<a href="https://kyzylorda-news.kz/">Kyzylorda-news.kz.</a> Елді мекендерде қордаланып қалған мәселелерді шешу, ауылдардың инфрақұрылымын жақсартып, тұрғындарға қолайлы жағдай жасау бағытында Қызылорда облысының әкімі Гүлшара Әбдіқалықова 1,5 жыл ішінде 120-ға жуық елді мекенді аралап, әр ауылдың мәселесін жеке қарап, тұрғындардың ұсыныс-пікірлерін тыңдады. Енді жыл аяғына дейін өңір басшысы шалғай орналасқан өзге де ауылдарға барып, өзекті ұсыныстарды ескеріп, мәселелерге талдау жасайды.
Облыс әкімінің баспасөз қызметі халық үшін аса маңызды саналатын газдандыру, жол салу, ауыз су желілерін тарту, медицина, тұрғын үй мен мектеп салу ісінде нақты орындалған жұмыстарды тізбелейді.
Өңірдегі барлық аудан орталығы газға қосылған
Бүгінгі күні аймақта тұрғындардың газ тұтыну деңгейі 67 пайызға жетті. Өткен 1 жыл ішінде Қармақшы, Жалағаш, Сырдария ауданының орталықтарында газдандыру жұмыстары толық аяқталып, 46 мыңнан астам тұрғын табиғи газға қол жеткізді. Ал, Шиелі ауданы Н.Бекежанов, Қодаманов елді мекендеріне табиғи газ беріліп, 6 мыңнан астам тұрғын көгілдір отынның игілігін көруге мүмкіндік алды. Бүгінде Қызылорда қаласындағы Наурыз, Махамбет елді мекендерін газдандыру жұмыстары жүргізілуде.
Биыл Қазалы қаласы мен Жалаңтөс, Басықара, Пірімов, Шиелідегі Алғабас, Ақмая ауылдарында алау оты жағылады. 2025 жылға дейін өңірде тағы 38 елді мекенге көгілдір отын жетеді.
<img src="https://kyzylorda-news.kz/wp-content/uploads/2022/04/gaz.jpeg" alt="" />
Өңірдегі жақсы жолдардың үлесі 75 пайызға жетті
Аймақ үшін «Батыс Еуропа – Батыс Қытай» құрлықаралық автокөлік дәлізінің маңызы зор. Бес облыс аумағынан өтетін 2787 шақырым жолдың 812 шақырымы Қызылорда жерінде. Бұл аудан орталықтары теміржол мен автожол бойында орналасқан облыс үшін ең тиімді. Қазір өңірдегі жақсы жағдайдағы жолдардың үлесі 75 пайызға жетіп отыр. Ел Президентінің Ұлытау облысын құру тапсырмасы аясында Қызылорда-Жезқазған тас жолының жаңартылуы да ерекше мәнге ие. Құрылыс жұмыстары биыл басталмақ.
<img src="https://kyzylorda-news.kz/wp-content/uploads/2022/04/zhol.jpeg" alt="" />
Облыс халқының 98 пайызы таза суды тұтынады
Өткен жылы «Нұрлы жер», «Ауыл – ел бесігі» мемлекеттік бағдарламалары арқылы 110,7 шақырым ауыз су және 11,4 шақырым кәріз желілері тартылды. Субсидиялауға облыстық бюджеттен 3,3 млрд.теңге бөлініп, 178 елді мекен сумен қамтылды.
Нәтижесінде облыс халқының 97,8 пайызы орталықтандырылған ауыз су жүйесіне қосылды.
<img src="https://kyzylorda-news.kz/wp-content/uploads/2022/04/whatsapp-image-2022-04-04-at-16.27.21.jpeg" alt="" />
2 жылда 12 медициналық нысан іске қосылды
Соңғы 2 жылда Сыр елінде 12 медициналық нысан ашылды. Атап айтқанда, 3 дәрігерлік амбулатория, 6 медпункт, Жалағаш аудандық, Қызылорда қаласында модульді жұқпалы аурулар ауруханалары. Сондай-ақ, Қызылорда қаласында 60 төсектік «Қамқорлық» оңалту орталығы мен Әйтеке би кентінде 250 келушіге арналған емхана құрылысы аяқталуға жақын. &nbsp;
<img src="https://kyzylorda-news.kz/wp-content/uploads/2022/04/whatsapp-image-2022-04-04-at-16.27.202.jpeg" alt="" />
Жыл аяғына дейін 7 мектеп пайдаланылуға беріледі
Білім беру саласында былтыр 750 орындық 3 мектеп пайдалануға берілді, оның ішінде 448 орындық 2-уі жеке меншік мектеп. Биыл 8 мектептің құрылысы жүргізіліп, 7 білім ордасы жыл аяғына дейін пайдалануға беріледі.
<img src="https://kyzylorda-news.kz/wp-content/uploads/2022/04/mektep.jpeg" alt="" />
Сырбойылықтарға жылына 1500 пәтер табысталады
1 жылда 463 аз қамтылған көпбалалы отбасы, 160 әлеуметтік аз қамтылған отбасы, тұрғын үйі апатты деп танылған 50 азамат үйлі болды. Ал, республикалық бюджеттен 321 көпбалалы ана баспаналы болды. Биыл қызылордалықтарға 122 пәтер кілтін табыстау жоспарда бар.
<img src="https://kyzylorda-news.kz/wp-content/uploads/2022/04/whatsapp-image-2022-04-04-at-16.27.23.jpeg" alt="" />
P.S. Тұрғындардың жеке мәселелерін қарауда облыс әкімі айына екі рет кезектілік тәртіппен азаматтарды қабылдайды. Ал, жылына 2 рет Орталық коммуникациялар алаңында журналистер алдында баспасөз брифинг өткізеді. Бұдан былай аймақ басшысының тапсырмасына сәйкес облыс әкімінің орынбасарлары тоқсан сайын және шұғыл мәселелерде жедел түрде брифинг береді.
<img src="https://kyzylorda-news.kz/wp-content/uploads/2022/04/whatsapp-image-2022-04-04-at-16.27.231.jpeg" alt="" />
<img src="https://kyzylorda-news.kz/wp-content/uploads/2022/04/whatsapp-image-2022-04-04-at-16.27.22.jpeg" alt="" />
<img src="https://kyzylorda-news.kz/wp-content/uploads/2022/04/whatsapp-image-2022-04-04-at-16.27.222.jpeg" alt="" />

Қызылорда облысының әкімі 120 елді мекенді аралады

Kyzylorda-news.kz. Бүгін Сыр өңірінде «Батыс Европа-Батыс Қытай» автожолы бойында «Жан-арай» көпсалалы агроиндустриялды кешені ашылды.
Жаңақорған ауданы, Қожамберді ауылдық округінде орналасқан жаңа нысанның ашылу рәсіміне облыс әкімі Гүлшара Әбдіқалықова, ҚР Парламенті Сенатының депутаты Мұрат Бақтиярұлы, Мәжіліс Төрағасының орынбасары Балайым Кесебаева қатысып, ел игілігіне бағытталған нысанның лентасын қиды.
“Қарапайым заттар экономикасы” мемлекеттік бағдарламасы аясында кешенді ашқан облыстық мәслихат депутаты, меценат Бақдәулет Махашов жергілікті 200-дей азаматты жұмыспен қамтыды. 
Аймақ басшысы елге жанашыр азаматтың аймақ экономикасына, ауыл шаруашылығы саласындағы өнім қорын ұлғайтуға мүмкіндік беретін ірі кешенді елге табыстап, туған жерге тарту жасағанын тілге тиек етіп, агроиндустриалды кешеніннің маңыздылығын атап өтті.
<blockquote>
 Бүгін, қасиетті айдың басталуымен қатар заман талабына сай салынған «Жан-арай» көпсалалы агроиндустриалды кешенін пайдалануға бергелі тұрмыз. 
 Президенттің наурыз айындағы «Жаңа Қазақстан: Жаңару мен жаңғыру жолы» атты Жолдауында Үкіметке және өңірлерге дағдарысқа қарсы кезек күттірмейтін шараларды қабылдау және егін науқанын мерзімінде бастауды тапсырды. Қазіргі таңда Сыр дихандары көктемгі дала жұмыстарына қызу дайындықпен кірісіп кетті. 
 Кешен өңірдегі азық-түлік бағаларының тұрақтылығын сақтауға, өңір тұрғындарын өз өнімімізбен қамтамасыз етуге және көрші облыстардан жоғары бағада келетін көкөніс көлемін азайтуға мүмкіндік береді. Жаңа нысан баршаңызға құтты болсын! – деді Г.Әбдіқалықова.
</blockquote>
Кешеннің аумағы кең, мұнда алма бағы, қызанақ өндіру, өңдеу, сату қоймасы, сондай-ақ, 300 орындық мейрамхана, қонақүй, 1500 тоннаға есептелген көкөніс қоймасы және басқа да қажетті қызмет көрсету нысандары бар.
Айта кетейік, өңірде өңдеу өнеркәсібі саласында 2026 жылға дейін жүзеге асатын 21 ірі инвестициялық жобалар пулы қалыптасты. Соның ішінде, агроөнеркәсіп кешені саласында жалпы құны 43,1 млрд. теңгені құрайтын 6 жобаны жүзеге асырылмақ.
<img src="https://kyzylorda-news.kz/wp-content/uploads/2022/04/fb_img_1648890613472.jpg" alt="" />
<img src="https://kyzylorda-news.kz/wp-content/uploads/2022/04/fb_img_1648890608415.jpg" alt="" />
<img src="https://kyzylorda-news.kz/wp-content/uploads/2022/04/fb_img_1648890617587.jpg" alt="" />
<img src="https://kyzylorda-news.kz/wp-content/uploads/2022/04/fb_img_1648890605892.jpg" alt="" />
<hr />

Қызылордада көпсалалы агроиндустриялды жаңа кешен ашылды

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Гүлшара Әбдіқалықова Біріккен Ұлттар Ұйымының Даму Бағдарламасының (БҰҰДБ) Қазақстандағы Тұрақты өкілі Якуп Бериш және оның орынбасары Виталий Времишпен кездесіп, ұйымның бірқатар жобасын Сыр өңірінде жүзеге асыру барысын талқылады.
Кездесуде аймақ басшысы БҰҰДБ өкілдеріне көпжылдық тиімді әріптестік үшін алғыс білдіріп, өңірдегі өзекті мәселелерді тізбектеді.
<blockquote>
 «Әлеуметтік-экономикалық даму, жұмыспен қамту, халықтың әл-ауқаты мен өмір сүру деңгейінің өсуі, экология, қоғамдық-саяси ахуал мәселелері біз үшін әрқашан өзекті. Облыстық деңгейде біздің ерекшеліктерімізді ескере отырып, біз жаңа жұмыс орындарын құру бойынша қосымша шаралар қабылдаймыз. Дегенмен, жұмыспен қамту мәселелері бізде әрқашан басым мәселелердің қатарында», – деді аймақ басшысы.
</blockquote>
Сондай-ақ, облыс әкімі білім саласын жетілдіру, өңірде экологиялық проблемалар, оның ішінде су тапшылығын алдын алу мәселелері бойынша атқарылған жұмыстарды атап өтті.
Жиында Якуп Бериш жоба ретінде аймақта жүргізілген жылдам кешенді бағалау нәтижелерін таныстырды және Тұрақты даму мақсаттарына қол жеткізу бағытында бірлескен іс-шаралар жоспарын әзірлеу туралы ұсыныс айтты.
Ұйым өкілдері Сыр өңірінде әлеуметтік мәселелерді оңтайлы шешуге бағытталған бірлескен жобаларды, оның ішінде жұмыссыз жастарды қолдау, «жасыл» бизнесті дамыту және әйелдердің экономикалық құқықтары мен мүмкіндіктерін кеңейту бастамаларын ұсынып, қолдау сұрады.
Кездесу соңында аймақ басшысы БҰҰДБ өкілдеріне тиімді әріптестік аясын одан әрі кеңейтіп, нығайтуға мүдделі екенін жеткізді.
Айта кетейік, БҰҰДБ Қазақстандағы тұрақты өкілі Якуп Бериштің Қызылорда облысына жұмыс сапары аясында «Стокгольм+50» ұлттық диалогын іске қосу жөніндегі семинар ұйымдастырды. Іс-шараға жергілікті атқарушы органдардың, үкіметтік емес ұйымдардың, жастар бастамаларының, жоғары оқу орындарының өкілдері қатысты.
<img src="https://kyzylorda-news.kz/wp-content/uploads/2022/03/277437340_271557948498790_6114123624213835774_n.jpg" alt="" />

Гүлшара Әбдіқалықова Якуп Беришпен кездесті

Kyzylorda-news.kz. Бүгін ҚР Ауыл шаруашылығы министрі Ербол Қарашөкеев жұмыс бабымен Сыр өңіріне келіп, облыс әкімі Гүлшара Әбдіқалықовамен бірге бірқатар аудандардағы шаруашылық нысандарды аралап, шаруалармен жүздесіп, ортақ мәселелерді талқылады.
Алдымен министр Аққорған ауылдық округіне барып, Түгіскен елді мекенінің тұрғындарымен кездесіп, шаруалардың мәселесіне қатысты ұсыныс-пікірлерін тыңдады. Мұнда ауыл азаматтарының «Түгіскен» тәжірибе шаруашылығына тиесілі 2048 гектар жерді халықтың үлесіне бөліп беру жөніндегі талаптары ескеріліп, жер толықтай аудан меншігіне қайтару туралы шешім қабылданды.
<blockquote>
 Әкімдік тарапынан ауыл шаруашылығы министрлігіне қаншама рет ұсыныс жасап, тиімді жолын қарастыруды сұрадық. Осы мәселені бірнеше рет көтеріп, министрді арнайы шақыртып отырмыз. Қазір жер мемлекет меншігіне қайтару туралы шешім қабылданды. Барлығын заң аясында жасауымыз тиіс, – деді Гүлшара Әбдіқалықова.
</blockquote>
Дегенмен, министр шаруаларға шығын көлемін өтеу керектігін қаперге салды.
<blockquote>
 «Түгіскен» тәжірибелік шаруашылық жерлері бойынша шешім қабылданды. Қазіргі таңда аудит шығын көлемін анықтап, тиісті сараптама жүргізеді. Заңға сәйкес тарату комиссиясы құрылады, оның құрамына барлық мүдделі органдар мен аудан тұрғындары кіреді. Қажетті рәсімдер жүргізілгеннен кейін тәжірибелік шаруашылық жойылып, оның жері жергілікті атқарушы органның балансына қайтарылады,-деді Е.Қарашөкеев.
</blockquote>
Айта кетейік, бұған дейін «Түгіскен» тәжірибе шаруашылығының 15 мың гектар жерінің 13 мың гектары 4155 үлескерге бөлініп, теңгерімде 2048 гектар жер учаскесі қалған болатын. Облыстағы шаруашылықтарды сапалы күріш тұқымымен қамтамасыз ететін тәжірибе шаруашылығында қосымша 700 гектарға жоңышқа, 230 гектарға жуық аумаққа күздік бидай егіліп келген. 
Мұнан соң, ауыл шаруашылығы министрі мен облыс әкімі Қыркеңсе ауылдық округіндегі «Бекарыс-С» шаруа қожалығына барып, егіс алқабында көктемгі егін егу жұмыстарының барысымен танысты. Кәсіпкер өткен жылы күріштен 57 центнерден өнім алса, биыл күріштің жаңа сортын егіп, 30 гектар жерге жоңышқа орналастыруға ниетті екенін жеткізді.
Әрі қарай министр Шиелі ауданындағы «Мөлдір және К» серіктестігінің құс фермасына барды. Кәсіпкер «Бизнестің жол картасы 2020» мемлекеттік бағдарламасы арқылы несие алып, өндіріс орнының екінші цехын іске қосқан. Тәулігіне 20 мың дана жұмыртқа алатын құс фермасында алдағы уақытта құс етін өндіру ісін қолға алуды жоспарлап отыр.
<img src="https://kyzylorda-news.kz/wp-content/uploads/2022/03/fb_img_1648482872664.jpg" alt="" />
<img src="https://kyzylorda-news.kz/wp-content/uploads/2022/03/fb_img_1648482875834.jpg" alt="" />

«Түгіскен» шаруашылығына тиесілі жер толықтай аудан меншігіне беріледі

Kyzylorda-news.kz. Қызылорда өңіріндегі жұмыс сапары аясында ҚР Ауыл шаруашылығы министрі Ербол Қарашөкеев облыс әкімі Гүлшара Әбдіқалықовамен бірге көктемгі егіс науқаны мен мал шаруашылығын дамыту мәселелеріне арналған арнайы жиын өткізді.
Отырысқа “Байтерек” Ұлттық Басқару Холдингі» акционерлік қоғамының Басқарушы директоры Айгүл Джуанышбаева, «ҚазАгроҚаржы» акционерлік қоғамының Басқарма төрағасы Айдар Прашев, «Аграрлық несие корпорациясы» акционерлік қоғамының Басқарма төрағасының орынбасары Асылхан Джувашев және аудандағы шаруашылық иелері қатысып, көкейде жүрген сауалдары бойынша өзара пікірлесті.
Жиында аймақ басшысы биылғы су деңгейінің тапшылығына байланысты суды аз қажет ететін өнім түріне ден қою, Үкіметпен бекітілетін су лимитіне қарай әрекет ету, каналдарды тазалау, насос қондырғыларын орнату мәселесінде қолға алынған жұмыстарды тізбеледі.
Биылғы жылы да су мәселесі өткен жылғыдай өзекті болғалы тұр. Бұл вегетациялық кезеңде су тапшылығының орын алуына және жайылымдықтар мен шабындықтарды суландыруға әсер етеді. Осыған байланысты Үкімет резервінен бөлінген қаржыға барлығы 21 канал тазалау, 52 ұңғыманы жөндеу және бұрғылау, 133 дана насос қондырғысын алу жоспарымызда бар.
<blockquote>
 Біз осыған дейін барлық аудандағы шаруалармен кездесіп, лимит аясында егілетін өнім көлемін нақтылау ісінде ортақ шешімге келу үшін басқосып, талқылап келеміз. Сіздерде көкөніс егудің шығымы әлдеқайда жоғары болғандықтан, шаруашылықтардың әрбірі өнім көлемін сақтау ісінде тиімділік жағына мән беруі қажет. «Байқоңыр» ӘКК» АҚ бірлесіп, қажетті картоп, сәбіз, пияз және басқа да өнімдерді егіп, тұрақтандыру қорына ұсынып, сырттан өнім алуға деген тәуелділікті азайтуға жұмыс істейік, – деді Г.Әбдіқалықова.
</blockquote>
Отырыста бірқатар басқарма басшылары вегетация кезеңінде іске асырылуға тиіс жұмыстардың жоспарын баяндаса, аудан әкімі Руслан Рүстемов егіске дайындық барысы мен Келінтөбе магистралды каналының бас сағасына Су тоспасы құрылысын салу бойынша ұсыныс айтты.
Жиында бірқатар шаруа қожалық иелері субсидия алу, жем-шөп тасымалдау, су қорына қатысты өзекті сауалдарын қойып, ұсыныстарын жеткізді 
Басқосуда көтерілген әрбір ұсыныстарды тыңдай келе Ауыл шаруашылығы министрі Ербол Қаршөкеев шаруаларды алаңдатқан мәселелерге қатысты нақты жауап берді.
<blockquote>
 Биылғы жылы Президент тапсырмасы негізінде көктемгі егіс жұмыстарына бөлінетін қаржы көлемі ұлғайды. Біріншіден, “Кең дала” бағдарламасы арқылы жыл сайын 70 млрд.теңге қаражат бөлінсе, биыл соны екі есеге ұлғайтуға мүмкіндік алғалы тұрмыз. Қазір республикалық бюджетті нақтылау процессінде тұр. Екіншіден, Азық-түлік келісім-шарт корпорациясы арқылы форвардтық сатып алу үшін жыл сайын 40 млрд.теңге бөлініп келді. Оның көлемін 80 млрд.теңгеге ұлғайтып жатырмыз.
 Ал, биылғы күрделі кезеңді ескере келе, субсидияны алу тәртібінің жаңа ережесі келесі жылдың 1 қаңтарына қалдырып, субсидия беруді ескі жүйе бойынша іске асырамыз. Былтыр 2022 жылға республика көлемінде субсидиялауға 309 млрд.тенге қаржы қарастырылған еді. Президент тапсырмасы аясында қаржы көлемін 388 млрд.теңгеге ұлғайту туралы ұсыныс бердік. Бұл былтырдан қалған қарызды өтеуге мүмкіндік береді, сондай-ақ, ауылшаруашылық өнінімінің бағасын тұрақты ұстауға септігін тигізеді. Сонымен бірге, субсидиялаудың бірыңғай ақпаратын енгізетін жаңа жүйені дайындадық. Бұл бұрынғы қолданыстағы жүйеге қарағанда фермерлерден артық құжаттарды әрі қаржыны талап етпейді. Барлығы автоматты түрде іске асырылады,-деді Ербол Қарашөкеев.
</blockquote>
<img src="https://kyzylorda-news.kz/wp-content/uploads/2022/03/fb_img_1648481921345.jpg" alt="" />
<img src="https://kyzylorda-news.kz/wp-content/uploads/2022/03/fb_img_1648481929538.jpg" alt="" />
<img src="https://kyzylorda-news.kz/wp-content/uploads/2022/03/fb_img_1648481944354.jpg" alt="" />

Ауыл шаруашылығы министрі   қызылордалық шаруалармен кездесіп, егіннің жайын талқылады

<a href="https://kyzylorda-news.kz/">Kyzylorda-news.kz</a>. ҚР Ауыл шаруашылығы министрі Ербол Қарашөкеев Үкімет отырысында ауыл шаруашылығын субсидиялаудың жаңа тетігін енгізу 2023 жылға қалдырылғанын айтты, деп хабарлайды <a href="https://lenta.inform.kz/kz/subsidiyalaudyn-zhana-tetigin-engizu-2023-zhylga-kaldyryldy_a3912962">ҚазАқпарат.</a>
<blockquote>
 «Қолданыстағы субсидиялау жүйесін реформалаудың бірнеше нұсқасы дайындалды, олар жұмыс тобының отырыстарында бірнеше рет талқыланды.
 Алайда, әлемдік азық-түлік нарықтарындағы құбылмалылыққа байланысты соңғы оқиғалар салдарынан және ішкі нарықтың тұрақтылығын сақтау мақсатында субсидиялаудың жаңа тетігін енгізуді 2023 жылдың 1 қаңтарына ауыстыру туралы шешім қабылданды. Тиісінше, ағымдағы жылы агроөнеркәсіптік кешенді мемлекеттік қолдау қолданыстағы субсидиялау қағидаларына сәйкес жүзеге асырылатын болады», – деді Ербол Қарашөкеев.
</blockquote>
Айтуынша, отандық агроөнеркәсіптік кешеннің орнықтылығын сақтап қалу республикалық бюджетті нақтылау кезінде агроөнеркәсіптік кешенді субсидиялауға қосымша қаражат бөлу мәселесі пысықталып жатыр.
<blockquote>
 «Ол қаражат өткен жылдан жинақталған берешекті өтеуге бағытталады. Сондай-ақ ауыл шаруашылығы өнімдерін өндіруде пайдаланылатын тауарлық және материалдық ресурстар бағасының өсуі салдарын жояды», – деді министр.
</blockquote>

Субсидиялаудың жаңа тетігін енгізу 2023 жылға қалдырылды

<a href="https://kyzylorda-news.kz/">Kyzylorda-news.kz</a>. Қызылорда өңірінде азық-түлік өнімдеріне деген тапшылық жоқ. Бүгінде аймақтағы тұрақтандыру қорында 253,3 млн.теңгені құрайтын 1259 тонна өнім бар. Сонымен қатар 4328,1 тонна ұн, 272 тонна қарақұмық жармасы, 500 тонна күнбағыс майы, 5,7 тонна сүт жеткізілуде. Бұл туралы облыс әкімдігінің баспасөз қызметі хабарлады.
«Айналым схемасы» бойынша 22 келісім-шарт негізінде кәсіпкерлік субъектілеріне 1 163 млн.теңге заем берілді. Осы заем алған кәсіпкерлер 19 түрлі әлеуметтік маңызы бар азық-түлік өнімі мен тұрақтандыру қорындағы өнімдерді Қызылорда қаласында орналасқан 36 әлеуметтік дүкенде және қосымша 14 ірі супермаркеттегі әлеуметтік бұрыштарда нарықтан төмен бағада сатылуда.
Мұнан бөлек өңірді әлеуметтік нанмен қамтамасыз ету мақсатында «Азық-түлік келісімшарт корпорациясы» ҰК» АҚ, ҚР Ауыл шаруашылығы министрлігі және Қызылорда облысының әкімдігі арасында арзандатылған бидай алуға меморандумға қол қойылып, бүгінгі күнге астық сақтау қоймаларынан ұн өндіруші кәсіпорынына ақпан айынан 1949,6 тонна астық тасымалдануда. Алғашқы 5 вагон босатылып жеткізілу үстінде.
Қант қорына қатысты да алаңдаушылық жоқ. Өңірде 334,2 тонна шамасында қант қоры бар. Оның ішінде, сауда үйлерінде 106,6 тонна болса, тұрақтандыру қорында 100 тонна қант қоры тіркелген. Тұрақтандыру қорындағы қант өнімі 36 әлеуметтік дүкенде және ірі сауда орындарының әлеуметтік бұрыштарында 263 теңгеден сатылуда. Мұнан бөлек, тұрақтандыру қорының сауда әріптестерімен 125 тонна қантпен қамтамасыз ету жөнінде келісім-шарттар бойынша міндеттемелері бар.
Сондай-ақ, қосымша 136 тонна қант өнімін сатып алу бойынша жұмыстар жүргізілуде. Жыл соңына дейін «Азық-түлік келісім шарт корпорациясы» ҰК» АҚ арқылы 3 314,8 тонна қант көлемін жеткізу көзделіп отыр.
Өткен жылдың желтоқсан айынан бастап, аптасына бір рет «Байқоңыр» ӘКК» АҚ ұйымдастыруымен Қызылорда қаласы мен барлық аудандар бойынша тұрақтандыру қорының және оның қарыз алып отырған әріптестері арқылы 455,5 тонна әлеуметтік маңызы бар азық-түлік өнімдері «Көлік үстінен» төмен бағамен сатылып келді.

Қызылорда облысының тұрақтандыру қорында 1259 тонна өнім бар

<a href="https://kyzylorda-news.kz/">Kyzylorda-news.kz.</a>&nbsp; 16 наурызда Мемлекет басшысы Қасым-Жомарт Тоқаев тікелей эфирде Қазақстан халқына Жолдау жариялайды.
Президент Жолдауында жуық арада жүзеге асырылатын саяси реформалардың жаңа бағдарламасы мен әлеуметтік-экономикалық бағытта атқарылатын іс-шаралар туралы айтылады.
Мемлекет басшысының Жолдауы сағат 11:00-де (жергілікті уақытпен 10.00-де) республикалық телеарналардан тікелей эфирде көрсетіледі. Сондай-ақ «БОРТ N1» тelegram-каналы жиыннан жедел хабар таратады.

Қасым-Жомарт Тоқаев Қазақстан халқына Жолдау жариялайды

Kyzylorda-news.kz. Облыс әкімі Гүлшара Әбдіқалықованың аудандардағы жұмыс сапары Қармақшы ауданында аяқталды.
Алдымен облыс әкімі Жосалы ауылдық округінде тұрғындармен кездесті. Ауыл халқы бақша өнімдерін тікелей айналысатындықтан ақсақалдар жүздесу барысында аяқ су мәселесін шешуге ықпал етуді сұрады. Өңір басшысы биылғы су деңгейінің төмен дәрежеде түсуіне байланысты ауыл азаматтарымен бірге әрбір мәселені пысықтап алу қажет екенін жеткізді.
Елді-мекендерді аралау барысында аймақ басшысы шаруалармен кездесіп, егін егу және мал басын аман сақтау мәселесіне қатысы өзекті ұсыныстарды арнайы жиында талқылады. 
Отырыста аудан әкімі Әділбек Ерсұлтанов бірінші кезектегі басымдықтарды тізбелеп, өткен жылы егіске пайдаланылатын суармалы судың тапшылығына байланысты «Батыс Қармақшы» қашыртқысынан «Құрайлы» каналының П309 пикетіне қосымша су жеткізу үшін ұзындығы 11 шақырымды құрайтын канал қазылғанын жеткізді. Сондай-ақ, сала мамандары биылғы су түсіміне байланысты болжамды баяндап, күріштіктің егіс көлемін қысқарту және каналарды тазарту, насос қондырғысын орнату ісі таяу арада басталатынын жеткізді. Ал, бірнеше шаруа қожалықтарының иелері аудан үшін өзекті мәселелерін жеткізді.
Жиынды қорытындылаған аймақ басшысы су көлемінің лимиті белгіленгенге дейін аудандағы ауылдардың қажеттілігін қайта қарап, шаруалармен бірге суды аз қажет ететін дақылдарға мән беріп, малға қажетті жем-шөп қорын алдын ала әзірлеп, ветеринар мамандарға қыстан шыққан төрт түліктің жағдайына қарай дәрі-дәрмек егу жұмыстарын қарқынды жүргізуді тапсырды.
<blockquote>
 Биыл Көксарай су реттегішіне су жиналмау қауіпі бар. Бұл былтырғымен салыстырғанда су көлемі 2 млрд. текше метрге кем болады деген сөз. Қолда бар мүмкіндікке қарай әрекет жасау үшін әр аудан бойынша жоспар құрылып, мамандар жұмыс істейтін болады. Үкімет деңгейінде шешілетін мәселе екен деп қарап отырмай, каналдарды тазалап, насос қондырғыларын орнатып, егіске әртараптандыру жолын әкелуде тәжірибелеріңізді қосып, күш біріктіруіміз керек. Үкіметтің резерв қаржысы мен бюджеттен қаражат бөлінеді. Тек уақыт ұттырмай тиімділігіне қарай жұмыс қарқынын ұлғайтуға тиіспіз,-деді Гүлшара Әбдіқалықова.
</blockquote>
Мұнан кейін аймақ басшысы Қуаңдария ауылдық округіндегі 100 орындық клубтың құрылысы барысымен танысты. Мердігер мекеме – «Ахат+ГС» ЖШС құрылыс жұмыстарын өткен жылы бастап, биыл қыркүйек айында аяқтайды деп жоспарлауда. Ғимарат ішінде акт залы, оқырмандар бөлмесі мен әкімшілік бөлмелері қарастырылған. Облыс әкімі мердігерге сапалы құрылыс материалдарына жете мән беріп, нысанды уақытылы аяқтауға күш салу қажет екенін баса айтты.
Әрі қарай облыс әкімі Т.Көмекбаев және Алдашбай ахун елді мекендерінің тұрғындарымен кездесіп, ұсыныс-пікірлерін тыңдады. Ауыл ақсақалдары шағын ауылға балабақша салу, инфрақұрылым тарту және аяқ су тапшылығына қатысты өзекті ұсыныстарын жеткізді. 1397 тұрғыны бар Т.Көмекбаев ауылында 256 қожалық бар. Мұнда да егін мен мал шаруашылығын дамыту өзекті. Аймақ басшысы облыс бюджетінен Қармақшы ауданына 3 насос қондырғысын алуға қаржы қаралғанын, Үкімет резервінен тағы 17 насос қондырғысын алу жоспарда бар екенін жеткізіп, арнаға келетін суды бөлу ісінде ауылдардың нақты жағдайы ескерілетінін еске салды.
Айта кетейік, облыс әкімі Байқоңыр қаласында салынып жатқан 50 пәтерлік 5 көпқабатты тұрғын үй құрылысын көріп, мердігерлермен пікірлесті. Құрылыс алаңында жүріп жатқан жұмыстарды бақылап, нысанды сапалы әрі уақытылы аяқтауды тапсырды.
<img src="https://kyzylorda-news.kz/wp-content/uploads/2022/03/fb_img_1647085173012.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647085167646.jpg" alt="" />
<img src="https://kyzylorda-news.kz/wp-content/uploads/2022/03/fb_img_1647085163731.jpg" alt="" />

Гүлшара Әбдіқалықова Қармақшы ауданына жұмыс сапарымен барды

Kyzylorda-news.kz. Облыстық мәслихаттың жұмыс жоспарына сәйкес алдағы уақытта болатын кезекті сессияда «Облыста халықтың әлеуметтік жағынан осал топтарын қорғаудың жайы және оны жақсарту шаралары туралы» мәселе қаралады.
Мәселені сессияға әзірлеу үшін уақытша комиссия құрылып, оның құрамына барлық депутаттар қамтылып және осы салаға қатысты басқарма органдарының басшылары мен тиісті мамандар қатыстырылды. Осы мақсатта облыстық мәслихат хатшысы Н. Байқадамов, Уақытша комиссия төрағасы Г. Есқалиева және комиссия мүшелері мен жауапты басқарма басшылары Арал ауданына барып, аудан әкімдігінде халықтың әлеуметтік жағынан осал топтарын қорғаудың жайы бойынша атқарылған жұмыстарымен және оңалту орталықтарының жағдайымен танысып, соған қатысты мәселелерді жан-жақты талқылады.
Алдымен аудан әкімінің орынбасары Б. Жұмағұлов жоғарыда аталған мәселелер бойынша баяндама жасады. Атап айтар болсақ, Арал ауданы халқының саны 81738 адам, оның ішінде атаулы әлеуметтік көмек алушылар 3426, экономикалық белсенді халық саны 30440 жұмыспен қамтылғандар саны 28910, ал жұмыссыздар саны 1530 адам. Аудан бойынша мүгедектердің саны 2621 адам. Оның ішінде: I топ мүгедектері – 226, II топ мүгедектері – 850, III топ мүгедектері – 1143, мүмкіндігі шектеулі балалардың саны – 402, тұлдыр жетім балалардың саны – 66.
Ағымдағы жылы халықтың әлеуметтік жағынан осал топтарын қорғау бойынша қоғамдық жұмыстарға жергілікті және республикалық бюджеттен қаржы бөлінген болатын. Дегенмен бөлінген қаржы аз, тек бірінші жарты жылдыққа ғана жетеді. Осы мәселеге байланысты аудан әкімінің қолымен қоғамдық жұмыстарды қаржыландыруға облыс әкімінің атына қосымша 200 адамға 144 000,0 мың теңге бөлу туралы хат жолданды.
Арал ауданы бойынша 2022 жылға жүріп тұруы қиын 1 топ мүгедектерінің жеке көмекшілер қызметіне атқарған жұмысының кепілдендірілген құны сағатына 367,56 теңгеден болып белгіленді.
Жыл соңына дейін жеке көмекшілердің қызметақысын үздіксіз төлеу үшін 232 878,0 мың теңге қаржы жұмсалады деп күтілуде. Осы қызмет ақыларын толық төлеу мақсатында 70 180,0 мың теңге қосымша қаржы қажет, – деді аудан әкімінің орынбасары Б. Жұмағұлов.
Хабарлама аяқталған соң, «Осал топтармен жұмыс жасау» қоғамдық бірлестігінің төрайымы А. Итенқызы мүгедектердің жеке көмекшілеріне қатысты пікірін білдірді. Ол облыс бойынша қаржының&nbsp; жеткіліксіз екендігін алға тартып, кезекті облыстық бюджетті нақтылауға облыстық экономика және бюджеттік жоспарлау басқармасына бюджеттік өтінім жолданғанын айтты.
2021 жылдың 12 қазанында ҚР-ның кейбір заңнамалық актілеріне жекеленген санаттағы әлеуметтік қорғау мәселелері бойынша өзгерістер мен толықтырулар енгізілген болатын. Соған байланысты өткен жылдың 1 қарашасынан бастап 1 топтағы мүгедектерді күту жөніндегі&nbsp; арнаулы мемлекеттік жәрдемақы енгізілді. Енді жеке көмекшілердің жеке бағдарламаларын қайта қарау қажет. Әрбір аудандық емханалармен бірге зерттеу жұмыстарын жүргізіп,&nbsp; нақты күтімді қажет ететін адамдарды анықтап, талдау жасау керек, – деді А. Итенқызы.
Одан соң, сөз алған&nbsp; облыстық мәслихат депутаты М. Жұмашев жұмыспен қамтуды үйлестіру және әлеуметтік бағдарламалар басқармасына&nbsp; мүгедектердің көмекшілеріне берілетін жалақыға қатысты&nbsp; мәселені зерттеп, талдау жасау жұмыстарын жүргізу туралы ұсынысын жеткізді.
Одан бөлек, депутаттар тарапынан грант бөлу мәселесі, ерекше балаларға арналған ойын алаңдарын ашу, халыққа тиімді болатын жобалар туралы, әлеуметтік осал топтар бойынша аудандарда оңалту орталықтарын ашу және т.б мәселелер көтерілді.
Отырыс соңында, облыстық мәслихат хатшысы Н. Байқадамов ерекше жағдайдағы жандардың мәселесі мен оңалту орталықтарының мүмкіндігінің жетіспеушілігі басты мәселе болып отырғандығын және алдағы уақытта аталған мәселелер облыстық мәслихат сессиясында қаралатынындығын жеткізді.

Арал ауданында 3426 отбасы атаулы әлеуметтік көмек алады

Kyzylorda-news.kz. Құрылыс материалдарының бағасы күн санап көтеріліп барады. Мұның себебі қажеттінің бәрі сырттан тасымалданатындығымен, оны жеткізудегі шығынның көптігімен байланыстырылады. Дегенмен, қазіргі таңда өз елімізде шығарылатын цемент, қиыршық тас пен құмның құны да көтерілуде.
Экономиканың қай саласы да бір-бірімен байланысып жатыр. Әрқайсысын жеке дара ажыратып қарау тіпті мүмкін емес. Нарықтық экономика жағдайында бір проблеманың себебін бір саладан іздеу одан әрі қиындай түседі. Әр сәт бағасы аспандап, отандық баспана нарығына да зардабын тигізіп тұратын бір түйткіл – құрылыс материалдарының қымбаттауы.
Бүгін осы мақсатта ҚР Парламенті Сенатының депутаттары М. Бақтиярұлы мен А. Әлназарова және облыстық мәслихат хатшысы Н. Байқадамов қалалық мәслихатта облыстағы құрылысшылармен кездесіп, құрылыс саласындағы өзекті мәселелер мен құрылыс материалдарының қымбаттауы туралы ой-пікір алмасып, жан-жақты талқылады.
Қызылорда облысы бойынша Қазақстан құрылысшылар Одағының төрағасы М. Еспенбетовтың айтуынша бүгінде құрылыс материалдары&nbsp; орта есеппен 100% пайызға қымбаттаған. 
Осыған орай алдағы уақытта тұрғын үй нарығында баға өзгеруі мүмкін. Себебі қандай нысанның болмасын, кем дегенде 50% пайызы құрылыс материалдарынан тұратыны анық. Мәселен, жаңа тұрғын үйдегі 3 бөлмелі пәтердің құны бұрын 9-10 млн болса енді 12-13 миллионға дейін қымбаттайды. Өйткені құрылысқа қажетті тауарлар құны биыл шектен тыс қымбаттап, құрылыс компаниялары шығынға ұшыраған. Былтырғы жылы тоннасы 17 мың теңге тұратын Шиеліден шығатын цемент қазір 31-35 мыңға дейін көтерілді. Бұдан бөлек Қызылордадан шығатын қыштың өзі былтыр 40 теңгеден болса, биыл 70 теңгеге дейін көтерілген. Арматура 220000-454000-ға дейін көтерілді.
Дәл қазір облыста құрылысқа қажетті тауар өндіретін 50-ге жуық кәсіпорын бар. Бірақ құрылысқа қажетті пластик құбыр, шатыр жабындысын шығаратын кәсіпорындар жоқ. Алғашқы 4 айда құрылыстағы жергілікті өнімнің үлесі бар болғаны 69%-ды құраған, қалғаны сырттан тасымалданған.
Одан бөлек, кездесуде құрылысшылар тарапынан тендер мәселесі, кадрлардың жетіспеушілігі, жеке үй салу мәселесіндегі инвестиция салу туралы да мәселелер көтерілді.
Жиын соңында, Парламент депутаттары талқыланған мәселелердің өзекті екендігін айтып, алдағы уақытта құрылыс мәселесіне байланысты Парламенттік тыңдау өткізілетіндігін жеткізді. Сондай-ақ аталған кей мәселелерді шешу жолында депутаттық сауалмен Үкіметке жіберу туралы да ойымен бөлісті.

Парламент депутаттары мен облыстық мәслихат хатшысы құрылысшылармен кездесті

Kyzylorda-news.kz. Пандемия шектеулері мен өңірде орын алған қуаңшылыққа қарамастан былтыр Қызылорда облысында шағын және орта кәсіпкерліктің даму динамикасы жоғарылап, нәтижесінде аймақта тіркелген кәсіпкерлердің саны 4,2%-ға артты, яғни 57 мыңға жуық кәсіпкерді құрады. Саладағы негізгі және проблемалық мәселелерді саралау үшін аймақ басшысы Гүлшара Әбдіқалықова облыстық кәсіпкерлік және туризм басқармасының басшысы Фердоуси Қожабергеновтің есебін тыңдады.
Өткен жылы 11,2 млрд.теңгені құрайтын 171 жоба іске асып, нәтижесінде мыңнан аса жұмыс орны құрылды. Оның ішінде, 400 млн.теңгеге 14 жоба “Қызылорда” өңірлік инвестициялық орталығы арқылы жылдық 2% жеңілдікпен несиелендірілді. Сол арқылы нарық лаваш, шырын және пюре, кондитерлік өнімдер, шоколад, жартылай фабрикат, шұжық өнімдерімен толықты.
Былтыр несие портфелі 36,5 млрд.теңгені құрайтын 3168 жоба қаржыландырылса, биыл 5,8 млрд. теңге шамасында қаржы қаралды. Ал, биыл экономиканың түрлі салаларында құны 7,6 млрд.теңгеге жететін 204 жоба іске қосылмақ. 
Фердоуси Қожабергенов “Еңбек”, “Жұмыспен қамтудың жол картасы”, “Бизнестің Жол картасы – 2025” бағдарламасы аясында кәсіпкерлерге көрсетілген көмек барысын баяндады. Сондай-ақ, инновациялық бастама үшін берілетін мемлекеттік гранттардың тиімділігін сөз етті. Мәселен, бір жылда 3885 кәсіпкерлік бастамаға 2,4 млрд. теңге көлемінде мемлекеттік грант табысталған.
Бүгінгі күні өңдеу өнеркәсібі, әсіресе тамақ өнеркәсібін кеңінен қолдау мақсатында қала және аудандардан құны 2,6 млрд. теңгені құрайтын 248 жоба жинақталған. Жобалар қолдау тауып, іске асса қосымша 686 жұмыс орны ашылады. 
Жиында туризм әлеуетін дамыту, сауда саласын ілгерілету мәселелері де қаралды.
Бизнесті дамыту тетігін іске асыруға бағытталған жұмыстарды саралаған облыс әкімі қазіргідей күрделі кезеңде шағын және орта кәсіпкерлік көздерін әлі де көбейтуді, оларға қолайлы атмосфера жасау және туризм кластеріне жеткілікті мән беру қажеттігін еске салып, бірқатар тапсырмалар берді.
<img src="https://kyzylorda-news.kz/wp-content/uploads/2022/02/fb_img_1645791943949.jpg" alt="" />

Қазақстан және Қызылорда облысының жаңалықтары: Экономика