*<a href="https://kyzylorda-news.kz/ru/obshestvo/">Kyzylorda-news.kz</a>. Соңғы жылдары Сырдария өзенінің төменгі ағысында су тапшылығы байқалуда. Осыған байланысты Үкіметпен бірлесе отырып бес жылға арналған “Жасыл Қазақстан” Ұлттық жобасы әзірленуде. Басты мақсат − су нысандарының экожүйесін сақтап, оны үнемді пайдалану. Қазіргі таңда облыстың 237 су шаруашылығына аталған жобаны енгізу бойынша үсыныстар берілді.*
Өңірлік коммуникациялар қызметінде өткен баспасөз конференциясында облыстық табиғи ресурстар мен табиғат пайдалануды реттеу басқармасының басшысы Бауыржан Шаменов су тапшылығының алдын алуда атқарылып жатқан жұмыстарды баяндады.
<blockquote>
 “Өздеріңізге белгілі, облыстың әлеуметтік-экономикалық дамуы мен экологиялық ахуалы Сырдария өзені суының қамтамасыз етілуіне тікелей байланысты. Биыл Сырдария өзені су тапшылығы жағдайында өтуде. Әсіресе, бұны шаруа қожалықтары қатты сезінді. 2025 жылға дейін 16 магистралды және шаруашылық аралық каналдар цифрландырылатын болады. Сонымен қатар, суармалы жерлерді қалпына келтіру бойынша 161 млрд. теңге көлеміндегі 3 жоба әзірленген. Олар пайдаланылмай тұрған 29 мың гектар суармалы жерлерді айналымға қосу мен суармалы егістіктегі ирригация және дренаж жүйелерін жетілдіру жобалары. Биылғы жылы Қызылорда және Әйтек су торабтарына жөндеу жұмыстары жүргізілуде. Алдағы уақытта коммуналдық меншіктегі 192 су шаруашылығы нысандарын тазалау және жөндеу жұмыстары атқарылатын болады”, – деді Бауыржан Серікұлы.
</blockquote>
“Қазсушар” РМК Қызылорда облыстық филиалы директорының орынбасары Жорабек Ерназаровтың айтуынша, аталған мекеме өз қаражаты есебінен ескі каналдарды тазартып, қашыртқы суын қайта пайдалануда бірқатар жұмыстарды атқарған. Сондай-ақ, су тапшылығы жағдайында елді мекендерді суармалы сумен қамтамасыз етуге және экологиялық жағдайды жақсартуға бағытталған жол картасы әзірленгенің хабарлады.
<blockquote>
 “Соңғы жылдары туындап отырған жағдайға байланысты біздің филиал су тапшылығын сезінетін каналдарға механикалық тазарту және гидротехникалық құрылымдарға шұғыл жөндеу жұмыстарын жүргізуді жоспарлады. Осы жылдың аяғына дейін Жаңақорған, Шиелі, Жалағаш аудандарындағы жалпы ұзындығы 26,7 шақырым болатын каналдарға механикалық тазарту шаралары басталмақшы. Сондай-ақ, Қызылорда облысы бойынша негізгі күріш дақылын 84,4 мың гектарға егу межеленсе, “Қазсушар” РМК мекемесі нақты 83,5 мың гектар күріш егуге су пайдаланушылармен келісім шартқа отырды”, – деді Жорабек Ерназаров.
</blockquote>
Брифинте су қорын мемлекеттік бақылау және қорғау бөлімінің басшысы Зейнолла Қазтоғанов Сырдария өзеніндегі судың азайғаның атап өтті.
<blockquote>
 “Биылғы жылы Шардара су қоймасындағы су көлемі 656 млн. текше метр құрады. Бұл өткен жылмен салыстырғанда біршама аз. Ал Қызылорда облысы шекерасына Көктөбе су бекеті арқылы секундына 93 текше метр су жіберілген. Облыстағы су торабынан өзеннің төменгі ағысына жіберілген су көлемі 60 текше метрді құрады. Былтыр бұл 100 текше метр болған еді”, – деді Зейнолла Қазтоғанов.
</blockquote>
Сондай-ақ, су ресурстарын тиімді пайдалану мақсатында су үнемдеу технологиялары іске қосылмақшы. Бұл жем-шөп, бақша дақылдары мен көкеніс көлемін арттыруға септігін тигізеді дейді сала мамандары.

Қызылордада 16 канал цифрландырылады

<a href="https://kyzylorda-news.kz/ru/obshestvo/">Kyzylorda-news.kz</a>. Шиелілік кәсіпкер Патима Маханбет ауданның кәсіпкерлік саласының дамуына зор үлес қосып, жұмыссыздар қатарын азайту мақсатында 60-қа жуық адамды тұрақты жұмыспен қамтып отыр.
Кәсіпкер 1996-1997 жылдары Шиелі ауданында базар бұрышынан дүңгіршек ашып, ас-ауқат пісіруден бастаған. 2000 жылы «Керемет» кафесін ашып, алты адамға жұмыс беріп, 2002 жылы «Тамаша» кафесін ашып халыққа қызмет көрсетуін жалғастырды. Одан кейін «Тұшпара» жасайтын шағын цех жұмысын іске қосып, сапалы жартылай фабрикат өнімдерін тұтынушыларға ұсынып, елдің ықыласына бөленді.
2005 жылы ауданға аса қажет өнім өндіретін «Шұжық» цехын ашқан. Бүгінде ел сұранысына сай өнімдерді сату үшін аудан орталығынан сауда дүкенін ашып, халыққа шарапатын тигізіп отыр. Алдағы уақытта шығаратын өнімдердің көлемін, сапасын жақсартып халықаралық стандартқа сәйкестендіріп, өз өнімдерін республика көлеміне сату жоспары бар.
Жақын арада кәсібін кеңейту үшін «Қызылорда өңірлік инвестициялық орталығы» микроқаржы ұйымынан несие алып, айналым қаражатын толықтырмақшы.
Өз ісінің шебері, қоғам жанашыры, үй мен түздің шаруасына уақытылы үлгеріп, тиянақтылық танытып жүрген нәзік жанның еңбегі елеусіз қалып жатқан жоқ. Ел еңсесі енді ғана тіктеліп, әлеуметтік тұрақтылыққа бет алған кезеңде шағын бизнес саласында «Жылдың үздік кәсіпкері» аймақтық конкурсында «Үздік кәсіпкер әйел» номинациясын иеленді.
Бүгінгі таңда кәсібін дөңгелетіп отырғанымен қатар қоғамдық жұмыстарға етене араласып, аймақтың экономикалық ахуалының жақсаруына тамшыдай болса да септігін тигізуде.

Шиелілік кәсіпкер мемлекеттен қаржы алып кәсібін кеңейтпек

Kyzylorda-news.kz. Мемлекет басшысы биылғы Жолдауында еліміздің ауыл шаруашылығының әлеуеті орасан зор екендігін атап өтіп, агро секторды дамытуға бағытталған бірқатар бастамаларды жүзеге асыруды тапсырды. Бұл ретте, еліміздің азық-түлік қауіпсіздігін қамтамасыз ету басты талап болып отыр. Осыған сәйкес, өңірді азық-түлік өндірісімен қамтамасыз ету балансын есептеп, нақты қажеттілікті анықтау бағытында жұмыс жасаудамыз деді облыс әкімінің орынбасары Бахыт Жаханов Өңірлік коммуникациялар қызметінде өткен баспасөз конференциясында.
<blockquote>
 «Бүгінгі таңда облыс халқын 29 негізгі азық-түлік тауарларының 5 түрімен 100 пайыз өз өндірісіміз есебінен қамтамасыз етіп отырмыз. 3 өнім яғни картоп, сәбіз және жылқы етімен 60 пайыздан астам қамтамасыз етілуде. Ал 7 түрлі өнім бойынша қамту көрсеткіші 20-60 пайыз аралығында. Қалған 14 өнім бойынша сырттан тасымалдауға мәжбүрміз. Осыған байланысты азық-түлік қамтамасыз ету балансының негізінде өз өндірісімізді ұлғайтатын боламыз. Алдағы 5 жылда 56,1 млрд. теңгені құрайтын 42 жобаны іске асыру жоспарлануда», – деді облыс әкімінің орынбасары.
</blockquote>
Сонымен қатар азық түлік бағасын реттеуде көтерме тарату орталығын құру маңыздылығы айтылды. Өңірде өндірілмейтін азық-түлік тауарларын басқа аймақтардан сатып алу, тасымалдау, сақтауды жүзеге асыру үшін 2022 жылға көтерме-тарату орталығын ашу жоспарлануда. Аталған жұмыстарды іске асыру өз кезегінде азық-түлік бағаларының ұзақ мерзімге тұрақтылығы мен алқаптан сөреге дейін тауар айналымын қамтамасыз етіп, экспортқа жіберуге септігін тигізеді.
Жолдауда айтылған маңыздың мәселелердің бірі – жаңа технологиялар мен цифрландыру арқылы суды үнемдеуге көшу мәселесі. Онда БҰҰ мәліметі бойынша 2030 жылға қарай су тапшылығының көлемі 40 пайызға жетуі атап өтілді. Биыл Сырдария өзенінің төменгі ағысында вегетациялық кезең күрделі су тапшылығы жағдайында өтті.
Бахыт Дүйсенұлының айтуынша бұл жағдай алдағы жылдары одан сайын күрделенеді. Сондықтан су үнемдеу технологияларын енгізу, суды тиімді пайдалану біздің облыс үшін өте маңызды мәселе. Осы бағытта ағымдағы жылы Жаңақорған ауданында «Қызылорда AgroPlus» ЖШС тамшылатып суару әдісімен томат өндіру жобасын бастап жатыр. Биыл 2 гектар жерде сынақ ретінде қызанақтың 10 түрлі сортының көшеттерін отырғызылды. Нәтижесі жаман емес. Әр гектардан орташа 900 центнерден өнім жиналды. Келесі жылы егер осы жобаға қажетті инфрақұрылымды жеткізуге үлгерсе, 1000 га қызанақ егу жұмыстары басталады деп күтілуде. 
Сонымен бірге Жолдауда айтылған тағы бір өзекті мәселе – ол субсидиялау. Жыл сайын көрсетілген Мемлекеттік қолдауларды ұтымды пайдаланудың арқасында облыстың аграрлық саласында ауыл шаруашылығы өндірісінің дамуы тұрақты өсуде. Нәтижесінде, соңғы жылдары ауыл шаруашылығы дақылдары өнімдерінің өсімі жыл сайын артып келеді. Сондай-ақ, ауыл шаруашылығы тауар өндірушілері мемлекет тарапынан бөлінген қолдауларды мерзімінде алуда. 
Осы жерде айта кететін жайт, биыл дақылдарды өндіруге берілетін субсидия өңдеу кәсіпорнына өткізілген майлы дақылдардың көлеміне қарай берілетін болады.

Мемлекеттік қолдаудың арқасында ауыл шаруашылығы өндірісі тұрақты өсуде

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова «Петро Қазақстан Құмкөл Ресорсиз» АҚ Президенті Ян Миньюймен кездесіп, өңірдің даму мәселелерін талқылады. Кездесуге облыс әкімінің орынбасарлары және «Петро Қазақстан Құмкөл Ресорсиз» АҚ құрылыс және сыртқы байланыстар жөнінде вице-президенті Болат Көшербаев қатысты.
Жиында аймақ басшысы мұнай өндіру көлемі жыл сайын 10-12% азайғанын алға тартып, өңірдің даму қарқынын сақтап қалу бағытындағы бірқатар маңызды іс-шараларды қолға алуды ұсынды. Оның ішінде, табиғи газ және мұнайдың экспорт көлемін ұлғайту, жаңа кен орындарын игеру және ғылыми зерттеулер саласын қолдау сынды жұмыстарды жүргізу қажеттілігін атап өтті.
<blockquote>
 «Кеңқияқ-Атырау» мұнай құбырының реверсін биылғы жылдың 4 тоқсанында іске қоссақ, мұнай экспортының көлемін 50%-ға дейін ұлғайтып, компания табысын арттыруға мүмкіндік береді. Бірінші кезекте аталған қаражат мұнай сервистік компаниялардың тарифтері мен еңбекақы төлеу қорын ұлғайтуға бағытталуы тиіс. Соңғы 13 жыл ішінде компанияның қызметтік тарифтері өзгертілмеді. Осы саладағы қызметкерлердің жалақысы мұнай өндіруші компаниялар қызметкерлерінің жалақысынан 3-4 есе төмен екенін ескере отыра, мұнай сервисі саласындағы тарифтерді ұлғайту қажет», – деді облыс әкімі.
</blockquote>
Сондай-ақ, аймақ басшысы республикалық бюджет есебінен Сырдария, Шу-Сарысу және Арал шөгінді бассейндерін зерттеу жұмыстары басталғанын мәлімдеп, қолданыстағы контрактті аумақтардан бөлек жаңа перспективті аймақтарда барлау жұмыстарын бастауды ұсынды. Мұнан бөлек, «Петро Қазақстан Инк» құрамындағы мұнай компанияларының ғылыми-зерттеу және тәжірибелік-конструкторлық жұмыстарын қаржыландыру мен бизнестің әлеуметтік жауапкершілігі аясында аймақтағы спорт саласының дамуы, оның ішінде, «Қайсар» футбол клубына қолдау көрсетудің маңыздылығын атап өтті.
Өз кезегінде Ян Миньюй облыс әкімі көтерген мәселелерді мұқият зерделейтінін айтып, мемлекет тарапынан мұнай өндіруші компанияларға көрсетілетін қолдау шаралары үшін алғысын білдірді.
Кездесуді қорытындылаған облыс әкімі мұнай компаниясының басшысына жұмысшылармен тыңғылықты жұмыс жасап, бірқатар мәселелерді бірлесіп шешу қажет екенін ескертті.
<img src="https://kyzylorda-news.kz/wp-content/uploads/2021/09/241878927_3709659712470404_8450031616916688890_n.jpg" alt="" />

Гүлшара Әбдіқалықова: Мұнай сервисі саласындағы тарифтерді ұлғайту қажет

<a href="https://kyzylorda-news.kz/">Kyzylorda-news.kz</a>. Қазіргі таңда әлемді жайлаған пандемия барлық аймақтарға әсерін тигізетіні рас. Дағдарыс кезеңінде бұрынғыдай даму қарқынын сақтап қалу мүмкін болмаса да, аймағымызда айтарлықтай ілгерілеу бар.
Қызылорда облысының әкімдігі баспасөз қызметінің дерегінше өнеркәсіп және индустриялық-инновациялық даму саласында өнеркәсіп өндірісінің көлемі 478,4 млрд. теңгені, ал өңдеу өнеркәсібінің көлемі 109,6 млрд.теңгені құраған.
Индустрияландыру бағдарламасы аясында 2021 жылы құны 45,2 млрд.теңгені құрайтын, толық қуаттылыққа шыққанда 456 адамды жұмыспен қамтитын 4 жобаны іске асыру жоспарланған. Атап айтқанда, «Қызылорда қаласында қуаттылығы жылына 197 100 тонна табақша шыны өндіретін және өңдейтін зауыты» жобасы жүзеге асырылмақ. Жоба құны-42,1 млрд.теңге, қуаттылығы – жылына 197,1 мың тонна өнім. Жоба іске қосылғаннан кейін 226 жаңа жұмыс орны ашылмақ.
Одан бөлек, «Ас тұзын өндіретін үшінші испандық цехы» жобасы («Арал тұз» АҚ). Жоба құны-2,9 млрд.теңге, қуаттылығы – жылына 180 мың тонна тұз өнімдері. Жоба аясында 198 жаңа жұмыс орын құрылатын болады. 
Сондай-ақ, Жаңақорған ауданында («Қуат керамзит» ЖШС керамзит және керамзит блоктарын өндіру жобасын жүзеге асыруда. Жоба құны-130 млн.теңге, қуаттылығы – жылына 3 млн. дана өнім. Жоба іске қосылғаннан кейін 25 жаңа жұмыс орны ашылады. 
«Ақжарма-1» ФШ «Жылына 630 тонна күріш өңдейтін шеберхана салу» жобасын жүзеге асыруда. Жоба құны-82 млн.теңге, қуаттылығы – жылына 630 тонна өнім. Жоба аясында 7 адам тұрақты жұмыспен қамтылатын болады. 
Ауыл шаруашылығы саласында жыл басынан бері өндірілген жалпы өнім көлемі 52,2 млрд. теңгені құрады. Жалпы алғанда, 2021 жылы облыс бойынша ауыл шаруашылығы дақылдары 188,1 мың га егілді. Оның ішінде, дәнді дақылдар – 96,6 мың га, оның ішінде күріш – 83,6 мың га, майлы дақылдар-6,7 мың га, көкөніс – бақша дақылдары мен картоп – 18,3 мың га, жемшөп дақылдары – 66,4 мың га құрады. 
Өңіріміздегі шағын және орта кәсіпкерлік саласындағы жұмыс жасап тұрған субъектілердің саны 50551 бірлік, немесе 2020 жылдың тиісті кезеңіне қарағанда 108,4 пайыз құрады. 
“Бизнестің жол картасы-2025” бойынша 2021 жылдың 1 қыркүйегіне жалпы құны 20,6 млрд. теңге 1908 жоба мақұлданды.
Аймағымыздың дамуына тартылған инвестиция көлемі 158,1 млрд.теңгені құрады. 
Құрылыс жұмыстарының көлемі 48,3 млрд. теңгені немесе 2020 жылдың сәйкес кезеңіне 102,7% құрады. 443,3 мың шаршы метр тұрғын үй пайдалануға берілді.
Ағымдағы жылдың 1 тоқсанында жұмыссыздық деңгейі – 4,9% құрады. 
2021 жылдың қаңтар-маусым айларындағы орташа айлық жалақы 208,0 мың теңгені немесе 2020 жылдың тиісті кезеңіне 117,3% құрады. 
Тұтыну бағаларының индексі 2021 жылдың тамыз айында 2020 жылдың желтоқсан айына қарағанда 105,5 пайызды құрады, оның ішінде азық – түлік тауарларына баға индексі – 107,5%, азық – түлік емес тауарларға – 105,2%, ақылы қызметтерге-103,1%.
Облыстың әлеуметтік саласына 239,5 млрд.теңге қаралды, оның ішінде білім беру саласына 184,0 млрд. теңге және денсаулық сақтау саласына 11,6 млрд. теңге бөлінді. 
Мектепке дейінгі тәрбиемен және білім берумен қамту көрсеткіші 1-6 жастағы балалар арасында 85,5%, 3-6 жастағы балалар үшін 100% құрады. Осы ретте облыстағы балабақшалардың шамамен 72,3%-ы мемлекеттік-жекешелік әріптестік негізінде жұмыс істейді.
<img src="https://kyzylorda-news.kz/wp-content/uploads/2021/09/241808407_3706746812761694_6012639232958592135_n.jpg" alt="" />

Өңір экономикасында өсім бар

<a href="https://kyzylorda-news.kz/">Kyzylorda-news.kz</a>. Сыр өңірінде аз қамтылған тұрғындарға әлеуметтік қолдау көрсету жөнінде бірқатар іс-шаралар кешені қарастырылған.
Атап айтқанда, аймақ басшысының қолдауымен 2021 жылға 1986 жылғы Чернобыль атом электр станциясында орын алған апаттың 35 жыл толуына орай Чернобыль атом электр станциясы апатының зардабын жоюға қатысушылар мен&nbsp; мүгедектеріне қосымша қолдау көрсету мақсатында облыстық бюджеттен 245 адамға 28,5 млн.теңге қаражат бөлінді.
Одан бөлек, 2021 жылға Семей полигонының жабылуына 30 жыл толуына орай Семей ядролық сынақ полигонының қатысушылары мен мүгедектеріне қосымша қолдау көрсету мақсатында облыстық бюджеттен 479 адамға 53,8 млн.теңге қаражат бөлінді. Әлеуметтік көмек алушылардың әрқайсысына 40 АЕК, немесе 116680 теңге мөлшерінде төленеді.
Аймақтың әлеуметтік-экономикалық дамуын айқындайтын өңірге қажетті мамандар даярлауға халықтың осал топтары қатарынан шыққан студенттерге әлеуметтік көмек тағайындауға облыс әкімінің 100 гранты бөлінді. Оның ішінде балалар үйінің тәрбиеленушілері, жетім балалар, мүгедек балалар, ата-анасының екеуі де зейнеткер болып табылатын, ата-анасының біреуі немесе екеуі де мүгедек, көп балалы, аз қамтылған отбасынан шыққан, асыраушысынан айырылған, ата-анасының қамқорлығынсыз қалған балалар аймақ басшысының грантын алуға мүмкіндік қарастырылған.
Байқоңыр қаласында коммуналдық қызмет тарифтерінің өсуіне байланысты аз қамтамасыз етілген отбасыларныа тұрғын үй көмегін тағайындауға отбасының шығыстарына жол берілетін шекті шығыстар үлесі 14 пайыздан 10 пайызға төмендетілді. Бұл мақсатқа облыстық бюджеттен қосымша 180 млн.теңге қаражат бөлінді.

Қызылорда: Мүдделі топтарға жататын азаматтарға әлеуметтік көмек көрсетілуде

<a href="https://kyzylorda-news.kz/">Kyzylorda-news.kz</a>. Қала әкімінің орынбасары Асқарбек Есжанов Сол жағалау тұрғын ауданындағы бірқатар нысандарды аралады. Қазіргі таңда Сол жағалау тұрғын ауданында 680 пәтерлік 14 көпқабатты тұрғын үйдің құрылысы аяқталып, абаттандыру жұмыстары басталды. Сондай-ақ, №4 кварталды жалғайтын магистральды жылу желілерінің (теплотрасса) құрылысы, инженерлік инфрақұрылымдар жүргізілуде.
Көпбалалы отбасыларға және мемлекеттің қолдауын қажет ететін қоғамның осал топтарына арналған бұл тұрғын үйлер «Цифрлы Қазақстан» жобасы аясында бейнебақылау камераларымен қамтылған, тиісті құрылымдық көрсеткіштері заманауи талапқа сай әзірленген. Тұрғындардың қауіпсіздігін қамтамасыз ету үшін үй ішіне газды анықтайтын дабыл құрылғысы орнатылған.
Абаттандыру барысында тұрғын үй аулалары ойын алаңдары, автотұрақ, орындықтар және кір жаю алаңдарымен қамтылатын болады. Осы жұмыстарды жүргізу барысында қала әкімінің орынбасары мердігер мекемеге аулаішілік жолдардың көлік қозғалысына қолайлы болуын қамтамасыз етуді тапсырды.
Сол жағалау тұрғын ауданында абаттандыру жұмыстарынан бөлек, жылу желілерінің құрылысы қарқынды жүргізілуде. №4 кварталды жалғайтын магистральды 500 метрлік жылу желілері (теплотрасса) тартылу үстінде. Бұл жұмыстар 1 қарашаға дейін толық аяқталатын болады. Жылу желісі жоғарыда аталған 14 көпқабатты түрғын үйлерді қоса алғанда алда салу жоспарланған үйлерге де есептелінген.
Асқарбек Темірбекұлы қала әкімінің халықтың тұрмыс-тіршілігін жақсартуға бағытталған жобаларды қолдауға қашан да дайын екендігін жеткізіп, желтоқсан айында Тәуелсіздіктің 30 жылдығы аясында 680 отбасы заманға сай жабдықталған баспанамен қамтылатындығын жеткізді.
Айта кету керек, Сол жағалау тұрғын ауданынан 9 қабатты 4 үйдің жоба-сметалық құжаттары дайын, құрылысын бастау алдағы жылға жоспарланған болса, 12 қабатты 4 үйдің жоба-сметалық құжаттары әзірленбек.
<img src="https://kyzylorda-news.kz/wp-content/uploads/2021/09/241707225_2916829925250413_7985845603293934760_n.jpg" alt="" />

Қызылордада 680 отбасы заманға сай жабдықталған баспанамен қамтылады

<a href="https://kyzylorda-news.kz/">Kyzylorda-news.kz</a>. Биыл «Атамекен» ҰКП-ның құрылғанына 8 жыл. Кәсіпкерлер мен биліктің арасындағы алтын көпірге айналған палата кәсіпкерлердің құқықтары мен заңды мүддесін қорғап келеді. Өңірлік коммуникациялар қызметінде өткен баспасөз конференциясында облыстық кәсіпкерлер палатасының директоры Ғалымбек Жақсылықов палатаның 8 жылда атқарған жұмыстарын саралап, алдағы жоспарларымен бөлісті.
8 жылда кәсіпкерлерден 6 мыңнан аса арыз келіп түсті, оның ішінде бизнесті қорғау бағытында 2232 арыз. Өтініштердің 42 пайызы оң шешімге қол жеткізсе, 64 лауазымды тұлға жауапкершілікке тартылды.
<blockquote>
 «Кәсіпкерлерден келіп түскен өтініштердің басым бөлігі сатып алулар, жер, сәулет, құрылыс салаларындағы жергілікті атқарушы органдардың әрекеті бойынша түседі. 2014 жылдың қаңтар айынан бастап Палата жанында тұрақты жұмысшы орган – Кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңес жұмыс жасайды. Кеңес отырыстарында 800-ден аса кәсіпкердің құқықтары мен заңды мүдделері қалпына келтіріліп, 21 лауазымды тұлға жауапкершілікке тартылды», – деді Ғалымбек Жақсылықұлы.
</blockquote>
<img src="https://kyzylorda-news.kz/wp-content/uploads/2021/09/241635879_1368696720192503_3669631835429722451_n.jpg" alt="" />
8 жылда Қызылорда облысы кәсіпкерлер палатасының кеңесшілері кәсіпкерлікпен айналысқысы келген азаматтарға 60540 кеңес беріп, 13414 кәсіпкерге сервистік қызмет көрсеткен. 2015-2020 жылдары «Бизнес мектеп» компоненті аясында Кәсіпкерлер палатасы бизнес-тренерлерімен 7083 азамат оқытылды. Мұнан өзге, 8 жылда Кәсіпкерлер палатасының кеңесшілері 1833 бизнес-жоспар әзірлеген. Аталмыш бизнес-жоспарлардың 3 млрд 450 млн теңгенің 690 жобасы қаржыландырылған.

«Атамекен» ҰКП: 8 жылда 800-ден аса кәсіпкердің құқығы қорғалды

<a href="https://kyzylorda-news.kz/">Kyzylorda-news.kz</a>. Ел Президентінің биылғы Жолдауында бизнес жобаларды жеңілдікпен несиелендірудің мемлекеттік бағдарламалары туралы айтылды. Солардың арасында бірегейі – 2019 жылдан бастап іске аса бастаған «Қарапайым заттар экономикасы» бағдарламасы. Ол өзінің тиімділігін көрсетті.
Оны жүзеге асыру барысында Қызылорда облысында 10 млрд.теңге құрайтын 121 жоба іске қосылды. Осы жобалардың шеңберінде 589 жұмыс орны ашылды. Бұл бағдарлама биыл аяқталу керек болатын. Енді міне Жолдауда тағы қозғалып, ол бір жылға созылды. Қуантарлық жағдай, өйткені әлі де 9 млрд.теңге тұратын 49 жоба қаралуда дейді Өңірлік коммуникациялар қызметінде өткен баспасөз конференциясында облыстық кәсіпкерлер палатасының директоры Ғалымбек Жақсылықов.
Сонымен қатар, облыста «Бизнестің жол картасы» бағдарламасы іске қосылған 2010 жылдан бері Қызылорда облысында 105 млрд.теңге құрайтын 2699 жоба мемлекет тарапынан қолдау тапты. Биылдың өзінде 1094 жобаны қаржыландыру үшін 14,5 млрд.теңгеге жеңілдетілген несие берілді.
Ғалымбек Жақсылықұлының айтуынша, банктердің агроөнеркәсіптік кешендегі жобаларды қаржыландыруға ынтасы төмен. Бұған қоса, банктер ауылдардағы үй-жайларды кепіл мүлік ретінде қарастырмайды. Осыған орай, Ел Президенті банктер шағын жобаларға, әсіресе ауылға арнап ақша салмайтынын қадап айтып, микроқаржы ұйымдарының әлеуетін іске қосу керектігін тапсырды.
Баса айту керек, биыл «Атамекен» Ұлттық кәсіпкерлер палатасы мен облыстық әкімдік «Atameken Qyzylorda» микроқаржылық ұйымын құрды. Бұл қаржы ұйымы «Бастау Бизнес» бағдарламасының түлектерін несиелендіреді. Биылға 1 млрд.теңге қаржы қарастырылуда, оған 238 жоба несиелендіріледі деп жоспарлануда. Қазірдің өзінде кәсіпкерлердің 80

«Қарапайым заттар экономикасы»: 10 млрд.теңге құрайтын 121 жоба іске қосылды

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаевтың Қазақстан халқына Жолдауында республика бойынша су жүйелерінің ескіруіне байланысты жер үсті су қорының 40 пайызы далаға кететіндігін хабарлап, су жүйелерін қайта жаңғырту мақсатында 2025 жылға дейін республика бойынша 9 су қоймасын салуды және 120 каналды қайта жаңғыртудан өткізуді Үкіметке тапсырған еді. Аталған 9 су қоймасының біреуі Қызылорда облысы аумағына салынатыны белгілі болды. Ол Қараөзек арнасы бойына 775 млн.текше метр тасқын су жинайтын су қоймасы. Бұл туралы бүгін Өңірлік коммуникациялар қызметінде өткен баспасөз конференциясында облыстық табиғи ресурстар мен табиғат пайдалануды реттеу басқармасы басшысының орынбасары Қайрат Жансұлтанұлы мәлімдеді.
Қараөзек су қоймасын салудың негізгі мақсаты – Қараөзек көлдер жүйесін және мал шаруашылығына мал азықтық базасын құру бойынша шабындық-жайылымдық алқаптарды және Қазалы ауданының егістік жерлерін суландыру болып табылады. Жобаның жалпы құны 1,9 млрд. теңге. Жобаның жүзеге асуы нәтижесінде 5,4 мың га суармалы жерлерді, 3,3 мың га көлдерді, 120,8 мың га шабындықтар мен жайылымдарды сумен қамтамасыз етуге мүмкіндік беретін болады.
<blockquote>
 «Жалпы, Үлкен Арал теңізіне жыл сайын қайтарымсыз кететін суды және Сырдария өзені арқылы қыс мезгілінде 70 пайызы келетін суды облыс аумағындатиімді пайдалану мақсатында 2,3 млрд.текше метр су жинақтайтын 12,9 млрд. теңгеге6 (4-уі тасқын су, 2-уі қашыртқы су) жобаны іске асыруды жоспарлап отырмыз. Бұл су ресурстарын неғұрлым ұтымды пайдалануға және вегетациялық кезеңде оның тапшылығына жол бермеуге мүмкіндік береді» – деді Қайрат Жансұлтанұлы.
</blockquote>
“Қазсушар” РМК Қызылорда облыстық филиалының директорының орынбасары Жорабек Ерназаровтың айтуынша, Қараөзек арнасының бойына салынатын су қоймасы Сырдария, Жалағаш және Қармақшы аудандарының көлдер жүйесінен құралатын болады. Осы көлдер жүйесінің қыс-көктем айларында Сырдария өзені арқылы келетін мол судың есебінен толықтырылып, егістікке су беру маусымы кезеңінде Қазалы ауданының 18 мың гектарға жуық егістік алқаптарын суландыруға үлкен мүмкіндік береді.
Жалпы, салынатын су қоймасының көлдер жүйесіндегі суды жинақтап ұстап тұру үшін Қараөзек арнасының ПК-490 бекетіндегі Байгелді су тоспасы, ПК-950 бекетіндегі Картонкомбинат су тоспасы және ПК-1500 бекетіндегі Қожатай су тоспаларына күрделі жөндеу жұмыстары жүргізіліп, 14,3 шақырым бөгет, 4 шақырым канал қазу, 5 дана бас саға ГТҚ салу, 4 дана қызметтік тұрғын үй, 13 дана су бекеті (гидропост) және қуаттылығы 25 кВт трансформатор қою жоспарлануда. Жобаның жалпы құны 1 млрд 910 млн.теңгені құрайды.

Қызылордада тасқын су жинайтын су қоймасы салынады

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлы Тоқаевтың Қазақстан халқына Жолдауындағы туындайтын міндеттердің бірі – тікелей инвестиция тарту болып табылады. Осыған орай, аймағымызда іс-шара жоспары әзірленуде. Бұл туралы Өңірлік коммуникациялар қызметінде өткен баспасөз конференциясында облыстық индустриялық-инновациялық даму басқармасы басшысының міндетін атқарушы Жолмырза Еламан түсіндіріп өтті.
<blockquote>
 «Жолдауда айтылғандай, шетелдік, отандық инвесторларды елімізге шақыра отырып, олардың инвест жобаларын іске асыру мақсатында тиісті жұмыстар жүргізуіміз керек. Оларға инженерлік инфроқұрылым дайындап, қолайлы жағдай жасауға дайын болуымыз қажет. Инвесторлар өңдеу өнеркәсібіне инвестиция салса, салаға жаңа серпін берер еді. Сонымен қатар, жаңа кәсіпорын ашылып, жаңа өнім өндіріліп, жаңа жұмыс орны ашылады. Өңіріміздің әлеуметтік-экономикалық дамуына зор көмегі тиері сөзсіз», – деді Жолмырза Қайыпұлы.
</blockquote>
Жалпы, биыл өңірге 456 млрд.теңге инвестиция тарту жоспары бекітілсе, бұл көрсеткішті 2025 жылға қарай 1,5 трлн.теңгеге дейін жеткізу бекітілген. Аталған міндеттемелерге қол жеткізу үшін инвестициялық жобаларға қолайлы жағдай жасау оның ішінде инженерлік инфрақұрылыммен қамтамасыз ету қажет. Бүгінде аймақта қажетті инфрақұрылыммен қамтылған 6 индустриялық аймақ жұмыс жасауда. Онда жалпы құны 207,7 млрд.теңге құрайтын 62 жоба орналасып, 22 жобасы іске қосылды.
Осы бағыттағы жұмысты жалғастыру мақсатында «Бизнестің жол картасы 2025» бағдарламасы аясында 2021-2022 жылдары республикалық және жергілікті бюджеттен 11 инвестициялық жобаға жалпы құны 5,5 млрд.теңгеге инженерлік инфрақұрылым жеткізу мәселесі қарастырылуда. Бұған қоса, қосымша тағы 4 инвестициялық жобаға инженерлік инфрақұрылым жеткізу мәселесі пысықталуда.
Жолдаудан туындайтын міндеттің бірі – «экономиканы әртараптандыру, өндірістік тауарлардың түрін көбейтіп, экспорт географиясын кеңейту» болып табылады.
Экономиканы әртараптандыру жұмыстары индустрияландыру бағдарламасы аясында іске асырылуда. Бағдарлама аясында құны 543 млрд. теңгеден асатын 46 жобаны жүзеге асыру көзделуде.
Сонымен қатар, биылғы жылы іске қосылатын 4 жобаның екеуінің өнімі инновациялық сипатта және экспортқа бағытталған, олар шыны зауыты және ас тұзын өндіретін ІІІ испан цехы. Сондай-ақ, осы жылы жаңа өнім түрін шығаратын «Шалқия» кен орнында қорғасын-мырыш өңдеу комбинаты және кальциленген сода өндірістері құрылысын бастау жоспарда тұр.
Жолдаудағы келесі міндеттердің бірі – жер қойнауын пайдалану саласы, әсіресе геологиялық барлау және жер қойнауын кешенді зерттеу ісіне тың серпін беру. Жалпы өңірде геологиялық зерттеулер үш бағытта жүргізілуде.

Қызылордада 543 млрд. теңгеден асатын 46 жоба жүзеге аспақ

<a href="https://kyzylorda-news.kz/">Kyzylorda-news.kz</a>&nbsp; Биыл «Атамекен» Ұлттық кәсіпкерлер палатасының құрылғанына 8 жыл толды. Дәстүрлі мерекеге орай Қызылорда облысы кәсіпкерлер палатасы Өңірлік кеңесінің төрайымы Гүлзағира Әбдірайымовамен сұхбаттасып, аймақтағы кәсіпкерлердің қызметіне қатысты қандай өзгерістер мен жоспар барын сұрадық.
Кәсіпкерлер палатасының дирекциясында мемлекеттік органдар, үкіметтік емес, қоғамдық және халықаралық ұйымдармен өзара іс-қимыл жасауға, басқару органдары қабылдаған бағдарламалық құжаттарды іске асыруға жәрдемдесу мақсатында 2013 жылы Өңірлік кеңес құрылды.
– Гүлзағира Оралбайқызы, кәсіпкерлер палатасының осы уақытқа дейін атқарған елеулі жұмыстарына тоқталсаңыз.
–Кәсіпкерлер палатасы құрылған сәттен бері артылған жүк жеңіл емес. Дегенмен, бүгінде жергілікті атқарушы органдар салаға қатысты қабылдайтын нормативтік-құқықтық актілерді Палатаның келісімінсіз қабылдай алмайды. Сегіз жылда Палата заңгерлері түскен 2232 өтініштің 934-і оң шешіп, 3,5 мың кәсіпкердің құқығын қорғаған. Нәтижесінде кәсіпкерлер өздерінің 8,8 млрд теңгені сақтапқалды. Сандарды одан әрі сөйлетсем: кәсіпкерлікпен айналысуға ниетті азаматтарға 60540 кеңес берген. 1833 бизнес-жоспар әзірлеп, оның жалпы құны 3 млрд 450 млн теңге тұратын 690-ы қаржыландырылған. «Бизнес-мектеп» компоненті аясында 7083 адамды, «Бастау Бизнес» жобасы аясында 11670 азаматты оқытқан. 22 мың оқушыға кәсіби бағдар берген. Бұлүлкенәрі жүйелі істелген жұмыстың нәтижесі. Жалпы «Атамекен» осы жылдар ішінде кәсіпкерлердің қара шаңырағына айналды. Салаға қатысты мәселелердің мемлекеттік деңгейде шешілуіне үлес қосып отырған ұйым.
–Жаңа басшы ретінде Өңірлік кеңестің бұрынғы атқарған жұмысы жайлы баяндап берсеңіз.
–Әрине, салаға қатысты жаңалықтардан, әріптестерімнің жұмыстарынан хабардармын. Өңірлік кеңесте бізге дейін де беделді, білікті, кәсіпкерліктің дамуында айтарлықтай орны бар азаматтар мүшелік етті. Осы азаматтардың жергілікті атқарушы органмен бірлесе атқарған жұмысының нәтижесінде аймақтағы азаматтардың кәсіпкерлік бастамаларын қаржыландыруға арналған «Қызылорда» өңірлік инвестициялық орталығы құрылды. Бұдан басқаиндустриалдық аймақты дамыту тұжырымдамасы, «2020 жылға дейінгі облыстың агроөнеркәсіптік кешенін дамытудың жол картасы» бекітілді. «Бизнестің жол картасы», «Еңбек» және өзге де мемлекеттік бағдарламалардың жүзеге асырылу тиімділігіне тұрақты түрде мониторинг жасалды. Басқа да көзге көрінбейтін, алайда саладағы жұмыстарды ұйымдастыруда қабылданған шешімдер жеткілікті.
–Жалпы Өңірлік кеңестің шағын және орта кәсіпкерлікті дамытудағы рөлі қандай?
–Ұйымдастыру жұмыстарындағы сала үшін нәтижелі қабылданатын шешімдер туралы айттым. Мысалы, біздің Өңірлік кеңестің мүшелерінің бәріжергілікті атқарушы орган жанындағы консультативтік-кеңесші органдардың құрамына енген. Бұл комиссия, кеңестерде кәсіпкерлердің нақты мәселелері көтеріледі. Біз осы шараларда кәсіпкерлер үшін оң, тиімді шешім қабылдануына мүдделіміз және осы бағытта жұмыс істейміз. Сондай-ақ, аудандағы бизнес өкілдерінің өзекті мәселелерін анықтап, шешу үшін аудандық кәсіпкерлер кеңесі құрылған. Бұл кеңестерде де біздің Өңірлік кеңестің мүшелері төрағалық етеді. Яғни мәселелер жергілікті жерде шешілмесе немесе жүйелі шешуді қажет еткен жағдайда біздің Өңірлік кеңесте қаралып, әрі қарай облыс әкімдігіне немесе «Атамекеннің» орталық аппараты арқылы Үкіметке ұсынылады. Сондай-ақ, «Қызылорда» өңірлік инвестициялық орталығының бақылау кеңесіне және мемлекеттік бағдарламалар шеңберінде кәсіпкерлік мақсатқа берілетін гранттық комиссия құрамына да Өңірлік кеңес мүшелері енгізілген. Бұл шаралар жобаларды қаржыландыруда ашықтықты қамтамасыз етуге мүмкіндік беретіні сөзсіз. Ал өзім, «Атамекен» ҰКП Төралқасы жанындағы Құрылыс және тұрғын үй-коммуналдық шаруашылығы комитетінің мүшесі ретінде осы саладағы нормативтік-құқықтық құжаттарға енгізілетін өзгерістерге қатысты ұдайы ұсыныстар беріп келемін.
– Өңірлік кеңестің алдағы жоспары қандай?
– Биыл Қызылорда қаласында шағын индустриалды аймақ құрып көргіміз келеді. Бұл жөнінде Кәсіпкерлер палатасы тиісті мемлекеттік органдармен жұмыс атқарып жатыр. Нәтижесін уақытында көреміз. Сонымен бірге, Жаңақорған ауданында сол жақтағы әріптестеріміздің ұсынысы негізінде бір пилоттық жобаны бастап көргіміз келіп отыр. Жергілікті кәсіпкерлер азық-түлік бағасының тұрақтылығын қамтамасыз ету үшін еккен көгөністерін халыққа нарық бағасынан төмен сатуға әзір. Тек оларды жалға алынатын орынның қымбат болғаны толғандырып отыр. Сол үшін біз аудан әкімдігімен бірге арнайы орын әзірлеп, бұл бастаманың қалай жүзеге асырылатынын көргіміз келеді. Бастама сәтті болса өзге аудандарға да енгізуді ұсынамыз.
– Гүлзағира Оралбайқызы, сұхбатыңызға рақмет.
<img src="https://kyzylorda-news.kz/wp-content/uploads/2021/09/gwlzagira-abdraimova-scaled.jpg" alt="" />
Қызылорда облысы кәсіпкерлер палатасы Өңірлік кеңесінің төрайымы Гүлзағира Әбдірайымова

Қазақстан және Қызылорда облысының жаңалықтары: Экономика