<a href="https://kyzylorda-news.kz/">Kyzylorda-news.kz</a>. Қызылорда облысы кәсіпкерлер палатасының алаңында мемлекеттік орган өкілдері кәсіпкерлерге онлайн түсіндірме жұмыстарын жүргізді.
Кездесуге Қызылорда қалалық санитариялық-эпидемиологиялық бақылау басқармасының және облыстық ішкі саясат басқармасының жауапты қызметкерлері, бірқатар кәсіпкерлер қатысып, қоғамдық тамақтану объектілеріне қойылатын санитариялық-эпидемиологиялық талаптар мен тіл туралы заңнаманың кәсіпкерлік саласында қолданылуы талқыланды.
Қызылорда қалалық санитариялық-эпидемиологиялық бақылау басқармасының маманы Жанар Әбдірахман жаз мезгілінде қоғамдық тамақтану саласында тиісті нормалардың сақталмауы салдарынан өзге өңірлерде тұтынушылардың тамақтан улану жағдайлары кездесіп жатқанын, сол үшін мекеме тарапынан кеңінен түсіндірме жүргізіліп жатқандығын жеткізді.
Ол үшін қоғамдық тамақтану саласында қызмет көрсететін кәсіпкерлер Денсаулық сақтау министрінің 2018 жылғы 23 сәуірдегі № 186 «Қоғамдық тамақтану объектілеріне қойылатын санитариялық-эпидемиологиялық талаптар» санитариялық қағидаларын басшылыққа алып жұмыс жасауы қажет екен.
Шараға қатысқан жуырда ғана Қызылорда облысында құрылған қоғамдық тамақтану және қызмет саласы Қауымдастығының басшылары Әбдіразақов Ақмарал мен Мәдина Сәрсенбай саладағы проблемаларды да айтып өтті.
&nbsp;Атап айтқанда, кәсіпкерлерді бүгінде электр жарығының жиі сөндірілуі, беріліп отырған ауыз судың сапасы алаңдатуда. Кәсіпкерлер кездесуде бұл жайттардың қызмет сапасына айтарлықтай зиянын тигізетіндігін айта келе, өз тиісті нормативтік құжаттарға өзгеріс енгізу үшін ұсыныстарын жеткізді.
Кездесуге келген келесі спикер – облыстық ішкі саясат басқармасының бөлім басшысы Ләззат Есімова кәсіпкерлік нысандардағы көрнекі ақпараттарда «Тіл туралы» Заң талаптарының сақталу барысына тоқталды. Кей нысандардың норманы сақтамай, бір тілде ғана беру немесе кей ақпараттардың өзге тілде ұсынылу жағдайлары жиілегендігіне тоқталды. Тілдің дұрыс қолданылу жолдарын нормативтік талаптар, сондай-ақ оның қолданылу барысын мысалға келтіре отырып, түсіндіріп өтті.
Шарада кәсіпкерлер аталмыш заң талаптарына өзгерістер енгізуге қатысты ұсыныстарын берді, сондай-ақ мемлекеттік орган өкілінен қоғамдық тамақтану нысандарында ұсынылатын ас мәзірін қазақ тілінде сапалы аударуға көмек сұрады.
Өз кезегінде облыстық ішкі саясат басқармасының бөлім басшысы Ләззат Есімова ұсынысқа оң бағасын беріп, бірге жұмыс жасауға әзір екендігін жеткізіп, қоғамдық тамақтану және қызмет саласы Қауымдастығының мүшелерімен бірге жұмыс жасайтын болып келісті. Кәсіпкерлік саласына қатысты сұрақтар туындаған жағдайда Қызылорда облысының кәсіпкерлер палатасына хабарласа аласыздар. Мекен-жайы: Қызылорда қаласы, Қорқыт ата 123, «Бизнеске арналған Үкімет» ғимараты. Тел.: 8 /7242/ 40-09-81.
<img src="https://kyzylorda-news.kz/wp-content/uploads/2021/07/img_2333-1-scaled.jpg" alt="" />

Қызылордалық кәсіпкерлерге заң талаптары түсіндірілді

<h5 id="kyzylordanewskzhttpskyzylordanewskz144211"><a href="https://kyzylorda-news.kz/">Kyzylorda-news.kz</a>. Ислам дінінде зұлхижжа айының алғашқы он күні қасиетті күндер саналады. Һижри жыл санауы бойынша 1442 жылдың зұлхижжа айы 11 шілде күні басталды. Бұл туралы ҚМДБ Шариғат және пәтуа бөлімі мәлімдеді.</h5>
<blockquote>
 Ал арапа күні 19 шілдеге сәйкес келеді. 20 шілде – Құрбан айт мерекесінің бірінші күні. Қазақстан мұсылмандары діни басқармасы көптеген мұсылман елдерінің ғұламаларымен кеңесіп, осындай пәтуа қабылдады. Зұлхижжа айының алғашқы он күнінде барынша ынтамен ғибадат етіп, көбірек ізгі істер мен жақсы амалдар жасауға тырысу керек. Өйткені, хадистерде сол уақытта орындалған игі істердің сауабы еселеніп жазылатыны айтылған – делінген хабарламада.
</blockquote>
Ал арапа күні ораза тұту – сүннет.&nbsp;
<blockquote>
 Пайғамбарымыз Мұхаммед (оған Алланың салауаты мен сәлемі болсын): «Арапа күні ораза ұстау арқылы Алладан өткен және келесі жылдың күнәсін кешіруді үміт етемін» деген. Құрбан айт намазынан кейін үш күн ішінде бай адамға құрбандық шалу міндет (уәжіп) болады. Алла Тағала қасиетті Құранда: «Раббыңның разылығы үшін намаз оқы және құрбандық шал» деп бұйырған («Кәусар» сүресі, 2-аят). Хадисте: «Пайғамбарымыз (оған Алланың салауаты мен сәлемі болсын) құрбандыққа екі ақ қошқарды жатқызып, аяғымен тіреп, бисмилләні және тәкбірді айтып, бауыздады», – делінген (Бухари мен Мүслим) – деп хабарлады пәтуа бөлімі.
</blockquote>
Құрбандық шалу Алла Тағалаға жақын болу, күнәлар кешірілу, Жаратушы Иеміздің көптеген нығметтеріне шүкір ету, бай мен кедейге кеңшілік жасау үшін міндеттелді.&nbsp;
<blockquote>
 Өйткені, осы күні барлық адам Алла Тағаланың қонағы болады, құрбан етінен жейді, оны тарту етеді, одан садақа береді. Құрбан шалу арқылы пенде Ибраһим пайғамбардың сүннетін жандандырады. Құрбан айт күні Ибраһим пайғамбар өзінің баласы Исмаилды құрбандыққа пида еткенін еске алады, олардың бір мінезділігін, қайыспайтындығын және Құдайға деген сүйіспеншілігін үлгі тұтады. Алла Тағала елімізге амандық, жұртымызға тыныштық нәсіп еткей! Барша мұсылман халқына бұл айды сауапты істермен өткізіп, Жаратқан Иеміздің мейірімі мен кешіріміне кенелуді нәсіп еткей! Әмин! – делінген хабарламада.
</blockquote>

20 шілде – Құрбан айт мерекесінің бірінші күні

<a href="https://kyzylorda-news.kz/">Kyzylorda-news.kz</a>.&nbsp; Күні кеше аудан әкімі Серік Сермағамбетов бастаған делегация Ақтөбе облысы, Ырғыз ауданына арнайы жұмыс сапармен барды.
Басты мақсат – көршілес ауданнан қуаңшылық жағдайына байланысты шабындық жерлер алу және шөп сатылымын тұрғындарға тиімді бағада ұйымдастыру.
Осы ретте Ырғыз ауданының шаруашылықтарымен арнайы кездесу өткізіліп, бірқатар шаруашылық төрағалары аралдық шаруларға шабындық жерлерін ұсынды. Жиын барысында Ырғыз ауданының әкімі Ә.Әуелбаев ауылы аралас, қойы қоралас Арал ауданындағы қуаңшылық мәселесіне өз алаңдаушылықтарын танытып, барлық көмек жасалатындығын жеткізді.
Сапар қорытындысымен Ырғыз ауданы, Жайсаңбай өңіріндегі шабындық жерлерде шөп шабу жұмысына ауданымыздан арнайы 14 бригада жұмылдырылатын болады.
<img src="https://kyzylorda-news.kz/wp-content/uploads/2021/07/214221685_3023646584630374_9065279409440054699_n.jpg" alt="" />
<img src="https://kyzylorda-news.kz/wp-content/uploads/2021/07/215655219_3023646561297043_2746544203452409371_n.jpg" alt="" />

Аралдықтар Ырғыздан  шөп тасиды

<a href="https://kyzylorda-news.kz/">Kyzylorda-news.kz</a>. Қызылорда облысында «Заңсыз келуші» жедел-профилактикалық іс-шарасы өткізілуде.
Шара барысында тәртіп сақшылары шетелдіктердің құқықтарын сақтай отырып, олардың облыс аумағында болу заңдылығын тексерді. Жатақханалар, қонақ үйлер, базарлар, вокзал және салынып жатқан құрылыс нысандарын аралады. &nbsp;Облыс &nbsp;көлемінде Көші-қон қызметі бөлімі мен Жергілікті полиция қызметкерлерімен жүргізілген жұмыс барысында 275 &nbsp;шетел азаматы полиция органдарына жеке басын анықтауға жеткізілді. 238 азамат заң бұзған. Оларға әкімшілік хаттама толтырылып, Қызылорда әкімшілік мамандандырылған сотына заңды шешім қабылдау үшін жолданды.
<blockquote>
 «ҚР ӘҚБтК-нің 517-бабы (Шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы)&nbsp; 167 шетелдік анықталды. Азаматтар жеке басын анықтайтын құжатының болмауына байланысты&nbsp; Қызылорда ҚПБ-ның Қабылдау-тарату орнына жеткізілді», – делінген полиция департаментінің хабарламасында.
</blockquote>

Қызылордада көші-қон заңын бұзған 238 азамат анықталды

<a href="https://kyzylorda-news.kz/">Kyzylorda-news.kz</a>. Қармақшы ауданы Тұрмағамбет ауылының жастары шөп ору жұмыстарында белсенділік танытуда.
Өңірімізде қалыптасқан қуаңшылық жағдайына байланысты ауылдық елді мекендердегі мал шаруашылығымен айналысатын шаруа қожалықтары мен шаруаларға мал азағын дайындау үшін шөп ору жұмыстарына жастар тартылды.
Осы ретте ауылдық елді мекендерде ұйымдастырылған жастар бригадалары мал азығын дайындау ісіне белсенділік танытты. Соның ішінде бүгінгі таңда Тұрмағамбет ауылының жастары да қысқы мал азығын дайындау шөп ору жұмыстарына өз үлестерін қосып жатыр.
Ауылдық елді мекендердегі жастар техниканың көлемі сыймайтын шағын жерлердегі шөпті орып, бар жұмысты қол күшімен атқаруда. Ал аудандағы ірі шаруашылықтар шабындықты техникамен оруға кірісті.

Тұрмағамбет ауылының жастары да шөп оруға кірісті

<a href="https://kyzylorda-news.kz/">Kyzylorda-news.kz</a>. Қызылорда қаласындағы ЗК-169/5 мекемесінің өндіріс аймағындағы өндіріс цехына жүк тасымалдаушы «Камаз» жүк көлігіндегі цемент салынған қаптарды&nbsp; тексеру барысында сотталғандардың пайдалануы мен қолданылуына тыйым салынған заттарды анықтады.
Мекеме қызметкерлері Қызылорда қалалық полиция басқармасының жедел-тергеу тобын шақыртады. Тексеру барысында жүк көлігіндегі 196 қап цементтің 7 қабынан&nbsp; 10,20 грамдық шприцке нығыздалып салынған 63 дана “өзіне тән ерекше исі бар шөп тектес” зат табылған. Сондай-ақ 43 дана ұялы телефон, 14дана құлаққап, 33дана зарядтау құрылғысы, 13 дана номер картасы, 12 дана насыбай, 10 дана ойын картасы және 3 литр спирттік ішімдік тәркіленіп алынған.
<blockquote>
 «Тәркіленген зат бойынша сот сараптама жұмыстары тағайындалды. Аталған дерек бойынша Қазақстан Республикасы ҚК-нің 297-бабының 1-бөлігімен сотқа дейінгі тергеп-тексеру амалдары жүргізілуде», – делінген ҚАЖ департаментінің хабарламасында.
</blockquote>
<img src="https://kyzylorda-news.kz/wp-content/uploads/2021/07/whatsapp-image-2021-07-11-at-14.19.42-3.jpeg" alt="" />

Қызылорда: Түзеу мекемесіне әкелінген құрылыс заттарына 43 ұялы телефон жасырылған

<a href="https://kyzylorda-news.kz/">Kyzylorda-news.kz</a>. Қазақстанда 13-15 шілде аралығында күн суытады, деп хабарлады Қазгидромет.
Мамандардың ақпаратына сәйкес, республиканың басым бөлігінде ауа райы тұрақсыз болады. Солтүстік-батыста, солтүстікте, орталықта және шығыста қатты жаңбыр жауып, найзағай, бұршақ, дауыл болып, жел тұрады.
Батыста ауа температурасы түнде +12…+22℃, күндіз +25…+35℃ болады. Республиканың солтүстігінде, солтүстік-батысында ауа температурасы түнде +7…+20℃, күндіз +12…+28℃, елдің орталығында және шығысында ауа температурасы түнде +8…+20℃, күндіз +15…+28℃ болады.
Синоптиктердің болжамына сәйкес, Қазақстанның оңтүстік және оңтүстік-шығысында түнде температура +12…+23°С, күндіз +25…+32°С болады.
Алматыда&nbsp;13 шілдеде күн ашық болады. Күндіз ауа температурасы +32℃, түнде +19℃ көрсетіп тұр.
14 шілдеде көшпелі бұлт шығады, аздаған жаңбыр жауады. Ауа температурасы күндіз + 30℃ жылы, түнде – 18℃. Желдің жылдамдығы секундына 13 метрге жетеді.
Қалада 15 шілдеде күн бұлтты болып, жаңбыр жауады, найзағай ойнайды. Күндіз +30℃ жылы болады, кешке ауа температурасы +18 градусты көрсетеді.
Нұр-Сұлтан қаласында&nbsp;13 шілдеде көшпелі бұлт шығады, ауа температурасы күндіз +17℃, түнде +11℃ болады. Желдің жылдамдығы 13 м/с-ке жетеді. Ал 14 шілдеде күн бұлтты болады, күндіз +13℃, түнде +10℃ жылы болады.
Елордада 15 шілдеде күн бұлтты болып, аздаған жаңбыр жауады. Ауа температурасы +18℃, түнде +10℃ болады. Желдің жылдамдығы – 16м/с.
Шымкентте&nbsp;13 шілдеде күн алабұлтты, аздаған жаңбыр жауады. Күндіз ауа температурасы +32℃, түнде +22℃ болады. 14 шілдеде күн ашық, ауа температурасы күндіз – 31℃, түнде – 20℃.
15 шілдеде күн ашық болады, ауа температурасы күндіз +32℃, түнде +15℃-ты көрсетеді.

Алдағы күндері күн суытады

Kyzylorda-news.kz. Қазгидромет 12 шілдеге арналған ауа райы болжамын жариялады.
Республиканың басым бөлігінде ауа ағындарының әсерінен құбылмалы ауа райы сақталады. Солтүстік-батыста, солтүстікте және шығыста нөсер жаңбыр жауады. Тек ел өңірінің батысы мен оңтүстігінде жауын-шашынсыз ауа райы күтіледі.
Республика бойынша кей жерлерде найзағай, дауыл, бұршақ, желдің күшеюі ықтимал, оңтүстікте шаңды дауыл тұрады.

Дүйсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Үкімет басшысы Асқар Мамин биыл бюджеттік сала қызметкерлерінің жалақысын көтеру шаралары жалғасатынын мәлімдеді.
<blockquote>
 “Қазіргі кезде 600 мың педагогтың еңбекақысын 25 пайызға, ал 247 мың медицина қызметкерінің жалақысын біліктілігіне қарай 20-дан 30 пайызға&nbsp;дейін көтеру шаралары атқарылып жатыр”, – деді Мамин үкіметтің кеңейтілген отырысында.
</blockquote>
Асқар Мамин әлеуметтік сала жұмысшыларының жалақысы 50 пайызға көтерілетінін айтты. Және осы шарамен 21 мың адам қамтылып отыр екен. Осылайша педагогтардың орташа жалақысы 253 мың теңгеге, медицина қызметкерлерінің еңбекақысы 320 мың теңгеге, ал әлеуметтік сала қызметкерлерінің жалақысы 180 мың теңгеге дейін көтеріледі. Мемлекеттік қызметшілердің жалақысы да көбейеді.
1 шілдеден бастап жергілікті атқарушы органдардың қызметтік жалақысы 1,9 есеге өсті. Ал орталық мемлекеттік органдарда жұмыс істейтін мемлекеттік қызметшілердің жалақысы 2022 жылдың қаңтарынан бастап жыл сайын 30 процентке көтеріледі. &nbsp;Бұл шара 2024 жылға дейін жалғасады. Осылайша мемлекеттік қызметшілердің орташа жалақысы 179 мың теңгеден 267 мың теңгеге дейін жоғарылайды. &nbsp;
<a href="https://stan.kz/">Stan.kz</a>

Премьер-министр кімдердің жалақысы көтерілетінін айтты

<a href="https://kyzylorda-news.kz/">Kyzylorda-news.kz</a>. Профессор дәрісті бастамас бұрын, қолына су толы стақан алды да, студенттерден:
– Мына стақанның салмағы қанша, кім біледі? – деп сұрады.
Студенттер өзара сыбырласа бастады.
– Шамамен екі жүз грамм. 
– Үш жүз. 
– Төрт жүз грамм.
– Шынымды айтсам, дұрыс жауапты өзім де білмеймін. Бірақ қазір бұл маңызды емес. Ендігі сұрақ мынадай: Қолымды созып, осы стақанды екі минут бойы ұстап тұрсам не болады?
– Ештеңе бола қоймас, – деп мән-жайды түсінбеген студенттер бір-біріне таңдана қарады.
– Шынында да ештеңе болмайды. Ал екі сағат ұстап тұра берсем ше?
– Қолыңыз талып қалады ғой.
– Ал күні бойы қолымнан тастамай көтеріп тұра берсем не болады?
– Қолыңыз жансызданып, сал боп қалуыңыз да мүмкін.
– Қалай ойлайсыңдар, күні бойы көтеріп тұрғаннан стақанның салмағы өзгере ме?
– Жоға, қайдан өзгерсін, – деп студенттер әлі түк түсінер емес.
– Біз бұл жағдайды қалай өзгерте аламыз?
– Жай ғана стақанда орнына қойсаңыз болды, – деді бір студент сенімді түрде.
– Дәл солай! – деп профессордың дауысы қаттырақ шығып кетті. – Естеріңде болсын, өмірдегі кез келген қиындыққа осы стақан секілді қарау керек. Бір мәселені екі минут ойласаң, ол жадыңда тұрады. Екі сағат бойы соны ойлай берсең, жаныңды жегідей жеп жібереді. Ал күні бойы, бірнеше күн бір нәрсені ойлап бас қатыра берсең, құрдымға ұшырайсың.
Ұзақ ойлай бергеннен, мәселе шешілмейді, керісінше ұлғая береді. Бас қатыра бергенше, әрекет еткенде ғана нәтиже болады.
Мәселе бар ма, шешіңіз немесе оны ойыңыздан шығарыңыз. Күнделікті “істеуім керек еді” деп кейінге қалдырып жүрген шаруаларыңыз да осылай жиналып-жиналып басыңызды ауыртады. Сондықтан әр істі уақытылы жасап тастауды әдетке айналдырыңыз.
<a href="https://massaget.kz/layfstayl/debiet/tmsil/65604/">Massaget</a>

Еріншектің ертеңі бітпес&#8230;

<a href="https://kyzylorda-news.kz/">Kyzylorda-news.</a> Облыс әкімі Гүлшара Әбдіқалықова қуаңшылық жағдайына орай аудандардағы егіс алқаптарының жұмыс барын бағдарлау үшін Жаңақорған ауданына барып, бірқатар нысандарды аралады.
Аймақ басшысының жұмыс сапары Жаңарық ауылдық округіндегі дәрігерлік амбулаторияның құрылыс барысымен танысудан басталды. Бас мердігер «Ныш-Ер» ЖШС директоры Ерболат Төрежанов жаңадан салынып жатқан құрылыс жұмыстарымен таныстырды. Мемлекеттік–жеке меншік әріптестік аясында басталған дәрігерлік амбулаторияның құрылысы қыркүйек айында аяқталмақ. Құрылыс барысын саралаған аймақ басшысы әлеуметтік нысанды уақытылы әрі сапалы орындауды тапсырды.
Мұнан кейін облыс әкімі Қыркеңсе ауылдық округіндегі жастар бригадасының жұмысымен танысты. Ауылдық округ бойынша барлығы 3098 малазықтық дақылдары орналастырылды, оның ішінде 750 гектар жаңа жоңышқа, 1816 гектар ескі жоңышқа, 502 гектар күздік бидай мен 30 гектар жаздық бидай егілген. Ал, ескі жоңышқаның бірінші орымынан 5 мың тонна шөп жиналды. Қазіргі таңда «Жасыл ел» жасақ сарбаздары бірігіп Қыркеңсе ауылдық округіне қарасты «Құдірет» шаруа қожалығындағы қалың қамыс шөбін тау беткейінде орналасқан «Ақүйік» ауылдық округінің тұрғындарын жем-шөппен қамтамасыз етуде. Алдағы уақытта шөп ору жұмыстарының нәтижесінде қыстауға қатысатын мал басын толық жем-шөп қорымен толықтыру жоспарлануда. 
Облыс әкімі шөп орымына белсене қатысқан ауыл жастарымен пікірлесіп, қысылтаяң шақта ел жастарының бірігіп, ортақ іске жанашырлық танытқан бригада құрамындағы жастарға ризашылығын білдірді.
Айта кетейік, қуаңшылық кезеңін өткеріп жатқан Арал, Қазалы аудандарына көмек ретінде жем-шөп дайындау жұмыстарына 500 жуық еріктілер мен «Жасыл» ел сарбаздары шөп ору жұмыстарына кірісіп кетті. Келген жастар үшін жататын орын, «дала асханасы» арқылы тамақтандыру қамтамасыз етіліп, жастардың жағдайы жасалған. 
Аймақ басшысының ауданға іссапары Бірлік ауылдық округінде жалғасты. Мұнда облыс әкімі ауылда салынып жатқан 90 орындық балабақша құрылысымен танысты. Нысан құрылысы 2022 жылы аяқталады. Сондай-ақ, ауылда елді мекенді табиғи газбен қамтамасыз етуді көздейтін жоғары қысымды жеткізуші газ құбырын салу жобасы жүзеге асырылуда. Газ желісінің ұзындығы – 54,7 шақырым, жобаны іске асыру нәтижесінде Бірлік елді мекенінде 440 тұрғын үй, Қыраш елді мекенінде 124 үй және 20 әлеуметтік нысан көгілдір отынды пайдалануға мүмкіндік алады.
Сапары аясында облыс әкімі Бірлік елді мекеніндегі ауыл ақсақалдарымен де кездесті. Жүздесу барысында ауылдың бірқатар әлеуметтік мәселелері тілге тиек етілді.
Гүлшара Әбдіқалықова қуаңшылық кезеңінде көрші аудандарға көмек қолын созып, жем-шөп жинауға ниетті жастарды біріктіруде ауыл ақсақалдарының рөлі жоғары екенін атап өтіп, ауыл азаматтарымен пікірлесті.
Гүлшара Әбдіқалықова мұнан кейін Жайылма ауылдық округіндегі егіс алқабына арнайы барып, еңбеккерлермен кездесті. Ауылдық округке қарасты 13 шаруа қожалығы 550 гектар жерге бақша дақылдарын орналастырды. Шаруалар биылғы жылы орын алып жатқан су тапшылығын ескер келе, тау беткеінде орналасқан Жайылма ауылдық округінде шахталық керіздерді қазып, жерасты су қорын пайдаланып, егін көлемін ұлғайтуда. Мұнан бөлек, «Жиделі» шаруа қожалығы 2 кәріз арқылы 30 гектар жерге бақша, көкөніс дақылдарын суландыру жұмыстарын іске асыруда.
Қазіргі кезде егіс алқабындағы қауын, қарбыз өнімдері пісіп, сатылымға шығарыла бастады. Өнімдер елдің өзге де облыстарымен қатар, көрші мемлекеттердің нарығына да жібіреледі.
Шаруалардың жұмысын саралаған Гүлшара Әбдіқалықова су ресурстарын тиімді пайдаланып, өсімдік шаруашылықты әртараптандыру және жергілікті тауарөндірушілерді қолдау жұмыстарына ерекше назар аударуды тапсырды. Сондай-ақ, аяқ су тапшылығынын ескеріп, басты дақыл күріштің егіс көлемін азайтып, ауыл шаруашылықты әртараптандыру мақсатында майлы, азықтық және бау-бақша дақылдарына басымдық беру жұмыстарын жалғастыру қажеттігін еске салды.

Аймақ басшысы Жаңақорғандағы жастар бригадасымен кездесті

<a href="https://kyzylorda-news.kz/">Kyzylorda-news.kz</a>. Қызылорда облысында суға шомылуға тыйым салынған аймақтарға 170 қауіпсіздік белгісі орнатылды. Бұл туралы Өңірлік коммуникациялар қызметінің ақпараттық алаңында өткен брифингте облыстық ТЖД бастығының орынбасары Бауыржан Ізбасаров мәлімдеді.
Төтеншеліктер бүгінде қауіпсіздік ережелерін сақтамайтындар азаймай тұрғанын және арты қайғылы жағдайлармен де аяқталатынын жеткізді. Мәселен жыл басынан бері су айдындарында 32 оқиға тіркеліп, 37 адам қаза болды. Оның 20-сы бала.
<blockquote>
 «Шомылу маусымында облыс тұрғындарының қауіпсіздігін қамтамасыз ету мақсатында рейдтік және патрульдеу іс-шаралары ұйымдастырылуда. Рейдтік іс-шара барысында облысымыздың су айдындарында 571 рейд өткізілді. 5683 адамға судағы қауіпсіздік шаралары бойынша түсіндіріп, үнпарақтар таратылуда. Бүгінде қоғамдық орындарда ішімдік ішкен 174 адам жауапкершілікке тартылды. 24 адамға тыйым салынған жерлерде шомылу ережелерін бұзғаны үшін ескерту жасалды. Егер бұзушылық бір жыл ішінде қайталанса, айыппұл салынады»,-деді Бауыржан Шірімбекұлы.
</blockquote>

Қазақстан және Қызылорда облысының жаңалықтары: Қоғам

Қызылордалық кәсіпкерлерге заң талаптары түсіндірілді

20 шілде – Құрбан айт мерекесінің бірінші күні

Аралдықтар Ырғыздан шөп тасиды

Қызылордада көші-қон заңын бұзған 238 азамат анықталды

Тұрмағамбет ауылының жастары да шөп оруға кірісті

Қызылорда: Түзеу мекемесіне әкелінген құрылыс заттарына 43 ұялы телефон жасырылған

Алдағы күндері күн суытады

Дүйсенбіге арналған ауа райы болжамы

Премьер-министр кімдердің жалақысы көтерілетінін айтты

Еріншектің ертеңі бітпес…

Аймақ басшысы Жаңақорғандағы жастар бригадасымен кездесті

Қызылордада суға кету жағдайы азаймай тұр

Қазақстан және Қызылорда облысының жаңалықтары: Қоғам

Қызылордалық кәсіпкерлерге заң талаптары түсіндірілді

20 шілде – Құрбан айт мерекесінің бірінші күні

Аралдықтар Ырғыздан шөп тасиды

Қызылордада көші-қон заңын бұзған 238 азамат анықталды

Тұрмағамбет ауылының жастары да шөп оруға кірісті

Қызылорда: Түзеу мекемесіне әкелінген құрылыс заттарына 43 ұялы телефон жасырылған

Алдағы күндері күн суытады

Дүйсенбіге арналған ауа райы болжамы

Премьер-министр кімдердің жалақысы көтерілетінін айтты

Еріншектің ертеңі бітпес&#8230;

Аймақ басшысы Жаңақорғандағы жастар бригадасымен кездесті

Қызылордада суға кету жағдайы азаймай тұр

Еріншектің ертеңі бітпес…