Kyzylorda-news.kz. Бүгін – Ядролық сынақтарға қарсы іс-қимылдың халықаралық күні, деп хабарлайды ҚазАқпарат.
1991 жылы 29 тамызда ҚР Президенті Нұрсұлтан Назарбаевтың Жарлығымен Семей ядролық полигоны жабылды.
Есте болса, 2009 жылы Қазақстан БҰҰ Бас ассамблеясының Бірінші комитетіне 29 тамызды Бүкіләлемдік ядролық қарудан бас тарту күні деп жариялауды ұсынған болатын. Ал 2010 жылы БҰҰ 29 тамызды ядролық сынақтарға қарсы іс-қимылдың халықаралық күні деп жариялаған еді.
Тарихи деректерге жүгінсек, 40 жылдың ішінде республика аумағында 456 жерасты және жерүсті сынағы жасалды. Олардың жалпы қуаты 1945 жылы Хиросимаға тасталған бомбаның қуатынан 2,5 есеге асып түседі. Жалпы осы уақытқа дейін бүкіл әлемде жасалған барлық сынақтардың 24 пайызы Қазақстан аумағында орын алды.
КСРО ыдыраған тұста Қазақстан территориясында, нақтырақ айтқанда Семей, Сарыөзек және Байқоңырда әр қайсысында 10 оқтұмсық қондырылған 108 зымыран тұрақты кезекшілікте тұрды. Ал ядролық заряды бар оқтұмсықтардың жалпы саны 1 400 дана еді. Сонымен қатар, 240 ядролық қанатты зымырандармен жабдықталған 40 ТУ-95 МС стратегиялық бомбалаушы ұшақтар болғаны есте.

Қазақ жерінде ядролық қару үні өшкеніне 30 жыл толды

Kyzylorda-news.kz. Бас санитар дәрігерлер оқу жылы қарсаңында қазақстандықтарды коронавирус белгілері бар балаларын мектепке жібермеуге шақырды.
<blockquote>
 “Елордада коронавирус жұқтырғандар, соның ішінде жұқпалы дельта-штамм әлі де тіркеліп жатыр. (…) Балада коронавирустың қандай да бір белгілері байқалса, мысалы, жөтел, суық тию сияқты, оны мектепке жібермеуді және 103 қызметіне хабарласуды сұраймыз”, – деді Нұр-Сұлтанның бас санитар дәрігері Жанна Пірәлиева сенбі өткен баспасөз мәслихатында.
</blockquote>
Оның алматылық әріптесі Жандарбек Бекшин де осындай өтініш жасады.
<blockquote>
 “Біз үшін балаларымыздың денсаулығынан асқан құнды дүние жоқ. Біз өз балаларымызды ғана емес, олардың сыныптастарын да ойлауымыз керек. Егер балаңыз өзін әлсіз сезінсе, бірден мектеп әкімшілігіне хабар беріңіз. Егер оның дене қызуы 37 градустан асса, жөтел, мұрын бітелу, тамағы ауыру сияқты симптомдар болса, міндетті түрде хабарлау қажет. Өйткені бұл коронавирус инфекциясының басы болуы мүмкін”, – деп ескертті Алматының бас санитар дәрігері.
</blockquote>
Бекшин ата-аналарға ара-тұра қолын өңдеп тұру үшін балаларды қалтаға салып жүретін санитайзерлермен қамтамасыз етуді ұсынды.

Санитар дәрігерлер қазақстандық ата-аналарға үндеу жасады

Kyzylorda-news.kz. “Болашақ” университеті жаңа оқу жылын аралас оқыту форматында бастамақ. Университетте дәрістер онлайн түрде өтсе, практикалық және зертханалық сабақтар санитарлық режим мен әлеуметтік арақашықтықты сақтап дәстүрлі түрде жүргізілетін болады. Өңірлік коммуникациялар қызметінде өткен брифингте “Болашақ” университетінің ректоры Қуаныш Дәуренбеков биылғы оқу жүйесіндегі өзгерістерді баяндады.
<blockquote>
 «Биылғы оқу жылы бірқатар өзгерістермен басталғалы отыр. Қазіргі уақытта оқу процесін дайындау жұмыстары аяқталды. Оқу форматын ескере отырып сабақ кестесі жасалды. Дене шынықтыру сабақтарын қоспағанда, білім алушылар аудиторияда болған уақытта бетперде режимі сақталады. Оқу ғимараттары санитарлық талаптарды сақтауға қажетті дезинфекциялық тунельдер мен қол термометрі және санитайзерлермен қамтамасыз етілген. Өңіріміздегі эпидемиологиялық жағдайды ескере отырып, оқытушылар мен студенттерге барлық сақтық шаралары туралы түсіндірме жұмыстары жүргізілуде. Нәтижесінде, университет қызметкерлерінің 93 пайызы және білім алушылардың 53 пайызы екпе алды”,- деді университет ректоры Қуаныш Қойшығылұлы.
</blockquote>
Сонымен қатар, университеттің оқу ғимараттары мен жатақханаларға «Ашық» бағдарламасы орнатылған. Яғни, ғимараттарға «жасыл» немесе «көк» мәртебесі бар білім алушылар мен “жасыл” мәртебесі бар педагогтар мен қызметкерлер кіре алады.

&#8220;Болашақ&#8221; студенттері жатақханаға &#8220;Ashyq&#8221;  бағдарламасы арқылы кіреді

Kyzylorda-news.kz. 29 тамыз Жамбыл облысындағы жарылыстарға байланысты Жалпыұлттық аза тұту күні. Бұл соңғы екі жыл ішіндегі екінші рет жарияланған қаралы күн. Аза тұту күні ойын-сауық шаралары мен осы сипаттағы бағдарламалар тоқтатылады. Бүкіл ел бойынша ғимараттарда мемлекеттік ту төмен түсіріледі. Қазақстанда қандай даталар үшін Жалпыұлттық аза тұту күні жарияланған және олар не үшін күнтізбеде қаралы болып есептеледі?
Көптеген елде ұлттық аза тұту жарияланғанымен, оның қалай жүргізілетіні жайлы нақты критерийлер мен міндеттері&nbsp;заңмен бекітілмеген. Дәстүрлі түрде аза тұту&nbsp;мемлекет&nbsp;қайраткерлерінің өлімі,&nbsp;көптеген&nbsp;құрбандары бар&nbsp;табиғи&nbsp;апаттар мен&nbsp;террористік шабуылдар,&nbsp;қағылы жағдайлармен байланысты. Қазақстанда соңғы екі жылда үш рет Жалпыұлттық аза тұту күні жарияланған екен.
2020 жылдың 13 шілдесі&nbsp; –&nbsp;Коронавирус пандемиясы&nbsp;құрбандарын еске алу
Бұл уақыт коронавирус пандемиясының шарықтап тұрған шағы еді. Осы&nbsp;күні ел президенті қазақстандықтарды күйзеліске бой алдырмауға, шыдамдылық танытуға шақырды. 13 шілдеде ұлттық аза тұту күні, Нұр-Сұлтан уақытымен 12:00-де бүкіл елде бір минуттық үнсіздік жарияланды. Бұл күні бүкіл ел бойынша мемлекеттік жалаулар түсіріліп, телерадио компаниялары хабар тарату торын өзгертіп, ойын-сауық бағдарламаларын тоқтатуы керек деп шешілді.
Қазіргі уақытта&nbsp;елде COVID-19-дан 656 887 адам сауықты.
2019 жылдың&nbsp;28 желтоқсаны –&nbsp; Алматыдағы ұшақ апаты
2019 жылдың 28 желтоқсанында Алматы маңында ұшақ апатынан адамдар мерт болды. Алматыдан елордаға ұшып шыққан&nbsp;Bek Air ұшағы биіктік жоғалтып, әуежайдан ұшып шыққан бетте құлаған.&nbsp;Бортта 95 жолаушы және экипаждың бес мүшесі болған.&nbsp;
“Президент Қасым-Жомарт Тоқаев Алматы маңында ұшақ апатынан адамдардың қаза болуына байланысты 2019 жылдың 28 желтоқсанын жалпыұлттық аза тұту күні деп жариялады”, –&nbsp;деген еді президент хатшысы Берік Уәли.&nbsp;
Бұған дейін де Қазақстан халқы қайғылы оқиғаларда аза тұтқан. Олардың қатарында:
2016 жыл&nbsp;– Ақтөбедегі теракт
9 маусым&nbsp; – Қазақстанда Ақтөбедегі теракті кезінде қаза тапқандарға аза тұту күні. 2016 жылы ел президентінің нұсқауымен бұл күн қаралы күн деп жарияланды.&nbsp;&nbsp;2016 жылғы 5 маусымда Ақтөбедегі террористік шабуылдан&nbsp;жеті адам қаза тапты.&nbsp;
2012 жыл – Шымкентке маңындағы ұшақ апаты
2012 жылдың 25 желтоқсан күні&nbsp;АН-72 ҚР ҰҚК қарасты шекара қызметінің &nbsp;әскери-тасмалдау ұшағы&nbsp;Астана-Шымкент бағыты бойынша келе жатып, межелі жерге 20 шаршы метр қалғанда апатқа ұшырады. Ұшақтағы 27 адамның барлығы опат болды. Олардың 7-еуі экипаж қызметкері, 20-сы әскери қызметшілер еді. Ұшақ апатына оны қауіпті биіктікте ұзақ ұстаған диспетчер кінәлі деп танылды.
2013 жыл –&nbsp;Scat әуе компаниясы&nbsp;ұшағының құлауы&nbsp;
2013 жылдың 29 қаңтар күні&nbsp; Көкшетау-Алматы бағыты бойынша сапарға шыққан ұшақ құлады. Ұшақ алматыға 5 километр қашыққа құлаған. Қайғылы жағдай кезінде 21 адам қаза болды: 5 экипаж қызметкері, 16 жолаушы. 2016 жылдың&nbsp; сәуірінде&nbsp;Алматыда&nbsp;әуе компаниясының&nbsp; жазғы қызмет директоры&nbsp;Вячеслав Артеменко сотталды.
2012 жыл –&nbsp;“Арқанкерген” оқиғасы
“Арқанкерген” шекара бекетінде 2012 жылдың 28 мамырында жанып кеткен шекара бекетінен 15 адамның мәйті табылды. Аман қалған&nbsp;19 жастағы&nbsp;жауынгер Владислав Челах оқиғаға&nbsp;кінәлі деп танылған. Тергеу амалдары жүргізілген кезде ол өз кінәсін мойындаған. Кейіннен өзі айтқан сөздерден бас тартқан еді. Сот жігітті кінәлі деп ерекше қадағалаудағы абақтыға өмір бойына жапты.
2010 жыл – Қызылағаштағы&nbsp;су бөгетіндегі жарылыс
Алматы облысына қарасты Қызылағаш ауылында 2010 жылы наурыздың 11 мен 12-не қараған түні дамбы жарылып, ауылды қызыл су шайды. Қатты келген ағын судан 45 адам қайтыс болды. Олардың 11-і балалар еді. 370 үйді мүлкімен қоса топан су шайып кеткен.
2008 жыл – “Абай” шахтасындағы жарылыс
Қарағанды облысындағы “Арселор Миттал Теміртау” компаниясына қарасты “Абай” кен орнында&nbsp; 2008 жылдың 14 қаңтарында&nbsp;метан жарылған еді. Жарылыс салдарынан 30 адам мерт болып, тағы 14 адам түрлі деңгейдегі жарақаттар алған. Өрт&nbsp;қайғылы жағдайдың екінші күні &nbsp;ауыздықталды.
2006 жыл – “Ленин” шахтасындағы жарылыс
2006 жылғы 22 қыркүйекте&nbsp; Қарағанды облысына қарасты “Миттал Стил Теміртау” АҚ қарасты&nbsp; “Ленин” шахтасында&nbsp;метан жарылып, салдарынан&nbsp;41 кенші мерт болып,&nbsp;7 адам жараланған. Қайғылы жағдай кезінде жер астында 400 кенші жұмыс істеп жатқан.&nbsp;
Аталған оқиғалардың барлығы дерлік ел басшылығының бастамасымен ұлттық аза тұту күні ретінде жарияланып, құрбандарын еске алу мақсатын тұтты.
<a href="https://stan.kz/eki-zhil-ishindegi-ushinshi-aza-tytu-kuni-kazakstanda-z-351572/">Stan.kz</a>

Екі жыл ішіндегі үшінші аза тұту күні: Қазақстанда Жалпыұлттық аза тұту қандай жағдайда жарияланады

Kyzylorda-news.kz. Тамыз айында «Мектепке жол» қайырымдылық акциясы аясында қала мен аудандар бойынша бюджет және бюджеттен тыс қаржы көздері есебінен 8605 балаға көмек көрсетілді. Бұл туралы Қызылорда облыстық білім басқармасының басшысы Ақзира Қасымова хабарлады.
Оның ішінде бюджет есебінен 5283 балаға, демеушілік есебінен 3322 балаға көмек көрсетілген. Сонымен қатар, «ҚазГерМұнай» компаниясы 320 балаға, «Сыр мейрімі» -100 балаға, «Ел Арай» қоры 137 балаға, Қызылорда қалалық әкімдігі 145 балаға, облыстық басқармалар 23 отбасыға көмек көрсеткен.
<blockquote>
 “Айта кетейік, қазіргі таңда осы «мектепке жол» акциясы мен көрсетілетін көмекке қатысты көптеген сұрақтар келіп түсуде. Ата-аналардың басым көпшілігі көрсетілетін көмектің қаражатын өздеріне беруді сұрап жатқан жағдайлар кездесуде. Айта кетейін, «Ата мекенім» қоғамдық қорының қолдауымен «www.atamekenim.kz» порталында көмекке мұқтаж ата-аналар өз өтінімдерін қалдыра алатын «Мектепке жол» платформасы құрылып, жұмыс жасауда. Өз кезегінде демеушілер мен меценаттар ақшалай қаражатты онлайн-аудара отырып осы портал арқылы көмек көрсету бойынша өз ниеттерін жүзеге асыра алады. Бұл платформа тұрақты түрде жұмыс жасай отырып, жаңа тәсілдер арқылы көмек көрсетудің мәдениетін қалыптастыруға, оның атаулық пен ашықтықты қамтамасыз етуге септігін тигізеді. Түскен қаражатты ақшалай алу мүмкін еместігін назарларыңызға саламын”, – деді басқарма басшысы.
</blockquote>

«Мектепке жол»: Қызылордада 8605 балаға көмек көрсетілді

Kyzylorda-news.kz. Қызылордада өткен оқу жылының басынан бастап мектеп жасындағы балалар арасында коронавирустық инфекциямен сырқаттанудың 1132 жағдайы тіркелсе, студенттер арасында 47 жағдай анықталған.
Осы орайда Қызылорда облыстық санитариялық-эпидемиологиялық бақылау департаментінің басшысы Динара Жаңабергенова жаңа оқу жылында санитарлық талаптардың сақталуы маңызды екенін айтты.
<blockquote>
 «Эпидемиологиялық жағдайға байланысты биыл мектептерде оқу процесі күшейтілген медициналық бақылауды сақтай отырып ұйымдастырылатын болады. Коронавирустық инфекциясының таралуын болдырмау үшін бірқатар шаралар қабылданды. Мәселен облыстың барлық оқу орындары «Ashyq» жобасына қосылды, мұғалімдер вакцина алуда, мектептер қорғаныш құралдарымен жабдықталған. Білім беру нысандарында педагогтар, персонал және білім алушылар күнделікті «кіру» сүзгісімен қамтамасыз етіледі. Оқу маусымында орта білім беру ұйымдарының, колледждердің және жоғары оқу орындарының, интернаттардың және жатақханалардың жұмысына қойылған талаптардың орындалуы облыстық санитариялық-эпидемиологиялық бақылау департаментінің қатаң бақылауында болады», – деді Динара Олжабайқызы.
</blockquote>

Динара Жаңабергенова: Жаңа оқу жылында санитарлық талаптардың сақталуы маңызды

Kyzylorda-news.kz. Қызылорда облысындағы 293 мектепке кешенді мониторинг жұмыстары жүргізілді. Мониторинг барысында білім беру ұйымдарының материалдық-техникалық базалары, санитарлық тораптардың жәй-күйі, бейнебақылаумен қамтамасыз етілуі, оқу кабинеттерінің жарақтандырылуы, балалардың қауіпсіздігіне қойылатын талаптардың сақталуы зерделенді. Бұл туралы Өңірлік коммуникациялар қызметінде өткен баспасөз конференциясында Қызылорда облысының білім саласында сапаны қамтамасыз ету департаменті басшысының міндетін атқарушы Айгүл Мырзағалиева хабарлады.
Мониторинг барысында медициналық қызметпен барлық мектеп қамтылғандығы анықталды. 261 мектеп типтік, 32 мектеп бейімделген ғимаратта орналасқан. Негізгі және орта білім беретін 293 мектепте компьютер сыныптары бар. Облыс аумағындағы мектептің 92,4 пайызы талапқа сәйкес спорт залдармен қамтамасыз етілген.
<blockquote>
 «Қазіргі таңда барлық білім беру ұйымдарында Ұлттық білім беру деректер қоры жұмыс жасайды. Ондағы деректер мен енгізілген ақпараттың дұрыстығы, дәйектілігі мен нақтылығы өте маңызды. Алайда, мониторинг барысында бірқатар мектептердің Ұлттық білім беру деректер қорына енгізілген мәліметтері сәйкес емес екендігі анықталды. Атап айтқанда, қателіктер «Тіркеу мәліметтері», «Материалдық-техникалық қор», «Білім беру үдерісі туралы негізгі мәліметтер», «Білім беру объектісі туралы негізгі мәліметтер», «Контингент» және «Қызметкерлер» бөлімдерінде орын алған. Қазіргі таңда барлық кемшіліктер жөнделіп, сәйкестендірілді», – деді Айгүл Мырзағалиева.
</blockquote>
Барлық мектеп сумен, жылы әжетханамен қамтамасыз етілген. 264 мектепте су жүйесі орталықтандырылған болса, 10 мектепте су скважина арқылы қамтамасыз етіледі, ал 19 мектепте су тасымалданады. 51 мектеп орталықтанған кәріз жүйесіне қосылған болса, 242 мектептің кәріз жүйесі септик арқылы жүзеге асырылады.
Мектертер бейнебақылау жүйесімен толық қамтылған. Сондай-ақ, алдағы уақытта облыстағы 293 мектепті мамандандырылған күзетпен қамтамасыз ету бағытындағы жұмыстар жүргізілуі тиіс.

Қызылорда облысындағы мектептерде мониторинг жұмыстары жүргізілді

Kyzylorda-news.kz. Президент Қасым-Жомарт Тоқаевтың жарлығымен Мейіржан Аймановқа “Халық қаһарманы” атағы берілді.
<blockquote>
 “Қазақстан Республикасына сіңірген аса үздік еңбегі, қызметтік борышын атқаруда көрсеткен ержүректігі мен жанқиярлығы үшін Жамбыл облысы төтенше жағдайлар департаменті өрт сөндіру және авариялық-құтқару жұмыстары қызметі бастығының орынбасары Мейіржан Қақпасынұлы Аймановқа “Халық қаһарманы” атағы беріліп, айрықша ерекшелік белгісі – Алтын жұлдыз бен “Отан” ордені тапсырылсын (марқұм)”, – делінген құжатта.
</blockquote>
Еске сала кетсек, 26 тамыз күні кешкі сағат 19.00 шамасында Жамбыл облысының Байзақ ауданындағы оқ-дәрі қоймасынан өрт шығып, жойқын жарылыс болған еді.
Төтенше жағайлар министрлігінің мәліметі бойынша, оқиға орнына ең жақын орналасқан 3 елді мекенде 1086 адам тұрады. Жарылыс кезінде олардың 710-ы облыс орталығына эвакуацияланған.
Жалпы оқ-дәрі қоймасындағы өрттің кесірінен база аумағында оннан астам жарылыс болған.
Соңғы дерек бойынша сол жарылыстардың салдарынан қаза тапқан әскерилер мен құтқарушылар саны&nbsp;13 адамға&nbsp;жетті. Қорғаныс және Төтенше жағдайлар министрліктері әлі бірер адаммен&nbsp;байланыс орната&nbsp;алмай отыр.

Мейіржан Аймановқа &#8220;Халық қаһарманы&#8221; атағы берілді

Kyzylorda-news.kz. Президент Қасым-Жомарт Тоқаевтың жарлығымен әскери және қызметтік борышын атқаруда көрсеткен ерлігі мен жанқиярлығы үшін Жамбыл облысындағы әскери қойма жарылысында қаза тапқан азаматтар мемлекеттік наградамен марапатталды. Бұл туралы Ақорданың баспасөз қызметі хабарлады.
І дәрежелі “Айбын” орденімен наградталғандар:
Қапезов Арман Қуанышұлы&nbsp;(марқұм) – Бас әскери прокуратураның Оңтүстік аймақ әскери прокуроры
Микропуло Александр Николаевич&nbsp;(марқұм) – Төтенше жағдайлар министрлігі Жамбыл облысы төтенше жағдайлар департаменті өрт сөндіру және авариялық-құтқару жұмыстары қызметі өрт сөндіру кезекші қызметінің жедел кезекшісі (өрт сөндіру жетекшісінің орынбасары).
ІІІ дәрежелі “Айбын” орденімен наградталғандар:
Дәлібаев Оразбек Дайраұлы&nbsp;(марқұм) – Қорғаныс министрлігі № 28349 әскери бөлімі ведомстволық күзет командасының атқышы
Жанболатов Руслан Жүрсінбайұлы&nbsp;(марқұм) – Қорғаныс министрлігі № 28349 әскери бөлімі өртке қарсы қорғаныс және құтқару жұмыстары әскери командасының маманы (өрт сөндірушісі)
Мешінбай Марат Сайлауұлы&nbsp;(марқұм) – Қорғаныс министрлігі № 28349 әскери бөлімі өртке қарсы қорғаныс және құтқару жұмыстары әскери командасының маманы (механик-жүргізушісі)
<hr />
Нәдірбеков Еркін Ерікбайұлы&nbsp;(марқұм) – Қорғаныс министрлігі № 28349 әскери бөлімі өртке қарсы қорғаныс және құтқару жұмыстары әскери командасының бөлімше бастығы (команда бастығы)
Сандыбаев Елдос Қадырбайұлы&nbsp;(марқұм) – Төтенше жағдайлар министрлігі Жамбыл облысы төтенше жағдайлар департаменті өрт сөндіру және авариялық-құтқару жұмыстары қызметі № 3 өрт сөндіру бөлімінің аға өрт сөндіруші-құтқарушысы
Темірболатов Арнұр Серікұлы&nbsp;(марқұм) – Төтенше жағдайлар министрлігі Жамбыл облысы төтенше жағдайлар департаменті өрт сөндіру және авариялық-құтқару жұмыстары қызметі № 3 өрт сөндіру бөлімінің өрт сөндіруші-құтқарушысы.
Төребеков Тәңірберген Құдайбергенұлы&nbsp;(марқұм) – Төтенше жағдайлар министрлігі Жамбыл облысы төтенше жағдайлар департаментінің өрт сөндіру және авариялық-құтқару жұмыстары қызметі № 1 мамандандырылған өрт сөндіру бөлімінің аға өрт сөндіруші-құтқарушысы.
Еске сала кетсек, 26 тамыз күні кешкі сағат 19.00 шамасында Жамбыл облысының Байзақ ауданындағыоқ-дәрі қоймасынан өрт шығып,&nbsp;жойқын жарылыс&nbsp;болған еді.

Жамбылдағы жарылыс: Тоқаев қаза тапқандарды &#8220;Айбын&#8221; орденімен марапаттады

Kyzylorda-news.kz. Қазақстанда өткен тәулікте 5 271 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 502, Алматы қаласы – 1 076, Шымкент қаласы – 259, Ақмола облысы – 280, Алматы облысы – 123, Атырау облысы – 463, Шығыс Қазақстан облысы – 127, Батыс Қазақстан облысы – 132, Қарағанды облысы – 1267, Қостанай облысы – 38, Қызылорда облысы – 165, Маңғыстау облысы – 354, Павлодар облысы – 208, Солтүстік Қазақстан облысы – 165, Түркістан облысы – 112.
Қазақстан бойынша жазылғандар саны – 662 158.

Қызылордада 165 адам коронавирустан жазылды

Kyzylorda-news.kz. Қазақстанда коронавирусқа қатысты 28 тамыз 23:59-дағы эпидемиологиялық жағдай бойынша ПТР арқылы 5 993 адамның коронавируспен ауырғаны расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 590, Алматы қаласы – 1 491, Шымкент қаласы – 217, Ақмола облысы – 260, Ақтөбе облысы – 320, Алматы облысы – 412, Атырау облысы – 401, Шығыс Қазақстан облысы – 175, Жамбыл облысы – 129, Батыс Қазақстан облысы – 136, Қарағанды облысы – 750, Қостанай облысы – 271, Қызылорда облысы – 130, Маңғыстау облысы – 223, Павлодар облысы – 326, Солтүстік Қазақстан облысы – 88, Түркістан облысы – 74.
Жалпы ел бойынша ауырғандар саны 779 927.

Тағы 130 қызылордалықтан коронавирус анықталды

Kyzylorda-news.kz. Қазақстанның солтүстігінде, орталығында, оңтүстік және оңтүстік-шығыстың таулы аудандарында атмосфералық фронттар жүріп өтеді. Соның әсерінен қатты жаңбыр жауады, деп хабарлайды Қазгидромет.
Республика аумағында найзағай ойнайды. Күндіз еліміздің солтүстігінде шаңды дауыл соғып, күн күркірейді, жел күшейеді. Елдің оңтүстігінде де шаңды дауыл тұрады, солтүстікте және оңтүстік-шығыстың таулы аудандарында бұршақ жауады. Еліміздің шығысында, батысында және оңтүстік-батысында жауын-шашын жаумайды.
Ақмола облысында найзағай жарқылдайды, өңірдің солтүстігінде тұман түседі. Ал орталығында және шығысында бұршақ жауып, дауыл соғады. Батысында, солтүстігінде жел екпіні 15-20 м/с дейін күшейеді.
Солтүстік Қазақстан облысының оңтүстік-батысында – найзағай, бұршақ, күндіз шаңды дауыл мен жел. Жел жылдамдығы күндіз секундына 23 метрге жетеді.
Павлодар облысының солтүстігінде және батысында күн күркірейді, күндіз бұршақ жауады. Найзағай кезінде желдің күші 15-20 м/с болады.
Күндіз Қарағанды облысының солтүстігінде және шығысында найзағай ойнайды, солтүстігінде және батысында жел қарқыны – 15-20 м/с.
Жамбыл обысының таулы аудандарында, солтүстік-шығыс маңайында найзағай жарқылдап, бұршақ жауады. Күндіз аймақтың оңтүстік-батысында, солтүстік-шығысында жел күшейеді. Ал солтүстік-шығыста шаңды дауыл көтеріледі.
Күндіз Түркістан облысының таулы аудандарында күн күркірейді. Өңірдің солтүстігінде және таулы аудандарында жел екпіні 15-20 м/с дейін күшейеді.
Ақтөбе облысының шығысында, күндіз Қызылорда облысының орталығында жел жылдамдығы 15-20 м/с жетеді.
Алматы облысының таулы аудандарында найзағай жарқылдайды. Күндіз Қарағанды облысының оңтүстігінде, Алматы облысының басым бөлігінде, Маңғыстау облысының оңтүстігінде аптап ыстық болады.
Маңғыстау, Атырау, Батыс Қазақстан, Ақтөбе, Қызылорда, Түркістан, Жамбыл облыстарында, Қостанай, Алматы, Қарағанды облыстарының басым бөлігінде, Шығыс Қазақстан облысының оңтүстігінде, Ақмола облысының батысында төтенше өрт қаупі сақталады.

Қазақстан және Қызылорда облысының жаңалықтары: Қоғам

Қазақ жерінде ядролық қару үні өшкеніне 30 жыл толды

Санитар дәрігерлер қазақстандық ата-аналарға үндеу жасады

“Болашақ” студенттері жатақханаға “Ashyq” бағдарламасы арқылы кіреді

Екі жыл ішіндегі үшінші аза тұту күні: Қазақстанда Жалпыұлттық аза тұту қандай жағдайда жарияланады

«Мектепке жол»: Қызылордада 8605 балаға көмек көрсетілді

Динара Жаңабергенова: Жаңа оқу жылында санитарлық талаптардың сақталуы маңызды

Қызылорда облысындағы мектептерде мониторинг жұмыстары жүргізілді

Мейіржан Аймановқа “Халық қаһарманы” атағы берілді

Жамбылдағы жарылыс: Тоқаев қаза тапқандарды “Айбын” орденімен марапаттады

Қызылордада 165 адам коронавирустан жазылды

Тағы 130 қызылордалықтан коронавирус анықталды

29 тамызға арналған ауа райы болжамы

Қазақстан және Қызылорда облысының жаңалықтары: Қоғам

Қазақ жерінде ядролық қару үні өшкеніне 30 жыл толды

Санитар дәрігерлер қазақстандық ата-аналарға үндеу жасады

&#8220;Болашақ&#8221; студенттері жатақханаға &#8220;Ashyq&#8221; бағдарламасы арқылы кіреді

Екі жыл ішіндегі үшінші аза тұту күні: Қазақстанда Жалпыұлттық аза тұту қандай жағдайда жарияланады

«Мектепке жол»: Қызылордада 8605 балаға көмек көрсетілді

Динара Жаңабергенова: Жаңа оқу жылында санитарлық талаптардың сақталуы маңызды

Қызылорда облысындағы мектептерде мониторинг жұмыстары жүргізілді

Мейіржан Аймановқа &#8220;Халық қаһарманы&#8221; атағы берілді

Жамбылдағы жарылыс: Тоқаев қаза тапқандарды &#8220;Айбын&#8221; орденімен марапаттады

Қызылордада 165 адам коронавирустан жазылды

Тағы 130 қызылордалықтан коронавирус анықталды

29 тамызға арналған ауа райы болжамы

“Болашақ” студенттері жатақханаға “Ashyq” бағдарламасы арқылы кіреді

Мейіржан Аймановқа “Халық қаһарманы” атағы берілді

Жамбылдағы жарылыс: Тоқаев қаза тапқандарды “Айбын” орденімен марапаттады