Kyzylorda-news.kz. Бүгін облыс әкімі Гүлшара Әбдіқалықова ел Тәуелсіздігінің 30 жылдығы қарсаңында Жаңақорған ауданындағы бірқатар әлеуметтік нысандарды ашты.
Аймақ басшысы алдымен Төменарық ауылдық округіндегі мемлекеттік-жекешелік әріптестік аясында салынған спорт кешенінде болды. Жаңа ғимарат құрылысын «Айару» дара кәсіпкерлігі жүргізген. 12 адамды жұмыспен қамтыған спорт кешенінде қазір 170-ке жуық бала еркін күреспен айналысып, дзюдо және баскетболмен жаттығуда. 
Облыс әкімі балалардың спортпен машықтануына жағдай жасаған кәсіпкермен пікірлесіп, спортзалда шынығып жатқан жасөспірімдермен тілдесті. Сондай-ақ, ауылдық округтегі ақсақалдармен кездесіп, ауылды дамытуға қажетті ұсыныстарын тыңдады.
Әрі қарай облыс әкімі Келінтөбе ауылдық округіне барды. 4 мыңға жуық тұрғыны бар елді-мекенде кәсіпкерлікке ден қойған азаматтар көп. Мәселен, биыл ауылдың 12 тұрғыны «Бастау бизнес» бағдарламасы арқылы кәсіпкерліктің қыр-сырын үйренсе, 8 адам кәсібін дамыту үшін грант иегері атанған. Мұнда өңір басшысы жаңадан салынған әкім аппаратының ғимаратымен танысты. Нысан тамыз айында пайдалануға берілген. Ғимаратта халыққа қызметке көрсету бұрышы жұмыс істейді. 
Гүлшара Әбдіқалықова Қандөз елді мекенінде мемлекеттік-жекешелік әріптестік аясында салынған спорт кешенінің жұмысымен де танысты. Өткен жылдың наурыз айында пайдалануға берілген нысанда бүгін 126 бала спорттың 3 түрі бойынша жаттығады. Спорт кешені арқылы 11 ауыл тұрғыны тұрақты жұмыспен қамтылған.
Мұнда да облыс әкімі ауыл тұрғындарымен кездесіп, инфрақұрылым мәселелеріне қатысты ұсыныс-пікірлерін тыңдап, мәселелерді кезең-кезеңімен шешілетінін қаперге салды. 
Өңір басшысы Президент тапсырмасына сәйкес өңірдегі 2156 баланы қамтитын мемлекеттік спорттық тапсырысты қаржыландыруды 2021 жылғы 212 млн. теңгеден, келер жылы 638 млн. теңгеге ұлғайту жоспарда бар екенін және осы арқылы 4312 баланы бұқаралық спортқа тарту көзделгенін алға тартты. Сондай-ақ, ауыл спортын көтеруге атсалысып, жеке қаражаты есебінен нысан салып мүдделестік танытқан кәсіпкерлерге алғысын білдірді.
Мұнан соң аймақ басшысы ауданға қарасты Жаңарық елді-мекеніндегі мемлекеттік-жекешелік әріптестік аясында салынған ауылдық дәрігерлік амбулаторияның ашылу рәсіміне қатысты. Салтанатты шарада өңір басшысы ұлт денсаулығын нығайту мемлекеттік саясаттың басым бағыттарының бірі екенін, дәрігерлік амбулаторияның ашылуы ауыл тұрғындарына медициналық көмекті қолжетімді етуге мүмкіндік беретінін тілге тиек етті.
<blockquote>
 Мемлекет басшысының өткен жылғы Жолдауында денсаулық сақтау ісінің тиімді моделін құру арқылы 3 жыл ішінде барлық ауылдық елді мекенді фельдшерлік-акушерлік пункттермен және дәрігерлік амбулаториялармен қамтамасыз ету қажеттігін айтты. Аймақтың барлық аудандарында медициналық объектілер жаңадан салынуда. 
 Былтыр Жалағаш ауданында 100 төсектік заманауи орталық ауруханыны пайдалануға берсек, осы жылы тамыз айында облыс орталығынан Модульді жұқпалы аурулар ауруханасын пайдалануға бердік. Жыл соңына дейін Қазалы ауданынан 250 келушіге арналған емхананы ел игілігіне табыстайтын боламыз. 
 Міне, бүгін Жаңарық ауылындағы ауылдық дәрігерлік амбулаторияның ашылуының куәсі болып тұрмыз. Жаңа амбулаторияны мемлекеттік-жекешелік әріптестік негізінде «Ныш-Ер» құрылыс компаниясы қысқа мерзімде салып, Сіздердің игіліктеріңізге пайдалануға беріп отыр. Жаңа нысан ауыл тұрғындарының дертіне шипа табатын орынға айналуына шын жүректен тілектеспін,-деді Гүлшара Әбдіқалықова.
</blockquote>
Айта кетейік, ауданда 3 дәрігерлік амбулатория салынуда. Ал, жаңа дәрігерлік амбулаторияда егу бөлмесі, дәрігерлерге дейінгі қабылдау және күндізгі жатын бөлмелері бар.
<img src="https://kyzylorda-news.kz/wp-content/uploads/2021/12/fb_img_1638444678586.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638444695848.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638444688945.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638444684890.jpg" alt="" />

Облыс әкімі Жаңақорған ауданындағы бірқатар әлеуметтік нысандарды ашты

<a href="https://kyzylorda-news.kz/">Kyzylorda-news.kz.</a> Қызылорда облысына қарасты Жалағаш ауданында 10 айда жалпы құны 1,6 млрд теңгені құрайтын кәсіпкерлік мақсаттағы 202 жоба қаржыландырылды. Бұл туралы Қызылорда облысы кәсіпкерлер палатасы Өңірлік кеңесі мүшелерінің алдында онлайн есеп берген аудандық филиал директоры Самат Карипов айтты.
Статистикалық дерекке сай ауданда 2514 кәсіпкерлік субъектісі тіркелген. Оның 2316-сы бүгінде халыққа тұрақты қызмет көрсетуде.
Самат Карипов есебінде биыл ауданда «Бизнеске арналған Үкімет» орталығы ашылғанын, орталықта Палатаның аудандық филиалымен қоса, аудандық кәсіпкерлік, өнеркәсіп және туризм бөлімі, Кәсіпкерлерге қолдау орталығы орналасқанын жеткізді.&nbsp;
Орталықта ісін жаңа бастаушы, сондай-ақ жұмыс жасап жүрген кәсіпкерлер&nbsp; оқытылып, несие алуға сүйемелдеу жүргізіледі, сондай-ақ кеңестер беріліп, тегін сервистік қызметтер көрсетіледі.
&nbsp;Жыл басынан бері Палатаның аудандық филиалы 764 азаматқа кеңес беріп, 271 бизнес-жоспар әзірлеген.
«Бастау Бизнес» жобасы бойынша Жалағаш ауданында 120 азаматты оқыту жоспарланған. Жоспар 27,5 пайызға артығымен орындалып, 153 жалағаштық жобаның түлегі атанды.
Аудандық филиал директоры «Бизнестің жол картасы – 2025», «Еңбек» мемлекеттік бағдарламалары мен «Қарапайым заттар экономикасы» бағдарламасы аясында биыл ауданда жалпы құны 1,6 млрд теңгені құрайтын 202 жоба қаржыландырылғанын атап өтті. Аталмыш жобалардың 114-і «Еңбек» мемлекеттік бағдарламасы арқылы грант алғандар.
&nbsp; Палатаның аудандық филиал директоры Самат Карипов Өңірлік кеңес мүшелеріне саладағы мәселені де айтты. Ол «Бизнестің жол картасы 2025» және «Қарапайым заттар экономикасы» мемлекеттік бағдарламалары арқылы алынған несиелердің субсидиясы дер кезінде түспей кәсіпкерлерге қиындық тудырып жатқандығын жеткізді.

Жалағаш ауданында 10 айда 202 жоба қаржыландырылған

Kyzylorda-news.kz. Облыс әкімі Гүлшара Әбдіқалықова Біріккен Ұлттар Ұйымы Даму Бағдарламасының (БҰҰДБ) тұрақты өкілі Якуп Беришпен кездесті. Жиынға облыс әкімінің орынбасары Балжан Шәменова, облыс әкімі аппаратының басшысы Ерлан Райғаниев және БҰҰДБ өкілдері қатысты.
Отырыста тараптар БҰҰДБ арқылы Қызылорда облысында маңызды жобаларды жүзеге асыру және адам дамуының индикаторларын жоғарылату үшін аймақ әлеуетін қалай пайдалану керектігін талқылады.
Аймақ басшысы елімізде осыған дейін Біріккен Ұлттар Ұйымының Даму бағдарламасы арқылы гендерлік теңдік пен адами капиталды дамыту мәселесінде жан-жақты талдау жасалып, бірқатар жобалардың жүзеге асырылғанын, оның ішінде екі заңның қабылданғанын айтты.
БҰҰ Даму бағдарламасының тұрақты өкілі Якуп Бериш жергілікті даму аса маңызды сала екенін, осы мәселелерді шешуде бірлескен жұмыстарды аса қажет екеніне тоқталды. Бұл ретте Сыр өңірімен серіктестікті қайта жаңғыртуға мүдделі екендерін, нақты қажеттіліктерге көмектесу үшін жергілікті әкімдіктермен тікелей жұмыс істеуді назарға алғандарын жеткізді. Тұрақты өкіл өңірді дамыту жоспары мен мемлекеттік бағдарламалардан бөлек, жеке жобаларды қолдауға дайын екендігін айтты. Оң нәтижеге тезірек қол жеткізу үшін әлеуметтік қорғау мәселелеріне ерекше көңіл бөлуді ұсынды.
Айта кетейік, БҰҰДБ мен ҚР Еңбек және халықты әлеуметтік қорғау министрлігі мүгедектігі бар адамдарға бейімделген модельдік пәтер құру бойынша пилоттық жобаны іске қосты. Бірлескен жоба шеңберінде аймақтағы оңалту орталығының базасында мүгедектігі бар адамдарға қолжетімді модельдік пәтер ашылды. Ерекше күтімді қажет ететін адамдардың өмір сапасын арттыруға бағытталған арнайы пәтерде арбамен қозғалатын адамдар үшін барлық жағдай жасалған. 
Басқосуды қорытындылаған облыс әкімі өңірдегі өзекті мәселелерді БҰҰДБ-мен бірлесе шешуді ұсынды.
<blockquote>
 Ортақ мәселелер аясында Сіздермен кездесіп отырмыз. Әрине, БҰҰДБ арқылы жергілікті мәселелерге назар аудара отырып, ынтымақтастықты одан әрі нығайтуға мүдделіміз. Сіздердің ұсыныстарыңыз негізінде бірқатар бағыттарда жұмыс істеуге әзірміз. Әсіресе, экология, білім беру мәселелерінде жан-жақты жобаларды іске асыруымыз қажет. Мүгедектігі бар адамдарға қолайлы орта жасау ісінде министрлікпен бірге іске асырған пилоттық жобаларыңыздың да маңызы зор, – деді Гүлшара Әбдіқалықова.
</blockquote>
Айта кетейік, 2000 жылдан бастап БҰҰ басқа агенттіктерімен бірлесіп БҰҰДБ-сы Министрлікке кедейлікті төмендетуге, арнайы әлеуметтік қызметтер жүйесін құруға, халықтың осал топтарын әлеуметтік қолдаудың тиімді моделін жасауға және мүгедектерге ерекше назар аудара отырып, жұмыспен қамтуға бағытталған стратегиялық құжаттар мен бағдарламаларды іске асыруда қолдау көрсетіп келеді.

Облыс әкімі БҰҰДБ тұрақты өкілі Якуп Беришпен кездесті

<a href="https://kyzylorda-news.kz/">Kyzylorda-news.kz.</a>&nbsp; Облыс көлемінде «Жол» бағдарламасы аясында облыстық бюджеттен 9 млрд. 600 млн теңге қаржы бөлініп, ұзындығы 216 км құрайтын жол күрделі жөндеуден өтті. Бүгінде облыстық және аудандық маңызы бар 45 автомобиль жолына жөндеу жұмыстары жүргізілуде. Бұл туралы Өңірлік коммуникациялар қызметінде өткен брифингте облыстық жолаушылар көлігі және автомобиль жолдары басқармасының басшысы Мұрат Тілеумбетов хабарлады.
<blockquote>
 «Облыстық және аудандық маңызы бар 45 автомобиль жолына жөндеу жұмыстары жүргізілуде. Тиісінше пайдалануға берілетін 24 автокөлік жолы келесі жылға өтпелі болып табылады. Сонымен қатар, Жалағаш және Сырдария аудандарының облыс орталығымен байланыстыратын ұзындығы 91км құрайтын «Қызылорда-Жалағаш» тас жолын жөндеуден өткізу жұмыстары басталды. Жалпы аудан орталығындағы елді мекендерді байланыстыратын және ауылдың кіре беріс жолдарын дамыту мақсатында 2021-2023 жылдарға арналған жол картасы негізінде жүргізілуде», – деді басқарма басшысы Мұрат Жолкелдіұлы.
</blockquote>
Облыс бойынша «Жол активтерінің ұлттық сапа орталығы» биылғы жылдың он бір айында 223 нысанға 473 рет тексеру жүргізді. Қазіргі таңда талапқа сай келмеген 460 жол құрылыс материалдарының 189 сынамасы қалпына келтірілген.
<blockquote>
 «Тексеру барысында 1297 сынама алынып тексерілді. Оның ішінде 460 жол құрылыс материалдарының сынамалары нормативтік құжаттардың талабына сай болмай шықты. Аспаптық тексеру барысында 190 ақау анықталды. Оның 59 өрескел екендігі белгілі болды. Республикалық маңызы бар жолдар бойынша 5 нысанға 158 тексеру жұмыстары жүргізілді. Ал жергілікті маңызы бар жолдардың 150 нысаны 224 рет тексерілді. Нәтижесінде, 383 жол құрылыс материалдарының сынамалары талапқа сай еместігі анықталды. Жіберілген кемшіліктер толығымен қайта қалпына келтірілді», – деді «Жол активтерінің ұлттық сапа орталығы» Қызылорда облыстық филиалының директоры Ерболат Көштаев.
</blockquote>

Қызылордада 45 автомобиль жолы  жөнделіп жатыр

<a href="https://kyzylorda-news.kz/">Kyzylorda-news.kz.</a> Облыста индустриялық-инновациялық даму бағдарламасы аясында 46 жоба жүзеге асырылмақ. Биыл 4 жобаның іске қосылуы жоспарлануда.
Айта кететін жәйт, аймақта жаңа өнім өндіру бағытындағы ірі стратегиялық жобалардың бірі – шыны зауыты. Зауыт жыл соңына дейін құрылыс жұмыстары аяқталып, 9 желтоқсанда күйдіру пеші іске қосылмақ. Бұл жөнінде Өңірлік коммуникациялар қызметінде өткен брифингте облыстық индустриялық-инновациялық даму басқармасының басшысы Ринат Сұлтангереев хабалады.
<blockquote>
 «Өңірдегі ірі стратегиялық жобамыздың бірі – шыны зауыты. Құрылыс жұмыстары биыл аяқталып, зауытта 200-ден аса жаңа жұмыс орны ашылатын болады. Сондай-ақ, биыл «Аралтұз» акционерлік қоғамы қуаттылығы жылына 180 мың тонналық ІІІ испан цехын іске қосады. Қазіргі таңда, «Аралтұз» акционерлік қоғамының ІІІ испан цехы бойынша ас тұзының сынамалық өнімі шығарылуда. Бүгінгі таңда, өнімнің 75 пайыздан астамы Ресей, Әзірбайжан, Қырғызстан, Украинаға экспортталады. Сырдария ауданында «Ақжарма-1» серіктестігінің қуаттылығы жылына 630 тонна болатын күріш өңдеу цехы іске қосылуға дайын. Ал Жаңақорған ауданында қуаттылығы жылына 3 млн дана керамзит блоктарын шығаратын алғашқы өндіріс ашылды. Керамзит блоктарын өндіруге арналған қажетті шикізат базасы Жаңақорған ауданындағы «Ақ құм» бентонтті саз кен орны болып табылады. Сонымен қатар, 2018 жылы іске қосылған тампонажды цемент зауыты 3 жылдың ішінде 1,9 млн. тоннадан аса өнім шығарып, оның 500 мыңға жуығы Өзбекстан мемлекетіне экспортталды. Биыл зауыт 1 миллион тонна цемент өндіріп, алғаш рет толық өндірістік қуаттылығы қол жеткізді», – деді Ринат Қалдыбекұлы.
</blockquote>

Қызылорда: Шыны зауытында  күйдіру пеші іске қосылмақ

<a href="https://kyzylorda-news.kz/">Kyzylorda-news.kz.</a> Елімізде кәсіпкерлікті дамыту – жаңа жұмыс орындарын құру мен бюджеттік кірісті ұлғайтудың басты көзі екені белгілі. Бұл бағытта “Бизнестің жол картасы 2025” мемлекеттік бағдарламасы шеңберінде кәсіпкерлердің жаңашыл жобаларын қайтарымсыз жолмен қаржыландыру мақсатында 2013 жылдан бері конкурстық іріктеу өткізіліп келеді. Өңірлік коммуникациялар қызметінде өткен брифингте облыстық кәсіпкерлік және туризм басқармасы басшысының орынбасары Талғат Бекішов өңірде жүзеге асырылатын жобалар туралы баяндады.
<blockquote>
 «Бағдарламаның өңірлік үйлестірушісі ретінде – облыстық кәсіпкерлік және туризм басқармасымен 2021 жылы конкурстық іріктеу өткізу үшін бюджеттен 261 млн. теңге қарастырылды. Жалпы бөлінген қаржының 10 млн.теңгесі шағын кәсіпкерлерге қарастырылған болса, 250 млн. теңге 18-29 жас аралығындағы кәсіпкерлердің жобаларын қаржыландыруға бөлінді. Биылғы жылдың 6-8 қыркүйек аралығында кәсіпкерлердің бизнес-жобалары конкурстық комиссия қарауына ұсынылды. Осы орайда, 68 кәсіпкердің жобасы қайтарымсыз гранттармен қамтамасыз етілді», – деді Талғат Бекішов.
</blockquote>
Конкурсқа ұсынылған бизнес-жобалар мемлекеттік гранттар беру қағидалары негізінде жүзеге асырылмақ. Сондай-ақ, бизнес-жобалардың негізгі үлесі – жеңіл өнеркәсіп салаларына бағытталған.
<blockquote>
 «Мемлекеттік гранттар беруге мақұлданған бизнес-жобаларының негізгі үлесі өнеркәсіп секторына тиесілі. Атап айтқанда, тамақ, киім өнімдері және құрылыс материалдарын шығаратын шағын цехтар үлесінде. Конкурстың комиссия шешімімен “Эко ыдыс-аяқ өндірісі”, “Шеге өндірісі”, “Резеңке аяқ-киім өндірісі”, “Чипсы өндірісі”, “Тент шығаратын цех”, “Макулатура қабылдау пункті” секілді жаңадан іске қосылатын бірқатар жобалар қолдау тапты. Жаңадан ісін бастаған, әсіресе жас кәсіпкерлер үшін мемлекеттік гранттар беру айтарлықтай қолдау болады деп санаймын», – деді «Dalatex» компаниясының басшысы Ділмұхамед Абизов.
</blockquote>

Қызылордалық 68 кәсіпкердің бизнес жобасы қайтарымсыз грантқа ие болды

<a href="https://kyzylorda-news.kz/">Kyzylorda-news.kz.</a> Биылғы жылы ауданда жүзеге асқан әлеуметтік жобалардың бірі – халықтың көптен күткен Жалағаш кентінің газдандыру жұмыстары толық аяқталып, кент тұрғындары көгілдір отынды пайдалана бастады.
Жобаның жалпы құны 3 млрд. 691 млн. теңгені құраған. 
Бүгінгі күнге Жалағаш кентіндегі тұрғын үйлердің (3155 отбасы) 48 пайызы (1500 тұрғын үй) газ желісіне қосылды. Жеке секторды орталықтандырылған газ желісіне қосуға арнайы рұқсаты бар 12 жеке кәсіпкер өз қызметтерін ұсынуда.
Әлеуметтік нысандардан №202 орта мектептің және орталық аурухананың жылу жүйесі орталықтандырылған газ желісіне қосылды. Алдағы уақытта аудандағы әлеуметтік нысандар кезең-кезеңмен газ желісіне қосылатын болады.
Ауылдық елді мекендерді орталықтандырылған газ желісімен қамтамасыз ету қолға алынады. Биылғы жылы Ақсу елді мекенін газ желісіне қосуға жоба-сметалық құжаттар әзірлеуге аудандық бюджеттен 9,2 млн. теңге қаржы бөлінді.

Жалағаш кентіндегі тұрғын үйлердің 48 пайызы газ желісіне қосылды

<a href="https://kyzylorda-news.kz/">Kyzylorda-news.kz.</a> Бүгін аймақ басшысы Гүлшара Әбдіқалықованың төрағалығымен облыстық мәслихаттың кезектен тыс 7 сессиясы өтті. Күн тәртібінде «2021-2023 жылдарға арналған облыстық бюджет туралы», «Қызылорда облысының құрметті азаматы» атағын беру және «Қызылорда облыстық мәслихатының аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалаудың әдістемесін бекіту» мәселелері қаралды.
Сессия барысында өңір басшысы бірқатар салалардағы көрсеткіштерге тоқталып өтті.
<blockquote>
 «Бүгінде өңірде бірқатар әлеуметтік-экономикалық көрсеткіштер бойынша оң динамикаға қол жеткіздік. Биылғы жылдың 10 айында өнеркәсіп өндірісі – 0,3 пайызға, өңдеуші өнеркәсіп өндірісі 12,4 пайызға, құрылыс жұмыстары көлемі 0,6 пайызға, пайдалануға берілген тұрғын үйлер көлемі 4,2 пайызға, жеке инвестициялар тарту көлемі 13,3 пайызға және сауда көлемі 2,1 пайызға артты. Тұрғын үй салу жоспары 644,7 мың шаршы метр болса, 10 айдың қорытындысымен тұрғын үйді пайдалануға берудің болжамды көлемі 527,5 мың шаршы метрді құрап отыр. Биыл 38 әлеуметтік нысанның құрылысын жүргізу жоспарланған болса, оның 7-і пайдалануға берілді. Жыл соңына дейін 13 әлеуметтік нысанның құрылысы аяқталады. Қалған 18 жоба келер жылға өтпелі ретінде қалды», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/11/261354714_193133546341231_8742268318856991634_n.jpg" alt="" />
Өңірде аудан орталықтары толықтай газдандырылды. Жыл басынан бері Тереңөзек, Жосалы, Жалағаш кенттері және Шиелі ауданының Бекежанов, Қодаманов ауылдары газдандырылса, желтоқсан айында Қазалы қаласы көгілдір отынмен қамтылмақ.
Ауыл шаруашылығы саласында да оң динамика байқалды. Егінді әртараптандыру аясында биыл күріш егістігі 89,5 мың гектардан 83,6 мың гектарға дейін қысқартылды. Дегенмен, су тапшылығы қиындығына қарамастан 500 мың тонна өнім алынды.
Шағын орта бизнесті дамыту аясында облыста 2023 жылға дейінгі экономикалық даму Картасы қабылданған болатын. Бүгінгі күні жалпы құны 9,5 млрд.теңгеге 163 жоба іске қосылды, оның ішінде биылғы жылы 2,3 млрд.теңгені құрайтын 74 жоба жүзеге асырылды. 400-ден астам жаңа жұмыс орны құрылды. Айта кетейік, ішкі нарықты жергілікті өнімдермен қамту үшін кәсіпкерлерге төмендетілген пайызбен несие беру бағдарламасы іске асты. Оған облыс бюджетінен 400 миллион теңге бөлінді. Бүгінде жалпы құны 325 миллион теңге болатын 13 жоба қаржыландырылды.
Сондай-ақ, Тәуелсіздіктің 30 жылдығына орай желтоқсан айында құны 45 млрд.теңге болатын 4 жобаны іске қосу жоспарлануда. Олар: Қызылорда қаласындағы шыны зауыты, Арал ауданындағы тұз өңдеу цехы, Сырдария ауданында күріш өңдеу цехы және Жаңақорған ауданында керамзит блоктарын шығаратын цех.
Жиында күн тәртібіне сәйкес облыстық экономика және бюджеттік жоспарлау басқармасының басшысы Нұрғали Қордабай «2021-2023 жылдарға арналған облыстың бюджеті туралы» баяндама жасады. Қызылорда облыстық мәслихатының 2020 жылғы 11 желтоқсандағы №519 шешіміне өзгерістер мен толықтыру енгізу туралы ұсыныстар айтылды.
Мұнан соң, облыс әкімі аппаратының басшысы Ерлан Райғаниев 3 азаматқа «Қызылорда облысының құрметті азаматы» атағын беру ұсынысын ортаға салды.
Сессия отырысында «Қызылорда облыстық мәслихатының аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалаудың әдістемесін бекіту» мәселесі қаралды. Облыстық мәслихаттың 2018 жылғы 29 наурыздағы №199 шешіміне өзгеріс енгізу туралы облыстық мәслихат хатшысы Наурызбай Байқадамов баяндама жасады.
Жиында облыс әкімі пайдаланылмаған және үнемделген қаржы есебінен өңір бюджетін 2,1 млрд.теңгеге нақтылауды ұсынып, басымдық берілетін негізгі салаларды атады. Сонымен қатар депутаттардың көтерген мәселелерін жан-жақты саралап, келесі үш жылдыққа арналған облыс бюджетін бекіту барысында ескерілетінін және бұл мәселе аймақ басшысының ерекше назарында болатынын жеткізді.
<img src="https://kyzylorda-news.kz/wp-content/uploads/2021/11/260779620_193133579674561_3986006598801698421_n.jpg" alt="" />

Облыстық мәслихаттың кезектен тыс сессиясында 3 мәселе қаралды

<a href="https://kyzylorda-news.kz/">Kyzylorda-news.kz.</a> Биыл Жалағаш ауданы бойынша 36 231 гектар жерге егіс орналастырылды. Оның ішінде Сырдың басты дақылы егілген 19 800 гектар күріштің әр гектарынан 62,3 центнерден немесе 123 354 тонна өнім алынды.
<blockquote>
 «Биылғы жылы еліміздің барлық өңірінде су тапшылығы орын алып, бұл қиындықпен біздің аймақтың егінші-диқандар қауымы да бетпе-бет келді. Су тапшылығының әсерінен ауданнан өткен жылмен салыстырғанда 1800 гектар күріш дақылының көлемі қысқартылды. Орнына суды аз қажет ететін 600 га жаздық бидай, 147 гектар жүгері, 30 гектар арпа, 2200 га мақсары егілді. Қиыншылыққа қарамастан диқандарымыз жаңа заманауи технологияларды, техникаларды тиімді пайдалана отырып, егілген дақылдарын күтіп-баптап, ұйымшылдық пен бірліктің арқасында ел ризығын ысырапсыз жинап алды», – деді Жалағаш ауданының әкімі Асылбек Шәменов мәлімдеді.
</blockquote>
Ауданда ауыл шаруашылығының барлық саласы бойынша жоғары жетістіктерге қол жеткізді. Мемлекеттік қолдауларды тиімді пайдаланудың арқасында ауданның ауыл шаруашылығы өндірісінің дамуында оң нәтижелер қалыптасты.
Ағымдағы жылдың 9 айында ауыл шаруашылығы өнімдерінің өндірісі 18 млрд 519 мың теңгені құрап отыр. 
Ауданда ауыл шаруашылығы техникаларын жаңарту жұмыстары үнемі жүргізіліп, ағымдағы жылы 1 млрд 334 млн. теңге қаржыға 35 дана жаңа техника сатып алынды.
Сонымен қатар, аудан тұрғындары 100 пайыз орталықтандырылған ауыз сумен қамтамасыз етілген. 
Алдағы жоспарда Жалағаш кенті, Аққұм, Мәдениет елді мекендерінің өсу динамикасына сәйкес ауыз су желісін кеңейту жұмыстарына жоба-сметалық құжаттар дайындалды. 2022 жылға республикалық бюджеттен қаржы бөлуге жобалар мақұлданып тұр.

Жалағашта 123 354 тонна күріш жиналды

<a href="https://kyzylorda-news.kz/">Kyzylorda-news.kz.</a> Биыл Қызылорда облысында өнеркәсіп өндірісінің көлемі – 620,5 млрд. теңгені құрап, өткен жылмен салыстырғанда 0,3 пайызға артқан. Негізгі капиталға тартылған инвестициялар көлемі – 2,6 пайызға, құрылылыс жұмыстары – 2,0 пайызға өскен.
Облыстық экономика және бюджеттік жоспарлау басқармасының басшысы Нұрғали Қордабайдың айтуынша, биылғы жылдың он айында өңдеу өнеркәсібінің өсімі – 12,4 пайызға артқан. Өзге де пайдалы қазбаларды өндіру – 7,5 пайызға, тау кен өндіру саласы – 8,5 пайызға өскен. Аймақта құрылыс жұмыстары қарқын алып, салыстырмалы түрде 0,6 пайызды құрады. Сәйкесінше, пайдалануға берілген тұрғын үйлер көлемі – 4,2 пайызға өсу динамикасы қалыптасты.
<blockquote>
 «Нұрлы жер» мемлекеттік бағдарламасы аясында облыста 2408 пәтерлік 110 тұрғын үйдің құрылысы жүргізілуде. Бүгінгі күні 615 пәтерлік 37 тұрғын үй пайдалануға берілді. Сондай-ақ, өңірде сауда көлемі – 2,1 пайызға өсті. Жұмыс істеп тұрған шағын және орта бизнес субъектілерінің саны – 5,8 пайызға артып, 50 492 бірлікке жетті. Бүгінгі күні жалпы құны 9,5 млрд. теңгені құрайтын 163 жоба іске қосылып, биылғы жылы 74 жобада 426 жұмыс орны құрылды. Аталған жобаларда қой, сиыр және жылқы етінен жасалған консервілер, күріш, қарақұмық ботқасы, жантақ балы, қауыннан жасалған чипсы және басқа да өнімдер өндірілуде. Азық түлік тауарларының бағасын тұрақтандыру бойынша да жұмыстар жалғасуда. Жыл басынан бері бағаны тұрақты ұстап тұру үшін облыстық бюджеттен 900,0 млн. теңге бөлінді. Жалпы облысқа биыл 218,8 млрд. теңге инвестиция тартылды», – деді басқарма басшысы Нұрғали Рахымшаұлы.
</blockquote>
<img src="https://kyzylorda-news.kz/wp-content/uploads/2021/11/260529431_1419064528489055_6345431284163870847_n.jpg" alt="" />

Нұрғали Қордабай:  Қызылордада 110 тұрғын үйдің құрылысы жүргізілуде

Kyzylorda-news.kz. Азаматтарды баспанамен қамтамасыз ету мәселесі – күн тәртібіндегі өзекті мәселелердің бірі. Осы бағытта Жалағаш ауданын да аз қамтылған көп балалы отбасыларын тұрғын үймен қамтамасыз ету үшін 30 тұрғын үй сатып алуға ҚР Ұлттық қорынан 277 млн. теңге бөлініп, қазіргі таңда тиісті жұмыстары атқарылуда. 
Биылғы жылы аудан бойынша тұрғын үй кезегінде 426 адам тіркелген.
Жалағаш кентінің өсу динамикасына сәйкес «Ақтерек» тұрғын үй салу аумағына инженерлік инфрақұрылыммен қамтамасыз ету мақсатында жобалық-сметалық құжаттар дайындауға облыстық бюджеттен 64 млн. теңге қаралып, жоба-сметалық құжаттар әзірленуде. 
Сонымен қатар, жеке тұрғын үй салушылар қатары жыл сайын артып келеді. Жеке сектор есебінен ағымдағы жылдың 9 айында жалпы алаңы 12 297 шаршы метрді құрайтын тұрғын үй салынды, бұл көрсеткіш өткен жылмен салыстырғанда 0,7 пайызға артты. 
Аудан орталығындағы көппәтерлі тұрғын үйлердің күрделі жөндеу жұмыстары да назардан тыс қалған жоқ. 2020 жылы аудандық бюджеттен бөлінген 6,0 млн. теңгеге Жалағаш кентіндегі 5 көппәтерлі тұрғын үйге (Қазыбек би көшесі №34, №46, Желтоқсан көшесі №2, М.Шәменов көшесі №76, №78) күрделі жөндеу жұмыстарын жүргізуге жоба-сметалық құжаттары әзірленді. 2022 жылға қаржыландыруға ұсынылып, мақұлданып тұр. Жоба құны 43 млн. теңге. 
Сонымен қатар ағымдағы жылы демеушілердің көмегімен 8 көппәтерлі үйлердің қас беттеріне сырлау-әктеу жұмыстары жүргізіліп, 6 үйдің шатыры ауыстырылды.

Жалағашта Ұлттық қор есебінен 30 тұрғын үй салынуда

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Бүгінгі Тәуелсіздіктің 30 жылында еліміздің бағындырған биігі, жеткен жетістігі, дербес ел ретінде іргесін бекітіп, алты құрлыққа танылуы – мұның бәрінде Елбасының ұшан-теңіз еңбегі, қалтқысыз қызметі мен қажыр-қайраты жатыр.
Қазірде Тұңғыш Президентіміз Нұрсұлтан Әбішұлының жетекшілігімен «Nur Otan» партиясы–Қазақстан үшін сындарлы сәттерде, қиын да күрделі міндеттерді атқарған, Қазақстанның қарқынды дамып, өркендеуін мақсат тұтқан, еліміздегі жетекші саяси күш ретінде танылды.
Биылғы жылы елімізде өткен үлкен саяси науқаннан кейін «Өзгерістер жолы: Әр азаматқа лайықты өмір!» сайлауалды бағдарламасына сәйкес «Nur Otan» партиясы жоспарланған міндеттері іс-жүзінде іске асыра бастады.
Осы мақсатта, ауданымызда Елбасы мен Мемлекет басшысы берген тапсырмалаларды орындау бағытында 2021-2025 жылдарға арналған «Nur Otan» партиясының Қармақшы ауданы бойынша сайлауалды бағдарламаларын іске асырудың Жол картасы бекітілді.
Жол карта 7 бағытты қамтитын 80 іс-шарадан тұрады. 80 іс-шараның 54 іс-шарасы орындалды, 26 іс-шарасы орындалу үстінде.
«Экономикалық тұрақты аймақ» бағыты аясында ауыл тұрғындарының табысын арттыру мақсатында 2025 жылға дейін 267 млн теңгені құрайтын 15 жобаны іске асыру көзделуде.
2021 жылы 32,0 млн теңгеге жоспарлаған жұмыстар толығымен аяқталып, Жаңажол, ІІІ Интернационал және Дауылкөл ауылдарында жем шығаратын цехтар пайдалануға берілді.
2021 жылы 1611 жаңа жұмыс орнын ашу жоспарланған болса, жоспар 138,5 пайызға орындалып, 2231 жаңа жұмыс орны ашылды.
Аудандағы ірі жобаның бірі – Ақтөбе ауылындағы &nbsp;«Қармақшы құс» ЖШС жылына 1500 тонна құс етін өндіретін құс фабрикасының іске қосу болып отыр. Қазіргі таңда жоба бойынша құс фабрикасының құрылыс жұмыстары аяқталып, құрал-жабдықтар алу жұмыстары жүргізілуде.
Азық-түліктің бағасын тұрақтандыру мақсатында Жосалы және Төретам кенттерінде әлеуметтік маңызы бар азық-түлік сөрелері қойылып, өнімдернарықтағы бағадан төмен бағада сатылуда.
Мемлекеттік бағдарламалар шеңберінде 369 жоба 1 млрд 133 млн теңгеге қаржыландырылды, өткен жылдың тиісті кезеңімен салыстырғанда жобаларды қаржыландырылу сомасы 1,8 есеге артты (2020 жылдың 9 айында 378 жоба 613 млн теңгеге қаржыландырылды).
&nbsp;Оның ішінде: «Бизнестің жол картасы – 2025» бизнесті қолдау мен дамытудың мемлекеттік бағдарламасы шеңберінде 114 жоба 642,2 млн теңгеге несиелендірілді. Бағдарлама шеңберінде ісін жаңа бастаған 5 жас кәсіпкерге 11,2 млн теңгенің гранты берілді.&nbsp;
<img src="https://kyzylorda-news.kz/wp-content/uploads/2021/11/8aa06f14-61be-442b-9b05-c046e22e90c1.jpg" alt="" />
Нәтижелі жұмыспен қамтуды және жаппай кәсіпкерлікті дамытудың 2017–2021 жылдарға арналған «Еңбек» мемлекеттік бағдарламасы шеңберінде 73 жоба 251,2 млн теңге несиелендіріліп, ісін жаңа бастаушы 150 азаматқа 87,5 млн теңгенің гранты берілді.
«Микробизнес-Қызылорда» бағдарламасы шеңберінде бері 25 жоба 110,0 млн теңгеге несиелендірілді.
«Ауыл шаруашылығын қаржылай қолдау қорының» жеке қаражаты есебінен мал шаруашылығын дамытуға 2 жоба 26,0 млн теңгеге несиелендірілді.
«Жайлы аудан» бағыты аясында2021 жылдан бастап ауданда елді мекендерде барлығы 34,345 шақырымды құрайтын ішкі көшелер жөндеуден өтіп, 2025 жылға қарай жақсы және қанағаттанарлық жағдайдағы аудандық маңызы бар автомобиль жолдарының үлесі 95 пайызға жететін болады.
Осы жылы «Ауыл-Ел бесігі» бағдарламасы аясында Жосалы, Төретам кенттерінің және Ақай, ІІІ Интернационал ауылдары бойынша, барлығы 40 көшегежөндеу жұмыстары жүргізіліп, аяқталды.
<img src="https://kyzylorda-news.kz/wp-content/uploads/2021/11/4507a79f-9952-45ad-b333-c2d4b70b6a1d.jpg" alt="" />
Тұрғын үй кезегінде тұрған азаматтарды тұрғын үймен қамтамасыз ету мақсатында көпбалалы отбасыларға 10 тұрғын үй құрылысы жүргізіліп, пайдалануға беріледі. Сонымен қатар, кәсіпкерлердің қаражаты есебінен жастарға және азаматтардың әлеуметтік осал топтарына тұрғын үйлер салу жұмыстары пысықталуда. 5 жылда осындай 50 тұрғын үйді және Байқоңыр қаласындағы 50 пәтерлік 5 тұрғын үй құрылысын салу жоспарлануда.
Елді мекендердің электр желілерін жөндеу жұмыстарыбойынша Жосалы, Төретам кенттерінде және Ақай ауылында электр желілері жөндеуден өтті.
Ауданның елді мекендері толықтай таза ауыз сумен қамтылған. Байқоңыр қаласына және Төретам кентіне сумен жабдықтау желілерін кеңейту жобалары іске асырылады.
2021 жылы Жосалы кенті табиғи газға қосылды. Қазіргі таңдатабиғи газға қосылуға 1502 өтінім түсіп, 1072 отбасы көгілдір отынның игілігін көруде.
<img src="https://kyzylorda-news.kz/wp-content/uploads/2021/11/c51a5e51-b5d6-4444-a09c-f4f88be58139.jpg" alt="" />
Сонымен қатар, Төретам кенті мен Ақай елді мекеніне ішкі орамдар бойынша газ тарату желілері жұмыстарына жоба-сметалық құжаттама дайындалып, алдағы уақытта республикалық бюджет есебінен қаржыландыру жоспарланып отыр. Алдағы уақытта кезең кезеңімен елді мекендерді газге қосу жұмыстары қолға алынады.
Ауданның елді мекендерін көгалдандыру мақсатында отырғызылатын ағаштар саны, жасыл белдеу көлемі белгіленді.
Әлеуметтік бағдарланған аймақ бағыты бойынша 2 елді мекендегі медициналық мекемелердің (Қармақшы аудандық аурухана) жылу қазандықтарды газге ауыстыруға, медициналық қызметтердің қолжетімділігін көрсету сапасын арттыруда Дүр Оңғар, Тұрмағамбет дәрігерлік амбулатория ғимараттарын салу үшін жоба-сметалық құжаттары әзірленіп, 2022 жылы құрылыс жұмыстары жүргізіледі. 2025 жылға дейін орталық ауруханаға 3 жедел медициналық жәрдем автокөлігін сатып алынады.
Білім беру сапасын арттыру мақсатында жоспарлы кезеңде Байқоңыр қаласы, Жосалы, Төретам кенттерінде және Ақай, Ақжар, Тұрмағамбет, ІІІ Интернационал ауылдарында 8 орта мектептердің ғимаратын күрделі жөндеуден өткізіледі.
Оқушыларға сапалы білім алуға қолайлы жағдайды қамтамасыз ету ауданның одан әрі дамуы үшін маңызды шарт. Ауданда қашықтықтан оқытуды ұйымдастыру үшін 462 компьютер, 1790 ноутбук пен 600 планшет сатып алынып, осал топқа жататын отбасы балаларына 453 арнайы құралдар берілді және демеушілер арқылы 78 құрал табысталды.
1 жаспен 6 жас аралығындағы балаларды мектепке дейінгі тәрбиемен қамтуды 85,7 пайызға жеткізу мақсатында жұмыстар жүргізілуде.
Бұқаралық спортты дамыту мақсатында Жосалы кентінде дене шынықтыру-сауықтыру кешенінің құрылысы басталды, сонымен қатар Жосалы, Төретам кенттерінде стритбол алаңдарыпайдалануға берілді. 2025 жылға қарай халықтың бұқаралық спортпен шұғылдануын 34,8 пайызға жеткізу жоспарланды.
Жастарға арналған аудан бағытынегізінде жыл сайын 230 жасты тұрақты жұмыспен қамту жоспарланды. Жас маманды ауылға тұрақтандыру үшін «Дипломмен ауылға» бағдарламасы бойынша 5 жыл ішінде 330 маманға әлеуметтік қолдау көрсетіледі (тұрғын үй, көтерме жәрдемақысын беру). Бұл мақсатта республикалық бюджеттен жылма-жыл қаржы бөлінуде.
Тарих пен мәдениетті дамыту бағытыаясында Партияның «Бақытты отбасы» жобасын жүзеге асыра отырып, отбасының рөлін арттыратын және отбасылық құндылықтарды нығайтатын түрлі акциялар мен спорттық шаралар өткізіледі.
Қасиетті және көрнекті орындарға өлкетану экспедициялары мен экскурсиялардың өткізілуіне («Қорқыт ата» мемориалдық кешені), ауданның қасиетті жерлерін абаттандыру мен құрылысын салу жоспарланды.
«Ашық және есеп беретін жергілікті органдар» бағыты аясында «бір терезе» қағидаты бойынша ұсынылатын мемлекеттік қызметтердің электрондық форматтағы үлесі 70,3 пайызды құраса, 2025 жылға қарай 90 пайызға жеткізу көзделген.
«Қауіпсіз аймақ»бағыты аясында 2024 жылға дейін аудандағы көше жарықтарын орнату іске асырылып, аудан көлемінде 60 бейне бақылау камералары орнатылады. «Қауіпсіз қала», «Түнгі қала», «Көше», «Жасөспірім-Заң-Қауіпсіздік», «Балалар түнгі қалада», «Жасөспірім» профилактикалық шаралары өткізіліп, жергілікті полиция қызметкерлері бейне тіркеу құралдарымен қамтылады.
Біздің негізгі міндетіміз – ауданның әрбір тұрғынының сенімін ақтау. Жоспарланған жұмыстардың мерзімінде және сапалы орындалуы тікелей аудандық партия филиалының бақылауында болады. Алдағы уақытта Жол карта аясында қойылған мақсаттардың барлығы орындалып, аудан халқының өмір сүру сапасы мен әл-ауқаты жақсарып, озық, қуатты өңірге айналатынымызға сенімім мол.
Қайрат НҰРТАЙ,
«Nur Otan» партиясы
Қармақшыаудандық филиалының төрағасы, аудан әкімі

Қазақстан және Қызылорда облысының жаңалықтары: Экономика

Облыс әкімі Жаңақорған ауданындағы бірқатар әлеуметтік нысандарды ашты

Жалағаш ауданында 10 айда 202 жоба қаржыландырылған

Облыс әкімі БҰҰДБ тұрақты өкілі Якуп Беришпен кездесті

Қызылордада 45 автомобиль жолы жөнделіп жатыр

Қызылорда: Шыны зауытында күйдіру пеші іске қосылмақ

Қызылордалық 68 кәсіпкердің бизнес жобасы қайтарымсыз грантқа ие болды

Жалағаш кентіндегі тұрғын үйлердің 48 пайызы газ желісіне қосылды

Облыстық мәслихаттың кезектен тыс сессиясында 3 мәселе қаралды

Жалағашта 123 354 тонна күріш жиналды

Нұрғали Қордабай: Қызылордада 110 тұрғын үйдің құрылысы жүргізілуде

Жалағашта Ұлттық қор есебінен 30 тұрғын үй салынуда

Қармақшыда қарқынды жұмыстар жүргізілуде