<a href="https://kyzylorda-news.kz/">Kyzylorda-news.kz.</a> Өткен тәулікте елімізде коронавирустан 23 адам жазылып шықты.
Өңірлер бойынша: Алматы қаласы – 4, Шығыс Қазақстан облысы – 2, Қарағанды облысы – 1, Қостанай облысы – 8, Қызылорда облысы – 8.
Жалпы пандемия басталғалы елде коронавирус 1 305 631 адамнан анықталды. Оның ішінде 1 291 490 пациент жазылып шықты.

Covid-19: Қызылордада өткен тәулікте 8 адам дерттен айықты

<a href="https://kyzylorda-news.kz/">Kyzylorda-news.kz.</a>&nbsp;2022 жыл – Балалар жылы. Ел тұрғындарының шамамен 34%-ы 17 жасқа толмаған балалар. Қызылорда облысында 316 мыңнан астам бала тұрады. Әлеуметтік медициналық сақтандыру қорының филиалына балаларға медициналық көмек көрсету тәртібі бойынша көптеген сұрақтар келіп түсуде. Жиі қойылатын сұрақтарға ӘМСҚ Қызылорда облысы бойынша филиалының директоры Бақыт Исмаханбетов жауап берді.
– Балаларға міндетті әлеуметтік медициналық сақтандыру жарналарын төлеуім керек пе?
– Жоқ, 18 жасқа дейінгі балалар жеңілдікті санатқа жатады, олар үшін мемлекет МӘМС үшін аударымдар жасайды. Сондықтан медициналық сақтандыру пакетіндегі медициналық көмек балаларға толық көлемде қолжетімді.
– Балаларға арналған стоматологиялық қызметтер МӘМС пакетіне кіреді ме және қандай қызметтерді тегін алуға болатындығын көрсете аласыз ба?
– 18 жасқа дейінгі балаларға стоматологиялық көмек шұғыл және жоспарлы түрде тегін көрсетіледі. Медициналық сақтандырудың стоматологиялық қызметтер пакетіне мыналар кіреді:
– тісті жансыздандыру және жұлу;
– пломба салу;
– абсцесстерді ашу;
– пульпит, периодонтитті емдеу;
– гипоплазия, флюороз кезінде тістің анатомиялық пішінін толық функционалдық қалпына келтіру;
– еріндер мен тілдердің пластикасы;
– рентгенография;
– ортодонтиялық қызметтер: жақ-бет аймағының туа біткен патологиялары және таңдайдың бөлінуі (қасқырдың аузы) болған кезде.
Стоматологиялық көмек алу үшін&nbsp; емханаға да, стоматологиялық клиникаға да жүгіне аласыз. Бұл ретте, стоматологиялық қызмет көрсететін клиника Қордың әлеуетті жеткізушісі болуы тиіс және әлеуетті жеткізушісі тізімінде болуы маңызды.
Стоматологиялық қызметтерді жеткізушілердің тізімін <a href="https://fms.kz/kz/zakupki/postavshchiki-kdu-uslug/">қордың</a> сайтынан көруге болады.
– Қандай жағдайларда балалар құрғақ сүт қоспаларымен тегін қамтамасыз етіледі?
Бір жасқа дейінгі балалар үшін бейімделгіш құрғақ қоспалар тіркелген жеріндегі емханаларда мынадай жағдайларда беріледі:
– емшектегі нәрестені асырап алу;
-анасында АИТВ инфекциясының немесе туберкулездің белсенді түрінің, жіті психикалық аурулардың, туа біткен және пайда болған жүрек ақауларының, жүрек-қантамыр жүйесінің декомпенсациясымен ілесе жүретін аурулардың, эндокриндік және аллергиялық аурулардың ауыр түрлерінің болуы;
– балада туа біткен лактаза жеткіліксіздігінің, галактоземияның, фенилкетонурияның, “үйеңкі шәрбаты” ауруының болуы;
– ананың цитостатикалық, радиоактивті, тиреоидты, психотроптық және есірткі дәрілік препараттарды қабылдауы;
– бірнеше баланың дүниеге келуі және емшек сүтінің жетіспеушілігі;
– әйелдің күндізгі оқу нысанында оқуы;
– әйелдің стационарда емделуде болуы.
Ананың жағдайына байланысты оған тек жасанды және аралас тамақтандыру тағайындалуы мүмкін. Дәрі-дәрмекпен қамтамасыз ету тізбесімен толығырақ мына сілтеме бойынша танысуға болады: Денсаулық сақтау министрінің 2020 жылғы 09 қаңтардағы № ҚР ДСМ-1/2020 бұйрығы.
– &nbsp;Созылмалы аурулары бар балаларға қандай оңалту шаралары қарастырылған?
– Созылмалы аурулары бар балалар мен жасөспірімдер жылына екі-үш рет тұрақты медициналық оңалтудан өте алады. Бұл асқынулардың алдын алу үшін емханаларда динамикалық бақылау кезінде жасалады.
Үшінші кезеңді оңалтуды пациенттің ауруына байланысты емхананың медицина қызметкерлерінің жолдамасы бойынша емханаларда, күндізгі және тәулік бойы жұмыс істейтін стационарларда, оңалту орталықтарында және үйдегі стационарларда жүргізеді.
– Спорттық секцияларға жазылмас бұрын ЭКГ, жүрек ультрадыбысын тегін алуға және балаға кардиологтың қорытындысын алуға бола ма?
– Әрине. Ол үшін тіркелген жері бойынша учаскелік дәрігердің/педиатрдың қабылдауына жазылу, консультация кезінде жүгіну себебін көрсету қажет. Дәрігер кардиологқа жолдама береді және ол спортқа қарсы көрсеткіштерді болдырмау үшін қажетті шараларды тағайындайды.
– Қандай жағдайларда балалар дәрігерін үйге шақыруға болады?
– 5 жасқа дейінгі балаларға денсаулық жағдайының кез келген нашарлауы кезінде учаскелік дәрігер үйде қызмет көрсетеді.
5 жастан асқан балаларға үйге шақырған кезде оның шақыру себебіне және баланың жағдайына байланысты алғашқы медициналық – санитариялық көмек маманы-дәрігер, орта медицина қызметкері көмек көрсетеді.
– Жеке клиникаларда жоспарлы егуді тегін алуға бола ма, ол үшін не істеу керек?
– ҚР Үкіметінің 2020 жылғы 24 қыркүйектегі № 612 қаулысына сәйкес, инфекциялық ауруларға (туберкулез, гепатит, полиомиелит, көкжөтел, дифтерия және сіреспе, B типті гемофильді инфекция, пневмококкты инфекция, қызылша, қызамық және паротит (свинка) қарсы жоспарлы профилактикалық екпелер – балаларға меншік нысанына қарамастан, тіркелген жеріндегі медициналық ұйымда тегін жүргізіледі.
Естеріңізге сала кетейік, Қазақстанда вакцинация жүргізу мерзімі жасына сәйкес Ұлттық егу күнтізбесімен белгіленген.
– Балаға туа біткен жүрек аномалиясы диагнозы қойылды, оған қандай көмек қажет?
– Туа біткен жүрек кемістігі бар балаларға медициналық көмек диагностикалау мен емдеудің барлық кезеңдерінде тегін көрсетіледі
&nbsp;– Балабақшаға немесе мектепке ресімдеу кезінде медициналық анықтама сатып алу керек пе
– Жоқ, сатып алудың қажеті жоқ. Балабақшаға немесе мектепке қабылдау үшін медициналық анықтаманы тіркелген жері бойынша емханадан сұратуға болады. Анықтамаға баланың физиологиялық параметрлері, бар аллергиялық реакциялар, созылмалы және бұрын болған инфекциялық аурулар, алынған екпелер, профилактикалық тексерулердің және зертханалық талдаулардың нәтижелері және т. б. енгізіледі.
Бала балабақшаға түскеннен кейін картаны балабақшаның медицина қызметкері толтыруды жалғастырады.
–&nbsp; Балаларға профилактикалық тексерулерді қаншалықты жиі өткізуі керек?
– Балаларды профилактикалық тексеру жыл сайын – туғаннан бастап кәмелетке толғанға дейін жүргізіледі. Мектепке дейінгі мекемелердің тәрбиеленушілерін, мектеп оқушыларын, орта арнаулы оқу орындарының оқушыларын және 18 жасқа дейінгі студенттерді білім беру ұйымдарындағы көшпелі бригада тексереді. Мектепке дейінгі мекемелерге бармайтын балаларды тексеру емханада немесе отбасылық денсаулық орталығында жүргізіледі.
Профилактикалық қарап-тексерулердің жиілігі мен кезеңділігі Қазақстан Республикасы Министрінің 2020 жылғы 15 желтоқсандағы № ҚР ДМС-264/2020 “Мектепке дейінгі, мектеп жасындағы балаларды, сондай-ақ техникалық және кәсіптік, орта білімнен кейінгі және жоғары білім беру ұйымдарының оқушыларын қоса алғанда, халықтың нысаналы топтарына профилактикалық медициналық қарап-тексерулерді жүргізу қағидаларын, көлемі мен кезеңділігін бекіту туралы” бұйрығымен белгіленген.

МӘМС пакетіндегі балаларға көрсетілетін медициналық көмекті білесіз бе?

<a href="https://kyzylorda-news.kz/">Kyzylorda-news.kz.</a>&nbsp;Қазақстанда кез келген адам коронавирусқа қарсы толық вакцинациядан екінші рет өте алады. Бас санитарлық дәрігер тиіті қаулыға қол қойды, деп хабарлайды <a href="https://sputnik.kz/20220503/bas-sanitar-revaktsinatsiya-qauly-24615635.html">Sputnik Қазақстан</a>.
Негізгі талапқа сәйкес, соңғы вакцинациядан кейін, кем дегенде, 3 ай өтуі керек. Сол кезде коронавирусқа қарсы екпенің екі дозасын салдыруға рұқсат бар.
<blockquote>
 «КВИ-ге қарсы, оның ішінде Дүниежүзілік денсаулық сақтау ұйымы мақұлдаған вакциналармен вакцинациялаудың толық курсын қайта жүргізуге жол беріледі», – делінген қаулыда.
</blockquote>
Сондай-ақ, коронавирусқа қарсы вакцинациялаудың толық курсын қайта алу үшін екпе салдыратын адам немесе оның заңды өкілдері профилактикалық егулердің қайталама курсын жүргізуге жазбаша келісімін беруі керек.
Айта кетері, бұған дейін ревакцинацияның толық курсы тек белгілі бір санаттарға ғана жасалған.
Олар:
– шетелге шығатындар;
– «Болашақ» халықаралық стипендиясының иегерлері;
– шетелдің жоғары оқу орындарына түскен студенттер;
– шетелде ем алатын пациенттер.

Бас санитар ревакцинацияға қатысты қаулыға қол қойды￼

<a href="https://kyzylorda-news.kz/">Kyzylorda-news.kz.</a> Кенеттен қайтыс болған жағдайлардың 70-80% – ында қарыншалық тахиаритмия болап табылады. Бұл жылдам ырғақ (минутына 100-ден астам) жүректің тоқтауына әкелуі мүмкін. Осы жағдайда науқастарға автоматты кардиовертер-дефибрилляторды имплантациялау бойынша ота өту ұсынылады.
Байқоңыр қаласының тұрғыны, екінші топтағы мүгедек ұзақ жылдар бойы артериялық гипертензиямен аурады. 57 жастағы ер адамның жүрек ырғағының бұзылуынан тыныс алу, әлсіздік, аяқтарының ісінуі мазалайды. Үш жыл бұрын оған автоматты кардиовертер-дефибрилляторды имплантациялау ота жасалған. Осы жылдың ақпан айында науқасқа имплантантты ауыстыру тағайындалып, Қызылорда қаласындағы көпсалалы облыстық аурухананың кардиохирургтары жоспарлы отаны сәтті жасады.
Осындай жоспарлы ота Сырдария ауданы Жалағаш кентінің ресми жұмыссыз тұрғынына жүргізілді. 60 жастағы ер адам бұрын миокард инфарктімен ауырған және стенттеу жүргізілген. Ағымдағы жылдың наурыз айында кардиохирургтер жаңа дефибрилляторды науқастың жүрегіне орнатты. Екі науқас толыққанды өмірге аман-есен оралды.
<blockquote>
 «Жоғары технологиялық медициналық көмек диагностика мен емдеудің инновациялық, бірегей әдістерінің көмегімен көрсетіледі. Шұғыл жағдайларда ЖТМК – тегін медициналық көмектің кепілдік берілген көлемі шеңберінде жүзеге асырылады. Егер жоспарлы түрде болса, онда науқастың емделушінің мәртебесі «сақтандырылған» болуы тиіс. Бұл жағдайда медициналық қызметтерді МӘМС-тің активтері есебінен көрсетеді. Осы екі науқасқа да қымбат тұратын ота МӘМС жүйесі арқылы жасалды. Дефибриляторды имплантациялаудың құны 8,4 млн. теңге құрайды», – деді Қызылорда облысы бойынша Әлеуметтік медициналық сақтандыру қоры филиалының медициналық көмек сапасын бағалау және келісім-шарттық міндеттемелерді мониторинг жүргізу бөлімінің басшысы Гүлнар Кенжебаева.
</blockquote>
ӘМСҚ филиалының маманы түсіндіргендей, науқастың диагнозы негізінде учаскелік дәрігер бейінді мамандардың кеңесіне жібереді. Егер хирургиялық араласу қажеттілігі расталса, онда МӘМС-те сақтандырылған науқасты жоспарлы емдеуге жатқызуға дайындай бастайды. Емхана осыған қажетті талдауларды жинап, «Емдеуге жатқызу бюросы» порталына орналастыруды жүргізеді.
ӘМСҚ филиалының деректері бойынша, 2021 жылда 94 жоғары технологиялық оталар жасалды. Оталардың көбі медсақтандыру аясында. Бұл мақсатқа Әлеуметтік медсақтандыру қорынан шамамен 539,3 млн. теңге бөлінді. Ағымдағы жылдың басынан Қор жалпы сомасы 85 млн. теңгені құрайтын 15 отаны қаржыландырды.
<img src="https://kyzylorda-news.kz/wp-content/uploads/2022/04/img_4953-scaled.jpg" alt="" />
<img src="https://kyzylorda-news.kz/wp-content/uploads/2022/04/kardio-.jpeg" alt="" />
<img src="https://kyzylorda-news.kz/wp-content/uploads/2022/04/kardio-1-1.jpeg" alt="" />

Екі қызылордалыққа қымбат ота жасалды

<a href="https://kyzylorda-news.kz/">Kyzylorda-news.kz.</a> Қызылорда медициналық жоғары колледжінде М.Оспанов атындағы Батыс Қазақстан медициналық университетінің интернатура және резидентура филиалы ашылды.
Университет филиалында 12 резидент білім алуда. Оның ішінде 4 реаниматолог-анестезиолог, 3 инфекционист, 1 офтальмолог, 1 травматолог-ортопед және оториноларинголог, неонатолог резиденттер бар.
Биыл құрылғанына 65 жыл толатын М.Оспанов атындағы Батыс Қазақстан медициналық университеті қанатын кеңге жайып, өрісін кеңейтіп келеді.
Филиалдың ресми ашылу салтанатын Қызылорда облысы әкімінің орынбасары Балжан Шаменова құттықтау сөзімен ашып, көпжылдық тарихы бар М.Оспанов атындағы Батыс Қазақстан медициналық университеті филалының облыста ашылудағы басты мақсаты – жергілікті мамандардың кәсіби деңгейін арттыру, білім беруді тереңдету,емдеу-алдын алу мекемелерінде жұмыс істеу үшін білікті маман дайындау кезінде қолайлы жағдай жасау және аймағымыздағы медициналық кадр тапшылығы мәселесін шешу болып табылатындығын атап өтті.
Филиалдың ашылу лентасын қию рәсімі Қызылорда облысы әкімінің орынбасары Балжан Шаменова мен «М.Оспанов атындағы БҚМУ» КЕАҚ директорлар кеңесінің төрағасы, медицина ғылымдарының докторы, профессор Жақсылық Досқалиевке ұсынылды.
Салтанатты шара барысында қонақтар Қызылорда медициналық жоғары колледжіндегі филиалдың оқу-практикалық базасын аралап, оқу кабинеттері мен симмуляциялық орталықпен танысты.

Қызылордада М.Оспанов атындағы Батыс Қазақстан медициналық университетінің филиалы ашылды

<a href="https://kyzylorda-news.kz/">Kyzylorda-news.kz</a>. Жұмыс істемейтін жүкті әйелдер МӘМС жүйесінде азаматтардың жеңілдікке ие санаты ретінде сақтандырылғандықтан, қымбат диагностикалық зерттеулер мен тегін медициналық көмектің толық пакетін алуға құқылы.
Жүкті әйелдер тегін медициналық көмектің кепілдендірілген көлемі аясында және (немесе) міндетті әлеуметтік медициналық сақтандыру жүйесі бойынша медициналық қызмет алу үшін жүктіліктің он екі аптасына дейін өзі тіркелген емханаға медициналық есепке тұруға міндетті.
Аяғы ауыр әйел жүктілігін сақтағысы келіп, емханаға бірінші рет жүгінген кезде акушер-гинеколог, жалпы тәжірибелік дәрігер (бұдан әрі – ЖТД) немесе алғашқы медициналық-санитарлық көмек орталығының учаскелік терапевті:
1) анамнезді жинайды, жүкті әйелде және туыстарында аурулардың (қант диабеті, артериялық гипертензия, туберкулез, психикалық бұзылулар, онкологиялық аурулар және т. б.) болуын, туа біткен даму кемістіктері және тұқым қуалайтын аурулары бар балалардың тууын анықтайды;
2) бала кезінде және ересек жаста болған ауруларға (соматикалық және гинекологиялық), операцияларға, қан мен оның компоненттерін құюға назар аударады;
3) анамнезді жинау кезінде «Медициналық генетика» мамандығы бойынша дәрігерге жіберу үшін туа біткен және тұқым қуалайтын патология бойынша (ультрадыбыстық скринингсіз және аналық сарысу маркерлерін талдаусыз) мынадай айғақтарға сәйкес «қатер» тобын анықтайды: жүкті әйелдің жасы 37-де және одан асса, анамнезінде генетикалық айғақтар бойынша жүктілікті үзу және/немесе ДПР немесе хромосомалық патологиясы бар баланың тууы, моногенді тұқым қуалайтын ауруға шалдыққан баланың тууы, хромосомалық немесе гендік мутацияның тұқым қуалауы, ауыр акушерлік анамнез (өлі туу, әдеттегі түсік түсіру және басқалар);
4) жүктіліктің бірінші үш айлығында аналық Сарысу маркерлерін талдау үшін жүкті әйелдерді қан алуға жібереді және жүктіліктің бірінші, екінші және үшінші айлықтарында ультрадыбыстық скринингті тағайындайды;
5) ұрпақты болу функциясының ерекшеліктерін зерделейді;
6) жұбайының денсаулық жағдайын, қан тобын және резус тиістілігін нақтылайды;
7) ерлі-зайыптылар жұмыс істейтін өндірістің сипатын, зиянды әдеттерді зерделейді;
8) уақтылы зерттеп-қарау үшін жүкті әйелдерді 12 аптаға дейін ерте есепке қоюды және жүктілік анықталған күні тіркеуді жүзеге асырады;
9) жүктілікті көтеруге қарсы көрсетілімдердің болуын анықтайды;
10) жүкті әйелдер тіркелімінен және ФЖӘ-дан алдыңғы жүктіліктің барысы және бұрын анықталған соматикалық аурулар туралы ақпарат алу мүмкіндігін пайдаланады.
11) анықталған факторларды ескере отырып, жүктілікті жүргізудің алдын ала жоспарын жасайды.
Тексеру нәтижелерін алғаннан кейін:
1) қауіп факторларын ескере отырып, жүкті әйелдің қандай да бір топқа жататындығы айқындалады. 
2) тәуекел факторларын ескере отырып және ана мен ұрықты тексерудің қазіргі заманғы технологияларын пайдалана отырып, жүкті әйелді байқаудың жеке жоспары жасалады. 
3) ресімделеді:жүкті және босанған әйелдің жеке картасы дәрігердің бақылау жазбаларына арналған медициналық құжаттама жүкті әйелге алғашқы барған кезде берілетін және бақылау орнына және басқа медициналық ұйымдарға ұсыну үшін жүктілік кезінде оның қолында болатын алмасу картасы.
Жүкті әйелді босанғанға дейін (физиологиялық) бақылау бағдарламасы қалыпты жағдайда 7 рет келуді қамтиды:
Алғаш келген кезде әйел мына зерттеулерге жіберіледі:
● жалпы қан және зәр талдауы;
● дене салмағының индексі 25.0-ден жоғары болған кезде қандағы қант;
● қан тобы және Rh факторы;
● бак. зәрді талдау;
● онкоцитологияға жағынды;
● АИТВ-ға ИФТ және гепатит маркерлері;
● Вассерман реакциясы;
● биохимиялық генетикалық маркерлер.
● бірінші УДЗ скринингі.
● босануға дайындық мектебіне бару, отбасы өкілімен маманға бару ұсынылады.
Екінші рет қаралу, әдетте, жүктіліктің 16-20 аптасында тағайындалады. Акушерлік тексеру, ақуызға зәр анализі және екінші ультрадыбыстық скрининг жүргізіледі.
24-25 апта мерзімі ішінде жүкті әйел зертханалық зерттеулерге жіберіледі (ақуызға зәр анализі, қанның резус-теріс факторы бар антиденелер), алдын-алу шараларын тағайындайды.
30-32 апта мерзімі ішінде акушер-гинеколог жүкті әйел мен ұрықтың жалпы жағдайын бағалайды. Осы уақытта пациент Вассерман реакциясын, ЖИТС-ке ИФТ, ақуызға зәр анализі және жалпы қан анализін тапсырады. Осы кезеңде босанғанға дейінгі демалыс беріледі.
Жүкті әйелдің келесі келуі 36 апта ішінде тағайындалады. Акушер-гинеколог жүкті әйелдің және ұрықтың жалпы жағдайын бағалайды. Босанудың болжамды мерзімі нақтыланады.
Алтыншы кеңес әдетте босанғанға дейін 38-40 аптада жасалады. Акушер-гинеколог, жалпы тәжірибелік дәрігері (бұдан әрі – ЖТД) немесе алғашқы медициналық-санитарлық көмек орталығының учаскелік терапевті де ықтимал асқынулардың профилактикасын жүргізеді және қажет болған жағдайда жүктілікті жүргізу жоспарын түзетеді, артериялық қысымды өлшейді, сыртқы акушерлік тексеруді жүргізеді, жатырдың биіктігін өлшейді, ақуызға зәр анализіне жібереді.
Жүктілікті бақылау кезінде жалпы тәжірибелік дәрігері (бұдан әрі – ЖТД) немесе алғашқы медициналық-санитариялық көмек орталығының учаскелік терапевті және учаскелік акушер жүкті әйелге үйде патронаж жүргізеді.
Жүктіліктің өтуі асқынған жағдайда келушілер саны мен клиникалық-диагностикалық зерттеулерді шектеусіз жүргізудің жеке жоспары жасалады.
Егер пациент скринингтердің кез келгеніне емханаға тағайындалған күннен кейін үш күн ішінде келмеген жағдайда, оны үйде тонометр, термометр және стетоскоп болуы тиіс акушер немесе мейіргер патронажға алады.
МӘМС туралы Заңның 26-бабына сәйкес жұмыс істемейтін жүкті әйелдер де жарналарды төлеуден босатылғанын қосымша хабарлаймыз. Бұл тұлғаларға жеңілдік мәртебесі ҚР ДСМ АЖ есепке қойылғаннан кейін беріледі.
Жүкті әйелдер мен аналардың денсаулық сақтау саласындағы құқықтары мен міндеттері «Халық денсаулығы және денсаулық сақтау жүйесі туралы» ҚР Кодексінің 81-бабымен айқындалады.

МӘМС: Жүкті әйелдер нені білуі керек?

<a href="https://kyzylorda-news.kz/">Kyzylorda-news.kz.</a> Тіс дәрігеріне бірінші тексеріске келген емделушілердің көпшілігінен емдеу керек тістер табылады. Қазір тісті емдеу ауыртпайды, бірақ өте қымбатқа шығады. Егер балаңыздың сүт тістеріне дұрыс күтім жасасаңыз, емдеуден құтыла аласыз.
Сүт тістер де азу тістер секілді маңызды
«Сүт тістер бәрібір түсіп қалады» деп көпшілік ата-ана оларға аса мән бермейді. Алайда сүт тістерге дұрыс қарамау үлкен қателік. Себебі сүт тістердің дұрыс әрі сау өсуі адамның стоматологиялық болашағына әсер береді. Сүт тістердегі тісжегі оның астынан өсіп келе жатқан жаңа тістерді де зақымдайды. Ал егер уақытында сүт тістерді қаратпай, ол емдеуге де келмей, жұлдырып тастасаңыз, оның да өз қауіптері бар. Ол жақ геометриясының өзгеруіне, шайнаудың бұзылуына әкеліп, болашақта дене мүсіні, тістем және асқорыту проблемаларын тудыруы мүмкін.
Баланың алғашқы тісі шыққан кезден бастап тіс тазалау керек
Көпшілік стоматологтар балаға күніне екі рет ауыз гигиенасы қажет екенін айтады: таңертең және кешке тамақтан кейін тіс тазалау керек. Сондай-ақ, олар баланың тіс тазалауын ең болмағанда ол 8 жасқа толғанша бақылау керегін ескертеді. Бала тісінде ерте тісжегі пайда болуының бір себебі — жиі түнде ему. Егер балаңыз түнде емуін тоқтатпаса, тіс жегінің алдын алу үшін оған әр емізгеннен кейін бөтелкемен су ішкізіп жіберген жөн.
Щетка жұмсақ болуы керек
Баланың тіс щеткасына қойылатын негізгі талаптардың бірі — жұмсақ қылтан. Егер гигиенаға қажетті уақыт (2 минуттан аз емес) бөлсеңіз және дұрыс техниканы (жоғарыдан төмен қарай қозғау) сақтасаңыз, жұмсақ щетканың өңезден арылуға күші жетеді. Мұндай щетканың басты артықшылығы — оның бала тісінің етін зақымдамауы. Стоматологтар саусаққа киетін силикон тіс тазалағыштарды тек жолда пайдалануға кеңес береді. Себебі олар щетка секілді тісті толық тазалай алмайды. 3 жастан асқан балаларға тіс тазалайтын электр щетка алып беруге болады. Жиі мұндай щеткаға қызыққан бала тісін өздігінен тазалағысы келіп тұрады.
Сүт тістерінің сапасы тамақтануға байланысты
Сүт тістерінің минералдануы — бала рационы үлкен рөл атқаратын күрделі әрі ұзақ процесс. Стоматологтардың айтуынша, балаға алғашқы тамақ (шамамен 6 айдан бастап) бергеннен бастап, текстурасы, түсі және құрамындағы қоректік заттар жиынтығы әртүрлі өнімдер ұсыну керек. Әсіресе, балаға сәбіз, тоқаш, алма және басқа да «қиын» өнімдерді мүжуді үйрету керек. Ол жақ бұлшықеттерінің дамуын ынталандырады, эмальді механикалық түрде тазартады және оның минералдануына ықпал етеді. Бала рационында ең болмағанда 2 жасқа дейін тәтті мүлдем болмау керек.
Су баланың негізгі сусыны болуы тиіс
Балаға тіс жегінің ерте пайда болуы — қазіргі заманның нағыз проблемасы. Мамандар оны бала рационында судың жетіспеушілігімен де байланыстырады. Қазір көпшілік әр тамақтану кезінде балаға тәтті сусындар береді, барлық мүмкін тіскебасарлар қолжетімді — мұның барлығы тіс жегіні тудыратын бактериялардың дамуына керемет орта. Бұл микроағзалар қышқыл ортаны жақсы көреді, ал қышқыл орта кез келген тамақтанудан соң және тәтті сусындар ішкеннен кейін пайда болады. Олар сілекеймен ылғалданған және қарапайым сумен шайылған ортаны жақтырмайды. Сондықтан таза су ішу — тіс жегіден қорғанудың керемет әдісі.
Тіс дәрігеріне жүйелі түрде қаралап тұру керек
Баланы тіс дәрігеріне алғаш рет 9-12 айында қарату ұсынылады. Бұл кезде бала бірнеше тісімен мақтана алады. Ал дәрігер сол тістерін қарап, гигиена жайында кеңес беріп, тіс жегінің алдын алу шараларын ұсынады.&nbsp;
massaget.kz

Баланың сүт тістеріне қалай күтім жасау керек?

<a href="https://kyzylorda-news.kz/">Kyzylorda-news.kz.</a>&nbsp;Сырдария аудандық ауруханасының дәрігерлері қант диабетімен ауыратын науқастарды аман алып қалды****.
Қант диабеті – ең көп таралған аурулардың бірі. Бұл дерттің асқануын Сырдария аудандық ауруханасының дәрігерлері тоқтатуда. Хирургтар көптеген науқастарды мүгедектіктен аман алып қалды.
Қант диабетпен күресу 48 жастағы Інкәдария аулының тұрғынының өмір салтына айналып қалған. Науқаста диабеттік ангиопатия, перефериялық артериаллардың зақымдануы, атеросклероз салдарынан аяғында гангрена пайда болды. Бірақ дәрігерлердің кәсіби шеберлігінің арқасында ауыл тұрғының аяғы амал қалды.
<blockquote>
 «Көп жағдайда науқастың зақымдалған аяғында некроз болса, тізеден жоғары кесіп тастап едік. Енді емдеудің жаңа әдістерінің, медициналық құрал-жабдықтардың арқасында науқасты мүгедектіктен сақтай аламыз. Тек зардап шеккен мүшелерді, мысалы, саусақтарды, табанын алып тастаймыз», – дейді хирургия бөлімнің меңгерушісі Дәуірхан Тағыбергенов.
</blockquote>
Аудандық аурухананың дәрігерлеріне аймақтың басқа елді мекеннен қант диабетімен ауратын науқастар жүгінеді. Мәселен, 41 жастағы вахталық жұмысшы да осындай жағдайға тап болған. Ол қант диабетімен ауыратынын білмеген. Аяғы ісінген соң өзін-өзі емдеген. Гангрена пайда болған кезде науқас дабыл қаққан. Дәрігерлер зардап шеккен саусақтарын кесіп, ер адамды мүгідектіктен аман алып қалды.
<blockquote>
 «Қант диабетімен ауыратын науқастарға қатаң диетаны ұстану, күнделік қандағы қант деңгейін бақылау ұсынылады. Барлық көрсеткіштерді күнделікке енгізу керек. Науқастың қалауы бойынша Сырдария аудандық ауруханасында Диабет мектебінен өтіп, дәрігердің бақылауымен диетаға үйренуі мүмкін. Қант деңгейі 15-20 ммоль/л болған емделушілерде 7 ммоль/л – ге дейін төмендеген мысалдар аз емес», – дейді Дәурхан Тағыбергенов.
</blockquote>
Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов түсіндіріп өткендей, егер учаскелік дәрігер динамикалық бақылауға жататын осы әлеуметтік маңызды анықтаса, тегін медициналық көмектің кепілдік берілген көлемі шеңберінде (ТМККК) бірқатар медициналық қызметтер қолжетімді. Бұл дәрі-дәрмекпен қамтамасыз ету, бейінді дәрігерлердің кенесі, диагностикалық тексерулер, күндізгі және тәулік бойы стационарларда емдеу, паллиативтік көмек (ауыр сырқаттармен ауратын науқастарға демеуші терапия) және басқа да медициналық қызметтер. ТМККК-нен тыс медициналық қызметтерді алу үшін пациент МӘМС жүйесінде сақтандырылуы тиіс.
Өңірде қант диабетімен ауыратын 14,5 мыңнан астам адам бар. Көбінесе облыс орталығы мен Шиелі ауданының тұрғындары.
<img src="https://kyzylorda-news.kz/wp-content/uploads/2022/04/278270155_1297291277461816_2251625168112605912_n.jpg" alt="" />

Қызылордада қант диабетіне шалдыққандар саны 14 мыңнан асады

<a href="https://kyzylorda-news.kz/">Kyzylorda-news.kz.</a>&nbsp;Міндетті медициналық сақтандыру жүйесіндегі мәртебеңізді бірнеше жолмен тексеруге болады.
Qoldau 24/7 мобильді қосымшасы. Ол үшін мәзірде «Сақтандырылу мәртебесін тексеру» бөлімін таңдап, ЖСН енгізу қажет. Сол кезде мәртебе және алдыңғы 12 айдағы төлемдердің болуы туралы ақпарат пайда болады.
Қосымшаны PlayMarket және AppStore-дан жүктеуге болады
Телеграмм-бот @SaqtandyryBot. Шағын бағдарламаны іске қосу үшін сілтемені ашу керек: https://t.me/SaqtandyryBot немесе іздеу жолына атау енгізіңіз, Бұдан әрі – «Сақтандырылу мәртебесін анықтау» бөлімін таңдаңыз, ЖСН енгізіңіз.
Egov.kz электрондық үкімет порталы. ол үшін «Денсаулық сақтау» бөлімінде «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударылған аударымдар және (немесе) жарналар сомасы туралы ақпарат беру» қызметін табу, «Қызметке тапсырыс беру» батырмасын басу, ЖСН көрсету қажет. Нәтиже 10 минут ішінде пайда болады.
Әлеуметтік медициналық сақтандыру қорының ресми сайты. «Мәртебені анықтау» нүктесі оң жақта орналасқан. Соны басып, ЖСН көрсету жеткілікті.
<img src="https://kyzylorda-news.kz/wp-content/uploads/2022/04/kak-proverit-statws_kaz.jpg" alt="" />

МӘМС жүйесінде сақтандырылу мәртебесін қалай тексеруге болады?

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында биылғы жылдың бірінші тоқсанында туберкулез ауруының 97 жаңа жағдайы тіркелді. Оның 94%-ы өкпе туберкулезі, сондай-ақ 50%-нда туберкулездің жұқпалы, яғни ашық түрі анықталды. Бұл өткен жылдың осы мерзімімен салыстырғанда 17%-ке жоғары.
Індетке шалдыққандардың 70%-і әлеуметтік белсенді топтар, яғни 18-64 жас аралығындағы тұрғындар сырқаттанған.
Кәсіби құрамы бойынша жіктейтін болсақ, жұмыссыздар-38, зейнеткерлер-24, мектеп оқушылары мен студенттер-7, қалғаны басқа контингенттер үлесінде.
Тәуекел тобындағы контингенттердің флюрографиялық тексеруден уақытылы өтпеуінің, аурудың бастапқы клиникалық белгілері байқалса да, медициналық көмекке кеш жүгінуінің салдары туберкулездің ауыр ағымда өтуіне әкеп соқтырады. Жыл басынан бері ересектер арасында туберкулездің 1 асқынған түрі және 3 өлім жағдайы тіркелді. Туберкулез ошақтарына, қарым-қатынаста болған адамдарға эпидемиологиялық бақылау, зерттеу, ауру көзін анықтау шаралары медицина ұйымдары мамандарымен бірлесіп жүргізілуде.
Соңғы 2 жылда коронавирус инфекциясының пандемиясы туберкулез індетіне қарсы тиісті профилактикалық шаралардың уақытылы жүргізілуіне кері әсерін тигізді. Туберкулезді анықтау сынамаларын қоюға және екпе жүргізуге қарсылық танытқандар саны артты. Бұл сәйкесінше туберкулез ауруының эпидемиологиялық ахуалының тұрақсыз болып қалыптасуына әсер етті.
Санитариялық-эпидемиологиялық бақылау саласының қызметкерлері денсаулық сақтау ұйымдары мамандарымен бірлесіп, санитариялық-ағарту жұмыстарын жүргізуде. Мектеп оқушыларының ата-аналарымен кездесіп, екпенің маңызы туралы түсіндірді. Нәтижесінде балалар арасында туберкулез ауруын ерте анықтауға мүмкіндік беретін манту сынамасымен және туберкулезге қарсы ревакцинация жұмыстарымен 6-7 жастағы балалар оптималды деңгейде қамтылды.
Ауа барлық адамға ортақ болғандықтан туберкулез бактериясын жұқтырудан ешкім қорғалмаған. Әсiресе балалар мен егде жастағылар үшiн өте қауiптi. Туберкулезбен ауыратын адаммен жақын қарым-қатынас жиi, әрi ұзақ болса, түрлi себептермен ағзаның қорғаныш күшi әлсірегенде туберкулез таяқшалары белсендiлiк танытып, аталмыш аурудың қозуына себепшi болады.
Бүгiнде ауру ерте анықталып, емдеу шаралары уақытылы жасалған жағдайда туберкулезден толық сауығып шығу мүмкіндігі дәлелденген.
Туберкулездің алдын алудың тиімді әдісі –профилактикалық медициналық тексеруден өту.Туберкулез рентгенологиялық әдіспен анықталады, яғни кеуде қуысын флюорорграфиялық жәнерентгенологиялық тексеруден өткізу. Ал балалар арасында туберкулезді анықтаудың маңызды әдісі-туберкулин сынамасын қою. Туберкулин диагностикасы 12 айдан бастап 14 жасқа жеткен тәуекел тобындағы балаларға Манту сынамасын қою арқылы жүргзіледі.
Манту сынамасын бұрынғы қойылған сынамалардың нәтижесіне қарамастан жылына бір рет қояды. Ол БЦЖ вакцинасын егу мен қайта егу контингентін іріктеу мақсатында жасалады. Балалар үшін БЦЖ вакцинасын егу еңалдымен туберкулез менингиті, ауыр түрдегі аурулардың таралуынан қорғайды. Алғашқы екпені жаңа туылған бала перзентханада 0-4 күн ішінде алады. БЦЖ ревакцинациясы тек дені сау, қойылған Манту сынамасы теріс болған 6-7 жастағы балаларға жүргізіледі.

Қызылордада туберкулез сырқаты белең алып барады

Kyzylorda-news.kz. Ресейлік дәрігер-терапевт, пульмонолог Алексей Никишенков пневмониядан кейін өкпені қалыпқа келтіруге көмектесетін әдістерді атады, деп хабарлайды&nbsp;<a href="https://stan.kz/">Stan.kz</a>.
Оның сөзінше, физикалық белсенділік пен тыныс алуға бағытталған жаттығулар сіздің денсаулығыңызға оң әсер береді.
Дәрігер аурудан айыққан соң өкпені қалыпқа келтіруде скандинавиялық жүрістің тиімділігі көп екенін айтады. Бұл жаттығу қол, аяқ, арқа және кеуде бұлшық еттерін жақсартады. Дұрыс тыныстаған жағдайда өкпе жүйесін де нығайтады екен. Сонымен қатар пульмонолог өкпені қалыпқа келтіруде скандинавиялық жүрістен бөлек, велосипед тебу, роликпен сырғанаудың да пайда екенін атап өтті.&nbsp;
Никишенков тез қалыпқа келу үшін күн режимін сақтап, дұрыс тамақтану керегін, таңғы жаттығу жасауды естен шығармаған жөн екенін айтты.&nbsp;
<blockquote>
 “Тыныс алу жаттығулары диафрагманы, қабырға аралық бұлшық етті нығайтып, қан айналымын жақсартады, қан оттегімен қанығады”, – деп түсіндірді маман.
</blockquote>

Дәрігер пневмониядан кейін өкпені қалыпқа келтіруге көмектесетін әдістерді атады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 27 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласында – 5,
Алматы қаласында – 9,
Алматы облысында – 2,
Шығыс Қазақстан облысында – 1,
Қарағанды облысында – 3,
Қостанай облысында – 1,
Қызылорда облысында – 1,
Маңғыстау облысында – 2,
Павлодар облысында – 2,
Солтүстік Қазақстан облысында – 1.
Жалпы, Қазақстан бойынша 1 290 785 тұрғын науқастан айықты.

Қазақстан және Қызылорда облысының жаңалықтары: Денсаулық

Covid-19: Қызылордада өткен тәулікте 8 адам дерттен айықты

МӘМС пакетіндегі балаларға көрсетілетін медициналық көмекті білесіз бе?

Бас санитар ревакцинацияға қатысты қаулыға қол қойды

Екі қызылордалыққа қымбат ота жасалды

Қызылордада М.Оспанов атындағы Батыс Қазақстан медициналық университетінің филиалы ашылды

МӘМС: Жүкті әйелдер нені білуі керек?

Баланың сүт тістеріне қалай күтім жасау керек?

Қызылордада қант диабетіне шалдыққандар саны 14 мыңнан асады

МӘМС жүйесінде сақтандырылу мәртебесін қалай тексеруге болады?

Қызылордада туберкулез сырқаты белең алып барады

Дәрігер пневмониядан кейін өкпені қалыпқа келтіруге көмектесетін әдістерді атады

Қызылордада 1 адам коронавирустан жазылды

Қазақстан және Қызылорда облысының жаңалықтары: Денсаулық

Covid-19: Қызылордада өткен тәулікте 8 адам дерттен айықты

МӘМС пакетіндегі балаларға көрсетілетін медициналық көмекті білесіз бе?

Бас санитар ревакцинацияға қатысты қаулыға қол қойды￼

Екі қызылордалыққа қымбат ота жасалды

Қызылордада М.Оспанов атындағы Батыс Қазақстан медициналық университетінің филиалы ашылды

МӘМС: Жүкті әйелдер нені білуі керек?

Баланың сүт тістеріне қалай күтім жасау керек?

Қызылордада қант диабетіне шалдыққандар саны 14 мыңнан асады

МӘМС жүйесінде сақтандырылу мәртебесін қалай тексеруге болады?

Қызылордада туберкулез сырқаты белең алып барады

Дәрігер пневмониядан кейін өкпені қалыпқа келтіруге көмектесетін әдістерді атады

Қызылордада 1 адам коронавирустан жазылды

Бас санитар ревакцинацияға қатысты қаулыға қол қойды