<a href="https://kyzylorda-news.kz/">Kyzylorda-news.kz.</a> Мемлекеттік қолдаулардың арқасында Сыр бойында ауыл шаруашылығы саласы жүйелі даму үстінде. Биыл да бұл саланың қоржыны молайып келеді. Бұл жөнінде Өңірлік коммуникациялар қызметінің баспасөз алаңында облыстық ауыл шаруашылығы және жер қатынастары басқарма басшысының орынбасары Ғалым Баймбетов мәлімдеді.<blockquote>- Биыл өсімдік шаруашылығын дамыту бойынша тиісті қаржы бөлініп, бекітілген жұмыстар жалғасуда. Сондай-ақ, мал шаруашылығын дамытуға да қомақты қаржы бөлініп, 694 шаруашылыққа қолдау көрсетілді. Қалған қаржы жыл соңына дейін толық игерілетін болады. Сондай-ақ, облыста «Ауыл аманаты» жобасын іске асыру мақсатында республикалық бюджеттен жеңілдетілген несие берілуде, - деді Ғалым Орынбасарұлы.</blockquote>Бүгінде ауыл шаруашылығы тауарларын өндірушілерге қаржы институттары тарапынан түрлі қолдаулар көрсетілуде. Мәселен, қазіргі таңда кредиттік серіктестіктері арқылы қаржыландыру жүйесі белсенді дамып келеді. Кредиттік серіктестіктерінен мал және ауыл шаруашылығын дамыту үшін жеңілдетілген қаржыландыруға өтінім бере алады.<blockquote>- Аграрлық несие корпорациясы АҚ-ы ҚР Үкіметінің қаулысына сәйкес 2001 жылы құрылған болатын. Жалғыз акционер: «Бәйтерек» ұлттық басқарушы холдингі» АҚ-ы болып табылады. Жалпы, қоғамның миссиясы қолжетімді және тиімді қаржыландыру жүйесін құру арқылы ҚР агроөнеркәсіп кешенінің тұрақты дамуына атсалысу керек. Осыған сәйкес, еліміздің 19 облысында корпорация филиалдары қызмет істеп келеді. Кредиттік серіктестіктерінің жұмысын жеңілдетілген несие қаражатымен қаржыландыру арқылы дамыту болып табылады, - деді «Аграрлық несие корпорациясы» АҚ Қызылорда облысы бойынша филиалының директоры Маханбет Тұрмаханов.</blockquote>

Ауыл шаруашылығы саласына мемлекет тарапынан қолдау көп

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында ерте егілген дақылдарды жинау толық аяқталды. Атап айтсақ, 4,3 мың гектар күздік бидайдан 7 мың тонна, 4,4 мың гектар жаздық бидайдан 3,2 мың тонна, 365 гектар арпадан 209 тонна өнім алынды.Майлы дақылдар бойынша, егілген 4,2 мың гектар мақсары, 64 гектар соя толық жиналды. Оған қоса 179 гектар күнбағысты жинау жалғасуда. Дәнді жүгері мен сүрлем жүгерінің өнімі көңіл қуантарлық.Бүгінде картоптың 2,6 мың гектары (62,2%), көкөністің 6 мың гектары (92,4%), бақшаның 8,4 мың гектары қазылды. Ал малазықтық дақылдарды жинау жұмыстары жалғасуда. Әзірге 277,5 мың тонна жоңышқа тасымалданды. Қазіргі үшінші орымның 14,3 мың гектары орылды.Мал азығы ретінде егілген 201 гектар асқабақтан мол өнім алынды.Күріш егісінің суы байланып, негізгі дақылдың 44,1 мың гектары (49,5%-ы) орылды. Оның 34,3 мың гектары (77,9%-ы) бастырылып, 174,2 мың тонна өнім қамбаға құйылды. Орта өнім гектарына 50,8 центнерден келуде.Шаруашылықтар есебіндегі 4239 техника түгелімен науқандық жұмысқа қатысуда. Қолда бар техникалар күрішті белгіленген мерзімде жинап алуға толық жеткілікті.Күзгі егін жинау жұмыстарына 9,1 мың тонна және жем-шөп қорын жасақтауға қосымша 1,5 мың тонна арзандатылған дизель отыны бөлінді. Жанар-жағар маймен қамтамасыз ету кестеге сәйкес жүргізілуде.Егін жинау жұмыстарын 10 қазанға дейін аяқтау жоспарланған.

Аймақта егін жинау жұмыстары белгіленген кестеге сәйкес атқарылуда

<a href="https://aqmeshit-zhastary.kz/finans/zheke-awdarymdargha-salyq-salynbajdy-qarzhy-ministrligi-15016/">ФОТО</a><a href="https://kyzylorda-news.kz/">Kyzylorda-news.kz.</a> 2023 жылдың 20-шы қыркүйек айында ҚР Қаржы министрлігінің Мемлекеттік кірістер комитеті Қазақстан Республикасы Салық Кодексінің 29-бабының 3-тармағын негізге ала отырып «Шет мемлекеттерден, халықаралық және шетелдік ұйымдардан, шетелдіктерден, азаматтығы жоқ адамдардан ақша және (немесе) өзге де мүлікті алушылардың тізілімін» өзінің интернет-ресурсында жариялады.Аталмыш тізімде ағымдағы жылдың бірінші жартыжылдығы бойынша 240 еліміздегі түрлі бағыттағы үкіметтік емес ұйымдар, жеке тұлғалар, комерциялық қомпанияллар және басқа жергілікті ұйымдар көрсетілген. Жалпы 2018 жылдан бастап Салық кодексінде шет мемлекеттерден, шетелдіктерден, халықаралық және шетелдік ұйымдардан ақша немесе өзге де мүлік алған адамдар үшін Мемлекеттік кірістер органдарына есептілік беру туралы талап енгізілді. Осы норманы іске асыру мақсатында Қаржы министрлігі тиісті қағидаларды бекітіп, тізілімде шетелдік көздерден ақша немесе өзге де мүлік алған тұлғалардың атауы мен сәйкестендіру нөмірлерін (БСН/ЖСН) көрсетуде (20.02.2018 ж. №240 бұйрық).Салық кодексінің 30-бабына сәйкес салық төлеушінің сәйкестендіру нөмірі туралы мәліметтер және оның атауы салық құпиясы болып табылмайды.Тізілімге енгізілген тұлғалардың толық тізімін мына <a href=" https://kgd.gov.kz/ru/content/reestr-lic-poluchayushchih-dengi-i-ili-inoe-imushchestvo-ot-inostrannyh-gosudarstv">сілтемеден</a> көруге болады.&nbsp;Атап өтсек, 2022 жылғы 20 ақпанында Салық кодексіне шетелден қаржы алған тұлғалардың тізілімін жариялауды көздейтін тиісті заңнамаларға түзетулер енгізілген болатын. Бұл шара азаматтардың заңды тұлғалар мен үкіметтік емес ұйымдарға сенім деңгейін арттыруға бағытталған.

Шетелден қаржыландырылатын ұйымдармен жеке тұлғалар туралы

<a href="https://kyzylorda-news.kz/">Kyzylorda-news.kz.</a> Қызылорда облысы бойынша Мемлекеттік кірістер департаменті жеке тұлғалардың мүлік салығын ағымдағы жылдың 1-қазанына дейін төлеу қажеттігін еске салады.Салық сомасын kgd.gov.kz Комитет порталының алдағы төлемдер сервисінен, E-salyq Azamat мобильді қосымшасында, сондайақ банктердің kaspi.kz, homebank мобильді қосымшаларынан көруге болады. Мұнда сіз салық сомасын төлей аласыз. Салық төлеу арқылы балаларымызға лайықты болашақ сыйлаймыз және елдің дамуына өз үлесімізді қосамыз

Мамандар мүлік салығын 1-қазанға дейін төлеу қажеттігін еске салады

ФОТО: pexels<a href="https://kyzylorda-news.kz/">Kyzylorda-news.kz.</a> Биыл қаңтар-тамыз айларының қорытындысы бойынша Қазақстан экономикасының өсу қарқыны 4,9% болды. Бұл туралы үкімет отырысында Ұлттық экономика вице-миниcтрі Азамат Әмрин айтты, деп хабарлайды.Оның ішінде нақты сектор – 4,4%-ке, ал қызмет көрсету саласы – 4,8%-ке өсті. Негізгі салалардың барлығында оң динамика байқалып жатыр. Әсіресе құрылыс, сауда, сондай-ақ ақпарат және байланыс ең жоғары өсуді көрсетті. Негізгі капиталға салынған инвестициялардың өсу қарқыны 12,2% болды.Инвестициялар ағыны көлік және қоймалауда – 49%-ке, білім беруде – 31,9%-ке, саудада – 30,1%-ке, ауыл шаруашылығында – 20,7%-ке, сондай-ақ өнеркәсіпте – 8,5%-ке, оның ішінде тау-кен өндіру өнеркәсібінде – 5,7%-ке өсті. Өңірлер арасында ең жоғарғы өсім Маңғыстау, Абай, Түркістан және Павлодар облыстарында байқалды. Алдын ала қорытынды бойынша 2023 жылғы қаңтар-шілдеде сыртқы сауда тауар айналымы 5,7%-ке өсіп, 79,5 млрд долларға жетті.<blockquote>«Экспорт 44,8 млрд. долларды құрап, оның ішінде өңделген тауарлар экспорты 14,2 млрд. долларға жетті. Тауарлар импорты 34,7 млрд. долларды құрады. Жалпы оң сауда балансы 10 млрд. долларға тең. Өңдеу өнеркәсібінде оң өсу сақталып отыр. Өндіріс көлемі 3,1%-ке өсті. Көрсеткіштің өсуі 15 өңірде тіркелді. Соның ішінде ең жоғарғы өсуді Алматы қаласы және Батыс Қазақстан, Қостанай, Абай облыстары көрсетті. Өңдеу өнеркәсібі салалары бойынша машина жасау өндірісінің 28,1%-ке, оның ішінде автомобиль жасаудың – 42,2%-ке және электр жабдықтарын жасаудың – 34,3%-ке өсуі қамтамасыз етілді» – делінген вице-министр баяндамасында.</blockquote>Сонымен қатар өсу мына салаларда байқалып отыр: азық-түлік өндірісі – 4%, химия өнеркәсібі – 3,1%, металл бұйымдары – 6,4%, сусындар өндірісі – 5,4%, пластмасса бұйымдары – 7,5%, жеңіл өнеркәсібі – 19,8%. Тау-кен өнеркәсібіндегі өндіріс көлемі 4,3%-ке жоғарлады. Бұл ретте мұнай өндіру – 6,6%-ке, газ өндіру – 3,2%-ке, өзге де пайдалы қазбаларды өндіру – 13,6%-ке, тау-кен өнеркәсібінде қызмет көрсету – 1,8%-ке өсті. Металл кендерін өндіру – 1,2%-ке, көмір өндіру – 5,5%-ке төмендеді. Орындалған құрылыс жұмыстарының көлемі 11,4%-ке ұлғайды.<blockquote>«18 өңірде оң өсу тіркелді, әсіресе құрылыс-монтаждау жұмыстарының ең көп өсуі Жетісу, Батыс Қазақстан, Қызылорда және Абай облыстарында байқалды. Ағымдағы жылғы қаңтар-тамызда 10 млн. шаршы метр тұрғын үй пайдалануға берілді, бұл өткен жылдың сәйкес кезеңімен салыстырғанда 13%-ке жоғары. Тұрғын үйді пайдалануға берудің ең жоғары көрсеткіштері Ұлытау және Абай облыстарында, сондай-ақ Астана және Алматы қалаларында байқалды. Ауыл шаруашылығының жалпы шығарылымы 0,3%-ке ұлғайды. Саладағы өндірістің өсуі 15 өңірде тіркелді. Ең жоғарғы өсуді Маңғыстау, Шығыс Қазақстан, Қостанай және Абай облыстары көрсетті. 7 экономикалық көрсеткіш бойынша өңірлер арасындағы жалпы жағдай мынадай: Барлық көрсеткіштер бойынша оң өсу 6 өңірде – Батыс Қазақстан, Қостанай, Қызылорда, Солтүстік Қазақстан облыстарында, сондай-ақ Алматы және Шымкент қалаларында байқалды», делінген Ұлттық экономика вице-министрі берген мәлімдемесінде.</blockquote>6 көрсеткіш бойынша өсу 8 өңірде тіркелді. Бұл Абай, Ақмола, Алматы, Жетісу, Маңғыстау, Павлодар, Түркістан, Шығыс Қазақстан облыстары. Ақтөбе, Жамбыл және Қарағанды облыстарында 5 көрсеткіш бойынша, Ұлытау облысы мен Астана қаласында 4 көрсеткіш бойынша, ал Атырау облысында тек 3 көрсеткіш бойынша оң өсім байқалды.Экономикалық өсуді қамтамасыз ету мақсатында орталық және жергілікті атқарушы органдарға келесі шараларға назар аудару ұсынылады.Уақытылы егін жинауды қамтамасыз ету және ауыл шаруашылығы өнімдерін қайта өңдеу көлемін ұлғайту;Баламалы бағыттарды белсенді іздеу мен дамыту, сондай-ақ қолданыстағы экспорт арналары есебінен тауарлардың экспортын қамтамасыз ету;Экономика салаларында инвестициялық жобаларды іске асыру;Инфляция деңгейін бақылау және төмендету жөніндегі шаралар кешенінің тиімді іске асырылуын бақылау;Мемлекеттік қолдау шаралары шеңберінде құрылып жатқан жұмыс орындары бойынша бақылау, тұрақты жұмыспен қамту үлесін ұлғайту.<a href="https://kaz.zakon.kz/ekonomika-biznes/6031483-azastan-ekonomikasy-49-st.html">Zakon.kz</a>

Қазақстан экономикасы 4,9% өсті

<a href="https://kyzylorda-news.kz/">Kyzylorda-news.kz.</a> Былтыр аймақтар табысының өсімі 30 пайыздан асты. Бұл туралы Президент Жолдау барысында хабарлады.&nbsp;<blockquote>«Аймақтарға қатысты саясатта маңызды реформалар жүргізілді. Соның нәтижесінде әкімдерді тікелей сайлау тәсілі енгізіліп, әкімшілік реформа қолға алынды. Бұл ретте бюджетаралық қатынастарды түбегейлі өзгерту де өте өзекті мәселе. Жаңа экономикалық үлгіге көшкенде аймақтардың бюджет мәселесіндегі дербестігін арттыру керек. Корпоративтік табыс салығынан және басқа төлем түрлерінен түсетін кірістің бір бөлігін өңірлерге беру оң нәтиже көрсетті. Былтыр аймақтар табысының өсімі 30 пайыздан асты. Сондықтан реформаның келесі кезеңінде осы норманы өзге де салықтарға, оның ішінде қосымша құн салығына да қатысты қолдану қажет. Мұндағы міндет – бюджеттің екінші деңгейіне кем дегенде екі триллион теңге қосымша қаражат беру. Кезең-кезеңімен жүргізілген фискалды орталықсыздандыру жұмысының нәтижесінде жергілікті бюджет кірісінің құрылымындағы республикалық бюджеттен бөлінетін трансферттің үлесі орта есептен 25 пайызға дейін төмендеуге тиіс (қазір 50 пайызға жуық)», - деді Тоқаев.</blockquote>Мемлекет басшысы аудан әкімдеріне жергілікті бюджетті басқару құқығын берген жөн деп санады.<blockquote>«Сонымен қатар аудан әкімдеріне жергілікті бюджетті басқару құқығын берген жөн деп санаймын. Бұл, ең алдымен, сол жердегі мәселелерді жедел шешу үшін қажет. Бұдан бөлек, жергілікті бюджетке жиналатын салыққа қатысты жеңілдіктерді анықтау құқығын аймақтардың өзіне беру мәселесін қарастыру керек. Бұл шара бизнестің дамуына үлкен серпіліс әкелмек. Ұсынылып отырған бастама өте маңызды. Келешекте аймақтардың табысты дамуына айрықша ықпал етеді. Сол себепті барлық әкім бюджетаралық қатынастардың жаңа үлгісіне көшу кезінде оның біртұтас мемлекетімізге тигізетін пайдасы және тиімділігі туралы ойлауы керек», - деді Президент.</blockquote>

Былтыр аймақтар табысының өсімі 30 пайыздан асты

<a href="https://kyzylorda-news.kz/">Kyzylorda-news.kz.</a> Бүгінде аймағымызда демеушілікпен 31 млрд. 700 млн. теңгенің жобалары жүзеге асуда. Бұл туралы облыс әкімі Нұрлыбек Нәлібаев Қызылорда облыстық мәслихатының кезекті V сессиясында айтты.<blockquote>«Жергілікті кәсіпкерлер, осы топырақтан түлеп ұшқан меценаттар белсенді араласып, қайырымдылық шараларына, Сыр елін көркейтуге өз үлестерін қосуда.Маусым айынан бері демеушілердің қолдауымен 1 млрд. 100 млн. теңгеге облыс орталығындағы 50 үйдің қасбеттері заманауи панелдермен қапталуда. Оған қоса демеушілер 1 млрд. теңгеге 20 көпқабатты тұрғын үйдің аулаларын абаттандыруда. Заманауи спорт алаңдары, тротуарлар, жарық бағаналары жаңартылуда. Қызылорда қаласының орталық алаңында «Әйтеке би көшесін Желтоқсан көшесінен А. Байтұрсынов көшесіне дейін, Ы. Жақаев көшесін Әйтеке би көшесінен Қорқыт ата көшесіне дейін абаттандыру» жобасы басталып, мердігер мекеме құрылыс жұмыстарына кірісті. Бұл жоба бюджеттен тыс көзден, яғни, кәсіпкер Асқар Әубәкіровтің демеушілігімен жүзеге асуда. Жоба құны 1 млрд. теңгені құрайды. Орталық алаңның заманауи келбетін қалыптастыруға ниетті азамат жобаны өз қаражатына жүзеге асыруда. Аймақ халқы атынан игі бастамаларға қолдау білдірген жерлестерімізге шексіз алғыс айтамыз» - деді аймақ басшысы.</blockquote>Айта кетейік, орталық алаңда субұрқақтар аумағына брусчаткалар, жолжиек тастар орнатылады. Жарықдиодты шамдар қойылып, газондар, көпжылдық жасыл көшеттер отырғызылады. Сонымен қатар, шағын архитектуралық пішіндер орналастырылады. Ы.Жахаев көшесінің Қорқыт ата көшесінен орталық алаңға дейінгі аралығы да толықтай абаттандырылады.Еске салсақ, облыс орталығында Болат Өтемұратовтың демеушілігімен 15 млрд. теңгеге «Қорқыт ата» әуежайының жаңа терминалы салынуда. Терминал 2024 жылдың мамыр айында ел игілігіне табысталады. Қызылорда қаласында белгілі кәсіпкер, меценат Марат Дүйсенбаевтың демеушілігімен 1,5 млрд. теңгеге «Анаға тағзым» орталығының құрылысы жүруде. Нысан тамыз айында пайдалануға беріледі.Жаңақорған ауданында құны 790 млн. теңге болатын заманауи демалыс паркі, Сырдария ауданы Нағи Ілиясов ауылында құны 450 млн. теңге болатын «Еңбекшілер паркі» бой көтерді. Сәуір айында Қызылорданың Түркістан облысымен шекарасында демеушілік есебінен құны 230 млн. теңге болатын облыстың кіреберіс қақпасы ашылды.«Қазгермұнай» ұлттық компаниясымен келісім нәтижесінде Қызылорда қаласында 2,3 млрд. теңгеге заманауи үлгідегі «Оқушылар сарайының» құрылысы биыл басталады.<figure class="image"><img src="https://knadmin.beoblood.kz/uploads/366932121_592059766448605_1909077046255899799_n_6001d7eaa0.jpg" alt="366932121_592059766448605_1909077046255899799_n.jpg"></figure>&nbsp;<figure class="image"><img src="https://knadmin.beoblood.kz/uploads/366936803_592059636448618_1515417617777920703_n_7651fb0f8a.jpg" alt="366936803_592059636448618_1515417617777920703_n.jpg"></figure>&nbsp;<figure class="image"><img src="https://knadmin.beoblood.kz/uploads/366949929_592059533115295_1150116474164949985_n_4d029060b0.jpg" alt="366949929_592059533115295_1150116474164949985_n.jpg"></figure>

Н.Нәлібаев: Облыс дамуында демеушілердің еңбегі орасан зор

<a href="https://kyzylorda-news.kz/">Kyzylorda-news.kz.</a> Қызылорда облысында 1 924 пәтерлік 36 көпқабатты тұрғын үйдің құрылысы жүргізілуде. Биыл 1430 пәтер халық игілігіне табысталады. Бұл туралы облыс әкімі Нұрлыбек Нәлібаев Қызылорда облыстық мәслихатының кезекті V сессиясында айтты.<blockquote>«Қазір облыс көлемінде 31,4 млрд. теңгеге 130 мың шаршы метр болатын 1 924 пәтерлік 36 көпқабатты тұрғын үйдің құрылысы жүргізілуде. Биыл 30 үй (93 мың шаршы метр, 1430 пәтер) халық игілігіне табысталады. Бұдан бөлек, әлеуметтік осал топтарға 1000 пәтер сатып алуға (600 пәтер Қызылорда қаласында, 400 пәтер аудандарда) республикалық бюджеттен 9,6 млрд теңге бөлінді», - деді аймақ басшысы.</blockquote>Елдің әл-ауқатын арттырудың тағы да бір өлшемшарты – инженерлік-коммуникациялық инфрақұрылымды дамыту. Облыс халқының 98,1 пайызы орталықтандырылған ауыз сумен қамтылған. Бұл көрсеткішті 100 пайызға жеткізуге жұмыстар жасалуда (230 елді мекеннің 198-і су жүйесіне қосылған). Өткен жылы 6 ауыл "көгілдір отынға" қосылып, халықты газдандыру деңгейі 70 пайызға жетті. Биыл тағы да 12 елді мекенге табиғи газ тартылып, газдандыру деңгейі 75 пайыз болады.Жергілікті маңызы бар 366 шақырым автомобиль жолдарының жақсы жағдайдағы үлесі өткен жылы 82 пайызды құраған. Биыл бұл көрсеткіш 87 пайызға жеткізілмек. Бүгінде Қызылорда қаласында 141 шақырым көшені жөндеу жұмыстары қарқынды жүруде. Шет аймақ, кенттер, ауылдар да назардан тыс қалған жоқ.Нұрлыбек Машбекұлы көлік ағымы көп Сұлтан Бейбарыс, Назарбаев және Астана даңғылы сияқты орталық көшелерде жол жөндеу жұмыстары алдағы 10-15 күнде аяқталатынын айтып, уақытша қолайсыздыққа түсіністікпен қарауды сұрады.<figure class="image"><img src="https://knadmin.beoblood.kz/uploads/365116327_592025016452080_3191460065759361592_n_6c6f79120b.jpg" alt="365116327_592025016452080_3191460065759361592_n.jpg"></figure>&nbsp;<figure class="image"><img src="https://knadmin.beoblood.kz/uploads/364810861_592024946452087_7127052443511437373_n_e1c3b5d241.jpg" alt="364810861_592024946452087_7127052443511437373_n.jpg"></figure>

Сыр өңірінде 3 мыңға жуық отбасы баспаналы болмақ

<a href="https://kyzylorda-news.kz/">Kyzylorda-news.kz.</a> Қызылорда облыстық мәслихатының кезекті V сессиясында нақтыланған бюджет 601,3 млрд. теңге көлемінде бекітілді. Сессияға ҚР Парламенті Сенатының депутаттары Руслан Рүстемов пен Ақмарал Әлназарова, Мәжіліс депутаты Мұрат Ергешбаев қатысты.Сессияда сөз сөйлеген облыс әкімі Нұрлыбек Нәлібаев биыл бюджет көлемі 53,9 пайызға артқанын айтып, оның ұлғаюына атсалысқан депутаттар мен сала басшыларына алғыс білдірді.<blockquote>«Өздеріңізге белгілі, облыс бюджетінде айтарлықтай өсім бар. Қазір облыс бюджеті 596,2 млрд. теңгеге жетті. Бұл былтырғы бюджет көлемімен салыстырғанда 208,9 млрд.теңгеге, яғни 53,9 пайызға артық. Бүгінгі сессияда бекітілген жағдайда облыс бюджеті 601,3 млрд. теңгеге жетеді. Бұл өткен жылдың бекітілген бюджетінен 55,3 пайызға көп. Бюджеттің ұлғаюына қызылордалық Парламент депутаттарының және сала басшыларының үлесі зор», - деді аймақ басшысы.</blockquote>Бюджет қаржысының тиімділігін арттыру үшін облыстық мәслихаттың экономика, әлеуметтік және құқықтық мәселелер жөніндегі тұрақты комиссиясы төрағасының басшылығымен құрамына мүдделі облыстық басқармалар өкілдері енген жұмыс тобы құрылды. Жұмыс тобы мамыр айында 2023 жылға білім саласына бөлінген бюджет қаржысына зерделеу жұмыстарын жүргізді. Қорытындысында ауқымды қаржы үнемдеуге мүмкіндік туды.Атап айтқанда, облыстың білім беру ұйымдарына бөлінген қаржының бюджеттік заңнама нормаларына сәйкестігі зерделеніп, нәтижесінде жоспардан тыс қаралған қаржы, яғни, 12,9 млрд. теңге облыстық бюджетке қайтарылды. Бұдан бөлек, балалар мен жасөспірімдерге арналған шығармашылық үйірмелер мен спорт секцияларын жан басына қаржыландыру бағдарламасын іске асыру үшін 2023 жылға 7,1 млрд. теңге бюджетте бекітілді. 2022-2023 жылдары тексеру органдары бағдарлама барысына бақылау жасады. Заңдылықтарға өзгерістер енгізілуіне сәйкес бала саны 35 пайызға дейін қысқарып, 3,8 млрд. теңге бюджетке кері қайтарылды.Үнемделген қаржы аймақтың бірінші кезектегі мәселелерін шешуге жұмсалмақ.Сессияда Парламент депутаттары Ақмарал Әлназарова мен Мұрат Ергешбаев сөз сөйледі.Күн тәртібінде сала басшылары атқарылған жұмыстарын баяндап, бірқатар бағдарламалық құжатқа өзгерістер енгізілді.<figure class="image"><img src="https://knadmin.beoblood.kz/uploads/365165840_592062056448376_880529070856574630_n_19045ba54b.jpg" alt="365165840_592062056448376_880529070856574630_n.jpg"></figure>&nbsp;<figure class="image"><img src="https://knadmin.beoblood.kz/uploads/366822135_591992109788704_5222415604604277776_n_46ab594a19.jpg" alt="366822135_591992109788704_5222415604604277776_n.jpg"></figure>

Қызылорда облысының бюджеті 600 млрд. теңгеден асты

<a href="https://kyzylorda-news.kz/">Kyzylorda-news.kz.</a> Қызылорда облысында индустрияландыру аясында құны 607,7 млрд. теңгені құрайтын 34 жоба жүзеге асырылуда. Нәтижесінде 6,3 мың жаңа жұмыс орны ашылмақ. Бұл туралы облыс әкімі Нұрлыбек Нәлібаев Қызылорда облыстық мәслихатының кезекті V сессиясында хабарлады.<blockquote>«Биыл жылына 1500 тонна құс етін өндіретін құс фабрикасы, бие сүтін өңдейтін цех, әк және құрғақ құрылыс қоспаларын өндіру зауыты іске қосылады. Бұл ел тұрмысын жақсартуға айрықша септігін тигізеді.Былтырғы қазан айынан бері өңдеуші өнеркәсіпке серпін беретін шыны зауытында жұмыс жүргізілуде. Өткен жылы зауыт елімізді 32 мың тоннадан астам өніммен қамтамасыз етті. Биылғы 6 айда 6,2 млн. шаршы метр шыны өндірілді. Зауыт өнімі еліміздің аймақтарына, Өзбекстан, Қырғызстан, Тәжікстан және Ресейге экспортталуда», - деді аймақ басшысы.</blockquote>Айта кетейік, шыны зауыты айналасына шағын және орта кәсіпкерлік белдеуін құру үшін «Хорн» неміс компаниясының технологияларын тартып, жылына 120 млн. дана шыны бұйымдарын шығаратын зауыт жобасы жүзеге аспақ. Импортты алмастыру бағытындағы жоба халықаралық стандарттарға сай түрлі шыны ыдыстарды өндіруге, шыны бұйымдарын ТМД елдеріне кеңінен экспорттауға жол ашады.Ірі жобалардың бірі — «Шалқия» кен орнында тау-кен байыту комбинатының құрылысы биыл басталады. Құны 235 млрд. теңге болатын жоба бойынша Еуропалық Даму және Қайта Құру Банкі платформасында тендер өткізілуде.<figure class="image"><img src="https://knadmin.beoblood.kz/uploads/365250101_591992089788706_6441025997657856024_n_a30f8fc08d.jpg" alt="365250101_591992089788706_6441025997657856024_n.jpg"></figure>

Қызылорда облысында 34 индустриялық жоба жүзеге асырылуда

<a href="https://kyzylorda-news.kz/">Kyzylorda-news.kz.</a> Сыр өңірінің қарқынды дамуы жолында әлемдегі озық тәжірибелер терең зерттеліп, жан-жақпен әріптестік байланыс кеңейтілуде. Бұл туралы облыс әкімі Нұрлыбек Нәлібаев Қызылорда облыстық мәслихатының кезекті V сессиясында хабарлады.<blockquote>«Өнеркәсіп өндірісінің 70%-ға жуық үлесін алатын тау-кен секторында 2013 жылдан бері мұнай өндіру 6,5 млн. тоннаға азайғаны белгілі. Суланған және сарқылған ұңғымаларда мұнай өндіру көлемін арттыру бойынша жаңа технологиялар жасайтын қытайлық «Джепетто» компаниясымен бірлескен жұмыстар басталды. Аталған компанияның өкілдігі Қызылорда қаласында ашылды. Мамандардың мәліметіне қарағанда, жаңа технологиялардың көмегімен мұнай өндіру көлемін 20 пайызға дейін арттыруға болады», - деді аймақ басшысы.</blockquote>Өткен айда Қытай Халық Республикасына жұмыс сапары кезінде облыс әкімі мамандарды тегін оқыту бойынша Меморандумға қол қойды. Мұнан бөлек, мамыр айында облыс делегациясы Корея Республикасының Сеул, Тэджон қалаларына және Чоллабук-до провинциясына барды. Осы сапарда Кореяның жетекші жоғарғы оқу орындарының Президенттері және өңір басшыларымен екіжақты ынтымақтастықты дамыту туралы Меморандумдар жасалды.Өткен жылы жұмысын бастаған Қызылорда шыны зауыты айналасына шағын және орта кәсіпкерлік белдеуін құру мақсаты айқындалған. Осы ретте «Хорн» неміс компаниясының технологияларын тарта отырып, қуаттылығы жылына 120 млн. дана шыны бұйымдарын шығаратын зауыт жобасы жүзеге асырылмақ. Импортты алмастыру бағытындағы жоба шеңберінде халықаралық стандарттарға сай түрлі шыны ыдыстар өндіру, шыны бұйымдарын ТМД елдеріне кеңінен экспорттау көзделуде. Қазір зауыт өнімдері отандық нарықта сатылып, Өзбекстан, Қырғызстан, Тәжікстан және Ресейге экспортталуда.<figure class="image"><img src="https://knadmin.beoblood.kz/uploads/364800869_591978446456737_7241246410198144760_n_af30a761c0.jpg" alt="364800869_591978446456737_7241246410198144760_n.jpg"></figure>&nbsp;<figure class="image"><img src="https://knadmin.beoblood.kz/uploads/364808661_591978396456742_2155425936265428699_n_b693fcbc7f.jpg" alt="364808661_591978396456742_2155425936265428699_n.jpg"></figure>

Жан-жақты әріптестікке кең жол ашылды

<a href="https://kyzylorda-news.kz/">Kyzylorda-news.kz.</a> &nbsp; Мемлекет басшысы Қасым -Жомарт Тоқаев билік халықпен етене жақын болуы керектігін үнемі назарда ұстап келеді. Соған сәйкес аудан, ауыл әкімдері тоқсан сайын ауыл аймақтарды аралап, халықпен кездесуді дәстүрге айналдырды. &nbsp;Өткен аптада облыс әкімі Нұрлыбек Нәлібаев, ҚР Парламенті Сенатының депутаттары Ақмарал Әлназарова мен Руслан Рүстемов, Мәжіліс депутаттары Мұрат Ергешбаев Арал ауданына жұмыс сапарымен келіп, бірқатар әлеуметтік нысандардың құрылысымен танысты.Алдымен аймақ басшысы М-32 «Самара-Шымкент» республикалық маңызы бар автомобиль жолының 1248-1555 шақырымындағы орташа жөндеу жұмыс-тарын көрді. Ұзындығы 11 километрден астам автожолды «Қыран» ЖШС қалпына келтіруде. Оған республикалық бюджеттен 1 005,760 млн теңге бөлінген. Жөндеу жұмыстары биыл қазан айында аяқталады. Нәтижесінде жол жамылғысының ақаулары қайта қалпына келтіріліп, көлік қозғалысының қауіпсіздігі қамтамасыз етіледі деп күтілуде. Халықаралық маңызға ие транзиттік көлік дәлізінің аталған шақырымдар аралығындағы жол деңгейі сын көтермей келген еді. Жамау-жамау күйге енген 11 шақырымдық жолдың ендігі күйі талапқа сай болады деп күтілуде. Жол мәселесіндегі олқылықты уақытылы орнына келтіруді қолға алған облыс билігі бұл жолы да ел көкейіндегі елеулі істі қолға алуда.Әрі қарай Нұрлыбек Машбекұлы «Қуатты өңірлер – ел дамуының драйвері» ұлттық жобасы аясында сатып алынатын пәтерлерді көрді. Биыл бағдарлама аясында Арал қаласынан 84 пәтерлік 42 үйдің құрылысы жүргізілуде. Баспана қараша айында пайдалануға берілмек. Аудан тарихында болмаған ауқымды бастама баспанаға мұқтаж көптеген жанның қуанышына сеп болмақ. Қаз қатар тізілген еңселі үйлердің ендігі иелері халықтың әлеуметтік осал топтар санатына жатқылызған және Ұлы Отан соғысы ардагерлеріне теңестірілген жандар болмақ. Бұл қатар алдағы уақытта толықтырылуы да мүмкін. Еске салсақ, биыл аталған ұлттық жоба аясында облыста 1346 пәтерлік 26 тұрғын үй құрылысы жүргізілуде. Оның ішінде сатып алу құқығынсыз жалға берілетін 322 пәтерлік 9 тұрғын үй және 1024 пәтерлік 17 несиелік тұрғын үй бар. Ал 842 пәтерлік 20 тұрғын үйді жыл соңына дейін пайдалануға беру жоспарланған. Мұнан бөлек, Қызылорда қаласында жалғыз тұрғын жайы Қазақстан Республикасының заңнамасында айқындалған тәртіппен апаттық жағдайда деп танылған азаматтарға пәтер сатып алуға облыстық бюджеттен 6 млрд. теңге қаралып 34 пәтер, халықтың әлеуметтік осал топтарына 1000 пәтер сатып алуға республикалық бюджеттен 9,6 млрд. теңге бөлінді.&nbsp;Облыс әкімі аудан орталығындағы А.Сатаев және Төле би көшелерін жөндеу жұмыстарымен де танысты. Мердігер мекеме «Арал құрылысы» ЖШС көшелердің астыңғы қабатын көтеріп, жарықтандыру жұмыстарын жүргізуде. Айта кетейік, «Моно және шағын қалаларды дамыту» бағдарламасы аясында 772,3 млн. теңгеге Арал қаласындағы 7 көшенің жолдары жөнделуде. Олардың жалпы ұзындығы 5,5 шақырымды құрайды. Бүгінде мердігер мекеменің жауапкершілігіндегі үш көшенің жол салу жұмыстары аяқталуға жақын. Сондай-ақ аталған көшелерге жарық бағаналарын орнатып, ақ самаладай етіп жарықтандыру жұмыстары да жүргізіледі. Стандартқа сай асфальт жабындысы С.Мұқанов сынды көшелерге екінші қайта жүргізіледі. Бастысы бұл жұмыста сын мен сапаға мән бәрілмек. Бұл тұрғыда аталған мердігер мекеме сенім үдесінен шығып келеді.&nbsp;Аймақ басшысы бұдан әрі Арал қаласындағы теміржол арқылы өтетін автожол көпірінің құрылыс алаңына барып, жұмыс барысын көрді. Аспалы көпірдің құрылысын «РИТМ» ЖШС жүргізуде, ұзындығы - 940 метр. Құрылыс жұмыстары наурыз айында басталды, нысан 2025 жылы пайдалануға беріледі. Қазір қажетті заттар және техникалар тасымалданып, нысан басы тегістелді, құрылыс-монтаж жұмыстары жүргізілуде. Елдік мәселеден туындаған түйіткілді түйін ақыры тарқатылды. Енді аспалы көпірдің ел кәдесіне асар сәтін асыға күтетін ағайын көп. Жалпы бүгінде аудан орталығындағы көліктер бір ғана теміржол өткелі арқылы қатынайды. Өткел жабылғанда 2-2,5 шақырымға дейін автокөлік кептелісі пайда болып, жедел жәрдем, өрт сөндіру, құқық қорғау органдары сияқты кезек күттірмейтін қызметтермен қоса, тұрғындарға да кедергі келтіреді. Көпір пайдалануға берілген соң осы мәселе түпкілікті шешімін табады деп күтілуде. Алдағы уақытта аудан жұртышылығы аспалы көпірдің игілігін көріп, тізбектелген кептелістерден арылатын болады.&nbsp;Ел арасында ауыз су мәселесі де ауқымды жұмысқа айналған. Қазіргі таңда аудан орталығынан шалға орналасқан ауылдарды сапалы сумен қамтуда кешенді жұмыстар қолға алынуда. Бұл кезектілікте қыр өңіріндегі Тоқабай, Абай ауылдарына ауыз су тарту жұмыстары бар еді. Ауданға жасаған кезекті сапарында аймақ басшысы «Тоқабай – Абай» ауыз су желісі құрылысын бастау жұмыстарымен танысты. Бас мердігер «Сапа-құрылыс» ЖШС ұзындығы 169,1 шақырым сумен жабдықтау желісінің құрылысын 2025 жылдың сәуір айында аяқтамақ. Нұрлыбек Машбекұлы жұмысты сапалы жүргізіп, мерзімінде аяқтауды тапсырды. Жоспарлы жұмыс нақ уақытында аяқталатын болса шақталық әдіс арқылы ауыз суды тасып ішкен ағайын шүмектен су пайдаланатын күнге жетер. Елге жағар бұл бастамадан ерімбетжағалықтар да құр қалмайды деген үміт басым. Алдағы уақытта Тоқабай тұсынан 20 шақырым қашықтықта жатқан Ерімбетжаға елді мекеніне де ауыз су желісін тарту үшін арнайы шүмек қалдырылады деп күтілуде.&nbsp;Әрі қарай облыс әкімі Жақсықылыш кентіндегі дене шынықтыру-сауықтыру кешенінің құрылыс алаңына барды. Кешен құрылысын «Өмірзақ» ЖШС жүргізуде, жобаның келісім-шарт құны 192,7 млн.теңге. Белгіленген мерзімінен кешіктіріліп жатқан нысан болғандықтан облыс әкімі мердігер мекеме басшысына жұмысшы санын көбейтіп, жұмысы тұралаған құрылысты 15 қыркүйекке дейін аяқтауды жүктеді. Одан әрі аймақ басшысы Тоқабай елді мекеніндегі №248 орта мектептің құрылысымен де танысты. Мектеп апаттық жағдайда деп танылып, былтыр демеушілік есебінен жаңа ғимарат салына бастады. Облыс әкімі білім ұясын оқу жылының екінші тоқсанында толық аяқтап, ел игілігіне тапсыруды міндеттеді. Айта кетейік, «Жайлы мектеп» ұлттық жобасы аясында алдағы 3 жылда Сыр өңірінде 100 млрд. теңгеден асатын қаржыға 21 мектептің құрылысы жүргізіледі. Оның 4-еуі Арал ауданында бой көтермек. Биыл 10 мектептің құрылысы басталса, оның екеуінің іргетасы Арал қаласы мен Сексеуіл кентінде қаланады. Ал «Ауылдық денсаулық сақтауды жаңғырту» ұлттық жобасы аясында 2023-2024 жылдары облыста 27 денсаулық сақтау нысаны салынады. Қазір Қызылжар, Бөген ауылдарындағы дәрігерлік амбулаториялардың құрылысы жүргізілуде.&nbsp;Арал ауданына жұмыс сапарымен барып, Қамыстыбас ауылындағы дене шынықтыру-сауықтыру кешенінің ашылу рәсіміне қатысты. Аймақ басшысы ауыл тұрғындарын құттықтап, Сыр өңірінде заманауи үлгідегі спорттық нысандар көптеп салынатынын айтты.<blockquote>– Мемлекет басшысы Қасым-Жомарт Кемелұлы: «Аса маңызды мәселелердің бірі – ауылды кешенді түрде дамыту. Ауылдарға нақты қолдау көрсетіп, заманауи инфрақұрылымды дамытуымыз керек», - деген болатын. Президентіміз бен Үкіметтің Сыр өңірін ерекше қолдауының арқасында аймағымызда ауқымды жобалар жүзеге асуда. «Жайлы мектеп» ұлттық жобасы аясында алдағы 3 жылда 100 млрд. теңгеден асатын қаржыға 21 мектептің құрылысы жүргізіледі. Оның 4-еуі Арал ауданында бой көтермек. Биыл 10 мектептің құрылысы басталса, оның екеуінің іргетасы Арал қаласы мен Сексеуіл кентінде қаланады. Өткен жылы Аманөткел ауылындағы кешен қолданысқа берілсе, жақын күндері Жақсықылыш кентіндегі дәл сондай денешынықтыру-сауықтыру кешенінің игілігін халық көре бастайды, – деді Нұрлыбек Машбекұлы.</blockquote>Іс-шарада тыл ардагері Сейілхан Садақбаев та жерлестерін құттықтап, бата берді. Осылайша аймақ басшысының Аралға жасаған сапары ауқымды жұмыстарды қамтып, халық үшін өзекті деген мәселелердің тағы бір мәрте нақтылануымен түйінделді.

Қазақстан және Қызылорда облысының жаңалықтары: Экономика