Kyzylorda-news.kz. «AMANAT» партиясы облыстық филиалы жанындағы экономика, кәсіпкерлік және аграрлық сектор мәселелері жөніндегі аймақтық кеңес мүшелері Сайлауалды бағдарламаның Жол картасында көрсетілген &nbsp;мемлекет тарапынан мал басын көбейтуге және оны асылдандыру мен өнімін ұлғайту бағытында атқарылатын жұмыстарға партиялық бақылау жасау шарасы бойынша мониторинг жүргізді.Кеңес төрағасы Бақдаулет Махашов бастаған топ 2004 жылдан бері жұмыс жасап келе жатқан «Абай» шаруа қожалығында болды. Шаруашылықтың негізгі бағыты мал шаруашылығын дамыту және сауын сиырлар ұстап бағу. Қазіргі таңда шаруа қожалығының иелігінде 300 бас мүйізді ірі қара малы, 200 бас жылқы тіркелген.Зерделеу жұмыстары барысында облыстық ауыл шаруашылығы және жер қатынастары басқармасы басшысының орынбасары Қайратбек Сәрсенбаев жол картасының 22-інші бағыты бойынша атқарылып жатқан жұмыстар жайлы баяндады.<blockquote>«Аймақта соңғы жылдарғы тұрақты мемлекеттік қолдаудың арқасында мал шаруашылығының оң даму тенденциясы қалыптасып, &nbsp;мал басы тұрақты өсіп, өндірілген өнім көлемі артуда. Нәтижесінде облыс бойынша 2023 жылдың 8 айында 423,4 мың бас МІҚ, 877,9 мың бас қой мен ешкі, 223,2 мың бас жылқы, 63,7 мың бас түйе және 124,7 мың бас құс тіркелген. Мал басын былтырғы жылдың сәйкес кезеңімен салыстырғанда МІҚ-2,0%-ға, қой мен ешкі-2,1%-ға, жылқы 7,7%-ға, түйе 3,4%-ға артып, құс 0,1%-ға артты.»,-деді ол.</blockquote>Шаруашылықтың жұмыс барысымен танысқан кеңес мүшелері қожалық басшысының ұсыныс-пікірлерін тыңдап, арнайы хаттамаға енгізілетінін айтты.<img src="https://knadmin.beoblood.kz/uploads/FB_IMG_1697342666719_5afd864ff4.jpg" alt="FB_IMG_1697342666719.jpg"><img src="https://knadmin.beoblood.kz/uploads/FB_IMG_1697342670085_db374240a1.jpg" alt="FB_IMG_1697342670085.jpg">

Аймақтық кеңес мониторинг жұмыстарын жүргізді

Kyzylorda-news.kz. Қызылорда облысында сот үкімімен 8 отбасы сот құзырымен ата-аналық құқығынан айырылды, деп хабарлайды <a href="https://kaz.inform.kz/">Kazinform</a>.Облыс көлемінде кәмелетке толмағандар жасайтын және оларға қарсы жасалатын қылмыстардың алдын алу мақсатында «Жасөспірім», «Түнгі қаладағы балалар», «Бала-Заң-Қауіпсіздік» атты жедел профилактикалық шаралары өтті.Нәтижесінде 6251 құқық бұзушы ішкі істер органдарына жеткізілді. Оның ішінде 231-і кәмелетке толмағандарды бейімдеу орталығына жатқызылып, 53 жасөспірім қылмыс жасағаны үшін ұсталды.<blockquote>«Сондай-ақ, түнгі уақытта заңды өкілінсіз үйінен тыс жерде жүрген кәмелетке толмаған 4700 баланың заңды өкілдері әкімшілік жауапкершілікке тартылды. Балалардың тәрбиесімен айналыспай, ата-ана міндетін орындамаған 8 отбасы сот құзырымен ата-аналық құқығынан айырылса, 6 ата-ананың құқығы шектелді. Ал 5 жаөспірім облыстық девиантты мінез-құлықты балаларға арналған мектеп-интернатында білім алады. Тағы 2 жасөспірім Абай облысының ерекше режимде ұстайтын арнайы мектеп-интернатына орналастырылды», - деп мәлім етті Қызылорда облыстық полиция департаментінен.</blockquote>Ведомство мәліметінше, Қызылорда облысында арнайы рейд өткен.&nbsp;Сол арқылы қоғамдық орындар мен көшелерде, түнгі клубтарда, дискотекаларда, кафе-барлар мен мейрамханаларда мектеп оқушыларының түнгі жүрісіне жол берілмейді.

Қызылорда облысында 8 отбасы ата-ана құқығынан айырылды

Kyzylorda-news.kz. Қазгидромет ел аумағында 15 қазанда болатын қауіпті метеорологиялық құбылыстарға болжам жасады.<blockquote>"Еліміздің солтүстік-батысында, солтүстігінде, шығысында, орталығында ауа райының тұрақсыз сипаты сақталады. Осыған байланысты жауын-шашын болады, елдің шығысында қатты жауын-шашын (жаңбыр, қар), екпінді жел тұрады. Елдің батысында, оңтүстігінде және оңтүстік-шығысында жауын-шашынсыз ауа райы күтіледі. Республика бойынша түнгі және таңертеңгі сағаттарда тұман түседі", - деп жазды синоптиктер.</blockquote>Түркістан облысының таулы аудандарында 1 градусқа дейін үсік жүреді.Қызылорда облысының орталығында жоғары өрт қаупі күтіледі.

Жексенбіге арналған ауа райы болжамы 

Kyzylorda-news.kz. Бүгін Жалағаш ауданында облыс әкімі Нұрлыбек Нәлібаевтың төрағалығымен өткен актив отырысында &nbsp;ауданның жаңа басшысы таныстырылды.Облыс әкімінің өкімімен, Қазақстан Республикасы Президенті Әкімшілігі және Жалағаш аудандық мәслихатының келісімдері бойынша Жалағаш ауданының әкімі лауазымына Ибраимов Ардақ Әбдіғаппарұлы тағайындалды.Аймақ басшысы &nbsp;ауданның бұрынғы әкімі Асқарбек Есжановқа алғыс білдіріп, жаңа әкімнің қызметіне сәттілік тіледі.<blockquote>«Ардақ Әбдіғаппарұлы &nbsp;Мемлекет басшысының тапсырмалары мен алға қойған міндеттерді жоғарғы деңгейде жүзеге асырып, &nbsp;нәтижелі жұмыстар мен игі бастамаларды одан әрі дамытуда аянбай жұмыс жасайды деп сенемін. Биылғы жылдың қорытындысымен дамудың барлық макроэкономикалық көрсеткіштері бойынша оң параметрлерге қол жеткізуді тапсырамын. Инвестиция тарту, салық базасын ұлғайту, қоғамдық-саяси тұрақтылықты сақтау, жаңа жұмыс орындарын ашу және кәсіпкерлікті дамыту бойынша нақты жұмыстар жүргізу қажет. Кезінде бұл аудан «Күріш фабрикасы» атанған. Қазір де сол деңгейді жоғалтпай, ауыл шаруашылығы саласын дамыту жағынан алдыңғы қатардан көрініп келеді. Аймақтың әлеуметтік-экономикалық ахуалын жетік меңгерген маман ретінде ауданның осы ерекше потенциалын пайдалану керек», - деді Нұрлыбек Машбекұлы.</blockquote>Жиында ел ағалары Ардақ Ибраимов пен Асқарбек Есжановты жаңа қызметтерімен құттықтап, ізгі тілектерін білдірді. Ардақ Әбдіғаппарұлы 1986 жылы Қызылорда қаласында дүниеге келген. Қорқыт Ата атындағы Қызылорда мемлекеттік университетін «Мұнай мен газ кен орындарын игеру», «Болашақ» университетін «Құқықтану», «Мемлекеттік және жергілікті басқару», &nbsp;Қызылорда гуманитарлық университетін «Қаржы» мамандықтары бойынша бітірген.&nbsp; Еңбек жолын 2006 жылы «Казгермұнай» жауапкершілігі шектеулі серіктестігінде инженердің көмекшісі болып бастаған. Әр жылдары мұнай және құрылыс компанияларында қарапайым жұмысшыдан басшылық лауазымдарға дейін қызметтерде болған. 2019-2020 жылдары Қызылорда қаласы әкімі аппаратының персоналды басқару қызметінің басшысы, Қызылорда қаласы әкімінің кеңесшісі лауазымдарында қызмет атқарған. 2020-2022 жылдары Қызылорда қаласына қарасты Белкөл кентінің әкімі ретінде тұрғындардың өзекті мәселелерін шешу жолында аянбай еңбек етті. 2022-2023 жылдары Қызылорда облысы әкімдігінің&nbsp; іс басқармасының директоры қызметінде нәтижелі жұмыс көрсетті.2023 жылдың ақпан айынан бастап Қызылорда облысы әкімі аппараты басшысының орынбасары қызметін атқарып келді.&nbsp;

Жалағаш ауданының әкімі тағайындалды 

<a href="https://kyzylorda-news.kz/">Kyzylorda-news.kz.</a> Кәсіпорын директоры Сағидулла Сыздықовтың айтуынша, зауыт жылына 30 мың тонна ақталған күріш өндіреді. Өнімнің басым бөлігі ішкі нарыққа, сонымен қатар көршілес елдерге өткізіледі, деп хабарлады <a href="https://www.akorda.kz/kz/kasym-zhomart-tokaev-altyn-orda-kurish-zauytymen-tanysty-1092439">aqorda</a>.Президентке Қызылорда облысындағы ауыл шаруашылығы тауарын өндірушілердің өнімдері таныстырылды. Көрмеге күріш өсірумен айналысатын ірі кәсіпорындардың тауар түрлері, сондай-ақ ет, сүт, кондитер және балық өнімдері, көкөністер мен жемістер қойылған. Мемлекет басшысы Сыр бойы диқандары мен шаруаларының еңбегіне табыс тіледі. Сондай-ақ тек күріш өсірумен шектелмей, агроөнеркәсіп саласын әртараптандыру, әсіресе, суды аз қажет ететін дақылдарды өсіру маңызды екеніне назар аударды. Дегенмен Президент экспорттық әлеуеті жоғары дәстүрлі күріш шаруашылығын одан әрі жетілдіруге де баса мән беру қажеттігін атап өтті.Бұл ретте Ыбырай Жақаев атындағы Қазақ күріш шаруашылығы ғылыми-зерттеу институты украиналық мамандарымен бірлесіп, күріштің басқа да сорттарын жерсіндіру жұмыстарын жүргізіп жатыр.Сонымен қатар Қасым-Жомарт Тоқаев осы өндірістік кешен аумағында былтыр іске қосылған «Ассоль» тұз өндіру зауытын да аралап көрді. Аралдың тұзын кәдеге жаратып, ас тұзын шығаратын кәсіпорында 130 адам жұмыспен қамтылған. Өнім көршілес Ресеймен қатар, Латвия, Литва, Эстония, Беларусь мемлекеттеріне экспортталады.

Қасым-Жомарт Тоқаев «Алтын орда» күріш зауытымен танысты

Kyzylirda-news.kz. Бүгін Қызылордада түркітілдес елдердің «Қорқыт және Ұлы Дала сазы» халықаралық фольклорлық-музыкалық өнер фестивалінің ашылу рәсімі өтті. Дәстүрлі іс-шараға Түркия, Тыва, Саха, Әзірбайжан, Өзбекстан, Қырғызстан елдерінен және Қазақстаннан 200-ге жуық өнерпаз келді. Биылғы фестиваль Қызылорда облысының құрылғанына 85 жыл толуына &nbsp;орайластырылған.Салтанатты шарада облыс әкімі Нұрлыбек Нәлібаев фестивальге қатысушыларды құттықтады.<blockquote>«Мемлекет басшысы Қасым-Жомарт Кемелұлы Тоқаев Түркі мемлекеттері ұйымы саммитінде: «Біз Түркі әлемінің атажұрты ретінде өздеріңізбен жан-жақты қарым-қатынасты дамытуға айрықша мән береміз. Сондықтан, ықпалдастығымызды одан әрі нығайтуға және оны жаңа белеске көтеруге мүдделіміз» деген болатын. Осы мүдде жолында қасиетті Сыр топырағында дәстүрлі &nbsp;түрде өтетін «Қорқыт және Ұлы дала сазы» халықаралық фестивалінің ролі мен маңызын зор мақтанышпен айта аламыз. Туысқан халықтардың фольклорлық музыкасын дәріптеу, өзара мәдени байланысын нығайту мақсатында өткізілетін фестиваль арқылы қатысушылар бір-бірінің кешеден бүгінге жеткен мәдени қазынасының сырына қанығып, рухани кеңістігін кеңейтеді. Фестиваль өткізілген жылдар ішінде Қорқыт баба мұралары Біріккен ұлттар ұйымы жанындағы UNESCO-ның ғаламдық материалдық емес мұралар тізіміне енгізілді. Бұл – Қорқыттан қалған ұлы өнердің, Ұлы дала сазының мәңгілік өмірінің айқын дәлелі», – деді аймақ басшысы.</blockquote>Жиналған қауымды фестивальдің құрметті қонағы, «ТҮРКСОЙ» ұйымының Бас хатшысы Сұлтан Раев та құттықтады. Мерекелік кеште түркітілдес елдерден келген дәстүрлі өнер жұлдыздары көрерменді әсем ән, сазды әуенмен сүйсінтті.Айта кетейік, іс-шара қонақтары Қызылорда қаласының көрікті жерлерімен және облыстық тарихи-өлкетану музейінің «Тұран таңбалары» этно-археологиялық көрмесімен танысып, жоғарғы және арнаулы оқу орындарында шеберлік дәрістерін өткізді. Ә.Тәжібаев атындағы облыстық кітапханада «Түркі әлемінің бірлігі» атты кітап көрмесін тамашалады. Ертең қатысушылар Қармақшы ауданында өтетін «Қорқыт және Ұлы Дала сазы» фольклорлық-музыкалық өнер фестивалінің гала-концертіне қатысады. Бүгінде Сыр өңірінде мәдениет және өнер саласына, онда еңбек ететін қызметкерлерге жан-жақты қолдау көрсетілуде. Атап айтқанда, биыл араға 10 жыл салып, өнер және әдебиет өкілдеріне арнайы «Тұран» сыйлығы табысталды. Енді бұл дәстүр жыл сайын жалғасын табады. Биылдан бері облыстың мәдениет саласында жұмыс істейтін 10 маман шетелдердегі үздік өнер орталықтарында біліктілігін арттыра бастады. Мүмкіндігі шектеулі өнерпаздардың шығармашылығын шыңдауға арналған Инклюзивті театр іске қосылды. Бұған дейін Қызылорда қаласы әкімдігі жанында үйірме ретінде жұмыс жасап келген «Жастар театры» өз алдына кәсіби ұжым болып қайта құрылды.Археолог ғалымдар ұсынысымен «Шірік Рабат Алтын адамы» және Алтын Орда кезеңіндегі Ұлы дала &nbsp;көшпенділерінің өркениетін паш ететін «Сығанақ ханшайымының» алтындатқан мүсіндері қараша айында облыстық музейге табысталмақ. Алтын жәдігерлер Сыр өңірінің басты брендіне айналады. Мерейтой аясында Қызылорда облысы туралы 12 сериялы имидждік телесериал көрерменге ұсынылмақ. Жыл соңында еліміздің бас қаласы – Астанада Қызылорда облысының өнер күндерін өткізу жоспарлануда.2014 жылы толық жаңғыртылған Қармақшы ауданындағы Қорқыт ата ескерткіш- кешені бюджеттен тыс көздердің қаржысымен қайта жөнделді. Республикалық маңызы бар тарихи-мәдени ескерткіш саналатын Хорасан ата кесенесінің айналасын абаттандыру, жарықтандыру, қоршау жұмыстары басталды. Сыр өңіріндегі қасиетті орындар – Марал баба, Оқшы ата кесенелері де қайта жаңғыртылып, айналасы абаттандырылды, кесенеге баратын жолдарды салу қолға алынды. Облыс орталығында құны 3,7 млрд. теңге болатын 1000 орындық «Өнер орталығы» биыл ел игілігіне пайдалануға беріледі. Сонымен қатар классикалық музыканы дамыту үшін тұңғыш рет облыстық симфония оркестрі құрылды.&nbsp;<img src="https://knadmin.beoblood.kz/uploads/FB_IMG_1695823846706_29e4d4de46.jpg" alt="FB_IMG_1695823846706.jpg"><img src="https://knadmin.beoblood.kz/uploads/FB_IMG_1695823805731_59b3478b3c.jpg" alt="FB_IMG_1695823805731.jpg"><img src="https://knadmin.beoblood.kz/uploads/FB_IMG_1695823820735_2ad1503281.jpg" alt="FB_IMG_1695823820735.jpg"><img src="https://knadmin.beoblood.kz/uploads/FB_IMG_1695823863328_46e969ba7d.jpg" alt="FB_IMG_1695823863328.jpg"><img src="https://knadmin.beoblood.kz/uploads/FB_IMG_1695823866363_ab23cc7c92.jpg" alt="FB_IMG_1695823866363.jpg"><img src="https://knadmin.beoblood.kz/uploads/FB_IMG_1695823869643_3e8b985089.jpg" alt="FB_IMG_1695823869643.jpg"><img src="https://knadmin.beoblood.kz/uploads/FB_IMG_1695823857806_31ed9354b1.jpg" alt="FB_IMG_1695823857806.jpg"><img src="https://knadmin.beoblood.kz/uploads/FB_IMG_1695823853283_0237edc6ad.jpg" alt="FB_IMG_1695823853283.jpg">

Қызылордада «Қорқыт және Ұлы Дала сазы» халықаралық фольклорлық-музыкалық өнер фестивалі өтіп жатыр

Kyzylorda-news.kz. «AMANAT» партиясы Жалағаш аудандық филиалының кезектен тыс ХХХVІІІ конференциясы болды. Аталған жиынның күн тәртібінде өз AMANAT» партиясы Жалағаш аудандық филиалының төрағасын сайлау туралы және «AMANAT» партиясы Жалағаш аудандық филиалы Саяси кеңесі құрамына өзгерістер енгізу мәселелері қаралды.Партияның аудандық филиалының конференция жұмысына &nbsp;партияның облыстық филиалының Атқарушы хатшысы Ләйлә Төрешова сонымен қатар, бастауыш партия ұйымының жетекшілері, партия ардагерлері, аудандық мәслихаттағы «AMANAT» партиясы депутаттық фракциясының мүшелері, партия белсенділері, «Жастар Рухы» жастар қанатының мүшелері мен БАҚ өкілдері қатысты.Конференция жұмысын аудандық партия &nbsp;филиалының Атқарушы хатшысы Қаншагүл Мұстафаева ашып, жүргізіп отырды.Күн тәртібіндегі «AMANAT» партиясы Жалағаш &nbsp;аудандық филиалының төрағасын сайлау бойынша мәселесі қаралды. Осы уақытқа дейін партия филиалының төрағасы қызметін атқарған Жақсылық Уздембаевқа алғыс білдіріп, партия филиалының жаңа төрағасы лауазымына аудандық мәслихат төрағасы Елеусінов Өмірзақтың &nbsp; кандидатурасы ұсынылып, жиынға қатысушы делегаттардың ашық дауыс беру арқылы қолдау тапты. Өз кезегінде сөз алған жаңа төраға аманаттықтардың өзіне артқан сенімдеріне зор ризашылығын білдіріп, бірлесе жұмыс жасауға шақырды.Уздембаев Жақсылық Нұрбайұлы – «Өркен Әлем» ЖШС директоры, «AMANAT» партиясы атынан сайланған VII шақырылымдағы Қызылорда облыстық мәслихат депутаты. Партияның «Бақытты отбасы», «Кедергісіз келешек», «Ардагерлерді ардақтайық» партиялық жобалары аясында түрлі форматта іс-шаралар ұйымдастырып, жоғары деңгейде өтуіне атсалысты. Партияның ұйымдастыруымен Жаңадария ауылдық округінде өткен Мобильді қоғамдық қабылдау барысында түскен ауылдық клуб қызметкерлерінің өтінішін оң шешу мақсатында Жаңадария ауылдық клубының 13 қызметкеріне сахналық киім тігіп беріп, демеушілік жасады. &nbsp; Сонымен қатар, еліміздің басына күн туған уақытта қуаңшылық жайлаған Арал ауданына, табиғи апатқа ұшыраған Қостанай облысына, жылусыз қалған Екібастұз қаласына қажетті көмек жолдарын ұйымдастырып, өз азаматтық ұстанымын білдірді. «Баланы мектепке даярлайық»! республикалық акциясы аясында 2023 жылы 80 оқушыға оқу-құралдары салынған рюкзак сыйға тартса, 2022 жылы 150 оқушыға, &nbsp;2021 жылы 32 оқушыға мектеп формасын тігіп берді.Жиын барысында &nbsp;сөз алған облыстық партия филиалының Атқарушы хатшысы Ләйлә Бегалықызы &nbsp;партия филиалы төрағасы қызметін атқарған Жақсылық Нұрбайұлына &nbsp;облыстық партия филиалының «Алғыс хатын» табыстап, атқарған жұмыстары үшін ризашылығын білдірсе, жаңадан сайланған &nbsp;төраға Өмірзақ Тұрымбетұлының жұмысына сәттілік тіледі.Сонымен бірге, партияның саяси Тұғырнамасы мен Сайлауалды бағдарламасында айқындалған еліміз бен аймағымыздың табысты дамуына бағытталған міндеттері, мәслихаттардағы партия фракциясы, Сайлауалды бағдарламаны іске асыруға арналған Жол картасының әрбір индикаторлары, сайлау науқаны кезінде тұрғындардан түскен талап-тілектердің орындалуы, «AMANAT» партиясынан сайланған барлық деңгейдегі мәслихаттар депутаттарының алғашқы республикалық форумында мәслихаттар жұмысындағы өзгерістерді ілгерілету мен өкілеттіктерін кеңейту мәселелері, Қоғамдық қабылдау жұмысы, «Ауыл аманаты» және «Жер аманаты» туралы бірқатар міндеттерді айтып өтті.Өз кезегінде сөз алған партияның аудандық филиалының төрағасы Өмірзақ Тұрымбетұлы өзіне жүктелген міндетті абыроймен атқаруға және алдағы уақытта барша партияластарды бірлесе жұмыс жасауға шақырды.Күн тәртібіне қойылған екінші мәселе бойынша партияның аудандық филиалы Саяси кеңесінің құрамы делегаттардың ашық дауыс беру нәтижесі бойынша жаңартылды. Мұнан соң партияның аудандық филиалының төрағасы Өмірзақ Тұрымбетұлы &nbsp;төрағалығымен Саяси кеңестің кеңейтілген отырысымен жалғасып, Саяси кеңес Бюро құрамынада өзгерістер енгізілді. &nbsp;

  «AMANAT» партиясы Жалағаш аудандық филиалының төрағасы сайланды 

Kyzylorda-news.kz. Аймақта «Startup Jolу» инкубациялық бағдарламасының алғашқы кезеңі өз мәресіне жетті.Инновациялық жобаларды дамытуға бағытталған бағдарламаның келесі ағымы 25 қыркүйектен бастау алып, 27 қазанға дейін жалғасады. Бұл туралы Қызылорда облысының Өңірлік коммуникациялар қызметінде өткен брифингте Қорқыт ата атындағы Қызылорда университеті кәсіпкерлік орталығының басшысы Жанарыс Тубекбаев мәлімдеді.&nbsp; - &nbsp;«Startup Jolу» инкубациялық бағдарламасына қатысуға 135 қатысушы өтінім беріп, 57 жоба қабылданды. Қабылданған жоба жетекшілері менторлармен жеке жұмыс жасап, тегін 16 семинарға қатысып, білімдерін жетілдірді. Инкубациялық бағдарламада “Demo Day” инновациялық жобалар байқауы ұйымдастырылды. Байқауға қатысушыларының арасынан 26 жоба іріктеліп, инвесторларға таныстырылды, - деді Жанарыс Алтынбекұлы.&nbsp;Брифинг барысында Қорқыт ата атындағы Қызылорда университеті “Рекрутинг және мансап” басқармасының басшысы Жандос Шынжырбайұлы байқау жеңімпаздарына 1 млн теңге үлестірілгенін атап көрсетті,&nbsp; &nbsp; &nbsp; &nbsp;- &nbsp;Demo Day қатысушылары арасында 3 жобаға қаржылай жүлде мен арнайы сертификаттар табысталды. Сертификат арқылы QazInnovations ұйымының 100 млн-ға дейінгі гранттық бағдарламасына қатыса алады. - деді Жандос Шынжырбайұлы. &nbsp; &nbsp; &nbsp;Жобада І орын иелеген Раушанбек Бейбарыс оқушылар, студенттер дайын заттарды пайдаланбай, өз қолдарымен құралдар жасағанын қалайтынын жеткізді. Осы мақсатпен мен Demo Day-ге “Educopter” атты оқу-жаттығу дрон жиынтығын әзірлегенін, осы жиынтық арқылы кез келген адам өзінің алғашқы дронын құрастырып, бағдарламалай алатынын айтты.&nbsp; &nbsp; &nbsp; &nbsp; &nbsp;Қатысуға өтінім қабылдау 25 қыркүйекке дейін жалғасады. Өтінім беру үшін www.kyzylordahub.kz сайтына өту қажет. Екінші ағынның қатысушыларына семинарлар, воркшоптар және шеберлік сабақтар өткізіледі. Инновациялық жобаларды дамытуды қолға алған орталық қазан айында тағы Demo Day ұйымдастырады

«Startup Jolу» инкубациялық бағдарламасының алғашқы кезеңі аяқталды

Kyzylorda-news.kz. «Қазгидромет» РМК 23-25 қыркүйек аралығында күн райы қандай болатынын мәлім етті.Алдағы күндері батыс пен оңтүстікте, Ақтөбе облысында және Ұлытау облысында жауын-шашынсыз ауа райы болжанады.Аталған кезеңнің басында солтүстік өңірлерде және Қарағанды облысында жаңбыр жауады.Елдің шығысы мен оңтүстік-шығысында, сондай-ақ жаңбыр күтіледі. Кей уақытта қатты жаңбыр жаууы ықтимал. Түнде таулы аймақтарда оның соңы қарға ұласуы мүмкін.Елдің солтүстігінде, шығысында және орталығында түнгі және таңертеңгі сағаттарда 2 градусқа дейін үсік жүреді.Күндізгі сағаттарда ҚР батысында ауа температурасы 25-30 жылыға дейін, солтүстік, оңтүстік өңірлерде және орталықта ауа бағамы 18-23 жылыға дейін көтеріледі. Ал республиканың шығысында температура 7-13 жылыға дейін төмендейді.

Демалыс күндеріне арналған ауа райы болжамы 

Kyzylorda-news.kz. Бүгінгі таңда жетістікке жетудің түрлі жолы бар. Мейлі қай салада болса да тынымсыз еңбек пен төккен тер нәтижеге жетелейді десек те, сол жолда табысты қызмет етудің бірден-бір жолы жаңалық ашу, жаңашылдыққа ұмтылу екендігін жасырмау керек. Бүгінгі қоғамның басты талабы да сол.&nbsp;Расында ауданда осы уақытқа дейін көркем гимнастика үйірмесі жайлы бұрын-соңды есітеген емес едім. Көркем гимнастика тіпті облысымызда да кенже дамыған спорт десек болады. Аймақта ашылғанына 10 жылдан жаңа асқан бұл спорттың Аралдағы әлеуеті тіпті жоғары. Бұлай айтуға себеп бар. Жақында №19 Арал ауданының олимпиадалық резервтің мамандандырылған балалар-жасөспірімдер мектебінде Арал көркем гимнастика мектебінің І ашық турнирі өткізілді. Мұндай ауқымды шара бұрын-соңды аудан көлемінде өтпегенін айтар болсақ, көркем гимнастиканың қазіргі жұмысы қай деңгейде екенін жазбай танимыз.&nbsp;Алғаш рет ұйымдастырылған ашық турнирде өнер көрсетушілердің де белсенділігі өте жоғары болды. Жарысқа Қызылорда облысы және Арал қаласынан жалпы 40 жас гимнастшылар қатысуға ниет білдірді. Жансая Бисембаеваның жетекшілігімен өткен бұл шара расында бас бармақпен баға берерліктей болды деп айтсақ қателеспейміз.Бұл шара жайлы аудандағы көркем гимнастиканың жетекшісі Ж.Бисембаева:<blockquote>– Кез келген шараны өткізу оңай іс емес. Оның үстіне бұрын-соңды өтпеген, бір ізге қойылып, дәстүрлі түрде ұйымдастырылатын турнир емес. Сондықтан баста жүрексіндім. «Қатысушылардың қызығушылығы қалай болады?» деген де сауал тұрды. Бірақ қолдаушыларымның арқасында барлығы сәтті шықты. «Көз қорқақ, қол батыр» деген осы екен. Сонымен қатар еңбек етсең, жетістікке жетудің жолын тапсаң, халықтың да сенімі арта түсетініне тағы бір мәрте көзім жетті. Олай дейтінім, қазірде бірнеше бала көркем гимнастикаға қатысып, менен сабақ алуда. Жеңістеріміз, нәтижелеріміз жайлы жақсы білесіздер. Ол жайлы айта бергім келмейді. Бірақ сол көрсеткіш бүгінде алдымнан жақсылығымен шықты. Сол балалардың ата-аналары турнирдің өтуіне қолдау білдіріп, демеушілік те жасады. Оларға да алғысымды айтамын. Сенімін алдағы уақытта да ақтап, аудан спортшыларының атын танымал ету жолында еңбек ететін боламын, – дейді.</blockquote>Шынымен солай. Арал көркем гимнастика мектебінің алғашқы ашық турнирі ата-аналар мен меценаттардың қаражатына өтті. Арал мен Қызылорданың 40 жас гимнастшысы қатысқан турнирде қатысушылар екі жас тобында бақ сынасты. Балалар доппен және шеңбермен жаттығуға қатысты.Иә, расында Жансая Бисембаеваның еңбекқорлығын атап өту керек. Мектепті бітіргеннен кейін ол Қазанғап атындағы Қызылорда музыкалық жоғары колледжіне «хореограф» мамандығы бойынша оқуға түсіп, Шымкенттегі М.Әуезов атындағы Оңтүстік Қазақстан мемлекеттік университетінде осы мамандық бойынша жоғары білім алды. Оқу бітірген соң Аралда туған жеріне қызмет етуді ұйғарды. Осылайша ауданға жаңалық алып келіп, олимпиадалық спорттың бір түрі саналатын көркем гимнастиканы қолға алды.<blockquote>– Көркем гимнастикамен айналысу үшін «Айбар» фитнес-орталығында залды жалға алдым. Шынымды айтсам, басында секцияға үлкен қызығушылық болады деп күткен жоқпын. Қазір менде 60-тан астам қыз бар. Қатысамын деп ниет білдірушілердің қарасы әлі де көп. Арал қаласында қыздарын көркем гимнастикада көргісі келетін ата-аналар көбейіп келеді. Бірақ көп жағдайда уақыттың жоқтығы олардың барлығын бірдей қамтамасыз етуге мүмкіндік бермей тұр. Жаттығулар күніне екі рет өтеді. Жүктемені азайту үшін тағы бір жаттықтырушыны шақыруды жоспарлап отырмын. Қазір аудандық мәдениет және спорт бөлімімен бірге көркем гимнастика бойынша маман іздестірудеміз. Ақтаудан үміткер бар, тұрғын үй, жалақы және басқа да ұйымдастыру мәселелерін талқылаймыз, – дейді.</blockquote>Сонымен қатар, Арал қыздары жылына екі рет Шымкентке оқу-жаттығу жиынына барады, оны балалар үшін арнайы атақты спортшы, Қазақстан федерациясының президенті және көркем гимнастикадан Қазақстан құрамасының бас жаттықтырушысы, ҚР еңбек сіңірген жаттықтырушысы Әлия Юсупова өткізеді.Иә, қашанда төккен тер зая кеткен емес. Оған Жансаяның да, біздің де &nbsp;көзіміз жетіп отыр. Болашақ спорт жұлдыздарының шеберлігін арттыру мақсатында жасаған жұмысы жемісті болған кейіпкеріміз бүгінде жас гимнасттардың жетістіктерімен мақтана алады. Мысалы, 11 жасар Айзере Темірханқызы, 9 жасар Томирис Жолдасбай, 8 жасар Амина Теміржанқызы, Сайда Нұртай және Сара Матығұлға үлкен үміт артып отыр. Олар республикалық жарыстардың тұрақты қатысушылары, бірнеше рет түрлі турнирлердің жеңімпаздары мен жүлдегерлері атанды. Бірнеше жылдан кейін Арал өңірінен шыққан жұлдыздар көркем гимнастиканың әлемдік аспанында жарқырап жануы әбден мүмкін.

Аралда көркем гимнастикадан көш ілгері

<a href="https://kyzylorda-news.kz/">Kyzylorda-news.kz.</a>&nbsp;Жақында аудандық мәдениет үйінде «AMANAT» партиясының Арал аудандық филиалының кезекті есеп беру конференциясы өтті. Онда еліміздің басты саяси партиясының мүшелері маңызды құрылымның атқарған жұмыстарына қанығып, алдағы міндеттерді көңілге түйді.&nbsp;Атап айтсақ, партияның кешегісі мен бүгінін саралаған басқосуда негізгі міндеттер мен алдағы бағыттар жан-жақты қаузалды. Яғни, Арал аудандық партия филиалының 2021-2022 жылдары атқарылған жұмыстары таразыланып, аманаттықтар бағдаршам еткен міндеттерді іске асыру мәселесі жан-жақты сөз болды. Алдымен сөз алған партия төрағасы Базарбай Төрахметов партияның сайлауалды бағдарламаларын іске асыру бойынша өңірлік жол картасы жайында баяндама жасап, республика, облыс, аудан көлеміндегі баянды істерді тілге тиек етті. Аудандағы әрбір іргелі іске үлес қосып, партиялық жобаларды жүзеге асыруда аманаттықтардың үлесі зор екенін атады.&nbsp;Мұнан соң аудандық фракция жетекшісі, аудандық мәслихат депутаты Шәрбану Жангүшікова, «Вокзал» бастауыш партия ұйымының төрағасы Кенжебек Тілепов және «Жастар рухы» ЖҚ Арал ауданы бойынша жетекшісі Ержан Сабырбай сөз сөйлеп, партияның өзіндік орны мен жеткен жетістіктерін ортаға салды. Сондай-ақ, конференцияда аудандық мәслихат депутаты Еркебұлан Аяғанов партияның сайлауалды бағдарламасы мен тұғырнамасын орындауда облыс пен ауданда көптеген жұмыстар орындалғаны, соның ішінде партиялық жобаларды жүзеге асыруда ілгерілеу бар екенін жиналғандар назарына ұсынды. «AMANAT»партиясының атқарушы хатшысы, аудандық мәслихат депутаты Талғат Қанатов Арал аудандық саяси кеңестің жаңартылған құрамын көпшілікке таныстырып, Қызылорда облыстық конференцияға делегаттардың тізімін ұсынды. Бұл ұсыныс кезектен тыс есеп беру конференциясында партия мүшелері тарапынан қолдау тапты.Жиын соңында «AMANAT» партиясының төрағасы жаңадан партия қатарына қосылған жастарға партиялық билеттер табыстап, оларға елдің сенімін иеленген саяси құрылымның абыройын асқақтатуға сенім білдірді.

«AMANAT» партиясының төрағасы жаңадан партия қатарына қосылған жастарға партиялық билеттер табыстады

Kyzylorda-news.kz. Еліміздегі түйткілді мәселелердің бірі төтенше жағдайлардың жиі орын алуы екендігі анық. Негізі әр адам қауіпсіздікті өзінен бастап, сақтық шараларын ұстанып жүрер болса өрт пен &nbsp;суға кету оқиғалары болмасы белгілі. Кей адамдардың салғырттығынан немесе табиғатқа деген аяусыздығы салдарынан қаншама адам төтенше жағдайларға тап болып жатыр десеңізші?! Осы тұста аудандағы төтенше жағдайлардың мән-жайын білу мақсатында &nbsp; Арал ауданының Төтенше жағдайлар бөлімінің инженері азаматтық қорғау лейтенанты Дінисламбек Алмасбекұлымен сұхбаттасқан болатынбыз.– Дінисламбек Алмасбекұлы жыл басынан бергі аудан көлемінде орын алған төтенше жағдайлар туралы айтып өтсеңіз?!– Бүгінде төтенше жағдайлардың алдын алу бойынша біршама жұмыстар атқарылып келеді. Сонымен бірге тұрғындарға қауіпсіздік шараларын ескерту үздіксіз атқарыла беретін жұмыс. Жалпы аудан бойынша жыл көлемінде 23 өрт оқиғасы орын алды. Тұрғын үйде 8 өрт оқиғасы орын алса, көлікте 8 өрт оқиғасы орын алды. Сонымен бірге басқа да нысандар бойынша 7 оқиға және де 44 өртке жатпайтын жану оқиғалары орын алды. Барынша тұрғындарға өрттің алдын алу қажет екендігін және қауіпсіздік жөнінде үгіт-насихат жұмыстарын жүргізіп жатырмыз. Тұрғындар әдейі өртті қолдан жасамайтыны анық. Алайда мұндай оқиғалар көбіне &nbsp;кездейсоқтықтан орын алып жатады. Сол үшін адам бұл жағдайға аса мұқият болып, жауапкершілікпен қарағаны жөн.– Қаладан тыс жерлерде өрт оқиғасы орын алған жағдайда біршама қиындыққа ұшырайтындарыңыз белгілі. Мәселен, аудан орталығынан біршама алыс орналасқан ауылдық округ пен кенттерде атаулы оқиға орын алған жағдайда қандай әрекет жасайсыздар?– Ауылдық округ пен кенттерде өрт оқиғасы орын алған жағдайда №3 Мамандандырылған өрт сөндіру бөлімінің қызметкерлері шығады. Сонымен бірге елді мекендер қалаға қашық орналасуына байланысты өрт сөндіруші мамандарының бару уақыты да ұзаққа созылып жататыны рас. Осы жағдайда халық пен мамандардың арасында түсініспеушілік туындап жататыны да жасырын емес. Дегенмен хабарлама түскен уақытта 1 минут ішінде 7 қызметкер мен 1 техника оқиға орынына жөнелтіледі. Ал егер өрт жалыны ұлғайған болса 2 ранг беріледі. Бұл жерде ранг дегеніміз – қосымша көмек шаралары болып табылады. Барынша жедел жатуге тырысамыз.– Қыс мезгілінде көбіне көліктер жолда тұрып қалып жатады. Осындай жағдайда қандай әрекетке барасыздар?– Төтенше жағдайлар бөлімі қызметі мұндай жағдайда ең алдымен оқиға орына барып, ондағы келеңсіз жағдайда қалған адамдарды эвакуациялау жұмыстары жүргізіледі. Сонымен бірге адамдарды жақын жердегі демалыс орындарына жеткізуді қамтамасыз етеміз.– Өрт сөндіру техникалық құрал-жабдықтарыңыз қай кезде болмасын маңызды. Яғни, оның толықтай қамтамасыз етілуі төтенше жағдайлар орын алған сәтте білінеді ғой. Осы тұста құрал-жабдықтарыңыз толықтай қамтамасыз етілген бе?– Қазіргі таңда №3 МӨСБ 8 негізгі автокөлік жұмыс жасайды. Сондай-ақ жендер 3 иінді саты, оқпандар тағы да басқа құрал-жабдықтармен толықтай қамтамасыз етілген.– Дінисламбек Алмасбекұлы, жаз мезгіліндегі суға түсу маусымы бойынша орын алған оқиғалар жайында айтып өтсеңіз?!– Суға түсу маусымы барысында 1 адам суға кету оқиғасы тіркелді. Сонымен бірге атаулы маусым ішінде аптаның сенбі, жексенбі күндері Қамбаш көлінде сағат 10-00-ден кешкі 20-00-ге дейін Арал ауданы төтенше жағдайлар бөлімінің қызметкерлері мен №3 Мамандандырылған өрт сөндіру бөлімінің қызметкерлері рейд жұмыстарын жүргізеді. Сонымен бірге демалушыларға түсіндірме жұмыстарын жүргізіп арнайы үнпарақтар таратылды. Демалыс орындары мен ауылдық округтерде барлығы 17 билборд орнатылды. – «Басты жау – өрт» екендігі белгілі. Осы тұста оқырмандарға өрттің алдын алу үшін қандай кеңес берер едіңіз?– Жалпы әр адам төтенше жағдайлардың алдын алуы қажет. Яғни, кішкентай бір қоқысты өртегеннің өзінде қауіпсіздік шараларын қолданып, мұқият болғаны жөн. Себебі кішкентай нәрсенің өзі үлкен өртке жалғасып кетуі әбден мүмкін. Сонымен бірге үйдегі кішкентай балаларға да өртпен ойнауға болмайтындығын жиі айтып, келеңсіз жағдайдың алдын алған дұрыс. Мұндай жағдайлардың орын алмағаны барлығымыздың қауіпсіздігіміз үшін қажет. Сол үшін тұрғындар бұл іске келгенде немқұрайлылық танытпаса деймін.– Cұхбатыңызға рақмет!&nbsp;

Қазақстан және Қызылорда облысының жаңалықтары: Керек дерек