<a href="https://kyzylorda-news.kz/">Kyzylorda-news.kz.</a> Денсаулық сақтау вице-министрі Ажар Ғиният қазақстандықтарды құттықтауды да, көңілді айтуды да телефон арқылы жеткізуге үндеді.
Вице-министрдің айтуынша, бүгінде эпидемиологиялық жағдай жақсарса да, өлім-жітім тыйылған жоқ. Ал қайтыс болған науқастардың 90 проценті артериялық гипертензия, жүректің ишимиялық аурулары мен қант диабетіне шалдыққан. Көбісі семіздіктен жапа шеккен. &nbsp;
<blockquote>
 “Осыған байланысты барлық емханаға нұсқау берілді. Созылмалы ауруы бар адамдар емханаға қаралса, оларды дер кезінде ауруханаға жатқызу қажет. Сөйтіп, ауруды асқындырып алмай, емдеген жөн”, – деп атап көрсетті &nbsp;Ғиният.
</blockquote>
Оның сөзіне қарағанда, қайтыс болған науқастардың медициналық құжаттарын тексергенде көп адамның эпидемиологиялық жағдайға қарамастан, көпшілік шараларға, соның ішінде тойға барғаны белгілі болды. Ал ондай жерде бір науқас біраз адамға инфекция жұқтырады. Олардың 20 проценті ауруханаға ауыр жағдайда түсіп жатады.
<blockquote>
 “Сондықтан дәрігерлердің атынан, денсаулық сақтау министрлігінің атынан көпшілік шараларға бармауыңызды сұраймыз. Біреуді құттықтаймын десеңіз, я болмаса, көңіл айтсаңыз, телефон арқылы жасағаныңыз жөн. Өйткені өлім-жітімнің болуы, эпидемиологиялық жағдайдың асқынуы медицина мамандарына ғана емес, барша азаматқа тікелей байланысты. Бұл инфекциялық ауру болғаннан кейін адамнан адамға жұғып, тоқтамай жатыр”, – деп түйіндеді Ғиният.
</blockquote>

«Телефонмен көңіл айтыңыз»: денсаулық сақтау вице-министрі қазақстандықтарға кеңес берді

<a href="https://kyzylorda-news.kz/">Kyzylorda-news.kz.</a> Қызылордада емханалар жоспарлы жұмыстарын бастады.
Бұған дейін скринингтік және профилактикалық тексерулер, жоспарлы стоматологиялық қызмет, оқушылардың денсаулығын қорғау қызметтері, салауатты өмір салтын ұстану бойынша шаралар, психологиялық көмек көрсету уақытша тоқтатылған болатын. Енді бұл қызметтер қайта жанданды.
5 тамыздан бастап облыстық фтизиопульмонология орталығының 120 төсек орынға арналған инфекциялық стационары жабылып, 100 орынға шақталған провизорлық стационар болып қайта жасақталады.
Ал 10 тамыздан бастап көпбейінді қалалық аурухананың 210 орынға арналған провизорлық стационары жабылып, залалсыздандыру жұмыстары жүргізілгеннен кейін шұғыл және жоспарлы емдеу жұмыстарын бұрынғыша жалғастырады.
Жоспарлы емдеу жұмыстарының қайта іске қосылып жатқаны, аймақтағы ахуалдың тұрақталып келе жатқанын көрсетеді.

Қызылордада емханалар жоспарлы жұмыстарын бастады

<a href="https://kyzylorda-news.kz/">Kyzylorda-news.kz.</a> Жан сақтау бөлімшесі қызметінің қиындығын көп азаматтар жақсы біледі. Бөлімше мамандары өмір мен өлім арпалысын көзбен көріп, адам жанын ажалдан арашалау үшін бар күш-жігерін салады.
Біздің қарбаласқа толы жұмысымыз коронавирус індеті өршігенде тіптен қиындап кетті. Талай науқастың қиналғанын көрдік.
Науқастардың ауа жетпей мазасызданған күйін көру оңай емес. Ет пен сүйектен жаралған пенде болғаннан кейін бәрін жүрекпен қабылдаймыз. Адам жанын аман алып қалу үшін барлық білімімізді, тәжірибемізді жұмсаудамыз. 
Жақында жасы елуден асқан науқас өкпесінің қабынуынан ауа жетіспей біздің бөлімшеге келді. Оттегі баллонының көмегімен жанын аман алып қалдық. Бірнеше күннен кейін беті бері қарады. Қажетті ем-домның барлығын жасадық.
Науқастардың ем-шарасы үшін жанашыр азаматтар біздің салаға көп көмек көрсетуде. Мұның бәрі бір қарағанда жәй нәрсе болғанымен, түпкі мәнінде бір адамға ғана емес, бір отбасыға, бәрімізге қуаныш сыйлайды. Қаншама адам әкесімен, анасымен, баласымен, бауырымен қайта қауышып, алғыстарын білдіруде. Сол себепті осы кезеңдерде адамдардың бір-біріне жанашырлық танытуы індетке қарсы тұруға айтарлықтай әсер етеді. Бұл біздің жұмысымызға да серпін беруде.
Біз соңғы үш айда күлкісіз күндерді, ұйқысыз түндерді бастан өткердік. Қазір эпидемиологиялық жағдай тұрақталып келеді. Десе де, сақтық шараларына әлі де аса мән беру қажетпіз. Карантин талаптарын сақтау – дертті жеңудің төте жолы. Сондықтан аудан тұрғындарын сақтық шараларын ұстануға шақырамын. Бір-бірімізге жанашырлық танытып, індетті жеңіп шығайық!
Дастан СӘДІРҚОЖАЕВ,
Сырдария аудандық аурухананың реаниматолог дәрігері

Дастан Сәдірқожаев: Карантин талаптарын сақтау – дертті жеңудің төте жолы

<a href="https://kyzylorda-news.kz/">Kyzylorda-news.kz.</a> Қызылорда облысында қазіргі пандемия уақытында ақ халатты абзал жандарды қолдау мақсатында “Мың алғыс” акциясы жалғасын табуда.
Осы акция аясында облыстық мәслихаттағы «Nur Otan» партиясы депутаттық фракциясының мүшесі, партия белсендісі, «Жан-Арай» ЖШС директоры Бағдаулет Еркінбекұлы Мақашовтың қолдауымен облыс орталығында орналасқан облыстық медицина орталығы, қалалық аурухана, жедел жәрдем, облыстық туберкулезге қарсы диспансері жалпы 1700 қызметкерлері мен емделушілеріне арнайы ас берілді. Яғни, 4 ірі қара еті, 150 литр шұбат пен 150 литр қымыз және дәруменге толы жеміс-жидектер адам жанына араша түсіп жүрген дәрігерлер мен олардағы емделушілерге түскі асқа таратылды.
Ізгі шараның негізгі мақсаты қоғамда, өскелең ұрпақ арасында мейірімділік пен қайырымдылық қасиеттерін насихаттау мен ақ халатты абзал жандарға құрмет көрсету, олардың жұмысын бағалау.
<img src="https://kyzylorda-news.kz/wp-content/uploads/2020/08/whatsapp-image-2020-08-03-at-15.33.06-1.jpeg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-03-at-15.33.06.jpeg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-03-at-15.33.05.jpeg" alt="" />

Қызылордада &#8220;Мың алғыс&#8221; акциясы жалғасын табуда (ФОТО)

Kyzylorda-news.kz. Денсаулық сақтау министрі Алексей Цой коронавирус жұқтырған медицина қызметкерлеріне өтемақы беру мәселесі туралы айтты.
<blockquote>
 «Медицина қызметкерлеріне өтемақы беретін кезде коронавирус пен пневмония статистикасы біріктірілгенге дейін анықталған адамдар одан сырт қалмай ма деген сұрақтар қойылып жатыр. Біз бұл бағытта жұмыс жүргізудеміз. Мәселені міндетті түрде зерттейміз, әрбір жағдай жеке талданады. Әріптестеріміз бұл мәселе бойынша алаңдамай-ақ қойсын», – деді министр ОКҚ брифингінде.
</blockquote>
<a href="https://24.kz/kz/zha-aly-tar/o-am/item/413567-covid-19-d-rigerlerge-tema-y-beru-shin-rbir-zha-daj-zheke-zertteledi">“24 kz”</a>

COVID-19: дәрігерлерге өтемақы беру үшін әрбір жағдай жеке зерттеледі

Kyzylorda-news.kz. Денсаулық сақтау министрі Алексей Цой Қазақстанда коронавирустың шарықтау шегі өтіп кеткенін айтты.
<blockquote>
 «Осы уақытқа дейін 92 662 коронавирус жағдайы тіркелді. Олардың 67% астамы жазылып шықты. Соңғы тәулікте 672 науқас сауықты. Осындай жақсы көрсеткіштер көбейіп келеді. Жағдай Батыс Қазақстанда, Алматы, Түркістан, Қостанай, Ақмола, Маңғыстау облыстарында және елордада жақсарып келеді. Осылайша, Қазақстанда коронавируспен ауыру жағдайы тұрақталды деп толық сеніммен айта аламыз. Аурудың шарықтау шегі өтті», – деді министр ОКҚ брифингінде.
</blockquote>
<a href="https://24.kz/kz/zha-aly-tar/basty-zha-aly-tar/item/413555-aza-standa-koronavirus-zha-dajy-t-ra-taldy-dep-toly-senimmen-ajta-alamyz-a-tsoj">Хабар 24</a>

Қазақстанның қай өңірлерінде коронавирус жағдайы тұрақталды

Kyzylorda-news.kz. Қызылорда қаласында 360 орындық провизорлық орталық жабылды.
Медициналық мекеме індет өршіп тұрған уақытта Қорқыт ата атындағы Қызылорда мемлекеттік университетінің 5-ші жатақханасынан ашылған болатын. Жатақхана толықтай медициналық құралдармен жабдықталды. Бірінші қабатында фильтр кабинеті орналастырылды.
Шіденің 1-і күні жұмыс істей бастаған орталықта 1 айда өкпесі қабынған 1000-ға жуық науқас емделді. Енді міне соңғы адам еміне шипа тауып, үйіне қайтты.
Зейнеткер бұл орталыққа өте ауыр жағдайда түскен. Дәрігерлердің біліктілігі мен қажырлығының арқасында екі аптада денсаулығы жақсарды.
Айта кету керек, емдеу мекемесінде 200-ге жуық медициналық қызметкер 2 ауысыммен қызмет еткен.

COVID-19: Қызылордада провизорлық орталық жабылды

Kyzylorda-news.kz. Денсаулық сақтау министрі Алексей Цой елдегі эпидемиологиялық ахуал жайлы айта келе қиын кезеңнің артта қалғанын мәлім етті, деп хабарлайды <a href="https://www.inform.kz/kz/aleksey-coy-kiyn-kezen-artta-kaldy_a3679125">ҚазАқпарат</a>.
<blockquote>
 «Қиын кезең артта қалды десек артық айтқанымыз емес. Ең алдымен еліміздегі эпидемиологиялық ахуалға тоқталайын. Қиын кезең артта қалды деп айтсақ артық болмас. Қазіргі уақытта жағдай тұрақталып келеді. Қазақстанда жалпы наурыз айынан бері 92 262 адамнан індет анықталды. Оның ішінде 30 мыңға жуық адам емделуде. Өкінішке қарай, 1058 адам қайтыс болды. Бүгін де коронавирус жұқтырғандар саны едәуір азайып келеді. Мысалы бір тәулікте COVID-ке шалдығу деңгейі 1400 адамды құрап отыр. Ауруханаларда дәрі-дәрмек те жеткілікті», – деді Алексей Цой ОКҚ-да өткен баспасөз мәслихатында.
</blockquote>
Министрдің айтуынша, COVID-19 бен пневмонияға шалдыққан пациенттерге арналған елу екі мың төсек орын бар.
<blockquote>
 «Әрине бұл нәтижелер мемлекет тарапынан қолданған іс шараларын қоғам дұрыс түсініп қабылдауының арқасы», – деді ол.
</blockquote>
https://www.inform.kz/kz/aleksey-coy-kiyn-kezen-artta-kaldy_a3679125

Алексей Цой: Қиын кезең артта қалды

Kyzylorda-news.kz. Бүгін, яғни 3 тамыздан бастап елімізде қатаң карантин мерзімі тағы 2 аптаға ұзартылды.
Әр аймақтағы бас санитар дәрігердің қаулысы бойынша 3 тамыздан бастап елде шектеу шаралары енгізіледі. Мәселен, күні кеше елорданың бас мемлекеттік санитар дәрігері арнайы бұйрыққа қол қойды. Оған сәйкес, сауықтық, спорттық және басқа да бұқаралық іс-шараларды, сондай-ақ отбасылық, еске алу, форум, конференция, семинар, жиналыс сияқты жиындарды өткізуге тыйым салынады. Спорт жаттығуы тек жекелей үлгіде және ашық аспан астында өткізілуі керек.
Үш адамнан артық не бір отбасы мүшелерінен басқа экскурсия, корпоратив, топтық серуен ұйымдастыруға және рұқсат етілмеген жағажайларда шомылуға болмайды. Сондай-ақ, 65 жастан асқан адамдардың қалада және басқа да қоғамдық орындарда жүруіне шектеу қойылады. Тұрғындар маска кию бойынша міндетті талаптарды ескеріп, әлеуметтік қашықтықты сақтау қажет. Бұған қоса, санитарлық-профилактикалық іс-шараларды күшейте отырып, ашық аспан астындағы көтерме азық-түлік және азық-түлік сатпайтын базарлар сағат 13.00-ге дейін жұмыс істейді. Балабақшалар жабық. Осыған ұқсас шаралар еліміздің барлық аймағында қолға алынды.

Қазақстанда карантин мерзімі тағы ұзарды

Kyzylorda-news.kz. ҚР Денсаулық сақтау министрлігі коронавирус бойынша жаңартылған статистиканы ұсынды, деп хабарлайды <a href="https://www.inform.kz/kz/zhanartylgan-statistika-bir-taulikte-koronavirustan-36-pnevmoniyadan-30-adam-kaytys-boldy_a3678915">ҚазАқпарат</a>.
<blockquote>
 «2020 жылдың 1 тамызындағы жағдай бойынша, COVID-19 зертханалық расталған жағдайлардың саны – 1226, соңғы бір тәулікте 36 адам қайтыс болды. Анықталмаған этиологиясы бар, бірақ коронавирустық инфекцияның клиникалық және эпидемиологиялық белгілері табылған пневмониямен ауырғандар саны – 5181. Өткен тәулікте пневмония диагнозымен 30 өлім жағдайы тіркелді», – делінген министрлік хабарламасында.
</blockquote>
Жалпы коронавирусқа қатысты жаңартылған мәліметтер төрт цифрға негізделеді. Бірінші көрсеткіш – коронавирус ПТР сынағымен расталған пациенттер, екіншісі – өлім жағдайлары, үшіншісі – ПТР сынамаларымен дәлелденбеген ықтимал ауырған пациенттер, төртіншісі – ПТР сынамаларымен дәлелденбеген бірақ өлім нәтижелері көрсеткен жағдайлар

Жаңартылған статистика: Бір тәулікте коронавирустан 36, пневмониядан 30 адам қайтыс болды

Kyzylorda-news.kz. ҚР Денсаулық сақтау министрлігінің ресми өкілі Бағдат Қожахметов коронавирустың жаңартылған статистикасы 2 тамызда жарияланатынын айтты, деп хабарлайды <a href="https://www.inform.kz/kz/zhanartylgan-koronavirus-statistikasy-2-tamyzda-zhariyalanady-dsm_a3678804">ҚазАқпарат</a> .
<blockquote>
 «Біз өте қиын процесс өткіздік. Екі апта ішінде науқастарды тіркеу жүйесінің сенімділігі үшін кодтау алгоритмі мен нұсқаулықтар жасалды. Біз қолданыстағы ақпараттық жүйені құрдық, осы кезең ішінде бүкіл медицина қызметкерлеріне жаңа деректерді қалай дұрыс енгізу керектігін үйреттік. Қазақстан Республикасының Дүниежүзілік денсаулық сақтау ұйымы өкілінің техникалық кеңесіне сәйкес жаңа мәліметтер екіге бөлінді. Бірақ екі бөлік те коронавирус инфекциясы бар пациенттер ретінде қарастырылады», – дейді Бағдат Қожахметов.
</blockquote>
Ол коронавирустық инфекция жағдайында кодтау алгоритмі екі кодпен, яғни ПТР сынағы оң болған кезде расталған жағдайлар үшін және расталмаған, ықтимал жағдайлар үшін қолданылады деді. Оның айтуынша, жаңа тәсіл ауру туралы дұрыс болжам жасауға және статистиканың ашықтығын қамтамасыз етуге мүмкіндік береді.
<blockquote>
 «Жаңа тәсіл аурудың алдын-ала дұрыс болжамын жасауға, барлық қажетті ресурстарды дұрыс жоспарлауға мүмкіндік береді: қанша дәрігерді тарту керек, ауруханаларда қанша төсек дайындау керек. Тұтастай алғанда, бұл статистиканың ашықтығын қамтамасыз етеді, бұл өте дұрыс шешім, ол тиісті нәтиже береді», – деді Б.Қожахметов.
</blockquote>

Бүгін коронавирустың  жаңартылған     статистикасы жарияланады

Kyzylorda-news.kz. ҚР Денсаулық сақтау министрлігі маска тағу немесе тақпау режимін қалай бақыланатынын түсіндірді, деп хабарлайды <a href="https://www.inform.kz/kz/ministrlik-maska-tagu-rezhimi-kalay-bakylanatynyn-tusindirdi_a3678783">ҚазАқпарат</a>.
Маска тақпағаны үшін тұлғаларды әкімшілік жауапкершілікке тарту тәртібі Қазақстан Республикасының «Әкімшілік құқық бұзушылық туралы» кодексінде жазылған.
<blockquote>
 «Жеке тұлғаларға (азаматтарға) карантиндік шараларды сақтамағаны үшін әкімшілік жауапкершілікке тарту туралы дәлелдемелер жинауды (әлеуметтік қашықтық, адамдар көп жиналатын жерлерде маскасыз жүру және т.б.) бақылау топтарының құрамында ішкі істер органдары және жергілікті полиция қызметі жүргізеді», – делінген хабарламада.
</blockquote>
Одан кейін ӘҚБтК-нің 425-бабының 1-бөлігімен әкімшілік іс қозғау үшін материалдарды Тауарлар мен қызметтердің сапасын бақылау комитетінің аумақтық бөлімшелеріне беріледі.
<blockquote>
 «Прокуратура органдары мемлекеттік органдар мен ұйымдардың карантиндік шараларды орындау кезінде азаматтар мен кәсіпкерлік субъектілерінің құқықтарының, бостандықтары мен заңды мүдделерінің сақталуын бақылауды қамтамасыз етеді. 5 шілдеден бастап өз қызметін қайта бастаған меншіктің әртүрлі нысандарының қызметін, сондай-ақ жеке тұлғалардың карантин талаптарын сақтауын бақылау мақсатында өңірлерде полиция қызметтері, әкімдіктер, «Атамекен» ҰКП, санитарлық-эпидемиологиялық қызмет өкілдері, волонтерлер кіретін 779 мониторингтік топ құрылды», – делінген хабарламада.
</blockquote>

Қазақстан және Қызылорда облысының жаңалықтары: COVID-19

«Телефонмен көңіл айтыңыз»: денсаулық сақтау вице-министрі қазақстандықтарға кеңес берді

Қызылордада емханалар жоспарлы жұмыстарын бастады

Дастан Сәдірқожаев: Карантин талаптарын сақтау – дертті жеңудің төте жолы

Қызылордада “Мың алғыс” акциясы жалғасын табуда (ФОТО)

COVID-19: дәрігерлерге өтемақы беру үшін әрбір жағдай жеке зерттеледі

Қазақстанның қай өңірлерінде коронавирус жағдайы тұрақталды

COVID-19: Қызылордада провизорлық орталық жабылды

Алексей Цой: Қиын кезең артта қалды

Қазақстанда карантин мерзімі тағы ұзарды

Жаңартылған статистика: Бір тәулікте коронавирустан 36, пневмониядан 30 адам қайтыс болды

Бүгін коронавирустың жаңартылған статистикасы жарияланады

Министрлік маска тағу режимі қалай бақыланатынын түсіндірді

Қазақстан және Қызылорда облысының жаңалықтары: COVID-19

«Телефонмен көңіл айтыңыз»: денсаулық сақтау вице-министрі қазақстандықтарға кеңес берді

Қызылордада емханалар жоспарлы жұмыстарын бастады

Дастан Сәдірқожаев: Карантин талаптарын сақтау – дертті жеңудің төте жолы

Қызылордада &#8220;Мың алғыс&#8221; акциясы жалғасын табуда (ФОТО)

COVID-19: дәрігерлерге өтемақы беру үшін әрбір жағдай жеке зерттеледі

Қазақстанның қай өңірлерінде коронавирус жағдайы тұрақталды

COVID-19: Қызылордада провизорлық орталық жабылды

Алексей Цой: Қиын кезең артта қалды

Қазақстанда карантин мерзімі тағы ұзарды

Жаңартылған статистика: Бір тәулікте коронавирустан 36, пневмониядан 30 адам қайтыс болды

Бүгін коронавирустың жаңартылған статистикасы жарияланады

Министрлік маска тағу режимі қалай бақыланатынын түсіндірді

Қызылордада “Мың алғыс” акциясы жалғасын табуда (ФОТО)