізуде. Бүгінгі күнге аудандық, қалалық пробация қызметінің есебінде 300-ге жуық сотталғанның іс- құжаттары сотпен қаралып, 77 сотталған жазадан босатылып, 41 &nbsp;сотталғанның жаза мерзімі қысқартылды.

Қызылордада жалғызбасты  көпбалалы ана рақымшылықпен босатылды

<a href="https://kyzylorda-news.kz/">Kyzylorda-news.kz</a> Белкөл кентінің әкімі Жасұлан Сәду бұқаралық ақпарат құралдарының өкілдеріне І жартыжылдықта атқарылған жұмыстар бойынша баспасөз конференциясын өткізді.&nbsp;<blockquote>- Кентті абаттандыру бағытында биыл тұрғындардың сұранысына сәйкес №1, 11, 12 &nbsp;көпқабатты үйлердің ауласына асфальт жол төселіп, автотұрақ салынды. Осы аталған &nbsp;көпқабатты 3 үйдің шатыры жөндеуден өтті. 8 көшеде күрделі жол жөндеу, 7 көшеде түнгі жарық шамдарын орнату жұмыстары басталды. Сондай-ақ, «Батыс Қытай-Батыс Европа» автожолының бойындағы «Лиза» бейіті қоршалды, - деді кент әкімі Жасұлан Хабидуллаұлы.&nbsp;</blockquote>Кентте 464 шағын кәсіпкерлік субъектісі жұмыс жасауда. Жыл басынан бастап 79 кәсіпкерлік субъектісі тіркеліп, 81 тұрақты жұмыс орны ашылды.&nbsp;«Бизнес-Бастау» бағдарламасы аясында 6 тұрғын 9,4 млн. &nbsp;қайтарымсыз грантқа ие болды. &nbsp;Ал, «Ауыл аманаты» бағдарламасы аясында жалпы құны 24,6 млн. теңгені құрайтын 3 жоба қаржылай қолдауға ие болды. Сонымен қатар, кәсіпкерлікті дамытудың түрлі мемлекеттік бағдарламалары аясында ұсынылған 11 жоба мақұлданып, 284,8 млн. теңгеге қаржыландырылды.

Белкөл кенті: І жартыжылдықта атқарылған жұмыстар

<a href="https://kyzylorda-news.kz/">Kyzylorda-news.kz</a> Ағымдағы жылдың алғашқы жартыжылдығында аймағымызда барлық негізгі салаларда өсім байқалды. Өңдеу өнеркәсібі, ауыл шаруашылығы, құрылыс, сауда және инвестиция көлемі өткен жылдың сәйкес кезеңімен салыстырғанда артқан. Халық саны да өсіп, туу көрсеткіші тұрақты деңгейде сақталуда. Сонымен қатар, жұмыссыздық деңгейі төмен деңгейде қалып отыр. Бұл туралы Өңірлік коммуникациялар қызметінің алаңында &nbsp;Стратегиялық жоспарлау және реформалар агенттігі Ұлттық статистика бюросының Қызылорда облысы бойынша департаменті басшысының орынбасары Айбек Әбілдаев мәлімдеді.<blockquote>- 2025 жылдың алғашқы жартыжылдығы қорытындысы бойынша аймақтың әлеуметтік-экономикалық даму көрсеткіштері айтарлықтай оң динамикада екені байқалады. Өңдеу өнеркәсібі 17,2%-ға өсіп, тамақ өнімдері мен жеңіл өнеркәсіп өнімдерінің өндірісі айтарлықтай артты. Құрылыс саласында 44,5%-ға өсу тіркеліп, пайдалануға берілген тұрғын үйлер саны да артты. Сонымен қатар, негізгі капиталға салынған инвестициялар 21,5%-ға ұлғайған. Ауыл шаруашылығы өнімдерінің көлемі де 2,8%-ға көбейіп, мал шаруашылығындағы өсім де байқалады. Сауда мен көлік саласында да өсу бар, бұл өңір экономикасының әртүрлі салаларының даму қарқынының кең екенін көрсетеді. Халық саны тұрақты түрде өсіп келеді, оның ішінде қала мен ауыл тұрғындарының саны дерлік тең. Көші-қон да белсенді, облысқа келгендер мен кеткендердің саны белгілі деңгейде өзгеріп отыр. Табиғи өсім жақсы деңгейде, 2025 жылдың алғашқы бес айында 6739 сәби дүниеге келді, бұл аймақтағы демографиялық жағдайдың тұрақтылығын дәлелдейді. Ағымдағы &nbsp;жылдың алғашқы алты айындағы көрсеткіштер өңірдің тұрақты дамуын айқындап отыр. Өңдеу өнеркәсібі мен құрылыс саласында айтарлықтай өсім бар, бұл инвестициялар көлемінің ұлғаюымен тығыз байланысты. Ауыл шаруашылығы да тұрақты дамуда, сонымен қатар халық саны өсіп, демографиялық көрсеткіштеріміз тұрақты. Еңбек нарығында жалақы деңгейі өсіп, жұмыссыздық төмендеу үрдісінде. Бұл өңірдің әлеуметтік-экономикалық тұрақтылығын және болашақтағы даму мүмкіндіктерін көрсетеді. Жалпы алғанда, Қызылорда облысының экономикалық және әлеуметтік салалары 2025 жылдың алғашқы жартысында жақсы қарқынмен дамып, өңірдің тұрақты өсімін қамтамасыз етуде,-деді Айбек Жантөреұлы.</blockquote>

Экономикалық өсім мен демографиялық тұрақтылық сақталуда

<a href="https://kyzylorda-news.kz/">Kyzylorda-news.kz</a> 12 тамыз – Халықаралық жастар күні аясында аясында облыстық іс-шаралар жоспары бекітіліп, жастар мерекесі 2-12 тамыз күндері онкүндік форматында аталып өтілуде.Атап айтсақ,&nbsp;Халықаралық жастар күніне арналған Ұлттық онкүндік аясында 2 тамыз – «Жастар және тазалық» күні ретінде белгіленіп, облыс көлемінде жастар арасында экологиялық мәдениетті қалыптастыру, табиғатқа жанашырлық пен қоршаған ортаға жауапкершілікпен қарауды насихаттау мақсатындатазалық акциялар ұйымдастырылды.Сенбілік пен экологиялық марафонға орталық қызметкерлері, «Жасыл ел» сарбаздары, еріктілер және жастар ұйымдарының белсенділері қатысып, Ғани Мұратбаев атындағы орталық стадион, Батырхан Шүкенов атындағы саябақ, қаланың өзен-көл жағалауларындатазалық жұмыстарын жүргізуге, жасыл желектерді күтіп-баптауға, табиғатқа жанашырлық танытуға атсалысты.Сонымен қатар, «3 тамыз – жастар және кемелділік күні»аясында Қызылордада ерекше форматтағы шара өтті.ASPAN CINEMA – ашық аспан астындағы кино көрсетілімінде «Алмас қылыш» фильмі көрсетілді.Тарихи рух пен ерлікке толы бұл туынды жастардың ұлттық сана-сезімін оятып, отансүйгіштікке үндеді.Кеш жастарға ерекше әсер сыйлап, мазмұнды әрі рухани ортаға айналды.Бұдан бөлек, Халықаралық жастар күніне арналған «4 тамыз – жастар және денсаулық күні» аясында аймақта игі бастама өтті.«ДОНОР БОЛ!» атты қайырымдылық акциясы аясында облыстық жастар ресурстық орталығының мамандары мен ерікті жастар сауапты іске үлес қосты.Қан тапсыру арқылы өмірді сақтап қалуға себепші болған қатысушылар қоғамға пайдалы болудың үлгісін көрсетті.Сондай-ақ, салауатты өмір салтын насихаттауға және тұрғындардың медициналық сауаттылығын арттыруға бағытталған Ашық есік күні ұйымдастырылып, қалалық мәдениет және демалыс паркінде ұйымдастырылып, қала тұрғындары үшін тегін медициналық кеңес алу мүмкіндігі ұсынылады.Шараға келушілер жалпы денсаулық жағдайын тексертіп, кәсіби дәрігерлерден қажетті кеңестер ала алады.Бұл жастарға арналған маңызды іс-шаралар болды. Мұндай шаралар онкүндік аясында жалғасын табады. Атап айтқанда алдағы күндері:«5 тамыз - Жастар және білім»Кітап оқу мәдениетін дамыту мақсатында «Кітап сыйла», «Түнгі кітапхана» акциялары мен интеллектуалды сайыстар өтеді.«6 тамыз - Жастар және еріктілік»«Игі істер марафоны» аясында әлеуметтік қолдауға бағытталған еріктілік бастамалар жүзеге асады.«7 тамыз - Жастар және заң мен тәртіп»Зиянды әрекеттердің алдын алуға бағытталған түсіндіру жұмыстары, рейдтер мен бейнеүндеулер өткізіледі.«8 тамыз - Жастар және адал еңбек»«Мүмкіндіктер алаңы» шарасы аясында бос жұмыс орындарының жәрмеңкесі, кеңес беру алаңдары, кәсіпкерлік көрмелер ұйымдастырылады.«9 тамыз - Жастар және достық»Қазақстан халқы Ассамблеясының 30 жылдығына орай этно-мәдени бірлікке бағытталған шаралар өтеді.«10 тамыз - Жастар және Абай»Абай күніне орай ақын шығармашылығын насихаттауға арналған байқаулар мен челлендждер ұйымдастырылады.«11 тамыз - Жастар және дәстүр»Ұлттық құндылықтар мен отбасылық тәрбиені насихаттайтын тәрбиелік форматтағы іс-шаралар өткізіледі.«12 тамыз - Жастармен бірге!»Халықаралық жастар күніне арналған қорытынды open air кеші өтеді. Облыс орталығындағы мерекелік шараға жас өнерпаздар мен Belluci тобы қатысады. Шара жастарға арналған дискотекамен жалғасады.

12 тамыз – Халықаралық Жастар күніне арналған онкүндік бастау алды

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев Шіркейлі ауылындағы Б.Жақыпов көшесіне жүргізіліп жатқан күрделі жөндеу жұмыстарымен танысып, жұмыс сапасына мән берді.<blockquote>– Мемлекет басшысы Қасым-Жомарт Кемелұлы Тоқаев елді мекендерде ең алдымен тұрғындарға қажетті инфрақұрылымдық жұмыстарға басымдық беруді тапсырған болатын. Осыған орай, облыс әкімі Нұрлыбек Машбекұлы Нәлібаевтың қолдауымен ауданда жол жөндеу, газдандыру, ауыз су құбырларын жаңғырту жұмыстары жүргізілуде. Оның ішінде, Шіркейлі ауылында Б.Жақыпов көшесіне күрделі жөндеу жұмыстары жүргізіліп жатыр. Бұл жұмыстар сапалы және мерзімінде атқарылуы қажет, – деді Берік Әбдіғаппарұлы.</blockquote>Күрделі жөндеуге бюджеттен 79 млн. теңге қаржы бөлінген, жөндеу жұмыстарын «ОрдаЭнерго Строй» ЖШС атқаруда. Қазіргі уақытта 1 шақырымды құрайтын көшеге асфальт төселді. &nbsp;Аудан басшысы мердігер мекеме өкіліне жұмыстарды сапалы атқаруды ескертті. Тиісті салалық орынбасарына тұрақты бақылауда ұстауды тапсырды.

Жол жөндеу жұмыстары сапалы және мерзімінде атқарылуы тиіс

<a href="https://kyzylorda-news.kz/">Kyzylorda-news.kz</a> Қармақшы ауданы әкімдігінің мәжіліс залында кент, ауылдық округінің әкімдері мен бірқатар сала мамандардың қатысуымен «Қарызсыз қоғам» жобасы, Ұлттық жобалар, сондай-ақ «Жастар практикасы», «Әлеуметтік жұмыс орындары» бағдарламалары бойынша жиын өтті. Мәжіліске аудан әкімі аппаратының басшысы Диас Асылбекұлы төрағалық етті.«Жастар практикасы» мен «Әлеуметтік жұмыс орындары» бағдарламаларының орындалу көрсеткіштері мен алдағы жоспарлары бойынша аудандық жұмыспен қамту, әлеуметтік бағдарламалар бөлімінің басшысы Ғабит Кенжеғұлов және «Мансап» орталығының директоры Орынбек Мұнарбаев әлеуметтік жұмыс орындарын ұйымдастыру барысы туралы баяндамаларын ұсынды. Сондай-ақ, «Қарызсыз қоғам» жобасының мақсаты мен оны ауылдық деңгейде іске асыру жобалары да сөз болды.Мемлекеттік қызметтегі этикалық талаптар және олардың сақталу маңыздылығы да назардан тыс қалмады. Бұл бойынша кадр жұмысы (Персоналды басқару) бөлімінің басшысы Нұржан Тоқшылықов Әдеп кодексі талаптары мен мемлекеттік қызметшілердің қызметтік әдебіне қатысты түсіндіру жұмыстарын жүргізді.Жиын соңында көтерілген мәселелер бойынша нақты ұсыныстар берілді. Барлық ауылдық округ әкімдеріне және мамандарға бағдарламалар бойынша жұмыстарды толық әрі мерзімінде орындау тапсырылды.

Қоғамдық жобалар мен әдеп мәселелері күн тәртібінде

<a href="https://kyzylorda-news.kz/">Kyzylorda-news.kz</a> Байқоңыр қаласында 50 пәтерлік 5 тұрғын үйдің құрылысы жүргізілуде. Жобаның жалпы құны – 3,7 млрд теңге. 2021–2023 жылдар аралығында 2,8 млрд теңге көлемінде қаржы игерілген.Алайда, құрылыс жұмыстары белгіленген мерзімде аяқталмағандықтан, мердігер мекемелермен жасалған келісімшарттар сот тәртібімен бұзылды. Сот шешіміне сәйкес, мердігерлерден аванстық төлемдер мемлекет бюджетіне қайтарылды. Осыған байланысты 2025 жылы жоба қайта қаралып, сметалық құжаттамаға түзетулер енгізілді. Жаңартылған жоба бойынша құрылыстың жалпы құнында өзгерістер бар.Тұрғын үйлерді аяқтау мақсатында мемлекеттік сатып алу конкурсы жарияланып, нәтижесінде «Аман құрылыс» ЖШС мердігер ретінде анықталды. Компаниямен келісімшарт жасалды. Ағымдағы жылы бөлінген қаражат есебінен алғашқы аванстық төлем жүзеге асырылып, құрылыс жұмыстары қайта басталды.Айта кетейік, бүгінде құрылыс жаңа мердігердің жобасымен жалғасып жатыр. Бұл пәтерлер аяқталған уақытта Қазақстан азаматтарына кезектілікпен тапсырылатын болады. Аталған жұмыстар аудан әкімінің тікелей бақылауында.

Байқоңыр қаласындағы тұрғын үй құрылысы қайта жаңғыртылды

<a href="https://kyzylorda-news.kz/">Kyzylorda-news.kz</a> Профилактика жылы аясында Қызылорда облысы полиция департаментінің Сырдария ауданы полиция бөлімі 10-14 жас аралығындағы балалар арасында кіші футболдан жарыс ұйымдастырды.Аталған спорттық іс-шара жасөспірімдер арасында құқықбұзушылықтың алдын алу, салауатты өмір салтын насихаттау және олардың бос уақытын тиімді өткізу мақсатында өткізілді.Тәртіп сақшылары тек қана қоғамдық тәртіпті күзетіп қоймай, өскелең ұрпақтың тәрбиесіне де белсене атсалысып келеді. Осындай игі бастамалардың бірі – спорт арқылы жасөспірімдердің қызығушылығын арттырып, дұрыс бағыт-бағдар беру.Қызмет барысында болашақтан зор үміт күттіретін жас спортшылар анықталып, олардың талантын шыңдауға мүмкіндік жасалды. Полицейлер балаларға үлгі көрсетіп, оларды тәрбиелеуде тек сөзбен емес, іспен дәлелдеп келеді.

Қазақстан және Қызылорда облысының жаңалықтары: Қоғам