<a href="http://kyzylorda-news.kz/">Kyzylorda-news.kz.</a> Елбасы Нұрсұлтан Назарбаев коронавируске байланысты оқшауланды. Бірақ жұмысын қашықтан жалғастыруда.
<blockquote>
 «Қазіргі кезде Қазақстанның Тұңғыш Президенті өзін-өзі оқшаулады. Өкінішке қарай, Елбасының коронавирус инфекциясына тапсырған соңғы сынамасы оң нәтиже көрсетті. Алайда, алаңдауға негіз жоқ. Нұрсұлтан Назарбаев қашықтан жұмыс істеуді жалғастыруда», – делінген Елбасының&nbsp;<a href="https://elbasy.kz/ru/news/2020-06/informacionnoe-soobschenie">ресми сайтында.</a>
</blockquote>
Сондай-ақ бұл туралы Twitter-дегі парақшасында Тұңғыш Президенттің баспасөз хатшысы&nbsp;<a href="https://twitter.com/Aidos_Ukibay/status/1273510069565558784">Айдос Үкібай жазды.</a>

Нұрсұлтан Назарбаев коронавирус жұқтырды

<a href="http://kyzylorda-news.kz/">Kyzylorda-news.kz.</a> Қазақстанда демалыс күндері – 20-21 маусым аралығында шектеу шаралары күшейтіледі. Бұл туралы Премьер-министр Асқар Маминнің төрағалығымен өткен кеңесте айтылды.
Нұр-Сұлтан, Алматы, Қарағанды, Шымкент, Павлодар және Екібастұз қалалары бойынша:
– сауда орталықтарының, сауда үйлерінің, желілік дүкендердің, жабық азық-түлік және азық-түлік емес базарлардың, базарлардың қызметі тоқтатылады
-қоғамдық тамақтану объектілерінің көше форматындағы ашық ауада жұмыс істеуіне әлеуметтік қашықтықты сақтай отырып рұқсат етіледі
– қоғамдық көлік жұмысы шектеледі
– қоғамдық орындардың, саябақтардың, скверлердің, жағалаулардың, жағажайлардың, аквапарктердің жұмыс істеуі тоқтатылады
– фитнес-орталықтардың қызметі тоқтатылады
– 65 жастан асқан адамдардың көшеге шығуы шектеледі.
2. Саны 50 мың адамнан асатын елді мекендерде:
– қоғамдық орындардың: саябақтардың, скверлердің, жағалаулардың, аквапарктердің жұмыс істеуі тоқтатылады;
-65 жастан асқан адамдардың көшеге шығуы шектеледі.
3. Нұр-Сұлтан, Алматы, Қарағанды, Шымкент, Павлодар және Екібастұз қалаларына аумақтық жақын орналасқан туристік аймақтарға кіру жабылады, ал аталған аймақтардағы адамдарға – әлеуметтік қашықтықты сақтау.

Қазақстанда демалыс күндері шектеу шаралары күшейтіледі

<a href="http://kyzylorda-news.kz/">Kyzylorda-news.kz.</a> Әлемді жайлаған жұқпалы індеттің өршуі кейінгі күндері елімізде күрделі сипат алып тұр. Күні кеше облыстың бас мемлекеттік санитариялық дәрігерінің қаулысы шықты. Бірқатар салаларда сақтық шаралары қайта пысықталды.
Карантин кезінде әсіпкерлер үшін аса үлкен мәселелердің бірі ғимаратты жалға алу ақысы болды. Карантин жағдайында жұмысын тоқтатуға мәжбүр болған кәсіпкерлердің басым бөлігі жалдау ақысын төлеуге келгенде қауқарсыз екені байқалды. Кәсіпті дамыту үшін деп алған несиелері, 2 айға жуық уақыт жұмыссыз отыру айтарлықтай қаржылық қиындықтарға алып келді.
Жергілікті атқарушы органмен бірге ғимараттарын жалға беріп отырған кәсіпкерлермен келіссөздер жүргіздік. Бұл азаматтарды да түсінуге болады. Ғимаратты ұстап тұру, қызметкерлердің жалақысы, коммуналдық төлем сынды шығындары бар. Дегенмен, жағдайды әріптестеріміз де жақсы түсініп отыр. Кәсіпкерлер палатасына төтенше жағдай кезінде 85 кәсіпкерден жалға алу құнына қатысты көмек көрсетуді сұраған өтініштер түсті. Келіссөздер барысын- да облыс бойынша көлемі 2000 шаршы метрден асатын ғимараты бар отыздан астам кәсіпкер жалға алушы 1823 бизнес өкіліне жеңілдік жасайтынын жеткізді. Келіссөздердің басы-қасында болған жергілікті атқарушы органдарға да, ғимарат иелеріне де ай- тар алғысымыз шексіз.
Атап айтқанда, 9 сауда нысаны 267 жалға алушыға 100 процент, 2 сауда үйі 127 кәсіпкерге 50%, 1 сауда үйі 57 кәсіп иесіне 30%, 12 сауда нысаны 1372 бизнес өкіліне 20% жалдау ақысына жеңілдік жасады.
Кәсіпкерлерді төтенше жағдай кезінде 100% жалдау ақысынан босатқан әріптестерімді атап айтқым келеді. Олар: Жаңақорған ауданында «Нұр» базары, «Нұр-Асыл», «Аркен» сауда үйлері, Қазалы ауданында «Мусаев», «ОрынАй», «Ару-Илия» базарлары мен «Береке», «Бәйтерек» сауда үйлері, Қызылорда қаласында «Сәулет» базары иелері. Бұл да бизнестің әлеуметтік жауапкершілігін көрсетеді.
Мемлекет басшысы Қасым-Жомарт Тоқаев Төтенше жағдай режимін қамтамасыз ету жөніндегі мемлекеттік комиссияның қорытынды отырысында сөйлеген сөзінде отандық тауар өндірушілерді қолдауға бағытталған мемлекеттік сатып алудың ерекше тәртібі осы жылдың тамыз айына дейін жалғасатындығын жеткізген болатын.
Елімізде енгізілген төтенше жағдайдан кейін мемлекеттік сатып алудың нормативтік құжаттарына да, атап айтқанда, осы жылдың 20 наурызында Үкіметтің №127 Қаулысымен төтенше жағдай кезеңінде әрекет ететін Мемлекеттік сатып алудың арнайы тәртібіне өзгерістер енгізілді.
Қаулыдағы кәсіпкерлер үшін маңызды бөлігіне тоқталсақ.
– Әлеуетті өнім беруші міндеттемесін толық орындаған жағдайда төлем 5 күн ішінде жүзеге асырылады.
– Әлеуетті өнім берушілерге төтенше жағдайды енгізу салдарынан туындаған жағдайлар бойынша (шартқа қол қоюдан жалтару, сондай-ақ оны орындамау не тиісінше орындамау) жосықсыз қатысушылардың тізіліміне енгізу жөніндегі айыппұл санкциялары мен шаралар қолданылмайды.
– Төтенше жағдай кезеңінде барлық тауарлар бірінші кезекте отандық тауар өндірушілер арасында арнайы тәртіп шеңберінде 3 күнге дейін қысқартылған мерзімде баға ұсыныстарын сұрату тәсілімен сатып алынады. Бұл сатып алуда шетелдік өндіріс тауарларын жеткізуге жол берілмейді.
– Мұндай тауарларды жеткізу кезінде тауар өндірушілер СТ-КZ сертификаттарын ұсынуға міндетті.
Президенттің тапсырмасына сәйкес, бұл кезеңде отандық тауарөндірушілерден алу талабы бірінші орында.
Осыған сәйкес отандық тауарөндірушілердің тізбесін Индустрия және инфрақұрылымдық даму министрлігі «Атамекен» ҰКП-мен бірлесіп қалыптастырып, www.goszakup.gov.kz веб-порталына орналастырды.
Бұл ретте, егер мемлекеттік сатып алуға тауарөндірушілер қатыспаған болса, онда одан әрі жалпыға бірдей белгіленген тәртіппен жүзеге асырылады.
Арнайы тәртіп шеңберінде бір көзден алу тәсілі мемлекеттік сатып алу мәселелері жөніндегі ведомстволық комиссия айқындаған тауарлар, жұмыстар мен қызметтер бойынша ғана қолданылады. Яғни, бүгінгі күні мемлекетке қажетті медициналық өнімдер, азық-түлік өнімдерінің тізбесі веб-порталда орналастырылған.
Арнайы конкурс жұмыспен қамтудың 2020-2021 жылдарға арналған Жол картасымен көзделген жұмыстар мен көрсетілетін қызметтерді және жедел, кідіріссіз және маусымдық сипаттағы жұмыстар мен көрсетілетін қызметтерді мемлекеттік сатып алу кезінде қолданылады.
Бұл тәсілде конкурстық құжаттама жобасын алдын ала талқылау, камералдық бақылау шеңберінде алдын ала рұқсат беру және шағымдану рәсімдері болмайды. Соған сәйкес конкурсты өткізу мерзімі 7 жұмыс күнін құрайды (бұрын 40-60 күн аралығында болған).
Талап бойынша сомасы 20 мың айлық есепті көрсеткіштен асқан келісімшарттарда өтінімді, сатып алу туралы шарттың орындалуын, аванс сомаларын енгізу талаптары қолданылмайды.
Төтенше жағдай кезінде бизнеске қолдау көрсету мақсатында қабылданған Үкіметтік қаулылар негізге алына отырып, облыс көлемінде салықтар мен төлемдер бойынша бизнес-субъектілеріне 6,5 млрд теңге шамасында жеңілдік берілді.
Айтылған мәселе, осы жылдың 20 наурызынан бастап 31 желтоқсанға дейін өңірде алаңы 2000 шаршы метрден кем емес 29 ірі сауда нысаны, 3 ойын-сауық орталығы, 2 театр, 2 көрме залы, 8 спорт құрылыс жайлары мүлікке салынатын салыққа «0» коэффициент мөлшерін қолданады. Сондай-ақ, 37 ауылшаруашылық өнімін өндірушілер жер салығынан босатылғаны туралы хабарланды.
Осы жылдың 1 сәуірінен 1 қазанға дейін аймақтағы әуежай терминалы, 20 жеке практикамен айналысатын тұлға, 201 қоғамдық тамақтандырумен, 43 қонақ үй қызметімен айналысатын кәсіпкерлер мүлік салығынан босатылып отыр. Бұл, әрине, кәсіпкерлерлік субъектілері еңбекақыдан ұсталатын салықтан, әлеуметтік төлемдерден миллиондаған қаржысын үнемдейді деген сөз.
Ал, кәсіпкерлік нысандарында сақтық шараларын сақтау жөнінде тұрақты ескеріліп отыр.
Ғалымбек ЖАҚСЫЛЫҚОВ,
Қызылорда облыстық Кәсіпкерлер палатасының директоры.

Ғалымбек Жақсылықов: Кәсіпкерлік нысандарында сақтық шаралары қатаң сақталуы қажет

Kyzylorda-news.kz. Қызылорда облысында коронавирус инфекциясымен тіркелген симптомды науқастар саны – 532, ал симптомсыз- 196 азамат. Ал індеттен айығып шыққандар саны 465-ке жетті. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Симптомды жаңа 17 жағдайдың 13-і скринингтен, 2-еуі өз еркімен ақылы тест сынамасын тапсырған, ал қалған 2-еуі індет жұқтырған азаматпен байланыста болған. Сондай-ақ, соңғы тәулікте симптомсыз коронавирус инфекциясының 31 дерегі анықталды. Оның 10-ы скринингтен, 11-і қарым-қатынас арқылы , 10-ы ақылы тест сынамасын тапсырғаннан анықталды», – деді Жақсылық Әбілқасымұлы.
</blockquote>
Сондай-ақ, вирус жұқтырғандармен байланыста болған- 6064 азамат анықталды. Оның ішінде, 3700-і тікелей қарым-қатынаста, 2364-і жанама байланыста болған.
Құрметті облыс тұрғындары, карантиндік шараларды қатаң сақтап және бетперде киюді жалғастыра беруге шақырамыз.

Соңғы тәулікте симптомды 17, симптомсыз 31 жағдай тіркелді

<a href="https://kyzylorda-news.kz/">Kyzylorda-news.kz.</a> COVID-19 пандемиясына қарсы шаралардың күшеюіне байланысты және балалар қауіпсіздігі мен денсаулығы үшін Қызылорда қаласындағы Назарбаев Зияткерлік мектебінде конкурстық іріктеу кезінде ата-аналарға мектеп территориясында болуға рұқсат етілмейді. Білім ордасының әкімшілігі бұл шектеулерге түсіністікпен қарап, қауіпті жағдайларды тудырмас үшін ғимаратқа кіре берісте топтасып, кептеліс тудырмауға шақырады.
<blockquote>
 «Біздің басты міндетіміз – үміткерлер үшін барлық қауіпсіз жағдайларды жасау. Сондықтан, біз ата-аналардан емтихан күндері балаларын мектепке жеткізген соң мүмкіндігінше үйлеріне қайтуғат кеңес береміз. Байқау процесін YouTube арнасындағы арнайы жүргізілетін онлайн-көрсетілім арқылы бақылауға болады», – деп түсіндірді Қызылорда қаласындағы Назарбаев Зияткерлік мектебінің директоры Бақыт Жұматай.
</blockquote>
Сондай-ақ, оқу орнының басшылығы адамдардың көп шоғырлануын болдырмас үшін мектеп алаңында төрт өткізу бекеті жұмыс істейтінін ескертеді. Үміткерлер емтиханға байланыссыз термометриядан өткеннен кейін міндетті түрде бетпердемен жіберіледі. Ғимаратқа және аудиторияға кіре беріс жерлерде антисептик сепкіштері орнатылған. Әр ауысымнан кейін бөлмелерді дезинфенкциялау және желдету жұмыстары жүргізілетін болады.
<blockquote>
 «Емтихан аудиториялары әлеуметтік қашықтықты қатаң түрде сақтай отырып дайындалды. Яғни үміткерлердің тест тапсыру кезінде арақашықтығы 2 метрден кем болмауы тиіс. Сондай-ақ, оқушылардың жүріп тұруындағы арақашықтықты сақтау үшін қосымша еден белгілері орнатылды. Кешенді тестілеу барлық талаптар мен ережелерге сәйкес өткізілетін болады», – деді Бақыт Әмірханұлы.
</blockquote>
Еске сала кетейік, осы демалыс күндері Қызылорда қаласындағы Назарбаев Зияткерлік мектебінде білім алу үшін үміткерлер арнайы конкурстық іріктеуден өтеді. Бірінші ауысым үшін тіркелу Нұр-Сұлтан қаласының уақытымен сағат 08.00-де, екінші ауысым үшін – 13.00-де басталады.
Байқаудың бірінші күнінде оқушылар жаратылыстану-математикалық бағыттағы пәндер бойынша оқу қабілетін бағалау тестін тапсырса, екінші күні – қазақ, орыс және ағылшын тілдерінен сынақтан өтеді. Емтихан нәтижелері тестілеу аяқталған соң күнтізбелік 40 күн ішінде белгілі болады.
Айта кету керек, «Өркен» білім грантын тағайындау жөніндегі республикалық комиссияның қарауына «Математика» бойынша 140 және одан жоғары балл және «Сандық сипаттамалары» бөлімінде 120 және одан көп балл жинаған үміткерлер жіберіледі.
<img src="https://kyzylorda-news.kz/wp-content/uploads/2020/06/fb_img_1592381840396.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592381845923.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592381850832.jpg" alt="" />

Іріктеу конкурсын өткізу кезінде талаптар күшейтілді

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясымен тіркелген симптомды науқастар саны – 515, ал симптомсыз- 165 азамат. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Соңғы тәулікте 15 дерек тіркелді. Симптомды жаңа 8 жағдайдың – бесеуі скринингтен , Үшеуі қарым – қатынастан арқылы болса, ал – 7-і симптомсыз, оның 2 – індет жұқтырған азаматпен байланыста болған, 2 – скринингтен, 3 – өз еркімен ақылы тест сынамасын тапсырғаннан,&nbsp; анықталды»,- деді бас дәрігер.
</blockquote>
Сондай-ақ, вирус жұқтырғандармен байланыста болған- 6001 азамат анықталды. Оның ішінде, 3641-і&nbsp; тікелей қарым-қатынаста, 2360-і&nbsp; жанама байланыста болған.
Құрметті облыс тұрғындары, статистикаға қарағанда вирустың жұғу мүмкіндігі қарым-қатынас арқылы болып отыр. Вирус ауа тамшылары арқылы жұғатын болғандықтан, ол көбіне сулы ауада көп сақталады. Сондықтанда сақтық шараларын қатаң сақтап және бетперде киюді жалғастыра беруге шақырамыз.

COVID-19: симптомды 8, симптомсыз  7 жағдай тіркелді

<a href="http://kyzylorda-news.kz/">Kyzylorda-news.kz.</a> Қызылорда облысында коронавирус инфекциясының таралу қаупінің алдын алу мақсатында 17 маусымнан бастап жаңа шектеулер енгізілді.
Қызылорда облысында соңғы аптада коронавирус инфекциясы 7 пайыздан асып кетті. Осыған орай індеттің алдын алу және таралуына жол бермеу мақсатында Қызылорда облысының Бас мемлекеттік санитариялық дәрігерінің №15 қаулысы қабылданды.
<blockquote>
 «Меншік нысанына қарамастан барлық жұмыс жасап тұрған, кезең-кезеңімен іске қосылған салалар мен нысандарда күшейтілген санитариялық-дезинфекциялық режимді және ҚР Бас мемлекеттік санитариялық дәрігерінің қолданыстағы қаулыларымен бекітілген санитариялық-эпидемиологиялық, санитариялық-дезинфекциялық ережелер алгоритмдерін басшылыққа алып жұмыс жасалады», – деді Қызылорда облысы әкімінің орынбасары Наурызбай Байқадамов.
</blockquote>
Аталған қаулы бүгін сағат 00:00-ден бастап күшіне енді. Қаулы негізінде бірнеше шектеу және карантиндік шараларға өзгерістер енгізілді.
<blockquote>
 «Аймақта көпшілік іс-шараларды, ұжымдық барлық жиындарды өткізуге болмайды. Бала бақшалардың кезекші топтарын қоспағанда, меншік нысанына қарамастан барлық балабақшалардың жұмысына, мешіттерде жұма намазын өткізуді, діни үйлерде дәстүрлік шаралар өткізуге тыйым салынды. Шектеу шараларынан кезең-кезеңмен жеңілдету кезінде жұмысты қайта бастаған салалар мен объектілердің тізбесін қоспағанда, меншік нысанына қарамастан барлық балаларға арналған жазғы тынығу, сауықтыру және мектеп жанындағы күндізгі лагерьлер жұмысын жүргізуге болмайды. Сондай-ақ, тәуліктік пәтерлер мен үйлерді жалға беру және алу, үй-жайлардағы балалар ойын алаңдарының, кинотеатрлар, түнгі клубтар және фут-кордтар қызметтеріне, оқушылардың және мектеп жасына дейінгі балалардың экскурсиясына тыйым салынды»,- деді Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары, облыстың бас мемлекеттік санитар дәрігері Әлия Әбдіқайымова.
</blockquote>

Қызылордада бүгіннен бастап жаңа шектеулер енгізілді

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымының бас директоры Тедрос Адханом Гебрейесус тұмау туралы ақпарат алмасу деңгейінің күрт қысқарғанын айтты, деп хабарлайды <a href="https://baq.kz/news/othernews/dds-covid-19-saldarynan-t-maudy-mytty/">Baq.kz.</a>
Әлемде COVID-19 коронавирус пандемиясы аясында тұмаумен ауыратындарды мониторингтеу қарқындылығы төмендеді, деп мәлімдеді Дүниежүзілік денсаулық сақтау ұйымының бас директоры Тедрос Адханом Гебрейесус.
COVID-19 пандемиясына байланысты тұмаумен ауырғандардың көрсеткіші төмендеді немесе тұмау туралы ақпарат алмасу күрт қысқарды, – деді Гебрейесус ДДҰ брифингі барысында.
Оның айтуынша, мұндай жағдайға пандемия салдарынан зертханалардағы жұмыстың шамадан тыс артуы және коронавируспен күресу үшін персоналды қайта мамандандыру шаралары әсер етіп, тұмаумен күресуге COVID-19-ға байланысты енгізілген шектеулер кедергі болып отыр.
“Өткен үш жылмен салыстырғанда, біз бүкіл әлемде тұмауға тестілеу ауқымында айтарлықтай құлдырау барын көріп отырмыз”, – деді ол.
Бас директор ДДҰ-мен серіктес ұйымдардың тұмау вирусы бар үлгілерді орталықтарға жеткізу көрсеткіші биыл 64%-ға қысқарғанын атап өтті. Бұдан басқа, GISAID дүниежүзілік ғылыми бастамасы базасында генетикалық дәйектілік туралы деректері бар тұмаумен сырқаттану жағдайлары туралы ақпарат беру көлемі де 94%-ға қысқарған.

ДДСҰ: COVID-19 салдарынан тұмауды ұмыттық

<a href="https://kyzylorda-news.kz/">Kyzylorda-news.kz.</a> Бұл туралы ҚР Қорғаныс министрлігінің баспасөз қызметі хабарлады.
Мәскеу қаласында ІІ дүниежүзілік соғыстағы Жеңістің 75 жылдығына арналған іс-шараларға қатысуға байланысты қорғаныс ведомствосының басшысы генерел-лейтенант Нұрлан Ермекбаев 2020 жылдың 11 маусымынан бастап өзін-өзі оқшаулау режиміне көшті.
Мерекелік іс-шараларға Қазақстан Қорғаныс министрі өзінің ресейлік әріптесі армия генералы Сергей Шойгудың шақыруымен барады.
<blockquote>
 «Өзін-өзі оқшаулау бойынша шаралар шетелдерге бару тәртібін, дәрігерлердің ұсыныстарын, сондай-ақ санитарлық-эпидемиологиялық жағдайдың жай-күйін ескере отырып қабылданды. Қорғаныс министрі жұмыс орнында. Бұл ретте оның қарамағындағылармен тікелей байланысы жоқ. Қорғаныс министрлігі мен қарулы күштер қызметіне басшылық ету телефон және бейнеконференцбайланысы арқылы жүзеге асырылады», – делінген хабарламада.
</blockquote>
Өзін-өзі оқшаулау кезеңінде қорғаныс министрімен қажетті диагностикалық іс-шаралар жүргізіледі.
Өзін-өзі оқшаулау режимінің аяқталу күні туралы шешім ағымдағы жағдайды ескере отырып, Мәскеуден оралғаннан кейін қабылданады.

COVID-19: Қорғаныс министрі де өз-өзін оқшаулады

<a href="https://kyzylorda-news.kz/">Kyzylorda-news.kz.</a> Коронавирус жұқтырған министр Денсаулық сақтау министрі Елжан Біртановтың міндетін орынбасары Ләззат Ақтаева атқарады. Бұл туралы ведомствоның ресми өкілі Диас Ахметшәріп мәлім етті, деп хабарлайды <a href="https://www.inform.kz/kz/koronaviruske-shaldykkan-ministr-birtanovtyn-zhagdayy-ortasha_a3662193">ҚазАқпарат.</a>
<blockquote>
 «Денсаулық сақтау министрі Елжан Амантайұлы Біртанов коронавирус инфекциясын жұқтырып, «пневмония» диагнозымен ауруханаға жатқызылды. Екі күн болды. Дәрігерлер оның денсаулық жағдайын орташа деп бағалап отыр. Жалпы Елжан Амантайұлы клиникалық хаттамаға сай ем-домын қабылдауда. Ағзасы вирусқа қарсы терапияны жақсы көтеруде. Емін қабылдағаннан кейін, жазылып, өз жұмысына кіріседі деген ойдамыз», – деді Диас Ахметшәріп.
</blockquote>
Оның хабарлауынша, Елжан Біртанов ауруханада жұмысын қашықтан жүргізіп, штаб қызметін реттеп отыр. Бүгіннен бастап оның міндетін уақытша орынбасары Ләззат Ақтаева атқарады.

Коронавируске шалдыққан министр Біртановтың жағдайы – орташа

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырғандар саны 507-ге жетті. Қызылорда қаласында 270 жағдай тіркелсе, Аралда 50, Қазалы 7, Қармақшы 8, Жалағаш 2, Сырдария 29, Шиелі 80, Жаңақорған 61 адам тіркелген. Бұл туралы Өңірлік коммуникациялар қызметінің баспасөз алаңында Қызылорда облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Өткен тәулікте симптомды ағыммен жаңа 7 жағдай тіркелді. Оның 4-і Қызылорда қаласында, Жалағаш, Шиелі және Сырдария аудандарында 1 жағдайдан тіркелген. Аталған жағдайлардың 6-ы емханада скрининг арқылы анықталса, 1-і ақылы тест кезінде анықталған. Сонымен қатар симптомсыз ағыммен 37 жағдай тіркелді. Оның 34-і Қызылорда қаласынан, 2-і Қармақшы ауданынан, 1-і Жалағаш ауданынан болып отыр. Олардың 16-ы қарым-қатынастағылардың арасынан анықталса, 13-і емхана скринингінен, 8-і ақылы тест арқылы анықталған», – дейді басқарма басшысы.&nbsp;
</blockquote>
Өткен тәулікте коронавирус инфекциясынан 51 азамат жазылып шықты. Жалпы сырқаттан айыққандар саны 442-ге жетті.

COVID-19: Өткен тәулікте 7 адам коронавирус инфекциясын жұқтырды

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясымен тіркелген симптомды науқастар саны – 500, ал симптомсыз- 121 азамат. Және де сауығып шыққандар саны – 391. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Соңғы тәулікте 28 дерек тіркелді. Симптомды жаңа жағдайдың алтауы емхананың скринингінен, 1-еуі індет жұқтырған азаматпен байланыста болса, ал 21-і симптомсыз, оның 17-сі қарым-қатынас арқылы, 3-еуі скринингтен, 1-еуі өз еркімен ақылы тест сынамасын тапсырғаннан анықталды», – деді бас дәрігер.
</blockquote>
Сондай-ақ, вирус жұқтырғандармен байланыста болған- 5785 азамат анықталды. Оның ішінде, 3487-і тікелей қарым-қатынаста, 2298-і жанама байланыста болған.
Құрметті облыс тұрғындары, статистикаға қарағанда вирустың жұғу мүмкіндігі қарым-қатынас арқылы болып отыр. Вирус ауа тамшылары арқылы жұғатын болғандықтан, ол көбіне сулы ауада көп сақталады. Сондықтанда сақтық шараларын қатаң сақтап және бетперде киюді жалғастыра беруге шақырамыз.

Қазақстан және Қызылорда облысының жаңалықтары: COVID-19