<a href="https://kyzylorda-news.kz/">Kyzylorda-news.kz</a> Қазан айында бүкіл әлемде «Қызғылт қазан» атты жаһандық бастама өткізіледі. Бұл науқан сүт безі қатерлі ісігі, оның алдын алу, диагностикасы мен емделуі жайлы халықтың хабардарлығын арттыруға арналған.Қызылорда облысында сүт безі қатерлі ісігі өкпе және асқазан обырдан оқ бойы озып тұр, деп хабарлады облыстық онкологиялық орталықтың бас дәрігерінің орынбасары Нұрлыбек Құлмаханов. Өңірде барлығы 6 241 онкологиялық науқас диспансерлік есепте тұрса, оның 1 205-і сүт безінің қатерлі ісігі бар.Маманның айтуынша, онкологияның бұл түрі әйелдермен қатар, ерлерде де болады. Бірақ, әйелдерде ең көп кездесетін дерттің бірі. Әдетте, бұл ауру сүт безі тінінде киста немесе түйін түрінде пайда болады. Бұл жасушалар лимфа жүйесі немесе қан тамырлары арқылы қоршаған тіндер мен мүшелерге таралуы мүмкін. Ауруды асқындырып алған жағдайда емдеу қиынға соғады. Маммография және өзін-өзі пальпация секілді медициналық тексерулер сүт безі обырын ерте анықтап, сәтті емдеу мүмкіндігін айтарлықтай арттыруы мүмкін.Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова түсіндіргендей, онкоскринингтер бұрын МӘМС медициналық қызметтері пакетіне кірген. Яғни скринингтен өту үшін сақтандырылған мәртебесі болуы қажет еді. Сондықтан қауіпті ісіктерді анықтауға мүмкіндік беретін осы маңызды зерттеулерге барлық пациенттер қол жеткізе алмады.Бірыңғай пакетті әзірлеу кезінде сарапшылар осыны ескеріп, скринингтерді мемлекет кепілдік беретін негізгі медициналық көмек пакетіне енгізді. Енді сүт безі қатерлі ісігіне, жатыр мойны және тоқ ішек қатерлі ісігіне скринингтік тексерулерді МӘМС төлемдері болмаса да, емханада өтуге болады.40 пен 70 жас аралығындағы әйелдер 2 жылда 1 рет сүт безі обырын ерте анықтау үшін скринингтік тексеруден өте алады.Оған келесі тексеру түрлері кіреді:<ul><li style="text-align:justify;">сүт бездеріне ультрадыбыстық зерттеу, мақсатты маммография (1 проекция),</li><li style="text-align:justify;">маммография (4 сурет).&nbsp;</li></ul>Қажет болған жағдайда дәрігер қосымша тексеруге жолдама береді: пункциялық/ стереотактикалық бақылаудағы аспирациялық биопсия, трепанобиопсия, күрделілігі 3 санаттағы операциялық-биопсиялық материалдың 1 блок-препаратын гистологиялық зерттеу.&nbsp;Нәтижесі бойынша келесі дәрігерлерге жолдама беріледі: акушер-гинеколог, рентгенолог (рентгенограмманы 2-ші мәрте қарау), онколог немесе онколог-хирург, маммолог.Жыл сайын қазан айында ұйымдастырылатын айлық аясында еліміздің медициналық орталықтарында ашық есік күні өтеді. Онда тегін тексеруден өтіп, маммолог-дәрігерлерден кеңес алуға болады.Егер сұрақтарыңыз болса, сіз оларды емханаңыздан пациенттерге қолдау көрсету қызметіне хабарласып сұрай аласыз.Сондай-ақ, ыңғайлы байланыс арнасы арқылы Әлеуметтік медициналық сақтандыру қорына өтініш жібере аласыз: fms.kz ресми сайты, 1414 байланыс орталығы, Telegram-да SaqtandyryBot және Qoldau 24/7 мобильді қосымшасы.

«Қызғылт қазан»: сүт безі қатерлі ісігі туралы ақпарат беретін науқан өтеді 

<a href="https://kyzylorda-news.kz/">Kyzylorda-news.kz</a> Өңірдегі медициналық ұйымдарда Әлеуметтік медициналық сақтандыру қорының&nbsp;Қызылорда облысы бойынша филиалының өкілдерімен кездесулер өтуде.&nbsp;Сарапшылар&nbsp;«Міндетті әлеуметтік медициналық сақтандыру туралы» Заңға енгізілген өзгерістерді, жаңа&nbsp;шарттар бойынша&nbsp;Қормен өзара іс-қимыл тәртібін түсіндіріп, МӘМС жүйесіндегі өзекті мәселелерді талқылады.Басты мақсат – халықты МӘМС жүйесімен кеңінен қамту және медициналық көмектің қолжетімділігін арттыру.Қор филиалы директорының орынбасары Жұпар Алхожаеваның&nbsp;айтуынша, 2026 жылдан бастап енгізілетін бірқатар&nbsp;өзгерістер ауруларды ерте кезеңде анықтауға мүмкіндік береді:8 әлеуметтік мәні бар ауру бойынша диагностикалық тексерулер; Амбулаториялық диализ; Жоғарғы асқорыту жолдарының, қалқанша безі, жүрек-қан тамырлары және генетикалық аурулар сияқты 12 түрлі созылмалы ауру бойынша амбулаториялық және стационарлық қызметтер; Онкологиялық скринингтер -&nbsp;МӘМС жүйесінде сақтандырылған мәртебесіне қарамастан барлық азаматтар үшін тегін.Сондай-ақ, кездесу барысында медициналық этика, беделді басқару, пациенттермен кері байланыс және тұрғындарды кеңінен ақпараттандыру мәселелеріне де ерекше назар аударылды.<img src="https://knadmin.beoblood.kz/uploads/osms_e99a6e375e.jpg" alt="осмс.jpg">Фото: freepik

Медицина қызметкерлеріне МӘМС жүйесіндегі өзгерістер таныстырылды

<a href="https://kyzylorda-news.kz/">Kyzylorda-news.kz</a> Облыста жыл басынан бері 79 839 адам жедел респираторлы вирусты инфекцияға шалдыққан. Оның ішінде 14 жасқа дейінгі балалардың үлесі 63 пайызды құрайды. Ал тұмаумен ауырғандар саны 35 адам болса, оның 25-і балалар. ЖРВИ бойынша аурушаңдық көрсеткіші өткен жылмен салыстырғанда 2,6 пайызға төмендеген. Бұл туралы Өңірлік коммуникациялар қызметінде облыстық денсаулық сақтау басқармасы басшысының орынбасары Жаңыл Абубакирова мен облыстық санитарлық-эпидемиологиялық бақылау департаменті басшысының орынбасары Әлия Әбдіқайымова мәлімдеді.<blockquote>– &nbsp;Жіті респираторлық вирустық инфекциялар - тұмау, парагрипп, аденовирус және респираторлық-синцитиальды вирустардан туындайтын, ауа-тамшылары арқылы таралатын аурулар тобы. Инфекция жөтелгенде, түшкіргенде және тұрмыстық байланыс арқылы жұғады. ЖРВИ мен тұмаудың алдын алудың негізгі жолы - вакцинация. Биыл облысқа тегін егуге 85 мыңнан аса доза вакцина жеткізілді. Ол алдымен диспансерлік есептегі, ата-анасының қамқорлығынсыз қалған балаларға және қарттарға салынады. Айта кетейін, аймақта вакцинациялау жұмыстары бүгіннен басталды, - деді Жаңыл Исақызы.</blockquote>Қазір күз мезгілі басталып, ауа райы құбылмалы кезеңге өтті.&nbsp;<blockquote>– Бұл уақыт ЖРВИ мен тұмаудың өршитін шағы. ҚР Бас мемлекеттік санитарлық дәрігерінің қаулысына сәйкес, 1 қазаннан бастап медицина ұйымдарының қызметкерлері маска режимін сақтайды. Сондай-ақ дезинфекциялық шаралар күшейтіліп, ұйымдасқан ұжымдарда профилактикаға бақылау артады. Дүниежүзілік денсаулық сақтау ұйымы тұмаудан қорғаудың жалғыз әрі ең тиімді жолы ретінде вакцинацияны ұсынады. Осы мақсатта облыстық бюджеттен қаржы бөлініп, Ресейде өндірілген «Гриппол плюс» вакцинасы қолданылады, – деді Әлия Мүтәліпқызы.</blockquote><img src="https://knadmin.beoblood.kz/uploads/Snimok_b3613ba79e.PNG" alt="Снимок.PNG">Фото: Нұрболат Нұржаубай

Биыл облыста ЖРВИ көрсеткіші 2,6 пайызға төмендеген

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев жауапты сала басшыларымен бірге Дүниежүзілік Денсаулық сақтау ұйымының өкілдерімен кездесті.Басқосуда аймақ басшысы Арал теңізінің ахуалы тек бір өңірдің немесе бір елдің ғана емес, әлемге ортақ, жаһандық экологиялық мәселе екенін айтты.<blockquote>«Президентіміз Қасым-Жомарт Кемелұлы 2021-2025 жылдары Арал теңізінің құрғаған табанындағы 1 миллион 100 мың гектар аумаққа климатқа бейімделген өсімдіктер егіп, ормандандыру көлемін ұлғайтуды тапсырған болатын.2021-2024 жылдары 659 мың гектарға сексеуіл көшеті егілді. Қалған 441 мың гектар жердегі жұмыс жыл аяғына дейін жалғасады.Арал өңірінің экологиялық жағдайын жақсарту, қоршаған ортаны қорғау бағытында шет мемлекеттер және халықаралық ұйымдардың қолдауымен де ауқымды жұмыс атқарылуда.Құрғаған теңіз табанындағы құм көшкінін тоқтату үшін Германия, Оңтүстік Корея, Америка Құрама Штаттарының, ірі халықаралық ұйымдар және қорлардың қолдауымен 73 мыңнан астам гектар жерге сексеуіл көшеті отырғызылды.Бұдан бөлек, биыл Дүниежүзілік банк есебінен 441 млн. теңгеге аумағы 33,5 гектар орман тұқымбағы пайдалануға берілді. Бұл әлемдік қауымдастықтың Арал теңізі мәселесіне бейжай қарамайтынын көрсетті. Сондай-ақ, достық байланыстардың жолға қойылғанының дәлелі деп білеміз.Ауқымды жобалар Арал теңізінің солтүстік бөлігін сақтап қалуға, су құрамындағы тұз мөлшерін азайтуға мүмкіндік туғызды. Бұл балық шаруашылығының дамуына оң серпін берді. Мәселен, 2004 жылы 400 тонна, 2024 жылы 6 мың тоннаға жуық балық ауланды.Біз осы бағытта әріптестік орнатуға, бірлесіп жұмыс атқаруға әрқашан дайынбыз!», – деді Н.Нәлібаев.</blockquote>Басқосуда сөз алған Дүниежүзілік Денсаулық сақтау ұйымы Еуропалық аймақтық бюросының директоры Робб Батлер әріптестікке жол ашық екенін жеткізді.Айта кетейік, 15 қыркүйектен бастап Арал теңізі дағдарысының денсаулық пен қоршаған ортаға әсерін бағалау үшін Біріккен Ұлттар Ұйымының арнайы делегациясы өңірімізге жұмыс сапарымен келген болатын. Елдік миссия өкілдері теңіздің жағдайымен танысып, өңір халқының денсаулығына әсер ететін негізгі факторларды анықтауға, қауіп-қатерлерді жоюға қатысты арнайы форум өткізді.Форум алаңында үкіметаралық жұмысшы топ өкілдері Арал өңірінің климаттық жағдайын, қоршаған ортаның денсаулыққа әсерін бағалап, осы бағыттағы ғылыми-зерттеу жобаларын кеңінен талқылады.Фото: Қызылорда облысы әкімінің баспасөз қызметі

 Аймақ басшысы Дүниежүзілік Денсаулық сақтау ұйымының өкілдерімен кездесті

<a href="https://kyzylorda-news.kz/">Kyzylorda-news.kz</a> Көпбейінді Қызылорда облыстық ауруханасында кезекті күрделі ота сәтті аяқталды. Бұл туралы аурухананың баспасөз қызметі <a href="https://kaz.inform.kz/news/kizilordada-72-zhastagi-ayelden-5-kilogramm-kista-alindi-db9828/">хабарлады.</a>Дәрігерлер 72 жастағы әйелдің оң жақ аналық безінен салмағы 5 килограмм болатын ісікті алды.<blockquote>- Жалпы әйелдерде түрлі жағдайларға байланысты әртүрлі киста кездеседі. Аналық без кистасы — аналық без құрылымында пайда болып, оның көлемін бірнеше есе арттыратын сұйықтық немесе жартылай сұйық құрамы бар көпіршік тәрізді масса. Біз пациентке лапоротомиялық әдіспен ота жасадық. Ол кісі ауру жанына батса да осыған дейін шыдап жүре берген. Мұндай жағдай әртүрлі жаста кездесе береді. Тіпті жақында 18 жастағы қыздан да алынды, - деді гинеколог дәрігер Айдос Қамзиев.</blockquote>Отаны хирург дәрігер, PhD, аурухана басшысының хирургия жөніндегі орынбасары Ербол Серікұлы бастаған мамандар жасады. Пациент отадан кейін палатаға шығарылды. Дәрігерлер оның денсаулығын тұрақты деп бағалап отыр.Фото: Қызылорда облыстық ауруханасы

Қызылордада 72 жастағы әйелден 5 килограмм киста алынды 

<a href="https://kyzylorda-news.kz/">Kyzylorda-news.kz</a> &nbsp;Оқу жылы басталғалы бері ата-аналар балаларына қандай тегін медициналық қызметтер көрсетілетінін білгісі келеді. Әлеуметтік медициналық сақтандыру қоры бұл туралы түсініктеме дайындады.&nbsp; Оқушылар МӘМС жүйесінде автоматты түрде сақтандырылған, яғни олар үшін &nbsp;жарналарды мемлекет төлейді. Сондықтан олар кепілдендірілген тегін медициналық көмек көлемінде де, міндетті әлеуметтік медициналық сақтандыру пакеті аясында да барлық қажетті медициналық қызметтерді ала алады.Оқушыларға қандай медициналық қызметтер қолжетімді?Мектеп медицинасы; Стоматологиялық&nbsp;қызметтер; Дәрігерлердің консультациялары; Зертханалық талдаулар; Құрал-жабдық диагностикасы (УДЗ, рентген, КТ, МРТ және т.б.); Күндізгі стационар; Тәулік бойғы стационар; Оңалту қызметтері; Дәрі-дәрмекпен қамтамасыз ету (аурулардың тізімі бойынша); Жоғары технологиялық медициналық көмек.«Мектеп медицинасы» деген не?Бұл – білім беру ұйымдарында мектеп және мектепке дейінгі балаларға көрсетілетін медициналық көмек. Оған балалардың денсаулығын қорғау мен нығайту, аурулардың алдын алу және олардың денсаулық жағдайын динамикалық бақылау кіреді.&nbsp; &nbsp; &nbsp; &nbsp; &nbsp;Мектеп медицинасына&nbsp;келесі қызметтер&nbsp;кіреді:Алдын ала медициналық қарауларды жүргізу; Оқу және демалыс уақытындағы сауықтыру іс-шаралары; Аурулардың алдын алу; Денсаулықты нығайту және дұрыс тамақтануды насихаттау; Репродуктивті денсаулықты қорғау; Психикалық денсаулықты қорғау, суицид, темекі шегу, есірткі мен улы заттарға әуестік, ойынға тәуелділіктің алдын алу; Ұлттық екпе күнтізбесіне сәйкес вакцинация жүргізу; Алдын ала қараулар нәтижесі бойынша оқушыларды терең медициналық тексеруге жолдау; Санитарлық ережелерді сақтау.&nbsp; &nbsp; &nbsp;Бұл қызметтер мектеп орналасқан аумаққа тиесілі емхана арқылы көрсетіледі. Мектептердегі медициналық пункттер оқу жылы барысында балаларды медициналық қызметкерлер бақылап, уақытылы медициналық көмек көрсетуге мүмкіндік береді.&nbsp; &nbsp; &nbsp;«Кейде бізге ата-аналардан балаларын рұқсатсыз басқа медициналық ұйымға тіркеп қойғаны туралы шағымдар түседі. Мұндай пікірдің пайда болуына себеп – жүйеде баланың басқа емханадан медициналық қызмет алғаны туралы ақпараттың көрінуі. Алайда іс жүзінде бұл қызметті баланың оқып жатқан мектебіне қызмет көрсететін емхана көрсеткен», – деп түсіндірді Әлеуметтік медициналық сақтандыру қорының басқарма төрағасының орынбасары Индира Саркенова.&nbsp; &nbsp; Сол себепті ата-аналар кейде балаларына қатысты көрсетілген медициналық қызметті білмей, оған жүгінбегенін айтып жатады. Мұндай қызметтер туралы ақпарат скрининг және қосымша диагностикалық шаралар толық аяқталғаннан кейін, кейде баланың жасы жеткеннен кейін ғана базада пайда болуы мүмкін (мысалы, баланың жасы жетіге толмаған болса да, ол бірінші сыныпта оқитын болса, скрининг нәтижелері бала туған күнінен кейін енгізіледі).Әлеуметтік медициналық сақтандыру қорының баспасөз қызметі

Оқушыларға қандай медициналық көмек қарастырылған?

<a href="https://kyzylorda-news.kz/">Kyzylorda-news.kz</a> 1 қыркүйектен бастап медициналық-санитариялық алғашқы көмек көрсететін денсаулық сақтау ұйымдарына жеке тұлғаларды бекіту науқаны басталды. Екі ай көлемінде жүргізілетін науқан 1 қарашада аяталады. Айта кету керек, емхананы таңдағанда қолжетілімдікті ескеру керек. Яғни емханаңыз үйден 15-20 минут уақытта жаяу жететін жерде орналасқаны жөн. Ал, тіркелу екі әдіс арқылы жүргізіледі. Біріншісі, www.egov.kz сайты арқылы барлық азаматтарға арналса, екінші әдіс халықтың жекелеген санаттарына ғана арналады. Бұл туралы облыстық денсаулық сақтау басқармасы басшысының орынбасары Жаңыл Абубакиров айтты.<blockquote>- Алғашқы медициналық-санитарлық көмек ұйымы жеке тұлғаларға өз бетінше жүгінген кезде немесе «Электрондық үкімет» веб-порталы арқылы мемлекеттік қызметтерді көрсетеді. Мемлекеттік қызметті көрсету үшін жазбаша нысанда тікелей өтінішті зейнеткерлер, мүгедектер, бала кезінен мүгедек баланың заңды өкілдері, сондай-ақ қорғаншылары немесе қамқоршылары, патронат тәрбиешілері және оларды алмастыратын, заңнамаға сәйкес баланы күтуді, оқытуды, тәрбиелеуді, құқықтары мен мүдделерін қорғауды жүзеге асыратын басқа да адамдар бере алады. Науқан арқылы тіркелген тұрғындарға жаңа емхана медициналық көмекті келесі жылдың 1 қаңтарынан бастап көрсетеді. Тұрғындарға емхананы науқаннан тыс та ауыстыруға болады: жылына бір рет еркін таңдау құқығымен, сондай-ақ тұрғылықты жерін, жұмысын, оқуын өзгерткенде немесе бұрынғы емхана жабылған жағдайда,- деді Жаңыл Исақызы.</blockquote><img src="https://knadmin.beoblood.kz/uploads/Snimok_f0dd400716.PNG" alt="Снимок.PNG">Фото: Нұрболат Нұржаубай

Медициналық ұйымдарға тіркелу науқаны жүргізілуде

<a href="https://kyzylorda-news.kz/">Kyzylorda-news.kz</a>&nbsp; МӘМС жүйесіне қатысты жиі қойылатын сұрақтарға жауап беруді жалғастырамыз. Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова бірқатар өзекті мәселелерді түсіндірді.Бір уақытта бірнеше емханаға тіркеле аламын ба?&nbsp; -Емханаға тіркелу Сіздің жеке сәйкестендіру нөміріңіз (ЖСН) арқылы жүзеге асырылатындықтан, Сіз тек бір емханаға тіркеле аласыз. Ал бұрынғы емханадан шығу автоматты түрде жүзеге асырылады.Жүкті әйелмін, жеке гинекологқа қаралып жүрмін. Скринингтерді МӘМС арқылы тегін өте аламын ба?&nbsp; -Иә, скринингтік тексерулер, соның ішінде пренаталдық скрининг те МӘМС пакетіне кіреді. Сондай-ақ жүкті әйелге зертханалық талдаулар, құралдық диагностика, бейінді мамандардың кеңесі де қолжетімді. Медициналық бақылаудан дер кезінде өту үшін тіркелген емханаңызда жүктілік бойынша есепке (12 аптаға дейін) тұру қажет.МӘМС жүйесінде сақтандыру мәртебесі жоқ адамға еңбекке жарамсыздық парағын рәсімдеуге бола ма? -Егер пациенттің еңбекке жарамсыздығын анықтау немесе растау үшін МӘМС жүйесінде медициналық қызмет көрсету талап етілмесе, онда еңбекке жарамсыздық парағын ТМККК шеңберінде рәсімдеуге болады.&nbsp; Мысалы, сақтандырылмаған науқаста ЖРВИ белгілері пайда болып, ол фильтр кабинетіне немесе учаскелік дәрігерге қабылдауға жүгінді делік. Егер диагнозды белгілеу үшін арнайы маманға жолдама немесе МӘМС пакетіне кіретін диагностикалық зерттеулер талап етілмесе, онда пациентке учаскелік дәрігер еңбекке жарамсыздық парағын бере алады.&nbsp; Алайда, егер емдеуді одан әрі жалғастыру немесе қосымша зерттеулер жүргізу үшін міндетті медициналық сақтандыру тізіміне енгізілген медициналық қызметтерді алу қажет болса, онда мұндай пациентке міндетті медициналық сақтандыру жүйесінде сақтандыру мәртебесін алу қажет болмайды.Фото: freepik

Азаматтардың МӘМС-тегі мәртебесі бойынша сұрақтар 

<a href="https://kyzylorda-news.kz/">Kyzylorda-news.kz</a> &nbsp; &nbsp;Бүгінгі таңда онкологиялық ауру көбейіп тұр. Оны қазақ «аты жаман ауру» деп атын атамаған. Уақыт өте келе бұл ауруды жиі еститін болдық. Себебі қатерлі ісіктен көз жұмғандар аз емес. Бәрінен бұрын бұл ауруға шалдыққан науқастың өзін-өзі тастап жіберетіні қиын. «Болды, менің көп уақытым қалған жоқ» дейді. Алайда бұл ауруды жеңудің бір жолы – адамның күресуі, «менің қолымнан бәрі келеді» деп алға ұмтылуы, психологиялық тұрғыдағы көз-қарасы.&nbsp; &nbsp;Дәрігерлердің айтуынша, қатерлі ісікті асқындырмай, ерте сатысында анықтаса, емдеу оңай болады. Аурудан құлаң-таза жазылу, ауруды емдеп, жазып шығу оңай болмақ. Ол үшін уақытында дәрігерге қаралып, нұсқаулықты орындау керек. Дұрыс тамақтанбаудың да адам денсаулығына тигізер кері әсері көп. Саламатты өмір салтын ұстанбай, шығып жатқан өнімдерді (фасфуд) жей беретін болсақ, оның денсаулыққа тигізер зияны көп. Мұны біреуге түсіндірмек түгілі өзің түсініп көр. Уақытында&nbsp;скринингтен өтпеудің салдары бар. Жалпы статистикаға көз жүгіртсек, әлемде қатерлі ісіктен 9 млн адам көз жұмады екен. Онкологиялық науқас саны бойынша Қазақстан алғашқы 50 елдің қатарында.&nbsp; &nbsp; &nbsp; &nbsp;Қазіргі таңда қатерлі ісікпен күресіп жатқандар да, қайтыс болғандар да&nbsp;бар. Скринингтің ауруды ерте анықтап, алдын алуға көмегі көп.&nbsp;Жылына бір рет толық тексеріліп, денсаулыққа салғырт қарамау кез келген аурудың алдын алуға көмектеседі. Дәрігерлердің айтуынша, &nbsp;скринингтің 3 түрі жүргізіледі. Олар жатыр мойны обыры әйелдер арасында 30-70 жас. Сүт безі обыры әйелдер арасында 40-70 жас. Және тоқішек обыры ерлер мен әйелдер арасында 50-70 жас. Жыл сайын 2,5 млннан астам азамат скринингтік зерттеуден өтеді.Онкологияда ісіктер әдетте қатерсіз, шартты түрде қатерсіз (шекаралық) және қатерлі болып бөлінеді.Қатерсіз ісіктер салыстырмалы түрде баяу өсумен, метастазаға бейімділіктің болмауымен және жақсы болжаммен сипатталады. Ісіктердің бұл түрлеріне фиброма, липома, невус, папиллома, лейомиома, нейрома, хондрома, ангиома және басқасы жатады.Шартты қатерсіз ісіктер де метастаз бермейді, бірақ қатерлі ісік болып қайта тууы және жоюдан кейін бірнеше рет қайталану қабілеті бар. Мұндай онкологиялық аурулардың мысалы ретінде асқазанның аденоматозды полиптері, атипті меңдер, кәрілік кератоз, Боуэн ауруы және т.б. жатады.Қатерлі ісіктердің алдын алу &nbsp;– қоршаған ортаның зиянды әсерлерін жойып, қатерлі ісікке әкелетін жағдайлардың пайда болуына жол бермеу. Медициналық көмекті тиімді көрсету және аурулардың дамуын болдырмау үшін алдын алу шараларының үш негізгі кезеңі анықталды. Олар:– Бастапқы профилактика – саламатты өмір салтын сақтау, дұрыс тамақтану және зиянды әдеттерден бас тарту; – Екіншілік профилактика – белгілі бір ісіктің даму қаупі бар адамдарды бақылаудан, сондай-ақ ісік алды жағдайларды және қатерлі ісіктің ерте формаларын емдеу мен дер кезінде диагностикалаудан тұрады; – Үшіншілік профилактика – қатерлі ісіктерді емдеуден өткен науқастарға қатысты, ол ісіктердің қайталануын және метастазаларын, сондай-ақ емделген науқастарда ісіктердің басқа түрлерінің пайда болу ықтималдығын болдырмаудан тұрады.&nbsp; &nbsp;Қолда бар мәліметке көз жүгіртсек,&nbsp;облыс бойынша өткен жылдың қорытындысы (6 айдың есебімен) қатерлі ісік ауруына ұшырағандар саны –689. Биылғы (6 айдың есебімен) – 686. Оның ішінде сүт безі қатерлі ісігі – 78, өкпе қатерлі ісігі – 77, тік және тоқ ішек қатерлі ісігі – 48, асқазан қатерлі ісігі – 47, өңеш қатерлі ісігі – 37. &nbsp;Өкініштісі, бұл қатерлі ісіктен қайтыс болғандар саны (6 айдың көрсеткіші) былтыр – 198, биыл – 177 адам.Қазақстанда онкологиялық аурулардың алдын алу мен ерте манықтауға ерекше мән беріліп отыр. Бұл бағытта МӘМС аясында мемлекеттен бірқатар тегін қызметтерді қаржыландырып, халыққа қолжетімді етуде.Дәрігерлардің айтуынша, қатерлі ісікке шалдыққандардың басым бөлігі аурудың III-IV кезеңінен асқан кезде ғана дәрігерге жүгінеді.&nbsp;Емдеудің небір тиімді әрі заманауи жолдары болуына қарамастан, науқасқа диагноз қойылған соң оның өлу қаупі 50 пайызға дейін артады. Қазақстан бойынша өкпе ісігіне шалдыққандардың саны көбейіп жатыр. Себебі көбі әдеттегі жөтелді пневмония ғана деп ойлап, дәрігерге қаралмайды. Шылым шегетіндер ғана өкпе обырына шалдықпайды. Мысалы, бронх қабынуы, пнев­мония, тубер­кулез сияқты созыл­малы аурулар өкпе обы­рына тіке­лей себеп­ші бола­ды екен.“Әкем зейнет жасында болды. Емханаға көп бармайды, ауырған кездің өзінде әрең дегенде апардық. Бірақ ешқандай сырқат мазалаған жоқ. Қажеттілік болмаған соң тексеріліп, дәрігерге көрінген жоқ. Дегенмен аяқ-асты сырқаттанып, төсек тартып жатып қалды. Анықтай келе, қатерлі ісік екенін білдік. Ауруханаға жатты, химия қабылдады. Бірақ кеш қалыппыз. Мүмкін ішінде бір уайым болды ма, ауруы асқынып кетті де, жеңіп шығу қиынға соқты. Дәрігерлер өз жұмысын жасап, жақсы көмектесті. Қайта-қайта көңілін аулап, жиі әзілдесіп, қасынан табылып, күш беру керегін айтты. Ақырында әкемізден айырылып қалдық”, – дейді Мұрат есімді жігіт.&nbsp; Жоғарыда атап өткендей – дұрыс тамақтану әденсаулыққа тиімді. Дәрігерлер жылына бір емханаға барып, толық тексерілуден өтуге кеңес береді. Емханаға мүлде бармайтын, тексерілмейтін адамдар да бар. Жылына бір көрініп, скрингке шақырған кезде тексерілу бұл – &nbsp;денсаулық, болашақ үшін ғана керек-ті дүние.&nbsp; &nbsp; &nbsp;Қатерлі ісік диагнозы қойылған науқасқа қолдау қажет. Қасында әрдайым бола алмасаң да, қайта-қайта хабарласып, жиі-жиі сөйлесіп, өзіннің жылулығынды білдіру керексің. Дәрігерлер өзің-өзі тастап жібермес үшін «жанынан табыл» деп жиі айтады. Химия алу да &nbsp;оңай емес. Ол адамның жанын қинайды, денесін ысытады. Ауырлықты сездіртеді. Құсу, лоқсу секілді нәрселер орын алады. Ал химия – бұл дертпен күресудің бір жолы. Кез келген ауруды жеңу ең бірінші науқастың осы сырқатты қабылдап, күресуінен басталады. Психологиялық тұрғыдан күресіп, сырқатты жеңу арқылы қайта өмір бастауы да осы диагнозды қабылдай білуінде.&nbsp; &nbsp; &nbsp; Жақында бір танысым анасынан айырылып қалды. Өкініштісі бұл да қатерлі ісік. «Анам ауруханада, дәрігерлер жақсы қарап жатыр» деген еді. Десе де ол кісіде келмеске кетіпті.&nbsp; &nbsp;«Анам ауруханада. Жақында химия алды. Жағдайы жақсы, дәрігерлердің жанашырлығына тәнті болдым. Жағдайы жақсы, барып тамағын, керек затын апарып беріп тұрдық. Дәрігерлер «қасында болып, жиі сөйлесіңіздер» деді. Жағдайы жақсы деп қуанып жүргенде суық хабар бізді де айналып өтпеді. Анамнан айырылып қалғанымызды білдік. Ол кісі өзің жақсы күтетін, тексеріліп емделіп те тұрды. Бірақ та бұл дерттің қалай жабысқанын өзіміз де байқамай қалдық», – дейді Арман.&nbsp; &nbsp;Иә, денсаулыққа бейжай қарауға болмайды. Дер кезінде дәрігерге қаралып, саламтты өмір салтын сақтау әр адамның игілікті ісіңе айналғаны дұрыс. Өйткені ауру асқынбай, дәрігерлерге дер кезінде көрінген науқастыардың 95 пайызын емдеп жазуға болады дейді мамандар.Мөлдір САБЫРЖАНФото: Нұрболат НҰРЖАУБАЙ

Қатерлі ісікті де емдеуге болады

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаевтың қатысуымен Қазақстан Республикасының Конституция күніне орай Шиелі ауданында 30 төсектік жұқпалы аурулар бөлімшесі ғимаратының ашылу рәсімі өтті. Жиынға Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мұрат Ергешбаев, облыс прокуроры Ризабек Ожаров және зиялы қауым өкілдері қатысты.Аймақ басшысы жаңа нысанның аудан жұртшылығына сапалы медициналық көмек көрсетудегі жетекші бөлімшеге айналуына тілектестігін білдірді.<blockquote>«Баршаңызды еліміз үшін айтулы мереке алдағы Конституция күнімен құттықтаймын!Соңғы үш жылда облыстың денсаулық сақтау саласына 441 млрд. 700 млн. теңге қаржы бөлініп, халықтың сұранысына сәйкес түйткілді мәселелер шешімін тауып келеді.Президентіміздің бастамасымен қолға алынған «Ауылда денсаулық сақтауды жаңғырту» ұлттық жобасы аясында барлық ауданда 28 медициналық нысан салынды. Оның 8-і Шиелі ауданында.Саланы дамытуға бюджеттен тыс ресурстар да тартылған. Біз «Қазақстан халқына» қоғамдық қорымен тұрақты әріптестік байланыстамыз. Қор соңғы екі жылда өңірдің денсаулық сақтау саласына 5 млрд. теңгеге жуық қаржы бағыттады. Бұл қаржыға сирек кездесетін дертке шалдыққан жерлестерімізге қажетті дәрі-дәрмек сатып алынды. Облыстық онкология орталығына құны 1 млрд. 100 млн. теңге тұратын, республика бойынша 3 облыста ғана бар скрининг жүргізуге арналған жылжымалы медициналық кешен табыстады. Кешен бүгінде шалғай елді мекендердегі тұрғындарға үздіксіз қызмет етеді.Пайдаланылмай бос тұрған ғимараттарды қайта жаңғыртып, денсаулық сақтау саласының қажеттілігіне тиімді пайдалануға бағытталған жұмыс қарқынды жүргізілуде. Былтыр Жаңақорған ауданында бос тұрған бұрынғы аудандық аурухана ғимараты қайта жаңғыртылып, «Қамқорлық» балаларды оңалту орталығы ашылды. Бұған жергілікті бюджеттен 378 млн. теңге жұмсалды. Күні кеше дәл осындай орталық Арал ауданында да жұмысын бастады. Бұл мақсатқа облыстық бюджеттен 338 млн. 800 мың теңге бөлініп, ғимарат қайта жаңғыртылды. Қор қажетті заманауи құрал-жабдықтарға 350 млн. теңге бөлді. Орталықта жылына 600-ге жуық баланы оңалтуға мүмкіндік бар.Осындай игі істің жалғасы ретінде құны 2 млрд. 323 млн. теңге болатын 30 төсектік жұқпалы аурулар бөлімшесінің жаңа ғимаратын салтанатты түрде ашуға бас қостық.Қазір аудандық аурухана жанынан 733 млн. теңгеге қосымша ғимарат салынып, онда 650 млн. теңгенің жаңа МРТ аппараты орнатылуда.Шиелі кентіндегі «Болашақ» дәрігерлік амбулаториясы күрделі жөндеуден өтті.Заманауи талаптарға сай жабдықталған бұл нысандар тұрғындарға сапалы медициналық көмек көрсетуге, халықтың тұрмыс сапасын арттыруға зор мүмкіндік береді.Алдағы уақытта халық денсаулығын жақсартуға бағытталған жобаларды қолдау, медицина саласындағы ең маңызды мәселелерді шешу жалғасын таба бермек», - деді Н.Нәлібаев.</blockquote>Рәсімде Наурызбай Байқадамов, Мұрат Ергешбаев, Ризабек Ожаров сөз сөйлеп, ауданның әлеуметтік-экономикалық дамуына үлес қосқан азаматтар мен құрылысшылар аймақтың Қызылорда облысының Құрмет грамотасымен және облыс әкімінің Алғыс хатымен марапатталды. Денсаулық сақтау саласының ардагері, Шиелі ауданының құрметті азаматы Ыбырай Ахметов бата берді.Жұмыс сапары кезінде аймақ басшысы аудандық аурухананың қосымша ғимаратына, күрделі жөндеуден өткен «Болашақ» дәрігерлік амбулаториясына барды. Аудандық аурухананың 2 қабатты ғимаратының құрылысы өткен жылдың қыркүйек айында басталып, биыл шілдеде пайдалануға берілді. Ал амбулаторияның күрделі жөндеу жұмыстары 3 ай жүргізілді.Еске салайық, облыс орталығында емханасы мен онкологиялық бөлімшесі бар 300 орындық көпбейінді аурухана құрылысы қарқынды жүргізілуде.Жыл басында Жаңақорған ауданы Төменарық ауылында дәрігерлік амбулаториясымен қоса 15 төсектік ауылдық аурухана, Арал ауданы Сексеуіл кентінде 40 төсек-орынға арналған аурухана пайдалануға берілді.«Ауыл – ел бесігі» бағдарламасымен Қызылорда қаласының Баймұрат батыр елді мекенінде дәрігерлік амбулатория, Досан елді мекенінде медициналық бекет ел игілігіне табысталды. Осылайша ауылдардағы медициналық- санитариялық алғашқы көмек көрсету ұйымдары ғимараттарын нормативке сәйкес етіп салу мәселесі толығымен шешілді.Қайтарылған активтер есебінен 7 млрд. теңгеге 4 аудандағы орталық ауруханалар жанынан жаңа ғимараттар салынуда.Ана мен бала өмірін қорғау мақсатында көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды.Өткен жылдан бері 17 медициналық нысан күрделі жөндеуден өткізіліп, 44 ғимараттың жылу жүйесі газға ауыстырылды. Биыл да медициналық құрал-жабдықтар сатып алынуда. Бұл жұмыстың жыл сайын жүргізілгенінің арқасында жабдықталу деңгейі 2022 жылы 83,2 пайыз болса, бүгінде бұл көрсеткіш 87,4 пайызға артты.Жергілікті бюджеттен 225 жаңа санитарлық автокөлік бір мезетте алынып, елді мекендердегі барлық денсаулық сақтау ұйымына табысталды. Осылайша санитарлық автокөлікпен қамту мәселесі толық шешімін тапты.Фото: Қызылорда облысы әкімінің баспасөз қызметі

Шиелі ауданында жұқпалы аурулар бөлімшесі жұмысын бастады

<a href="https://kyzylorda-news.kz/">Kyzylorda-news.kz</a> Қызылорда облысының денсаулық сақтау басқармасының басшысы Олжас Искаков Арал ауданындағы жұмыс сапары барысында «Ауылда денсаулық сақтауды жаңғырту» ұлттық жобасы аясында жүзеге асырылып жатқан бірқатар құрылыс нысандарымен танысты.Атап айтқанда, жапсаржай құрылысы, 25 төсектік жұқпалы аурулар бөлімшесінің құрылысы, сондай-ақ аурухананың «Кардиология» және «Инсульт» бөлімшелеріне жүргізіліп жатқан реконструкция жұмыстарының барысын бақылап, тексерді.Сапар барысында басқарма басшысы құрылыс жұмыстарының сапасы мен белгіленген мерзімде аяқталуына ерекше назар аударып, мердігер компания өкілдеріне нақты тапсырмалар берді.&nbsp;

Басқарма басшысы бірқатар құрылыс нысандарын аралады

<a href="https://kyzylorda-news.kz/">Kyzylorda-news.kz</a> Сақтандырылдым деп ойлап, емхана табалдырығында тосылғандар аз емес. Кейбір азаматтар МӘМС жүйесіне қате төлем жасап, нәтижесінде мәртебесіз қалып қояды. Әлеуметтік медициналық сақтандыру қоры осы мәртебеге қатысты ең жиі қойылатын сұрақтар мен туындайтын жағдайларды түсіндіріп берді.«МӘМС» туралы заңға сәйкес, сақтандырылған мәртебесі өткен немесе алдағы 12 айға төлем жасаған азаматқа беріледі. Соңғысын көбіне осы күнге дейін жүйеге бір де бір рет төлем жасамаған дербес төлеушілер аударады.<blockquote>«Дербес төлеушілер алдағы бір жылға төлем жасағанда көп қате жібереді. Кейбір азаматтар 12 айдікін бір айға төлеп қояды, жылын дұрыс таңдамайды немесе осы айдан жыл соңына дейін ғана төлеп, сақтандырылған мәртебесін ала алмадым деп хабарласады. Негізі айы мен жылын дұрыс көрсетіп, 1 жылға жеке-жеке төлеу қажет. Ал басқа мерзімге шатасып төлеп қойса, ақшаны қайтарып ала алады. Ол үшін «Азаматтарға арналған үкімет» мемлекеттік корпорациясына өтініш жазып, түбіртектерін бірге тапсыруы керек», – дейді Қордың ресми өкілі Забира Оразалиева.</blockquote>Тағы ескеретін жайт, егер ағымдағы айдың аяқталуына шамалы күндер қалса немесе осы айда медициналық көмекке жүгінуді жоспарламасаңыз, келесі айдан бастап төлем жасаған абзал. Яғни, 2025 жылдың қыркүйек айынан 2026 жылдың тамыз айына дейін төлеп, бір жыл бойы МӘМС аясында емделуге мүмкіндік бар.Сондай-ақ, халықтың экономикалық белсенді бөлігі МӘМС үшін төлем жасайды және оның айтарлықтай үлесін жұмыс берушілер мен қызметкерлер құрайды. Осы жерде ескере кететін жайт, жұмыс беруші бір күнтізбелік айдан асатын ақылы еңбек демалысы кезеңінде (мысалы, мұғалімдер) кірісті есептеу кезінде аударымдар мен жарналарды демалыс күндерінің санына тепе-тең есептелген кезеңдер бойынша бөле отырып, бір төлеммен жүргізу қажет. Ал жұмыскер ұзақ мерзімді курсқа кетсе немесе көп уақыт ауырған жағдайда сақтандыру мәртебесін жоғалтпау мақсатында сол айға дербес төлеуші ретінде&nbsp;(АЕК-тің 5%-ы, яғни 4 250 теңге) өздігінен төлеуі керек.<blockquote>«Сонымен бірге, 2026 жылдан бастап МӘМС жүйесіне қатысудың тұрақтылығын арттыру мақсатында маңызды норма енгізілмек. Бес жыл бойы тұрақты жарна төлеген адам қандай да бір себеппен төлем жасай алмаса, оның мәртебесі бұрынғы 3 айдың орнына 6 айға дейін сақталады, ал МӘМС жүйесіне 5 жылдан кем қатысқан жағдайда, сақтандыру мәртебесі сол 3 айдан аспайды», - деді Оразалиева. Бұл өзгеріс тұрақты түрде жүйеге қатысып келген, бірақ уақытша қиындыққа тап болған азаматтарды қолдауға мүмкіндік береді.</blockquote>Еске салайық, егер қосымша сұрақтарыңыз болса немесе медициналық көмек алуда қиындықтар туындаса, өз емханаңыздағы «Пациенттерді қолдау қызметіне» жүгіне аласыз. Сонымен бірге, Қордың өзіңізге ыңғайлы арналары арқылы өтініш-шағымдарыңызды қалдыра аласыз:- &nbsp;msqory.kz ресми сайты;- Qoldau 24/7 мобильді қосымшасы;- Telegramдағы SaqtandyryBot.&nbsp;Фото: freepik

Қазақстан және Қызылорда облысының жаңалықтары: Денсаулық