<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы барлық елдерді Оңтүстік Корея мен Тайванның үлгілеріне сүйене отырып, коронавирусқа тұрғындарды белсенді түрде тестілеуге шақырды.
<blockquote>
 “Біздің негізгі жолдауымыз: тестілеу, тестілеу, тестілеу”, – деді ДДСҰ басшысы Тедрос Адан Гебреисус.
</blockquote>
Халықты&nbsp;коронавирусқа тестілеудің нәтижесінде&nbsp;Венеция маңындағы итальяндық&nbsp;Во Эуганео коммунасында індеттің таралуын тоқтата алды.
Қаланың барлық 3,4 мың тұрғыны&nbsp;белгілердің&nbsp;болуына немесе болмауына қарамастан, коронавирусқа тексеруден өтті.&nbsp;Талдау қорытындысында қала тұрғындарының 3 пайызында вирус анықталды.&nbsp;Ауру белгілері бар коронавирусты жұқтырған әрбір адам үшін белгілері жоқ 10 тасымалдаушы болды. Барлығы оқшауланды.
10 күннен кейін барлығы қайта сынақтан өтіп, нәтижесінде сырқаттанғандар саны 90 пайызға төмендеді.
Айта кету керек, қайта тестілеу кезінде кем дегенде белгілері жоқ алты вирус жұқтырған науқас анықтады, ал оларды карантинге орналастыру маңызды.
Егер оларды таппаса, инфекция таралуын жалғастырады.
<blockquote>
 “Тестілеу өте маңызды болды, ол көптеген өмірлерді сақтап қалды”, – деді қала мэрі Джулиано Мартини.
</blockquote>
Ғалымдар белгілі науқастармен байланыста болған белгілері жоқ адамдарды тестілеу өте маңызды дейді.
Мысал ретінде Германияны келтіруге болады, онда 19 наурыз күні Джон Хопкинс университетінің мәліметі бойынша 13979 жұқтыру оқиғасы тіркелген,&nbsp;бірақ тек 44 өлім тіркелген.
Салыстыру үшін: көршілес Францияда 9058 адам коронавирус жұқтырса, 243-і көз жұмды, Испанияда 17 395 адамның 803-і бақилық болды.
Сарапшылар инфекцияның бар-жоғына жүргізілген тесттердің көп санын маңызды фактор деп санайды.&nbsp;Роберт Кох институтының басшысы Лотар Вилердің айтуынша,&nbsp;ел зертханалары апта сайын 160 мыңға жуық сынақ өткізеді, бұл көптеген елдердің жүргізген зерттеулерінен әлдеқайда көп.
Айта кетейік, Қазақстан коронавирусты анықтау үшін 100 000 экспресс-тест сатып алады. Сатып алуға ақшаны Kaspi.kz және “Сәби” қоры бөлді. Сынамаларды сәуір айында “Олимп” зертханаларында тапсыруға болады.
Қазақстанда экспресс-тест тапсырғысы келетіндер үш басым топқа бөлінеді.
Бірінші топ – науқастармен тікелей байланысатын медициналық ұйымдардың қызметкерлері және карантиндік аймақтарда халыққа қызмет көрсетумен айналысатындар-полицейлер, өрт сөндірушілер , әскерилер және басқалары.
Екінші топ – 2019 жылдың қараша-желтоқсан айларында 2020 жылдың қаңтар-ақпан айларында вирустық аурулары болған азаматтар.
Үшінші топ – қалған еріктілер.

Қазақстанды коронавирус індетінен не құтқаратыны айтылды

<a href="https://kyzylorda-news.kz/">Kyzylorda-news.kz.</a> Ресейдің еңбек сіңірген дәрігері, медицина ғылымдарының докторы, профессор Александр Карабиненконың айтуынша, екпе инфекцияға, соның ішінде COVID-19-ға шалдығу қаупін төмендетеді.
Бұдан бөлек, тұмауға қарсы екпе адамның табиғи иммундық қорғанысын жақсартуға көмектеседі.
Дәрігер екпені бірінші кезекте, суық тию ауруларына жиі шалдығатындарға салдыру керектігін жеткізді.
Сондай-ақ маман иммунитеті жақсы адамдардың вирусқа шалдығу қаупі төмен екенін атап өтті.
Карабиненко иммунитетті күшейту үшін дұрыс тамақтанып, фаст-фудтан бас тартуға кеңес берді.
Дәрігер-терапевт Людмила Лапаның айтуынша, иммунды жүйені қатайту үшін лактобактериялар мен ферменттерді тұтыну қажет.
Ал вирус пен бактериялардың ағзаға түспеуі үшін мұрынға оксолин майы мен зәйтүн майын жағуға болады.

Дәрігерлер коронавирустан қалай қорғану керектігін айтты

<a href="https://kyzylorda-news.kz/">Kyzylorda-news.kz.</a> 20 мыңнан астам адам коронавирустан вакцина жасалу үшін тәжірибеден өтуге келісім берді, деп хабарлайды&nbsp;<a href="https://www.wsj.com/articles/wanted-people-willing-to-get-sick-to-find-coronavirus-vaccine-11584615600">The Wall Street Journal</a>.
Еріктілер британиялық hVIVO тобының зерттеу бағдарламасына жазылды. Қазіргі уақытта әлемде коронавирустың жаңа түріне қарсы вакцина әзірленген жоқ, осыған байланысты дәрі-дәрмек іздеуде сол отбасыға жататын вирустар қолданылады.
Вирус жұқтырғаннан кейін олар карантинде екі апта жатады. Тәжірибелерге қатысқаны үшін әр адамға 3500 фунт (1,8 миллион теңге) төленеді.
Айта кетейік, бұған дейін Қазақстанда коронавирусқа қарсы <a href="https://kyzylorda-news.kz/densawlyq/qazaqstanda-covid-19-virwsyna-qarsy-vakcina-dajyndalyp-zhatyr-2-51138/">вакцина әзірленіп жатқаны</a> туралы хабарлаған болатынбыз. Оған Ұлттық биотехнология орталығы мен биологиялық қауіпсіздік мәселелері ғылыми-зерттеу институтының мамандары атсалысып жатыр.

Әлемде 20 мың адам вакцина жасау үшін коронавирус жұқтыруға келісті

<a href="https://kyzylorda-news.kz/">Kyzylorda-news.kz.</a> Коронавирус инфекциясына байланысты төтенше жағдай режимінде жұмыс істеп жүрген медицина мамандарының еңбекақысы 2-3 есе артады.
Бұл туралы ҚР Денсаулық сақтау министрлігінің ресми өкілі Диас Ахметшәріп «Qazaqstan» телеарнасындағы «Ashyq alan» бағдарламасында айтты.
<blockquote>
 «Әрине, дәрігерлерге Үкімет тарапынан қолдау көрсетуіміз керек. Өйткені майданның алғашқы шебінде инфекциялық ауруханалардағы дәрігерлер, инфекционистер, жедел жәрдем, медбикелері тұр. Сол себепті Денсаулық сақтау министрі Елжан Біртановтің тікелей бұйрығымен осы мерзімде ынталандыру және көмек бағдарламасы бойынша олардың айлықтарын 2-3 есе көтеріп отыр. Бұл тек қана санитарлық дәрігерлер, инфекционистер сынды инфекциямен күресіп жүрген мамандарға байланысты», – деді Д. Ахметшәріп.
</blockquote>

Төтенше жағдай: Медицина мамандарының жалақысы көбейді

<a href="https://kyzylorda-news.kz/">Kyzylorda-news.kz.</a> Денсаулық сақтау министрлігі Ұлттық сараптама орталығының төтенше жағдай кезіндегі жұмысы жайлы&nbsp;<a href="https://www.facebook.com/MinzdravRK/videos/643698332872748/?v=643698332872748">видеоролик жариялады.</a>&nbsp;Лаборатория мамандары қазір тәулік бойы жұмыс істеуде.
<blockquote>
 «Орталықтың дәрігерлері тұмау және тұмауға ұқсас ауруларға зерттеу жүргізіп жатыр. Дәл осы жерде коронавирус инфекциясының РНҚ-сын анықтау жұмыстары атқарылады. Жалпы коронавирус – РНҚ-сы (рибонуклеин қышқылы) бар вирус, ол тұмау инфекциясына жатпайды. Біз мұрын және ауыз қуысынан жұғынды алып, тексереміз. Себебі ол вирус жоғары тыныс алу жолдары арқылы ағзаға енеді», – дейді Ұлттық сараптама орталығы вирусология лабораториясының меңгерушісі Айнаш Мақышева.
</blockquote>
Бүгінде зертхана коронавирус бойынша эпидемиологиялық ахуалға байланысты тәулік бойы жұмыс істеп жатыр.
<blockquote>
 «Лабораторияға анализ түскен бетте 6-7 сағаттың ішінде қорытындысы дайын болады», – дейді ол.
 <a href="https://www.facebook.com/MinzdravRK/videos/643698332872748/"></a>
 Лабораторные врачи Национального центра экспертизы 24/7 на страже Вашего здоровья! #birgemiz
 Опубликовано <a href="https://www.facebook.com/MinzdravRK/">Министерство здравоохранения Республики Казахстан</a> Пятница, 20 марта 2020 г.
</blockquote>

24/7: Коронавирусқа байланысты Ұлттық сараптама орталығы үзіліссіз істейді (видео)

<a href="https://kyzylorda-news.kz/">Kyzylorda-news.kz.</a> Білім және ғылым министрлігінің тапсырмасы бойынша Ұлттық биотехнология орталығы мен Биологиялық қауіпсіздік проблемаларының ғылыми-зерттеу институты бірлесіп, COVID-19 коронавирусына қарсы вакцина әзірлеуге кірісті, деп хабарлайды <a href="https://www.coronavirus2020.kz/kz/covid19-koronaviruska-karsy-vakcinasyn-azirleu-turaly_a3627849">coronavirus2020.kz</a>.
<blockquote>
 «Біздің ұйымдарда жинақталған тәжірибе баршылық. Заманға сай ғылыми база да бар. Өндіріс технологияларын дамытып, сынақтан өткізіп, шетелдік баламалардан тиімділігі кем түспейтін отандық дәрі-дәрмекті әзірлейтін мамандар жұмыс істейді», – деп мәлім етті ҚР БҒМ Биологиялық қауіпсіздік проблемаларының ғылыми-зерттеу институтынан.
</blockquote>
Мәселен, қаңтар айының соңында Ұлттық биотехнология орталығының ғалымдары COVID-19 коронавирусын 6 күннің ішінде анықтайтын тест жүйесін ойлап тапқан. Қазақстандық тест жүйесінің тиімділігі мен өткір сезімталдығы ресейлік және қытайлық диагностикалық диагностикумдардан кем еместігі анықталған.
Білім және ғылым министрлігі Ғылым комитетінің «Биологиялық қауіпсіздік мәселелері жөніндегі ғылыми-зерттеу институты» (Жамбыл облысы, Отар кенті) құс пен доңыз тұмауына қарсы вакциналарды жасап шығарған. Құрылғалы 60 жылдың ішінде институт биоқауіпсіздік, биотехнология, вирусология, микробиология және иммунология саласында үлкен тәжірибе жинақтады. Институт ғалымдары дәрі-дәрмектің 60-тан астам түрін, соның ішінде 30 вакцинаны, 16 сынақ жүйесін және 15-тен астам түрлі биологиялық өнімді жасап шығарды. Бұл институтта вирустардың генетикалық кітапханасының бірегей дерекқоры бар.
Вакциналарды дамыту бағдарламасы аясында биотехнологиялық және гендік инженерияның алдыңғы қатарлы әдістерін қолдана отырып, 5 кандидаттық вакцина жасалады. Ұқсас технологияларды вакциналар жасау саласында әлемдік көшбасшылар қолданады. Кандидаттық вакциналардың бес түрінің ішінен клиникалық зерттеулерді жүргізуге арналған ең тиімді және технологиялық тұрғыда жетілдірілген вакцина таңдап алынады.
<blockquote>
 «Әлемнің көптеген елі өздерінің вакциналарын әзірлеп шығарғанын жариялады. Алайда мұның бәрі клиникалық зерттеуді қажет етіп, жұмыс бір жылдан кейін аяқталады. Вакцинаны қабылдағанға дейін COVID-19 вирусының таралуының алдын алу қажет. Әйтсе де бұл тек мемлекет қабылдаған шараларға ғана емес, сонымен бірге әр адамға да байланысты. Сондықтан барлық алдын-алу шарасын сақтау қажет», – деп толықтырды ғылыми-зерттеу институтынан.
</blockquote>
Қосымша сұрақтар туындаған жағдайда институт басшыларына хабарласуға болады:
Раманқұлов Ерлан Мирхайдарұлы +77770111525 (Нұр-Сұлтан қаласы)
Зәкәрия Күнсұлу Дальтонқызы +77015364781 (Жамбыл облысы Отар кенті).

Қазақстанда COVID-19 вирусына қарсы вакцина дайындалып жатыр

<a href="https://kyzylorda-news.kz/">Kyzylorda-news.kz.</a> Қазақстанда коронавирус туралы жаңа сайт іске қосылды. Бұл туралы ҚР Ақпарат және қоғамдық даму министрі Дәурен Абаев мәлімдеді.
<blockquote>
 «Құрметті достар! Қазір азаматтарды коронавирусқа қатысты жедел әрі сенімді мәліметтермен ақпараттандыру – ең маңызды мәселе. Кей уақытта қоғамды ақпараттандыру мен қарым-қатынастың жеткілікті дәрежеде тиімді болмай жатқанын мойындау керек. Түрлі ақпарат құралдары, әсіресе мессенджерлер арқылы жалған ақпараттың таралуы көптеген қиындықтар туындатуда. Осы орайда&nbsp;<a href="https://l.facebook.com/l.php?u=http%3A%2F%2Fwww.coronavirus2020.kz%2F%3Ffbclid%3DIwAR0Eowp51hxwYEpT7nacxO6eNTmCjhUt56FCP4l71yGn1wiqov9OWOuuYLo&h=AT0ipzpvbJzR3WLvgvbgXw7kYDwid5hJTsgJjy5jZ1he4DS6KsFw1OiZW2WXbG03M29W6r2tlcU7kaT1aCZ-ub7Ac2c40nNUe5B_a6JWTO6F-2TgYiF1h1zKLkUEiiZCzSQXUwtuuhAoIKVx7C9DpXN208wSxzN8_Q">coronavirus2020.kz</a>&nbsp;сайтының іске қосылғанын хабарлаймын. Бұл ресурста төтенше жағдай бойынша, карантин кезіндегі тәртіп пен мемлекеттің коронавирусқа қарсы жасап жатқан шаралары жөнінде, сондай-ақ, желіде тараған жалған мәліметтерді теріске шығару және басқа да барлық өзекті ақпараттар жинақталады», – деп жазды министр&nbsp;<a href="https://www.facebook.com/story.php?story_fbid=950617102023682&id=100012262025729">Facebook</a>&nbsp;парақшасында.
</blockquote>
Сайтта сонымен бірге аурудың алдын алу, белгілері, аурудың алғашқы белгілері байқалғанда жасалатын әрекеттердің ережелері жарияланған және бұл мәліметтер халық пайдаланып, тарату үшін инфографика, нұсқаулық түрінде берілген.
<blockquote>
 «Азаматтар үшін сайтта арнайы сұрақ-жауап айдары болады, ол жерде әрбір пайдаланушы өзіне қажетті сауалына жауап ала алады. Сіздерден осы мәліметті таратуды және сенімді ақпарат көздеріне ғана жүгінуді сұраймын», – дейді Дәурен Абаев.
</blockquote>

Қазақстанда коронавирус туралы сайт іске қосылды

<a href="https://kyzylorda-news.kz/">Kyzylorda-news.kz.</a> Украиналық танымал дәрігер Евгений Комаровский коронавирус жайлы көрермендерді толғандырған 25 сұраққа жауап берді. Маманның сөзінше, вирустың жыныстық қатынас арқылы жұғатынына еш дәлел жоқ.
Комаровскийдің сөзінше, коронавирустың жыныстық қатынас арқылы жұғатынына ешқандай дәлел жоқ.&nbsp;Алайда індеттің көздің шырышты қабаты, дененің жоғарғы бөлігі арқылы (сүйісу, тыныс алу) тез жұғатынын ескерген жөн.
Одан бөлек, сарапшы статистикаға сүйене отырып,&nbsp;шылым шегетіндердің темекі тартпайтындарға қарағанда инфекцияны тез жұқтыратынын айтты.
Сондай-ақ, маман халық арасында кеңінен танылған оксолин жақпа майы, көк лампалар сынды қорғану құралдарының коронавируспен күресуге дәрменсіз екенін жеткізді.

Коронавирустың жыныстық жолмен жұғуы мүмкін бе?

<a href="https://kyzylorda-news.kz/">Kyzylorda-news.kz.</a> Бүгінде әлемді дүр сілкіндірген коронавирустың алдын алу мақсатында Қармақшы аудандық пробация қызметінің мамандары аудандық Жастар қоғамдық бірлестігінің жанынан құрылған еріктілермен бірге сотталған азаматтарға тегін медициналық бетперделер таратты.
Сондай-ақ, олар пробация есебінде тұрған азаматтарға коронавирус инфекциясынан қорғанудың негізгі сақтық шаралары, оның алдын алу, таралуын болдырмау бағытында түсіндірме жұмыстарын жүргізді.
<blockquote>
 «Қазіргі таңда аудандық пробация қызметі есебінде 38 азамат тұр. Оның 4-еуі тұрмыс жағдайы төмен отбасы. Осы 4 отбасы мүшелеріне медициналық маскалар таратқан нағыз жанашыр, белсенді волонтерларға алғыс айтамыз», – деп мәлімдеді біздің ақпарат агенттігіне аудандық пробация қызметінің бастығы, әділет подполковнигі Ержан Әбілдаев.
</blockquote>
<img src="https://kyzylorda-news.kz/wp-content/uploads/2020/03/img-20200318-wa0033.jpg" alt="" />
<img src="https://kyzylorda-news.kz/wp-content/uploads/2020/03/img-20200318-wa0031.jpg" alt="" />

Қармақшылық еріктілер сотталған азаматтарға тегін бетперделер таратты (ФОТО)

<a href="https://kyzylorda-news.kz/">Kyzylorda-news.kz.</a> ҚР денсаулық сақтау министрі Елжан Біртанов елдегі коронавирус инфекциясының таралуы қашан төмендейтінін айтты.
Елжан Біртанов «Еуразия» бірінші арнасының эфирінде елдегі коронавирус бойынша қазіргі эпиджағдай туралы айтып берді.
Журналистер ел тұрғындарына вирустың таралу динамикасының төмендеуін қашан күтуге болатынын сұрады. Біртанов бұл сұраққа нақты жауап жоқ екенін айтты.
Бірақ басқа елдердің тәжірибесіне сүйене отырып, ол карантин Оңтүстік Корея мен ҚХР сияқты 2-3 аптаға созылатынын айтты.
Министрдің айтуынша, Еуропада да оң динамиканы байқауға болады. Оның айтуынша, 3-3,5 апта ішінде жағдай тұрақтала бастады.
Біртановтың пікірінше, дәл осы карантиндік шаралар жағдайды тұрақтандыруға көмектесті.

Қазақстанда коронавирустың таралуы қашан тоқтауы мүмкін?

<a href="https://kyzylorda-news.kz/">Kyzylorda-news.kz.</a> Қытай ғалымдары коронавирустың жұғуы қан тобына да байланысты екендігін анықтады. Олардың зерттеуіне сәйкес, коронавирусқа шалдығуға бейім ІІ қан тобы болса, I қан тобы керісінше, ең берік деп танылған, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.&nbsp;
Мамандар Уханьда және&nbsp;Шэньчжэнде орналасқан үш аурухананың сырқаттанған 2173 науқасына&nbsp;тәжірибе жүргізіпті. Олар&nbsp;AB0 қан жүйесінің коронавирусқа шалдығуын бақылаған. Нәтижесінде А тобындағы адамдардың&nbsp;0 тобындағы науқастардан әлдеқайда көбірек ауырғандығын анықтапты. Сонымен бірге тәжірибеге қатысқандардың жасы мен жынысы бұл жағдайға әсер етпегендігі айтылыпты.
Сөз болып отырған&nbsp;AB0 қан жүйесінде қандағы ферменттер мен гендер әр түрлі болып келеді. Эритроциттер,&nbsp;агглютиноген, ақуыздар мен басқа да ферменттердің ерекшелігіне байланысты адам бойындағы қан төрт топқа,&nbsp;0 (I қан тобы), А (II), В (III) и АВ (IV) жіктеледі.

Коронавирусқа берік қан тобы анықталды

<a href="https://kyzylorda-news.kz/">Kyzylorda-news.kz.</a> Америкалық ғалымдардың зерттеулеріне сәйкес, Қытайда жаңа коронавирустың жылдам таралуының басты себебі – аурулары ұзақ уақыт бойы анықталмаған жеңіл белгілері бар науқастардың көп болуы, сондай-ақ вирустың өзінің жоғары жұқпалы қасиетке ие болуы деп хабарлайды <a href="https://ria.ru/20200316/1568691674.html">РИА Новости</a>.
Қытайда COVID-19 инфекциясына шалдығудың тіркелген деректері мен адамдардың қозғалысы туралы мәліметтерді біріктірген математикалық модельдеу нәтижелері 2020 жылғы 23 қаңтарда Уханьға кіріп-шығуға шектеу қойылмай тұрып, елдегі оқиғалардың 86 пайызы құжатталмағанын көрсеткен.
Бұл вирустың жылдам географиялық таралуына ықпал еткен.
Осылайша, 2020 жылғы 23 қаңтарда Қытай үкіметі халықтың қозғалысын бақылау бойынша шаралар қабылдағаннан кейінвирустың таралу қарқыны айтарлықтай төмендеген.
<blockquote>
 «Қытайда COVID-19 инфекциясының өршуі ауру белгілері жоқ, болса да жеңіл немесе шектеулі науқастармен байланысты. Олардың жұқтыру деңгейі мен санына орай, ауру белгілері анықталмаған науқастар халықтың айтарлықтай басым бөлігіне қауіп тудырады. Біз Қытайда осындай ауру белгілері байқалмайтын адамдардың көп болғанын және инфекцияны көп адамға жұқтырғанын анықтадық», – дейді ғылыми зерттеудің жетекшісі, профессор Джеффри Шаман.
</blockquote>

Қазақстан және Қызылорда облысының жаңалықтары: Денсаулық