<a href="https://kyzylorda-news.kz/">Kyzylorda-news.kz</a> Қазалы ауданында елді мекендерді газдандыру жұмыстары кезең-кезеңімен жүйелі түрде жүзеге асырылып келеді. Бұған дейін ауданға қарасты Абай және Ақтан батыр ауылдары көгілдір отынға қосылса, 2025 жылы Жанқожа батыр, Бекарыстан би, Майдакөл және Ү.Түктібаев елді мекендеріне магистральды газ желілері жеткізілді.Ал биыл аталған елді мекендерге орамішілік газ желілерінің құрылысын бастауға республикалық бюджеттен 680 млн теңге қаржы бөлініп, сәуір айында газ жүргізу жұмыстар басталған болатын. Бүгінде 4 ауылда да орамішілік газ желілерінің құрылысы қарқынды жүргізілуде. Осыған орай аудан әкімі Алмасбек Есмаханов ауылдарға арнайы барып, құрылыс жұмыстарының барысын көріп, мердігер мекемелердің жұмысын бақылады.Құрылыс алаңдарын аралау барысында аудан әкімі мердігерлерге жұмыстың сапасына ерекше мән беріп, тұрғындардың көптен күткен игілігі саналатын газға қосу жұмыстарын белгіленген мерзімде аяқтаудың маңыздылығын атап өтті.&nbsp;4 ауыл толық газға қосылғаннан кейін аудан тұрғындарын көгілдір отынмен қамту көрсеткіші 83 пайызға жетеді. Айта кетейік, ауданда бұдан бөлек Ақсуат, Байқожа елді мекендеріне орамішілік газ желілерін жүргізу және Өркендеу, Бірлік, Қожабақы, Аранды ауылдық округтеріне магистральды газ желілерін тарту жобалары да әзірленген.&nbsp;

Қазалы: Елді мекендерді газдандыру жұмыстарының құрылысын бақылады

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев,облыстық мәслихат төрағасы Мұрат Тлеумбетов Жаңақорған ауданына жұмыс сапары барысында Ақжол ауылының тұрғындарымен және Жаңарық, Әбдіғаппар, Өзгент ауылдарының ақсақалдарымен кездесті.«Руханият орталығында» өткен жиынға аудан активі қатысып, өңірдің әлеуметтік-экономикалық даму бағыттары мен алдағы міндеттер талқыланды.Кездесуде аймақ басшысы өңдеу өнеркәсібін дамыту, өндіріс көлемін ұлғайту, инвестиция тарту &nbsp;және жаңа жұмыс орындарын құруға бағытталған жобаларды қолдау қажеттігін атап өтті. Сонымен қатар, ауданның туристік әлеуетін тиімді пайдаланып, нақты жобаларды жүзеге асыруды тапсырды.<img src="https://knadmin.beoblood.kz/uploads/Oblys_kimi_Zha_a_or_an_audany_zh_mys_sapary_2_13846e37fc.jpg" alt="Облыс әкімі Жаңақорған ауданы жұмыс сапары 2.jpg"><blockquote>– Өнеркәсіп өндірісі, өңдеу өнеркәсібі саласына жетекшілік ететін аудан әкімінің орынбасары,кәсіпкерлік және өнеркәсіп бөлімінің басшысы, жұмысты күшейту керек. 2023 жылдан күріш көлемі 1147 гектарға қысқарған. «Ауыл аманаты» жобасы ұсынған мүмкіндіктерді &nbsp;пайдалануды тапсырамын. Ауданда 175 шаруашылық каналы бар, оларды бетондау жобаларын әзірлеудегі жұмысты жеделдетіңіздер. Жаңақорғанның туристік әлеуетін тиімдіпайдаланып, нақты жобаларға айналдыру керек. Қаратаудың етегінде орналасқан ауданның табиғиерекшеліктері, тарихи орындары меншипажайлары, мәдени-рухани құндылықтары ішкі және сыртқы туризмді дамытуға мүмкіндік береді, – деді аймақ басшысы.</blockquote>Кейінгі төрт жылда барлық ауданда жаңадан 1800-ге жуық пәтер пайдалануға берілсе, оның 254-і Жаңақорған ауданында. Сапасына қатысты кемшіліктерді мердігер мекемелер толықтай қалпына келтірді. Биыл да тұрғын үйлер салу жоспарланған.&nbsp; Осы ретте облыс әкімі салаға жетекшілік ететін аудан әкімінің орынбасары, құрылыс бөлімінің басшысына дайындық жұмыстарын ұйымдастыруды міндеттеді.Ауданда газдандыру деңгейі 53 пайыз, бүгінде5 елді мекенге жоғары қысымды газ құбыры салынуда. Аудан әкімдігі облыстық энергетика және тұрғын үй-коммуналдық шаруашылық басқармасымен бірлесіп, ауылдарды кезең-кезеңімен табиғи газға қосу жұмысынұйымдастыруы тиіс.Айта кетейік, аудан экономикасының негізгі салаларында тұрақты даму үрдісі сақталып, бірқатар бағыт бойынша оң нәтижеге қол жетті.Ауыл, орман және балық шаруашылығы өнімдерінің жалпы көлемі өткен жылдың тиісті кезеңімен салыстырғанда 105,6 пайызға артты.Негізгі капиталға тартылған инвестиция көлемі 25,3 млрд теңге болған. Құрылыс жұмыстарының көлемі, пайдалануға берілген тұрғын үйлердің жалпы ауданы жағынан да өсім бар.Кездесуде тұрғындар мен ауыл ақсақалдары ауданның дамуына қатысты өзекті мәселелер мен ұсыныстарын ортаға салды. Аймақ басшысы көтерілген әрбір мәселе жан-жақты зерделеніп, тиісті заңды шешім қабылданатынын жеткізді.<img src="https://knadmin.beoblood.kz/uploads/Oblys_kimi_Zha_a_or_an_audany_zh_mys_sapary_3_9f196a6a5b.jpg" alt="Облыс әкімі Жаңақорған ауданы жұмыс сапары 3.jpg">

Жаңақорғанның туристік әлеуетін нақты жобаларға айналдыру керек

<a href="https://kyzylorda-news.kz/">Kyzylorda-news.kz</a> Қазалы ауданы әкімі Алмасбек Есмаханов аудандағы бау-бақша алқаптары мен күріш егістіктерін аралап, егіс жұмыстарының барысымен танысты.Алдымен аудан басшысы Қазалы қаласы тұрғындарының қаланың Қарлан беткейіндегі ұжымдық бақша егу жұмыстарын көрді. Мұнда тұрғындар бірігіп 2 гектар жерге қауын-қарбыз, 1 гектарға картоп және 3 гектарға көкөніс еккен.Одан кейін Ү.Түктібаев ауылы тұрғындарының ұжымдық бақша алқаптары аралады. Ауылдық округтегі Қостам учаскесінде 18 адам бірігіп 10 гектар жерге, ал Қасқа учаскесінде 13 адам бірігіп 10 гектар жерге картоп, көкөніс және бақша дақылдарын еккен.<img src="https://knadmin.beoblood.kz/uploads/azaly_Audan_kimi_ba_shaly_tar_men_egis_al_aptaryn_aralady1_66ccf5f2a2.jpg" alt="Қазалы Аудан әкімі бақшалықтар мен егіс алқаптарын аралады1.jpg">Аудан әкімі Майдакөл ауылы маңындағы бақшалық жұмыстарымен де танысты. Ауыл сыртындағы Құлпыбай учаскесінде ауыл тұрғыны Алмасбек Наукеев жалпы 3,5 гектар жерді игеріп, оның 2 гектарына қауын-қарбыз, 0,5 гектарына картоп пен көкөніс, 1 гектарына жоңышқа орналастырған.Бақшалықтарды аралау барысында аудан басшысы «Агро Өркен» ЖШС-нің егіс алқабын да көрді. Серіктестік биыл 465 гектар жерге күріш, 100 гектарға бидай, 50 гектарға мақсары, 297 гектарға жаңа жоңышқа және 623 гектарға ескі жоңышқа орналастырған.Жалпы биыл аудан бойынша 224 гектарға картоп, 951 гектарға көкөніс, 1118 гектарға бақша дақылдары егілсе, негізгі дақыл – күріш 2447 гектар жерге орналастырылды.Егістік алқаптарын аралау барысында аудан әкімі бау-бақша шаруашылығының азық-түлік қауіпсіздігін қамтамасыз етудегі маңызын атап өтті. Сонымен қатар, тұрғындардың көптеп бірігіп бақша егумен айналысуы нарықтағы азық-түлік бағасын тұрақтандыруға оң әсер ететінін жеткізді.Аудан басшысы тиісті сала жетекшілері мен ауылдық округ әкімдеріне бау-бақша егумен айналысатын тұрғындарды қажетті ағын сумен уақытылы қамтамасыз етуді тапсырды.Бүгінде бақша өнімдерінің алғашқы легі пісіп, сатылымға шығарылуда. Бұл – диқандардың маңдай тері мен тынымсыз еңбегінің нәтижесі. Берекелі еңбек пен бірліктің арқасында аудан тұрғындарының ырысы арта түспек.&nbsp;

Қазалы: Аудан әкімі бақшалықтар мен егіс алқаптарын аралады

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов аудан аумағындағы бірқатар ауылдық округтерге арнайы барып, жүзеге асырылып жатқан кәсіпкерлік және ауыл шаруашылығы бағытындағы жобалардың жұмысымен танысты.Алдымен аудан басшысы Ақжона ауылдық округіне қарасты Майдакөл ауылындағы Жалпақ елді мекеніне барып, балық шаруашылығы бағытындағы жобаның жай-күйін көрді. Мұнда жеке кәсіпкер Ақылбек Баймахановқа 60 гектар жер телімі берілген. Оның 30 гектарын балық тоғаны ретінде игеру жоспарланған. Жоба аясында биыл мамыр айында тоғанға 80 мың дана балық шабақтары жіберілді. Кәсіпкер бұл жобаны 2025 жылдың қараша айынан бастап қолға алған. Аудан әкімі балық шаруашылығын дамыту – ауыл экономикасын әртараптандырудың маңызды бағыты екенін атап өтіп, жобаның алдағы жұмысына сәттілік тіледі.<img src="https://knadmin.beoblood.kz/uploads/azyly_audanyny_kimi_auyldarda_y_k_sipkerlik_zhobalardy_zh_mysymen_tanysty_c1029bb321.jpg" alt="Қазылы ауданының әкімі ауылдардағы кәсіпкерлік жобалардың жұмысымен танысты.jpg">Одан кейін аудан әкімі Майдакөл ауылдық округіне қарасты Бекарыстан би ауылына барып, «Ауыл аманаты» бағдарламасы аясында қаржыландырылған жобаның жұмысымен танысты. Жеке кәсіпкер Рүстем Тілеуқұлов бағдарлама арқылы 2024 жылы 5 млн теңге көлемінде қаржы алып, пластик есік-терезе бұйымдарын шығару кәсібімен айналысып отыр. Кәсіпкер 10 жылдан бері тұрақты жұмыс жасап келеді. Бүгінде оның өнімі аудан орталығының сұранысын қамтамасыз етіп отыр. Сонымен қатар, жаңа заманауи құрылғылар сатып алынып, ағаш бұйымдарына ұлттық ою-өрнек салу бағытындағы жұмыстар да қолға алынған.Сапар барысында аудан басшысы Бекарыстан би ауылындағы «Смағұл» шаруа қожалығының мал бордақылау алаңына да барды. Шаруашылық жеке қаражат есебінен жұмысын жүргізіп келеді. Мұнда мал бордақыланып, ауыл мен аудан орталығы тұрғындары ет өнімдерімен қамтамасыз етілуде. Сонымен бірге, шаруашылықта бие сауылып, саумал өнімі халыққа ұсынылуда.<img src="https://knadmin.beoblood.kz/uploads/azyly_audanyny_kimi_auyldarda_y_k_sipkerlik_zhobalardy_zh_mysymen_tanysty2_18a3986068.jpg" alt="Қазылы ауданының әкімі ауылдардағы кәсіпкерлік жобалардың жұмысымен танысты2.jpg">Аудан әкімінің жұмыс сапары Ақтан батыр ауылында жалғасты. Мұнда аудан басшысы «Ердәулет 2021» АШӨК кооперативінің жұмысымен танысты. Кооператив төрағасы Айтуған Сералиев қазіргі таңда 20 гектар жерге жоңышқа, 6 гектар жерге бақша дақылдарын егіп, ауыл шаруашылығы өнімдерін өндіруде. Кәсіп иесі биыл аталған жобаны «Ауыл аманаты» бағдарламасы арқылы кеңейтуді жоспарлап отыр. Кооператив ауыл тұрғындарын біріктіріп, ортақ кәсіпті дамытуға бағытталған.Жоба барысымен танысқан аудан әкімі кооператив жұмысын кеңейту мақсатында «Ауыл аманаты» бағдарламасы арқылы қаржыландыру мәселесін қарастырып, жер мәселесін шешу жөнінде тиісті сала басшыларына нақты тапсырмалар берді.Айта кету керек, «Ауыл аманаты» жобасы ауыл тұрғындарының табысын арттыруға, кәсіпкерлікті дамытуға және жаңа жұмыс орындарын ашуға бағытталған маңызды бастамалардың бірі. Бүгінге дейін ауданда жоба аясында 200-ден астам азамат өз кәсібін бастап, халыққа қажетті өнім өндіру арқылы өңір экономикасының дамуына үлес қосып келеді. Мемлекет тарапынан 2023 жылдан бері аталған жобаларды жүзеге асыруға 1 млрд 581 млн теңге қаржы бөлінген.Мұндай бастамалар ауыл экономикасын нығайтып қана қоймай, елді мекендердегі тұрғындардың әл-ауқатын арттыруға, кәсіпкерлік белсенділікті күшейтуге және ауылдың тұрақты дамуына тың серпін беруде.

Ауылдардағы кәсіпкерлік жобалардың жұмысымен танысты

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев «BI Group» компаниясының акционері, директорлар кеңесінің мүшесі Бауыржан Исабаевпен кездесті. Кездесуде өңірде инвестициялық жобаларды іске асыру, инфрақұрылымды дамыту, көшелерді абаттандыру және қаланың шет аймақтарына әлеуметтік нысандар салу мәселелері талқыланды.Кейінгі жылдары «BI Group» компаниясының ауқымды инвестициялық және инфрақұрылымдық жобалары өңір келбетін жаңғыртқаны белгілі.Атап айтқанда, «Сыр жұлдыздары» шығармашылық-инновациялық академиясы – бір мезетте 500 оқушыны, тәулігіне 3 мыңға дейін баланы қабылдайтын көпфункционалды орталық. Мұнда спорттық және шығармашылық үйірмелермен қатар, робототехника, жасанды интеллект, 3D модельдеу және түрлі оқу-зертханалық кабинеттер жұмыс істейді.Ботаникалық бақ – экологиялық мәдениетті дамытуға және жаңа қоғамдық кеңістіктер құруға бағытталған жоба. Бақта әлемнің түрлі аймақтарынан әкелінген 92 түрлі 3300-ден астам өсімдік өсіріледі, нысан заманауи микроклиматтық және суару жүйелерімен жабдықталған.Жақында пайдалануға берілген «AI-KERIM» оқу-сауықтыру орталығы халықаралық стандарттарға сай, 300 орынға арналған көпфункционалды кешен ретінде қызмет атқарады. Құрамында әкімшілік блок, event-аймақ, жатақхана бар.Бұдан бөлек, қалалық мәдени-демалыс паркі мен Президент саябағы қайта жаңғыртылып, заманауи демалыс аймағына айналды. Мұнда субұрқақтар, амфитеатр, спорт және ойын алаңдары, жүгіру, велосипед жолақтары салынып, 31 гектар аумаққа жасыл желек егілді.Фото: Қызылорда облысы әкімінің баспасөз қызметі

Қаланың шет аймақтарына әлеуметтік нысандар салу мәселесі қаралды

<a href="https://kyzylorda-news.kz/">Kyzylorda-news.kz</a> «Таза Қазақстан» экологиялық акциясы аясында Сырдария ауданы орталығында және елді мекендерде санитарлық тазарту бойынша сенбілік өтті. Тазалық жұмыстарына аудандағы меншік түріне қарамастан барлық мекеме атсалысты.Экологиялық акцияның негізгі мақсаты – қоршаған ортаның тазалығын сақтау, елді мекендердің санитарлық жағдайын жақсарту, тұрғындардың табиғатқа деген жауапкершілігін арттыру және экологиялық мәдениетті қалыптастыру. Осы бағытта аудан бойынша бірқатар маңызды жұмыстар атқарылды.Сенбілік барысында мекеме қызметкерлері мен еріктілер өздеріне бекітілген аумақтарда тазалық жұмыстарын жүргізді. Көшелер мен саябақтар, әлеуметтік нысандардың айналасы, тұрғын үйлердің аулалары тұрмыстық қалдықтардан тазартылып, ретке келтірілді. Сонымен қатар жол жиектері мен арықтар тазаланып, көгалдандыру және абаттандыру жұмыстары жүзеге асырылды.Акция барысында ағаш көшеттерін отырғызу, гүлзарларды күтіп-баптау, жасыл аймақтарды ретке келтіру секілді жұмыстар да назардан тыс қалған жоқ. Мұндай шаралар ауданның көркін арттырып қана қоймай, тұрғындарға қолайлы әрі таза орта қалыптастыруға мүмкіндік береді.Сырдариялықтар табиғатты қорғау мен туған жердің тазалығын сақтау – әр азаматтың ортақ міндеті екенін жақсы түсінеді. Сондықтан аудан тұрғындары мен жастар қауымы экологиялық бастамаларға тұрақты түрде қолдау көрсетіп келеді. Әсіресе жастардың белсенділігі қоғамда экологиялық құндылықтарды насихаттауға оң әсерін тигізуде.Тазалық акциясы тек бір күндік шарамен шектелмейді. Ауданда санитарлық тазалықты сақтау, қоғамдық орындарды күтіп ұстау және қоршаған ортаны қорғау бағытындағы жұмыстар алдағы уақытта да жүйелі түрде жалғасын табады. Бұл өз кезегінде ауданның экологиялық ахуалын жақсартып, тұрғындардың өмір сүру сапасын арттыруға ықпал етеді.Таза қоршаған орта – денсаулықтың, мәдениеттің және өркениетті қоғамның кепілі. Сондықтан әрбір тұрғын өз ауласының, көшесінің және қоғамдық орындардың тазалығына жауапкершілікпен қарап, табиғатты аялауға үлес қосуы қажет.&nbsp;«Таза Қазақстан» акциясы осы игі мақсаттарды жүзеге асыруға бағытталған маңызды бастамалардың бірі болып табылады. Сырдариялықтар алдағы уақытта да экологиялық акцияларға белсенді қатысып, туған өлкенің тазалығы мен көркеюіне өз үлестерін қоса бермек.

«Таза Қазақстан»:  Сырдариялықтар экологиялық акцияға атсалысты 

<a href="https://kyzylorda-news.kz/">Kyzylorda-news.kz&nbsp;</a>Қармақшы ауданы Жосалы кентінің орталық алаңында аудан әкімінің тапсырмасына сәйкес дәстүрлі түрде өткізіліп жүрген «Ел іші – өнер кеніші» атты концерттік бағдарламаның ашылу кеші өтті.Тағылымды кеште аудан әкімінің орынбасары Диас Молдабаев құттықтау сөз сөйлеп, пікір білдірді.<img src="https://knadmin.beoblood.kz/uploads/FB_IMG_1781416284846_9700ec1626.jpg" alt="FB_IMG_1781416284846.jpg"><blockquote>- Өнер – халықтың рухани байлығы, ұлтымыздың асыл қазынасы. Осы құндылықтарымыз арқылы халқымыздың тарихы мен тағылымы, салт-дәстүрі ұрпақтан ұрпаққа жалғасып келеді. Өткен жылдан бастап ауданымызда дәстүрлі түрде ұйымдастырылып келе жатқан «Ел іші – өнер кеніші» концерті жергілікті өнерпаздардың шығармашылығы мен талантты азаматтардың арасындағы мәдени байланысты нығайтуға үлкен үлес қосып келеді. Барша қатысушыларға шығармашылық табыс, шалқар шабыт тілеймін. Өнерлеріңіз өрлей берсін, мерейлеріңіз үстем болсын,- деп атап өтті.</blockquote>Кеш барысында Төретам кенті мен Тұрмағамбет ауылының өнерпаздары ән мен биден шашу шашып, тұрғындарға рухани әсер сыйлады.Айта кетсек ұлтымыздың асыл құндылығын дәріптеу мақсатында ұйымдастырылар тағылымды кеш Жосалы кентінің орталық алаңында кент және ауылдық округ өнерпаздарының қатысуымен қыркүйек айына дейін әр сенбі сайын өткізілетін болады.<img src="https://knadmin.beoblood.kz/uploads/FB_IMG_1781416302055_0b423c8801.jpg" alt="FB_IMG_1781416302055.jpg">

Қармақшылық өнерпаздар тұрғындарға ерекше көңіл-күй сыйлады 

<a href="https://kyzylorda-news.kz/">Kyzylorda-news.kz&nbsp;</a> Шиелі ауданында Мемлекет басшысы Қасым-Жомарт Кемелұлы Тоқаевтың бастамасымен жүзеге асырылып жатқан «Таза Қазақстан» республикалық экологиялық акциясы аясында кең көлемді сенбілік жұмыстары ұйымдастырылды.Шиелі ауданының әкімі Айтбай Жандарбеков экология мен санитарлық тазалық мәселелерін әрдайым басты назарда ұстап, бұл бағыттағы жұмыстардың жүйелі жүргізілуіне ерекше мән беріп келеді. Аудан басшысының тапсырмасына сәйкес аудан аумағында абаттандыру, көгалдандыру және санитарлық тазалықты сақтау бағытындағы жұмыстар тұрақты түрде жүзеге асырылуда.<img src="https://knadmin.beoblood.kz/uploads/FB_IMG_1781380573668_ba2d52b815.jpg" alt="FB_IMG_1781380573668.jpg">Бүгінгі сенбілікке аудан орталығы мен барлық ауылдық округтердің тұрғындары, дербес бөлім қызметкерлері, білім беру және денсаулық сақтау мекемелерінің ұжымдары, жастар ұйымдары мен еріктілер белсенді қатысып, көшелер мен қоғамдық орындарды тазарту жұмыстарын қарқынды жүргізді.Сенбілік барысында көшелер мен саябақтар тазартылып, қоқыстар шығарылды, арам шөптер орылып, ағаштардың түптері әктелді. Сонымен қатар, әлеуметтік және мәдени нысандардың аумақтарында әрлеу-сырлау жұмыстары атқарылып, аудан келбетін жақсартуға бағытталған жұмыстар жүйелі түрде жүзеге асырылды.Мұндай игі шаралар тұрғындардың қоршаған ортаға деген жауапкершілігін арттыруға, ауданның санитарлық тазалығын қамтамасыз етуге және өңірдің көркеюіне оң ықпал етуде.Айта кету керек, «Таза Қазақстан» акциясы аясындағы тазалық және абаттандыру шаралары алдағы уақытта да тұрақты түрде жалғасын тауып, аудан тұрғындарын ортақ іске белсене атсалысуға шақыру жұмыстары жүргізіле береді.<img src="https://knadmin.beoblood.kz/uploads/FB_IMG_1781380559169_5b414d5fc5.jpg" alt="FB_IMG_1781380559169.jpg">

Шиеліде экологиялық акция аясында сенбілік жұмыстары жүргізілді 

<a href="https://kyzylorda-news.kz/">Kyzylorda-news.kz&nbsp;</a>Арал ауданында «Таза Қазақстан» экологиялық акциясы аясында кезекті сенбілік жұмыстары қолға алынды.Кең ауқымдағы «Таза Қазақстан» акциясы аясындағы сенбілік жұмыстарын Арал ауданының әкімі Аманжол Оңғарбаев аралап көріп, қаланың шет аймақтары мен маңызды көшелерінде жүрігізіп жатқан жұмыстарға куә болды. Бұл бағыттағы жұмыстарды бәсеңдетпеу керек екенін алға тартып, ауданымыздың тазалығы баршаға ортақ екенін жеткізді.Аудан әкімі жұмыс сапары барысында Тәжі Палуан көшесіндегі балалар ойын алаңын көріп, онда қайта қалпына келтіріліп жатқан жұмыстарға куә болды. Сол маңдағы Т.Әубәкіров көшесіндегі ашық футбол алаңының сапасына сын көзбен қарап, жауапты тұлғаларға пайдалану барысында орын алған кемшіліктерді қайта қалпына келтіруді тапсырды.Мұнан соң аудан әкімі Аманжол Сақыпұлы вокзал маңындағы «Алаш» алеясына аялдады. Көпшілік орынның жай-күйіне бақылау жасап, қоғамдық орынды күтіп ұстап, айналасын абаттандыру мәселесін қолға алуды жүктеді.Қазіргі таңда қала тұрғындары мен қонақтарының жиі аялдайтын жері «Балықшылар» алеясы екені белгілі. Аудан әкімі мұндағы кейбір дүниелердің күтусіз қалып, назардан тыс қалғанын атап өтті. Әсіресе орта тұсындағы шағын субұрқақ алаңының іші ластанып, сыртқы бөліктері сыр бере бастағанын сынға алды. Шағын ойын алаңының да жағдай мәз емес екенін жеткізіп, жауаптыларға көпшілік орындары күтіп ұстап, тазалық пен абаттандыру жұмыстарын ұдайы жүргізіп тұруды тапсырды.Аудан әкімі кезекті сапарында №19 Арал ауданының олимпиадалық резервтің мамандандырылған балалар-жасөспірімдер мектебінің бокс залы аумағында жаңадан салынған шағын футбол алаңын көрді. Жауаптыларға жергілікті бюджет көздерінен тыс демеушілік есебінен салынатын мұндай ойын алаңдары мен қоғамдық орындар және әлеуметтік нысандардың санын алдағы уақытта көбейтіп, ауданға инвестиция тарту жұмыстарын қарқынды қолға алу керектігін тапсырды.Сонымен қатар құрылыс жұмыстары жүріп жатқан темір жол вокзалына аялдады. Онда жүргізіліп жатқан құрылыс жұмыстарымен танысып, бірінші кезекте әлеуметтік нысанның сапасы барлық талаптарға сай болуы керектігін атап өтті. Құрылысқа жауапты мердігер мекеме өкілдерімен кездесу барысында қауіпсіздік талаптары мен сапаға мән беріп, жұмысты тиянақты әрі уақытылы аяқтауға күш салу керектігін жеткізді.Жаз мезгілі болғандықтан тұрғындар мен балалар уақытының көп бөлігін осындай алеялар мен ойын алаңдарында және көпшілік қоғамдық орындарда өткізетінін айтып, қала аумағындағы мұндай орындардың жай-күйін ұдайы назарда ұстау керектігін атап өтті.Кемшіліктер орын алған жағдайда дереу қалпына келтіру жұмыстарын жүргізу керектігін жауапты тұлғаларға ескертті.Арал ауданының әкімі Аманжол Сақыпұлы аудан көлемінде жүргізілген сенбілік жұмыстары жоғары деңгейде қолға алынуы керектігін, қоршаған ортаға қамқорлық, туған өлкені тазарту, көгалдандыру сынды жұмыстар әлі де жалғасын таба беретінін жеткізді.<img src="https://knadmin.beoblood.kz/uploads/FB_IMG_1781380292366_c660fed7e6.jpg" alt="FB_IMG_1781380292366.jpg">

Сенбілік барысында қоғамдық орындардың жай-күйін тексерді 

Бүгін Қазалы ауданында «Таза Қазақстан» экологиялық акциясы аясында Әйтеке би кенті мен Қазалы қаласы және барлық ауылдық округтерде жаппай сенбілік шаралары ұйымдастырылды.Сенбілік жұмыстары барысында Әйтеке би кентінің орталық көшелерінде шөптер шабылып, бөтелкелер және басқада қоқыстарды теру жұмыстары жүргізілді. Тазалық шаралары барысында мекеме, ұжым қызметкерлерінің басым бөлігі мәдени-демалыс кешеніндегі ретсіз өскен шөптерді шабу жұмыстарына жұмылдырылды. Сондай-ақ барлық елді мекендер бойынша аяқ су арықтары да тазартылды.Аудан орталығында өткен сенбілік жұмыстарын Қазалы ауданының әкімі Алмасбек Есмаханов аралап, әрбір аумақтың тазалығына қатысты жауаптыларға бірқатар тапсырмалар берді.Жалпы тазалық шараларына мекеме қызметкерлерінен бөлек тұрғындар мен ерікті жастар, «Жасыл ел» еңбек жасағының жастары қатыстып, тазалыққа атсалысты.Бүгінгі Қазылы ауданы бойынша тазалық акциясы аясында ұйымдастырылған сенбілікке 136 мекемеден 1780 адам қатысып, 11 &nbsp;техника жұмылдырылды. Жалпы көшелер мен саябақтардан және басқа да орындардан 10,5 тонна тұрмыстық қатты қалдық арнайы орынға шығарылды.

Қазалыда тазалық акциясы жалғасуда

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев, ҚР Төтенше жағдайлар министрі, генерал-лейтенант Шыңғыс Әрінов, құқық қорғау органдарының бірінші басшылары және зиялы қауым өкілдері Қарауылтөбе ауылдық округіндегі «Ауыл құтқарушылары» республикалық бағдарламасы аясында салынған кезекті өрт сөндіру бекетінің ашылу рәсіміне қатысты.&nbsp;Шарада облыс әкімі төтенше жағдайлар қызметінің техникалық әлеуетін арттыру және тұрғындардың қауіпсіздігін қамтамасыз ету бағытында атқарылып жатқан жұмыстарға тоқталды. &nbsp;<blockquote>«Облыс, аудан орталықтарынан шалғайда орналасқан елді мекендердегі халықтың қауіпсіздігі аса маңызды. Осыған орай күні кеше Төтенше жағдайлар министрі Шыңғыс Сайранұлы Аралдағы Қамыстыбас және Қазалыдағы Жанқожа батыр ауылдық округтерінде «Ауыл құтқарушылары» бағдарламасы аясында салынған өрт сөндіру пункттерін табыстады.Бүгін аталған бағдарламамен Қарауылтөбеде салынған өрт сөндіру бекетін ресми түрде іске қосамыз. Бұдан бөлек, Қызылорда қаласы мен Қазалы, Шиелі аудандарындағы сала қызметкерлерінің пайдалануына 11 заманауи өрт сөндіретін және арнайы жабдықталған жеңіл автокөлік бердік.&nbsp;Облыста 2023-2025 жылдары 2 млрд. теңгеден астам қаржыға 17 өрт сөндіру техникасы, 4 арнайы жабдықталған жеңіл автокөлік, 90 цифрлық радиобайланыс жүйесі, 50-ден астам арнайы құрал-жабдық алынды. Осы жылы 2,8 млрд теңгеге 20 өрт сөндіру автокөлігі сатып алынады деп жоспарлануда. Жаңа техникалар алдағы уақытта &nbsp;табысталады. Бұл – өңіріміздің төтенше жағдайлар саласы қызметкерлеріне үлкен қолдау», – деді Мұрат Нәлқожаұлы.&nbsp;</blockquote>Ашылу рәсімінде Шыңғыс Әрінов, ел ағасы Аманкелді Досмаханұлы сөз сөйлеп, өрт сөндіру бекетін ашуға атсалысқандар мен азаматтық қорғау саласында қажырлы еңбек еткен сала қызметкерлері облыс әкімінің Алғыс хатымен және Төтенше жағдайлар министрлігінің наградаларымен марапатталды.&nbsp;Бұдан кейін Шыңғыс Сайранұлы төтенше жағдайлар қызметінің жеке құрамымен кездесті. Жасөспірімдерге арналған «Batyr Kids Team» спорт залына, үнемделген қаржы есебінен жөндеуден өткен департамент ғимаратына барды. Жедел-құтқару жасағының бөлімшесімен танысып, олардың материалдық-техникалық жағдайын көрді.Айта кетейік, «Ауыл құтқарушылары» республикалық бағдарламасының мақсаты – өртке қарсы қызметі жоқ шалғай елді мекендерде жедел және тиімді көмек жүйесін құру.Бүгінде осы бағдарлама шеңберінде аймақта 35 бекет салынған. Бекеттер 25 &nbsp;өрт сөндіру автокөлігімен, 12 &nbsp;тіркеме, 8 тасымал, 2 стационарлық радиостанциямен, өрт құрал- жабдықтары және жауынгерлік киімдермен жабдықталған.Фото: Қызылорда облысы әкімінің баспасөз қызметі

Қарауылтөбе ауылдық округінде өрт сөндіру бекеті ашылды

Бүгін облыс әкімі Мұрат Ергешбаев, ҚР Төтенше жағдайлар министрі, генерал-лейтенант Шыңғыс Әрінов, құқық қорғау органдарының бірінші басшылары және ел ағаларының қатысуымен азаматтық қорғау саласының қызметкерлеріне 11 &nbsp;заманауи өрт сөндіру және арнайы жабдықталған жеңіл автокөлік кілтін табыстау рәсімі өтті.&nbsp; Рәсімде облыс әкімі саланы қолдау мемлекеттің маңызды бағыттардың бірі екенін атап өтті.&nbsp; «Мемлекет басшысы Қасым-Жомарт Кемелұлы: «Табиғи және техногендік апаттар туындаған кезде құтқарушылардың еңбегі ерекше мемлекеттік мәнге ие болады. Мемлекет сіздердің қажырлы еңбектеріңізді бағалайды», - деген болатын. Азаматтық қорғау органдары - төтенше жағдайлардың алдын алу және жоюға бағытталған жұмысты атқаратын еліміздегі маңызды құрылымдардың бірі. Олардың басты міндеті – өз өмірлерін қауіп-қатерге тіге отырып, халықтың қауіпсіздігін қамтамасыз ету. &nbsp; Бүгінде Президентіміздің, Үкіметтің тапсырмасымен қолдау шаралары жүйелі жүргізілуде. Біз бұл бағыттағы жұмыстарды одан әрі жалғастырамыз.&nbsp; Бүгінгі жаңадан табыстағалы тұрған өрт сөндіру техникалары игіліктеріңізге қызмет етсін! &nbsp; Еліміз тыныш, халқымыз аман, Тәуелсіздігіміз баянды болғай!», - деді Мұрат Нәлқожаұлы.&nbsp; Салтанатты шарада Шыңғыс Әрінов сөз сөйлеп, төтенше жағдайлар саласында аянбай еңбек етіп жүрген қызметкерлер мен сала ардагерлері облыс әкімінің Алғыс хатымен және Төтенше жағдайлар министрлігінің наградаларымен марапатталды. Шара соңында аймақ басшысы және Төтенше жағдайлар министрі &nbsp;жаңа техникалар мен жеңіл көліктердің кілтін салтанатты түрде табыстап, №6 өрт сөндіру бөлімінің жұмысымен танысты.&nbsp; Айта кетейік, күні кеше Аралдың Қамыстыбас және Қазалының Жанқожа батыр ауылдық округтерінде &nbsp;«Ауыл құтқарушылары» республикалық бағдарламасы аясында жаңа өрт сөндіру бекеттері ашылған болатын.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Қоғам