<a href="https://kyzylorda-news.kz/">Kyzylorda-news.kz</a>. Көптеген адамдар өздерінің кәсіби мақсаттары туралы ойланбай тұрып жұмыс іздей бастайды. Алайда жұмыс іздеуді бастамас бұрын, сіздің мансабыңызға қандай талаптар қойылатындығын анықтап алғаныңыз абзал. Бұл сіздің мықты және әлсіз жақтарыңызға объективті түрде қарауды қажет етеді.
Мысалы, сіз өзіңізге ұйымдастырушылық, адамдарды жұмылдыру секілді жұмыс қажет деп ойлауыңыз мүмкін, бірақ мұны сіздің мықты тұсыңыз деп қабылдауға болмайды. Екіншіден, сіз үйрену жаңа қадамдар жасауға көмектесетінін ұмытпауыңыз керек. Сонымен қатар, тағы бір ескеретін жайт — сіздің ұзақ мерзімді мақсаттарыңызға жету үшін, сіздің қызығушылығыңызды қанағаттандырмайтын жұмыстарды орындауға қаншалықты дайын екеніңізді тексеріңіз. Өзіңіздің мінез-құлқыңызға баға бере отырып, қойылатын кәсіби талаптардың нақты жиынтығын жасап шығаруға тырысыңыз.
Атап айтқанда, бірнеше маңызды сұрақтарға жауап беріңіз. Сіз қандай өмір сүргіңіз келеді? Мысалы, ауылда немесе қалада өмір сүргіңіз келеді ме? Бос уақыт сізге қаншалықты керек? Сіз үшін жалақы маңызды ма? Сіз тұрақтылықты ұнатасыз ба әлде жаңашылдыққа жақынсыз ба? Қандай жұмыс жасағыңыз келеді? Мысалы, сіз жалғыз немесе ұжыммен жұмыс жасағанды ұнатасыз ба? Түрлі іс-шараларының ұйымдастырушысы болғыңыз келеді ме? Өз талаптарыңызды қанағаттандыратындай, мамандық таңдауда &nbsp;төменде көрсетілген басты тармақтарды негізге алуға тырысыңыз:&nbsp;
Жұмыс жасау стилін бағалаңыз. Сіздің бойыңызда жеке жұмыс жасауға қабілеттілік, лидерлік қасиеттер басымырақ па немесе сізге белгілі бір құрылыммен жүйеленген жұмыс ортасы мен қадағалаушы қажет пе? Сіздің жұмыс жасау стиліңіз сізге жалғыз жұмыс істей алатыныңызды немесе ұжымның бір бөлігі бола алатындығыңызды түсінуге көмектеседі.
Өз таланттарыңызды біліңіз. Егер сіздің қандай да бір хоббиіңіз немесе қабілетіңіз болса, оны өз жұмысыңызбен байланыстыруға тырысыңыз. Сонда сізге жұмысыңыз нәтижелі және әрі жағымды бола алады. 
Қаржылық мақсаттар қойыңыз. Өзіңіздің қаржылық қажеттіліктеріңізді нақты анықтаңыз және &nbsp;қаржылық мақсаттарыңызды қанағаттандыра алатын жұмысты таңдаңыз.
Сіз таңдаған мамандықты меңгеру, яғни оқу үшін қанша қаражат кететінін анықтаңыз және сіз үшін қолжетімділігін зерттеңіз. Шәкіртақы, байқаулар мен олимпиадалар сынды мүмкіндіктерді қарастырыңыз. 
Өзіңіздің қызығушылықтарыңызға сәйкес мамандықтар тізімін жасаңыз. Сонымен қатар дайындаған тізімді барынша қысқартуға да тырысыңыз. Сіз мұны сізге сәйкес келетін тармақтар бойынша жасауыңыз керек. Дұрыс шешім қабылдау үшін ата-аналарыңызбен кеңесіп алғаныңыз да жөн.
Мансап жолындағы мақсаттарыңыз бен міндеттеріңізге шолу жасап шығыңыз және тек сол мақсаттармен шектелмеңіз — сіздің жұмыс жасау жоспарыңыз сізге жаңа нәрсені үйренуге, білуге септігін тигізуі қажет.
Дереккөз:bilimland.kz

Мамандық таңдаудың маңызы

<a href="https://kyzylorda-news.kz/">Kyzylorda-news.kz</a>. Бүгін футболдан Қазақстан кубогы төртінші турының екінші ойын күні өтті, деп хабарлайды ҚазАқпарат.
Қызылордада жергілікті «Қайсар» өз алаңында «Ақтөбені» қабылдады. Біріншілік барысында әзірге көш соңында келе жатқан қызылордалық клуб кубок ойындарында тәп-тәуір нәтижеге қол жеткізіп келеді. Бірде-бір кездесуде жеңілген жоқ. Сол сәттілік сериясы бүгін де оларға серік болды.
Кездесу тағдырын 46-минутта қызылордалық клуб шабуылшысы Каролис Лаукжемис соққан жалғыз гол шешті. Осылайша «Қайсар» қарсыласын 1:0 есебімен басым түсті. Нәтижесінде өз тобында сегіз ұпаймен көш басында шықты.
Сондай – ақ, бүгін Алматының «Қайраты» сырт алаңда Түркістанның «Тұран» клубынан 3:4 есебімен жеңілсе, 30 шілдеде «Тараз» «Атырауды» 1:0 есебімен жеңді.
Енді 1 тамызда «Мақтарал» мен «Тобыл», «Ордабасы» мен «Қызылжар», СДЮСШОР № 8 бен «Шахтер», «Ақжайық» пен «Астана» командалары кездеседі.

Футболдан Қазақстан кубогы: «Қайсар» көш басына шықты

Kyzylorda-news.kz. Өткен тәулікте коронавирус инфекциясын жұқтырған 7 803 жағдай тіркелді, деп хабарлайды ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссиясы.
Елімізде коронавирус инфекциясын жұқтырғандар саны 580 379 жетті.
Оның ішінде: Нұр-Сұлтан қаласында – 1507, Алматы қаласында – 1535, Шымкент қаласында – 585, Ақмола облысында – 256, Ақтөбе облысында – 251, Алматы облысында – 334, Атырау облысында – 415, Шығыс Қазақстан облысында – 198, Жамбыл облысында – 222, Батыс Қазақстан облысында – 185, Қарағанды облысында – 974, Қостанай облысында – 252, Қызылорда облысында – 201, Маңғыстау облысында – 254, Павлодар облысында – 300, Солтүстік Қазақстан облысында – 151, Түркістан облысында – 183.

Қызылордада 201 адамнан коронавирус анықталды

Kyzylorda-news.kz. Сайлау қоғамды демократияландырудың маңызды институты, халықтың ерік білдіруінің көрінісі, оның мемлекеттік басқаруға қатысуының негізгі нысанының бірі болып табылады.
Осыған сәйкес, Қызылорда облысында 2021 жылғы 1 тамыз таңғы сағат 6.00-де сайлау болатын 2 округтың Арал ауданындағы Аққұм ауылдық округі мен Шиелі ауданындағы Талаптан ауылдық округі учаскелік комиссия мүшелері келген БАҚ өкілдерінің, байқаушылардың, сенім білдірген адамдардың және қоғамдық бірлестіктердің өкілдерінің қатысуымен сайлау туралы заңның талаптарына сай, барлық процедураларды орындай отырып сайлау учаскелерін ресми түрде ашты. 
Дауыс беру таңғы 07:00-де басталып, кешкі 20:00-де аяқталады.
Сайлау барлық учаскелерде Конституциялық заңға сәйкес өтуде, құқық бұзушылықтар аңықталған жоқ, арыз – шағымдар түскен жоқ.
Жалпы 2 сайлау округінде 3527 сайлаушы дауыс береді деп күтілуде. Барлық учаскелерде азаматтарға тиісті жағдайлар жасалған. Пандемия жағдайында сайлау учаскелерінде санитарлық-эпидемиологиялық қауіпсіздікті сақтау үшін тиісті шаралар қабылданған.
Сайлауға қатысатын 16 сайлау комиссияларының мүшелері бетперделермен, арнайы қолғаптармен, антисептиктермен жеткілікті түрде қамтылған. Дауыс беруге келетін сайлаушылар мен басқа да азаматтарға антисептиктер, термометрлер орнатылған. Келген сайлаушыларға бетперделер дайындалған. Барлық сайлау учаскелері дәрігер мамандармен қамтылған.
<pre><code>Сайлаушылардың сайлау учаскелеріне келуі туралы келесі ақпарат аумақтық сайлау комиссияларының ғаламтор беттерінде жергілікті уақыты бойынша сағат 10.00-де, 12.00-де, 14.00-де, 16.00-де, 18.00-де, 20.00-де және сайлаушылардың келуінің алдын ала қорытындылары туралы ақпарат 21.00 -де ұсынылатын болады.
</code></pre>

Қызылордада ауыл әкімдерінің сайлауы басталды

<a href="https://kyzylorda-news.kz/">Kyzylorda-news.kz</a>. Биыл ауа райының қолайсыздығынан жауын-шашынның аз түсуінен қуаңшылықтың салдарынан зардап шеккен Қызылорда өңіріне қазығұрттық шаруалар мен кәсіпкерлер көмек қолын созуда. 3 вагон жем-шөп Шымкент қаласының теміржол стансасынан жолға шықты. 50 тонна мал азығы құрғақшылықтан зардап шегіп, төтенше жағдай жарияланған көрші Қызылорда облысы Арал ауданына бағытталды. Мал азығы өңірдегі шөп жетпеушілігінен қиындыққа тап болған шаруаларға тегін үлестіріледі.
Айта кетейік, биыл наурыз-сәуір айларында еліміздің оңтүстігі мен батыс облыстарының басым бөлігінде көктемгі жауын-шашын нормадан аз түсіп, ауа температурасы жоғары болғаны белгілі. Соның салдарынан ұзақ жылдан бері болмаған құрғақшылық мал шаруашылығына ауыр тиді.
Құрғақшылық Түркістан облысында да орын алды. Бүгінде өңірдегі жағдай тұрақты. Табиғи шөп бітік шықпағанына қарамастан, егістікті әртараптандыру орман қорындағы босалқы жайылым жерлер шаруалардың уақытша пайдалануына беру шараларының нәтижесінде облыстағы мал басына қажетті 3,9 млн.тн мал азығын 100 % дайындауға толық мүмкіндіктер бар.
Осы уақыт аралығында оңтүстік жұрты бірігіп, батыс облыстары мен көрші Қызылорда облысына 70 вагоннан астам мал азығын жіберді. Бұл іске «Қазақстан темір жолы» ұлттық компаниясы қолдау көрсетуде.

Қазығұрттықтар Аралға 3 вагон жем-шөп жөнелтті

<a href="https://kyzylorda-news.kz/">Kyzylorda-news.kz</a>. «Қазгидромет» РМК 1 тамызда болатын ерекше метеорологиялық құбылыстарға болжау консультациясын жариялады.
Бұл күні антициклон сілемі бар Қазақстан аумағының басым бөлігінде жауын-шашынсыз ауа райы күтіледі. Еліміздің солтүстігі мен оңтүстік-батысында ғана кей жерлерде жаңбыр жауып, найзағай және бұршақ болады. Республика бойынша кей жерлерде желдің күшеюі, оңтүстік және оңтүстік-батыста шаңды дауыл күтіледі.

Жексенбіге арналған ауа райы болжамы

Kyzylorda-news.kz. Жапония астанасы Токио қаласында өтіп жатқан Жазғы Олимпиадада 1 тамызда қазақстандық спортшылардың қатысуымен болатын ойын кестесі жарияланды, деп хабарлайды ҚазАқпарат.
1 тамызда қазақстандықтар спорттың төрт түрінен сайысқа түседі. Олардың қатарында грек-рим, еркін күрес, жеңіл атлетика және бокс бар.
08:00 Грек-рим күресі. Ерлер. 1/8 финал. 60 келі. Мирамбек Айнағұлов – Жоламан Шаршенбеков (Қырғызстан)
08:00 Еркін күрес. Әйелдер. 1/8 финал. 76 келі. Эльмира Сыздықова – Айпери Медеткызы (Қырғызстан)
08:17 Жеңіл атлетика. 400 метрге жүгіру. Ерлер. Іріктеу кезеңі. Михаил Литвин
15:18 Бокс. Ерлер. 1/4 финал. Әбілхан Аманқұл – Эберт Соуза (Бразилия)
16:24 Бокс. Ерлер. 1/4 финал. Қамшыбек Қоңқабаев – Иван Верясов (Ресей)

Токио-2020: 1 тамыздағы қазақстандық спортшылардың жарыс кестесі

<a href="https://kyzylorda-news.kz/">Kyzylorda-news.kz</a>. Еліміздің бірқатар университеттерінде&nbsp;оқу орынының жанында әскери кафедра жұмыс істейді. Мұнда әскери міндетті бар студенттер арнайы дайындықтан өтіп, оқуды аяқтаған соң, бірден лейтенант шенін алады.&nbsp;Сәйкесінше, олар жауынгерлік міндеттемеден босатылады.&nbsp;
Әскери кафедраға қалай түсуге болады?
Әскери кафедраға&nbsp;25 жасқа дейінгі&nbsp;сотталмаған, тек қана оқытудың күндізгі түрінде оқитын студенттер түсе алады. Студенттер ақылы және арнайы грант негізінде білім ала алады.&nbsp;
Әскери кафедрада оқыту үшін іріктеу ҚР ҚМ әскери кафедраға жыл сайын қабылдау жылының 1 наурызына дейін жолдайтын қабылдау жоспарына сәйкес конкурстық негізде жүргізіледі.
Әскери кафедраға құжаттарды өткізу&nbsp;сол жылдың&nbsp;20 мамырында&nbsp;аяқталады. Ал медициналық куәландыру нәтижелері қабылдау жылының 31 мамырына дейін белгілі болады.&nbsp;
Студенттерді әскери кафедрада оқытуға іріктеу үшін конкурс мынадай үш кезеңде жүзеге асырылады:
– Бірінші кезең – Қазақстан Республикасы Қорғаныс министрінің 2015 жылғы 2 шілдедегі № 373 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11846 болып тіркелген) Қазақстан Республикасының Қарулы Күштерінде әскери-дәргерлік сараптаманы жүргізу қағидалары және әскери-дәрігерлік сараптама органдары туралы&nbsp;ережеге&nbsp;сәйкес (бұдан әрі – Әскери-дәрігерлік сараптама жүргізу қағидалары) медициналық куәландырудан өту;
– Екінші кезең – кәсіби-психологиялық тестілеуді жүргізу;
– Үшінші кезең – физикалық дайындығын тексеру.
– Төртінші кезең –&nbsp;ЖОО басшысы жасайтын және бекітетін рейтингілік балл есебіне сәйкес жүзеге асырылатын конкурстық іріктеу.
Құжаттарды қабылдауды және конкурстың бірінші кезеңін өткізуді ұйымдастыру әскери кафедраға жүктеледі, ал екінші және үшінші кезеңдерді іріктеу комиссиясы жүргізеді.
Конкурстың әрбір кезеңінен тек бір рет өтуге рұқсат етіледі. Алдыңғы кезеңнен өтпеген студент келесі кезеңге жіберілмейді.
Әскери кафедрада оқуға конкурсқа қатысуға ниет білдірген студент&nbsp;мынадай құжаттарды тапсырады:
<ul>
<li>Өтініш;</li>
<li>Жеке куәлік (түпнұсқа&nbsp; немесе көшірме );</li>
<li>Тіркеу куәлігі немесе әскери билет (түпнұсқа&nbsp; немесе көшірме);</li>
<li>3х4&nbsp; өлшемдегі 2 фотосурет;</li>
<li>Ата-анасының біреуінің немесе екеуінің де балаға қамқорлығының болмау фактісін растайтын құжаттардың бар болған жағдайда біреуінің не қамқорлықтың (қамқоршылықтың) белгіленуін растайтын құжаттардың түпнұсқасы мен көшірмесі</li>
<li>“Мемлекеттік көрсетілетін қызметтердің стандарттарын бекіту туралы” Қазақстан Республикасы Бас Прокурорының&nbsp; 2015 жылғы 27 шілдедегі № 95 бұйрығына (Нормативтік құқықтық актілерді тіркеу тізілімінде №12055 тіркелген) сәйкес&nbsp; нысандағы&nbsp; соттылалғандығы бар болуы немесе жоқтығы туралы анықтама;</li>
<li>Спорттық разрядын,ағымдағы жылғы орындаушылардың республикалық не халықаралық конкурсындағы,соңғы үш жыл ішіндегі жалпы білім беретін пәндер бойынша халықаралық олимпиададағы,сондай-ақ жалпы білім беретін пәндер бойынша Президенттік не республикалық олимпиададағы жүлделі орнын растайтын (құжат бар болған жағдайда;</li>
<li>Екі файл.</li>
</ul>
Өтінішін ұсынған студентке медициналық куәландырудан өту тәртібі бойынша жадынамамен бірге келесі құжаттар беріледі:&nbsp;
– Медициналық куәландырудан өту үшін жолдама.
– Белгіленген үлгідегі медициналық куәландыру картасы.
– Медициналық құжаттар мен медициналық зерттеулер нәтижелерінің тізімі.
Әскери кафедраларда оқу қалай жүргізіледі?
Әскери кафедра екі жыл оқытылады. Бұл жерде&nbsp;студенттер&nbsp;жауынгерлік даярлықпен қатар арнайы білім алады. Жігіттер үшін теориялық және практикалық оқу курсы, оқу-жаттығу жиыны өткізіледі. Ал студент қыздар үшін оқу-жаттығу жиынының орнына кәсіби практика қарастырылған.&nbsp;
Әскери даярлыққа барлығы 588 академиялық сағат белгіленген. Бұл уақыт аралығында арнайы білім беріліп,&nbsp;оқу-жаттығу&nbsp;қатар жүргізіледі.&nbsp;
Әскери кафедрадағы сабақтар “әскери күн” әдісімен жүргізіледі, яғни оқу кезеңінде әскери кафедрадан өту үшін арнайы бір күн беріледі.&nbsp;
Әскери дайындықтан шеттету ЖОО басшысының бұйрығымен мынадай негіздер бойынша жүзеге асырылады:
– үлгерімнің төмен болуы;
– ЖОО басшысымен бекітілетін (еркін нысанда) ішкі тәртіпті бұзғаны үшін;
– науқастануы, отбасы және қызметтік жағдайлар бойынша босатуларды қоспағанда академиялық кезең ішінде оқу сабақтарының 18 сағатын босатуы;
– өз еркімен;
– денсаулық жағдайы бойынша;
– ақылы&nbsp;негізде оқыған жағдайда оқу үшін төлем жасамаған кезде оқудан шеттетіледі.&nbsp;
Ескере кететін жайт,&nbsp;шеттетілген студенттер&nbsp;әскери даярлыққа қайта қабылданбайды. Тек бір жағдайда ғана студенттер&nbsp;бұйрық шыққан сәттен бастап бір ай ішінде оқу үшін төлем жасаған кезде қайта қабылдануға мүмкіндігі бар.&nbsp;
Резервтегі офицерлер бағдарламасы бойынша әскери дайындықтың толық курсын бітірген және бітіру емтиханын&nbsp;тапсырған білім алушылар ЖОО бітірген соң “резервтегі лейтенант” “резервтегі медицина қызметінің лейтенанты” әскери атағын&nbsp;беруге&nbsp; ұсынылады.
2021 жылға арналған Іріктеу жоспарына&nbsp;сержанттар құрамының&nbsp;жаңа әскери-есептік мамандықтарын енгізуге байланысты,&nbsp;запастағы сержанттарды даярлау бағдарламасы бойыншаоқыту үшін конкурстық іріктеуде құжаттар күндізгі оқу нысанының бірінші, екінші (4 жылдық оқумен) және бірінші, екінші, үшінші курс (5 жылдық оқумен) студенттерінен қабылданады.&nbsp;
Резервтегі сержанттарды даярлау бағдарламасы бойынша оқу кезеңі&nbsp;өтеулі негізде 1 жылды құрайды.
Еліміздегі 30 ЖОО-да әскери кафедра жұмыс жасайды. Олар:&nbsp;
Алматы қаласы:
– “Қ.Сәтпаев атындағы Қазақ ұлттық техникалық университеті” КАҚ жанындағы әскери кафедра;
– Абай атындағы Қазақ ұлттық педагогикалық университеті жанындағы әскери кафедра;
– С.Асфендияров атындағы Қазақ ұлттық медициналық университеті жанындағы әскери кафедра;
– Қазақ ұлттық аграрлық университеті жанындағы әскери кафедра;
– “Әл-Фараби атындағы Қазақ мемлекеттік ұлттық университеті” КАҚ жанындағы әскери кафедра;
– “Абылай хан атындағы Қазақ халықаралық хатынастар және әлем тілдері университеті” АҚ жанындағы әскери кафедра;
– “Нархоз Университеті” АҚ &nbsp;жанындағы әскери кафедра;
Талдықорған қаласы:&nbsp;
– І.Жансүгүров атындағы Жетісу мемлекеттік университеті&nbsp; жанындағы әскери кафедра;
Нұр-Сұлтан қаласы:&nbsp;
– Л.Н.Гумилев атындағы Еуразия ұлттық университеті жанындағы әскери кафедра;
– Қазақ мемлекеттік медицина академиясының әскери кафедрасы;
– С.Сейфуллин атындағы Қазақ агротехникалық университеті жанындағы әскери кафедра;
– Қазақ гуманитарлық заң университеті жанындағы әскери кафедра;
– Қаржы академиясы” АҚ әскери кафедрасы;
Шымкент қаласы:&nbsp;
– М.Әуезов атындағы Оңтүстік Қазақстан мемлекеттік университеті жанындағы әскери кафедра;
– Оңтүстік Қазақстан мемлекеттік медицина академиясының жанындағы әскери кафедра;
Тараз қаласы:
– М.Х.Дулати атындағы Тараз мемлекеттік университеті жанындағы әскери кафедра;
Қызылорда қаласы:
– Қорқыт ата атындағы Қызылорда мемлекеттік университеті жанындағы әскери кафедра;
Өскемен қаласы:
– Д.Серікбаев атындағы Шығыс Қазақстан мемлекеттік техникалық университеті жанындағы әскери кафедра;
Семей қаласы:
– Семей мемлекеттік медицина академиясы жанындағы әскери кафедра;
– Қазақ гуманитарлық заң инновациялық университеті&nbsp; жанындағы әскери кафедра;
Қарағанды қаласы:
– Қарағанды мемлекеттік техникалық университеті жанындағы әскери кафедра;
– Қарағанды мемлекеттік медицина академиясы жанындағы әскери кафедра;
Ақтөбе қаласы:
– М.Оспанов атындағы Батыс Қазақстан мемлекеттік медицина университеті жанындағы әскери кафедра;
Орал қаласы:
– Жәңгір хан атындағы Батыс Қазақстан мемлекеттік аграрлық-техникалық университеті жанындағы әскери кафедра;
Ақтау қаласы:&nbsp;
– Каспий технология және инжиниринг мемлекеттік университеті&nbsp; жанындағы әскери кафедра;
Атырау қаласы:&nbsp;
– Х.Досмұхамедов атындағы Атырау мемлекеттік университеті&nbsp; жанындағы әскери кафедра;
Петропавл қаласы:
– М.Қозыбаев атындағы Солтүстік Қазақстан мемлекеттік университеті&nbsp; жанындағы әскери кафедра;
Көкшетау қаласы:
– А.Мырзахметов атындағы Көкшету&nbsp;&nbsp; университеті&nbsp; жанындағы әскери кафедра;
Павлодар қаласы:
– С.Торайғыров атындағы Павлодар мемлекеттік университеті&nbsp; жанындағы&nbsp;әскери кафедра;&nbsp;
Қостанай қаласы:
– Қостанай мемлекеттік университеті&nbsp; жанындағы әскери кафедра.
<a href="https://stan.kz/askeri-kafedraga-kalay-tusuge-boladi-350018/">Stan.kz</a>

Әскерге бармай-ақ, лейтенант шенін алуға болады: Әскери кафедра туралы не білу керек

<a href="https://kyzylorda-news.kz/">Kyzylorda-news.kz</a>. Қызылордада жыл басынан бері адам саудасына жол ашатын жарнамалық хабарландырулар мен ақпараттық материалдар жариялаған 32 сайт бұғатталды. Бұл туралы бүгін Өңірлік коммуникациялар қызметінде өткен баспасөз конференциясында ОПД криминалдық полиция басқармасының бөлім бастығы Ғани Мұқанов мәлімдеді.
Биыл аймағымызда адамдарды заңсыз бостандығынан айыру, құлдыққа салу сынды заңсыздықтар мен азаматтардың құқықтарының шектелу деректері тіркелмеген. Бұл бағыттағы заңсыздықтарды анықтау үшін облыс көлемінде тіркелген 3 106 шаруа қожалықтың 2 660-на тексеру жұмыстары жүргізілді.
<blockquote>
 «Жыл басынан адам саудасына қатысты 2 хабарлама түсті. Соның бірі, «Евразия» телеарнасы арқылы жаңалықтан «Балалар 500 мың теңгеден сатылып жатыр» деген сұхбат бойынша тексеру жұмыстары жүргізілді. Аталған ақпарат жалған болып шықты. 30 наурызда мемлекеттік емес ұйымнан Қызылорда қаласындағы құрылыс нысандарының бірінде жұмыс жасап жүрген Өзбекстан Республикасының азаматтарын мәжбүрлі еңбекке тарылғаны туралы хабарланды. Бүгінде қылмыстық іс тіркеліп, тергеп тексеру амалдары жүргізілуде. Құрылыс нысанынан анықталған 14 өзбек азаматы Қызылорда облысының әлеуметтік – психологиялық, құқықтық қолдау орталығы үкіметтік емес мекемесіне орналастырылды», – деді Ғани Мұқанов.
</blockquote>
Ал аймақта адам саудасына қатысты қылмыстық істердің ең көбі жеңгетайлықпен айналысқандар арасында. Осы жағдайға байланысты биыл 10 дерек тіркеліп, 2 тұлға және жеңіл жүріспен пайда тауып жүрген 14 азаматша есепке алынды. Сондай-ақ, бала сатумен айналысқан 1 дерек, жезөкшелікпен айналысуға тарту бойынша 2 дерек анықталған.

Қызылорда: Адам саудасына жол ашатын 32 сайт бұғатталды

<h4 id="kyzylordanewskzhttpskyzylordanewskznbspstankzhttpsstankznbsp"><a href="https://kyzylorda-news.kz/">Kyzylorda-news.kz</a>. Қауынның жұмсақ іш жүргізетін әсері бар екені анықталды. Сол себепті бұл өнімнен кімге бас тартқан дұрыс екенін диетолог Ольга Кораблева айтты, деп хабарлайды&nbsp;<a href="https://stan.kz/">Stan.kz</a>&nbsp;</h4>
<blockquote>
 “Қауын – калориясы төмен болғанына қарамастан, қорытылуы қиын өнім: 100 грамм өнімге шамамен 35 килокалория. Қауынды аш қарынға немесе басқа тағаммен, соның ішінде жеміс -жидекпен жеуге болмайды – бұл газ немесе диарея тудыруы мүмкін” , – деді Ольга Кораблева.
</blockquote>
Дәрігердің айтуынша, ең жақсы нұсқа – тамақтанғаннан кейін бір сағат күту.
<blockquote>
 “Қауынның жұмсақ іш жүргізуші қасиеті болғандықтан, оны ішектің жұмысында қандай да бір төмен көрсеткіштер болған жағдайда тұтынудың қажеті жоқ: өнім бұл проблемаларды ушықтыруы мүмкін”, – деп ескертті маман.
</blockquote>
Диетологтың айтуынша, егер гастрит, жедел панкреатит (ұйқы безінің қабынуы), холецистит (өт қабының қабынуы), асқазан жарасы өршуі байқалса, онда қауыннан бойды аулақ салу қажет.

Дәрігер кімге қауын жеуге болмайтынын түсіндірді

<a href="https://kyzylorda-news.kz/">Kyzylorda-news.kz</a>. Қазақстан аумағының басым бөлігінде атмосфералық фронталды бөліктердің өтуімен найзағай болып, өткінші жаңбыр жауады, солтүстіктің кей жерлерінде бұршақ күтіледі, деп хабарлайды Қазгидромет.
Еліміздің батысында және оңтүстігінде антициклон жоталарының әсерінен жауын-шашынсыз ауа райы сақталады. Республика бойынша кей жерлерде желдің күшейіп, оңтүстік және оңтүстік-шығыста шаңды дауыл соғады.
Жамбыл облыының кей жерлерінде шаңды дауыл күтіледі, жел 15-20, күндіз екпіні 25 м/с күшейеді.
Түркістан облысының кей жерлерінде жел 15-20, екпіні 23 м/с, шаңды дауылмен күтіледі.
Алматы облысының кей жерлерінде бұршақ күтіледі, жел 15-20 м/с жылдамдықпен соғады. Алматы, Батыс Қазақстан, Қостанай, Солтүстік Қазақстан, Павлодар облыстарында, күндіз Қарағанды обысының кей жерлерінде жел 15-20 м/с күшейеді.
Күндіз Қызылорда облысының кей жерлерінде жел 15-20 м/с шаңды дауыл соғады.
Күндіз Атырау, Ақтөбе облыстарында, Батыс Қазақстан, Маңғыстау, Қостанай, Қарағанды облыстарының кей жерлерінде қатты ыстық күтіледі.
Қызылорда, Түркістан, Маңғыстау, Жамбыл облыстарының басым бөлігінде, Атырау, Алматы, Ақтөбе, Қарағанды облыстарының кей жерлерінде, Қостанай облысының оңтүстігінде, Ақмола, Шығыс Қазақстан облыстарының жекелеген аудандарында төтенше өрт қаупі сақталады.

31 шілдеге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Жамбыл облысы Қызылорда өңіріне 20 вагонмен 400 тонна шөп жөнелтті. Игілікті іс аталған өңірде қуаңшылық орын алуына байланысты аймақтың белсенді азаматтарының ұсынысымен қолға алынды.
Осылайша, Шу, Луговой, Жанатас және Тараз қаласы темір жол стансаларындағы вагондарға облысымыздың барлық аудандарынан келген жоңышқа, пішен және табиғи шөп артылып, Сыр еліне жол тартты.
Бұл шараға Байзақ ауданындағы Ынтымақ ауылдық округіне қарасты «Бірлік» шаруа қожалығы да өз үлестерін қосып, 300 бау жоңышқа берген.
<blockquote>
 «Сын сағатта бірлігіміз сыналады, бірге болсақ – ынтымағымыз нығаяды. Біздің бүгінгі жасап жатқан амалымыз уақыт оздырмай, қуаңшылыққа тап болған ағайынға шөпті ертерек жеткізу», – дейді байзақтық «Бірлік» шаруа қожалығының жетекшісі Рүстем Ақылбеков.
</blockquote>
Облыстық ауыл шаруашылығы басқармасының басшысы Қайрат Амановтың айтуынша, аймақта қажетті ірі сабақты мал ағызы қоры жеткілікті.
<blockquote>
 «Бүгінгі таңда облысымызда мал азығын дайындау жұмыстары жалғасын табуда. Мал қыстауын қалыпты өткізу үшін 1,7 миллион тонна пішен дайындау жоспарланған. Бүгінде 1,5 миллион тонна пішен, 58 мың тонна пішендеме дайындалды. Алда сүрлем дайындау науханы тұр. Жалпы облыста мал ағызына қажетті ірі сабақты мал ағызының қоры қажет мөлшерде жиналды. Енді, міне, өңір шаруаларының ұсынысымен қуаңшылықтан зардап шеккен Қызылорда облысының Арал қаласына, Сексеуіл кенті мен Қамыстыбас ауылдық округіндегі шаруаларға жем-шөп жеткізілетін болады», – дейді ол.
</blockquote>
Жамбыл облысының жұртшылығы қызылордалық ағайындарға әрі қарай да көмек көрсететіндігін жеткізді.

Қазақстан және Қызылорда облысының жаңалықтары: Қоғам