<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz</a> Қызылорда облысында облыстық онкологиялық диспансердің жылжымалы медициналық кешені жұмыс істейді. Естеріңізге сала кетейік, өткен жылы «Қазақстан халқына» қоры облысқа онкологиялық ауруларды дер кезінде скринингтік тексеру мен профилактикалық тексеруден өткізуге арналған заманауи жылжымалы медициналық кешен сыйлаған болатын.Шиелі ауданындағы баспасөз туры барысында журналистер онкологиялық қызметтің алғашқы жылжымалы медициналық кешенінің жұмысымен танысты.Облыстың ірі аудандарының бірінде 78 мыңнан астам халық аудандық емханада тіркелген. Диспансерлік есепте 122 онкологиялық науқас болса, оның көбісі сүт безі қатерлі ісігіне шалдыққан.&nbsp;Өткен жылы Нұргүл Атабаеваға сүт безінде киста мен түйін бар деген диагноз қойған. Әйел емделді. Облыстық онкологиялық диспансер дәрігерлерінің үкімін тағатсыздана күтіп жүрді. Қуантарлығы, жаңа өскіндер жоқ.<blockquote>- Жылжымалы медициналық кешенде маммография және ультрадыбыстық зерттеу жүргізді. Онколог шешімін берді. Уақытылы анықтау және емдеудің арқасында патологиялар жоқ. Әр алты ай сайын тексеруден өтуді ұсынды. Міндетті әлеуметтік медициналық сақтандыру жүйесінің арқасында қымбат медициналық қызметтер қолжетімді, жылжымалы медициналық кешенінде тексерулерден өтуге болады. Бұл әсіресе қатерлі ісікке шалдыққан науқастар үшін маңызды», - дейді Нұргүл Атабаева.</blockquote>Жылжымалы медициналық кешен томосинтез функциясы бар сандық маммографиялық аппаратурамен, ультрадыбыстық жүйемен және жоғары зерттеу дәлдігі бар компьютерлік томографпен жабдықталған. Құрал Жапонияда жасалған. Бұл санаттағы медициналық жабдықтар Қазақстанда алғаш рет пайдалануға берілді.Қатерлі ісік өлім жазасы емес, дүрбелеңге себеп емес, дейді Шиелі ауданаралық ауруханасы бас дәрігерінің орынбасары Қазбек Шәукебаев. Бұл сіздің денсаулығыңызға жауапты көзқарасты арттыруға және қалпына келтіруге қадам жасауға ынталандыру.<blockquote>- Скрининг – ауруды ерте анықтау. Бұл тегін медициналық қызмет міндетті әлеуметтік медициналық сақтандыру жүйесіндегі сақтандыру мәртебесіне қарамастан барлық азаматтарға қолжетімді. Сондықтан уақтылы тексерулерден өту маңызды. Қатерлі ісік ерте сатысында анықталған науқастар саны көп. Онкологиялық науқастардың өмір сүру ұзақтығы артты. Әрине, бұған МӘМС жүйесі ықпал етіп, денсаулық сақтау саласының жұмысын құрылымдады, қаржыландыру көлемі артты. Мәселен, өткен жылы аудандық аурухана компьютерлік томографиялық аппарат сатып алды, - деп атап өтті Қазбек Шәукебаев.</blockquote>Биыл Шиелі ауданаралық ауруханасына Әлеуметтік медициналық сақтандыру қорынан 7,9 млрд теңгеге жуық қаражат бөлінді.<img src="https://knadmin.beoblood.kz/uploads/shieli_pmk_2_7e9f6a9391.jpg" alt="шиели пмк 2.jpg">

Шиелі: Ауыл тұрғындары қатерлі ісік скринингінен өтуде

<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz</a>&nbsp; Қызылордада өткен «Innofest Qyzylorda – 2023» облыстық инновациялық жобалар фестивалі жеңімпаздарының бірі – №285 мамандандырылған мектеп-лицей-интернатының 9 сынып оқушысы Жайылхан Бекзат Маратұлы. Ол «Цифрлық сабақ жоспары» жобасын әзірлеп, таныстырған болатын. «Біздің платформа болашақта Kundelik.kz-тен кейін екінші орында болады» дейді жетекшісі Дархан Совет бізбен әңгімесінде.<blockquote>«Анам – мұғалім. Сабақ жоспары әзірленіп, ол бекітіліп, қолданысқа енгізілемін дегенше қанша уақытын жұмсайды. Әрине, оған қосымша қағаз шығынын да айту керек. Бұл жоба арқылы мен екі нәрсені үнемдейтінін айттым. Біріншісі – уақыт, ол қазіргі сәтте бәрінен құнды. Екіншісі – қағаз, сия тәрізді түрлі шығындар. Иә, осы күні мұғалімдер көптеген кедергілерді бастан өткеруде. Қалған уақытын өзінің кәсіби біліктілігін арттыруға, балаларға сапалы білім беруге жұмсар еді», – дейді жеңімпаз Бекзат.</blockquote>Бекзат осы сайыста Қорқыт ата атындағы Қызылорда мемлекеттік универ-ситетінің білім грантын жеңіп алды. Аламанның бас бәйгесі де осы болатын. Бекзатпен бірге оның жетекшісі Дархан Совет те қуанды. Әрине, шәкірт жетістігі – ұстаз еңбегінің көрінісі.<blockquote>«Бар шаршағаныңды ұмытып, қуанатын кезеңің – жеңіске жеткен сәт. Мәселен, диқан егінді аман-есен жинап болғанда қалай қуанып, аптығын басса, біз де сол сезімде болдық. Бір айырмашылығы, біздің егін жинау науқаны толастамайды. Күзде бітті, болды деген жоқ. Мойындағы үлкен жауап-кершілік пен әріптестердің артқан сенімі қай кезде де алға жетелейді. Біздің білім ошағының ашылғанына да көп уақыт бола қойған жоқ. Бірақ соған қарамастан шәкірттерімізбен бірге бұл оқу орнына түсудің өзі жетістік екенін танытқымыз келді. Біздің мақсат білім грантын ұтып алумен шектелмейді. Алда талай аламанның көркін қыздырамыз, талай биікті бағындырамыз. Білім айдынында талай мықтының қанатын қатайтатын деңгейімізді танытамыз», – дейді техника ғылымдарының магистрі Дархан Жамалханұлы.</blockquote>Бекзат Маратұлы осындай мықты ұстаздардан білім алып, алда да өзінің шеберлігін шыңдай түсетініне сенімді. Тоқмейілсу адамды тежейтініне біледі.<blockquote>«Білімдінің күні – жарық» дейді халық даналығы. Әлемдегі қай мамандықты меңгеремін десеңіз де, алдымен білім керек. «Білімсіз күнің жоқ, оқусыз білім жоқ» деген ата-бабамыз да осы ерекше құндылықтың қадірін бағамдаса керек. Мен әкемді үлгі тұтамын, мақтан етемін. Әкем тәрізді азамат болғым келеді. Кісі ақысын жемейтін, тура жолдан тайқы¬майтын, мықтымын деп көкірек ұрмайтын қазақтың бір баласы болсам жеткілікті. Мамандыққа келсек, әлі тұрақты мақсат қойғаным жоқ, өйткені, кім болатынымды шешпедім. Мүмкін, ІТ саласының өкілі, бәлкім жеке кәсіпкер болармын. Қайткен күнде де тәуелсіз еліміздің тұғырын нықтап, әлем төріндегі даңқын асқақтататын азамат болсам жеткілікті. Ал бүгінгі жобама келсем, сәтін салса, қолданысқа еніп, ұстаздарыма тигізген пайдам болар еді», – дейді дарынды Бекзат.</blockquote>Cайыста бақ сынаған 600 баланың ішінен аламанның алдына шығып, биіктерді еңсерген Бекзаттың бұл жетістігі Сыр өрендерінің өресі биік екенін тағы бір байқатты. Бекзат тәрізді ондаған бала жүйрік атанып, жетістік желкенін керді. Мұндай жастардың қалыптасып келе жатқанын көру – біздің де басқа жазған бақ екені рас.&nbsp;Фото: Нұрболат Нұржаубай

Сыр дарыны пайдалы платформа әзірлемек

<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz</a>&nbsp; Ақ халатты арындай таза ұстап, Гиппократ антына берік болып жүрген дәрігерлер&nbsp; қандай құрметке болса да ие.&nbsp;Жалағаштық жас дәрігер Жарқынбек Сыдықов аудан әкімінің үздік жастарға табыстайтын “Жалын” сыйлығын иеленді. “Бұл – маңдай тер мен табанды еңбектің, менің ғана емес, ұжымымның жемісі”, – дейді ол.Дәрігер үшін әрбір минут алтынмен пара-пар. Секундта адам тағдыры шешілуі мүмкін. Осы ретте хирург Жарқынбек Сыдықовпен қауырт тірлік арасында сөйлесудің сәті түсті. Отадан шығып, отаға кіретін білікті маман үшін кез-келген марапат пен мадақтан халықтың алғысы маңызды.<blockquote>“Медицинада жеті жыл білім алып, алған білім мен жиған тәжірибем арқылы 2009 жылдан бастап елге қызмет етіп, хирург-травматолог болып еңбек етудемін. Алдыма келген әрбір науқас маған өз бауырымдай. Талпына жүріп, халықтың тән жарасынан бөлек, жан жарасын таңып, мейірім көрсетіп, алғысын алудамын. Бұл – үлкен мәртебе”, – дейді ол.</blockquote>Аудан халқы Жарқынбектей жарқын жүзді дәрігерін ұлықтап, аудан әкімінің жастар сыйлығына ұсынған болатын. Әрине, бұл марапатты ұжымның жеңісі, еңбектің жемісі деп ұғатын абзал жан алда да халыққа тоқтаусыз қызмет ететінін жеткізуде. Кеуде сарайындағы осынау елге қызмет ету деген басты міндеттің үдесінен жауапкершілікпен шығып жүр.<blockquote>“Әрине, жауапкершілік деген медицинада, оның ішінде хирургияда бірінші орында тұру керек. Егемен елдің ертеңін, дені сау ұрпақ қалыптастырып, бүгінгі толқынға қызмет етудеміз. Адам өмірін құтқаруда секундтар маңызды рөлге ие. Қай жағдайда жауапкершілікпен қараймыз. Кез келген уақытта қызметке дайын болу – басты міндетіміз. Алда да халыққа қызмет тоқтап қалмайды. Ал марапатқа келсек, бұл – еңбекті елеу.&nbsp; Ұжымның еңбегін көре білу деп түсінемін”, – дейді ол.</blockquote>Иә, қашан да қызметті алдыңғы қатарға қойып, тынымсыз тірлік пен ізденіс үстінде жүретін Жарқынбектің ерік-жігері мықты. Қазақтың осындай марғасқа ұлдары халық қамын ойлап жүр. Кейде тұғырға талпынып, жасанды қамқорлығымен көпшілік алдында жүргендердің мерейі үстем болып жатады. Тіпті, көп жағдайда десек болады. Сондайда Жарқынбек сияқты адал, еңбекқор азаматтар лайық еді ғой деп қаласың. Міне, Жарқынбектің әр қадамы жарқын болашаққа бастап, халқын құтқарып жүр. Мерейің үстем&nbsp; болсын, дәрігер!Денсаулық – кез-келген адам үшін баға жетпес байлық! Адам өмірін ұзартуға септігін тигізіп, ажалдан арашалаушы дәрігер мамандығын халқымыз ежелден қастерлеп, құрметтеген. Себебі, әр адам дүние есігін ашқан сәттен бастап, оның денінің саулығы мен амандығына ақ халатты абзал жандар жауапты.Бүгінгі кейіпкеріміз де адам өміріне араша түсетін дәрігерлік мамандықты таңдау үлкен жауапкершілікті жүктегенін тілге тиек етті. Алдағы уақытта да қастерлі мамандықтың қадірін арттыруға күш салмақ.

Марапат мінберіндегі сырбойылық дәрігер

<a href="https://kyzylorda-news.kz/">Kyzylorda-news.kz.</a>&nbsp; Көбінесе бұл сұрақпен Әлеуметтік медициналық сақтандыру қорының Қызылорда облысы бойынша филиалының мамандарына жүгінеді. Бас сарапшы Айгүл Аханова түсініктеме береді.Төлем жасамас бұрын, мәртебеңізді және соңғы 12 айдағы төлемдердің болуын тексеріңіз. Мұны Qoldau-24/7 мобильді қосымшасы, Telegram-дағы SaqtandyruBot арқылы немесе eGov.kz электрондық үкімет порталындағы жеке кабинет арқылы жасауға болады.Үзінді көшірмеде сіз әр ай үшін төлемдерді жеке-жеке көресіз. Егер сізде бірнеше төленбеген ай болса, сізге олар үшін әлдеқайда аз мөлшерде төлем жасап, мәртебені алу тиімді болады. Бірақ осыдан кейін мәртебеңізді жоғалтпау үшін ай сайын жарналарды төлеуді ұмытпаңыз. Егер сізде ешқандай төлем болмаған жағдайда, онда төлемді өткен жылға емес, алдағы 12 айға жасаған тиімді.МӘМС жарналарын екінші деңгейдегі кез келген банктердің мобильді қосымшалары, жылдам төлем терминалдары және «Қазпошта» филиалдары арқылы төлеуге болады.Алдағы 1 жылға төлем жасағыңыз келсе, ағымдағы айдан бастап барлығы 12 айға жеке жеке әр айды, жылын көрсетіп төлеу керек. Егер ағымдағы айдың аяқталуына шамалы күндер қалса немесе осы айда медициналық көмекке жүгінуді жоспарламасаңыз, төлемді келесі айдан бастап жасаған жөн. Сонда Сіз бір жыл бойы сақтандырылған боласыз.Жүйе төлемдерді дұрыс есептеу үшін жарналар әр ай үшін бөлек төленеді. Төлем жасау кезінде ЖСН, төлем енгізілетін ай мен жылды дұрыс көрсету маңызды.Сіз 12 айға төлемдерді бірден бір төлеммен төлеп тастай алмайсыз, өйткені жүйе әр ай үшін төлемді бөлек оқиды. Қате жіберген кезде мәртебені жоғалтпау үшін осы кезең үшін жарналарды қайтадан төлеуіңіз керек, ал қате төленген соманы қайтаруға болады. Қате төленген соманы қайтару «Азаматтарға арналған үкімет» мемлекеттік корпорациясына өтініш берген жағдайда жүзеге асырылады.Жарналарды 3 жұмыс күні ішінде төлегеннен кейін жүйеге төлемдердің түсуін және мәртебенің берілуін тексеру қажет. Еске салайық, мұны Qoldau-24/7 мобильді қосымшасы, Telegram-дағы SaqtandyruBot немесе eGov.kz сайтындағы жеке кабинет арқылы жасауға болады.Төлем ұзақ уақыт бойы жүйеге түспесе, төлем кезінде қате жіберілген болуы мүмкін. Ең алдымен, тексерулерге енгізілген деректердің дұрыстығын қайтадан тексеру қажет. Содан кейін банкке қоңырау шалып, төлемнің бар-жоғын біліңіз. Егер жоқ болса, «Азаматтарға арналған үкімет» мемлекеттік корпорациясына қоңырау шалыңыз, өйткені МӘМС жүйесіне барлық төлемдер Ұлттық банктегі арнайы шотқа түседі, содан кейін халыққа медициналық көмек Қор арқылы бөлінеді.Фото: Рустем Айтхожин/Kazinform

МӘМС-ке алдын-ала төлемді қалай жасауға және бiр жыл бұрын мәртебені қалай алуға болады? 

&nbsp;<a href="https://kyzylorda-news.kz/">Kyzylorda-news.kz.</a> Кеше Сырдария аудандық ауруханасының бас дәрігері Жалғасбек Үсенов бөлімшелерде ем қабылдап жатқан науқастардың жағдайын біліп, денсаулығына бақылау жасады.&nbsp;Мәселен, бас дәрігерге «Терапия» бөлімшесінің меңгерушісі Айгүл Жакупова емделушілердің диагнозын баяндап, оларға тағайындалған ем-шараны уақытылы жүргізіліп жатқандығын жеткізді. Өз кезегінде Жалғасбек Тұрлыбекұлы емделушілердің жағдайына ұдайы күтім жасау керектігін жеткізді.&nbsp;– Бүгін аудандық ауруханада жоспарлы ем қабылдап жатқан емделушілермен кездесіп, денсаулықтарын жақсартуға байланысты жан-жақты пікір алмаса білдік. Әрбір науқасқа сапалы қызмет көрсету – біздің басты талабымыз саналады. Кез келген медицина маманының алдына қойған тікелей мақсат бар. Өз кезегінде аурухананың материалдық базасын кеңейтіп, жергілікті халықтың саламатты өмір салтын қалыптастыруына жағдай жасай бермекпіз. Білікті дәрігерлер Қашанда біздіמң жұмысымыз жергілік халық үшін, &nbsp;– деді бас дәрігер.&nbsp;Созылмалы дерті бар жандарға сауықтыру амалдары жан-жақты жасала береді. Бұл ретте, аудан тұрғындары ақ халатты абзал жандарға жасап жатқан қызметтері үшін шынайы алғыстарын жеткізді.

Бас дәрігер емделушілермен кездесті

<a href="https://kyzylorda-news.kz/">Kyzylorda-news.kz.</a> Баланы ұрпақ жалғастырушы, елдің болашағы деп айтамыз. Ал бүгінгі балдырғандардың денсаулығы қалай? Және балалар бөлімінің тыныс-тіршілігі қандай қалыпта? Осы сан сауалдарға жауап іздеп көрген едік.Түнеукүні Шиелі аудандық көпбейінді аурухананың балалар бөлімшесіне табан тіредік. Әуелі бөлімше меңгерушісі, тәжірибелі мамандардың бірі Сәуле Исмайлова өз жұмысына тоқтала кетті.<blockquote>– Шиелі аудандық көпбейінді орталық ауруханасының аудандық аурухана бөлім ғимараты 2019 жылы жаңадан берілді. Ғимарат типтік нысанда салынған, барлық жаңа медициналық аппараттар және құрал-жабдықтармен толықтай қамтылған. Жаңа аурухана 150 төсек орыннан, 14 бөлімнен құралған. Соның бірі біздің – балалар бөлімі. Балалар бөлімшесі арнайы жабдықталған 25 төсек орнынан, 2 бекеттен тұрады. Бөлім ішінде 2емшара бөлмесі, 3 интенсивті палатасы, 2 ординаторлық бөлме, ойын бөлмесі, демалу бөлмесі, асхана, мүгедек балаларға арналған арнайы жабдықталған дәретхана және себезгі бөлмелерден құралған.Мұнда барлығы 37 адам еңбек етеді. Білікті дәрігерлер, медбикелер, кіші қызметкерлер және техникалық қызметкерлер жұмыс істейді. Кадрлардың ауысуы жоқ, әркім өз жұмысын бағалап, қатаң тәртіп сақтайды. Балалардың денсаулығы үшін бәрін жасаймыз. Кішкентайлардың өмірін арашалап қалуда мамандарымыз қолдан келгенді аямайтыны анық. Оған қызметкерлердің біліктілігі де, мекеменің техникалық базасының қуаты да жетеді, – деп сөз өрбітті.</blockquote>Балалар бөлімшесі 14 жасқа дейінгі балаларды жоспарлы және шұғыл түрде емдейді. Бөлімшеге бүлдіршіндер тыныс алу жолдары, қан айналымы жүйесі, орталық жүйке жүйесі, асқазан-ішек жолдары сынды әртүрлі диагноздармен келеді. Әрине, балаларды диагностикалау және емдеу ересектерге қарағанда әлдеқайда қиын. Бірақ, Шиелі аудандық көпсалалы ауруханасының балалар бөлімі қызметкерлерінің кәсіби шеберлігі мен сүйікті ісіне деген сүйіспеншілігінің арқасында мыңдаған бала сапалы әрі дер кезінде ем-дом алуда.Кішкентай сәбидің, естияр баланың саулығын білу үшін сезімталдық қасиет керек. Ал өмір үшін күреске толы мамандықты игеруге екінің бірі келмейтіні анық.&nbsp;

Сәуле Исмайлова: Балалардың денсаулығы үшін бәрін жасаймыз

&nbsp;<a href="https://kyzylorda-news.kz/">Kyzylorda-news.kz.</a> &nbsp;Танзанияның Занзибар аймағындағы Пемба аралында теңіз тасбақасын жеген 8 бала қайтыс болды, - деп хабарлайды <a href="https://massaget.kz/basty-zhaalytar-438/102866/">Massaget.kz</a> тілшісі.Сонымен қатар, тағы 78 адам уланды. Бұл туралы Синьхуа ақпарат агенттігі жазды.Жергілікті денсаулық сақтау басқармасының қызметкері Хаджи Бакари Хаджидің мәлімдеуінше, медициналық зертхананың қорытындысы бойынша уланғандардың сейсенбі күні тасбақа етін жегені белгілі болды.&nbsp;&nbsp;

Тасбақа етін жеген 8 адам көз жұмды  

Елімізде жұқпалы аурулар көбейген. Оның басым көпшілігі ауа-тамшылы жұқпалылар тобына жатады. Бактериялар тудыратын сырқаттарға күл ауруы, көкжөтел, туберкулез, қызамық менингококтық жұқпа, гемофильді жұқпа және басқалары жатады. Мұнан бөлек қызылша, қызамық, ЖРВИ және тұмау да осы аурулар қатарында.Бүгінде аудандық ауруханадағы жұқ­палы аурулар бөлімінде бұл сыр­қат түрлерімен ауырып ем алып жат­қан тұрғындар көп. Науқастардың жай-күйімен танысу үшін аптаның сәр­сенбісінде аталған бөлімге бет бұрдық. Бөлім меңгерушісі, инфек­ционист дәрігер Айгерім Иманмыр­зае­ваның айтуынша, біз барған күні қы­зылша ауруымен 2 науқас, ЖРВИ сырқатымен 10 науқас ем алып жатыр екен.<blockquote> – Жұқпалы аурулардың басым бөлігі адамдармен тікелей байланыс кезінде ауа тамшысы арқылы тарайды. Сырқат температураның жоғарылауынан, та­мақ­­­тың жыбырлауы, мұрынның бітуі, жө­­­тел, бас ауруларынан, жалпы әл­сіз­­діктен басталады. Ал қызылша, қы­за­мық сияқты инфекцияларда тері қа­ба­тында бөртпе пайда болады. Егер ауамен тасымалданатын инфекция түрі болса, маска киіп, адамдар көп жиналатын жерлерден алшақ болған жөн, – дейді бөлім меңгерушісі.</blockquote> Өздеріңіз білетіндей, әсіресе жаз­ғы маусымда балалар арасында же­дел ішек инфекциясы бас көтереді. Ин­фекция гигиеналық тазалықтың төмен дәрежеде болуынан, азық-түліктерден, мәселен, жуылмаған көкөністерден, са­па­сыз тағамдарды пайдаланғаннан, ауыз суды қайнатпай ішкеннен және лас су­ға түскеннен болады.<blockquote> – Жедел ішек инфекциясымен был­тыр 224 науқас түсті. Оның 179-ы – 14 жас­қа дейінгі балалар. Қызылшамен 19 науқас болса, 14 жасқа дейінгі балалар саны – 14. Ал кенелік риккетсиоз – 2-еу, созылмалы сарып сырқатымен – 2 нау­қас түсті. Тұрғындар әсіресе жаздың ал­ғашқы айынан бастап мерзімінен ерте піскен бақша өнімдері мен жеміс-жидектерді көп тұтынып, санитарлық-гигиеналық нормалар мен қағидаларды сақтамайды. Салдарынан әсіресе 5 жас­қа дейінгі балаларда іш өту көп орын алады, – дейді дәрігер.</blockquote>160 науқас ем қабылдағанҚызылша – инфекциялық жұқпалы ауру. Көбінесе балаларда кездеседі. Ауруға қарсы екпе алмаған адамның қызылшаны жұқтырып алуы әбден мүмкін. Вирус ауа тамшылары арқылы сөйлескенде, жөтелгенде, түшкіргенде ауру адамның сілекейімен сыртқы ортаға тарайды.<blockquote> – Балалар арасында бұл дерт жиі кездеседі және қауіпті инфекция болып саналады. Баланың ыстығы көтеріліп, денесін бөртпе басады. Бұл дерт ертеден белгілі. Қызылша – вирусты инфекция. Статистикаға жү­гін­сек, вирусты он адамның тоғызы жұқ­тырады. Бұл дерттен менингит секілді әртүрлі асқынулар туындайды. Қазір еліміз бойынша бұл сырқат түрі ең өзекті мәселе болып тұр. Себебі ол жылдам жұғып, тез таралуда, – дейді Ай­герім Иманмырзаева.</blockquote> Ауданда жыл басынан бері аталған бө­лімде 160 науқас түрлі сырқат тү­рімен ем қабылдаған. Мәселен, қы­зыл­шамен 26 науқас түскен. Оның 13-і – 14 жасқа дейінгі балалар. Сондай-ақ вирусты гепатит А 2 науқас, жедел ішек инфекциясымен 2 науқас түскен. Бүгінде аудандық аурухананың жұқпалы аурулар бөлімінде 2 науқас осы қызылша дертімен күресіп, қажетті ем-шаралар қабылдауда. Ау­дан бойынша бұл сырқат түрімен ауы­рып жатқандар саны азайды деп айта алмаймыз. Себебі бөлім мең­герушісінің айтуынша, бұл сыр­қат түрінен бірі емделіп шығып жат­са, екіншісі түсіп жататын күндер көп кездеседі. Тіпті бөлімде осы сырқат түрімен 10 науқасқа дейін ем қабылдаған күндер болған. Мысалы, былтыр бұл вирусты ас­қындырып алған 19 науқас ауруханада ем алған. Мұнан бөлек орташа және жеңіл дәрежеде ауырып, үйінде ем ал­­ған науқастар қаншама. Бөлім мең­­ге­­рушісінің айтуынша, қызылша бас­­тал­ған кезде әуелі бірыңғай кіш­кен­тай балалар ауырып бөлімшеге түс­­кен жә­не олардың қызылшаға қар­сы ешқай­сы­сы екпе алмаған. Осы рет­те дәрігер қызылшамен ауырмаудың ең тиімді әдісі вакцина алу екенін ес­кер­тті. Ал ЖРВИ-мен балалар және им­мун­­дық жүйесі әлсіреген адамдар жиі ауырады. Жұқтыру мен ауру ара­сын­да орташа алғанда шамамен 1-2 күн өтеді. Сырқаттанған адамда шар­шау сезімі, әлсіздік, бас ауру, бұлшық ет­тер сырқырау, дене қызуы жоғары бо­­­луы, жөтел кездеседі. Кейбір жағ­дай­­ларда тыныс алу жолдарының за­қым­дануымен қатар конъюнктивит, яғни көз­­дің шырышты қабығының қабыну бел­гілері болуы мүмкін. Дәрігер бұл сырқатпен былтыр 1120 науқас түскенін айтады. Оның 773-і – 14 жасқа дейінгі балалар. Ал биыл жыл басынан бері – 130 науқас аталған бөлімде ем қабылдаған және оның 80-і 14 жасқа дейінгі балалар екен. Барлығы толық ем қабылдап, құлантаза айыққан.<blockquote>Маман кеңесі: – Бірінші кезекте дұрыс салауатты өмір салтын қалыптастыру қажет. Яғни тек қана спортпен айналысу емес, дұрыс тамақтану, иммундық жүйені шынықтыру керек. Қазір көп ата-ана балаларға құнарсыз тағамдарды жиі береді. Тіпті жеңіл-желпі тағамдар беріп, баланың асқазанын құртатын аналар да бар. Алдыма «менің балам йогурттан басқа ештеңе жемейді» деп келетін аналар өте көп. Жалпы балаға үйдің тағамын, асылған, ет тағамдар беру керек. Ал біздің аналар керісінше тез дайындалатын жеңіл немесе фас-фуд өнімдеріне құмар. Балалар бөлімге үнемі құсып түсіп жатады. Оның бәрі инфекция емес, өт жолдарының бұзы­луынан болып жатады. Себебі баланың тамақтануы дұрыс емес. Тіпті 1,2 жасар баланың өзінде осындай жағдайлар жиі кез­де­седі. Көпке топырақ шашпаймын, десе де кей ата-аналар бар, «балам жы­ламаса болды» деген түсінік қалыптастырып, баланың не ішіп, не жейтініне мән бермейді. Сондықтан ата-аналарға ең алдымен балалардың дұрыс тамақтануын қалып­тастыруға ке­ңес беремін. Ол әрине иммундық жүйенің қалыптасуына оң әсер етеді. Асқазан ішек жол, өт жолдарын дұрыс қалыптастырады. Сондай-ақ уақы­ты­лы балаларға екпе салдыру қажет. Кез келген жұқпалы дертке салғырт қа­рауға болмайды, – дейді Айгерім Иман­мырзаева.</blockquote>

Елімізде жұқпалы аурулар көбейген

<a href="https://kyzylorda-news.kz/">Kyzylorda-news.kz.</a> Былтыр жыл аяғында &nbsp;денсаулық сақтау министрлігі сала қызметкерлеріне арнап &nbsp;жақсы бір шара өткізді. «Altyn shipager» Ұлттық медициналық сыйлығын тапсыру салтанатында біздің аймағымыздан да бірнеше ақ халатты қатысып, марапат төрінен көрінді. &nbsp;Олардың ішінде Қармақшы аудандық ауруханасының жалпы тәжірибе дәрігерлері бөлімшесінің меңгерушісі Динара Жүсiпова да бар. Ол «Медициналық-санитариялық алғашқы көмектің үздік дәрігері» номинациясы бойынша «Altyn shipager» жүлдесінің жеңімпазы атанды.Динара Мырзабекқызы С.Асфендияров атындағы Ұлттық медицина университетін аяқтаған соң, туған жері Қармақшыға келіп, аудандық ауруханада аймақтық дәрігер болып еңбек жолын бастады. Төрт жыл ішінде Динара өзін ұйымдастырушылық, іскерлік қырынан көрсете білді. Біліктілігінің, жан-жақтылығының арқасында ұжымда құрметке бөленді. 2016 жылы жалпы тәжірибе дәрігерлері бөлімінің меңгерушісі қызметіне тағайындалды. Осы жауапты қызметін күні бүгінге дейін абыроймен атқарып келеді.Қай саланың болмасын өзіне тән қиындығы мен жауапкершілігі бар. Ал дәрігерлік мамандықтың жүгі тіпті ауыр екені айтпаса да белгілі. Адам жанының арашашысы аталатын ақ халатты абзал жандардың еңбегі қандай құрметке де лайықты. Динараның да қызмет барысында еңбегі бағаланып жүр. Ол бірнеше рет аудандық, облыстық, республикалық деңгейдегі марапаттарға ие болған. Соның ішінде былтыр жыл аяғында Астана төрінде өткен медицина мамандарына арналған ауқымды іс-шарада марапат төрінен көрініп, «Медицина үздігі-2023» сайысында «Үздік медициналық-санитариялық алғашқы көмектің үздік дәрігері» номинациясы бойынша «Altyn shipager» сыйлығына ие болуы Динараны ерекше бақытқа бөледі. &nbsp;Еңбектің еленгені, лайықты бағаланғаны кімді болсын қуантатыны сөзсіз.<blockquote>Марапат мен үшін сенім мен жауапкершілік салмағын еселей түсті дер едім. Бұл тек менің жеңісім емес, тұтас ұжымның еселі еңбегінің жемісі, ортақ марапат деп білемін. Әсіресе ауыл медицинасына берілген сенім мен құрмет деп ойлаймын. Жыл өткен сайын қоғамның барлық саласы уақыт ағымына сай дамып келеді. Біздің медицина саласы тіпті жаңарып, дамып жатыр десем қателеспеймін. Озық технологиялардың көптеп енуі, емдеу әдіс-тәсілдерінің өзгеруі дәрігерлерден жан-жақты ізденісті, терең білімді талап етуде. Осы орайда ауыл медицинасы заман үдерісінен қалып қоймауы керек. Сондықтан біз секілді жастар ерінбей, талмай білімімізді жетілдіріп, біліктілігімізді арттырып отыруымыз шарт. Кәсіби біліктілігімізді шыңдауда осындай сайыстардың, түрлі білім жарыстарының көп болғаны дұрыс, – дейді Динара.</blockquote>Бүгінде Динара жолдасы Нұрлыбек екеуі 3 қыз 1 ұл тәрбиелеп, өсіріп отыр. Кәсібіне адал, мамандығының майталманы Динараға біз де әрдайым абырой биігінде болуды тіледік. «Еңбек түбі – береке» деген осы болса керек. &nbsp;

Қызылордалық дәрігер «Altyn shipager» жүлдесінің жеңімпазы атанды

<a href="https://kyzylorda-news.kz/">Kyzylorda-news.kz.</a> Жаңақорғанда буын аруымен &nbsp;шағымданып &nbsp;күніге 25-30 адам келіп қаралса, ревматоидный артритпен диспансерлік есепте 150 адам, балалар артритімен 11 жасөспірім есепте тұрады. ХХІ ғасыр індеттерінің бірі буын аурулары. Бұрын жасы үлкен ата-әжелеріміздің қол-аяғы сырқырап, буындары мазаласа, қазір алпысты алқымдамақ түгілі, қырықтың қырқасына ілінбестен аяғы ақсап, буын ауруынан зардап шегіп жүргендер аз емес. Мамандардың айтуынша, буын сырқаты қазір бүкіл аурудың алдын орап, алдыңғы қатарға шыққан. Үлкендердің көпшілігі аяғын баса алмайтынын, түнде аяқ-қолы сырқырап ұйықтай алмайтынын, күндіз тізесі бастыртпай ауыратынын жиі айтады. Тіпті белі көтертпей, таяққа сүйеніп жүретіндер бар.&nbsp;Қазақстанда 200 мыңға жуық адам буын ауруының зардабын тартып келеді. Ал әлем халқының 2 миллионы осы дерт бойынша арнайы тізімге алынған. Бұрын аталмыш дертке алпыс жасқа аяқ басқандар шалдығатын болса, бүгінгі статистикаға зер салсақ, 10-15 жастағы жеткіншектің де буыны ауыратынын дәрігерлер алға тартып отыр. Алаңдатарлық жағдай. Біз көпшілікті мазалаған сұрақтың жауабын білу үшін аудандық емхана ревматологы Мадалиева Нұрбану Раушанбекқызымен тілдескен едік.<blockquote>– Ия, ауру жасарып бара жатыр. Тіпті отызға толмаған жастардың жамбас, тізе буындарына ота жасалып жүр. Ревматология бойынша буын ауруы ревмотойный ортрит және остеотроз болып екіге бөлінеді. Көпшілігі осы екеуін ажырата алмай жатады. Остеотроз тізе буындарының зақымдануынан болса, ревмотойный ортрит буындардың ісінуімен болатын ауру. Остеоартроздың даму себептері: вирустық, инфекциялық аурулардан кейін, жарақаттан кейін, артық салмақтан кейін, әйелдердің постменапаузалық кезең, яғни етеккір тоқтағаннан кейін организмде зат алмасу бұзылуына байланысты пайда болады. Бұл ауру дендегенде мүмкіндігінше артық салмақ қоспау қажет. Балық, холодец, сәбіз, асқабақ өнімдерін тұтынған дұрыс. Адамның сан сүйегінің төмен бөлігі мен ортан жіліктің тізеге бекіген қос сүйектің ортасында буындардың қозғалысын ұстап тұратын сұйықтық болады. Жылдан-жылға ол да тозып, ауыр салмақтан бір жағына қарай ығысып, шеміршек жалаңаштанып қалады. Ұстап тұрған сұйықтық болмағаннан кейін шеміршек қажала бастайды. Тізе ауруы аяққа түгел беріліп, отырып-тұрған сайын сырқырап, күшейе түседі. Аурудың алғашқы кезеңінде, яғни күш-қуаты барында әркім бұған аса мән бермейді. Әрі мұның өзі де өмірге қауіпті емес. Алайда уақыт өте келе адам аяқтан қалып, өмір сапасын қиындатады. Кесел кеулеп, үшінші кезеңіне өткенде ота жасайды. Аурудың пайда болу себебі әртүрлі. Көп жағдайда адамның аз қимылдауы, суық тию, экология, кальцийдің жетіспеуінен туындайды. Адам 25 жасқа дейін-ақ кальцийді өз ағзасынан шығара алады. Ал 25 жастан кейін міндетті түрде ағзаның кальций қорын толықтырып отыру керек. Сондықтан әр азамат өз денсаулығына аса үлкен жауапкершілікпен қарауы керек. Бізге келетін науқастардың жас ерекшеліктері әртүрлі. Жастар келгенде жанымыз ауырады. Дегенмен қолдан келген бар мүмкіндікті жасап, аяқтан тұруларына көмектесу міндетіміз. Бұл дерт бүгінгі күннің басты мәселесіне айналғандай. Себебі дәл осы дертке шалдыққандардың саны күн санап артуда, – дейді ол.</blockquote>«Ауырып ем іздегенше, ауырмайтын жол ізде» деп ата-бабамыз бекер айтпаса керек. Мәселен, бізде көбі дәрігерге өз еркімен көрінбейді. Ауру жанына батқанда немесе төсек тартып жатқанда ғана ақ халаттылар еске түседі. Уақытылы емделмейді. Соның салдары дерттің асқынуына әкеп соқтырады.Дәрігердің айтуынша, аурудың алдын алмаса, соңы мүгедектікке соқтыруы мүмкін. Аурудың қауіптілігі де осында. Буындардағы шеміршекаралық майдың таусылуы, сүйектердің қисық бітуі, жарақат салдарынан сынған сүйектердің дұрыс бітпеуі, ревматологиялық аурулар түрлі буын сырқатына әкеліп соғады. Артық салмақ және жейтін ас, ішетін судың сапасыздығы да ауруға соқтырады. Мәселен, остеоартроз, коксартроз, остеохондроз секілді аурулар кезінде адам жүре алмайды. Жамбас, тізе буындағы буынаралық шеміршек майы азайып, екі сүйек бір-біріне қажалады. Алғашқыда аздаған ауырсынуды адам елемей, жүре беруі мүмкін. Кейде ауыр жұмыс істегенде, көп жүргенде, бір жерде ұзақ отырғанда, баспалдақпен жоғары көтерілгенде адамның буынбуыны сырқырап, бел мен жамбас сүйектерде ауырсынулар болады. Бірақ демалғаннан кейін ауырғаны басылады. Осылай жалғаса береді. Бірақ сүйектер қажалған сайын ауырсыну күшейіп, адам тізесін бүге алмайды, ақсаңдап жүретін болады. Бірте-бірте ауру үдеп, тіпті қарыс қадам жүрудің өзі мұңға айналады. Аурудың соңғы сатысында дәрі-дәрмек те, жақпа май да көмектеспейді. Тек қана буын ауыстыру, яғни эндопротез салу керек екен. Сонымен қатар тізе сыр бергенде емдік жаттығулардың пайдасы көп екен. Егер күмән болса, емханадағы реабилитолог-дәрігерге көрініп, тиісті жаттығуларға машықтанып, аяқтың бұлшық еттерін сауықтыруды жиі қайталап, күнделікті әдетке айналдырған жөн. Жаттығудың ең қарапайым түрі – шалқасынан жатып екі аяғын велосипед айдағандай айналдыруы тиіс екен.Осы ретте кент орталығыныңдағы «Әмина» емдеу орталығының дәрігері Қамажай Мұратқызының да ойын білген едік.<blockquote>– Бүгінде буын ауруларының ішінде ең жиі кездесетіні ортроз десек болады. Бұл біздің елімізде ғана емес, бүкіл жаһан жұртын алаңдатып отырған өзекті мәселе. Ол адам ағзасындағы қан айналымы бұзылған кезде буындардағы зат алмасу процесінің өзгеріске ұшырауынан туындап жатады. Яғни, шеміршектегі өзгерістің салдарынан дерт дендей бастайды. Бұрындары бұл ауру көп емес еді. Өйткені біздің ата-бабаларымыз құнарлы тамақтанып, қимыл-қозғалысқа ерекше мән берген. Оның үстіне, бүгінгі күні экологиялық ахуал нашар, ішіпжеген тағамдарымызда химикаттар, жасанды дүниелер басым. Бұл дерт біздің ағзамызға қажетті элементтер жетіспегенде туындайды. Салдарынан денсаулығы сыр беріп, дерті дендегеннен кейін көпшілігі ота жасатып жатыр. Осы тұста дәрігер ретінде кеңесімді бергім келеді. Күнделікті ішер асыңызға мән беріп, түрлі газды сусындардан бас тартқан абзал. Байқаймын, жасы үлкені де, кішісі де кола, пепси сынды сусындарды ішіп жатады. Бұл ағзадағы калий, натрий, магний сынды элементтерді сыртқа шығарып тастайды. Егер адам тамақтануға мән бермесе, қанша жерден ем қабылдаса да ол емнің әсері болмайды. Негізі, дұрыс тамақтану мен салауатты өмір салтын сақтау арқылы көп дерттің алдын алуға болады. Сонымен қатар жас ұлғайған сайын ерекшелігіне қарай комплексті дәрумендерді қабылдау қажет. Әсіресе, коллаген, кальций, д3, омеганы жылына бір рет тұтынған жөн. Егер ағзада барлық элементтер жеткілікті әрі дұрыс тамақтанатын болсақ, отаға жүгіне қоймас едік. Біздің «Әмина» емдеу орталығында еммен қоса тамақтануды да жүйелі жүргіземіз. Қандай ауру болсын алдын алған жөн. Ол үшін жыл сайын жоспарлы тексеруден өтіп, керекті анализдерді тапсырып, әркім өз денсаулығына мән берсе, көп қауіпті дерттің алдын алатын еді, – дейді Қамажай Мұратқызы.</blockquote>Расында, денсаулықтың қадірін кеш біліп жатамыз. Деректерге сүйенсек, әлемде әрбір үшінші адам буын ауруына шалдығады екен. Ең қиыны, аталмыш аурулар кең тараумен қатар талай жандардың мүгедек болуына тікелей ықпал етіп отыр. Осы жағынан да алдыңғы орында тұрмыз. Ал әлемдік статистикаға келсек, жер бетіндегі бүкіл адамзаттың 25%-ы, буын ауруларымен ауырады екен. Буын ауруларына көпшілік мән бермегенімен, жер бетіндегі ең көп тараған ауру түрлерінің бірі болып отыр. Ол – ағзадағы зат алмасу процесі бұзылғанда, қатты травма алғанда пайда болады. Өйткені қатты соққыдан тізе майы ағып кетеді де, тізенің өзінің май шығару қабілеті төмендейді. Салдарынан, майы жоқ екі сүйек өзара жақындап, бірін-бірі қажай бастайды. Көпшіліктің осы аурумен ауыратынын байқадық. Еуропа елдерінде бұл сырқаттың алдын алу, оны емдеу үшін түрлі әдіс-тәсілдер қарастырылған. Кейінгі жылдары заманауи емдеу әдістері отандық медицинаға енгізіліп жатыр. Медициналық орталықта пышақ тигізбей, инвазитті емес әдіспен емдеу тәсілдері жиі қолданыла бастады. Мәселен, бұрын тізе буын аурулары кезінде тізені кесіп, содан кейін барып қана нақты диагноз қойылатын. Ал соңғы әдіс бойынша, дәрігер үшкір құралмен тізені тесіп, арнайы аппаратпен қарайды. Бұндай әдісті артроскопия деп атайды. Артроскопияның бір тиімді жері, бір сәтте нақты диагнозды анықтауға және буын ішіндегі кейбір ісіктерді емдеуге мүмкіндік береді. Қорыта айтқанда, адам өміріндегі ешбір байлықтың құнына тең келмейтін асыл қазына – денсаулық.Деннің саулығы, жанның тазалығы ұзақ өмірмен жарқын күндердің себепшісі болып табылады. Шыны керек, денсаулықтың қадірін жете бағалаған біздің атабабаларымыз халал асты тұтынып, нашар әдеттен бойды аулақ ұстаған. «Басты байлық – денсаулық» деп, бекер айтып кетпеген болар.

Жаңақорғанда 150 адам диспансерлік есепте тұрады

<a href="https://kyzylorda-news.kz/">Kyzylorda-news.kz.</a> «Журналист басқа мамандықта» айдары аясында аудандық ауруханаға «Хирургия» бөлімінің бір күндік жұмысымен таныстық. Өздеріңіз білетіндей хирургия – өте күрделі сала. Десе де Жалағаш аудандық ауруханасы қиындыққа мойымай, өмір мен өлім арасындағы арпалысты жеңіп, талай жанның отбасына аман-есен қауышуына себепкер болып жүрген қолы жеңіл, қандауыры алтын дәрігерлерден кенде емес.Аурухана есігінен енгеніміз сол еді, бас дәрігердің емдеу ісі жөніндегі орынбасары Гүлсім Каюпова «Хирургия» бөліміне жол бастады. Барсақ, әріптесінен түнгі кезекшілікті қабылдап алып жатқан бөлім меңгерушісі, білікті маман травматолог-хирург дәрігер Жарқынбек Сыдықов екен. Ол өткен тәулікте түскен және ота жасалған науқастардың жағдайымен хабардар болып, алдағы күннің жоспарын жасау үшін күнін 5 минуттық жиналыспен бастады.&nbsp;Түнгі кезекшіліктен шыққан мейірбикелердің баяндауынша, бөлімде ем алып жатқан науқастардың жағдайы бірқалыпты, еш шағым жоқ. Жиналыс біткен бойда әр науқастың жағдайын жіті тексеру үшін, бүгінгі әріптесім Жарқынбек Алтынбекұлымен бірге палаталарды аралап, науқастарға қажетті ем-шаралар тағайындадық.Жалпы хирургия бөлімі 23 төсек орынға арналған. Бөлімде аудан тұрғындарының саулығы үшін 1 хирург-травматолог, 1 хирург, 1 аға медбике, 2 ота мейіргері, 5 кезекші медбике, 5 кіші аяжан, 1 ас таратушы мен 1 шаруашылық аяжаны жұмыс жасайды. Бөлім 8 палатадан бөлек хирургиялық және травматологиялық ота жасайтын 2 ота залмен, таза және іріңді жараларды таңуға арналған бөлмелермен, ем-шара бөлмесімен қамтылған. Сондай-ақ қажетті заманауи аппараттар мен құрал-жабдықтармен жабдықталған.&nbsp;6 мыңға жуық адамға ота жасаған&nbsp;Жұмыс тәжірибесінде білікті хирург науқастардың аяққа тұрып кетуі үшін жылына 1000-нан астам тұрғынға жеңіл және күрделі оталар жасап, оң нәтижеге қол жеткізген. Оның айтуынша, алтын қолды хирург 5 жылғы еңбегінде орташа есеппен 6 мыңға жуық адамның өмірін ажал тырнағынан арашалап қалған. Кейде тәулігіне бір емес, бірнеше мәрте ота залында адам саулығы үшін тізе бүкпей күресетін дәрігердің атқаратын еңбегі ерен.&nbsp;Ол саналы ғұмырын осы салаға арнауды бала күнінен армандаған. Ауруханадағы оталардың барлығы, тіпті бұрын-соңды аудан деңгейінде жасалмаған күрделі оталар да бүгінгі әріптесім Жарқынбек Алтынбекұлының қатысуымен жасалған.&nbsp;<blockquote>– Жарқынбек Сыдықов – білікті маман. Ол түрлі жол көлік оқиғалары, өндірістік жарақаттар, спорттық, тұрмыстық және көше жарақаттарымен түскен науқастарға үлкен сүйектердегі ашық сынықтарға Иллизаров және Хоффман аппараттарымен остеосинтез, сан сүйегі, балтыр сүйектері, білек сүйектері, иық сүйегіне жабық репозиция, бұғаттаушы шегелермен остеосинтез оталары, саусақ сүйектері, табан сүйектеріне Киршнера және Иллизаров спиларымен остесинтез оталарын жасайды. Мұнан бөлек аудандық емханада 10 мыңнан аса амбулаторлы қабылдау жүргізіп, ауруды ерте анықтау «Диспансерлік» есепке уақытылы алу және сауықтыру шараларын жоғары деңгейде жүргізіп келеді, оның ішінде 2 мыңнан аса амбулаторлы оталар жасаған, – дейді аудандық аурухананың бас дәрігері Еркебұлан Мақсұтов.</blockquote>Қандауыры алтын ЖарқынбекБөлімшеде жатқан науқастардың денсаулығын тексеріп болған соң әріптесім күні кеше бөлімшеге түскен 10 жасар балаға ота жасау қажеттігін жеткізді. Оның айтуынша, жоспарлы, шұғыл және кейінге қалдырылған оталар болады. Қазіргі жасайтын отасы кейінге қалдырылған ота екен.&nbsp;<blockquote>– Егер науқастың бұғана сынығы ашық сынық болса, шұғыл ота жасалады, ал жабық сынықтар болса, бірер күнге кейінге қалдыра тұруға болады. Бүгін жаттығу залында құлаған кішкентай науқастың оң жақ бұғана сүйегінің жабық ығысқан сынығына ота жасаймыз, – деді травматолог-хирург дәрігер Жарқынбек Сыдықов.</blockquote>Ота залы. Түскі сағат 11:15. Бұған дейін атын естігенім болмаса, қатысып көрмеген мен әріптесімнің рұқсатымен отаға қатысамын деп шешіп, Жарқынбек Алтынбекұлымен бірге ота залына кірдім. Науқасқа дәрі егіліп, қажетті құрал-жабдықтармен ота басталып кетті. Қойылған диагноз бойынша білікті маман науқастың оң жақ бұғана сүйегінің жабық ығысқан сынығын орнына келтіріп, пластинамен бекітті. Ота небәрі 30 минутқа созылды.Науқас палатаға жатқызылып, дәрігер тиісті жұмыстар атқаруды аға медбикеге тапсырды. Аурухананың «Хирургия» бөліміндегі темірдей тәртіп пен мұнтаздай тазалыққа қарап, дәрігерлер мен орта буын медицина қызметкерлерінің жауапкершілікті терең сезінетінін аңғардым.&nbsp;Отаны сәтті аяқтап, енді ғана шыққалы жатқан әріптесім Жарқынбек Алтынбекұлына медбике тағы бір науқасқа шұғыл ота жасау қажеттігін жеткізді. Айтуынша, бөлімге 24 апта жүктілігі бар жас келіншек соқырішек диагнозымен түскен. Сырқат жанға жәрдем беріп, оның сауығып кетуін бірінші орынға қоятын дәрігер шұғыл отаға дайындықты бастап, 1 сағат 5 минутта жас ана мен құрсағындағы сәбиін аман-есен сақтап қалды. Баланың саулығына көз жеткізу үшін отадан кейін жас ананы арнайы КТГ аппаратына түсіріп, бала жүрегінің дұрыс соғып тұрғанына толық көз жеткіздік. &nbsp;<blockquote>– Өмір болған соң денсаулыққа байланысты неше түрлі келеңсіз жағдайлар мен оқыс оқиғалар жиі болып тұрады. Жақында бір мезетте түнгі екілер шамасында пышақ жарақаты салдарынан екі науқас түсіп, шұғыл ота жасадық. Бірінің асқазаны жыртылса, &nbsp;екіншісінің бауыры жыртылған. Шұғыл отаға алып, жыртылған асқазан мен бауырды тігіп, қажетті ем-шаралар жүргіздік. Бір қызығы мен бұл оталарды алғаш рет жасадым. Шыны керек, ауыр халде жатқан науқастарды көріп, қол қусырып қарап отыра алмадым. Әрбір науқас бізге үлкен үміт артады. Ал олардың үмітін ақтау – дәрігерлер үшін басты мақсат. Абырой болғанда екі ота да сәтті өтіп, қазіргі таңда екеуі де отбасына аман-есен қауышты, – дейді білікті дәрігер Жарқынбек Алтынбекұлы. &nbsp;&nbsp;</blockquote>Оның айтуынша, облыстық деңгейде жасалатын күрделі оталар бүгінде ауданда жасалып жатыр. Оған аудандағы білікті дәрігерлердің тәжірибесі мен білімі, құрал-жабдықтарының да қауқары жеткілікті.– Облыстық ауруханаға жамбас ұршығы сынған немесе омыртқа сынықтары болған науқастарды ғана жібереміз. Бас сынығы болған жағдайда да отаны әуелі осында жасап, науқастың жалпы жағдайы жолға жарайтындай қалыпқа келген кезде ғана қалаға жібереміз. Өйткені науқас әрі қарай емдеу шараларын жалғастыру үшін нейрохирург мамандарының бақылауында болуы қажет. Ал біздің ауданда ондай маман жоқ, – дейді ол.Оның жасаған небір күрделі оталарынан соң ауруынан айыққан талай жан отбасына қуанышпен оралған. Мәселен, дәрігер жуырда ауруханаға үлкен жүк көлігінің астына түсіп қалған балаға күрделі ота жасаған. Баланың жамбас сүйегі ашылып, қуығы жыртылып кеткен. Салдарынан бала көп қан жоғалтқан.&nbsp;<blockquote>– Мен баланың жамбас сүйегіне, ал арнайы қаладан келген уролог маман науқастың қуығына ота жасады. Ота 3 сағатқа созылды. Кейін әрі қарай толық емді жалғастыру мақсатында баланы облыстық балалар ауруханасына ауыстырдық. Ол жақта 10 күндей ем алып, жағдайы жақсарды. Оған алдағы уақытта Астана қаласында жоспарлы ота жасалады, – дейді Жарқынбек Сыдықов.&nbsp;</blockquote>Естуімше білікті маманға облыстық ауруханалардан шақырту келген. Алайда ол бас тартып, ауылда еңбек етуді мақсат еткен. Тіпті үлкен өмірге қадам басқалы тұрған жастардың да туған жеріне қызмет еткенін қалайтынын тілге тиек етті.&nbsp;Иә, білікті хирург Жарқынбекке аудан тұрғындарының ықыласы ерекше. Жаны қиналып, дәрігерлерден көмек дәметкен жандар оның қарым-қабілетіне сенім артады. Тіпті аудан тұрғындары оны «қолы жеңіл, білгір маман» деп іздеп келеді екен. Білікті маман, білгір дәрігердің осындай абырой биігінде болуына қажырлы еңбегі мен үлкен ізденісі сеп болғаны анық.Таңғы 8-ден кешкі 6-ға дейін хирургия бөліміне бір күнімді арнаған мен күн-түн демей, халық саулығы үшін тізе бүкпей қызмет ететін ақхалаттылардың адал еңбегіне тәнті болдым. Хирургия бөлімімен өткізген бір күнімде түрлі сырқат түрі бойынша 12 науқас білікті мамандардың көмегіне жүгінуге келді. Тексеру барысында оның 5-еуі бөлімге жатқызылды. Әрине оның ішінде күндізгі бөлімде ем алатындар да бар.&nbsp;Білікті хирург-травматолог дәрігер Жарқынбек Сыдықов еңбегінің еш кетпей, жұмысының нәтижелі болуын бөлімде бірге жұмыс жасайтын әріптестерімен байланыстырады. Әрине бұл салада қызмет етіп жүрген жандардың еңбегі өлшеусіз.

Хирургия бөлімінің бір күні 

Аудандық ауруханадағы терапия бөлімінің дәрігері Раушан Наршабаеваның айтуынша мүнда жыл он екі ай науқас үзілмейді. Ол кем дегенде күніне 5 науқас шұғыл ем алуға келетінін айтты. Бүгінде біз барған бөлімде 60-қа жуық науқас ем алуда. &nbsp;Әрине оның басым бөлігі қан қысымы шамадан тыс көтерілген егде кісілер.&nbsp;<blockquote>– Менің қызмет етіп жүргеніме тоғыз жыл болды.&nbsp;Емханада жалпы 3 терапевт маман бар. Оның екеуі «Терапия» бөлімінде, біреуі қабылдау бөлімінде. Әрқайсысымыз күніне кем дегенде бес, тіпті кейде он шақты науқас қабылдап, ауруханада барлық тексеру жұмыстарын жүргіземіз. Осылайша күнде науқас қабылдағандықтан ба, бір жыл бойы бөлімшеде бір бөлме де науқассыз қалмайды. Бірде ауруханаға бір науқас қыз келіп түсті. Іші ауырып, тоқтаусыз өтіп жатқанын айтты. Жедел жәрдем қан қысымы түсіп, шок жағдайдағы тахикордия диагнозын қойып, науқасты ауруханаға алып келген. Толықтай тексеру жүргізіп, нәтижесінде келген науқастың босанғанына көп уақыт болмаған жас ана екенін және оны бізден жасырып отқанын анықтадық. Жалпы осы секілді көп оқиғалармен бетпе-бет келетініміз бар. Бірақ адам өміріне жауапты болғандықтан, әрбір науқасты қандай жағдай болсын аяққа тұрғызып, ем шара жасау – біздің міндетіміз, – дейді Раушан Көбекқызы.</blockquote>Әрине ақхалаттылардың жұмысы тәуекелділікке толы. Себебі ауырып келген науқас өз өмірін әуелі Аллаға, екінші дәрігерге сеніп тапсырады. Ал дәрігер адамды аман алып қалуы үшін қолынан келгеннің бәрін жасайды.Жалпы біз барған «Терапия» бөлімінде қазір 60-қа жуық науқас жатыр. Олардың жартысынан көбі қарттар, яғни созылмалы жүрек жетіспеушілігі мен қан қысымы шамадан тыс көтерілу диагнозымен келген. Бұл бөлімдегі көп кездесетін диагноз да осы. Қалған бөлігі жастар, олар бүйрек ауруымен пневмония және ревматологиялық аурулармен тіркелген.Ешқашан төсек орны босамайтын «Терапия» бөліміне келген науқастарға жүргізілетін ем шара максималды 10 күнге созылады. Ал денсаулық жағдайы жақсы нәтиже беріп жатса, 6-7 күнде ем алып шығады. Кейде пневмониямен келген науқастардың ем алуы 14 күнге дейін созылады.Келген науқастардың жағдайын білу мақсатында дәрігер таңертең әр палатаны аралап шығады. Кейін кешке болған жағдайлармен жіті танысып, әр науқастың жеке ем шараларына көшеді.<blockquote>–&nbsp;Жедел инсульт алған науқастар келгенде бірден реанимацияға жатқызамыз. Оларды жалпы алгоритм бойынша 3-5 күнге дейін жатқызып, жағдайы тұрақталған соң міндетті түрді қаладағы ауруханаға ауыстырамыз. Онан қалаберді инфаркт жағдайдағы науқастар да келеді. Біз оларға тексеріс жүргізіп, шағымын көреміз. Науқаста инфаркт белгісі немесе кішкене сол диагнозға қатысты күдік болса, бірден қаладағы орталық ауруханаға ауыстырамыз. Жалпы қан қысымының негізгі екі себебі болады. Біріншісі басқара алатын, екіншісі басқара алмайтын. Басқара алмайтын себептер белгілі бір аурулардың нәтижесінде шығады, оны басқара алмаймыз. Ал кейбір адамдар гиподенамия деген диагнозбен келеді. Бұл – қан қысымының басқара алатын жағдайы. Яғни олар – тек отырып жұмыс істейтін, қозғалмайтын адамдар. Міне, осы қан қысымының басқара алатын жағдайында келген науқастарға көбірек қозғалыс жасауға, жүруге кеңес беремін. Одан бөлек темекі мен алкогольдік сусын да адамның қан қысымын көтеріп жібереді. Сондықтан оны да шектеп, салауатты өмір салтын ұстану қажет, – деп маман науқастарға кеңес берді.</blockquote>Уақытпен санаспайтын дәрігерлер кез келген уақытта науқас жағдайы нашарласа, бүкіл жұмысын ысырып, ауруханаға жетіп келеді. Тіпті сенбі, жексенбі күндері де демалуы екіталай. Себебі адамдар өзінің шексіз байлығы денсаулығын дәл осы дәрігерлерге &nbsp;тапсырады. Ақхалаттылардың халық арасында абзал жандар деген атауға ие болуы да содан болар.Қазір медицина қарқынды дамыған. Диагностикалық мүмкіншілігі де артқан. Дәрігерлер жүргізіп жатқан ем-дом шипа болып, тіпті ағзаларды алмастыру оталары өмірімізге батыл түрде енгізілді. Көптеген қатерлі инфекциялық аурулар елімізде &nbsp;мүлдем жойылғандары да бар. Өйткені қазіргі дәрігерлер ол аурудың шығу себебін, зерттеу жолдарын, клиникалық белгілерін, емдеу тәсілін және профилактикалық іс-шараларды жақсы біледі.

Қазақстан және Қызылорда облысының жаңалықтары: Денсаулық