<a href="https://kyzylorda-news.kz/">Kyzylorda-news.kz</a>. Қазалы ауданы Әйтеке би кентіндегі 13 көшеге ағымдағы жөндеу жұмыстары басталды. Жөндеу жұмыстарын «Сыр маржаны и К» ЖШС жүргізуде.
Қазалы ауданның әкімі Мұхтар Оразбаев ағымдағы жөндеу жұмыстары жүргізіліп жатқан Төремұрат жырау және О.Жанәділов көшелеріне барып, атқарылып жатқан жұмыстармен танысты.
Аудан басшысына Әйтеке би кенті әкімінің орынбасары Дархан Алпысбаев бюджеттен бөлінген қаржыға Төремұрат жырау, О.Жанәділов, Р.Сабырбаев, Қ.Пірімов, Әйтеке би, Бекарыстан би, Ғ.Мұратбаев, Үмбет би, Достық, Желтоқсан, Қарасақал Ерімбет, Я.Михайлюк, М.Шоқай көшелеріндегі 1964 шаршы метр автожолға ағымдағы жөндеу жұмыстары басталғанын жеткізді.
Аудан әкімі Дәулеткерей көшесін асфальттау жұмысымен де танысты. Ұзындығы 1,5 шақырым болатын көшенінің жөндеу жұмыстарын «Әбу Жүсіп» ЖШС жүргізуде.
Аудан әкімі Мұхтар Оразбаев тиісті сала басшыларына Әйтеке би кентіндегі көшелерді жөндеу жұмыстарын сапалы әрі уақытылы аяқтауды тапсырды.
<img src="https://kyzylorda-news.kz/wp-content/uploads/2021/08/6c957c42-b330-4010-b4a7-305b97aa4089.jpg" alt="" />
<img src="https://kyzylorda-news.kz/wp-content/uploads/2021/08/7f77d4b5-5d42-4da2-9e79-4bf5e822dba8.jpg" alt="" />

Әйтеке би кентіндегі 13 көшеге жөндеу жұмыстары жүргізілуде

<a href="https://kyzylorda-news.kz/">Kyzylorda-news.kz</a>. Шиелі аудандық полиция бөлімінің қызметкерлері 481 түп сора анықтады.
Полицейлер жедел іздестіру шараларының нәтижесінде күдікті 2 азаматты анықтап, ұстады. Олар 42 және 40 жастағы облыс тұрғындары болып шықты.
Қазіргі таңда күдіктілер уақытша ұстау изоляторына қамалып, оларға қатысты Қазақстан Республикасы Қылмыстық кодексінің 300-бабының 2-бөлігімен (Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру) сотқа дейінгі тергеп-тексеру амалдары жүргізілуде. Мән – жайлар анықталуда.

Қызылордалық полицейлер ірі есірткі алқабын анықтады

<a href="https://kyzylorda-news.kz/">Kyzylorda-news.kz</a>. Қызылорда қалалық емханалардың бірінде алтын бұйымдары ұрланғандығы туралы хабар келіп түсті. Емхана қызметкері Қызылорда қаласы Полиция басқармасына арызданды. &nbsp;
Тексеру барысында, жәбірленуші қызметтік бөлменің сөресінде тұрған халаттың қалтасына екі алтын сақина&nbsp;қалдырып кеткен. Белгісіз біреу қызметтік бөлмеде ешкімнің болмауын пайдаланып, алтын бұйымдарды ұрлап кеткен.
Жедел іздестіру шараларының нәтижесінде алтын сақиналарды ұрлаған 56 жастағы облыс орталығының тұрғыны анықталды. Заттай дәлелдеме ретінде екі сақина алынып, жәбірленушіге қайтарылды.
Күдіктіге қатысты ешқайда кетпеу туралы қолхат түрінде бұлтартпау шарасы қолданылды.
Аталған дерек бойынша Қазақстан Республикасы Қылмыстық кодексінің 188-бабы 1-тармағына&nbsp; (Ұрлық, яғни бөтеннің мүлкін жасырын жымқыру) сәйкес сотқа дейінгі тергеп-тексеру амалдары жүргізілуде.

Қызылорда: Емханада алтын ұрланды

<a href="https://kyzylorda-news.kz/">Kyzylorda-news.kz</a>.&nbsp;Жаңақорған ауданында жүк көлігі мен жеңіл автокөлік соқтығысып, салдарынан көлік ішіндегі азамат жарақат алды. Құтқарушылар көліктегі** аяғы қысылып қалған адамды шығарып алды, деп хабарлайды Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.**
Оқыс оқиға 1 тамыз күні сағат 11.20 шамасында Жаңақорған кенті тұсындағы дариядан өтетін көпір үстінде болған. Көпірде «КаМАЗ» жүк көлігі мен «Toyota Carina» жеңіл көлігі соқтысып қалды.
<blockquote>
 «Құтқарушылар оқиға орнына жедел жетті. Соқтығыс кезінде жеңіл көлік жүргізушісінің аяғы қысылып қалған. Құтқарушылар тиісті құрылғымен оны шығарды. Көлік жүргізушісіне алғашқы медициналық көмек көрсетіліп, жедел жәрдем қызметіне табысталды», – дейді Әлия Ережепова.
</blockquote>

Жаңақорғанда жүк көлігі мен жеңіл көлік соқтығысты

<a href="https://kyzylorda-news.kz/">Kyzylorda-news.kz</a>. ҚР Білім және ғылым министрлігі «Білім министрі мәлімдеуінше, оқушылар бірінші тоқсанда қашықтан білім алады», деген ақпаратты жоққа шығарды. Бұл туралы министрліктің <a href="https://t.me/bilim_jane_gylym/1727">Telegram</a>&nbsp;каналында хабарланды.
<blockquote>
 «Әлеуметтік желілерде қазақстандықтар жаңа оқу жылының бірінші тоқсанында қашықтан білім алады екен, бұл туралы Білім және ғылым министрі Асхат Аймағамбетов брифингте мәлімдеді» деген жалған ақпарат тарап жатыр. ҚР Білім және ғылым министрі Асхат Аймағамбетов брифингтерде мұндай мәлімдеме жасаған жоқ. Оқыту форматы туралы шешімді коронавирус инфекциясының таралуына жол бермеу жөніндегі ведомствоаралық комиссия, елдің бас мемлекеттік санитарлық дәрігері және өңірлердің бас санитарлық дәрігерлері қабылдайды», делінген хабарламада.
</blockquote>

Оқушылар бірінші тоқсанда қашықтан білім ала ма?

<a href="https://kyzylorda-news.kz/">Kyzylorda-news.kz</a>.&nbsp;Демократиялық үрдістің бастауы болған ауыл әкімдерінің сайлау науқаны аяқталды. Сыр еліндегі саяси науқанның өту барысы мен дауыс берушілердің белсенділігі туралы облыстық сайлау комиссиясының төрағасы Ғалым Баймырзаев баспасөз брифингте баяндады.
1 тамыз күні екі бірдей ауыл әкімі сайланады. Сайлау Арал ауданының Аққұм ауылдық округі мен Шиелі ауданының Талаптан ауылдық округінде өтті. Дауыс беру барлық учаскелерде Конституциялық заңға сәйкес жүргізілді, құқық бұзушылықтар анықталған жоқ, арыз-шағымдар түскен жоқ.
Брифингте облыстық сайлау комиссиясы төрағасы Ғалым Баймырзаев сайлау қорытындыларын таныстырды.
<blockquote>
 «Сайлау барлық талаптарға сай өткізілді. Қорытынды ақпарат бойынша 2850 адам өз таңдауын жасады. Бұл сайлаушылардың жалпы санының 80,8% алды. Оның ішінде, Арал ауданында, Аққұм ауылдық округінде – 72,3 %. Шиелі ауданында, Талаптан ауылдық округінде – 85,7 %», – деді Ғалым Баймырзаев.
</blockquote>
Еске сала кетейік, 25 шілде күні өткен сайлауға қатысу үшін барлығы 151 адам өз кандидатурасын ұсынды, оның 131-сі немесе 86,8%-і тіркеуден өтті. Сайлау бюллетеніне 122 кандидат енгізілді. Саяси партиялардан 35 адам ұсынылды. Оның ішінде «Nur Otan», «Ауыл», «ADAL», Қазақстан халық партиялары бар. Сондай-ақ, өзін-өзі ұсыну бойынша – 5 адам.
Өткен аптада сайланған 40 әкімнің 10-ы мемлекеттік қызметшілер, 22 – нақты ауылдық округте қайта сайланған жұмысі степ жүрген әкімдер, 5 – бюджеттік ұйымдардың қызметкерлері, 3-уақытша жұмыс істемейтін азаматтар. Сайланған 40 әкімнің арасында бір әйел азаматша бар.

Ғалым Баймырзаев: 2850 сайлаушы өз таңдауын жасады

<a href="https://kyzylorda-news.kz/">Kyzylorda-news.kz</a>. 1 тамыздағы эпидемиологиялық жағдай бойынша Қазақстанда ПТР арқылы 7 573 адамда коронавируспен ауырғаны расталды, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 1 489,
Алматы қаласы – 1 540,
Шымкент қаласы – 650,
Ақмола облысы – 268,
Ақтөбе облысы – 238,
Алматы облысы – 313,
Атырау облысы – 408,
Шығыс Қазақстан облысы – 193,
Жамбыл облысы – 250,
Батыс Қазақстан облысы – 85,
Қарағанды облысы – 901,
Қостанай облысы – 256,
Қызылорда облысы – 206,
Маңғыстау облысы – 224,
Павлодар облысы – 280,
Солтүстік Қазақстан облысы – 157,
Түркістан облысы – 115.
Жалпы ел бойынша ауырғандар саны 587 952.

Қызылордада 206 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Күннің қатты ысуына байланысты республиканың 10 облысында ауа райына байланысты ескерту жариялады, деп хабарлайды Қазгидромет.
Маңғыстау облысының кей жерлерінде ерекше өрт қауіпі туындайды.
Қызылорда облысында күндіз жел солтүстік-шығыстан соғады, күші күндіз кей жерлерде 15-20 м/с болады да, соңғы шаңды дауылға ұласады. Күндіз 42 градус аптап ыстық болады. Төтенше өрт қаупі сақталады.
Ақмола облысының кей жерлерінде найзағай ойнап, солтүстік-батыстан жел соғады, күші кей жерлерінде 15-20 м/с жетеді.
Батыс Қазақстанда 41 градус ыстық болады, төтенше өрт қауіпі сақталады.
Қостанай облысының кей жерлерінде түнде және таңертең найзағай ойнайды. Солтүстік-батыстан жел соғып, күші кей жерлерде 15-20 м/с-қа жетеді. Күндіз облыстың оңтүстігінде 36 градусқа дейін аптап ыстық болады. Облыстың оңтүстігінде төтенше өрт қауіпі сақталады.
Жамбыл облысының таулы және тау бөктерлі аудандарында 2-4 тамыз күндері күндіз найзағай ойнап, бұршақ жауады. Кей жерлерде шаңды дауыл тұрады. 2-4 тамызда солтүстік-шығыстан жел соғып, кей жерлерде жылдамдығы секундына 15-20 метрге жетеді. Күндіз 2-4 тамызда облыстың басым бөлігінде 40 градусқа дейін қатты ыстық болып, төтенше өрт қаупі сақталады.
Таразда 2-4 тамызда күндіз солтүстік-шығыстан жел соғып, екпіні 15-20 м/с болады. 3-4 тамызда күндіз 38 градусқа дейін ыстық болады.
Қарағанды облысының кей жерлерінде 36 градус қатты ыстық күтіледі. Солтүстік-батыстан соғатын жел солтүстік-шығысқа ауысады, 2 тамызда кей жерлерінде күші 15-20 м/с-ке жетеді. Кей жерлерінде өте жоғары өрт қауіпі сақталады.
Жезқазғанда күндіз 36 градус қатты ыстық күтіледі.
Түркістан облысында күндіз 40 градус қатты ыстық болады. Кей жерлерде шаңды дауыл тұрады. Солтүстік-шығыстан жел соғып, кей жерлерде күші 15-20 м/с-қа жетеді. Кей жерлерде төтенше өрт қаупі сақталады. Шымкентте таңертең және күндіз солтүстік-шығыстан жел соғады, екпіні 15-20 м/с.
Түркістан қаласында таңертең және күндіз солтүстік-шығыстан жел соғады, екпіні 15-20 м/с.
Солтүстік Қазақстан облысының кей жерлерінде найзағай ойнайды. Түнде және таңертен кей жерлерде тұман түседі. Солтүстік-батыстан жел соғады, күндіз кей жерлерде күші 15-20 м/с болады.
Петропавлда түнде және таңертен тұман түседі. Солтүстік-батыстан жел соғады, күндіз екпіні 15-20 м/с болады.
Павлодар облысының кей жерлерінде найзағай ойнайды, солтүстік-батыстан жел соғады, найзағай кезінде желдің екпіні 15-20 м/с болады. Күндіз кей жерлерінде 35 градус аптап ыстық болады.
Павлодар қаласында таңертең және күндіз найзағай ойнап, солтүстік-батыстан жел соғады, найзағай кезінде желдің екпіні 18 м/с болады.
Күндіз Ақтөбе облысының кей жерлерінде 40-41 градус өте қатты ыстық күтіледі. Төтенше өрт қауіпі сақталады.

2 тамызға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Токио Олимпиадасында қазақстандық боксшы Қамшыбек Қоңқабаев (91 келіден жоғары) бүгін ресейлік Иван Верясов, деп хабарлайды ҚазАқпарат.
Алғашқы екі раундта Қамшыбектің басымдығы байқалып тұрды. Үшінші раундта да сол қарқынынан тайған жоқ. Осылайша жартылай финалға шықты.
Қазақстандық спортшының бүгінгі қарсыласы Иван Верясов 1993 жылы дүниеге келген. Әуесқой бокста қазірге дейін 281 жекпе-жек өткізіп, оның&nbsp;<a href="https://www.inform.kz/kz/tokio-2020-kamshybek-konkabaev-bugin-reseylik-boksshymen-sharshy-alanga-shygady_a3818652">255-де жеңіске жеткен</a>&nbsp;болатын. Әзірге әлемдік және құрлықтық чемпионаттарда жүлдегерлер қатарынан көріне алған жоқ.
Еске салсақ, биылғы Олимпиадаға ерлер құрамасынан 8 спортшы барды. Олардың арасынан Қамшыбектен өзге Сәкен Байбосынов (52 келі), Закир Сафиуллин (60 келі) жарысты жалғастыруда.
Ал Серік Теміржанов (57 келі), Абылайхан Жүсіпов (69 келі), Әбілхан Аманқұл (75 келі), Бекзат Нұрдәулетов (81 келі), Василий Левит (91 келі) қарсыласына есе жіберіп қойды.
Қыздарда Надежда Рябец (75 келі) алғашқы кездесуде жеңіліп қалды.
ФОТО: Сали Сабиров, Қазақстан ҰОК

Токио-2020: Қамшыбек Қоңқабаев жартылай финалға шықты

<a href="https://kyzylorda-news.kz/">Kyzylorda-news.kz</a>. Сайлау комиссияларының ұсынған деректеріне сәйкес 2021 жылғы 1 тамыздағы сағат 12.00-дегі жағдай бойынша сайлау бюллетеньдерін тізімге енгізілген сайлаушылардың жалпы санының 34,7 % алды.
Оның ішінде: 
Арал ауданында – 27,3 %.
– Аққұм ауылдық округінде – 27,3 %
Шиелі ауданында – 38,9 %.
– Талаптан ауылдық округінде – 38,9 %.
Дауыс беру барлық учаскелерде Конституциялық заңға сәйкес өтуде, құқық бұзушылықтар анықталған жоқ, арыз-шағымдар түскен жоқ.

Сайлаушылардың 34,7 % дауыс берді

<a href="https://kyzylorda-news.kz/">Kyzylorda-news.kz</a>. Әлемдік әдебиет махаббатты сөз қылса да, барлық әйел баласына тек романтикалық бағыттағы кітаптар ұнайды деп дұрыс емес. Бірақ тек махаббат хикаялары ғана өмірдің соқпағын көрсетеді. Қатыгездік, сатқындық, жауыздық пен адалдық — бүгін әрбір әйел оқуы тиіс шет ел әдебиетінен туындылар топтамасын ұсынамыз.&nbsp;
“Жизнь взаймы” 
Эрих Мария Ремарк&nbsp;
Өмірден өзіңе керектін бәрін алу керек. Автор жарысқа қатысушы Клэрфе туберкулез дертіне шалдыққандар орталығында емделіп Лилианды алып қашады. Ол айықпас дертке шалдыққан еді. Өмірінің соңғы күндері жарқын етіп өткізуді армандаған бойжеткеннің тілегін орындау үшін жігіт осындай қадамға барады. Оқиға өмірді бағалауды және өлімді қабылдауды үйретеді.
“Шоколад” 
Джоанн Харрис&nbsp;
Ланскне-су-Танн қалашығына анасы мен қызы кқшіп келеді. Олар қалада кондитерлік орталық ашады — сонымен бірге қаланың өмірі де өзгереді. Кітап әр әйел адамның бойында сиқырлы күш барын, тек оны қолданып білу керегін көрсетеді.&nbsp;
“Рассказ служанки” 
Маргарет Этвуд&nbsp;
Маргарет Этвудтың антиутопиясында әйелдер жұмыс істей алмайды, ешнәрсемен айналыса алмайды, олар тіпті кітап оқи алмайды. Олар тек қызметші рөлін ғана атқара алады.&nbsp;
&nbsp;“Лучшее во мне” 
Николас Спаркс
Николас Спаркстың бұл прозасы жарқын әрі жеңіл, оны оқығаннан ләззат аласың. Оқиғалар шынайы, еркін жеткізілгендіктен сенгің келеді. Қала, айырылысу, шынайы махаббат, мәңгі өмір сүруді қалайтын сезім. Бұның бәрі бір кітапқа сыйған.&nbsp;
“Убежище. Дневник в письмах” 
Анна Франк
Анна Франк 1929 жылы дүниеге келген. Ол 15 жасында концлагерьде қаза табады. Оның күнделігі сақталып қалып, кейін соғыс біткеннен кейін танымал болады. Бұндай кітаптарды міндетті түрде оқу керек. Өйткені тарих беттеріндегі ең қорқынышты сәттер жағдайға қарамастан берілмеуге үйретеді.&nbsp;
<a href="https://massaget.kz/layfstayl/debiet/65803/">Massaget</a>

Әрбір әйел оқуы тиіс 5 кітап

<a href="https://kyzylorda-news.kz/">Kyzylorda-news.kz</a>. Көптеген адамдар өздерінің кәсіби мақсаттары туралы ойланбай тұрып жұмыс іздей бастайды. Алайда жұмыс іздеуді бастамас бұрын, сіздің мансабыңызға қандай талаптар қойылатындығын анықтап алғаныңыз абзал. Бұл сіздің мықты және әлсіз жақтарыңызға объективті түрде қарауды қажет етеді.
Мысалы, сіз өзіңізге ұйымдастырушылық, адамдарды жұмылдыру секілді жұмыс қажет деп ойлауыңыз мүмкін, бірақ мұны сіздің мықты тұсыңыз деп қабылдауға болмайды. Екіншіден, сіз үйрену жаңа қадамдар жасауға көмектесетінін ұмытпауыңыз керек. Сонымен қатар, тағы бір ескеретін жайт — сіздің ұзақ мерзімді мақсаттарыңызға жету үшін, сіздің қызығушылығыңызды қанағаттандырмайтын жұмыстарды орындауға қаншалықты дайын екеніңізді тексеріңіз. Өзіңіздің мінез-құлқыңызға баға бере отырып, қойылатын кәсіби талаптардың нақты жиынтығын жасап шығаруға тырысыңыз.
Атап айтқанда, бірнеше маңызды сұрақтарға жауап беріңіз. Сіз қандай өмір сүргіңіз келеді? Мысалы, ауылда немесе қалада өмір сүргіңіз келеді ме? Бос уақыт сізге қаншалықты керек? Сіз үшін жалақы маңызды ма? Сіз тұрақтылықты ұнатасыз ба әлде жаңашылдыққа жақынсыз ба? Қандай жұмыс жасағыңыз келеді? Мысалы, сіз жалғыз немесе ұжыммен жұмыс жасағанды ұнатасыз ба? Түрлі іс-шараларының ұйымдастырушысы болғыңыз келеді ме? Өз талаптарыңызды қанағаттандыратындай, мамандық таңдауда &nbsp;төменде көрсетілген басты тармақтарды негізге алуға тырысыңыз:&nbsp;
Жұмыс жасау стилін бағалаңыз. Сіздің бойыңызда жеке жұмыс жасауға қабілеттілік, лидерлік қасиеттер басымырақ па немесе сізге белгілі бір құрылыммен жүйеленген жұмыс ортасы мен қадағалаушы қажет пе? Сіздің жұмыс жасау стиліңіз сізге жалғыз жұмыс істей алатыныңызды немесе ұжымның бір бөлігі бола алатындығыңызды түсінуге көмектеседі.
Өз таланттарыңызды біліңіз. Егер сіздің қандай да бір хоббиіңіз немесе қабілетіңіз болса, оны өз жұмысыңызбен байланыстыруға тырысыңыз. Сонда сізге жұмысыңыз нәтижелі және әрі жағымды бола алады. 
Қаржылық мақсаттар қойыңыз. Өзіңіздің қаржылық қажеттіліктеріңізді нақты анықтаңыз және &nbsp;қаржылық мақсаттарыңызды қанағаттандыра алатын жұмысты таңдаңыз.
Сіз таңдаған мамандықты меңгеру, яғни оқу үшін қанша қаражат кететінін анықтаңыз және сіз үшін қолжетімділігін зерттеңіз. Шәкіртақы, байқаулар мен олимпиадалар сынды мүмкіндіктерді қарастырыңыз. 
Өзіңіздің қызығушылықтарыңызға сәйкес мамандықтар тізімін жасаңыз. Сонымен қатар дайындаған тізімді барынша қысқартуға да тырысыңыз. Сіз мұны сізге сәйкес келетін тармақтар бойынша жасауыңыз керек. Дұрыс шешім қабылдау үшін ата-аналарыңызбен кеңесіп алғаныңыз да жөн.
Мансап жолындағы мақсаттарыңыз бен міндеттеріңізге шолу жасап шығыңыз және тек сол мақсаттармен шектелмеңіз — сіздің жұмыс жасау жоспарыңыз сізге жаңа нәрсені үйренуге, білуге септігін тигізуі қажет.
Дереккөз:bilimland.kz

Қазақстан және Қызылорда облысының жаңалықтары: Қоғам