<a href="https://kyzylorda-news.kz/">Kyzylorda-news.kz</a> Биыл маусым айында Жаңақорған ауданында «Қамқорлық» балаларды оңалту орталығы ашылып, қазіргі кезде қарқынды жұмыс істеп тұр. Мұнда орталық жүйке жүйесі мен тірек-қимыл аппаратында ақауы бар &nbsp;балалар емделеді.«Қазақстан халқына» қорының қаржыландыруымен ел игілігіне берілген орталықта 15 төсек тәуліктік стационар, 5 төсек күндізгі стационар және 30 балаға амбулаторлық көмек көрсету қарастырылған. Бүгінде мұнда реабилитолог, невролог, дефектолог, логопед, эрготерапевт, механотерапевт, психолог, емдеу-шынықтыру нұсқаушылары және орта буын қызметкерлер жұмыс істейді. Мамандар Астана қаласындағы ұлттық балаларды оңалту орталығында оқытылып, даярланған.&nbsp;11 жастағы егіз Ерзат пен Нұрзатта сирек кездесетін генетикалық ауру – дюшен бұлшықет дистрофиясы анықталған. Ауру бұлшықет әлсіздігімен сипатталады, бұл жыл сайын бұлшықет тонусын әлсіретеді және өте тез дамып, науқасты қозғалтпай тастайды.<blockquote>– Балаларым 2-3 сынып оқығанда шауып жүрген. Қазір олардың өз бетінше қозғалуы қиындап барады. Бұл диагнозды шетелдік мамандар анықтады. Емге Алматыға баратынбыз. Осы орталықтың ашылғаны жақсы болды, тұрғылықты жерімізде ем алып жатырмыз. Барлық медициналық оңалту қызметтері &nbsp;тегін. Қазірдің өзінде ұлдарымда оң нәтиже бар, – дейді егіздің анасы Ақбота Оспанова.</blockquote>Орталық Шиелі және Жаңақорған аудандарының балаларын қабылдайды. Қазіргі кезде мұнда церебралды паралич, тірек-қимыл аппаратының, орталық жүйке жүйесінің бұзылуы сияқты әртүрлі дертке шалдыққан 32 бала ем алуда. Жоғарыда айтып өткеніміздей, &nbsp;орталық қажетті мамандармен, заманауи құрал-жабдықтармен қамтылған.<blockquote>– Мақсат – туабітті ақауы бар балаларды кешенді оңалту және хирургиялық емнен кейін қалпына келтіру. Орталықта тәулік бойы және күндізгі стационарлар бар. Емделу уақыты стационарда 21 күн, амбулаторлы 14 күн. Жылына 600-ге дейін бала қабылдауды жоспарлап отырмыз. МӘМС жүйесі аясында 18 жасқа дейінгі балалар медициналық оңалту қызметтерін тегін алады, – дейді дәрігер-реабилитолог, бөлім меңгерушісі Мөлдір Есқабылова.</blockquote>Жыл басынан бері Жаңақорған аудандық көпбейінді орталық ауруханасына әлеуметтік медициналық сақтандыру қорынан оңалтуға 174,2 миллион теңгеден астам қаражат бөлінген.

«Қамқорлық» балаларды оңалту орталығы тірек-қимыл аппаратында ақауы бар балаларды емдейді

<a href="https://kyzylorda-news.kz/">Kyzylorda-news.kz</a> &nbsp;Инфаркт пен кардиохирургиялық отадан кейінгі оңалту ауыр асқынулардың қаупін азайтады. Қалпына келтіру емі міндетті әлеуметтік медициналық сақтандыру аясында, Арал ауданының тұрғындарына да, қолжетімді.Арал көпбейінді ауданаралық орталық ауруханасының кардиология бөлімшесінде 45 науқас емделуде. Оның ішінде 62 жастағы Райкүл Бақбергенова да бар. Пациентке ағымдағы жылдың мамыр айында, көпбейінді облыстық ауруханада, ашық жүрекке ота жасалған. Айта кетейік, жыл басынан бері облыстық ауруханада 79 науқасқа аортокоронарлы шунттау отасы жасалған. Осы мақсаттарға Әлеуметтік медициналық сақтандыру қорынан 266 миллион теңгеден астам қаржы бөлінген.<blockquote>«Қазір мен өзімді әлдеқайда жақсы сезінемін, ентігу жоқ. Дәрігерлердің болжамдары жақсы. Туған жерім Аралда білікті оңалту емін ала алатыныма қуаныштымын. Барлық медициналық қызметтер мен дәрі-дәрмектер тегін. Айта кетейін, жұмыс істеген кезімде де, енді зейнеткерлікке шыққанда да МӘМС аясында медициналық қызметтер әрдайым қол жетімді», – дейді Райкүл апа.</blockquote>Жүрек ауруымен есепте тұрған пациенттерге дәрігерлер жылына 2 рет тексеруден өтуге кеңес береді, ал инфаркт немесе кардиохирургиялық отаға ұшырағандарға оңалтуды ұсынады. Бұл қызметтердің барлығы МӘМС жүйесі аясында сақтандырылған азаматтарға қолжетімді.<blockquote>«Міндетті әлеуметтік медициналық сақтандыру жүйесі халықтың денсаулығын жақсартуға елеулі үлес қосуда. Мысалы, артериялық гипертензиямен, созылмалы жүрек жеткіліксіздігімен және басқа да кардиологиялық сырқаттармен есепте тұратын пациенттерге тегін дәрілік препараттардың тізімі кеңейтілді. Мәселен, 2017 жылмен салыстырғанда гипертонияға қарсы дәрі-дәрмектер 6 есеге көбейді», - деп атап өтті дәрігер - кардиолог Әлия Мырзабаева.</blockquote>Әлеуметтік медициналық сақтандыру қорының Қызылорда облысы бойынша филиалы мамандарының айтуынша, жыл басынан бері жүрек ауруына шалдыққан 1 129 пациент медициналық оңалту қызметін алған. Бұл мақсаттарға ӘМСҚ-нан 312,4 млн. теңге қаржы бөлінген.

МӘМС аясындағы кардиологиялық оңалту

<a href="https://kyzylorda-news.kz/">Kyzylorda-news.kz</a> Бүгінде емханаға бара қалсаңыз баласын құшақтап жүрген ата-ананы жиі кездестіріп жатамыз. Дәрігердің кезегінде тұрған аналардың да қарасы қалың. Көбісі жаңа туған сәбиін көрсетуге алып келеді. Ауырмай баланың өспейтіні белгілі ғой. Дегенмен бұл сіз бен біз жақсы білетін суық тию не болмаса іш қату деген аурулар емес. Аты да, заты да басқа аурудың түрі көп. Ал енді ғана баласын құшағына алған ана мұндай қиындықтарға кездескенде абдырап қалып жатады. Сол себепті жаңа туған нәрестенің дене бітімінің дұрыс қалыптасуы үшін массаждың септігі көп.Анаргүл Мамбетова Байқоңыр қалалық емханасында балалар массажисты болып еңбек етеді. 25 жылға жуық бір жұмыста табан ауыстырмай еңбек ететін оның жұмысына деген жанашырлығы байқалады.<blockquote>– Бір жұмыста қарап отыру маған жат нәрсе. &nbsp;Жұмыстан тыс та жүргізетін кәсібім бар. Соның негізінде өткен жылы «Ауыл аманаты» бағдарламасымен 7 млн теңге алып, оңалту орталығын аштым. Мемлекеттен берілген бұл қаражатқа құрал-жабдықтарын түгендеп алдым. Ал орталықтың ғимаратын салуға өз ақшамды жұмсадым. Қазірде орталықта балалардың түрлі диагнозы бойынша массаж жасаймын. Мұнда келушілерді арнайы дәрігерлердің тағайындауымен берілген ем-домына сәйкес қызмет түрін ұсынамыз. Сондай-ақ бір нұсқаушы &nbsp;тренерім бар, – дейді кәсіпкер.</blockquote>Мұндай оңалту орталығын қарапайым ғана ауылдан ашуының өзі көңіл қуантады. Сондай-ақ бұл дертіне шипа іздеп жүрген жандар үшін зор мүмкіндік. Қазір кәсіпкердің өзінің тұрақты келушілері бар. Емге Байқоңыр қаласы мен ауданнан келеді.&nbsp;Орталықта электрофарез, парафин, лазер кабиенеттері мен 2 массаж бөлмесі бар. Ғимарат ішінде кәсіпкердің жеке бөлмесіндегі кітап сөресі көзімізге оттай басылды. «Бұл менің массаж бойынша оқыған кітаптарым» деп таныстырды ол. Электрофарез, парафин, лазер бойынша лицензия алуға өтінім білдіріп қойған екен. Жақын күндері мақұлдау келсе, осы қызмет түрлері бойынша ем-дом жасауды бастайды.&nbsp;Адамдарға бірініші кезекте жайлылықты ойлайтын кәсіпкер мұнда бар жағдайдың жасалуын көздегенін айтады. Тіпті кір жуатын машина мен киім үтіктейтін үстелге дейін алып қойған.&nbsp;<blockquote>– Әр мамандықтың өз қиындығы мен қызығы бар. Одан бөлек, жүрек қалауымен таңдаған мамандықтың артылар жауапкершілік жүгі де болатыны жасырын емес. Қай салада болсын өрлеу мен дамуға, жетістікке жету үшін сол мамандықтың үдесінен шығып, өз жұмысыңа жауапкершілікпен қараған абзал. Жұмыста жауапкершілікті бәрінен жоғары қоямын, – дейді ол.&nbsp;</blockquote>Кейіпкеріміздің аялы алақанынан ем алып, сауығып кеткен сәбилер көп. Кезінде ем көрсеткен балалардың алды әке болып, қазірде өз балаларын &nbsp;осы жанға әкеліп жүргенін де әңгіме барысында айтып қалды. Білікті жанның әлі де талай биік шыңдарды бағындыратынына сенім білдірдік. Себебі мамандығына деген адалдығы, жанашырлығы оны үнемі алға жетелеп келеді.<figure class="image"><img src="https://knadmin.beoblood.kz/uploads/1f57164f_37b2_47d3_b2db_788594b4c0fc_322385a09c.jpeg" alt="1f57164f-37b2-47d3-b2db-788594b4c0fc.jpeg"></figure>Ақнұр САҒЫНТАЙ

Білікті маман массаж кабинетін ашты

<a href="https://kyzylorda-news.kz/">Kyzylorda-news.kz</a> Қазақстан Республикасында мемлекет, жұмыс беруші және қызметкер арасындағы жауапкершілікті базалық, міндетті және ерікті деңгейде бөлуді көздейтін әлеуметтік қорғау жүйесінің көп деңгейлі моделі қалыптасыпжәне бүгінде қарқынды жүзеге асырылуда.Міндетті әлеуметтік сақтандыру жұмыс істейтін азаматтарды әлеуметтік қорғаудың міндетті (қосымша) деңгейі ретінде Мемлекеттік әлеуметтік сақтандыру қоры (Қор) арқылы жүргізілуде.Міндетті әлеуметтік сақтандыру жүйесінің қаржы ресурстары жұмыс берушілердің жұмыскерлер үшін, сондай – ақ жеке кәсіпкерлер мен жеке практикамен айналысатын адамдардың өздері үшін Қорға төлейтін әлеуметтік аударымдары есебінен қалыптастырылады. Бұл ретте, еңбек шарттарын жасасқан жұмыскерлер үшін әлеуметтік аударымдар міндетті зейнетақы жарналары сияқты жұмыскердің жалақысынан ұсталынбайды, ол жұмыс берушілердің қаражаты есебінен төленеді. Бұл туралы Қызылорда облысы бойынша «Мемлекеттік әлеуметтік сақтандыру қоры» АҚ филиалы мәлімдеді.&nbsp;Әлеуметтік аударымдарды уақтылы және толық төлеу міндетті әлеуметтік сақтандыру жүйесіне қатысушыларға еңбек ету қабілетінен айырылуы, асыраушысынан айырылуы, жұмысынан айырылуы, жүктілікке және босануға байланысты, сондай-ақ бір жарым жасқа дейінгі бала күтіміне байланысты табысынан айырылуы сияқты әлеуметтік тәуекелдер туындаған кезде әлеуметтік төлемдер алуды қамтамасыз етеді.Міндетті әлеуметтік сақтандыру жүйесіне 6,4 млн-ға жуық жұмыс істейтін азамат қатысады және жыл сайын 1,2 млн. аса адам&nbsp;Қордан әлеуметтік төлемдер алады. 2005 жылдан бастап Қордан жалпы сомасы шамамен 4,2 трлн теңгеге төлемдер төленді, оның ішінде Қызылорда&nbsp;облысы бойынша 170 743,8 млн. теңге.Отандық еңбек нарығында болып жатқан өзгерістерді ескере отырып, атап айтқанда, «платформалық жұмыспен қамту» сияқты жұмысқа орналастырудың жаңа түрі кеңінен тарала отырып, әлеуметтік аударымдар төленуі тиіс тұлғалар санаты да кеңеюде.Мәселен, ҚР Әлеуметтік және Салық кодекстерінің нормаларына сәйкес, ағымдағы жылдың 1 қыркүйегінен бастап интернет-платформалар мен мобильді қосымшалар (мысалы: Яндекс, Uber, Glovo, Wolt және т.б.) арқылы қызмет көрсететін тұлғалар үшін, яғни мобильді қосымшаны пайдаланатынплатформалық жұмыспен қамтуға тартылған таксистер, курьерлер үшін арнайы салық режимі енгізілді.Интернет-платформа операторы (мысалы, "Wolt" тамақ жеткізушісі) табыстың 4% -. ұстайды, оның 1% - жеке табыс салығы, 1% - әлеуметтік аударымдар, 1% - міндетті зейнетақы жарналары және 1% - міндетті әлеуметтік медициналық сақтандыру жарналары.2025 жылдың 1 қаңтарынан бастап салық агенттерімен жасалған азаматтық-құқықтық сипаттағы шарттар&nbsp;бойынша табыс алатын, оның ішінде Қазақстан Республикасындағы халықаралық ұйымдардың өкілдіктерінде, Қазақстан Республикасында аккредиттелген шет мемлекеттердің дипломатиялық өкілдіктері мен консулдық мекемелерінде жұмыс істейтін жеке тұлғалардың кірістерінен әлеуметтік аударымдар ұсталатын және Қорға аударылатын болады.Әлеуметтік аударымдардың мөлшерлемесі 2025 жылғы 1 қаңтардан бастап 5% құрайтын болады. Бұл ретте, салық заңнамасына сәйкес, салық төлеушілер әлеуметтік салықтың есептелген сомасын Қорға төленген әлеуметтік аударымдар сомасына азайтады.Әлеуметтік аударымдар төленбейтін кірістерді қоспағанда, жұмыс берушінің еңбекке ақы төлеу ретінде табыс түрінде төленетін шығыстары әлеуметтік аударымдарды есептеу объектісі болып табылады.Айта кету керек, бір төлеушіден әлеуметтік аударымдарды есептеудің ай сайынғы объектісі республикалық бюджет туралы заңда тиісті қаржы жылына белгіленген ең төменгі жалақының (ЕТЖ) 7 еселенген мөлшерінен аспауы және 1 ЕТЖ-ден кем болмауы тиіс.Әлеуметтік тәуекелдер туындаған жағдайда Қордан төленетін әлеуметтік төлемдердің мөлшері жеке есептеледі және Қорға төленген әлеуметтік аударымдардың толықтығына және міндетті әлеуметтік сақтандыру жүйесіне қатысу өтіліне тікелей байланысты болады.Осыған байланысты, әлеуметтік төлемге жүгінер алдында Қорға келіп түскен әлеуметтік аударымдардың сомасын egov.kz электрондық үкімет порталы арқылы онлайн режимде және екінші деңгейдегі банктердің мобильді қосымшалары немесе жеке басын куәландыратын құжатпен «Азаматтарға арналған үкімет» мемлекеттік корпорациясының бөлімшесіне (ХҚКО) немесе Қордың филиалына жүгіне отырып тексеру қажет.2024 жылдың 8 айының қорытындысы бойынша шамамен 1,2 млн. адам жалпы сомасы 622,4 млрд. теңгеге Қордан әлеуметтік төлемдер алды, оның ішінде Қызылорда облысынан Қордан әлеуметтік төлемдерді жалпы сомасы 26 563,2 млн. теңгеге 58 780 адам алды.Қорытындылай келе, әлеуметтік тәуекелдер туындаған жағдайда жұмыс істемейтін азаматтармен салыстырғанда жұмыс істейтіндердің &nbsp;әлеуметтік қорғалуыжоғары екенін атап өткен жөн. Осыған байланысты, біздің азаматтарымыздың жұмысқа орналасқан кезде жасалған еңбек шарттарының болуы және әлеуметтік әріптестіктің барлық тараптарының (жұмыс берушілер, қызметкерлер және мемлекет)&nbsp;қолданыстағы заңнамада көзделген құқықтар мен міндеттерді сақтауы ерекше маңызға ие.Фото: Н.Нұржаубай

Міндетті әлеуметтік сақтандырумен қамтуды кеңейту

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысы өз Жолдауында халыққа медициналық көмекті қолжетімді ету, ана мен бала денсаулығын сақтай отырып, өлім-жітім көрсеткішін төмендету мемлекетіміздің басты басымдығы екенін атап өткен болатын. Халықтың медициналық мекемелер ұсынатын қызметтердің қолжетімділігі мен сапасы 7,9 пайызға жоғарылады. Бұл туралы Өңірлік коммуникациялар қызметінің баспасөз алаңында облыстық денсаулық сақтау басқармасының басшысы Олжас Искаков мәлімдеді.<blockquote>«Биыл 1 қазанға дейін облыстағы бастапқы медициналық санитариялық көмек көрсету ұйымдарына 821 376 тұрғын тіркелген. Аймақ халқына 25 стационарлық 25 амбулаториялық-емханалық, 102 дәрігерлік амбулатория, 27 фельдшерлік акушерлік бекет, 93 медициналық бекет қызмет көрсетеді. Халықтың медициналық мекемелер ұсынатын қызметтердің сапасы мен қолжетімділігіне қанағаттану деңгейі 2023 жылы 2022 жылмен салыстырғанда 7,9% жоғарылап, 58,3-ті құрады, көрсеткіш Республика деңгейінен жоғары», - деді Басқарма басшысы.</blockquote>Мемлекет басшысы өз Жолдауында халыққа медициналық көмекті қолжетімді ету, ана мен бала денсаулығын сақтай отырып, өлім-жітім көрсеткішін төмендету мемлекетіміздің басты басымдығы екенін атап өткен болатын. Халықтың медициналық мекемелер ұсынатын қызметтердің қолжетімділігі мен сапасы 7,9 пайызға жоғарылады. Бұл туралы Олжас Искаков мәлімдеді.<blockquote>«Биыл 1 қазанға дейін облыстағы бастапқы медициналық санитариялық көмек көрсету ұйымдарына 821 376 тұрғын тіркелген. Аймақ халқына 25 стационарлық 25 амбулаториялық-емханалық, 102 дәрігерлік амбулатория, 27 фельдшерлік акушерлік бекет, 93 медициналық бекет қызмет көрсетеді. Халықтың медициналық мекемелер ұсынатын қызметтердің сапасы мен қолжетімділігіне қанағаттану деңгейі 2023 жылы 2022 жылмен салыстырғанда 7,9% жоғарылап, 58,3-ті құрады, көрсеткіш Республика деңгейінен жоғары», - деді Басқарма басшысы.</blockquote>Айта кетейік, аймақта алғаш рет Шиелі аудандық көпбейінді орталық ауруханасында «Үздік тәжірибелік орталық» ашылды. Облыстық денсаулық сақтау басқармасының басшысы Олжас Искаковтың айтуынша аталған орталық алдағы уақытта бірнеше емханадан ашылады.<blockquote>«Шиеліде ашылған «Үздік тәжірибелік орталық» қолжетімділікті және нәтижелі жұмыс істейді. Сондай-ақ, адам денсаулығына қамқорлық жасауға бағытталған кешенді медициналық, әлеуметтік және психологиялық көмекті қамтамасыз етеді. Алдағы уақытта мұндай орталықтар №3, 6 қалалық емханаларда және Жалағаш аудандық ауруханасында ашылу жоспарлануда», - деді басқарма басшысы Олжас Искаков.&nbsp;</blockquote><img src="https://knadmin.beoblood.kz/uploads/Densauly_73e613a4c7.jpg" alt="Денсаулық.jpg">

Медициналық ұйымдардың қызмет көрсету сапасы жақсарған

<a href="https://kyzylorda-news.kz/">Kyzylorda-news.kz</a> Бүгінгі таңда тұтынушылар үшін дүкен сөрелерінде таңдау межесі өте кең. Дегенмен оның барлығы бірдей қауіпсіз әрі сапалы бола бермейтіні анық.Қаптаманың арғы жағында не жатқанын білу – саналы таңдау жасауүлкен жауапкершілікті талап етеді. Қызылорда облысының санитариялық-эпидемиологиялық бақылау департаментінің аумақтық басқармаларымен өнімдер қауіпсіздігін бақылау мақсатында мониторингілеу тұрақты түрде жүргізіледі. Жыл басынан бері облыстағы сауда орындарынан барлығы 161 сынама сатып алынып, зертханалық зерттеу жұмыстары жүргізілді. &nbsp;Бақылауға алынған өнімдердің &nbsp;72,1% – тағам өнімдерін &nbsp;және 27,9% – тамақ емес өнімдерін құрады. Оның ішінде &nbsp;отандық өнімдер үлесі – 20,5%, &nbsp;Еуразиялық Экономикалық Одаққа мүше елдерде өнірілген өнімдер – 50,9% және өзге елдерде өндірілгендер үлесі – 28,6%. Бұл туралы Қызылорда облысының санитарлық-эпидемиологиялық бақылау департаменті басшысының орынбасары Ерлан Ұзақбаев мәлімдеді.<blockquote>– ҚР ДСМ ҚДСК "Ұлттық сараптама орталығы" ШЖҚ РМК Қызылорда облысы бойынша филиалымен жүргізілген сараптамалар нәтижесімен сатып алынған барлық өнімдердің 39 үлгісі, яғни 24,2 пайызы техникалық регламенттердің таңбалануы бойынша талаптарына сай келмей шықты. Яғни өнім қаптамасында мемлекеттік тілде ақпараттар ұсынылмаған. Дұрыс әрі толық таңбаламаның болмауы қауіпсіз сатып алуға елеулі кедергі келтіретіні анық.Кеден Одағы техникалық регламенттер талаптарына сәйкес келмеген өнімдер бойынша сауда объектісіне &nbsp;өнімді кері қайтарып алу түрінде жедел ден қою шараларын қолдану туралы қаулылар берілді. Сонымен қатар, таңбалануы сәйкес келмейтін алкогольсіз сусындарға қатысты түскен арыздар бойынша тексерулер нәтижесімен сауда нысандарының иелеріне жалпы соммасы 673790 теңге айыппұл салынды, – деді Ерлан Ұзақбаев.</blockquote>&nbsp;Фото:freepik.com

Қызылордада өнімдер қауіпсіздігін бақылау мониторингі жүргізілуде

<a href="https://kyzylorda-news.kz/">Kyzylorda-news.kz</a> Міндетті әлеуметтік медициналық сақтандыру жүйесінде күндізгі бөлімде оқитың студенттер 15 жеңілдік санаттың қатарында. МӘМС жүйесінің артықшылықтары туралы Қорқыт Ата атындағы Қызылорда университетінің активімен кездесуде Әлеуметтік медициналық сақтандыру қорының облыстық филиалының мамандары түсіндіру іс-шаралары барысында хабарлады.Өңірдің жетекші жоғарғы оқу орнында 10 мыңнан астам студент білім алуда. «МӘМС туралы» Заңына (26-баптың 1-тармағының 13-тармақшасы) сәйкес орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алып жатқан адамдар мемлекет есебінен сақтандырылған және МӘМС пакетінде көрсетілетін медициналық қызметтерге қол жеткізе алады.&nbsp; Қор филиалының бөлім басшысы Ғалымжан Салтықовтың ақпараты бойынша, жеңілдік мәртебе ҚР Білім және ғылым министрлігінің Ұлттық білім беру деректерінің базасында (ҰБДБ) студент туралы мәліметтердің болуы негізінде ұсынылатындығы айтылды.<blockquote>«Егер студент оқудан шығарылса, академиялық демалыс уақытында немесе оқуын аяқтаса, онда ол білім саласының ҰБДБ ақпараттық жүйесінен шығарылуы қажет, өйткені жұмысқа орналасу кезінде олар үшін МӘМС-ке аудырамдар мен жарналары қабылданбастан кері қайтарылады. Сонымен қатар, егер оқу кезеңінде студент сақтандырылмаған болса, ол оқу орнына хабарласып, ақпараттық жүйедегі деректерді тексеруі керек», - деп атап өтті спикер.</blockquote>Сонымен қатар, Ғалымжан Нұртілеуұлы күндізгі бөлімде оқитын мемлекеттік және жеке ұйымдарда жұмыс істейтін студенттері үшін МӘМС – ке аударымдар мен жарналар ұсталмайтынын еске салды.Қосымша сұрақтарыңыз болса, келесі байланыс арналары арқылы хабарласуға болады: 1414, Qoldau 24/7 мобильді қосымшасы және Telegram-дағы Saqtandyry-Bot<figure class="image"><img src="https://knadmin.beoblood.kz/uploads/photo_2024_10_31_10_35_08_a3fe55c4ce.jpg" alt="photo_2024-10-31_10-35-08.jpg"></figure>

МӘМС: Студенттер мемлекеттің қорғауында

<a href="https://kyzylorda-news.kz/ru">Kyzylorda-news.kz</a> Қазақстанда жыл сайын 40 мыңнан астам адам инсультке шалдықса, оның жартысынан көбі мүгедектікке ұшырауда. Ем нәтижелі болу үшін әрбір секунд маңызды. Сондықтан, барлық жерде инсульт орталықтары ашылуда. Соның бірі Қызылорда облысының Арал қаласында.Арал көпсалалы орталық аудандық ауруханасының инсульт бөлімшесі ағымдағы жылдың мамыр айында ашылды. Бүгінде мұнда 13 адам емделуде. Олардың қатарында Сексеуіл кентінің тұрғыны Сұлтанбек Даурбаев та бар. 68 жастағы пациент тез сауығып келеді.<blockquote>«Мен гаражда жұмыс істеп жатқан едім, қолымдағы құралым түсіп кетті. Көтергім келді, бірақ көтере алмадым, өйткені сол қолым ұйып, бет-аузым қисайды. Жедел жәрдем шақыртылып, шұғыл аудандық ауруханаға жатқызды. Қазір жақсымын. Тез сауығып кетемін деп үміттенемін. Дәрігерлерге мың алғыс!», – дейді Сұлтанбек Даурбаев.</blockquote>Инсульттің алғашқы белгілерінде өте жылдам әрекет ету керек дейді дәрігерлер. Бөлімшеде, инсульт кезінде көмек көрсету мақсатында, нейрохирургтармен, реаниматологтармен және КТ/МРТ диагностикасымен тығыз байланыста болу үшін көп салалы топ құрылған.<blockquote>«2022 жылдан бастап бөлімшеде компьютерлік томограф үздіксіз жұмыс істейді. МӘМС жүйесіндегі сақтандыру мәртебесіне қарамастан, біз барлық пациенттерге толық медициналық көмек көрсетеміз. МӘМС жүйесінің арқасында, консультациялық-диагностикалық және басқа да медициналық қызметтерге қолжетімділіктің артуы ауруларды ерте кезеңде анықтау деңгейін жоғарылатқанын атап өткім келеді», - деді бөлімшесінің меңгерушісі Нұржігіт Сералиев.</blockquote>2024 жылы ТМККК және МӘМС шеңберінде Арал көпсалалы орталық аудандық ауруханасына Әлеуметтік медициналық сақтандыру қорынан 7,5 млрд. теңгеден астам қаражат бөлінді.

Аралда инсульт орталығы жұмыс жасауда

<a href="https://kyzylorda-news.kz/ru">Kyzylorda-news.kz</a> Міндетті әлеуметтік медициналық сақтандыру жүйесіне туралы сұрақтар түсуде. Оларға Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова түсініктеме берді.Мен жұмыс істемейтін болсам мәртебені қалай аламын?Сізде екі таңдау бар. Біріншісі – дербес төлеуші ретінде жарна төлеуіңізге болады. Екіншісі – жұмыспен қамту орталығына хабарласып, жұмыссыз ретінде тіркеле аласыз. Бұл жағдайда сіз жеңілдік санатына кіресіз және сіз үшін жарналарды мемлекет төлейді.Егер мүгедектігі бар болса, ЖК МӘМС-ке жарна төлеуі қажет пе?Жоқ, өйткені ол жеңілдетілген санатқа енеді. Сондай-ақ ол 18 жасқа дейінгі балалар; зейнеткерлер, оның ішінде ҰОС қатысушылары мен мүгедектері; «Алтын алқа», «Күміс алқа», «Батыр Ана» атағы, I және II дәрежелі «Ана даңқы» ордені бар көп балалы аналар; мектептерде, лицейлерде, колледждерде, жоғары оқу орындарында, магистратурада күндізгі білім алушылар санаттарына енетін болса, ЖК жарналарын төлемейді.Егер пациент ауруханаға жатқызылған күні стационарға келе алмаса не істеу керек?Жоспарлы емдеуге жатқызудың белгіленген күні стационарға келмеген жағдайда пациент бұл туралы бастапқы медициналық-санитарлық көмек ұйымына немесе емдеуге жіберілген денсаулық сақтау ұйымына хабарлайды. Стационар ауруханаға жатқызуды екі күннен аспайтын мерзімге ауыстырады. &nbsp;

МӘМС: Мен жұмыс істемейтін болсам мәртебені қалай аламын

<a href="https://kyzylorda-news.kz/">Kyzylorda-news.kz</a> &nbsp;Қызылорда облысының оқушылары мен студенттері «Есірткі - &nbsp;зұлым!» ұранымен, #бізесірткігеқарсымыз #мыпротивнаркотиков хештегтерді ұстана отырып, Қызылорда облысы ПД Есірткі қылмысына қарсы іс-қимыл басқармасы ұйымдастырған челленджге қатысты.Жас отан патриоттары әзірлеген видеоларында қоғамға зиян келтіретін осы құбылысқа теріс көзқарастарын білдіріп, жас ұрпақты оның ықпалына берілмеуге, осылайша өз өмірін бақытты етуге шақырды.Үздік деп танылғандар: Құдайберген Мейірім - Сырдария ауданы №42 мектеп-лицей оқушысы, Ержанбекқызы Гайния Шиелі ауданы №127 мектеп – лицей оқушысы, &nbsp;Хамит Әбілмансұр - Қызылорда қаласы №15 мектеп-лицей оқушысы, Шайхов Құдайберген - Арал ауданы №220 орта мектеп оқушысы.

Қызылорда жастары челленджге қатысты

<a href="https://kyzylorda-news.kz/">Kyzylorda-news.kz</a> Жатыр мойны обыры (цервикальды обыр) – бұл жатыр мойнының жасушаларынан дамитын қатерлі ісік.&nbsp;Бұл әйелдер арасында кездесетін онкологиялық аурулардың ішінде жиі кездесетін түрі болып табылады. Жатыр мойны обырының басты себебі – адам папиллома вирусы (АПВ, HPV).Адам папиллома вирусы, яғни HPV-ның жоғары қауіпті түрлері (16 және 18 түрлері) обырдың негізгі себептерінің бірі болып табылады. Сонымен қатар жатыр мойнының қатерлі ісігіне иммундық жүйенің әлсіреуі, ерте жыныстық қатынасе шылым шегу, гормоналды контрацептивтерді ұзақ пайдалану, тұқымқуалаушылық сынды жағдайлар себеп болуы да мүмкін. Қатерлі дерт ерте кезеңдерінде көбіне симптомсыз жүреді. Ал пайда болған жағдайда жыныс жолдарынан қалыптан тыс қан кету, қынаптан ерекше бөлінділердің бөлінуі, төменгі іштің немесе жамбас аймағындағы ауырсыну сияқты белгілер біліне бастайды.Жатыр мойны обырын диагностикалауда Пап-тест,&nbsp;HPV-тест, биопсия,&nbsp;кольпоскопия шаралары жүргізіледі. Аурудың даму сатысына байланысты ем тағайындалады. Оның ішінде ерте кезеңде хирургиялық жол, лазерлі терапия немесе криотерапия ем-домы жасалса, 2-3 сатысында химиотерапия, сәулелік терапия, радикалды хирургия жүргізіледі. Ал соңғы сатыларында науқасқа химиотерапия және иммунотерапия ем-шарасы жүргізіледі.Мұндай қатерлі дертті болдармау үшін HPV-ға қарсы вакцинация алған дұрыс. Жылына бір рет Пап-тест немесе HPV тест тапсыру қажет. Сонымен бірге шылым шегуден бас тарту, қорғаныс құралдарын пайдалану, дұрыс тамақтану және салауатты өмір салтын ұстанған жөн.&nbsp;Жамила Таджимбетова,№6 Қызылорда қалалық емханасының онколог мейірбикесіФото: ortcom.kz

Жатыр мойны обырының алдын ал

<a href="https://kyzylorda-news.kz/">Kyzylorda-news.kz</a> Қызылорда облысы тұрғындарының орталықтандырылған ауыз су жүйесімен 98,7%, орталықтандырылмаған сумен 1,2%, тасымалды ауыз сумен 0,1% &nbsp;қамтамасыз етілген. Жалпы облыс &nbsp;бойынша негізінен жер асты су көздері пайдаланылуда.Бүгінгі таңда Қызылорда облысының санитариялық-эпидемиологиялық бақылау департаментінің бақылауында 204 сумен жабдықтау объектісі бар, оның ішінде: 182 орталықтандырылған жүйелердің су құбырлары және 22 орталықтандырылмаған сумен жабдықтау объектілері. Бұл туралы Қызылорда облысы бойынша ДСЭК басшысының орынбасары Ерлан Ұзақбаев мәлім етті.2024 жылдың 9 айында орталықтандырылған сумен жабдықтау объектілерінен микробиологиялық көрсеткіштеріне 1983 су сынамасы алынып, оның 5-уі талаптарға сәйкес келмеді, сай келмейтін сынамалардың үлес салмағы 0,25 пайызды құрады (талаптарға сай келмейтін су сынамалары Жалағаш, Қызылорда қаласында анықталды). &nbsp;Ауыз судың санитариялық-химиялық көрсеткіштеріне 1983 сынама алынып, оның 39-да сәйкессіздік анықталды, сай келмейтін сынамалардың үлес салмағы 1,97 пайызды құрады &nbsp;(талаптарға сай келмейтін су сынамалары Қазалы, Жалағаш, Сырдария, Шиелі аудандарында және Қызылорда қаласында анықталды). Санитариялық-химиялық көрсеткіштер бойынша сәйкессіздік көбіне: құрғақ қалдық, хлоридтер бойынша &nbsp;нормадан жоғары анықталды.Облыс көлеміндегі барлық орталықтандырылған &nbsp;сумен жабдықтау объектілерінде жуу-тазалау және дезинфекциялау жұмыстары толығымен жүргізілді. Халық арасында су факторына байланысты аурушаңдық &nbsp;тіркелген &nbsp;жоқ.&nbsp;Фото:freepik.com

Қазақстан және Қызылорда облысының жаңалықтары: Денсаулық