<a href="https://kyzylorda-news.kz/">Kyzylorda-news.kz.</a> Денсаулық сақтау министрі Алексей Цой Қазақстанда қатаң карантин шараларын қабылдауға қатысты пікірін бөлісті, деп хабарлайды <a href="https://www.inform.kz/kz/katan-karantin-boyynsha-tupkilikti-sheshim-zhakynda-kabyldanady-coy_a3667487">ҚазАқпарат.</a> 
<blockquote>
 «Аймақтардағы эпидемиологиялық ахуал мен бизнеске ықпалды есепке ала отырып, біз бірнеше нұсқаны ұсындық: карантин енгізу немесе қатаң шектеу шараларын енгізу. Оның бәрі қазір қаралып жатыр. Түпкілікті шешімді мемлекеттік комиссия жақын арада қабылдайды», – деді Алексей Цой ОКҚ-да өткен баспасөз мәслихатында. 
</blockquote>
Еске сала кетсек, Үкімет 2 күннің ішінде осы жылдың наурыз-мамыр айындағыдай қатаң карантин шараларын енгізу бойынша ұсыныс әзірлеуі тиіс. Бұл тапсырманы коронавирус індетінің таралуына қарсы кеңес барысында ҚР Президенті Қасым-Жомарт Тоқаев берген еді .

Министр: Қатаң карантин бойынша түпкілікті шешім жақында қабылданады

<a href="https://kyzylorda-news.kz/">Kyzylorda-news.kz.</a> «Қайсар» басшылығы команданың 25 ойыншысы коронавирус жұқтырды деген ақпаратқа қатысты жауап берді.
<blockquote>
 «1 шілдеде футболдан ел біріншілігі жалғасады. Сондықтан талапқа сәйкес «Қайсар» футбол клубы өткен сәрсенбіде тест тапсырған болатын. Тест нәтижесімен кейбір футболшылардан оң нәтиже анықталды. Бүгін команда екінші мәрте қайта сынамадан өтті. Тест нәтижесі барлығында да теріс нәтижені көрсетті. Футболшылардың денсаулығы қалыпты жағдайда. Ойыншылар алдағы кездесуге дайындығын жүргізуде», – деп мәлім етті «Қайсар» басшылығы.
</blockquote>
Мұнан бұрын «Қайсар» футбол клубының бас жаттықтырушысы Стойчо Младенов команданың 25 ойыншысы коронавируске шалдыққанын айтқан болатын.
Естеріңізге сала кетелік, 1 шілдеде ел біріншілігі жалғасады. Бұл турда «Қайсар» өз алаңында «Тараз» командасын қабылдайды. Сондай-ақ аталған турда «Тобыл» мен «Каспий», «Қызылжар» мен «Оқжетпес», «Қайрат» пен «Жетісу», «Ордабасы» мен «Шахтер» командалары кездеседі.

«Қайсардың» 25 ойыншысына коронавирус жұқпаған болып шықты

<a href="https://kyzylorda-news.kz/">Kyzylorda-news.kz.</a> Ана мен баланың есен-саулығы – еліміздің басты құндылығы. Осы құндылықты қорғауды басты міндеті еткен облыстық перинаталдық орталық қызметкерлері пандемия кезінде тіпті қауырт жұмыс режимінде еңбек етуде. Карантиндік шараларды сақтана отырып орталықта 15 наурыздан бері барлығы 3074 ана босанса, оның ішінде 11 әйелден COVID -19 диагнозы анықталды.
Соңғы 9 күнде 8 жүкті әйел COVID-19 диагнозымен босанды. Оларды босандыруға Ақмарал Жанәбіл, Жанар Нұрымбетова, Айнұр Әжі­мұрат, Дана Нұртазаева, Ақбота Қоңқабаева сынды дәрігер, акушер-гинекологтар атсалысты. Ал акушерлер Айгерім Еңсепбаева, Ғалым­жан Құдайберген ана мен баланың аман-есен болуына, толғақ басталғаннан бастап босануына дейін көп жұмыс атқарды. Одан кейін нәрестенің жағдайын қадағалауға Рау­шан Балтаева, Мақпал Керейт­байқызы, Шынар Қасымова неонатологтар, мейірбикелер қатысып, баланың жағ­да­йының тұрақтануына үлкен үлес қосты.
Өздеріңізге белгілі, бүгінде әлем елдері үшін ортақ індетке айналған COVID-19 вирусын жұқтырғандар саны артуда. Сол себепті ана мен баланың қауіпсіздігі мен індеттің алдын алу үшін маңызды шешімдер қабылданып, тиісті шаралар дер кезінде атқарылуда. Осы­­ған сәйкес карантиндік шек­теулер қатаң сақталып жатыр. Орталықтың екі ғима­ратында да науқастардың күнделікті COVID-19 ­ау­р­уы­на күдікті науқастармен байланысын бол­дырмау мақ­сатында фи­льтр-изолятор қыз­­меті жал­­ға­сып, екінші ғимара­ты­­мызда провизорлық ста­­ционар қайтадан ашылды.
Науқастарға, қызмет­керле­рі­мізге түсіндірме жұмыс­тары жүргізілді. Коронавирусқа кү­­­дікті босанушы келгенде медицина қызметкерлері өзін-өзі қорғау мақсатында обаға қарсы І-типтік костюм (ПЧК) жиынтығын пайдаланады. Қа­зіргі таңда орталықтың про­визорлық стационары бар­лық құрал-жабдықтармен және дәрі-дәрмектермен, жеке қор­ға­ныш құралдарымен қам­тылған.
Жалпы облыстық перина­талдық орта­лығында 620 қызметкер жұмыс істейді. Олардың 35-40%-ке жуығы жастар. Пандемия кезінде өмірлерін қауіпке тігіп, қыз­мет істеген мамандарымыз мемлекет тарапынан қол­дау тапты. Дәрігерлер, аку­шер, мейірбике, тазалық­шыла­ры­мызға провизорлық ста­ционардан үстемеақы төленіп отыр. Сондай-ақ, жақында өткен Медицина қыз­мет­керлері күнінде орта­лық дәрі­герлері Денсаулық сақтау министрлігінің, облыс­тық ден­саулық сақтау бас­қар­ма­сы­ның Құрмет грамота­сымен, Алғыс хатта­рымен мара­патталып, ақ­­шалай серти­фикаттарға ие болды.
Қазіргі кезде облыста ауру өршіп тұр, яғни, індеттің қаупі әлі сейілген жоқ. Халық сақтық шараларына салғырттық та­нытып, тиісті органдар та­лап­тарына, кеңестеріне құ­­­лақ аспауы облыста эпиде­мио­ло­гиялық ахуалдың күрде­ленуіне себеп болып отыр. Сондықтан әрбір тұрғын маман­дар кеңесіне құлақ асып, карантин талаптарын орын­даса, инфекцияның да таралуын тез тоқтатуға бо­лады. Бірақ тұрғындарымыз қауіп­сіздік шараларын сақ­тамай жатыр. Әрбір адам­ның өз денсаулығы өзіне керек, әсіресе, жүкті әйелдер өздерінің денсаулықтарына асқан жауапкершілікпен қа­рауы тиіс. Көпшілік жерге бармау, үйге қонақ шақырмау және сақтық шараларды қатаң ұстап, ережеге бағынуы керек.
Соңғы бір аптаның ішінде симптомдары жоқ, бірақ анализ алғанда оң нәтиже (положи­тельный) көрсеткен 9 жүкті әйелдің 8-і босанды. Егер әйелде оң нәтиже көрсеткен жағдайда босанғаннан кейін тубдиспансер ­санатория­сына және жұқпалы аурулар ауру­ханасының карантин ста­цио­нарларына жатуы керек. Себебі олар туған-туыс­­қандарына жұқтыруы мүмкін. Бірақ босанушы әйел­дің ағайындары каран­­тиндік стационарға жі­беруге қарсылық білдіріп жатқан жағдайы бар. Одан бөлек, баланы да бірге алып кеткісі келеді, ал ол карантин стационарына баланы апар­маған жөн. Орталықта баланы тексеріп, жақсы болып жатса, үйлеріне, таза жерге жіберу керек. Осыны халық түсінеді деген ойдамыз.
Жағдайды оңалту үшін көп жұмыс істелді, әлі де талай шаруа атқарылатын болады.
Гүлнар ЖҰМАШЕВА,
облыстық перинаталдық орталықтың бас дәрігері

Қызылордада коронавирус жұқтырған 8 әйел босанды

<a href="https://kyzylorda-news.kz/">Kyzylorda-news.kz.</a> Бүгін Төретам кенті орталғындағы көшелерде СОVID-19 инфекциясының алдын алу мен қайталап залалсыздандыру мақсатында санитарлық – дезинфекциялық жұмыстар атқарылды.&nbsp;&nbsp;
Осы кезеңге дейін аудан бойынша 1 456,1 млн шаршы&nbsp; метр көлемінде заласыздандыру жұмыстары жүргізілген.
Оның ішінде әлеуметтік нысандарда, спорттық ойын алаңдарында, теміржол вокзалы, мектептердің жанында орналасқан спорттық-ойын алаңдарында санитарлық – дезинфекциялық жұмыстар атқарылып келді.
Құрметті аудан тұрғындары, карантиндегі сақтық шараларын қатаң сақтап, бетперде киюді жалғастыра беруге шақырамыз.
<img src="https://kyzylorda-news.kz/wp-content/uploads/2020/06/fb_img_1593430813025-1.jpg" alt="" />

Төретам кентінде санитарлық – дезинфекциялық жұмыстар жүргізілді

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев індеттің кең таралуына байланысты тұрғындардан арыз-шағым көп түсіп жатқанын жеткізді,деп хабарлайды Берік Уәли “Facebook” парақшасында. 
Мемлкет басшысының айтуынша <a href="https://www.coronavirus2020.kz/">«www.coronavirus2020.kz</a> сайтына қырық мыңға жуық сұрақ келіп түскен. 
“Қазіргі таңда оның үштен біріне ғана жауап берілді. Мұндай қарым-қатынастың нәтижесінде теріс әрі жалған ақпараттар өршіп тұр. Бұл біздің жұмысымызды одан сайын қиындатуда. 
Ақпараттық жұмыстарға қатысты тәсілді түбегейлі өзгерту керек. 
Телеарналардан, тікелей эфир арқылы дәрігерлерден кеңес алып, сұрақтарына жауап алатын күнделікті бағдарламаларды ұйымдастыруға неге болмайды? 
<blockquote>
 Азаматтарға емдеудің протоколын, алгоритмін жеткізу керек. Дәрі-дәрмектер, оны пайдалану жөнінде түсініктеме беру қажет”, – деді Президент.
</blockquote>

Тоқаев: Азаматтарға емдеудің протоколын, алгоритмін жеткізу керек

<a href="https://kyzylorda-news.kz/">Kyzylorda-news.kz</a>.Медициналық сақтандыру және пациенттердің құқықтары туралы өтініштер тәулік бойы қабылданады.
Азаматтардың барлық өтініштері өңделіп, тіркеу нөмірін көрсетумен өтініштер тізіміне енгізіледі. 
Одан әрі, қажет болған жағдайда өтініштер белгіленген уақытында шешім қабылдау үшін сараптамаға жіберіледі. Содан кейін өтініш берушінің қосымшасындағы аккаунтына жауап беріледі. ⠀
Qoldau-24/7 әлеуметтік медициналық сақтандыру қорының мобильді қосымшасын Android смартфондарына арналған PlayMarket және Apple смартфондарына арналған AppStore арқылы жүктеуге болады.

Qoldau-24/7 &#8211; МӘМС жүйесіндегі сіздің көмекшіңіз

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясымен тіркелген симптомды науқастар саны – 653, ал симптомсыз- 488 азамат. Ал індеттен айығып шыққандар саны 636-ға жетті. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Жаңа симптомды 19 жағдай тіркелді. Оның 15-і скринингтен болса, 3-еуі ақылы сынама тапсыры анықталған, 1-еуі қарым-қатынас арқылы жұққан. Ал симптомсыз коронавирус инфекциясының 30 дерегі анықталды. Оның 12-і скринингтен, 15-і ақылы тест сынамасын тапсырғаннан, 3-еуі індет жұқтырған науқаспен байланыста болғаннан анықталды»,- деді бас дәрігер.
</blockquote>
Сондай-ақ, вирус жұқтырғандармен байланыста болған- 7251 азамат анықталды. Оның ішінде, 4780-і тікелей қарым-қатынаста, 2471-і жанама байланыста болған.
Құрметті облыс тұрғындары, статистикаға қарағанда вирустың жұғу мүмкіндігі қарым-қатынас арқылы болып отыр. Вирус ауа тамшылары арқылы жұғатын болғандықтан, ол көбіне сулы ауада көп сақталады. Сондықтанда сақтық шараларын қатаң сақтап және бетперде киюді жалғастыра беруге шақырамыз.

Соңғы тәулікте симптомды 19,  симптомсыз  30  жағдай тіркелді

<a href="https://kyzylorda-news.kz/">Kyzylorda-news.</a>kz.Өткен тәулік ішінде 547 адамның коронавирус жұқтырғаны расталса, 1 066 адам коронавирус белгісі жоқ тасымалдаушы ретінде тіркелді, деп хабарлады денсаулық сақтау министрлігі.
“Қазақстанда өткен тәулікте 547 адам коронавирус індетімен ауырғаны белгілі болып, өсім 2,6% құрады”, – делінген хабарламада.
Қалалар мен өңірлер бойынша:
Нұр-Сұлтан қаласы – 56 (1,5%)
Алматы қаласы – 40 (1,1%)
Шымкент қаласы – 16 (1,0%)
Ақмола облысы – 23 (5,3%)
Ақтөбе облысы – 28 (3,7%)
Алматы облысы – 19 (2,9%)
Атырау облысы – 22 (1,4%)
Шығыс Қазақстан облысы – 47 (7,2%)
Жамбыл облысы – 10 (1,5%)
Батыс Қазақстан облысы – 44 (3,3%)
Қарағанды облысы – 48 (2,3%)
Қостанай облысы – 8 (1,8%)
Қызылорда облысы – 8 (1,3%)
Маңғыстау облысы – 5 (1,1%)
Павлодар облысы – 44 (7,0%)
Солтүстік Қазақстан облысы – 19 (5,6%)
Түркістан облысы – 24 (3,1%).
Соңғы тәулікті республика бойынша коронавирус індетінің белгілері жоқ 1 066 тасымалдаушы тіркелді. 
Қалалар мен өңірлер бойынша:
Нұр-Сұлтан қаласы – 1455 (+65)
Алматы қаласы – 1537 (+14)
Шымкент қаласы – 1381 (+81)
Ақмола облысы – 596 (+56)
Ақтөбе облысы – 584 (+81)
Алматы облысы – 1193 (+63)
Атырау облысы – 2153 (+148)
Шығыс Қазақстан облысы – 586 (+41)
Жамбыл облысы – 618 (+70)
Батыс Қазақстан облысы – 1071 (+53)
Қарағанды облысы – 2239 (+127)
Қостанай облысы – 389 (+7)
Қызылорда облысы – 488 (+30)
Маңғыстау облысы – 543 (+41)
Павлодар облысы – 303 (+61)
Солтүстік Қазақстан облысы – 715 (+99)
Түркістан облысы – 788 (+29).

Қазақстанда індетке шалдыққандар саны 21 мыңнан асты

<a href="https://kyzylorda-news.kz/">Kyzylorda-news.kz.</a> Бостон университетінің зерттеушілері тәжірибе жасап, алыс ультракүлгін сәулеленуді қолдану SARS-CoV-2 коронавирусын тиімді түрде жоя алатындығын растады.
Ғалымдар вируспен ластанған материалды ультракүлгін сәулеленудің түрлі дозаларына ұшыратып, патогендік инактивация жылдамдығын бағалады.
Квадрат сантиметрге 5 мегаджоуль дозасы&nbsp;алты секунд ішінде вирусты 99 пайызға бейтараптандырады деген болжам бар. Тәжірибе көрсеткендей, 25 секундта бір шаршы сантиметрге 22 мегаджоуль доза оның 99,9999 пайызға жойылады.
Осылайша, 15 шаршы метрлік кеңістікті «зарарсыздандыру» үшін энергияны үнемдейтін 13 ватт шам қажет.
<blockquote>
 «Біздің тест нәтижелері көрсеткендей, ультракүлгін сәулеленудің белгілі бір мөлшерінен асып кеткенде, вирустар толығымен инактивтендірілді. Біз бұл нәтижеге жеткенімізге&nbsp;өте қуаныштымыз және бұл коронавирустың таралуды азайтуға көмектесетін құрылғылардың дамуын тездетеді деп үміттенеміз», – дейді доктор Энтони Гриффитс.
</blockquote>
Signify басшысы Эрик Рондолаттың айтуынша, Бостон университетінің зерттеушілері ультракүлгін лампалардың тиімділігін вируссыз ортаны қамтамасыз ету жолдарын іздейтін мекемелер үшін алдын-алу шарасы ретінде растады.
<blockquote>
 «Коронавируспен күресуге көмектесетін технологияның әлеуетін ескере отырып, Signify оны құпия сақтамайды, оны басқа жарықтандыру компанияларына береді. Зарарсыздандыру қызметін арттыру үшін&nbsp;біз алдағы айларда өндіріс қуатын арттырамыз», – деді ол.
</blockquote>
Алайда сарапшылар ультракүлгін сәулелерінің адамға тікелей әсері зиянды екенін еске салады: ультракүлгін сәуле терінің қызартуы мүмкін және конъюнктивит тудыруы мүмкін. Сонымен қатар, кейбір зерттеулер мұны қатерлі ісік ауруының дамуымен байланыстырды. Ультракүлгін сәулені қауіпсіз пайдалану үшін арнайы жабдық қажет.

Коронавирусты 25 секунд ішінде жоятын әдіс табылды

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясымен тіркелген симптомды науқастар саны – 634, ал симптомсыз – 458 азамат. Ал індеттен айығып шыққандар саны 613 адамға жетті. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Симптомды жаңа 7 жағдайдың 4-еуі скринингтен анықталса, 1 науқас ақылы сынама тапсырғаннан, 2-і індет жұқтырған адаммен байланыста болған. Ал симптомсыз коронавирус инфекциясының 21 дерегі тіркелді. Оның 11-і скринингтен, 5 науқас ақылы сынама тапсырғаннан, 5-і қарым-қатынас арқылы жұқтырған», – деді Жақсылық Абдусаметов.
</blockquote>
Сондай-ақ, вирус жұқтырғандармен байланыста болған – 7 226 азамат анықталды. Оның ішінде, 4760-ы тікелей қарым-қатынаста, 2466-ы жанама байланыста болған.Құрметті облыс тұрғындары, карантиндік шараларды қатаң сақтап және бетперде киюді жалғастыра беруге шақырамыз.

COVID-19: Қызылордада симптомды 7, симптомсыз 21 жағдай тіркеледі

<a href="https://kyzylorda-news.kz/">Kyzylorda-news.kz.</a> Қытай, Иран және Италия ғалымдары клиникалық деректерді негізге ала отырып, коронавирус жұқтырған адамның неге дәм мен иіс сезу қабілетінен айырылатынын анықтады. Зерттеу нәтижесін Science Alert басылымы жариялады.
Адамға тұмау тиген кезде мұрны бітеліп, содан дәм мен иіс сезетін рецепторларға молекула жетпей қалады. Аносмия (дәм сезудің жоғалуы) содан пайда болады.
Алайда COVID-19 жұқтырған науқастың мұрны бітелмейді, бірақ сонда да дәм мен иіс сезбей қалу сынды белгілері болады. Мұның сыры неде екенін білмек болған ғалымдар инфекция жұқтырған науқастардың мұрнын компьютер томографиясына түсірген. Томографиядан науқастардың дәм сезуге жауап беретін мұрын бөлігі ісініп, шырышпен қабаттасып бітеліп қалатыны көрінген. Ал мұрынның қалған бөлігі ашық, сондықтан адам тұмаудағы сияқты ауа жұта алмай қиналмайды.
Басында COVID-19 инфекциясы адамның дәм мен иіс сезу нейрондарын жарақаттап, содан адам сезінуден қалады деп болжам жасалған еді. Алайда ағзаға түскен коронавирус мұрынның шырышты қабатын қабындыратын ACE2 ақуызын бөлетіні белгілі болды. Мұндай ақуызға қарсы тұру үшін мұрынның иммун жүйесі ісініп, сезім нейрондарын бұғаттап тастайды.
Ал ағзаның иммун жүйесі коронавирусты жеңген кезде ісіну басылып, адамның дәм мен иіс кезу қабілеті қалпына келеді.
<a href="https://massaget.kz/layfstayl/Zdorove/62525/">massaget.kz</a>

Коронавирус жұқтырғандар неге иіс сезе алмайды?

<a href="https://www.inform.kz/kz/koronavirustyn-simptomsyz-turine-shaldykkandar-em-aluy-kerek-pe_a3666253">Kyzylorda-news.kz.</a> Коронавирустың симптомсыз түріне шалдыққандар ем алуы керек пе? Бұл сұраққа «Ұлттық ғылыми кардиохирургия орталығы» АҚ басқармасы төрағасының бірінші орынбасары Махаббат Бекбосынова жауап берді, деп хабарлайды ҚазАқпарат.
<blockquote>
 «Қандай да бір скрининг кезінде немесе жақын байланыста болған адамда осы вирус анықталды делік. Ал сол уақытта денсаулығында ешқандай проблема болмаған адамды емдеу қажет пе? Егер мен өзімді жақсы сезінсем әрі ешқандай проблема болмаса ше? Меніңше, дәріні нақты белгілері бойынша ғана қабылдау керек. Аурудың жеңіл түрі кезінде ыстық түсіретін дәрі ішкен жөн. Дене қызуы көтерілгенде тек қана парацетомол ішуге кеңес беріледі. Егер адамда өкпе қабынуы болса, онда бұл симптомсыз түрі емес. Бұл клиникалық түрі және дәріні дәрігер белгілейді», – деді ол.
</blockquote>
Оның атап өтуінше, өкпе қабынуы асқынып кеткен симптомсыз пациенттердің шамамен 3 пайызы стационарға жатқызылады. Жалпы, өкпе қабынуы 7 күннің ішінде белгілі болады. Ал одан кейін дене қызуы көтеріліп, жөтел пайда бола бастайды.
<blockquote>
 «Әр адамда әртүрлі болуы мүмкін. 7 күннен кейін де өкпе қабынуы белгілері пайда болып жатады. Өкпе қабынуы белгілері байқалған кезде міндетте түрде микротромбылардың қалыптасуын бақылайтын бактерияға қарсы терапияға қосылу қажет. Меніңше, бұл өте дұрыс әдіс. Өйткені, өкпе қабынуының алғашқы сатысындағы пациент бақылауға алынып, емделе бастайды», – деді Махаббат Бекбосынова.
</blockquote>

Қазақстан және Қызылорда облысының жаңалықтары: Денсаулық

Министр: Қатаң карантин бойынша түпкілікті шешім жақында қабылданады

«Қайсардың» 25 ойыншысына коронавирус жұқпаған болып шықты

Қызылордада коронавирус жұқтырған 8 әйел босанды

Төретам кентінде санитарлық – дезинфекциялық жұмыстар жүргізілді

Тоқаев: Азаматтарға емдеудің протоколын, алгоритмін жеткізу керек

Qoldau-24/7 – МӘМС жүйесіндегі сіздің көмекшіңіз

Соңғы тәулікте симптомды 19, симптомсыз 30 жағдай тіркелді

Қазақстанда індетке шалдыққандар саны 21 мыңнан асты

Коронавирусты 25 секунд ішінде жоятын әдіс табылды

COVID-19: Қызылордада симптомды 7, симптомсыз 21 жағдай тіркеледі

Коронавирус жұқтырғандар неге иіс сезе алмайды?

Коронавирустың симптомсыз түріне шалдыққандар ем алуы керек пе?

Қазақстан және Қызылорда облысының жаңалықтары: Денсаулық

Министр: Қатаң карантин бойынша түпкілікті шешім жақында қабылданады

«Қайсардың» 25 ойыншысына коронавирус жұқпаған болып шықты

Қызылордада коронавирус жұқтырған 8 әйел босанды

Төретам кентінде санитарлық – дезинфекциялық жұмыстар жүргізілді

Тоқаев: Азаматтарға емдеудің протоколын, алгоритмін жеткізу керек

Qoldau-24/7 &#8211; МӘМС жүйесіндегі сіздің көмекшіңіз

Соңғы тәулікте симптомды 19, симптомсыз 30 жағдай тіркелді

Қазақстанда індетке шалдыққандар саны 21 мыңнан асты

Коронавирусты 25 секунд ішінде жоятын әдіс табылды

COVID-19: Қызылордада симптомды 7, симптомсыз 21 жағдай тіркеледі

Коронавирус жұқтырғандар неге иіс сезе алмайды?

Коронавирустың симптомсыз түріне шалдыққандар ем алуы керек пе?

Qoldau-24/7 – МӘМС жүйесіндегі сіздің көмекшіңіз