Kyzylorda-news.kz. Қызылордада GASENERGY желісінің жанармай құю кешені ашылды, деп хабарлайды Atameken Business.
&nbsp; Нысан қаладағы өзге станциялардан заманауи сәулет үлгісі, бонустық жеңілдіктері және айлық қуаты 1 млн тоннаға тең келетін отынымен ерекшеленеді. Әрі жанар-жағармайдың барлық түрі бойынша жоғары сұрыптармен қамтамасыз етілген. Ал&nbsp;ауыр жүк көліктерінің иелері үшін арнайы “Дизель Опти” отыны ұсынылған. Жолаушылар үшін көлік жуу, кофехана мен шағын дүкен қызметін пайдалану мүмкіндіктері де бар.

Қызылордада Еуропалық үлгідегі GASENERGY жанармай құю бекеті ашылды

Kyzylorda-news.kz. «Тұлпар мініп, ту алған!» байқауының Сырдария аудандық кезеңі мәресіне жетті. Тереңөзек кентіндегі аудандық мәдениет үйінде өткен байқауда аудан мектептері бойынша 50-ден астам оқушы «Едіге батыр» жырын жатқа айтудан жарысып, бақ сынады.
Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасы және «Дарын» қосымша білім беру орталығымен бірлесе отырып ұйымдастыруда.
Байқаудың ашылу салтанатында «Nur Otan» партиясы Сырдария аудандық филиалы төрағасының бірінші орынбасары Еркебұлан Жақып сөз сөйлеп, байқаудың маңыздылығына тоқталып, «Едіге батыр» жыры туралы тың тарихи деректер келтірді.
<blockquote>
 – Жырдың өн бойында Едігенің батырлығынан гөрі ақыл-парасаты кеңінен суреттеледі. Едіге мен Тоқтамыс, Әмір Темірдің заманын, негізінен олардың өзара қатынасын жыр еткен ауыз әдебиетінің көне мұрасы «Ер Едігенің» танымдық қасиетін, шыншылдық беделін толық бағалау үшін бүгінгі күннің де, келешек күндердің де зерттеушілері назар аударарлықтай құндылыққа ие, – деді Еркебұлан Жақып.
</blockquote>
Сондай-ақ, «Дарын» қосымша білім беру орталығының директоры Айжан Қиянбекова талапкерлерге сәттілік тіледі.
<blockquote>
 – Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын. Байқау өңірімізде де жоғары деңгейде өткізіліп жатыр. Облыста 25 қазаннан басталған байқаудың бүгінгі Сырдария аудандық кезеңіне 53 оқушы қатысуда. Барлығыңызға сәттілік тілейміз, – деді ол.
</blockquote>
Байқауға «Nur Otan» партиясы Сырдария аудандық филиалы төрағасының бірінші орынбасары Еркебұлан Жақып, аудандық білім бөлімінің басшысы Берік Жәнібеков, №137 мектеп-лицей директоры Бағдат Есназар, аудандық «Тіршілік тынысы» газетінің бас редакторы Ақтөре Ибрагим, «Qazaq Epos» қоғамдық қорының өкілі Нұрсұлтан Қаражан қазылық етті.
Аудан мектептері бойынша жырға жаны құмар оқушылар «Едіге батыр» жырын жатқа, мәнерлеп, нақышына келтіре айтып шықты. Сайыста оқушылардың жырды жатқа айтқа айту барысында кідірмей, мүдірмей оқуы, жырды толық жаттауы ескерілді.
Нәтижесінде, қазылар шешімімен Сырдария ауданы бойынша келесі оқушылар жеңімпаз атанды: 
1 орын(150 мың теңге) – №137 орта мектептің 9-сынып оқушысы Жәмила Әбсаттар, дайындаған мұғалімі Асылзат Тұрсынбаева; 
2 орын(100 мың теңге) – №130 мектептің 8-сынып оқушысы Сағындық Балғабайұлы, дайындаған мұғалімі Роза Қараева; 
3 орын(50 мың теңге) – №135 мектептің 7-сынып оқушысы Жанбике Асхатқызы, дайындаған мұғалімі Гүлнар Тәжімұратова.
Байқау жеңімпаздарын «Qazaq epos» қорының Қызылорда облысы бойынша өкілі Дәурен Сейітжанұлы құттықтады.
<blockquote>
 – Қай елдің баласы тұлпарымен ту алады? Әлбетте, Тәуелсіз елдің баласы! «Рухани жаңғыру» бағдарламасының негізгі мәні – ата-бабамыздан бізге талықсып, талмаусырап әрең жеткен Тәуелсіздікті баянды ету. Бүгін жеткіншектеріміз арасында өткізілген байқау да Қазақ елінің тәуелсіздігін мәңгілік етуді мақсат еткен жоба, – деді ол.
</blockquote>
Жеңімпаздарға жүлделерін «Nur Otan» партиясы Сырдария аудандық филиалы төрағасының бірінші орынбасары Еркебұлан Жақып табыстады. Барлық қатысушылар дипломдармен марапатталып, үздік үштіктен көрінген қатысушылар байқаудың облыстық кезеңіне жолдама алды.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Жобаның мақсаты – оқушылар арасында кітап оқуды, оның ішінде қазақ халқының батырлық эпостарын насихаттау, өскелең ұрпақтың шығармашылық және зияткерлік қабілетін дамытуға жағдай жасау, оқушыларды халық поэзиясына, асыл мұраға деген сүйіспеншілікке және патриотизмге тәрбиелеу, намысшылдық, қайсарлық қасиеттерге баулу, қазақ тілі мен әдебиеті пәні мұғалімдерінің беделін көтеру.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда.

«Тұлпар мініп, ту алған!»: Сырдария ауданы бойынша жеңімпаздар анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін қала әкімі Ғанибек Қазантаев қала күні мерекесіне арналған қайырымдылық шарасына қатысты. Шаһар басшысы орталық «Ақмешіт-Сырдария» мешітінің алдында өткен «Мейірімді қала – Қызылорда» атты акцияға қолдау танытқан барша мейірімді жандарды, жәрдем ұсынған жомарт жүректі азаматтарды сүйікті қаламыздың төл мерекесімен құттықтап, алғысын білдірді.
<blockquote>
 «Өздеріңізге белгілі, қазір әлемдік деңгейдегі пандемиялық ахуалдың дауылы Ұлы дала еліне де әсер етті. Біз ауыртпашылығы мол, қанағат пен сабырға сенер кезеңге тап болдық. Сондықтан той тойлап, думандататын сәттерден уақытша арыла тұрып, болашағымызды бағдарлауға табанды еңбек етуіміз керек. Осы ретте, қала күнінде ұйымдастырылатын жылдағы шараларды қысқартып, отшашу мен концерттерге шектеу енгізіп, қайырымдылық ісіне мән бергенді жөн санадық» деп, сөзін түйіндеді Ғанибек Қонысбекұлы.
</blockquote>
«Мейірімді қала -Қызылорда» атты қайырымдылық шарасында тұрмыс-тіршілігі төмен 200 отбасыға көмір отыны, 1500 отбасыға азық-түлік қоржындары таратылды.
<img src="https://kyzylorda-news.kz/wp-content/uploads/2021/10/249378186_2949533081980097_3200000797533606865_n.jpg" alt="" />
<img src="https://kyzylorda-news.kz/wp-content/uploads/2021/10/249278512_2949532915313447_5571475122161958618_n.jpg" alt="" />
<img src="https://kyzylorda-news.kz/wp-content/uploads/2021/10/249429156_2949533408646731_6245606014707506982_n.jpg" alt="" />

«Мейірімді қала &#8211; Қызылорда» атты акция өтті

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласында алаяқ «Тойота» орталығында менеджер болып жұмыс істейтінін айтып тұрғындардың сенімге кірген. Орталық арқылы автокөліктерін сатып беруге уәде етіп, &nbsp;«Tоyota Higlander» және «Tоyota camry 70» үлгісіндегі автокөліктерді иемденіп алған. Осылайша алаяқ&nbsp; қала тұрғынын алдап жүріп, автокөлігін сатып жіберген.
Қала тұрғыны алаяқтың құрбаны болғанын біліп, Қызылорда қалалық Полиция басқармасына жүгінген. Жәбірленушіге 27 миллион 600 мың теңге соммасында шығын келді. &nbsp;
«Осы оқиғаға байланысты полиция қызметкерлерінен тергеу тобы құрылып, істің ақ-қарасын ажыратуға кірісті. Нәтижесінде осы жайтқа қатысты 27 жастағы жергілікті тұрғын ұсталды. Қазіргі таңда күдікті азаматтың бұрын соңды алаяқтық іспен айналысқаны дәлелденді», – делінген полиция департаменің хабарламасында. &nbsp;
Аталған дерек бойынша Қазақстан Республикасының 190 бабының 4 бөлігімен (ақпараттық жүйені пайдаланушыны алдау немесе сенімін теріс пайдалану жолымен) бойынша сотқа дейінгі тергеу әрекеттерін жүргізуде.

«Менеджерге» сенген қызылордалық автокөліктерінен айырылып қалды

<a href="https://kyzylorda-news.kz/ru/obshestvo/">Kyzylorda-news.kz</a>. Биылғы жылы облыс көлемінде жалпы тіркелген қылмыстар саны азайған. Дегенмен, кәмелетке толмағандарға қарсы жасалған қылмыстар мен кісі өлтіруге оқталу және алаяқтық деректері көбейіп отыр. Бұл жөнінде Өңірлік коммуникациялар қызметінде өткен баспасөз конференциясында облыстық полиция департаменті бастығының бірінші орынбасары Шамшидин Амитов хабарлады.
<blockquote>
 “Жалпы өңірде ұрлық, бұзақылық және тұрмыстық зорлық-зомбылық қылмастарының саны азайды. Кәмелетке толмағандар мен жастарға қарсы және олармен жасалатын қылмыстық құқық бұзушылықтардың алдын алу мақсатында «Жасөспірім», «Балалар түнгі қалада», «Ата-ана Жасөспірім, Көше», «Тұрмыс», «Квадрат», «Учаске»профилактикалық іс-шаралары өткізілді. Нәтижесінде беймезгіл уақытта кезбелікке салынған 201 жасөспірім бейімдеу орталығына орналастырылды. Ал балаларды тәрбиелеу және оқыту жөніндегі міндеттерін тиісті деңгейде орындамаған 99 ата-ана әкімшілік жауапкершілікке тартылды. Сондай-ақ, алаяқтық бойынша қылмыстар 27 пайызға көбейген. Сондықтан тұрғындардан бейтаныс адамдарға сенімділік танытпауды сұраймыз. Ең алдымен заң қызметкерлерінен қажетті кеңестер алып, сақтық шараларына ерекше назар аудару қажет”, – деді Шамшидин Егенбердіұлы.
</blockquote>
Соңғы уақытта өңірде жол көлік оқиғалары салдарынан қайғылы жағдайлар көп орын алды. Жыл басынан бері 295 жол көлік оқиғасынан 362 адам дене жарақаттарын алса, 68 адам қаза тапқан.
<blockquote>
 “Жыл басынан бері жол ережесін бұзудың 102 340 дерегі анықталды. Жол апатына тікелей әсер ететін құқық бұзушылық 54,3 пайызды құрады. Атап айтқанда, мас күйде көлік басқарған 791, көлік құралын басқару құқығынан айырылған 188, жылдамдықты шамадан тыс асырған 38 264 жүргізушіге заң бойынша тиісті шаралар қолданды”, – деді Ш.Амитов.
</blockquote>

Қызылордада алаяқтық азаймай тұр

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Облыс көлемінде бүгінгі күнге дейін коронавирус инфекциясының 18 639 жағдайы тіркелді. Ауруға шалдыққандардың 70 пайызы клиникалық белгілерімен анықталған. Дегенмен, соңғы 2 айдағы көрсеткіш бойынша коронавирусқа шалдыққандар деңгейі төмендеп келеді.
Бұл жөнінде Өңірлік коммуникациялар қызметінде өткен брифингте облыстық санитариялық-эпидемиологиялық бақылау департаментінің басшысы Динара Жаңабергенова мәлімдеді.
<blockquote>
 «Бүгінде белсенді ошақтар саны – 418 екені белгілі болды. Оның ішінде үй ошағы – 358, ал ұйымдасқан ұжымдардағы ошақ саны 60-ты құрайды. Облыс тұрғындары арасында вирус таралуының алдын алу мақсатында белгіленген карантин талаптарының сақталуына мониторинг жүргізу жалғасуда. Облыс көлемінде «Ashyq» жүйесі бойынша үй карантинінде оқшаулану тәртібін бұзған 1 129 азаматты анықтады. Тиісінше «қызыл» статустағы 736 адам, «сары» мәртебедег 398 тұрғындар екені белгілі болды. Біздің эпидемиолог мамандар күн сайын КВИ эпидахуалына арнайы тексерістер жүргізеді. Яғни жас шамасына байланысты індеттің жұқтыру көрсеткіші мен оның себебі қандай екендігін зерделейді. Нәтижесінде коронавирус жұқтырудың жоғары көрсеткіштері жұмыссыздар мен зейнеткерлер және мектеп оқушылары арасында анықталуда. Ал медициналық қызметкерлер, педагогтар, күш құрылымдары қызметкерлері арасындағы індетке шалдығу деңгейі өте төмен. Бұл вакциналаудың коронавирусқа қарсы тиімділігін дәлелдеп отыр», – деді департамент басшысы Динара Олжабайқызы.
</blockquote>

Республикада Қызылорда облысы вакцинациялау көрсеткіші бойынша алғашқы бестікте

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қазгидромет 27 қазанда болатын ерекше метеорологиялық құбылыстарға болжау консультациясын жариялады.
Фронтальды бөліктердің әсеріне байланысты республиканың басым бөлігінде жауын-шашын (жаңбыр, қар), елдің оңтүстігінде жаңбыр күтіледі, елдің батысы, оңтүстік-шығысы жоғары қысым өрісінің ықпалында болғандықтан жауын-шашынсыз ауа райы күтіледі. Еліміздің солтүстігінде, солтүстік—батысында, орталығында түнде және таңертең тұман, солтүстігінде, солтүстік-шығысында көктайғақ, оңтүстігінде, оңтүстік-шығысында, шығысында желдің күшеюі күтіледі.

27 қазанға арналған ауа райы болжамы

<a href="https://kyzylorda-news.kz/ru/obshestvo/">Kyzylorda-news.kz</a>. Биыл облыс бойынша қоршаған ортаны қорғау саласында 32 субъектіге бақылау шаралары ұйымдастырылды. Оның ішінде 13 профилактикалық бақылау және қадағалау, 19 жоспардан тыс тексеру жүргізілді. Сонымен қатар, бақылау қорытындылары бойынша 86 экологиялық заңнама талаптарын бұзу фактілері анықталды.
Табиғат пайдаланушыларға 100 млн теңге көлемінде 44 әкімшілік құқық бұзушылық жөнінде іс қозғалып айыппұл салынды. Бұл туралы Өңірлік коммуникациялар қызметінде өткен баспасөз конференциясында Қызылорда облысы бойынша экология департаменті басшысы орынбасарының м.а. Ертай Жайназаров баяндады.
<blockquote>
 Бүгінде «Геопортал» жүйесі бойынша ғарыштық мониторинг арқылы космостық бейне-суреттерді зерделеумен Қызылорда қаласының 50 километрлік радиусы аумағында 105 рұқсатсыз қалдықтардың орындары анықталып, барлығы 100 пайызға жойылды. Қазір таңда, рұқсатсыз қоқыс төккендерді анықтау бойынша 19 рейдтік іс шара жүргізіліп, заң бұзушылыққа жол берген 3 тұлғаға әкімшілік айыппұл салынды. Сондай-ақ, атмосфералық ауаға әсер бойынша табиғат қорғау іс-шаралары бағытында шектеулі рауалы шығарындылар нормативтері бойынша 27 жобаның 25-не ластаушы заттар шығарындыларын азайтуды көздейтін іс-шаралар енгізілді. Нақты эмиссияларды ескере отырып, нормативтерді белгілеу бойынша шығарындылар 1907,043 тоннаға төмендетілді -, деді Ертай Күнтуарұлы.
</blockquote>
Ағымдағы жылы «Байқоңыр» кешенінде қоршаған ортаны қорғау саласындағы мемлекеттік экологиялық бақылау жұмыстарын жүргізу, 18 объектіге жоспарлы тексеріс жұмыстарын жүргізу қарастырылды. Есепті мерзімде 12 мекемеге тексеру жүргізіліп, анықталған экологиялық заң бұзушылықтарды жою бойынша нұсқамалар берілді.
Қызылорда облысының Полиция департаментімен 2021-2025 жылдарға арналған «Таза ауа» іс-шара жоспары бекітіліп, қазіргі таңда бірлесе рейдтік жұмыстар атқарылуда. Іс-шара барысында бензин, газ және дизель отынымен жұмыс істейтін 104 автокөлікке өлшеу жұмыстары жүргізіліп, 22 автокөліктен белгіленген нормативтен арту деректері анықталды. Нәтижесінде жол Полициясы қызметкерлері автокөлік жүргізушілеріне ескерту беріліп, хаттама толтырылды.

«Геопортал» жүйесі арқылы экологиялық бақылау шаралары күшейтілді

<a href="https://kyzylorda-news.kz/ru/obshestvo/">Kyzylorda-news.kz</a>. Елімізде қазан айының соңғы жексенбісі әлеуметтік қорғау жүйесі қызметкерлерінің күні болып белгіленген. Әлеуметтік қорғау жүйесі – үлкен жауапкершілікті, кәсіби біліктілікпен қатар адами қасиеттерді талап ететін сала.
Осы сала қызметкерлерінің мерекесі қарсаңында «Қызмет» Мемлекеттік, банк мекемелері және қоғамдық қызмет көрсету салалық&nbsp; кәсіподағы» ҚБ Қызылорда облыстық филиалының ұйымдастыруымен&nbsp; «Көңілді старт» спорттық жарысы өтті. Оған әлеуметтік қызмет көрсету орталықтарынан командалар қатысты. Спорттық шараныңмақсаты – кәсіподақ мүшелері арасында салауатты өмір салтын насихаттау, спортпен шұғылдануға ынталандыру, белсенді демалысты ұйымдастыру, спорттық шараларға қатысу белсенділігін арттыру болды. Жарыс көңілді де қызықты өтті.
Жарыс қорытындысы бойынша бас жүлдені арнаулы әлеуметтік қызметтер көрсету орталығының «Достық» командасы, І орынды Мүгедектерге арналған оңалту орталығының «Ақ барыс» командасы, ІІ орынды №1 Қызылорда арнаулы әлеуметтік қызметтер көрсету орталығының «Арыстан» командасы, ІІІ&nbsp; орынды №2 Қызылорда арнаулы әлеуметтік қызметтер көрсету орталығының «Сұңқар» командасы жеңіп алды, Жеңімпаздарға&nbsp; дипломдар мен бағалы сыйлықтар табысталды.
<img src="https://kyzylorda-news.kz/wp-content/uploads/2021/10/2c7005c4-abe1-4ffa-887f-12dc3464a0da.jpg" alt="" />
<img src="https://kyzylorda-news.kz/wp-content/uploads/2021/10/11c43a9a-1953-438d-af52-33a65d5df7ba.jpg" alt="" />
<img src="https://kyzylorda-news.kz/wp-content/uploads/2021/10/da6dd211-d7f1-4bad-a57b-a4537087e258.jpg" alt="" />

Қызылордада әлеуметтік қызметкерлер сынға түсті

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысына қарасты Жалағаш ауданының білім бөлімі «салынып жатқан балабақшаға қаржы беріледі» деген желеумен жұмыс істеп тұрған балабақшаға қолдау көрсете алмайтынын жеткізген. Мұнымен қоса мектепке дейінгі тәрбие беру ұйымынан бала қабылдауды тоқтатуды сұраған.
Қызылорда облысы кәсіпкерлер палатасы жанындағы Кәсіпкерлердің құқығын қорғау және сыбайлас жемқорлыққа қарсы іс-қимыл кеңесінің отырысында Жалағаш ауданы Аққыр ауылында ашылған «Алтын ұя» балабақшасы құрылтайшысының өтініші қаралды.
Кеңес отырысына қатысқан «Алтын ұя» балабақшасының заңды өкілі Айдана Әміреева жыл басында балабақша ашуға ниетті екенін айтып, Жалағаш аудандық білім бөліміне барғанын жеткізді. Тамызда Аққыр ауылынан ашылған 50 орындық балабақшада бүгінде 30 бала тәрбиеленіп жатыр.
<blockquote>
 «Аудандық білім бөлімінен қаржылай қолдау сұрап, субсидия беруге өтініш бердік. Алайда біз ешқандай мемлекеттік қолдау алып отырған жоқпыз», – дейді Айдана Әміреева.
</blockquote>
Жалағаш аудандық білім бөлімі Аққыр ауылында өзге кәсіпкердің 90 орындық балабақша салып жатқанын, «Алтын ұя» балабақшасына мемлекеттік тапсырыс орналастырылмайтынын атап, ресми хат берген. Аталған хатта жеке балабақшадан бала қабылдауды тоқтатуды да сұраған.
Хаттың көшірмесімен танысқан кеңес мүшесі, «КАНО» заңды тұлғалар бірлестігінің Қызылорда облысы бойынша филиал төрайымы Наталья Мишукова хаттың сауатсыз жазылғандығын атап өтті.
<blockquote>
 «Кәсіпкерлік кодексінде» кәсіппен айналысуға әр азаматтың құқылы екені айтылған. Жеке балабақшадан нені басшылыққа алып бала қабылдауды тоқтатуды сұрап отырсыздар? Менің ойымша хат сауатсыз жазылған. Екіншіден, қаржы неге әлі салынып жатқан балабақшаға арналған? Не үшін ашылып, жұмыс істеп тұрған балабақшаға берілмей отыр?» – деп Наталья Мишукова Жалағаш ауданы білім бөлімінің басшысына сұрақ қойды.
</blockquote>
Білім бөлімінің басшысы Талғат Садықов хатқа қатысты орындаушысына тәртіптік шараға тартылғанын, ал екінші сұрақ бойынша қаржы болмағандықтан биыл конкурс өткізілмегенін жеткізді.
Кеңес отырысында уәкілетті мемлекеттік орган өкілдері кәсіпкердің балабақшаны ашқаны жөнінде тиісті мемлекеттік ұйымды уақытылы хабардар етпегенін бірнеше рет алға тартқан болатын. Бұл мәселеге қатысты кеңес төрағасы Болат Нұрхожаев кәсіпкерге бағыт-бағдар беру тек кәсіпкерлік бөлімінің ғана емес, салалық мемлекеттік органдардың да міндеті екендігіне тоқталып, кәсіпкерге қолдау көрсетуге шақырды.
<blockquote>
 «Кәсіпкер бүгінгі жиналыстан кейін қудалауға ұшырамайды деп үміттенеміз. Ондай жағдай орын алса қорғауға дайынбыз», – деді кеңес төрағасы.
</blockquote>
Кәсіпкердің негізгі мәселесі – қаржыландыру туралы өтініші әзірге шешілмеуіне байланысты Кәсіпкерлер палатасы бұл бағытта тиісті мемлекеттік органдармен бірге жұмыс жасайтын болды. Нәтижесі қосымша хабарланады.
<img src="https://kyzylorda-news.kz/wp-content/uploads/2021/10/img_2969-scaled.jpg" alt="" />

«Мемлекеттен қаржы бөлінбейді»: Жалағашта білім бөлімі балабақшаны жаппақ болды

<a href="https://kyzylorda-news.kz/ru/obshestvo/">Kyzylorda-news.kz</a>. Сәуір айынан бастап облыста 3771 нысанға QR-код берілген.
Аудандар бөлінісінде:
– Қызылорда –1849
– Арал ауданы – 339
– Қазалы ауданы – 380
– Қармақшы ауданы –216
– Жалағаш ауданы – 122
– Сырдария ауданы – 172
– Шиелі ауданы – 300&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
– Жаңақорған ауданы –368
– Байкоңыр қ. – 25.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Қазіргі таңда жоба қатысушылары 24.09.2021ж. Бас мемлекеттің санитариялық дәрігердің 24 қыркүйектегі №44 Қаулысысы мен 20 қазандағы № 47 Қаулысы шеңберінде қызметтерін жүзеге асырып келеді.
&nbsp; &nbsp;&nbsp;&nbsp;&nbsp;&nbsp;&nbsp;&nbsp; 20 қазандағы қаулыға сәйкес карантиндік шектеу шаралары жеңілдетілді. Ashyq жобасына қатысатын объектілер үшін жұмыс және демалыс күндері:
–&nbsp;&nbsp;&nbsp;&nbsp;&nbsp;&nbsp;&nbsp;&nbsp; «қызыл» және «қоныр қызыл» аймақтарда орналасқан өңірлерде &nbsp;сағат 00.00-ге дейін, Ashyq жобасының көшбасшылары үшін – сағат 02.00-ге дейін;
–&nbsp;&nbsp;&nbsp;&nbsp;&nbsp;&nbsp;&nbsp;&nbsp; «сары» аймақта орналасқан өнірлерде – сағат 01.00-ге дейін, Ashyq жобасының көшбасшылары үшін – сағат 03.00-ге дейін;
–&nbsp;&nbsp;&nbsp;&nbsp;&nbsp;&nbsp;&nbsp;&nbsp; «жасыл» аймақта орналасқан өнірлерде – сағат 03.00-ге дейін, Ashyq жобасының көшбасшылары үшін – сағат 05.00-ге дейін жұмыс істеуге мүмкіндік берілді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Қызылорда облысында қазіргі уақытта 32 нысан Ashyq «көшбасшысы» мәртебесін алды. Олар:
1&nbsp;&nbsp;&nbsp;&nbsp;&nbsp;&nbsp;&nbsp; «Koreana Family» рестораны, Қызылорда
2&nbsp;&nbsp;&nbsp;&nbsp;&nbsp;&nbsp;&nbsp; «Лофт» рестораны, Қызылорда
3&nbsp;&nbsp;&nbsp;&nbsp;&nbsp;&nbsp;&nbsp; «Тондемун» кафесі, Қызылорда
4&nbsp;&nbsp;&nbsp;&nbsp;&nbsp;&nbsp;&nbsp; «Асон» кафесі, Қызылорда
5&nbsp;&nbsp;&nbsp;&nbsp;&nbsp;&nbsp;&nbsp; «Керемет», Қызылорда
6&nbsp;&nbsp;&nbsp;&nbsp;&nbsp;&nbsp;&nbsp; «Кимчи» кафесі,Қызылорда
7&nbsp;&nbsp;&nbsp;&nbsp;&nbsp;&nbsp;&nbsp; «Buffet city» кафесі, Қызылорда
8&nbsp;&nbsp;&nbsp;&nbsp;&nbsp;&nbsp;&nbsp; «Пусан» кафесі, Қызылорда
9&nbsp;&nbsp;&nbsp;&nbsp;&nbsp;&nbsp;&nbsp; «Sulpak» дүкені, Қызылорда
10&nbsp;&nbsp;&nbsp;&nbsp;&nbsp; ЖК «Асылбек», Қызылорда
11&nbsp;&nbsp;&nbsp;&nbsp;&nbsp; Лаундж бар «Хуго Бар», Қызылорда
12&nbsp;&nbsp;&nbsp;&nbsp;&nbsp; «Fashion bar», Қызылорда
13&nbsp;&nbsp;&nbsp;&nbsp;&nbsp; «SONATA» кафесі, Қызылорда
14&nbsp;&nbsp;&nbsp;&nbsp;&nbsp; «Арафат» кафесі, Қызылорда
15&nbsp;&nbsp;&nbsp;&nbsp; «SONATA» кафесі, Қызылорда
16&nbsp;&nbsp;&nbsp;&nbsp;&nbsp; ЖК «Назарбаева Л.К», Қызылорда
17&nbsp;&nbsp;&nbsp;&nbsp;&nbsp; ЖК «Фишка», Қызылорда
18&nbsp;&nbsp;&nbsp;&nbsp;&nbsp; «KPTM» ЖШС, Қызылорда
19&nbsp;&nbsp;&nbsp;&nbsp;&nbsp; «ТРЦ «ЧАС» КИНОЦЕНТР «ЖИБЕК ЖОЛЫ» ЖШС, Қызылорда
20&nbsp;&nbsp;&nbsp;&nbsp;&nbsp; «Cairo»,Қызылорда
21&nbsp;&nbsp;&nbsp;&nbsp;&nbsp; ЖК «Арысбаев»,Шиелі ауданы
22&nbsp;&nbsp;&nbsp;&nbsp;&nbsp; «MONACO» рестораны, Қызылорда
23&nbsp;&nbsp;&nbsp;&nbsp;&nbsp; «Альбион» кафесі, Қызылорда
24&nbsp;&nbsp;&nbsp;&nbsp;&nbsp; «Мой Дом»,Қызылорда
25&nbsp;&nbsp;&nbsp;&nbsp;&nbsp; «ДОЙТ» кафесі, Қызылорда
26&nbsp;&nbsp;&nbsp;&nbsp;&nbsp; РЦ «FLY», Шиелі ауданы
27&nbsp;&nbsp;&nbsp;&nbsp;&nbsp; «Фанки Таун Кызылорда» ЖШС,Қызылорда
28&nbsp;&nbsp;&nbsp;&nbsp;&nbsp; «Кызылординский университет Болашак» ЖШС, Қызылорда
29&nbsp;&nbsp;&nbsp;&nbsp;&nbsp; «Арай Сити Молл» СҮ, Қызылорда
30&nbsp;&nbsp;&nbsp;&nbsp;&nbsp; «Қайсар» фуибол клубы» ЖШС, Қызылорда
31&nbsp;&nbsp;&nbsp;&nbsp;&nbsp; «КЗО Вега» ЖШС, МС Сымбат, Қызылорда
32&nbsp;&nbsp;&nbsp;&nbsp;&nbsp; «Mm BURGER», Қармақшы ауданы.
Ал ASHYQ-қа қатысты қандай да бір сауалдарыңыз болса Қызылорда облысы кәсіпкерлер палатасының мамандары кеңес беруге әзір.
Жауапты мамандар:
Қызылорда қаласы бойынша Гүлнұр Құрмантаева. Тел.: +7 771 479 7582, +7 771 544 8527;
Арал ауданы бойынша Нұрлан Махашов. Тел.: +7 778 480 77 87;
Қазалы ауданы бойынша Ахан Рашев. Тел.: +7 778 912 76 92;
Қармақшы ауданы бойынша Қуаныш Аяпов. Тел.: +7 777 333 0603;
Байқоңыр қаласы бойынша Әсет Мереков. Тел.: +7 771 703 87 40;
Жалағаш ауданы бойынша Асылхан Балмаханов. Тел.: +7 747 282 56 88, +7 705 850 18 62;
Сырдария ауданы бойынша Олжас Дүйсенов. Тел.: +7 777 878 87 86;
Шиелі ауданы бойынша Олжас Жылқыбаев. Тел.: +7 777 513 97 77;
Жаңақорған ауданы бойынша Нұрмахан Әлімбетов. Тел.: +7 778 249 88 88.

Қызылорда облысында 3771 нысан Ashyq жобасы аясында жұмыс істеуде

<a href="https://kyzylorda-news.kz/ru/obshestvo/">Kyzylorda-news.kz</a>. «Тұлпар мініп, ту алған!»: Жаңақорған ауданы бойынша жеңімпаздар анықталды.
«Ордакент» ардагерлер, жастар ресурстық орталығында өткен байқауда Жаңақорған ауданы мектептері бойынша 120-дан астам оқушы бақ сынады.
Жобаның мақсаты –&nbsp; оқушылар арасында кітап оқуды, оның ішінде қазақ халқының батырлық эпостарын насихаттау, өскелең ұрпақтың шығармашылық және зияткерлік қабілетін дамытуға жағдай жасау, оқушыларды халық поэзиясына, асыл мұраға деген сүйіспеншілікке және патриотизмге тәрбиелеу, намысшылдық, қайсарлық қасиеттерге баулу, қазақ тілі мен әдебиеті пәні мұғалімдерінің беделін көтеру.
Іс-шараның ашылуында сөз сөйлеген Жаңақорған аудандық мәслихатының «Nur Otan» партиясы фракция жетекшісі Әсемкүл Тілеубергенова байқаудың маңыздылығына тоқталды.
<blockquote>
 – Жобаның мақсаты – қазақ ауыз әдебиетінің алтын өзегі батырлар жырын жастар арасында дәріптеу, өскелең ұрпақтың ұлттық рухын көтеріп, жігерін жану. Елдік пен ерлік, әділдік пен шыншылдық, батырлық пен жанашырлық секілді асыл қасиеттерді жастардың бойына дарыту. Бұл ретте «Едіге» халықтың жүрегіне жақын жыр. Оның бірден бір себебі, жырдың тілінің көркем, туындының шеберлігіне байланысты емес, түркі халықтарының есінде өшпестей орын алған тарихи оқиғаларға қатысты. Қазіргі күні «Едіге» жырының оңтүстіктегі түрікмен, өзбек елдерінен бастап, Сібір татарларына дейінгі түркілер арасында барлығы, алыс-жақындағы елдер Түркия мен Румыния жерлеріндегі түркілерде сақталғаны айқын болып отыр, – деді ол.
</blockquote>
Сондай-ақ, «Qazaq Epos» қоғамдық қорының өкілі, әлеуметтанушы Нұрсұлтан Қаражан талапкерлерге сәттілік тіледі.
Байқауға Жаңақорған аудандық мәслихатының «Nur Otan» партиясы фракция жетекшісі Әсемкүл Тілеубергенова, «Qazaq Epos» қоғамдық қорының өкілі Нұрсұлтан Қаражан, Жаңақорған аудадық білім бөлімі тәрбие ісі жөніндегі бас инспекторы Мира Жандарбекова, аудандық мәдениет бөлімінің басшысы Нұрымжан Бұлдырықов, Жаңақорған ауданы әкімінің кеңесшісі Қаныбек Әбдуов, айтыскер ақын Әбілқайыр Сыздықов және Жаңақорған аграрлы-техникалық колледжі директоры Жомарт Шауенов қазылық етті.
Байқаудың қорытындысы бойынша, қазылар шешімімен, Жаңақорған ауданы бойынша келесі оқушылар жеңімпаз атанды:
1 орын(150 мың теңге) – №247 орта мектептің&nbsp; 8-сынып оқушысы Кәусар Есіркеп, дайындаған мұғалімі Қалдықыз Нұртазаева; 
2 орын(100 мың теңге) – №125 мектептің&nbsp; 9-сынып оқушысы Әсел Ыбырайхан, дайындаған мұғалімі Сымбат Алшынбекова; 
3 орын(50 мың теңге) – №193&nbsp; мектептің 9-сынып оқушысы Жансая Сәрсенбайқызы, дайындаған мұғалімі Тұрғанай Дүйсенова.
Байқау жеңімпаздарын Жаңақорған ауданы әкімінің кеңесшісі Қаныбек Әбдуов құттықтап, жүлделерін табыстады. 
Барлық қатысушылар дипломдармен марапатталып, үздік үштіктен көрінген қатысушылар байқаудың облыстық кезеңіне жолдама алды.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда.

Қазақстан және Қызылорда облысының жаңалықтары: Қоғам

Қызылордада Еуропалық үлгідегі GASENERGY жанармай құю бекеті ашылды

«Тұлпар мініп, ту алған!»: Сырдария ауданы бойынша жеңімпаздар анықталды

«Мейірімді қала – Қызылорда» атты акция өтті

«Менеджерге» сенген қызылордалық автокөліктерінен айырылып қалды

Қызылордада алаяқтық азаймай тұр

Республикада Қызылорда облысы вакцинациялау көрсеткіші бойынша алғашқы бестікте

27 қазанға арналған ауа райы болжамы

«Геопортал» жүйесі арқылы экологиялық бақылау шаралары күшейтілді

Қызылордада әлеуметтік қызметкерлер сынға түсті

«Мемлекеттен қаржы бөлінбейді»: Жалағашта білім бөлімі балабақшаны жаппақ болды

Қызылорда облысында 3771 нысан Ashyq жобасы аясында жұмыс істеуде

«Тұлпар мініп, ту алған!» байқауының Жаңақорған аудандық кезеңі аяқталды

Қазақстан және Қызылорда облысының жаңалықтары: Қоғам

Қызылордада Еуропалық үлгідегі GASENERGY жанармай құю бекеті ашылды

«Тұлпар мініп, ту алған!»: Сырдария ауданы бойынша жеңімпаздар анықталды

«Мейірімді қала &#8211; Қызылорда» атты акция өтті

«Менеджерге» сенген қызылордалық автокөліктерінен айырылып қалды

Қызылордада алаяқтық азаймай тұр

Республикада Қызылорда облысы вакцинациялау көрсеткіші бойынша алғашқы бестікте

27 қазанға арналған ауа райы болжамы

«Геопортал» жүйесі арқылы экологиялық бақылау шаралары күшейтілді

Қызылордада әлеуметтік қызметкерлер сынға түсті

«Мемлекеттен қаржы бөлінбейді»: Жалағашта білім бөлімі балабақшаны жаппақ болды

Қызылорда облысында 3771 нысан Ashyq жобасы аясында жұмыс істеуде

«Тұлпар мініп, ту алған!» байқауының Жаңақорған аудандық кезеңі аяқталды

«Мейірімді қала – Қызылорда» атты акция өтті