<a href="https://kyzylorda-news.kz/">Kyzylorda-news.kz.</a> Қазақстан бойынша коронавирус инфекциясы бар науқастарды тіркеуге арналған мобильді амбулаториялық топтар құрылды.&nbsp;Бұл туралы «Ұлттық ғылыми кардиохирургия орталығы» АҚ басқарма төрағасының бірінші орынбасары&nbsp;&nbsp;Махаббат Бекбосынова айтып берді,&nbsp;деп хабарлайды&nbsp;<a href="https://stan.kz/">Stan.kz</a>.
Оның айтуынша, мобильді топтардың құрамына эндокринологтар, кардиологтар, пульмонологтар және амбулаториялық-емханалық көмек көрсететін басқа мамандар кіреді. Олар ауыр науқастарға кеңес береді.
<blockquote>
 “Қазір бүкіл ел бойынша амбулаторлық мекемелерде 465 мобильдік топ құрылды. Бұл мобильді амбулаторлық топтардың міндеттері – аурудың жеңіл түрлері бар симптомсыз науқастарды толық есепке алу”, – дейді ол.&nbsp;
</blockquote>
Адамда тыныс жолдарының инфекциясы, жұмсақ түрдегі коронавирус немесе ПТР белгілері пайда болған кезде, оның таралуын болдырмау үшін өзін-өзі оқшаулау керек екендігін айтты&nbsp;Бекбосынова.
Еске салсақ, 25 маусымдағы жағдай бойынша&nbsp;Қазақстанда коронавирус&nbsp;жұқтырған 465 адам анықталды. Аурудың өсуі 2,4% құрады. Сонымен қатар,&nbsp;<a href="https://xn--465%20%20-gzh7azc1amm6ais9c3l3h/">Ошибка! Недопустимый объект гиперссылки.</a>.

Қазақстанда коронавируспен ауыратын науқастарды есепке алуға арналған мобильді топтар құрылды

<a href="https://kyzylorda-news.kz/">Kyzylorda-news.kz.</a> Қытай, Иран және Италия ғалымдары клиникалық деректерді негізге ала отырып, коронавирус жұқтырған адамның неге дәм мен иіс сезу қабілетінен айырылатынын анықтады. Зерттеу нәтижесін Science Alert басылымы жариялады.
Адамға тұмау тиген кезде мұрны бітеліп, содан дәм мен иіс сезетін рецепторларға молекула жетпей қалады. Аносмия (дәм сезудің жоғалуы) содан пайда болады.
Алайда COVID-19 жұқтырған науқастың мұрны бітелмейді, бірақ сонда да дәм мен иіс сезбей қалу сынды белгілері болады. Мұның сыры неде екенін білмек болған ғалымдар инфекция жұқтырған науқастардың мұрнын компьютер томографиясына түсірген. Томографиядан науқастардың дәм сезуге жауап беретін мұрын бөлігі ісініп, шырышпен қабаттасып бітеліп қалатыны көрінген. Ал мұрынның қалған бөлігі ашық, сондықтан адам тұмаудағы сияқты ауа жұта алмай қиналмайды.
Басында COVID-19 инфекциясы адамның дәм мен иіс сезу нейрондарын жарақаттап, содан адам сезінуден қалады деп болжам жасалған еді. Алайда ағзаға түскен коронавирус мұрынның шырышты қабатын қабындыратын ACE2 ақуызын бөлетіні белгілі болды. Мұндай ақуызға қарсы тұру үшін мұрынның иммун жүйесі ісініп, сезім нейрондарын бұғаттап тастайды.
Ал ағзаның иммун жүйесі коронавирусты жеңген кезде ісіну басылып, адамның дәм мен иіс кезу қабілеті қалпына келеді.
<a href="https://massaget.kz/layfstayl/Zdorove/62525/">massaget.kz</a>

Коронавирус жұқтырғандар неге иіс сезе алмайды?

<a href="https://kyzylorda-news.kz/">Kyzylorda-news.kz.</a> Бүгінгі күнде COVID-19 инфекциясының нақтыланған жағдайларының өсуі 7 пайыздан асатын деңгейде тіркелуіне байланысты қала аумағында шектеу және карантиндік шараларды күшейту мақсатында Қызылорда қаласы бас санитарлық дәрігерінің 7-ші қаулысы қабылданды. Бұл туралы облыстың бас санитарлық дәрігері Әлия Әбдіқайымова брифингте айтты.
1. Қызылорда қаласы әкімдігі, мемлекеттік, құқық қорғау және арнайы органдар:
1) қала аумағындағы халық көп шоғырланатын қоғамдық орындардың (қала аумағындағы демалыс парктері, аллеялар, субұрқақтар, жағалаулар мен жағажайлар, аквапарктер және т.б. серуендеу орындары) қызметін дүйсенбі-сенбі күндері аралығында 22:00-ден кейін шектеуді, жексенбі күндері қызметін тоқтатуды және аталмыш орындарда тұрғындардың болуына тыйым салуды.
2) жексенбі күндері қоғамдық көліктің жұмысын сағат 10:00-ден 18:00-ге дейін шектеуді, бұл ретте жолаушылар саны көліктегі орындықтар санынан аспауы тиіс;
3) мектептен тыс қосымша білім беру ұйымдары (дамыту, білім беру орталықтары, үйірмелер, факультативтер және т.б.) қызметін тоқтатуды;
4) әр сенбі және жексенбі күндері барлық қоғамдық тамақтану орындарының қызметін тоқтата тұруды, олардың жұмысын «клиенттерге дейін жеткізу» принципімен сағат 11:00-ден 22:00-ге дейін шектеуді;
5) штаттық режимде жұмыс істейтін дәріханалар, азық-түлік, ауыл шаруашылық нысандарын қоспағанда, әр жексенбі күні демалыс парктер мен аквапарктер, барлық сауда үйлері мен базарларында, бөлек тұрған сауда нысандарында дезинфекциялық шараларды жүргізе отырып, «санитариялық күнге» жабуды.
6) 00:00 сағат 2020 жылғы 27 маусымнан бастап 00:00 сағат 6 шілдеге дейін бильярд, букмекерлік және лото-мото конторалардың, футкордтар, фитнес, тренажер залдары (орталықтары), ойын-сауық орталықтары, балалардың ойын алаңдары, компьютер клубтары, спорт кешендерінің (үйірмелер, секциялар) қызметін тоқтата тұруды;
2. Әуежай, теміржол және автовокзалдардың басшылары қала аумағындағы теміржол, автовокзалдары, әуежай, аудан және қалааралық бағыттағы қатынас құралдарының бекеттерінде шығарып салушы және күтіп алушы тұрғындарды шектеуді;
3. Қызылорда қаласы әкімдігі КВИ-ның профилактикасы және Қызылорда қаласында шектеу шараларын сақтау бойынша интернет ресурстар мен әлеуметтік желілерде жадынамалар, хабарландырулар тарату, инфографика, видеороликтер, жүгіртпе жолдары арқылы жаппай түсіндірме жұмыстарының жүргізілуін қамтамасыз етуді.
4. Қаулының орындалуын қадағалауды өзіме қалдырамын.
5. Осы қаулы 2020 жылы 27 маусым 00 сағат 00 минут бастап күшіне енеді.

Қызылордада карантин режимі тағы күшейтілді

<a href="https://www.inform.kz/kz/koronavirustyn-simptomsyz-turine-shaldykkandar-em-aluy-kerek-pe_a3666253">Kyzylorda-news.kz.</a> Коронавирустың симптомсыз түріне шалдыққандар ем алуы керек пе? Бұл сұраққа «Ұлттық ғылыми кардиохирургия орталығы» АҚ басқармасы төрағасының бірінші орынбасары Махаббат Бекбосынова жауап берді, деп хабарлайды ҚазАқпарат.
<blockquote>
 «Қандай да бір скрининг кезінде немесе жақын байланыста болған адамда осы вирус анықталды делік. Ал сол уақытта денсаулығында ешқандай проблема болмаған адамды емдеу қажет пе? Егер мен өзімді жақсы сезінсем әрі ешқандай проблема болмаса ше? Меніңше, дәріні нақты белгілері бойынша ғана қабылдау керек. Аурудың жеңіл түрі кезінде ыстық түсіретін дәрі ішкен жөн. Дене қызуы көтерілгенде тек қана парацетомол ішуге кеңес беріледі. Егер адамда өкпе қабынуы болса, онда бұл симптомсыз түрі емес. Бұл клиникалық түрі және дәріні дәрігер белгілейді», – деді ол.
</blockquote>
Оның атап өтуінше, өкпе қабынуы асқынып кеткен симптомсыз пациенттердің шамамен 3 пайызы стационарға жатқызылады. Жалпы, өкпе қабынуы 7 күннің ішінде белгілі болады. Ал одан кейін дене қызуы көтеріліп, жөтел пайда бола бастайды.
<blockquote>
 «Әр адамда әртүрлі болуы мүмкін. 7 күннен кейін де өкпе қабынуы белгілері пайда болып жатады. Өкпе қабынуы белгілері байқалған кезде міндетте түрде микротромбылардың қалыптасуын бақылайтын бактерияға қарсы терапияға қосылу қажет. Меніңше, бұл өте дұрыс әдіс. Өйткені, өкпе қабынуының алғашқы сатысындағы пациент бақылауға алынып, емделе бастайды», – деді Махаббат Бекбосынова.
</blockquote>

Коронавирустың симптомсыз түріне шалдыққандар ем алуы керек пе?

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясымен тіркелген симптомды науқастар саны – 615, ал симптомсыз – 416 азамат. Ал індеттен айығып шыққандар саны 565 адамға жетті. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Симптомды жаңа 18 жағдайдың 18-і скринингтен анықталса, симптомсыз коронавирус инфекциясының 56 дерегі тіркелді. Оның 26-сы скринингтен, 9 науқас ақылы сынама тапсырғаннан, 21-і қарым-қатынас арқылы жұқтырған»,- деді Жақсылық Абдусаметов.
</blockquote>
Сондай-ақ, вирус жұқтырғандармен байланыста болған – 6858 азамат анықталды. Оның ішінде, 4402-і тікелей қарым-қатынаста, 2456-ы жанама байланыста болған.
Құрметті облыс тұрғындары, карантиндік шараларды қатаң сақтап және бетперде киюді жалғастыра беруге шақырамыз.

Коронавирус: Симптомды 18, симптомсыз 56 жағдай тіркелді

<a href="https://kyzylorda-news.kz/">Kyzylorda-news.kz.</a> ҚР Білім және ғылым министрлігі ҰБТ-ның төртінші күнін қорытындылады.
<blockquote>
 «ҰБТ-ның төртінші күні 77 тестілеу пунктінде 12 581 адам қатысады деп жоспарланды. Оның 96%-ы тест тапсырды. Ережені 136 адам бұзған, бұл көрсеткіш – үшінші лектің қорытындысымен салыстырғанда әлдеқайда төмен. Тоғыз түлектің қызуы көтерілді, олар ҰБТ-ны басқа күні тапсыра алады», – деп хабарлады министрліктің баспасөз қызметі.
</blockquote>
Сонымен бірге, емтиханды өткізу процесін бақылаудың нашар болуына байланысты білім саласындағы сапаны қамтамасыз ету бойынша аумақтық департаменттер мен Арнайы бақылау тобы өкілдерінің ұсынысымен екі аймақтағы мемлекеттік комиссия құрамынан 20 адам шығарылды.
<blockquote>
 «Мемлекеттік комиссиялардың жаңа мүшелері ретінде қоғам қайраткерлері, облыстың белсенді мұғалімдері, БАҚ және үкіметтік емес ұйымдардың өкілдері бекітілді. Сондай-ақ тестілеу өткізу пунктеріндегі бақылауды күшейту мақсатында ҰБТ өткізуде сын-қатер мүмкін өңірлерге Ұлттық тестілеу орталығының өкілдері жіберіледі», – дейді министрлік.
</blockquote>
Түркістан облысында орналасқан екі пунктіде (Шәуілдір ауылы, Жетісай қаласы) және Шығыс Қазақстан облысындағы екі пунктіде (Аягөз қаласы, Ақсуат ауылы) ұялы байланыс сигналдарын тежеуіштердің істен шығуына және бейнетрансляцияның өшуіне байланысты емтихандар басқа күнге ауыстырылды.
ҚР БҒМ Ұлттық тестілеу орталығы директорының орынбасары Наужан Дидарбекованың мәлімдеуінше, бұл пунктерде талапкерлер 27 маусым (Аягөз қ., Ақсуат а., Шәуілдір а.) және 2 шілде күндері (Жетісай қ.) тестілеуді тапсыру мүмкіндігіне ие болады және білім беру гранттарын тағайындау конкурсына қатыса алады.
Естеріңізге салайық, биыл мектеп бітірушілер мемлекеттік емтихандарды тапсырудан босатылды, талапкерлерге калькулятор пайдалануға рұқсат берілді, сондай-ақ тестілеу уақыты ұзартылды.

ҰБТ: Бейнетрансляция өшіп қалған аудитория түлектері тестілеуді қайта тапсырады

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясымен тіркелген симптомды науқастар саны – 597, ал симптомсыз – 360 азамат. Ал індеттен айығып шыққандар саны 550 адамға жетті. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Симптомды жаңа 10 жағдай скринингтен анықталған. Оның 4 – Сырдария, 6 – Жанакорган ауданынан. Ал симптомсыз коронавирус инфекциясының 46 дерегі тіркелді. Кызылорда каласынан – 6, Казалы -13, Жалагаш – 8, Сырдария -12, Жанакорганнан – 7 адамдардан тиркелген. Оның 37-сi скринингтен,7 науқас ақылы сынама тапсырғаннан, 2 науқас қарым-қатынастан анықталды»,- деді&nbsp; Жақсылық Абдусаметов.
</blockquote>
Сондай-ақ, вирус жұқтырғандармен байланыста болған – 6813 азамат анықталды. Оның ішінде, 4358 – тікелей қарым-қатынаста, 2455- жанама байланыста болған.
Құрметті облыс тұрғындары, карантиндік шараларды қатаң сақтап және бетперде киюді жалғастыра беруге шақырамыз.

Коронавирус: симптомды 10, симптомсыз  46 жағдай тіркелді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирус індетінен 2 науқас көз жұмды, деп хабарлайды <a href="https://www.coronavirus2020.kz/kz/kyzylorda-oblysynda-koronavirus-indetinen-2-naukas-koz-zhumdy_a3665676">coronavirus2020.kz</a>.
Олар 1956 жылы туған ер азамат пен 1960 жылы туған әйел.
Өлім нәтижелерін зерттеу жөніндегі комиссия бұл жағдайларды коронавирус инфекциясынан қайтыс болған деп тіркеді.
Айта кетейік, Қазақстан бойынша барлығы 136 адам қайтыс болды.

Қызылордада коронавирус індетінен 2 науқас көз жұмды

Kyzylorda-news.kz. Коронавирус жұқтырғандардың 80 пайызға жуығы жеңіл түрде ауырып жатқандықтан, жұқпалы аурулар стационарына жатқызу талап етілмейді. Ал олардың үй жағдайында емделуге болатыны – жақсы мүмкіндік. Дегенмен, науқас жағдайының нашарлауына жол бермеуі үшін бірқатар талапты сақтауы тиіс. Денсаулық сақтау министрлігі Қоғамдық денсаулық сақтау ұлттық орталығы Қоғамдық денсаулықты нығайту орталығының басшысы Жазира Ембердиева үй жағдайында қалай емделу керек екенін айтты, деп хабарлайды <a href="https://informburo.kz/kaz/koronaviruspen-y-zhadayynda-alay-kresuge-bolady-szge-arnalan-8-kees.html">Informburo.</a>
№1. Бойыңызды үрейге билетпеңіз
Егер сізде коронавирус инфекциясының алғашқы белгілері байқалса, бірден қорқынышқа бой алдырмаңыз. Жұмысқа бармай, үйде қалып, басшыңызға хабарлаңыз, отбасы мүшелерінен оқшауланыңыз, тұрғылықты мекен жайыңыздағы емхана немесе 1406 нөмірі арқылы Call-орталыққа хабарласыңыз. Учаскелік дәрігерге өзіңіздегі коронавирус инфекциясының симптомдары туралы айтыңыз.
№2. Ауру симптомдарын қадағалаңыз
Аурудың ең жиі байқалатын белгілері: жалпы әлсіздік, тамақтың жыбырлауы, құрғақ жөтел, иісті, дәмді сезбеу, дене қызуының 38-39 градусқа дейін және одан да жоғары көтерілуі, қалтырау, бас пен бұлшық еттің ауыруы. Кейде ауру ас қорытудың бұзылуымен – құсып, іштің өтуімен де жалғасады. Кейде 4-8 күнде кеуде қуысы ауырып, демікпеге ұласады. Тыныс алу қиындайды. Мұндай кезде учаскелік дәрігерді шақырып, жедел жәрдем қызметіне хабарласқан жөн. 
Вирустың симптомдары үйреншікті суық тию не тұмауға қарағанда айтарлықтай ұзақ (аурудың жеңіл түрде өтуі кезінде 10-14 күннен бастап, күрделі жағдай кезіндегі бірнеше аптаға дейін) байқалады. ЖРВИ, тұмау кезінде ауру 5-7 күнге дейін орташа деңгейде өтеді.
№3. Учаскелік дәрігерге қаралыңыз
Коронавирус инфекциясына күдігіңізді растау үшін учаскелік дәрігерге қаралыңыз. Дәрігер симптомдарды айқындап, сілемейлі қабықшада вирус бөлшектерін ПТР әдісімен анықтау үшін мұрыннан және аңқадан алынған жағындыны Covid-19-ға тексеруге жібереді. 
Оқшаулау орнын дәрігер белгілейді. Емхана дәрігері клиникалық картинаның негізінде шешім қабылдайды. Егер сіздің хал-жағдайыңыз субъективті түрде нашарлай бастаса, яғниауыр дем алып, кеуде тұсыңыз ауырса, төсектен тұра алмасаңыз және әлсірей бастасаңыз, онда сіздің ауруханада емделгеніңіз дұрыс.
№4. Ағзаңыздың вируспен күресуіне жағдай жасаңыз
Амбулаториялық жағдайда коронавирус инфекциясы тек қана қолдаушы терапияны талап етеді. Бұл вирустың өзіне әсер ете алатыны дәлелденген медикаменттер әзірше жоқ дегенді білдіреді. Сондықтан, Covid-19 кезінде ең маңыздысы – ағзаның ауруға өздігімен төтеп беруіне көмектесу. Сұйықтықтарды – суды, шәйді, морсты көп мөлшерде ішу, жоғары (38,5 ℃-тан жоғары) температураны түсіру және жеке бөлмеде оқшаулану керек. 
Дәрігермен келіскен жағдайда мына дәрілерді қабылдауға болады:
Парацетамол, аспирин, нимесулид таблеткасы – температураны түсіру үшін;
Ингавирин 90 мг күніне 1 капсула – 5 күн;
Тамифлю 75 мг-нан күніне 2 рет, 5 күн;
АЦЦ 600 мг-нан күніне 2 рет, 5 күн;
Тамақты фурацилин ерітіндісімен күніне 4-5 рет шаю.
Егер сізде созылмалы аурулар бар болса, базисті терапияны жалғастырыңыз.
№5. Нәрлі тамақ ішіп, ұйқыны қандырыңыз
Коронавирус инфекциясының симптомдары басқа ЖРВИ кезіндегідей емес, 2 есе уақытта байқалуы мүмкін. Науқастар тағамның иісін және дәмін сезбеген кезде қуат алу үшін тамақ жеуге өзіңді көндіру қаншалықты қиын екенін айтады. Нәтижесінде жағдайы нашарлаған кезде олар сусызданған және әлсіреген күйде ауруханаға түскен. Сондықтан үйде дұрыс тамақтану керек, негізінен, ботқа, қышқыл сүт өнімдері, балық, жеміс-жидек және көкөніс сияқты жеңіл қорытылатын калориялы тағам тұтыну қажет. Дене белсенділігін шектеу керек, ұйқыны жақсылап қандырудың да маңызы зор.
№6. Дұрыс жатыңыз
Егер сіз ауыр дем алсаңыз, онда ішіңізбен жатқаныңыз абзал. Іш қуысындағы органдардың диафрагманы қыспауы және өкпенің ауамен, қанмен қанығуына кедергі келтірмеуі үшін кеуде қуысыңызға және жамбасыңызға жастықша төсеңіз. Бұл тыныс алуды жеңілдетіп, кеуде қуысыңыздың ауыруын аздап басады.
№7. Учаскелік дәрігермен байланысты үзбеңіз
Үйде емделген жағдайда өзіңіз тіркелген мекен жайдағы аумақтық емхананың бақылауында боласыз. Сізге учаскелік дәрігер немесе медбике хабарласып тұрады. Олар халіңізді бақылайды, температураңызды тексереді, жалпы көңіл-күйіңізді қадағалап, кеңестер береді. Сондықтан, олармен тығыз байланыс орнатып, бар жағдайды ашық, дұрыс түсіндіріп айтыңыз.
№8. Өз жағдайыңызды бақылауда ұстаңыз
Егер демікпеден әдеттегі үй жұмысын атқару (мысалы, тамақ дайындау), сөйлеу қиындық келтірсе және қарапайым гигиеналық процедураларды жасай алмасаңыз, тез арада емдеуші дәрігерге хабарласу керек немесе медициналық жедел жәрдемді шақырыңыз. 
Сондай-ақ, сұйықтық көп ішіп, уақытымен тамақтануды ұмытпаңыз. Күніне екі рет дене қызуын, пульс, тыныс алу жиілігін, артериалды қысымды және зәр бөлу жиілігін тексеріңіз. Емхана дәрігерімен үнемі хабарласып тұрыңыз. Хал-жағдайыңыз нашарлаған кезде және демікпе симптомдары артып, тыныс алу қиындаса – стационарға жату үшін жедел жәрдем шақыру керек.

Коронавируспен үй жағдайында қалай күресуге болады?

**<a href="https://kyzylorda-news.kz/">Kyzylorda-news.kz.</a>1406 байланыс орталығына КВИ-ға тест тапсыру мәселесі бойынша хабарласушылар саны 2 есе артты. 
**
Әлеуметтік медициналық сақтандыру қоры өкілдерінің айтуынша, байланыс орталығына түсетін қоңыраулардың көпшілігі коронавирус бойынша ауруханаға орналастыру мәселелеріне қатысты. 
Тұрғындар ПТР-тест тапсыру, коронавирус және сырқаттың симптомсыз ағымының белгілері туралы сұрайды. Медицина ұйымдарының жұмысын, ауруханаға жоспарлы жатқызу жағын түсіндіруді өтінеді. 
<blockquote>
 «Біздің аймақтық филиалдарымыз жергілікті денсаулық сақтау басқармаларымен тығыз байланыста, еліміздің әрбір тұрғынына барынша көмектесуге тырысады. ПТР-талдау тапсыруға қатысты сұрақтар түсіп жатқандықтан, айта кеткім келеді: Бас санитарлық дәрігердің қаулысына сәйкес, 10 санат бойынша COVID-19-ға тестілеу ақысын Қор төлейді», – деп атап өтті Әлеуметтік медициналық сақтандыру қорының басқарма төрағасының орынбасары Марат Шоранов. 
</blockquote>
Нақты айтқанда, Қор қаражаты есебінен коронавирусқа ақысыз ПТР-талдаудан өтуге құқылы азаматтар:
Тегін кепілдендірілген медициналық көмек көлемінде:
<ul>
<li>инфекциялық стационарларға жатқызылған пациенттер;</li>
<li>COVID-19 болуы мүмкін деген күдікпен провизорлық стационарларға жатқызылған пациенттер;</li>
<li>COVID-19 болуы мүмкін, ЖРВИ және пневмония белгілері бар, стационарлық деңгейдегі пациенттер;</li>
<li>Үйде оқшаулауға жағдай болмағанда карантиндік изоляторға симптомсыз COVID-19-пен жатқызылған азаматтар (ПТР-тексеру, бұл санаттағылар үшін, сол жатқан стационарларда жүргізіледі);</li>
<li>COVID-19 болуы мүмкін, ЖРВИ және пневмония белгілері бар, амбулаторлық деңгейдегі пациенттер;</li>
<li>симптомсыз COVID-19-пен БМСК дәрігер бақылауындағы азаматтар(ПТР-тексеру, бұл санаттағылар үшін, тіркелген орны бойынша емханаларда тағайындалады);</li>
</ul>
Міндетті әлеуметтік медициналық сақтандыру аясында:
<ul>
<li>ауруханаға жоспарлы түрде жатқызылған пациенттер, оның ішінде 37 апта мерзімінде босандыруға рұқсат берілген жүкті әйелдер (ПТР-тексеру тіркелген орны бойынша емханаларда тағайындалады);</li>
<li>ауруханаға шұғыл түрде жатқызылған пациенттер, оның ішінде жүкті әйелдер мен бала босанған аналар (ПТР-тексеру стационарда жүргізіледі);</li>
<li>гемодиализде жатқан пациенттер (ПТР-тексеру тіркелген орны бойынша емханаларда тағайындалады);</li>
<li>жаңа туылған нәрестелер, клиникалық хаттамаға сәйкес (ПТР-тексеру стационарда жүргізіледі).</li>
</ul>
Зерттеу жұмыстарын ұйымдастырумен және басқа да қосалқы мәселелермен аймақтық денсаулық сақтау басқармалары айналысады. 
<blockquote>
 «Қазіргі уақытта бірқатар аймақтардағы медицина ұйымдарының инфрақұрылымдары қалыптасқан жүктемелерді көтере алмауда. Осыған байланысты тест тапсырғысы келетіндердің кезегі байқалады. Бұл да тест нәтижесінің жылдам ұсынылуына әсер етеді. Қор тарапынан біз медициналық ұйымдардың қызмет ақысын уақытылы төлеу жөніндегі міндеттемелерімізді орындауға дайынбыз», – деді Марат Шоранов.
</blockquote>

1406 байланыс орталығына хабарласушылар саны 2 есе артты

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында коронавирус инфекциясымен тіркелген симптомды науқастар саны – 587, ал симптомсыз- 314 азамат. Ал індеттен айығып шыққандар саны 515-ке жетті. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Симптомды жаңа 10 жағдайдың&nbsp; 9-і скринингтен болса, 1-еуі індет жұқтырған науқаспен байланыста болған. Ал симптомсыз коронавирус инфекциясының 37 дерегі тіркелді. Оның 26-і скринингтен, , 7-і ақылы сынама тапсырғаннан, 4-і қарым-қатынастан анықталды»,- деді&nbsp; Жақсылық Абдусаметов.
</blockquote>
Сондай-ақ, вирус жұқтырғандармен байланыста болған- 6713 азамат анықталды. Оның ішінде, 4308- тікелей қарым-қатынаста, 2405-і жанама байланыста болған.
Құрметті облыс тұрғындары, карантиндік шараларды қатаң сақтап және бетперде киюді жалғастыра беруге шақырамыз.

Коронавирус: симптомды 10, симптомсыз  37 жағдай тіркелді

<a href="https://kyzylorda-news.kz/">Kyzylorda-news.kz.</a>&nbsp; Орталық коммуникациялар қызметінің алаңында сарапшы ретінде сөз сөйлеген Денсаулық сақтау министрінің зертханалық қызмет жөніндегі кеңесшісі Жанар Сүлейменова коронавирусқа зертханалық тестілеу туралы өзекті сұрақтарға толық жауап берді.
Сарапшының ақпараты бойынша, бүгінгі таңда диагностиканың 3 түрі бар – экспресс әдіс, ПТР және антиденелерге иммуноферменттік талдау.
Анықтама: пациенттердің инфекциялануын анықтау бойынша зертханалық диагностика коронавирустың РНҚ анықтау үшін ПТР-тест көмегімен жүргізіледі, зерттеу үшін биоматериалдың негізгі түрі мұрын-жұтқыншақ және/немесе ауыз-жұтқыншақ жағындысы болып табылады.
Қазақстанда коронавирусты тіркеу басталғаннан бері коронавирусқа талдау жасауды ұлттық аса қауіпті инфекциялар институты, сондай-ақ Ұлттық сараптама орталығы және оның 16 өңірлік филиалы жүргізді. Өсіп келе жатқан қажеттілікті ескере отырып, жеке зертханалар (“Олимп”, “Инвитро”, “Инвиво”, “Сұңқар”), обаға қарсы күрес станцияларының зертханалары, жылжымалы санитарлық-эпидемиологиялық зертханалар, сондай-ақ кейбір облыс орталықтары жанындағы медициналық ұйымдардағы зертханалар (ЖИТС орталығы, КДО, туберкулезге қарсы диспансер) тартылды.
Қазіргі уақытта, сарапшының айтуынша, зертханалардың қуатын арттыру динамикасы жеткілікті және ауру деңгейі мен өсім коэффициентіне сәйкес келеді.
Анықтама үшін: наурыз айының соңында республика бойынша тәулігіне 12 мың тестті орындаумен барлығы 34 зертхана, сәуірде тәуліктік қуаты 14 мың тестті құрайтын 38 зертхана, мамырда тәулігіне 20 мың тестті құрайтын 56 зертхана жұмыс істеді. Елімізде барлығы 1 миллионнан астам тест орындалды.
Жанар Сүлейменова атап өткендей, зертханалардың жалпы қуаттылығы 3 ай ішінде тәулігіне 6 мыңнан 28 мыңға дейін өсті. Осылайша, Қазақстан тестілеу саны бойынша Кореямен тең орында және Австрия мен Жапонияның жетістіктерінен айтарлықтай асып түсті.
Сарапшының ақпараты бойынша, Мемлекет басшысының тапсырмасына сәйкес 1 шілдеге дейін зертханалардың қуаттылығы тәулігіне 35 мыңға дейін артады. Бұл көрсеткішке Денсаулық сақтау министрлігі: 25 маусымға дейін Нұр-Сұлтан, Алматы қалаларында қуаты тәулігіне 3 мың тестке дейін модульдік зертханаларды іске қосу; 10 шілдеге дейін тәуліктік қуаты 2 400 тестке дейін 6 жылжымалы зертхана сатып алу; 1 тамызға дейін 10 мың тест-жүйе түрінде жабдықтар сатып алу арқылы қол жеткізуге ниетті.

Қазақстан және Қызылорда облысының жаңалықтары: COVID-19