<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында COVID-19 вирусын жұқтырған жүкті әйел аман-есен босанды. Бұл туралы ҚР Денсаулық сақтау вице-министрі Ләззат Ақтаева өзінің&nbsp;<a href="https://www.facebook.com/profile.php?id=100001325362982&__tn__=%2CdC-R-R&eid=ARALpW6nsS9k-qCFKH4sIEjjBj2X61rtLHoEwnepVz_tMI5T8zzGUcaHfDa8Y5nJIWseKPXblYQIJY_t&hc_ref=ARQEaleOcID4GvHW51xAasqAi1bqeky88v7Lh-XkoGr7bDmnQ8gSpzZ-cwVEdxwE_y4&fref=nf">Facebook</a>&nbsp;парақшасында жазды.
Вице-минстрдің жазуынша, жүкті әйел 2020 жылдың 8 сәуірі күні келіп түскен. Оның босанатын уақыты жеткен және оған жедел-респираторлы вирусты инфекция диагнозы қойылған. Оның денсаулығын бақылау барысында дене қызуы 38,1 градус қа дейін көтерілген.
COVID-19 вирусына тексеру жүргізілген соң, оның науқас екені анықталған. Әйел баласын аман-есен босанған.
Нәрестенің салмағы 2970,0 гр, бойы 51 см. Баланың денсаулық жағдайы қанағаттанарлық. Нәрестеден де COVID-19 вирусына анализ алынды. Әйелді COVID-19 вирусынан толық емдеп шығару үшін инфекциялық стационарға жатқызылған.
Айта кетейік, кезекші бригада мүшелері медициналық көмек көрсету кезінде күшейтілген қорғаныш құралдарын пайдаланған. Кезекшіліктен соң олар бірден үйдегі карантинге алынған.
<blockquote>
 “Қызылорда облыстық перинатальдық орталығы кезекші бригадасының құрамы мыналар: Ақбота Қоңқабаева – акушер-гинеколог, Әйгерім Еңсепбаева – акушер, Меруерт Аққайырова – неонатолог, Айгүл Тұрғанбаева – балалар медбикесі. Олар – күн сайын қиындыққа қарамастан өз міндеттерін атқарып жүрген біздің заманымыздың батырлары, – деп жазған вице-министр.
</blockquote>
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/covid-19-news/qyzylorda-oblysynda-qawipti-indet-zhuqtyrghandar-100-ge-zhetti-55381/">100 адамға жеткенін</a>&nbsp;хабарлаған болатынбыз.

Қызылорда облысында коронавирус жұқтырған жүкті әйел аман-есен босанды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында бүгін, яғни, 9 сәуірдегі 22:55-те анықталған коронавирустық инфекция жұқтырған 8 науқастың екеуі – Қызылорда қаласынан болса, алтауы – Сырдария ауданынан екендігі анықталды. Бұл туралы облыстық Денсаулық сақтау басқармасы мәлімдеді.
<blockquote>
 «Ауру жұқтырған 8 науқастың екеуі – Қызылорда қаласынан, алтауы – Сырдария ауданында тіркелді. Барлығы жұқпалы аурулар ауруханасына ауыстырылып жатыр. Сырдария ауданында анықталған науқастардың ең жасы – 2002 жылғы қыз бала болса, ең үлкені – 50 жастағы ер адам. Ал, Қызылорда қаласындағы науқастар 1989 және 1992 жылғы ер адамдар. Қазіргі таңда науқастардың жағдайлары қанағаттанарлық. Бекітілген алгоритмге сәйкес науқастармен қарым-қатынаста болған адамдар анықталып, барлығы медициналық бақылауға алынуда», – деп мәлімдеді аталған басқарманың баспасөз қызметі.
</blockquote>
Сондай-ақ, ауру ошақтарында эпидзерттеу жұмыстары, дезинфекциялық жұмыстар жүргізілуде.
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/covid-19-news/qyzylorda-oblysynda-qawipti-indet-zhuqtyrghandar-100-ge-zhetti-55381/">100 адамға жеткенін</a>&nbsp;хабарлаған болатынбыз.
Оның ішінде, Қызылорда қаласында – 12, Жаңақорған ауданында – 16 жағдай, Қармақшыда – 4, Шиеліде – 52, Сырдарияда – 14, Арал ауданында – 2 жағдай тіркеліп отыр.<a href="https://connect.mail.ru/share?url=https%3A%2F%2Fkyzylorda-news.kz%2Fcovid-19-news%2Fcovid-19-shieli-awdanynda-47-shi-nawqas-tirkeldi-55186%2F&title=COVID-19%3A%20%D0%A8%D0%B8%D0%B5%D0%BB%D1%96%20%D0%B0%D1%83%D0%B4%D0%B0%D0%BD%D1%8B%D0%BD%D0%B4%D0%B0%2047-%D1%88%D1%96%20%D0%BD%D0%B0%D1%83%D2%9B%D0%B0%D1%81%20%D1%82%D1%96%D1%80%D0%BA%D0%B5%D0%BB%D0%B4%D1%96%20%E2%80%93%20Kyzylorda%20News&utm_source=share2"></a>

COVID-19: соңғы анықталған науқастар – Қызылорда қаласы мен Сырдария ауданынан

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 100 адамға жетті, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-9-sauirdin-22-55-uakytyndagy-epidemiologiyalyk-zhagday_a3636135">coronavirus2020.kz</a>.
9 сәуір 22:55-тегі мәлімет бойынша елімізде коронавирустық инфекцияны жұқтырған тағы 17 адам тiркелді: Алматы қаласында – 1 адам, Ақмола облысында – 4 адам, Павлодар облысында – 2 адам, Қызылорда облысында – 8 адам, Нұр-Сұлтан қаласында – 2 адам.
<blockquote>
 “Осы сағатта Нұр-Сұлтан қаласы бойынша 225 адам, Алматы қаласында – 122 адам, Қарағанды облысында – 57 адам, Ақмола облысында – 60 адам, Атырау облысы – 42 адам, Жамбыл облысында – 45 адам, Шымкент қаласында – 27 адам, Шығыс Қазақстан облысында – 6 адам, Алматы облысында – 10 адам, Ақтөбе облысында – 11 адам, Солтүстік Қазақстан облысында – 25 адам, Павлодар облысында – 3 адам, Маңғыстау облысында – 7 адам, Қызылорда облысында – 100 адам, Батыс Қазақстан облысында – 4 адам, Түркістан облысында – 34 адам, Қостанай облысында – 3 адам, жалпы 781 науқас тіркелді“, – делінген аталған ақпаратта.
</blockquote>

Қызылорда облысында қауіпті індет жұқтырғандар саны 100-ге жетті

<a href="https://kyzylorda-news.kz/">Kyzylorda-news.kz.</a> 2020 жылдың 3 сәуірінде Қазақстан Республикасы Сауда және интеграция, Ауыл шаруашылығы және Ұлттық экономика министрліктерінің «Әлеуметтік маңызы бар азық-түлік тауарларына шекті бөлшек сауда бағаларын енгізу туралы» бірлескен бұйрығымен 9 түрлі азық-түлік тауарларына шекті бөлшек бағалары бекітілді.
Осыған орай, ҚР Әкімшілік құқық бұзушылық туралы кодексінің 202-бабына сәйкес сауда субъектілерінің әлеуметтік маңызы бар азық-түлік тауарларына белгіленген шекті бағаларды арттыруы – жүз айлық есептік көрсеткіш (265 100 теңге), жаза қолданылғаннан кейін бір жыл ішінде қайталап жасалған әрекет – екі жүз айлық есептік көрсеткіш (530 200 теңге) мөлшерінде айыппұл салуға әкеп соғады.
<img src="https://kyzylorda-news.kz/wp-content/uploads/2020/04/azyk-twlik-kaz-ishine.jpeg" alt="" />

Төтенше жағдай: 9 түрлі азық-түлік тауарларына шекті бөлшек бағалары бекітілді

<a href="https://kyzylorda-news.kz/">Kyzylorda-news.kz.</a> Австралиялық Монаш университетінің және Мельбурндегі корольдік госпитальінің&nbsp;ғалымдары&nbsp;антипаразитарлы препараттың әсері коронавирустың рекордтық мерзімде таралуын бәсеңдететінін анықтады,&nbsp;деп хабарлайды&nbsp;<a href="https://stan.kz/koronavirusti-48-sagat-ishinde-emdeytin-preparat-tabild-329620/">Stan.kz</a>.
Зерттеу туралы деректер Antiviral Research басылымында жарияланды.
Аталмыш препараттың вирусқа қарсы әсері бар және 48 сағатқа дейін жасуша популяциясында SARS-CoV-2 көбеюін тежей алатыны анықталыпты.
Зертханалық жағдайда зерттеушілер коронавирус жұқтырған жасушаға ивермектиннің әсерін талдады, олар жұқтырғаннан кейін екі сағаттан кейін дәріні қосты. Бір препараттың бір дозасының арқасында 24 сағаттан кейін вирустық РНҚ&nbsp;саны 93%-ға, ал екі тәуліктен кейін – 99%-ға төмендегені анықталды.
Зерттеушілердің мәліметтері бойынша, 48 сағаттан кейін бұл нәтиже бақылау үлгілерімен салыстырғанда ивермектинмен өңделген жасушаларда вирусты РНҚ-ның 5000 есе төмендеуіне дейін артты.
Бұл ретте эксперимент кезінде ивермектин үлгілерге улы әсер еткен жоқ.
Ғалымдар олардың жұмысы коронавирусты жұқтыру жағдайында дәрі-дәрмектерді қолдану үшін зерттеуді бастауға көмектеседі деп үміттенеді.
Олардың пікірінше, ивермектин SARS-CoV-2 вирустық жүктемесін төмендетуге, ауру кезіндегі асқынулардың дамуын болдырмауға және инфекцияның адамнан адамға берілуін шектеуге көмектесе алады.

Коронавирусты 48 сағат ішінде емдейтін препарат табылды

<a href="https://kyzylorda-news.kz/">Kyzylorda-news.kz</a>. Мичиганнан шыққан америкалық ғалымдар көптеген жылдар бойы басқа коронавирустарды бақылап келген. Мамандардың мәліметінше, танымал 7 коронавирустың төртеуі адамда тұмауға ұқсас маусымдық індет тудырады екен деп хабарлайды <a href="https://kaz.nur.kz/1849823-galymdar-koronavirus-pandemiasyny-rsui-mmkin-kezedi-atady.html">NUR.KZ</a>.
2010 жылы ғалымдар жұқтырған кезде жеңіл белгілерді тудыратын төрт коронавирустың (OC43, 229E, HKU1 және NL63) таралуын бақылай бастаған. Қазіргі уақытта ғалымдар SARS-CoV-2 таралуын бақылап отыр.
Коронавирустың көп дерегі желтоқсан мен сәуір-мамыр айларының аралығында тіркеледі деп күтілген. Дегенмен вирустың өршуі қаңтар-ақпан айында байқалған. Тек 2,5%-ы ғана маусым мен қыркүйек айларында болуы ықтимал.
Маусымдық коронавирустар COVID-19 инфекциясын тудыратын SARS-CoV-2-мен байланысты. Алайда жаңа коронавирустың дәл осылай әрекет ететін не әрекет етпейтіні әлі белгісіз делінген баспасөз хабарламасында.
Жапондық ғалымдардың COVID-19 инфекциясының белгілерінсіз ауырғандардан өкпенің зақымдалуы анықталғанын мәлімдегені туралы жазған едік.
Олар Diamond Princess круиздік лайнерінің 76 жолушысында ауру белгілері болмағанын, алайда арасындағы 41 адамның өкпесі зақымдалғаны анықталған.
Ол зақымдалу «күңгірт шыны эффектісі» деп аталады.

Ғалымдар коронавирус пандемиясының өршуі мүмкін кезеңді атады

<a href="https://kyzylorda-news.kz/">Kyzylorda-news.kz</a>. Короновирус инфекциясынан сақтану және алдын алу бағытында Арал ауданында қауіпсіздік шаралары күшейтілді.
Қазір дерттің таралуын болдырмау үшін тұрғындар көпшілік орындардан оқшауланып, үйде болуы қажет.
Сондай-ақ, тұрғындардың тек қажеттілігіне қарай көшеге шығуына рұқсат етіліп, белгіленген уақыттан кейін автокөліктердің жүруіне де шектеу қойылды.
Бүгін аудан прокуроры Асхат Тәженов пен аудандық полиция бөлімінің бастығы Әміржан Өтегенов төтенше жағдай және карантиндік режимге сәйкес енгізілген талаптар мен шектеулер жөнінде түсіндірме жұмыстарын жүргізді.
Аталған азаматтар қала көшелері мен сауда орталықтарын аралап, автокөлік жүргізушілері мен тұрғындарға бекітілген талаптарды қатаң сақтап, жауапкершілікпен қарауға шақырып, арнайы әзірленген үнпарақтар мен жадынамаларды таратты.
Еске салайық, елімізде төтенше жағдайдың жариялануына байланысты мемлекеттiк орган белгiлеген режимдi бұзу немесе талаптарды орындамау дерегі анықталса, қолданыстағы заңнамаға сәйкес он айлық есептiк көрсеткiш мөлшерiнде айыппұл салынады немесе он бес тәулікке дейін әкімшілік қамаққа алынады.
<img src="https://kyzylorda-news.kz/wp-content/uploads/2020/04/aral-kaz-2.jpeg" alt="" />
<img src="https://kyzylorda-news.kz/wp-content/uploads/2020/04/aral-kaz-3.jpeg" alt="" />

Коронавирус: Арал ауданында қауіпсіздік шаралары күшейтілді

<a href="https://kyzylorda-news.kz/">Kyzylorda-news.kz.</a> Қызылорда облысында коронавирустық инфекцияны жұқтырған науқастар саны 92 адамға жетті. Бүгін соңғы тәулікте жаңадан анықталған 23 жағдайдың мән-жайын облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте айтып берді.
<blockquote>
 «Қазіргі таңда Қызылорда облысында коронавирустық инфекцияны жұқтырған 92 жағдай тіркелді. Соңғы тәулікте жаңадан 23 жағдай анықталды. Оның 17 – Шиелі, 4 – Сырдария, 1 – Арал аудандарынан және 1 науқас – Қызылорда қаласынан. Осы науқастардың барлығы жұқпалы аурулар ауруханасына ауыстырылып, тиісті емдерін қабылдауды бастады», – деді Жақсылық Абдусаметов.
</blockquote>
Оның айтуынша, облысымыздағы жұқпалы аурулар ауруханасында – 92 адам, правизорлық стационарда – 55, карантинде – 416 адам ем қабылдап жатыр. Барлығының жағдайы қанағаттанарлық.
Ал, Covid-19 індетін жұқтырған өңірдегі 92 науқаспен байланыста болғандардың жалпы саны – 1143.&nbsp;Оның ішінде, жақын қарым-қатынаста болғандар саны – 564, потенциалды байланыста болғандар – 579 адамды құрап отыр. Бүгінгі таңда барлығы бақылауға алынып, оқшауланған.
Басқарма басшысы атап өткендей, Қызылорда облысына қауіптілік деңгейі 1 (Б) елдерінен 113 адам келген. Оның барлығы үй карантинінде бақылауда.
Брифингте Жақсылық Әбілқасымұлы мәлімдегендей, облысымыздағы жағдай күннен күнге күрделеніп барады.
<blockquote>
 «Облысымыздағы ахуал күннен күнге күрделеніп барады. Бір тәулікте 23 жағдайдың анықталуы – дабыл қақтыратын жағдай. Өңіріміздің тұрғындары бұл мәселені түйсініп, дұрыс шешім шығармағаннан кейін осындай оқиғамен бетпе-бет келіп отырмыз. Қайталап айтатынымыз – тұрғындар карантин тәртібін сақтауы керек. Барлық өңір тұрғындары, елді мекендерде түсіндіру жұмыстары жүргізілгеніне қарамастан, карантин талаптарына мән берілмей келеді», – деді басқарма басшысы.
</blockquote>
Бүгінгі күнде облыс аудандарының арасынан бір ғана Шиелі ауданында 52 жағдай анықталып, жаға ұстатарлық жағдайға жетті. Басқарма басшысы, мұның себебін – аудан тұрғындарының бейқамдығымен түсіндірді.
<blockquote>
 “Соңғы тәулікте Шиелі ауданында 52-ші науқас тіркелді. Оның 43 – 1 ауылдан. Бұл әлі күнге дейін бейқамдықты көрсетеді. Неге әрбір азамат өзін, отбасын қауіпті індеттен қорғауға әрекет етпейді? Бір адам бүкіл ауылға жұқтыруы мүмкін. Облысымыздың әрбір тұрғыны елін, ұжымын, отбасын сақтауға мән беруі қажет. Баршаңызға бір ғана сұрағым бар: Сіз осы індеттің алдын алуға қандай үлес қостыңыз? Облысымызда қауіпті індеттің таралмауына әрқайсысымыз жауаптымыз!”, – деді ол.
</blockquote>

COVID-19: 43 науқас – Шиелі ауданындағы бір ауылдан

<a href="https://kyzylorda-news.kz/">Kyzylorda-news.kz.</a> Қызылорда облысында коронавирустық инфекцияны жұқтырған науқастар саны 92 адамға жетті.
Соңғы тәулікте жаңадан 23 жағдай анықталды. Оның 17 – Шиелі, 4 – Сырдария, 1 – Арал аудандарынан және 1 науқас – Қызылорда қаласынан. Осы науқастардың барлығы жұқпалы аурулар ауруханасына ауыстырылып, тиісті емдерін қабылдауды бастады.

Қызылорда облысында қауіпті індет жұқтырғандар саны 92 болды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында бүгін, яғни, 8 сәуірдегі 22:35-те анықталған коронавирустық инфекция жұқтырған 9 науқастың барлығы да – Шиелі ауданынан екендігі анықталды. Бұл туралы облыстық Денсаулық сақтау басқармасы мәлімдеді.
<blockquote>
 «Ауру жұқтырған 9 науқастың барлығы Шиелі ауданында тіркелді. Олардың үшеуі – ер адам, алтауы – әйел адам. Ең жасы – 2012 жылғы қыз бала, ең үлкені – 1944 жылғы ер адам. Қазіргі таңда науқастардың жағдайлары қанағаттанарлық. Бекітілген алгоритмге сәйкес науқастармен қарым-қатынаста болған адамдар анықталып, барлығы медициналық бақылауға алынуда», – деп мәлімдеді аталған басқарманың баспасөз қызметі.
</blockquote>
Сондай-ақ, ауру ошақтарында эпидзерттеу жұмыстары, дезинфекциялық жұмыстар жүргізілуде.
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/covid-19-news/koronavirws-qyzylorda-oblysynda-nawqastar-sany-85-ke-zhetti-55179/">85 адамға жеткенін</a>&nbsp;хабарлаған болатынбыз.
Оның ішінде, Қызылорда қаласында – 9, Жаңақорған ауданында – 16 жағдай, Қармақшыда – 4, Шиеліде – 47, Сырдарияда – 7, Арал ауданында – 2 жағдай тіркеліп отыр.

COVID-19: Шиелі ауданында 47-ші науқас тіркелді

<a href="https://kyzylorda-news.kz/">Kyzylorda-news.kz.</a>&nbsp;&nbsp;Қызылорда облысында коронавирустық инфекцияны жұқтырғандар саны 76 адамға жетті, деп хабарлайды&nbsp;www.coronavirus2020.kz.
8 сәуір 22:35-тегі&nbsp;мәлімет бойынша, қауіпті індетті жұқтырған тағы 9 адам Қызылорда облысында тiркелді.
<blockquote>
 «Осы сағатта Нұр-Сұлтан қаласы бойынша 223 адам, Алматы қаласында – 119 адам, Қарағанды облысында – 55 адам, Ақмола облысында – 43 адам, Атырау облысы – 36 адам, Жамбыл облысында – 45 адам, Шымкент қаласында – 23 адам, Шығыс Қазақстан облысында – 6 адам, Алматы облысында – 10 адам, Ақтөбе облысында – 11 адам, Солтүстік Қазақстан облысында – 25 адам, Павлодар облысында – 1 адам, Маңғыстау облысында – 6 адам, Қызылорда облысында – 85 адам, Батыс Қазақстан облысында – 2 адам, Түркістан облысында – 34 адам, Қостанай облысында – 3 адам, жалпы 727 науқас тіркелді“, – делінген аталған хабарламада.
</blockquote>

Коронавирус: Қызылорда облысында науқастар саны 85-ке жетті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында бүгін, яғни, 8 сәуірдегі 21:15-те анықталған коронавирустық инфекция жұқтырған 4 науқастың үшеуі – Шиелі, біреуі – Арал ауданынан екендігі анықталды. Бұл туралы облыстық Денсаулық сақтау басқармасы мәлімдеді.
<blockquote>
 «Жаңа тіркелген «Covid-19″ вирусын жұқтырғандардың үшеуі – Шиелі, біреуі – Арал ауданында тіркеліп отыр. Барлығы алдыңғы анықталған науқас адамдармен тығыз қарым-қатынаста болуына байланысты карантиндік бақылауға алынған азаматтар болып табылады. Қазіргі таңда барлығы жұқпалы аурулар бөліміне ем алуға ауыстырылды», – деп мәлімдеді аталған басқарманың баспасөз қызметі.
</blockquote>
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/covid-19-news/koronavirws-qyzylorda-oblysynda-nawqastar-sany-76-boldy-55151/">7</a><a href="https://kyzylorda-news.kz/covid-19-news/koronavirws-qyzylorda-oblysynda-nawqastar-sany-76-boldy-55151/">6 адамға жеткенін</a>&nbsp;хабарлаған болатынбыз.
Оның ішінде, Қызылорда қаласында – 9, Жаңақорған ауданында – 16 жағдай, Қармақшыда – 4, Шиеліде – 38, Сырдарияда – 7, Арал ауданында – 2 жағдай тіркеліп отыр.

Қазақстан және Қызылорда облысының жаңалықтары: COVID-19