Фердоуси Қожабергенов: Қызылорда облысы тарихи-көне қалашықтар, қасиетті мекендермен мақтана алады

<a href="https://kyzylorda-news.kz/">Kyzylorda-news.kz</a>.&nbsp; Қазақстан Республикасы Қорғаныс Министрлігі «Әскери-техникалық мектебінің» Қызылорда қаласындағы филиалының 25 сарбазы әскери ант қабылдады.
Қызылорда гарнизонындағы әскери-техникалық мектептің сарбаздары Отан алдындағы әскери антын қабылдады. Олар 40 күндей аталған мектепте кәсіби даярлықтардан өтті.
Тактикалық дайындықтар мен қаруды қалай қолдану керектігін жете меңгеріп те үлгерді. Аз уақыт ішінде әскери тәртіппен танысып, түрлі әскери теориялық сабақтарды оқып, білгендерін іс-тәжірибеде қолдана білді.
Қызылорда қаласындағы әскери-техникалық мектебінің директоры Рахметулла Мұхамбетов жоспарлы сабақтардың бірінші аптасында курсанттар Қазақстан Қарулы Күштері мен әскери тәртіп туралы мәліметтер алса, оқудың келесі апталарында теорияда оқығандарын қолдану жұмыстарымен айналысатындығын және бұл жағдайлар сарбаздарды темірдей тәртіпке баулитынын атап өтті.
<blockquote>
 «Қызылорда қаласының әскери-техникалық мектебінің сарбазы атанғаныма қуаныштымын.Осы мектепте оқыған уақыт аралықта біраз сабақтар өткізілді. Оқу-жаттығу алаңдарында болып, әскери шеберлікті меңгеріп шықтық. Қарсыласпен бетпе-бет келгенде, қарусыз және қоршауда қалған жағдайдағы неше түрлі қоян-қолтық жекпе-жек өнерін меңгердік. Алдағы уақытта әскери қызмет атқарсам деген ойдамын», – дейді әскери-техникалық мектебінің түлегі&nbsp; Азамат Оралбаев.
</blockquote>
Қызылорда қаласы әскери-техникалық мектебі алдағы уақытта да Отанға адал қызмет ететін мамандарды қабылдайтын болады.
<img src="https://kyzylorda-news.kz/wp-content/uploads/2021/07/img_20210723_014307_763.jpg" alt="" />
<img src="https://kyzylorda-news.kz/wp-content/uploads/2021/07/img_20210723_014307_770.jpg" alt="" />

Қызылордалық сарбаздар ант қабылдады

<a href="https://kyzylorda-news.kz/">Kyzylorda-news.kz</a>.&nbsp;ҚР ҰҚК ШҚ Қызылорда облысы бойынша департаментінің жауапты учаскесінде шекарашылар есірткі егіс алқабын анықтады.
«Қарасора-2021» жедел профилактикалық іс-шарасы аясында, «Шиелі» шекара бөлімінің әскери қызметшілері, ҚР ІІМ есірткі қылмысқа қарсы іс – қимылдар басқармасы мен «Бүркіт» арнайы мақсаттағы қызметкерлерімен бірлесе отырып, Жаңақорған ауданы аумағында Мемлекеттік шекара сызығынан 100 шақырым қашықтықта орналасқан «№4» артезиандық құдығының маңайында Қазақстан Республикасының 3 азаматын ұстады. Оларды ұстауға аталған азаматтардың заңсыз есірткі алқабын ұйымдастыру себеп болды.
<blockquote>
 «Аумақты тінту нәтижесінде, бойлары 1-1,5 метрді құрайтын 2000ға жуық шұңқыршаларға егілген жасыл түсті ерекше иісі бар «Сора» (коннабис өсімдіктері) өсімдігінің түптері, заң бұзушыларға қатысты ешқандай құжаттары жоқ 16 калибрлі қос ұңғылы мен жартылай автоматты «Сайга» аңшылық мылтықтары,&nbsp; уақытша тұруға арналған жер асты күркесі, заң бұзушылардың жеке заттары, азық-түлік және су сорғы дизельдік агрегаттары анықталды. Оқиға орнына келген Жаңақорған аудандық полиция қызметкерлерімен өсімдіктерді өртеу арқылы толықтай жойып, қажетті мөлшердегі түптері сараптамаға жіберілді. Дерек бойынша ҚР ІІМ Жаңақорған аудандық полиция бөлімімен қылмыстық іс қозғалып, сотқа дейінгі тергеу жұмыстары жүргізілуде», – делінген департамент таратқан хабарламада.
</blockquote>

Қызылордада есірткі алқабы анықталды

<a href="https://kyzylorda-news.kz/">Kyzylorda-news.kz</a>. Алайда шара басталмай жатып оның төңірегіндегі дау басылмай келеді, деп хабарлайды «Хабар 24».
Мәселен, бір күн қалғанда ашылу салтанатына жауапты режиссер қызметінен босатылды. Гвинея құрамасы шараға қатысудан бас тартты. Десе де, ұйымдастырушылар бәрі ойдағыдай өтіп, Токиодағы Олимпиада үміт пен бірліктің нышанына айналады деп отыр.
Токиодағы Олимпиада ойындары төңірегінде шу көп болды. Тұрғындардың біразы бір жылға шегерілген дүбірлі доданы тағы да кейінге қалдыру керек еді деген пікір білдірді. Соңғы әлеуметтік сауалнама нәтижелері көрсеткендей, халықтың 55%-і жарысқа қарсы екенін айтқан. Бір жағынан олар денсаулығына алаңдайды. Одан бөлек, шараның жергілікті тұрғындар үшін еш пайдасы жоқ дейді. Өйткені шетелдік көрермендер келмегесін туристерден табыс түспейді. Осы ретте наразылық акциялары әлі де басылмай тұр.
Енді бір топ Олимпиада ойындарын асыға күткенін айтып, спортшыларға жылы лебіздерін білдіріп жатыр.
Осы шара басталмай жатып түрлі жанжалдар шыққан еді. Соңғысы Олимпиада ойындарының ашылу салтанатындағы режиссермен байланысты. Ол доданың ресми басталуына бір күн қалғанда қызметінен босатылды. Бұған 23 жыл бұрын холокост туралы айтқан әзілі түрткі болды. Жуырда ашылу салтанатындағы бас композиторлардың бірі де сұхбатында кезінде мүмкіндігі шектеулі жандарды кемсіткені туралы айтып, отставкаға кетті. Аңдамай сөйлегені үшін көктемде Олимпиаданың креативті директоры мен ұйымдастыру комитетінің бірінші жетекшісі де қызметтерінен айырылған.
Одан бөлек, спортшылар Олимпиада қалашығындағы жағдайға шағымданып жатыр. Мәселен қайта өңделген қатты қағаздан жасалған төсектер көбінің көңілінен шықпағанға ұқсайды. Алайда әкімшілік бұл Жапонияның қоршаған ортаны қорғау бағытында ұстанып отырған саясатымен үндесетінін жеткізді. Тағы бір жанжал Угандадан келген спортшыға байланысты. Қонақ үйде ПТР-тест алар алдында оның қашып кеткені белгілі болды. Атлет Отанындағы қиын жағдайға байланысты үйіне қайтқысы келмейтіні туралы хат қалдырған. Алайда полицейлер оны тауып алып, Угандаға депортациялады.
Ал Гвинея құрамасы Олимпиада ойындарына қатыспайтын болды. Негізі Африкадағы бұл елден 5 спортшы келу керектін. Алайда билік эпидемиологиялық ахуалға байланысты атлеттердің денсаулығына алаңдайтынын жеткізді. Кейбір ақпарат құралдарының хабарлауынша, бұл қаржы тапшылығына байланысты қабылданған шешім болуы мүмкін.
<blockquote>
 «Гвинея билігі неге мұндай шешім қабылдады екен? Ұйымдастырушы ел Жапонияның өзі коронавирустан қорықпай, ойындарды өткізіп жатқанда біздің мемлекет неліктен бас тартты деген сұрақ маза берер емес», – дейді спортшы Фатумата Яри Камара.
</blockquote>
Коронавирус демекші, соңғы дерек бойынша Токиода бір күнде дерт жұқтырудың 1979 жаңа дерегі тіркелген. Бұл кейінгі жарты жылдағы ең үлкен көрсеткіш. Ал Олимпиада ойындарының қатысушыларына келсек, спортшылар мен делегаттар арасындағы вирус жұқыру оқиғалары 100-ге таяп қалды. Алайда ұйымдастырушылар алаңдауға негіз жоқ екенін айтады.
<blockquote>
 «Әлемде коронавирус жұқтыру оқиғалары тіркелмеген жер қалмады. Сондықтан жаңа деректердің пайда болары түсінікті. Ең бастысы – оларды тез анықтап, науқастарды оқшаулау керек. Ойындардың қауіпсіз өтуі үшін осы жайт маңызды», – дейді Токио 2020 ұйымдастыру комитетінің өкілі Хидэмаса Накамура.
</blockquote>
Ұйымдастырушылар Токиодағы Олимпиада ойындарының ашылу салтанаты алдында дайындық жұмыстарын пысықтап жатыр. Оған&nbsp; 950 ресми тұлға қатысатыны белгілі болды. Арасында 15 мемлекет пен халықаралық ұйымдардың басшылары бар. Стадионға жанкүйерлер жіберілмейді. Дүбірлі додаға қатысты теріс пікірлерге қарамастан, Жапония билігі де, ұйымдастырушылар да, барлығы ойдағыдай өтетініне сенімді. Халықаралық Олимпиада комитетінің басшысы Томас Бахтың айтуынша, бұл шара пандемияны еңсеретінімізге сенім ұялатып, үміт пен бірліктің нышанына айналуы тиіс. Басы қатты болса, аяғы тәтті боларына біз де сенейік!

Токио-2020: Олимпиада ойындарының ашылу салтанатына санаулы сағаттар қалды

<a href="https://kyzylorda-news.kz/">Kyzylorda-news.kz</a>. Байқоңыр қаласының аумағында коронавирус инфекциясының таралуының алдын алу бойынша шектеу шараларының режимі 2021 жылғы 16 тамызда 00.00 сағатқа дейін ұзартылды,&nbsp;деп хабарлайды&nbsp;ҚазАқпарат.
Ресейдің «Байқоңыр» федералды биомедициналық агенттігі кешенінің аймақтық басқармасының күнделікті ақпаратына сәйкес, соңғы уақытта аурудың айтарлықтай өсуі байқалады.
Егер 2021 жылдың шілдесінің басында коронавирус жағдайларының жалпы саны (пандемия басталғаннан бері) 1465 болса, 21 шілдеде бұл көрсеткіш 1633-ке жетті.
Яғни, өткен үш аптада Байқоңырда 165 адам коронавируспен ауырған. 20 шілдеде бір күнде 33 КВИ жағдайы тіркеліп, антирекорд орнады.
Қазіргі уақытта инфекциялық стационарда 38 адам емделіп жатыр. Соңғы 20 күн ішінде 4 адам қайтыс болды: Covid-19 диагнозынан 87 байқоңырлық көз жұмды.
Байқоңыр қаласының әкімшілігі карантинді ұзартумен қатар, өзінің жаңа қаулысымен қоғамдық тамақтандыру қызметін көрсететін шағын және орта кәсіпкерлік субъектілерінің жұмысына белгіленген шектеуге өзгерістер енгізді.
Қызметтерді тек верандалар мен террастардағы жабық залдардан тыс жерде әйнексіз және жұмыс режимін 23 сағатқа дейін шектемей көрсетуге болады.
Бұл ретте верандалар мен террастардың үстел арасы кемінде 1,5 метр қашықтықта отыратын орындардың жалпы санынан 50%-дан аспайтын және келушілердің үстел басында 4 адамнан аспайтын отырғызылуы қамтамасыз етілуі тиіс.
Қаланың жедел штабы Байқоңырда бұрын жарияланған және қолданыстағы барлық шектеу іс-шаралары сақталатынын атап өтті.

Байқоңырда карантин 16 тамызға дейін ұзартылды

<a href="https://kyzylorda-news.kz/">Kyzylorda-news.kz</a>. «Қазгидромет» болжамына сенсек, ертең 23 шілдеде республиканың басым бөлігінде атмосфералық фронттардың әсерінен тұрақсыз ауа райы сақталады. Ел аумағында жаңбыр, батыста нөсер жауын жауады.
Тек еліміздің солтүстігі мен оңтүстігінде жауын-шашын жаумайды, күн ашық болады. Батыста және оңтүстікте кей жерлерде шаңды дауыл күшейеді, республиканың батысы мен шығысында бұршақ жауады.
Қызылорда облысының басым бөлігінде аптап ыстық болады.

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Бүгін “Наука” көп мақсатты зертханалық модулінің ұшуға дайындығы жөнінде қорытынды шығарылды.&nbsp;
“Наука” ғарышкерлердің Халықаралық ғарыш станциясы бортындағы зерттеу бағдарламасын кеңейтуге мүмкіндік береді. Ғылым және әлеуметтік саладағы жаңа бағдарламаларды іске асыруға мүмкіндік беріп, ресурстарды арттырады.
Кешен Байқоңырдан ұшпас бұрын 700 рет сыналды. Электрлік тексеру мен вакуумдық камерадағы сынақ жүргізілді, деп хабарлады “Энергия” зымыран-ғарыш <a href="https://sputnik.kz/video/20210722/17660492/Bayqonyr-video.html">корпорациясында.</a>

Байқоңырдан &#8220;Наука&#8221; кешені ұшырылады

<a href="https://kyzylorda-news.kz/">Kyzylorda-news.kz</a>. Биылдан бастап тұтынушылардың құқықтарын қорғаудың мобильді қосымшасы жұмыс істеуде. Бірыңғай ақпараттық жүйе тұрғындар үшін өз тиімділігін беруде. www.e-tutynushy.kz қосымшасы арқылы әр тұрғын өзінің бұзылған құқықтары туралы мәлімдеме тастай алады. Уәкілетті органға хабарласпас бұрын тұтынушы мәселені сатушымен тікелей шешуге тырысуы керек. Алайда, егер 10 күн ішінде сатушы шағымға жауап бермесе, ол уәкілетті органға жүгінеді.Бұл жүйені пайдалану арқылы тұтынушы мен сатушының уақытын үнемдеуге жол ашады.
Тұтынушылардың құқықтарын қорғау комитетінің Қызылорда облысы бойынша департаментінің басшысы Ерқасым Сүлейменовтің айтуынша, бүгінде мобильді қосымша арқылы 19 арыз кеп түскен, оның 16-ы қанағаттандырылды, 3-не түсіндірме жасалды.
Осы орайда айта кету керек, көбіне тұрғындар тұтынушы міндетін жете түсіне бермейді. Сатып алынған барлық заттар көңіліңізден шықпаса, 14 күн ішінде кері қайтаруға болады. Кейбір санат бойынша кері қайтарылмайтын заттар бар. Олар, дәрілік заттар мен медициналық бұйымдарды, ішкиімді, шұлық-ұйық бұйымдарын, жануарлар мен өсімдіктерді, метрлеп сатылатын тауарларды, атап айтқанда, барлық түрдегі талшықтардан жасалған маталарды, тоқыма және перделікке не матаны, жасанды теріні, кілем бұйымдарын, тоқыма емес материалдарды, ленталарды, шілтерді, таспаны, сымдарды, бауларды, кәбілдерді, линолеумды, багетті, пленканы, клеенканы,ұялы байланыстың абоненттік құрылғысы. Бірақ, сапасыз дүние болса, онда оны міндетті түрде айырбастауға болады.
Сондай-ақ, алдағы уақытта тұтынушылар Ассоциациясы құрылмақ. Тұтынушылардың құқығын қорғау жөніндегі Омбудсмен институтын енгізудің концепциясы бекітілуде. Онда тұтынушыларды қорғауға жәрдемдесу, насихаттау және түсіндіру басты мақсат боп табылады. Омбудсменнің негізгі функцияларына – жекелеген азаматтардан, заңды тұлғалардан және ұйымдардан шағымдарды қабылдау және қарау, елдегі тұтынушылар құқықтарының жағдайына мониторинг жүргізу, ұсынымдар дайындау жатады. 
Бұл туралы толығырақ Өңірлік коммуникациялар қызметінде өткен баспасөз конференциясында айтылды.

Алған затыңыз көңіліңізден шықпаса, 14 күн ішінде кері қайтаруға болады

<a href="https://kyzylorda-news.kz/">Kyzylorda-news.kz</a>. Қазалы ауданында ауыл шаруашылығы саласында 4,4 млрд. теңгенің өнімі өндірілді. Бұл көрсеткіш өткен жылмен салыстырғанда 2,7 пайызға өсті. Бұл салаға жыл басынан бері 403,2 млн. теңгеден астам субсидия төленіп, 38,7 млн. теңге инвестиция тартылды.
Биыл аудан бойынша 17 090 га жерге ауыл шаруашылығы дақылдары егілді.
<blockquote>
 «Өздеріңіз білетіндей, біздің аудан ауыл шаруашылығына бейімделген аймақ.Биылғы жыл шаруалар үшін қиын жыл болып тұр. Қыста қардың аз түсуі, көктемде жауын-шашын болмауынан Сырдария өзеніндегі су көлемі төмен деңгейде. Салдарынан еліміздің бірқатар аймақтарында, оның ішінде біздің өңірімізде де қуаңшылық орын алып отыр. Бұл негізгі кәсібі егін және мал шаруашылығы болып табылатын аудан шаруалары үшін үлкен қиыншылық тудыруда.Алдын ала жүргізілген есепке сәйкес мал қыстату науқанына аудан бойынша 142 мың тонна шөп, 28,6 мың тонна жем қажет. Ауданымызға қажетті шөптің 65 пайызын, ал жемнің 20 пайызын өздігімізден қамтамасыз етіледі деп күтілуде. Жем-шөптің жетіспейтін бөлігін өзге аудандардан тасымалдау жұмыстарын ұйымдастыратын боламыз»,-деді Қазалы ауданының әкімі Мұхтар Оразбаев.
</blockquote>
Сондай-ақ, аудан аумағында мал азығын қымбаттатпау және мал шаруашылығы өнімдерінің бағасын тұрақтандыру жөнінде аудандық штаб құрылды.Бұған қоса, көршілес ауданның шаруа қожалықтарымен шөп дайындауға меморандумға отырған.
<blockquote>
 «Жақында аудандық штаб отырысы өткізіліп, онда алты шаруа қожалықтармен меморандумға қол қойылды. Ауылдық округтерден 15 шөп дайындау бригадасы жасақталынып, қол орақпен дайындалатын шөп көлемі белгіленді.Сонымен қатар, қазіргі таңда «Жалаңтөс батыр» және «Сыр Маржаны» ЖШС-нен көршілес Арал ауданының тұрғындарынан жасақталған бригадалар келіп, шөп дайындау жұмыстарын жүргізуде»,-деді аудан әкімі Мұхтар Әуесұлы.
</blockquote>
Сонымен қатар, жыл басынан бері Ресей, Украина, Қырғызстан, Ирак, Тәжікстан, Монғолия елдеріне 1 678,2 тонна ауыл шаруашылығы өнімі экспортталды.

Қазалы: 17 090 гектар жерге ауыл шаруашылығы дақылдары егілді

<a href="https://kyzylorda-news.kz/">Kyzylorda-news.kz</a>.&nbsp;Олимпиадада ел намысын қорғайтын қазақстандық спортшылардың киім үлгісі әлемдегі ең үздік формалардың бірі болып танылды, деп хабарлайды <a href="https://24.kz/kz/zha-aly-tar/sport/item/488064-tokio-2020-otandy-sportshylardy-kiim-lgisi-zdikter-atarynda">«Хабар 24»</a>.
Тізімге Қазақстанмен қатар АҚШ, Ресей, Либерия, Чехия, Қытай, Оңтүстік Африка және Жапония мемлекеттері кірді.
Айта кетейік, ұлттық құраманың киімін дизайнер Салтанат Баймұхамедова әзірледі. Бірақ отандық спортшылар да оның матасын таңдап, эскизін дайындауға атсалысты. Мамандар спорттық форманы әлемдік трендтерді ескере отырып тігіп шықты.

Токио-2020: Отандық спортшылардың киім үлгісі үздіктер қатарында

<a href="https://kyzylorda-news.kz/">Kyzylorda-news.kz</a>. Қызылорда облыстық Қоғамдық кеңесінің төрағасы сайланды.
«Достық үйінде» өткізілген Қоғамдық кеңес отырысында Қызылорда облыстық Қоғамдық кеңесінің төрағасы қызметіне Бақберген Досманбетов сайланды.
Қоғамдық кеңес төрағасы Сайлыбаев Бақытжан Әбдіқалықұлы денсаулығына байланысты төрағалықтан босатып, мүшелікте қалу өтінішіне сәйкес бірауыздан «Болашақ» университетінің ғылыми жетекшісі Бақберген Досманбетов жаңа төрағасы болып сайланды.
Досманбетов Бақберген Сәрсенұлы – экономика ғылымдарының докторы, профессор, академик. «Құрмет» және «Парасат» ордендерінің иегері.

Қызылорда облыстық Қоғамдық кеңесінің төрағасы сайланды

<a href="https://kyzylorda-news.kz/">Kyzylorda-news.kz</a>. Арал ауданы бойынша Индустрияландыру бағдарламасының шеңберінде 7 жоба жүзеге асырылуда. Оның ішінде, «Балықты тереңінен өңдеу» және «Балықты өсіру мен тереңнен өңдеу» цехтары толықтай іске қосылып, тұрақты жұмыспен 77 азаматты қамтып отыр. Бұл туралы Өңірлік коммуникациялар қызметінде өткен баспасөз конференциясында Арал ауданының әкімі Серік Сермағанбетов мәлімдеді.
Сонымен бірге, жалпы құны 6,18 млрд. теңгенің 3 жобасы ағымдағы жылы іске қосылады деп жоспарлануда. Атап айтқанда, биыл қараша айында іске қосылатын «Түйе сүтінен құрғақ ұнтақ дайындау цехы», «Кварц құмын өңдеу комбинатының құрылысы» да күз айында пайдалануға берілмек. 200 жұмыс орны бар «Тұзды жаңа технологиямен өңдеу бойынша испан цехының » жұмысы да осы жылы басталады.
«Аталған жобалар іске қосылған кезде жаңадан тағы да тұрақты 285 жұмыс орны ашылады. Сонымен қатар, кальцилендірілген сода зауытын салу жобасы жүзеге асырылуда. Бүгінде зауыттың орналаcу аймағына тиісті инфрақұрылымдарды жеткізу жұмыстары жүргізілуде. Зауттың құрылыс-монтаж жұмыстары ағымдағы жылдың IV-тоқсанында басталады деп күтілуде. Бұл жобаны пайдалануға берген жағдайда 700 адамға тұрақты жаңа жұмыс орындарын ашу жоспарланған», – деді аудан әкімі Серік Сағитжанұлы.
Жалпы аталған жобалардың іске қосылуы нәтижесінде 1262 азамат тұрақты жұмыспен қамтылады. 
Алдағы уақытта ауданның әлеуметтік-экономикалық жағдайына оң әсер беретін басқа да жобаларды енгізуге жұмыстар жасалмақ.

Қазақстан және Қызылорда облысының жаңалықтары: Қоғам

Фердоуси Қожабергенов: Қызылорда облысы тарихи-көне қалашықтар, қасиетті мекендермен мақтана алады

Қызылордалық сарбаздар ант қабылдады

Қызылордада есірткі алқабы анықталды

Токио-2020: Олимпиада ойындарының ашылу салтанатына санаулы сағаттар қалды

Байқоңырда карантин 16 тамызға дейін ұзартылды

Жұмаға арналған ауа райы болжамы

Байқоңырдан “Наука” кешені ұшырылады

Алған затыңыз көңіліңізден шықпаса, 14 күн ішінде кері қайтаруға болады

Қазалы: 17 090 гектар жерге ауыл шаруашылығы дақылдары егілді

Токио-2020: Отандық спортшылардың киім үлгісі үздіктер қатарында

Қызылорда облыстық Қоғамдық кеңесінің төрағасы сайланды

Аралда құны 6,18 млрд теңге тұратын 3 жоба іске қосылады

Қазақстан және Қызылорда облысының жаңалықтары: Қоғам

Фердоуси Қожабергенов: Қызылорда облысы тарихи-көне қалашықтар, қасиетті мекендермен мақтана алады

Қызылордалық сарбаздар ант қабылдады

Қызылордада есірткі алқабы анықталды

Токио-2020: Олимпиада ойындарының ашылу салтанатына санаулы сағаттар қалды

Байқоңырда карантин 16 тамызға дейін ұзартылды

Жұмаға арналған ауа райы болжамы

Байқоңырдан &#8220;Наука&#8221; кешені ұшырылады

Алған затыңыз көңіліңізден шықпаса, 14 күн ішінде кері қайтаруға болады

Қазалы: 17 090 гектар жерге ауыл шаруашылығы дақылдары егілді

Токио-2020: Отандық спортшылардың киім үлгісі үздіктер қатарында

Қызылорда облыстық Қоғамдық кеңесінің төрағасы сайланды

Аралда құны 6,18 млрд теңге тұратын 3 жоба іске қосылады

Байқоңырдан “Наука” кешені ұшырылады