<a href="https://kyzylorda-news.kz/">Kyzylorda-news.kz</a>&nbsp; Елді мекендерді газбен қамтамасыз ету – тұрғындардың өмір сапасын арттыруға бағытталған маңызды жобалардың бірі. Табиғи газға қол жеткізу халықтың тұрмысын жеңілдетіп қана қоймай, экологиялық жағдайды жақсартып, әлеуметтік инфрақұрылымның дамуына серпін береді. Осы бағытта аудан көлемінде газдандыру жұмыстары кезең-кезеңімен жүзеге асырылып келеді. Бұл туралы Қармақшы ауданының әкімі Жандос Еркінбек баяндап берді.<blockquote>- Ауданда елді мекендерді газдандыру бағытында ауқымды жұмыстар жүргізілуде. Дүр Оңғар ауылына газ тарту жобасы іске асырылып, нысанды пайдалануға беру рәсімі өткізілді. Бұл жоба алдағы уақытта басқа елді мекендерді газдандыру үшін жалғасатын болады. Сонымен қатар Иіркөл және Төребай би ауылдарына газ желілерін тарту жұмыстарын бастауға бюджеттен қаржы бөлінді. Құрылыс жұмыстары алдағы уақытта басталатын болады. Бүгінгі күні аудан халқының 75,2 пайызы табиғи газдың игілігін көруде, - деді Жандос Еркінбек.</blockquote>Қазіргі таңда саламатты өмір салтын қалыптастыру мен бұқаралық спортты дамыту – мемлекеттік саясаттың маңызды бағыттарының бірі. Себебі спорт – ұлт саулығының кепілі, жастардың бос уақытын тиімді ұйымдастыратын және қоғамдағы белсенділікті арттыратын маңызды құрал. Осы орайда спорт нысандарын жаңғырту, тұрғындарға қолжетімді спорт алаңдарын көбейту, жасөспірімдерді жүйелі түрде спортқа тарту бүгінгі күннің басты міндеттерінің қатарында.<blockquote>- 2025 жыл аудан үшін спорттық жетістіктерге толы жыл болды. Қазақстан Республикасының чемпионаттары мен кубоктарында жерлестеріміз 19 алтын, 42 күміс, 18 қола медаль иеленді. Азия чемпионатында 3 алтын, 1 күміс, 3 қола медаль алынса, Әлем кубогында 1 алтын, 1 қола медаль иеленді. Ауыр атлетикадан Ерасыл Сәулебеков Перу елінің Лима қаласында өткен Әлем чемпионатында қола жүлдеге ие болса, жақында ғана шілде айында Астана қаласында өткен Азия чемпионатында алтын жүлдені иемденді. Ерекше айта кететін жағдай - Ақтау қаласында өткен жасөспірімдер арасындағы Қазақстан біріншілігінде ауданымыздың екі бірдей спортшысы Арқар Бақытжан мен Әлиасқар Әлихан дзюдо күресінен жүлдегерлер қатарынан көрініп, екінші орын иеленді. Сондай-ақ 64 спортшымыз спорт шеберлігіне үміткер дәрежесіне ие болды. 2024–2025 жылдар аралығында «Ауыл - Ел бесігі» бағдарламасы аясында Дүр Оңғар, ІІІ Интернационал және Ақай ауылдарында спорт кешендері пайдалануға берілді, - деді Жандос Еркінбек.</blockquote>Елдің әл-ауқатын арттыру мен қоғамның дамуын қамтамасыз етудегі басты басымдықтардың бірі - білім беру саласы екені белгілі. Себебі сапалы білім ұлт болашағының берік негізі, жастардың әлеуетін ашатын және елдің өркендеуіне жол бастайтын маңызды күш. Сондықтан білім жүйесін жетілдіру, оқушылар мен студенттердің жан-жақты дамуына жағдай жасау бүгінгі күннің өзекті міндеті. Ал Қармақшы ауданы білім саласына байыппен қарайды. 2025 жылы білім саласында 3 орта мектеп, 1 бөбекжай-бақшада және 5 мектеп жанындағы спорт алаңдарында жөндеу жұмыстары жүргізіліп, нысан пайдалануға берілді.<img src="https://knadmin.beoblood.kz/uploads/akim_89a539b44e.jpg" alt="аким.jpg">«Қазақстан халқына» қоғамдық қорының қолдауымен Байқоңыр қаласында орналасқан №277 мектеп –лицейінің 34 кабинеті жаңадан жабдықталды. Мұның барлығы - білім саласына жасалып жатқан қамқорлық.<blockquote>- 2024-2025 оқу жылында 14 928 оқушы білім алып, 766 мектеп бітірушінің 694 оқушысы, яғни 90,6 пайызы Ұлттық бірыңғай тестілеуге қатысты. Оның ішінде: 54 түлек «Алтын белгі» және 48 түлек «Үздік аттестат» иегері атанды. Ұлттық бірыңғай тестілеуге 694 оқушы қатысып 147 оқушы жүз және жүзден жоғары балл жинады. Нәтижесінде ауданымыз облыс бойынша аудандар арасында алдыңғы орындардан көрінді. Сондай ақ, Ұлттық бірыңғай тестілеу қорытындысымен облыс бойынша ең жоғарғы 138 баллды Қармақшы ауданының 2 оқушы жинады.Мектеп бітірушілердің 648 оқушысы жоғарғы оқу орнындарына, 115 оқушысы арнаулы орта оқу орындарында білім алуда. Өңірлерге қажетті мамандықтар бойынша облыс әкімінің оқу грантымен 30 студент жоғарғы оқу орындарынан білім алуда. Жосалы кентінде орналасқан №5 «Айгөлек» бөбекжай бақшасы ғимараты апаттық жағдайда болуына байланысты басқа ғимарат табысталды,- деді Жандос Еркінбек.</blockquote>Құт қонған Қармақшы ауданы тамыры тереңде жатқан тарихы телегей, мәдениеті бай мекен. Ауданда әлеуметтік-экономикалық өсім, инфрақұрылымды жаңғырту, ауыл шаруашылығы мен өнеркәсіп салаларын дамыту, білім беру, денсаулық сақтау, мәдениет және спорт салаларында жүйелі жұмыстар жүргізілуде.Сонымен қатар, тұрғындардың өмір сүру сапасын арттыруға бағытталған бірқатар маңызды жобалар іске асырылып, ауданның болашаққа сенімді қадам басуына мүмкіндік бар екені мәлім.<blockquote>- Ауданның әлеуметтік-экономикалық жағдайы жыл сайын өркендеп, өсіп жатқаны байқалады. Оның бір дәлелі ретінде аудан бюджетінің ұлғаюын айтуға болады. Атқарылған жұмыстың нәтижесінде аудан бюджеті 9,8 млрд. теңгеге ұлғайып, жыл қорытындысымен 22 млрд. теңге құрады. Қармақшы ауданының 2025 жылдың қорытындысымен макроэкономикалық көрсеткіштерінің барлығы 100 немесе 100 пайыздан жоғары көрсеткіш қалыптасып отыр,- деді Жандос Еркінбек.</blockquote>Брифинг барысында аудан әкімі ауыл шаруашылығы саласы бойынша атқарылған жұмыстарды баяндады.<blockquote>- Жалпы 2025 жылы ауданда 25 мың 513 гектар егіс егілді. Аудан үшін маңызды күріш дақылы 12 мың 993 гектарға егіліп, нәтижесінде орта өнім әр гектарға 54,7 центнерден алынып, 71 мың 143 тонна астық қамбаға құйылды. Елді мекен тұрғындары өз - өздерін бақша өнімдерімен қамтамасыз ету мақсатында 950 отбасы 415 гектар жерге егін егіп, өнімдері жиналды. 2025 жылы Қармақшы ауданы бойынша су лимиті 411,0 млн.текше метр болса, 374,9 млн. текше метр су егістікке алынып, су лимитінің 91,0 пайызын құрады. Егінді қажетті сумен қамтамасыз ету және жайылымдық жерлерді суландыру мақсатында 2025 жылы республикалық бюджеттен 27,0 млн. теңге қаржықаралып, Қуаңдария ауылдық округі аумағында орналасқан «Таңатар» каналын механикалық тазалау жұмыстары жүргізіліп, пайдалануға берілді. Сонымен қатар, облыстық бюджеттен 22,5 млн. теңге қаржы қаралып, Қармақшы ауылдық округі аумағында орналасқан Қараөзек арнасына«Қожатай» су реттегіш тоспасы қалпына келтірілді,- деді Жандос Еркінбек.</blockquote>Фото: Нұрболат Нұржаубай

 Жандос Еркінбек: аудан халқының 75,2 пайызы табиғи газдың игілігін көруде

<a href="https://kyzylorda-news.kz/">Kyzylorda-news.kz</a> Қызылорда облысында Су және білім: Қазақстан Республикасы мен Өзбекстан Республикасы балалар мен жастары арасында су ресурстарын ұқыпты пайдалану және сақтау мәдениетін қалыптастыру (Арал теңізі бассейні) пилоттық жобасы басталды. Жоба ЮНИСЕФ, Францияның даму агенттігі (AFD) ҚР Су ресурстары және ирригация министрлігі, ҚР Оқу-ағарту министрлігі қолдауымен мен Аралды құтқару халықаралық қоры Атқарушы комитетінің (АҚХҚ АК) ынтымақтастығымен жүзеге асырылуда.Жобаның орындаушысы – «Су ресурстарының ақпараттық-талдау орталығы» КЕАҚ.Жобаның мақсаты – су ресурстарының тапшылығы мен климаттық қауіп-қатерлер күшейіп отырған жағдайда су сауаттылығын арттыру және тұрақты мінез-құлық дағдыларын қалыптастыру. Пилоттық алаң ретінде Арал теңізі бассейнінде орналасқан, су тапшылығына аса осал өңірлердің бірі – Қызылорда облысы таңдалды.Пилоттық жоба 10 мектепті және 12 мыңнан астам оқушыны қамтидыЖобаға облыстағы 10 пилоттық мектеп қатысуда. Білім беру және ағартушылық іс-шараларға 12 мыңнан астам оқушы мен 800-ден аса педагог тартылды. Сонымен қатар, 55 мың оқушысы бар 45 магниттік мектеп бастамаға қосылып, тәжірибе мен білім беру форматтарын кеңейтілген мектеп желісіне тарататын болады.«Суды ұтымды пайдалану мәдениетін қалыптастыруды ерте жастан бастау қажет. Білім беру жүйесі арқылы біз ұзақ мерзімді перспективада елдің су қауіпсіздігіне тікелей әсер ететін тұрақты мінез-құлық дағдыларын қалыптастырамыз. Бұл әсіресе су тапшылығы жоғары өңірлер үшін маңызды», – деп атап өтті ҚР Су ресурстары және ирригация министрлігінде.Мектептерде іс-қимыл топтары мен су тұтынуын мониторингтеу жұмыстары басталды.Пилоттық мектептерде жастардың су клубтарының жұмысы басталды. Мектептерде әрекет командалары құрылып, су үнемдеу бойынша жеке жоспарлар әзірленіп, су тұтынуды бақылау, мектеп инфрақұрылымының қазіргі жағдайын талдау жұмыстары басталды. Мұндай практикалық тәсіл судың маңыздылығын түсіндіріп қана қоймай, оқушыларды білімді күнделікті өмірде қолдануға – өлшеуге, талдауға және әдеттерін өзгертуге үйретеді.<img src="https://knadmin.beoblood.kz/uploads/3cc18dd5_2476_4d65_86b5_8ce651f8294c_5e3d5af3c7.jpg" alt="3cc18dd5-2476-4d65-86b5-8ce651f8294c.jpg">Жастар су клубтары, байқаулар және интерактивті әдістемелік материалдар2026 жылғы қаңтардан бастап пилоттық мектептерде жастар су клубтары жұмыс істей бастады. Жоба аясында балалар суреттері мен педагогтарға арналған экологиялық ертегілер байқауларын қоса алғанда, 6 шығармашылық және білім беру конкурсын өткізу жоспарланған. Сонымен бірге, тиімді су пайдалану дағдылары мен экологиялық ойлауды дамытуға бағытталған ойындар, квестер және тапсырмалардан тұратын әдістемелік пакеттер әзірленеді. Жобаға ЮНИСЕФ-тің жас еріктілері де қосылады. Олар 2025 жылы Қазақстан өңірлерінде ашылған ЮНИСЕФ-тің алты жастар хабы базасында климат және қоршаған ортаны қорғау саласындағы бастамаларды іске асырып келеді.<img src="https://knadmin.beoblood.kz/uploads/dcb4ef63_8c98_4dd6_9a67_57a93ff2efd7_b17e646d8f.jpg" alt="dcb4ef63-8c98-4dd6-9a67-57a93ff2efd7.jpg">Келесі кезең: Арал теңізі маңындағы эко-кемп, медиа-форум және Tamshy.kz цифрлық платформасыЖобаның алдағы жоспарында – сәуір айында барлық пилоттық және магниттік мектептердің қатысуымен плоггинг өткізу, балалар мен жасөспірімдерге арналған офлайн медиа-форум ұйымдастыру, сондай-ақ су үнемдеу бойынша мектеп жобаларының байқауын өткізіп, үздік бастамалар авторларын ақшалай сертификаттармен марапаттау көзделген.Пилоттық мектептердің аумағында су үнемдеу технологияларын көрсететін демонстрациялық учаскелер құрылады. Бұл балаларға тамшылатып және ұсақ-диспенсерлі суару жүйелерінің, сенсорлық крандар мен ауызсу субұрқақшалардың тиімділігін бақылауға, сондай-ақ агроволокно қолдану арқылы мектеп ауласында көкөніс, жасыл желек, гүлдер мен бұталар өсіру тәжірибесін жүргізуге мүмкіндік береді.Сонымен қатар, байқау жұмыстарын онлайн бағалау және білім беру материалдарын орналастыру үшін Tamshy.kz цифрлық платформасы іске қосылады. Барлық әдістемелік материалдар мен жоба нәтижелері ашық қолжетімді болады.

Қазақстандық оқушыларға суды үнемдеуді үйретуде

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев аудандық мәслихат төрағасы Ержан Әжікеновпен және аудандық мәслихат депутаты Марат Бисеновпен бірге Ақжарма ауылындағы газдандыру жұмыстарының барысын бақылады.<blockquote>– Мемлекет басшысы Қасым-Жомарт Кемелұлы Тоқаевтың газбен қамтылған елді мекендердің санын арттыру және газ желілерін жаңғырту жөніндегі міндеттеріне сәйкес, өңірлерде жүйелі жұмыстар жүргізіліп, облыс әкімі Нұрлыбек Машбекұлы Нәлібаевтың тапсырмасымен аймақта газдандыру деңгейі 83 пайызға жетті. Ауданда бұл бағыттағы жұмыстар жүйелі түрде жүргізілуде. Өткен жылы Н.Ілиясов пен Шаған ауылы табиғи газға қосылса, биыл Ақжарма ауылында газдандыру жүргізілуде. Құрылыс-монтаждау жұмыстарының сапасы мен уақытында аяқталуы қатаң бақылауда болады, – деді Берік Әбдіғаппарұлы.</blockquote>Жалпы жоба құны 1,8 млрд. теңгені құрайтын газдандыру жұмыстарын «Алия Сервис» ЖШС атқаруда. Қазіргі таңда елді мекен ішіне газ құбырларын тарту жұмыстары жүргізіліп жатыр.Аудан басшысы газ құбырларын жүргізу барысында асфальт жолға зақым келтірмеуді қатаң ескертіп, тиісті сала басшыларына тапсырмалар жүктеді.Фото: Сырдария ауданы әкімі баспасөз қызметі

Ақжарма ауылын газдандыру жұмыстары жүргізілуде

<a href="https://kyzylorda-news.kz/">Kyzylorda-news.kz</a> Қазалы ауданындағы Сарыбұлақ ауылына ауыз су қосу рәсімі өтіп, оған Парламент Сенатының депутаты Наурызбай Байқадамов, облыстық мәслихат төрағасы Мұрат Тлеумбетов, зиялы қауым өкілдері мен ауыл тұрғындары қатысты.Облыстық мәслихат төрағасы сарыбұлақтықтарды құттықтап, ауылдарға, әсіресе шалғай елді мекендерге инфрақұрылым игіліктерін жеткізудегі жетістіктерді атап өтті.«Сыр елінің бас шаһарында өткен, егемен еліміздің болашағы үшін маңызды шешімдер қабылданған Ұлттық құрылтайдың бесінші отырысы тарихымызға алтын әріппен жазылды. Қабылданған шешімдер халқымыздың болашаққа деген сенімін арттырып, ұлт бірлігін нығайтады.Алқалы жиында Мемлекет басшысы Қасым-Жомарт Кемелұлы: «Соңғы жылдары Қызылорда облысы заман талабына сай өсіп-өркендеп жатыр» деп, Cыр өңірінде атқарылған жұмыстарға оң бағасын берді.<blockquote>«Қуатты өңірлер – қуатты ел» қағидаты шалғай елді мекендерге ауыз су, газ тартылуына, жол мен замани әлеуметтік нысандар салынып, тұрмыс сапасын жақсартуға оң ықпал етуде.Осы орайда Сарбұлақ ауылын таза ауыз су желісіне қосу жұмыстарымен айналысқан мердігер «Дәнекер» мекемесіне, игі іске атсалысқан барша азаматтарға шынайы ризашылығымды білдіремін. Таза ауыз судың келуі тұрғындардың әлеуметтік жағдайын жақсарта түседі сенеміз», – деді Мұрат Жолкелдіұлы.</blockquote>Рәсімде ауылдың өркендеуіне үлес қосқан аға буын ардагерлерге, ауыз су жүргізген мердігер мекеме қызметкерлеріне облыс әкімінің Алғыс хаты табысталды. Наурызбай Сейтқалиұлы сөз сөйлеп, ауыл ақсақалы Сердалы Сағымбаев батасын берді.<img src="https://knadmin.beoblood.kz/uploads/Saryb_la_auylyna_auyz_su_berildi_ca1bddc53e.jpg" alt="Сарыбұлақ ауылына ауыз су берілді.jpg">Президент тапсырмасымен мемлекетке қайтарылған активтер есебінен аймақта денсаулық сақтау, білім беру, спорт және коммуналдық инфрақұрылымды жаңғырту бағытында әлеуметтік жобалар жүзеге асуда.Аталған жоба аясында Сарбұлақ, Шилі, Шәкен және Шитүбек елді мекендерін ауыз су желісіне қосуға республикалық, облыстық бюджеттен және қайтарылған активтер есебінен 1,5 млрд. теңге қаржы бөлініп, бүгінде құрылыс жұмыстары толық аяқталды.Енді Сарбұлақ ауылына таза ауыз су келіп, шалғай елді мекеннің тұрғындары көптен күткен игілікке қол жеткізді. Нәтижесінде Қазалы ауданының халқы 100 пайыз таза ауыз сумен қамтылды.Айта кетейік, өткен жылы Қазалы ауданының бюджеті 27 млрд теңгеге жетті. Ал соңғы үш жыл ішінде аудан экономикасына шамамен 80 млрд теңге көлемінде инвестиция тартылған.2022-2024 жылдары «Ауыл – ел бесігі» жобасы аясында 31 млрд. 600 млн. теңгеге өңірдегі 78 ауылдың әлеуметтік, инженерлік инфрақұрылымын дамытуға бағытталған 343 жоба жүзеге асты. Өткен жылы 41 елді мекендегі 66 жобаға 15 млрд. 155 млн. теңге қаралды. Мемлекет басшысының елді мекендерді түгелдей орталықтандырылған сапалы ауыз сумен қамтамасыз ету тапсырмасы 100 пайыз орындалды.Фото: Қызылорда облысы әкімінің баспасөз қызметі

Сарыбұлақ ауылына ауыз су берілді

<a href="https://kyzylorda-news.kz/">Kyzylorda-news.kz</a> 25-26 желтоқсан күндері облыс аумағында қар жауып, жауын-шашын болып, көктайғақ күтіледі. Ауа температурасы түнде -5, -10 градус аязға, күндіз 0 +5 градусқа жылы болады.Өңірлік коммуникациялар қызметінің ақпарат алаңында “Қазгидромет” РМК Қызылорда облысы бойынша филиалының метеоболжау бөлімінің басшысы Айгерім Жөкелова қыс мезгіліндегі ауа райы болжамын айтты.<img src="https://knadmin.beoblood.kz/uploads/Alda_y_k_nderi_oblys_auma_ynda_zhauyn_shashyn_zh_ne_k_ktaj_a_k_tiledi_4ebfa59778.jpg" alt="Алдағы күндері облыс аумағында жауын-шашын және көктайғақ күтіледі.jpg"><blockquote>- Облыста қаңтар айында ауаның орташа айлық температурасы -4,4-10,3 градус шамасында болады. Алғашқы онкүндікте онкүндікте ауа температурасы түнде -3, -8 градус аяздан -8, -13 градусқа, күндіз 0,+5 градус жылыдан 0,-5 градус аязға аздап төмендейді. Ал, екінші онкүндіктің басында ауа температурасы түнде -20, -25 градус аязға, күндіз -10, -15 градус аязға төмендеуі болжанады. Онкүндіктің аяғында түнде -1, -6 градусқа, күндіз +2, +7 градус жылыға жоғарылайды. Үшінші онкүндіктің басында ауа температурасы түнде -21, -26 градус аязға, күндіз -11, -16 градус аязға дейін, облыстың оңтүстігінде түнде -18 градусқа аязға, күндіз -8 градус аязға дейін төмендеуі күтіледі. Жауын-шашынның айлық мөлшері норма шамасында. Жауын-шашын бірінші онкүндіктің ортасында, екінші онкүндіктің басында күтіледі. Қар айдың ортасында күтіледі. Тұман бірінші онкүндіктің аяғында, екінші онкүндіктің басы мен ортасында болуы ықтимал. Бұрқасын екінші онкүндіктің басында күтіледі. Желді 15-20 м/с дейін күшеюі ай бойы жиі болжанады. Сондай-ақ, Қызылорда облысында ақпан айында ауаның орташа температурасы нормадан 1-2° жоғары, жауын-шашын мөлшері Қызылорда облысында норма шамасында болады деп болжануда,- деді Айгерім Болатбекқызы.</blockquote>Фото: Нұрболат Нұржаубай

Алдағы күндері облыс аумағында жауын-шашын және көктайғақ күтіледі

<a href="https://kyzylorda-news.kz/">Kyzylorda-news.kz</a> Облыстық мәслихат төрағасы Мұрат Тлеумбетовтің, Арал ауданының әкімі Аманжол Оңғарбаевтың қатысуымен Тастүбек елді мекеніне ауыз су қосу рәсімі өтті.Мұрат Жолкелдіұлы аймақ басшысы Нұрлыбек Машбекұлының құттықтауын жеткізіп, мемлекет қолдауымен игілікке кенелген ауыл тұрғындарына ізгі тілегін айтты.<img src="https://knadmin.beoblood.kz/uploads/3_Shal_ajda_y_Tast_bek_auyly_taza_sumen_amtyldy_a783a6c47d.jpg" alt="3Шалғайдағы Тастүбек ауылы таза сумен қамтылды.jpg"><blockquote>“Тастүбекке орталықтандырылған ауыз су жеткізілді. Жобаны іске асыруға 1 млрд. 200 млн. теңге қаралған. Атап өту қажет, қаржы заңсыз иемденген активтер есебінен бөлінген. Мемлекет басшысы заңсыз иемденген активтерді қайтарып, бүкіл елдегі әлеуметтік нысандар құрылысына, жаңғырту жұмыстарына жұмсау туралы тапсырма бергені белгілі.Бұған дейін ауыл тұрғындары ауыз суды жерасты құдығынан тасымалдап, тұтынып келді. Енді сол қиыншылықтардың барлығы артта қалды. Ауыз су әрбір тұрғын үйге жеткізілді.Барша тастүбектіктерді құттықтаймын! Сапалы таза суды игіліктеріңізге пайдаланыңыздар! Халқымыз аман болып, береке-бірлігіміз арта берсін!”, -деді М.Тлеумбетов.</blockquote>Жиында ауданның дамуына елеулі үлес қосқан азаматтар мен ауыз су желісін тартқан мердігер мекеме қызметкерлері облыс әкімінің Алғыс хатымен марапатталды. «Жамбыл» өндірістік кооперативінің төрағасы, еңбек ардагері Табын Әленов батасын берді.<img src="https://knadmin.beoblood.kz/uploads/2_Shal_ajda_y_Tast_bek_auyly_taza_sumen_amtyldy_14a172db77.jpg" alt="2Шалғайдағы Тастүбек ауылы таза сумен қамтылды.jpg">Айта кетейік, Мемлекет басшысының 2025 жылы еліміздің барлық аймағын 100 пайыз ауыз сумен қамтамасыз ету тапсырмасын орындау мақсатында өңірде 2022 жылдан бастап 35 млрд. 500 млн.теңгенің 77 жобасы жүзеге асты. Өткен жылдың қорытындысымен облыс халқының 98,6 пайызыорталықтандырылған ауыз суға қосылса, биыл 9 елді мекенге ауыз су желісі тартылып, көрсеткіш 100 пайыздық межеге жетті.Арал ауданындағы 5 елді мекенге су жеткізу үшін 12 млрд 700 млн. теңге бөлінді.

Шалғайдағы Тастүбек ауылы таза сумен қамтылды

<a href="https://kyzylorda-news.kz/">Kyzylorda-news.kz</a> &nbsp;Сырдария ауданына қарасты Шаған ауылы табиғи газға қосылды. Бүгінда ауыл тұрғындары табиғи газды пайдаланып, алғысын білдіруде.&nbsp;Қызылорда облысының әкімі Нұрлыбек Нәлібаев Сырдария ауданының Шаған ауылына табиғи газ қосу рәсіміне қатысты. Салтанатты басқосуға құқық қорғау органдарының, жауапты департамент, басқармалардың басшылары, зиялы қауым өкілдері мен ауыл тұрғындары жиналды.Аймақ басшысы өңірдің әлеуметтік-экономикалық дамуындағы жетістіктерді атап өтіп, шағандықтарды құттықтады.<blockquote>«Жақында Мемлекет басшымыз Қасым-Жомарт Кемелұлы Сыр өңіріне арнайы жұмыс сапарымен келгенде әлеуметтік нысандар мен өндіріс орындарында болды. Сапар кезінде Сыр өңірінің әлеуметтік-экономикалық дамуы, инвестициялық жобаларды жүзеге асыру барысын баяндадым.Президентіміз Астана мен Алматы қалаларындағыдай тәулік бойы қызмет көрсететін үшінші Президенттік кітапхана Қызылордада ашылатындығын жеткізді. Бұл бастаманы жерлестеріміз зор қуанышпен қабылдауда. Мемлекет басшымыз алға қойған жоспарларды уақытылы әрі сапалы іске асырудың маңызын атап өтті. Аймақта инвестициялық климатты жақсарту, бизнес жүргізу үшін қолайлы жағдай жасау бағытындағы жұмыстарды жалғастыруды тапсырды. Президентіміздің Сыр өңірінің даму қарқынына, атқарылған жұмыстарға берген оң бағасы бәріміз үшін зор мәртебе.Биыл өңіріміздің негізгі макроэкономикалық көрсеткіштерінің өсімі қамтамасыз етілді. Жалпы өңірлік өнім көлемі 3 трлн. теңгеден асады. Соңғы үш жылда өңір экономикасына 1 триллион 600 млрд. теңге құйылса, осы жылы 720 млрд. теңгеден астам инвестиция тартылады. 2025-2028 жылдары 2 трлн. теңгеден астам қаржыға 90 инвестициялық жоба жүзеге асырылып, 11 мыңнан аса жаңа жұмыс орны ашылады.Президентіміздің, Үкіметтің ерекше қолдауымен облысымыздың бюджеті 851 млрд. 300 млн. теңгеге жетіп, 2022 жылдан бері 233 пайызға өсті. Оның 56 пайызы әлеуметтік салаға бағытталды.Баршаңызды Шаған ауылына табиғи газ қосылуымен құттықтаймын! Бұл – бәріміздің ортақ қуанышымыз! Көгілдір отын тұрмыс-тіршілігіміздің тынысын ашып, отбасының жылуын, Отанымыздың қуатын арттыра берсін!», – деді Н.Нәлібаев.</blockquote>Жиында ауданның әлеуметтік-экономикалық дамуына тынымсыз еңбегімен үлес қосқан ардагерлер мен газдандыру жұмыстарын жүргізген мердігер мекеме қызметкерлері облыс әкімінің Алғыс хатымен марапатталды. Қоғам қайраткері Әріп Хожбанов жиналған қауымға бата берді.Аймақ басшысы газ қосу рәсімінен кейін ауыл тұрғындарымен кездесіп, ой-пікір алмасты, өтініш-тілектерін тыңдады. Облыс аумағында атқарылған, қолға алынған, жоспарланған жұмыстардың бағыты туралы айтты.Фото: Нұрболат Нұржаубай

Шаған: Ауылға газ кірді

<a href="https://kyzylorda-news.kz/">Kyzylorda-news.kz</a> Мемлекет басшысының 2021-2025 жылдар ішінде Арал теңізінің құрғаған ұлтанында 1,1 млн.га сексеуіл екпелерін ұлғайту жөнінде тапсырмасын орындау мақсатында 2021-2024 жылдары барлығы 659,1 мың гектар алқапқа екпелер жасалды. Оның ішінде 332,5 мың гектары (201 млн. дана) облыстық деңгейде орындалды, қалған көлем, яғни 326,6 мың гектары, Орман шаруашылығы комитеті мамандарының көмегімен жүзеге асырылды.Аталып отырған кешенді жоспарды жүргізу үшін барлығы 1071 мың гектар алқапқа топырақ зерттеу және жобалау жұмыстары жүргізілді. Сонымен қатар өткен жылғы егілген екпелердің шығымдылығы төмен алқабының 26500 гектарына (облыстық деңгейде) толықтыру жұмыстары жүргізілді.2025 жылы Орман шаруашылығы комитеті арқылы Арал теңізінің құрғаған табанына 340,9 мың гектар жерді орманға айналдыру мақсатында біршама жұмыстар жоспарланды. Сөйтіп биылғы көктемде 120 мың гектар жерге тұқым себілді. 11,8 мың гектар жерге көшет отырғызу жұмыстары жүргізілді. Ал күз айында 60 мың гектар жердің табиғи өсіп-өнуіне ықпал ету үшін 30 мың гектар жерге тұқым себу жұмыстары жүргізілді. Айта кетейік, бұл жұмыстар әлі де жалғасып жатыр.Ал, облыстық деңгейде 100 мың гектар (15 мың гектар алқапқа сексеуіл көшетін отырғызу, 85 мың гектар (71,4 мың кг сексеуіл, 285,6 мың кг қарабарақ) алқапқа галофитті тұқымдар себу жұмыстары) алқапты ормандандыру мақсатында биылғы күзде атқарылуы тиіс біршама жұмыстар жүзеге асырылды. Мәселен, бүгінгі күнге 15 мың гектар жерге көшет отырғызылып, 357 мың кг сексеуіл, қарабарақ тұқымдарын себу жұмыстары жүзеге асырылу үстінде, 64,6 мың гектар жерге тұқым себу жұмыстары жүргізілуде. Жинақталған тұқымдар «Республикалық орман селекциялық тұқым өсіру орталығы» РМҚК Оңтүстік – Батыс аймақ филиалынан орман тұқымының өну сапасы арнайы тексерістен өткізілді.Жоғарыда аталған фитоорманмелиорациялық жұмыстары ормандарды толықтыру мен орман өсіру саласындағы мемлекеттік бақылау Қызылорда облыстық орман шаруашылығы және жануарлар дүниесі аумақтық инспекциясының бақылауымен жүргізілуде.&nbsp;Жоспарланған фитомелорация жұмыстары жыл соңына дейін толық орындалатын болады.Фото: Арал ауданы әкімдігі

 Арал теңізінің құрғаған ұлтанында фитоорманмелиорациялық жұмыстары қарқынды жүргізілуде

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Арал ауданында &nbsp;автоматты газ тарату стансасы жұмысын бастап, Қамыстыбас елді мекеніне табиғи газ қосу рәсімі өтті. Оған құқық қорғау органдарының, жауапты салалардың басшылары, зиялы қауым өкілдері мен ауыл тұрғындары қатысты.Аймақ басшысы жиналған жұртшылықты, көгілдір отын игілігіне қол жеткізген қамыстыбастықтарды құттықтап, инфрақұрылым жеткізу саласындағы жетістіктерге тоқталды.<blockquote>«Мемлекет басшысы: «Үкімет газ тартылған елді мекендердің санын барынша арттыруға және 1700 шақырым газ желісін жаңғыртуға тиіс. Бұл 300 мыңнан астам адамды көгілдір отынмен қамтамасыз етуге мүмкіндік береді», – деп тапсырған болатын.&nbsp;Бүгінде &nbsp;мемлекеттік саясаттың маңызды стратегиялық мақсатының бірі – ауылдарды дамыту. Үкімет пен облыс әкімдеріне қолдау тетіктерін тиімді және мақсатты пайдаланып, ауыл халқының табысын арттыру, экономикасын жоғары көрсеткіштерге жеткізу міндеті жүктелген.&nbsp;Сыр өңірінде халық саны 845 мың адам болса, оның 447 мыңы, яғни &nbsp;53 пайызы ауылда тұрады. Аймақтың негізгі макроэкономикалық көрсеткіштерінде өсім бар. «Ауылдық аумақтарды дамытудың 2023-2027 жылдарға арналған тұжырымдамасы» аясында ауқымды жұмыс атқарылуда», – деді Н.Нәлібаев.</blockquote>Автоматтандырылған газ тарату станциясы Арал ауданына қарасты 18 елді мекендегі 15 мыңға жуық халыққа кезең-кезеңімен көгілдір отын жеткізуге мүмкіндік береді.<img src="https://knadmin.beoblood.kz/uploads/602465303_1972295936666622_7057087880428062103_n_cf21b07518.jpg" alt="602465303_1972295936666622_7057087880428062103_n.jpg">Тұрғындардың өмір сүру сапасын жақсарту, елдің игілігі үшін жасалатын ауқымды жобалар жалғасын табады.Қызылорда облысында 2021 жылдың соңында газдандыру деңгейі 67 пайыз болған еді, &nbsp;2022-2025 жылдар аралығында 65 млрд. 100 млн. теңгеге 77 жоба жүзеге асырылды. Осылайша биылғы газдандыру көрсеткіші 83 пайызға жетті.&nbsp;<img src="https://knadmin.beoblood.kz/uploads/603941374_1972295799999969_2397230696449013484_n_3b65758af0.jpg" alt="603941374_1972295799999969_2397230696449013484_n.jpg">Басқосуда ауданның дамуына елеулі еңбегімен үлес қосқан ел ағалары мен газ құбырын тартқан әрі мерзімінде аяқтаған мердігер мекеме қызметкерлері облыс әкімінің Алғыс хатымен марапатталды. Мемлекеттік қызмет саласының ардагері Нұржау Ділмағамбетов бата берді.Шарадан кейін облыс әкімі ауыл тұрғынының үйіне аялдап, газдың берілуін, тұрғындардың тұрмыс-тіршілігіне тигізген оң әсерін көрді. &nbsp; &nbsp;Фото: Қызылорда облысы әкімінің баспасөз қызметі

Арал ауданы Қамыстыбас елді мекеніне табиғи газ қосылды

<a href="https://kyzylorda-news.kz/">Kyzylorda-news.kz</a>&nbsp; Қазалы ауданы әкімдігінің мәжіліс залында ел экономикасының тұрақтылығы мен инфрақұрылымын дамыту жолында еңбек етіп келе жатқан энергетика саласы қызметкерлерінің кәсіби мерекесіне орай мерекелік қабылдау өтті.Мерекелік жиынға қатысқан аудан әкімі Алмасбек Есмаханов сала қызметкерлерінің аудан экономикасының дамуына қосқан ерекше еңбектерін атап өтіп, мерекемен құттықтады.<blockquote>- Энергетика – бұл жай ғана кәсіп емес, бұл – бір рет таңдалған мамандыққа деген жауапкершілік пен адалдық. Елдің тыныс-тіршілігін қамтамасыз ететін ең негізгі саладағы қызметкерлердің қоғамдағы орны өте ерекше. Үйіміздегі жарық пен жылу, әлеуметтік нысандар мен кәсіпорындардың үздіксіз жұмысы – сала мамандарының жыл мезгілімен санаспай, тәулік бойы тынымсыз еткен еңбектерінің нәтижесі. Күні кеше ғана Қазалы электр тарату торабының электромонтері Алданыш Жомарт Іскендірұлы ІІІ дәрежелі «Еңбек даңқы» орденімен марапатталды. Марапатты ҚР энергетика министрі Ақкенженов Ерлан Құдайбергенұлы өзі табыстады. Бұл марапат 35 жылдан бері осы салада тынымсыз еңбек етіп келе жатқан Жомарт Іскендірұлы мен аудандағы барша энергетика саласында тынымсыз еңбек етіп жүрген сала мамандарына берілген лайықты құрмет деп білеміз. Сіздердің еңбектеріңіз барша адамға жылулық пен тұрақтылық сыйлайды. Адал қызметтеріңіз бен аса жауапкершіліктеріңіз үшін шынайы ризашылығымды білдіремін, - деді аудан әкімі Алмасбек Әбілқасымұлы.</blockquote>Жиында ауданның энергетика саласында жемісті еңбек етіп жүрген бірқатар сала үздіктеріне ҚР Энергетика министрлігінің «Еңбек сіңірген энергетик» және «Құрметті энергетик» төсбелгілері, облыс әкімі орынбасары мен аудан әкімінің, облыстық энергетика және тұрғын үй-коммуналдық шаруашылығы басқармасы басшысының «Алғыс хаттары» табысталды.Мерекелік басқосуда аудандық мәслихаттың төрағасы Ғазиз Әліш сала қызметкерлерінің кәсіби мерекелеріне орай ізгі лебізін жеткізсе, энергетика саласының ардагерлері Балықбай Төреханов пен Жақып Мейрамбек мерекеде құрмет көрсетіп жатқан аудан басшысы мен барша азаматтарға шынайы ризашылықтарын жеткізді.Биыл Қазалы ауданында тұрғындарды сапалы электр энергиясымен қамту бағытында жалпы құны 2.4 млрд. теңгені құрайтын 3 жоба жүзеге асуда. Олар Қожабақы ауылының электр желілерін қайта жаңғырту, Қазалы қаласының электр желілері мен қондырғыларын қайта жаңғырту және Әйтеке би кентінен ПС 35/10 Кв қосалқы стансасының құрылысы. Аталған нысандардың барлығы келер жылы толықтай аяқталатын болады.

Қазалыда энергетиктер күні аталып өтілді

<a href="https://kyzylorda-news.kz/">Kyzylorda-news.kz</a> Қызылорда облысының барлық елді мекендері 100 пайыз орталықтандырылған ауыз сумен қамтамасыз етілді. Бұл туралы облыс әкімі Нұрлыбек Нәлібаев Орталық коммуникациялар қызметінің брифингінде айтты.<blockquote>«Мемлекет басшысының елді мекендерді түгелдей орталықтандырылған сапалы ауыз сумен қамтамасыз ету тапсырмасы 100 пайыз орындалды. Мысалы, Арал қаласынан 120 шақырым жерде, яғни ең шалғай орналасқан Ақбасты ауылына да су жеткізілді.Мемлекет басшысы 2023 жылы өңірге жұмыс сапары кезінде Қызылорда қаласын ыстық сумен қамту туралы тапсырма берген болатын. Осылайша қызылордалықтардың арманына айналған көпқабатты тұрғын үйлерге ыстық су қосу мәселесі оң шешімін тапты. Осы мақсатқа 26 млрд. 200 млн. теңге бөлініп, 423 тұрғын үйге жоба әзірленді. Жобалар 2 кезеңмен іске асырылуда.Бірінші кезеңде 2024 жылы 186 үйді ыстық сумен қамтамасыз ету үшін Үкімет резервінен 11 млрд.теңге қаржы бөлініп, тұрғын үйлер ыстық суға қосылды.Екінші кезең бойынша 15,2 млрд.теңге қаржыға 237 көпқабатты тұрғын үй ыстық сумен қамтылуда.Осы бағытта биыл Үкімет резервінен бөлінген 5 млрд.теңгеге 61 көпқабатты тұрғын үйге ыстық су жеткізілді.Сондай-ақ, арнаулы мемлекеттік қордан 10,2 млрд.теңге қаржы бөлінді. Қазіргі кезде тұрғын үйлерді ыстық су жүйесіне қосу жұмыстары жүргізілуде», – деді Н.Нәлібаев.</blockquote>«2022-2024 жылдары «Ауыл – ел бесігі» жобасы аясында 31 млрд. 600 млн. теңгеге 78 ауылдың әлеуметтік, инженерлік инфрақұрылымын дамытуға бағытталған 343 жоба жүзеге асты.<img src="https://knadmin.beoblood.kz/uploads/2_25f253bc98.jpg" alt="2.jpg"><img src="https://knadmin.beoblood.kz/uploads/3_0bfb12db7f.jpg" alt="3.jpg">Фото: Қызылорда облысы әкімінің баспасөз қызметі

Сыр өңірі 100 пайыз орталықтандырылған ауыз сумен қамтылды

<a href="https://kyzylorda-news.kz/">Kyzylorda-news.kz</a>&nbsp; &nbsp;Мемлекет басшысының қолдауымен «AKSA Energy» түрік компаниясы Қызылорда қаласында 215 млрд. теңгеге қуаттылығы 240 мегаваттық жаңа жылу-электр орталығын салды. Орталыққа бюджет есебінен 15 млрд. теңгеге 45 шақырым газ құбыры жүргізілді. Ауқымды жоба жайында облыс әкімі Нұрлыбек Нәлібаевтың Орталық коммуникациялар қызметінде өткен брифингтегі баяндамасында айтылды.&nbsp;«Бұл – Тәуелсіздік жылдарындағы инвестор қаржысына салынған жобалардың бірі. Жаңа орталық 240 мегаватт электр қуатын, 277 гигакалория жылу энергиясын өндіреді. Электр энергиясымен өңірімізді ғана қамтамасыз етіп қоймай, бір бөлігін аймақтан тыс жерлерге сатуға мүмкіндік туады, – деді Н. Нәлібаев.Еске салсақ, жаңа жылу-электр орталығының жобалау құжаттары 2023 жылы әзірленіп, 2024 жылы құрылысы басталды.&nbsp;Инвестициялық шартқа сәйкес станцияның іске қосылуы 2026 жылдың тамыз айына белгіленген. Мемлекет басшысының тікелей бақылауында болғандықтан, станция уақытынан бұрын пайдалануға берілді.&nbsp; Бүгінде 176 мегаватт электр энергиясын шығаратын газ турбинасы қосылды. Келесі жылдың басында бу турбинасы іске қосылып, қосымша 95 МВт электр энергиясы өндірілмек.&nbsp;Кейінгі жылдары тұрғындарды электр энергиясымен тұрақты қамту бағытында 24 млрд. 200 млн. теңгеге 71 жоба жүзеге асып, тозған желілер 60,8 пайыз төмендеді.Мемлекет басшысының Катар сапарында жасалған келісімнің &nbsp;нәтижесінде қуаттылығы 1100 МВт-тық бу-газ қондырғысын жобалау жұмыстары басталды. Қазіргі уақытта 250 гектар жер телімі бөлінді. Жобаның техника-экономикалық негіздемесі әзірленуде.Жоба аясында «Қызылорда-Жезқазған», «Қызылорда-Шымкент» жоғары қуатты 500 кВт электр желілері салынады. Оған қоса 1,5 мың шақырымдық «Бейнеу-Шымкент» газ құбырының екінші желісі жоспарлануда. Жобаның жалпы құны 3 трлн. теңге, оның 1,7 трлн. теңге болатын 846 шақырым газ құбыры облыс аумағынан өтеді.<img src="https://knadmin.beoblood.kz/uploads/TE_Cz_1d8ec60cbc.jpg" alt="ТЭЦ.jpg">&nbsp;Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Экология