<a href="https://kyzylorda-news.kz/">Kyzylorda-news.kz.</a> Қызылорда облысындағы 230 елді мекеннің 85 пайызы орталықтандырылған ауыз су жүйесіне қосылған. Биылғы жылы қаладағы қуаты тәулігіне 70 мың м3 болатын ағынды суды биологиялық тазарту станциясын жаңарту және кәріз жүйелері мен сорғы станцияларын жөндеуге 6 жоба жүзеге аспақ.
Бұл туралы Өңірлік коммуникациялар қызметінде өткен баспасөз конференциясында облыстық энергетика тұрғын үй-коммуналдық шаруашылық басқармасы басшысының орынбасары Ерлан Жоламанов мәлімдеді.
<blockquote>
 -2021-2025 жылдар аралығында облыстағы орталықтандырылмаған 17 ауылды сумен жабдықталуын қамтамасыз ету үшін топтық су құбырларына қосу, су жүйесін жүргізу жұмыстары қолға алынбақ. Сонымен қатар, Жалағаш ауданына қарасты Мәдениет және Аққұм елді мекендерін сумен қамтамасыз ету жоспарланды. Арал және Қазалы аудандарындағы 65 елді мекенді ауыз сумен қамтитын стратегиялық маңызы бар Арал-Сарыбұлақ топтық су құбырының екінші желісін салу жобасы әзірленуде. Сондай-ақ, Тақыркөл бас су тоғанынан Жаңақорған кентіне дейін магистральдық су құбырының екінші желісінің құрылысы басталады. Тағы бір айта кететін жайт, алдағы уақытта ауыз су бағасы өспейді,- деді Ерлан Ералыұлы.
</blockquote>

Қызылордада елді мекеннің 85 пайызы орталықтандырылған ауыз су жүйесіне қосылған

Kyzylorda-news.kz. Осы жылы жергілікті маңызы бар автомобиль жолдары мен көшелерді және көпір өткелдерін жөндеуге 12,7 млрд. теңге бөлінді. Сонымен қатар, ұзындығы 239 шақырым жол желісін жөндеуден өткізу жоспарлануда.
Бұл туралы Өңірлік коммуникациялар қызметінде өткен баспасөз конференциясында облыстық жолаушылар көлігі және автомобиль жолдары басқармасының басшысы Мұрат Тлеумбетов.
<blockquote>
 «Биыл “Нұрлы жол” бағдарламасы аясында облыстық және аудандық маңызы бар ұзындығы 183 шақырымды құрайтын 34 жоба жүзеге асырылады. Соның ішінде ең маңыздысы 9 көпір өткелі. 18 жаңа, 16-ы 2021 жылдан өтпелі жобалар бар. Нәтижесінде, облыстық және аудандық маңызы бар жолдардың жақсы және қанағаттанарлық индикаторлық көрсеткішінің үлесін 82%-ға жеткізу жоспарланған. Ал, “Ауыл – ел бесігі” бағдарламасы бойынша Арал, Жалағаш, Сырдария, Шиелі ауданының бірқатар ауылдарының көшелеріне орташа жөндеу жұмыстары жүргізілмек», – деді Мұрат Жолкелдіұлы.
</blockquote>

&#8220;Нұрлы жол&#8221;: Қызылордада 34 жоба жүзеге асырылады

Kyzylorda-news.kz. Биыл өнеркәсіп көлемінің өсуін 101 пайызға жеткізу басты меженің бірі болмақ. Сонымен қатар, аймақта бірнеше ірі инвестициялық жобалар іске қосылмақ. Бұл туралы бүгін Өңірлік коммуникациялар қызметінде өткен баспасөз конференциясында облыстық индустриялық-инновациялық даму басқармасының басшысы Ринат Сұлтангереев мәлімдеді.
<blockquote>
 «Олар Арал ауданында «Дана кварц» серіктестігінің құрғақ құрылыс қоспалар өндірісі, Қармақшы ауданында «Тұрған тамы» шаруа қожалығының балық өңдеу цехы және «Қармақшы құс» серіктестігінің құс фабрикасы. Сонымен қатар, Қызылорда қаласындағы ет комбинаты, асфальт зауыты және шағын арматура зауыты, Жаңақорған ауданында құс фабрикасы, Қазалы ауданында балық қалдықтарынан ұн өндірісін өндіретін зауыттардың құрылысы өз жұмысын жалғастырмақ. Сондай-ақ, осы жылы Шалқия» кен орнында қорғасын-мырыш өңдеу комбинаты және кальциленген сода өндірістері құрылысы жүргізілмек», – деді Ринат Қалдыбекұлы.
</blockquote>
Облыстағы индустриялық аймақтарда құны 136 млн теңгені құрайтын 4 жоба да іске қосылмақ. Олар «Балық қалдығынан балық ұнын өндіру», «Жылыжай кешені», «Құрылыс бұйымдарын шығару», «Сүт және ет бағытында асыл тұқымды ешкі өсіру».

Қызылорда облысында 3 инвестициялық жоба іске қосылады

Kyzylorda-news.kz. Қазақстан президенті Қасым-Жомарт Тоқаев “Самұрық-Қазына” қорының газ саласындағы жұмысын реформалау қажеттігін мәлімдеді, деп хабарлайды Sputnik Қазақстан.
Президент бизнесмендермен кездесуінде үкіметке мұнай өнімдерімен қамтамасыз ету, телекоммуникация нарығы, фармацевтика және басқа да бірқатар салада тәртіп орнату қажеттігін хабарлады. Бұл ретте жаңа өндірістерді ынталандыруда табиғи газбен қамтамасыз ету де ерекше рөл атқарады.
<blockquote>
 “Самұрық-Қазынаны” &nbsp;реформалау аясында ішкі нарықты газбен қамтамасыз етуге басымдық берілуге тиіс. Кәсіпкерлер ғана емес, облыс әкімдері де үкіметке, тіпті маған индустриялды жобаларды жүзеге асыру үшін газ бөлу туралы өтініштерін айтып жатыр. Ал газ жоқ. Газды отандық өндірісті іске қосу үшін пайдаланудың орнына экспортқа шығаратын жағдайға енді жол берілмейді”, – деді республика президенті.
</blockquote>

Мемлекет басшысы:  Газды экспорттауға енді жол берілмейді

Мемлекет басшысы отандық бизнес өкілдерімен кездесті

Kyzylorda-news.kz. Өткен аптада облыс әкімі Гүлшара Әбдіқалықова әлеуметтік маңызы бар азық-түлік тауарлары және жанар-жағармай бағаларын саралау үшін бірқатар сауда үйлері мен жанармай құю бекеттерін аралаған еді. Басты мәселе – азық-түлік қорында жетіспеушілікті болдырмау және негізгі азық-түлік өнімдерінің бағасын шекті мәннен асырмау. Бұл ретте бүгін облыс әкімі азық-түлік және жанар-жағармай мәселелері бойынша жиын өткізді.
<img src="https://kyzylorda-news.kz/wp-content/uploads/2022/01/fb_img_1642752235593.jpg" alt="" />
Отырысқа облыс әкімі аппаратының басшысы Ерлан Райғаниев, ауыл шаруашылығы басқармасының басшысы Талғат Дүйсебаев, облыстық кәсіпкерлік және туризм басқармасының басшысы Фердоуси Қожабергенов, «Байқоңыр» ӘКК» АҚ басқарма төрағасы Ерлан Нұрланбаев және департамент басшылары қатысты.
Басқарма басшысы Талғат Дүйсебаев азық-түлік қорына қатысты нақты шаралардың орындалу барысын тізбеледі.
Бүгінде 34 әлеуметтік дүкен мен 18 супермаркеттің әлеуметтік бұрыштарында 19 түрлі өнім шекті бағада сатылады. Сондай-ақ, елімізде жарияланған төтенше жағдайға байланысты өңірдегі сауда желілерінде азық-түлік тапшылығын болдырмау мақсатында Түркістан облысынан азық-түлік өнімдерін тасымалдайтын 122 жеке кәсіпкердің тізімі жасалды.
Тұрақтандыру қорында 291,4 млн.теңгені құрайтын 1393 тоннаның өнімі бар. Оның ішінде бірінші сұрыпты бидай ұны, қарақұмық жармасы, күріш, макарон, күнбағыс майы, қант және көкөніс өнімдері секілді 19 әлеуметтік маңызы бар азық-түлік қоры жиналған. Мұнан бөлек, «Байқоңыр» ӘКК» арқылы «айналым схемасы» бойынша бағаны тұрақтандыру үшін кәсіпкерлік субъектілеріне несие беруге 500 млн.теңгеге келісім- шарт жасалуда.
Ал, «Байқоңыр» әлеуметтік-кәсіпкерлік корпорациясының» басқарма төрағасы Ерлан Нұрланбаев қырыққабат пен картоп бағасында өсімнің барын айтып, Тұрақтандыру қорының өнімдерімен жәрмеңке ұйымдастыру арқылы бағаны ұстап тұру туралы ұсынысын жеткізді. 
Жиында өңірдегі жанар-жағармай қоры туралы да сөз болды. Облыстық кәсіпкерлік және туризм басқармасының басшысы Фердоуси Қожабергенов облыс аумағындағы мұнай өнімдерінің саудалануы туралы баяндады. Бүгінде бағаның шекті мәннен аспауына күнделікті мониторинг жүргізілуде. Аймақта 147 жанармай құю бекеті бар. АИ-92 маркалы бензинінің 4 574,1 тонна, дизель отынының 3 339,6 тонна қоры сақтаулы.
Жиынды қорытындылаған облыс әкімі азық-түлік пен көрсетілетін қызметтерге қатысты баға мониторингін әлі де күшейтуді тапсырды.
<img src="https://kyzylorda-news.kz/wp-content/uploads/2022/01/fb_img_1642752233021.jpg" alt="" />

Қызылорда:   Тұрақтандыру қорында 1393 тонна өнім бар

<a href="https://kyzylorda-news.kz/">Kyzylorda-news.kz.</a> Қызылорда облысының экспорттық әлеуетін өңірде агроөнеркәсіп кешенінде енгізілетін үш жоба күшейтеді. Осы өндірістердің бірі – қуаттылығы жылына 5 мың тонна болатын Қызылордадағы ет комбинаты. Оның құны – шамамен 900 миллион теңге. “Сыр маржаны” ЖШС базасында өндірісті енгізуде.
Біріккен Араб Әмірліктері, Бахрейн және Қытай кәсіпкерлері комбинаттың болашақ өнімдеріне, яғни, салқындатылған етке қызығушылық танытты. Серіктестік БАӘ бизнесмендерімен меморандумға қол қойды. Кәсіпорынның ет өнімдерінің 50 пайызы экспортқа кетеді, екінші жартысы ішкі нарықта сатылады деп болжануда.
Комбинатта Қызылорда тұрғындары үшін 25 жұмыс орны ашылады. Жақын арада іске қосу жоспарланған экспортқа бағытталған тағы бір жоба – “Qazaq Camel” ЖШС сублимацияланған түйе сүтін өндіру цехы. Жобаның құны-бір жарым миллиард теңге. Ол өңірлік Индустрияландыру картасына енгізілген және 25 адам үшін жұмыспен қамтуды ұйымдастыруды көздейді. «Мұндай жаңа өндіріс бізде әлі болған жоқ», – деп атап өтті Қызылорда облысының әкімдігінде.
Шикізат Арал және Қазалы аудандарының түйе өсірушілерінен сатып алынады. Ал дайын өнімді, яғни ұнтақты сүтті “Ақ бота” брендімен Қытайға экспортқа жіберу көзделіп отыр. Қармақшы ауданында да экспортқа бағдарланған жаңа жобаны іске асыру аяқталуда. Бұл жылына 1 500 тонна құс етін өндіретін құс фабрикасы.
«Жобаның құны 1,9 миллиард теңге», – деп нақтылады облыс әкімдігінде. Кәсіпорында 70 жұмыс орны ашылады. Бүгінгі таңда құрылыс жұмыстары 1,2 миллиард теңгеге жүргізілді. Осы қаражатқа фабрика әкімшілігінің ғимараты, бақылау-өткізу пункті, 6 құс қорасы мен инкубациялық цех салынды, мал сою цехының шатырының астына металл конструкциясын монтаждау жүргізілді, нысанның аумағы толығымен қоршалды.
Айта кетейік, «Бизнестің жол картасы» мемлекеттік бағдарламасы бойынша фабрикаға коммуникацияларды жүргізу үшін 400 миллион теңге бөлінді. Бұл нысан-«Ақтөбе и К» ЖШС мен «Байқоңыр» Әлеуметтік-кәсіпкерлік корпорациясының бірлескен жобасы.

Үш жаңа жоба Қызылорда облысының экспорттық әлеуетін күшейтеді

<a href="https://kyzylorda-news.kz/">Kyzylorda-news.kz.</a> Қызылордалық кәсіпкер, Кәсіпкерлер палатасы Өңірлік кеңесінің мүшесі Раушан Базарбай «Күшіміз бірлікте» қорына «Сана-Сезім орталығы» ЖШС атынан 1 млн теңге аударғанын жеткізді.
<img src="https://kyzylorda-news.kz/wp-content/uploads/2022/01/bazarbaj.jpg" alt="" />
Кәсіпкер бұл қаржы қаңтар оқиғасында зардап шеккен бизнестің аяққа тұруына көмек болады деген сенімде және өзге де әріптестерін қолдау білдіруге шақырды.
2022 жылғы 11 қаңтарда елімізде арнайы «Күшіміз бірлікте» қоры ашылды.
Қоғамдық ұйымның басты мақсаты – зардап шеккен бизнеске көмек беруде кәсіпкерлер мен барлық қамқор азаматтың күшін біріктіру.
Қор еліміздің 14 өңірінен белсенді кәсіпкерлердің бастамасымен құрылды. Қаражатты жинау және бөлу процесін барынша ашық жүргізу үшін қамқоршылық кеңес қызмет етеді. Қызылорда облысынан қамқоршылық кеңеске Өңірлік кеңес төрайымы Гүлзағира Әбдірайымова кірді. Кеңес мүшелері аудит жүргізіп, Қор жұмысы бойынша БАҚ көздеріне есеп береді. Ұйым жұмысқа (өтеусіз негізде) атсалысуға, жанашырлық танытқан қоғам қайраткерлерін қосуға дайын.
Мүдделі тұлғаларға ыңғайлы болу үшін арнайы infokazakhstan.kz сайтында осы жылдың 4-7 қаңтарында тәртіпсіздік барысында зардап шеккен субъектілер үшін электрондық кезек іске қосылды.
Өтініш беру үшін сайтта бірнеше әрекет жасау жеткілікті. «Көмек қажет» батырмасын таңдап, электронды өтінішті ашу керек. Онда компанияңыз туралы деректерді енгізіп, келтірілген залалды фото-материалдармен растаған соң, өтінішке ЭЦҚ-мен қол қою керек. Әр қарай «Күшіміз бірлікте» ҚБ өтінішті бағалау компаниясына жібереді, онда залал мөлшері туралы қорытынды беріледі. Бұдан кейін кәсіпкермен келісімшарт жасалып, кезек тәртібінде көмек көрсетіледі.
Көмек көрсетуге ниет білдірген азаматтар мына реквизиттерді пайдалана алады:
«БанкЦентрКредит» АҚ:
алушы: «Күшіміз бірлікте» қоғамдық бірлестігі БСН 220140002583
есепшоты: KZ268562203115072353
«БанкЦентрКредит» АҚ реквизиттері: БСК/БИК (SWIFT) KCJBKZKX БСН/БИН 980741000260 010000, Қазақстан, Нұр-Сұлтан қ., Есіл ауданы Қабанбай батыр даңғылы, 15 А.
«Банк Фридом Финанс Қазақстан» АҚ:
алушы: «Күшіміз бірлікте» қоғамдық бірлестігі БСН 220140002583
есепшоты: KZ52551Z128000206KZT
«Банк Фридом Финанс Қазақстан» АҚ реквизиттері: БИК KSNVKZKA
Айта кету керек, 19 қаңтардағы ақпарат бойынша Қызылорда облысында зардап шеккен кәсіпкерлік нысандардың саны 29-ға жетті. Кәсіпкерлер палатасы мен облыстық кәсіпкерлік және туризм басқармасына хабарласқан бизнес өкілдерінің ақпараты бойынша залалдың жалпы сомасы шамамен 403 млн теңгені құрайды.

«Күшіміз бірлікте»: Қызылордалық кәсіпкер қорға 1 млн теңге аударды

Kyzylorda-news.kz. Бүгін облыс әкімі Гүлшара Әбдіқалықова су ресурстары туралы проблемалық мәселелер және оның шешу жолдарының онлайн форматта есебін тыңдады.
Кездесуге облыс әкімінің орынбасары Бахыт Жаханов, облыстық табиғи ресурстар және табиғат пайдалануды реттеу басқармасының басшысы Бауыржан Шаменов, облыстық ауыл шаруашылығы басқармасының басшысы Талғат Дүйсебаев, ҚР ЭГТРМ Су ресурстары комитетінің су ресурстарын пайдалануды реттеу және қорғау жөніндегі Арал-Сырдария бассейіндік инспекциясының басшысы Сейілбек Нұрымбетов және «Қазсушар» РМК Қызылорда филиалы директоры Хамит Биімбетов қатыстып, атқарылған жүмыстарды тізбектеді.
Басқосуда Бахыт Жаханов ағымдағы жылы Шардара су қоймасына түсіп жатқан судың төмен деңгейде болуына байланысты, егістікті сумен қамтамасыз етуде қиыншылықтар туындау қауіпі бар екенін атап өтті.
Сонымен бірге, Сырдария өзенінде қалыптасқан жағдайдың алдын алу үшін «Қызылорда облысының су тапшылығы жағдайында елді мекендерді суармалы сумен қамтамасыз етуге және экологиялық жағдайды жақсартуға бағытталған бірінші кезектегі жобаларды іске асыру жөніндегі» жол картасының жобасы талқыланды.
Жол картасы аясында 2022-2025 жылдар аралығында 25 жобаны іске асыру көзделуде. Жол карта 4 (төрт) бағыттан тұрады. Атап айтқана, қашыртқы суды қайталама пайдалану, қосымша су көздерін ұлғайту, сумен қамтамасыз етуді жақсарту, экологиялық сауықтыру.
Облыс әкімі жол картасында көзделген жобаларды республикалық бюджет резервінен қаржыландыру жолдарын қарастыруды және Экология, геология және табиғи ресурстар министрлігімен тиісті жұмыстарды жалғастыруды тапсырды.
<img src="https://kyzylorda-news.kz/wp-content/uploads/2022/01/fb_img_1642514156423.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642514193083.jpg" alt="" />

Қызылорда облысында су мәселесін шешу бойынша жол картасы қабылданады

<a href="https://kyzylorda-news.kz/">Kyzylorda-news.kz.</a> Қазақстан үкіметі әлеуметтік-экономикалық жағдайды тұрақтандыру жөніндегі жедел іс-қимыл жоспарын мақұлдады. Бұл туралы <a href="https://primeminister.kz/kz/news/ukimet-eldegi-aleumettik-ekonomikalyk-zhagdaydy-turaktandyru-zhonindegi-zhedel-is-kimyl-zhosparyn-kabyldady-1802455">primeminister.kz</a> сайты хабарлады.
Жоспарда қауіпсіздікке, азаматтар мен бизнес субъектілерін жан-жақты қолдауға және елдегі әлеуметтік-экономикалық жағдайды тез арада тұрақтандыруға арналған бірқатар шұғыл және қысқа мерзімді шаралар қарастырылған.
<blockquote>
 “Жоспарды іске асыру барысында, бірінші кезекте, қаза тапқан азаматтардың отбасылары мен зардап шеккендерге көмек көрсетіледі. Сондай-ақ күштік құрылымдар мен азаматтық қорғау органдарының қызметкерлеріне тиісті мемлекеттік қолдау көрсетіледі. Жоспардағы ішкі істер министрлігіне қатысты тармақтардың барлығы өте маңызды әрі олар сапалы және жедел орындалуға тиіс”, – деді Әлихан Смайылов.
</blockquote>
Премьер жаппай тәртіпсіздік салдарынан зардап шеккен азаматтар мен заңды тұлғалардың банктен алған қарыздары мен микрокредиттерін өтеу мерзімі төтенше жағдай аяқталғанша шегерілгенін еске салды.
<blockquote>
 “Атамекен” кәсіпкерлер палатасы бүлік кезінде тоналған бизнес субъектілердің тізімін жасады. Жаппай тәртіпсіздік салдарын жою жөніндегі үкіметтік және өңірлік комиссиялар жұмысын аяқтағаннан кейін республикалық және жергілікті бюджеттерден шығынды өтеу үшін тиісті қаражат бөлінеді”, – деді Үкімет басшысы.
</blockquote>
Сонымен қатар, бизнеске түскен ауыртпалықты азайту үшін 2022 жылдың 1 ақпанына дейін мемлекеттік кіріс органдарының салықтық және кедендік тексерістері мен камералдық бақылау хабарламаларын беру уақытша тоқтатылады.
Бұдан бөлек, Әлихан Смайылов “Атамекен” палатасымен бірге Халықтың табысын арттыру бағдарламасын әзірлеу жоспарланып отырғанын атап өтті.
<blockquote>
 “Біз үшін ең басты мақсат – халықтың табысын арттыру. Кез келген жоспар, кез келген бағдарлама бірінші кезекте, халықтың табысын арттыруға бағытталуға тиіс. Басқарудың барлық деңгейінде жұмыстың тиімділігі дәл осы көрсеткіш бойынша бағаланады”, – деді Әлихан Смайылов.
</blockquote>
Премьер-министр мемлекеттік органдардың бірінші басшылары мен әкімдерге жоспардағы іс-шаралардың орындалуын жеке бақылауға алуды тапсырды.

Үкімет әлеуметтік-экономикалық жағдайды тұрақтандыру жоспарын қабылдады

Kyzylorda-news.kz. 5 қаңтарда Мемлекет басшысы Қасым-Жомарт Тоқаев еліміздегі әлеуметтік-экономикалық жағдайға қатысты кеңес өткізеді. Бұл туралы Президенттің баспасөз хатшысы Берік Уәли Facebook-тегі парақшасында жазды.
<blockquote>
 «Ертең, 5 қаңтарда Мемлекет басшысы Қасым-Жомарт Тоқаев Үкімет мүшелерінің, Президент Әкімшілігі қызметкерлерінің және басқа да жауапты органдар өкілдерінің қатысумен еліміздегі әлеуметтік-экономикалық жағдайға қатысты кеңес өткізеді», делінген хабарламада.
</blockquote>

Қасым-Жомарт Тоқаев ертең еліміздегі әлеуметтік-экономикалық жағдайға қатысты кеңес өткізеді

Kyzylorda-news.kz. Сыр спортшылары жыл басынан бері ҚР чемпионаттарында 1037, Әлем және Азия чемпионаттарында 123 медаль еншіледі. Жалпы биыл облыста бұқаралық спортты дамыту мақсатында 1322 іс шара өтіп, 120 мыңнан аса адам белсенді қатысты.
Облыста халықты спорттық инфрақұрылымымен қамтамасыз ету жағдайында «1000 адамға арналған спорттық алаңдар» санының көрсеткіші бойынша 2021 жылдың қорытындысымен 40,8 пайызды құрады. Бұл жөнінде Өңірлік коммуникациялар қызметінде өткен брифингте облыстық дене шынықтыру және спорт басқармасының басшысы Асылжан Жаманқұл хабарлады.
<blockquote>
 “Биыл Сыр спортшылары үшін табысты жыл болды. Төрт жылда бір рет келетін ең ірі халықаралық спорттық жарыс – Токио Олимпиадасына облыстан үш спортшы қатысып, Қамшыбек Қоңқабаев Олимпиада ойындарының қола жүлдегері атанды. Әлем, халықаралық, республикалық чемпионаттарында біздің спортшылар әр түрлі дәрежеде жүлдегер атанды. Халықтың спорттық нысандарға қолжетімділігін арттыру мақсатында биыл «Ауыл – ел бесігі» бағдарламасы аясында 5 спорт кешені ашылды. Келер жылы «Самұрық» корпоративтік қорының демеушілігімен қалада және Махамбетов ауылдық округінде көпфункционалды спорт кешенінің құрылысын салу жоспарланып отыр”, – деді облыстық дене шынықтыру және спорт басқармасының басшысы Асылжан Жаманқұл.
</blockquote>

Қазақстан және Қызылорда облысының жаңалықтары: Экономика

Қызылордада елді мекеннің 85 пайызы орталықтандырылған ауыз су жүйесіне қосылған

“Нұрлы жол”: Қызылордада 34 жоба жүзеге асырылады

Қызылорда облысында 3 инвестициялық жоба іске қосылады

Мемлекет басшысы: Газды экспорттауға енді жол берілмейді

Мемлекет басшысы отандық бизнес өкілдерімен кездесті

Қызылорда: Тұрақтандыру қорында 1393 тонна өнім бар

Үш жаңа жоба Қызылорда облысының экспорттық әлеуетін күшейтеді

«Күшіміз бірлікте»: Қызылордалық кәсіпкер қорға 1 млн теңге аударды

Қызылорда облысында су мәселесін шешу бойынша жол картасы қабылданады

Үкімет әлеуметтік-экономикалық жағдайды тұрақтандыру жоспарын қабылдады

Қасым-Жомарт Тоқаев ертең еліміздегі әлеуметтік-экономикалық жағдайға қатысты кеңес өткізеді

«Ауыл – ел бесігі»: Қызылордада спорттық 5 кешен ашылды

Қазақстан және Қызылорда облысының жаңалықтары: Экономика

Қызылордада елді мекеннің 85 пайызы орталықтандырылған ауыз су жүйесіне қосылған

&#8220;Нұрлы жол&#8221;: Қызылордада 34 жоба жүзеге асырылады

Қызылорда облысында 3 инвестициялық жоба іске қосылады

Мемлекет басшысы: Газды экспорттауға енді жол берілмейді

Мемлекет басшысы отандық бизнес өкілдерімен кездесті

Қызылорда: Тұрақтандыру қорында 1393 тонна өнім бар

Үш жаңа жоба Қызылорда облысының экспорттық әлеуетін күшейтеді

«Күшіміз бірлікте»: Қызылордалық кәсіпкер қорға 1 млн теңге аударды

Қызылорда облысында су мәселесін шешу бойынша жол картасы қабылданады

Үкімет әлеуметтік-экономикалық жағдайды тұрақтандыру жоспарын қабылдады

Қасым-Жомарт Тоқаев ертең еліміздегі әлеуметтік-экономикалық жағдайға қатысты кеңес өткізеді

«Ауыл &#8211; ел бесігі»: Қызылордада спорттық 5 кешен ашылды

“Нұрлы жол”: Қызылордада 34 жоба жүзеге асырылады

«Ауыл – ел бесігі»: Қызылордада спорттық 5 кешен ашылды