<a href="https://kyzylorda-news.kz/">Kyzylorda-news.kz</a>. Арал ауданындағы Ақбасты елді мекенінде 2 балық цехы ашылды. Бірі балықты сақтайды, енді бірі су маржанын өңдейді. Ауыл тұрғындары осыған дейін теңізден аулаған балықты арзан бағада делдалдарға өткізіп келсе, енді өздері өңдеп, нарыққа дайын тауарды шығарады.
<blockquote>
 “100 тонна балықты сақтайтын цехты кәсіпкер Жандос Құлманов оны өз қаражатына салды. Мұнда келген балық алдымен жуылып, тазартылады. Сондай кейін қатырылып, қорапқа салынады. Яғни, балық ұзақ мерзімге жарамды. Кәсіпкердің теңізде балық аулайтын арнайы бір учаскесі бар. Онда 50 балықшы су маржанын аулайды. Ал цехта 20 адам жұмыс істейді”, – дейді аудан әкімі Мұхтар Оразбаев.
</blockquote>
Ал Көкарал балық өңдеу цехында су маржаны терең өңделеді. Ерекшелегі, көпшілік бағаламайтын майда шабақтарды кәдеге жаратады. Яғни, ет тартқыштан өткізіп, фарш дайындайды. Ал ірі балықты қақтап, нарыққа шығарады. Сондай-ақ, цехта бұқтырылған балықтан арнайы консервіленген өнім әзірленуде. Шабақ балықтарға түрлі дәмдеуіштер қосылып, ыстық суға қайнатылады, банкіге басылады. Жасалу технологиясы қарапайым, бірақ дәмі ерекше, сақталу мерзімі ұзақ.

Аралда екі балық цехы ашылды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықованың төрағалығымен инвестор тарту және инвестициялық ахуалды жақсарту бойынша өңірлік Кеңес отырысы өтті.
<blockquote>
 «Үкімет пен әкімдер үшін инвестицияларды тарту, және қазақстандық тауарларды, қызметтерді экспортқа шығару негізгі басымдықтардың бірі болып табылады. Міндеттерді орындау үшін облыс көлемінде іске асырылатын инвестициялық жобалар маңызды рөл атқаруда. Сондықтан, жобаларды іске асыруда туындаған мәселелерді қарау, өңірдің инвестициялық ахуалын жақсарту үшін тиімді шешімдер қабылдау мақсатында тоқсан сайын Кеңес өткізіп тұрамыз. Бүгінгі кеңес отырысында 4 инвестициялық жобаны қарайтын боламыз», – деді облыс әкімі Гүлшара Әбдіқалықова.
</blockquote>
Кеңесте бірінші «Арал Сода» серіктестігінің «Кальциленген сода зауыты құрылысы» жобасы қаралды.
Облыстың әлеуметтік-экономикалық дамуына және инвестиция көрсеткішін жоғарылатуға ықпал жасайтын ірі жобамыздың бірі – кальциленген сода зауыты. Жоба іске қосылғанда импорталмастыруға өз ықпалын тигізеді.
«Кальциленген сода зауыты құрылысы» жобасы бойынша атқарылған жұмыстар туралы «Арал Сода» жауапкершілігі шектеулі серіктестігінің директоры Санжар Оспанкұлов баяндады. 
Зауаттың қуаттылығы жылына 300 мың тонна құрап, 1000-ға жуық адам жұмыспен қамтылады деп жоспарлануда. Инвестиция көлемі 93.5 млрд.теңге. Кальциленген сода зауытының құрылысына 100 гектар, қоймасына 501 гектар жер учаскесі бөлінген. Жоба республикалық индустрияландыру картасына 2016 жылы енгізілген және 2023 жылы пайдалануға беріледі деп жоспарлануда.
Облыс әкімі Гүлшара Әбдіқалықова облыстық индустриялық-инновациялық даму басқармасының басшысы Ринат Сұлтангереев пен «Арал Сода» ЖШС директоры Санжар Оспанқұловқа бірлесіп, ағымдағы жылдың соңына дейін зауыт құрылысын бастап, бөлінген қаржының мақсатты, сапалы әрі мерзімінде игерілуін қамтамасыз етуді тапсырды. 
Сонымен қатар, облыстық мемлекеттік сатып алу басқармасының басшысы Ғалым Едігеевке теміржол тұйығын, электрмен және газбен жабдықтау желілерін салу салу үшін мердігер компанияларды анықтауды жүктеді.
Ал, облыстық құрылыс, сәулет және қала құрылысы басқармасының басшысы Бердияр Примбетов пен Арал ауданының әкімдігі Мұхтар Оразбаевқа бірлесіп, жыл соңына дейін темір жол тұйығы құрылысының басталуын қамтамасыз ету жөнінде тапсырма берді. 
Кеңесте көтерілген екінші мәселе «Сыр Маржаны» серіктестігінің
«Мал сою пунктін жаңғырту және ет комбинатын салу» жобасы. Жоба туралы «Сыр маржаны» жауапкершілігі шектеулі серіктестігінің директоры Мнажаддин Өтеев баяндама жасады.
Комбинат жылына 5 мың. тонна өнім шығарап, 20 астам тұрғын жұмыспен қамтылады деп жоспарлануда. Жобаның құны 832,5 млн.теңгені құрайды. Мемлекеттік қолдау шаралары ретінде 15 га жер учаскесі бөлінді. 2019 жылдың мамыр айында ет комбинатының іргетасы қаланды. “Бизнестің жол картасы – 2020” бағдарламасы аясында 2019-2020 жылдары су құбыры желілерін жүргізуге бюджеттен 49,5 млн.теңге бөлінді және құрылыс аяқталды. Бұдан басқа, 13,8 млн теңге сомасына электр желілерін салуға бюджеттік өтінім берілді.
Аймақ басшысы облыстық ауыл шаруашылық басқармасы басшысы Шахмардан Қойшыбаевқа бөлінген қаржының мақсатты, сапалы әрі мерзімінде игерілуін қамтамасыз етуді және облыстық энергетика, тұрғын-үй және коммуналдық шаруашылығы басқармасының басшысы Руслан Нұрмағамбетовке заңдылықтарға сәйкес инфрақұрылымын дамыту мүмкіндігін қарастыруды жүктеді.
Үшінші және төртінші мәселелер «Қызылорда композиттік материал зауыты» серіктестігінің шыны талшық шығару және «Orda Tex» серіктестігінің малдың жүнін өңдеу жобалары бойынша қаралды. Атқарылған жұмыстар мен алдағы жоспарлар туралы баяндау үшін сөз аталған серіктестіктердің құрылтайшысы Қайрат Боранбаевқа берілді.
«Қызылорда композиттік материал зауыты» серіктестігінің шыны талшық шығару жобасының құны 519 млн. теңге. Зауыттың қуаттылығы жылына 3 мың. тонна құрап, 160 адам жұмыспен қамтылатын болады.
Ал, «Orda Tex» серіктестігінің малдың жүнін өңдеу жобасының құны 100 млн. теңге. Жоба “Байқоңыр” ӘКК-мен бірлесіп жүзеге асырылады және 20-ға жуық адам жұмыспен қамтылады деп күтілуде.
Қазіргі уақытта жоба басшысы өңірлік кәсіпкерлікті қолдау картасына енгізу үшін екі жобаның құжаттар пакетін дайындауда. 
Облыс әкімі Гүлшара Әбдіқалықова облыстық индустриялық-инновациялық даму басқармасы Ринат Сұлтангереевке мәселені жобалар бастамашысымен бірлесіп пысықтауды, ал, «Байқоңыр» әлеуметтік кәсіпкерлік корпорациясы» ұлттық компаниясы» акционерлік қоғамының басшысына Ерлан Нұрланбаевқа жоба бастамашысымен бірлесіп, шыны талшықты өндіретін «Қызылорда композиттік материалдар зауыты» жобасын қаржыландыру мәселесін пысықтауды тапсырды.
Мұнамен қоса, Арал ауданының әкімі Мұхтар Оразбаев пен Қазалы ауданының әкімі Мұрат Ергешбаевқа екі апталық мерзімде жыл сайын жинақталатын шикізат, яғни мал жүні көлемін анықтау жөнінде тапсырма берді.
<img src="https://kyzylorda-news.kz/wp-content/uploads/2020/10/120554249_2779087128861005_6520055074900885302_o.jpg" alt="" />
<img src="https://kyzylorda-news.kz/wp-content/uploads/2020/10/120552369_2779087982194253_3213876048124833844_o.jpg" alt="" />

Қызылордада инвестор тарту және инвестициялық ахуалды жақсарту бойынша өңірлік Кеңес отырысы

<a href="https://kyzylorda-news.kz/">Kyzylorda-news.kz.</a> Сыбайлас жемқорлыққа қарсы іс-қимыл агенттігі бюджет қаражатының шығысы бойынша ақпаратқа қол жеткізуді жеңілдету, азаматтардың мемлекетке деген сенім деңгейін арттыру, сондай-ақ тиімді диалог платформасын құру мақсатында «Ашық бюджеттердің интерактивті картасы» (publicbudget.kz) жобасын жүргізуде.
Бүгінгі күні карта қоғамдық бақылау мен Мемлекет басшысының «Халық үніне құлақ асатын мемлекет» тұжырымдамасын құру жөніндегі тапсырмасын іске асырудың пәрменді тетігіне айналды.
Мемлекет басшысы Қасым-Жомарт Тоқаев сыбайлас жемқорлықпен күрес мәселелері бойынша кеңесте аталмыш ақпараттық жүйенің тиімділігі жоғары екенін атап, «Ашық бюджеттердің интерактивті картасы 7 триллион теңгеден астам бюджет қаражатының жұмсалуы бойынша ақпараттың қол жетімділігін қамтамасыз етті» деген болатын.
Бұл бастама сыбайлас жемқорлыққа қарсы іс-қимыл агенттігінің бастамасы бойынша жүзеге асырылатын ТМД кеңістігіндегі бірегей жоба екендігін айта кету керек.
Картада нақты уақыт режимінде облыстағы әлеуметтік нысандарды салуға, жөндеуге және күтіп-ұстауға бөлінген бюджеттік қаражат туралы, жеткізушілер туралы ақпарат, бөлінген сомалар, құрылыс мерзімдері, кепілдік міндеттемелер және басқа да ақпараттар көрсетіледі. Республиканың кез келген азаматы картаның көмегімен облыстағы әлеуметтік нысандарға қанша қаражат бөлінгенін біле алады, сонымен қатар бюджеттік шығындарды бақылайды. Сомалар бойынша келіспеушіліктер немесе сәйкессіздіктер болған жағдайда, азамат белгілі бір бағыттарға қаражат бөлу туралы өз бастамаларын жасауға құқылы.
Карта іске қосылғаннан бері ел бойынша 8,3 трлн теңге көлемінде17 мыңнан аса мемлекеттік мекемелердің бюджет қаражаты жарияланған. Оның жартысы (4,08 трлн теңге) биылғы жылы қолжетімді болды. Картадағы барлық қолжетімді бюджеттер 1 млн аса қаралып, нәтижесінде азаматтар тарапынан пікірлер қалдырылған.
Ал облыс бойынша&nbsp; картада 1883 бюджет жарияланып, 706 ұйым тіркелді және 3 өтініш келіп түсті. Олардың барлығы мемлекеттік органдармен дер кезінде қаралды. Айта кету қажет, енгізілген бюджеттің жалпы көлемі 663,6 млрд теңгені құрап отыр.
Қоғамдық бақылауды жүзеге асыруда атқарылған жұмыстар мен бөлінген қаражат арасында сәйкессіздіктер туындаған жағдайда азаматтар осы картада пікірлерін қалдыра алады.

«Ашық бюджеттер интерактивті картасы» жобасы

<a href="https://kyzylorda-news.kz/date/2020/10/01/">Kyzylorda-news.kz.</a> Бүгін облыс әкімі Гүлшара Әбдіқалықова «Қазақстан Халық банкі» АҚ Басқарма Төрағасының орынбасары Дәурен Сартаевпен кездесті.
<blockquote>
 «Мемлекет басшысының Жолдауынан Үкімет пен әкімдер үшін туындайтын міндеттердің бірі – отандық және шетелдік инвестицияларды тарту болып табылатыны белгілі. Осыған байланысты, республика бойынша ЖӨӨ құрылымындағы инвестициялар үлесін 2024 жылға қарай 30% – ға дейін арттыру міндеті қойылды. Биыл бізге 230 млрд. теңге, келесі жылы 586 млрд. теңге инвестиция тарту қажет. Осы міндетті орындау мақсатында біз инвестицияның жаңа толқынын тарту бойынша жұмыс жүргізіп жатырмыз. Сондай-ақ, шағын және орта бизнесті белсенді дамыту міндеті тұр. Осыған байланысты сіздердің де қолдауларыңыз қажет», – деді облыс әкімі Гүлшара Әбдіқалықова.
</blockquote>
Кездесуде бірқатар мәселелер көтерілді. Атап айтқанда, бизнесті және стартап жобаларды қаржыландыру, кәсіпкерлердің өтінімдерін ұзақ мерзім қарау, жергілікті деңгейде бизнес үшін белгіленген кредит лимиттер және Мемлекет басшысының жеке тұлғалар мен ШОБ субъектілері үшін кредиттер бойынша мерзімін ұзартуды ұсыну жөніндегі тапсырмасын іске асыру мәселелері талқыланды.
Дәурен Сартаев өз кезегінде “Қазақстан Халық банкі” АҚ тарапынан өңірлік шағын және орта бизнесті қолдау бойынша барлық мүмкіндіктер қарастырылатынын атап өтті.
Айта кету керек, облыста 2023 жылға дейінгі Экономикалық даму жоспары қабылданды, онда экономиканың түрлі салаларында жалпы сомасы 271 млрд. теңгеге 265 жобаны іске асыру қарастырылған. Оның ішінде, ағымдағы жылы құны 26 млрд.теңге болатын 108 жобаны іске қосу жоспарланған. Қазіргі уақытта құны 4,7 млрд. теңге болатын 58 жоба пайдалануға берілді.
Сондай-ақ, ШОБ субъектілерін қаржылай қолдау мақсатында «Байқоңыр» ӘКК» АҚ-ның қызметі өңірдің барлық қаржы институттарын тарта отырып, жергілікті инвестициялық жобаларды іске асыруға толығымен қайта форматталды. Қоғам кәсіпкерлер үшін әріптес, инвестор бола алады. Екінші деңгейдегі банктер мен қаржы институттарының өкілдері үшін қоғам құны 17 млрд. теңге болатын 15 инвестициялық жобаны таныстырды, оның ішінде 7 млрд.теңге құрайтын 9 жоба қолдау тапты.
Сонымен қатар, ірі инвестициялық жобалардың жанында ілеспе өндірістерді құру бойынша жұмыстар жүргізілуде.
<img src="https://kyzylorda-news.kz/wp-content/uploads/2020/10/120574168_2778289608940757_2532963486968995695_o.jpg" alt="" />

Қызылорда облысының әкімі «Қазақстан Халық банкі» АҚ Басқарма Төрағасының орынбасарымен кездесті

<a href="https://kyzylorda-news.kz/date/2020/09/30/">Kyzylorda-news.kz.</a> Қызылорда облысы бойынша экономикалық тергеу департаментінің бастамасымен «Атамекен» Ұлттық кәсіпкерлер палатасының облыстық алаңында Қазақстан Республикасы Ұлттық банкі облыстық филиалы мен екінші деңгейлі 16 банк өкілдерінің қатысуымен дөңгелек стол өтті.
Кездесу мақсаты заңсыз қаражатты қолма қол ақшаға айналдыру, жалған ақша жасау мен терроризмді қаржыландыру әрекеттеріне тосқауыл қою бағытында өзара бірлескен іс-қимыл тетігін үйлестіру.
Дөңгелек стол басында ҚР Ұлттық банкі мен ҚР Қаржы министрлігі және ҚР қаржы нарығын реттеу мен дамыту агенттігі арасындағы өзара келісімнің жекелеген талаптары талқыланды. Ұлттық валютаның қорғаныш элементтерін тану және анықтау, күмәнді банкноттар анықталған жағдайда және қаражатты қолма қол ақшаға айналдырушы тұлғалар туралы өзара ақпараттандыру бойынша ұсыныстар мен пікірлер тыңдалды.
Экономикалық тергеу органдарымен анықталған және жүргізілген жалған ақша айналымына қатысты істерге шолу жасалды. Ұлттық банк, өз тарапынан, шынайы және жалған банкноттарды айыру үшін тұрғындарға түсіндіру мақсатында жасалған баспа өнімдерін ұсынды.
Жалған ақша айналымы мен қылмыстық жолмен табылған қаражатты қолма қол ақшаға айналдыру экономикаға елеулі залал келтіріп отырған салалардың бірі. Осы орайда, еліміздің қаржы нарығын үйлестіру және бақылау тетіктерінің бірі ретінде жалған банкноттар бойынша бірыңғай база құру ұсынысы енгізілді.
Қызылорда облысы бойынша ЭТД-нің өндірісінде биылғы жылдың 8 айында жалған ақша айналымына қатысты 12 факт тіркелген. Жалған банкноттардың анықталу аумағы бойынша: «Халық Банк» АҚ-ның Қызылорда филиалынан 6 жағдай, «Сбербанк» АҚ-ның Қызылорда филиалынан 1 жағдай, азық-түлік дүкендері мен жанар-жағар май құю бекеттерінен 5 жағдай анықталған.
<img src="https://kyzylorda-news.kz/wp-content/uploads/2020/09/120553543_336026924269368_8919833216930981875_o.jpg" alt="" />
<img src="https://kyzylorda-news.kz/wp-content/uploads/2020/09/120532738_336027144269346_7054846285504696331_o.jpg" alt="" />
<img src="https://kyzylorda-news.kz/wp-content/uploads/2020/09/120492010_336027117602682_2031652496233415073_o.jpg" alt="" />

Қызылордада  жыл басынан бері жалған ақша айналымына қатысты 12 факт тіркелген

Kyzylorda-news.kz. Күздің әр күні жылға азық демекші, қазір аудан диқандары берекелі күздің әрбір сәтін тиімді пайдаланып, жиын-терім жұмыстарын ысырапсыз аяқтау үшін бел шеше күресуде.
2020 жылы Жалағаш ауданына егілген егіс көлемі ауыл шаруашылығы дақылдарының бекітілген сызбасына сәйкес 36 731 гектарды құрады. Оның ішінде негізгі дақыл күріш 21600 гектар, жаздық бидай 507 гектар, мақсары 1757 гектар, жаңа жоңышқа 3715 гектар, ескі жоңышқа 6452 гектар, картоп 500 гектар, көкөнiс 1000 гектар, бақша 1 200 гектар. 
Егілген 507 гектар бидай толық жиналып, 306 тонна өнім алынды. Орташа өнім гектарына 6,04 центнерден келді. 1757 гектар мақсары толық жиналып, 1493 тонна өнім жиналды. Орташа өнім әр гектарға 8,5 центнерден келді. 3715 гектар жаңа жоңышқа толық жиналып 4198 тонна өнім алынды. Жоңышқаның орташа өнімі гектарына 11,3 центнерден айналды. 6452 гектар ескі жоңышқа орымы толық аяқталып 34776 тонна өнім алынды. Орташа өнім әр гектардан 53,9 центнер.
Қазіргі таңда күріш егістігінің су тарту жұмыстары толық аяқталып, қыркүйек айының 5-нен бастап шаруашылықтар орақ науқанына жаппай кірісті. Бекітілген кестеге сәйкес егін ору жұмыстарын 25 тамыздан 5 қазанға дейін, ал күрішті бастыру жұмыстарын 27 тамыздан бастап 10 қазанға дейін аяқтау жоспарланып отыр.
Бүгінгі күнге (19.09.2020 ж мәліметі бойынша) ауданда 90 шаруашылықта 10433 гектар (48,3%) күріш орылып, 7744 гектары (35,8 %) бастырылды. 2019 жылы науқан қортындысымен әр гектардан алынған орта өнім 63,8 центнер болса, биылғы жылы 65,3 центнерден өнім алынады деп межеленуде.
Күзгі егін жинау және дала жұмыстарына мемлекет тарапынан 2398 тонна жанармай бөлініп отыр. Шаруашылық басшыларының жазбаша ұсыныстарына сәйкес «Нефть-Транс Қызылорда» ЖШС және «РК-Мұнай» ЖШС дизель отынын жеткізіп беруші оператор ретінде таңдалды. «Нефть-Транс Қызылорда» ЖШС 962 тонна және «РК-Мұнай» ЖШС 1436 тонна дизел отынын жеткізіп беретін болып келісілген. Бүгінгі күні дизель жанармайының 1 литрінің бағасы 165 теңге болып отыр.
Соңғы жылдары ауданда ауыл шаруашылығы техникалық паркін жаңарту жұмыстары үнемі жүргізіліп келеді. 2019 жылы құны 1,84 млрд. теңгені құрайтын 49 дана ауыл шаруашылығы техникалары алынған болатын. Ағымдағы жылы 1397,1 млн. теңге қаржыға 60 жаңа техника сатып алынды. Ауыл шаруашылығы тауарын өндірушілердің қолында бүгінгі таңда күзгі егін жинау жұмыстарына қатысатын барлығы 994 ауыл шаруашылығы техникасы бар. Оның ішінде 426 трактор, 245 комбайн, 108 жатка, 53 жүк көлігі және 162 көлік тіркемесі. Оның ішінде соңғы үлгіде жасалған «AXION 820» тракторы, «LW300KN» фронтальды жүк тиегіші, «TUCANO 580», «Магдон М155» комбайны секілді шетелдік техникалар бар.
Осындай жаңарған техникаларды пайдалану – диқандар қауымына жаздайғы маңдай терімен келген несібені шашпай-төкпей, ысырапсыз жинап алуға мүмкіндік беріп отыр. Ел ырысын еселеген диқандар қауымына, қамбаң дәнге толсын демекпіз.

Жалағашта егін жинау науқаны 5 қазанда аяқталады

<a href="https://kyzylorda-news.kz/">Kyzylorda-news.kz</a>. Жалпы ұзындығы 498 шақырымды құрайтын автомобиль жолы төрт мемлекеттік бағдарлама аясында жөнделуде. Республикалық, облыстық бюджеттен 20 миллиард теңгеге жуық қаржы бөлінді.
<blockquote>
 «Нұрлы жол» бағдарламасы бойынша ұзындығы 136 шақырым құрайтын облыстық және аудандық маңызы бар автомобиль жолы жөнделуде. «Өңірлерді дамыту» бағдарламасы бойынша Қызылорда қаласындағы С.Бейбарыс көшесінен Қызылжарма каналына дейін 4,6 шақырым жол салынуда. «Ауыл-ел бесігі» бағдарламасы бойынша 72 шақырым құрайтын 66 көше асфальтталады. «Жұмыспен қамтудың жол картасы» бағдарламасы бойынша 263 жоба жүзеге асырылуда. 255 шақырым автомобиль жолы мен көше және көпірлер жөнделуде. 2639 адам жұмыспен қамтылған», – деді облыстық жолаушылар көлігі және автомобиль жолдары басқармасының басшысы.
</blockquote>
Сондай-ақ, жергілікті бюджеттен қаржы қаралып, 30,4 шақырым елді мекен көшелері мен көпір өткелдері жаңартылуда. Осы жұмыстар аяқталған соң облыстық және аудандық маңызы бар автомобиль жолдарының 69 пайызы жақсы және қанағаттанарлық деңгейге жеткізіледі.

Қызылордада жол жөндеуге 20 миллиард теңгеге жуық қаржы бөлінді

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының Өңірлік кеңесі «Атамекен» ҰКП Төралқа Төрағасы Тимур Құлыбаевқа аймақтағы бизнес ахуалдың жағдайын айта келе, өзекті мәселелерді шешуде көмек сұрады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Онлайн кездесуде Өңірлік кеңес төрағасы Қайрат Боранбаев төтенше жағдайға дейін облыста 46 мыңнан астам кәсіпкерлік субъектісі жұмыс жасағанын, онда 94 мыңнан астам адам жұмыспен қамтылғанын, алайда орын алған ахуалға орай жыл басынан бері 4 мың адам жұмыстан қысқартылғанын жеткізді. &nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Қазірдің өзінде мейрамхана, кинотеатрлар мен өзге де ойын-сауық орталықтарының жұмысына шектеу қойылғанын айтқан кәсіпкер, аймақтағы 145 мейрамхананың 9-ы қызметі өзге салаға бейімделіп жатқанын да жеткізді.&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Кездесуде Қайрат Жомартұлы осындай қиын сәтте кәсіпкерлер мемлекеттік қолдауды да сезініп жатқанын, дәлірек айтқанда 8 мыңнан астам кәсіпкерлік субъектісі несиесін төлеу мерзімін ұзарта алғандығын, 51 мың кәсіпкер салық төлемдерінен жеңілдік алғанын, 9 мың кәсіпкер міндетті әлеуметтік медициналық сақтандырудан босатылғандығын, сауда алаңдарында 8 мыңға жуық кәсіпкерге жалға алған ғимараттарында жеңілдік жасалғандығын да атап өтті.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Мұнан өзге, облыста бизнесті қолдауға арналған 2023 жылға дейінгі арнайы жоспар қабылданғандығын, бұл жоспардан кәсіпкерлер көп үміт күтетінін де айтып өтті.
<blockquote>
 &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; &nbsp;«Дегенмен, мемлекеттік қолдау туралы айтқанда үнемі назардан тыс қалатын кәсіпкерлеріміз бар. Ол Байқоңыр қаласындағы әріптестеріміз. Ол жақта 500-ге жуық кәсіпкерлік субъектісі тіркеліп, жұмыс жасап жатыр. Төтенше жағдай, одан кейінгі карантин кезеңдерінде Байқоңырда қабылданған екі елдік әр түрлі норматьивтік құжаттарының салдары сол жердегі кәсіпкерлерге айтарлықтай салмақ салып отыр. Мәселен, байқоңырлық кәсіпкерлердің басым бөлігі бизнесін жанында орналасқан Төретам кентінде жүргізеді. Пандемия жағдайында қала толықтай жабық болды. Ал қаладағы кәсіпкерлер кезең-кезеңімен жұмысын жалғастырған, жанында тұрған Төретамға жұмыстарына бара алмады. Тіпті қазірдің өзінде байқоңырлық кәсіпкерлердің өз аттарында жылжымайтын мүлкі болмауы салдарынан мемлекеттен көрсетіліп жтқан қаржылық қолдау тетіктерін де қолдана алмайды. Бұл жағдайда республикалық деңгейде қандай да бір нормативтік құжатты қабылдау барысында байқоңырлық кәсіпкерлердің жағдайы арнайы қарастырылса дұрыс болар еді. Қазір қолдаудан қағылып отырған бизнес нысандарының ертеңгі күні жабылып қалу қауіпі зор», – деді Өңірлік кеңес төрағасы Қайрат Боранбаев.
</blockquote>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Мұнан өзге, онлайн кездесуде қызылордалық кәсіпкерлер бәсекелестік ортаны дамыту үшін экономиканың басым секторларында мемлекеттік қатысуын азайту, жобала саласындағы кәсіпкерлердің проблемасын да жеткізді.
<blockquote>
 «Құрметті әріптестер, кездесуде көрсеткен белсенділіктеріңіз үшін алғысымды білдіремін. Біз басқармамен және дирекциямен өңірлік кеңес мүшелерін қажетті ақпараттармен қамтамасыз етіп отыру жөнінде келісіп отырмыз. Өңірлік кеңес мүшелерінен аймақтағы кәсіпкерлердің мәселелеріне, жалпы бизнестің хал-ахуалына талдау жасап отыруды сұрағым келіп отыр. Қай саланың көбірек зиян шегіп жатқанын біліп отырсаңыздар. Өздеріңіз де білесіздер, Үкімет кәсіпкерлікті қолдауда бірқатар шаралар қабылдады. «Атамекеннің» атынан берген ұсыныстарымыз қазір жүзеге асырылып жатыр. Енді оның тиімділігін қарау керек. Бұл қолдаудың тиімсіз немесе қолданысқа жарамайтын тұстарын ертерек анықтап, түзетулер енгізіп отыру қажет. Сол үшін де Сіздермен кездесіп, пікір алмасып отыру аса маңызды. Бизнесті қолдауға арналған бағдарламалардың тиімділігіне қатысты бағаны кәсіпкерлердің өзі беруі тиіс деп санаймын», – деді «Атамекен» ҰКП Төралқа Төрағасы Тимур Құлыбаев.
</blockquote>

Қызылордада Өңірлік кеңес мүшелері байқоңырлық кәсіпкерлердің мәселесіне көмек сұрауда

<a href="https://kyzylorda-news.kz/date/2020/09/21/">Kyzylorda-news.kz.</a> Бес облыста тіркелген құс тұмауына байланысты елде жұмыртқа тапшылығы туындауы мүмкін бе? Бұл сұраққа Ауыл шаруашылығы министрлігінің мал шаруашылығы өнімін өндіру және қайта өңдеу департаментінің директоры Еркебұлан Ахметов жауап берді, деп хабарлайды <a href="https://lenta.inform.kz/kz/kus-tumauy-kazakstanda-zhumyrtka-tapshylygy-tuyndauy-mumkin-be_a3697097">ҚазАқпарат</a>.
<blockquote>
 «Қазіргі таңда Қазақстанда 35 құс асырау кешені жұмыс істеп тұр. Олардың қуаты ішкі нарықтың қажеттігін жауып бере алады. Олар сонымен бірге өнімін экспортқа да шығарады. Қазақстанның құс фабрикалары жылына 5 миллиард жұмыртқа өндіреді. Ішкі нарық 106 пайызға орындалып отыр», – деді Еркебұлан Ахметов ОКҚ-да өткен баспасөз мәслихатында.
</blockquote>
Оның айтуынша, жыл басынан бері елде жұмыртқаның бағасы бес пайызға арзандаған. Ал құс тұмауы шыққан Солтүстік Қазақстандағы бес құс фабрикасы жұмыртқа өндірумен айналысады.
<blockquote>
 «Карантин шараларына байланысты екі құс фабрикасының қуаты төмендеп қалды. Алайда шектеу болғанымен, қалған құс фабрикалары өз қуатының есебінен бұл қажеттілікті жабады. Облыс бүгінгі күні жұмыртқа жағынан өзін-өзі қамтамасыз етіп отыр», – деді департамент директоры.
</blockquote>

Құс тұмауы: Қазақстанда жұмыртқа тапшылығы туындауы мүмкін бе

Kyzylorda-news.kz. Қызылорда қаласында экономикалық тұрғыда бірқатар көрсеткіштер бойынша өсу тенденциясы байқалады, – деп хабарлайды <a href="https://www.inform.kz/kz/kyzylordada-shagyn-kasipkerlik-nysandarynyn-sany-artty_a3696690">ҚазАқпарат</a>.
Биылғы жылдың 8 айында облыс орталығындағы әлеуметтік-экономикалық даму қорытындысы бойынша оң өзгерістер қалыптасты. Нәтижесінде экономикалық тұрғыдан қалада тұрақты жағдай көрініс берді.
<blockquote>
 «Биыл қаңтар-тамыз айларында өнеркәсіп өнімдерінің өндіріс көлемі 326 971 млн. теңгені құрады. Бұл өткен жылдың сәйкес кезеңімен салыстырғанда 85,4 пайызға жетті. Өңдеуші өнеркәсіп саласынының көрсеткіші толықтай орындалса, ауыл шаруашылығы өнімдерінің жалпы өнімінің индексі 2,9 пайызға артық болды. Ал бөлшек сауда көлемінде оң өзгеріс байқалса, шағын кәсіпкерлік субъектілерінің санында өсім бар. Пайдалануға берілген тұрғын үйлердің жалпы ауданы 244 429 шаршы метрді құрады», – деді Қызылорда қалалық экономика және бюджеттік жоспарлау бөлімінің басшысы Гүлнар Баймаханова.
</blockquote>

Қызылордада шағын кәсіпкерлік нысандарының саны артты

<a href="https://kyzylorda-news.kz/date/2020/09/17/">Kyzylorda-news.kz.</a> Қызылорда қаласына қарасты Ақсуат ауылдық округі «Ауыл – ел бесігі» республикалық бағдарламасы аясында қаржылай қолдау тапқан. Қаралған қаржыға ауылдағы 1982 жылы салынған №143 орта мектепке араға 38 жыл салып күрделі жөндеу жұмыстары жүргізілді. Бүгінде құрылыс толығымен аяқталып, 12 кезекші сыныпқа балалар қабылданған.
Сонымен бірге, ағымдағы жылы ауылда 16 көше орташа жөндеуден өтіп, оның 7 көшесіне асфальт салынса, қалған 9 көшеге қиыршық тас төселіп болады. Үнемделген қаржы есебінен тағы 5 көшеге жыл соңына дейін орташа жөндеу жұмыстары жүргізіледі деп жоспарлануда. Аталған жұмыстар негізінде ауылдың жұмыссыз жүрген 40 азаматы жұмыспен қамтылған.
Ақсуаттықтар үшін тиімді болған «Ауыл – ел бесігі» бағдарламасына сай ауыл орталағында орналасып, бұған дейін жөндеу көрмеген Ү.Тоқмағамбетова көшесіне де асфальт төселген. Асқарбек Темірбекұлы жолды қабылдау барысында сапасына мән беру керектігін баса айтты.
Қала әкімінің орынбасары Асқарбек Есжанов өткен жылы күрделі жөндеуден өткен «Асыл-Ай» бөбекжай – бақшасына аялдап, қажетті жабдықтарына облыстық бюджеттен қаржы бөлінген балабақшаның материалдық-техникалық базасын тексерді.
Ауылда қаладан шыққан пайдалануға жарамды бағдаршам, жарық бағаналары, жаяу жүргінші жолдарына қажетті құрылыс заттарын тиімді пайдаланып, ауылдың қажеттілігіне жаратуда жолға қойылған. Мәселен, Ж.Маханбетов ауылының орталық көшелерінің 1,6 шақырымына қалада пайдаланылған брусчаткалар мен бордюрлап пайдаланылып, тротуар салынған.
Ағымдағы жылы «Жұмыспен қамту жол картасы» мемлекеттік бағдарлама аясында қаржы қаралып, күрделі жөндеуден өтіп жатқан нысанның бірі Ақжарма ауылдық округіндегі «Облыстық наркология орталығына» қарасты медициналық бөлімше.1983 жылы іргетасы қаланған 100 орындық нысанды қайта қалпына келтіру жұмыстарына «Болашақ Интернэйшн Девелопмент» ЖШС жауапты. Қазір қайта жаңғырту 60 пайызға орындалған, мердігер желтоқсан айына дейін толығымен аяқтауды межелеп отыр. 
Асқарбек Темірбекұлы жауапты мекеменің жұмысы қадағалауда болатынын ескертіп, нысандағы жөндеу жұмыстарына қарқын қосуды тапсырды.
Ауылдық округке қарасты Талдыарал елді-мекенінде жол мәселесі толығымен шешілген. Биыл ауылда ауыз су мен кәріз құбырлары да толығымен жаңартылды. 900-ге тарта тұрғыны бар Талдыаралда жаңадан қоныстанушыларға жер беру қарқынды жүргізілуде.
Қазір 200 ден аса жер телімі ашылып, қиыршық тас төселіп, ауыз су құбыры тартылған. Ендігі кезекте жарық жүйесін жеткізу мәселесі тұр.
<img src="https://kyzylorda-news.kz/wp-content/uploads/2020/09/2-1-scaled.jpg" alt="" />
<img src="https://kyzylorda-news.kz/wp-content/uploads/2020/09/3-2-scaled.jpg" alt="" />
<img src="https://kyzylorda-news.kz/wp-content/uploads/2020/09/4-1-scaled.jpg" alt="" />
<img src="https://kyzylorda-news.kz/wp-content/uploads/2020/09/7-2-scaled.jpg" alt="" />

Қызылорда: &#8220;Ауыл &#8211; ел бесігі&#8221; бағдарламасы елді мекендерді көркейтуде

<a href="https://kyzylorda-news.kz/date/2020/09/16/">Kyzylorda-news.kz.</a> Биыл Қазалы ауданында «Жұмыспен қамтудың 2020-2021 жылдарға арналған жол картасы» мемлекеттік бағдарламасының аясында құны 3 млрд 11 млн 89 мың теңге болатын 42 жоба іске асырылып жатыр.
Оның ішінде аудандағы білім ошақтарының ғимараттарын жөндеу жұмыстары да назардан тыс қалған жоқ. Атап айтар болсақ, мемлекеттік бағдарлама шеңберінде 9 жоба қарастырылған.
Қазіргі таңда Әйтеке би кентіндегі №226 мектеп-гимназия мен Қазалы қаласындағы «Шағала» лагерінде құрылыс жұмыстары қызу жүріп жатыр.
Қазалы ауданының әкімі Мұрат Ергешбаев мектеп пен тынығу лагеріндегі құрылыс жұмысының барысымен танысты. Мердігер мекемелер мен тиісті бөлім басшыларына мемлекеттің қаржысына жүргізіліп жатқан нысандар мерзімінде әрі сапалы болу керектігін жеткізді.
Аудан орталығындағы Б.Мергенбаев атындағы №226 гимназия ғимараты 1967 жылы пансионат болып салынған. Мектеп ретінде бейімделген 1996 жылдан бері ешқандай жөндеу жұмыстары жүргізілмеген.
«Жол картасы» аясында бөлінген қаржыға «Энергомера» ЖШС ғимараттың есігі мен терезесі, шатыры, жылу жүйесі мен электр желісі толығымен ауыстырып, өрт дабылы қондырғысын орнатты. Ішкі қабырғаларының сылағы да толық аяқталып, сыртқы қабырғаларын жөндеу жұмыстары аяқталуға жақын қалды. Осы жұмыстардың нәтижесінде мектеп ғимараты жаңа кейіпке енуде.
Ал, мемлекеттік бағдарламаның шеңберінде «Шағала» лагерінің 2 жатын ғимараты мен асханасы жөндеуден өтуде. Атап айтар болсақ, құрылысшылар ғимараттардың есік-терезелерін, шатыр жабындысын ауыстырып, сыртқы қабырғаларын жөндейді.
<img src="https://kyzylorda-news.kz/wp-content/uploads/2020/09/1-1.jpg" alt="" />
<img src="https://kyzylorda-news.kz/wp-content/uploads/2020/09/0-2-1.jpg" alt="" />
<img src="https://kyzylorda-news.kz/wp-content/uploads/2020/09/10-1.jpg" alt="" />

Қазақстан және Қызылорда облысының жаңалықтары: Экономика

Аралда екі балық цехы ашылды

Қызылордада инвестор тарту және инвестициялық ахуалды жақсарту бойынша өңірлік Кеңес отырысы

«Ашық бюджеттер интерактивті картасы» жобасы

Қызылорда облысының әкімі «Қазақстан Халық банкі» АҚ Басқарма Төрағасының орынбасарымен кездесті

Қызылордада жыл басынан бері жалған ақша айналымына қатысты 12 факт тіркелген

Жалағашта егін жинау науқаны 5 қазанда аяқталады

Қызылордада жол жөндеуге 20 миллиард теңгеге жуық қаржы бөлінді

Қызылордада Өңірлік кеңес мүшелері байқоңырлық кәсіпкерлердің мәселесіне көмек сұрауда

Құс тұмауы: Қазақстанда жұмыртқа тапшылығы туындауы мүмкін бе

Қызылордада шағын кәсіпкерлік нысандарының саны артты

Қызылорда: “Ауыл – ел бесігі” бағдарламасы елді мекендерді көркейтуде

“Жұмыспен қамту 2020-2021”: Қазалыда 42 жоба іске асырылып жатыр

Қазақстан және Қызылорда облысының жаңалықтары: Экономика

Аралда екі балық цехы ашылды

Қызылордада инвестор тарту және инвестициялық ахуалды жақсарту бойынша өңірлік Кеңес отырысы

«Ашық бюджеттер интерактивті картасы» жобасы

Қызылорда облысының әкімі «Қазақстан Халық банкі» АҚ Басқарма Төрағасының орынбасарымен кездесті

Қызылордада жыл басынан бері жалған ақша айналымына қатысты 12 факт тіркелген

Жалағашта егін жинау науқаны 5 қазанда аяқталады

Қызылордада жол жөндеуге 20 миллиард теңгеге жуық қаржы бөлінді

Қызылордада Өңірлік кеңес мүшелері байқоңырлық кәсіпкерлердің мәселесіне көмек сұрауда

Құс тұмауы: Қазақстанда жұмыртқа тапшылығы туындауы мүмкін бе

Қызылордада шағын кәсіпкерлік нысандарының саны артты

Қызылорда: &#8220;Ауыл &#8211; ел бесігі&#8221; бағдарламасы елді мекендерді көркейтуде

&#8220;Жұмыспен қамту 2020-2021&#8221;: Қазалыда 42 жоба іске асырылып жатыр

Қызылорда: “Ауыл – ел бесігі” бағдарламасы елді мекендерді көркейтуде

“Жұмыспен қамту 2020-2021”: Қазалыда 42 жоба іске асырылып жатыр