<a href="https://kyzylorda-news.kz/">Kyzylorda-news.kz.</a> Ғалымдар коронавирустың үш түрін әлем бойынша тарату туралы мәлімдеді, деп хабарлайды <a href="https://stan.kz/bukil-alemge-koronavirustin-ush-turi-taragani-belgili-b-329760/">Stan.kz</a>.
Вирустың генетикалық тарихын талдай келе Кембридж зерттеушілері індет әлем бойынша таралу кезінде мутацияға ұшыраған деген қорытындыға келді.
Адамдарға берілген вирустың бастапқы түрі Австралия мен АҚШ-та кеңінен таралған. Ғалымдар оны “А түрі” деп атады. Кейін ол Қытайда індет тудырған “В түріне” айналған. Еуропа тұрғындарында “В типінен” ұқсайтын&nbsp;“С типі” жиі кездеседі. Ғалымдар коронавирустың әлі де болса&nbsp;мутацияға&nbsp;ұшырап жатқанын қадап айтты.
Бұған дейін хабарланғандай, Оңтүстік Кореядағы іргелі ғылымдар институтының ғалымдары SARS-CoV-2 толық РНК-геніне талдау жасап, гендердің егжей-тегжейлі картасын құрады. Оларды әрі қарай зерттеу вирустың өмір циклін анықтауға және онымен күресу әдістерін әзірлеуге көмектеседі.

Бүкіл әлемге коронавирустың үш түрі тарағаны белгілі болды

<a href="https://kyzylorda-news.kz/">Kyzylorda-news.kz.</a> Қызылордалық кәсіпкер коронавируспен күресіп жүрген дәрігерлерді жекеменшік қонақүйіне орналастырды.
Осылайша, ол бүгінгі күннің батырларына деген құрметін көрсетті.
Қонақүйде медицина қызметкерлерінің тынығып, демалуына бар жағдай жасалған. Күнделікті үш мезгіл тамақтары беріліп, бөлмелері залалсыздандырылып тұрады.
<blockquote>
 “Індетпен күресіп жатқан дәрігерлерге және орта, кіші буын қызметкерлерінің барлығына қолайлы жағдай жасалған. Індетпен күресуге атсалысып жатқан медицина мамандарының барлығы ыстық тамақ, жатын орын, қажетті жеке бас гигиенасы заттарымен және қорғаныш құралдарымен қамтамасыз етілген. Жұмыстан кейін олар үйлеріне қайтпай, арнайы медициналық көлікпен қонақ үйге барып тұрақтайды”, – деп хабарлады облыстық Денсаулық сақтау басқармасы.
</blockquote>
Жалпы қонақүйге коронавируспен күресіп жүрген 100-ден астам қызметкер орналастырылған.
Оларға көпбейінді облыстық аурухананың 7 маманы қызмет көрсетеді.
Тазалық, залалсыздандыру жұмыстарын жүргізумен қатар, індетпен күресушілердің дене қызуын өлшеп, медициналық тексерістен өткізеді.
<img src="https://kyzylorda-news.kz/wp-content/uploads/2020/04/whatsapp-image-2020-04-12-at-00.25.04-1.jpeg" alt="" />
<img src="https://kyzylorda-news.kz/wp-content/uploads/2020/04/whatsapp-image-2020-04-12-at-00.25.04.jpeg" alt="" />
<img src="https://kyzylorda-news.kz/wp-content/uploads/2020/04/whatsapp-image-2020-04-12-at-00.25.03.jpeg" alt="" />

Қызылордалық дәрігерлер қонақ үйге орналасты (ФОТО)

<a href="https://kyzylorda-news.kz/">Kyzylorda-news.kz.</a> Медициналық бетперде мен қолғап қоғамның ең басты қорғаныш құралына айналды, деп хабарлайды <a href="https://24.kz/kz/zha-aly-tar/bylu-manyzdy/item/387655-maskany-za-pajdalan-annan-teri-yzaryp-r-ap-ketse-ne-isteu-kerek-mamanny-ke-esi">«Хабар 24».</a>
Бірақ оларды жиі пайдаланғаннан тері қызарып, құрғап кетеді. Медициналық масканы ұзақ кигеннен бет терісі қызарып, бөртіп кетеді. Сондықтан оны екі-үш сағат сайын ауыстырып тұрған абзал. Бұдан бөлек, қорғаныш құралы бет пішініне сай келуі тиіс.
Сондай-ақ, оның қандай шикізаттан жасалғаны да маңызды. Маска өндірісінде синтетикалық жіп жиі қолданылады. Косметологтардың айтуынша, терінің тітіркенетіні де содан. Алайда сырттағы вирустарды айтпағанда, ағзаның ішіндегі бактериялар да ауру қоздыруы әбден мүмкін.
<blockquote>
 «Бетперде кигеннен кейін оның астында біраз сөйлемеуіміз қажет. Неге десеңіз? Біздің ауыз қуысымызда шартты түрде бактериаларымыз бар. Ол стафилакокк, стрептококк. Бетіміз терлеп, майланып жатады маска кигеннен кейін. Сол шартты түрдегі бактериялар сол майлы қабатқа жабысып, әрі қарай қоздырғыштарын көбейтіп, безеу ауруына немесе дерматитке алып келеді»,- дейді дерматокосметолог Динара Маликова.
</blockquote>
Бетпердені шешкеннен кейін бетті салқын сумен шайған абзал. Терінің табиғи сұлулығын сақтау үшін сабынды пайдаланбаған жөн. Сонымен қатар, мамандар күніне кем дегенде 1,5 литр су ішуге кеңес береді. Өйткені карантин кезінде адамдардың көбі үйден шықпайды. Яғни ауасы құрғақ жерде ұзақ отырады. Ал су ағзаға оң әсер етеп, теріні ылғалдандыруға сеп болады.
<blockquote>
 «Үй жағдайында теріміздің сусыздануына әкеліп жатады. Көбірек су ішіп, үйіңізде ылғалдандыратын аппараттар болса соны қосып, бөлменің температурасын қатаң қадағалағаныңыз абзал», – дейді Динара Маликова.
</blockquote>
Сонымен, карантинде жатқандарға косметологтар мынадай кеңес берді. Бос уақытты бет күтіміне арнаңыз. Қолда бар өнімдердің көмегімен маска жасаңыз. Мысалы, қияр, алма, сұлы ботқасын бетке жағуға болады. Ал шашты қалпына келтірудің таптырмас жолы эвкалипт және лаванда майларын пайдалану. Сондай-ақ спиртті қоспалардан құрғап кеткен қол терісін де ұмытпаңыз.

Масканы ұзақ пайдаланғаннан тері қызарып, құрғап кетсе не істеу керек?

<a href="https://kyzylorda-news.kz/">Kyzylorda-news.kz.</a> Қытайдан келген дәрігерлер Нұр-Сұлтандағы коронавируспен күреске қарсы шаралар туралы пікір білдірді, деп хабарлайды&nbsp;<a href="https://sputniknews.kz/society/20200410/13649919/qytay-darigerler-elorda.html">Sputnik Қазақстан</a>. &nbsp;
ШҰАР халық ауруханасы бас дәрігерінің орынбасары Лу Чэнь мен инфекционист дәрігер Лу Сяобо қазақстандық әріптестерінің жұмысына баға берді. &nbsp;
<blockquote>
 “Нұр-Сұлтанда жақсы жұмыс жүргізіліп жатыр. Әріптестеріміздің барлығы бетперде киген, тіпті осы жерге жеткізген жүргізушінің өзі арнайы киімде болды”, – деді инфекционист-дәрігер Лу Сяобо.
</blockquote>
Ол елде карантин мерзімін ұзарту қажеттілігіне тоқталды.
<blockquote>
 “Қазақстандағы қазіргі ахуалға қарап шешім қабылдау керек. Шын мәнісінде, карантинді созу қарапайым азаматтардың өміріне әсер етеді, бірақ карантин вирусты бақылауға алуға мүмкіндік береді. Біз мұны Қытай тәжірибесінен байқап отырмыз”, – деді дәрігер.
</blockquote>
Айтуынша, олар Қытай төрағасы Си Цзиньпиннің бұйрығымен Қазақстанға келген.
Елордаға кеше ұшып келгендіктен, ауруханаларды аралап үлгермепті.

Қытайдан келген дәрігерлер әріптестерінің жұмысын бағалады

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында COVID-19 вирусын жұқтырған жүкті әйел аман-есен босанды. Бұл туралы ҚР Денсаулық сақтау вице-министрі Ләззат Ақтаева өзінің&nbsp;<a href="https://www.facebook.com/profile.php?id=100001325362982&__tn__=%2CdC-R-R&eid=ARALpW6nsS9k-qCFKH4sIEjjBj2X61rtLHoEwnepVz_tMI5T8zzGUcaHfDa8Y5nJIWseKPXblYQIJY_t&hc_ref=ARQEaleOcID4GvHW51xAasqAi1bqeky88v7Lh-XkoGr7bDmnQ8gSpzZ-cwVEdxwE_y4&fref=nf">Facebook</a>&nbsp;парақшасында жазды.
Вице-минстрдің жазуынша, жүкті әйел 2020 жылдың 8 сәуірі күні келіп түскен. Оның босанатын уақыты жеткен және оған жедел-респираторлы вирусты инфекция диагнозы қойылған. Оның денсаулығын бақылау барысында дене қызуы 38,1 градус қа дейін көтерілген.
COVID-19 вирусына тексеру жүргізілген соң, оның науқас екені анықталған. Әйел баласын аман-есен босанған.
Нәрестенің салмағы 2970,0 гр, бойы 51 см. Баланың денсаулық жағдайы қанағаттанарлық. Нәрестеден де COVID-19 вирусына анализ алынды. Әйелді COVID-19 вирусынан толық емдеп шығару үшін инфекциялық стационарға жатқызылған.
Айта кетейік, кезекші бригада мүшелері медициналық көмек көрсету кезінде күшейтілген қорғаныш құралдарын пайдаланған. Кезекшіліктен соң олар бірден үйдегі карантинге алынған.
<blockquote>
 “Қызылорда облыстық перинатальдық орталығы кезекші бригадасының құрамы мыналар: Ақбота Қоңқабаева – акушер-гинеколог, Әйгерім Еңсепбаева – акушер, Меруерт Аққайырова – неонатолог, Айгүл Тұрғанбаева – балалар медбикесі. Олар – күн сайын қиындыққа қарамастан өз міндеттерін атқарып жүрген біздің заманымыздың батырлары, – деп жазған вице-министр.
</blockquote>
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/covid-19-news/qyzylorda-oblysynda-qawipti-indet-zhuqtyrghandar-100-ge-zhetti-55381/">100 адамға жеткенін</a>&nbsp;хабарлаған болатынбыз.

Қызылорда облысында коронавирус жұқтырған жүкті әйел аман-есен босанды

<a href="https://kyzylorda-news.kz/">Kyzylorda-news.kz.</a> ҚР денсаулық сақтау министрі Елжан Біртанов төтенше жағдай бойынша мемлекеттік комиссияның соңғы шешімдері туралы&nbsp;<a href="https://www.facebook.com/byelzhan/posts/2738254289576379">Facebook</a>-тегі парақшасында жазды.
<blockquote>
 “Біздің елімізде қабылданған қатаң карантиндік шаралар 28 наурыз бен кешегі тәулікті есептегенде коронавирус инфекциясының таралу қарқынын 52-ден 12 пайызға дейін төмендетуге мүмкіндік берді. Бұл өзгеріс бізге санитарлық және медициналық қызметтердің жұмыс ауыртпалығын азайтып, науқастар мен байланысқан адамдарға тиімді көмек көрсетуге мүмкіндік береді”, – деп жазды Елжан Біртанов Facebook парақшасында.
</blockquote>
Әйтсе де министр атап өткендей Қазақстанда коронавирус жұқтырғандардың саны артып барады. Басқа елдердің тәжірибесі Қазақстанда аурудың негізгі кезеңі сәуір-мамырда өтсе, вирустың шарықтау шыңы – сәуірдің бірінші жартысына тұспа-тұс келетінін болжауға мүмкіндік береді. 
<blockquote>
 “Осы кезеңде біз шамамен 3500 жағдай тіркелетінін (қазір 551) болжаймыз. Одан ары, яғни жаз айларында эпидемиологтар эпидемия толығымен тоқтамаса да баяулайтынын күтеді. Кейбір сарапшы биылғы күзде індеттің қайталанатын жоққа шығармайды”, – дейді ол.
</blockquote>
Министр берген мәліметке сәйкес, елімізге бүгінгі таңда коронавирус инфекциясынан науқастарды емдеу мақсатында 3920 инфекциялық, сонымен қатар 7300 провизорлық төсек орын дайындалғанын айтады. Бұдан бөлек 180 ауыр науқасты қабылдауға қабілетті жансақтау бөлімшесі әзір екенін, онда 170 жасанды тыныс алу аппараты, қан оксигенациясының экстракорпоральды мембрананалы 38 аппараты барын жеткізді. 
<blockquote>
 “Алайда пациенттер жұқпалы аурулар ауруханасында орташа есеппен 3-4 апта өткізетінін, елді мекендердің тіршілігін қамтамасыз етумен айналысатын кәсіпорындар мен қызметтердің командаларында – медицина қызметкерлері, полиция, Қарулы Күштерде инфекцияның пайда болу қаупін ескергенде Қазақстанда әзірге көбірек төсек орын мен арнайы аурухана керектігі байқалады. Сонымен қатар ол ауруханалар инфекциялық қауіпсіздіктің барлық талабына сай болуы керек. Онда боксталған палаталар, вентиляцияның ерекше жүйесі, жансақтау бөліміндегі орындар болуы тиіс. Мұндай тез тұрғызылатын емханалардың Қытайда қалай пайдаға жарағанын көрдік. АҚШ пен Италия, өзге де еуропалық елдердегі қарапайым емханаларға қандай жүктеме түсіп отырғанынан да хабардармыз. Көптеген ел науқастар мен медициналық персоналдар үшін инфекциялық қауіпсіздік технологиялары сақталмаған нысандар мен спорттық құрылымдарды пайдалануға мәжбүр”, – дейді министр.
</blockquote>

Министр: Коронавирустың таралуы жазда бәсеңдегенімен, күзде қайталануын жоққа шығармаймыз

<a href="https://kyzylorda-news.kz/">Kyzylorda-news.kz.</a> Карантин режимінде отырған қыз-келіншек, аналарымыз аспаздық машығын дамытып, ұмыт болып бара жатқан ұлттық тағам түрлерін әзірлеулеріне болады, деп хабарлайды <a href="https://lenta.inform.kz/kz/karantin-rezhimi-immunitetti-koteretin-ulttyk-tagamdar_a3633850">ҚазАқпарат</a>.
ҰЛТТЫҚ ТАҒАМ ТҮРЛЕРІНІҢ ЕРЕКШЕЛІКТЕРІ
«Не жесек – солмыз». Тамақ деннің саулығына айтарлықтай ықпал етеді және ол күш-қуаттың көзі. Жеті нотадан жаныңды жадырататын ән туындаса, әртүрлі қоспалардан тағам дайындалады. Тағамның ерекшелігі әртүрлі халықтың аспаздық өнеріне байланысты. Әр елдің визиткалық картасы – мемлекеттік рәміздер ғана емес, сонымен қатар ұлттық тағамдары.
Әр ұлттың аспаздыққа қатысты өз ерекшелігі бар. Мысалы, чилиліктер ешбір тағамды қолмен жемейді. Оларда кез келген тағамға арналған ыдыс-аяқ, қолмен ұстайтын құрал бар. Ал қытайлықтар кеспе жеуді ұзақ өмір, мықты денсаулық кепілі деп санайды. Сондықтан олар оны кеспеген күйде жейді. Олар үшін кеспені кесу – өмір жолын қысқартумен тең.
Сондай-ақ, қазақ халқында да тағамға қатысты ырымдар бар. Мысалы, еліміздің кейбір аймағында кесеге шайды толтыра құймайды. Қонақ үй иесі тезірек қайтып кетуін қалап отыр деп ойлап қалуы мүмкін.
ШЫЖ-МЫЖ
Қазақтың аспаздық өнері бешбармақ, қуырдақ және бауырсақпен шектелмейді. Бұған дейін&nbsp;жазғанымыздай,&nbsp;этнограф Әйгерім Мұсағажинова қазақтың 200 түрлі ұлттық тағамын жинақтап, 50-ін «Қазақы ас: дәстүр мен дәм» кітабына енгізген.
<blockquote>
 «Қазақтың салт-дәстүрі ұлттық тағамдарынан көрініс тапқан. Соғымға сойылған жылқының бүйрегі мен өкпесінен дайындалатын шыж-мыж деп аталатын тағам ер адамдардың достығының символы болып саналады. Ол барлық туыс, дос, көрші үшін ерекше әдіспен дайындалған. Қойдың бүйрегі мен өкпесін ұсақтап турап, өзінің майына қуырады. Әр аймақтың бұл тағамды дайындау барысында өз ерекшелігі бар. Солтүстік Қазақстанда ұсақтап туралған бүйрек пен өкпені майға қуырып, тоқ ішек ішіне салады. Оңтүстік және Шығыс өңірлерде шыж-мыжды отқа пісіріп алған соң бірден жейді», – дейді этнограф.
</blockquote>
САУМАЛ
Әйгерім Мұсағажинова қазіргі жағдайда иммунитет көтеру аса маңызды екенін айтты. Оның айтуынша, қазақтың ұлттық тағамдары иммунитет көтеруге негізделген.
<blockquote>
 «Тоғызыншы сәуірден бастап қазақтар бие сауа бастайды және саумал ішеді. Саумал – өзінің пайдалы қасиетін сауылғаннан кейін 2-3 сағат сақтап тұратын бие сүті. Оның құрамында ақуыз бар. Саумалды құрамы бойынша ана сүтімен теңестіруге болады. Оның құрамында май болмайды және ағзаға жақсы сіңеді. Сондай-ақ, оның құрамында қуаныш гормоны – триптофан бар. Ресейлік саяхатшылар еңбектерінде Қазақстан аумағынан өткен кезде қазақ халқы қыстан әлсіз болып шыққанмен, екі-үш күнде күш жинап, екі беті қызарып жүретіні туралы жазған. Мұның бәрі саумалдың арқасы», – дейді ол.
</blockquote>
МАЙСӨК
Этнограф пайдалы азық-түлік тұтынудың пайдасын айтты. Көбімізге мәйсөк деген тағам таныс болар? Балаларды осы мәйсөктің дәміне үйрету өте маңызды. Ол майға қуырылған тарыдан жасалады. Оны алдымен сүт немесе суға қайнатып алады, одан кейін кептіріп, үстіне жылы май құяды. Оны таңғы астан кейін десерт ретінде жеуге болады.
Қазіргі жағдайда ешқандай май қоспай, өз сөліне бұқтырылып жасалатын тағамдар пайдалы. Мысал ретінде балқуырдақ тағамын айтуға болады. Ол бауырдан жасалады: бауырды жіңішке етіп турап, суға бұқтырып, оның үстіне кішкене қаймақ қосады. Бұл тағамның балалардың ағзасына тигізер пайдасы зор.
ТОМЫРТҚА
Сонымен қатар, сүйектен дайындалатын көже – томыртқа өте пайдалы. Сүйектерді суда 12 сағат қайнату керек. Сүйектің майы шыққаннан кейін жақсылап араластыру керек. Әбден қайнап біткеннен кейін судың бетіне шыққан сүйектің майын жинап алу керек. Оны бауырсақ, жент басқа да тәтті тағамдар дайындаған кезде қолдануға болады. Ал сорпасы қыс аяқталып, көктем басталған кезде ішкенге жақсы. Оны көктем мезгілінде иммунитет көтеру үшін ішкен.
ӘСІП СОРПАСЫ
<blockquote>
 «Ағзаға пайдалы сорпаның тағы бір түрі – әсіп сорпасы. Ол – еттен жасалған, құрамы пайдалы дәріменге толы сорпа. Ол балалар үшін де, егде жастағы адамдар үшін де пайдалы. Сорпа қой етінен дайындалады және жылдык кез келген мезгілінде ыстық күйде де, суық күйде де жеуге болады. Аталған сорпаны дайындау үшін қой еті, бауыры және құйрық майы ұсақтап туралады. Оған буға піскен күріш пен тұз, бұрыш қосылады. Осыларды араластырып, бүйенге салады да, бетін буып, бір сағат суға қайнатады. Дайын болған әсіпті дөңгелектеп турап, үстіне сорпа құяды», – дейді этнограф.
</blockquote>
Әйгерім Мұсағажинова қазіргі уақытта ұлттық тағамдарды насихаттау маңызды міндеттердің бірі деп санайды.
<blockquote>
 «Қазіргі уақытта адамдардың көбі тағамды қарын ашқанда жейтін нәрсе ғана деп түсінеді. Қазақтың қаншама пайдалы тағамы көз алдымызда жоғалып бара жатыр. Қазақ халқының әр ұлттық тағамы – даналықтың символы, өйткені ол қарынды тоқ қылып қана қоймай, қажет кезде адам бойына күш-қуат беріп, тіпті адамдардың қайта татуласуына, жақынараласуына себепші болған. Иммунитетті көтеретін тағамдарды жиі дайындаған дұрыс», – дейді ол.
</blockquote>

Карантин: Иммунитетті көтеретін ұлттық тағамдар

<a href="https://kyzylorda-news.kz/">Kyzylorda-news.kz.</a> Коронавирустың таралуына байланысты зімбірге сұраныс артып, бағасы көтерілген. Осы орайда диетолог Маргарита Королева зімбірдің қымбаттауына бола дүрбелең тудырмауға шақырды. Оның айтуынша, басқа да азықпен иммунитетті көтеруге болады деп жазады <a href="https://kaz.nur.kz/1848629-driger-immuniteti-kteru-sin-zimbirdi-ne-almastyratynyn-ajtty.html">KAZ.NUR.KZ.</a>
<blockquote>
 «Ағзаның беріктігін бір қалыпта ұстау үшін және коронавирусқа немесе басқа да бактериялық, вирустық инфекцияға қарсы тұру үшін тамақтану барысында бірқатар ережені сақтаған жөн», – дейді маман.
</blockquote>
Королеваның айтуынша, зімбір, лимон, пияз бен сарымсақ табиғи өнім болғандықтан, пайдасы да мол. Бұлар бактерияларға қарсы тұра алады, сондықтан міндетті түрде ас рационына қосу керек.
Диетолог ішкі жасушалардың қорғанысын бекіту үшін адам ағзасына қажетті компонент цинк екенін айтты. Оның вирусқа қарсы тұру әрекеті бар. Сол үшін толыққанды ақуыз, ет, дақылдар, бұршақтар, жаңғақтар жеу керек. Мүмкін болса, теңіз өнімдерімен тамақтанған жөн.
<blockquote>
 «Цинк А дәруменімен бірге ағзаға жақсы сіңеді. Дәрумен пайдалы майлар құрамында кездеседі. Бұған барлық тазартылмаған май жатады: зәйтүн майы, жүгері майы, күнбағыс майы. Е дәрумені де иммунитеті қалыптастырады. Сондай-ақ табиғи өнімдердің құрамында бар В дәрумені ағзаға өте қажет», – дейді Маргарита Королева.
</blockquote>
Королева су және сұйықтықты көбірек ішу керек екенін жеткізді. Бұл ағзаның детоксикациясына көмектеседі, тыныс алу жүйесіне, ауыз қуысына, асқазанның қышқыл ортасына түсу қаупі бар вирустарды шайып өтуге жәрдемдеседі.
<blockquote>
 «Әрине, көкөніс пен жеміс-жидектің құрамындағы үлкен көлемде сақталатын С дәрумені жайлы ұмытпау керек. Айтпақшы, ашытылған қырыққабат – ішек жолдарына арналған керемет пробиотик. Ал біздің иммундық жүйеміздің 80 пайызы осы ішек жолдарының жұмысына тікелей байланысты», – дейді диетолог.
</blockquote>

Дәрігер иммунитетті көтеру үшін зімбірді не алмастыратынын айтты

<a href="https://kyzylorda-news.kz/">Kyzylorda-news.kz.</a> Қазақстанда карантиндік типтегі үш медициналық кешен салынады. Бұған 14,8 миллиард теңге бөлу көзделіп отыр. Бұл туралы бірінші қаржы вице-министрі Берік Шолпанқұлов мәлімдеді, деп хабарлайды <a href="https://sputniknews.kz/society/20200402/13517414/karantin-meditsinalyk-keshen.html">Sputnik Қазақстан.</a>
<blockquote>
 «Карантиндік типтегі үш медициналық модульдық кешен құрылысына 14,8 миллиард теңге қарастырылған», – деді Шолпанқұлов.
</blockquote>
Сонымен қатар, 19,5 миллиард теңге коронавирус жұқтырған және жұқтыруы мүмкін пациенттерді емдеп жатқан медициналық ұйымдарға медициналық қызметті төлеуге жұмсалады.
40,6 миллиард теңге коронавируске күреске тартылған медицина қызметкерлерін ынталандыруға бағытталған.
Жалпы, президенттің тапсырмасымен 2020 жылға арналған бюджетті нақтылау аясында эпидемияға қарсы шараларға қосымша 125,2 миллиард теңге бөлінбек.

Қазақстанда карантиндік типтегі үш медициналық кешен салынады

<a href="https://kyzylorda-news.kz/">Kyzylorda-news.kz.</a> Коронавирус пандемиясына қарсы шаралар әрбір мемлекет үшін ауыр тиюде. Инфекцияны онымен күресіп жүрген дәрігерлер жұқтыруда. Қазірдің өзінде індеттен көз жұмған ақ халаттылардың саны күн санап артуда.
Қорғаныс киімдері мен маскаларға қарамастан дәрігерлер, медбикелер мен аурухананың басқа да қызметкерлері ауруды жұқтыруға бейім келеді. Оның себебі айтпаса да түсінікті.
Індетке шалдыққан медициналық қызметкерле вирустың асқынған түріне тап боладыі. Мамандардың пікірінше, бұл жағдай олардың вирус ортасында көп уақыттарын өткізетіндіктен екен. 
Ағзаға түскен вирус жасушалардың қызметіне кедергі келтіріп, жылдам көбейе бастайды. Ол инфекция тудырушылардың көптігі науқастың жағдайын одан сайын ушықтыратын көрінеді. 
Вирустардың адам денесінде көбеюі, оның өміріне қауіп төндіріп қана қоймай, науқасты күшті ауру таратушы етеді.
<blockquote>
 «Менің ағзамда вирустың көптігі, менің ауруды басқаларына тарату қауіптілігін жоғарылатады», – дейді.
</blockquote>
Лондондық инфекциялық институтының профессоры Уэнди Барклай. 
Яғни, бұл дегеніміз ауруға шалдыққандармен қарым-қатынаста жиі болатын медицина қызметкерлері жай ғана індетті жұқтырмай, вирустың көп мөлшерін өзіне қабылдайды деген сөз.
<blockquote>
 «Әрбір адамның иммундық жүйесі бұл вирустармен әрең күреседі. Вирустың көптігінен ағза оған қарсы бар күшін жұмсайды. Егер жануарларға вирустарды енгізетін болсақ, вирус көбейіп кеткендердің жағдайы ушыққанын байқаймыз», – дейді британдыө профессор.
</blockquote>
<a href="https://stan.kz/news-329290/">Stan.kz</a>

Коронавирус: Медициналық қызметкерлер неліктен аурудың асқынған түрімен ауырады?

<a href="https://kyzylorda-news.kz/">Kyzylorda-news.kz.</a> Қазақстандық ғалымдар COVID-19 коронавирус инфекциясын анықтайтын екі тест жасап шығарды, деп хабарлайды <a href="https://24.kz/kz/zha-aly-tar/o-am/item/385701-aza-standy-alymdar-koronavirusty-any-tajtyn-eki-test-zhasap-shy-ardy">Хабар 24.</a>
Отандық өнім шетелдік тестпен салыстырғанда дәлдігі жағынан жоғары және адам ағзасындағы қауіпті инфекция туралы мәліметті небәрі 5 сағатта анықтап береді. Қазіргі кезде адамзат үшін өте маңызды тест аса қауіпті инфекциялар ұлттық ғылыми орталығының Орталық референц-зертханасында жасалған.
Мына пакеттердің ішінде реагенті бар кішкентай құтылар жатыр. Ғылыми аты қарапайым көрерменге аса таныс болмағанымен, пайдасы мол. Бұл тест дәріханаларда сатылатын өзге тестерге де ұқсамайды. Тынымсыз еңбектің арқасында отандық биотехнологтар үлкен табысқа қол жеткізіп отыр.
<blockquote>
 «Бұл тест бүгінде регистрацияға берілді. Оны да болашақта қолданысқа береміз деп отырмыз. Бізде ресейлік бар, европалық тест бар, Қытай Республикасынан келген тестер бар. Біздің тест олардан, өзінің сезімталдылығы жағынан бірдей. Бізге жаңағы материал түскен кезде біз осыны 5-6 сағаттың ішінде дәлелдеп оның жаңағы оң нәтиже, теріс нәтиже екені туралы қорытындымызды бере аламыз», – дейді М.Айқымбаев атындағы аса қауіпті инфекциялар ҰҒО бас директоры Тоқтасын Ерубаев.
</blockquote>
Шын мәнінде елімізде қазір екі тест жүйесі бар. Қазақстандық ғалымдардың екі тобы бір мезгілде тест жасауды қолға алған болатын. Олар зерттеу жұмыстарына қаңтар айында, елімізде коронавирус инфекциясы тіркелмей тұрып-ақ кіріскен. Денсаулық сақтау, сондай-ақ Білім және ғылым министрлігінің биотехнологтары екі зертханада, бірақ бір ғимараттың ішінде жұмыс істейді.
Айта кетерлігі, Орталық референц-зертхананы американың құпия зертханасы деп шатасып жүргендер бар екен.
<blockquote>
 «Ол сөздер еш жерде дәлелденбеген. Бұл Орталық референттік лаборатория. Тек қана Қазақстанның мамандары жұмыс істейді. Осы уақытқа дейін 20 жылдың бірінші қаңтарынан бастап мынау финанстың барлығы Қазақстан үкіметі толық бөлген. Басында америкалық мамандар инженер дайындауға, маман дайындауға өздерінің көмегінің көрсетті. Бүгінде біздің өзіміздің инженер мамандарымыз жаңағы ғалымдарымыз, вирусолог мамандарымыз, бактериолог мамандарымыздың бәрі дайын», дейді Тоқтасын Ерубаев.
</blockquote>
Орталықтың негізгі міндеті Қазақстанның биологиялық қауіпсіздігін қамтамасыз ету. Қазіргі таңда Ұлттық ғылыми орталық обаға қарсы вакцина шығарады. Бұдан өзге 41 диаогностикалық препарат жасайды. Олардың көмегімен адамзат үшін өте қаупті түйнеме, тырысқақ секілді ауруларды анықтауға болады.
<blockquote>
 «Қазақстандағы аса қауіпті аурулардың зеттеулері осында жүргізіледі. Бұл – үлкен ғылыми орталық. Мұндай лаборатория Орталық Азияда жоқ. Бұның өзінің үшінші реттіктегі биологиялық қауіпсіздікті қамтамасыз етеміз. Бұл лабораторияның Қазақстан үшін үлесі үлкен. Себебі біз негізінен ҚР территориясының 40 пайызы мына аса қауіпті аурулардың таралуы табиғатта бар. Сондықтан оның бәрін зерттеуді осы жерде жүргіземіз», – деп атап өтті аса қауіпті инфекциялар ҰҒО бас директоры.
</blockquote>
Коронавирус инфекциясы тараған сәттен бастап әлемдік ғалымдар вакцина жасаудың жолын іздестіруде. Вакцина мәселесі қазақстандық ғалымдарды да алаңдатып отыр.
<blockquote>
 «COVID-19 инфекциясына қарсы вакцина жасауға тек қана бір мемлекет емес, әлемдік қауымдастық көңіл бөліп отыр. Сол себепті тұтас консорциумдар құрылып, әр сала бойынша зерттеу жүргізіп жатыр. Біраз уақыт бұрын Ұлттық биотехнологиялар және аса қауіпті инфекциялардың Ұлттық ғылыми орталығы үкіметке отандық вакцинаны жасап, өндіріске беру туралы ұсыныс жасадық», – дейді «Ұлттық биотехнологиялар орталығы» АФ директорының орынбасары Юрий Скиба.
</blockquote>
Әрине, коронавирусқа қарсы дәрі немесе вакцина шығару тест жасаумен салыстырғанда қиын. Оған бірнеше жыл кетуі мүмкін. Кісідегінің кілті аспанда дейді. Эпидемия қайталанатын болса, вакцинаны елге жеткізгенше де біраз уақыт кетеді. Сондықтан отандық вакцинаның болуы өте маңызды. Ал біздің ғалымдар жасаған тест екі айдан кейін диагностикалық зертханаларға жеткізіледі деген болжам бар.
Мінеки, Орталық референц-зертхана қазақстандықтардың биологиялық қауіпсіздігін қамтамасыз ету үшін маңызды зерттеулермен айналысуда. Әрине стратегиялық нысан болғандықтан екінің бірі кіре алмайды. Биік қоршаумен қоршалған.
Бірақ америкалық сарбаздар мен шетелдік биотехнологтарды көргеніміз жоқ. АҚШ-тың құпия зертханасы бар екен деген қауесет қана. Жабық нысандардың төңірегінде түрлі әңгімелер болатыны бұрыннан белгілі жайт.

Қазақстандық ғалымдар коронавирусты анықтайтын екі тест жасап шығарды (видео)

<a href="https://kyzylorda-news.kz/">Kyzylorda-news.kz.</a> Мемлекеттік комиссияның жедел штабы COVID-19 індеті бойынша кімдердің бірінші тексерілетінін мәлімдеді.
Жедел штабтың мәліметтері бойынша, алғашқылардың бірі болып тексеруден:
– коронавирустың таралуын болдырмау жөніндегі іс-шараларға қатысатын адамдар,
– жедел жәрдемнің, амбулаториялық-емхана ұйымдарының, стационарлардың қабылдау бөлмелерінің медицина қызметкерлері;
– тыныс алу органдарының ауыр созылмалы аурулары бар, диспансерлік есепте тұрған адамдар;
– науқастармен байланыста болған адамдар;
– коронавирустың таралуын болдырмау жөніндегі іс-шараларға тартылған орталық және жергілікті мемлекеттік органдардың қызметкерлері;
– карантин аймақтарының тыныс-тіршілігін қамтамасыз ететін кәсіпорындардың қызметкерлері (коммуналдық қызметтердің, азық-түлік, дәрі-дәрмек сататын сауда нысандарының, тамақ жеткізумен айналысатын қоғамдық тамақтану объектілерінің, зарарсыздандыру қызметін көрсететін ПИК қызметкерлері, көлік жүргізушілері және т. б.)
Нұр-Сұлтан және Алматы қалаларында 220 000 адамға дейін экспресс-тесттен өте алады.
Экспресс-тесттердің дұрыстығы 90%-дан кем емес.
ҚР ДСМ Республикалық электрондық денсаулық сақтау орталығының сайтында пациенттің деректерін енгізуге арналған сауалнама жасалды, эпидемиологиялық іріктеудің қорытындысы бойынша тестілеу жүргізілетін болады.

Қазақстан және Қызылорда облысының жаңалықтары: Денсаулық