<a href="https://kyzylorda-news.kz/">Kyzylorda-news.kz</a>. Денсаулығына байланысты жұмысқа уақытша жарамсыздарға берілетін төлем көлемі ұлғаюы мүмкін. Бұл туралы ҚР Президенті жанындағы ОКҚ-да өткен брифингте ҚР Еңбек және халықты әлеуметтік қорғау бірінші вице-министрі Ақмәди Сарбасов айтты.
<blockquote>
 Карантин шектеулеріне қатысты жұмыскер үйінде отырса, ол қашықтан жұмыс істей алады. Қашықтан жұмыс істеу еңбек төлеміне әсер етпейді. Егер де оған медициналық анықтама беріліп, жұмысқа уақытша жарамсыз болса, шектеу қолданылады. Сондықтан осы салада әріптестерімізбен бірге жетілдіру жұмыстарын жүргізіп жатырмыз, – деді вице-министр.
</blockquote>
Ол атағандай, шектеу шараларының төлемі 15 АЕК-тен аспауы керек.
<blockquote>
 Біздің еңбек стандарттарымыздың белгілі бір талаптары бар. Мәселен, қызметкер ауырып жатса, оған 43 мың теңге көлемінде төлем төленеді. Бұл қызметкердің орташа табысына сай келмейді. Сондықтан біз сарапшылар және серіктестермен қазіргі пандемия жағдайына қатысты ол төлемді ұлғайту мәселесін қарастырып жатырмыз. Ол біздің компаниялардағы еңбек қарым-қатынасы мен елдегі экономикалық жағдайға қатысты болып отыр, – деді Ақмәди Сарбасов.
</blockquote>

Денсаулығына байланысты жұмысқа уақытша жарамсыздарға берілетін төлем көлемі ұлғаюы мүмкін

Kyzylorda-news.kz. Ағзасына темір жетіспейтін адамның қаны аз болады. Әсіресе гемоглобин түсіп кетеді. Ал гемоглобин – қанға түскен оттегіні тасымалдайтын, өкпеден дене мүшелеріне жеткізетін бөлшек. Қанның ақуыз қызыл бөлшегі.
Одан бөлек темір адамның иммунитетін көтеруге, энергия бөлуге, ДНК синтезіне, бұлшық ет жұмысына, қалқанша без гормонының бөлінуіне қатысады.
Сондықтан ағзадағы темір мөлшеріне қарау өте маңызды. Ал ағзаға темір жетпейтінін қалай білеміз?
Ол үшін Ұлыбритания диетологі Роб Хобсонның Express басылымына берген сұхбатында айтылған көп біліне бермейтін белгілерін атап өтейік.
Әлсіздік, аяқ асты әлсіздік. Ағзаға темір жетіспесе, гемоглобин тез түзіліп үлгермейді. Ал гемоглобинді оттегі тасымалдаушы бөлшек екенін жоғарыда айттық. Ендеше гемоглобин жетіспесе – ағзаға оттегі жетпей, тыныс тарылады. Жүрекке салмақ түсіп, қанды қатты айдауға көшеді. Ал оттегі жетпеген соң, буын мен бұлшық ет қуатынан айырылып, содан әлсіздік басталады.
Аққұба, бозарған түр. Бет-әлпет сұрланған, бозарған күйге енсе, тіс пен қабақтың, тырнақтың асты ағара бастаса – бұл темір жетпеудің белгісі. Қанда гемоглобин азайып кеткендіктен, қанның қанық қызыл түсі сола бастайды. Содан ағзаның түкпір тұстарына қан жетпей қалуы мүмкін.
Бас ауру мен бас айналу. Дәрігердің айтуынша, бұл да гемоглобинге байланысты белгі. Яғни, қанда гемоглобин аз болған соң, басқа оттегі жетпей, қан қысымы пайда болады. Содан қан тамыры ісінеді. Бас ауруы содан пайда болады.
Ентігу. Бұл түсінікті. Адамға ағзасына оттегі жетпегесін оны толтыру үшін демігіп тыныс алатыны анық.
Бет-әлпет пен шаш құрғауы. Бәрі оттегінің жетіспеуінен шығады. Басқа оттегі жетпегесін құйқаға оттегі жетпей, құрғап кетеді. Оның үстіне, темір – шаштың өсуіне қажет микроэлемент. Ол жетпесе, шаш түседі.
Көп инфекция. Темір ағзаның иммунитетін қалыптастыруға көмектеседі. Лимфоцит азайған иммунды жасуша инфекцияға қарсы тұра алмайды. Содан ағзада инфекция көбейіп кетеді.
Көңіл-күй түсу. Темір бақыт гормоны – дофаминді бөлісуге қатысады. Ол азайса, адамда көңіл-күй болмайды.
Жерік болу. Ағзасында темір аз адам бір түрлі заттарға жерік болады. Мұз, балшық, бор, қағаз бен әк жеу – осының белгісі.
<a href="https://massaget.kz/layfstayl/Zdorove/65859/">Massaget.kz</a>

Адамға темір жетпейтінін білдіретін 8 белгі

Kyzylorda-news.kz. Бүгінде қазақстандықтар зейнетақы жинағы қорындағы төлемнің белгілі бір бөлігін баспана алуға және емделуге жұмсай алады. Осы орайда көпшілікті зейнетақы қоры жинағындағы төлемге алынған үйді сатуға немесе сыйға тартуға бола ма деген сұрақ толғандырады. Бұл сұраққа «Отбасы банк» АҚ-ның баспасөз хатшысы Жанар Жолтаева жауап берді, деп хабарлайды ҚазАқпарат.
<blockquote>
 «Зейнетақы жинағына тұрғын үй сатып алған азаматтар аталған мүлікті 5 жылға дейін сата алмайды деген талап бар. Бұл талап зейнетақы жинағындағы соманы қолма-қол ақшаға айналдыру, алып-сатумен айналысудың және баспана бағасының негізсіз өсуінің алдын алу үшін енгізілді. Яғни биыл 23 қаңтардан кейін өтеу мерзімі 5 жылдан асатын ипотекалық займ рәсімделіп, алғашқы жарна ретінде біржолғы зейнетақы төлемі пайдаланылса, онда ол тұрғын үйді сатуға рұқсат жоқ. Алайда ипотекалық займды өтеу мерзімі тура 5 жыл немесе одан аз болса онда иесі үйді сата алады. Сондай-ақ, тұрғын үйдің алғашқы жарнасы өтініш берушінің жеке қаражатымен өтеліп, қалғаны ипотека арқылы ішінара зейнетақы жинағы қолданылса ол жағдайда баспана иесінің сату құқығы бар. Сатудан бөлек, үйді өз жақындарына сыйға да бере алады», – деді Жанар Жолтаева.
</blockquote>
Оның айтуынша, зейнетақы жинағының бір бөлігін жұмсауда адамның жас ерекшелігі маңызды емес. Бастысы азаматтың кәмелет жасында болуы.
<blockquote>
 «Карантинге байланысты банкте адамдардың шоғырлануына жол бермеу үшін, барлық жұмыс онлайн жүріп жатыр. Сол үшін де зейнетақы жинағын төлемді алуға арналған арнайы платформа іске қосылды. Яғни өтініш беруден бастап, барлық рәсімдеу, жеке мәліметтерді енгізу секілді процестер толықтай сайт арқылы үйде отырып та жүзеге асыруға болады», – дейді ол.
</blockquote>

Зейнетақы жинағына алынған үйді сатуға бола ма?

Kyzylorda-news.kz. 15 қыркүйектен бастап алғашқы медициналық-санитарлық көмек ұйымдарына еркін тіркелу бойынша жыл сайынғы науқан басталады.
Биылғы жылы тіркеу ережелері шетелдіктер мен еңбек мигранттары үшін өзгерді – оларда медициналық сақтандыру шарты болуы тиіс. Жаңа ережелер осы жылдың 15 тамызынан бастап күшіне енеді.
Медициналық-санитариялық алғашқы көмек көрсететін медициналық ұйымдарға тіркелу тәртібіне өзгерістер енгізілді. Олар тек шетелдік азаматтар мен еңбек мигранттарына қатысты болады.
Жаңа қағидаларға сәйкес, елдің аумағында уақытша болатын немесе баспана іздеп жүрген азаматтығы жоқ шетелдік адамдарды емханаға бекіту ерікті медициналық сақтандыру (ЕМС) шартының негізінде және оның қолданылу мерзіміне ғана жүзеге асырылады. Осыдан кейін олар медициналық ұйымнан автоматты түрде шығарылады.
ЕАЭО-ға мүше мемлекеттерден келген еңбек мигранттарының міндетті түрде МСАК қызметтеріне ерікті медициналық сақтандыруы болуы қажет.
Бекітуге арналған өтініш еркін нысанда қазақ немесе орыс тілінде жеке басын куәландыратын құжатты немесе шетелдік паспортты қоса бере отырып ұсынылады. Өтініш беруші медициналық ұйымға жеке өтініш беруі керек немесе ол үшін ерікті медициналық сақтандыру шартын жасасқан сақтандыру ұйымының өкілдері мұны жасауы керек. Медициналық ұйымдарға – әлеуметтік медициналық сақтандыру қорының жеткізушілеріне және/немесе денсаулық сақтау министрлігінің ақпараттық жүйелерімен интеграцияланған медициналық ақпараттық жүйелері бар медициналық ұйымдарға тіркелуге болады. ҚР аумағына уақытша келген шетелдіктер мен олардың отбасы мүшелері МӘМС жүйесінде қазақстандық азаматтармен бірдей құқықтарды пайдаланады және міндеттер атқаратындығын (ҚР “Міндетті әлеуметтік медициналық сақтандыру туралы”Заңының 3 бабының 2 тармағы) атап өту маңызды. ҚР азаматтары, қандастар және ҚР аумағында тұрақты тұратын шетелдіктер үшін бекіту тәртібі өзгеріссіз қалады.
Қалай бекітілу керек?
Бірінші әдіс (барлығы үшін).
Электрондық үкіметтің веб-порталы арқылы бекіту www.egov.kz. “Денсаулық сақтау” бөлімінде “Медициналық-санитариялық алғашқы көмек көрсететін медициналық ұйымға тіркелу” қызметін таңдау қажет. Өрістерді толтыру арқылы медициналық ұйымға өтініш беру керек. Пациент туралы мәліметтерді емхана мемлекеттік ақпараттық жүйелерден автоматты түрде алады. Жауап оң болған жағдайда азаматқа медициналық ұйымның ЭЦҚ-сы қойылған электрондық құжат түрінде бекітілгені туралы хабарлама беріледі.
Екінші әдіс (халықтың жекелеген санаттары үшін).
Бекіту емханаға еркін нысандағы өтінішпен және жеке басын куәландыратын құжатпен тікелей жүгінген кезде жүргізіледі. Бұл әдіс заң бойынша бала кезінен мүгедек болып тағайындалған зейнеткерлерге, мүгедектерге, қамқоршыларға, сондай-ақ қамқоршыларға немесе қамқоршыларға, патронат тәрбиешілерге, колонияларда жазасын өтеп жатқан сотталғандарға, студенттерге, мерзімді әскери қызметшілерге, шет мемлекеттерде туылған балаларға және сенімхат бойынша тіркеуді жүзеге асыратын адамдарға ғана қол жетімді.
Қашан бекітілу керек?
Қазақстанда жыл сайын 15 қыркүйектен 15 қарашаға дейін МСАК медициналық ұйымдарына халықты еркін тіркеу науқаны жүргізіледі. Медициналық көмекке қол жеткізбей қалмау үшін тіркелудің мәртебесін тікелей тұрғылықты жері бойынша емханада немесе электрондық үкімет веб-порталында ЭЦҚ арқылы тексеру ұсынылады. Тіркеу немесе қайта бекіту кезінде емхананы тұрғылықты жеріне жақын жерден таңдау ұсынылады, қажет болған жағдайда учаскелік дәрігер науқасқа үйге бара алады. Бұл әсіресе пандемия кезінде өте маңызды.
<blockquote>
 “Науқан кезінде МСАК ұйымына бекітіле отырып, азаматтар медициналық көмекті 2022 жылдың 1 қаңтарынан бастап ала бастайды. Яғни, осы жылдың 31 желтоқсанына дейін азаматтарға бұрын тіркелген емханада қызмет көрсетіледі”, – деп түсіндірді Әлеуметтік медициналық сақтандыру қоры.
</blockquote>
Тіркеу науқаны Денсаулық сақтау субъектілерінің дерекқорында тіркелген және ТМККК және МӘМС бойынша медициналық қызметтер көрсетуге үміткер медициналық ұйымдар арасында ғана жүргізіледі. Тіркелуге қолжетімді емханалардың тізімімен Қордың www.fms.kz сайтында “Емхананы таңдау” бөлімінде танысуға болады.
<img src="https://kyzylorda-news.kz/wp-content/uploads/2021/08/prikreplenie-kaz-.jpeg" alt="" />
<img src="https://kyzylorda-news.kz/wp-content/uploads/2021/08/prikreplenie-kaz-1-1.jpeg" alt="" />
<img src="https://kyzylorda-news.kz/wp-content/uploads/2021/08/prikreplenie-kaz-1-2.jpeg" alt="" />
<img src="https://kyzylorda-news.kz/wp-content/uploads/2021/08/prikreplenie-kaz-1-3.jpeg" alt="" />
<img src="https://kyzylorda-news.kz/wp-content/uploads/2021/08/prikreplenie-kaz-1-4.jpeg" alt="" />
<img src="https://kyzylorda-news.kz/wp-content/uploads/2021/08/prikreplenie-kaz.jpeg" alt="" />

Шетелдіктерге арналған емханаға тіркелу ережелері өзгерді

Kyzylorda-news.kz. Токио олимпиадасында қола жүлдегер атанған қазақстандық спортшы Нұрислам Санаев жүлде үшін берілген қаржыны мұқтаждарға жұмсайтынын айтты.
<img src="https://kyzylorda-news.kz/wp-content/uploads/2021/08/17809203.jpg" alt="" />
Ол қолдау білдірген қазақстандықтарға ризашылығын білдірді.
<blockquote>
 “Мен ес білгелі қиыншылықты, жоқшылықты көріп өстім. Сол кездегі бала арман мені биік белестерге жетеледі. Ең алғаш спортқа қадам басқанда олимпиадада топ жарып, мұқтаж жандарға көмектесу арманым болатын. Бүгін де сол арманыма қол жеткізіп отырмын. Мемлекет тарапынан маған берілетін қомақты сыйақыны мен мұқтаж отбасылар мен науқас балалардың еміне жұмсамақпын. Елімізде бақытты отбасылардың саны көп болсын!” – деп жазды ол әлеуметтік желідегі парақшасында.
</blockquote>
Желіде жарияланған мәліметке сәйкес, мәдениет және спорт министрлігі Нұрислам Санаевқа қола жүлдесі үшін 31 миллион теңгенің сертификатын табыстаған.
<a href="https://m.sputnik.kz/sport/20210814/17861585/Olimpiada-chempiony-zhulde.html">Sputnik.kz</a>

Олимпиада жүлдегері сыйақысын мұқтаждарға жұмсайтынын мәлімдеді

Kyzylorda-news.kz. Арал ауданында орын алған қуаңшылық жағдайына байланысты аудан орталығы мен қала, кент және ауданға қарасты барлық ауылдық округ орталықтарында төрт-түлік малға қажетті жем-шөптің сатылымы ұйымдастырылды.
Арал ауданы әкімдігінің қолдауымен өткен шара аясында 40-қа жуық жүк және орташа жүк автокөліктерімен аймаққа қарасты көршілес аудандардан және Ақтөбе облысының Ырғыз, Әйтеке би аудандарынан 1400 тонна шөп және 32 тоннадан астам жем жеткізіліп, жергілікті тұрғындарға қолжетімді бағада саудаланды.
Жаппай аудан көлемінде өткізілген шара барысында аудандық мәслихаттың хатшысы Б.Төрахметов, “Нұр Отан” партиясы Арал аудандық филиалы төрағасының бірінші орынбасары Т.Қанатов аудан орталығындағы және Сексеуіл кенті мен Аққұм ауылдық округінде өткізілген жем-шөп сатылымының басында болып, мал азығын алуға келген жұртшылықпен кездесіп, бұл тығырықтан шығу үшін “Бір жағадан бас, бір жеңнен” қол шығарып әрекет етуге шақырды.
<blockquote>
 “Қыстың қамын жаз ойла” демекше, алдағы қыстан малды аман алып өту үшін ауданға мал азығының тұрақты келіп тұруы маңызды. Бүгінгі ұйымдастырылып жатқан жем-шөп сатылымының да басты мақсаты – жергілікті халықты өз аумақтарынан тиімді бағада қажетті мал азығымен қамтамасыз ету”,- дейді Б.Төреахметов.
 “Бұл жұмыстар әсіресе, ауыл жұртшылығы үшін тиімді. Өйткені, биылғы қуаңшылық басталғалы ауданға мал азығының келуінің өзі мұң болған еді. Себебе, қуаңшылық жалғыз біздің өңірде ғана емес екенін ақпарат құралдарынан көріп отырмыз. Соныдықтан ауданымыздағы мына қуаңшылық мәселесі ескеріліп, төтенше жағдай жариялануының арқасында бүгінде мал өлімі тұрақталып, осы жұмыстардың басы-қасында халық үшін қызмет етіп жүрген азаматтардың арқасында жеткен Болат Өтемұратов қорынан және де өзге көптеген көмектердің арқасында малдың қоңы кіріп, ел еңсесі көтеріліп қалды. Алғыстан бөтен айтарымыз жоқ. Дегенмен, алдағы қыстан аман-сау өту үшін әліде шем-шөп қажет. Міне, бүгінгі ұйымдастырылған жұмыстар осылай жалғасын таба берсін дейміз, – дейді шижағалық шаруалар қауымы.
</blockquote>
Айта кетейік, мал ұстап отырған тұрғындарды қажетті жем-шөппен тұрақты қамтамасыз ету мақсатында дәл осындай шара тамыз айының 21-і күні өткізіледі деп жоспарлануда.

Аралда жаппай мал азығының сатылымы ұйымдастырылды

Kyzylorda-news.kz. Қазақстанда өткен тәулікте 6195 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 1777 Алматы қаласы – 1021 Шымкент қаласы – 499 Ақмола облысы – 283 Ақтөбе облысы – 219 Алматы облысы – 228 Атырау облысы – 277 Батыс Қазақстан облысы – 171 Қарағанды облысы – 365 Қостанай облысы – 294 Қызылорда облысы – 170 Маңғыстау облысы – 183 Павлодар облысы – 355 Солтүстік Қазақстан облысы – 237 Түркістан облысы – 116.
Қазақстан бойынша жазылғандар саны – 560373.

Covid-19: Қызылордада 170 адам жазылды

Kyzylorda-news.kz. Қазақстанда өткен тәулікте 7510 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 998 Алматы қаласы – 1519 Шымкент қаласы – 565 Ақмола облысы – 279 Ақтөбе облысы – 434 Алматы облысы – 350 Атырау облысы – 467 Шығыс Қазақстан облысы – 192 Жамбыл облысы – 149 Батыс Қазақстан облысы – 153 Қарағанды облысы – 1084 Қостанай облысы – 278 Қызылорда облысы – 220 Маңғыстау облысы – 209 Павлодар облысы – 323 Солтүстік Қазақстан облысы – 165 Түркістан облысы – 125.
Жалпы ел бойынша ауырғандар саны 679832.

Қызылордада 220 адамнан коронавирус анықталды

Kyzylorda-news.kz. Сенбі күні еліміздің басым бөлігінде күн ашық, тек шығыс пен оңтүстік-шығыста жел күшейіп жауын жауады, деп хабарлайды Қазгидромет.
Синоптиктердің болжауынша, 14 тамызда еліміздің басым бөлігі антициклонның ықпалында болғандықтан жауын-шашын болмайды, тек шығыста және оңтүстік-шығыста атмосфералық ағындар өтетіндіктен найзағай ойнап, жауын жаууы ықтмал. Еліміздің оңтүстік-шығысының кей жерлерінде нөсер аңбыр жауады, кей жерлерінде бұршақ жауып, дауыл соғады, жел күшейеді. Еліміздің кей жерлерінде тұман түсіп, оңтүстікте және батыста шаңды дауыл соғады.
Шығыс Қазақстан облысының кей жерлерінде найзағай ойнап, бұршақ жауады, дауыл соғуы мүмкін, жел 15-20 м/с күшейеді.
Жамбыл облысының кей жерлерінде найзағай ойнап, бұршақ жауады, дауыл соғуы мүмкін, жел 15-20 м/с күшейеді.
Алматы облысының кей жерлерінде найзағай ойнап, бұршақ жаууы мүмкін, жел 15-20 м/с күшейеді, екпіні жетеді.
Қарағанды облысының кей жерлерінде найзағай жарқылдайды, күндіз кей жерлерде жел 15-20 м/с күшейеді.
Түркістан, Маңғыстау облыстарының, күндіз Қызылорда облысының кей жерлерінде жел 15-20 м/с күшейеді.
Түнде және таңертең Ақмола, Солтүстік Қазақстан, Павлодар облыстарының кей жерлерінде тұман түседі.
Күндіз Атырау, Маңғыстау, Батыс Қазақстан облыстарының кей жерлерінде қатты ыстық болады.
Қызылорда, Түркістан, Маңғыстау, Атырау, Жамбыл, Ақтөбе, Батыс Қазақстан, Алматы облыстарының басым бөлігінде, Қарағанды облысының кей жерлерінде, Қостанай, Шығыс Қазақстан облыстарының оңтүстігінде, Ақмола облысының жекелеген аудандарында төтенше өрт қаупі сақталады.

14 тамызға арналған ауа райы болжамы

Kyzylorda-news.kz. Қызылордада 4 пен 17 жас аралығындағы балаларға спорттық секциялардың барлық түрі қолжетімді.
Өңірлерде бұқаралық спортты дамыту және халықты белсенді түрде спортқа тарту мемлекеттің басты басымдығының бірі. Бұл ретте Президент Қасым-Жомарт Тоқаев «Бұқаралық және балалар спортын дамытуға ерекше назар аударып, осы негізде әлемдік аренада жүлделі табыстарға жетуге ұмтылу керек» деп атап өтіп, спорттық кешендердің халыққа қолжетімділігін арттыру қажет екенін айқындады. Бүгінде жасөспірімдер үшін Қызылорда қаласындағы барлық спорттық нысандардағы секцияларға тегін қатысуға мүмкіндік қарастырылған. Яғни 4-17 жас аралығындағы балалар спорттық секциялардың барлық түрі қолжетімді.
Бүгін облыс әкімі Гүлшара Әбдіқалықова Қызылорда қаласында орналасқан бірқатар спорттық нысандарды аралап, спорт секцияларында шыңдалып жүрген жасөспірімдермен кездесіп, жаттықтырушылармен пікірлесті.
Алдымен аймақ басшысы «Мұз айдыны» спорт кешенінде болып, секциялық жұмыстарды саралады. Бүгінгі күні кешенде 615 бала грек-рим күресі, көркем гимнастика, шайбалы хоккей, шорт-трек, мәнерлеп сырғанау, волейбол, баскетбол сынды спорттың 7 түріне тартылған.
Кездесуде облыс әкіміне греко-рим күресінен жатықтырушы Алмат Әуешов жастардың спортқа деген белсенділігінің жыл санап артып жатқанын тілге тиек етсе, көркем гимнастика спортына қатысушы жасөспірім Әсел Марат спортқа деген ынта-жігерінің жоғары екенін айтып, дайындық барысындағы ерекше сәттерімен бөлісті. 
Мұнан кейін аймақ басшысы «Тарлан» спорт кешенін аралады. 2016 жылы пайдалануға берілген нысанда 120 спортшыға арналған корпус, 24 орындық жатақхана салынған. Кешен ашылғалы 20 ҚР спорт шебері, 78 ҚР спорт шеберіне үміткер дайындалды. Спорт кешенінде облыс намысын республикалық жарыстарда қорғаған көптеген жоғары дәрежелі спортшылар дайындалды.
Балаларды баптау үшін 3 жаттығу залы қаралған. Мұнда бокс, таэквондо, пауэрлифтингтен 350 спортшы шұғылдануда.
Аралау барысында облыс әкіміне бокстан облыстың аға жаттықтырушысы Жамил Жүсіпов балалар арасындағы бокс спортының қарқыны жоғары екенін айтып, болашақ спорт шеберлерін даярлау ісінде нәтижелі көрсеткіштерге тоқталды. 
Аймақ басшысы «Нұрым» жеке спорт кешенінің жұмысымен де танысты. Кешен Президент тапсырмасына сәйкес жан басына қаржыландыру тәртібімен жүзеге асуда. Мұнда каратэ, қазақ күресі, дзюдо, таэквондо сынды спорт түрінен 260 бала шынығуда.
Спорт кешенінде облыс әкімі балаларын спорттық секцияға бейімдеген ата-аналармен кездесіп, пікірлесті.
Айта кету керек, биылдан бастап жеке спорттық нысандарға баратын балалар үшін төленетін қаржыны жан басына қаржыландыру тәртібімен реттеу тиімділігін танытты. Бұл үшін облыстық бюджеттен 212 миллион теңге қаржы бөлінген. Нәтижесінде 2156 бала спорттық секцияларға қамтуға мүмкіндік алды.
Барлық спорт секцияларында “Ашық” қосымшасы орнатылған. Санитариялық талаптар қатаң орындалып, әлеуметтік ара-қашықтық тәртібі сақталған.
Спорттық секциялардың жұмысын саралаған өңір басшысы Гүлшара Әбдіқалықова облыстық дене шынықтыру және спорт басқармасының басшысы Жақсылық Оспановқа балалар мен жасөпірімдерді спорттық секцияларға белсенді түрде тарту жұмыстарын әлі де жандандыруды тапсырды. Сондай-ақ, спорт шеберлері арқылы болашақ чемпиондарды шығару мәселесіне жете назар аудару қажеттігін қаперге салды.
Еске салайық, Қызылордада бүгінгі күнге artsport.edu.kz порталы арқылы спорт саласы бойынша 12 жеке кәсіпкер мен заңды тұлғалардың 38 өтінімдері қолдау тауып, 1832 бала спорттық секциялармен қамтылды.
Биыл өңірде «Нұрсәт» теннис орталығының 4 жабық теннис корты және байдарка, каноэде есу базасының құрылыстары аяқталды. Сонымен бірге «Ауыл – ел бесігі» бағдарламасы аясында 5 спорт кешенінің құрылысы басталмақ.
<img src="https://kyzylorda-news.kz/wp-content/uploads/2021/08/fb_img_1628869601601.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628869604269.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628869632548.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628869609228.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628869626516.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628869645872.jpg" alt="" />
<img src="https://kyzylorda-news.kz/wp-content/uploads/2021/08/fb_img_1628869618685.jpg" alt="" />

Гүлшара Әбдіқалықова: Спорт секцияларына балаларды белсенді түрде тарту керек

Kyzylorda-news.kz. Сырдарияның төменгі ағысы көне ескерткіштерге толы. Соның ішінде Жаңадария, Іңкәрдария бойында сақ дәуіріне жататын көне қалалар жиі кездеседі. Өңірлік коммуникациялар қызметінде археологтар күніне орай өткен арнайы брифингте «Антик» халықаралық ғылыми-зерттеу орталығының жетекшісі, археолог Жанболат Өтебаев Сыр бойындағы көне шаһарлар туралы жан-жақты баяндап берді.
Мәселен Іңкәрдария бойында б.з.д. 2 мың жыл бұрын қала өркениеті дамыған. Соның ішінде Шірік Рабат және Бәбіш молла ескерткіштерін айтуға болады. Қазіргі таңда қос ескерткіш кешенінде үлкен жұмыстар жүргізіліп жатыр.
Брифингте археолог осы аумақтағы зерттеу жұмыстары туралы кеңінен айтып, Сыр бойындағы сырлы қалалардың құпияларын ашты.
<blockquote>
 «Соңғы жылдары Бәбіш моллада үлкен өндірістік ошақ табылған болатын. Өз заманында қыш өндірісі дамыған. 9 пештің орны бар. Бүгінде толыққанды зерттеу және тұмшалау жұмыстары жүргізілуде. Сондай-ақ, сол маңайдан тарының дәні табылыпты. Соны Латвия мемлекетінде археологтар зерттеп жатыр. Бәбіш моллада егістік алқаптары көптеп сақталған. Ескерткіш маңынан бір әулеттің кесенесі табылып, бүгінде сол бойынша антрополог мамандарды шақырдық», – деді Жанболат Өтебаев.
</blockquote>

Сырдарияның төменгі ағысы көне ескерткіштерге толы

Kyzylorda-news.kz. Коронавирус пандемиясы басталғанда Қызылорда облысында барлығы 76 өкпені жасанды желдету аппараты (ИВЛ) болды. Бүгінде медицина ұйымдарында 251 ИВЛ аппараты бар. Орталықтандырылған оттегімен 518 төсек орны жабдықталған. Бұл туралы бүгін Өңірлік коммуникациялар қызметінде өткен баспасөз конференциясында облыстық денсаулық сақтау басқармасының басшысы Сәбит Пазылов мәлімдеді.
Өңірімізде көп бейінді облыстық аурухана мен Қазалы ауданында 2 оттегі стансасы орнатылған. Өткен жылдың қараша айында іске қосылған көп бейінді облыстық аурухана жанындағы оттегі өндіруші станса күніне 160-қа жуық баллонды оттегімен толтырып, айына 4200-ге жуық баллонды оттегімен қамтамасыз етуде. Бұл аурухананы толық қамтамасыз етуге жеткілікті.
Ал, Қазалы ауданаралық ауруханасы жанынан ашылған оттегі өндіруші стансасы күніне 60-қа жуық, айына орта есеппен 1800 баллонды оттегімен толтыруда.
Одан бөлек, оттегіні қажет ететін тыныс ауруларын емдеу кезінде және ауруханаларға ауыр жағдайда түскен науқастарға, реанимациялық бөлімшелерде және интенсивті терапия бөлімшелерінде оттегіні жеткізу мақсатында денсаулық сақтау ұйымдарына демеушілер есебінен 682 дана оттегі концентраторлары жеткізіліп берілді.
<blockquote>
 «Оттегімен қамтамасыз етіп отырғандармен қоса, аймақтағы волонтер жастарымызға да алғыс айтқым келеді. Күніне 100-160 баллонды тасу да оңай емес. Сонымен қатар, «ҚазгерМұнай» және «ПетроҚазақстан» мекемесі де біздің ауруханаларға 40 «Hi-Flow» ағынды оттегі терапиясы аппаратын сатып алып берді. Әр аппараттың құны шамамен 2,5 млн теңге», – деді Сәбит Пазылов.
 «Көктем айларында тәулігіне 30, 40, 50 баллон тұтынатын. Қазіргі уақытта 160 баллонға дейін пайдаланамыз. Ешқандай қажеттілік туып жатқан жоқ. Оттегі жетпей жатқанда, оттегі шығаратын стансалармен келісім-шарт жасап қойдық», – деді көпбейінді облыстық аурухананың бас дәрігері Нұриддин Амитов.
</blockquote>
Ал қалалық аурухананың бас дәрігері Бауыржан Төлеген қазіргі таңда 170-ке жуық баллон оттегі бар екенін айтты.
<blockquote>
 «Шілде, тамыз айына дейін көпбейінді қалалық ауруханада 30-35 баллон оттегі қолданылып келсе, бүгінде науқастардың санының тым артуына байланысты 140-170 баллон оттегі пайдалануда. Үй жағдайында өз бетімен емделген науқастардың ауруы асқынып, ауруханаға түсуі көбейді. Сондықтан, оттегіні көп қажет етіп жатырмыз дейді. Дегенмен, оттегі баллондарының жетіспеушілігі болған жоқ»,- деді Бауыржан Төлеген.
</blockquote>

Қазақстан және Қызылорда облысының жаңалықтары: Қоғам