<a href="https://kyzylorda-news.kz/">Kyzylorda-news.kz</a>. Бүгін Қызылорда қаласының Қарауылтөбе ауылынан бастап алғаш күрішке орақ түсті. Қала әкімі Ғанибек Қазантаев алдымен ауыл шаруашылық саласының биылғы көрсеткіштері мен Ы.Жахаев атындағы «Қазақ күріш шарушылығы» ҒЗИ ЖШС-нің жұмыстарымен танысып, орақ түсу науқанын ашып берді.
<blockquote>
 «Қырман тасысын» деген ақ тілегін айтып, жаз бойы еткен еңбегінің жемісін терер шақта барлығыңызға: «Қырмандарыңыз астыққа толсын. Орақ науқанын нәтижелі аяқтап, ел ризығын төкпей шашпай жинап алудағы еселі еңбектеріңіз жемісті болсын» – деген Ғанибек Қонысбекұлы диқандарға сәттілік тіледі.
</blockquote>
Өздеріңізге белгілі, мемлекет тарапынан ауыл шаруашылығына қолдауға үлкен мән беріліп келеді. Ағымдағы жылы қала бойынша барлығы 8905 гектар жерге ауыл шаруашылығы дақылдары орналастырылды. Оның ішінде дәнді дақылдар 4664 гектар, яғни 4113 га күріш, 419 га бидай, 87 гектар арпа, 40 га сорго, 5 га сұлы, 1278 гектар мал азықтық дақылдары, картоп, көкөніс, 2818 гектар бақша дақылдары, 40 гектар майлы дақылдардын құрап отыр.
Негізгі дақыл күріштің көлемі 4113 гектарға егілді. Биылғы жылы егілген ақ егісті жинауды өткен шілде айының ортасында толық аяқтап, гектар түсімі бойынша жаздық бидайдың әр гектарынан 7,0 центнерден, арпадан 5,0 центнерден, сұлыдан 0,5 центнерден өнім алынды. Шаруашылық құрылымдары 1033 гектар жерге ескі жоңышқа егісінің және 245 гектар жаңа жоңышқа дақылдарынан барлығы 3196 тонна жоңышқа шөбі жиналды. Сондай-ақ егілген картоптың әр гектарынан 128,0 центнерден, көкөністен 131,0 центнерден, бақшадан 128,0 центнерден орта өнім алынуда. Егін жинау жұмыстары әліде жалғасуда.
«Ы.Жахаев атындағы Қазақ күріш ғылыми зерттеу институты» ЖШС-і қала бойынша 2021 жылы барлығы 1413 гектар жерге ауыл шаруашылығы дақылдарын еккен. Оның ішінде 655 гектар негізгі дақыл күріш, 30 гектар күздік бидай, 130 гектар жаздық бидай, 10 гектар арпа, 5 гектар сұлы, 40 гектар сорго, 40 гектар мақсары, 215 гектар жаңа жоңышқа, 284 гектар ескі жоңышқа дақылы және 4 гектарға көкөніс дақылдары орналастырылған. 
Қазіргі таңда шаруашылық құрылымдары негізгі дақыл күріш жинау жұмыстарына дайын. Белгіленген кестеге сәйкес күріштің суын байлау жүргізілді. Күріш жинау жұмыстары бойынша 1 қыркүйектен бастап саралап ору, 7 қыркүйектен 30 қыркүйекке дейін жаппай ору жұмыстарын аяқтап, шаруалар жоғарғы өнім алуды жоспарлап отыр.
Келер жылғы егістің негізі үшін барлығы 2600 гектар сүдігер жырту және 850 тонна көлемінде сапалы күріш тұқымын құю жоспарланып отыр.
<img src="https://kyzylorda-news.kz/wp-content/uploads/2021/09/241491813_2913937765539629_8775334644539412688_n.jpg" alt="" />
<img src="https://kyzylorda-news.kz/wp-content/uploads/2021/09/241394910_2913937848872954_445443356415945106_n.jpg" alt="" />
<img src="https://kyzylorda-news.kz/wp-content/uploads/2021/09/241515339_2913937698872969_127870829333536199_n.jpg" alt="" />
<img src="https://kyzylorda-news.kz/wp-content/uploads/2021/09/241507749_2913937928872946_9155869679778238918_n.jpg" alt="" />

Қызылордада егінге орақ түсті

<a href="https://kyzylorda-news.kz/">Kyzylorda-news.kz</a>. Мемлекет басшысы биылғы Жолдауында пандемиядан кейінгі экономикалық даму мен денсаулық сақтау жүйесінің тиімділігін арттыру, сапалы білім беру сынды зер салып, маңыз беретін негізгі бағыттарды айқындап берді. Мақсатымыз айқын, бағытымыз белгілі ендігі ретте аталған міндеттерді жүзеге асыру барысында нәтижелі жұмыс атқаруымыз қажет. Бұл туралы Өңірлік коммуникациялар қызметінде өткен баспасөз конференциясында ҚР еңбек сіңірген қайраткері, қаржы саласының үздігі Қалқазбек Әжібеков мәлімдеді.
Брифингте ардагер Мемлекет басшысының Жолдауында айтылған бірқатар мәселелерге тоқталып, өз пікірін ортаға салды.
<blockquote>
 «Жолдауда пандемиядан кейінгі халықтың табысын сақтап қалу және әлеуметтік жағдайын жақсарту үшін маңызды қадамдар жасалу керектігі баса айтылды. Былтырғы жылы бюжеттің тапшылығын жабу үшін ұлттық қордан көптеген қаржы жұмсалды. Дегенмен, біздегі қаржылық қор соншалықты шексіз емес. Бұл дегеніміз экономиканы көтеруге жұмыс жасауымыз керек дегенді білдіреді. Биыл да пандемияның әсері елімізге ауыр тиюде. Оған қарамастан алдымызға үлкен міндеттеме қоюмыз керек. Сонымен қатар, 2025 жылға дейін шикі зат өндеу өнеркәсібінің қазіргіден 1,5 есеге арттырып, еңбек өнімділігін 30 пайызға көбейту мәселесі күн тәртібіне қойылды. Отандық өнеркәсіптің дамуы үшін шикі зат тауарларының бағасы қол жетімді болуы керек деген пікірдемін», – деді ҚР еңбек сіңірген қайраткері, қаржы саласының ардагері Қалқазбек Әжібеков.
</blockquote>
Өз кезегінде коммуналдық саланың ардагері Келдібай Бектұрғанов Президент Жолдауын негізге алып, ауыл шаруашылық саласын дамытып, мамандар даярлау ісін жандандыру керек деген пікір білдірді.
<blockquote>
 «Халықтың жағдайын жақсарту үшін елді мекендер жайлы болуы керек. Елді мекен жайлы болуы үшін Сырдарияны суға толтыру керек. Бұл ауыл шаруашылық саласын көркейтіп, азық-түлік бағасын тұрақтандыруға ықпал етеді. Қазір ауылдағы жұмыссыз жастар қалаға ағылуда. Керісінше қаладағы жұмыссыз жастарды ауылға тартып, жас мамандарды қажет ететін ауыл шаруашылығына серпін берген дұрыс. Игерілмеген жерді игеріп, елдің дамуын ауылдардан бастау керек»,-деді ардагер Келдібай Бектұрғанов.
</blockquote>
<img src="https://kyzylorda-news.kz/wp-content/uploads/2021/09/241520759_1366030497125792_5796030012013066336_n.jpg" alt="" />

Жолдау 2021: Негізгі міндеттер талқыланды

<a href="https://kyzylorda-news.kz/">Kyzylorda-news.kz</a>. Қазалы ауданының диқандары алқаптардан өнімін жинауға кірісті.
Бүгін облыстық мәслихат депутаты Мнажадин Өтеев басқаратын «Сыр маржаны» жауапкершілігі шектеулі серіктестігінің Ақтан батыр ауылындағы күріш алқаптарында егінге алғашқы орақ түсті.Бүгін Қазалы ауданында егінге алғашқы орақ түсті.
Салтанатты шараға аудан әкімі Мұхтар Оразбаев, облыстық мәслихат депутаты Ібайдулла Тілеп, аудандық мәслихат депутаттары, мекеме-кәсіпорын мен шаруашылық басшылары, еңбек ардагерлері қатысып, егіншілердің қуаныштарымен ортақтасты.
«Сыр маржаны» ЖШС егістік алқабы басында аудандық ауыл шаруашылығы бөлімінің басшысы Нұрлан Аманбай мен серіктестік директоры, облыстық мәслихат депутаты Мнажадин Өтеев биылғы жылғы егіннің жай-күйіне тоқталып, белгіленген мерзімде астықты төкпей-шашпай жинап алу қажеттігін тілге тиек етті.
Шарада аудан әкімі МұхтарОразбаев пен ел ағалары алғашқы егін орағының лентасын қиса, Ақтан батыр ауылы ардагерлер кеңесінің төрағасыӘнуар Оқас бата берді.
Осылайша биылғы егістікке сақадай сай әзірлікпен бел буып, білек түре кіріскен сырмаржандықтар дала төсін еңбек дүбіріне бөледі.
Айта кетейік, Қазалы ауданы бойынша биыл 17090 гектар жерге ауыл шаруашылығы дақылдары орналастырылды. Негізгі дақыл – күріштің көлемі 6587 гектар. Бүгінгі таңда аудан бойынша күріш орағына қатысатын 42 комбайн, 29 жатка, 115 трактор, 40 жүк көлігі және 59 трактор тіркемесі толықтай жөндеуден өткізіліп, егіс алқаптарында жұмыс атқаруда.
<img src="https://kyzylorda-news.kz/wp-content/uploads/2021/09/626db57d-0c6b-4ee6-a145-0125017519b7.jpg" alt="" />

Қазалыда егінге орақ түсті

Kyzylorda-news.kz. Үстіміздегі жылдың қорытындысы бойынша кен өндіру өнеркәсібіндегі шикі мұнайдың үлесі 91,5 пайызды құрады. Бұл өз кезегінде өңір экономикасының негізгі бөлігі қара алтынға тікелей тәуелді екендігін көрсетеді.
Өңірлік коммуникациялар қызметінде өткен баспасөз конференциясында облыстық индустриялды-иновациялық даму басқармасының басшысы Ринат Сұлтангереев аймақ экономикасының күре тамырына айналған мұнай-газ саласындағы жаңалықтармен бөлісіп, мұнайшыларды кәсіби мерекесімен құттықтады.
<blockquote>
 “Алғаш болып Құмкөл кенінің ашылуы Қызылорданың өнеркәсіптік аймаққа айналуына негіз болды. Сәйкесінше, өңірімізде мұнай-газ класстері қалыптасты. Сыр мұнайы тәуелсіздіктің алғашқы жылдары аймақ экономикасының дамуына серпін берді. Алайда соңғы 6-7 жыл ішінде мұнай өндіру көлемі қысқарды. Оған себеп қолданыстағы кен орындары табиғи түрде сарқылуы. Осыған орай, үкіметтің қаулысымен Қызылорда облысының 2019-2022 жылдарға арналған кешенді жоспары бекітіліп, жергілікті жердегі Шу-Сарыс, Арал және Сырдария шөгінді бассейндерінде геологиялық барлау жұмыстары жүргізілуде”,- деді басқарма басшысы Ринат Қалдыбекұлы.
</blockquote>
Айта кетейік, бүгінде өңірде мұнай өндірумен 10-ға жуық ірілі-ұсақты компания жұмыс істеуде. Олардың барлығы дерлік әлеуметтік жобаларды қолдау мен жергілікті жерге ұдайы көңіл бөлуде. Жыл сайын аз қамтылған отбасыларға, отбасылық типтегі балалар ауылына қол ұшын созуда. Сондай-ақ дәстүрлі “Мектепке жол” акциясына мұнайшылар әрдайым қолдау көрсетіп келеді.

Арал және Сырдария шөгінді бассейндерінде геологиялық барлау жұмыстары жүргізілуде

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың төрағалығымен Қазақстан Республикасының Президенті Қасым-Жомарт Кемелұлы Тоқаевтың «Халық бірлігі және жүйелі реформалар – ел өркендеуінің берік негізі» атты Жолдауынан туындайтын міндеттерді айқындайтын кеңейтілген жиын өтті.
Жиынға тиісті әкім орынбасарлары, басқарма басшылары, салалық департамент басшылары мен селекторлық режимде Қызылорда қаласы мен аудан әкімдері қатысты.Аймақ басшысы өңір экономикасының алдағы даму стратегиясына тоқталды.
<blockquote>
 «Мемлекет басшысы пандемиядан кейінгі кезеңдегі елді одан әрі дамытуға, денсаулық сақтау жүйесінің тиімділігін арттыруға, сапалы біліммен қамтуға, өңірлік саясатты жетілдіруге, адам құқығын қорғауға бағытталған бастамаларын жариялады. Осылайша, қазақстандықтардың әл-ауқатын арттырудағы 5 бастама айқындалды. Жолдауда айтылған барлық бағыттар бойынша облыста нақты шаралар қабылданып, іске асырылатын болады», – деді Гүлшара Әбдіқалықова.
</blockquote>
ҚР Президенті Қасым-Жомарт Тоқаев «Саяси жаңғыруды біртіндеп жүзеге асыру – мемлекетіміздің стратегиялық бағдарының басым міндетінің бірі» деп атап өтті. Бұл бағытта облыстық мәслихат хатшысы Наурызбай Байқадамов баяндама жасады. Ал, Мемлекет басшысының Өңірлерді дамыту жоспарларын бекітілген жалпыұлттық міндеттерге сәйкес жаңарту және бюджет үдерістерін жеңілдетіп, бюрократияны барынша азайту, сондай-ақ, бюджетті жоспарлау мен орындау кезінде цифрлық тәсілдерді қолдану, бюджеттік бағдарламалар әкімшілерінің жауапкершілігін арттыра отырып, бөлшектенген бюджетті енгізу тапсырмасына сәйкес облыстық экономика және бюджеттік жоспарлау басқармасының басшысы Нұрғали Қордабай сөз сөйледі.
Жолдауда жер қойнауын пайдалану саласына, әсіресе геологиялық барлау және жер қойнауын кешенді зерттеу ісіне тың серпін қажет екені, геологиялық ақпараттың ашық цифрлық мәліметтер базасын құрып, оны инвесторлар үшін қолжетімді ету керек екені көрсетілген. Өңірдің алдағы инвестициялық мүмкіндіктері жөнінде облыстық индустриялды-инновациялық даму басқармасының басшысы Ринат Сұлтангереев тарқатып берді. Аймақ басшысы Гүлшара Әбдіқалықова геологиялық барлау және жер қойнауын кешенді зерттеу бойынша тиісті министрлікпен жұмысты қарқынды түрде жүргізуді тапсырды. Президент Жолдауында Қазақстанның ауыл шаруашылығының әлеуеті орасан зор екені айтылды. Бірақ, агроөнеркәсіп кешені саласында қордаланған проблемалар да аз емес. Ең алдымен, бұл – азық-түлік тауарларының бағасын белгілеуді, оны бөліп-таратудың тиімсіз жүргізілуі. Осы ретте облыстың аграрлық әлеуеті және Жолдаудан туындайтын міндеттерді орындауда нақты жүйелі жұмыстар туралы облыстық ауыл шаруашылығы басқармасының басшысы Талғат Дүйсебаев нақты басымдықтарға тоқталды.
Жиын барысында облыс әкімі ауылшаруашылық саласына қатысты бірқатар тапсырма жүктеді.
<blockquote>
 «Азық-түлік өндірісімен қамтамасыз ету балансын есептей отырып, ауыл шаруашылығы саласында әртараптандыру шараларын қабылдау қажет. Мал шаруашылығы саласында өндірілетін өнімдердің басым бөлігі жеке қосалқы шаруашылықтардың үлесінде болғандықтан, оларды қажетті жайылымдық жерлермен қамтылуы мәселесін заңдастыруды ұйымдастырып, ауылдық елді мекендерде кооперациялау жұмысын дамыту аясында жеке қосалқы шаруашылықтарды кооперцияға тарту бойынша жұмыстарын жандандыру міндеті қойылады. «Алқаптан сөреге дейін» пилоттық жобаның іске асыруы бойынша Жамбыл облысының тәжірибесін зерттеп, өңірге енгізу шараларын қабылдауды және суармалы сумен қамтамасыз үшін, су үнемдеу технологияларын кеңінен енгізуді тапсырамын», – деді Гүлшара Әбдіқалықова.
</blockquote>
Сондай-ақ, облыс әкімі көтерме-тарату орталығын қалыптастыратын инвестор тауып көтерме-тарату орталығын ашуды, қыркүйек айының соңына дейін субсидиялау қағидаларын толықтай қарастырып, өзгерістер енгізу үшін жүйелі проблемалар бойынша тиісті ұсыныстарды орталық атқарушы органдарға жолдауды, әлеуметтік маңызы бар негізгі азық-түлік таурларының бағаларын тұрақтандыру мақсатында өңірлік тұрақтандыру қорының мамандандырылған мекемесі арқылы уақытылы сатып алу интервенцияларын жүргізуді жүктеді.
Мемлекет Басшысы «Қарапайым заттар экономикасы» және «Бизнестің жол картасы» бағдарламаларының мерзімін 2022 жылға дейін ұзарту туралы шешім қабылдады. Сонымен бірге, Еңбекақы төлеу қорына түсетін салмақтың өзі барынша түсінікті әрі қарапайым болуы қажет. Бұл, әсіресе, микро және шағын кәсіпкерлік саласында қатты сезіледі. Мұндай бизнес үшін жиынтық салмақты 34 пайыздан 25 пайызға төмендете отырып, еңбекақы төлеу қорынан бірыңғай төлем енгізуді тапсырды. Қызылорда облысы кәсіпкерлер палатасының директоры Ғалымбек Жақсылықов осы міндеттерді жүзеге асыру барысын тілге тиек етті.
Жолдауда көтерілген әйелдердің қоғамдағы экономикалық және саяси ұстанымын барынша қолдауды қамтамасыз ету, «Халық үніне құлақ асатын мемлекет» тұжырымдамасын өзектендіру бойынша жобаларды іске асыруда азаматтық қоғам өкілдерінің рөлі маңызды. Осы ретте алдағы іске асатын жобалар бойынша «Азаматтық альянс» заңды тұлғалар бірлестігі» қауымдастығының төрайымы Анар Ізден сөз сөйлеп, бірқатар ұсыныстарын ортаға салды.
Жиын соңында облыс әкімі Мемлекет басшысының Жолдауында ұтымды ұсыныстар, кесімді пікірлер мен нақты тапсырмалар берілгенін айтып, бірқатар міндеттерді жүктеді.
<blockquote>
 «Ел Президенті қысқа мерзімде Үкіметке Ұлттық Жоспарды әзірлеп бекітуді тапсырды. Осы құжаттың аясында Қызылорда облысының өңірлік даму жоспары әзірленуі керек. Қазан айына дейін аталған құжат қабылдануы тиіс. Сонымен бірге, Қызылорда қаласының және аудан әкімдерінің жекелей жаңадан даму бағдарламалары қабылдануы қажет. Жолдау негізінде қабылданатын өңірлік даму бағдарламасы арқылы алдағы міндеттерімізді айқындап, нақты жоспарларды іске асыруға жұмыс жасаймыз», – деді Гүлшара Әбдіқалықова.
</blockquote>

Гүлшара Әбдіқалықова: Жолдауда айтылған барлық бағыттар бойынша нақты шаралар іске асырылатын болады

<a href="https://kyzylorda-news.kz/">Kyzylorda-news.kz</a>. Қазіргі таңда мемлекет басшысының Жолдауында көрсетілген су ресурстарын тиімді пайдалану мәселесі өзекті. Өзімізге белгілі, биыл өңіріміздегі ауыл шаруашылық мамандары үшін оңай жыл болмады. Су тапшылығы сезілді. Жалпы суды үнемдеу мақсатында бірқатар ұсыныстар айтылды. Аталған мәселеге байланысты біздің ғалымдар зерттеулер жүргізді. Күріш өнімін алмастыру ұсынылды. Дегенмен біз толығымен бас тарта алмаймыз. Себебі, күріш біздің экологиялық дақыл болып табылады.
Сыр елі тұзды жер болғандықтан, күріш егуге &nbsp;міндеттіміз. Жерді сумен бастырып, тұзді төменгі қабаттарына көшіргеннен кейін басқа дақылдарды екі жыл егуге болады.Кейін қайтадан күрішті егуімізге тура келеді.&nbsp; Алдағы уақытта осы бағыттадұрыс ауыспалы егіндік жүйесін пайдалансақ, суды аз мөлшерде тұтына аламыз. Есесіне өнімде молынан болады.
Нұрбол Аппазов,
Қорқыт ата атындағы Қызылорда университетінің профессоры

Нұрбол Аппазов:  Ауыспалы егіндік жүйесін тиімді пайдаланса, суды үнемдеуге мүмкіндік бар

<a href="https://kyzylorda-news.kz/">Kyzylorda-news.kz</a>. Жалағаш ауданының әкімі Асылбек Шаменов Мәдениет ауылдық округіндегі «Сыр толқыны» шаруа қожалығы егін алқабына барып күрішке алғашқы орақ салу рәсіміне қатысты.
«Сыр толқыны» шаруа қожалығы қазіргі заманауи озық техникаларды пайдалана отырып, егіс алқаптарына мелиоративтік тегістеу жұмыстарын жүргізіп, 391 гектар жерге Сыр маржанын екті.
Шарада аудан әкімі Асылбек Шаменов, «Аграрлық несие корпорациясы» АҚ-ның Қызылорда облысы бойынша филиал директоры Маханбет Тұрмаханов сөз сөйлеп, диқандар қауымына биылғы егін жинау науқанында сәттілік тілеп, қамба дәнге толуға тілектестігін білдірді.
<img src="https://kyzylorda-news.kz/wp-content/uploads/2021/09/dsc_2594-scaled.jpg" alt="" />
<img src="https://kyzylorda-news.kz/wp-content/uploads/2021/09/dsc_2559-scaled.jpg" alt="" />

Жалағашта егінге алғашқы орақ түсті

Жолдаудағы жақсы жаңалық – «Қарапайым заттар экономикасы» бағдарламасы жалғасатын болды. Бұл туралы Қызылорда облысы кәсіпкерлер палатасының директоры Ғалымбек Жақсылықов айтты.
<blockquote>
 «Өздеріңіз білесіздер, пандемия кезінде мемлекет кәсіпкерлерге ауқымды қолдау көрсетті. Салықтан босатылды, несие бойынша төлемдер кейінге шегерілді, зардап шеккен салалардағы кәсіпкерлердің жоғары пайызбен алынған несиелері 6%-ға дейін субсидияланды»,­­­­­­­­—деген Палата директоры Мемлекет басшысының биылғы халыққа арнаған Жолдауында да кәсіпкерлер үшін бірнеше жағымды жаңалықтардың бар екендігін айтты.
</blockquote>
Палата басшысы бизнес жобаларды жеңілдікпен несиелендіретін бірқатар мемлекеттік бағдарламалардың ішіндегі бірегейі – «Қарапайым заттар экономикасы» бағдарламасы өзінің тиімділігін дәлелдегендігін жеткізді.
Аталмыш бағдарламаны жүзеге асыру барысында&nbsp; Қызылорда облысында 10 млрд.теңгені құрайтын 121 жоба іске қосылған. Осы жобалардың шеңберінде 589 жұмыс орнын ашу жоспарлануда. Бұдан бөлек 9 млрд.теңге тұратын 49 жоба қаралуда.&nbsp;&nbsp;
<blockquote>
 «2019 жылдан бастап іске асырылып жатқан бұл бағдарлама биыл аяқталуы тиіс еді. Ел Президенті Жолдауда тағы бір жылға созылатындығын жеткізді. Оның үстіне «Бизнестің жол картасы» мен «Қарапайым заттар экономикасы» бағдарламасына 1 триллионға жуық қаржы бөлінбек. Бұл өте жақсы жаңалық», — дейді Ғалымбек Жақсылықов.
</blockquote>
Айта кетейік, «Бизнестің жол картасы» бағдарламасы іске қосылған 2010 жылдан бері Қызылорда облысында 105 млрд.теңгені құрайтын 2699 жоба мемлекет тарапынан қолдау тапқан. Биылдың өзінде 1094 жобаны қаржыландыру үшін 14,5 млрд.теңгеге жеңілдетілген несие берілді.
Жолдауда кәсіпкерлер көңілінен шыққан тағы бір мәселе ауыл шаруашылығы саласына қатысты. Мемлекет басшысы «Біздің аграрлық саясатымызда сабақтастық болмай отыр. Министр ауысса, саланың саясаты да өзгереді» деп сынға алған болатын.
<blockquote>
 «Расымен бұл агроөнеркәсіп саласындағы қанша кәсіпкердің көтеріп жүрген проблемасы. Соңғы жылдары осындай қадамдардың нәтижесінде субсидиялау ережелері жиі өзгеріп, шаруалардың алдағы жұмыстарын жоспарлау қиынға түсіп келеді. Бұл жөнінде кәсіпкерлер «Атамекеннің» алаңында да талай көтерді. Сала кәсіпкерлері субсидиялау ережелерін кемінде 4-5 жыл өзгертпеуді сұрауда. Ереженің жиі өзгеруі салдарынан кәсіпкерлердің шығынға ұшырағандары да бар. Мысалы, 2020 жылдың басында жергілікті кәсіпкер мал шаруашылығын субсидиялау ережесіндегі «Бордақылау алаңдарындағы бұқашыққа кеткен шығынның бір бөлігін өтеу» қағидасына сай 2 мың бастық бордақылау алаңын салып, қомақты инвестиция салды. Алайда, Ауылшаруашылық министрлігінің талаптарына сай бордақылау алаңы салынып болғаннан кейін ереже өзгеріп, кәсіпкер мемлекеттік қолдаусыз қалды. Сондықтан да Жолдаудағы аграрлық саясаттағы сабақтастық жөнінде орынды айтылған. Кәсіпкерлер ертеңіне сенімді болу үшін мемлекеттік қолдау шаралары түсінікті әрі тұрақты болғаны жөн», – дейді Кәсіпкерлер палатасының басшысы.
</blockquote>
Қасым-Жомарт Кемелұлы Жолдауда жергілікті жерде микро қаржы ұйымдарының әлеуетін іске қосу қажеттігі туралы айтты. Бұл бағытта Қызылордада жақында «Atameken Qyzylorda» микроқаржы ұйымы құрылды. Аталмыш ұйым «Бастау Бизнес» жобасы бойынша оқыған түлектердің жобасын қаржыландырумен айналысатын болады.
2017-2020 жылдары Қызылорда облысында «Бастау Бизнес» жобасы бойынша 8 927 адам оқу курсынан өтті. Олардың тек 39%-ы немесе 3495 түлек 3,4 млрд теңге көлемінде қаржыландыру алды. Алайда қаржыландырылған жобалардың 77% немесе 2685-інің негізгі қаржыландыру көзі қайтарымсыз қаржы –&nbsp; гранттар болып отыр. Жобалардың тек 23%-ы ғана микронесие беру тетігі арқылы қаржыландырылған. 2021 жылы «Бастау Бизнес» жобасы аясында тағы 2500 адамды оқыту жоспарлануда, басым бөлігі оқытылды да. Бұрын қаржыландыру алмаған жоба түлектерінің 61%-ын ескерсек, жобасы қаржыландырылуды қажет ететін бастаулықтардың саны жобамен 7 мыңнан асып кетеді. Осы жағдайларды ескере келе, «Атамекен» тек қана «Бастау Бизнес» жобасы бойынша оқыған азаматтардың жобасын қаржыландыратын арнайы микроқаржы ұйымын құру жөнінде бастама көтерген болатын. Қазір аталмыш ұйымдар барлық өңірде құрылды, соның ішінде біздің облыс та бар.
«Atameken Qyzylorda» микроқаржы ұйымында қазір 64 жоба қаралуда. Республика көлемінде бастаулықтардың жобасын қаржыландыруға 22,5 млрд.теңге бөлінген. Қызылорда облысының үлесі 1 млрд.теңге.
<blockquote>
 «Аталмыш қаржы жақын күндері түседі деп күтудеміз. Бұл қадам жоба аясында оқып, біліктілігін жетілдірген қызылордалықтардың әлеуетін тиімді қолданып, саланы дамытуға айтарлықтай үлес қосады деп сенеміз», —деген Кәсіпкерлер палатасының директоры Ғалымбек Жақсылықов енді Палата тарапынан Жолдаудан туындайтын міндеттерді кәсіпкерлермен бірге жүзеге асыру бағытында жұмыс жасайтындығын жеткізді.
</blockquote>

Ғалымбек Жақсылықов: «Қарапайым заттар экономикасы» бағдарламасы жалғасатын болды

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында биыл тауарларды, жұмыстарды және қызметтерді сатып алуға 78 млрд. теңгенің 2401 конкурсы жарияланды. Бүгінгі күнге, оның 51 млрд. теңге болатын 1354-ы аяқталып, 3 млрд. теңге үнемделді. Қалған сатып алулардың белгіленген мерзімде жүргізілуі бақылауда. Бұл туралы бүгін Өңірлік коммуникациялар қызметінде өткен баспасөз конференциясында облыстық мемлекеттік сатып алу басқармасы басшысының міндетін атқарушы Алтынай Қуандық мәлімдеді.
<blockquote>
 «Үнемделген соманың 92 пайызы бірыңғай ұйымдастырушылардың үлесінде. Биыл өткізілген барлық конкурстың 95% бірыңғай ұйымдастырушылармен жүргізілді, қалғаны тапсырыс берушілермен жарияланды. Яғни 2026 конкурстың 854-і бірыңғай ұйымдастырушылармен, 172-і тапсырыс берушілермен. Өткен жылы заң бұзушылықтар саны – 1569 болса, биыл 1060 бұзушылық анықталып, біршама азайды. Оның ішінде, жарияланған сатып алулардың уәкілетті органмен күші жойылуы көрсеткіші 8% -ға кеміген», – деді Алтынай Қуандық.
</blockquote>
Сондай-ақ, өткен жылы Қызылорда облысы Қаржы министрлігімен жүргізілген «Мемлекеттік сатып алуларды орталықтандыру» пилоттық жобасына қатысып, 124 млрд. теңгені құрайтын 2900 конкурс ұйымдастырды. Осы модель негізге алынып, биыл барлық конкурстың 95% бірыңғай ұйымдастырушылармен жүргізілді, қалғаны тапсырыс берушілермен жарияланды. Бұл уәкілетті орган тарапынан анықталған бұзушылықтардың азаюына ықпал етіп, өткен жылмен салыстырғанда кемшіліктер 34%төмендеді.<a href="https://www.facebook.com/photo/?fbid=1358320554563453&set=a.223793414682845&__cft__[0]=AZWBj92g08MoH6HMgA7xS7782fn9dzRRNyQbkg1NpNUyYSu252G4FQl7WePkwwRgbB2w7u4zoVlwNzwuOR7b7EmbbcvBBsJj7Hnkm6NUU6moxRQTU1t0I4OWX4E44H-_Hys&__tn__=EH-R"></a>

Қызылордада биыл 2401 конкурс жарияланды

<a href="https://kyzylorda-news.kz/">Kyzylorda-news.kz</a>. Жалағаш ауданының әкімі Асылбек Шаменовтың қатысуымен Аламесек ауылдық округінде «Туған жерге тағзым» жобасы аясында елді мекенді көркейту-көгалдандыру, абаттандыруға байланысты өзара ынтымақтастық жөніндегі меморандумына қол қою рәсімі өтті.
Аудан басшысы жоба аясында осы уақытқа дейін атқарылған жұмыстарды баяндап шықты.
<blockquote>
 «Ауылдың жағдайын жақсартамын, елді мекенді көркейту-көгалдандыру, абаттандыру жұмыстарына өз үлесімді қосамын деп біздің ұсынысымызға бей-жай қарамай ынтымақтастық қолын созған азаматтарға ауыл халқы атынан алғысымды білдіремін. Алдағы уақытта «Қарабура Ата» фермерлік қожалығы құны 5 млн. теңгені құрайтын елді мекендегі кіре беріс жолын жарықтандыру жұмыстарын, «Жаңа арық» шаруа қожалығы 6 млн. теңгені құрайтын осы жолды абаттандыру жұмыстарын қолға алмақ. Сонымен қатар, құны 5 млн. теңге болатын «Ипподром» құрылыс салу жұмыстарын «Көктөбе» шаруа қожалығы, 4 млн. теңге болатын Өмірбай шешен көшесін абаттандыру жұмыстарын «Нағи» шаруа қожалығы жүзеге асырмақ. Игілікті істің бастамасына сәттілік тілеймін»,-деді Асылбек Шәменов.
</blockquote>
Кездесуде “Қарабура ата”, “Жаңа арық”, “Көктөбе”, “Нағи” шаруа қожалықтарының төрағаларымен меморандум жасалып, ақсақалдар батасын берді.

«Туған жерге тағзым»: Жалағаштық кәсіпкерлер меморандумға қол қойды

Kyzylorda-news.kz. Биылғы жылдың 7 айында облыстың өнеркәсіп кәсіпорындарында 408,8 млрд. теңгенің өнімі өндірілді.
Өнеркәсіп өндірісінде пайдалы қазбаларды өндіру 11,9 %-ға, тау-кен өндіру өнеркәсібінде қызмет көрсету 17,1%-ға өсім алды. Бұл туралы бүгін Өңірлік коммуникациялар қызметінде өткен баспасөз конференциясында облыстық экономика және бюджеттік жоспарлау басқармасы басшысының міндетін атқарушы Ринат Құдайбергенов хабарлады.
Сонымен қатар, осы кезеңде өңір экономикасына 134,3 млрд. теңге инвестиция салынған. 38,1 млрд. теңгеге құрылыс жұмыстары орындалып, 358,9 мың шаршы метр тұрғын үй пайдалануға берілді. 2021 жылдың 1 тамызындағы деректер бойынша 17 985 жаңа жұмыс орны құрылып, оның ішінде тұрақтысы 7350 болған. 7 айда ауыл шаруашылығының жалпы өнімінің көлемі 38,6 млрд. теңгені құраған.

Қызылорда экономикасында өсім бар

<a href="https://kyzylorda-news.kz/">Kyzylorda-news.kz</a>. Жергілікті бюджеттердің шығыстары 4,5 трлн теңгені құрады. Бұл туралы Үкімет отырысында биылғы жеті айдағы әлеуметтік-экономикалық дамуды талқылау кезінде Қаржы министрі Ерұлан Жамаубаев айтты, деп хабарлайды <a href="https://www.inform.kz/kz/5-onirde-byudzhet-karazhaty-kop-igerilmey-kalgan_a3822556">ҚазАқпарат</a>.
<blockquote>
 «Жергілікті бюджеттердің шығыстары 4,5 трлн теңгені құрады. 58 млрд теңге атқарылмаған. Ағымдағы жылы өңірлерге 2,5 трлн теңге сомасында нысаналы трансферттер көзделген. Биылғы 1 тамыздағы жағдай бойынша оларға 1 трлн 160 млрд теңге бөлінген. Оның 98,2%-і игерілді. Атқарылмаған – 21 млрд теңге, оның ішінде үнемдеу – 3 млрд теңге, игерілмегені – 18 млрд теңге», – деді Е. Жамаубаев.
</blockquote>
Ең көп игерілмеу: Нұр-Сұлтан қаласы, Қызылорда, Шығыс Қазақстан, Батыс Қазақстан және Ақмола облыстарында қалыптасты.

Қазақстан және Қызылорда облысының жаңалықтары: Экономика