<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1730 адам коронавирус індетінен емделіп шықты, деп хабарлайды coronavirus2020.kz.
Өңірлер бойынша:
Нұр-Сұлтан қаласы – 300,
Алматы қаласы – 175,
Шымкент қаласы – 11,
Ақмола облысы – 122,
Ақтөбе облысы – 18,
Алматы облысы – 157,
Атырау облысы – 62,
Шығыс Қазақстан облысы – 133,
Жамбыл облысы – 11,
Батыс Қазақстан облысы – 206,
Қарағанды облысы – 155,
Қостанай облысы – 10,
Қызылорда облысы – 26,
Маңғыстау облысы – 132,
Павлодар облысы – 141,
Солтүстік Қазақстан облысы – 29,
Түркістан облысы – 42.
Жалпы, пандемия басталғалы елімізде коронавирус 940 612 адамнан анықталса, соның ішінде 887 705 науқас жазылды.

Қызылордада коронавирустан жазылғандар бар

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1395 адамда коронавирус ПТР-талдау арқылы расталды, деп хабарлайды coronavirus2020.kz.
Өңірлер бойынша:
Нұр-Сұлтан қаласы – 151,
Алматы қаласы – 206,
Шымкент қаласы – 9,
Ақмола облысы – 120,
Ақтөбе облысы – 37,
Алматы облысы – 86,
Атырау облысы – 20,
Шығыс Қазақстан облысы – 95,
Жамбыл облысы – 7,
Батыс Қазақстан облысы – 29,
Қарағанды облысы – 138,
Қостанай облысы – 115,
Қызылорда облысы – 26,
Маңғыстау облысы – 2,
Павлодар облысы – 198,
Солтүстік Қазақстан облысы – 143,
Түркістан облысы – 13.
Жалпы, пандемия басталғалы елімізде коронавирус 940 612 адамнан анықталды.

Қызылордада 26 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Дүйсенбіде еліміздің басым бөлігінде ауа райы құбылмалы болады, деп хабарлайды ҚазАқпарат.
1 қарашада фронтальды бөліктердің ықпалына байланысты республиканың басым бөлігінде ауа райы құбылмалы болады, жаңбыр, қар жауады, тек еліміздің батыс және оңтүстік өңірлерінде күн райы ашық болады. Республиканың басым бөлігінде тұман түсіп, жел күшейеді, солтүстікте, шығыста және орталықта көктайғақ болады.
Ақмола облысының солтүстігі мен шығысында жел 15-20 м/с күшейеді, түнде және таңертең тұман түсуі мүмкін.
Солтүстік Қазақстан облысының солтүстігінде, батысында және оңтүстігінде тұман түсіп, көктайғақ болады, жаяу бұрқасын соғуы ықтимал, күндіз 15-20 м/с жел соғады.
Қарағанды облысының батысында, солтүстігінде, шығысында жел 15-20 м/с дейін күшейеді, облыстың батысында көктайғақ болады, жаяу бұрқасын соғуы ықтимал.
Шығыс Қазақстан облысының солтүстігі мен шығысында тұман түсіп, көктайғақ болады, жаяу бұрқасын соғуы мүмкін, күндіз облыстың солтүстік-шығысында жел 15-20 м/с күшейеді.
Жамбыл облысының оңтүстігі мен солтүстік-шығысында жылдамдығы 15-20 м/с жел соғады, түнде және таңертең облыстың солтүстігінде және таулы аудандарда тұман түсуі мүмкін.
Павлодар облысының батысында түнде көктайғақ болады, күндіз облыстың басым бөлігінде жел соғады, жылдамдығы – 15-20 м/с.
Қостанай облыстарының батысында түнде және таңертең тұман түседі, күндіз облыстың шығысында желдің күші 15-20 м/с жетеді.
Ақтөбе облысының солтүстік-шығысында жылдамдығы 15-20 м/с жел соғады.
Алматы облысының солтүстік-шығысында 15-20 м/с жел соғады, таулы аудандарында тұман түседі.
Батыс Қазақстан, Маңғыстау, облыстарының солтүстігінде, Атырау облысының солтүстігінде, батысында және орталығында түнде және таңертең тұман түсуі ықтимал.

1 қарашаға арналған ауа райы болжамы

Kyzylorda-news.kz. Қызылорда облысының әкімі Гүлшара Әбдіхалықова әлеуметтік қорғау жүйесінің қызметкерлерін кәсіби мерекелерімен құттықтады.
Құрметті әріптестер, 
әлеуметтік қорғау жүйесінің ардагерлері!
Баршаңызды кәсіби мерекелеріңізбен шын жүректен құттықтаймын! 
Сіздер зейнеткерлерге қамқорлық, адамзаттан мейірім күткен қамкөңіл жандарға, көп балалы отбасыларға, табысы аз азаматтарға көмек қолын созып келесіздер. Осындай еңбектеріңіздің арқасында өмірде қиын жағдайға душар болған азаматтар еңсесін тіктеуде.
Әлеуметтік қорғау жүйесі – қызметтік жауапкершілік, кәсіби біліктілікпен қатар адами қасиеттерді талап ететін сала. 
Сол себепті, ел Президентінің Жарлығымен қазан айының соңғы жексенбісі әлеуметтік қорғау жүйесі қызметкерлерінің күні болып белгіленген.
Тәуелсіздігіміздің 30 жылдығы ішінде азаматтарды әлеуметтік қорғаудың алғышарттары жасалып, көпсалалық, бірнеше деңгейлік ұлттық моделі құрылды. Соның арқасында халықтың әлеуметтік қамтылуын қамтамасыз етумен бірге қоғамның тұрақтылығын сақтап келеміз.
Елімізді ғана емес, әлемді жайлаған пандемия кезінде әлеуметтік көмектер тұрақты көрсетіліп, мемлекет тарапынан қолдау шаралары ұйымдастырылды. Әлеуметтік қорғау жүйесінің қызметкерлері үздіксіз байланыста болып, халықты жеке сұрақтармен қабылдауды бір мезет те тоқтатпады.
Әлеуметтік салада бүгінгі күні 2 мыңнан аса маман еңбек етуде. 
Үйде қызмет көрсетілетін жалғыз басты қарттар мен мүгедектігі бар ересек адамдар, балалар арнаулы әлеуметтік қызметтермен үздіксіз қамтылуда.
100 жылдық тарихы бар әлеуметтік саланың қалыптасуына зор үлес қосқан Қорғанбек Қайруллаев, Майдан Мәселеева, Генадий Максин секілді апа-ағаларымыздың ізгілікті ізін бүгінгі күні көптеген білікті де білімді мамандар, сала үздіктері жалғастыруда.
Кәсібіне адалдықпен, жауапкершілікпен қарап, қамкөңіл жандарға мейірімін төккен әлеуметтік сала қызметкерлерін, әріптестерімді кәсіби мерекесімен құттықтай отырып, зор ризашылығымды білдіремін! 
Дендеріңізге саулық, шаңырақтарыңызға құт-береке, амандық тілеймін! 
Аспанымыз ашық, еліміз тыныш, Тәуелсіздігіміз тұғырлы болсын!

Облыс әкімі әлеуметтік қорғау жүйесінің ардагерлерін құттықтады

<a href="https://kyzylorda-news.kz/">Kyzylorda-news.kz.</a>&nbsp; Диетолог Джесика Сепель бет-әлпеті мен теріні жақсартатын өнімдерді атады. Оның айтуынша бұл өнімдердің құрамында Q10 антиоксиданты бар, деп хабарлайды&nbsp;<a href="https://stan.kz/">Stan.kz</a>.&nbsp;
Маман майлы балық, бауыр және тұтас дақылдан пісірілген өнімдер терінің жақсаруына көмектесетінін айтады. Себебі олардың құрамында энергия бөлуде маңызды рөлді атқаратын Q10 антиоксидант коэнзимі бар. Ол эпидермистің сыртқы қабатында жиналып, қышқылдардан қорғайды. Бұдан бөлек мұндай өнімдерде Омега-3 қышқылы да көп мөлшерде кездеседі. Ол ағзада&nbsp;қабынуды азайтуға көмектеседі.&nbsp;
Сонымен қатар Сепель цитрус өнімдері, киви және қызанақ, бұршаққынды бұрышты тұтынудың да маңызын айтып өтті. Диетолог олардың құрамында кездесетін С дәрумені коллаген бөліп, терінің қартаюын баяулатады дейді.&nbsp;
Асқабақ, картоп, сәбіз және манго, папайя теріні ультракүлгін сәуледен қорғайтын бета-каротинге өте бай.&nbsp;
Диетолог тамақтану рационына Е дәруменіне бай күнбағыс дәндерін, миндаль мен шпинатты қосуға кеңес берді. Е дәрумені теріні ультракүлгін сәуледен қорғап қана қоймай, жасушаның бұзылуын алдын алады және терінің қартаюын баяулатады.

Бет-әлпетті жақсартатын өнімді білесіз бе?

<a href="https://kyzylorda-news.kz/">Kyzylorda-news.kz.</a>&nbsp; Таң атпастан өзіңізді шаршаңқы сезінесіз бе? Ештеңеге зауқыңыз болмай, күні бойы ұйқы қысып жүре ме?&nbsp;Салауатты өмір салтын ұстануға тырысып, тіпті, диета ұстап, фитнес-залға бардыңыз, бірақ сонда да өзіңізді сергек сезінудің орнына, керісінше, шаршап жүресіз. Мұның себебі көпшілігіміз күнделікті өмірде жіберетін қателіктерде болуы мүмкін. Әсіресе, бұл жасырын қателіктер өзін «қолға алуды» шешкен әйелдерде жиі кездеседі. Бұл әдеттердің екі-үшеуінің өзі қалыпты өмірден «шығып қалу» үшін жеткілікті.
Аз су ішесіз 
Көпшілік адам күніне 8 стақан су іше алмайтынын мойындайды. Күніне таза судың 2-3 стақанын ғана ішіп үйренгендер үшін бұл оңай емесі рас. Бірақ суды жеткілікті ішпеу ағзаның сусыздануына әкеледі. Адамдардың бас ауруының негізгі себептерінің бірі ағзаға судың жетпеуі екенін білдіңіз бе? Егер әлсін-әлсін басыңыз ауырса, дәріні бірнеше стақан суға алмастырып көріңіз. Одан кейін сізге дәрінің қажет болмауы әбден мүмкін. Сусыздану нашар көңіл күйден бөлек сыртқы келбетке кері әсерін береді: тері құрғап, иілгіштігін жоғалтады, ерін жарылып кетеді, аузыңыз үнемі құрғап тұрғандай сезім болады. Оған ас қорыту проблемалары мен іш қату қаупін қосыңыз. Сондай-ақ суды аз ішу жалпы көңіл күй мен жұмысқа қабілеттілікке жағымсыз әсер етеді.
Не істеу керек? 
Судың өзін іше бере алмасаңыз, оның «қарапайым» дәмін тартымды етіңіз: суға сүйікті жиделер, лайм, лимон, жалбыз жапырақтарын салыңыз. Судың жеткілікті мөлшерін ішу тамаққа тәбетті басып, артық тамақ жеуден құтқаратынын есте сақтаңыз. Телефонға су ішуді еске салатын қосымша жазып алыңыз. Ол су ішу уақытын ескертумен қатар, оның мөлшерін де көрсетіп тұрады.
Уақытылы тамақ ішпейсіз 
Тамақ ішуде тұрақтылықты сақтанбасаңыз, егер кейде таңғы немесе түскі асты ішуге ұмытып кетсеңіз, онда өз зат алмасуыңызға зиян тигізіп жатсыз. Тіпті, пайдалы азық-түліктер жесеңіз де, мұндай дұрыс емес әдеттер метаболизмнің баяулауына әкеледі. Ал егер тамақтануыңызды қадағаламасаңыз, уақытында дұрыс тамақ жемеу зиянды тіскебасарларды көп жеуге итермелейді: ол артық салмақ қостырады. Оған қоса, ас қорыту проблемалары басталады, өзіңізді шаршаңқы және ұйқылы сезінесіз.
Не істеу керек? 
Міндетті түрде таңғы ас ішіңіз. Таңғы ас мүмкіндігінше күрделі көмірсулардан тұрғаны жақсы: олар күннің бірінші жартысында қуатты және ұзақ уақыт тойымды жүруге көмектеседі. Егер жұмыс уақытында толыққанды түскі ас іше алмасаңыз, тіскебасар ретінде нені таңдағаныңызға мән беріңіз. Зиянды тіскебасарларды суға піскен сиыр немесе тауық етінен, тұзы аз балықтан жасалған бутербродқа және жеміс-жидектерге ауыстыруға тырысыңыз.
Ақуызды жеткілікті мөлшерде жемейсіз 
Заманауи адамдардың көбі вегетариан болмаса да, ақуызды тағамды жеткілікті мөлшерде жемейді. Ересек адам ағзасындағы күнделікті ақуыздың «толмауы» 50%-ға дейін жетеді. Оның себебі — тіскебасарға арналған негізгі өнімдердің көбі көмірсулар мен майлардан тұруы. Ақуыздың құрамында ағзаның қалыпты жұмыс істеуіне қажетті өмірлік маңызы бар аминқышқылдар болады. Бұл аминқышқылдарсыз бас миы жұмысының өнімді болуы мүмкін емес. Олар — бұлшықеттердің құрылыс материалы. Сондай-ақ ақуызды қорыту кезінде көбірек энергия кетеді, сондықтан артық салмақтан арылуға мүмкіндік болады.
Не істеу керек? 
Тамақтану рационыңыздағы ақуыздар мен көмірсулар ара қатынасына мән беріңіз. Дайын өнімдердің заттаңбасын оқыңыз: олардың ішінен ақуызға байын таңдаңыз. Мысалы, екі түрлі сүзбенің пакеттерінде немесе екі түрлі консервіленген балықтың құтыларында ақуыздың мөлшері әртүрлі көрсетіліп тұрады. Майы жоқ суға піскен ет жеуді әдетке айналдырыңыз. Ақуыздың ең бағалы көздерінің бірі — тауық жұмыртқасы.
Көмірсуларды жеткілікті мөлшерде жемейсіз 
Әдетте бұл проблема салауатты өмір салтына және диеталарға қатты «беріліп» кеткендердің басында болады. Көмірсуларды артық мөлшерде жеудің зияны жайлы көп естігендіктен, оны рационнан толықтай алып тастаған жөн деп санайтындар аз емес. Бірақ бұл қате пікір. Себебі ағзаға көмірсулар жетіспесе, бас ауруы, енжарлық, нашар көңіл күй, төмен жұмысқа қабілеттілік, нашар ас қорыту және іш қату секілді салдарлар болады.
Не істеу керек? 
Өзіңізге көмірсулар жеуге рұқсат беріңіз. Бірақ ол тосап, қант немесе тәтті тоқаш түрінде болмауы керек. Диетологтар «күрделі» және «қарапайым» (немесе «жылдам) көмірсулар болатынын айтып жүреді. Қант, тосап, тәттілер, жылдам дайындалатын ботқалар және т.б — «жылдам» көмірсулар. Бұлардың орнына «күрделі» көмірсуларды жеуге тырысыңыз, себебі олар ұзақ қорытылады және ағзаға барынша пайдасын тигізеді. Оларға тұтас дәнділер, бұршақтылар және макарондар жатады.
Жеткілікті мөлшерде май жемейсіз 
Май көпшіліктің ойында ішке жиналатын және артық салмақ қосатын өніммен байланыстырылған, сондықтан оны рационнан толық алып тастауды жөн көреді. Майсыздандырылған сүт, сүзбе, ірімшік, ет және т.б азық-түліктер дастарханда қалыпты өнімге айналды. Алайда майлар ағзаның дұрыс жұмыс істеуіне қажет. Оның үстіне тағамдық майларда болатын өмірлік маңызы бар майлы қышқылдарды ағза өздігінен түзе алмайды, сондықтан оны уақытылы тамақпен бірге алуы керек. Егер олай болмаса, бірінші кезекте ми қиналады. Алдымен жұмысқа қабілеттілік төмендейді, содан соң адам бұрынғы алғырлығын жоғалта бастағанын байқайды. Сондай-ақ алмастырылмайтын майлы қышқылдарсыз ағза жылдам қартая бастайды.
Не істеу керек? 
Қаныққан және қанықпаған майларды ажырата білу керек. Қанықпаған майлар артық салмақ қостырмайды, бірақ оларды да шамадан тыс көп жеуге болмайды. Пайдалы майларға арқан балық, жаңғақтар, авокадо, зәйтүн, шемешкі, өсімдік майы жатады.
Аз ұйықтайсыз 
Ұйқының қанбауы — заманауи ересектер жіберетін ең үлкен қателік. Қазір адамдар ақпараттар легінде өмір сүргендіктен, көпшілік «артық» бір сағат уақытын ұйқыға жұмсауға қимайды. Әсіресе, қызықтың бәрі кешкісін (соның ішінде, теледидарда) болып жатады. Алайда 7 сағаттан аз ұйықтасаңыз немесе түн ортасында жатсаңыз, күйзеліс, депрессия, ұйқысыздық, ашуланшақтық басталады.
Не істеу керек? 
Ұйықтауға сағат 22:00-ден кеш емес жатып, таңертең сағат 6-7 де тұруды үйреніңіз. Адамдарды қызықтыратын сериалдар мен шоулар өте көп. Бірақ бөтен адамдардың ойдан шығарылған өмірлері мен қойылымдық шоулар созылмалы ұйқысыздықпен қиналуыңызға тұра ма? Егер ерте жатпауыңыздың себебі — қажетті шаруаларды 22:00-ге дейін аяқтап үлгермеуде болса, онда тайм-менеджмент жайлы ойланыңыз.
Аз қозғаласыз 
Баламен далаға серуенге шықпайсыз: өзіңізге ауа-райы «қатты суық», «қатты ыстық», «ылғал» деген секілді сылтаулар айтасыз. Жақын жердегі дүкенге де көлікпен баруды жөн көресіз. Азық-түлікті үйге жеткізу қызметімен аласыз. 3-ші қабаттың өзіне лифт қолданасыз. Жұмыс пен үй шаруаларынан қолыңыз босамайтындықтан, физикалық жаттығуға уақыт бөлмейсіз. Мұндай аз қозғалысты өмір салты артық тамақтану, артық салмақ, ас қорыту проблемалары, бұлшықет дистрофиясы, геморрой секілді салдарларға әкеледі. Бұл тізімге кейде күйзеліс пен депрессия да қосылады. Аз қозғалатын адамдар өздерін жиі бақытсыз сезінеді.
Не істеу керек? 
Көбірек қозғалудың жолын табыңыз. Ол үшін жаттығу залына бару міндетті емес. Үйдің қасындағы би сыныбына барыңыз немесе аптасына бірнеше рет влосипед тебіңіз. Көбірек жаяу жүріңіз және лифтті жиі қолданбаңыз.

Әйел денсаулығын құртатын 7 әдет

Kyzylorda-news.kz. Республиканың басым бөлігінде ауа райы құбылмалы болады, жаңбыр мен қар жауады. Қазгидромет мәліметінше, елдің батысы мен оңтүстігінде ғана күн ашық болады.
<blockquote>
 “Солтүстік Қазақстан облысында тұман, көктайғақ, бұрқасын, ал облыстың оңтүстік-шығысында 15-25 м/с жел болжануда. Ақмола, Қостанай облыстарының солтүстігінде, шығысында, Шығыс Қазақстан облысының солтүстігі мен батысында тұман түсіп, көктайғақ болады, жел 15-20 м/с дейін күшейеді”, – деді синоптиктер.
</blockquote>
Павлодар облысында жел 15-20 м/с дейін күшейеді, облыстың батысы мен оңтүстігінде екпіні 23 м/с дейін барады, солтүстігінде көктайғақ болады, бұрқасындатады. Түнде және күндіз Қарағанды облысында көктайғақ, бұрқасын болады, жел соғады.
Батыс Қазақстан облысының солтүстігінде түнде және таңертең, Атырау, Маңғыстау облыстарының батысында, солтүстігі мен орталығында, Ақтөбе облысының батысында, Түркістан облысының таулы аудандарында тұман болжанып отыр.
Жамбыл облысының тауды аудандарында – 15-20 м/с жел, түнде және таңертең – тұман.

Жексенбіге арналған ауа райы болжамы

Kyzylorda-news.kz. “Союз” зымыраны “Прогресс МС-18” кемесін орбитаға шығарды. Онда ХҒС экипажына арналған жүк бар, деп хабарлайды Sputnik Қазақстан.
Зымыранды ұшыру сәтін видеодан тамашалаңыз.
Ғарыш айлағынан аттанған “Союз 2.1а” Нижний Новгородтың 8000 жылдығы құрметіне хохлома ою-өрнегімен безендірілген.
Зымыран тасығыш орбитаға “Прогресс МС-18” жүк кемесін жеткізді.
Онда ХҒС экипажына арналған жүк бар: отын, ауыз су, сығылған ауа, азық-түлік пен тағы басқасы.

Байқоңырдан ерекше зымыран ұшырылды (Видео)

Kyzylorda-news.kz.&nbsp;Дүниежүзілік денсаулық сақтау ұйымының бас директоры Тедрос Адханом Гебрейесус тоқтату мүмкін болмайтын жаңа вирустың пайда болатынын ескертті, деп хабарлайды Sputnik Қазақстан.
<blockquote>
 “Биологиялық көзқарас тұрғысынан, бір күні басқа вирустың пайда болатыны күмәнсіз. Біз оны тоқтатуға қауқарсыз боламыз”, – деп мәлімдеді ол “Үлкен жиырмалық” елдерінің денсаулық сақтау және қаржы министрлерінің кездесуінде.
</blockquote>
ДДСҰ басшысы келесі індетке дайын болу үшін қазіргі пандемиядан сабақ алу қажет деп санайды.
Гебрейесус әлемдік қауымдастыққа “күшейтілген” ДДСҰ қажет екенін атап өтті. Сондай-ақ пандемиялармен күресу үшін жаңа қаржылық тетік және қазіргіден де тиімді басқару қажет. Ол үшін денсаулық саласындағы қауіп-қатерлерге қарсы күресті қаржыландыру кеңесін құрып, пандемиялармен күрес туралы келісім бекіту керек.
Бұған дейін Гебрейесус егер адамзат қаласа, коронавирус пандемиясы тоқтайтынын мәлімдеген еді. Оның пікірінше, жыл соңына дейін әр елде халықтың кемінде 40%-ін вакциналау мақсатына қолжеткізуге болады. Бұл үшін мемлекеттер мен компаниялар өз мәлімдемесіне сай әрекет етуге тиіс. Ол өз көздегеніне жеткен елдерді, соның ішінде “Үлкен жиырмалық” мемлекеттерін халықаралық COVAX механизмі мен африкалық Avat қорына басымдық беруге үндеді.

ДДСҰ басшысы жаңа вирустың пайда болатынын ескертті

<a href="https://kyzylorda-news.kz/">Kyzylorda-news.kz.</a>&nbsp; Facebook компаниясы атауын ауыстырды. Ендігі аты – Meta. Бұл жайлы компанияның негізін қалаушы Марк Цукербергтің өзі мәлімдеді.
“Бүгіннен бастап компания атауы өзгерді. Енді біз “Meta” деген компаниямыз”, – деді Цукерберг 28 қазан күні өткен “метадүниежүзілік” тұсаукесерде.
Сондай-ақ компания басшысының айтуынша, компанияның логотипі де өзгеруі мүмкін. Мебиус лентасына ұқсас логотип қоймақ. Түсі – көкшіл.
Америкадағы алып корпорацияның атауы ауысатыны туралы бұрын да айтылған. Ребрендинг жасауға Facebook-тің бұрынғы жағымсыз келбеті себеп. Соңғы кезде компанияға тиесілі сервистердің басы жауға жиі қалатын болып жүр. WhatsApp-тың дезинформациямен күресе алмайтыны, жақында қабылдаған қолданыс келісімінің нашарлығы, Instagram әлеуметтік желісінің адам психологиясына тигізер кері әсерін зерттеуді тоқтатуы – осының бәрі компания имиджіне кері әсер етті. Оның үстіне, жақында Facebook сервистері түгел істен шығып, ауқымды техникалық ақау болғаны белгілі.

Facebook-тің атауы ауысты

<a href="https://kyzylorda-news.kz/ru/obshestvo/">Kyzylorda-news.kz</a>. Танымал Facebook мессенджері WhatsApp көптеген ескі смартфондарда жұмысын тоқтатады. Бұл туралы Metro басылымы <a href="https://massaget.kz/layfstayl/tehno/66493/?fbclid=IwAR0t4RL7UlWyYmSDzZFMKzQ7L0KXVWWvy0aGEskC9KMaoSlzML49XfT9hsg">хабарлады.</a>
Мессенджер 2021 жылдың 1 қарашасынан бастап бүкіл әлем бойынша ескі телефондарда жұмысын тоқтатады. Жалпы бұл Android операциялық жүйесі 4.1 нұсқасынан төмен және iOS 10 нұсқасынан төмен 43 смартфон үлгісіне әсер етеді.
Осылайша, мессенджер 2011 жылғы iPhone 4S, Samsung Galaxy Trend Lite, Sony Xperia Miro, Huawei Ascend G740, Alcatel One Touch Evo 7 және басқа да көптеген смартфондарда жұмысын тоқтатады.
Өзгерістер қолданбаның жұмысын бірден тоқтатады дегенді білдірмейтіні, бірақ бұдан былай жаңартуларды жүктеп алу мүмкін болмайтыны атап өтілген. Бұл ақауларға әкелуі мүмкін.
Бұған дейін WhatsApp мессенджерінде көптен күткен функция – дауыстық хабарламаны мәтінге көшіру жақын арада пайда болатыны туралы хабарланған болатын.

1 қарашадан бастап WhatsApp қандай смартфондарда жұмысын тоқтатады?

<a href="https://kyzylorda-news.kz/">Kyzylorda-news.kz.</a>&nbsp; Цифрлық даму, инновациялар және аэроғарыш өнеркәсібі министрі Бағдат Мусин ұялы операторлардың интернеттің жылдамдығын азайту арқылы ақшаны қалай үнемдейтінін айтты, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Бұрын интернет сапасына қатысты сұрақтар көтерілгенде біз шара қолдана алмадық. Өйткені ең төменгі параментрлер белгіленбеді. Мен өз бұйрығыммен осы жылдың басында ең төменгі параметрлерді белгіледім. 3G үшін 1,5 Мегабит, ал 4G үшін кемінде 5 Мегабит болуы шарт. Енді тексеріс кезінде біз осы параметрлерді негізге алып отырамыз”, – деді Мусин орталық коммуникациялар қызметінде өткен онлайн брифингте.
</blockquote>
Министрдің айтуынша, биыл 400-ден астам тексеру жасалды. Соның 80 процентінде интернеттің ең төменгі параметрлерін бұзу фактілері анықталды. Сол үшін ұялы байланыс операторларына айыппұл салынды. Үш-төрт айдың ішінде интернеттің сапасы көтерілмесе, айыппұлдың көлемі екі есеге артады.
“Қазіргі кезде біз депутаттармен бірге айыппұлдың көлемін 100 АЕК-тен 1 000 АЕК-ке (5 917 000 теңге) дейін өсіріп жатырмыз. Бұл дегеніміз, биыл біз 400 тексерудің нәтижесінде 92 миллион теңгенің айыппұлын салсақ, он есеге өсіргеннен кейін бір жылда 1-2 миллиард теңгенің айыппұлы салынады. Бұл – өте қомақты сома. Сондықтан операторлар интернет сапасына көңіл бөледі деген сенім бар”, – деп атап өтті Мусин.

Қазақстан және Қызылорда облысының жаңалықтары: Қоғам