<a href="https://kyzylorda-news.kz/">Kyzylorda-news.kz.</a> Қазақстанда 5 шілдеден бастап екі аптаға карантин шектеулері енгізілді. Өңірлер арасындағы жолаушылар автобусы қатынасы уақытша тоқтатылып, қоғамдық көліктің жұмысы уақыт бойынша шектеледі.
Тұрғындардың көшелерде, саябақтарда, скверлерде 3 адамнан артық серуендеуіне және 65 жастан асқан адамдардың сыртқа шығуына шектеу қойылды. Шектеу шаралары шеңберінде қызылордалық полицейлер тұрғындар арасында түсіндіру жұмыстарын жүргізуде. Қала бойынша, сондай-ақ жеке сектордағы үйлерге автопатруль қызметі жұмысын бастады. Полиция қызметкерлері қалада шектеу шараларының сақталуын бақылауда.
Карантин режимін бұзған жағдайда құқық бұзушылар әкімшілік немесе қылмыстық жауапкершілікке тартылатын болады. Бұл ретте Қызылорда облысының Полиция департаменті енгізілген шектеу шараларын қатаң сақтауды сұрайды.

Қызылордалық полицейлер түсіндірме жұмыстарын жүргізуде

<a href="https://kyzylorda-news.kz/">Kyzylorda-news.kz.</a> Коронавирус ауыз қуысына зақым келтіруі мүмкін. Бұл туралы Бразилия университеті ғалымдарының International Journal of Infectious Diseases журналында жарияланған зерттеуінде айтылған.
Сарапшылар CОVІD-19 дәм сезудің жоғалуын, кандидоз, ауыз қуысындағы жаралар және тіл мен шырышты қабатта басқа да қабыну процестерін тудырады деген қорытындыға келді. Мұндай белгілер инфекциядан әлсіреген ағза денсаулығының нашарлауын көрсетеді.
Мамандар CОVІD-19-ды емдеу үшін қажетті диагностика тізіміне стоматологиялық тексеруді енгізуді ұсынды.
<a href="https://24.kz/kz/zha-aly-tar/bylu-manyzdy/item/407489-koronavirusty-ta-y-bir-belgisi-any-taldy">“Хабар 24”</a>

Коронавирустың тағы бір белгісі анықталды

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорында жаңа жедел-жәрдем қызметтері туралы айтылды.
<blockquote>
 «Мобильдік бригадалар ЖРВИ/КВИ/тұмау/пневмония белгілері пайда болған кезде пациенттерге үйге барып, ПТР-тестке материал жинауды жүргізеді, сондай-ақ диагноз қою үшін медициналық тексеру жүргізеді. Халық үшін бұл қызмет тегін болады. Оны емханаларға Әлеуметтік медициналық сақтандыру қоры төлейді», деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
 «Есеп айырысу бойынша, мобильді бригаданың бір шығуы үшін тариф 5 400 теңгені құрайды. Мобильді бригаданың қызметкерлері жеке қорғаныс құралдарымен, пульсоксиметрлермен және басқа да қажетті көмек көрсету және сол жерде кеңес беру құралдарымен қамтамасыз етіледі», – деп түсіндірді Б.Исмаханбетов.
</blockquote>
Денсаулық сақтау министрлігінің хабарлауынша, емханалар жанынан COVID-19 және пневмония белгілері бар пациенттерді, сондай-ақ медициналық көмектің барынша қолжетімділігін қамтамасыз ету және асқынулардың алдын алу үшін стационарда емделгеннен кейін шығарылған пациенттерді бақылау үшін мобильді бригадалар (фельдшерлік немесе дәрігерлік) құрылады. Бұдан басқа, мобильді бригадалар созылмалы аурулары бар пациенттерге үйде қызмет көрсетеді, жүкті әйелдер мен балаларға көрсетімдер бойынша патронаж жүргізеді.

Мобильді бригадалардың қызметтерін Әлеуметтік медициналық сақтандыру қоры қаржыландыруда

<a href="https://kyzylorda-news.kz/">Kyzylorda-news.kz.</a> 30 маусым мен 6 шілде аралығында Қазақстанда коронавирус індетінен 76 адам көз жұмды, деп хабарлайды coronavirus2020.kz.
Ақмола облысы – 9: 1964, 1964, 1977, 1963, 1942 жылдары туған ер азаматтар, 1967, 1960, 1968, 1956 жылдары дүниеге келген әйел адамдар.
Алматы облысы – 3: 1960, 1954, 1944 жылдары туған ер азаматтар.
Атырау облысы – 7: 1963, 1965, 1951 жылдары туған ер азаматтар, 1947, 1980, 1972, 1947 жылдары дүниеге келген әйел адамдар.
Шығыс Қазақстан облысы – 1: 1961 жылы туған ер адам.
Жамбыл облысы – 2: 1964, 1927 жылдары дүниеге келген әйел адамдар.
Батыс Қазақстан облысы – 7: 1941, 1968, 1955 жылдары туған ер азаматтар, 1942, 1952, 1943, 1952 жылдары дүниеге келген әйел адамдар.
Қызылорда облысы – 1: 1960 жылы туған әйел адам.
Қарағанды ​​облысы – 24: 1958, 1946, 1947, 1942, 1958, 1940, 1932, 1952, 1943, 1946, 1960, 1935, 1964, 1935 жылдары туған ер азаматтар, 1950, 1947, 1949, 1961, 1947, 1958, 1954, 1936, 1972, 1940 жылдары дүниеге келген әйел адамдар.
Маңғыстау облысы – 5: 1960, 1980, 1949 жылдары туған ер азаматтар, 1965 және 1942 жылдары дүниеге келген әйел адамдар.
Солтүстік Қазақстан облысы – 4: 1959 және 1964 жылдары туған ер азаматтар, 1938 және 1955 жылдары дүниеге келген әйел адамдар.
Түркістан облысы – 2: 1956 жылы дүниеге келген ер азамат, 1958 жылы туған әйел адам.
Павлодар облысы – 1: 1988 жылы туған ер адам.
Нұр Сұлтан қаласы – 2: 1943 және 1954 жылдары туған ер азаматтар.
Алматы қаласы – 4: 1963 жылы туылған ер адам, 1978, 1940, 1957 жылдары дүниеге келген әйел адамдар.
Шымкент қаласы – 4: 1962 және 1972 жылдары туған ер азаматтар, 1966 және 1944 жылдары дүниеге келген әйел адамдар.
Өлім себебін зерттеу жөніндегі комиссия бұл жағдайларды коронавирус инфекциясынан қайтыс болған деп тіркеді.
Қазақстан Республикасында барлығы 264 адам өлімі тіркелді.

Қазақстанда соңғы бір аптада 76 адам коронавирустан көз жұмды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова Қызылорда қаласындағы бірқатар медициналық нысан мен дәріханаларды және сауда орталықтарын аралады.
Алдымен өңір басшысы қала тұрғындары жиі баратын «Magnum», «Small» сауда орталықтарына барып, әлеуметтік маңызы бар азық-түлік өнімдерінің бағасымен танысты.
Сауда орталықтарындағы бағамен танысқан аймақ басшысы облыстық кәсіпкерлік және туризм басқармасының басшысы мен қала әкіміне азық-түлік өнімдерінің бағасын негізсіз өсуін болдырмауды және ең бірінші қажетті нан, сүт өнімдерінің бағасын үнемі қадағалауды тапсырды. Сонымен қатар, эпидемиологиялық жағдайға сәйкес кауіпсіздік шараларды қатаң бақылауда ұстау қажеттігін де ескертті.
Мұнан кейін ол облыс тұрғындарына алғашқы көмек көрсететін жедел медициналық көмек орталығының жұмысын көрді.
Жедел жәрдем орталығының дәрігерлерібүгінгі күні атқарылып жатқан жұмыстар туралы баяндады. Күніне келіп түсетін қоңыраулардың саны соңғы үш күнде азайғанын, дегенмен диспечерлер мен бригададағы мамандардың әлі де жетіспейтінін айтты.
Облыс әкімі Гүлшара Әбдіқалықова облыстық денсаулық сақтау басқармасы мен қала әкіміне орталықтағы диспетчерлердің санын көбейту үшін шаралар қолдануды тапсырды. Сонымен қатар, жұмысқа медициналық колледждердің түлектерін еріктілер ретінде тартып, оларға қолдау көрсету мақсатында жеке кәсіпкерлермен бірлесіп жұмыс атқару қажеттігін мәлімдеді.
Әрі қарай өңір басшысы облыстық медициналық орталықта болып, аурухана жұмысымен танысты. Бас дәрігер облыс әкіміне орталықтың қажетті дәрі-дәрмектерімен толық қамтамасыз етілгенін және емделушілердің саны мен жағдайына қатысты есеп берді.
Мұнан кейін өңір басшысы қаладағы «Ақ қайың» дәріханасында болды. Дәріхана жетекшісі дәрі-дәрмектердің не себепті жетіспей жатқаны туралы әңгімеледі. Гүлшара Әбдіқалықова облыстық тауарлар мен көрсетілетін қызметтердің сапасы мен қауіпсіздігін бақылау департаментінің басшысы мен Қызылорда қаласының әкіміне дәрі-дәрмектердің негізсіз өсуін болдырмау мақсатында шаралар қабылдап, бағасын қадағалау және дәрі-дәрмектер бойынша тұрғындар қажет ақпарат алу үшін сенім телефондары мен «Whats App» желісінен арнайы конференция ашуды тапсырды.
Сонымен қатар, аймақ басшысы «СК-Фармация» ЖШС қоймасы мен облыстық жұқпалы аурулар ауруханасының, қалалық орталық дәріхананың және қалалық аурухананың жұмысымен де танысты. Дәрігерлер облыс әкіміне дәріхана мен ауруханаларда дәрі тапшылығы мен орын жетіспеушілігі туралы баяндады. Өңір басшысы қала әкіміне тез арада жедел шаралар қабылдауды тапсырды.
Сондай-ақ, облыстық туберкулезге қарсы күрес диспансерінің жұмысын көрген аймақ басшысы мекеменің Бас дәрігеріне және облыстық денсаулық сақтау басқармасы басшысының міндетін атқарушысы мен қала әкіміне шұғыл түрде диспансердегі емделушілерді Талсуаттағы ғимаратқа көшіріп, 120 орындық жұқпалы аурулар стационары етіп өзгертуді, өкпені жасанды желдету аппараты, оттегі және тағы басқа қажетті құрал-жабдықтармен қамтамасыз етуді тапсырды.
<img src="https://kyzylorda-news.kz/wp-content/uploads/2020/07/whatsapp-image-2020-07-06-at-18.08.13-1.jpeg" alt="" />
<img src="https://kyzylorda-news.kz/wp-content/uploads/2020/07/whatsapp-image-2020-07-06-at-18.08.14.jpeg" alt="" />
<img src="https://kyzylorda-news.kz/wp-content/uploads/2020/07/whatsapp-image-2020-07-06-at-18.08.12.jpeg" alt="" />
<img src="https://kyzylorda-news.kz/wp-content/uploads/2020/07/whatsapp-image-2020-07-06-at-18.08.12-1.jpeg" alt="" />

Гүлшара Әбдіқалықова қаладағы бірқатар нысандардың жұмысымен танысты (ФОТО)

<a href="https://kyzylorda-news.kz/">Kyzylorda-news.kz.</a> Коронавирус ауа арқылы тарайды деген болжам бар.
32 елдің 239 ғалымы Дүниежүзілік денсаулық сақтау ұйымына осы ұстанымды инфекцияның маңызды факторы ретінде қабылдауға шақырады. Бұл ақпарат Нью-Йорк Таймс газетінде жарияланды. Ғалымдардың пікірінше, коронавирус ауада ұсақ бөлшектер түрінде таралады. Және жабық кеңістікте ұзақ уақытқа дейін сақталады. Алайда Дүниежүзілік денсаулық сақтау ұймының мамандары ғалымдардың бұл ұйғарымын негізсіз деп есептейді. Әрі індет тыныс алу жолдарынан бөлінетін ірі тамшылар арқылы жұғады деген ұстанымда. Ал вирустың ауа арқылы таралатындығына нақты дәлел жоқ дегенді алға тартады.

COVID-19 ауа арқылы тарай ма?

<a href="https://kyzylorda-news.kz/">Kyzylorda-news.kz.</a> Фавипиравир. Короновирусқа қарсы күреске енді дәл осы дәрі де қолданылады,&nbsp;деп хабарлайды «Хабар 24».
Денсаулық сақтау министрі Алексей Цой оның Жапония және Еуропа елдерінде белсенді пайдаланылып жатқанын айтады. Сондықтан короновирусты емдеу жүйесін кеңейтіп, осы препаратпен толықтыруды жөн көріпті.
<blockquote>
 “Дәл осы препаратты елде шығарып, ішкі сұранысты қамтамасыз етуді жоспарлап отырмыз. Бұған қоса, бізде короновирусқа қарсы вакцинаның сынақтан өткізетін уақыт жақындады. Бұл жұмыстарды шетелдік әріптестерімізбен бірлесіп жасаймыз”, – дейді ҚР Денсаулық сақтау министрі Алексей Цой.
</blockquote>

ДСМ: Короновирустан емдеу жүйесі кеңейтілді

<a href="https://kyzylorda-news.kz/">Kyzylorda-news.kz.</a> Чикаго университетінің психологтары апокалипсис туралы киноны сүйетіндерге пандемиямен күресу оңай екенін анықтады. Жер жаһанда тарап жатқан індетке қатысты олар өзгелерге қарағанда психологиялық тұрғыдан әлдеқайда дайын болып шықты.&nbsp;
Зерттеушілер 310 еріктіге сүйікті фильмдері мен көрермен ретіндегі талғамына қатысты сауалнама жүргізді. Осыдан кейін олар пандемияның белең алуы адамның жалпы жағдайына қалай әсер ететінін анықтау мақсатында психологиялық тесттер өткізді.
Нәтижесінде зомби апокалипсис туралы фильмдерді сүйіп қарайтындар дүрбелеңге ілеспей, ажиотаж жасамай, жайбарақат өмір сүруін жалғастыра беретіні белгілі болды. Олар жағдайды ақылмен саралап, тәртіпке бағынғанда ғана пандемияны жеңетінін ұғынып, өздіктерінен оқшауланған.
Бұл жағдайды Чикаго университетінің психологы Колтан Скривнер: “Аталған бағыттағы фильмдер көрермендері бейсаналы түрде ондағы сценарийді қайталап, өмірге кейіпкерлердің көзімен қарайды”, – деп түсіндіреді.
Мақаланы психологтар: “Егер сіз қандай да бір жағдайды кинодан жүз рет көрсеңіз, ол сізді есеңгірететіндей күшке ие бола алмайды”, – деп түйіндеген.
<a href="https://massaget.kz/jigitterge/psihologiya/62644/">Massaget.kz</a>

Апокалипсис туралы фильмдер фанаттары пандемияға дайын болып шықты

<a href="https://kyzylorda-news.kz/">Kyzylorda-news.kz.</a> «Астана медицина университеті» коммерциялық емес акционерлік қоғамының доценті Роза Сүлейменова коронавирус жүқтырмас үшін иммунитетті қалай нығайтуға болатынын айтып берді, деп хабарлайды ҚазАқпарат.
<blockquote>
 «Ең бастысы – иммунитетті әлсіретпей, дұрыс тамақтану керек. Ағзаның иммунитеті 30-40 пайыз ақуыздан және 50 пайыз жеміс-жидек пен көкөністен тұрады. Сондықтан жылқы, сиыр етінен, балықтан қайнатылған сорпаны ішкен жөн. Сонымен қатар, сұйықтықты көп ішкен абзал. Күніне 3-5 литрге дейін су, компот және морс ішуге болады. С витамині өте қажет ағзаға, ол алмада, лимонда, қарақатта мол болады», – дейді маман.
</blockquote>
Дәрігердің айтуынша, көтеріңкі көңіл-күй ауырып қалмауға көп септігін тигізеді. Күйзеліске түспеген дұрыс. Ешқашан байбалам салмай, уайымдамай, барынша сабыр сақтап, жақсылықтан үміт ету керек, өйткені иммундық жүйе осыған тікелей байланысты.
«Кеңседе және үйде жұмыс істейтіндер бөлмені жиі желдетіп, сүртіп, тазалап отырғаны жөн. Маска киіп, гигиенаны сақтауды ұмытпаңыз. Сонымен қатар, көпшілікті өз бетіңізше емделмей, әуелі емханадағы учаскелік дәрігермен немесе жедел жәрдемге хабарласып, сондағы мамандармен ақылдасуға шақырамын. Басыңыз ауырып, құрғақ жөтел, ентігу пайда болса, дене қызуы көтеріліп, иіс сезуден айырылсаңыз, әлсіздік пен тершеңдік сезінсеңіз, бірден мамандармен кеңесіп, ем-дом алыңыз», – деп түйіндеді сөзін Роза Сүлейменова.
&nbsp;<a href="https://www.inform.kz/kz/koronavirustan-kalay-korganu-kerek_a3669262">https://www.inform.kz/kz/koronavirustan-kalay-korganu-kerek_a3669262</a>

Коронавирустан қалай қорғану керек?

Kyzylorda-news.kz. COVID-19 симптомдарының санына үш жаңа симптом қосылды. Олар диарея, жүрек айнуы және мұрынның бітелуі. Бұл туралы АҚШ-тың Ауруларды бақылау және профилактикасы бойынша орталығы хабарлады.
Бұған дейін америкалық дәрігерлер инфекция белгілері&nbsp; жоғары температура, тыныс алудың нашарлауы,&nbsp;жөтел, иіс пен дәм сезудің жоғалуы, сондай-ақ бұлшықет ауруы, қалтырау мен тамақ ауруы деп атаған. Британдық дәрігерлер коронавирустық инфекциямен ауыратын науқастардың 30%-ы өкпе қабынуы нәтижесінде пайда болатын және өлімге себеп болуы мүмкін тромбоз белгілерін байқайтынын хабарлады.
Соңғы мәліметтер бойынша, әлемде коронавирусты 10,8 млн-нан астам адам жұқтырған, 519 мыңнан астам адам қайтыс болды.
<a href="https://baq.kz/news/othernews/d-rigerler-koronavirusty-sipattamasyna-sh-zha-a-simptom-osty/">Baq.kz</a>

Дәрігерлер коронавирустың сипаттамасына үш жаңа симптом қосты

<a href="https://kyzylorda-news.kz/">Kyzylorda-news.kz.</a> Ислам Жалғасбай есімді маңғыстаулық оқушы пневмонияға шалдыққан атасының денсаулығын оңалту үшін қолда бар заттармен өкпені жасанды желдету аппаратын жасады.
8-сынып оқушысының 62 жастағы атасы екіжақты пневмонияға шалдығып, ауруханаға жатқызылған. Дәрігерлер қарияның денсаулығына байланысты болжамдар көңіл көншітпейтінін айтып, туыстарына оны үйіне алып кетуді ұсынған.
<blockquote>
 «Жағдайы ауыр еді. Оны үйге алып келгеннен кейін де үміт үзбей күресуге шешім қабылдадық. Інімнің баласы Ислам YouTube желісінен бейнеролик көріп, өз бетінше өкпені жасанды желдету аппаратын жасап шығаруды ұйғарды», – дейді отбасының туысы Рахат Тұрғанов.
</blockquote>
Осылайша, сегізінші сынып оқушысының қодан жасап шыққан аппараты кәдеге жарап, атасының өмірін сәл де болсын жеңілдетуге септігін тигізді.
<blockquote>
 «Ислам жасап шығарған аппаратпен атамыз тағы бірнеше күн өмір сүрді. Алайда, өкінішке қарай, одан айырылып қалдық», – дейді Р.Тұрғанов.
</blockquote>
Айта кетейік, бұған дейін атыраулық кәсіпкерлер облыстық ауруханаға өкпені жасанды желдету аппараттарын сыйға тартқанын хабарлағанбыз.

8-сынып оқушысы атасын құтқару үшін өкпені жасанды желдету аппаратын жасап шығарды (ВИДЕО)

<a href="https://kyzylorda-news.kz/">Kyzylorda-news.kz.</a> Алматыдағы №9 қалалық емханасының бөлім меңгерушісі Мадина Омарова кәдімгі қойдың майы коронавирусқа қалай әсер ететіні туралы сұраққа жауап берді, деп хабарлайды <a href="https://24.kz/kz/zha-aly-tar/bylu-manyzdy/item/406335-ojdy-majy-koronavirustan-emdeluge-k-mektese-me">“Хабар 24”</a>.
Оның айтуынша, хаттама бойынша медициналық қызметкерлерге қойдың майын қолдануға рұқсат жоқ. Сондай-ақ дәрігер қойдың майын біздің ата-бабаларымыз кеңінен қолданғанын, алайда қазір оның орнына түрлі заманауи жақпамайлар мен дәрілер келгенін айтып өтті.

Қазақстан және Қызылорда облысының жаңалықтары: COVID-19