<a href="https://kyzylorda-news.kz/">Kyzylorda-news.kz</a>.&nbsp; Білім және ғылым министрлігі мектепті бітіруге арналған түлектер кешін өткізуге қатысты ресми ұстанымын жариялады.
Мектепке дейінгі және орта білім комитетінің төрайымы Майра Мелдебекованың айтуынша, аттестат тапсыру салтанаты мектептерде өтеді. Алайда түлектер кешін өткізуге рұқсат жоқ.
<blockquote>
 “Мектептің ауласында салтанатты шара ұйымдастырылады. Сол жерде түлектерге аттестат табысталады. Оны да кесте бойынша өткізеді. Ал ары қарай кеш өткізуге тыйым салынған”, – деді Мелдебекова арнайы брифингте.
</blockquote>
Оның айтуынша, әрбір мұғалім мен оқушы қазіргі санитарлық-эпидемиологиялық жағдайды және коронавирустың қаупін түсінуі керек.
<blockquote>
 “Бүгінде мектепте аттестат тапсырудың тәртібі бар. Барлық мектепке нұсқаулар жіберілді. Мұғалімдер де бәрін бақылайды. Ал мектептен кейін көпшілік шара ұйымдастырылса, жергілікті билік тиісті шара қолданады”, – деп атап өтті Мелдебекова.
</blockquote>
&nbsp;<a href="https://sputnik.kz/">Sputnik Қазақстан</a>

Түлектер кешін өткізуге рұқсат жоқ

<a href="https://kyzylorda-news.kz/">Kyzylorda-news.kz</a>. Сырдария ауданының түлегі ұлттық бірыңғай тестілеуден 137 балл жинады.
Биылғы ҰБТ жылдағыдан өзгеше форматта өткізілуде. Түлектер сынаққа 2 мәрте қатысып, бақтарын сынай алады.
Тестілеуде сырдариялық жас түлек Жалғас Айдана Нұрланқызы 137 бал жинап, үздіктер қатарынан көрінді. Айдана Жалғас №44 орта мектептің «Алтын белгіге» үміткер оқушысы. Арманы асқақ, білімге құштар түлегіміз тынымсыз дайындықтың арқасында, ата-ана, мектеп ұстаздарының мерейін асқақтатып, берген білімін дәлелдеді.

ҰБТ: Сырдария ауданының түлегі 137 балл жинады

<a href="https://kyzylorda-news.kz/">Kyzylorda-news.kz</a>. Қызылорда қаласындағы №261 С.Лапин атындағы мектеп енді өзін-өзі басқару бағыты бойынша тірек мектеп ретінде жұмыс жүргізеді. Ұлттық құндылықтардың барлық элементтерін енгізген білім ұясы түрлі жобалардың таныстырылымын өткізді.
«Тәрбие мектебі: Бала шақтан болашаққа» тақырыбында өткен шараға облыстық білім басқармасының басшысы Ақзира Қасымова, Қызылорда қаласы әкімінің орынбасары Асқарбек Есжанов, облыстық оқу-әдістемелік оқу орталығының директоры Сырым Асқаров, қалалық білім бөлімінің басшысы Динара Баймұрзаева және лига құрамындағы директорлар қатысты.
Таныстырылым барысында меймандар мектептегі жылыжай кешенін аралады. Мұнда оқушылар қызынақ, қияр, бұрыш, шалқан, баклажан еккен. Мұнан кейін мектеп жанынан ашылған үйірмелердің жұмысы көрсетілді. Балалар таза ауада асық ойнап, бестас атып, ұлттық ойындарды дәріптеді.
Білім ұясында әке-ана мектебінен бөлек, әжелер мектебі де жолға қойылған. Ұлттық нақыштағы ұлттық өнерді дәріптеу, ата-ана институтын бала бойына сіңіруде әжелер мектебінің мүшесі қонақтарға ұлттық дәм ұсынды.Іс-шарада қонақтар мектеп оқушыларының өздері өндірген қолөнер бұйымдарының жәрмеңкесіне қатысты. Үйірме арқылы балалар тоқсанына бір рет жәрмеңке ұйымдастырып, түскен қаржыға қолөнер бұйымдарын сатып алады. Мектепте «Алтын домбыра» кабинеті, тірі табиғат бұрышы, STEM кабинетіндегі оқушылар түрлі бағытта жұмыс жүргізуде.
Шара форумен жалғасып, мектеп президенті және түрлі секторлардың басшылары қонақтарға сауал жолдап, қызықты диалог жүргізді. Мектептің білім министрі Ақзира Бақтыбайқызын сабақ беруге шақырып, көшбасшылық қасиеттерді дамыту туралы пікірін білді.
Мектептегі өзін-өзі басқару жобаларын саралаған Ақзира Қасымова әрбір жобаның ұлттық құндылықтармен ұштасқаны жас буынның жігерін жанитынын жеткізді.
<blockquote>
 «Бүгін мектептегі әрбір жобаны таныстырған оқушыларға қарап өзін-өзін басқару дегеннің жарқын мысалын көріп отырғандай әсерде отырмын. Біз «Серіктес директорлар» лигасы арқылы мектептерге 20 бағытты айқындап бердік. №261 мектебі «өзін-өзі басқару» бағытын алды. Бүгін сол жобаның алғашқы нәтижесін көрдік. Жақсы тәжірибелер облыстың басқа мектептеріне магнитті мектеп ретінде таралатын болады», – деді Ақзира Қасымова.
</blockquote>
<img src="https://kyzylorda-news.kz/wp-content/uploads/2021/05/189552383_1123480378155166_2719420106723805392_n.jpg" alt="" />

Қызылордадалық мектеп «Өзін-өзі басқару» бағытына көшті

<a href="https://kyzylorda-news.kz/">Kyzylorda-news.kz</a>. Сенат депутаттары мектеп кітапханаларында жұмыс істейтін қызметкерлердің жалақысын арттыру мәселесін көтерді, деп хабарлайды&nbsp;<a href="https://sputnik.kz/">Sputnik Қазақстан</a>.
Бүгін сенаттың жалпы отырысында сенатор Динар Нөкетаева мектептегі кітапханашылардың жалақысын арттыру мәселесін көтерді. Оның айтуынша, бүгінде мәдениет саласына қарайтын, яғни, жалпы халыққа қызмет көрсететін кітапхана қызметкерлерінің жалақысы 30-50 проценті көтерілді. Бірақ мектептегі кітапханашылардың еңбекақысы сол күйінде қалды. Ал жас ұрпақты тәрбиелеу мен ұлттық құндылықтарды сақтау тұрғысында осы мамандардың атқаратын рөлі зор. Осы орайда депутат білім және ғылым министрінен білім ұйымдарындағы кітапханашылардың жалақысы басқа кітапханашылармен қашан теңесетінін сұрады.
Білім және ғылым министрі Асхат Аймағамбетовтың айтуынша, бүгінде мектеп кітапханаларында 13,5 мың адам жұмыс істейді. Олардың барлығы білім қызметкерлері болып саналады. Сол себепті мәдениет саласындағы кітапханашылардың жалақысын арттыру шараларына ілікпей қалды.
<blockquote>
 “Білім саласында қызмет ететін 13,5 мың кітапханашының жалақысы мәдениет саласындағы әріптестерімен салыстырғанда әлдеқайда төмен. Ал жұмыс мазмұны бірдей және өзіңіз білесіздер, әсіресе, шалғайдағы елді мекендерде жалғыз кітапхана ғана жұмыс істейді, ол оқушыларды ғана емес, барлық тұрғынды кітаппен қамтамасыз етеді”, – дейді Аймағамбетов.
</blockquote>
Оның сөзіне қарағанда, бүгінде арнайы жұмыс тобы құрылды. Оған білім және ғылым министрлігі, еңбек және халықты әлеуметтік қорғау министрлігі, сондай-ақ, қаржы министрлігінің мамандары кіреді.
<blockquote>
 “Олар жұмысты бастап кетті. Біз тиісті есепті дайындадық. Болашақта көп күттірмей, осы мәселе шешіледі деп үміттенеміз”, – деп атап көрсетті Аймағамбетов.
</blockquote>
Ал сенат төрағасы Мәулен Әшімбаев күзде бюджетті қарау кезінде мектептегі кітапханашылардың жалақысын көтеру мәселесін енгізуді ұсынды.
<blockquote>
 “Әлихан Асханұлы (қаржы министрі), ондай өзекті мәселе бар. Президенттің тапсырмасына сәйкес, ұстаздардың жалақысы өте жақсы өсті. Мәдениет саласындағы кітапханашылардың жалақысы да өсіп жатыр. Бірақ мектепте істейтін кітапхана қызметкерлері еңбекақысының өспеуі, әрине, біраз сұрақтарды тудырып жатқаны жасырын емес. Сондықтан күзде алдағы үш жылдың бюджетін қараған кезде соған дейін осы соманы пысықтап, қарап, соны бәріміз бірге бюджетке кіргізу жағын қарастыруымыз қажет”, – деді Әшімбаев.
</blockquote>

Аймағамбетов мектептегі 13,5 мың маманның жалақысы қашан көтерілетінін айтты

<a href="https://kyzylorda-news.kz/">Kyzylorda-news.kz</a>.&nbsp;Бүгін Қызылорда облысының әкімі Гүлшара Әбдіқалықова «Ustudy» аймақтық тестілеу орталығына барып, орталықтың ұлттық біріңғай тест өткізу бағытындағы жұмыстарын көрді.
Биыл облыста 7007 мың бала мектеп бітірсе, оның 85 пайызы ұлттық сынаққа қатысады. Ұлттық біріңғай тестілеудің алғашқы кезеңінде 5992 түлек, екінші кезеңінде 5936 бақ сынайды. Өңірде ҰБТ 4 мамандандырылған тестілеу пунктте өтуде. Олардың бірі осы «Ustudy» орталығы болса, қалған үшеуі Қазалы, Қармақшы және Жаңақорған аудандарында орналасқан. Орталық директоры Гүлнәр Пейісова тестілеу пунктінің негізгі талаптарға сай жабдықталғанын, қазіргі уақытта ҰБТ өткізілетін орындарда санитарлық талаптардың қатаң сақталғандығын жеткізді. Өңір басшысы тестілеу кезінде түлектерге барлық жағдай жасалауын тапсырып, олардың қауіпсіздік шараларын да басты назарда ұстау қажеттігін ескертті.
<blockquote>
 «Биылғы түлектер де пандемия жағдайында ұлттық біріңғай тестілеуден өтуде. Сондықтан біз үшін әрбір талапкердің қауіпсіздігі маңызды. Сол үшін санитарлық талаптардың сақталуына аса мән беруіміз керек. Мемлекет тарапынан жастарға қолдау жасалып, мектеп бітірушілерге тестілеуден өтуге екі кезең берілді. Қай кезеңде балы жоғары болса, сол көрсеткіш есепке алынбақ. Бұл көптеген жастың өз мақсатына жетуіне, таңдаған мамандығының иесі атануына сеп болмақ», – деді Гүлшара Әбдіқалықова.
</blockquote>
Айта кетейік, биылғы ұлттық біріңғай тестілеу электронды форматты 6-мамырдан бастап өткізілуде. Бүгінгі күнге дейін аймақта 1530 түлек тест тапсырған. Орташа балл – 85 балл. Осыған дейін тест тапсырған мектеп бітірушілердің 15 пайызы 100-ден аса балл жинаған. ҰБТ 30 маусымға дейін жалғасады. Шалғай елді-мекенде бітірушілерді автобустармен тасымалдау шаралары ұйымдастырылуда. ҰБТ кезеңінде талапкерлердің өмір қауіпсіздігін қамтамасыз ету бағытында облыстық білім басқармасы медицина, өртке қарсы қызмет және ішкі істер органдарымен бірлесіп жұмыс жасауда.
Биылғы жылғы жаңа ереже бойынша, ҰБТ аяқталғаннан кейін тапсырмалардың жауаптарымен талдау картасы шығады. Яғни оқушылар тестілеу нәтижесін бірден көре алады. Түлектер 5 пән бойынша 120 сұрақтан тұратын тест тапсырып, ең жоғары 140 балл жинауға мүмкіндігі болады.
<img src="https://kyzylorda-news.kz/wp-content/uploads/2021/05/188520717_3381987875237591_4916480348521940100_n.jpg" alt="" />
<img src="https://kyzylorda-news.kz/wp-content/uploads/2021/05/188331579_3381988278570884_2860611323087047848_n.jpg" alt="" />
<img src="https://kyzylorda-news.kz/wp-content/uploads/2021/05/189819888_3381989258570786_7530795561960252018_n.jpg" alt="" />
<img src="https://kyzylorda-news.kz/wp-content/uploads/2021/05/187780562_3381989431904102_7797264798793219352_n.jpg" alt="" />

Гүлшара Әбдіқалықова: Біз үшін әрбір талапкердің қауіпсіздігі маңызды

<a href="https://kyzylorda-news.kz/">Kyzylorda-news.kz.</a> Қазақстанның барлық өңірінде бір уақыт аралығында онлайн режимде республикалық пәндік олимпиаданың жеңімпаздары марапатталды.
ҚР Білім және ғылым министрі Асхат Аймағамбетов білім додасында оза шапқан оқушылардың ерекше белсенділігін атап өтіп, жеңімпаздардың құттықтады.
Білім сынағына Қызылорда облысынан 24 мектептен жаратылыстану-математикалық, қоғамдық-гуманитарлық бағыттары бойынша 13 пәннен 56 оқушы қатысты. Оның 26-сы жеңімпаз атанды. Пәндер бойынша І орынды – 1 бала, ІІ орын – 11 бала, ІІІ орынды 14 бала иеленді.
Аймақ абыройын асырған жеңімпаздарды облыстық білім басқармасының басшысы Ақзира Қасымова марапаттап, әрбір дарынды жастың білімдегі талпынысын жоғары бағалады.
Жеңімпаздарға арнайы медаль мен «Батырлар жыры» кітабы табыс етілді.
Айта кетейік, республикалық олимпиада қорытындысы бойынша «Үздік 100 мектеп» қатарына облыстан 3 білім ордасы енді.
<img src="https://kyzylorda-news.kz/wp-content/uploads/2021/05/fb_img_1621475408144.jpg" alt="" />
<img src="https://kyzylorda-news.kz/wp-content/uploads/2021/05/fb_img_1621475411279.jpg" alt="" />
<img src="https://kyzylorda-news.kz/wp-content/uploads/2021/05/fb_img_1621475414278.jpg" alt="" />
<img src="https://kyzylorda-news.kz/wp-content/uploads/2021/05/fb_img_1621475418705.jpg" alt="" />
<img src="https://kyzylorda-news.kz/wp-content/uploads/2021/05/fb_img_1621475582530.jpg" alt="" />

Қызылордада республикалық олимпиаданың жеңімпаздары марапатталды

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Аккредиттеу және рейтингтің тәуелсіз агенттігі (АРТА) өткізетін жоғары оқу орындарының Ұлттық рейтингісінің 2021 жылғы қорытындысы бойынша Қазақстанның үздік ЖОО анықталды.
Аталған рейтингке қатысқан мемлекетіміздің 85 жоғары оқу орындарының ішінде Қорқыт ата атындағы Қызылорда университеті 7 орынға ие болып, ҚР Бас рейтингі Топ-20 құрамына енді.

Қазақстанның үздік ЖОО: Қорқыт ата университеті нешінші орында?

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қазақстанда оқушылардың мектепке бірқатар затты алып келуге тыйым салынған. Бұл туралы ҚР ІІМ әкімшілік полиция комитетінің төрағасы Мұрат Баймұқашев айтып берді, деп хабарлайды&nbsp;<a href="https://stan.kz/">Stan.kz</a>.
Оның атап өтуінше, мектепке алып келуге тыйым салынған заттардың тізіліміне қару-жарақ, пышақ, рогатка, кастеттер және соған ұқсас заттар кіреді.
<blockquote>
 «Сонымен қатар жарылғыш құрылғы имитаторын, аэрозольды бояуды, пиротехникалық заттарды және газ баллондарын алып келуге тыйым салынады», – деді Мұрат Баймұқашев.
</blockquote>

Қазақстандық оқушыларға мектепке қандай заттарды әкелуге тыйым салынады

<h5 id="kyzylordanewskzhttpskyzylordanewskzkogamqyzylordaqalasynajaqswmenqamtamasyzetwzhumystaryqarqynaldy111001nbsp500250"><a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a>&nbsp; ЖОО студенттеріне 500 мың теңгеден төрт стипендия, арнайы мектеп оқушыларына 250 мың теңге көлеміндегі алты стипендия бөлінеді.</h5>
Батырхан Шүкенов атындағы қоғамдық қоры келесі оқу орындарының үрмелі аспаптар бөлімшелерінің студенттері мен оқушыларына Батырхан Шүкенов атындағы 2021-2022 оқу жылына арналған стипендия жариялайды:
<ul>
<li>Қазақ ұлттық өнер университеті (Нұр-Сұлтан);</li>
<li>Құрманғазы атындағы қазақ ұлттық консерваториясы (Алматы);</li>
<li>Қазақ ұлттық өнер университеті жанындағы мамандандырылған мектеп (Нұр-Сұлтан);</li>
<li>Күләш Байсейітова атындағы дарынды балаларға арналған республикалық мамандандырылған музыкалық орта мектеп-интернаты (Алматы);</li>
<li>Ахмет Жұбанов атындағы дарынды балаларға арналған республикалық қазақ мамандандырылған музыкалық мектеп-интернаты (Алматы);</li>
<li>Қарағанды дарынды балаларға арналған мамандандырылған музыка мектеп-интернаты (Қарағанды);</li>
<li>Музыкаға дарынды балаларға арналған облыстық мамандандырылған мектеп-лицей-интернаты (Өскемен);</li>
<li>Музыкалық колледж – дарынды балаларға арналған музыкалық мектеп-интернаты (Павлодар).</li>
</ul>
Батырхан Шүкенов атындағы шәкіртақыны алуға өтінішті 12 қыркүйекке дейін&nbsp;<a href="https://batyr.foundation/our-project/stipendiya">batyr.foundation</a>&nbsp;сайтында толтыру қажет. Стипендия алуға жоғарыда көрсетілген оқу орындарының студенттері мен оқушылары ғана келесі аспаптар сыныптары бойынша үміткер бола алады:
Ағаш үрмелі музыкалық аспаптары:
<ul>
<li>гобой;</li>
<li>кларнет;</li>
<li>саксофон;</li>
<li>фагот;</li>
<li>флейта.</li>
</ul>
Жезден жасалған музыкалық аспаптар:
<ul>
<li>валторна;</li>
<li>тромбон;</li>
<li>труба;</li>
<li>туба.</li>
</ul>
Стипендия стипендияны алушының есеп шотына қаражат аудару арқылы біржолғы төлем болып табылады.
2021-2022 жылдарға арналған стипендия саны:
<ul>
<li>көрсетілген жоғары оқу орындары үшін бір стипендиатқа 500 мың теңге мөлшерінде төрт стипендия;</li>
<li>көрсетілген мамандандырылған мектептер үшін бір стипендиатқа 250 мың теңге мөлшерінде алты стипендия бөлінеді.</li>
</ul>
Байқауға қатысу шарттарымен толығырақ қордың сайтынан танысуға болады. Ал жалпы келесі шарттар орындалуы тиіс:
<ul>
<li>кәмелетке толмаған үміткерлер ата-анасының, қамқоршысының немесе педагогының байланыс деректерін ұсынуға міндетті;</li>
<li>былтырғы стипендия иегерлері, тәуелсіз іріктеу комиссиясы мүшелерінің, сондай-ақ Болат Өтемұратов қоры мен Батырхан Шүкенов атындағы қоғамдық қор қызметкерлерінің жақын туыстарының конкурсқа қатысуға құқығы жоқ;</li>
<li>стипендияға тек Қазақстан азаматтары ғана үміткер бола алады;</li>
<li>іріктеу екі кезеңнен тұрады: онлайн-тур және бірінші турдан өткендерге арналған сұхбат;</li>
<li>стипендиаттар сыйлық алғаннан кейін фото және бейнетүсірілімге қатысуға келіседі.</li>
</ul>
2020 жылы Батырхан Шүкенов атындағы шәкіртақыны алуға Алматы, Нұр-Сұлтан, Павлодар мен Қарағандыдағы арнайы мектептердің оқушылары, Құрманғазы атындағы қазақ ұлттық консерватория мен астанадағы Қазақ ұлттық өнер университетінің студенттері ниет білдірді. Олардың бәрі – үрмелі аспапта ойнайтындар.
<a href="https://informburo.kz/kaz/batyrxan-sukenov-atyndagy-2021-2022-oqu-zylyna-arnalgan-stipendiya-zariyalandy">Informburo</a>

Батырхан Шүкенов атындағы 2021-2022 оқу жылына арналған стипендия жарияланды

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a>&nbsp; Ішкі істер министрлігінде Білім беру ұйымдарында оқушылардың қауіпсіздігін қамтамасыз ету мәселелері бойынша кезектен тыс жедел кеңес өтті. Кеңес барысында министр Ерлан Тұрғымбаев ІІМ қызметтері мен аумақтық полиция департаменттерінің басшыларына барлық білім беру мекемелерін бейнебақылау жүйелерімен, қызметкерлер мен келушілерді хабардар ету құралдарымен, дабыл түймелерімен, күзет сигнализациясымен және күзетпен жарақтандыруды тексеруді тапсырды.
17 мамырда басталатын “Қару” жедел алдын алу іс-шарасы шеңберінде қару мен оқ-дәрілерді сатудың заңдылығын, оларды қару дүкендерінде, сондай-ақ атыс қаруының иелері болып табылатын заңды және жеке тұлғаларда қауіпсіз сақтау шарттарын тексеруді қамтамасыз ету тапсырылды.
Сондай-ақ қатыгездік пен зорлық-зомбылықты насихаттау фактілерін анықтау және ден қою үшін интернет-кеңістіктің тұрақты мониторингі жүзеге асырылатын болады.
<blockquote>
 «Балалар – қоғамның ең осал бөлігі. Сондықтан олардың қауіпсіздігі әрқашан басымдыққа ие. Жергілікті атқарушы органдармен, білім беру мекемелерімен және азаматтармен бірлесіп біз балалардың мектептерде білім алып, ата-аналардың бала қауіпсіздігі туралы алаңдамауы үшін барлық қажетті шараларды қабылдауға тиіспіз», – деді ІІМ басшысы Ерлан Тұрғымбаев.
</blockquote>

ІІМ білім беру мекемелерінде тексеруді бастады

<a href="https://kyzylorda-news.kz/">Kyzylorda-news.kz</a>. Қазақ тіліндегі ұстаз, мұғалім сөздерін қазақстандықтар бір-бірімен жиі шатастырады. Олардың айырмашылығы неде?
Мұғалім – мамандық атауы, ал ұстаз — көркем тіл элементі, экспрессивті, эстетикасы күшейтілген сөз. Сол себепті ол көбіне көркем әдебиетте қолданылады.
“Ұстаз” сөзін адамның басқа біреуге қарым-қатынасы жайлы айтқанда қолданады. Мысалы, “Ахмет Йассауидің ұстазы Арыстан баб”, “Ескендірдің ұстазы Аристотель”.
“Мұғалім” сөзі жалпы мамандық, кәсіп атауы. Сондықтан оның қолданылу аясы ұстаз сөзіне қарағанда кеңірек.
“Мектепте ұстаз” емес, “Мектепте мұғалім” дұрыс болады. “Математика пәнінің ұстазы” емес, “математика пәнінің мұғалімі”.
<a href="https://stan.kz/mygalim-men-ystazdin-ayirmashiligi-346813/">Stan.kz</a>

Мұғалім мен ұстаздың айырмашылығы қандай?

<a href="https://kyzylorda-news.kz/">Kyzylorda-news.kz</a>. Білім және ғылым министрі Асхат Аймағамбетов биыл магистратура мен докторантураға түсушілердің қалай емтихан тапсыратынын айтты.
Министр оқуға түсу бағыты бойынша ашықтық пен әділдікті қамтамасыз ету мақсатында емтиханды ғана емес, барлық іріктеу іс-шарасының форматы өзгеретінін айтты.
Сондай-ақ ҰБТ-ны электронды форматқа көшіру туралы бастаманы қоғам жақсы қабылдағанын атап өтті.
<blockquote>
 “Біз биыл ақпанда алғаш рет оқушылар арасында республикалық олимпиаданы электронды форматта өткіздік. Әр қатысушыға жеке компьютер берілді, әр оқушының іс-әрекетін бейнекамера бақылап отырды. Сонымен қатар арнайы орталықта кезекшілер барлық процесті қадағалап, прокторинг жүйесі де қолданылды. Әлеуметтік желілерде және арнайы порталда ашық трансляция жүргізілді”, – деп жазды министр&nbsp;<a href="https://www.facebook.com/1120704037/posts/10218442234623422/?d=n">Facebook</a>-тегі парақшасында.
</blockquote>
Айтуынша, биыл олимпиада тапсырмаларын тексеру жүйесі де өзгерді. Бұрын қазылар алқасы мүшесіне балалардың жұмысы пропорционалды түрде берілсе, енді бағалау кезінде субъективизмді төмендету үшін қазылар алқасының әр мүшесі бір ғана тапсырманы көріп, бағалады.
Енді келешекте олипиаданың облыстық және республикалық кезеңдері тек осындай форматта өтеді.
Биыл докторантураға түсу емтихандары ҰБТ-ға қойылған талап негізінде Ұлттық бірыңғай тестілеу жүргізілген пунктерде өтеді.
<blockquote>
 “Бұл бізге “ректорлар тізімі” деген алып-қашпа сөзді және осындай тәуекелдерді ұмытып, докторантураға ең мықты және лайықты үміткерлердің оқуға түсуіне тиісті жағдай жасауға мүмкіндік береді деп ойлаймын”, – деп жазды Аймағамбетов.
</blockquote>
Биыл докторантураға түскісі келгендер эссе мен басқа да тапсырмаларды компьютер арқылы бейнекамера алдында отырып жазады.
Айта кетейік, өткен жылы магистратураға түсушілер емтиханды пилоттық режимде электронды форматта тапсырды.
<blockquote>
 “Оқуға түскен азаматтар емтиханның расында әділ түрде өткенін айтып жатыр. Биыл бұл жұмыс жалғасады. Енді магистратураның емтихандары да осы форматта өтеді”, – дейді министр.
</blockquote>
Осылайша, олимпиада, ҰБТ, магистратура мен докторантураға түскенге дейінгі барлық процесс электронды форматқа ауысты.

Қазақстан және Қызылорда облысының жаңалықтары: Білім