<a href="https://kyzylorda-news.kz/ru/obshestvo/">Kyzylorda-news.kz</a>. Бүгін 21 қыркүйек күнін әлем халықтары Халықаралық Бейбітшілік күні ретінде атап өтеді. Бұл күнді БҰҰ-ның Бас Ассамблеясы 1981 жылы бекіткен. Басты мақсат мемлекеттер мен халықтар ішінде, сондай-ақ олардың арасында бейбітшілік идеалдарын атап өтуге және нығайтуға шақыру.
Бұл туралы бүгін Өңірлік коммуникациялар қызметінде өткен баспасөз конференциясында облыстық ҚХА жанындағы «Қоғамдық келісім» кеңесінің төрағасы Асылбек Жұмабаев мәлімдеді.
<blockquote>
 “”Бейбітшілік” сөзінің құны жоғары. Бейбіт өмірдің қадірін білетін адамзат елдің дүрлігіп, әлемнің шаңырағының ортасына түскенін қаламайды. Сондықтан да біз тыныш та, еркін заманда өмір сүргенді қалаймыз. Бейбітшілік деген – адамзаттың өз елінде еркін өмір сүріп, шуы жоқ ортада өз болашағын құруы. Бейбіт заман барлық елдің басына қонатын бақ құсы емес. Әлемде таңының тыныш атып, күнінің тыныш батқанын армандайтын талай адамзат өмір сүріп жатыр. Әйткенмен бәрінің де қолы бейбіт өмірге жете алмай отыр», – дейді облыстық ҚХА жанындағы “Абай қазынасына саяхат” клубының жетекшісі Елена Пак.
</blockquote>

21 қыркүйек – Халықаралық бейбітшілік күні

<a href="https://kyzylorda-news.kz/ru/obshestvo/">Kyzylorda-news.kz</a>. Бұл туралы Цифрлық даму, инновациялар және аэроғарыш өнеркәсібі министрі Бағдат Мусин мәлімдеді.
<blockquote>
 «БҰҰ жанындағы Халықаралық электр байланыс одағы Қазақстанға жаңа +997 дэф кодын белгіледі. Енді біздің елден басқа мемлекетке қоңырау шалғанда шетелдіктердің телефонында Қазақстан деген жазу шығады», – деп жазды министр Facebook-тегі парақшасында.
</blockquote>
Оның айтуынша, КСРО тарағанда +7 халықаралық телефон коды екі елге бірдей бекітілген.«Біз Қазақстанға ғана тиесілі халықаралық кодқа қол жеткізу үшін былтырдан бері телекоммуникация саласындағы компаниялармен бірге жан-жақты жұмыс жүргізіп келеміз. Осы келіссөздердің нәтижесінде біздің елге дербес +997 коды бекітілді»,- деді Мусин.
Қазір тиісті құжаттар рәсімделіп, жаңа кодқа көшу бойынша іс-шаралар атқарылып жатыр.

Қазақстанға жаңа +997 телефон коды беріледі

<a href="https://kyzylorda-news.kz/ru/obshestvo/">Kyzylorda-news.kz</a>. 27 қыркүйектен бастап жұма намазы мешіт ішінде оқылады.
Вице-премьер Ералы Тоғжановтың төрағалығымен өткен COVID-19 таралуына жол бермеу жөніндегі ведомствоаралық комиссия осындай шешім қабылдады.
27 қыркүйектен бастап жұма намазы жабық орын-жайларда оқылады. Алайда қызметкерлер мен келушілердің статусы Ashyq-та “қауіпсіз” болуға тиіс.
“Жасыл” аймақта тұрған өңірлерде мешіт ішінің адамдарға толуы 50 проценттен, “сары” аймақта 30%-тен, “қызыл” аймақта 20%-тен аспауы керек.
Қазір жұма намазы мешіт ауласында оқылып жүр.

Жұма намазы енді мешіт ішінде оқылады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қызылорда облысының ішкі саясат басқармасының «Ауыл жастарын әлеуметтендіру» әлеуметтік тапсырысы аясында «Ай-Қанат» жастар қоғамдық бірлестігінің ұйымдастыруымен «Үздік жас маман – 2021» облыстық байқауы қорытындыланды.
Байқауға 100-ге жуық әр саланың жас мамандары құжаттарын ұсынған. Азаматтық институт өкілдерінен, қоғам белсенділерінен құралған комиссия шешіміне сәйкес 10 жас маман 8 номинация бойынша марапатталды.
• «Үздік жас мәдениет қызметкері» номинациясы бойынша Шуақбай Ақнұр Серікқызы және Мырзалиева Гүлнар Найзағұлқызы;
• «Үздік жас педагог» номинациясы бойынша Жақсылыққызы Айнұр және Майлыбаева Алмажан Нұржанқызы;
• «Үздік жас ІТ маманы» номинациясы бойынша Қорғанбек Досжан Темірханұлы;
• «Үздік жас дәрігер» номинациясы бойынша Шарапат Раушанбек Айбекұлы;
• «Үздік жас әлеуметтік қызметкер» номинациясы бойынша Көшербаева Зәуреш Болатқызы;
• «Үздік жас ауылшаруашылық қызметкері» номинациясы бойынша Болатбек Нұрдәулет Болатбекұлы;
• «Үздік жас құрылысшы» номинациясы бойынша Баймұрза Әсетхан Қазиханұлы;
• «Үздік жас журналист» номинациясы бойынша Жұмадинова Гүлдана Нұртайқызы.

Қызылордада «Үздік жас маман – 2021» байқауы қорытындыланды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Синоптиктердің болжауынша, 20 қыркүйекте еліміздің басым бөлігінде ауа райы құбылмалы болады.
Оңтүстікте, оңтүстік-шығыста, батыста найзағайлы жаңбыр жауады, солтүстікте, шығыста аздаған жауын жауып, арты қарға ұласады. Қалған аумақтарда антициклон әсерінен күн райы ашық болады. Республиканың басым бөлігінде жел күшейеді, шығыста және орталықта тұман түсеуі мүмкін.
«Қазгидромет» РМК Қызылорда облысы бойынша филиалының хабарлауынша&nbsp;21 қыркүйекте күндіз, 22-23 қыркүйекте тәулік ішінде Қызылорда облысының оңтүстігінде&nbsp;солтүстік-шығыстан жел соғады.&nbsp; Күші 15-20 м/с.

21 қыркүйекте ауа райы құбылмалы болады

Kyzylorda-news.kz. “Ұлттық санақ 2021” халық санағының ІІ кезеңі жалғасуда. Бүгінде аймақта халық санағына тіркелген респондент саны 315 542 адамға жеткен. Өңірлік коммуникациялар қызметінде өткен брифингте облыстық статистика департаментінің басшысы Мариям Баекеева санақтың ІІ кезеңінің жүргізілу барысын баяндады.
Елімізде үшінші кезекті ұлттық халық санағы осы жылдың 1 қыркүйегінен 15 қазанға дейін жалғасады. Биылғы халық санағы пандемия жағдайына байланысты онлайн форматта жүруде. Ерекше атап өтетін жайт, санақтан өту барысында азамат өзімен бірге отбасы мүшелері үшін де санақ парақшасын толтыра алады. Яғни, sanaq.gov.kz сайтына бір рет қана тіркеліп отбасы мүшелерін қамту мүмкіндігі қарастырылған. Санақ парақтарын толтыру басталған сәтте «Респондентті қосу» нұсқасы ұсынылады. Бірге тұратын туысыңыздың ЖСН-ін енгізген соң жүйе оның толық аты-жөнін автоматты түрде шығарады. Бұл мүмкіндік арқылы санақ парақтарын толтыруға кететін уақытты айтарлықтай үнемдеуге болады.
<blockquote>
 “Жалпы санақ жұмыстарының ІІ кезеңі бойынша 1113 адам уақытша жұмысқа тартылды. Оның ішінде 140 жуық адам нұсқаушы-бақылаушы қызметінде жұмыс істейді. Санақ қорытындысы бойынша халықтың саны мен жыныстық-жас құрылымы және әлеуметтік-демографиялық жағдайын сипаттайтын ақпарат негізделеді. Халық санағы аясында азаматтарға экономикалық, әлеуметтік жағдайы және тұрғын үй жағдайларының жай-күй туралы 91 сұрақ қойылады. Азаматтардың белсенділігі мен шынайы жауаптары ел азаматтары туралы сапалы деректерді алуға үлкен көмек болады”, -деді Мариям Жәдігерқызы.
</blockquote>
Сондай-ақ, облыстық экономика және бюджетті жоспарлау басқармасы басшысының орынбасары Алмагүл Нұрасылова тұрғындарды халық санағынан белсенді түрде өтуге шақырды.
<blockquote>
 “Респонденттер sanaq.gov.kz мамандандырылған сайты арқылы кез келген жерде санақтан өте алады. Ал екінші әдіс бойынша дәстүрлі жаппай сауалнама 1 қазан мен 30 қазан аралығында интервьюерлер мен электронды планшеттерді пайдалана отырып жүргізілетін болады. Облыс, қала және аудан азаматтарын халық санағынан өтуге шақырамын”, – деді Алмагүл Рахманбердіқызы.
</blockquote>
Айта кететін жәйт, осы жылдың желтоқсан айында халықтың жалпы саны бойынша жедел деректер дайындау жоспарлануда. Сондай-ақ өңірлік жинақтар қалыптастырылып, деректер электрондық форматта жарияланады.

Ұлттық санақ: Қызылордада 315 542 адам тіркелді

&nbsp;<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қазақстанда тауарларға ілеспе жүкқұжаттарды енгізу бойынша пилоттық жобаның мерзімі тағы ұзартылды, деп хабарлады мемлекеттік кірістер комитеті.
<blockquote>
 “Бизнес қауымдастық тарапынан тауарларға ілеспе жүкқұжаттарды міндетті енгізуге дайындалу үшін қосымша уақыт беру туралы ұсыныстар түсіп жатыр. Осыған байланысты акцизделетін тауарлар, ЕАЭО аясындағы импорт/экспорт және “Виртуалды қойма” тауарлары бойынша пилоттық жобаның мерзімін 2022 жылғы 1 сәуірге дейін ұзарту туралы шешім қабылданды”, – делінген ресми хабарламада.
</blockquote>
Айта кетері, бұған дейін бірқатар тауарлар бойынша ілеспе жүкқұжаттарды міндетті түрде рәсімдеу шараларын енгізу жоспарланған болатын. Бірақ кәсіпкерлер наразылық танытып, қосымша уақыт беруді сұраған.
Әзірге бұл жүйе тек пилоттық негізде ғана қолға алынып отыр. Сондықтан айыппұлдар және басқа да санкциялар қолданылмайды.
Тауарлардың ілеспе жүкқұжаттары – бұл электронды форматта рәсімделетін бухгалтерлік құжат. Сол арқылы тауар шығарылған жерден бастап сатылғанға дейінгі барлық тізбекті бақылап отыруға мүмкіндік бар.
Салықшылардың айтуынша, ілеспе жүкқұжаттары бизнесті көлеңкеден шығаруға көмектеседі. Әйтпесе, шағын кәсіпкерлердің басым бөлігі салық тәртібін сақтамайды. Мәселен үйдің жанындағы дүкендерде түбіртек те берілмейді. Ал ілеспе жүкқұжаттары жүйесі арқылы тауардың қай жерде сатылғанын анық көруге болады.
Пилоттық жоба қолға алынған кезде шағын дүкендердің иелері жаңа бастамаға қарсылық білдірді. Олардың айтуынша, бәрін бір уақытта істеу мүмкін емес. Халыққа қызмет көрсету керек. Оған қоса электронды базаға тиісті мәліметтерді енгізіп отыру қажет. Сосын шығын көп шығады.
Қазақстандағы кәсіпкерлер осы бастамаға қарсылық білдіріп, наразылық акцияларын да ұйымдастырды. Біреулер бір күнге жабылса, енді біреулер қарсылық ленталарын іліп қойды.

Салық: Кәсіпкерлер талабы орындалды

&nbsp;<a href="https://kyzylorda-news.kz/ru/obshestvo/">Kyzylorda-news.kz</a>. Танымал, журналист, тележүргізуші «Балапан» телеарнасының директоры қызметіне тағайындалды.
Қымбат Досжанның Қазақ телевизиясында 40 жылға жуық уақыт тәжірибесі бар. «Qazaqstan» телеарнасы Жаңалықтар қызметінің продюсер-жүргізушісі, Қазақ радиосының жүргізушісі, Қазақ радиосының Бас редакторы міндеттерін атқарды. Қазіргі уақытта «Qazaqstan» телеарнасындағы «Қымбат жандар» авторлық әлеуметтік бағдарламасының жүргізушісі.
<blockquote>
 «Телерадиокорпорация салада, оның ішінде, Корпорация құрамындағы теле және радиоарналарда ұзақ уақыттан бері қажырлы еңбек етіп келе жатқан мамандарға үнемі басымдық береді. Бүгінгі тағайындаулар да осы ұстаным бойынша жүзеге асып отыр», – деді «Қазақстан» РТРК» АҚБасқарма төрағасы Ләззат Танысбай.
</blockquote>

Қымбат Досжан «Балапан» телеарнасының директоры қызметіне тағайындалды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласындағыЗК-169/4 мекемесінде жазасын өтеп жатқан азаматтармен «Жауапты азаматтық қоғамды қалыптастыру» тақырыбында «Қазақстан жастарының фракциясы» қоғамдық қорының заңгер кеңесшілері Э.Тойлыбекова, А.Әнуар кездесу өткізді.
Кездесу барысында заңгер мамандар&nbsp; қатысушыларға,&nbsp; құқықтық кеңес беріп, сұрақтарына жауап берді.&nbsp;
<blockquote>
 «Сотталған азаматтар әр түрлі сұрақтарымен жүгінді. Сотталған азаматтың &nbsp;қоғамдық қор ашуына болама деп сұрақ қойса, келесі азамат жаза мерзімін өтеу барысы туралы сұрағын қойды. Бұған дейін де «Қазақстан жастарының фракциясы» қоғамдық қорымен бірлесіп, сотталғандарға психологиялық көмек көрсетіліп, спорттық шара өткіздік. Соның ішінде ерекше көзге түсіп, белсенділік танытқан&nbsp; 13 азамат «Қазақстан жастарының фракциясы» қоғамдық қорының сертификатын&nbsp; иеленді. Алдағы уақытта да сала мамандарымен жиі кездесулер өткізілетін болады»,- деді &nbsp;САӘПТЖБ-нің босатылатын сотталғандарды тұрмысқа және жұмысқа орналастыру жөніндегі аға инспекторы Д.Бектұрсын.
</blockquote>

Мамандар жазасын өтеушілерге құқықтық кеңес берді

<a href="https://kyzylorda-news.kz/ru/obshestvo/">Kyzylorda-news.kz</a>. Тіс ауруы екі себеп бойынша жағымсыз. Біріншісі, әдетте, бұл өте ауыр. Екінші – тіс емдеу үшін қазіргі жағдайда қомақты қаражат қажет. Дегенмен, тістерді тегін емдей алатын азаматтардың санаттары бар.
Әлеуметтік медициналық сақтандыру қорының (ӘМСҚ) Қызылорда облысы бойынша филиалының қызметкерлері стоматогиялық клиникаларды аралау барысында БАҚ өкілдеріне олардың қатарына кімдер кіретіні туралы айтып берді.
ӘМСҚ-ның облыс бойынша филиалының бас сарапшысы Айгүл Аханованың айтуынша, Міндетті әлеуметтік медициналық сақтандырудың енгізілуімен МӘМС аясында қызмет көрсететін стоматологиялық клиникалардың саны артты.
<blockquote>
 – Тұрғындарға Әлеуметтік медициналық сақтандыру қорының дерекқорына кіретін еліміздің кез келген стоматологиялық клиникада қызмет көрсету мүмкіндігі бар, – деп түсіндірді ол. – Бұл қаражат пациенттің артынаң түседі дегенді білдіреді. Медициналық ұйымдардың тізіммен Қордың fms.kz. ресми сайтында танысуға болады.
</blockquote>
МӘМС жүйесінде жоспарлы стоматологиялық көмек 18 жасқа дейінгі балалар мен жүкті әйелдерге көрсетіледі. Олар мұндай қызметтерді жоспарлы түрде ала алады: анестезия, пломба салу, терапиялық қабылдау, пульпитті, периодонтитті емдеу, гипоплазия, флюороз кезінде тістің анатомиялық формасын толық функционалды қалпына келтіру. Сондай-ақ, тісті жұлудың хирургиялық әдістері, еріннің, тілдің френальды болігіне платикалық хирургия, жақ рентгені және анестезия.
МӘМС жүйесінде шұғыл стоматологиялық көмекті 18 жасқа дейінгі балалар, жүкті әйелдер, Ұлы Отан соғысының ардагерлері, I, II, III топтағы мүгедектер, «Күміс алқа» және «Алтын алқа» иегерлері, атаулы әлеуметтік көмек алушылар, жасы бойынша зейнеткерлер, мүгедек балаға немесе бала кезінен I топтағы мүгедекке күтім жасайтын жұмыс істемейтін адамдарға
Осы санаттағы азаматтар шұғыл жағдайларда хирургиялық қабылдау, тұрақты тісті жұлу, абсцесті ашу, одонтогенді кистаны кетіру, альвеолитті емдеу, луночка жүйкесінің невритін емдеу, ауыз қуысының жұмсақ тіндерін кесу, жақ-бет аймағының жарасын бастапқы хирургиялық өңдеу сияқты қызметтер көрсетіледі. Сондай-ақ, жақ-бет аймағының туа біткен патологиясы бар балалар мемлекеттік тапсырыс есебінен ортодонтиялық көмек ала алады.
Сапардың бірінші нысаны – “Muslim Dent” стоматологиялық клиникасы. Тіс дәрігері және осы мекеменің директоры Коблан Коспанбетов БАҚ өкілдерің осы медициналық мекеменің жұмысымен таныстырды. Қабылдауға келген пациенттер көрсетілетін медициналық қызметтердің сапасына жоғары баға берді.
<blockquote>
 – Медициналық сақтандыру қорымен ынтымақтастық шеңберінде біз 18 жасқа дейінгі балалар мен жүкті әйелдерге, сондай – ақ заң бойынша осы көмек алуға құқыкты азаматтардың басқа да санаттарына тегін қызмет көрсетеміз, – деп түсіндірді Қ.Қосанбетов. – Бұл бізге де, емделушілерге де ыңғайлы әрі тиімді.
</blockquote>
Келесі нысан – “Дента-люкс” стоматологиялық клиникасы. Бұрын бұл балалардың стоматологиялық емханасы болатын. Қазір де мұнда 18 жасқа дейінгі балалар мен жүкті әйелдерге тегін стоматологиялық көмек көрсетіледі.
Бұл күні қабылдауға бес жасар ағайынды-үшемшелер – Ерасыл, Жанасыл және Нұрасыл келді. Әжесі Дина Әбдірахманованың айтуынша, балақайлар осы клиниканың тұрақты клиенттері болып табылады. Егер Жаңасыл мен Нұрасыл тек жоспарлы тексеруге келсе, Ерасылдың ерте жастан бастап тістері ауырады.
<blockquote>
 – Мұнда керемет мамандар жұмыс істейді, – дейді Д.Абдрахманова. – Олар өз ісінің кәсіби мамандары, сонымен қатар кішкентай пациенттеріне көзқарас таба алады, бұл әрдайым оңай емес. Міндетті әлеуметтік медициналық сақтандыру жүйесі балалардың дені сау болып өсуіне ата-анасына қосымша қаржылық шағынсыз көмектесетініне қуаныштымын.
</blockquote>
А. Аханованың айтуынша, бүгінгі таңда Қордың облыс бойынша денсаулық сақтау субъектілерінің Деректер қорында 40 стоматологиялық қызмет көрсететін ұйымдар тіркелген, оның 10 – ы (25%) мемлекеттік және 30-ы (75%) жеке клиникалар. Аталған медициналық ұйымдар алғашқы медициналық-санитарлық көмектің медициналық ұйымдарымен бірлесіп орындау шарты негізінде медициналық қызмет көрсетіп отыр.
Ағымдағы жылдың 7 айы бойынша облыс бойынша 887,4 млн.тенгеге&nbsp; стоматологиялық&nbsp; қызметтер көрсетілді.
<img src="https://kyzylorda-news.kz/wp-content/uploads/2021/09/20210914_154716-scaled.jpg" alt="" />

Қызылорда: Стоматологиялық емді кім тегін алуға құқылы?

&nbsp;<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Арал ауданына қарасты Жіңішкеқұм елді мекенінен солтүстікке қарай шамамен 170 шақырым қашықтықтағы құмды төбе арасында &nbsp;ірі есірткі алқабы анықталды.
&nbsp;Үш азамат, яғни Қызылорда облысының 2 тұрғыны және Жезқазған қаласының 1 тұрғыны&nbsp; заңмен тыйым салынған сора өсімдігін адамдар тобы болып, ірі мөлшерде егіп, күтіп баптап өсірген.
Оқиға орнына жедел тергеу тобымен қарап-тексеру жүргізу барысында жалпы саны 589 түп сора өсімдіктері анықталып, олардан үлгі ретінде 15 дана сора өсімдіктері алынды. Ал қалған 574 түп оқиға орнында өртеу жолымен &nbsp;жойылды.
<blockquote>
 «15 дана сора өсімдігі сараптама қорытындысымен&nbsp; жалпы салмағы 7945,63 гр&nbsp;&nbsp; есірткі құралына жататындығы бекітілді. Қазіргі &nbsp;уақытта бұл дерек бойынша Қазақстан Республикасы Қылмыстық кодексінің &nbsp;300-бабы бойынша (Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру) сотқа дейінгі тергеп – тексеру амалдары жүргізілуде», – делінген полиция департаментінің таратқан хабарламасында. &nbsp;&nbsp;&nbsp;&nbsp;&nbsp;
</blockquote>
Күдіктілер Арал аудандық полиция бөлімінің уақытша ұстау абақтысына қамаққа алынды.

Қызылордалық полицейлер ірі есірткі алқабын анықтады

<a href="https://kyzylorda-news.kz/ru/obshestvo/">Kyzylorda-news.kz</a>. Мәдениет және спорт министрлігі «Кинематография туралы» заңға өзгерістер енгізбек. Заң жобасына түзетулер міндетті дубляж немесе фильмнің қазақ тіліндегі түпнұсқасын талап етуге бағытталған.
Құжат Үкіметте биыл қазанда қаралады деп жоспарланып отыр. Кейін желтоқсанда Парламент Мәжілісінің қарауына жіберіледі. Заңды қабылдау жол картасына сәйкес 2022 жылы жоспарланған.
Айта кетейік, бүгінгі таңда қазақ тіліндегі 35-тен астам фильм прокатқа шығып, демеушілер тарапынан 1,4 миллиард теңге бөлінген.

Қазақстан және Қызылорда облысының жаңалықтары: Қоғам