<a href="https://kyzylorda-news.kz/ru/obshestvo/">Kyzylorda-news.kz</a>. Қазгидромет 28 қазанда болатын ерекше метеорологиялық құбылыстарға болжамын жариялады.
Республикамыздың басым бөлігі жоғары қысым алқабып әсерінде болуына байланысты, көбіне жауын-шашынсыз ауа-райы күтіледі, тек еліміздің оңтүстігінде, оңтүстік-шығыс және шығысынада фронтальды бөліктердің өтуіне байланысты, жауын-шашын, таулы аудандарда қатты жауын-шашын (жаңбыр, қар) жауады.

Бейсенбіге арналған ауа райы болжамы

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1699 адамда коронавирус індеті ПТР арқылы расталды, деп хабарлады денсаулық министрлігі.
Бір күн бұрын 1 551 адам COVID жұқтырған болатын.
Аймақтар бойынша:
<ul>
<li>Нұр-Сұлтан қаласы – 132,</li>
<li>Алматы қаласы – 230,</li>
<li>Шымкент қаласы – 38,</li>
<li>Ақмола облысы – 121,</li>
<li>Ақтөбе облысы – 45,</li>
<li>Алматы облысы – 88,</li>
<li>Атырау облысы – 30,</li>
<li>Шығыс Қазақстан облысы – 90,</li>
<li>Жамбыл облысы – 26,</li>
<li>Батыс Қазақстан облысы – 47,</li>
<li>Қарағанды облысы – 152,</li>
<li>Қостанай облысы – 110,</li>
<li>Қызылорда облысы – 34,</li>
<li>Маңғыстау облысы – 7,</li>
<li>Павлодар облысы – 223,</li>
<li>Солтүстік Қазақстан облысы – 147,</li>
<li>Түркістан облысы – 31.</li>
</ul>
Жалпы ел бойынша ауырғандар саны – 934 387.

Қызылордада 34 адам коронавирусқа шалдыққан

Kyzylorda-news.kz. «Nur Otan» партиясы Қызылорда облыстық филиалының партиялық бақылау комиссиясы мен жауапты басқарма өкілдері Қазалы ауданында болып, партияның «Өзгерістер жолы: Әр азаматқа лайықты өмір» атты Сайлауалды бағдарламаларын жүзеге асыруға арналған Қызылорда облыстық және Қазалы аудандық Жол карталарында 2022 – 2023 жылдары орындалуы жоспарланған «Қазалы – Қожабақы – Бозкөл – Кәукей» автомобиль жолының Қарлан учаскесінен Сырдария өзені арқылы өтетін көпірдің құрылысына зерделеу жұмыстарын жүргізді.
<blockquote>
 «Жалпы құны – 4,4 млрд теңге тұратын көпір құрылысының ұзақтығы 17 айға жоспарлануда. Салынатын өткелдің жалпы ұзындығы 2,5 км болса, темірбетон көпірінің ұзындығы – 248 метр. Автокөліктердің қозғалыс жолағының саны 2 дана, жалпы ені – 13 метр. Сондай-ақ, жаяу жүргіншілер жолы мен жарық шамдар да орнатылатын болады.»-деді аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Мұрат Әбсұлтанов.
</blockquote>
Зерделеу жұмыстары кезінде партиялық бақылау комиссиясының өкілдері Әйтеке би кенті мен Қазалы қаласы және 8 елді-мекенді байланыстыратын бұл көпір құрылысы сапалы аяқталып ел игілігіне берілсе қауіпсіз және тұрақты көлік қатынасы мен қатар медицина қолжетімділік оң әсерін беретін айтты.
<img src="https://kyzylorda-news.kz/wp-content/uploads/2021/10/fb_img_1635332420279.jpg" alt="" />

Қазалыдағы көпір құрылысы партия бақылауында

&nbsp;<a href="https://kyzylorda-news.kz/ru/obshestvo/">Kyzylorda-news.kz</a>. Барыс — қоян жылынан бұрын, сиыр жылынан кейін кіретін жыл. Қазақтың жыл санауы бойынша 2022 жылы барыс жылы кіреді. Әр жылдың өзіне тән мінезі, ерекшелігі бар, деп жазады <a href="https://sputnik.kz/spravka/20211027/18512719/Barys-jyly-2022-jyl.html">Sputnik Қазақстан.</a>
<h3 id="">Жыл қайыру</h3>
Қазақта жыл қайыру, яғни санау он екі жылдан тұрады. Он екі жылды ата-бабамыз бір мүшел деп білген. Бір мүшелдің жылдары он екі түрлі аң мен жануардың атымен аталған.
Бірінші – тышқан жылы, екінші – сиыр, үшінші – барыс, төртінші – &nbsp;қоян, бесінші – ұлу, алтыншы – жылан, жетінші – жылқы, сегізінші – қой, тоғызыншы – мешін, оныншы – тауық, он бірінші – ит, он екінші – доңыз жылы.
Әр мүшел аяқталып, екіншісі басталғанда, он үшінші жыл тағы да тышқаннан саналып, есеп қайта ашылады. Бірінші мүшел – 13 жас, содан кейін он екі жылдан қосыла береді.
Ел арасында тараған аңыз-әңгімеге сүйенсек, жылдың басы тышқан аталатын себебі – тышқан бойы барлығынан ұзын түйенің құлағына шығып кетіп, жылды ең бірінші болып көріпті. Ал түйе бойына сеніп жылдан құр қалып, қалғандары жақындап келе жатқан жылды көру ретімен жыл аттарын иемденіпті-міс.
Тағы бір аңызда “Шығыс күнтізбесіндегі жыл қайыру аспан асты Түрік елінің ең бірінші ханы Қисаға-Тәңірдің кең көлемдегі аң аулау кезінде барлық аңдар қашып, судан жүзіп өтіп құтылуды ойлапты. Содан Іле өзенінен төмендегі тәртіппен жүзіп өтіпті.&nbsp; Бірінші болып суға тышқан, оның артынан сиыр, барыс, қоян, ұлу, жылан, жылқы, қой, мешін, тауық, ит, ең соңынан доңыз жүзіп өтіпті. Осы рет саны шығыс күнтізбесінде күні бүгінге дейін сақталып қалған” деп айтылады.
<h3 id="-1">Барыс жылы қандай болады?</h3>
Барыс – сиыр жылынан кейін, қоян жылынан бұрын кіретін мүшел есебінің үшінші жылы. Орталық Азия халықтарының күнтізбелерінде қолданылады. Оңтүстік-Шығыс&nbsp;Азия елдерінде Барыс жылын жолбарыс жылы деп те атайды.
Барыс сақтардың ұғымында қасиетті аң болған. Қазақ халқының жорамалдарында Барыс жылы күрделі бетбұрыстар алдындағы тыныштық жылы деп саналған.
Барыс жылы туғандардың табиғи белгісі – ағаш. Барыс жылғылар өте мықты, қажырлы, шынайы, жомарт болып келеді. Жаман қасиеті: тынымсыз, өз басын ойлап қалған өзімшілдеу.
Барыс жылы қиындық пен қуанышқа, ауыртпалық пен жақсылыққа толы жыл. Дегенмен, бұрындары тарихта барыс жылына қатысты елеулі оқиғалар болмаған. Сол себепті барыс жылын қазақтар жайсыз жыл деп санамайды. Мұхаммед пайғамбар (с.ғ.с) барыс жылы туып, ұлу жылы қайтыс болған. 1986 жылы Желтоқсан оқиғасы барыс жылымен тұспа-тұс келді. Мұстафа Шоқай барыс жылы дүниеге келіп, жылан жылы өмірден өтті.
Ғұлама шипагер Өтейбойдақ Тілеуқабылұлы он бесінші ғасырда жазған “Шипагерлік баян” кітабында жыл атауларына көңіл бөлген:
Сумақы — тышқан. Маңғаз — сиыр. Айбар — барыс. Секем — қоян. Сумаң — жылан. Тұлпар — жылқы. Иіртек — ұлу. Шопан — қой. Мешін — мешін. Айтақ — ит. Шақырауық — тауық. Қорысқы — доңыз.
Сондай-ақ ол кітапта жыл белгілерінің ерекшеліктеріне қарай адам мінезін сипаттайды:
“Айбар (барыс). Тектелгі бұл мүшел жылда бардам мен жарлыны айырмайтын, обал-сауапты білмейтін, қатігез, қаражүрек, басынан сөз асырмайтын, асырғысы да келмейтін, торуылы көп, басқаларға тізесін батырмаса, ұйқысы келмейтін, жауына бөзек болғанша, өлгенді жақсы көретін, өзінен басқа адам пендесін көзге ілмейтін, өзін күшті, алып, шақ келтірмес, теңдессіз, шендессіз саналғылықты. Басқаны әлжуаз, арғыжық қисапталғылық. Дүниенің тірегі мен ғана болсам дейтін қараниеті қағыныңқы, ержүрек, қайтпас, батыл, түпсіз құлқынды, “тістейін, жұлынса кетсін”, дейтін өкше ізге түскіш, кекшіл, ұстамдыларлық құлақтағылар елеулілік көзге түспекті”.

Жаңа 2022 жыл қандай болады?

&nbsp;<a href="https://kyzylorda-news.kz/ru/obshestvo/">Kyzylorda-news.kz</a>. Бүгін Қазақстанда шетелдегі қазақтілді бұқаралық ақпарат құралдарының басын біріктірген ассоциация құрылды. Аталған қоғамның ұйымның төрағасы болып ҚР Парламенті Сенатының депутаты, қоғам қайраткері Нұртөре Жүсіп тағайындалды, деп хабарлайды ҚазАқпарат.
<blockquote>
 «Сырттағы қандастарымыздың ауызбіршілгінің берік болуына «Отандастар» қорының қосып жатқан үлесі зор. Бүгінгі қауымдастықтың құрылуы – соның дәлелі. Бұл бастаманы ертерек қолға алу керек еді, дегенмен игі істің ерте-кеші жоқ. Жаңа шетелдегі бауырларымызды тыңдап, ар жақта болса да отанға деген іңкәрлігін сезіп отырмыз. Алдағы уақытта жаңадан құрылып отырған шетелдегі қазақтілді БАҚ қауымдастығының жұмысының ілгерілеуіне бәріміз бірауыздан атсалыссақ деймін. Мысалы, көрші Ресейде қазақша БАҚ-тар өте белсенді жұмыс істейді. Олар жыл сайын Сочи және басқа да қалаларда бас қосып, өзара тәжірибе алмасып жатады. Түрлі форум, жиындар өткізіп тұрады. Ол жерде қандастарымыз өз мәселелерін ортаға салып, соның шешімін іздейді. Осы бағыттағы жұмысты басқа елдерде де дамыту қажет. Алда бізді біраз шаруа күтіп тұр, бастамамыз сәтімен болсын» , – деді Нұртөре Жүсіп.
</blockquote>

Нұртөре Жүсіп шетелдегі қазақтілді БАҚ қауымдастығының төрағасы болып тағайындалды

<a href="https://kyzylorda-news.kz/">Kyzylorda-news.kz.</a> Өмірді көрген өнегелі қарттардан жастардың үйренері көп. Халық арасында татулық пен бірлікті сақтап, ел экономикасының дамуына өлшеусіз үлес қосқан қазыналы қарияларға қандай құрмет көрсетілсе де артық емес.
«Nur Otan» партиясы сайлауалды бағдарламасының «Аға ұрпаққа қамқорлық» бағытының мақсаты да сол болатын. Ел тәуелсіздігінің тамыры тереңге жайылып, әлем елдері алдында беделді ұлт болып қалыптасуы жолында жастық жігері мен еңбек жолын арнаған ардақтыларымызды құрметтеу – біздің ортақ міндетіміз. Оларға қолдау көрсету партия назарынан тыс қалмайды.
Партия «Ардагерлерді ардақтайық» жобасы аясында еліміздегі қарт адамдардың өмір сүру жағдайын жақсарту үшін қолға алынған шараларға бастамашыл болды. Бүгінде әлеуметтік-медициналық мекемелерде Ұлы Отан соғысының ардагерлері мен зейнеткерлерге жоғары технологиялық медициналық көмек көрсетіліп келеді. Сонымен қатар жыл сайын зейнетақының базалық мөлшері көбейіп, оны зейнеткерлерге тағайындау жөніндегі барлық рәсімдер проактивті форматқа көшірілді. Барлық жалғыз басты және аса мұқтаж қарт азаматтарға атаулы көмек көрсетіледі. Аталған жоба аясында облыстық партия филиалы аймақ ардагерлерімен тұрақты кездесіп, олардың ұсыныстарын жүзеге асыру үшін тиісті жұмыстар уақытылы атқарылады. Мұндай шаралардан облыстық мәслихаттың депутаттары да қалыс қалмайды.
Елбасы Нұрсұлтан Назарбаев «Nur Otan» партиясы саяси кеңесінің кеңейтілген отырысында «Елдіктің жеті тұғыры» атты қағидалар жиынтығын ұсынды. Жаңа дәуірдегі қазақстандықтарға бағдар болатын қағидаттар жиынтығында «Қай кезеңде де біз үлкенге – құрмет, кішіге – ізет көрсетуді дәріптейтін ата дәстүрімізді берік ұстануымыз қажет» деген Елбасы салт-дәстүріміз ұмытылса ел болып қалуымыз екіталай екенін баса айтты. Бұл еліміздің ертеңгі келбеті отбасынан бастау алады деген сөз. Әрбіріміздің шаңырағымызда тәрбиеленіп жатқан жас ұрпақтың санасына үлкенді құрметтеу, аға буынға қамқорлық таныту сынды салт-дәстүріміз бен мәдениетімізді сіңіруіміз керек.
Аманжол ОҢҒАРБАЕВ,
Қызылорда облыстық мәслихат депутаты, 
«Nur Otan» партиясының мүшесі

Партия бастамасы: Игі дәстүр жалғасын таба бермек

<a href="https://kyzylorda-news.kz/ru/obshestvo/">Kyzylorda-news.kz</a>. Бірыңғай жинақтаушы зейнетақы қоры жеке куәлігін ұмытып кеткен адамдарға да қызмет көрсетілетінін хабарлады. Ол үшін құжаттың электронды нұсқасы болса жеткілікті.
<blockquote>
 “Ондай мүмкіндік тек Қазақстан азаматтарына және БЖЗҚ кеңсесіне тікелей өздері келгенде ғана беріледі. Ол үшін смартфондағы еGovMobile қосымшасында жеке кәуліктің цифрлық нұсқасы көрсету керек”, – дейді қор мамандары.
</blockquote>
Электронды құжатпен бірнеше қызмет алуға болады. Олар:
жеке зейнетақы шотынан үзінді көшірме алу;
қосымша деректемелерге өзгерістер және/немесе толықтырулар енгізу;
зейнетақы жинақтарының жай-күйі туралы хабарлау тәсілін өзгерту (айқындау).
Мысалы, БЖЗҚ кеңсесіне келген салымшы жеке куәлігін үйде ұмытып кетсе, қор маманына eGovMobile мобильді қосымшасындағы жеке кабинетте бірегей цифрлық кодты хабарлайды. Кейін жеке құжатын электрондық форматта қарауға рұқсат бере алады.
<blockquote>
 “Ескере кететін жәйт, жеке басты куәландыратын құжат жарамсыз болса, онда eGovMobile мобильді қосымшасында құжаттың электрондық нұсқасы шықпайды”, – дейді мамандар.
</blockquote>
Ал тиісті нормативтік құқықтық актілерге өзгерістер енгізілгеннен кейін тағы бірқатар қызметті электронды құжатпен алуға мүмкіндік болады. Олар:
<ul>
<li>зейнетақы төлемдерін тағайындау;</li>
<li>зейнетақы жинақтарын сақтандыру ұйымдарына аудару;</li>
<li>инвестициялық портфельді басқарушыны таңдау.</li>
</ul>

Зейнетақы қоры қызмет көрсетуге қатысты хабарландыру жасады

Kyzylorda-news.kz. Биыл облыста жылу беру маусымы уақытылы басталды. Қазіргі таңда 1063 әлеуметтік нысан жылумен қамтылған. Атап айтсақ, білім беру ұйымдары 99 пайызға, денсаулық сақтау нысандары мен басқа да әлеуметтік мекемелер толық 100 пайыз жылуға қосылды.
Бұл жөнінде Өңірлік коммуникациялар қызметінде өткен брифингте облыстық энергетика және тұрғын үй-коммуналдық шаруашылық басқармасының басшысы Ерлан Жаңабаев мәлімдеді.
<blockquote>
 «Облыс көлемінде орталықтандырылған жылу жүйесіне қосылған 816 көпқабатты тұрғын үйдің 99 пайызы яғни 814-і жылуға қосылды.Бүгінде өңірдегі тіршілікті қамтамасыз етуші кәсіпорындар штаттық режимде жұмыс істеуде. Аймақтағы отын қоры туралы айтатын болсақ, жылдық жоспар бойынша әлеуметтік нысандарға 33,3 мың тонна көмір қажет болса соның 32,1 мың тоннасы жеткізілді. Ал тұрғындарға 93 пайыз қажетті көмір қоры әкелінді. Облыстағы көмір қоймаларында 3,2 мың тонна көмір қоры бар. Дегенмен тұрғындар арасында көмірге кезектің көп болу жағдайы жиі орын алуда. Оның себебі қаладағы 5 көмір қоймасы бар болса, қазір соның екеуі ғана жұмыс істеп тұр. Бірақ күнделікті 20-30 вагон көмір жеткізілуде»,- деді басқарма басшысы Ерлан Мақсотұлы.
</blockquote>
Баспасөз конференциясында “Қызылорда жылу электр орталығы” кәсіпорнының директоры Наурыз Сатханов жылу беру маусымындағы атқарылып жатқан тиісті шараларды баяндап өтті.
<blockquote>
 «Қазіргі таңда жылумен қамтамасыз ету мақсатында негізгі қондырғылар штаттық режимде жұмыс істеуде. Негізгі және қосалқы қондырғылар 100 пайызға дайын. Жылудағы температуралық режим сыртқы ауаның қысымына сәйкес тұрақты беріліп жатыр. Айта кететін жәйт, көпқабатты тұрғын үйлердің ішіндегі жылу қондырғыларында ақаулар болғандықтан тиісті шаралар жүргізілуде»,- деді Наурыз Асанханұлы.
</blockquote>

Қызылордаға қажетті көмір қорының 93 пайызы әкелінді

Kyzylorda-news.kz. Қызылордада GASENERGY желісінің жанармай құю кешені ашылды, деп хабарлайды Atameken Business.
&nbsp; Нысан қаладағы өзге станциялардан заманауи сәулет үлгісі, бонустық жеңілдіктері және айлық қуаты 1 млн тоннаға тең келетін отынымен ерекшеленеді. Әрі жанар-жағармайдың барлық түрі бойынша жоғары сұрыптармен қамтамасыз етілген. Ал&nbsp;ауыр жүк көліктерінің иелері үшін арнайы “Дизель Опти” отыны ұсынылған. Жолаушылар үшін көлік жуу, кофехана мен шағын дүкен қызметін пайдалану мүмкіндіктері де бар.

Қызылордада Еуропалық үлгідегі GASENERGY жанармай құю бекеті ашылды

Kyzylorda-news.kz. «Тұлпар мініп, ту алған!» байқауының Сырдария аудандық кезеңі мәресіне жетті. Тереңөзек кентіндегі аудандық мәдениет үйінде өткен байқауда аудан мектептері бойынша 50-ден астам оқушы «Едіге батыр» жырын жатқа айтудан жарысып, бақ сынады.
Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасы және «Дарын» қосымша білім беру орталығымен бірлесе отырып ұйымдастыруда.
Байқаудың ашылу салтанатында «Nur Otan» партиясы Сырдария аудандық филиалы төрағасының бірінші орынбасары Еркебұлан Жақып сөз сөйлеп, байқаудың маңыздылығына тоқталып, «Едіге батыр» жыры туралы тың тарихи деректер келтірді.
<blockquote>
 – Жырдың өн бойында Едігенің батырлығынан гөрі ақыл-парасаты кеңінен суреттеледі. Едіге мен Тоқтамыс, Әмір Темірдің заманын, негізінен олардың өзара қатынасын жыр еткен ауыз әдебиетінің көне мұрасы «Ер Едігенің» танымдық қасиетін, шыншылдық беделін толық бағалау үшін бүгінгі күннің де, келешек күндердің де зерттеушілері назар аударарлықтай құндылыққа ие, – деді Еркебұлан Жақып.
</blockquote>
Сондай-ақ, «Дарын» қосымша білім беру орталығының директоры Айжан Қиянбекова талапкерлерге сәттілік тіледі.
<blockquote>
 – Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын. Байқау өңірімізде де жоғары деңгейде өткізіліп жатыр. Облыста 25 қазаннан басталған байқаудың бүгінгі Сырдария аудандық кезеңіне 53 оқушы қатысуда. Барлығыңызға сәттілік тілейміз, – деді ол.
</blockquote>
Байқауға «Nur Otan» партиясы Сырдария аудандық филиалы төрағасының бірінші орынбасары Еркебұлан Жақып, аудандық білім бөлімінің басшысы Берік Жәнібеков, №137 мектеп-лицей директоры Бағдат Есназар, аудандық «Тіршілік тынысы» газетінің бас редакторы Ақтөре Ибрагим, «Qazaq Epos» қоғамдық қорының өкілі Нұрсұлтан Қаражан қазылық етті.
Аудан мектептері бойынша жырға жаны құмар оқушылар «Едіге батыр» жырын жатқа, мәнерлеп, нақышына келтіре айтып шықты. Сайыста оқушылардың жырды жатқа айтқа айту барысында кідірмей, мүдірмей оқуы, жырды толық жаттауы ескерілді.
Нәтижесінде, қазылар шешімімен Сырдария ауданы бойынша келесі оқушылар жеңімпаз атанды: 
1 орын(150 мың теңге) – №137 орта мектептің 9-сынып оқушысы Жәмила Әбсаттар, дайындаған мұғалімі Асылзат Тұрсынбаева; 
2 орын(100 мың теңге) – №130 мектептің 8-сынып оқушысы Сағындық Балғабайұлы, дайындаған мұғалімі Роза Қараева; 
3 орын(50 мың теңге) – №135 мектептің 7-сынып оқушысы Жанбике Асхатқызы, дайындаған мұғалімі Гүлнар Тәжімұратова.
Байқау жеңімпаздарын «Qazaq epos» қорының Қызылорда облысы бойынша өкілі Дәурен Сейітжанұлы құттықтады.
<blockquote>
 – Қай елдің баласы тұлпарымен ту алады? Әлбетте, Тәуелсіз елдің баласы! «Рухани жаңғыру» бағдарламасының негізгі мәні – ата-бабамыздан бізге талықсып, талмаусырап әрең жеткен Тәуелсіздікті баянды ету. Бүгін жеткіншектеріміз арасында өткізілген байқау да Қазақ елінің тәуелсіздігін мәңгілік етуді мақсат еткен жоба, – деді ол.
</blockquote>
Жеңімпаздарға жүлделерін «Nur Otan» партиясы Сырдария аудандық филиалы төрағасының бірінші орынбасары Еркебұлан Жақып табыстады. Барлық қатысушылар дипломдармен марапатталып, үздік үштіктен көрінген қатысушылар байқаудың облыстық кезеңіне жолдама алды.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Жобаның мақсаты – оқушылар арасында кітап оқуды, оның ішінде қазақ халқының батырлық эпостарын насихаттау, өскелең ұрпақтың шығармашылық және зияткерлік қабілетін дамытуға жағдай жасау, оқушыларды халық поэзиясына, асыл мұраға деген сүйіспеншілікке және патриотизмге тәрбиелеу, намысшылдық, қайсарлық қасиеттерге баулу, қазақ тілі мен әдебиеті пәні мұғалімдерінің беделін көтеру.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда.

«Тұлпар мініп, ту алған!»: Сырдария ауданы бойынша жеңімпаздар анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін қала әкімі Ғанибек Қазантаев қала күні мерекесіне арналған қайырымдылық шарасына қатысты. Шаһар басшысы орталық «Ақмешіт-Сырдария» мешітінің алдында өткен «Мейірімді қала – Қызылорда» атты акцияға қолдау танытқан барша мейірімді жандарды, жәрдем ұсынған жомарт жүректі азаматтарды сүйікті қаламыздың төл мерекесімен құттықтап, алғысын білдірді.
<blockquote>
 «Өздеріңізге белгілі, қазір әлемдік деңгейдегі пандемиялық ахуалдың дауылы Ұлы дала еліне де әсер етті. Біз ауыртпашылығы мол, қанағат пен сабырға сенер кезеңге тап болдық. Сондықтан той тойлап, думандататын сәттерден уақытша арыла тұрып, болашағымызды бағдарлауға табанды еңбек етуіміз керек. Осы ретте, қала күнінде ұйымдастырылатын жылдағы шараларды қысқартып, отшашу мен концерттерге шектеу енгізіп, қайырымдылық ісіне мән бергенді жөн санадық» деп, сөзін түйіндеді Ғанибек Қонысбекұлы.
</blockquote>
«Мейірімді қала -Қызылорда» атты қайырымдылық шарасында тұрмыс-тіршілігі төмен 200 отбасыға көмір отыны, 1500 отбасыға азық-түлік қоржындары таратылды.
<img src="https://kyzylorda-news.kz/wp-content/uploads/2021/10/249378186_2949533081980097_3200000797533606865_n.jpg" alt="" />
<img src="https://kyzylorda-news.kz/wp-content/uploads/2021/10/249278512_2949532915313447_5571475122161958618_n.jpg" alt="" />
<img src="https://kyzylorda-news.kz/wp-content/uploads/2021/10/249429156_2949533408646731_6245606014707506982_n.jpg" alt="" />

«Мейірімді қала &#8211; Қызылорда» атты акция өтті

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласында алаяқ «Тойота» орталығында менеджер болып жұмыс істейтінін айтып тұрғындардың сенімге кірген. Орталық арқылы автокөліктерін сатып беруге уәде етіп, &nbsp;«Tоyota Higlander» және «Tоyota camry 70» үлгісіндегі автокөліктерді иемденіп алған. Осылайша алаяқ&nbsp; қала тұрғынын алдап жүріп, автокөлігін сатып жіберген.
Қала тұрғыны алаяқтың құрбаны болғанын біліп, Қызылорда қалалық Полиция басқармасына жүгінген. Жәбірленушіге 27 миллион 600 мың теңге соммасында шығын келді. &nbsp;
«Осы оқиғаға байланысты полиция қызметкерлерінен тергеу тобы құрылып, істің ақ-қарасын ажыратуға кірісті. Нәтижесінде осы жайтқа қатысты 27 жастағы жергілікті тұрғын ұсталды. Қазіргі таңда күдікті азаматтың бұрын соңды алаяқтық іспен айналысқаны дәлелденді», – делінген полиция департаменің хабарламасында. &nbsp;
Аталған дерек бойынша Қазақстан Республикасының 190 бабының 4 бөлігімен (ақпараттық жүйені пайдаланушыны алдау немесе сенімін теріс пайдалану жолымен) бойынша сотқа дейінгі тергеу әрекеттерін жүргізуде.

Қазақстан және Қызылорда облысының жаңалықтары: Қоғам

Бейсенбіге арналған ауа райы болжамы

Қызылордада 34 адам коронавирусқа шалдыққан

Қазалыдағы көпір құрылысы партия бақылауында

Жаңа 2022 жыл қандай болады?

Нұртөре Жүсіп шетелдегі қазақтілді БАҚ қауымдастығының төрағасы болып тағайындалды

Партия бастамасы: Игі дәстүр жалғасын таба бермек

Зейнетақы қоры қызмет көрсетуге қатысты хабарландыру жасады

Қызылордаға қажетті көмір қорының 93 пайызы әкелінді

Қызылордада Еуропалық үлгідегі GASENERGY жанармай құю бекеті ашылды

«Тұлпар мініп, ту алған!»: Сырдария ауданы бойынша жеңімпаздар анықталды

«Мейірімді қала – Қызылорда» атты акция өтті

«Менеджерге» сенген қызылордалық автокөліктерінен айырылып қалды

Қазақстан және Қызылорда облысының жаңалықтары: Қоғам

Бейсенбіге арналған ауа райы болжамы

Қызылордада 34 адам коронавирусқа шалдыққан

Қазалыдағы көпір құрылысы партия бақылауында

Жаңа 2022 жыл қандай болады?

Нұртөре Жүсіп шетелдегі қазақтілді БАҚ қауымдастығының төрағасы болып тағайындалды

Партия бастамасы: Игі дәстүр жалғасын таба бермек

Зейнетақы қоры қызмет көрсетуге қатысты хабарландыру жасады

Қызылордаға қажетті көмір қорының 93 пайызы әкелінді

Қызылордада Еуропалық үлгідегі GASENERGY жанармай құю бекеті ашылды

«Тұлпар мініп, ту алған!»: Сырдария ауданы бойынша жеңімпаздар анықталды

«Мейірімді қала &#8211; Қызылорда» атты акция өтті

«Менеджерге» сенген қызылордалық автокөліктерінен айырылып қалды

«Мейірімді қала – Қызылорда» атты акция өтті