<a href="https://kyzylorda-news.kz/">Kyzylorda-news.kz.</a> «Бизнестің жол картасы 2025» мемлекеттік бағдарламасы аясында жаңа бизнес-идеяларды іске асыру мақсатында мемлекеттік гранттар беру конкурсына 2021 жылы қатысқан жас кәсіпкер Болат Айда қайтарымсыз грант қаражатына ие болған.
Жас кәсіпкер ауданымызда алғаш рет Әйтеке би кентінің орталығынан «Асылым мед» сауықтыру орталығында тұзды ем бөлмесін ашып, қазіргі кезде тұрғындарға өз қызметтерін көрсетіп келеді. 
Тұзды бөлме – табиғи тұзды үңгірдің баламасы. Адамдардың жас ерекшеліктеріне қарай галотерапиялық ем қабылдау уақыттары да әрқалай болады.
Аталған тұзды бөлмеде арнайы құрылғы көмегімен жіберілетін аэрозоль ауа тамшылары арқылы емделушінің тыныс органдарынан бастап бактериялар жойылып, жаңару процесстері жүреді. 
Бұдан бөлек, «Асылым мед» орталығынан дәрі дәрмексіз табиғи жолмен кешенді ем қабылдауларыңызға толық мүмкіндіктер қарастырылған.
-Ересектер, балалар емдік массаждары; 
-Косметология; 
-Инемен емдеу(игла терапия); 
-Садху тақтасы(шегеге тұру); 
-Хиджама; 
-Аксесс барс; 
-Фито емдік бочкасы.
Орталықта медициналық білімді, сертификатталған, тәжірибелі мамандар қызмет көрсетеді.

Қазалыда «Тұзды ем бөлмесі» қызмет көрсетеді

Kyzylorda-news.kz. Бүгін облыс әкімінің орынбасары Сақтағанов Нұрымбет Аманұлы өңiрдегi эпидемиологиялық ахуалға байланысты №3-шi, 6-шы калалық емханадағы атқарылып жатқан шаралар және өзге де емхана жұмыстарымен танысты.
Жалпы аймағымыздағы амбулаториялық жұмыстармен облыстық денсаулық сақтау басқармасының басшысы Сабит Бексеитұлы таныстырса, №3 қалалық емхана қызметiн емхана бас дәрігері Гүлстан Әубәкiрқызы, №6 қалалық емхана бойынша Жанат Шайхисламқызы айтып өтті.
Емханалардағы пандемия кезеңіндегі эпидемиологиялық ахуалға тоқталсақ, №3 емхана бойынша жыл басынан берi коронавирус инфекциясының оң мәнiмен анықталып, стационарлы жане үй жағдайында амбулаториялы 322 науқас ем алған. Қазіргі таңда 8 пациент амбулаторлы медициналық бақылауда.
3-шi, 6-шы емханаға тiркелген барлық ересек тұрғындарына вакцинаның бірінші және екiншi туры толықтай салынған. 
3 емханада коронавирусты инфекцияға қарсы ревакцинация жасалынғаны – 15918, 2 рет ревакцинацияланғаны – 221. 
Кайта вакцинациялаудың I турымен қамтамасыз етiлгенi – 49, II турымен қамтылғаны – 39.
Ал 6 емханада ұжымдық иммунитетті қалыптастыру мақсатында екпе алуға қабілетті (18 жастан жоғары) 38 800 тұрғынның I-ші компонентімен 38 806 адам, II-ші компонентімен 38 800 адам вакциналанды.
Сонымен қатар, Пфайзер (Pfizer) вакцинасының I-ші компонентімен 7971 адам, ал II-ші компонентімен 7853-i вакциналанды. 
Емханаларда жеке қорғаныс құралдары қоры жеткілікті мөлшерде қамтылған. 
Пандемиялық кезеңде коронавирус инфекциясымен күресу мен аурудың алдын алу мақсатында тұрғындарды жаппай вакцинациялау жұмыстары емханаларда тиістi деңгейде жүргізілуде. 
Халық арасында “COVID-19” коронавирустық инфекциясының алдын алу және таратпау мақсатында кең көлемде түсіндірмелі санитарлық-ағарту жұмыстары жүргізілуде.
<img src="https://kyzylorda-news.kz/wp-content/uploads/2022/07/img-20220720-wa0041.jpg" alt="" />
<img src="https://kyzylorda-news.kz/wp-content/uploads/2022/07/img-20220720-wa0042.jpg" alt="" />
<img src="https://kyzylorda-news.kz/wp-content/uploads/2022/07/img-20220720-wa0043.jpg" alt="" />

Облыс әкімінің орынбасары емханаларды аралады

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаевтың төрағалығымен өткен алқа отырысында денсаулық сақтау саласы, оның ішінде аймақтағы ана мен бала денсаулығын қорғау мен эпидемиологиялық ахуал кеңінен талқыланды.
Жиында облыстық денсаулық сақтау басқармасының басшысы Сәбит Пазылов өңірдегі ана мен бала өлімінің көрсеткіші туралы айтып, оған әсер ететін негізгі факторлары тізбеледі.
Өткен жылы өңірде 10 ананың өлімі тіркелсе, биыл жыл басынан бері 3 ана қайтыс болды. 
Облыс әкімі бұл мәселеге ерекше мән беріп, тиісті шаралардың шұғыл қабылдануы қажеттігін атап, басқарма басшысына бірқатар тапсырма жүктеді.
<blockquote>
 «Тіркелген ана мен бала өлімі көрсеткішін тек табиғи факторларға, материалдық-техникалық базаға сілтеудің қажеті жоқ. Жауапкершіліктен құтылмайсыздар! 
 Әрбір өлім-жітім – бір отбасының тағдыры, қасіреті. Бұл ретте, қысқа мерзімде көтерілген мәселе бойынша шұғыл және пәрменді шаралар қабылдауымыз қажет. 
 Облыстық денсаулық сақтау басқармасы 10 күн ішінде ана мен бала өлімін төмендету мақсатында сала мамандарымен және ғылыми қауымдастық өкілдерімен мәселені жан-жақты зерделеп, кешенді жоспар әзірлеп, бекітуді тапсырамын. Сонымен қатар, жүкті әйелдерге қауіп факторларымен және ауыр экстрагенитальды патологиямен кеңес беру үшін республика деңгейіндегі білікті мамандарды тарта отырып, консилиумдар ұйымдастыру қажет. Жүкті әйелдерді уақытында есепке тұрғызу және балаларға патронаж жасау жұмыстарын күшейтіп, әйелдер арасында жүктілікті жоспарлау бойынша түсіндірме жұмыстарын кеңінен жүргізу қажет», – деді Нұрлыбек Нәлібаев.
</blockquote>
Алқа отырысында талқыланған мәселенің бірі – өңірдегі эпидемиологиялық ахуал. Жыл басынан коронавирус инфекциясымен тіркелген науқастар саны 4 918-ді құраған. Өңір «Жасыл аймақта» болғанымен аталған ауруды жұқтырған адамдар санын азайту бағытында тиісті шаралар қабылдау қажеттілігі туындады.
Жиында облыстық санитариялық-эпидемиологиялық бақылау департаментінің басшысы Динара Жаңабергенова облыс аумағындағы эпидемиологиялық жағдайды тұрақтандыру бағытындағы шаралар туралы баяндады.
Аймақ басшысы коронавирустық инфекцияның таралуының алдын алу бойынша жауапты сала басшыларына кешенді жұмыс жүргізуді, оның ішінде вирус жұқтырған азаматтарды дер кезінде анықтап, ауруханалардағы төсек-орын мен қажетті дәрілік препараттардың қорын дайындауды тапсырды.
Өңірде Конго-Қырым геморрагиялық қызбасының эпидемиологиялық ахуалы нашарлауда. Мәселен, жыл басынан қызбаға күдікпен 31 науқас тіркелсе, оның 14-і зертханалық сынама қорытындысымен расталды. 4 жағдай адам қазасымен аяқталды.
Облыс әкімі санитариялық-эпидемиологиялық департамент тарапынан қолайсыз 116 елді мекеннің анықталып, оған қажетті қаржы бөлініп, көктемгі дезинсекция жүргізілгенімен расталған жағдайдың өте көп тіркелінін айтып, департамент жұмысын сынға алды.
Алқа отырысының қорытындысымен қала және аудан әкімдері шұғыл түрде өз аумақтарындағы елді мекендерде қора-жайларды, аулаларды кенеге қарсы өңдеу басталғанға дейін және жыл көлемінде тұрақты түрде қидан, қоқыстан таза ұстауды қамтамасыз етуді міндеттеді. Ал облыстық денсаулық сақтау басқармасы емдеу методикасын күшейту бойынша нақты шаралар қабылдауы тиіс.
Облыс әкімі аймақ үшін өзекті болған мәселелер бойынша шұғыл шара қабылдап, алдағы уақытта оны болдырмауын қамтамасыз етуді тапсырды. Ал өз қызметіне салғырт қараған жауапты тұлғалар жіберген кемшіліктері үшін жауапкершілікке тартылады.
<img src="https://kyzylorda-news.kz/wp-content/uploads/2022/07/294875127_346772680977316_8311326882272769997_n.jpg" alt="" />

Облыс әкімі: Өз қызметіне салғырт қараған жауапты тұлғалар жауапкершілікке тартылады

<a href="https://kyzylorda-news.kz/ru/">Kyzylorda-news.kz.</a> Әлеуметтік медициналық сақтандыру қорына әлеуметтік мәні бар аурулармен ауыратын азаматтардан сұрақтар жиі түседі. Бұл пациенттерге медициналық көмек көрсету тәртібі туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов түсіндірді.
Әлеуметтік мәні бар аурулар дегеніміз не?
Бұл аурулар қоғамда кең таралуына байланысты халықтың ең көп өлімі мен мүгедектігін тудыратын аурулардың қатарына жатады. Сондықтан денсаулық сақтау жүйесінде оларды диагностикалау мен емдеуге үлкен мән беріледі.
Қазақстанда әлеуметтік мәні бар аурулардың бекітілген тізбесіне төмендегілер кірді:
– Туберкулез
– Адамның иммун тапшылығы вирусынан (АИТВ) туындаған ауру) &nbsp;&nbsp;&nbsp;
– Созылмалы вирустық гепатиттер және бауыр циррозы
– Қатерлі&nbsp; ісіктер
– Қант&nbsp; диабеті
– Психикалық, мінез-құлық бұзылулары (аурулар)
– Балалардың церебралды сал ауруы
– Жедел миокард инфарктісі (алғашқы 6 ай)
– Ревматизм
– Дәнекер тіннің жүйелі зақымдануы
– Жүйке жүйесінің дегенеративті аурулары
– Орталық жүйке жүйесінің демиелинизациялаушы аурулары
– Орфандық аурулар.
Әлеуметтік мәні бар аурумен ауыратын азаматтар үшін медициналық көмек нені қамтиды?
Әлеуметтік мәні бар аурулардан зардап шегетін азаматтарға көрсетілетін медициналық көмек диагностиканың, емдеудің, динамикалық байқаудың медициналық қызметтерін қамтиды.
Әлеуметтік мәні бар аурулармен ауратын науқастарға (яғни, оларға диагноз қойылған болса және олар өз емханасында әлеуметтік мәні бар ауру бойынша диспансерлік есепте тұрса) негізгі ауруы бойынша медициналық қызметтер ТМККК шеңберінде көрсетілетінін түсіну маңызды. Осылайша, жүргізілетін терапияны түзету немесе созылмалы аурудың өршуі кезінде медициналық қызметтер ТМККК шеңберінде ұсынылады, демек, МӘМС жүйесінде сақтандыру мәртебесіне қарамастан қолжетімді болады.
Алайда, диспансерлік есепке қою үшін диагностикалық процедуралар мен мамандардың консультациялары талап етіледі, ондай қызметтер МӘМС пакетіне енгізілген. Осыған орай әлеуметтік мәні бар ауруды анықтау үшін бастапқы диагностика, сондай-ақ басқа ауруларды, оның ішінде әлеуметтік мәні бар ауру расталған кезінде ілеспе ауруларды диагностикалау МӘМС жүйесінде жүргізіледі, яғни ол қызметтерді алу үшін сақтандыру мәртебесі қажет.
Әлеуметтік мәні бар аурулар&nbsp; қандай медициналық көмекке үміткер бола алады? &nbsp;
Әлеуметтік мәні бар аурулардан зардап шегетін азаматтарға медициналық көмек мынадай нысандарда көрсетіледі:
1) амбулаториялық жағдайларда;
2) стационарлық жағдайларда;
3) стационарды алмастыратын жағдайларда.
Пациентке&nbsp; әлеуметтік мәні бар аурулар&nbsp;&nbsp; қалай қойылады?
Егер учаскелік дәрігер (ЖПД, терапевт немесе педиатр) пациентте әлеуметтік мәні бар аурулардың белгілерін байқаса, онда ол оны тиісті бейінді маманға (тар бейінді дәрігерге, психологқа) консультацияға жібереді. Бұл ретте тар бейінді мамандардың консультациялары МӘМС пакетіне жатады, сондықтан бұл қызметті алу үшін науқастың сақтандырылған мәртебесі қажет (диагностикасы ТМККК-де жүргізілетін және сақтандырылмаған науқастарға қолжетімді болатын туберкулезге және АИТВ инфекциясына күдіктенуді қоспағанда). Көрсетілімдер болған кезде дәрігер науқасты диагностикаға жібереді, олар басқа бейінді мамандардың консультациялары, инструментальдық және зертханалық зерттеулер болуы мүмкін.&nbsp; Диагнозды растағаннан кейін учаскелік дәрігер пациентті диспансерлік есепке қояды және ол қажетті медициналық көмекті ала алады.
Емхана деңгейінде әлеуметтік мәні бар аурулармен ауыратын азаматтар диагностика және амбулаториялық емдеу қызметтерін ала алады. Оларға үздіксіз диспансерлік бақылау жүргізіледі. Көрсетілімдер болған кезде маман пациентті тәулік бойы немесе күндізгі бақылау жүргізетін медициналық ұйымға жібере алады.
&nbsp;Әлеуметтік мәні бар аурумен ауыратын науқастарға тегін дәрі-дәрмектер беріле ме?
Белгілі бір әлеуметтік мәні бар аурумен ауратыр пациенттер ТМККК шеңберінде және МӘМС жүйесінде амбулаториялық деңгейде дәрілік заттармен және медициналық бұйымдармен қамтамасыз етіледі, оның ішінде:
– туберкулез;
– АИТВ инфекциясы;
– бауыр циррозының сатысын қоса алғанда созылмалы С вирустық гепатиті;
– В вирустық гепатиті;
– қант диабеті;
– онкологиялық аурулар;
– жүректің ишемиялық ауруы;
– жүрек қақпақшасын протездеу;
– психикалық аурулар;
– церебралды сал ауруы;
– реактивті артрит;
– аутоиммунды аурулар мен иммун тапшылығы жағдайында;
– түйіндік полиартрит;
– Альцгеймер ауруы;
– Бехчет ауруы;
– Крон ауруы;
– мукополисахаридоз және басқа да орфандық аурулар бар жағдайларда.
Науқастар аурудың дәрежесі мен сатысына байланысты дәрі-дәрмектермен қамтамасыз етіледі. Тиісті препараттар туралы Денсаулық сақтау министрінің 2021 жылғы 5 тамыздағы №ҚР ДСМ – 75 <a href="https://adilet.zan.kz/kaz/docs/V2100023885">бұйрығымен бекітілген.</a>
Әлеуметтік мәні бар аурумен ауыратын науқастарға оңалтудан өтуге бола ма?
Әлеуметтік мәні бар аурулармен ауратын науқастар оңалтуға жататын аурулардың тізбесі бойынша жалпы негізде медициналық оңалтудан өте алады.
Оңалту немесе қалпына келтіру емі қызметтерін алу үшін науқас учаскелік дәрігерге жүгіну қажет. Ол оңалтудың қажеттілігі мен тиімділігін анықтау үшін реабилитолог немесе мультидисциплинарлық топ мамандарының консультациясына жібереді.
Медициналық оңалту МӘМС пакетіне кіреді, сондықтан оны өту үшін сақтандырылған мәртебесі болу керек.
Қолжетімділікті қамтамасыз ету
Өңірде медициналық көмекті ұйымдастыруға және медициналық қызметтердің қолжетімділігін қамтамасыз ету жергілікті атқарушы органдар, яғни әкімдіктер жауапты болады.&nbsp; Бұл үшін олардың құрылымында Денсаулық сақтау басқармалары көзделген. Олар халықтың өңірдегі медициналық көмекті алуын, оны медициналық ұйымдардың толық және сапалы ұсынуын тікелей бақылайды. Сондай-ақ, денсаулық сақтау басқармалары өңір тұрғындарын әлеуметтік мәні бар аурулардың және аса қауіпті инфекциялардың таралуы туралы хабардар етуге міндетті.
Әлеуметтік мәні бар аурулар кезінде медициналық-әлеуметтік көмек кешенді жан басына шаққандағы нормативке кіреді және пациенттерге емханада тіркелуі бойынша ұсынылады.
Егер сізге әлеуметтік маңызы бар ауру кезінде медициналық көмек көрсетуден бас тартылса, өз құқықтарын қорғау үшін емхана жанындағы пациенттерді қолдау қызметіне жүгінуіңіз қажет.&nbsp; Егер&nbsp; ол жерде түсіністікке қол жеткізу мүмкін болмаса, онда әлеуметтік медициналық сақтандыру қорына байланыс арналары арқылы жүгінуге болады: Qoldau 24/7 мобильді қосымшасы, 1406 бірыңғай байланыс орталығы, Telegram-дағы SaqtandyrýBot, fms.kz ресми сайты.

Әлеуметтік мәні бар ауруларымен ауратын науқастарға қандай медициналық көмек көрсетіледі?

<a href="https://kyzylorda-news.kz/ru/">Kyzylorda-news.kz.</a> Тар бейінді дәрігерлердің консультациялары, КТ/МРТ, рентген және диагностиканың басқа да түрлерінің қызметтері сақтандырылған азаматтарға МӘМС жүйесінде емдеуші дәрігердің жолдамасы бойынша көрсетіледі. Олар үшін қосымша ақы талап етілмеуі керек. Егер емхана осы қызметтерді өзі ұсына алмаса, онда оны орындау шарты бойынша пациентке басқа клиникада қабылдауды қамтамасыз етуі қажет.
Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов консультациялық-диагностикалық қызметтерді (бұдан әрі – КДҚ) алу мүмкіндіктері туралы толығырақ айтып берді.
КДҚ-ны қалай алуға болады?
Науқасқа кез келген консультациялық-диагностикалық қызметті емдеуші дәрігер тағайындайды. Ол науқастың жағдайын, шағымдарын, аурудың белгілерін зерттейді. Тиісті көрсетілімдер болған кезде дәрігер КТ, МРТ немесе басқа да зерттеулер жүргізуге жолдама жазады. Қызметті жоспарлы түрде алу үшін пациент «Сақтандырылған» мәртебесіне ие болуы тиіс, өйткені емхана деңгейінде бұл қызметтер МӘМС шеңберінде көрсетіледі.
Егер КДҚ-ны көрсетуден бас тартылса…
ТМККК шеңберінде және МӘМС жүйесінде қызмет көрсететін медициналық ұйым Әлеуметтік медициналық сақтандыру қорымен тиісті шарт жасасады және пациенттерге осы қызметтерді ұсыну бойынша міндеттемені орындауға тиіс.
<blockquote>
 «Біз азаматтардан емхана көрсетілімдер болған кезде, оны өткізу мүмкіндігінің жоқтығына сілтеме жасай отырып, консультациялық-диагностикалық қызметке жіберуден бас тартады деген өтініштерді жиі аламыз. Алайда, мұндай жағдайда өнім беруші қор <a href="https://fms.kz/kz/useful-to-know/vybrat-kliniku/">дерекқорында</a> тұратын медициналық ұйымдар қатарынан бірлесіп орындаушыны тартуға міндетті. Егер бірлесіп орындау шарты ешкіммен жасалмаса, онда пациентті осы қызмет түрі бойынша Қордың өнім берушілерінің біріне жіберуге тиіс, шарт бағыт бойынша қызмет көрсету қорытындылары бойынша автоматты түрде жасалады», – деп атап өтті ӘМСҚ облыстық филиалының директоры Бақыт Исмаханбетов.
</blockquote>
Алайда пациент емханаға бармай, КДҚ-ны ақылы негізде алу үшін тікелей жіберілетін басқа да жағдайлар бар.
<blockquote>
 «Кейде біз әлеуметтік желілерде науқасқа жолдама берілмегені және олар ақылы түрде қызмет алғаны, мысалы, КТ туралы шағымдарды көреміз. Мұндай жағдайларда науқастың құқығын қорғаушы ретінде Қор іске қосылады. Алайда, нәтижесінде науқас тіпті өз емханасына жүгінбеген, бірақ дереу басқа жерде ақылы тексеруден өтуге шешім қабылдаған болып шығады. Біз азаматтарды ТМККК шеңберінде және МӘМС жүйесінде медициналық қызметтерді пайдалануға шақырамыз. Егер мәселелер туындаса, Пациентті қолдау қызметіне хабарласыңыз және өз құқықтарыңызды қорғаңыз», – деп Бақыт Исмаханбетов атап өтті.
</blockquote>
ӘМСҚ филиалының директоры атап өткендей, 2022 жылы аймақтың халқына медициналық көмекті қаржыландыруға 84,2 млрд. теңге бағытталды, оның ішінде ТМККК бойынша – 51 млрд. теңге, МӘМС бойынша – 33,2 млрд. мың теңге.
Бұл ретте консультациялық-диагностикалық қызметтерді қаржыландыру ұлғайды. Осы мақсаттарға биыл 11,5 млрд. теңге қарастырылған, бұл өткен жылмен салыстырғанда 25% – ға жоғары (2021 ж. – 9,2 млрд. теңге). Диагностикалық қызметтер арасында КТ және МРТ қызметтері халық арасында аса сұранысқа ие. Ағымдағы жылдың 1 тоқсанында пациенттерге КТ және МРТ 11 028 қызметі көрсетілді, оның ішінде 48 млн.теңге сомасына 4 103 КТ қызметі, 6 925 МРТ қызметі жалпы сомасы 115,4 млн. теңгеге қаржыландырылды.
Егер сізде консультациялық-диагностикалық қызметтерді алуға қатысты сұрақтар туындаса немесе сіз оларды көрсетуге қол жеткізе алмасаңыз, онда өз емханаңыздың Пациентті қолдау қызметіне хабарласуыңыз қажет. Ұзақ күтуге байланысты өз аймағыңызда томографиядан немесе басқа да қызметтерден өту мүмкіндігі болмаған жағдайда, сіз өз аймағыңыздың денсаулық сақтау басқармасындағы жағдайды нақтылай аласыз. Егер мәселені сол жерде шешу мүмкін болмаса, онда Әлеуметтік медициналық сақтандыру қорына өзіңізге ыңғайлы тәсілмен өтініш беріңіз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.

МӘМС: Консультациялық-диагностикалық қызметті қалай алуға болады?

<a href="https://kyzylorda-news.kz/ru/">Kyzylorda-news.kz.</a> Міндетті әлеуметтік медициналық сақтандыру жүйесіндегі «Сақтандырылған» мәртебесі тұрақты болуы тиіс. Ол үшін ай сайынғы жарналар мен аударымдар жасалуы керек. Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовтің түсіндіруінде қандай маңызды факторларға назар аудару керек.
Сақтандыру мәртебесінсіз сіз жоспарлы медициналық көмек ала алмайсыз, тар бейінді маманның қабылдауында бола алмайсыз немесе тексеруден өте алмайсыз.
Медициналық сақтандыру жүйесіндегі өз мәртебеңізді бірнеше тәсілмен тексеруге болады: fms.kz. сайтында, Qoldau-24/7 мобильді қосымшасы арқылы немесе eGov.kz жеке кабинетте ЖСН нөмірі бойынша.
МӘМС төлемдері бойынша 12 айға толық үзінді көшірмені Телеграмдағы Saqtandyrubot арқылы алуға болады. «Сақтандырылу мәртебесін анықтау» тармағын таңдап, ЖСН енгізу қажет.
МӘМС-ға төлем жасағаннан кейін мәртебе бірден өзгермейді, бірақ 3 жұмыс күні ішінде өзгереді. Медициналық ұйымға барар алдында міндетті түрде мәртебені қайта тексеру қажет.
Сақтандыру мәртебесін алу үшін соңғы 12 ай бойы төлемдерді жүйелі түрде жүргізу қажет. Егер кем дегенде бір айды өткізіп алса, мәртебе берілмейді. Тек өзін-өзі жұмыспен қамтыған БЖТ төлеушілер ғана ерекшелік болып табылады.
Бірыңғай жиынтық төлемді қатарынан 3 ай бойы төлеген кезде тұрақты мәртебе үшінші айға беріледі және одан әрі тұрақты төлемдер болған жағдайда сақталады.
Кейбір қазақстандықтарда сақтандырылудың жеңілдікті мәртебесін алу мүмкіндігі бар. Егер сіз жеңілдікті 15 санаттың қатарына кірсеңіз, онда МӘМС-ға мемлекет аударымдар жасайды. Бұл туралы толығырақ ақпаратты <a href="https://fms.kz/kz/o-medstrakhovanii/infografika/31374/">мұнда.</a>
Жеңілдік санаттарының бірі – жүкті әйелдер. Жүктілік бойынша мәртебесі болмаған жағдайда оларды жергілікті дәрігер есепке қояды.
Егер сіз БЖТ төлеуді тоқтатсаңыз немесе жеңілдікті санаттар тізімінен шықсаңыз, МӘМС жарналарын өз бетіңізше аударуды жалғастыра аласыз. Бірақ мәртебе алу үшін үзінді көшірмені тексеріп, бұрын өткізіп алған барлық айлар үшін ақы төлеуіңіз керек.

Сақтандыру мәртебесінсіз сіз жоспарлы медициналық көмек ала алмайсыз

<a href="https://kyzylorda-news.kz/ru/">Kyzylorda-news.kz.</a> Қызылорда облысында эпидемиологиялық ахуал тұрақты. Алайда бәсенсуге болмайды. Мәселен, шілде айының 11 күнінде 40 жағдай анықталды. Соңғы тәулікте 6 жағдай есепке алынды. Бұл туралы Өңірлік коммуникациялар қызметінің ақпараттық алаңында өткен брифингте облыстық санитариялық- эпидемиологиялық бақылау департаменті басшысының орынбасары Әлия Әбдіқайымова мәлімдеді.
<blockquote>
 «Өңірде эпидахуал тұрақты деп бағаланғанымен, коронавирус инфекциясының пандемиясы әлі аяқталған жоқ. Сондықтан індетке қарсы екпе салдыру қажет. Бұл ұжымдық иммунитеттің қалыптасуына өз септігін тигізеді. Сонымен қатар, санитариялық-эпидемиологиялық профилактикалық шараларды да ұмытпауға шақырамын. Себебі қарапайым ғана сақтық шаралары тек COVID-19-дан емес, барлық инфекциялық аурулардан, ауа тамшылары арқылы таралатын вирустардан қорғануға көмектеседі»,-деді Әлия Мүтәліпқызы.
 «Бүгінде облыста вакцинациялау мен ревакцинациялау отандық QazVac, VeroCell, Pfizer препараттарымен жүргізілуде. Вакцинаның І-компонентін 425 853 қызылордалық, ІІ компонентін 423 364 адам алды. Сонымен қатар, 2021 жылдың 22 қарашасынан ревакцинация жұмыстары басталып, қазірде 228 265 тұрғын қайта екпе алды»,-деді облыстық денсаулық сақтау басқармасы басшысының орынбасары Жангелді Мырзагелдіұлы.
</blockquote>

Әлия Әбдіқайымова: Індетке қарсы екпе салдыру қажет

*<a href="https://kyzylorda-news.kz/ru/">Kyzylorda-news.kz.</a> Қазақстанда өткен тәулікте коронавирус инфекциясын жұқтырған 820 жағдай тіркелді, деп хабарлайды ҚазАқпарат.*
COVID-19 таралуына жол бермеу жөніндегі ведомствоаралық комиссияның мәліметінше, елімізде коронавирус инфекциясын жұқтырғандар саны 1 311 190-ға жетті.
«Соңғы тәулікте ауырғандардың ішінде
Нұр-Сұлтан қаласында – 180,
Алматы қаласында – 280,
Шымкент қаласында – 87,
Ақмола облысында – 8,
Ақтөбе облысында – 3,
Алматы облысында – 67,
Атырау облысында – 17,
Шығыс Қазақстан облысында – 12,
Жамбыл облысында – 35,
Батыс Қазақстан облысында – 7,
Қарағанды облысында – 56,
Қостанай облысында – 9,
Қызылорда облысында – 19,
Маңғыстау облысында – 10,
Павлодар облысында – 8,
Солтүстік Қазақстан облысында – 9,
Түркістан облысында 13 адам анықталды», – деп жазды комиссия.
Ал қауіпті індеттен бүгін 343 адам жазылып, қатарға қосылды. Оның ішінде,
Нұр-Сұлтан қаласында – 74,
Алматы қаласында – 236,
Шымкент қаласында – 0,
Атырау облысында – 2,
Жамбыл облысында – 9,
Қарағанды облысында – 16,
Қостанай облысында – 4,
Павлодар облысында 2 адам тұрады.
Елімізде барлығы 1 293 899 адам COVID-19-дан емделіп, сауығып шықты.

Қызылордада коронавирус жұқтырғандар саны күрт өсті

<a href="https://kyzylorda-news.kz/ru/">Kyzylorda-news.kz.</a> 2020 жылдың 1 қаңтарынан бастап мемлекет МӘМС жүйесіне азаматтардың 15 жеңілдетілген санаты үшін жарналар аудару бастады. Төлемдерді мемлекет төлейді. Жеңілдігі бар 15 санат «сақтандырылған» мәртебесіне ие және оларға МӘМС тізіміне кіретін барлық медициналық қызмет тегін көрсетіледі.
Мемлекет есебінен МӘМС үшін жарна төленетін жеңіл­дік­ке ие 15 санат қатарына кімдер және қалай кіреді:
1) 18 жасқа дейінгі балалар. Балаға туу туралы куә­лі­­гі табысталған, яғни жеке сәй­­кестендіру нөмірі (ЖСН) бе­ріл­ген уақыттан бастап «сақ­тан­дырылған» болып саналады.
2) Жұмыссыз ретінде ресми тіркелген тұлғалар. Мұндай мәртебе алу үшін Халықты жұ­мыс­пен қамту орталығына барып, жұмыссыз ретінде ресми тіркелу қажет.
3) Жұмыс істемейтін жүкті әйелдер. Аталған жеңілдік сана­тына ену үшін әйел тіркелген ем­ханада жүктілігі бойынша уақ­тылы есепке тұруға тиіс. Соң­ғы 2 айда ол үшін зейнетақы жар­налары мен әлеуметтік ауда­рым­дардың болмауы шарт. Жеке кәсіпкерлер ретінде тір­келген және өз қызметін тоқ­тат­паған әйелдер, сондай-ақ БЖТ төлейтін әйелдер жұмыс іс­тейтін болып саналады және же­ңілдік санатына енгізілмейді.
4) Үш жасқа толмаған бала тәр­­биесімен айналысатын жұ­мыс істемейтін тұлға. Бұл са­нат­тағылар автоматты түрде «сақ­­­­тандырылған» мәрте­бе­сіне ие болады. Бірақ ресми түр­­де жұ­мыс істемеуі және де олардың атына соңғы 2 айда зей­­нетақы жарналары мен әлеу­мет­­тік аударымдар жасалмаған бол­уы керек.
5) Жүктілікке және босануға, жаңа туған баланы асырап алуға бай­ланысты, сондай-ақ бала үш жасқа толғанға дейін оның кү­ті­міне байланысты де­ма­лыс­­тағы тұлға. Олар дема­лыс­қа рес­ми түрде шыққан кезде «сақ­тандырылған» мәрте­бе­сін алады.
6) Мүгедек баланы күтіп-баға­тын, жұмыс істемейтін адамдар. Баланың тиісті құжаттарын дайындаған кезде күтім жасайтын тұлғаның мәліметтері де­рек­қорға енгізіледі. Ке­йін автоматты түрде «сақтандырылған» мәртебесін иеленеді.
7) Бірінші топтағы мүге­декке күтім жасайтын жұмыс іс­те­­мейтін адам. Мүм­кін­дігі шек­теулі жанның тиісті құжат­та­рын дайын­да­ған кезде күтім жасайтын тұлғаның мә­лі­мет­тері дерек­қорға енгі­зі­леді. Ізінше «сақ­тан­ды­рыл­ған» мәртебесі ав­то­матты түрде беріледі.
8) Зейнетақы төлемдерін алушылар, оның ішінде Ұлы Отан соғысының ардагерлері. Бұл жерде мемлекеттен сақ­тан­дырылғандардың тізіміне Қазақ­стан­ның Бірың­ғай жинақ­тау­шы зейнетақы қорынан зейнетақы алатындардың ғана енгізілгенін атап өту қажет. Зейнетақыны әлі ресми түрде рәсімдемеген адамдар және басқа мемлекеттерден зейнетақы алатын адамдар жеңілдік мәртебесін ала ал­майды.
9) Қылмыстық-атқару (пени­тен­циарлық) жүйесінде сот үкімі бойынша жазасын өтеп жүрген адамдар. Бұл жеңілдік санатына ену үшін қамаудағы мекеменің жауапты қызметкері жазасын өтеуші адамның де­рек­терін ақпараттық жүйеге енгізуі қажет.
10) Тергеу изолятор­ларын­да­ғы адамдар, сондай-ақ үйқамақ тү­ріндегі бұлтартпау шарасы қол­данылған жұмыс істемейтін адамдар. Бұл санаттағы жандар туралы мәліметті уәкілетті органның қызметкерлері жүйеге енгізеді.
11) Жұмыс істемейтін қан­дас­тар. «Қандас» куәлігін алған соң, соңғы екі айда МӘМС үшін төлем жасалмаған болу керек. Сонда автоматты түрде же­ңіл­дік санатына енгізіледі.
12) «Алтын алқа», «Күміс алқа» алқаларымен мара­пат­тал­ған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен марапатталған көп­балалы аналар автоматты түр­де «сақтандырылған» мәр­те­бе­сіне ие болады.
13) Мүгедектер. Ресми құжа­ты шыққан кезде, мәртебе авто­мат­­ты түрде беріледі.
14) Орта, техникалық және кәсіптік, орта білімнен кейін­гі, жоғары білім беру, сондай-ақ жоғары оқу орнынан кейінгі білім беру ұйым­да­рында күн­діз­гі оқу нысанында білім алатын тұлғалар. Қазақс­танда оқи­тын студенттер жеңіл­де­тіл­ген санатқа автоматты түрде қосы­ла­ды.
Бұл жерде шетелдік оқу орын­дарында күндіз оқитын қа­зақ­стандық студенттер МӘМС жүйе­сінде «сақтандырылған» тұлғалардың автоматты түрдегі жеңілдік мәртебесін бірден ала алмайтынын ескеру керек. Олар egov.kz электронды үкі­мет порталындағы сервисті пай­­далана отырып, жүйеде өз бе­тін­ше тіркелуі қажет. Ол үшін төмендегі әрекеттерді орындау керек:
– Іздеу жолағына «Шетелде оқи­тын студенттерді тіркеу» деп теру;
– Ашылған терезеде өтінішті тол­тыру және оқуды растайтын құжаттарды қоса беру;
– Өтінішке ЭЦҚ көмегімен қол қою;
-Көп жағдайда сақтан­ды­ру­дың жеңілдік мәртебесі жолдарды дұрыс толтырған уақытта 10 жұмыс күні ішінде беріледі;
-Егер сақтандырудың жеңіл­дік мәртебесін беру көрсе­тіл­ген мерзімнің ішінде жүзеге асы­рылмаса, Білім және ғылым министрлігінің Халықаралық ынтымақтастық департаментіне хабарласу қажет.
Студент әрбір семестр аяқ­тал­ғаннан кейін сақ­тан­ды­ры­лу мәртебесін тексеруі және оқудың өзектілігін растауы қа­жет екенін есінде ұстағаны дұ­рыс. Өйткені дерекқордағы мәліметтер өзгеруі мүмкін.
15) Жұмыс істемейтін мем­ле­­кеттік атаулы әлеуметтік кө­мек алушылар. Әлеуметтік тө­лем тағайындалған кезде «сақ­тандырылған» мәртебесі автоматты түрде беріледі.
Егер сіз осы 15 санаттың бі­рі­не кірсеңіз, бірақ «сақ­тан­ды­рыл­маған» болсаңыз, растайтын құжаттар тізімін жинап, Халыққа қызмет көрсету орталығына тапсыруыңыз керек. Ақпарат мемлекеттік органдарға жолданып, тиісті шаралардан соң сізге «САҚТАНДЫРЫЛҒАН» мәр­тебесі беріледі және сіз үшін мем­лекет жарна төлейді.
<img src="https://kyzylorda-news.kz/wp-content/uploads/2022/07/lgotnye-kategorii-kaz.jpg" alt="" />

Медициналық сақтандыру кімге тегін?

<a href="https://kyzylorda-news.kz/">Kyzylorda-news.kz.</a> Жаз – демалыс кезеңі. Бұл күндері және жалпы жыл бойы МӘМС жүйесінде сақтандырылғандардың қатарында болу маңызды. Өз мәртебеңізді қалай сақтауға, артық немесе қате төленген жарналарды қалай қайтаруға болады? Халықтың осы және өзге де сауалдарына Әлеуметтік медициналық сақтандыру қорының областық филиалының бөлім басшысы Абылайхан Рахымов жауап берді.
Міндетті медициналық сақтандыруға артық немесе қате төленген жарналарды қалай қайтаруға болады?
Төлеуші&nbsp;&nbsp; міндетті медициналық сақтандыруға қате аударылған соманы қайтару туралы өтінішті өз қаласындағы «Азаматтарға арналған үкімет» мемлекеттік корпорациясының филиалына тапсыруы керек (өтінімнің үлгісі Денсаулық сақтау министрлігінің 30 маусымдағы бұйрығында, 2017 ж. No 478, 1 қосымша) Төлеушілерге шегерімдердің, жарналардың және (немесе) шегерімдердің уақтылы және (немесе) толық төленбегені үшін артық (қате) есептелген сомаларды қайтару ережелері төмендегі <a href="https://adilet.zan.kz/kaz/docs/V1700015361">сілтемеде.</a>
Егер кәсіпкердің табысы болмаса, ол нөлдік кіріс тапсырады. Бұл жағдайда қалай болады?
&nbsp;Егер жеке кәсіпкер нөлдік декларацияны тапсырса, ол өзі үшін жарналарды төлеуге міндетті, себебі мемлекеттік кіріс органдарында жеке кәсіпкер ретінде тіркеу есебінде тұр.
«МӘМС туралы» Заңның 28-бабының 5-тармағына сәйкес ЖК, ШҚ иелерінің, жеке практикамен айналысатын адамдардың ай сайынғы төлем мөлшері 2022 жылы 4200 теңгені (1,4 ЕТЖ-дан 5%) құрайды.
&nbsp;«МӘМС туралы» Заңның 31-бабына, 1-тармағына сәйкес, жеке кәсіпкерлер мен жұмыс берушілер төлем жасамаған жағдайда төлем жасалған күнді қоса алғанда, әрбір кешіктірілген күн үшін төленбеген соманың 1,25% мөлшерінде айыппұл салынады.
Тиісінше, егер жеке кәсіпкер салық органдарымен қызметін және салық есептілігін тоқтатқан болса, жұмыс істемесе және кіріс ала алмаса, бірақ сонымен бірге жеке тұлға бола тұра, үш жасқа толғанға дейін бала күту немесе бала күтімі бойынша демалыста болса, онда бұл адам міндетті медициналық сақтандыру үшін жарна төлеуден босатылады.
Ресми түрде жұмыс істейтін адам 56 күндік ұзақ демалысқа шықты. «Сақтандыру» мәртебесін сақтап қалу үшін МӘМС-ке жарнаны қалай төлейді?
Сіздің жұмыс берушіңіз міндетті медициналық сақтандыру төлемдерін дұрыс бөлуі қажет. Егер демалыс бірнеше кезеңді (бір айдан астам) қамтитын болса, онда міндетті медициналық сақтандыру төлемдерін кезеңдерге бөлуі тиіс. Мысалы, сіз тамыз және қыркүйек айларында демалыста болды делік.&nbsp; Бұл жағдайда есепші төлемдерді бір сомада емес, екі түрлі кезеңге (тамыз және қыркүйек) есептеуі керек.

МӘМС-ке артық немесе қате төленген жарналарды қалай қайтаруға болады?

<a href="https://kyzylorda-news.kz/">Kyzylorda-news.kz.</a>&nbsp;Қанша жеке кәсіпкер&nbsp; міндетті әлеуметтік медициналық сақтандыру қорына төлем жасайды?&nbsp; Олар өз қызметкерлері үшін қандай көлемде аударым жасайды және жеңілдік санатына кіретін жұмыскерлер үшін төлем жасай ма? Жеке кәсіпкерлердің осы және өзге де жиі қойылатын 8 сауалына жауап бердік.
«2021 жылы Қорға 632,9 мың жеке кәсіпкерден 15,9 млрд теңге көлемде аударымдар мен жарналар түсті. Биыл медициналық сақтандыруға төлеушілер саны 691,2 мыңға жетті. Олар 5 айда жүйеге 10,3 млрд. теңге төледі. Яғни, біз жеке кәсіпкерлердің өздері және қызметкерлері үшін жауапкершіліктің артқанын байқап отырмыз», – дейді «Әлеуметтік медициналық сақтандыру қоры» КеАҚ жеке және заңды тұлғалармен жұмыс жөніндегі департамент директоры Забира Оразалиева.
<ul>
<li>Жеке кәсіпкерлер міндетті әлеуметтік медициналық сақтандыруға өз пайдасы&nbsp; үшін қанша төлем жасайды?</li>
</ul>
<img src="https://kyzylorda-news.kz/wp-content/uploads/2022/07/2.jpg" alt="" />
Жеке кәсіпкерлер мен жеке практикамен айналысатын азаматтар басқа да әлеуметтік аударымдармен қатар міндетті медициналық сақтандыруға белгіленген жарналарды төлейді.
2022 жылы осы санаттағы төлеушілер үшін жарналардың мөлшері ЕТЖ-ның 1,4 еселенген мөлшерінің 5%-ын немесе ай сайын 4 200 теңгені құрады. (60&nbsp;000*1,4) *5% = 4&nbsp;200 теңге
Қалай төлейді?
Жеке кәсіпкер ретінде өзі үшін МӘМС төлемін екінші деңгейдегі банктің кез келген бөлімшесі арқылы, оның ішінде мобильді қосымшалар арқылы, сондай-ақ “Қазпошта” АҚ, Касса 24 және Qiwi әмиян өзіне-өзі қызмет көрсету терминалдары арқылы аударуға болады. Төлем коды (ТК) – 122.
Сіз ай сайын да, ұзақ мерзімге де алдын ала төлем жасай аласыз. &nbsp;
<img src="https://kyzylorda-news.kz/wp-content/uploads/2022/07/3.jpg" alt="" />
2-3 жұмыс күні ішінде қаражаттың қайтарылуын міндетті түрде тексеріңіз.
Егер ЖСН немесе аты-жөні, төлем сомасы дұрыс көрсетілмеген болса немесе 10 ЕТЖ-дан асатын аударым базасы асып кетсе, жарналар қайтарылуы мүмкін.
<ul>
<li>Жеке кәсіпкерлер ретінде жұмыс берушілер медициналық сақтандыруға қанша төлейді?</li>
</ul>
Егер жеке кәсіпкердің жалдамалы қызметкерлері болса, онда олар жұмыс беруші ретінде төлемдер бойынша жауапты болады.
Аударымдар (жұмыс берүші қаражаты есебінен) – қызметкерлердің жалақысының 3% мөлшерінде, бірақ 18 мың теңгеден аспайды.
Жарналар (қызметкердің жалақысынан ұстап қалу) – қызметкерлердің жалақысынан 2% мөлшерінде, бірақ 12 мың теңгеден аспайды.
<img src="https://kyzylorda-news.kz/wp-content/uploads/2022/07/4.jpg" alt="" />
Мысалы:
N қызметкерге 2022 жылғы шілде айына 100 000 теңге сомасында жалақы есептелді. Бұл жағдайда қызметкер аударымдарының сомасы 2 мың теңгені құрайды, жұмыс беруші өз тарапынан 3 мың теңге аударады. Яғни, әр қызметкердің жалақысының мөлшеріне байланысты болады.
Қалай төлем жасауға болады?
Жеке кәсіпкер қызметкерлері үшін МӘМС төлемін банктің кез келген бөлімшесі, оның ішінде мобильді қосымшалар және «Қазпошта» АҚ арқылы аударуға болады. Төлем коды (ТК): 121.
<ul>
<li>Егер жеке кәсіпкер жеңілдік санатына кіретін болса, МӘМС үшін ақы төлеу қажет пе?</li>
</ul>
Жеке кәсіпкер өзі немесе оның жалдамалы қызметкерлері келесі санаттарда болған жағдайда жарналар мен аударымдарды төлемейді:
<ul>
<li>балалар (18 жасқа дейінгі);</li>
<li>зейнетақы төлемдерін алушылар, оның ішінде Ұлы Отан соғысының қатысушылары мен мүгедектері;</li>
<li>«Алтын алқа», «Күміс алқа» алқаларымен наградталған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен наградталған көп балалы аналар;</li>
<li>мүгедектер;</li>
<li>орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алатын адамдар.</li>
</ul>
<img src="https://kyzylorda-news.kz/wp-content/uploads/2022/07/5.jpg" alt="" />
<ul>
<li>Декреттік демалыстағы әйел жеке кәсіпкер болса, МӘМС үшін төлем жасауы керек пе?</li>
</ul>
Егер әйел жеке кәсіпкер болса, онда ол өзі үшін 4 200 теңге мөлшерінде белгіленген жарнаны төлейді.
Бұл санаттағы әйелдер жеңілдік санатына кәсіпкерлік немесе еңбек қызметін жүзеге асырмайтын, табысы жоқ кезде кіреді.
Егер жеке кәсіпкер жұмыс жасамаса (кірісі болмаса), онда салық органдарында кәсіпкерлігін тоқтата тұру үшін тиісті рәсімдерді жүргізу қажет.
<ul>
<li>Егер жеке кәсіпкер зейнеткер немесе мүгедек болса, ол медициналық сақтандыру үшін жарна төлеуі керек пе?</li>
</ul>
Жоқ. Мүгедектігі бар адамдар МӘМС жарналарын төлеуден толық босатылған азаматтардың жеңілдік санатына жатады, оның ішінде жеке кәсіпкер ретінде де. Сондай-ақ, Қазақстандағы қордан зейнетақы алушылар да МӘМС жарналарын төлеуден босатылды.
<ul>
<li>Бір мезгілде жалдамалы қызметкер болып табылатын жеке кәсіпкер медициналық сақтандыруға жарна төлей ме?</li>
</ul>
Иә. Бұл жағдайда «МӘМС туралы» Заңның 28-бабының 3 және 5-тармақтарына сәйкес төлеуші өзінің жалақысының 2%-ын жалдамалы қызметкер ретінде және ЕТЖ-нің 1,4 еселенген мөлшерінің 5% – ын жеке кәсіпкерр ретінде 4 200 теңге төлейді.
<img src="https://kyzylorda-news.kz/wp-content/uploads/2022/07/6.jpg" alt="" />
Жеке кәсіпкер қызметі тоқтатылған жағдайда, ҚР Салық заңнамасына сәйкес, МӘМС жарналарын кәсіпкер ретінде төлемеуі тиіс. &nbsp;
<ul>
<li>Жеке кәсіпкерге МӘМС жарналарын төлемегені үшін өсімпұл салына ма?</li>
</ul>
Иә. Төлем күнін қоса алғанда, мерзімі өткен әрбір күн үшін қайта қаржыландыру мөлшерлемесінің 2,5 еселенген мөлшерінде өсімпұл есептеледі.
Өсімпұлды болдырмау үшін жалдамалы қызметкерлері болса, жарналар мен аударымдарды уақтылы төлеу қажет. Есепті кезеңнен кешіктірмей, яғни кірістер төленген айдан кейінгі айдың 25-күнінен кешіктірмеу керек.
<img src="https://kyzylorda-news.kz/wp-content/uploads/2022/07/7.jpg" alt="" />
<ul>
<li>Жарналарды және (немесе) медициналық сақтандыру қорына аударымдарды төлеуден жалтарған жағдайда қандай шаралар қолданылады?</li>
</ul>
Мемлекеттік кіріс органдары (салық комитеті) аударымдар мен жарналардың уақтылы және толық есептелуіне және аударылуына бақылау жүргізеді.
Егер жеке кәсіпкер жарналарды және (немесе) аударымдарды төлеуден жалтарса, әкімшілік жауапкершілікке тартылады.
Жұмыс берушiлердiң, жеке кәсiпкерлердiң, жеке нотариустардың, жеке сот орындаушыларының, адвокаттардың, кәсiби медиаторлардың мiндеттi медициналық сақтандыруға аударымдарды және (немесе) жарналарды төлемеуi, уақтылы және (немесе) толық төлемеуi – ескерту жасауға әкеп соғады.
<img src="https://kyzylorda-news.kz/wp-content/uploads/2022/07/8.jpg" alt="" />
Бір жыл ішінде ескерту қайталанған жағдайда айыппұл салынады.
<ul>
<li>Шағын кәсіпкерлік субъектілеріне МӘМС төленбеген, уақтылы және (немесе) толық төленбеген аударымдар және (немесе) жарналар сомасының 20%-ы мөлшерінде</li>
<li>орта кәсіпкерлік субъектілеріне-30% мөлшерінде</li>
<li>ірі кәсіпкерлік субъектілеріне-50% мөлшерінде</li>
<li>МӘМС жарналарын және/немесе аударымдарын төлеу кезінде жеке кәсіпкер нені есте сақтауы қажет?</li>
<li>Қаражаттың қайтарылмауы үшін алушының ЖСН мен аты-жөнін дұрыс көрсету керек;</li>
<li>Міндетті түрде медициналық сақтандыруға төлемдердің қабылдануын 2-3 жұмыс күн ішінде тексеру қажет. Егер төлем қайтарылған болса, онда дұрыс ақпаратты көрсете отырып, төлемді қайта жүргізу қажет;</li>
<li>Есепті кезеңнен кешіктірмей салық органдарына есептілікті дайындау және тапсыру керек;</li>
<li>Өз жұмыскерлерін МӘМС төлемінің аударылғаны туралы хабардар ету керек.</li>
</ul>
&nbsp;Сіздер үшін fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot жұмыс істейді. Дәл осы құралдар сақтандырылу мәртебесін тексеруге мүмкіндік береді. Сондай-ақ электрондық үкіметтің egov.kz сайтындағы «Денсаулық сақтау» бөліміне өтіп, «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы медициналық сақтандыру жүйесіндегі өз мәртебеңізді тексеруге мүмкіндік бар.
<img src="https://kyzylorda-news.kz/wp-content/uploads/2022/07/9.jpg" alt="" />
<img src="https://kyzylorda-news.kz/wp-content/uploads/2022/07/10.jpg" alt="" />
<img src="https://kyzylorda-news.kz/wp-content/uploads/2022/07/11.jpg" alt="" />
<img src="https://kyzylorda-news.kz/wp-content/uploads/2022/07/12.jpg" alt="" />
<img src="https://kyzylorda-news.kz/wp-content/uploads/2022/07/13.jpg" alt="" />

Жеке кәсіпкерлер МӘМС жүйесіне жарнаны қалай төлейді?

<a href="https://kyzylorda-news.kz/">Kyzylorda-news.kz.</a> Қазақстанда 6,5 млн. астам бала бар, оның 316 мыңы Қызылорда облысында. Бала дүниеге келгеннен бастап оның денсаулығы ерекше назарға алынады деді Өңірлік коммуникациялар қызметінде өткен баспасөз конференциясында Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.
Әрбір бала үшін мемлекет ай сайын жарналар төлейді. Осының арқасында кішкентай азаматтар МӘМС пакетінде медициналық көмектің кеңейтілген тізіміне қол жеткізе алады. Биыл біздің өңірден 5 жасқа дейінгі балаларға профилактикалық тексеруді жүргізуге 802 млн теңге бөлінді.
<blockquote>
 «Сонымен бірге, МӘМС жүйесі 18 жасқа дейінгі балаларға тістерін шұғыл түрде де, жоспарлы түрде де емдеуге мүмкіндік береді. Бүгінгі таңда аймақта 40 стоматологиялық қызмет жеткізушісі бар. Жыл басынан бері олар 690 млн теңгеге стоматологиялық қызмет көрсетті. Медициналық сақтандыруды енгізумен бірге мектеп медицинасы да жаңа қарқынмен дами бастады», – Бақыт Торғайбайұлы.
</blockquote>
Сондай-ақ, балалар мемлекет бекіткен тегін дәрі-дәрмекпен де қамтамасыз етіледі. 73 нозология бойынша, оның ішінде жүйке жүйесі, жұқпалы аурулар, протозойлы аурулар, гельминтоздар, паразитарлық аурулар, зең инфекциялары, көру органдарының аурулары, есту ағзаларының аурулары, онкология, қатерлі ісіктер, тыныс алу ағзаларының, ас қорыту ағзаларының аурулары, дамудың кідірістері бойынша 371 дәрі-дәрмек пен медициналық бұйымдармен қамтамасыз етіледі. Ал, балаларға жоғары технологияларды қолдана отырып, шұғыл және жоспарлы қымбат оталар тегін жүргізіледі.
<blockquote>
 «Айта кету керек, балаларға медициналық оңалту қызметтері қарастырылған, ал ерекше қажеттіліктері бар балалар үшін «Қамқорлық» оңалту бағдарламасымен көмектер көрсетіледі. Қызылорда қаласындағы көпсалалы облыстық балалар ауруханасы «Қамқорлық» бағдарламасы аясында екінші және үшінші кезеңдерді оңалту қызметтерін көрсетеді. Осы мақсатта 2022 жылға 103,8 млн теңге бөлді. Жалпы, елімізде 34 оңалту орталығы жұмыс істейді, оның 3-і республикалық деңгейде», -деді көп бейінді облыстық аурухананың дәрігері Мереке Беккулиева.
</blockquote>
Бұдан басқа, 18 жасқа дейінгі балалар УДЗ, рентген, КТ және МРТ, ЭКГ тегін өтеді, қажетті талдауларды тапсырады және қажет болған жағдайда басқа консультациялық-диагностикалық қызметтерді ала алады.
<img src="https://kyzylorda-news.kz/wp-content/uploads/2022/07/292034127_1569348230127350_139141606574164282_n.jpg" alt="" />

Қазақстан және Қызылорда облысының жаңалықтары: Денсаулық

Қазалыда «Тұзды ем бөлмесі» қызмет көрсетеді<strong></strong>